BTV NEWS

កម្ពុជាតែងឈរលើគោលគំនិតសន្ដិភាពនិយម ព្រោះកម្ពុជាធ្លាប់ឆ្លងកាត់សង្គ្រាមជាង៣ទសវត្សរ៍ហើយ

ក្រសួងការងារ បន្តនាំយកឱកាសការងារជាង ១ម៉ឺនកន្លែង និងអត្ថប្រយោជន៍ ប.ស.ស. ព្រមទាំងកម្មវិធីបណ្តុះបណ្តាលជំនាញ TVET ដល់ពលរដ្ឋខេត្តពោធិ៍សាត់

ប្រមុខការពារជាតិរំឭកខ្មែរគ្រប់រូបរួបរួមគ្នាជាធ្លុងមួយក្រោកឡើងលើកតម្កើងកិត្យានុភាពជាតិ និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ

ត្រីនៅកន្លែងអភិរក្សតាមោក ក្នុងខេត្តសៀមរាប ងាប់អស់ប្រមាណពីរតោន ដោយសារអាកាសធាតុក្ដៅខ្លាំង

ព័ត៌មានជាតិ

ឯកឧត្តម ហេង សួរ ប្រគល់រថយន្តពន្លត់អគ្គិភ័យ និងរថយន្តពេទ្យសង្គ្រោះបន្ទាន់ដល់រដ្ឋបាលខេត្តកំពង់ចាម

ឆ្លៀតក្នុងឱកាសចូលរួមកិច្ចប្រជុំបូកសរុបលទ្ធផលការងារឆមាសទី១ ឆ្នាំ២០២៤ និងលើកទិសដៅបន្តរបស់ក្រុមការងាររាជរដ្ឋាភិបាលចុះមូលដ្ឋាននៅខេត្តកំពង់ចាម ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពងសៀម នៅថ្ងៃសៅរ៍ ទី១០ ខែសីហា ឆ្នាំ២០២៤នេះ បានប្រគល់រថយន្តពន្លត់អគ្គិភ័យចំនួន ៣គ្រឿង និងរថយន្តពេទ្យសង្គ្រោះបន្ទាន់ចំនួន១ គ្រឿងដល់រដ្ឋបាលខេត្តកំពង់ចាមដែលតំណាងដោយឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក្រោមអធិបតីភាពឯកឧត្តមឧបនាយករដ្ឋមន្ត្រី នេត សាវឿន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម និងឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី ក្រសួងអប់រំ យុវជន និងកីឡា និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម។ការផ្តល់ជំនួយជារថយន្តពន្លត់អគ្គីភ័យ និងរថយន្តពេទ្យសង្គ្រោះបន្ទាន់នាពេលនេះ មានគោលបំណងជួយសម្រួលដល់ប្រតិបត្តិការរបស់អាជ្ញាធរខេត្តកំពង់ចាមមួយកម្រិតបន្ថែមទៀតក្នុងការជួយសង្គ្រោះពលរដ្ឋក្នុងខេត្តនៅពេលមានអគ្គិភ័យ និងហានិភ័យនានា៕

មេបញ្ជាការបញ្ជាការដ្ឋានទ័ពពិសេស ចេញបញ្ជាឱ្យក្រុមសង្គ្រោះបន្ទាន់៧២៣ និងកម្លាំងទ័ពទាំងអស់ត្រៀមខ្លួន និងសម្ភារ: ដើម្បីសង្គ្រោះប្រជាពលរដ្ឋនៅពេលជួបគ្រោះទឹកជំនន់

យោងតាមប្រសាសន៍របស់ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃ កងយោធពលខេម រភូមិន្ទ មេបញ្ជាការកងទ័ពជើងគោក បានចេញបទបញ្ជាឲ្យកងឯកភាពចំណុះកងទ័ពជើងគោកត្រៀមកម្លាំង សម្ភារ:សង្គ្រោះ និងមធ្យោបាយដឹកជញ្ជូនសម្រាប់ជួយសង្រ្គោះប្រជាពលរដ្ឋ ដែលទទួលរងគ្រោះដោយទឹកជំនន់។នៅព្រឹកថ្ងៃទី១០ ខែសីហា ឆ្នាំ២០២៤នេះ ឯកឧត្តម ឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេស កងទ័ពជើងគោក បានដាក់បទបញ្ជាបន្ទាន់ ឲ្យកម្លាំងទ័ពទាំងអស់ នៃបញ្ជាការដ្ឋានទ័ពពិសេស រួមជាមួយកម្លាំងជំនាញ កង ប្រតិបត្តិ ការរុករក និងសង្គ្រោះគ្រោះមហន្តរាយលេខ៧២៣ ត្រៀមខ្លួន២៤ម៉ោង លើ២៤ម៉ោង ដើម្បីជួយសង្រ្គោះប្រជាពលរដ្ឋ ដែលរង គ្រោះដោយទឹកជំនន់។ក្នុងឱកាសចុះត្រួតពិនិត្យការត្រៀមលក្ខណៈទាំងសម្ភារៈសង្គ្រោះគ្រោះមហន្តរាយ និងការត្រៀមកម្លាំង២៤ម៉ោងលើ២៤ម៉ោង របស់ក្រុមរុករក និងសង្គ្រោះគ្រោះមហន្តរាយលេខ៧២៣ នៃបញ្ជាការដ្ឋានទ័ពពិសេស កងទ័ពជើងគោក ឯកឧត្តម ឧត្តមសេនីយ៍ទោ ស៊ុំ សំណាង បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ការផ្តាំផ្ញើសាកសួរសុខទុកពីសំណាក់ថ្នាក់ដឹកក្រសួងការពារជាតិ អគ្គមេបញ្ជាការ នៃកងយោធពលខេមរភូមិន្ទ និងការផ្តាំផ្ញើសាកសួរសុខទុក្ខពីឯកឧត្តម នាយឧត្តមសេនីយ៍ អគ្គមេបញ្ជាការរង នៃកងយោធ ពលខេមរភូមិន្ទ មេបញ្ជាការកងទ័ពជើងគោក ជូនដល់ នាយទាហាន នាយទាហានរង និងពលទាហាន ព្រមទាំងក្រុមគ្រួសារ។ ឯកឧត្តម ឧត្តមសេនីយ៍ទោ ស៊ុំ សំណាង ក៏បានវាយតម្លៃខ្ពស់ និងកោតសរសើរដល់នាយទាហាន នាយទាហានរង និងពលទា ហាន នៃបញ្ជាការដ្ឋានទ័ពពិសេសទាំងអស់ ដែលជានិច្ច ជាកាល បានខិតខំប្រឹងប្រែងយកអស់កម្លាំងកាយចិត្ត ក្នុងការជួយ សង្រ្គោះគ្រោះមហន្តរាយនាពេលកន្លងមក ត្រៀមលក្ខណឱ្យបានល្អប្រសើរ និងត្រូវសិក្សារៀនសូត្របន្ថែម លើមុខជំនាញ ប្រើប្រាស់ឧបករណ៍សង្គ្រោះឱ្យបានស្ទាត់ជំនាញ ត្រូវចេះគោរពស្រលាញ់ និងសាមគ្គីភាពឱ្យបានស្អិតរមួត ដើម្បីធានាសុវត្ថិ ភាព នូវពេលអនុវត្តន៍ការងារទទួលបានភាពជោគជ័យទាំងអស់គ្នា៕

