BTV NEWS

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តកំពង់ធំ

ប្រធានអង្គការមូលនិធិអភិវឌ្ឍន៍មូស្លីមកម្ពុជា ផ្ដល់អំណោយជូនជនភៀសសឹកចំនួន ១៥០០គ្រួសារ នៅខេត្តបន្ទាយមានជ័យ

ប្រមុខការទូតកម្ពុជាធ្វើបទបង្ហាញជូនអង្គទូត ស្តីពីការសម្រេចចិត្តរបស់កម្ពុជា ពាក់ព័ន្ធនឹងតំបន់ទាមទារដែនសមុទ្រត្រួតគ្នាជាមួយ ប្រទេសថៃ

កម្ពុជា-ឥណ្ឌាដាក់ឱ្យដំណើរការទូទាត់ឆ្លងដែនតាមឃ្យូអរកូត ដើម្បីសម្រួលដល់ប្រជាជនឥណ្ឌាមកកម្ពុជា

ព័ត៌មានជាតិ

ឯកឧត្តម ឌិត ទីណា ណែនាំកសិករបង្កើនការផលិតពូជស្រូវសំខាន់ពីរប្រភេទ ដើម្បីផ្គត់ផ្គង់ទីផ្សារ

ភ្នំពេញ៖ ក្នុងដំណើរទស្សនកិច្ចចុះពិនិត្យស្ថានភាពជាក់ស្តែងរបស់រោងម៉ាស៊ីនកិនស្រូវនៅខេត្តកំពង់ស្ពឺ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្តប្រជាកសិករឲ្យបង្កើនការផលិតពូជស្រូវសែនក្រអូប និងពូជស្រូវផ្កាម្លិះ ដើម្បីឆ្លើយតបតម្រូវការទីផ្សារទាំងក្នុង និងក្រៅប្រទេស ខណៈពូជស្រូវទាំងនេះកំពុងមានការចាប់អារម្មណ៍ និងមានតម្លៃខ្ពស់។នៅក្នុងកិច្ចប្រជុំមុនចុះឈ្វេងយល់សង្វាក់ផលិតកម្មនានារបស់រោងម៉ាស៊ីនកិនស្រូវ ស្ថិតនៅក្រុងឧត្តុង្គម៉ែជ័យ ខេត្តកំពង់ស្ពឺ កាលពីរសៀលថ្ងៃទី២២ ខែសីហានេះ ឯកឧត្តមរដ្ឋមន្រ្តី បានគូសបញ្ជាក់ថា អង្ករផ្កាម្លិះរបស់កម្ពុជា បានជាប់ជ័យលាភីលំដាប់ថ្នាក់ពិភពលោក ក្នុងការប្រគួតប្រជែងវេទិកាស្រូវ-អង្ករពិភពលោក៥លើកកន្លងមកហើយ។ ជ័យលាភីនេះ គឺដោយសារតែអង្ករកម្ពុជា មានរូបសម្បត្តិប្រវែងគ្រាប់អង្ករល្អ ស្មើគ្នាពណ៌សភ្លឺរលោងស្អាត ការតុបតែងវេចខ្ចប់អង្ករមានលក្ខណៈទាក់ទាញ ក្រោយចម្អិន បាយមានភាពទន់ល្អក្លិនក្រអូបប្រហើរ និងមានឱជារសឆ្ងាញ់។ឯកឧត្តម ឌិត ទីណា បានលើកឡើងបន្តថា ពូជស្រូវសែនក្រអូប ក៏ជាពូជស្រូវមួយប្រភេទរបស់កម្ពុជាដែលកំពុងទទួលបានការចាប់អារម្មណ៍ខ្លាំងផងដែរ ប៉ុន្តែកសិករហាក់មិនសូវបានធ្វើការដាំដុះនោះទេ ដោយសារតែចំណាយពេលវេលាវែង និងហុចផលមិនសាកសម។ ឯកឧត្តមបន្ថែមថា បច្ចុប្បន្នកសិករនិយមដាំដុះស្រូវចំរុះដែលចំណាយពេលវេលាខ្លី ហើយទទួលបានទិន្នផលល្អ រីឯតម្លៃក៏មិនលើសគ្នាប៉ុន្មានពីស្រូវសែនក្រអូបនេះដែរ។នាឱកាសដដែលនោះ ឯកឧត្តម ឌិត ទីណា បានលើកឡើងនូវគោលនយោបាយរបស់ក្រសួង គឺចង់ជំរុញការប្រើប្រាស់ពូជស្រូវសុទ្ធ ពូជស្រូវល្អ សែនក្រអូប និងផ្ការំដួលដែលជាពូជស្រូវយុទ្ធសាស្ត្ររបស់ខ្មែរ ហើយការកសាងបណ្តាញពូជស្រូវសុទ្ធ ពិសេសពូជស្រូវ សែនក្រអូបនិងផ្ការំដួលដែលមានតម្លៃថ្លៃ មានការចុះបញ្ជី មានវិញ្ញាបនបត្រត្រឹមត្រូវនិងមានខ្សែច្រវាក់ទីផ្សារល្អ លើសពីនេះ ត្រូវកសាងទំនុកចិត្តគ្នាទៅវិញទៅមក និងត្រូវអនុវត្តផលិតកម្មតាមផែនការនិងកិច្ចសន្យា ដើម្បីធានានូវស្ថិរភាពនៃការផ្គត់ផ្គង់និងមានតម្លៃល្អ។ ឯកឧត្តម ក៏បានជំរុញឱ្យកសិករផលិតស្រូវពូជ ត្រូវយកចិត្តទុកដាក់ផលិតពូជស្រូវល្អ សែនក្រអូប និងផ្ការំដួល ដើម្បីឆ្លើយតបនឹងតម្រូវការទីផ្សារនិងការប្រើប្រាស់ សហគមន៍កសិកម្ម ត្រូវធ្វើការផ្សព្វផ្សាយចលនាពូជសុទ្ធ និងជំរុញការប្រើប្រាស់ពូជសុទ្ធឱ្យកាន់តែធំទូលាយ ទាំងអ្នកប្រើស្រូវចំណី ដើម្បីពង្រីកឱ្យធំ ព្រោះមានទីផ្សារពូជស្រូវល្អនិងតម្លៃល្អ។សូមជម្រាបជូនថា ដើម្បីជំរុញដល់ការនាំចេញ ក៏ដូចជាផ្សព្វផ្សាយអំពីសក្តានុពលរបស់វិស័យស្រូវអង្ករកម្ពុជា រដ្ឋមន្រ្តីចំនួន ៣រូប រួមមាន៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម , ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវតន៍ , ឯកឧត្តម ឌិត ទីណា ក្រសួងកសិកម្ម រុក្ខាប្រមាញ់ និងនេសាទ និងឯកឧត្តមបណ្ឌិត កៅ ថាច អគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ញើញធ្វើដំណើរទស្សនកិច្ចទៅកាន់រោងម៉ាស៊ីនស្រូវចំនួនពីរ ដែលជាសមាជិកសហព័ន្ធស្រូវអង្ករកម្ពុជា ក្នុងគោលបំណងដើម្បីពិនិត្យមើលទិដ្ឋភាពនៃសមត្ថភាព គុណភាព បច្ចេកវិទ្យា និងទំនើបកម្មរបស់រោងម៉ាស៊ីនកិនស្រូវនៅកម្ពុជា និងផ្សព្វផ្សាយអំពីសក្តានុពលរបស់វិស័យស្រូវអង្ករកម្ពុជាដោយឈរលើមូលដ្ឋាន (ដាំដុះមានគុណភាពល្អ កិនកែច្នៃប្រកបដោយសុវត្ថិភាព និងទីផ្សារដែលមាននិរន្តរភាព ព្រមទាំង ប្រាក់ចំណេញ ដោយមានការជួយជ្រោមជ្រែងពីរាជរដ្ឋាភិបាលតាមរយៈគោលនយោបាយនានា)៕

រាជរដ្ឋាភិបាលសម្រេចបន្តសេវាផ្តល់លិខិតឆ្លងដែនធម្មតានៅសាធារណរដ្ឋកូរ៉េចំនួន៦០ថ្ងៃបន្ថែមទៀត ដោយគិតចាប់ពីថ្ងៃទី៤ ខែកញ្ញា ដល់ថ្ងៃទី២ ខែវិច្ឆិកា ឆ្នាំ២០២៤

ភ្នំពេញ៖រាជរដ្ឋាភិបាលសម្រេចបន្តសេវាផ្តល់លិខិតឆ្លងដែនធម្មតានៅសាធារណរដ្ឋកូរ៉េចំនួន៦០ថ្ងៃបន្ថែមទៀត ដោយគិតចាប់ពីថ្ងៃទី៤ ខែកញ្ញា ដល់ថ្ងៃទី២ ខែវិច្ឆិកា ឆ្នាំ២០២៤។ នេះបើយោងតាមសេចក្ដីជូនដំណឹងរបស់ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ នារសៀលថ្ងៃទី២៣ ខែសីហា ឆ្នាំ ២០២៤នេះ។ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានជម្រាបជូនដំណឹងដល់ សាធារណៈជនទាំងអស់ថា ផ្អែកតាមអនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងយោងសេចក្តីជូនដំណឹងរបស់ក្រសួងមហាផ្ទៃ លេខ ០៥២ សជណចុះថ្ងៃទី៥ ខែមករា ឆ្នាំ២០២៤ ស្ថានទូតបានដាក់ឱ្យដំណើរការសេវាផ្តល់ លិខិតឆ្លងដែនធម្មតា ជូនប្រជាពលរដ្ឋ និងពលករកម្ពុជា ដែលកំពុងស្នាក់នៅ និងធ្វើការនៅសាធារណរដ្ឋកូរ៉េ ដើម្បីសម្រួលដល់ការលំបាក និងកាត់បន្ថយថ្លៃចំណាយផ្សេងៗ ដែលក្នុងជំហានដំបូង គិតចាប់ពីថ្ងៃទី១០ ខែមករា ឆ្នាំ២០២៤ ដល់ថ្ងៃទី៣០ ខែមេសា ឆ្នាំ២០២៤ ដូចមានសេចក្តីជូនដំណឹងរបស់ស្ថានទូត ចុះថ្ងៃទី ០៩ ខែមករា ឆ្នាំ២០២៤។ក្នុងឱកាសអញ្ជើញមកបំពេញទស្សនៈកិច្ចផ្លូវការរបស់សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រីនៃព្រះរាជាណាចក្រកម្ពុជា នៅសា.កូរ៉េ ចាប់ពីថ្ងៃទី ១៥ ដល់ថ្ងៃទី១៨ ខែឧសភា ឆ្នាំ២០២៤ សម្តេច មហាបវរធិបតីនាយករដ្ឋមន្ត្រី បានអញ្ជើញជួបសំណេះសំណាលជាមួយបងប្អូនសហគមន៍ខ្មែរនៅសា.កូរ៉េ ដែលក្នុងឱកាសនោះ សម្តេចមហាបវរធិបតីនាយករដ្ឋមន្ត្រី បានប្រកាសឱ្យបន្តការផ្តល់សេវាធ្វើលិខិតឆ្លងដែនជូនពលរដ្ឋខ្មែរ រយៈពេល ៣ ខែ បន្តទៀត គិតចាប់ពីថ្ងៃទី ២០ ខែឧសភា ឆ្នាំ២០២៤ ដល់ថ្ងៃទី ២៥ ខែសីហា ឆ្នាំ២០២៤ ដូចមានសេចក្តីជូនដំណឹងរបស់ស្ថានទូតចុះថ្ងៃទី ២០ ខែឧសភា ឆ្នាំ២០២៤។យោងតាមការវាយតម្លៃទៅលើចំនួននៃការដាក់ពាក្យស្នើសុំធ្វើលិខិតឆ្លងដែន របស់ពលរដ្ឋខ្មែរ នៅ មិនទាន់សម្រេចបានទៅតាមចំនួនដែលបានរំពឹងទុកនៅឡើយ ស្របពេលដែលបងប្អូនពលរដ្ឋខ្មែរយើង នៅតែបន្តអញ្ជើញមកដាក់ពាក្យស្នើសុំជាបន្តបន្ទាប់ ដូច្នេះ ស្ថានទូតក៏បានស្នើសុំគោលការណ៍ពីប្រមុខ រាជរដ្ឋាភិបាល ដើម្បីបន្តសេវាផ្តល់លិខិតឆ្លងដែននេះ មួយរយៈទៀត។ក្នុងន័យនេះដោយបានទទួលគោលការណ៍សម្រេចដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ស្ថានឯកអគ្គរាជទូតកម្ពុជាប្រចាំសា.កូរ៉េ មានសេចក្តីសោមនស្ស រីករាយ សូមជម្រាបជូនដំណឹងដល់បងប្អូនប្រជាពលរដ្ឋខ្មែរ ដែលកំពុងរស់នៅ និងធ្វើការនៅសា.កូរ៉េ ជ្រាបថា ស្ថានទូតនឹងបន្តសេវាផ្តល់លិខិតឆ្លងដែនធម្មតានៅសា.កូរ៉េ ចំនួន ៦០ ថ្ងៃទៀត ដោយគិតចាប់ពីថ្ងៃទី ០៤ ខែកញ្ញា ឆ្នាំ២០២៤ ដល់ថ្ងៃទី០២ ខែវិច្ឆិកា ឆ្នាំ២០២៤ (ចាប់ពីថ្ងៃពុធ ដល់ថ្ងៃអាទិត្យ ជារៀងរាល់សប្តាហ៍៕

ក្រុមការងារមន្ទីរធនធានទឹក បូមទឹកជួយសង្រ្គោះស្រូវវស្សា ដែលរងផលប៉ះពាល់ក្រៀមស្វិតចំនួន ៨០០ហិកតា

