BTV NEWS

កម្ពុជា-ឡាវ បានប្រែក្លាយពីទំនាក់ទំនងទ្វេភាគីមកជាដៃគូយុទ្ធសាស្ត្រគ្រប់ជ្រុងជ្រោយ ដើម្បីការរីកចម្រើនប្រទេសទាំងពីរ

ឃាត់ខ្លួនជនជាតិចិន៤នាក់ ធ្វើសកម្មចូលបន្លំលួចលុយតាមទីតាំងដូរប្រាក់វីងជាច្រើនកន្លែង ក្នុងរាជធានីភ្នំពេញ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីដ៏ខ្ពង់ខ្ពស់ចូលរួម «ពិធីបើកយុទ្ធនាការ ១ម៉ឺនរៀល ១ម៉ឺននាក់» ឆ្នាំ២០២៦ និង«ពិធីសំណេះសំណាល និងប្រគល់-ទទួលថវិកាបរិច្ចាគពីវិស័យឯកជន ជូនមូលនិធិគន្ធបុប្ផាកម្ពុជា»

លោកជំទាវបណ្ឌិត ពេជ ចន្ទមុន្នី៖ កម្លាំងសាមគ្គីជាតិផុលផុសបានជួយសង្គ្រោះកុមារកម្ពុជាដែលជាធនធានមនុស្សអនាគតរាប់ម៉ឺននាក់ក្នុងមួយឆ្នាំៗ

ព័ត៌មានជាតិ

រយៈពេលមួយឆ្នាំមកនេះមានយុវជន និងសិស្សចុះឈ្មោះរៀនជំនាញវិជ្ជាជីវៈជាង ៥ម៉ឺននាក់

មកដល់ខែសីហាឆ្នាំ២០២៤នេះ រាជរដ្ឋាភិបាលថ្មីអាណត្តិទី៧ បានដឹកនាំប្រទេសបានរយៈពេល១ឆ្នាំហើយ។ ក្នុងដំណើរការអនុវត្តកម្មវិធីគោលនយោបាយថ្មីផ្តល់អាហារូបករណ៍បណ្តុះបណ្តាលជំនាញវិជ្ជាជីវៈបចេ្ចកទេសដល់យុវជន ១.៥ លាននាក់ គិតមកដល់ថ្ងៃទី៩ ខែសីហានេះ មានយុវជនចុះចូលរៀនបានប្រមាណ ៥ម៉ឺន៨០០នាក់ ក្នុងនោះមានយុវជនកំពុងរៀនក្នុងថ្នាក់មានជិត ២ម៉ឺន៤០០នាក់។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានថ្លែងប្រាប់ BTV នៅថ្ងៃទី៩ខែសីហានេះថា នៅក្នុងចំណោមសិស្សចុះឈ្មោះចូលរៀនជំនាញវិជ្ជាជីវៈ និងបចេ្ចកទេសចំនួន៥ម៉ឺន៨១៩នាក់នោះ គឺមានសិស្សចុះឈ្មោះប្រើប្រាស់បណ្ណសមធម៌មានជាង ៤ម៉ឺន៥៤០០នាក់ និង បណ្ណក្រីក្រ និងបណ្ណងាយរងហានីភ័យ ចំនួន ១ម៉ឺន៦៨៤១នាក់ ហើយសម្រាប់សិស្សប្រើប្រាស់បណ្ណក្រីក្រចុះឈ្មោះរៀនជំនាញគឺបានទទួលប្រាក់ឧបត្ថម្ភម្នាក់២៨ម៉ឺនរៀលពីរាជរដ្ឋាភិបាល។លោក ច្រឹង ណារី នាយកវិទ្យាស្ថានជាតិពហុបច្ចេកទេសតេជោ សែនក្រុងតាខ្មៅ ថ្លែងថា នៅក្នុងដំណើរអនុវត្តកម្មវិធីផ្តល់អាហារូបករណ៍បណ្តុះបណ្តាលជំនាញវិជ្ជាជីវៈជូនយុវជន ១.៥ លាននាក់នេះរបស់រាជរដ្ឋាភិបាលអណត្តិទី៧រយៈពេល១ឆ្នាំមកនេះ គឺសាលាបានអនុវត្តតាមគោលការណ៍ណែនាំរបស់ក្រសួងការងារជាសេនាធិការ ទទួលបានជោគជ័យលើការងារជាច្រើន ហើយគ្រប់យុវជនមកគ្រួសារក្រីក្រ និងងាយហានីភ័យ ក្រោយរៀនជំនាញវគ្គចប់ មានជំនាញ មានចំណេះ មានការងារធ្វើ និងយុវជនខ្លះបានបង្កើតមុខរបររកចំណូលដោយខ្លួនឯងផងដែរ។យុវជនកំពុងរៀនជំនាញនៅវិទ្យាស្ថានជាតិពហុបច្ចេកទេសតេជោ សែនក្រុងតាខ្មៅ ខេត្តកណ្តាល ក៏បានលើកឡើងពីគុណតម្លៃនៃការរៀនជំនាញវិជ្ជាជីវៈ និងអរគុណរាជរដ្ឋាភិបាលដែលបានអនុវត្តកម្មវិធីផ្តល់អាហារូបករណ៍ ផ្តល់ទីកន្លែងស្នាក់នៅរៀនជំនាញដោយមិនគិតថ្លៃ ព្រមទាំងផ្តល់ប្រាក់ឧបត្ថម្ភប្រចាំខែសម្រាប់អ្នកមានបណ្ណក្រីក្រថែមទៀត។សូមបញ្ជាក់ថាអនុវត្តកម្មវិធីផ្តល់អាហារូបករណ៍បណ្តុះបណ្តាលជំនាញវិជ្ជាជីវៈ បចេ្ចកទេសយុវជន ១.៥លាននាក់ គឺចាប់ផ្តល់អនុវត្តចាប់ពីពាក់កណ្តាលខែមករា ឆ្នាំ២០២៤ រហូតមកដល់ពេលនេះមានសិស្សបញ្ចប់ការសិក្សាវគ្គទី១មានចំនួនជិត៤០០០នាក់ ហើយសិស្សទទួលបានការងារធ្វើភ្លាមៗមានជិត១៤០០នាក់ ក្រៅពីនេះមានយុវជនខ្លះទៀតបានចេញទៅបើកអាជីវកម្មប្រកបរបរដោយខ្លួនឯង និងខ្លះទៀតកំពុងចុះកម្មសិក្សាការងារ៕ អត្ថបទ ស៊ុម សុខជា