យុវជនយល់កាន់តែច្បាស់ពីសារៈសំខាន់នៃតំបន់អភិវឌ្ឍន៍CLVបន្ទាប់ពីមានការពន្យល់ល្អិនល្អន់

យុវជនយល់ដឹងកាន់តែច្បាស់ពីសារសំខាន់នៃតំបន់ត្រីកោណអភិវឌ្ឍន៍ កម្ពុជា ឡាវ វៀតណាម (CLV-DTA) បន្ទាប់ពីការបកស្រាយពន្យល់ពីថ្នាក់ដឹកនាំ និងមន្រ្តីរាជរដ្ឋាភិបាលយ៉ាងល្អិនល្អន់ និង បង្ហាញពីសមិទ្ធផល និងវឌ្ឍនភាពដែលបានកើតចេញពីកិច្ចសហប្រតិបត្តិការនេះ ។យុវជនរស់នៅក្នុងរាជធានីភ្នំពេញ នៅថ្ងៃទី១០ ខែសីហានេះ បានប្រាប់BTVឱ្យដឹងថា បន្ទាប់ពីបានស្តាប់ការពន្យល់បកស្រាយច្បាស់ៗរបស់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មពីតំបន់ត្រីកោណអភិវឌ្ឍន៍ CLV បានធ្វើឱ្យពួកគេយល់ដឹងកាន់តែច្បាស់ពីសារៈសំខាន់នៃការអភិវឌ្ឍន៍ CLV និងជឿជាក់លើការដឹកនាំរបស់រាជរដ្ឋាភិបាល មិនធ្វើឱ្យប្រទេសកម្ពុជាបាត់បង់ទឹកដី ដូចជនអគិតមួយចំនួនចោទប្រកាន់មកលើរាជរដ្ឋាភិបាលនោះទេ។លើសពីនេះ យុវជន បានគាំទ្រឱ្យមានតំបន់ត្រីកោណអភិវឌ្ឍន៍ CLV។តាមរយៈកិច្ចសម្ភាសជាមួយទូរទស្សន៍ជាតិកម្ពុជា លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានថ្លែងថា សមិទ្ធផលរយៈពេល ២៥ ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) បានតភ្ជាប់សេដ្ឋកិច្ចរបស់ប្រទេសទាំងបីធ្វើឱ្យកំណើនពាណិជ្ជកម្ម និងកសិពាណិជ្ជកម្មមានការកើនឡើង។ ម្យ៉ាងវិញទៀត កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV គឺត្រូវបានគោរពដោយច្បាប់របស់ប្រទេសភាគីនីមួយៗ ហើយការចេញចូលឆ្លងកាត់ព្រំដែនក៏ត្រូវគោរពតាមច្បាប់កំណត់ មិនអាចចេញចូលដោយសេរីឡើយ។កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) គឺជាគំនិតផ្តួចផ្តើមដំបូងរបស់ប្រទេសកម្ពុជា ក្នុងឆ្នាំ១៩៩៩ ដែលពេលនោះមានសម្តេចតេជោ ហ៊ុន សែន ជានាយករដ្ឋមន្ត្រី។ កិច្ចសហប្រតិបត្តិការនេះ ធ្វើឡើងក្នុងគោលបំណងជំរុញសមាហរណកម្ម ខេត្តជាប់ព្រំដែន នៃប្រទេសទាំងបី កម្ពុជា-ឡាវ-វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព សាមគ្គីភាព និងការអភិវឌ្ឍ។ កិច្ចសហប្រតិបត្តិការនេះ មានគោលការណ៍គ្រឹះសំខាន់ក្នុងការលើកកម្ពស់ការគោរព និងការជឿទុកចិត្តគ្នាទៅវិញទៅមក ដើម្បីផលប្រយោជន៍រួម ការពារ បូរណភាពទឹកដី និងការដោះស្រាយបញ្ហា តាមរយៈទំនាក់ទំនងការទូត និងច្បាប់អន្តរជាតិ៕ អត្ថបទ៖ ទូច សោភ័ណ

ពលរដ្ឋ៖ CLV DTA ផ្តល់អត្ថប្រយោជន៍បន្ថែមជាច្រើនសម្រាប់ការអភិវឌ្ឍខេត្តជាប់ព្រំដែនរបស់កម្ពុជា

