នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អាជ្ញាធររាជធានីភ្នំពេញបន្តត្រួតពិនិត្យទីតាំងស្នាក់នៅប្រមូលផ្ដុំចំនួន ៨២ទីតាំង រកឃើញជនបរទេសខ្លះពុំមានលិខិតឆ្លងដែន និងផាកពិន័យម្ចាស់ ឬអ្នកគ្រប់គ្រង ៣ទីតាំង
គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams
សម្តេចតេជោ ហ៊ុន សែន៖ «គ្មានការយោគយល់ណាមួយ ចំពោះទីកន្លែងណាក៏ដោយ ដែល​បើក​ឱកាស​ឲ្យ​ពួក​ឆបោក​តាម​ប្រព័ន្ធអនឡាញ ធ្វើសកម្មភាព»
មេបញ្ជាការរងកងរាជអាវុធហត្ថលើផ្ទៃប្រទេសណែនាំឱ្យគ្រប់ជំនាញទាំងអស់បង្កើនការយកចិត្តទុកដាក់បង្ក្រាប Online Scams និងបទល្មើសផ្សេងៗ

ព័ត៌មានជាតិ

រដ្ឋមន្ត្រីក្រសួងសុខាភិបាល ធ្វើបឋកថាស្តីពី លក្ខណៈនៃអ្នកដឹកនាំ សម្រាប់មន្រ្តីរាជការក្រោមឱវាទក្រសួងសុខាភិបាល

2024/08/20 08:53:33 pm        80
Facebook Telegram Linkin
ភ្នំពេញ ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានធ្វើបទបឋកថា ស្តីពីលក្ខណៈនៃអ្នកដឹកនាំ សម្រាប់មន្រ្តីរាជការក្រោមឱវាទក្រសួងសុខាភិបាល តាមប្រព័ន្ធវីដេអូសន្និសីទ (Zoom) ដែលមានសមាសភាពចូលរួមសរុបចំនួន ៤០៤៦នាក់, នារសៀលថ្ងៃទី២០ ខែសីហា ឆ្នាំ២០២៤នេះ។ជាកិច្ចចាប់ផ្តើម ឯកឧត្តមសាស្រ្តាចារ្យរដ្ឋមន្រ្តី បានចែករំលែកពីសកម្មភាពចុះពិនិត្យមើលការងារនៅតាមមូលដ្ឋានសុខាភិបាលក្នុង ខេត្ត កំពង់ស្ពឺ ក្រុងព្រះសីហនុ ខេត្តកោះកុង ខេត្តប៉ៃលិន នាពេលកន្លងមក។ ឯកឧត្តមសាស្រ្តាចារ្យរដ្ឋមន្រ្តីក៏បានបង្ហាញពីមនោសញ្ចេតនាគិតគូរបារម្ភពីសុខទុក្ខក្នុងជិវិតរស់នៅនិងការងាររបស់បុគ្គលិកសុខាភិបាលទាំងអស់ជាពិសេសអ្នករស់នៅតាមតំបន់ដាច់ស្រយាល។ជាកិច្ចបន្ត ឯកឧត្តមសាស្ត្រាចារ្យរដ្ឋមន្ត្រី បានលើកបទបាឋកថា ពីលក្ខណៈនៃអ្នកដឹកនាំដែលមានប្រសិទ្ធិភាព តម្រូវអោយអ្នកដឹកនាំម្នាក់ៗចាប់ផ្តើមដោយធ្វើការដឹកនាំខ្លួនឯងជាមុន មុននឹងឈានដល់ដឹកនាំអ្នកផ្សេង និងឈានទៅដល់ការដឹកនាំអង្គភាព។ ដើម្បីដឹកនាំខ្លួនឯងបាន អ្នកដឹកម្នាក់ៗត្រូវ (១)ស្គាល់ពីចំនុចខ្លាំងនិងចំនុចខ្សោយរបស់ខ្លួនឯងនិងចេះគ្រប់គ្រងខ្លួនឯង (២)យល់ដឹងពីសង្គម និង (៣)ចេះគ្រប់គ្រងការទំនាក់ទំនង។ អ្នកដឹកនាំត្រូវវាយតំលៃពីចរិកលក្ខណៈនៃការដឹកនាំរបស់ខ្លួនដែលអាចមានជាប្រភេទ Direct/dominance, Influence, Steadiness or Compliance។ជាចុងក្រោយ ឯកឧត្តមសាស្រ្តាចារ្យផ្តាំផ្ញើឱ្យអ្នកដឹកនាំនៅក្នុងស្ថាប័នសុខាភិបាលទាំងអស់បន្តហ្វឹកហាត់ ប្រើប្រាស់របៀបរបបដឹកនាំទាំង៤ប្រភេទខាងលើ ដើម្បីបង្កើនប្រសិទ្ធភាពការងាររបស់ខ្លួន។ដោយមានការអនុញ្ញាតពី ឯកឧត្តមសាស្រ្តាចារ្យ មន្ទីរពេទ្យខេត្តកំពង់ឆ្នាំង បានចូលរួមធ្វើបទបង្ហញពីការប្រើប្រាស់ PDIA លើបដិសណ្ឋារកិច្ចនៅមន្ទីរពេទ្យ។ បទបង្ហាញនេះបានរំលេចពីតម្រូវការចាំបាច់ នៃការរៀបចំឱ្យមានការបដិសណ្ឋារកិច្ចល្អនៅតាមមន្ទីរពេទ្យដើម្បីបង្កើនទំនុកចិត្តរបស់អ្នកជំងឺនិងក្រុមគ្រួសារ។ ក្រុមការងារមន្ទីរពេទ្យខេត្តកំពង់ឆ្នាំង ក៏បានទទួលធាតុចូលបន្ថែមជាច្រើនពីថ្នាក់ដឹកនាំ និងពីមន្ទីរពេទ្យផ្សេងៗទៀត ដើម្បីធ្វើការងារនេះឱ្យកាន់តែប្រសើរនាពេលខាងមុខ។សូមបញ្ជាក់ផងដែរ វគ្គបណ្តុះបណ្តាលនេះត្រូវបានរៀបចំឡើងនៅរៀងរាល់ថ្ងៃអង្គារ ដែលមានវត្តមាន ថ្នាក់ដឹកនាំអង្គភាពថ្នាក់ជាតិ ចាប់ពីអនុប្រធានការិយាល័យថ្នាក់កណ្តាលរហូតដល់រដ្ឋលេខាធិការក្រសួងសុខាភិបាល អង្គភាពថ្នាក់ក្រោមជាតិ ចាប់ពីប្រធានមណ្ឌលសុខភាព រហូតដល់ប្រធានមន្ទីរសុខាភិបាលរាជធានី-ខេត្ត និងសមាជិកក្រុមប្រឹក្សាគណៈវិជ្ជាជីវៈទាំង ៥ ចាប់តាំងពីថ្នាក់រាជធានី-ខេត្ត រហូតដល់ថ្នាក់ជាតិ៕អត្ថបទ រដ្ឋា

