BTV NEWS

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តកំពង់ធំ

ប្រធានអង្គការមូលនិធិអភិវឌ្ឍន៍មូស្លីមកម្ពុជា ផ្ដល់អំណោយជូនជនភៀសសឹកចំនួន ១៥០០គ្រួសារ នៅខេត្តបន្ទាយមានជ័យ

ប្រមុខការទូតកម្ពុជាធ្វើបទបង្ហាញជូនអង្គទូត ស្តីពីការសម្រេចចិត្តរបស់កម្ពុជា ពាក់ព័ន្ធនឹងតំបន់ទាមទារដែនសមុទ្រត្រួតគ្នាជាមួយ ប្រទេសថៃ

កម្ពុជា-ឥណ្ឌាដាក់ឱ្យដំណើរការទូទាត់ឆ្លងដែនតាមឃ្យូអរកូត ដើម្បីសម្រួលដល់ប្រជាជនឥណ្ឌាមកកម្ពុជា

ព័ត៌មានជាតិ

អន្តរក្រសួង ធ្វើសិក្ខាសាលាពិគ្រោះយោបល់ ពីគោលនយោបាយសង្ខេបទាក់ទងយេនឌ័រ និងសុខភាព

អន្តរក្រសួង រួមមានក្រសួងកិច្ចការនារី ក្រសួងសុខាភិបាល ក្រសួងផែនការ ដោយមានការគាំទ្រពីអង្គការ វ៉ាយថលស្ត្រេតធីជី (Vital Strategies) បានរៀបចំសិក្ខាសាលាពិគ្រោះយោបល់ស្តីពី អនុសាសន៍គោលនយោបាយសង្ខេបចំនួន ៥ ទាក់ទងយេនឌ័រ និងសុខភាព។ ក្នុងពិធីបើកសិក្ខាសាលានៅថ្ងៃនេះ លោកជំទាវ ច័ន្ទ សុរិយ៍ រដ្ឋលេខាធិការ ក្រសួងកិច្ចការនារី បានលើកឡើងថា ជាបន្តបន្ទាប់ក្រុមការងារអន្តរក្រសួង បានបំពេញការងារ រៀបចំអនុសាសន៍គោលនយោបាយចំនួន ៥ រហូតបានទទួលជោគជ័យ និងបានដាក់ពិគ្រោះយោបល់បន្ថែមនាថ្ងៃនេះ។ អនុសាសន៍គោលនយោបាយទាំង ៥ រួមមាន ការលើកកម្ពស់សេវាឆ្លើយតបចំពោះស្រ្តី និងកុមាររងគ្រោះដោយអំពើហិង្សាទាក់ទងនឹងយេនឌ័រ ការជំរុញការលប់បំបាត់ជំងឺមហារីកមាត់ស្បូន ដើម្បីសង្គ្រោះជីវិតស្រ្តី ការកាត់បន្ថយអត្រាមរណភាពមាតា និងទារកដោយលើកកម្ពស់សុខភាពអាហារូបត្ថម្ភ សម្រាប់ស្រ្តីអាយុ១៥-៤៩ ឆ្នាំ ការកាត់បន្ថយផលប៉ះពាល់ពីអាពាហ៍ពិពាហ៍នៅវ័យក្មេង អាពាហ៍ពិពាហ៍ដោយបង្ខំ និងការលើកកម្ពស់តួនាទីស្រ្តីជាថ្នាក់ដឹកនាំ និងអភិបាលកិច្ចក្នុងវិស័យសុខាភិបាល។អនុសាសន៍គោលនយោបាយសង្ខេបទាំង៥ខាងលើ ក៏បានឆ្លើយតបទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលអាណត្តិទី៧ ដើម្បីកំណើនការងារ សមធម៌ ប្រសិទ្ធភាព និងចីរភាព ដោយបន្តយក «មនុស្ស» ជាអាទិភាពចម្បង ក្នុងនោះបញ្ចកោណទី១ ផ្តោតសំខាន់ទៅលើ «ការអភិវឌ្ឍមូល ធនមនុស្ស» ដែលគិតគូរទៅលើ ការលើកកម្ពស់សុខភាព និងសុខុមាលភាពប្រជាជន និងការពង្រឹងប្រព័ន្ធ គាំពារសង្គម ។ នាពេលថ្មីៗនេះ ក្រសួងកិច្ចការនារី បានដាក់ឲ្យប្រើប្រាស់ផែនការយុទ្ឋសាស្រ្ត នារីរតនៈទី៦ (២០២៤-២០២៨)ផងដែរ ។ ផែនការនេះ មានការចូលរួមអនុវត្តពហុវិស័យ ដោយក្នុងនោះក៏មានសកម្មភាពដែលទាក់ទងការរៀបចំគោលនយោបាយ យេនឌ័រនិងសុខភាព៕ អត្ថបទ៖ គឹមហុក

