BTV NEWS

កិច្ចប្រជុំអគ្គនាយកគយអាស៊ានលើកទី៣៥ បានចាប់ផ្តើមជាផ្លូវការ ខណៈកម្ពុជាធ្វើជាម្ចាស់ផ្ទះ

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តកំពង់ធំ

ប្រធានអង្គការមូលនិធិអភិវឌ្ឍន៍មូស្លីមកម្ពុជា ផ្ដល់អំណោយជូនជនភៀសសឹកចំនួន ១៥០០គ្រួសារ នៅខេត្តបន្ទាយមានជ័យ

ប្រមុខការទូតកម្ពុជាធ្វើបទបង្ហាញជូនអង្គទូត ស្តីពីការសម្រេចចិត្តរបស់កម្ពុជា ពាក់ព័ន្ធនឹងតំបន់ទាមទារដែនសមុទ្រត្រួតគ្នាជាមួយ ប្រទេសថៃ

ព័ត៌មានជាតិ

សម្ដេចធិបតី៖ រាជរដ្ឋាភិបាលចាត់ទុកការកែទម្រង់ច្បាប់ និងប្រព័ន្ធយុត្តិធម៌ជាការងារអាទិភាព

ក្នុងឱកាសអញ្ជើញជាអធិបតីពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវីសរុប១,៦៦០រូប នៅព្រឹកថ្ងៃទី៥ ខែកញ្ញា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសសន៍បញ្ជាក់ថា រាជរដ្ឋាភិបាលអាណត្តិទី៧ នៃរដ្ឋសភា បានចាត់ទុកការកែទម្រង់ច្បាប់ និងប្រព័ន្ធយុត្តិធម៌ជាការងារអាទិភាព និងបានរៀបចំការងារកំណែទម្រង់នេះជាមុំមួយក្នុងចំណោមមុំទាំង៥ នៃយុទ្ធសាស្រ្ដបញ្ចកោណដំណាក់កាលទី១ របស់រាជរដ្ឋាភិបាល។ សម្ដេចធិបតីនាយករដ្ឋមន្រ្ដីបញ្ជាក់ថា ដើម្បីដោះស្រាយបញ្ហាប្រឈមចំពោះមុខ នៅក្នុងនីតិកាលទី៧នៃរដ្ឋសភារាជរដ្ឋភិបាលបានដាក់ចេញនៅវិធានការគន្លឹះជាអាទិភាពចំនួន៥ រួមមានទី១ ការពង្រឹងសមត្ថភាពរដ្ឋបាលសាធារណៈ, ទី២ ការលើកកម្ពស់គុណភាពអប់រំ, ទី៣ ការលើកកម្ពស់គុណភាពសេវាសុខាភិបាល ទី៤ ការពង្រឹងការអនុវត្តគោលនយោបាយភូមិ ឃុំ មានសុវត្ថិភាព និងទី៥ ការពង្រឹងការលើកកម្ពស់គុណភាព និងប្រសិទ្ធភាពនៃប្រព័ន្ធយុត្តិធម៌នេះឯង។ សូមជម្រាបថា ដើម្បីលើកម្ពស់គុណភាព និងប្រសិទ្ធភាពនៃប្រព័ន្ធយុត្តិធម៌ឱ្យកាន់តែល្អប្រសើរ រាជរដ្ឋាភិបាលនីតិកាលទី៧ បានសម្រេចប្រគល់ភារកិច្ចជូនក្រសួងយុត្តិធម៌ក្នុងការរៀបចំ ផែនការ សកម្មភាពជាក់ស្ដែង សំដៅធ្វើយ៉ាងណាសម្រេចឱ្យបាននូវកិច្ចការងារអាទិភាពសំខាន់ៗចំនួន៣ រួមមានទី១ ការបង្កើតយន្តការដោះស្រាយវិវាទក្រៅប្រព័ន្ធតុលាការបន្ថែម លើយន្តការដែលមានស្រាប់ ដើម្បីជួយសម្របសម្រួល ដោះស្រាយវិវាទឱ្យបានឆាប់រហ័ស ជាពិសេសវិវាទរបស់ប្រជាពលរដ្ឋនៅមូលដ្ឋាន។ ទី២ ការជំរុញ និងការដោះស្រាយសំណុំរឿងក្ដីនៅតាមតុលាការឱ្យបានឆាប់រហ័ស និងទី៣ ការត្រួតពិនិត្យ និងដោះស្រាយភាពមិនប្រក្រតីនៅតាមតុលាការសំដៅជួយដោះស្រាយរកយុត្តិធម៌ជូនប្រជាពលរដ្ឋ ក៏ដូចជាការលើកកម្ពស់តម្លាភាព សុចរិតភាព និងភាពត្រឹមត្រូវក្នុងការអនុវត្តច្បាប់ និងចំណាត់ការរឿងក្ដីដោយតុលាការ៕អត្ថបទ៖វ៉ន ដារ៉ា

សម្ដេចធិបតី៖ វិធានការច្បាប់ក្នុងព្រឹត្តិការណ៍ថ្ងៃទី១៨ សីហា គឺដើម្បីធានាសេចក្ដីសុខដល់ទាំងអស់គ្នា