សាលារៀនចាប់ផ្ដើមចម្រាញ់យកសិស្សពូកែដើម្បីត្រៀមប្រឡងគណិតវិទ្យាអន្តរជាតិស្តង់ដាជប៉ុន

សាលារៀនមួយចំនួនពីកម្រិតបឋមសិក្សាឡើងទៅ ចាប់ផ្ដើមរៀបចំការប្រឡងគណិតវិទ្យា នៅក្នុងសាលារបស់ខ្លួន ដើម្បីចម្រាញ់យកសិស្សពូកែតាមកម្រិតថ្នាក់។ ការចម្រាញ់យកសិស្សពូកែគណិតវិទ្យានេះ គឺដើម្បីពង្រឹងសមត្ថភាពពួកគេឱ្យកាន់តែខ្លាំង ឈានទៅចូលរួមប្រឡងគណិតវិទ្យាអន្តរជាតិស្តង់ដាប្រទេសជប៉ុន SUKEN TEST 2024។ការប្រឡងគណិតវិទ្យាអន្តរជាតិស្តង់ដាជប៉ុន ជាការប្រឡងគណិតវិទ្យាធំមួយ ដែលក្រសួងអប់រំបានប្រកាសអនុញ្ញាតឱ្យមានការចូលរួម សម្រាប់សិស្សចាប់ពីកម្រិតថ្នាក់ទី៤ រហូតដល់សិស្សកម្រិតសាកលវិទ្យាល័យ។ ក្រសួងបានកំណត់កាលបរិច្ឆេទប្រឡងនៅថ្ងៃទី២៩ ខែកញ្ញា នៅវិទ្យាស្ថានជាតិអប់រំ។ ស្របពេលដែលការប្រឡងនៅសល់រយៈពេលជាង១ខែទៀតនោះ សាលារៀនមួយចំនួនក៏ចាប់ផ្ដើមចម្រាញ់យកសិស្សពូកែគណិតវិទ្យា ដើម្បីត្រៀមបញ្ជូនឱ្យពួកគេចូលរួមប្រកួតប្រជែងផងដែរ។ លោក ផុន ណាត នាយក សាលាបឋមសិក្សា អ្នកឧកញ៉ា មហាភក្ដី ហ៊ុន នាង ព្រែកកំពឹស បានឱ្យដឹងថា បច្ចុប្បន្ន សាលាបានដាក់ចេញវិធានការផ្ទាល់របស់ខ្លួន ដោយរៀបចំការប្រឡងគណិតវិទ្យា សម្រាប់សិស្សថ្នាក់ទី ៤ ថ្នាក់ទី ៥ និងសិស្សថ្នាក់ទី៦។ ការប្រឡងដែលសាលារៀបចំនេះ គឺចំនួនពីរលើក ដោយលើកទី១ ចម្រាញ់យកសិស្សពូកែប្រចាំថ្នាក់។ ការប្រឡងលើកទី២ ជាការប្រឡងចម្រាញ់យកសិស្សពូកែក្នុងចង្កោមថ្នាក់ ដោយប្រមូលសិស្សពូកែប្រចាំថ្នាក់នីមួយៗ ប្រកួតប្រជែងគ្នា។ លោកបន្តថាសាលានឹងពង្រឹងសមត្ថភាពសិស្សពូកែនោះបន្ថែម។ ជាគោលដៅសំខាន់ លោកថា ការត្រៀមបញ្ជូនសិស្សឱ្យចូលរួមប្រកួត គណិតវិទ្យាអន្តរជាតិស្តង់ដាជប៉ុន គឺសាលាមិនផ្ដោតសំខាន់លើសពីជ័យជំនះ ឬបរាជ័យ ។ សាលាមានគោលដៅសំខាន់ ឱ្យសិស្សទទួលបានបទពិសោធន៍ ស្គាល់ពីររបៀបប្រឡង បណ្ដុះគំណិតឱ្យពួកគេស្រលាញ់ការសិក្សាកាន់តែខ្លាំង។តាមរយៈសេចក្ដីជូនដំណឹងរបស់ក្រសួងអប់រំ ការរៀបចំឱ្យមានការប្រឡងគណិតវិទ្យាអន្តរជាតិ ស្តង់ដាប្រទេសជប៉ុន គឺមានគោលបំណងរួមចំណែកក្នុងការលើកកម្ពស់គុណភាពអប់រំគណិតវិទ្យានៅកម្ពុជា តាមរយៈការពង្រឹងសមត្ថភាពសិស្ស និងពង្រឹងប្រសិទ្ធភាពនៃការរៀន ការបង្រៀន និងការសិក្សាស្រាវជ្រាវ។ ចំពោះសិស្សដែលចុះឈ្មោះសម្រាប់ការប្រឡង នឹងទទួលបានកម្រងវិញ្ញាសាតេស្ត SUKEN TEST ដែលធ្លាប់ចេញកន្លងមក៕ អត្ថបទ៖ គឹម ហុក

[TOP STORY] រដ្ឋមន្រ្ដីក្រសួងពាណិជ្ជកម្ម៖ កិច្ចសហប្រតិបត្តិការ CLV-DTA ធ្វើឱ្យកំណើនពាណិជ្ជកម្មកម្ពុជាមានការកើនឡើង