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

ភ្នំពេញ៖ សេចក្តីព្រាងច្បាប់ស្តីពីប្រព័ន្ធទឹកកខ្វក់ ដែលរៀបចំឡើងដោយក្រសួងសាធារណការ និងដឹកជញ្ជូន ត្រូវបានអនុម័តជាផ្លូវការក្នុងសម័យប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នាព្រឹកថ្ងៃទី២៣ ខែសីហា ឆ្នាំ២០២៤នេះ នៅវិមានសន្តិភាព។ កិច្ចប្រជុំនាឱកាសនេះ បានប្រព្រឹត្តទៅក្រោមកិច្ចដឹកនាំប្រកបដោយគតិបណ្ឌិតរបស់ សម្តេចធិបតី នាយករដ្ឋមន្ត្រី ដោយបានពិភាក្សា និងឆ្លងលើរបៀបវារៈមួយចំនួន ដោយក្នុងនោះ “សេចក្តីព្រាងច្បាប់ស្តីពីប្រព័ន្ធទឹកកខ្វក់” ត្រូវបានកិច្ចប្រជុំពេញអង្គគណៈរដ្ឋមន្ត្រីសម្រេចអនុម័ត ឱ្យបន្តនីតិវិធីក្នុងការស្នើសុំសេចក្តីទុកចិត្តពីស្ថាប័ននីតិប្បញ្ញត្តិ សំដៅធ្វើឱ្យសេចក្តីព្រាងច្បាប់នេះចូលជាធរមាន និងអាចប្រកាសដាក់ឱ្យអនុវត្តជាផ្លូវការក្នុងពេលឆាប់ៗខាងមុខ។សេចក្តីព្រាងច្បាប់នេះ បន្ទាប់ពីបានអនុម័ត និងដាក់ចេញឱ្យប្រើប្រាស់ជាផ្លូវការ រំពឹងថា និងក្លាយជាឧបករណ៍គតិយុត្តដ៏សំខាន់សម្រាប់កំណត់អំពីការគ្រប់គ្រងការអភិវឌ្ឍ ការសាងសង់ ការជួសជុល ការថែទាំ ការធ្វើប្រតិបត្តិការ និងការប្រើប្រាស់ប្រព័ន្ធទឹកកខ្វក់ ក្នុងគោលបំណងធានាប្រសិទ្ធភាព គុណភាព សុវត្ថិភាព និងនិរន្តរភាពនៃប្រព័ន្ធទឹកកខ្វក់ និងការការពារបរិស្ថាន រួមចំណែកធ្វើឱ្យប្រសើរឡើងនូវសុខមាលភាព សាធារណៈនៅក្នុងព្រះរាជាណាចក្រកម្ពុជា៕

មូលដ្ឋានសុខាភិបាលនៅខេត្តកណ្តាលទទួលការគាំទ្រច្រើនពីពលរដ្ឋលើការផ្តល់សេវារយៈពេល១ឆ្នាំនេះ

ក្រោយពីបានអនុវត្តគោលនយោបាយអាទិភាពរបស់រាជរដ្ឋាភិបាលអណត្តិទី៧ លើកិច្ចការពង្រីកថែទំាសុខភាពឆ្ពោះទៅរកការគ្របដណ្តប់សុខភាពជាសកល ក្នុងរយៈពេលមួយឆ្នាំមកនេះ មូលដ្ឋានសុខាភិបាលនៅខេត្តកណ្តាល គឺបានអនុវត្តការផ្តល់សេវា និងបានសម្របសម្រួល ជូនពលរដ្ឋទូទៅ មកទទួលសេវា បានច្រើនជាងបណ្តាឆ្នាំកន្លងមក និងទទួលបានការគាំទ្រផ្តល់សេចក្តីទំនុកចិត្តខ្ពស់ពីបណ្តាពលរដ្ឋ។លោក វេជ្ជបណ្ឌិត លី មករា ប្រធានមន្ទីរពេទ្យបង្អែកជ័យជម្នះ ខេត្តកណ្តាល បានថ្លែងប្រាប់BTVនៅថ្ងៃទី២៣ ខែសីហានេះថា នៅក្នុងដំណើរកាអនុវត្តគោលនយោបាយអាទិភាព របស់រាជរដ្ឋាភិបាល អាណត្តិទី៧ ដែលមានក្រសួងសុខាភិបាលជាសេនាធិការ ក្នុងរយៈពេល១ឆ្នាំមកនេះ មន្ទីរពេទ្យបានខិតខំអនុវត្ត និងបានធ្វើមូលដ្ឋានសុខាភិបាលបានទទួលបានការគាំទ្រ និងមានពលរដ្ឋបានចូលមកទទួលសេវាថែទាំសុខភាពមានចំនួនកើនឡើងខ្លាំងបណ្តាឆ្នាំកន្លងមក ក្នុងពលរដ្ឋ មកទទួលសេវាដោយប្រើបណ្ណ ប.ស.ស និងមូលនិធិសមធម៌ បណ្ណក្រីក្រ មានចំនួនច្រើនជាង អ្នកប្រើប្រាស់ថវិកាបង់ថ្លៃសេវាថែទាំសុខភាព។បើតាមស្ត្រីជាម្តាយចូលសម្រាលកូនតាមមូលដ្ឋានសុខាភិបាលនោះ ក៏បានថ្លែងដែរថា បច្ចុប្បន្នពលរដ្ឋមានការពេញចិត្តចំពោះ ក្រសួងសុខាភិបាល ពិសេសប្រមុខថ្នាក់ដឹកនាំរាជរដ្ឋាភិបាល បានអនុវត្តគោលនយោបាយផ្តល់បណ្ណ ប.ស.ស បណ្ណមូលនិធិសមធម៌សម្រាប់គ្រួសារក្រីក្រ គឺបានទទួលសេវាសម្រាកព្យាបាលដោយមិនគិតថ្លៃ មានប្រាក់ឧបត្ថម្ភបន្ថែម ហើយក្រុមពេទ្យមានការផ្តល់សេវាល្អ ដូចៗគ្នា មានទំនុកចិត្តខ្ពស់។សូមបញ្ជាក់ថា រាជរដ្ឋាភិបាលកម្ពុជាអណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្ត្រីកម្ពុជា បានដាក់ចេញអនុវត្តកម្មវិធីគោលនយោបាយជាអាទិភាពចំនួន៦ ក្នុងនោះ គោលនយោបាយអាទិភាពទី១ គឺការពង្រីកសេវាថែទំាសុខភាពឆ្ពោះទៅរកការគ្របដណ្តប់សុខភាពជាសកល ហើយកម្មវិធីនេះ គឺធ្វើឡើងស្របតាមកម្មវិធីគោលនយោបាយអង្គការសុខាភាពពិភពលោក WHO ដែលបច្ចុប្បន្នគឺបាន និងកំពុងជំរុញបណ្តាប្រទេស ផ្តល់សេវាសុខាភិបាល ពិនិត្យថែទាំសុខភាព និងព្យាបាលជំងឺជូនអ្នកជំងឺទាំងអស់គ្នា និងដូចៗគ្នា ពីរាជរដ្ឋាភិបាល បើទោះ ពលរដ្ឋនោះ ឬអ្នកជំងឺ មាន ឬមិនមានថវិកាក៏ដោយ៕ អត្ថបទ ស៊ុម សុខជា