ក្នុងឱកាសអញ្ជើញជាអធិបតីពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវីសរុបនៅព្រឹកថ្ងៃទី៥ ខែកញ្ញានេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា ការអនុវត្តវិធានការច្បាប់ចំពោះក្រុមជ្រុលនិយមមួយក្ដាប់តូច ដែលបង្កើតព្រឹត្តិការណ៍ធ្វើបាតុកម្ម ប៉ុនប៉ងផ្ដួលរំលំរាជរដ្ឋាភិបាល និងដុតប្រទេស កាលពីថ្ងៃទី១៨ ខែសីហា ឆ្នាំ ២០២៤ កន្លទៅ គឺដើម្បីរក្សាឱ្យបាននូវសុខសន្ដិភាព និងស្ថិរភាពជូនដល់ប្រជាពលរដ្ឋ និងសង្គមជាតិទាំងមូល។ សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់ថា ការអនុវត្តច្បាប់ត្រឹមត្រូវ កាលពីថ្ងៃទី១៨ ខែសីហាកន្លងទៅនោះហើយ ទើបអាចធានាបាននូវសុខសន្ដិភាពរហូតមកដល់ថ្ងៃនេះ ដោយគ្មានការព្រួយបារម្ភអំពីអស្ថិរភាពនៅក្នុងសង្គមជាតិឡើយ។ សម្ដេចធិបតីបញ្ជាក់ថា ការបញ្ជេញមតិរបស់ប្រជាពលរដ្ឋពាក់ព័ន្ធទៅនឹងការស្នេហាជាតិ និងការបាត់បង់ទឹកដី គឺជារឿងត្រឹមត្រូវ និងជាសិទ្ធិរបស់ពលរដ្ឋ ហើយដើម្បីឆ្លើយតបទៅនឹងកង្វល់របស់ប្រជាពលរដ្ឋ រាជរដ្ឋាភិបាលក៏បានពន្យល់ជាបន្តបន្ទាប់អំពីកង្វល់ដែលប្រជាពលរដ្ឋបានលើកឡើងកន្លងមកផងដែរ។ ប៉ុន្ដែសកម្មភាពកាលពីថ្ងៃទី១៨ ខែសីហា កន្លងទៅនេះ មានក្រុមជ្រុលនិយមមួយក្ដាប់តូច ចង់បង្វែស្ថានការណ៍រឿង CLV ទៅជារឿងផ្សេង ដែលខុសពីគោលគំនិតដើមរបស់ប្រជាពលរដ្ឋភាគច្រើនដែលបង្ហាញពីការព្រួយបារម្ភរបស់ខ្លួនអំពីអនាគតប្រទេសជាតិ ដែលក្រុមជ្រុលនិយមយកស្ថានភាពនេះបង្កើតផែនការដើម្បីដុតប្រទេសតែម្ដង។តាមប្រសាសន៍សម្ដេចធិបតីកាលពីព្រឹត្តិការណ៍ថ្ងៃទី១៨ សីហា សមត្ថកិច្ចបានឃាត់ខ្លួនក្រុមជ្រុលនិយមដែលប៉ុនប៉ងធ្វើបាតុកម្មចំនួន ៦៦ នាក់ ក្នុងនោះបានកសាងសំណុំរឿងបញ្ជូនទៅតុលាការចំនួន ៩ នាក់ ចំណែកអ្នកផ្សេងទៀតបានធ្វើការណែនាំឱ្យត្រលប់ទៅផ្ទះវិញ៕ អត្ថបទ៖ វ៉ន ដារ៉ា

មន្រ្តីច្រកទ្វារព្រំដែនអន្តរជាតិអូរស្មាច់ នៅតែអនុវត្តវិធានត្រួតពិនិត្យលើអ្នកដំណើរចេញចូល ដើម្បីការពារសុវត្ថិភាព

ឧត្តរមានជ័យ៖ មន្រ្តីនគរបាលអន្តោប្រវេសន៍ច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ នៅតែអនុវត្តតួនាទីរបស់ខ្លួនយ៉ាងខ្ជាប់ខ្ជួន លើសកម្មភាពត្រួតពិនិត្យលើការធ្វើដំណើរឆ្លងដែន ចេញ-ចូល ជាប់ជាប្រចាំ ដើម្បីធានាបាននូវសុខសុវត្ថិភាព ចំពោះអ្នកដំណើរ ក៏ដូចជាពលករឆ្លងដែន ដែលចេញចូលតាមច្រកនេះ។លោកវរសេនីយ៍ឯក ស្រេង ធារី នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិអូរស្មាច់ នៅព្រឹកថ្ងៃទី៥កញ្ញាឆ្នាំ២០២៤នេះ បានឱ្យដឹងថា ដោយអនុវត្តតាមបទបញ្ជាររបស់ឯកឧត្តម ឧត្តមសេនីយ៍ឯក សុខ វាសានា អគ្គនាយកនៃអគ្គនាយកដ្ឋាននគរបាលអន្តោប្រវេសន៍ មន្រ្តីច្រកទ្វារព្រំដែនអន្តរជាតិអូរស្មាច់ បានអនុវត្តការងារស្នូលជាប់ជាប្រចាំរបស់ខ្លួនក្នុងការត្រួតពិនិត្យលើអ្នកដំណើរឆ្លងដែនចេញចូលក្នុងប្រទេសបានយ៉ាងល្អប្រសើរ ក្នុងការប្រថាប់ត្រា ក៏ដូចជាការផ្តល់ទិន្នការ បែបបទនានាផ្សេងៗប្រកបដោយប្រសិទ្ធភាពផងដែរ។លោក បានបន្តឲ្យដឹងថា បច្ចុប្បុន្ននេះ កំណើនអ្នកធ្វើដំណើរភ្ញៀវជាតិ-អន្តរជាតិ តាមច្រកទ្វារព្រំដែនអន្តរជាតិអូរស្មាច់ ក្នុងភូមិសាស្រ្តខេត្តឧត្តរមានជ័យ គឺមានសភាពធម្មតាក្នុងការចេញចូលក្នុងប្រទេស មិនមានអ្វីគួរឲ្យមានការបារម្ភនោះទេ។ក្នុងនោះដែរ មន្រ្តីឈរជើងប្រចាំការនៅច្រកទ្វារតែងតែជួយសម្របសម្រួលរាល់បញ្ហាឯកសារផ្សេងៗជូនដល់អ្នកដំណើរទាំងអស់ ដើម្បីផ្តល់ភាពងាយស្រួល ដល់បងប្អូនក្នុងការឆ្លងដែនចេញ-ចូល ប្រកបដោយភាពរលូនផងដែរ៕