លោក ផាយ ឡេង ត្រូវបានប្រកាសចូលកាន់តំណែងជា អភិបាលក្រុងពោធិ៍សាត់ នៃខេត្តពោធិ៍សាត់ ជាផ្លូវការ

2024/08/20 07:23:12 pm        62
Facebook Telegram Linkin
ពោធិ៍សាត់ ៖ លោក ផាយ ឡេង អភិបាលស្រុកបាកាន ត្រូវបានផ្ទេរភារកិច្ចមកជាអភិបាលក្រុងពោធិ៍សាត់ ដោយប្រកាសចូលកាន់តួនាទីជាផ្លូវការនៅរសៀលថ្ងៃទី២០ ខែសីហា ឆ្នាំ២០២៤ ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងដោយមានការចូលរួមពី ថ្នាក់ដឹកនាំមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធទាំង៣ប្រភេទ អភិបាលក្រុងស្រុកទាំង៧ ក្រុមប្រឹក្សាឃុំ និងមន្ត្រីរាជការជាច្រើននាក់ ។យោងតាម អនុក្រឹត្យ លេខ៨០៨ អនក្រ.តត ស្តីពីការផ្ទេរភារកិច្ច និងតែងតាំងមន្ត្រីរាជការ លោក ផាយ ឡេង ឋានន្តរស័កិ្តឧត្តមមន្ត្រី ថ្នាក់លេខ៦ ពីអភិបាលនៃគណៈអភិបាលស្រុកបាកាន ឱ្យមកកាន់មុខតំណែងជាអភិបាលនៃគណៈអភិបាលក្រុងពោធិ៍សាត់ ជំនួសលោក ចាប នាង អភិបាលក្រុងពោធិ៍សាត់ចាស់ ដែលបានចូលនិវត្តន៍ និងទទួលភារកិច្ចជាសមាជិកក្រុមប្រឹក្សាក្រុងពោធិ៍សាត់ ។លោក ផាយ ឡេង អភិបាលនៃគណៈអភិបាលក្រុងពោធិ៍សាត់ ដែលទើបប្រកាសតែងតាំងថ្មី បានថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំខេត្ត ក្រសួងមហាផ្ទៃ ក៍ដូចរាជរដ្ឋាភិបាល ដែលមានជំនឿទុកចិត្តលើ ផ្ដល់តំណែងឲ្យរូបលោកធ្វើជាអភិបាលនៃគណៈអភិបាលក្រុងពោធិ៍សាត់នាពេលនេះ។ លោកបានប្ដេជ្ញាចិត្តមានភក្ដីភាពចំពោះប្រទេសជាតិ ព្រះមហាក្សត្រ រាជរដ្ឋាភិបាល មន្ត្រីរាជការគ្រប់លំដាប់ថ្នាក់ និងប្រជាពលរដ្ឋ ដោយឈរលើគោលការណ៍គោរពច្បាប់រដ្ឋធម្មនុញ្ញ និងលិខិតបទដ្ឋានគតិយុត្តនានាជាធរមាន។ គាំទ្រនិងអនុវត្តឲ្យបានខ្ជាប់ខ្ជួន នូវកម្មវិធីនយោបាយនិងយុទ្ធសាស្ត្របញ្ចកោណ ដំណាក់កាលទី១ ក្រោមការដឹកនាំរបស់សម្ដេចធិបតី ហ៊ុន ម៉ាណែត។ ខិតខំជម្រុញគោលនយោបាយភូមិឃុំសង្កាត់មានសុវត្ថិភាព, រៀបចំកែលំអរសោភ័ណភាពក្រុង ក្នុងការប្រលងប្រណាំងទីក្រុងស្អាត, ពង្រឹងការអនុវត្តតួនាទីភារកិច្ច, គោរពអនុវត្តឲ្យបានម៉ឺងម៉ាត់ នូវកិច្ចចង្អុលការរបស់គណៈអភិបាលខេត្ត, សាមគ្គីផ្ទៃក្នុងឲ្យបានល្អនិងទប់ស្កាត់នូវរាល់បាតុភាពអសកម្មនានា។ថ្លែងក្នុងពិធីនោះ ឯកឧត្តម ខូយ រីដា បានលើកឡើងថា អភិបាលក្រុងពោធិ៍សាត់ថ្មី ត្រូវបន្តកិច្ចការដឹកនាំ អភិវឌ្ឍន៍ក្រុងពោធិ៍សាត់ឱ្យកាន់តែរីកចម្រើន ពីអភិបាលក្រុងចាស់ ដោយភាពស្មោះត្រង់ជាមួយប្រជាពលរដ្ឋ ជាមួយរាជរដ្ឋាភិបាល និងប្រទេសជាតិ ហើយរាជរដ្ឋាភិបាលផ្តល់តួនាទីជូនដើម្បីជួយប្រជាពលរដ្ឋ និងបម្រើប្រជាពលរដ្ឋ ព្រោះប្រជាពលរដ្ឋគឺជាម្ចាស់ ហើយត្រូវចេះអប់រំផ្សព្វផ្សាយ ណែនាំប្រជាពលរដ្ឋឱ្យយលពីគោលការណ៍ច្បាប់ផ្សេងៗ ត្រូវពង្រឹងការងារសន្តិសុខសណ្ដាប់ធ្នាប់សាធារណៈ ការបង្ក្រាបបទល្មើសផ្សេងៗ មានដូចជាល្បែងស៊ីសងគ្រប់ប្រភេទ គ្រឿងញៀនជាដើម ។ ជាមួយគ្នានោះ ឯកឧត្តម អភិបាលខេត្ត បានសង្កត់ធ្ងន់និងណែនាំឱ្យអភិបាលក្រុងពោធិ៍សាត់ថ្មី ត្រូវបន្តដោះស្រាយជុំវិញការងាររៀបចំសណ្នាប់ធ្នាប់តាមដងស្ទឹងពោធិ៍សាត់ដើម្បីកែប្រែច្រាំងស្ទឹងពោធិ៍សាត់ឱ្យទៅជាសួនច្បារ និងផ្សាររាត្រីក្នុងពេលអនាគត់ ដោយត្រូវប្រើនយោបាយឈ្នះៗ និងភាពទន់ភ្លន់ ក្នុងការដោះស្រាយជាមួយប្រជាពលរដ្ឋដែលមានសំណង់រស់នៅបណ្តោះអាសន្ននៅតាមច្រាំងស្ទឹង ៕អត្ថបទ ៖ ភិរុណ ពៅ