ទេសចរជាតិ៖ ខេត្តរតនគិរីផ្លាស់មុខមាត់ និងរីកចម្រើនច្រើនបើធៀបនឹងជាង ១០ឆ្នាំមុន

ទេសចរជាតិ ដែលទៅទស្សនាកម្សាន្តនៅខេត្តរតនគិរី លើកឡើងថា ខេត្តរតនគិរីដែលជាខេត្តមួយមានចម្ងាយឆ្ងាយជាងគេកំពុងផ្លាស់មុខមាត់ និងរីកចម្រើនច្រើនបើធៀបនឹងជាង១០ឆ្នាំកន្លងទៅ។ក្នុងពេលក្រសួង-ស្ថាប័ន មជ្ឈដ្ឋានក្នុង និងក្រៅប្រទេសបន្តគាំទ្រដល់កិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) ដើម្បីឆ្លុះបញ្ចាំងដល់អត្ថប្រយោជន៍លើសេដ្ឋកិច្ច, ពាណិជ្ជកម្ម និងការអភិវឌ្ឍន៍ ដែលផ្ទុយពីក្រុមមួយក្តាប់តូចចោទថាបាត់បង់ទឹកដីប្រទេសកម្ពុជា តាមរយៈខេត្តទាំង៤ដែលត្រូវដាក់បញ្ជូលក្នុងគម្រោងនេះ។ ជាក់ស្តែង តាមរយៈក្រុមការងារBTVបានទៅដល់ទឹកដីខេត្តរតនគិរី និងជួបសម្ភាសន៍ជាមួយទេសចរណ៍ជាតិដែលទៅលេងកម្សាន្តនៅខេត្តរតនគិរី ពួកគាត់បានឱ្យដឹងថា ដោយសារតែរដូវនេះពួកគាត់ទើបតែបញ្ចប់ការដាំដុះនៅឯស្រុកកំណើតនាខេត្តបាត់ដំបង ដូច្នេះបានរៀបចំការដើរកម្សាន្តទៅខេត្តភាគឦសាន។ទេសចរណ៍ជាតិ លើកឡើងថា ខេត្តរតនគិរីក្នុងរយៈពេលជាង១០ឆ្នាំចុងក្រោយនេះពិតជាមានការផ្លាស់ប្តូរមុខមាត់ សោភ័ណភាព និងកសាងផ្លូវបានស្អាតជាងមុនដែលជួយឱ្យការធ្វើដំណើរកាន់តែរហ័ស។សូមជម្រាបថា ខេត្តរតនគិរីមានចំងាយជិត៦០០គីឡូម៉ែត្រពីរាជធានីភ្នំពេញ។ ខេត្តរតនគិរីមានតំបន់ទេសចរណ៍ចំនួន ១៤កន្លែង ដូចជា បឹងយក្សឡោម, ទឹក ជ្រោះកាចាញ, ទឹកជ្រោះចាអ៊ុង, ទឹកជ្រោះអូរស៊ិនលែរ៍, និងឧទ្យានជាតិវីរជ័យជាដើម ខណៈក្នុងចំណោមនោះមាន៥កន្លែង ដែលកំពុងទាក់ទាញភ្ញៀវទេសចរជាតិ និងអន្តរជាតិទៅលេងកម្សាន្តច្រើនជាងគេ គឺបឹងយក្សឡោម, អូរសិនលែរ៍, ទឹកជ្រោះកាចាញ, ទឹកជ្រោះចា អ៊ុង និង ទឹកជួរតាតតៃ ដែលមានភ្ញៀវទេសចរទៅលេងក្នុងមួយឆ្នាំៗរាប់ម៉ឺននាក់៕

