BTV NEWS

ប្រធានអង្គការមូលនិធិអភិវឌ្ឍន៍មូស្លីមកម្ពុជា ផ្ដល់អំណោយជូនជនភៀសសឹកចំនួន ១៥០០គ្រួសារ នៅខេត្តបន្ទាយមានជ័យ

ប្រមុខការទូតកម្ពុជាធ្វើបទបង្ហាញជូនអង្គទូត ស្តីពីការសម្រេចចិត្តរបស់កម្ពុជា ពាក់ព័ន្ធនឹងតំបន់ទាមទារដែនសមុទ្រត្រួតគ្នាជាមួយ ប្រទេសថៃ

កម្ពុជា-ឥណ្ឌាដាក់ឱ្យដំណើរការទូទាត់ឆ្លងដែនតាមឃ្យូអរកូត ដើម្បីសម្រួលដល់ប្រជាជនឥណ្ឌាមកកម្ពុជា

គិតត្រឹមខែឧសភា ឆ្នាំ២០២៦ ក្រសួងបរិស្ថានបានបណ្តុះកូនឈើ បានចំនួនជាង៤លានដើម ក្នុងនោះដើមត្នោតចំនួនជាង១លានដើម ដើម្បីចែកជូនប្រជាពលរដ្ឋ យកទៅដាំនៅតាមទីសាធារណៈ និងដាំស្តារព្រៃ

ព័ត៌មានជាតិ

កម្មករកាត់ដេរបង្ហាញក្ដីរីករាយក្រោយទទួលសញ្ញាភ្លើងខៀវដំឡើងប្រាក់ឈ្នួលសម្រាប់ឆ្នាំក្រោយ

ក្រុមកម្មករ កម្មការិនី រោងចក្រកាត់ដេរនៅរាជធានីភ្នំពេញ បានបង្ហាញអារម្មណ៍សប្បាយរីករាយ នៅពេលទទួលដំណឹងជាវិជ្ជមាន ក្នុងការដំឡើងនូវប្រាក់ឈ្នួលអប្បបរមាសម្រាប់ឆ្នាំ២០២៥ខាងមុខបន្ថែមទៀត ខណៈភាគីសហជីពស្នើសុំដំឡើងចំនួន ១៤ដុល្លារ រីឯភាគីនិយោជកព្រមបន្ថែមចំនួន ១ដុល្លារ។កម្មករ កម្មការនីរោងចក្រកាត់ដេរសម្លៀកបំពាក់ សៅលែន ឬហៅរោងចក្រ ៦ជាន់ ស្ថិតនៅសង្កាត់ត្រពាំងថ្លឹង ខ័ណ្ឌពោធិ៍សែន នៅព្រឹកថ្ងៃទី២ ខែកញ្ញានេះ បានឲ្យព័ត៌មាន ប៊ីធីវី ដឹងថា រហូតមកដល់ពេលនេះ ពួកគាត់មានសង្ឃឹម និងជឿជាក់លើការដឹកនាំរបស់រាជរដ្ឋាភិបាលកម្ពុជា ចាប់តាំងពីការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា រហូតបន្តដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីបច្ចុប្បន្ន ដែលតែងតែគិតគូរក្នុងការដំឡើងប្រាក់ឈ្នួលអប្បបរមាជារៀងរាល់ឆ្នាំដល់កម្មករនិយោជិត ទោះបីជាមិនបានច្រើនតាមការចង់បាន ប៉ុន្តែនៅមានសញ្ញាលេខបូកជានិច្ច។កម្មករ កម្មការនីរោងចក្រ សង្ឃឹមទៀតថា ការចចារប្រាក់ឈ្នួលសម្រាប់ឆ្នាំ២០២៥ នឹងមានភាពល្អប្រសើរបន្ថែមទៀត ដោយសារភាពជឿជាក់លើការដឹកនាំរបស់ប្រមុខរាជរដ្ឋាភិបាល ដែលលោកតែងតែយកចិត្តទុកដាក់ និងគិតគូរខ្ពស់អំពីសុខទុក្ខការរស់របស់កម្មករនិយោជិតគ្រប់លំដាប់ថ្នាក់។លោក ឈុន ប៉ែន សហពន្ធ័សហជីពខ្មែរ បានឲ្យដឹងដែរថា ចាប់តាំងពីវិបត្តិកូវីដ១៩ រហូតមកដល់បច្ចុប្បន្ននេះ ស្ថានភាពនៃការរស់នៅ ក៏ដូចជាការបំពេញការងាររបស់កម្មករនិយោជិត គឺមានភាពល្អប្រសើរច្រើន ដោយមានការងារធ្វើជាប់ជាប្រចាំ និងមានការងារថែមម៉ោងជាដើម ដោយសារការបញ្ជាទិញកើនឡើង។ជាមួយនេះ លោកក៏បានសម្តែងការដឹងគុណ និងអរគុណថ្នាក់ដឹកនាំនៃស្ថាប័នពាក់ព័ន្ធទាំងអស់ ដែលមានទឹកចិត្ត យល់ដល់កម្មករតាមរយៈការដំឡើងប្រាក់ឈ្នួលជារៀងរាល់ឆ្នាំ ជាក់ស្តែង ទោះបីជួបវិបត្តិសេដ្ឋកិច្ចសាកលដោយសារកូវីដ ក៏ពួកគាត់ខិតខំបន្ថែមប្រាក់ដល់កម្មកររោងចក្រទាំងអស់។គួររម្លឹកថា ក្នុងកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាផ្នែកវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរនិងកាបូប កាលពីថ្ងៃទី២៩ សីហា ឆ្នាំ២០២៤កន្លងទៅ ភាគីសហជីពតំណាងកម្មករនិយោជិត បានមូលមតិគ្នាសម្រេច ស្នើសុំដំឡើងចំនួន ១៤ដុល្លារបន្ថែមលើប្រាក់ឈ្នួលបច្ចុប្បន្ន ចំនួន ២០៤ ដុល្លារ ខណៈភាគីនិយោជក បានកំណត់ដំឡើងចំនួន ១ដុល្លារ៕ អត្ថបទ ឈិត បូរ៉ាវី