នាយកប្រតិបត្តិក្រុមហ៊ុន Haeje Industry Development កោតសរសើរការរីកចម្រើននៅកម្ពុជា

2024/08/20 06:46:10 pm        104
Facebook Telegram Linkin
ភ្នំពេញ ៖ ​សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នារសៀលថ្ងៃទី២០ ខែសីហា ឆ្នាំ ២០២៤នេះ បានអនុញ្ញាតឱ្យលោក LEE SANG YOON នាយកប្រតិបត្តិក្រុមហ៊ុន Haeju Industry Development ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប លោក Lee Sang Yoon នាយកប្រតិបត្តិក្រុមហ៊ុន Haeje Industry Development បានកោតសរសើរ និងវាយតម្លៃខ្ពស់ចំពោះការរីកចម្រើនលើគ្រប់វិស័យនៅកម្ពុជា និងបានគោរពជម្រាបជូនសម្ដេចធិបតីអំពីជោគជ័យនៃការរៀបចំពិពរណ៍ផ្ទាំងគំនូររបស់ក្រុមហ៊ុន នៅកម្ពុជា នាពេលថ្មីៗនេះ។ ដោយផ្អែកលើបទពិសោធន៍ជោគជ័យនេះ លោកនាយកប្រតិបត្តិគ្រោងនឹងរៀបចំពិព័រណ៍នេះជាលើកទី២ ហេីយនឹងបរិច្ចាគថវិកាដែលទទួលបានពីកម្មវិធី ជូនកាកបាទក្រហមកម្ពុជា សម្រាប់សកម្មភាព​មនុស្សធម៌។ ក្នុង​ឱកាសនៃជំនួបនេះ​ លោកនាយកប្រតិបត្តិក៏បានប្រគល់ជូនសម្ដេចធិបតីនូវផ្ទាំងគំនូរដ៏ល្អវិចិត្រ​ ដែលជារូបរបស់សម្ដេចតេជោ ហ៊ុន សែន ផងដែរ។  សម្ដេចធិបតីបានអបអរសាទរចំពោះជោគជ័យនៃការរៀបចំពិព័រណ៍ផ្ទាំងគំនូរលើកទី១ ដែលបានប្រព្រឹត្តទៅនៅក្រសួងដែនដី នគរូបនីយកម្ម និងសំណង់ ព្រមទាំងលើកទឹកចិត្តឱ្យក្រុមហ៊ុន បន្តរៀបចំពិព័រណ៍បែបនេះ នៅកម្ពុជា ដែលនឹងរួមចំណែកជំរុញការផ្លាស់ប្ដូរវប្បធម៌ និងការតភ្ជាប់រវាងប្រជាជននិងប្រជាជននៃប្រទេសទាំងពីរ។ ជាមួយគ្នានេះ សម្ដេចធិបតីបានថ្លែងអំណរគុណចំពោះការរៀបចំផ្ទាំងគំនូរដ៏វិចិត្រនេះអំពីសម្តេចតេជោ​ ហ៊ុន សែន ដែលជានិមិត្តរូបនៃការតស៊ូ និងការលះបង់របស់សម្ដេចតេជោ ក្នុងការរំដោះជាតិ​ និងស្វែងរកនូវសុខសន្ដិភាពពេញលេញជូនប្រទេសនិងប្រជាពលរដ្ឋកម្ពុជា ព្រមទាំងបានផ្តួចផ្តើមភ្ជាប់ទំនាក់ទំនងការទូតជាមួយសាធារណរដ្ឋកូរ៉េក្នុងឆ្នាំ១៩៩៧៕

សហជីព៖ រយៈពេល១ឆ្នាំនៃអាណត្តិថ្មី រដ្ឋាភិបាលផ្តល់ដំណោះស្រាយជូនកម្មករយ៉ាងសកម្មលឿនរហ័សដែលធ្វើឱ្យគ្រប់គ្នារីករាយ និងសប្បាយចិត្ត