ពលរដ្ឋបង្ហាញការគាំទ្រសម្តេចធិបតី ផ្តល់ការធ្វើដំណើរទស្សនាការអភិវឌ្ឍខេត្តតំបន់ CLV

ក្រោយពីសម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្រេចបង្កើតឱ្យមានកម្មវិធីដំណើរកម្សាន្តនៅតាមបណ្ដោយព្រំដែន CLV-DTA ដោយឥតគិតកម្រៃសេវា នៅរៀងរាល់ចុងសប្ដាហ៍ គិតចាប់ពីខែកញ្ញា ដល់ដំណាច់ឆ្នាំ២០២៤ នៅពេលនេះ មានបណ្តាពលរដ្ឋក្នុងចំណោមប្រកបរបរសេដ្ឋកិច្ចក្រៅប្រព័ន្ធ មានការចាប់អារម្មណ៍ចង់ទស្សនាការអភិវឌ្ឍតំបន់ព្រំដែននៅភូមិភាគឥសាន្តប្រទេសកម្ពុជនេះ។ពលរដ្ឋ អ្នកប្រកបរបរសេដ្ឋកិច្ចក្រៅប្រព័ន្ធ នៅខេត្តកណ្តាល បានថ្លែងប្រាប់ BTV នៅថ្ងៃទី២៣ ខែសីហានេះដោយបង្ហាញការ គាំទ្រចំពោះដំណើរកិច្ចសហប្រតិបត្តិការអភិវឌ្ឍតំបន់ត្រីកោណ កម្ពុជា ឡាវ វៀតណាម CLV-DTA ហើយស្របពេលប្រមុខថ្នាក់ដឹកនាំប្រកាសរៀបចំកម្មវិធីដំណើរកម្សាន្តទស្សនាការអភិវឌ្ឍនៅតាមខេត្តទាំងបួនរួមមានខេត្តរតនៈគិរី មណ្ឌលគិរី ក្រចេះ និងខេត្តស្ទឹងត្រែង ដោយមិនមានគិតថ្លៃ គឺធ្វើឲ្យពលរដ្ឋមានពេញចិត្តចង់ទៅទស្សនា ដើម្បីមើលទិដ្ឋភាពការអភិវឌ្ឍន៍ជាក់ស្តែង ស្គាល់ទឹកដី ភូមិសាស្ត្រ និងរបៀបការរស់នៅរបស់ប្រជាពលរដ្ឋនៅតំបន់ព្រំដែន។សូមបញ្ជាក់ថា ការរៀបចំកម្មវិធីដំណើរកម្សាន្តនៅតាមបណ្ដោយព្រំដែនដោយឥតគិតកម្រៃសេវា នៅរៀងរាល់ចុងសប្ដាហ៍ គិតចាប់ពីខែកញ្ញា ដល់ដំណាច់ឆ្នាំ២០២៤ បានធ្វើឡើងខណៈក្នុងរយៈពេលជិត៣០ឆ្នាំកន្លងមកនេះ រាជរដ្ឋាភិបាលកម្ពុជា បានអភិវឌ្ឍន៍តំបន់ព្រំដែន និងសាងសង់ផ្លូវតាមព្រំដែនកម្ពុជា ថៃ បានប្រវែងជាង ៤៥៥ គ.ម ចំណោមផ្លូវ ៥០៩ គ.ម ផ្លូវព្រំដែនកម្ពុជា ឡាវ ស្ថាបនាបានប្រវែងជាង ១៧៩ គ.ម ក្នុងចំណោមផ្លូវ៣៧៧ គ.ម និងផ្លូវតាមព្រំដែនកម្ពុជា វៀតណាម ស្ថាបនាបានប្រវែងជាង ៦៨៥ គ.ម ក្នុងចំណោមផ្លូវ ១០៨៩ គ.ម៕ អត្ថបទ ស៊ុម សុខជា

រដ្ឋមន្រ្តីបីរូប ចុះពិនិត្យផ្ទាល់រោងម៉ាស៊ីនកិនស្រូវចំនួន២កន្លែង នៅកំពង់ស្ពឺ

ក្នុងគោលបំណងដើម្បីជំរុញដល់ការនាំចេញ ក៏ដូចជាផ្សព្វផ្សាយអំពីសក្តានុពលរបស់វិស័យស្រូវអង្ករកម្ពុជា រដ្ឋមន្រ្តីចំនួន ៣រូប រួមមាន៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម , ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវតន៍ , ឯកឧត្តម ឌិត ទីណា ក្រសួងកសិកម្ម រុក្ខាប្រមាញ់ និងនេសាទ និងឯកឧត្តមបណ្ឌិត កៅ ថាច អគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ញើញធ្វើដំណើរទស្សនកិច្ចទៅកាន់រោងម៉ាស៊ីនស្រូវចំនួនពីរដែលជាសមាជិកសហព័ន្ធស្រូវអង្ករកម្ពុជា។លោក កាន់ គន្ធី អនុប្រធានសហព័ន្ធស្រូវអង្ករកម្ពុជា ក្រោយចប់ដំណើរទស្សនកិច្ច កាលពីរសៀលថ្ងៃទី២២ សីហា ឆ្នាំ២០២៤នេះ នៅក្រុងឧត្តុង្គម៉ែជ័យ ខេត្តកំពង់ស្ពឺ បានឲ្យបណ្តាញអ្នកសារព័ត៌មានដឹងថា នេះគឺជាប្រវត្តិសាស្រ្ត និងជាលើកទី១ ដែលថ្នាក់ដឹកនាំជាន់ខ្ពស់នៃរាជរដ្ឋាភិបាល បានបំពេញការងារបែបនេះផ្ទាល់រួមគ្នា ក្នុងគោលបំណង គឺដើម្បីពិនិត្យមើលទិដ្ឋភាពនៃសមត្ថភាព គុណភាព បច្ចេកវិទ្យា និងទំនើបកម្មរបស់រោងម៉ាស៊ីនកិនស្រូវនៅកម្ពុជា និងផ្សព្វផ្សាយអំពីសក្តានុពលរបស់វិស័យស្រូវអង្ករកម្ពុជាដោយឈរលើមូលដ្ឋាន (ដាំដុះមានគុណភាពល្អ កិនកែច្នៃប្រកបដោយសុវត្ថិភាព និងទីផ្សារដែលមាននិរន្តរភាព ព្រមទាំង ប្រាក់ចំណេញ ដោយមានការជួយជ្រោមជ្រែងពីរាជរដ្ឋាភិបាលតាមរយៈគោលនយោបាយនានា)។ លោកសង្ឃឹមថា បន្ទាប់ពីទស្សនកិច្ចនេះ រាជរដ្ឋាភិបាលនឹងឃើញការអភិវឌ្ឍ និងវឌ្ឍនៈភាពរោងចក្រកិនកែច្នៃអង្ករ អង្ករកម្ពុជានឹងឈានទៅមួយជំហានទៀត ដែលព្យាយាមធ្វើយ៉ាងម៉េចប្រម៉ូតអង្ករខ្មែរឲ្យកាន់តែល្បីទៅទីផ្សារផ្សេងៗទៀត ដូចដឹងហើយថា វិស័យស្រូវ អង្ករនេះ គឺពាក់ព័ន្ធជាមួយក្រសួង ស្ថាប័នច្រើនណាស់ក្នុងការជួយជំរុញ និងសហការគ្នាដើម្បីសម្រេចបានជោគជ័យទាំងអស់គ្នា។លោក កាន់ គន្ធី បានបង្ហើបឲ្យដឹងទៀតថា នៅថ្ងៃទី១០ ខែកញ្ញាខាងមុខនេះ សហព័ន្ធស្រូវអង្ករកម្ពុជា នឹងរៀបចំវេទិការស្រូវអង្ករកម្ពុជា ក្រោមអធិបតីភាពដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដែលនឹងឱកាសស្វែងយល់អំពីឧស្សាហកម្មអង្ករកម្ពុជា បង្កើតបណ្តាញ និងពិភាក្សាអំពីគោលនយោបាយ និងការវិនិយោគអង្ករកម្ពុជា។គិតក្នុងរយៈពេល ៧ខែ ឆ្នាំ២០២៤នេះ ការនាំចេញអង្កររបស់កម្ពុជា ទៅកាន់ទីផ្សារគោលដៅចំនួន ៦៤ប្រទេស មានទំហំប្រមាណជាង ៣៧ម៉ឺនតោន ដោយទទួលបានទឹកប្រាក់ជាង ២៨០លានដុល្លារ៕ អត្ថបទ ឈិត បូរ៉ាវី