សម្តេចធិបតី៖ មកដល់ថ្ងៃនេះ ពលរដ្ឋចូលរួមមូលនិធិកសាងផ្លូវតាមព្រំដែនមានជាង៤០ម៉ឺននាក់ ទទួលបានថវិកាជិត២០លានដុល្លារ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា រហូតដល់ថ្ងៃនេះ មានបងប្អូនប្រជា ពលរដ្ឋជាង៤០ម៉ឺននាក់ហើយ ដែលបានចូលរួមមូលនិធិជាមួយរាជរដ្ឋាភិបាល ក្នុងការកសាងហេដ្ឋារចនា សម្ព័ន្ធតាមព្រំដែន ដោយទទួលបានថវិកាជិត ២០លានដុល្លារអាមេរិក។ក្នុងឱកាសអញ្ជើញក្នុងពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវី នាព្រឹកថ្ងៃទី ៥ ខែកញ្ញា ឆ្នាំ២០២៤នេះសម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា ចលនាជាតិ និយម និងសាមគ្គីភាពរបស់បងប្អូនប្រជាពលរដ្ឋទាំងក្នុង និងក្រៅប្រទេស ដែលបានចូលរួមមូលនិធិកសាងហេដ្ឋារចនាសម្ព័ន្ធតាមព្រំដែន បានធ្វើឡើងយ៉ាងផុលផុសមិនថាតិច ឬច្រើននោះទេ ពោលគឺមួយថ្ងៃៗគឺមានរហូតដល់ជាង១ម៉ឺននាក់ទៅពីរម៉ឺននាក់ឯណោះ ខណៈមូលនិធិនេះ មិនទាន់ត្រូវបានបិទនោះទេ ហើយសម្តេចក៏បានប្រកាសថ្លែងអំណរអរគុណដល់បងប្អូនប្រជាពលរដ្ឋមកពីគ្រប់ទិសទី ដែលបានចូលរួមនូវមូលនិធិនេះផងដែរ។រាជារដ្ឋាភិបាលបានសម្រេចបង្កើត«មូលនិធិកកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណង ដើម្បីកៀគរថវិកាបន្ថែមសម្រាប់កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ដោយកម្មវិធីមូលនិធិនេះក៏ជាការផ្តល់ឱកាសឲ្យបងប្អូនប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជដ្ឋាភិបាលនៅក្នុងបុព្វហេតុការពារ និងអភិវឌ្ឍន៍ជាតិ ក្នុងស្មារតីសាមគ្គីជាតិខ្មែរ ដើម្បីថែរក្សាសុខសន្តិភាព អធិបតេយ្យ និងបូរណភាពទឹកដី ក៏ដូចជាការ ជំរុញការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំ និងប្រកបដោយចីរភាពជាដើម។ភ្លាមៗបន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានអំពាវនាវ និងសម្រេចបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន»នាថ្ងៃទី២៦ ខែសីហា ឆ្នាំ២០២៤នេះបង ប្អូនប្រជាពលរដ្ឋខ្មែរមកពីគ្រប់ទិសទី កងកម្លាំងប្រដាប់អាវុធគ្រប់ប្រភេទ មន្រ្តីរាជការគ្រប់លំដាប់ថ្នាក់ទាំងអស់ បានចូលរួមបរិច្ចាគថវិកាជាបន្តបន្ទាប់យ៉ាងផុលផុសបំផុត ខណៈចលនានៃការចូលរួម បរិច្ចាគនេះគឺជាការបង្ហាញនូវសាមគ្គីភាពជាធ្លុងមួយ ដើម្បីជាឧត្តមប្រយោជន៍ជាតិ និងប្រជាជនកម្ពុជាទាំងមូលនោះ។នៅក្នុងឱកាសអញ្ជើញក្នុងពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវី នាព្រឹកថ្ងៃទី ៥ ខែកញ្ញា ឆ្នាំ២០២៤នេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានអំពាវនាវដល់ បងប្អូនប្រជាពលរដ្ឋខ្មែរទាំងក្នុង និងក្រៅប្រទេសទាំងអស់បន្តចូលរួមនូវមូលនិធិនេះឲ្យបានគ្រប់ៗគ្នាផងដែរ ដើម្បីផលប្រយោជន៍ជាតិ និងប្រជាជនខ្មែរយើងទាំងអស់គ្នា ជាពិសេសគឺជំរុញសេដ្ឋកិច្ច និងទេសចរណ៍ នៅតាមព្រំដែននេះតែម្តង៕អត្ថបទបាន ចក់

សម្តេចធិបតី៖ មេធាវីគឺជាតួអង្គយ៉ាងសំខាន់ ក្នុងការចូលរួមចំណែកលើកកម្ពស់យុត្តិធម៌សង្គម