2024/08/20 06:29:38 pm        119
Facebook Telegram Linkin
ភ្នំពេញ ៖ ក្រោយពីផ្ទុះបញ្ហាធំៗ ចំនួន២នៅរោងចក្រ Y&W និងរោងចក្រផលិតស្បែកជើង R.G Footwear កាលពីអំឡុងខែមីនា ឆ្នាំ២០២៤ ដែលរាជរដ្ឋាភិបាលដោះស្រាយបានយ៉ាងមានប្រសិទ្ធភាព សហជីពបានបង្ហាញការសប្បាយចិត្ត និងសាទរជាខ្លាំងចំពោះចំពោះរាជរដ្ឋាភិបាលអាណត្តិថ្មី ដំណើរការរយៈពេល១ឆ្នាំមកនេះ បានដោះស្រាយបញ្ហាសកម្មលឿនរហ័សជូនកម្មករ។លោក ហ្វា សាលី ប្រធានសម្ព័ន្ធសហជីពជាតិ បានកត់សម្គាល់ថា ពេលមានការប្រមូលផ្តុំធ្វើបាតុកម្ម ឬកូដកម្មផ្សេង ដោយសារតែថៅរោងចក្ររត់ចោលកម្មករ បណ្តាលឱ្យកម្មករ ធ្វើបាតុកម្មឈានដល់បន្ទាត់ក្រហមយ៉ាងណាក៏ដោយ ក៏រាជរដ្ឋាភិបាលបានផ្តល់ដំណោះស្រាយដោយសន្តិវិធី ធ្វើឱ្យកម្មករនិយោជិតត្រជាក់ចិត្ត សប្បាយរីករាយក្នុងការទទួលយក។  លោកថ្លែងថា៖«យើងសាទរក្នុងនាមយើងជាសហជីព គឺសាទរមែនទែន។ ក្នុងរយៈពេលប្រមាណតែ១ខែទេ រាជរដ្ឋាភិបាលក៏ដូចជាក្រសួងការងារ គឺបានដោះស្រាយបញ្ហានេះជូនបងប្អូនកម្មករ និយោជិត»។ លោកបន្ថែមថា មិនត្រឹមតែប៉ុណ្ណោះ យន្តការរបស់រាជរដ្ឋាភិបាល ក៏បានផ្តល់ទាំងយានជំនិះជាពិសេសគឺរថយន្តក្រុង ទាំងទឹក ទាំងអាហារ ជូនទាំងសេវាសុខភាព និងការត្រៀមសង្គ្រោះបឋមផ្សេងៗទៀត បានយ៉ាងល្អិតល្អន់ ដែលជាង២០នេះគឺលោកមិនធ្លាប់ជួប។ លោកប្រធានសម្ព័ន្ធសហជីពជាតិ ថ្លែងថា រយៈពេល១ឆ្នាំមកនេះ តាមការសង្គេតជាក់ស្តែង របស់លោកឃើញថា ក្រសួងការងារ និងបណ្តុះបណ្តាលវិជ្ជាជីវៈ ក៏ដូចជា មន្ទីរការងារនៅទូទាំងប្រទេស បានខ្នះខ្នែងដោះស្រាយវិវាទជូនកម្មករនិយោជិតដោយយកចិត្តទុកដាក់បំផុត។ លោកបញ្ជាក់ថា ក្នុងអាណត្តិរាជរដ្ឋាភិបាលថ្មី ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី វិវាទការងារក្នុងវិស័យកាត់ដេរស្ទើតែមិនមាន។ លោកថ្លែងថា៖«មកដល់បច្ចុប្បន្ននេះយើងឃើញថា មិនមានការធ្វើកូដកម្ម បាតុកម្មអីជាទ្រង់ទ្រាយធំណាមួយនោះទេ បើយើងប្រៀបធៀបកាលពី១០ឆ្នាំមុន គឺមានការធ្វើកូដកម្ម បាតុកម្មនោះច្រើនមែនទែន។យើងឃើញថាមកដល់បច្ចុប្បន្នេះ ប្រមាណ៩៥%ទៅហើយ ដែលយើងមានសុខុដុមរមនានៅក្នុងវិស័យឧស្សាហកម្មកាត់ដេរ»។ ចំណែកលោក ប៉ាវ ស៊ីណា ប្រធានសហជីពចលនាកម្មករ មើលឃើញថា យន្តការនៃការដោះស្រាយរបស់រាជរដ្ឋាភិបាលអាណត្តិថ្មី ជូនកម្មករនិយោជិតចំពោះបញ្ហាថៅកែរោងចក្ររត់ចោល គឺលឿនរហ័សទាន់ពេលវេលា។ លោកបញ្ជាក់ថា៖«ឃើញមានការដោះស្រាយលឿនមែនទែន បើធៀបទៅនឹងការសង្គេតរបស់ខ្ញុំចំពោះរឿងមុនៗ ដូចច្នេះយើងឃើញទិដ្ឋភាព២ហ្នឹងវាខុសគ្នា បាទខុសគ្នា គឺថាក្រុមការងារបច្ចេកទេសរបស់ក្រសួងការងារឃើញដុតដៃដុតជើង ដោះរឿងលឿនមែនទែន។ ដូចច្នេះខ្ញុំគ្រាន់តែរំពឹងថា case ក្រោយៗទៀតដែលស្រដៀងគ្នាហ្នឹងដែរ សង្ឃឹមថា ក្រសួងការងារបន្តកិច្ចខិតខំប្រឹងប្រែងរបស់ខ្លួន ឬក៏ធ្វើម៉េចពន្លឿនការដោះស្រាយដូចគ្នា ករណីរោងចក្រY&W ឬក៏រោងចក្រ R.G ជាដើម។»លោក ប៉ាវ ស៊ីណា បានពិនិត្យឃើញថា កាន់តែពិសេសក្រសួងការងារនិងបណ្តុះបណ្តាលវិជ្ជាជីវៈ បានបញ្ជូនក្រុមការងាររបស់ខ្លួនទៅកាន់រោងចក្រផ្ទាល់ដើម្បីធ្វើការផ្សព្វផ្សាយឱកាសការងារជូនដល់ កម្មករនិយោជិត ដែលកំពុងស្វែងរកការងារថ្មីធ្វើបន្ទាប់កន្លែងធ្វើការចាស់ត្រូវបិទទ្វារ។ រីឯ លោក សំ សឿន ប្រធានសហភាពពលកម្មជាតិកម្ពុជា ថ្លែងថា តាមការសង្គេតតាមដានរបស់លោក គឺក្រសួងការងារ និងបណ្តុះបណ្តាលវិជ្ជាជីវៈ បានផ្តោតការយកចិត្តទុកដាក់ដោះស្រាយបញ្ហាជូនកម្មករនិយោជិតបានយ៉ាងរហ័ស ធ្វើយ៉ាងណាឱ្យកម្មករនិយោជិតបានទទួលអត្ថប្រយោជន៍តាមច្បាប់ការងារ។ លោកថ្លែងថា៖«វិវាទដែលបានកើតឡើងនៅតាមបណ្តារោងចក្រ ដូចជាថៅកែរត់ចោល ករណីភ្លើងឆេះ ឬក៏គ្រោះមហន្តរាយផ្សេងៗ និងករណីលក្ខខណ្ឌការងារទូទៅ យើងសង្គេតឃើញថា ក្រសួងការងារនិងបណ្តុះបណ្តាលវិជ្ជាជីវៈ បានយកចិត្តទុកដាក់ពន្លឿនគ្រប់នីតិវិធី ធ្វើយ៉ាងណាការពារឱ្យបានអត្ថប្រយោជន៍ស្របច្បាប់របស់បងប្អូនកម្មករនិយោជិត»។ លោក សំ សឿន បន្ថែមថា៖«យើងមើលឃើញថា រាល់វិវាទដែលកើតឡើងទាំងអស់ ក្រសួងការងារបានយកចិត្តទុកដាក់ដោះស្រាយវិវាទនេះបានលឿន ហើយមានប្រសិទ្ធភាព មានតម្លាភាព និងយុត្តិធម៌ ដែលធ្វើឱ្យគ្រប់ភាគីអាចទទួលយកបានដោយសប្បាយចិត្ត។ លោកប្រធានសហភាពពលកម្មជាតិកម្ពុជា មើលឃើញថា វិស័យការងារកាន់តែមានភាពរីកចម្រើន បន្ថែមទៀតដោយគ្រប់ភាគីពាក់ព័ន្ធទាំងអស់បានចូលរួមគោរពច្បាប់ គោរពសិទ្ធិ និងចូលរួមអនុវត្តបាននូវការទំនាក់ទំនងល្អផ្នែកវិជ្ជាជីវៈ ដើម្បីឈានទៅសម្រេចឱ្យបាននូវសហគ្រាស១ជាសហគមន៍សុខសាន្តមួយ៕