ក្រោយពីរដ្ឋមន្ត្រីក្រសួងពាណិជ្ជកម្ម ធ្វើបទបង្ហាញរបាយការណ៍ក្របខណ្ឌកិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា ឡាវ វៀតណាម CLV-DTA រួចមក បានធ្វើឲ្យពលរដ្ឋតាមមូលដ្ឋាន មានការយល់ច្បាស់អំពីដំណើរការកិច្ចសហប្រតិបត្តិការអភិវឌ្ឍន៍តំបន់ត្រីកោណ CLV DTA និងជំរុញខេត្តទាំងបួនរួមមាន៖ ខេត្តរតនាគិរី មណ្ឌលគិរី ស្ទឹងត្រែង និងខេត្តក្រចេះមានការអភិវឌ្ឍផ្នែកសេដ្ឋកិច្ច វិនិយោគ និងទេសចរណ៍។បើតាមពលរដ្ឋមកពីខេត្តកណ្តាល និងខេត្តព្រៃវែង បានថ្លែងប្រាប់BTV នៅថ្ងៃទី១០ ខែសីហានេះ បានថ្លែងថា នៅពេលនេះ យើងទាំងអស់គ្នាជាពលរដ្ឋតាមមូលដ្ឋាន មានយល់ច្បាស់ អំពីដំណើរការអភិវឌ្ឍសេដ្ឋកិច្ច ពាណិជ្ជកម្ម ការវិនិយោគ និងអភិវឌ្ឍន៍វិស័យទេសចរណ៍ បង្កើតឱកាសការងារ នៅតាមតំបន់ខេត្តទាំងបួនរួមមាន ខេត្តរតនគិរី មណ្ឌលគិរី ស្ទឹងត្រែង និងខេត្តក្រចេះ ក្នុងក្របខណ្ឌរាជរដ្ឋាភិបាលកម្ពុជា និងការអភិវឌ្ឍន៍បំពេញក្នុងក្របខ័ណ្ឌ CLV DTA និងធ្វើឲ្យខែ្សបន្ទាត់ព្រំដែនកម្ពុជា ជាប់ជាមួយប្រទេសឡាវ និងវៀតណាម មានភាពរឹងម៉ាំ ជាខ្សែបន្ទាត់ព្រំដែនសន្តិភាព ទទួលស្គាល់គ្នា ហើយមិនជឿតាមការប្រឌិតព័ត៌មានមិនពិត ពីក្រុមពួកជ្រុលនិយម ធ្វើការដើម្បីបំពុលសង្គម។ សូមបញ្ជាក់ថា តាមបទបង្ហាញរបស់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នៅថ្ងៃម្សិលមិញ បានបញ្ជាក់ថា នៅក្នុងដំណើរការអនុវត្តកិច្ចសហប្រតិបត្តិការអភិវឌ្ឍន៍តំបន់ត្រីកោន កម្ពុជា ឡាវ វៀតណាម CLV DTA គឺប្រមុខថ្នាក់ដឹកនាំរាជរដ្ឋាភិបាលកម្ពុជាបានទំលាក់ថវិកាជាតិសម្រាប់អភិវឌ្ឍតំបន់ខេត្តទាំង៤នោះរបស់កម្ពុជាឲ្យមានការរីកចម្រើនលើគ្រប់វិស័យ ហើយសម្រាប់ការអភិវឌ្ឍន៍ក្នុងក្របខណ្ឌ CLV DTA វិញ គឺជាការបន្ថែមនូវអត្ថប្រយោជន៍ ប្រសិទ្ធភាពការតភា្ជប់គ្នាទំនាក់ទំនងទីផ្សារ ការដឹកជញ្ជូនដោះដូរទំនិញ នាំចូល នាំចេញ បង្កើតឱកាសវិនិយោគ បង្កើតឱកាសការងារជូនពលរដ្ឋក្នុងតំបន់នោះ និងជំរុញកំណើនទេសចរជាតិ អន្តរជាតិទៅទស្សនាជាដើម៕ អត្ថបទ ស៊ុម សុខជា

អ្នកនយោបាយ៖ CLV ជាស្ពានធ្វើឱ្យខេត្តទាំង៤ មានរចនាសម្ព័ន្ធច្រើនជាប្រយោជន៍ដល់ពលរដ្ឋក្នុងមូលដ្ឋាន

អ្នកនយោបាយលើកឡើងថា កិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV) ជាស្ពានធ្វើឱ្យខេត្តទាំង៤មានរចនាសម្ព័ន្ធ និងរូបវ័ន្តកាន់តែច្រើនជាប្រយោជន៍ដល់ប្រជាពលរដ្ឋក្នុងមូលដ្ឋាន។ស្របពេលមជ្ឈដ្ឋាននានាបន្តគាំទ្រដល់កិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) មានមេដឹកនាំគណបក្សនយោបាយ បានប្រាប់BTVឱ្យដឹងនៅថ្ងៃទី១០ ខែសីហា ឆ្នាំ២០២៤ថា ក្នុងនាមគណបក្សនយោបាយដែលមាននិន្នាការផ្សេងគ្នា ប៉ុន្តែបានមើលឃើញពីសក្តានុពលដែលនឹងលេចចេញជារូបរាងស្ទើរគ្រប់វិស័យ។ ក្នុងនោះ លោក ហួត សុខដុម ប្រធានស្ដីទីគណបក្សនគរប្រជាធិបតេយ្យ លើកឡើងថា កិច្ចសហប្រតិបត្តិការត្រីកោណអភិវឌ្ឍន៍ CLV នេះ គឺជួយឱ្យមានការអភិវឌ្ឍន៍ដូចទៅនឹងតំបន់ទីប្រជុំជន រួមមានហេដ្ឋារចនាសម្ព័ន្ធជាដើម ដែលឆ្លុះបញ្ចាំងពីសុខសន្តិភាពនៅតំបន់នោះ។ ជាមួយគ្នា លោក គុជ លី ប្រធានគណបក្សខ្មែរតែមួយ លើកឡើងថា តាមការកត់សម្គាល់ឃើញថាតំបន់ត្រីកោណអភិវឌ្ឍន៍នេះមានសារៈសំខាន់សម្រាប់ប្រទេសកម្ពុជា។ ប្រធានគណបក្សរូបនេះបញ្ជាក់ថា តំបន់នេះជាតំបន់អភិវឌ្ឍន៍សហគមន៍រួមគ្នា ដើម្បីជោគជ័យនាថ្ងៃអនាគតក្នុងនាមជាសហគមន៍តំបន់អាស៊ីព្រមទាំង តាមរយៈកិច្ចសហប្រតិបត្តិការCLVនេះជាការអភិវឌ្ឍធ្វើឱ្យប្រជាពលរដ្ឋយល់ដឹងអំពីតំបន់ព្រំដែន និងសហប្រតិបត្តិការគ្នាទៅវិញទៅមក។ សូមជម្រាបថា កិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជា ក្នុងឆ្នាំ១៩៩៩ ដែលពេលនោះមាន សម្តេចតេជោហ៊ុន សែន ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ-វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព សាមគ្គីភាព និងការអភិវឌ្ឍ។ គិតមកដល់ឆ្នាំ២០២៤នេះ កិច្ចប្រជុំក្រោមក្របខណ្ឌនៃ តំបន់ត្រីកោណអភិវឌ្ឍន៍នេះ បានធ្វើឡើងចំនួន១១លើករួចមកហើយ ដោយមានការប្តូរវេនគ្នាធ្វើជាប្រធានរវាង ប្រទេសទាំងបី ហើយឆ្នាំ២០២៤នេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូល CLV លើកទី១២៕ អត្ថបទ សេក ឧត្តម ថត