មន្រ្តីជំនាញនៃមន្ទីរធនធានទឹក និងឧតុនិយមខេត្តឧត្តរមានជ័យ នៅរសៀលថ្ងៃទី២២ សីហា ឆ្នាំ២០២៤នេះ បានដឹកនាំក្រុមការងារចុះធ្វើការជួយអន្តរាគមន៍បូមទឹកសង្រ្គោះដល់ស្រូវវស្សារបស់ប្រជាពលរដ្ឋដែលរងផលប៉ះពាល់ក្រៀមស្វិតដោយកត្តាអាកាសធាតុរាំងស្ងួតចំនួន៨០០ហិកតា មានប្រជាពលរដ្ឋប្រមាណ១០៥០គ្រួសារ ស្ថិតនៅចំណុចភូមិកោគវត្ត ភូមិព្រៃធំ ឃុំចុងកាល់ និងភូមិជើងទៀន ភូមិកោគពង្រ ភូមិស្រែប្រាំង ឃុំជើងទៀន ស្រុកចុងកាល់ ខេត្តឧត្តរមានជ័យ។លោក ញឺន កួន ប្រធានមន្ទីរធនធានទឹក និងឧតុនិយម ខេត្តឧត្តរមានជ័យ បានឲ្យដឹងថា នៅរសៀលថ្ងៃទី២២ ខែសីហា ឆ្នាំ២០២៤នេះ ដោយមើលឃើញពីបញ្ហាអាកាសធាតុនៅតែប្រឈម ពុំមានភ្លៀងធ្លាក់គ្រប់គ្រាន់ នៅក្នុងភូមិសាស្រ្តខេត្តឧត្តរមានជ័យ តាមបណ្តាលក្រុងស្រុកមួយចំនួននោះជួបបញ្ហារាំងស្ងួត លោកបានបញ្ជូនគ្រឿងចក្រ និងម៉ាស៊ីនបូមទឹកខ្នាតមធ្យមកម្លាំង ៦៥សេះ ចំនួន ០៤គ្រឿង ចុះអន្តរាគមន៍បូមទឹក ដើម្បីជួយសង្រោះដល់ស្រូវរដូវវស្សារបស់ប្រជាពលរដ្ឋ ដែលកំពុងជួបប្រទះគ្រោះរាំងស្ងួត លើដំណាំស្រូវវស្សាចំនួន ៨០០ហិកតា ដែលអូសប្រភពទឹកពីតំបន់អាងទឹកស្ទឹងស្រែង១ ។លោកបន្តថា បញ្ហាជួបប្រទះគ្រោះរាំងស្ងួតលើដំណាំស្រូវរបស់ប្រជាពលរដ្ឋនោះមិនប្រឈមណាស់ណាប៉ុន្មាននោះទេ ដោយតំបន់ខ្លះមានប្រភពទឹក និងតំបន់ខ្លះនៅឆ្ងាយពីប្រភពទឹកមិនអាចទៅដល់ ប៉ុន្តែប្រសិនបើមានភ្លៀងធ្លាក់ខ្លះៗវិញនោះ វានឹងមានការលូតលាស់ដូចធម្មតាវិញផងដែរ៕

សមត្ថកិច្ចក្រុងប៉ៃលិនឃាត់ខ្លួនជនសង្ស័យលួចកាត់ខ្សែភ្លើងនិងអាគុយសូឡារបស់សាខាអគ្គិសនីកម្ពុជា

ប៉ៃលិន៖ ក្រោយពីទទួលពាក្យបណ្តឹងពីជនរងគ្រោះ ករណីបាត់ខ្សែភ្លើង អាគុយសូឡា និងសម្ភារមួយ ចំនួនរបស់អគ្គិសនីកម្ពុជាសាខាប៉ៃលិន កម្លាំងនគរបាលក្រុងប៉ៃលិន សហការជាមួយកម្លាំងប៉ុស្តិ៍រដ្ឋបាល សង្កាត់ប៉ៃលិន - អូរតាវ៉ៅ បានប្រតិបត្តិការបង្ក្រាបជនសង្ស័យម្នាក់ នៅចំណុចមុខមន្ទីរពេទ្យបង្អែកខេត្តប៉ៃ លិន ។វរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន បានឱ្យដឹងថា នាថ្ងៃទី២២ ខែសីហា នេះ បន្ទាប់ពីទទួលពាក្យបាន បណ្តឹង កម្លាំងសមត្ថកិច្ចជំនាញ បានសហការគ្នាយ៉ាងយកចិត្តទុក ធ្វើការស្រាវ ជ្រាវរហូតបានឃើញជនសង្ស័យកំពុងជិះម៉ូតូដឹកសម្ភារដែលបានលួច និងធ្វើការបង្រ្កាបតែម្តង។ ជន សង្ស័យឈ្មោះ ទឹម រាំបូ ភេទ ប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន មានផ្ទុកសារធាតុញៀន ចំណែកបក្សពួកបានរត់គេចខ្លួន ។វរសេនីយ៍ឯក បានឱ្យដឹងថា វត្ថុតាងដែលរឹបអូសបាន រួមមាន៖ អាគុយសូឡា ចំនួនបួនគ្រាប់ ខ្សែ ភ្លើង ចំនួនបីដុំ ប្រវែងប្រហែល៥០ម៉ែត្រ ឧបករណ៍ទប់ភ្លើងប្រភេទAVR មួយគ្រាប់ អាំងម៉ូទ័រ ពីរគ្រាប់ ដុំDRC មួយគ្រឿង និងសម្ភារសម្រាប់កាត់ខ្សែភ្លើងមួយចំនួនទៀត។វរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន បានបញ្ជាក់ថា ជនសង្ស័យ បានឆ្លើយ សារភាពថា ខ្លួន និងបក្សពួក ពិតជាបានធ្វើសកម្មភាពលួចកាត់ខ្សែភ្លើង លួចអាគុយសូឡា និងសម្ភារមួយ ចំនួនទៀតមែន ។ បច្ចុប្បន្ន ជនសង្ស័យនេះ ត្រូវបានឃាត់ខ្លួននៅអធិការដ្ឋាននគរបាលក្រុងប៉ៃលិនដើម្បី អនុវត្តនីតិ វិធីបន្ត ៕

គណៈកម្មាធិការជាតិគ្រប់គ្រងគ្រោះមហន្តរាយ និង WFP ចុះMOU កាត់បន្ថយហានិភ័យគ្រោះមហន្តរាយនៅកម្ពុជារយះពេល5ឆ្នាំ