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា រាជរដ្ឋាភិបាលកម្ពុជា បានគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី ក្នុងក្របខណ្ឌគ្រប់ជ្រុងជ្រោយអាស៊ានស្ដីពី «សេដ្ឋកិច្ចដែលគិតគូរពីសុខុមាលភាព» ដែលត្រូវបានបង្កើតឡើងនៅឆ្នាំ២០២១ ដោយកម្ពុជាបន្តគាំទ្រចំពោះការបោះជំហានជាយុទ្ធសាស្រ្ដនៅក្នុងទិសដៅដ៏ត្រឹមត្រូវនេះ។សម្ដេចធិបតី នាយករដ្ឋមន្រ្ដីមានប្រសាសន៍បញ្ជាក់បែបនេះ ក្នុងឱកាសថ្លែងសុន្ទរកថា ក្នុងកិច្ចប្រជុំកំពូលស្ត្រីអាស៊ានលើកទី៣៖ ក្រោមប្រធានបទ «ការពង្រឹងសេដ្ឋកិច្ចដែលគិតគូរពីសុខុមាលភាព និងភាពធន់ ឆ្ពោះទៅសហគមន៍អាស៊ានក្រោយឆ្នាំ ២០២៥»នាព្រឹកថ្ងៃទី២៣ ខែសីហា ឆ្នាំ២០២៤នេះ។តាមរយៈសុន្ទរកថាសម្ដេចធិបតី នាយករដ្ឋមន្រ្ដីបានបង្ហាញការជឿជាក់ថា លទ្ធផលគន្លឹះដែលទទួលបានពីកិច្ចពិភាក្សារវាងភាគីពាក់ព័ន្ធសំខាន់ៗ នឹងក្លាយទៅជាធាតុចូលដ៏មានតម្លៃសម្រាប់ថ្នាក់ដឹកនាំអាស៊ាន ក្នុងការលើកកម្ពស់ និងទទួលស្គាល់តម្លៃនៃការងារមើលថែ ទាំងបានប្រាក់កម្រៃ និងមិនបានប្រាក់កម្រៃ ក៏ដូចជាការងារបម្រើតាមផ្ទះរបស់ស្រ្ដីផងដែរ។ សម្ដេចធិបតីមានប្រសាសន៍ដោយមោទនភាពចំពោះវេទិកានេះថាការសម្រេចបាននូវការប្ដេជ្ញាចិត្តរបស់អាស៊ាន ក្នុងការលើកកម្ពស់គុណភាពជីវិត និងសុខុមាលភាពសម្រាប់ប្រជាជនអាស៊ាន ដើម្បីរៀបចំអាស៊ានឱ្យកាន់តែរឹងមាំ ប្រកបដោយភាពធន់ និងនិរន្តរភាព ក្នុងការឆ្លើតតបទៅនឹងវិបត្តិស្មុគស្មាញ និងបញ្ហាប្រឈមថ្មីៗ ខណៈសេដ្ឋកិច្ចដែលគិតគូរពីមុខុមាលភាព បានឆ្លើយតបនឹងគោលដៅនៃការអភិវឌ្ឍប្រកបដោយនិរន្តរភាព (SDGs) ជាច្រើន។សម្ដេចជម្រាបថា គោលនយោបាយនៃរាជរដ្ឋាភិបាលកម្ពុជា តាមរយៈយុទ្ធសាស្រ្ដបញ្ចកោណ ដំណាក់កាលទី១ ក៏មានបេសកកម្ម និងគោលបំណងរួមគ្នា ជាពិសេសលើកិច្ចខិតខំប្រឹងប្រែង ក្នុងការផ្ដល់ការការពារសង្គម សម្រាប់ស្រ្ដីទាំងអស់គ្នា។ សម្ដេចបន្តថា ថ្មីៗនេះ រាជរដ្ឋាភិបាលកម្ពុជា ទើបតែបានដាក់ចេញនូវ ផែនការបង្ហាញផ្លូវឆ្ពោះទៅរកការគ្រប់ដណ្ដប់សុខភាពជាសកល ២០២៤-២០៣៥ កម្មវិធី និងគម្រោងមួយចំនួនត្រូវបានដាក់ចេញរួមមាន ការពង្រីកមូលនិធិសុខុមាលភាពសុខាភិបាលសម្រាប់គ្រួសារដែលងាយរងគ្រោះ និងសេវាថែទាំសុខភាព ដើម្បីសម្រេចបាននូវការគ្របដណ្ដប់សុខភាពជាសកលផងដែរ៕ អត្ថបទ៖ វ៉ន ដារ៉ា