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា លើកឡើងថា គណៈមេធាវីគឺជាតួអង្គយ៉ាងសំខាន់ ក្នុងការចូលរួមចំណែកលើកកម្ពស់យុត្តិធម៌សង្គម តាមនីតិរដ្ឋ ជួយការពារក្តីជូនជនក្រីក្រ និងជួយជនងាយរងហានិភ័យងាយរងគ្រោះដោយឥតគិតថ្លៃ ការជួយពិគ្រោះផ្តល់យោបល់ដល់ជនក្រីក្រ កម្មករ និយោជិត និងគ្រូបង្រៀនដោយឥតគិតថ្លៃជាដើម។នៅក្នុងឱកាសអញ្ជើញក្នុងពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវី នាព្រឹកថ្ងៃទី ៥ ខែកញ្ញា ឆ្នាំ២០២៤នេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី បានថ្លែងថា រាជរដ្ឋាភិបាល បានយកចិត្តទុកដាក់យ៉ាងខ្លាំងក្នុងកិច្ចការពារសិទ្ធរបស់បងប្អូនប្រជាពលរដ្ឋខ្មែរ ជាពិសេសបងប្អូនដែលរងនូវហានិភ័យ ខណៈរាជរដ្ឋាភិបាលអាណត្តិទី៧ នៃរដ្ឋសភានេះ នៅតែបន្តផ្តល់ជំនួយផ្នែកច្បាប់ដល់ជនក្រីក្រដដែល ដោយក្នុងនោះរាជរដ្ឋាភិបាលបានចាត់ចែងមេធាវីជួយដល់ជនរងគ្រោះ ដោយសារបញ្ហាអចលនទ្រព្យ ពីការឆបោកដោយសារបញ្ហាដីធ្លី ស្រ្តីមេម៉ាយ និងករណីមួយចំនួនបន្ថែមទៀតផងដែរ។ជាមួយគ្នានោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានលើកឡើងផងដែរថា ការប្រើប្រាស់ច្បាប់គឺមានសារៈ សំខាន់ខ្លាំងណាស់ ពោលគឺមិនត្រឹមតែជួយប្រជាពលរដ្ឋការពារសិទ្ធរបស់ពួកគាត់បានប៉ុណ្ណោះទេ ប៉ុន្តែច្បាប់ក៏ជាប្រទីប និងការកំណត់ព្រំដែនក្នុងការអនុវត្តច្បាប់ចំពោះជន និងបុគ្គលមួយចំនួនមិនឲ្យបំពានទៅលើសិទ្ធរបស់អ្នកដទៃ ឬសង្គមជាតិផងដែរ….។ទាក់ទងនឹងវិស័យច្បាប់នេះដែរ សម្តេចធិបតី ហ៊ុន ម៉ាណែត បានបញ្ជាក់ផងដែរថា ការអនុវត្តច្បាប់គឺដើម្បីធានានូវសិទ្ធ របស់ប្រជាពលរដ្ឋមួយចំនួនក្នុងការបញ្ចេញមតិ តែមិនឲ្យជ្រុលហួសទៅប៉ះពាល់ទៅដល់សិទ្ធសង្គម និងរបស់ប្រជាពលរដ្ឋនោះទេ ជាពិសេសគឺតាមរយៈការធ្វើសកម្មភាពលើសព្រំដែនច្បាប់ ដូចជាគ្រោងធ្វើបាតុកម្មហិង្សា រៀបចំសម្ភារ ឬប្រមូលមនុស្សដើម្បីវាយប្រហារ និងប្រឆាំងរាជរដ្ឋាភិបាលនោះ ច្បាប់នឹងមិនបណ្តោយឲ្យធ្វើបានទៅងាយស្រួលនោះឡើយ ដោយនឹងចាត់វិធានការភ្លាមៗផងដែរ ដើម្បីសេចក្តីសុខ និងស្ថិរភាពរបស់ពលរដ្ឋ និងប្រទេសជាតិនោះ៕ អត្ថបទ បាន ចក់

តំណាងមេធាវី៖ សំអាងភស្តុតាងរឹងមាំជឿជាក់ថាគ្មានការកាត់ទឹកដីអោយវៀតណាមនោះឡើយ

តំណាងមេធាវី ដែលជាអ្នកស្រាវជ្រាវ អ្នកចេះច្បាប់បានអះអាងថា កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA គ្មានការកាត់ទឹកដីកម្ពុជាឲ្យវៀតណាមនោះឡើយ។ នេះគឺជាការបញ្ជាក់ពីតំណាងមេធាវីដែលបានទទួលវិញ្ញាបនបត្រសិស្សមេធាវី និងសិក្ខាកាមមេធាវីក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជានៅព្រឹកថ្ងៃទី៥ ខែកញ្ញា ឆ្នាំ២០២៤ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ។តំណាងមេធាវី បានអះអាងថា កិច្ចសហប្រតិបត្តិការក្របខណ្ឌបែបនេះ មិនមែនមានតែកម្ពុជា ឡាវ និងវៀតណាមនោះទេ គឺបណ្តាប្រទេសផ្សេងក្នុងតំបន់អាស៊ាន អាស៊ី និងអឺរ៉ុបជាដើម ក៏បង្កើតកិច្ចសហប្រតិបត្តិការក្នុងទម្រង់ជួយគ្នាទៅវិញទៅមកដើម្បី ជំរុញកិច្ចការពាណិជ្ជកម្ម សេដ្ឋកិច្ច ទេសចរណ៍ និងការបង្កើតបាននូវព្រំដែនសន្តិភាព សាមគ្គីភាព។ តំណាងមេធាវីបានបន្តទៀតថា តាមរយៈការស្រាវជ្រាវការសិក្សាយ៉ាងលម្អិត និងក្នុងនាមជាអ្នកច្បាប់ មុននឹងជឿជាក់លើអ្វីមួយ គឺអាស្រ័យលើភស្តុតាង ដូច្នេះកិច្ចសហប្រតិបត្តិការCLV មានឯកសារយោងជាច្រើនដែលរាជរដ្ឋាភិបាលបានបង្ហាញជូនជាបន្តបន្ទាប់ ដោយគ្មានការលាក់បាំង ដែលនាំអោយពួកគាត់ហ៊ានអះអាងថា CLV-DTA គ្មានការកាត់ទឹកដីឲ្យទៅប្រទេសវៀតណាមនោះឡើយ ។ ផ្ទុយទៅវិញ CLV-DTA បាននឹងកំពុងចូលរួមចំណែកជួយលើកស្ទួយជីវភាពរស់នៅរបស់ពលរដ្ឋតាមព្រំដែន និងបានកសាងខ្សែបន្ទាត់ព្រំដែនយ៉ាងរឹងមាំ។សូមបញ្ជាក់ថាCLV បានប្រែក្លាយតំបន់អភិវឌ្ឍន៍តិចតួចទៅជាតំបន់ដែលមានការអភិវឌ្ឍន៍សេដ្ឋកិច្ចល្អ ហើយលក្ខខណ្ឌជីវភាពរស់នៅបានប្រសើរឡើងគួរឲ្យកត់សម្គាល់ដោយជាឧទាហរណ៍អំពីការកើនឡើងនៃប្រាក់ចំណូលរបស់ប្រជាពលរដ្ឋម្នាក់ៗ ក្នុងមួយឆ្នាំចាប់ពី២៩៤ដុល្លារអាមេរិក រហូតដល់ ១៣០០ដុល្លារអាមេរិកនៅពេលបច្ចុប្បន្ន៕ អត្ថបទ៖ សូដាវណ្ណ

ក្រុមការងារយុវជនគណបក្សប្រជាជនកម្ពុជាប្រចាំតំបន់កណ្តាលខាងត្បូង (Central South) សហរដ្ឋអាមេរិក ចូលរួមចំណែកកសាងហេដ្ឋារចនាសម្ព័ន្ធតាមបណ្តោយព្រំដែន

ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជាប្រចាំតំបន់កណ្តាលខាងត្បូង Central South សហរដ្ឋអាមេរិក ដឹកនាំដោយ ឯកឧត្តមបណ្ឌិត សូ វិសុទ្ធី ប្រធានក្រុមការងារ រួមជាមួយសមាជិកសមាជិការ បានចូលរួមចំណែកដោយផ្ទាល់ជាមួយរាជរដ្ឋាភិបាល ក្នុងការកសាងហេដ្ឋារចនាសម្ព័ន្ធតាមបណ្តោយព្រំដែនកម្ពុជា ក្នុងបុព្វហេតុរួមគ្នាកសាង និងការពារមាតុភូមិកម្ពុជា តាមរយៈមូលនិធិកសាងហេដ្ឋារចនាសម្ព័ន្ធតាមព្រំដែន។តបតាមការប្រកាសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា សម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធតាមបណ្ដោយព្រំដែន ដោយផ្ដោតលើការកសាងផ្លូវក្រវាត់ព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។សូមបញ្ចាក់ថ្នាក់ដឹកនាំ អង្គការចាត់តាំងយុវជនគណបក្សប្រជាជនកម្ពុជាប្រចាំតំបន់កណ្តាលខាងត្បូង Central South សហរដ្ឋអាមេរិកបានចូលរួមចំណែកបរិច្ចាគដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» សម្រាប់កសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការកសាងផ្លូវក្រវាត់ព្រំដែន ដែលគិតសរុបថវិកាមានចំនួនសរុបថវិកាចំនួន សរុបថវិកាជារៀលចំនួន 25,807,796.00៛ (ម្ភៃប្រាំលានប្រាំបីសែនប្រាំពីរពាន់ប្រាំពីររយកៅសិបប្រាំមួយរៀល) និងដុល្លារ 3,344,08$ (បីពាន់បីរយសែសិបបួនដុល្លារ)៕

បញ្ជីរាយនាមអ្នកចូលរួមក្នុងដំណើរទស្សនកិច្ចទិសឦសាន សម្រាប់ថ្ងៃសៅរ៍ ទី៧ ខែកញ្ញា ឆ្នាំ២០២៤

នាព្រឹកថ្ងៃទី៥ ខែកញ្ញា ឆ្នាំ២០២៤នេះ ក្រសួងព័ត៌មាន បានជូនដំណឹងពីការបិទបញ្ចប់ការចុះឈ្មោះដំណើរទស្សនកិច្ចទិសឦសាន ដោយឥតគិតថ្លៃទៅកាន់តំបន់បណ្តោយព្រំដែនក្នុង «ខេត្តត្បូងឃ្មុំ-ក្រចេះ-មណ្ឌលគិរី» (សម្រាប់ថ្ងៃសៅរ៍ ទី៧ និងទី១៤ ខែកញ្ញា ឆ្នាំ២០២៤)។ ជាមួយគ្នានេះ ក្រសួងព័ត៌មានក៏បានបង្ហាញបញ្ជីរាយនាមអ្នកចូលរួមក្នុងដំណើរទស្សនកិច្ចទិសឦសាន (តាមតំបន់បណ្ដោយព្រំដែនក្នុង «ខេត្តត្បូងឃ្មុំ ក្រចេះ និងមណ្ឌលគិរី») សម្រាប់ថ្ងៃសៅរ៍ ទី៧ ខែកញ្ញា ឆ្នាំ២០២៤ ផងដែរ។

កម្មករនិយោជិតរោងចក្រសេងយ៉ុង(Zheng Yong) ចូលរួមថវិកាជាមួយរដ្ឋាភិបាលព្រោះចង់ជួយអភិវឌ្ឍន៍ព្រំដែន