វិស័យឯកជនគាំទ្ររាជរដ្ឋាភិបាលកម្ពុជាក្នុងការអនុវត្តកម្មវិធី និងគម្រោងក្រោមក្របខណ្ឌ នៃតំបន់ត្រីកោណ CLV-DTA

តំណាងឲ្យអ្នករកស៊ីក្នុងវិស័យស្វាយចន្ទី និងវិស័យឧស្សាហកម្មកាត់ដេរ បានគាំទ្រចំពោះការអនុវត្តកម្មវិធី និងគម្រោងក្រោមក្របខណ្ឌនៃតំបន់ត្រីកោណអភិវឌ្ឍន៍ កម្ពុជា ឡាវ វៀតណាម (CLV-DTA) ដែលជាគំនិតផ្តួចផ្តើមរបស់រាជរដ្ឋាភិបាលកម្ពុជាក្នុងឆ្នាំ១៩៩៩ ដើម្បីជំរុញសមាហរណកម្មខេត្តជាប់ព្រំដែន នៃប្រទេសទាំងបី ទៅជាព្រំដែនមិត្តភាព សាមគ្គីភាព និងការអភិវឌ្ឍ។លោក ស៊ុយ កុកធាន អនុប្រធានសមាគមស្វាយចន្ទីកម្ពុជា បានចាប់អារម្មណ៍លើចំណុចមួយក្នុងវីដេអូបកស្រាយដោយលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មពាក់ព័ន្ធនឹងកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV នោះគឺកិច្ចសម្រួលពាណិជ្ជកម្ម។ លោកបានលើកឡើងថា បើនិយាយដល់វិស័យស្វាយចន្ទីសម្រាប់ការឆ្លងកាត់ព្រំដែន គឺមានលក្ខណៈស្រួលមែនទែន រហូតដល់វៀតណាមទិញគ្រាប់ស្វាយចន្ទីស្រស់ ហើយដឹកឆ្លងកាត់ព្រំដែនបានយ៉ាងលឿន ព្រោះដូចដឹងហើយថា គ្រាប់ស្វាយចន្ទីបើមិនអាចដឹកទាន់ពេលវេលានោះទេ នឹងអាចបាត់បង់គុណភាព ប៉ុន្តែតាមរយៈកិច្ចសហប្រតិបត្តិការនៅតាមព្រំដែននេះ ធ្វើឲ្យគ្រាប់ស្វាយចន្ទីស្រស់របស់ប្រជាកសិករដែលលោកលក់ គឺធ្វើដំណើរឆ្លងកាត់ព្រំដែនដោយសុវត្ថិភាព ហើយនឹងរក្សាគុណភាពរហូតដល់ប្រទេសវៀតណាម។ ស្របគ្នានេះដែរ ឧកញ៉ា លឹម តុង ប្រធានសមាគមផលិតផលធ្វើដំណើរ និងស្បែកនៅកម្ពុជា បានយល់ឃើញថា ការបង្កើតតំបន់ត្រីកោណអភិវឌ្ឍន៍កម្ពុជា ឡាវ និងវៀតណាម គឺជារឿងមួយល្អសម្រាប់ការអភិវឌ្ឍប្រទេសជាតិ។ លោកក៏បានគាំទ្រផងដែរ ចំពោះការលើកឡើងរបស់លោកជំទាវរដ្ឋមន្រ្តីពាណិជ្ជកម្ម ព្រោះថា គម្រោងក្រោមក្របខ័ណ្ឌនៃតំបន់ត្រីកោណនេះ នឹងជំរុញសមាហរណកម្មសេដ្ឋកិច្ច និងការតភ្ជាប់ដែលនាំមកនូវការបង្កើនពាណិជ្ជកម្មឆ្លងដែន ការលើកកម្ពស់វិស័យទេសរណ៍ តាមចក្ខុវិស័យប្រទេសទាំងបីខាងលើជាគោលដៅទេសចរណ៍តែមួយ ដែលជាគ្រឹះក្នុងការអភិវឌ្ឍសេដ្ឋកិច្ចសង្គម និងកាត់បន្ថយភាពក្រីក្រតាមតពន់ព្រំដែន និងទូទាំងប្រទេសផងដែរ។សូមជម្រាបជូនដែរថា ក្នុងឃ្លីបវីដេអូរយៈពេលជិត ៣០នាទី របស់លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានគូសបញ្ជាក់ថា គិតក្នុងរយៈពេល ២៥ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) ចាប់តាំងពីការចាប់ផ្ដើមក្នុងឆ្នាំ១៩៩៩ រហូតមកដល់ឆ្នាំ២០២៤នេះ មានកិច្ចប្រជុំចំនួន១១ដង ក្នុងនោះសមិទ្ធផលជារួមសម្រាប់ត្រីភាគីតែម្ដង គឺជាការតភ្ជាប់សេដ្ឋកិច្ចរបស់ប្រទេសទាំងបី កំណើនពាណិជ្ជកម្ម និងកសិពាណិជ្ជកម្មរបស់ត្រីភាគី។ លោកជំទាវ បន្តថា តាមរយៈកិច្ចសហប្រតិបត្តិនេះ ចំពោះកម្ពុជា សមិទ្ធផលផ្នែកពាណិជ្ជកម្មដែលកម្ពុជាទទួលបាន គឺផលិតផលសរុបរបស់ខេត្តទាំង៤ មានការកើនឡើង និងបង្កើតបាននូវតុល្យភាព ដែលបានកាត់បន្ថយនូវគម្លាតអភិវឌ្ឍ ដែលពីមុនមកខេត្តទាំង៤ គឺក្រចេះ ស្ទឹងត្រែង មណ្ឌលគិរី និងរតនគិរី ជាតំបន់ដាច់ស្រយាលនៅជាប់ព្រំដែន មានការអភិវឌ្ឍយឺតយ៉ាវ និងតិចតួចជាងខេត្តផ្សេងៗទៀតដែលទាមទារឱ្យមានការបង្កើនកិច្ចសហប្រតិបត្តិការអភិវឌ្ឍន៍បន្ថែម៕ អត្ថបទ ឈិត បូរ៉ាវី