សមាជិកសមាជិកាដែលចាកចេញពីគណបក្សផ្សេង មករួមរស់ក្រោមដំបូលសន្តិភាព របស់គណបក្សប្រជាជនកម្ពុជា ជាង១៣៧នាក់

2024/08/20 04:40:01 pm        210
Facebook Telegram Linkin
កំពង់ឆ្នាំង ៖ គណបកម្មាធិការគណបក្សប្រជាជនកម្ពុជាខេត្តកំពង់ឆ្នាំង នាព្រឹកថ្ងៃទី២០ ខែសីហា ឆ្នាំ២០២៤ បានរៀបចំធ្វើពិធីប្រកាសបញ្ចូលសមាជិកថ្មីរបស់ខ្លួនប្រមាណជាង១៣៧នាក់មកពីគណបក្សផ្សេងៗ ដែលបានធ្វើឡើងក្រោមអធិបតីភាព ឯកឧត្តម យូ សិរីវុឌ្ឍ ប្រធានក្រុមការងារកសាងសមាជិកគណបក្សប្រជាជនកម្ពុជា និង ឯកឧត្តម ស៊ីវ រុន អនុប្រធានគណកម្មាធិការគណបក្សប្រជាជនកម្ពុជាខេត្តកំពង់ឆ្នាំង និង លោក លោកស្រី ជាថ្នាក់ដឹកនាំសមាជិក សមាជិការជាច្រើនផងដែរ យោងតាមសេចក្តីសម្រេចរបស់គណកម្មាធិការគណបក្សបានប្រកាសទទួលស្គាល់សមាជិកថី្មចំនួន១៣៧នាក់ មកពីគណបក្សផ្សេងៗ តាមបណ្តាក្រុងនិងស្រុកក្នុងខេត្ត កំពង់ឆ្នាំង ។មានប្រសាសន៍នៅក្នុងឱកាសនោះ ឯកឧត្តម ស៊ីវ រុន អនុប្រធានគណកម្មាធិការគណបក្សប្រជាជនកម្ពុជាខេត្តកំពង់ឆ្នាំងបានឱ្យដឹងថា ការសម្រេចចិត្តរបស់សមាជិក សមាជិការរបស់គណបក្សផ្សេង មករស់នៅជីវភាពនយោបាយជាមួយនិងគណបក្សប្រជាជនកម្ពុជានេះដោយសារមើលឃើញ អំពីភាពរឹងមាំរបស់គណបក្សប្រជាជនកម្ពុជា ដែលមានកម្មវិធីនយោបាយ និង គោលនយោបាយរបស់គណបក្សច្បាស់លាស់និងល្អ សម្រាប់ធ្វើឱ្យសង្គមជាតិមានការរីកចម្រើន ក្រោមការដឹកនាំរបស់     សម្តេចអគ្គមហាសេនាបតីតេជោហ៊ុន សែន ជាប្រធានគណបក្សប្រជាជនកម្ពុជា ។ មានប្រសាសន៍នាឱកាសនោះ ឯកឧត្តម យូ សិរីវុឌ្ឍ ប្រធានក្រុមការងារកសាងសមាជិកគណបក្សប្រជាជនកម្ពុជា សុខសន្តិភាព ស្ថេរភាពនយោបាយ គឺជាកត្តាដ៏ចាំបាច់បំផុត ដែលនាំឱ្យអ្នកវិនិយោគបរទេសមានទំនុកចិត្ត ហើយចូលមកវិនិយោគនៅក្នុងប្រទេសកម្ពុជា។ ក្នុងន័យយើងទាំងអស់ ត្រូវតែចូលរួមថែរក្សាសុខសន្តិភាព ស្ថេរភាពនយោបាយនៅកម្ពុជាឱ្យបាន ដើម្បីធានារក្សាបានការវិនិយោគទាំងឡាយ ដែលជាប្រភពការងារ ប្រភពប្រាក់ចំណូលទ្រទ្រង់ជីវភាព។ឯកឧត្តម យូ សិរីវុឌ្ឍ បានលើកឡើងថា មានគណបក្សប្រជាជនកម្ពុជាតែមួយប៉ុណ្ណោះ ដែលមានសមត្ថភាព ធានារក្សាបានសុខសន្តិភាព ស្ថេរភាពនយោបាយនៅកម្ពុជា។ ដូច្នេះលោកបានអំពាវនាវឱ្យកម្មករ និយោជិតទាំងអស់ ត្រូវតែបោះឆ្នោតជូនគណបក្សប្រជាជនកម្ពុជា ឱ្យបន្តដឹកនាំប្រទេសបន្តទៅមុខទៀត។ឯកឧត្តម យូ សិរីវុឌ្ឍ អំពាវនាវដល់សមាជិកថ្មី ត្រូវបំពេញតួនាទីជាយុវជនសសរទ្រូង ជាទំពាំងស្នងឫស្សី ជាសកម្មជនរបស់គណបក្សគោរពឱ្យបាននូវលក្ខណ្ឌរបស់គណបក្សប្រជាជនកម្ពុជា។

ពិធីប្រកាសចូលកាន់មុខតំណែងជាផ្លូវការអភិបាលស្រុកបាកាន និងនាយករដ្ឋបាលសាលា​ស្រុកបាកាន