ភ្នំពេញ ៖ ពិធីចុះហត្ថលេខារួមគ្នាលើកិច្ចព្រមព្រៀង ដើម្បីអនុវត្តផែនការយុទ្ធ សាស្ត្រក្នុងការកាត់បន្ថយហានិភ័យគ្រោះមហន្តរាយនៅកម្ពុជា ឆ្នាំ ២០២៤ - ២០២៨ រវាងគណៈកម្មាធិការជាតិគ្រប់គ្រងគ្រោះមហន្តរាយ និងកម្មវិធីស្បៀង អាហារពិភពលោកប្រចាំកម្ពុជា នេះធ្វើឡើងនៅនៅទីស្តីការ គ.ជ.គ.ម.នាថ្ងៃទី២៣ ខែសីហា ឆ្នាំ ២០២៤ ក្រោមអធិបតីភាពឯកឧត្តម ហង្ស សាមឿន អនុប្រធានទី២ នៃ គ.ជ.គ.ម. តំណាងឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ និងលោក ស្រី ឃ្លែរ ខូណាន់ (Claire Conan) តំណាងអង្គការកម្មវិធីស្បៀង អាហារពិភព លោកប្រចាំកម្ពុជា (World Food Program- WFP) និងមាន ការចូលរួមពីមន្ត្រីបច្ចេកទេសគ.ជ.គ.ម. ដើម្បីបន្តនិងតាមដានលើការងារគ្រោះ មហន្តរាយនៅកម្ពុជា។ គោលបំណងនៃពិគ្រោះយោបល់បន្ថែមរវាងគណៈកម្មាធិការជាតិគ្រប់គ្រងគ្រោះមហន្តរាយ និង អង្គការកម្មវិធីស្បៀងអាហារពិភពលោកប្រចាំកម្ពុជា រកភាពខ្លាំងនិងភាពខ្សោយតាមតំបន់ងាយរកគ្រោះដោយគ្រោះមហន្តរាយនៅកម្ពុជា។ ម្យ៉ាងវិញទៀតគោលដៅសំខាន់គឺដើម្បីពិភាក្សាអំពីស្ថានភាពនៃគំនិតផ្តួចផ្តើមមានចំនួនបី៖ ការវាយតម្លៃភាពងាយរងគ្រោះ និងហានិភ័យ (VRA) ការតាមដាន និងវាយតម្លៃ (M&E) និងកម្មវិធីការព្រមានជាមុនសម្រាប់ទាំង អស់គ្នា (EW4All) ដើម្បីឈានទៅរកទិសដៅបន្តនិងកិច្ចសហប្រតិបត្តិការក៏ ដូចជាធ្វើពិធីចុះអនុស្សារណៈ សម្រាប់កិច្ចព្រមព្រៀងជំនួយបច្ចេកទេសសម្រាប់ភាពយោគយល់គ្នាគ.ជ.គ.ម. និងWFP។ទន្ទឹមនឹងនេះ ក្នុងការបន្តនូវគោលដៅ និងយុទ្ធសាស្ត្ររបស់ WFP ក៏ដូចជាគោលនយោបាយរបស់រដ្ឋាភិបាល ដែលផ្តល់អាទិភាពដល់សន្តិសុខស្បៀង និងអាហារូបត្ថម្ភជាបញ្ហាអភិវឌ្ឍន៍សំខាន់ WFP កំពុងរួមចំណែកដល់ការអភិវឌ្ឍនិងការពង្រឹងសមត្ថភាពជាតិនៃព្រះរាជាណាចក្រកម្ពុជា ដើម្បីសម្រេចបាននូវភាពអត់ឃ្លាន គ្មានការលើកកំពស់សមត្ថភាពគ្រោះមហន្តរាយថ្នាក់ជាតិ និងថ្នាក់ក្រោមជាតិ ដើម្បីដោះស្រាយវិបត្តិ និងគ្រោះមហន្តរាយនៅកម្ពុជា។ល។រាជរដ្ឋាភិបាលទទួលស្គាល់ WFP ជាអង្គការមនុស្សធម៌ដ៏ធំបំផុតរបស់ពិភព លោក ជួយសង្គ្រោះជីវិតក្នុងគ្រាអាសន្ន និងប្រើ ប្រាស់ជំនួយស្បៀងអាហារដើម្បីកសាងផ្លូវទៅកាន់សន្តិភាព ស្ថិរភាព និងវិបុលភាពសម្រាប់ប្រជាជនដែលងើបឡើងវិញពីគ្រោះមហន្តរាយ និងផលប៉ះពាល់នៃការប្រែប្រួលអាកាស ធាតុ។ការពង្រឹងប្រព័ន្ធគ្រប់គ្រងទិន្នន័យ ទិន្នន័យអាកាសធាតុ និងការវិភាគដែលគាំទ្រដល់ការសម្រេចចិត្ត ជម្រុញការអនុវត្តអភិក្រមសកម្មភាពសម្រាប់ការកាត់បន្ថយផល់ប៉ះពាល់អវិជ្ជមានពីគ្រោះមហន្តរាយ ការផ្សព្វផ្សាយសកម្ម ភាព សកម្មភាពព្យាករណ៍ ការពង្រឹងក្របខណ្ឌច្បាប់ដែលគាំទ្រការគ្រប់គ្រងហានិភ័យគ្រោះមហន្តរាយ និងការពង្រឹងបន្ថែម លើយន្តការសម្របសម្រួល និងការទំនាក់ទំនង ដើម្បីធានាបាននូវកិច្ចខិតខំប្រឹងប្រែងឆ្លើយតបប្រកបដោយប្រសិទ្ធភាព។ គ.ជ.គ.ម. នឹងសម្របសម្រួល និងអនុវត្តសកម្មភាពដែលបានស្នើឡើង ដោយសហការជាមួយការិយាល័យពាក់ព័ន្ធនៅ ថ្នាក់ជាតិ (ឆ្លើយតប និងស្តាឡើងវិញ អប់រំផ្សព្វផ្សាយ និងបណ្តុះបណ្តាល គ្រប់គ្រងព័ត៌មានគ្រោះ មហន្តរាយ និងផែនការនឹងស្រាវជ្រាវ) និងថ្នាក់ក្រោមជាតិ (លេខាធិការគ្រោះ មហន្តរាយខេត្ត ស្រុក និងឃុំ សម្រាប់ការគ្រប់គ្រងគ្រោះមហន្តរាយ អាជ្ញាធរមូលដ្ឋាន) និងជាមួយក្រសួងស្ថាប័នពាក់ព័ន្ធនានា កាកបាទក្រហមកម្ពុជា និងដៃគូអភិវឌ្ឍន៍ និង មនុស្សធម៍ផងដែរ។សូមបញ្ជាក់ថា ដំណើរការនៅក្នុងព្រះរាជាណាចក្រកម្ពុជាក្រោមក្របខណ្ឌនៃកិច្ចព្រមព្រៀងជាមូលដ្ឋានមួយដែលបានចុះរវាងរដ្ឋាភិបាលកម្ពុជា និង WFP នៅក្នុងឆ្នាំ២០០៦បានធ្វើ ("កិច្ចព្រមព្រៀងមូលដ្ឋាន")។ កិច្ចព្រមព្រៀងនេះជាការបំពេញបន្ថែមទៅនឹងកិច្ចព្រមព្រៀងជាមូលដ្ឋាន ហើយបទប្បញ្ញត្តិនៃកិច្ចព្រមព្រៀងមូលដ្ឋានត្រូវអនុវត្តទាំងស្រុង និងដោយគ្មានករណីលើកលែងចំពោះកិច្ចព្រមព្រៀងនេះ៕ អត្ថបទ៖ភារម្យ

គ្រូពេទ្យឯកទេសសួត និងផ្លូវដង្ហើម នៃមនី្ទរពេទ្យមិត្តភាពខ្មែរ-សូវៀត ចែករំលែកពីជំងឺផ្តាសាយបក្សី និងផ្តាសាយធម្មតា