រាជរដ្ឋាភិបាលសម្រេចផ្តល់ស្ពានថ្មមួយកន្លែងឆ្លងកាត់ស្ទឹងសែន ជូនប្រជាពលរដ្ឋក្នុងស្រុកប្រាសាទសំបូរ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចជាគោលការណ៍ គម្រោងសាងសង់ ស្ពានថ្មមួយកន្លែងប្រវែង១៣០ ម៉ែត្រ ឆ្លងកាត់ស្ទឹងសែនជូនប្រជាពលរដ្ឋឃុំឈូក និងស្រើងក្នុងស្រុកប្រាសាទសំបូរ ខេត្តកំពង់ធំ ។លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា នៅក្នុងពិធីចែកអំណោយជូនប្រជាពលរដ្ឋ ខ្វះខាត និងចាស់ ជរាចំនួន ៣០០ គ្រួសាររស់នៅក្នុងស្រុកប្រាសាទសំបូរ ដែលប្រារព្ធធ្វើនៅបរិវរណសាលាស្រុកប្រាសាទសំបូរ នៅថ្ងៃទី ៩ ខែ សីហា ឆ្នាំ ២០២៤ លោកជំទាវបណ្ឌិត បានប្រកាសឲ្យដឹងជាផ្លូវការថា ស្ពានថ្មថ្មីដែលជាអំណោយដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានសម្រេចផ្ដល់ជូននៅក្នុងឃុំឈូក និងឃុំស្រើង ក្នុងស្រុកប្រាសាទសំបូរ ខេត្តកំពង់ធំ នេះគឺជាដំណឹងល្អ សម្រាប់ប្រជាពលរដ្ឋ ដែលទន្ទឹងរង់ចាំជាយូរណាស់មកហើយ ។លោកជំទាវបណ្ឌិត បានបញ្ជាក់ថា ស្ពានដែលសម្តេចបវរធិបតី ហ៊ុន ម៉ាណែត បានផ្ដល់ជូនប្រជាពលរដ្ឋនេះ គឺមានតម្លៃ ធំធេង និងផ្ដល់ផលប្រយោជន៍មិនអាចកាត់ថ្លៃបានឡើយ សម្រាប់ប្រជាពលរដ្ឋរស់នៅក្នុងតំបន់ខាងលើនេះ ដើម្បីបង្ករនូវភាពងាយ ស្រួលក្នុងការធ្វើដំណើរ ការដឹកជញ្ជូនកសិផលផ្សេងៗ និងសិស្សានុសិស្សធ្វើដំណើរទៅសាលារៀនជាដើម ដោយលែងជួបការលំបាក ត្រូវជិះទូកឆ្លងទៅរៀនដូចមុនទៀតឡើយ, នេះបញ្ជាក់ឲ្យឃើញថា រាជរដ្ឋាភិបាលក្រោមការដឹកនាំដ៏ឈ្លៀសវៃ របស់សម្តេចបវរធិបតី ហ៊ុន ម៉ាណែត សម្តេចតែងតែយកចិត្តទុកដាក់ខ្ពស់ អំពីផលការលំបាករបស់ប្រជាជន មិនថាតំបន់ណាមួយនោះឡើយ។នៅក្នុងឱកាសនោះដែរ លោកជំទាវបណ្ឌិត ជា សិរី បានអំពាវនាវដល់ប្រជាពលរដ្ឋ ក៏ដូចអាជ្ញាធរមូលដ្ឋាន ឱ្យបង្កើនការប្រុង ប្រយ័ត្នខ្ពស់ ចំពោះស្ថានភាពទឹកជំនន់ព្រោះរដូវវស្សានាឆ្នាំនេះទឹកធំជាងបណ្ដាឆ្នាំមុនៗ។ ដើម្បីបញ្ជៀសឲ្យបានទាន់ពេលវេលា ចំពោះ ហានិភ័យដែលអាចកើតមានជាយថាហេតុ ពិសេសសុវត្ថិភាពប្រជាពលរដ្ឋនិងកុមារតូចៗ។ សម្រាប់បញ្ហាសុខភាពវិញ, ប្រសិន ប្រជាជនដែលមានបញ្ហាជំងឺភ្នែកត្រចៀក និងច្រមុះ ប្រញាប់ទៅពិនិត្យ និងព្យាបាលឱ្យបានរួសរាន់ ពីក្រុមគ្រូពេទ្យជំនាញមកពី ប្រទេសអូស្ដ្រាលីនៅភ្នំពេញ ក្នុងនោះរាល់ការចំណាយនានា និងការស្នាក់នៅជាការបន្ទុកផ្ទាល់ របស់ក្រុមការងារស្ម័គ្រចិត្តនៃធនាគារ ជាតិនៃកម្ពុជា ជាអ្នកដោះស្រាយជូន។សូមបញ្ជាក់ថា ក្នុងឱកាសនោះដែរ លោកជំទាវបណ្ឌិត បានផ្តល់អំណោយជូនប្រជាពលរដ្ឋចំនួន ៣០០ គ្រួសារ ដោយក្នុងមួយ គ្រួសារៗ ទទួលបានគ្រឿងឧបភោគ បរិភោគ និងថវិកាមួយចំនួនផងដែរ៕ អត្ថបទ៖ សុន រ៉ាឌី