2024/08/20 03:58:25 pm        79
Facebook Telegram Linkin
ពោធិ៍សាត់៖ នៅព្រឹកថ្ងៃទី២០ ខែសីហា ឆ្នាំ២០២៤ នៅសាលាស្រុកបាកាន មានរៀបចំពិធីប្រកាសចូលកាន់មុខតំណែងជាផ្លូវការ អភិបាលនៃគណៈអភិបាលស្រុកបាកាន និងនាយករដ្ឋបាលសាលាស្រុកបាកាន ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងដោយមានការចូលរួមពីតំណាងអយ្យការអមសាលាដំបូងខេត្ត ក្រុមការងាររាជរដ្ឋាភិបាលចុះជួយស្រុក-ឃុំ ថ្នាក់ដឹកនាំមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធទាំង៣ប្រភេទ អភិបាលក្រុងស្រុកទាំង៧ ក្រុមប្រឹក្សាឃុំ និងមន្ត្រីរាជការជាច្រើនសរុបប្រមាណ ៣០០នាក់ ។មន្ត្រីរាជការដែលត្រូវផ្ទេរភារកិច្ចប្រកាសតែងតាំងចូលកាន់តួនាទីថ្មីក្នុងពេលនេះរួម ១-លោក ឆាយ គឹមម៉ុង ឋានន្តរស័ក្តិឧត្តមមន្ត្រីថ្នាក់លេខ៥ អភិបាលស្រុកកណ្តៀង ត្រូវបានផ្ទេរឱ្យមកកាន់តំណែងថ្មី ជាអភិបាលស្រុកបាកាន ជំនួសឱ្យលោក ផាយ ឡេង ដែលត្រូវទទួលតួនាទីថ្មី ។ ២-លោក រឿន តុលា ឋានន្តរស័ក្តិគ្រូបង្រៀនកម្រិតមូលដ្ឋានដើមខ្សែ ថ្នាក់លេខ២ នៃក្របខ័ណ្ឌគ្រូបង្រៀនកម្រិតមូលដ្ឋាន ត្រូវបានតែងតាំងឱ្យកាន់មុខតំណែងជានាយករដ្ឋបាលសាលាស្រុកបាកាន ជំនួសលោក ឌឹម ទូច ដែលត្រូវឡើងតួនាទីថ្មី ។ក្នុងឱកាសនោះ ឯកឧត្តម ខូយ រីដា មានប្រសាសន៍ផ្តាំផ្ញើរថា លោក អភិបាលស្រុកបាកាន ដែលត្រូវប្រកាសចូលកាន់តួនាទីជាផ្លូវការក្នុងពេលនេះ ត្រូវចេះទាំងចិត្តសាស្ត្រ និងស្គាល់ភូមិសាស្ត្រ ដែលខ្លួនទទួលខុសត្រូវឱ្យបានច្បាស់លាស់ ដោយត្រូវចេះសហការ និងទំនាក់ទំនងល្អជាមួយគ្រប់ភាគីពាក់ព័ន្ធ ជាពិសេសគឺក្រុមការងាររាជរដ្ឋាភិបាលចុះជួយតាមមូលដ្ឋាន ដើម្បីបម្រើជាប្រយោជន៍ជូនដល់ប្រជាពលរដ្ឋក្នុងភូមិសាស្ត្រស្រុកបាកាន ទាំងការងារសន្តិសុខសណ្តាប់ធ្នាប់ ការកសាងអភិវឌ្ឍន៍ពីថ្នាក់ភូមិ-ឃុំ ត្រូវដឹងសុខទុក្ខប្រជាពលរដ្ឋ និងការងារជួយជំរុញជីវភាពសេដ្ឋកិច្ចគ្រួសាររបស់ប្រជាពលរដ្ឋ ៕អត្ថបទ និងរូបភាព ៖ភិរុណ ពៅ

សម្ដេចធិបតី ហ៊ុន ម៉ាណែត អនុញ្ញាតឱ្យនាយកប្រតិបត្តិក្រុមហ៊ុន Haeju Industry Development ចូលជួបសម្ដែងការគួរសម និងពិភាក្សាការងារ

2024/08/20 03:03:59 pm        947
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នារសៀលថ្ងៃទី២០ ខែសីហា ឆ្នាំ ២០២៤នេះ បានអនុញ្ញាតឱ្យលោក LEE SANG YOON នាយកប្រតិបត្តិក្រុមហ៊ុន Haeju Industry Development ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។

ក្រុមហ៊ុនវិនិយោគធំៗចំនួន១២ បង្ហាញចំណាប់អារម្មណ៍វិនិយោគ​លើវិស័យសក្ដានុពលនៅកម្ពុជា

2024/08/20 02:49:11 pm        895
Facebook Telegram Linkin
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២០ ខែសីហា ឆ្នាំ២០២៤នេះ បានអនុញ្ញាតឲ្យប្រតិភូក្រុមហ៊ុនវិនិយោគចិន តំណាងដោយ លោក Zhao Yudong ប្រធានក្រុមហ៊ុន Everbright Group Everbright Sunshine Asset Management Co.,Ltd ចូលជួបសម្ដែងការគួរសម និងពិភាក្សាការងារនៅវិមានសន្តិភាព។ក្នុងឱកាសនៃជំនួប លោក Zhao Yudong ប្រធានក្រុមហ៊ុន Everbright Group Everbright Sunshine Asset Management Co.,Ltd និងជាតំណាងគណៈប្រតិភូក្រុមហ៊ុនវិនិយោគសម្ដែងនូវការពេញចិត្ត និងការកោតសរសើរ ចំពោះរាជរដ្ឋាភិបាលកម្ពុជា ដែលបានដាក់ចេញនូវគោលនយោបាយ និងវិធានការថ្មីប្រកបដោយភាពជាក់ស្ដែងនិយម ក្នុងការលើកទឹកចិត្តដល់វិនិយោគិន និងការធានានូវបរិស្ថានល្អប្រសើរសម្រាប់ការវិនិយោគនៅកម្ពុជា។ លោក Zhao Yudong ក៏បានគោរពជម្រាបជូនសម្ដេចធិបតីថាដំណើរទស្សនកិច្ចរបស់គណៈប្រតិភូក្រុមហ៊ុនវិនិយោគ ទាំង១២ក្រុមហ៊ុននៅកម្ពុជានាឱកាសនេះ គឺក្នុងគោលបំណងស្វែងរកឱកាសវិនិយោគលើវិស័យសក្ដានុពលនានា ដូចជា វិស័យថាមពលស្អាត និងបរិស្ថាន សុខាភិបាល កសិកម្ម ឧស្សាហកម្ម ហិរញ្ញវត្ថុ និងវិស័យផ្សេងៗមួយចំនួនទៀត។  ជាការឆ្លើយតប សម្ដេចធិបតីបានសម្ដែងនូវក្ដីសោមនស្សរីករាយ និងស្វាគមន៍ចំពោះចំណាប់អារម្មណ៍របស់ក្រុមហ៊ុនទាំង១២ ក្នុងការស្វែងរកឱកាសវិនិយោគនៅកម្ពុជា។ សម្តេចធិបតីបានគូសបញ្ជាក់ថា វិស័យសក្តានុពលដែលគណៈប្រតិភូចាប់អារម្មណ៍គឺជាវិស័យអាទិភាពរបស់រាជរដ្ឋាភិបាល ដែលយកចិត្តទុកដាក់ និងត្រៀមផ្តល់កិច្ចសម្របសម្រួល ក៏ដូចជាការលើកទឹកចិត្តដល់ណ្តាក្រុមហ៊ុនវិនិយោគ។ សម្ដេចធិបតីក៏បានគូសរំលេចអំពីគោលនយោបាយ យុទ្ធសាស្ត្ររបស់រាជរដ្ឋាភិបាលកម្ពុជាក្នុងការបង្កើតនូវក្របខ័ណ្ឌសម្រាប់វិនិយោគិនបរទេស ដែលរួមមានដូចជា៖ ការដាក់ចេញនូវច្បាប់ស្ដីពីការវិនិយោគនៃព្រះរាជាណាចក្រកម្ពុជា, លិខិតបទដ្ឋានគតិយុត្ត និងវិធានការចាំបាច់នានា ជាមួយនឹងកញ្ចប់វិធានការលើកទឹកចិត្ត ដែលបង្កើតនូវបរិយាកាសវិនិយោគ ដែលមានលក្ខណៈអំណោយផល អាចប៉ាន់ប្រមាណបាន និងសម្បូរបែប។ សម្ដេចធិបតីបានលើកទឹកចិត្តដល់គណៈប្រតិភូវិនិយោគ បន្តសហការ និងពិភាក្សាជាមួយក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា ជាពិសេសក្រុមប្រឹក្សាអភិវឌ្ឍន៍កម្ពុជា ដើម្បីទទួលបានព័ត៌មានបន្ថែម និងអាចស្វែងយល់កាន់តែច្បាស់បន្ថែមទៀតអំពីសក្ដានុពលវិនិយោគនៅកម្ពុជា៕