ភ្នំពេញ ៖ លោកវេជ្ជបណ្ឌិត វ៉ា ម៉េង ប្រធានមជ្ឈមណ្ឌលឯកទេសជំងឺសួត និងផ្លូវដង្ហើម នៃមនី្ទរពេទ្យមិត្តភាពខ្មែរ-សូវៀត នាព្រឹកថ្ងៃទី២៣ ខែសីហា ឆ្នាំ២០២៤នេះ បានចែករំលែកអំពីបញ្ហាជំងឺផ្តាសាយបក្សី និងផ្តាសាយធម្មការ ដែលកើតមានក្នុងមនី្ទរពេទ្យ ក៏ដូចជាស្ថានភាពទូទៅក្នុងប្រទេសកម្ពុជានាពេលបច្ចុប្បន្ននេះ។ដោយយោងទៅតាមបទពិសោធន៍ការងាររបស់លោកវេជ្ជបណ្ឌិត វ៉ា ម៉េង ដែលមានករណីផ្ទុះឡើងនៃការរីករាលជំងឺកូវីដ-១៩កន្លងទៅនេះ ក៏ដូចជាបានចូលរួមជាច្រើនក្នុងការទប់ស្កាត់ជំងឺដែលងាយរាតត្បាត។ បច្ចុប្បន្នទាក់ទងនឹងជំងឺផ្តាសាយ មានការកើនឡើងគួរឲ្យកត់សម្គាល់ លើសពីនេះទៅទៀត ក៏មានករណីធ្ងន់ ជាពិសេសមានរហូតដល់ការបាត់បង់អាយុជីវិត ដែលថ្មីៗនេះ មានអ្នកជំងឺផ្តាសាយបក្សីH5N1។ ករណីនេះបានកើតឡើងលើកុមារី ដែលមានអាយុ១៥ឆ្នាំ រស់នៅខេត្តព្រៃវែង ដែលអ្នកជំងឺនេះពិតជាធ្ងន់ នៅពេលមកសម្រាកព្យាបាលនៅក្នុងមនី្ទរពេទ្យមិត្តភាពខ្មែរ សូវៀត។ ចំណែកបងប្អូនប្រជាពលរដ្ឋរស់នៅក្នុងរាជធានីភ្នំពេញ និងខេត្តកណ្តាល អញ្ជើញមកទទួលសេវាពិនិត្យសុខភាព នៅមជ្ឈមណ្ឌលឯកទេសជំងឺសួត និងផ្លូវដង្ហើម នៃមនី្ទរពេទ្យមិត្តភាពខ្មែរ-សូវៀត បាននិយាយរួមគ្នាថា គ្រូពេទ្យបានយកចិត្តទុកដាក់ខ្លាំង និងបានផ្តល់យោបល់ល្អៗ ឲ្យពួកគាត់យកចិត្តថែរក្សាសុខភាព ធ្វើឲ្យគាត់មានភាពកក់ក្តៅ និងពិតជាសប្បាយចិត្តមែនទែន។ ....សម្លេងប្រជាពលរដ្ឋ២រូប យកជាង០១នាទី....(sound 02) ជាចុងក្រោយលោកវេជ្ជបណ្ឌិត វ៉ា ម៉េង សូមលើកទឹកចិត្តឲ្យពុក ម៉ែ បងប្អូន ប្រជាពលរដ្ឋទាំងអស់ មកទទួលសេវាពិគ្រោះជំងឺនៅមនី្ទរពេទ្យណាដែលនៅជិតផ្ទះរបស់ពុក ម៉ែ បងប្អូន ប្រជាពលរដ្ឋ ដើម្បីទទួលការស្វែងរក ក៏ដូចជាទទួលការព្យាបាលឲ្យបានទាន់ពេលវេលា ដើម្បីកាត់បន្ថយអត្រាឈឺ អត្រាមរណៈភាព ដើម្បីកាត់បន្ថយនូវអត្រាដែលប្រឈមមុខទៅលើការខូចខាតសាច់សួត ក្នុងទម្រង់ធ្ងន់ធ្ងរដែលមិនអាចត្រឡប់មកវិញ៕អត្ថបទ រដ្ឋ

មន្ទីរពេទ្យមិត្តភាពកម្ពុជា-ចិន ព្រះកុសមៈ ប្រារព្ធទិវាវេជ្ជសាស្ត្រ សល្យសាស្ត្រ លើកទី១៣ ថែទាំវេជ្ជសាស្ត្រ លើកទី៨ និងវេជ្ជសាស្ត្របុរាណចិន លើកទី៣