សម្តេចធិបតី ហ៊ុន ម៉ាណែត ដឹកនាំប្រជុំពេញអង្គគណៈរដ្ឋមន្ត្រីដើម្បីពិនិត្យ និងពិភាក្សាលើរបៀបវារៈចំនួន៤

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៣ ខែសីហា នេះ អញ្ជើញជាអធិបតីភាពដ៏ខ្ពង់ខ្ពស់ដឹកនាំប្រជុំពេញអង្គគណៈរដ្ឋមន្ត្រី ដើម្បីពិនិត្យ និងពិភាក្សាលើរបៀបវារៈចំនួន៤ ៖ទី១. ការពិនិត្យ និងពិភាក្សាលើ របាយការណ៍វឌ្ឍនភាពនៃការអនុវត្តវិធានការ កែទម្រង់មុតស្រួចជាកញ្ចប់ដែលបានដាក់ចេញ ក្នុងវេទិការាជរដ្ឋាភិបាល ផ្នែកឯកជន លើកទី១៩ ប្រចាំឆមាសទី១ ឆ្នាំ២០២៤។ទី២. ការពិនិត្យ និងសម្រេចលើសេចក្តីព្រាងច្បាប់ស្តីពីប្រព័ន្ធទឹកកខ្វក់។ទី៣. ការពិនិត្យ និងសម្រេចលើសេចក្តីព្រាងច្បាប់ ស្តីពីការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគី នៃកិច្ចព្រមព្រៀងស្តីពី ការទទួលយក បទប្បញ្ញត្តិបច្ចេកទេសរួម នៃអង្គការសហប្រជាជាតិ សម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬ ប្រើប្រាស់ទៅលើយានយន្ត និងលក្ខខណ្ឌសម្រាប់ការទទួលស្គាល់ទៅវិញទៅមក នៃ ការផ្តល់អនុលោមភាព ដោយឈរលើមូលដ្ឋាន នៃបទប្បញ្ញត្តិអង្គការសហប្រជាជាតិ។ទី៤. បញ្ហាផ្សេងៗ។

រាជរដ្ឋាភិបាលប្រកាសផ្តល់ដីសម្បទានសង្គមកិច្ចជូនប្រជាពលរដ្ឋដែលខ្វះដីពិតប្រាកដដើម្បីលើកស្ទួយជីវភាពពលរដ្ឋ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាលនឹងផ្តល់ដីសម្បទានសង្គមកិច្ចជូន ដល់បងប្អូនប្រជាពលរដ្ឋណាដែលខ្វះដីពិតប្រាកដ ដើម្បីជាការលើកស្ទួយជីវភាពរបស់បងប្អូន និងដើម្បីផ្តល់ឱកាសឲ្យបងប្អូនប្រជាពលរដ្ឋចូលរួមជួយការពារ និងថែរក្សាដីរដ្ឋ និងដីព្រៃពីការកាន់កាប់ និងទន្រ្ទានពីក្រុមខិលខូចជាដើម។តាមរយៈសេចក្តីថ្លែងការណ៍ពិសេសមួយ ស្តីពីសមិទ្ធផល១ឆ្នាំ របស់រាជរដ្ឋាភិបាលនីតកាលទី៧ នៃរដ្ឋសភា២២ សីហា ឆ្នាំ២០២៣-២២សីហា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលបានដាក់ចេញនូវកម្មវិធីផ្តល់ដីសម្បទានសង្គមកិច្ចមួយទៀត ដែលឲ្យឈ្មោះថា«កម្មវិធីផ្តល់ ដីការពារព្រៃដើម្បីរួមគ្នាអភិវឌ្ឍន៍ដោយចីរភាព» ហើយក្រោយរាជរដ្ឋាភិបាលផ្តល់ជូនហើយ រាជរដ្ឋាភិបាល នឹងជួយធ្វើការអភិវឌ្ឍនៅកន្លែងនោះផងដែរ ដើម្បីធ្វើយ៉ាងណាឲ្យជីវភាពរបស់បងប្អូនខ្មែរកាន់តែល្អប្រ សើរបន្ថែមទៀតស្របទៅតាមគោលនយោបាយរបស់រាជរដ្ឋាភិបាលអាណត្តិទី៧នីតិកាលនៃរដ្ឋសភានេះ។បើតាមសម្តេចធិបតី បានឲ្យឡើងទៀតថា តាមរយៈនៃការផ្តល់ដីសម្បទានសង្គមកិច្ចនេះគឺរាជរដ្ឋាភិបាលអាចពន្លត់បញ្ហាពីរក្នុងពេលតែមួយដោយទី១ពលរដ្ឋដែលខ្វះដីពិតប្រាកដ ដោយនឹងទទួលបានដីអាស្រ័យផលទាន់ពេលវេលា ខណៈកម្មវិធីនេះគឺជាការរៀបចំយន្តការថ្នាក់ជាតិ ដែលមាននាយករដ្ឋមន្រ្តីធ្វើជាប្រធានដើម្បីធានានូវភាពត្រឹមត្រូវ សុក្រឹត្យភាព។ មួយវិញទៀតយន្តការនេះក៏ជាឱកាសរបស់រាជរដ្ឋាភិប្រើប្រាស់នៃការចូលរួមរបស់ប្រជាពលរដ្ឋក្នុងកិច្ចការពារតំបន់ធម្មជាតិ និងដីរដ្ឋផ្សេងៗទៀត ដែលពួកគាត់តាំងទីលំនូវដ្ឋាននៅទីនោះផងដែរ។សម្តេចធិបតីនាយករដ្ឋមន្រ្តីបានបន្ថែមទៀតថា កម្មវិធីថ្មីនេះគឺជាការគិតគួរដល់ភូមិភាគឦសាន និងតំបន់មួយចំនួនទៀតដែលមានការចាំបាច់នៅក្នុងការការពារនូវធនធានធម្មជាតិ ក៏ដូចជាការជំរុញការអភិវឌ្ឍនប្រទេសកម្ពុជាឲ្យកាន់តែល្អប្រសើរបន្ថែមទៀត ហើយទាក់ទងនឹងកិច្ចការងារនេះដែររាជរដ្ឋាភិបាលនឹងចាប់ផ្តើមេរៀបំគោលការណ៍អនុវត្ត ដោយសង្ឈឹមថានឹងអនុវត្តនៅក្នុងដំណាច់ឆ្នាំ២០២៤នេះតែម្តង៕ អត្ថបទ បាន ចក់