ប្រជាពលរដ្ឋសប្បាយចិត្តនឹងសមិទ្ធផលថ្មីៗ ក្នុងមូលដ្ឋានក្នុងរយៈពេលមួយឆ្នាំ នៃរដ្ឋាភិបាលថ្មី

2024/08/20 02:18:36 pm        395
Facebook Telegram Linkin
រយៈពេលមួយឆ្នាំ នៃរាជរដ្ឋាភិបាលនីតិកាលទី ៧ សមិទ្ធផលជាច្រើនចាប់ពីថ្នាក់មូលដ្ឋាន រហូតដល់សមិទ្ធផលធំៗ ជាលក្ខណៈថ្នាក់ជាតិ បានលេចចេញជារូបរាងបម្រើផលប្រយោជន៍ដល់ប្រជាពលរដ្ឋ។ លើសពីនេះ សមិទ្ធផលជាច្រើនទៀត ក៏កំពុងស្ថិតក្រោមការសាងសង់ផងដែរ។ បើនិយាយផ្តោតលើ ថ្នាក់មូលដ្ឋានតាមឃុំ-សង្កាត់នីមួយៗវិញ ការស្ថាបនាពិសេសផ្តោតលើហេដ្ឋារចនាសម័្ពន្ធ ជាផ្លូវផ្លូវបេតុង ប្រព័ន្ធលូ ភ្លើងបំភ្លឺផ្លូវ កំពុងផ្ដល់ភាពពេញចិត្ត និងបម្រើប្រយោជន៍ដល់ប្រជាពលរដ្ឋ។ប្រជាពលរដ្ឋ បច្ចុប្បន្នពេញចិត្តនឹងសមិទ្ធផលធំៗថ្នាក់ជាតិជាច្រើន ដែលបានលេចចេញជារូបរាង។ ពួកគាត់កាន់តែសប្បាយចិត្តនៅពេលដែលឃើញដែរថា ក្នុងរយៈពេលមួយឆ្នាំ នៃរាជរដ្ឋាភិបាលនីតិកាលទី ៧ក្រោមការដឹកនាំដោយសម្ដេចធិបតី ហ៊ុន ម៉ាណែត ក៏មាន ការស្ថាបនា ការសាងសង់ ការរីកចំរើនជាច្រើនបានរីកលូតលាស់នៅតាមមូលដ្ឋាន ភូមិ ឃុំ-សង្កាត់ ដែលពួកគាត់រស់នៅផងដែរ។ និយាយផ្តោតលើ ការរីកចំរើននៅតាមភូមិដ្ឋាននេះ សម្រាប់សង្កាត់ ជើងឯក ខណ្ឌដង្កោ គឺមានការស្ថាបនាផ្លូវបេតុង ប្រព័ន្ធលូ ភ្លើងបំភ្លឺផ្លូវ ប្រព័ន្ធទឹកស្អាត បានសាងសង់រួចរាល់ជាច្រើន។ សមិទ្ធផលទាំងនេះ ផ្ដល់ជាស្នាមញញឹម ផ្ដល់ជាភាពពេញចិត្ត ដល់ពលរដ្ឋគ្រប់រូប។លោក លាស់ សុខលឹម ក្នុងនាមជាចៅសង្កាត់ ជើងឯក លើកឡើងឱ្យដឹងដែរថា ការស្ថាបនាទាំងនេះ ជាការតបស្នងដល់ប្រជាពលរដ្ឋ ដែលជឿជាក់គាំទ្រដល់គណបក្សប្រជាជនកម្ពុជា។ លោកលើកឡើងថា ការស្ថាបនា ការសាងសង់ហេដ្ឋារចនាសម្ព័ន្ធនានា គឺបន្តជាជំហានៗ ដើម្បីគោលដៅសំខាន់ គឺបម្រើជាប្រយោជន៍ដល់ប្រជាពលរដ្ឋគ្រប់រូប។ ក្នុងដំណាក់កាលនេះ សង្កាត់អាចស្ថាបនាផ្លូវបេតុងជាច្រើនខ្សែ ភ្ជាប់ជាមួយប្រព័ន្ធលូ ភ្លើងបំភ្លឺផ្លូវ និងប្រព័ន្ធទឹកស្អាត។ ជាក់ស្ដែងសម្រាប់សង្កាត់ ផ្លូវដីនៅសល់ប្រមាណ ២០ភាគរយប៉ុណ្ណោះ ហើយវាជាកិច្ចការបន្ទាប់ ដែលសង្កាត់នឹងស្ថាបនាទៅជាផ្លូវ បេតុង ឱ្យបានឆាប់ទៅតាមលទ្ធភាព។ឈានមកទល់ពេលនេះ រាជរដ្ឋាភិបាលកម្ពុជានីតិកាលទី ៧ នៃរដ្ឋសភា ដោយមានសម្ដេចធិបតី ហ៊ុន ម៉ាណែត ជានាយករដ្ឋមន្ត្រី បានដំណើរការដឹកនាំនាវាកម្ពុជា រយៈពេលមួយឆ្នាំហើយ។ ដំណើរការមួយឆ្នាំនេះ បានផ្ដល់ជាការពេញចិត្ត គាំទ្រ ​ជឿជាក់ពីប្រជាពលរដ្ឋគ្រប់មជ្ឈដ្ឋាន​លើការ​ដឹកនាំ។ សមិទ្ធផលជាច្រើន បានលេចចេញជារូបរាង និងបន្តស្ថាបនា ដើម្បីបម្រើផលប្រយោជន៍​ជាតិជារួម៕អត្ថបទ៖ គឹមហុក