ឯកឧត្តមសាស្ត្រាចារ្យ ឡឹម តារា រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាលមន្ទីរពេទ្យមិត្តភាព កម្ពុជា-ចិន ព្រះកុសុមៈ មានប្រសាសន៍ថ្លែងថា ទិវាវេជ្ជសាស្ត្រ-សល្យសាស្ត្រលើកទី១៣ ថែទាំវេជ្ជសាស្ត្រលើកទី៨ និងវេជ្ជសាស្ត្របុរាណចិនលើកទី៣ នាក្នុងឱកាសនេះ នៅក្រោមប្រធានបទ “នវានុវត្តន៍ វេជ្ជសាស្ត-សល្យសាស្ត្រ ការថែទាំ និង វេជ្ជសាស្ត្របុរាណចិន នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ” នេះឡើង គឺដើម្បីឆ្លើយតបទៅនឹងកំណើន និងតម្រូវការចាំបាច់ផ្នែកថែទាំសុខភាពប្រជាពលរដ្ឋដែលចូលមកពិនិត្យ និងព្យាបាលនៅក្នុងមន្ទីរពេទ្យនានានៅទូទាំងប្រទេស ក្រសួងសុខាភិបាលបានដាក់ចេញនូវគោលនយោបាលស្របទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល សម្រាប់ពិនិត្យព្យាបាលជំងឺជូនអ្នកជំងឺគ្រប់ជាន់ថ្នាក់ គ្រប់ជាតិសាសន៍ និងសម្រេចបាននូវការអភិវឌ្ឍសេវាសុខភាពកាន់តែប្រសើរឡើងនៅទូទាំងប្រទេសនាពេលបច្ចុប្បន្ន។ឯកឧត្តម រដ្ឋលេខាធិការបានបន្តថា នេះមិនមែនកើតឡើងដោយចៃដន្យនោះទេ តែគឺជាការកើតឡើងដោយសារសុខសន្តិភាព និងស្ថេរភាព ដែលជាកត្តាមិនអាចខ្វះបាន ក្រោមការដឹកនាំដ៏ឈ្លាសវៃ និង ប៉ិនប្រសប់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ដូច្នេះតម្លៃសន្តិភាព ដែលកម្ពុជាកំពុងតែមាន និង ខិតខំថែរក្សានៅពេលនេះ គឺពិតជាកត្តាសំខាន់បំផុត ដែលបងប្អូនជនរួមជាតិកម្ពុជាទាំងអស់ ត្រូវតែចងចាំជានិច្ច និងចូលរួមថែរក្សាការពារសន្តិភាពនេះឱ្យស្ថិតស្ថេរជាអមតៈ។ ឯកឧត្តម ឡឹម តារា បានគូសបញ្ជាក់ថា មន្ទីរពេទ្យមិត្តភាពកម្ពុជា-ចិន ព្រះកុសុមៈ គឺជាមន្ទីរពេទ្យថ្នាក់ជាតិមួយ ដែលមានការអភិវឌ្ឍជាបន្តបន្ទាប់នៅក្នុងវិស័យសេវាសុខាភិបាលក្នុងការព្យាបាលថែទាំសុខភាពជូនប្រជាពលរដ្ឋដែលចូលមកទទួល សេវា។ ពិតណាស់ហើយ ដើម្បីធ្វើការផ្តល់សេវាសុខាភិបាលឱ្យមានប្រសិទ្ធភាព ត្រូវរួមបញ្ចូលគ្នារវាងហេដ្ឋរចនាសម្ព័ន្ធអគារ បន្ទប់សម្រាក សម្ភារបរិក្ខារវេជ្ជសាស្ត្រទំនើប ព្រមទាំងសមត្ថភាពបច្ចេកទេសរបស់មន្តី្រសុខាភិបាល ហើយសមត្ថភាពបច្ចេកទេសរបស់គ្រូពេទ្យត្រូវមានការអភិវឌ្ឍជាបន្តបន្ទាប់ឱ្យសមស្របទៅនឹងការវិវឌ្ឍនៃបច្ចេកវិជ្ជាសម័យថ្មី។ ជាក់ស្ដែង ជារៀងរាល់ឆ្នាំ មន្ទីរពេទ្យមិត្តភាពកម្ពុជា-ចិន ព្រះកុសុមៈ បានរៀបចំទិវាវេជ្ជសាស្ត្រ-សល្យសាស្ត្ររយៈពេលមួយថ្ងៃកន្លះ ដែលវាជាផ្នែកមួយនៃការបណ្តុះបណ្តាលបន្តរបស់មន្ត្រីសុខា ភិបាលយើង។ ឯកឧត្តម បានបន្តថា ការរៀបចំសម្រាប់ទិវានេះមាន៨១ប្រធានបទ ដោយផ្តោតទៅលើផ្នែកវេជ្ជសាស្ត្រព្យាបាល វេជ្ជសាស្ត្រថែទាំ និង រួមបញ្ចូលបន្ថែមទៀតជាមួយនឹងវេជ្ជសាស្ត្រព្យាបាលដោយឱសថបុរាណចិនផងដែរ។ ក្នុងឱកាសនោះដែរ ឯកឧត្តម តាន់ សុគន្ធ ប្រធានមន្ទីរពេទ្យមិត្តភាពកម្ពុជា-ចិន ព្រះកុសុមៈ បានអោយដឹងថា មន្ទីរពេទ្យមិត្តភាពកម្ពុជា-ចិន ព្រះកុសុមៈ ជារៀងរាល់ឆ្នាំតែងតែមានកម្មវិធីធ្វើសិក្ខាសាលាផ្សព្វផ្សាយ បណ្តុះបណ្ដោយ ចែករំលែកនូវចំណេះដឹង ចំណេះធ្វើ បទពិសោធន៍ថ្មីៗ ដែលបានអនុវត្តន៍ហើយមានប្រសិទ្ធភាពខ្ពស់ និងមិនទាន់អនុវត្តន៍ដើម្បីយកមកពិភាក្សាដោះស្រាយ រកមធ្យោបាយធ្វើយ៉ាងណាឱ្យអនុវត្តន៍ទៅបាន ដោយគ្មានផលលំបាក និងហានិភ័យ សម្រាប់ជាឧត្តមប្រយោជន៍ នៃសេវាសង្គ្រោះ ព្យាបាល អប់រំ ដល់អ្នកជំងឺ និងក្រុមគ្រួសារ ។ ប្រធានមន្ទីរពេទ្យ ឯកឧត្តម បានបន្តថា ទិវាវេជ្ជសាស្ត្រ សល្យសាស្ត្រលើកទី១៣ ថែទាំវេជ្ជសាស្ត្រលើទី៨ និងវេជ្ជសាស្ត្របុរាណចិនលើកទី៣ ប្រព្រឹត្តទៅក្រោមប្រធានបទ៖ នវានុវត្តន៍ វេជ្ជសាស្ត្រសល្យសាស្ត្រ ការថែទាំ និងវេជ្ជសាស្ត្របុរាណចិន នៃមន្ទីរពេទ្យមិត្តភាព កម្ពុជា-ចិនព្រះកុសុមៈ ហើយទិវានេះប្រព្រឹត្តទៅរយៈពេលពីរថ្ងៃ គឺថ្ងៃទី២៣ដល់ថ្ងៃទី២៤ ខែសីហា ឆ្នាំ២០២៤ ក្នុងនោះបានបែងចែកទិវាវេជ្ជសាស្ត្រនេះជាពីរផ្នែក គឺ វេជ្ជសាស្ត្រ សល្យសាស្ត្រ និង វេជ្ជសាស្ត្របុរាណចិន រៀបចំធ្វើនៅសាលប្រជុំធំជាន់ទី១០ អគារថ្មីនេះ ដោយមាន ៤៨ប្រធានបទ ដែលត្រូវលើកឡើង ហើយទិវាថែទាំវេជ្ជសាស្ត្រ រៀបចំធ្វើនៅសាលប្រជុំអគារព្យាបាលជំងឺទឹកនោមផ្អែម ដោយមាន៣៣ ប្រធានបទដែលត្រូវលើកឡើង ដែល មានវាគ្មិនកិត្តិយស បានផ្ដល់នូវប្រធានបទដ៏ល្អៗ ដែលមានសារៈសំខាន់ជាប្រយោជន៍ ក្នុងការចែករំលែក ផ្នែកទ្រឹស្តី និងការអនុវត្តន៍ នៃបទពិសោធន៍ ដែលមានលទ្ធផល ជាវិជ្ជមានប្រកបដោយ ប្រសិទ្ធភាព សុវត្ថិភាពខ្ពស់ ក្នុងការថែទាំ និងព្យាបាលជំងឺជូនប្រជាពលរដ្ឋ ក្នុងស្មារតីទទួលខុសត្រូវខ្ពស់ និងគោរពយ៉ាង ខ្ជាប់ខ្ជួន នូវក្រមសីលធម៌ វិជ្ជាជីវៈ ជាពិសេស ដើម្បីចូលរួមលើកកម្ពស់វិស័យសុខាភិបាល ស្របតាមគោលនយោបាយរបស់ក្រសួងសុខាភិបាល និងវឌ្ឍនភាពនៃបច្ចេកវិទ្យាវេជ្ជសាស្ត្រទំនើបៗ ដែលមានការវិវត្តន៍ឥតឈប់ឈរ ឆ្លើយតបទៅនឹងតម្រូវការរបស់ប្រជា ពលរដ្ឋនូវសេវាកម្មសុខាភិបាលសាធារណៈផងដែរ៕

គណៈកម្មការទី៩ នៃរដ្ឋសភា ចែករំលែកបទពិសោធន៍ស្តីពី “តួនាទី និងភារកិច្ចរបស់រដ្ឋសភា” ជូនដល់សាកលវិទ្យាល័យ ប៊ែលធី អន្តរជាតិចំនួន ៣២០៦នាក់