កម្មករនិយោជិតរោងចក្រកាត់ដេរសម្លៀកបំពាក់សេងយ៉ុង (Zheng Yong) នៅរាជធានីភ្នំពេញ រីករាយចូលរួមបរិច្ចាគថវិកាជូនមូលនិធិកសាងហេដ្ឋារចនាសម្ព័ន្ធតាមព្រំដែនជាមួយរាជរដ្ឋាភិបាល នៅថ្ងៃទី៤ ខែកញ្ញា ឆ្នាំ២០២៤នេះ ព្រោះស្រាលាញ់ជាតិ និងចង់ជួយអភិវឌ្ឍន៍តំបន់ព្រំដែន។ លោក ចំរើន តុលា កម្មកររោងចក្រសេងយ៉ុង (Zheng Yong) បានបង្ហាញការសប្បាយចិត្ត ចំពោះរាជរដ្ឋាភិបាល ដែលបានរៃអង្គាសជាថវិកាដើម្បីធ្វើការអភិវឌ្ឍផ្លូវតាមតំបន់ព្រំដែន។ ក្នុងនាមជាប្រជាពលរដ្ឋមួយរួបលោកបានចូល រួមថវិកាដោយស្ម័គ្រចិត្តដើម្បីចូលរួមជាមួយរាជរដ្ឋាភិបាល ក្នុងការអភិវឌ្ឍនតំបន់ព្រំដែនឱ្យកាន់តែមានភាពរីកចម្រើន អ៊ូរអរកាន់តែខ្លាំង។ លោកចំរើន តុលា និយាយថា៖«ខ្ញុំបានចូលរួមជាថវិកាជាមួយរាជរដ្ឋាភិបាលក្នុងការកសាងសាលារៀន ផ្លូវ មន្ទីរពេទ្យនៅតំបន់ព្រំដែន ដែលការចូលរួមនេះមិនមែនជាការបង្ខិតបង្ខំឱ្យចូលរួមទេ ប៉ុន្តែជាទឹកចិត្តសុទ្ធសាធរបស់ខ្ញុំជាប្រជាពលរដ្ឋទោះបីតិចក្តីច្រើនក្តីក៏ដោយ»។ស្រដៀងគ្នានេះកញ្ញា ឡាយ ណាំ បានលើកឡើងផងដែរថា៖«ខ្ញុំសប្បាយចិត្តដែលបានចូលរួមចំណែកក្នុងការអភិវឌ្ឍប្រទេសជាតិ ទោះបីតិចក្តីច្រើនក្តី ប៉ុន្តែវាជាទឹកចិត្តរបស់ខ្ញុំផ្ទាល់»។ ជាមួយគ្នានោះអ្នកស្រីម៉ាន អៃសះ ជាកម្មកររោងចក្រសេងយ៉ុង Zheng Yong ម្នាក់ទៀត និយាយថា ៖«នាងខ្ញុំ បានបរិច្ចាគថវិកាទៅមូលនិធិកសាងផ្លូវតាមព្រំដែន ដោយការពេញចិត្ត អត់មានអ្នកណាបង្ខំទេ ព្រោះនេះជាការពេញចិត្តចូលរួមក្នុងការកសាងផ្លូវ ដើម្បីអភិវឌ្ឍន៍ប្រទេស ទោះបីលុយតិចតួច ជាទឹកចិត្តរបស់ពួកខ្ញុំ»។ ទន្ទឹមនឹងការចូលរួមយ៉ាងផុលផុសនោះ កម្មករកម្មការិនីនៅរោងចក្រ សេងយ៉ុង (Zheng Yong) ក៏បានអំពាវនាវ ដល់ កម្មករនិយោជិត ដទៃទៀតនៅទូទាំងប្រទេសចូលរួមបរិច្ចាគជូនទៅ មូលនិធិកសាងហេដ្ឋារចនាសម្ព័ន្ធ ឱ្យបានគ្រប់គ្នា ព្រោះការអភិវឌ្ឍតំបន់ព្រំដែន នឹងធ្វើឱ្យព្រំដែនប្រទេសជាតិរឹងមាំ មានភាពអ៊ូអរ មានទេសចរមកលេង កម្សាន្តបានកាន់ តែច្រើន។ លោក ពុំ ប៉ន កម្មកររោងចក្រសេងយ៉ុង (Zheng Yong) និយាយថា៖«ខ្ញុំសូមអំពាវ នាវដល់បងប្អូនទាំងអស់គ្នាជួយ ចូលរួម មូលនិធិរបស់សម្តេចហ៊ុនម៉ាណែតឱ្យបានគ្រប់គ្នាដើម្បី កសាងផ្លូវថ្នល់តាមព្រំដែន របស់យើងទាំងអស់គ្នា»។ រីឯកញ្ញាសួង ស្រីពៅ កម្មការិនីរោងចក្រ សេងយ៉ុង (Zheng Yong) ម្នាក់ទៀត បាននិយាយថា៖«ខ្ញុំគិតថាល្អ ហើយ សប្បាយចិត្តដែលរាជរដ្ឋាភិបាលបានកសាងផ្លូវតាមព្រំដែន ក្នុងនាមខ្ញុំជាប្រជាពលរដ្ឋបានចូលរួម នូវមូលនិធិនេះដើម្បីអភិវឌ្ឍន៍ប្រទេសជាតិយើង ហើយខ្ញុំសូមអំពាវនាវដល់ប្រជាពលរដ្ឋគ្រប់គ្នាឱ្យចូលរួមនូវគម្រោង សាងសង់របស់ សម្តេចយើង»។ ដូចគ្នានេះដែរ លោកស៊ុយ សុវណ្ណឌីន កម្មកររោងចក្រសេងយ៉ុង (Zheng Yong) ប្រាប់ថា៖«ប្រទេសជាតិ អភិវឌ្ឍន៍ ទៅមុខ អាស្រ័យលើបងប្អូន ក៏ដូចជាខ្ញុំបានផ្ទាល់ និងជនរួមជាតិទាំងអស់ចូលរួម ទើបធ្វើឱ្យប្រទេសជាតិយើងរីកចម្រើន អាស្រ័យលើមូលហេតុមួយគឺ សាមគ្គីភាព យើងការពារបូរណភាពទឹកដី យើងជាខ្មែរយើងគួរតែចូលរួមមូលនិធិនេះឱ្យបានច្រើនកុះករ ខ្ញុំសូមអំពាវនាវហើយអំពាវនាវទៀតឱ្យបងប្អុនទាំងអស់ចូលរួម»៕