ឯកឧត្តម ឌិត ទីណា ណែនាំវិនិយោគិនបរទេសសិក្សាឲ្យបានច្បាស់លាស់ មុនបណ្តាក់ទុនលើវិស័យណាមួយ

2024/08/20 02:04:39 pm        360
Facebook Telegram Linkin
ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅថ្ងៃម្សិលមិញ បានទទួលជួបសម្តែងការគួរសមជាមួយ ឯកឧត្តម យីង សារ៉ាត់ ទីប្រឹក្សារាជរដ្ឋាភិបាលទទួលការងារវិនិយោគរបស់បរទេស និងទំនាក់ទំនងអន្តរជាតិ ដើម្បីពិភាក្សាការងារមួយចំនួនពាក់ព័ន្ធវិស័យកសិកម្ម។ ប្រភពក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២០ សីហា ឆ្នាំ២០២៤នេះ បានបញ្ជាក់ឲ្យដឹងថា ក្នុងកិច្ចប្រជុំនេះ ឯកឧត្តមរដ្ឋមន្ត្រី បានសម្តែងនូវការស្វាគមន៍ចំពោះវិនិយោគិនបរទេស ក្នុងការវិនិយោគការអភិវឌ្ឍន៍ និងការអនុវត្តគម្រោងឥណទានកាបូនក្នុងប្រទេសកម្ពុជា តាមរយៈចំការស្វាយចន្ទី កៅស៊ូ ព្រៃលិចទឹក និងកសិដ្ឋានចិញ្ចឹមជ្រូក។ចំពោះការវិនិយោគ ឯកឧត្តម ឌិត ទីណា បានណែនាំឱ្យវិនិយោគិនបរទេសសិក្សាឱ្យបានស៊ីជម្រៅ មានផែនការសកម្មភាពច្បាស់លាស់ ដើម្បីធានាប្រសិទ្ធភាព និងនិរន្តរភាព ទាំងសេដ្ឋកិច្ច និងបរិស្ថាន។ លើសពីនេះ ឯកឧត្តមរដ្ឋមន្ត្រី បានបន្ថែមថា វិនិយោគិនអាចសហការជាមួយសហគមន៍កសិកម្មទំនើប ដោយបញ្ជ្រាបនូវបច្ចេកវិទ្យាសមស្របពាក់ព័ន្ធនឹងការងារឥណទានកាបូន និងមានប្រសិទ្ធភាពសេដ្ឋកិច្ច៕

បណ្ដាញសង្គម

ព័ត៌មានថ្មីៗ

អាជ្ញាធររាជធានីភ្នំពេញបន្តត្រួតពិនិត្យទីតាំងស្នាក់នៅប្រមូលផ្ដុំចំនួន ៨២ទីតាំង រកឃើញជនបរទេសខ្លះពុំមានលិខិតឆ្លងដែន និងផាកពិន័យម្ចាស់ ឬអ្នកគ្រប់គ្រង ៣ទីតាំង
06/03/2026 03:06 PM
Facebook Telegram Linkin
អាមេរិក ទទូចថាបទឈប់បាញ់នៅតែបន្ត ទោះបីមានការវាយប្រហារការពារខ្លួនទៅលើកោះ Qeshm របស់អ៊ីរ៉ង់ក៏ដោយ
06/03/2026 03:06 PM
Facebook Telegram Linkin
គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams
06/03/2026 03:06 PM
Facebook Telegram Linkin
តើមានអ្វីកើតឡើងនៅថ្ងៃទី៩៦នៃសង្គ្រាមនៅអ៊ីរ៉ង់ ខណៈអាមេរិកនិងអ៊ីរ៉ង់ មានការវាយប្រហារថ្មី
06/03/2026 03:06 PM
Facebook Telegram Linkin
មេដឹកនាំថ្មីរបស់​សូឡូម៉ុន ពិនិត្យ​កតិកាសញ្ញាសន្តិសុខជាមួយចិន និងស្វែងរកសន្ធិសញ្ញាជាមួយអូស្ត្រាលី
06/03/2026 03:06 PM
Facebook Telegram Linkin
ជប៉ុនបដិសេធការទាមទាររបស់កោះ​តៃវ៉ាន់ សម្រាប់ការពិភាក្សា​ ជុំវិញការកំណត់ព្រំដែនជាមួយហ្វីលីពីន
06/03/2026 03:06 PM
Facebook Telegram Linkin
អាមេរិកស្នើដាក់​អត្រា​យ៉ាង​ហោចណាស់​​ ១០% ខណៈលោក Trump កំពុងសាងជញ្ជាំងពន្ធឡើងវិញ
06/03/2026 03:06 PM
Facebook Telegram Linkin
ក្រសួងរតនាគារអាមេរិកចេញទណ្ឌកម្មថ្មីលើអ៊ីរ៉ង់ ដោយ​ផ្តោតលើការដោះដូរ​រូបិយប័ណ្ណគ្រីបតូ
06/03/2026 03:06 PM
Facebook Telegram Linkin
អាមេរិកសម្លឺង​ដល់​ការ​បើក​ច្រកសមុទ្រ Hormuz ដោយ​ទម្រង់ស្ងាត់ៗ ​​សម្រាប់​គម្រោង Project Freedom
06/03/2026 03:06 PM
Facebook Telegram Linkin
ក្រុមប្រដាប់អាវុធអ៊ីរ៉ាក់ចំនួន ២ ប្រកាសពីការកំណត់អាវុធឲ្យស្ថិតនៅក្រោមការគ្រប់គ្រងរបស់រដ្ឋ
06/03/2026 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.