ការប្រឡងគ្រូបឋមសិក្សាលើវិញ្ញាសាសរសេរលើកទី២ នឹងប្រព្រឹត្តិទៅនៅថ្ងៃទី១២ខែសីហា

ការប្រឡងធ្វើជាគ្រូបឋមសិក្សា លើកចុងក្រោយនឹងប្រព្រឹត្តិទៅនៅថ្ងៃចន្ទ ទី ១២ ខែសីហា ខាងមុខនេះ។ ការប្រឡងនេះ គឺមានបេក្ខជនសរុបចំនួន ៤ ៣២១នាក់ទូទាំងប្រទេស។ ការប្រឡងនឹងប្រព្រឹត្តទៅនៅមណ្ឌលសាលាភូមិន្ទរដ្ឋបាល និងមណ្ឌល សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ ក្រសួងមុខងារ សាធារណៈ នឹងរៀបចំការប្រឡងជ្រើសរើសគ្រូបឋមសិក្សា លើវិញ្ញាសាសរសេរលើកទី២ នៅថ្ងៃចន្ទ ដើមសប្ដាហ៍ខាងមុខនេះ។ ការប្រឡងនេះ ជាការប្រឡងសម្រេចលើកចុងក្រោយ សម្រាប់បេក្ខជនចំនួន ៤ ៣២១នាក់ ដែលបានប្រឡងជាប់ក្នុងការប្រឡងលើវិញ្ញាសាសរសេរលើកទី១ កន្លងទៅ។សម្រាប់ការប្រឡងខាងមុខនេះ ឯកឧត្តមឧបនាយករដ្ឋមន្ត្រី ហ៊ុន ម៉ានី បានដឹកនាំប្រជុំពិភាក្សាការងារលម្អិតឆ្ពោះទៅកាន់ការប្រឡង។ ការប្រជុំនេះ មានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងអប់រំ យុវជន និងកីឡា តំណាងអង្គភាពប្រឆាំងអំពើពុករលួយ ព្រមទាំងថ្នាក់ដឹកនាំ និងមន្ត្រីជំនាញ ដែលជាប្រធាន អនុប្រធាន និងសមាជិក នៃគណៈកម្មការ និងអនុគណៈកម្មការការប្រឡងប្រជែង។ឯកឧត្តមឧបនាយករដ្ឋមន្ត្រី ប្រធានគណៈកម្មការប្រឡងប្រជែង តែងតែដឹកនាំកិច្ចប្រជុំពិនិត្យ ពិភាក្សាលើវឌ្ឍនភាពការងារ និងបញ្ហាប្រឈមនានា ឆ្ពោះទៅកាន់ការប្រឡងប្រជែង មុនការប្រឡងឈានចូលមកដល់។ ការប្រឡងលើវិញ្ញាសាសរសេរលើកទី ២ នេះ គឺបេក្ខជនត្រូវប្រឡងលើមុខវិជ្ជាឯកទេស គឺមុខវិជ្ជាភាសាខ្មែរ និងមុខវិទ្យាគណិតវិទ្យា។ ការប្រឡងមានរយៈពេល ២ម៉ោង សម្រាប់ ១មុខវិជ្ជា។សូមជម្រាបថា ការប្រឡងប្រជែងជ្រើសរើសគ្រូបង្រៀននៅបឋមសិក្សា វិញ្ញាសាសរសេរលើកទី២ មានបេក្ខជន ៤,៣២១នាក់ មកពីទូទាំងប្រទេស ដែលត្រូវបានបែងចែកជា ២មណ្ឌល៖ មណ្ឌលទី១ សាលាភូមិន្ទរដ្ឋបាល មានបេក្ខជន ១,០០០នាក់(ស្រី ៦៥៦នាក់) និងមណ្ឌលទី២ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច មានបេក្ខជន ៣,៣២១នាក់(ស្រី ២,១៧១នាក់)។ការប្រឡងជ្រើសរើសគ្រូបឋមសិក្សានេះ គឺកំណត់យកតាមប្រព័ន្ធបណ្ដុះបណ្ដាល ១២+៤ ចំនួន ៣០០នាក់ និងប្រព័ន្ធបណ្ដុះបណ្ដាល ១២+ ២ចំនួន ១ ០៤៧នាក់។ ការប្រឡងលើកចុងក្រោយនេះ នឹងកំណត់យកបេក្ខជនជាប់ត្រឹមតែ ១ ៣៤៧នាក់ប៉ុណ្ណោះ៕ អត្ថបទ៖ គឹមហុក

ប្រតិបត្តិការបង្រ្កាបគ្រឿងញៀននៅក្រុងបាត់ដំបង សមត្ថកិច្ចបន្តនីតិវិធីដកហូតគ្រឿងញៀនបន្ថែមរហូតដល់ជិត ១៦ ០០០គ្រាប់

បាត់ដំបង៖ដោយបានការសម្របសម្រួលនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង សមត្ថកិច្ចនគរបាលក្រោមបញ្ជាដឹកនាំរបស់លោកឧត្តមសេនីយ៍ទោ ដាញ់អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង កម្លាំងផែនការងារប្រឆាំងគ្រឿងញៀន និងកម្លាំងនគរបាលក្រុងបាត់ដំបង នៅថ្ងៃទី៨ ខែសីហា ឆ្នាំ២០២៤ បានបន្តប្រតិបត្តិការដកហូតថ្នាំញៀនបន្ថែមទៀតសរុបទាំងអស់ចំនួន១៥ ៩៦៥គ្រាប់ ស្មើនឹងទម្ងន់១៥៧១,៦៩ក្រាម។សូមរំឭកថា កាលពីយប់ថ្ងៃទី៧ ខែសីហា ឆ្នាំ២០២៤ នៅចំណុចភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង កម្លាំងនគរបាលក្រុងបាត់ដំបងបានធ្វើការបង្រ្កាបករណីជួញដូរគ្រឿងញៀនដោយឃាត់ខ្លួនជនសង្ស័យម្នាក់ រួមជាមួយគ្រឿងញៀនជិត២ ០០០គ្រាប់ និងកាំភ្លើងខ្លីមួយដើម។ក្នុងប្រតិបត្តិការនេះសមត្ថកិច្ចនគរបាលក្រុងបាត់ដំបង បង្ក្រាបបានករណីរក្សាទុក ដឹកជញ្ជូន ឬជួញដូរដោយខុសច្បាប់ នូវសារធាតុញៀន១ករណី ក្នុងបទល្មើសជាក់ស្ដែងនិងឃាត់ខ្លួនជនសង្ស័យម្នាក់ឈ្មោះឈួម សុខវណ្នី ហៅឃ្លោកភេទប្រុស អាយុ ៣៧ឆ្នាំ មានទីលំនៅបច្ចុប្បន្ន ភូមិកគោ ឃុំជ្រៃ ស្រុកថ្មគោល ខេត្តបាត់ដំបង និងរឹបអូស បានថ្នាំញៀនប្រភេទមេតំហ្វេតាម៉ីន យ៉ាម៉ាWY ចំនួន១៩៧៤គ្រាប់ អាវុធខ្លី១ដើម និងសម្ភារៈពាក់ព័ន្ធមួយចំនួនទៀត៕