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវីកម្ពុជា

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី០៥ ខែកញ្ញា ឆ្នាំ២០២៤ បានអញ្ជើញជាអធិបតីភាពដ៏ខ្ពង់ខ្ពស់ ប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវី នៃគណៈមេធាវីនៃព្រះរាជាណាចក្រកម្ពុជា។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ថ្លែងថា គណៈមេធាវីគឺជាតួអង្គយ៉ាងសំខាន់ក្នុង ការចូលរួមចំណែកលើកកម្ពស់យុត្តិធម៌សង្គមតាមនីតិរដ្ឋ ជួយការពារក្តីជូនជនក្រីក្រ និងជួយជនងាយរង ហានិភ័យងាយរងគ្រោះដោយឥតគិតថ្លៃ ការជួយពិគ្រោះផ្តល់យោបល់ដល់ជនក្រីក្រ កម្មករ និយោជិត និងគ្រូបង្រៀនដោយឥតគិតថ្លៃជាដើម។-សម្ដេចធិបតី៖ ព្រឹត្តិការណ៍ថ្ងៃទី១៨ ខែសីហា មានបុគ្គលមួយចំនួនតូចនៅក្រៅប្រទេស ចង់បង្វែព្រឹត្តិការណ៍ ស្ថានភាពដុតបំផ្លាញប្រទេសជាតិផ្ដួលរំលំរាជរដ្ឋាភិបាលស្របច្បាប់ ដែលខុសពីឆន្ទៈរបស់ប្រជាជនភាគច្រើនលើសលុប នៅក្នុងប្រទេសគាត់មានកង្វល់ពីបូរណភាពទឹកដី ប៉ុន្តែមិនចង់ឲ្យប្រទេសបែកបាក់សាមគ្គីគ្នាទេ គឺចង់ឱ្យប្រទេសមានសុខសន្តិភាព។-សម្តេចធិបតី ហ៊ុន ម៉ាណែត៖ ប្រើប្រាស់ច្បាប់គឺមានសារៈសំខាន់ខ្លាំងណាស់ ពោលគឺមិនត្រឹមតែជួយប្រជាពលរដ្ឋការពារសិទ្ធរបស់ពួកគាត់បានប៉ុណ្ណោះទេ ប៉ុន្តែច្បាប់ក៏ជាប្រទីប និងការកំណត់ព្រំដែនក្នុងការអនុវត្តច្បាប់ចំពោះជន និងបុគ្គលមួយចំនួនមិនឲ្យបំពានទៅលើសិទ្ធរបស់អ្នកដទៃ ឬសង្គមជាតិផងដែរ….។-ផ្តាំទៅក្រុមប្រឆាំងមួយក្តាប់តូច ដែលកំពុងរស់នៅក្រៅប្រទេស ហើយតែងតែធ្វើការញុះញង់ពលរដ្ឋឲ្យប្រឆាំង និងផ្តួលរំលំរាជរដ្ឋាភិបាល តាមរយៈធ្វើបាតុកម្មនោះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា ច្បាប់មិនត្រឹមតែធានា និងការពារសិទ្ធពលរដ្ឋប៉ុណ្ណោះទេ ច្បាប់ក៏ជាការធានា បាននូវសេចក្តីសុខ សន្តិភាព ស្ថេរភាពសង្គមជូនប្រជាពលរដ្ឋផងដែរ ដូច្នេះបុគ្គលណាដែលមានចេតនា ចង់បំផ្លាញសេចក្តីសុខរបស់ប្រជាពលរដ្ឋ ដែលកំពុងមានសព្វថ្ងៃនេះ ច្បាប់ក៏នឹងចាត់វិធានការដោយគ្មានការលើកលែងផងដែរ។-សម្ដេចធិបតី ចោទសួរថា នេះឬជាបាតុកម្មអហិង្សា ឬយ៉ាងម៉េច? គេសង្កេតឃើញពួកក្រុមជ្រុលនិយមប្រមូលគ្នា មកភ្នំពេញដោយមានភស្តុតាងច្បាស់លាស់ មាន ដបសាំង ចំពាមកៅស៊ូគ្រាប់ដែក ប្រើប្រាស់ដ្រូន ដើម្បីប្រឆាំងនឹងអាជ្ញាធរ ។ ការធ្វើបាតុកម្មអហិង្សា គឺគេប្រើក្រដាសបដាផ្សេងៗ ដើម្បីឲ្យរដ្ឋាភិបាលដោះស្រាយនូវរឿងបញ្ហាប្រឈមផ្សេងៗ។-សម្តេចធិបតី ហ៊ុន ម៉ាណែត៖ ការអនុវត្តច្បាប់ គឺដើម្បីធានានូវសិទ្ធិ របស់ប្រជាពលរដ្ឋមួយចំនួនក្នុងការបញ្ចេញមតិ តែមិនឲ្យជ្រុលហួសទៅប៉ះពាល់ទៅដល់សិទ្ធសង្គម និងប្រជាពលរដ្ឋ តាមរយៈការធ្វើសកម្មភាពលើសព្រំដែនច្បាប់ ដូចជា គ្រោងធ្វើបាតុកម្មហិង្សា រៀបចំ សម្ភារ ឬប្រមូលមនុស្ស ដើម្បីវាយប្រហារ និងប្រឆាំងរាជរដ្ឋាភិបាលនោះ ច្បាប់នឹងមិនបណ្តោយឲ្យធ្វើបានទៅងាយស្រួលនោះទេ។-សម្តេចធិបតី ហ៊ុន ម៉ាណែត៖ កាលពីថ្ងៃទី១៨ ខែសីហា ឆ្នាំ២០២៤ កន្លងទៅនេះ សមត្ថកិច្ចបានធ្វើការឃាត់ខ្លួនជនដែលចង់បះបោះ និងចង់ផ្តួលរំលំរាជរដ្ឋាភិបាលតាមរយៈ ការញុះញង់ពីជនអគតិខាងក្រៅ គឺមានចំនួន៦៦នាក់ ក្នុងនោះ ធ្វើការដោះលែងវិញចំនួន៥៧នាក់ ដោយសារពួកគេមកតាមគេតាមឯង ដោយមិនដឹងរឿង ខណៈ៩នាក់ទៀត ដែលជាមេខ្លោង កំពុងកសាងនីតិវិធីបញ្ជូនទៅតុលាការ។ -សម្ដេចធិបតី បានស្នើឱ្យអង្គការសិទ្ធិមនុស្សពិនិត្យមើលឲ្យច្បាស់ពីអង្គហេតុអង្គច្បាប់ នៃព្រឹត្តិការណ៍ថ្ងៃ១៨សីហា ក្រុមជ្រុលនិយមមកធ្វើបាតុកម្មមានទាំងដបសាំង ចំពាមកៅស៊ូគ្រាប់ដែក និងមានជជែកគ្នាប្រើប្រាស់ដ្រូន ដើម្បីប្រឆាំងនឹងអាជ្ញាធរ មុននឹងធ្វើរបាយការណ៍ និងការបញ្ចេញមតិ។ នៅពេលរាជរដ្ឋាភិបាលអនុវត្តច្បាប់ ដើម្បីការពារសិទ្ធសេរីភាពពេញលេញរបស់ប្រជាពលរដ្ឋ ការពារសុខសន្តិភាពសុវត្ថិភាពជូនសង្គមជាតិ បែរជាថា រដ្ឋាភិបាលមិនគោរពសិទ្ធិមនុស្សទៅវិញ។នៅប្រទេសអង់គ្លេសក៏គេអនុវត្តច្បាប់ ចំពោះអ្នកធ្វើបាតុកម្មខុសច្បាប់នោះដែរ រហូតមកដល់ពេលនេះ មានការចាប់មនុស្សជាង១០០០ នាក់ ដែលធ្វើសកម្មភាពញុះញង់ផ្សេងៗ ខុសច្បាប់ នៅក្នុងប្រទេសអង់គ្លេស។-សម្តេចធិបតី នាយករដ្ឋមន្រ្តី ប្រកាសជាថ្មីម្តងទៀតថា ដើម្បីបញ្ចប់មន្ទិលសង្ស័យ និងបញ្ចប់ការព្រួយបារម្ភចំពោះបងប្អូនប្រជាពលរដ្ឋខ្លាចបាត់ដីបួនខេត្ត នៅក្នុងតំបន់ភូមិភាគ ឦសាន (ខេត្តទាំងបួន ក្នុងកិច្ចសហប្រតិបត្តិការអភិវឌ្ឍតំបន់ត្រីកោណរវាងកម្ពុជា ឡាវ និងវៀតណាម)នោះ រាជរដ្ឋាភិបាលប្តេជ្ញាអភិវឌ្ឍន៍ខេត្តទាំងបួននោះ ឲ្យកាន់តែរីកចម្រើនបន្ថែមទៀត និងខិតខំជំរុញការបោះបង្គោលព្រំដែន ឲ្យបានរួចរាល់ ជាស្ថាពរនាពេលឆាប់ៗ ខាងមុខនេះផងដែរ។