ដោយបានការអនុញ្ញាតដ៏ខ្ពង់ខ្ពស់ពី សម្តេចមហារដ្ឋសភាធិការធិបតី ឃួន សុដារីប្រធានរដ្ឋសភា នៃព្រះរាជាណាចក្រកម្ពុជា នៅព្រឹកថ្ងៃទី២៣ខែសីហា ឆ្នាំ២០២៤លោកជំទាវ និន សាផុនតំណាងរាស្ត្រមណ្ឌល ខេត្តតាកែវ សមាជិកគណៈកម្មាធិការអចិន្ត្រៃយ៍នៃរដ្ឋសភា និងជាប្រធានគណៈកម្មការសាធារណការ ដឹកជញ្ជូនអាកាសចរណ៍ ស៊ីវិល ប្រៃសណីយ៍ ទូរគមនាគមន៍ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែថាមពល ពាណិជ្ជកម្ម រៀបចំដែនដី នគរូបនីយកម្មនិងសំណង់ (គណៈកម្មការទី៩) នៃរដ្ឋសភា បានអញ្ជើញជាវាគ្មិនកិត្តិយស ចែករំលែកបទពិសោធន៍ស្តីពី “តួនាទី និងភារកិច្ចរបស់រដ្ឋសភា” ជូនដល់សាស្ត្រាចារ្យ លោកគ្រូ-អ្នកគ្រូ និងនិស្សិត សរុបចំនួន ៣២០៦នាក់។កម្មវិធីនេះរៀបចំឡើងដោយ សាកលវិទ្យាល័យប៊ែលធី អន្តរជាតិ នៅទីតាំងទី២ (ស្ពានអាកាសចោមចៅ) ដែលមាន អ្នកចូលរួមផ្ទាល់ជាង២០០០នាក់ និងចូលរួមតាមប្រព័ន្ធនិម្មិត (នៅទីតាំងទី១ (ទួលស្លែង) ជាង ១០០០នាក់។ កម្មវិធីនេះ ក៏មានការអញ្ជើញចូលរួមពីសំណាក់ ឯកឧត្តមលោកជំទាវ សមាជិក សមាជិកា គណៈកម្មការទី៩នៃរដ្ឋសភា និងថ្នាក់ដឹកនាំ ប៊ែលធី គ្រុប ផងដែរ។លោកជំទាវ និន សាផុន ប្រធានគណៈអធិបតី និងជាវាគ្មិនកិត្តិយសបាន អញ្ជើញចែករំលែកបទពិសោធន៍ដ៏មានតម្លៃ ជូនដល់ ថ្នាក់ដឹកនាំសាស្ត្រាចារ្យ លោកគ្រូ-អ្នកគ្រូ និងនិស្សិត ដោយផ្តោត សំខាន់លើ តួនាទីនិងភារកិច្ចរបស់រដ្ឋសភារចនាសម្ព័ន្ធដឹកនាំរដ្ឋសភា នីតិវិធីពិនិត្យនិងការអនុម័តសេចក្តីព្រាងច្បាប់ ឬ សេចក្តីស្នើច្បាប់តួនាទីស្នូលសំខាន់ៗទាំងបីរបស់គណៈកម្មការជំនាញនៃរដ្ឋសភា ជាអាទិ៍ តួនាទីនីតិកម្ម តួនាទីតាមដាន ការអនុវត្តច្បាប់ និង តួនាទីភាពជាតំណាង។ ដោយឡែក ការទូតសភាក៏ជាការងារសំខាន់មួយរបស់រដ្ឋសភានៅក្នុងការ នាំនូវផលប្រយោជន៍រួមជូនប្រជាពលរដ្ឋ និងប្រទេសជាតិបន្ថែមលើតួនាទីស្នូលទំាងបី តាមរយៈការចូលជាសមាជិកវេទិកា អន្តរសភាសំខាន់ៗព្រមទាំងបានបង្កើតក្រុមមិត្តភាពរដ្ឋសភា ជាមួយរដ្ឋសភានៃបណ្តាប្រទេសជាមិត្តក្នុងតំបន់ និងពិភពលោក បានចំនួនជាច្រើនប្រទេសថែមទៀត។លោកជំទាវប្រធាន ក៏បានរម្លឹកជូនអំពីប្រវត្តិរដ្ឋសភាតាមសម័យកាលនីមួយៗ និងព្រឹត្តិការណ៍សំខាន់ៗជាពិសេសស្នាដៃជាប្រវត្តិសាស្ត្រដែលពលរដ្ឋខ្មែរបានចងចាំ និងដឹងគុណដល់វីរៈភាពឥស្សរជន ខ្មែរគឺ សម្តេចអគ្គមហាសេនាបតីតេជោ ហ៊ុន សែនប្រធានព្រឹទ្ធសភា ព្រមទាំងឥស្សរជនជាន់ខ្ពស់ជាច្រើនរូបទៀត ដែលបានតស៊ូនិងលះបង់ខ្ពស់បំផុត ដើម្បីរំដោះប្រទេស ស្វែងរកសុខសន្តិភាពហើយបន្តកសាង និងអភិវឌ្ឍប្រទេសជាតិ ឱ្យមានការរីកចម្រើនជឿនលឿនដូចសព្វថ្ងៃនេះ។

បាឋកថាស្ដីពី៖ ថាតើកម្ពុជា បានអភិវឌ្ឍន៍សេដ្ឋកិច្ចបានល្អកម្រិតណាដែរ? ជូនដល់ថ្នាក់ដឹកនាំ និងនិស្សិតស.វ.ស ជាង៤០០នាក់