រដ្ឋមន្ត្រីក្រសួងសុខាភិបាលកម្ពុជា ចូលរួមកិច្ចប្រជុំពិសេសរដ្ឋមន្រ្តីសុខាភិបាលអាស៊ាន-សហរដ្ឋអាមេរិក នៅទីក្រុងវៀងចន្ទន៍

ទីក្រុងវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ៖ នារសៀលថ្ងៃទី៩ ខែសីហា ឆ្នាំ២០២៤ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញដឹកនាំគណៈប្រតិភូក្រសួងសុខាភិបាលចូលរួម កិច្ចប្រជុំពិសេសរដ្ឋមន្រ្តីសុខាភិបាលអាស៊ាន-សហរដ្ឋអាមេរិក (16th ASEAN Health Ministers Meeting and Related Meetings : ASEAN-U.S.) ដែលមានការចូលរួមពីប្រទេសជាសមាជិកអាស៊ានទាំង១០ និងប្រទេសទីម័រឡេស្តេ ជាមួយសហរដ្ឋអាមេរិក។កិច្ចប្រជុំពិសេសរដ្ឋមន្រ្តីសុខាភិបាលអាស៊ានសហរដ្ឋអាមេរិកធ្វើឡើងក្នុងគោលបំណងពង្រឹងកិច្ចសហប្រតិបត្តិការលើការដោះស្រាយបញ្ហាប្រឈមផ្នែកសុខភាពសម្រាប់ប្រជាជាតិសហគមន៍អាស៊ាន និងសហរដ្ឋអាមេរិក រួមទាំងការត្រៀមលក្ខណៈក្នុងការឆ្លើយតបជំងឺរាតត្បាត លើកកម្ពស់សមភាពនៃការទទួលបានសេវាសុខភាព ការឆ្ពោះទៅសម្រេចបានការគ្របដណ្តប់សុខភាពជាសកល ការប្រែប្រួលអាកាសធាតុ និងដើម្បីគាំទ្រដល់ការចែករំលែកចំណេះដឹង និងការអភិវឌ្ឍជំនាញដើម្បីដោះស្រាយឧបសគ្គនាពេលអនាគត។ក្នុងបទអន្តរាគមន៍ ឯកឧត្តមសាស្ត្រាចារ្យ រដ្ឋមន្ត្រីក្រសួងសុខាភិបាលកម្ពុជា បានលើកឡើងអំពីភាពជាដៃគូអាស៊ាន-អាមេរិក ដែលពិតជាបានបង្ហាញឱ្យឃើញនូវគុណតម្លៃ ដែលមិនអាចកាត់ថ្លៃបានក្នុងការដោះស្រាយបញ្ហាប្រឈមបញ្ហាសុខភាពរួមគ្នា ដោយផ្តោតលើគំនិតផ្តួចផ្តើមសំខាន់ៗ ក្រោមគោលដៅចម្បងនៃការពង្រឹងប្រព័ន្ធសុខាភិបាលសម្រាប់ឆ្លើយតបនឹងគ្រោះអាសន្នសុខភាពសាធារណៈ ការពង្រឹងសមត្ថភាពក្នុងការឆ្លើយតបទៅនឹងវិបត្តិសុខភាព ដើម្បីកសាងអនាគតដែលមានសុខភាពល្អ និងមានភាពធន់ជាងមុនសម្រាប់ប្រជាជនទាំងអស់។អង្គប្រជុំបានអនុម័តលើផែនការ នៃកិច្ចសហប្រតិបត្តិការសុខាភិបាលអាស៊ាន-សហរដ្ឋអាមេរិក ដែលផ្តោតលើកិច្ចការអាទិភាពមួយចំនួនដូចជា ការត្រៀមលក្ខណៈសង្គ្រោះបន្ទាន់ និងឆ្លើយតបរួមគ្នាវិបត្តិសុខភាព ពង្រឹងកិច្ចសហប្រតិបត្តិការគម្រោងសុខភាពតែមួយ គាំទ្របណ្តាញសុខភាពតែមួយអាស៊ាន និងផែនការសកម្មភាពរួម កិច្ចសហការសុខភាពផ្លូវចិត្ត ការអភិវឌ្ឍគោលនយោបាយ និងអន្តរាគមន៍តាមសហគមន៍ អនុវត្តបច្ចេកវិជ្ជាសុខាភិបាលឌីជីថល ដើម្បីបង្កើនការថែទាំសុខភាព ការកសាងសមត្ថភាពធនធានមនុស្សសុខាភិបាល លើកកម្ពស់សមធម៌សុខភាព និងការទទួលបានការថែទាំ។ តាមរយៈសេចក្តីថ្លែងការណ៍រួមដែលបានឯកភាពគ្នា សហរដ្ឋអាមេរិក នឹងជួយដល់មជ្ឈមណ្ឌលអាស៊ានសម្រាប់គ្រោះអាសន្នសុខភាព និងសង្គ្រោះបន្ទាន់ ក៏ដូចជាប្រព័ន្ធសម្របសម្រួលសុខភាពសាធារណៈអាស៊ាន ដែលនឹងជួយជំរុញការត្រៀមខ្លួនក្នុងតំបន់ ក្នុងការឆ្លើយតបទៅនឹងភាពអាសន្នផ្នែកសុខភាពសាធារណៈនាពេលអនាគត៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

អ៊ីរ៉ងថ្កោលទោសការវាយប្រហារ នៅភាគខាងត្បូងប្រទេស និងព្រមានពីការរំលោភលើបទឈប់បាញ់

ទីភ្នាក់ងារដឹកជញ្ជូន៖ នាវាដឹកប្រេងចំនួនបីគ្រឿង ត្រូវរងការវាយប្រហារដោយយានដ្រូន នៅក្នុងសមុទ្រខ្មៅ