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានបញ្ជាក់ថា សមិទ្ធផលរយៈពេល ២៥ ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម (CLV-DTA) តាំងពីការចាប់ផ្ដើមក្នុងឆ្នាំ ១៩៩៩ រហូតមកដល់ឆ្នាំ២០២៤នេះ គឺបានតភ្ជាប់សេដ្ឋកិច្ចរបស់ប្រទេសទាំងបី ធ្វើឱ្យកំណើនពាណិជ្ជកម្ម និងកសិពាណិជ្ជកម្មរបស់ត្រីភាគីមានការកើនឡើង។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម មានប្រសាសន៍បញ្ជាក់តាមរយៈកិច្ចសម្ភាសន៍ពិសេស ស្តីពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម (CLV-DTA) បានបញ្ជាក់ថា សមិទ្ធផលរយៈពេល២៥ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាមគឺតាំងពីការចាប់ផ្ដើមក្នុងឆ្នាំ ១៩៩៩ រហូតមកដល់ឆ្នាំ ២០២៤នេះ មានកិច្ចប្រជុំចំនួន១១ដង ក្នុងនោះសមិទ្ធផលជារួមសម្រាប់ត្រីភាគីតែម្ដង គឺជាការតភ្ជាប់សេដ្ឋកិច្ចរបស់ប្រទេសទាំងបី កំណើនពាណិជ្ជកម្ម និងកសិពាណិជ្ជកម្មរបស់ត្រីភាគី។ លោកជំទាវបន្តថា តាមរយៈកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម ចំពោះកម្ពុជា សមិទ្ធផលផ្នែកពាណិជ្ជកម្មដែលកម្ពុជាទទួលបាន គឺផលិតផលសរុបរបស់ខេត្តទាំង៤ មានការកើនឡើង និងបង្កើតបាននូវតុល្យភាព ដែលបានកាត់បន្ថយនូវគម្លាតអភិវឌ្ឍ ដែលពីមុនមកខេត្តទាំង៤ គឺក្រចេះ ស្ទឹងត្រែង មណ្ឌលគិរី និងរតនគិរី ជាតំបន់ដាច់ស្រយាលនៅជាប់ព្រុំដែន មានការអភិវឌ្ឍ យឺតយ៉ាវ និងតិចតួចជាងខេត្តផ្សេងៗទៀតដែលទាមទារឱ្យមានការបង្កើនកិច្ចសហប្រតិបត្តិការអភិវឌ្ឍបន្ថែម។ ដូច្នេះកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម ជាការតភ្ជាប់សេដ្ឋកិច្ចរបស់កម្ពុជា ធ្វើឱ្យកំណើនពាណិជ្ជកម្មរបស់កម្ពុជាកើតមានឡើង ពិសេសខេត្តជាប់ព្រំដែនទាំង៤។ សូមជម្រាបថាសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា កាលពីថ្ងៃទី២៣ ខែកក្កដា ឆ្នាំ២០២៤កន្លងទៅនេះ តាមរយៈសារពិសេសទាក់ទងនឹងកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម (CLV-DTA)នេះ សម្ដេចបានបញ្ជាក់ថា កិច្ចសហប្រតិបត្តិការនេះគឺគ្មានកិច្ចព្រមព្រៀងណាមួយបញ្ចូលដែនដីនៃប្រទេសទាំងបីបញ្ចូលគ្នា ក្រៅអំពីកិច្ចសហប្រតិបត្តិការលើសេដ្ឋកិច្ច សង្គម សន្ដិសុខ និងការពារជាតិឡើយ។ កិច្ចសហប្រតិបត្តិការនេះមិនមែនជាការបង្កើតប្រទេសមួយដោយឡែកឬក៏យកខេត្តទាំងនោះយកទៅធ្វើជាខេត្តសហព័ន្ធដូចក្រុមប្រឆាំងជ្រុលនិយមបំពុលព័ត៌មាននោះទេ។ បន្ថែមពីនេះសម្ដេចធិបតី ហ៊ុន ម៉ាណែត នាយករដ្ឋមន្រ្ដីក៏បានបញ្ជាក់បន្ថែមជាបន្តបន្ទាប់ថា កិច្ចសហប្រតិបត្តិការនេះគឺគ្មានការយកទឹកដីទៅដាក់ហ៊ុនគ្នា ឬការដោះដូរទឹកដីជាមួយប្រទេសជិតខាងណាមួយឡើយ៕អត្ថបទ៖ វ៉ន ដារ៉ា