រដ្ឋសភាទទួលយកសេចក្តីព្រាងច្បាប់ចំនួនពីរស្នើឡើងដោយរាជរដ្ឋាភិបាលមកពិនិត្យសិក្សា

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នាព្រឹកថ្ងៃចន្ទ ទី២ ខែកញ្ញា ឆ្នាំ២០២៤ ដើម្បីពិនិត្យ និងអនុម័តលើរបៀបវារៈមួយចំនួន។ក្រោយពីបានពិភាក្សារួចរាល់ គណៈកម្មាធិការអចិន្រ្តៃយ៍រដ្ឋសភាបានសម្រេចទទួលយកសេចក្តីព្រាងច្បាប់ទាំងពីរ ដែលស្នើឡើងដោយរាជរដ្ឋាភិបាល ដើម្បីប្រគល់ជូនគណៈកម្មការជំនាញរដ្ឋសភាពិនិត្យ និងសិក្សា ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភាវិញ។ សេចក្តីព្រាងច្បាប់ទាំងពីរនោះមាន៖១-សេចក្តីព្រាងច្បាប់ស្តីពី ប្រព័ន្ធទឹកកខ្វក់២-សេចក្តីព្រាងច្បាប់ស្តីពី ការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគីនៃកិច្ចព្រមព្រៀងស្តីពីការទទួលយកបទប្បញ្ញត្តិបច្ចេកទេសរួមនៃអង្គការសហប្រជាជាតិសម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬប្រើប្រាស់ទៅលើយានយន្តនិងលក្ខខណ្ឌសម្រាប់ការទទួលស្គាល់ទៅវិញទៅមកនៃការផ្តល់អនុលោមភាពដោយឈរលើមូលដ្ឋាននៃបទប្បញ្ញត្តិអង្គការសហប្រជាជាតិ។

ត្រឹមថ្ងៃទី២កញ្ញានេះមានពលរដ្ឋជាង៤០០នាក់ បានចុះឈ្មោះទៅកម្សាន្តនៅតំបន់អភិវឌ្ឍន៍ CLV

ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល បានឱ្យដឹងថា គិតត្រឹមព្រឹកថ្ងៃច័ន្ទ ទី២ ខែកញ្ញា ឆ្នាំ២០២៤នេះថា មានបងប្អូនប្រជាពលរដ្ឋជាង ៤០០នាក់ហើយ ដែលបានចុះឈ្មោះទៅលេងកម្សាន្តតាមខេត្ត ទិសឦសាន នៃតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)។ឯកឧត្តម ប៉ែន បូណា ដំណើរកម្សាន្តលើកដំបូង នឹងចាប់ផ្ដើមចេញដំណើរនៅថ្ងៃសៅរ៍ ទី៧ ខែកញ្ញានេះហើយ ដោយចេញដំណើរពីក្រសួងរៀបចំដែនដី នគរូបនីយកម្ម និងសំណង់ នៅវេលាម៉ោងប្រមាណ៤ទៀបភ្លឺ។ ឯកឧត្តមបានបញ្ជាក់ថា នៅមុនចេញដំណើរកម្សាន្ត នៅថ្ងៃសុក្រ ទី៦ ខែកញ្ញានេះ អ្នកធ្វើដំណើរកម្សាន្តទាំងអស់នឹងធ្វើការជួបជុំគ្នានៅក្រសួងរៀបចំដែនដី នគរូបនីយកម្ម និងសំណង់ ដើម្បីទទួលបានព័ត៌មានមួយចំនួនទាក់ទងនឹងដំណើរកម្សាន្ត ក្នុងនោះរដ្ឋលេខាធិការដ្ឋានកិច្ចការព្រំដែននឹងធ្វើបទបង្ហាញអំពីកិច្ចការងារព្រំដែន និងការកសាងផ្លូវក្រវាត់ព្រំដែន និងការបង្ហាញអំពីតម្រាយផ្លូវក្នុងការធ្វើដំណើរកម្សាន្តនេះផងដែរ។ ឯកឧត្តម ប៉ែន បូណា បានបន្ថែមថា ការធ្វើដំណើរកម្សាន្តលើកដំបូងនេះនឹងឆ្លងកាត់ខេត្តចំនួន ៣ គឺខេត្តត្បូងឃ្មុំ ក្រចេះ និងខេត្តមណ្ឌលគិរី ហើយវិលត្រលប់មកភ្នំពេញវិញ ដូច្នេះការធ្វើដំណើរកម្សាន្តនេះ គឺត្រូវចំណាយពេល១ថ្ងៃពេញតែម្ដងសម្រាប់ជើងដំបូងនេះ។ សូមជម្រាបថា តាមសេចក្ដីជូនដំណឹងរបស់ក្រសួងព័ត៌មានកាលពីថ្ងៃទី៣០ ខែសីហា ឆ្នាំ២០២៤នេះ បានឱ្យដឹងថា ដំណើរទស្សនកិច្ចទិសឦសានដោយឥតគិតថ្លៃនេះនឹងធ្វើឡើងនៅរៀងរាល់ ថ្ងៃសៅរ៍ ដោយចាប់ផ្តើមពីថ្ងៃទី៧ ខែកញ្ញា រហូតដល់ចុងឆ្នាំ២០២៤នេះ ដើម្បីផ្តល់ឱកាសដល់បងប្អូនប្រជាពលរដ្ឋបានឃើញដោយផ្ទាល់នូវការអភិវឌ្ឍជាក់ស្តែងនៅតាមតំបន់ព្រំដែន ការកសាងហេដ្ឋារចនាសម្ព័ន្ធផ្លូវ ក្រវាត់ព្រំដែន និងការអភិវឌ្ឍជារួមរបស់ប្រជាពលរដ្ឋក្នុងភូមិភាគឦសាន។សម្រាប់កម្មវិធីដំណើរទស្សនកិច្ចទៅកាន់ទិសឦសាននេះ គឺមិនតម្រូវឱ្យមានការបង់ប្រាក់អ្វីនោះទេ។ រាល់ការចំណាយលើការធ្វើដំណើរ អាហារ ភេសជ្ជៈ និងការស្នាក់នៅ គឺនឹងផ្តល់ជូនដោយឥតគិតថ្លៃ និងរាល់ការចំណាយទាំងអស់ពាក់ព័ន្ធនឹងដំណើរទស្សនកិច្ចនេះ គឺឧបត្ថម្ភដោយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី និងការចូលរួមចំណែកឧបត្ថម្ភពីសប្បុរសជន ដោយមិនប៉ះពាល់ដល់កញ្ចប់ថវិការដ្ឋ ឬកញ្ចប់ថវិកាមូលនិធិកសាងហេដ្ឋារចនាសម្ព័ន្ធតាមព្រំដែននោះទេ៕ អត្ថបទ៖ វ៉ន ដារ៉ា

គណបក្សហ៊្វុនស៊ិនប៉ិច គាំទ្រមូលនិធិកសាងហេដ្ឋារចនាសម្ព័ន្ធតាមព្រំដែន និងអំពាវនាវឲ្យសមាជិកខ្លួនចូលរួម