យោធាចិន បញ្ជាក់ថា បានបង្ខំឲ្យនាវាចម្បាំងហូឡង់ចាកចេញ នៅសមុទ្រចិនខាងត្បូង

អនាគតនៃការចរចារវាងអ៊ីស្រាអែលនិងលីបង់សម្របសម្រួលដោយអាមេរិក នៅមិនច្បាស់លាស់ ខណៈអ៊ីស្រាអែលទម្លាក់គ្រាប់បែកលើលីបង់

អ៊ីស្រាអែលវាយប្រហារទីក្រុង Tyre បន្ទាប់ពីប្រកាស «តំបន់ប្រយុទ្ធ» នៅភាគខាងត្បូងប្រទេសលីបង់

នគរបាលនិយាយថា សិស្ស១៦នាក់ស្លាប់ក្នុងអគ្គិភ័យឆាបឆេះនៅសាលារៀនរបស់ប្រទេសកេនយ៉ា

ហេសបូឡា៖ មានការវាយប្រហារ ៣៧លើក ដោយផ្តោតលើកងកម្លាំងអ៊ីស្រាអែល និងជើងទម្រ Iron Dome

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ឯកឧត្តម ហេង សួរ ប្រគល់រថយន្តពន្លត់អគ្គិភ័យ និងរថយន្តពេទ្យសង្គ្រោះបន្ទាន់ដល់រដ្ឋបាលខេត្តកំពង់ចាម

យុវជនយល់កាន់តែច្បាស់ពីសារៈសំខាន់នៃតំបន់អភិវឌ្ឍន៍CLVបន្ទាប់ពីមានការពន្យល់ល្អិនល្អន់

ពលរដ្ឋ៖ CLV DTA ផ្តល់អត្ថប្រយោជន៍បន្ថែមជាច្រើនសម្រាប់ការអភិវឌ្ឍខេត្តជាប់ព្រំដែនរបស់កម្ពុជា

អ្នកនយោបាយ៖ CLV ជាស្ពានធ្វើឱ្យខេត្តទាំង៤ មានរចនាសម្ព័ន្ធច្រើនជាប្រយោជន៍ដល់ពលរដ្ឋក្នុងមូលដ្ឋាន

វិស័យឯកជនគាំទ្ររាជរដ្ឋាភិបាលកម្ពុជាក្នុងការអនុវត្តកម្មវិធី និងគម្រោងក្រោមក្របខណ្ឌ នៃតំបន់ត្រីកោណ CLV-DTA

រាជរដ្ឋាភិបាលសម្រេចផ្តល់ស្ពានថ្មមួយកន្លែងឆ្លងកាត់ស្ទឹងសែន ជូនប្រជាពលរដ្ឋក្នុងស្រុកប្រាសាទសំបូរ

ការប្រឡងគ្រូបឋមសិក្សាលើវិញ្ញាសាសរសេរលើកទី២ នឹងប្រព្រឹត្តិទៅនៅថ្ងៃទី១២ខែសីហា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ឯកឧត្តម ហេង សួរ ប្រគល់រថយន្តពន្លត់អគ្គិភ័យ និងរថយន្តពេទ្យសង្គ្រោះបន្ទាន់​ដល់​រដ្ឋបាលខេត្តកំពង់ចាម

យុវជនយល់កាន់តែច្បាស់ពីសារៈសំខាន់នៃតំបន់អភិវឌ្ឍន៍CLVបន្ទាប់ពីមានការពន្យល់ល្អិនល្អន់

ពលរដ្ឋ៖ CLV DTA ផ្តល់អត្ថប្រយោជន៍បន្ថែមជាច្រើនសម្រាប់​ការអភិវឌ្ឍខេត្តជាប់ព្រំដែន​របស់កម្ពុជា

អ្នកនយោបាយ៖ CLV ជាស្ពានធ្វើឱ្យខេត្តទាំង៤ មានរចនាសម្ព័ន្ធច្រើនជា​ប្រយោជន៍​ដល់ពលរដ្ឋក្នុងមូលដ្ឋាន

វិស័យឯកជនគាំទ្ររាជរដ្ឋាភិបាលកម្ពុជាក្នុងការអនុវត្តកម្មវិធី និងគម្រោងក្រោម​ក្របខណ្ឌ នៃតំបន់ត្រីកោណ CLV-DTA

រាជរដ្ឋាភិបាលសម្រេចផ្តល់ស្ពានថ្មមួយកន្លែងឆ្លងកាត់ស្ទឹងសែន ជូនប្រជាពលរដ្ឋ​ក្នុងស្រុក​ប្រាសាទសំបូរ

ការប្រឡងគ្រូបឋមសិក្សាលើវិញ្ញាសាសរសេរលើកទី២ នឹងប្រព្រឹត្តិទៅនៅថ្ងៃទី១២ខែសីហា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ហេង សួរ ប្រគល់រថយន្តពន្លត់អគ្គិភ័យ និងរថយន្តពេទ្យសង្គ្រោះបន្ទាន់ដល់រដ្ឋបាលខេត្តកំពង់ចាម

ពលរដ្ឋ៖ CLV DTA ផ្តល់អត្ថប្រយោជន៍បន្ថែមជាច្រើនសម្រាប់ការអភិវឌ្ឍខេត្តជាប់ព្រំដែនរបស់កម្ពុជា

អ្នកនយោបាយ៖ CLV ជាស្ពានធ្វើឱ្យខេត្តទាំង៤ មានរចនាសម្ព័ន្ធច្រើនជាប្រយោជន៍ដល់ពលរដ្ឋក្នុងមូលដ្ឋាន

វិស័យឯកជនគាំទ្ររាជរដ្ឋាភិបាលកម្ពុជាក្នុងការអនុវត្តកម្មវិធី និងគម្រោងក្រោមក្របខណ្ឌ នៃតំបន់ត្រីកោណ CLV-DTA

រាជរដ្ឋាភិបាលសម្រេចផ្តល់ស្ពានថ្មមួយកន្លែងឆ្លងកាត់ស្ទឹងសែន ជូនប្រជាពលរដ្ឋក្នុងស្រុកប្រាសាទសំបូរ