មន្ត្រីជំនាញនៃជលផលកំពង់ចាម ចុះបង្ក្រាបបទល្មើសដឹកជញ្ជូនកូនត្រីខុសច្បាប់

កំពង់ចាម៖ ដោយមានការសហការគ្នារវាងកម្លាំងអធិការដ្ឋានរដ្ឋបាលជលផលមេគង្គ និងខណ្ឌរដ្ឋបាលជលផលកំពង់ចាម បានចុះស្រាវជ្រាវឈានដល់បង្ក្រាបឈ្មួញដឹកកូនត្រីនុយខុសច្បាប់ នៅចំណុចភូមិគោហេ ឃុំព្រែកកុយ ស្រុកកងមាស ខេត្តកំពង់ចាម។ លោក លី ស្រ៊ី នាយខណ្ឌស្តីទីជលផលកំពង់ចាម បានឲ្យBTVដឹងថា នៅវេលាម៉ោង៤ទៀបភ្លឺថ្ងៃ៩ ខែសីហា ឆ្នាំ២០២៤ កំលាំងជំនាញជលផលកំពង់ចាម សហការគ្នា ជាមួយកម្លាំងអធិការដ្ឋានរដ្ឋបាលជលផលមេគង្គ បានបន្តចុះបង្ក្រាបឈ្មួញដឹកជញ្ជូនបទល្មើសកូនត្រីធ្វើនុយត្រីធំខុសច្បាប់ បំរ៉ុងយកទៅលក់បន្ត។ លោកនាយខណ្ឌស្តីទី បញ្ជាក់ទៀតថា ដោយសារស្ថានពេលយប់ហើយជនសង្ស័យដឹងខ្លួនមុន បានរត់គេចខ្លួនបាត់ បន្សល់ទុករថយន្តនិងវត្ថុតាងចោល នៅចំណុចភូមិគោហេ ឃុំព្រែកកុយ ស្រុកកងមាស ខេត្តកំពង់ចាម។ ជាលទ្ធផលប្រតិបត្តិការបង្ក្រាបនេះដែរ កម្លាំងជំនាញ បានឃាត់ចាប់រថយន្ត ដឹកកូនត្រីណុយ មួយគ្រឿង ម៉ាកNISAN NAVARA ពាក់ផ្លាកលេខកំពង់ចាម2B-5163 ដឹកកូនត្រីចំរុះចំនួន៣០កានស្មើ៦០០គីឡូក្រាម ដោយឡែក ជនសង្ស័យ បានរត់គេចខ្លួនបាត់។ បច្ចុប្បន្ន មន្ត្រីជំនាញនៃខណ្ឌរដ្ឋបាលជលផលកំពង់ចាម បានកសាងសំណុំរឿង រួមនឹងវត្ថុតាងដែលរឹបអូសខាងលើ ដើម្បីដោះស្រាយតាមនីតិវិធីច្បាប់៕

ឯកឧត្តម ម៉ៅ ច័ន្ទតារា អញ្ជើញប្រកាសចូលកាន់តំណែងអភិបាលរងនៃគណៈអភិបាលខេត្តកែប

នៅថ្ងៃសុក្រ ៥កើត ខែស្រាពណ៍ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៩ ខែសីហា ឆ្នាំ២០២៤ មានការរៀបចំពិធីប្រកាសចូលកាន់តំណែងអភិបាលរងនៃគណៈអភិបាលខេត្តកែប ក្រោមអធិបតីភាពឯកឧត្តម ម៉ៅ ច័ន្ទតារា រដ្ឋលេខាធិការប្រចាំការក្រសួងមហាផ្ទៃ។ក្នុងអង្គពិធីនោះដែរ មានការចូលរួមពីឯកឧត្តមឧត្តមសេនីយ៍ឯកបណ្ឌិត ណុប នរិន្ទ អគ្គនាយករងអន្តោប្រវេសន៍តំណាងដ៏ខ្ពង់ខ្ពស់ឯកឧត្តម ឧត្ដមសេនីយ៍ឯក អគ្គនាយកអន្តោប្រវេសន៍ ,ប្រធានសាលាដំបូងព្រះរាជអាជ្ញាអមសាលាដំបូងខេត្ត ប្រធានក្រុមប្រឹក្សាខេត្ត ថ្នាក់ដឹកនាំ មន្ត្រីរាជការរដ្ឋបាលខេត្ត មេបញ្ជាការកងកម្លាំងទាំងបីរបស់ខេត្ត ប្រធានសភាពាណិជ្ជកម្មខេត្ត ប្រធានមន្ទីរ អង្គភាពជុំវិញខេត្ត ប្រធានក្រុមប្រឹក្សា គណៈអភិបាលក្រុងស្រុក កងកម្លាំងទាំងបីរបស់ក្រុង ស្រុក មេឃុំចៅសង្កាត់ នាយប៉ុស្តិ៍នគរបាលរដ្ឋបាលឃុំសង្កាត់។