ឯកឧត្តមបណ្ឌិត ធន់ វឌ្ឍនា ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ព្រឹទ្ធសភា នៃព្រះរាជាណាចក្រកម្ពុជា បានផ្តល់កិត្តិយសអញ្ជើញជាវាគ្មិនផ្តល់បាឋកថាក្រោមប្រធានបទ “តើកម្ពុជា បានអភិវឌ្ឍសេដ្ឋកិច្ច បានល្អកម្រិតណាដែរ?” ជូនថ្នាក់ដឹកនាំ មន្រ្តីរាជការ បុគ្គលិក និងនិស្សិតសាកលវិទ្យាល័យវិទ្យាសាស្រ្តសុខាភិបាល ជាង ៤០០នាក់, កាលពីថ្ងៃទី២២ ខែសីហា ឆ្នាំ២០២៤ នៅទីតាំងទី១ ស.វ.ស ។ឯកឧត្តមបណ្ឌិត ធន់ វឌ្ឍនា បានលើកឡើងពីការអភិវឌ្ឍនៅប្រទេសកម្ពុជា ក្នុងលក្ខខណ្ឌជារួម កំណើនសេដ្ឋកិច្ចផ្សារភ្ជាប់នឹងសន្តិភាព ស្ថេរភាព ពិសេសកំណើនសេដ្ឋកិច្ចរបស់ប្រជាពលរដ្ឋនៅតំបន់ត្រីកោណអភិវឌ្ឍកម្ពុជា-ឡាវ-វៀតណាម (CLV-DTA)។ ឯកឧត្តមបណ្ឌិត បានផ្តល់ការជំរុញដល់និស្សិតទៅឈ្វេងយល់ដោយផ្ទាល់តាមរយៈការជួបផ្ទាល់ពីប្រជាជនក្នុងខេត្តនៅតំបន់ត្រីកោណ ដើម្បីដឹងច្បាស់ពីតថភាពពិត នៃការអភិវឌ្ឍ និងការរីកចម្រើនផ្សេងៗ។ បន្ថែមពីនោះ ឯកឧត្តមបណ្ឌិតបានលើកឡើងពីសារ:សំខាន់នៃតម្រូវការទេសចរណ៍បរទេស ក្នុងការអភិវឌ្ឍសេដ្ឋកិច្ចប្រទេស។ ឯកឧត្តមបណ្ឌិត ធន់ វឌ្ឍនា បានលើកទឹកចិត្តដល់និស្សិតក្នុងការពង្រឹងសមត្ថភាពការប្រើប្រាស់ភាសាបរទេសជាយានក្នុងការទំនាក់ទំនង ការពង្រឹងសមត្ថភាពជំនាញរឹង និងជំនាញទន់រួមគ្នា អមដោយការសិក្សាស្រាវជ្រាវបន្ថែម ដើម្បីជាចំណែកបង្កើននូវកាលានុវឌ្ឍភាពទទួលជោគជ័យនៅថ្ងៃអនាគត។ ឯកឧត្តមបណ្ឌិត បានបញ្ជ្រាបនូវព័ត៌មានសំខាន់ៗអំពីស្ថានភាពសេដ្ឋកិច្ច តម្រូវការនៃការអភិវឌ្ឍ លិខិតបទដ្ឋានគតិយុត្តពាក់ព័ន្ធនានា ដើម្បីអោយថ្នាក់ដឹកនាំ មន្រ្តីរាជការ បុគ្គលិក និងនិស្សិតស.វ.ស យល់ច្បាស់ពីវឌ្ឍនភាពកំណើនសេដ្ឋកិច្ចរបស់ប្រទេស និងស្ថានភាពពិតនៅតំបន់ត្រីកោណអភិវឌ្ឍកម្ពុជា-ឡាវ-វៀតណាម (CLV-DTA)។តំណាងអោយថ្នាក់ដឹកនាំ មន្រ្តីរាជការ បុគ្គលិក និងនិស្សិតស.វ.ស ឯកឧត្តមសាស្រ្តាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល និងជាសាកលវិទ្យាធិការ នៃស.វ.ស សូមថ្លែងអំណរគុណជាអនេកប្បការជូនចំពោះ ឯកឧត្តមបណ្ឌិត ធន់ វឌ្ឍនា ដែលបានចំណាយពេលវេលាមានតម្លៃក្នុងការចែករំលែកបទពិសោធន៍ការងារ និងខ្លឹមសារសំខាន់ៗអំពីការអភិវឌ្ឍសេដ្ឋកិច្ចនៅកម្ពុជាជូនដល់ថ្នាក់ដឹកនាំ មន្រ្តីរាជការ បុគ្គលិក និងនិស្សិតនៅស.វ.ស សម្រាប់យកទៅអនុវត្តនៅក្នុងការសិក្សា ក៏ដូចជាចេញធ្វើការ និងប្រកបការងារឱ្យទទួលបានជោគជ័យ ទាំងខ្លួនឯង ក្រុមគ្រួសារ និងជូនប្រទេសជាតិឱ្យកាន់តែរីកចម្រើន៕ អត្ថបទ រដ្ឋា

តំណាងអយ្យការសម្រេចចោទស្រ្តីម្នាក់ពាក់ព័ន្ធបាញ់បោះសេរី និងបង្ហោះលេងក្នុងបណ្ដាញសង្គម

ភ្នំពេញ៖ លោក ឆាយ ហុង ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញ បានឲ្យBTV ដឹងថា នៅថ្ងៃទី២៣ ខែសីហា ឆ្នាំ២០២៤នេះ ពាក់ព័ន្ធជនសង្ស័យស្ដ្រីម្នាក់ឈ្មោះ ម៉េង លីហ័រ ដែលបានប្រើប្រាស់អាវុធបាញ់បោះសេរី និងបង្ហោះក្នុងបណ្ដាញសង្គមជាសាធារណៈ ត្រូវបានតំណាងអយ្យការបើកការស៊ើបសួរ ពីបទប្រើប្រាស់អាវុធដោយគ្មានការអនុញ្ញាត បញ្ជូនរឿងទៅចៅក្រមស៊ើបសួរ ចាត់ការបន្ត។សូមបញ្ជាក់ផងដែរកាលពីរសៀលថ្ងៃទី២២ ខែសីហា ឆ្នាំ២០២៤ ម្សិលមិញលោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាលនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជាក់ប្រាប់ ស្រ្តីម្នាក់មានគណនី facebook ឈ្មោះ Yubee Ly បានប្រើប្រាស់អាវុធ កាំភ្លើងខ្លី បាញ់បោះសេរី បង្ហោះជាសាធារណៈត្រូវបាននគរបាលបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីបន្តចាត់ការតាមនីតិវិធីច្បាប់។គួរំលឹកផងដែរកាលពីយប់ថ្ងៃទី២០ ខែសីហា ឆ្នាំ២០២៤ ក្រោយមានការបង្ហោះក្នុងបណ្ដេញសង្គម និងបានចែករំលែកតៗគ្នា ពាក់ព័ន្ធករណី ស្រ្តីម្នាក់មានគណនី facebook ឈ្មោះ Yubee Ly បានប្រើប្រាស់អាវុធ កាំភ្លើងខ្លី បាញ់បោះសេរី និងភ្ជាប់ខ្លឹមសារ «អូនកាចចឹងធ្វើប្រពន្ធបងបាននៅ» ត្រូវបាននគរបាលព្រហ្មទណ្ឌកម្រិតស្រាល នៃនាយកដ្ឋានព្រហ្មទណ្ឌក្រសួងមហាផ្ទៃ ស្រាវជ្រាវឃាត់ខ្លួនភ្លាមៗតែម្ដង នាយប់ថ្ងៃទី២០ ខែសីហា ឆ្នាំ២០២៤នេះ។សូមបញ្ជាក់ផងដែរ ស្ដ្រីដែលត្រូវបានឃាត់ខ្លួនឈ្មោះ ម៉េង លីហ័រ អាយុ២៤ឆ្នាំ ក្រោយឃាត់ខ្លួនស្រ្តីនោះបានសារភាពថា វីដេអូបាញ់ឡើងលើមួយគ្រាប់នេះ តាំងពីឆ្នាំ២០២២ មកម្ល៉េះ ប៉ុន្ដែគេទើបយកមកបង្ហោះឡើងវិញ នៅក្នុងគណនីក្លែងក្លាយដែលប្រើប្រាស់ឈ្មោះ Yubee Ly៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

អាមេរិកវាយប្រហារកោះ Qeshm របស់អ៊ីរ៉ង់ ខណៈទីក្រុងតេអេរ៉ង់បាញ់មីស៊ីលទៅលើកូវ៉ែត និងបារ៉ែន

អ៊ីរ៉ង់ កំពុងសិក្សាកិច្ចព្រមព្រៀងផ្អាកសង្គ្រាម ខណៈភាពជាប់គាំងនៅតែបន្ត

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877