គណបក្សហ្វ៊ុនស៊ិនប៉ិច ដែលមានព្រះអង្គម្ចាស់ នរោត្តម ចក្រាវុធ ជាព្រះប្រធាន បានប្រកាសគាំទ្រនូវ «មូលនិធិកសាងហេដ្ឋារចនាសម្ព័ន្ធតាមព្រំដែន» ហើយបានអំពាវនាវឲ្យអ្នកគាំទ្រខ្លួនចូលរួមជាមួយមូលនិធិនេះ ដើម្បីជាប្រយោជន៍ជាតិ និងប្រជាជនកម្ពុជា ហើយក៏ជាការរួមចំណែកដោយផ្ទាល់ជាមួយរាជដ្ឋាភិបាលនៅក្នុងបុព្វហេតុការពារជាតិ និងកសាងផ្លូវនៅតាមក្រវាត់ព្រំដែនកម្ពុជាឲ្យកាន់តែល្អប្រសើរ បន្ថែមទៀតផងដែរ។ថ្លែងនៅក្នុងកិច្ចសម្ភាសន៍ជាមួយទូរទស្សន៍BTV នាថ្ងៃទី២ ខែកញ្ញា ឆ្នាំ២០២៤នេះ បន្ទាប់ពីចូល រួមសំណេះសំណាល ជាមួយអ្នកតស៊ូ និងសមាជិក សមាជិកាគណបក្សមកពីរាជធានី-ខេត្ត នៅទីស្នាក់ការ កណ្តាលគណបក្សរាជធានីភ្នំពេញ ឯកឧត្តម ញឿន រ៉ាដែន អ្នកនាំពាក្យរបស់គណបក្សហ៊្វុនស៊ិនប៉ិច បានលើកឡើងថា គណបក្សហ៊្វុនស៊ិនប៉ិចគាំទ្រជានិច្ចចំពោះគោលនយោបាយណា ដែលនាំឲ្យចំណេញដល់ប្រ ជាជន និងប្រទេសជាតិ ហើយទាក់ទងនឹង «មូលនិធិកសាងហេដ្ឋារចនាសម្ព័ន្ធតាមព្រំដែន» ដែលជាការផ្តួចផ្តើមដោយរាជរដ្ឋាភិបាលនេះ ក្នុងនាមឯកឧត្តមជាតំណាងរាស្រ្តមកពីកូតាគណបក្សហ៊្វុនស៊ិនប៉ិច ក៏បានចូលរួមថវិកាផងដែរតាមរយៈរដ្ឋសភា ហើយក៏សូមអំពាវនាវដល់បងប្អូនប្រជាពលរដ្ឋ និង សមាជិក សមាជិកាគណបក្សហ៊្វុនស៊ិនប៉ិចទាំងអស់ចូលរួមបរិច្ចាគថវិកាចំពោះគម្រោងនេះឲ្យបានគ្រប់ៗ គ្នាផងដែរ។រាជារដ្ឋាភិបាលបានសម្រេចបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែមសម្រាប់កសាងហេដ្ឋារចនាសម្ព័ន្ធនានានៅតាមបណ្តោយ ព្រំដែន ដោយកម្មវិធីមូលនិធិនេះក៏ជាការផ្តល់ឱកាសឲ្យបងប្អូនប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុងនិង ក្រៅប្រទេស បានចូលរួមចំណែកដោយផ្ទាល់ជាមួយរាជដ្ឋាភិបាលនៅក្នុងបុព្វហេតុការពារ និងអភិវឌ្ឍន៍ជាតិ ក្នុងស្មារតីសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការ ជំរុញការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំ និងប្រកបដោយចីរភាពជាដើម។សូមបញ្ជាក់ថាព្រឹកថ្ងៃទី០២ ខែកញ្ញា ឆ្នាំ២០២៤ គណបក្សហ៊្វុនស៊ិនប៉ិច បានប្រារព្ធពិធីជួបជុំអតីតអ្នកតស៊ូ ដែលធ្លាប់បានដង្ហែ ព្រះករុណាព្រះបរមរតនកោដ្ឋ ព្រះរាជបិតាស្ថាបនិកហ៊្វុនស៊ិនប៉ិច និងសម្តេចក្រុមព្រះ នរោត្តម រណឫទ្ធិ អតីតព្រះប្រធានគណបក្សហ៊្វុនស៊ិនប៉ិច ក្នុងបុព្វហេតុជាតិ មាតុភូមិកម្ពុជា ក្រោមព្រះអធិបតីភាព ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច នៅទីស្នាក់ការកណ្តាល ផ្លូវសម្តេចប៉ាន សង្កាត់បឹងរាំង ខណ្ឌដូនពេញ ដោយមានការអញ្ជើញចូលរួមពីសំណាក់ព្រឹទ្ធាចារ្យ អតីតអ្នកតស៊ូ និងថ្នាក់ដឹកនាំគណបក្ស សមាជិក សមាជិកា មកពីគ្រប់រាជធានី ខេត្ត ប្រមាណ ២០០នាក់ ។នៅក្នុងពិធីដ៏នក្ខត្តឬក្សនេះផងដែរ ក៏មានការនិមន្តព្រះសង្ឃស្វាធ្យាជយោន្តតោ បង្សុកូល រាប់បាត្រ ដើម្បីឧទ្ទិសមហាកុសល និងជាការរំលឹកគុណ ដឹងគុណ ជូនដល់ព្រះវិញ្ញាណក្ខន្ធព្រះបរមរតនកោដ្ឋ សម្តេចក្រុមព្រះ នរោត្តម រណឫទ្ធិ ព្រមទំាងវិញ្ញាណក្ខន្ធវីរជនអ្នកតស៊ូ ដែលបានពលីជីវិត ក្នុងបុព្វហេតុជាតិមាតុភូមិកម្ពុជា និង ព្រះមហាក្សត្រ៕ អត្ថបទ៖ បាន ចក់