សម្ដេចធិបតី ហ៊ុន ម៉ាណែត អនុញ្ញាតឲ្យអគ្គនាយករងគ្រប់គ្រងទូទៅ ក្រុមហ៊ុន Chery Holding Group ចូលជួបសម្ដែងការគួរសម និងពិភាក្សាការងារ

នាព្រឹកថ្ងៃទី៩ ខែសីហា ឆ្នាំ ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអនុញ្ញាតឲ្យលោក Xu Hui អគ្គនាយករងគ្រប់គ្រងទូទៅ ក្រុមហ៊ុន Chery Holding Group Co., Ltd. ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្រុមហ៊ុន Chery Holding Group ជាក្រុមហ៊ុនយក្សក្នុងវិស័យឧស្សាហកម្មផលិតរថយន្ត ដោយប្រើប្រាស់បច្ចេកវិទ្យាខ្ពស់របស់ប្រទេសចិន ដែលត្រូវបានបង្កើតឡើងក្នុងឆ្នាំ១៩៩៧។ ក្រុមហ៊ុនបានចាប់អារម្មណ៍លើការវិនិយោគលើវិស័យមួយចំនួននៅកម្ពុជា ពិសេសវិស័យឧស្សាហកម្មយានយន្ត និងគ្រឿងបន្លាស់ ដែលនឹងចូលរួមចំណែកលើកកម្ពស់សេដ្ឋកិច្ច បង្កើតឱកាសការងារ និងផ្តល់ជំនាញដល់យុវជនកម្ពុជា ជាច្រើនកន្លែង។

ជនសង័្សយម្នាក់ និងគ្រឿងញៀនមួយចំនួនធំត្រូវបានបង្រ្កាបនៅក្រុងបាត់ដំបង

បាត់ដំបង៖ នគរបាលក្រុងបាត់ដំបងបានធ្វើការបង្រ្កាបករណីជួញដូរគ្រឿងញៀនដោយឃាត់ខ្លួនជនសង្ស័យម្នាក់ រួមជាមួយគ្រឿងញៀនជិត២ ០០០គ្រាប់ និងកាំភ្លើងខ្លីមួយដើម។ប្រតិបត្តិការបង្រ្កាបនេះធ្វើឡើងកាលពីយប់ថ្ងៃទី៧ ខែសីហា ឆ្នាំ២០២៤ នៅចំណុចភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង។ក្នុងប្រតិបត្តិការនេះសមត្ថកិច្ចនគរបាលក្រុងបាត់ដំបង បង្ក្រាបបានករណីរក្សាទុក ដឹកជញ្ជូន ឬជួញដូរដោយខុសច្បាប់ នូវសារធាតុញៀន១ករណី ក្នុងបទល្មើសជាក់ស្ដែង និងឃាត់ខ្លួនជនសង្ស័យម្នាក់ឈ្មោះឈួម សុខវណ្នី ហៅឃ្លោកភេទប្រុស អាយុ ៣៧ឆ្នាំ មានទីលំនៅបច្ចុប្បន្ន ភូមិកគោ ឃុំជ្រៃ ស្រុកថ្មគោល ខេត្តបាត់ដំបង និងរឹបអូស បានថ្នាំញៀនប្រភេទមេតំហ្វេតាម៉ីន យ៉ាម៉ាWY ចំនួន១៩៧៤គ្រាប់ អាវុធខ្លី១ដើម និងសម្ភារៈពាក់ព័ន្ធមួយចំនួនទៀត។ កិច្ចប្រតិបត្តិការនេះធ្វើឡើងក្រោមការបញ្ជាដឹកនាំរបស់លោកឧត្តមសេនីយ៍ទោ ដាញ់អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង ហើយដឹកនាំបង្រ្កាបផ្ទាល់ដោយលោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង។ មកដល់ពេលនេះជនសង័្សយកំពុងស្ថិតក្នុងនីតិវិធីនៃការសាកសួរស្រាវជ្រាវនៅក្នុងរង្វង់ដៃសមត្ថកិច្ចនៅឡើយ៕