បណ្ដាញសង្គម

ព័ត៌មានថ្មីៗ

ការវាយប្រហាររបស់រុស្ស៊ី បានសម្លាប់មនុស្សច្រើននាក់ ខណៈប្រធានាធិបតីអ៊ុយក្រែនថា ការវាយប្រហារថ្មីអាចកើតឡើង

រដ្ឋមន្ត្រីការបរទេសអាមេរិក សង្ឃឹមចំពោះកិច្ចព្រមព្រៀងជាមួយអ៊ីរ៉ង់ ដោយទទូចលើការទប់ស្កាត់នុយក្លេអ៊ែរ

អ៊ីស្រាអែល និងហេសបូឡា វាយប្រហារដាក់គ្នា ខណៈក្រុមអ្នកការទូតជួបគ្នានៅទីក្រុងវ៉ាស៊ីនតោន

អាមេរិក បាញ់មីស៊ីល Hellfire ទៅលើនាវាដឹកប្រេងកំពុងធ្វើដំណើរទៅកាន់ប្រទេសអ៊ីរ៉ង់

អាមេរិកវាយប្រហារកោះ Qeshm របស់អ៊ីរ៉ង់ ខណៈទីក្រុងតេអេរ៉ង់បាញ់មីស៊ីលទៅលើកូវ៉ែត និងបារ៉ែន

អ៊ីរ៉ង់ កំពុងសិក្សាកិច្ចព្រមព្រៀងផ្អាកសង្គ្រាម ខណៈភាពជាប់គាំងនៅតែបន្ត

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សម្ដេចធិបតី៖ រាជរដ្ឋាភិបាលចាត់ទុកការកែទម្រង់ច្បាប់ និងប្រព័ន្ធយុត្តិធម៌ជាការងារអាទិភាព

សម្ដេចធិបតី៖ វិធានការច្បាប់ក្នុងព្រឹត្តិការណ៍ថ្ងៃទី១៨ សីហា គឺដើម្បីធានាសេចក្ដីសុខដល់ទាំងអស់គ្នា

សម្តេចធិបតី៖ មេធាវីគឺជាតួអង្គយ៉ាងសំខាន់ ក្នុងការចូលរួមចំណែកលើកកម្ពស់យុត្តិធម៌សង្គម

តំណាងមេធាវី៖ សំអាងភស្តុតាងរឹងមាំជឿជាក់ថាគ្មានការកាត់ទឹកដីអោយវៀតណាមនោះឡើយ

បញ្ជីរាយនាមអ្នកចូលរួមក្នុងដំណើរទស្សនកិច្ចទិសឦសាន សម្រាប់ថ្ងៃសៅរ៍ ទី៧ ខែកញ្ញា ឆ្នាំ២០២៤

កម្មករនិយោជិតរោងចក្រសេងយ៉ុង(Zheng Yong) ចូលរួមថវិកាជាមួយរដ្ឋាភិបាលព្រោះចង់ជួយអភិវឌ្ឍន៍ព្រំដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្ដេចធិបតី៖ រាជរដ្ឋាភិបាលចាត់ទុកការកែទម្រង់ច្បាប់ និងប្រព័ន្ធយុត្តិធម៌ជាការងារអាទិភាព

សម្ដេចធិបតី៖ វិធានការច្បាប់ក្នុងព្រឹត្តិការណ៍ថ្ងៃទី១៨ សីហា គឺដើម្បីធានាសេចក្ដីសុខដល់ទាំងអស់គ្នា

សម្តេចធិបតី៖ មេធាវីគឺជាតួអង្គយ៉ាងសំខាន់ ក្នុងការចូលរួមចំណែកលើកកម្ពស់យុត្តិធម៌សង្គម

តំណាងមេធាវី៖ សំអាងភស្តុតាងរឹងមាំជឿជាក់ថា​គ្មានការកាត់ទឹកដីអោយវៀតណាមនោះឡើយ

បញ្ជីរាយនាមអ្នកចូលរួមក្នុងដំណើរទស្សនកិច្ចទិសឦសាន សម្រាប់ថ្ងៃសៅរ៍ ទី៧ ខែកញ្ញា ឆ្នាំ២០២៤

កម្មករនិយោជិតរោងចក្រសេងយ៉ុង(Zheng Yong) ចូលរួមថវិកាជាមួយរដ្ឋាភិបាល​ព្រោះចង់ជួយ​អភិវឌ្ឍន៍ព្រំដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តំណាងមេធាវី៖ សំអាងភស្តុតាងរឹងមាំជឿជាក់ថាគ្មានការកាត់ទឹកដីអោយវៀតណាមនោះឡើយ

កម្មករនិយោជិតរោងចក្រសេងយ៉ុង(Zheng Yong) ចូលរួមថវិកាជាមួយរដ្ឋាភិបាលព្រោះចង់ជួយអភិវឌ្ឍន៍ព្រំដែន