ពលរដ្ឋចំនួនពីរភូមិទទួលបានផ្លូវក្រាលកៅស៊ូ និងផ្លូវបេតុងជាច្រើនខ្សែក្នុងមូលដ្ឋាន

ឧត្តរមានជ័យ៖ ប្រជាពលរដ្ឋចំនួនពីរភូមិគឺភូមិអូរក្រវ៉ាន់ និងភូមិដូនកែនសែនជ័យ ស្ថិតក្នុងសង្កាត់សំរោង ក្រុងសំរោង ខេត្តឧត្តរមានជ័យ ត្រេកអរសប្បាយរីករាយ និងទទួលបានផ្លូវក្រាលកៅស៊ូ និងផ្លូវបេតុងជាច្រើនខ្សែ ក្នុងមូលដ្ឋានរបស់គាត់ ខណៈកន្លងមកផ្លូវក្នុងមូលដ្ឋាននេះ បានរងការខូចខាតមានពិបាកក្នុងដំណើរក្នុងរដូវវស្សាម្តងៗនោះ។លោកស្រី ភាព វ័យ៦០ឆ្នាំរស់នៅភូមិអូរក្រវ៉ាន់ សង្កាត់សំរោង ក្រុងសំរោង បានសម្តែងនូវការត្រេកអរសប្បាយរីករាយយ៉ាងខ្លាំង ខណៈបច្ចុប្បន្ននេះ ក្នុងមូលដ្ឋានភូមិរបស់គាត់មានផ្លូវកៅស៊ូ និងផ្លូវបេតុង ជាច្រើនខ្សែក្នុងមូលដ្ឋាននោះ។លោកស្រី បានបន្តថា កន្លងមកផ្លូវក្នុងមូលដ្ឋានទាំងពីរភូមិនេះ មានការលំបាកខ្លាំងណាស់នៅរដូវវស្សាក៏ដូចជារដូវប្រាំងគឺមានជង្ហុក ក្រឡុក ធំៗលក្ខណៈសំបុកមាន់ច្រើនកន្លែងពិបាកក្នុងការធ្វើដំណើរឆ្លងកាត់ពីភូមិមួយទៅភូមិមួយទៀត ពិសេសនោះការដឹកកសិកផលរបស់បងប្អូនប្រជាពលរដ្ឋ។លោកស្រី បានបញ្ជាក់ថា កត្តាទាំងអស់នេះហើយ គឺដោយសារតែយើងមានថ្នាក់ដឹកនាំល្អនិងមានសុខសន្តិភាព សេរីភាព សន្តិសុខសង្គមល្អប្រសើរនោះទើបយើងមានការអភិវឌ្ឍរីកចម្រើនបានលើគ្រប់វិស័យមកដល់សព្វថ្ងៃ រាល់ហេដ្ឋារចនាសម្ព័ន្ធនានានោះផងដែរ៕

នាវាកងទ័ពជើងទឹកអូស្ត្រាលី បានចូលចតធ្វើទស្សនកិច្ចបង្កើនសុឆន្ទៈដោយសុវត្ថិភាពតាមការគ្រោងទុក