សម្តេចធិបតី៖ រាជរដ្ឋាភិបាលនឹងចំណាយថវិកា១០០លានដុល្លារទៀត សម្រាប់ចុះបញ្ជីដីជូនប្រជាពលរដ្ឋ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសអះអាងថា ក្នុងរយៈពេល ១២ខែមកនេះរាជរដ្ឋាភិបាលអាណត្តិទី៧ បានចុះបញ្ជីដីជូនបងប្អូនប្រជាពលរដ្ឋបានជាង២លានក្បាលដី និងចេញបណ្ណបានជិត៥៩ម៉ឺនបណ្ណ ហើយសម្តេចរំពឹងថានឹងបញ្ចប់ការវាស់វែងប្រមាណជាង២លាន៥សែនក្បាលដីទៀតដែលនៅសេសសល់នាដំណាច់ឆ្នាំ២០២៥ នឹងត្រូវប្រើប្រាស់ថវិកាមួយរយលានដុល្លារអាមេរិក។ថ្លែងក្នុងសេចក្តីថ្លែងការណ៍ពិសេសមួយ ស្តីពីសមិទ្ធផល១ឆ្នាំ របស់រាជរដ្ឋាភិបាលនីតកាលទី៧ នៃរដ្ឋសភា២២ សីហា ឆ្នាំ២០២៣-២២សីហា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា ដើម្បីលុបបំបាត់នូវភាពចម្រូងចម្រាស់ និងទំនាស់ដីធ្លីនៅកម្ពុជានោះ រាជរដ្ឋាភិបាលនឹងខិតខំធ្វើយ៉ាងណា ចុះវាស់វែងដីធ្លីជូនប្រជាពលរដ្ឋឲ្យបានឆាប់រហ័ស ដោយក្នុងដំណាក់កាលនេះបាននិងកំពុងប្រើប្រាស់ កម្លាំងចម្រុះជាងប្រាំពាន់នាក់។ដោយឡែកចំពោះការទន្រ្ទានយកដីរដ្ឋ និងកាន់កាប់រំលោភដីរដ្ឋវិញ សម្តេចធិបតីនាយករដ្ឋមន្រ្តី បានឲ្យដឹងថា ក្នុងរយៈពេល១២ខែមកនេះ រាជរដ្ឋាភិបាលបាននិងកំពុងបន្តចាត់វិធានការទប់ស្កាត់ការទន្រ្ទានយកដីរដ្ឋ ដីព្រៃឈើ ដីតំបន់ការពារធនធានធម្មជាតិ និងបឹងទន្លេសាបជាដើម។ ទន្ទឹមនឹងនេះរាជរដ្ឋាភិបាលក៏បានជំរុញការចុះវាស់វែងកំណត់ព្រំ និងចុះបញ្ជីដីឲ្យបានចង់សព្វគ្រប់នាពេលខាងមុខដើម្បី ឈានទៅដល់ការបញ្ចប់ទំនាស់រវាងដីរដ្ឋ និងឯកជនផងដែរ។យ៉ាងណាក៏ដោយតាមរយៈក្នុងសេចក្តីថ្លែងការណ៍ពិសេសមួយ ស្តីពីសមិទ្ធផល១ឆ្នាំ របស់រាជរដ្ឋាភិបាលនីតកាលទី៧នៃរដ្ឋសភា សម្តេចធិបតីក៏បានអំពាវនាវយ៉ាងទទួចជាថ្មីម្តងទៀតដល់អាជ្ញាធរគ្រប់លំដាប់ថ្នាក់ទាំងអស់ត្រូវក៏ដូចជាប្រជាពលរដ្ឋ គប្បីត្រូវចូលរួមទប់ស្កាត់ការទន្រ្ទាន់ដីរដ្ឋ និងដីនៅតាមបឹងទន្លេសាប ខណៈត្រងន័យនេះត្រូវបានសម្តេចធិបតីចាត់ទុកថា ការចូលរួមថែរក្សា និងទប់ស្កាត់នូវការទន្រ្ទាន់យកដីតាមបឹងទន្លេសាបក៏ដូចជាព្រៃលិច ទឹកគឺជាការចូលរួមរក្សានូវធនធានជលផល និងសន្តិសុខស្បៀងសម្រាប់ប្រជាពលរដ្ឋយើងក៏ដូចជាសន្តិ សុខទឹកសម្រាប់ប្រើប្រាស់ និងស្រោយស្រពព្រមទាំងរក្សាបាននូវតុល្យភាពប្រព័ន្ធអេកូឡូស៊ីនៅតាមបឹងទន្លេសាបផងដែរ៕ អត្ថបទ បាន ចក់