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំជាមួយតំណាងធនាគារទាំង៨គំរូ ជាមួយនឹងក្រសួងការងារនិងបណ្តុះបណ្តាលវិជ្ជាជីវៈ

ភ្នំពេញ៖ នាព្រឹកថ្ងៃទី៩ ខែសីហា ឆ្នាំ ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានដឹកនាំកិច្ចប្រជុំជាមួយតំណាងធនាគារទាំង0៨គំរូ ជាមួយនិងក្រសួងការងារ និងបណ្តុះបណ្តាលវិជ្ជាជីវៈព្រមទាំងចូលរួមជាអធិបតី ពិធីផ្លាស់ប្តូរអនុស្សរណៈនៃការយោគយល់គ្នា រវាងក្រសួងការងារ និងបណ្តុះបណ្តាលវិជ្ជាជីវៈ និងធនាគារទាំង០៨ នៅវិមានសន្តិភាព។ក្នុងនោះរួមមាន៖ ១- ធនាគារ ខេប៊ីប្រាសាក់ ម.ក (KB PRASAC Bank Plc), ២- ធនាគារ អ៊ូរី (ខេមបូឌា) ម.ក (Woori Bank Cambodia រឺ WBC, ៣- ធនាគារប្រៃណីយ៍កម្ពុជាម.ក, ៤- ធនាគារកាណាឌីយ៉ា (Canadia Bank) ៥- ធនាគារ អេស៊ីលីដា (ACLEDA Bank) ៦- ធនាគារ វឌ្ឍនៈអាស៊ី ចំកាត់ (ABA) ៧- ធនាគារ វឹង (ខេមបូឌា) ម.ក (Wing Bank) និង ៨- ធនាគារ អេស ប៊ី អាយ លី ហួរ ម.ក (SBI LY HOUR PLC)។

ក្រសួងការពារជាតិផ្តល់ឱកាសឲ្យយោធិននារីមានជំនាញបើករថក្រោះ បាញ់កំាភ្លើងធំ និងជំនាញការពារអាកាស