ព្រះសីហនុ៖ នាវាកងទ័ពជើងទឹកអូស្ត្រាលី មួយគ្រឿង ឈ្មោះ FFH-157 បានចូលចតនៅកំពង់ផែស្វយ័តអន្តរជាតិក្រុងព្រះសីហនុ ថ្ងៃទី២ ខែកញ្ញា ឆ្នាំ២០២៤នេះ តាមផែនការ និងកម្មវិធីដែលបានគ្រោងទុក រយៈពេល ៣ថ្ងៃ (ថ្ងៃទី០២-០៤ ខែកញ្ញា ឆ្នាំ២០២៤) ក្នុងដំណើរទស្សនកិច្ច ដើម្បីបង្កើនសុឆន្ទៈ រវាងប្រទេសអូស្ត្រាលី និងកម្ពុជា ។

ភ្ញៀវទេសចរអន្ដរជាតិជាង ៦ម៉ឺន៧ពាន់នាក់ ទិញបណ្ណចូលទស្សនាអង្គរ នៅខែសីហាឆ្នាំ២០២៤នេះ

គ្រិះស្ថានអង្គរ បានបង្ហាញនៅថ្ងៃទី១ខែកញ្ញាឆ្នាំ២០២៤នេះថា រយៈពេលមួយខែសីហាឆ្នាំ២០២៤នេះ គ្រឹះស្ថានអង្គរ មានភ្ញៀវទេសចរអន្ដរជាតិ ៦៧៤៨២នាក់ បានទិញសំបុត្រចូលទស្សនារមណីយដ្ឋានអង្គរ កើនឡើងជាង១៤ភាគរយបើធៀបឆ្នាំ២០២៣ ដោយបានទទួលប្រាក់ចំណូល ៣ ១៥៦ ៧៩៩ដុល្លារ កើនឡើងជាង១៣ភាគរយ បើធៀបនឹងឆ្នាំ២០២៣កន្លងមក។ ដោយឡែកក្នុងរយៈ៨ខែឆ្នាំ២០២៤នេះ ចាប់ពីខែមករា ដល់ដំណាច់ខែសីហាឆ្នាំ២០២៤នេះ គ្រឹះស្ថានអង្គររកប្រាក់ចំណូលពីការលក់សំបុត្រចូលទស្សនារមណីយដ្ឋានអង្គរ ៣០ ៣៣៤ ២២៩ដុល្លារ កើនឡើងជាង៣០ភាគរយ ដែលមានភ្ញៀវទេសចរអន្ដរជាតិទិញបណ្ណទស្សនាអង្គរ ៦៥១ ៨៥៧នាក់ កើនឡើងជាង៣០ភាគរយ បើធៀបរយៈពេលដូចគ្នាកាលពីឆ្នំា២០២៣។

សម្តេចចៅហ្វាវាំង គង់ សំអុល បានទទួលមរណភាព ក្នុងជន្មាយុ៩៤ឆ្នាំ ដោយជរាពាធ

ភ្នំពេញ៖ សម្តេចចៅហ្វាវាំង គង់ សំអុល សមាជិករដ្ឋសភា, ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង បានទទួលមរណភាព នៅថ្ងៃទី០២ ខែកញ្ញា ឆ្នាំ២០២៤ វេលាម៉ោង ៨៖៣៥នាទីព្រឹក ក្នុងជន្មាយុ៩៤ឆ្នាំ ដោយជរាពាធ។ នេះបើយោងតាមសេចក្តីជូនដំណឹងរបស់ ក្រសួងព្រះបរមរាជវាំង។សព សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ត្រូវបានតម្កល់ដើម្បី ប្រារព្ធពិធីបុណ្យតាមប្រពៃណីសាសនា នៅគេហដ្ឋាននៃសពស្ថិតនៅផ្ទះលេខ៨៣ ផ្លូវសុកហុក (១០៧) កែងនឹងវិថីហ្សូសិបប្រូសទីតូ(២១៤) សង្កាត់បឹងព្រលិត ខណ្ឌ៧មករា រាជធានីភ្នំពេញ៕

ស្ពានភ្ជាប់និស្ស័យស្ទឹងត្រង់-ក្រូចឆ្មារ ជាស្ពានយុទ្ធសាស្ត្រក្នុងការតភ្ជាប់ការដឹកជញ្ជូន និងចរាចរណ៍ពីប៉ែកឦសាននៃព្រះរាជាណាចក្រកម្ពុជា

ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ឬហៅថា ស្ពានភ្ជាប់និស្ស័យស្ទឹងត្រង់-ក្រូចឆ្មារ មានប្រវែងសរុបចំនួន ១១៣១ម៉ែត្រ និងមានទទឹងទំហំ ១៣,៥០ម៉ែត្រ ដោយតភ្ជាប់ស្រុកស្ទឹងត្រង់ ខេត្តកំពង់ចាម និងស្រុកក្រូចឆ្មារ ខេត្តត្បូងឃ្មុំ ។ ស្ពាននេះ បានបើកការដ្ឋានសាងសង់នាថ្ងៃទី៨ ខែកុម្ភៈ ឆ្នាំ២០១៨ និងបញ្ចប់ការសាងសង់នាថ្ងៃទិ២៣ ខែវិច្ឆិកា ឆ្នាំ២០២១ ដោយបានក្លាយមធ្យោបាយដ៏សំខាន់ក្នុងការតភ្ជាប់ទៅប៉ែកឦសាននៃព្រះរាជាណាចក្រកម្ពុជា តាមរយៈការបង្ខិតចូលគ្នារវាងខេត្តកំពង់ចាម និងខេត្តត្បូងឃ្មុំ ដោយតភ្ជាប់ផ្លូវជាតិលេខ៧១C ដែលជាផ្លូវយុទ្ធសាស្ត្រដ៏សំខាន់ក្នុងវិស័យដឹកជញ្ជូន ពិសេស ទំនិញកសិឧស្សាហកម្ម ទៅកាន់ទីផ្សារ ។ បន្ថែមពីនេះ ស្ពានភ្ជាប់និស្ស័យស្ទឹងត្រង់-ក្រូចឆ្មារ ក៏បានផ្តល់ភាពងាយស្រួលក្នុងការធ្វើចរាចរណ៍របស់ពលរដ្ឋក្នុងតំបន់ ក៏ដូចជាការធ្វើដំណើររបស់អ្នកទេសចរបានកាន់តែល្អប្រសើរ ដោយកាត់បន្ថយនូវរយៈពេលធ្វើដំណើរ និងឆាប់ទៅដល់គោលដៅទេសចរណ៍។

បេក្ខជន១៥.៧៧នាក់ កំពុងប្រឡងសញ្ញាបត្របឋមភូមិ នៅខេត្តកោះកុង

កោះកុង៖ ក្រុមបេក្ខជនចំនួន១៥.៧៧នាក់ បាននឹងកំពុងតែយកចិត្តទុកប្រឹងប្រែងប្រឡងសញ្ញាបត្របឋមភូមិ ថ្ងៃដំបូង នៅទូទាំងខេត្តកោះកុង។លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង នៅព្រឹកថ្ងៃទី២ ខែកញ្ញា ឆ្នាំ២០២៤ អញ្ជើញបើកហិប និងកាត់ស្រោមសំបុត្រវិញ្ញាសារប្រឡងសញ្ញាបត្រមធ្យមសិក្សាបឋមភូមិ ចំណេះដឹងទទៅ និងបំពេញវិជ្ជា នៅវិទ្យាល័យចំណេះទូទៅនិងបច្ចេកទេសតេជោ សែន កោះកុង។លោក ង៉ែត ឡឹង បានណែនាំដល់បេក្ខជនប្រឡងត្រូវប្រឹងប្រែងបំពេញរាល់លំហាត់កិច្ចការរបស់ខ្លួនអោយបានត្រឹមត្រូវល្អ តាមវិញ្ញាសារនីមួយៗ ចៀសវាងប្រព្រឹត្តខុសបទបញ្ជាផ្ទៃក្នុងនៃការប្រឡង។ ហើយការប្រឡងនេះដែរ ជាយានដ៏អាទិភាពមួយសម្រាប់ចាប់យោងឡើងថ្នាក់សិក្សាបន្តរហូតថ្នាក់ទី១២។ដំណើរការប្រឡងនៅថ្ងៃទី២ ខែកញ្ញា ក្រោមដំណក់ទឹកភ្លៀង មានបេក្ខជនសរុប១៥៧៧នាក់ ស្រី៨៣០នាក់ទូទាំងខេត្ត មានមណ្ឌលប្រឡង៣២ ស្មើនឹងបន្ទប់៨០៕