បណ្ដាញសង្គម

ព័ត៌មានថ្មីៗ

អាមេរិក បាញ់មីស៊ីល Hellfire ទៅលើនាវាដឹកប្រេងកំពុងធ្វើដំណើរទៅកាន់ប្រទេសអ៊ីរ៉ង់

អាមេរិកវាយប្រហារកោះ Qeshm របស់អ៊ីរ៉ង់ ខណៈទីក្រុងតេអេរ៉ង់បាញ់មីស៊ីលទៅលើកូវ៉ែត និងបារ៉ែន

អ៊ីរ៉ង់ កំពុងសិក្សាកិច្ចព្រមព្រៀងផ្អាកសង្គ្រាម ខណៈភាពជាប់គាំងនៅតែបន្ត

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

អន្តរក្រសួង ធ្វើសិក្ខាសាលាពិគ្រោះយោបល់ ពីគោលនយោបាយសង្ខេបទាក់ទងយេនឌ័រ និងសុខភាព

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

មូលដ្ឋានសុខាភិបាលនៅខេត្តកណ្តាលទទួលការគាំទ្រច្រើនពីពលរដ្ឋលើការផ្តល់សេវារយៈពេល១ឆ្នាំនេះ

ទេសចរជាតិ៖ ខេត្តរតនគិរីផ្លាស់មុខមាត់ និងរីកចម្រើនច្រើនបើធៀបនឹងជាង ១០ឆ្នាំមុន

ពលរដ្ឋបង្ហាញការគាំទ្រសម្តេចធិបតី ផ្តល់ការធ្វើដំណើរទស្សនាការអភិវឌ្ឍខេត្តតំបន់ CLV

រដ្ឋមន្រ្តីបីរូប ចុះពិនិត្យផ្ទាល់រោងម៉ាស៊ីនកិនស្រូវចំនួន២កន្លែង នៅកំពង់ស្ពឺ

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី

សម្តេចធិបតី ហ៊ុន ម៉ាណែត ដឹកនាំប្រជុំពេញអង្គគណៈរដ្ឋមន្ត្រីដើម្បីពិនិត្យ និងពិភាក្សាលើរបៀបវារៈចំនួន៤

សម្តេចធិបតី៖ រាជរដ្ឋាភិបាលនឹងចំណាយថវិកា១០០លានដុល្លារទៀត សម្រាប់ចុះបញ្ជីដីជូនប្រជាពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

អន្តរក្រសួង ធ្វើសិក្ខាសាលាពិគ្រោះយោបល់ ពីគោលនយោបាយសង្ខេបទាក់ទងយេនឌ័រ និងសុខភាព

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់​ស្តីពីប្រព័ន្ធទឹកកខ្វក់

មូលដ្ឋានសុខាភិបាលនៅខេត្តកណ្តាលទទួលការគាំទ្រច្រើនពីពលរដ្ឋលើការផ្តល់សេវារយៈពេល១ឆ្នាំនេះ

ទេសចរជាតិ៖ ខេត្តរតនគិរីផ្លាស់មុខមាត់ និងរីកចម្រើនច្រើនបើធៀបនឹងជាង ១០ឆ្នាំមុន

ពលរដ្ឋបង្ហាញការគាំទ្រសម្តេចធិបតី ផ្តល់ការធ្វើដំណើរទស្សនាការអភិវឌ្ឍខេត្តតំបន់ CLV

រដ្ឋមន្រ្តីបីរូប ចុះពិនិត្យផ្ទាល់រោងម៉ាស៊ីនកិនស្រូវចំនួន២កន្លែង នៅកំពង់ស្ពឺ

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅ​ដ៏ត្រឹមត្រូវ​ចំពោះ​សុខុមាលភាពស្រ្ដី

សម្តេចធិបតី ហ៊ុន ម៉ាណែត ដឹកនាំប្រជុំពេញអង្គគណៈរដ្ឋមន្ត្រីដើម្បីពិនិត្យ និងពិភាក្សា​លើរបៀបវារៈចំនួន៤

សម្តេចធិបតី៖ រាជរដ្ឋាភិបាលនឹងចំណាយថវិកា១០០លានដុល្លារទៀត សម្រាប់ចុះបញ្ជីដី​ជូនប្រជាពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី

សម្តេចធិបតី ហ៊ុន ម៉ាណែត ដឹកនាំប្រជុំពេញអង្គគណៈរដ្ឋមន្ត្រីដើម្បីពិនិត្យ និងពិភាក្សាលើរបៀបវារៈចំនួន៤

សម្តេចធិបតី៖ រាជរដ្ឋាភិបាលនឹងចំណាយថវិកា១០០លានដុល្លារទៀត សម្រាប់ចុះបញ្ជីដីជូនប្រជាពលរដ្ឋ