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

មនុស្សយ៉ាងតិច ១៥នាក់រងរបួស ដោយសារព្យុះនៅជប៉ុន ខណៈមានការអំពាវនាវឲ្យជម្លៀស

លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី

លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

កម្មករកាត់ដេរបង្ហាញក្ដីរីករាយក្រោយទទួលសញ្ញាភ្លើងខៀវដំឡើងប្រាក់ឈ្នួលសម្រាប់ឆ្នាំក្រោយ

រដ្ឋសភាទទួលយកសេចក្តីព្រាងច្បាប់ចំនួនពីរស្នើឡើងដោយរាជរដ្ឋាភិបាលមកពិនិត្យសិក្សា

ត្រឹមថ្ងៃទី២កញ្ញានេះមានពលរដ្ឋជាង៤០០នាក់ បានចុះឈ្មោះទៅកម្សាន្តនៅតំបន់អភិវឌ្ឍន៍ CLV

គណបក្សហ៊្វុនស៊ិនប៉ិច គាំទ្រមូលនិធិកសាងហេដ្ឋារចនាសម្ព័ន្ធតាមព្រំដែន និងអំពាវនាវឲ្យសមាជិកខ្លួនចូលរួម

ពលរដ្ឋចំនួនពីរភូមិទទួលបានផ្លូវក្រាលកៅស៊ូ និងផ្លូវបេតុងជាច្រើនខ្សែក្នុងមូលដ្ឋាន

នាវាកងទ័ពជើងទឹកអូស្ត្រាលី បានចូលចតធ្វើទស្សនកិច្ចបង្កើនសុឆន្ទៈដោយសុវត្ថិភាពតាមការគ្រោងទុក

ភ្ញៀវទេសចរអន្ដរជាតិជាង ៦ម៉ឺន៧ពាន់នាក់ ទិញបណ្ណចូលទស្សនាអង្គរ នៅខែសីហាឆ្នាំ២០២៤នេះ

សម្តេចចៅហ្វាវាំង គង់ សំអុល បានទទួលមរណភាព ក្នុងជន្មាយុ៩៤ឆ្នាំ ដោយជរាពាធ

បេក្ខជន១៥.៧៧នាក់ កំពុងប្រឡងសញ្ញាបត្របឋមភូមិ នៅខេត្តកោះកុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កម្មករកាត់ដេរបង្ហាញក្ដីរីករាយក្រោយទទួលសញ្ញាភ្លើងខៀវដំឡើងប្រាក់ឈ្នួលសម្រាប់ឆ្នាំក្រោយ

រដ្ឋសភាទទួលយកសេចក្តីព្រាងច្បាប់ចំនួនពីរស្នើឡើងដោយរាជរដ្ឋាភិបាលមកពិនិត្យសិក្សា

ត្រឹមថ្ងៃទី២កញ្ញានេះមានពលរដ្ឋជាង៤០០នាក់ បានចុះឈ្មោះទៅកម្សាន្តនៅតំបន់អភិវឌ្ឍន៍ CLV

គណបក្សហ៊្វុនស៊ិនប៉ិច គាំទ្រមូលនិធិកសាងហេដ្ឋារចនាសម្ព័ន្ធតាមព្រំដែន និងអំពាវនាវឲ្យសមាជិកខ្លួនចូលរួម

ពលរដ្ឋចំនួនពីរភូមិទទួលបានផ្លូវក្រាលកៅស៊ូ និងផ្លូវបេតុងជាច្រើនខ្សែក្នុងមូលដ្ឋាន

នាវាកងទ័ពជើងទឹកអូស្ត្រាលី បានចូលចតធ្វើទស្សនកិច្ចបង្កើនសុឆន្ទៈ​ដោយសុវត្ថិភាពតាមការគ្រោងទុក

ភ្ញៀវទេសចរអន្ដរជាតិជាង ៦ម៉ឺន៧ពាន់នាក់ ទិញបណ្ណចូលទស្សនាអង្គរ នៅខែសីហាឆ្នាំ២០២៤នេះ

សម្តេចចៅហ្វាវាំង គង់ សំអុល បានទទួលមរណភាព ក្នុងជន្មាយុ៩៤ឆ្នាំ ដោយជរាពាធ

បេក្ខជន១៥.៧៧នាក់ កំពុងប្រឡងសញ្ញាបត្របឋមភូមិ នៅខេត្តកោះកុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាវាកងទ័ពជើងទឹកអូស្ត្រាលី បានចូលចតធ្វើទស្សនកិច្ចបង្កើនសុឆន្ទៈដោយសុវត្ថិភាពតាមការគ្រោងទុក