រដ្ឋលេខាធិការក្រសួងការពារជាតិកម្ពុជា លោកជំទាវនាយឧត្តមសេនីយ៍ ដំា ដារីនី បានថ្លែងឲ្យដឹងថា នាពេលបច្ចុប្បន្ននេះ ក្រសួងការពារជាតិកម្ពុជា បានផ្តល់ឱកាសការងារជាច្រើន និងគ្រប់ភារកិច្ចទាំងអស់ ដល់យោធិននារី ដោយក្នុងនោះ បានបើកឱកាសឲ្យពួកគេរៀនជំនាញបើករថក្រោះបាញ់កំាភ្លើងធំ ជំនាញ ការពារអាកាស និងជំនាញដទៃទៀតជាដើម។ថ្លែងនៅក្នុងពិធីបិទវគ្គបណ្តុះបណ្តាល ស្តីពី«គោលគំនិតយេនឌ័រក្នុងកងយោធពលខេមរភូមិន្ទ» អស់រយៈពេលពីរថ្ងៃគឺថ្ងៃទី៧និងទី៨ ខែសីហា ឆ្នាំ២០២៤នេះ លោកជំទាវដាំ ដារីនី បានលើកឡើង ថារាជរដ្ឋាភិបាលនីតិកាលទី៧ នៃរដ្ឋសភាក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានកំណត់ការលើកកម្ពស់សមភាពយេនឌ័រ និងការបង្កើនភាពអង់អាចរបស់ស្រ្តី និងក្មេងស្រីនៅគ្រប់វិស័យជាអាទិភាពក្នុងរបៀបវារៈគោលនយោបាយតាមរយៈការពង្រឹងភាពជាពលរដ្ឋក្នុងសង្គមដែលមាន អារ្យធម៌ខ្ពស់ប្រកបដោយសីលធម៌ សមធម៌ និងបរិយាបន្ន ដែលក្នុងនោះស្រ្តីគឺជាស្នូល។លោកជំទាវ បានបន្ថែមទៀតថា ក្រសួងការពារជាតិក្រោមការដឹកនាំ របស់នាយឧត្តមសេនីយ៍ ទៀ សីហា ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិជានិច្ចជាកាលតែងតែទទួលបានការយកចិត្តទុកដាក់ក្នុងការលើកម្ពសសមភាពយេនឌ័រតាមរយៈការគាំទ្រដល់ការចូលរួម ក្នុងការអនុវត្តការងាររបស់យោធិននារីក្នុងគ្រប់កិច្ចការទាំងអស់។លោកជំទាវ ដាំ ដារីនី បានបន្តទៀតថា ក្រសួងក៏មានរៀបចំផែនការយុទ្ធសាស្រ្ត បញ្រ្ជាបយេនឌ័រក្រសួងការពារជាតិ តំណាក់កាលទី២ ឆ្នាំ២០២៤-២០២៨ផងដែរ ដើម្បីបង្ហាញពីទស្សនៈ វិស័យរយៈពេល៥ឆ្នាំ ខាងមុខដោយផ្តោតសំខាន់លើការពង្រឹងសមត្ថភាព ចំណេះដឹង ជំនាញ ការទទួលបាននូវតួនាទីភារកិច្ចនិងរបៀបនៃការអនុវត្តការងារ ដើម្បីអោយយោធិននារីអាចចូលរួមបាន ដូចជាបុរសក្នុងពេលបច្ចុប្បន្ននេះ សមត្ថភាព និងការចូលរួមអនុវត្តការងាររបស់យោធិននារី គឺមានភាពល្អប្រសើរគួរឱ្យកត់សម្គាល់ ក្នុងនោះក៏មានយោធិននារីដែលមានជំនាញបើករថក្រោះ ជំនាញកំាភ្លើងធំ ជំនាញការពារអាកាស ជំនាញសង្រ្គោះ ជំនាញនគរបាលយុត្តិធម៌ និងជំនាញផ្សេៗជាច្រើនទៀតក្នុងនោះការចូលរួមរបស់យោធិននារីក្នុងកងកម្លាំរក្សាសន្តិភាពបោសសម្អាតមីន និងកាកសំណាល់សង្រ្គាមក្រោមឆ័ត្រអង្កការសហប្រជាជាតិគឺមានចំនួនកើនឡើង និងមានការវាយតម្លៃក្នុងលទ្ធផលល្អប្រសើរផងដែរ៕ អត្ថបទ បាន ចក់

កម្ពុជា-កូរ៉េ-យូណេស្កូបន្តសហការអភិរក្ស បណ្ណសារ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង

ពិធីចុះហត្ថលេខាលើកំណត់ហេតុនៃកិច្ចពិភាក្សា និងកិច្ចព្រមព្រៀងផ្តល់ជំនួយហិរញ្ញប្បទានឥតសំណងពីសាធារណរដ្ឋកូរ៉េ តាមរយៈទីភ្នាក់ងារសហប្រតិបតិ្តការអន្តរជាតិកូរ៉េ (KOICA) សម្រាប់គម្រោង«អភិរក្ស និងថតចម្លងបណ្ណសារ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ដំណាក់កាលទី២»។កយកា-KOICA និង យូណេស្កូ-UNESCO បានចុះហត្ថលេខាជាផ្លូវការលើ "កិច្ចព្រមព្រៀងផ្តល់ជំនួយ" និង“កំណត់ហេតុនៃកិច្ចពិភាក្សា”ជាមួយក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ដើម្បីចាប់ផ្តើមគម្រោងដំណាក់កាលទី២ នៃគម្រោង "ការអប់រំសន្តិភាព ការអភិរក្ស និងថតចម្លងបណ្ណសារ និងការអភិរក្សតំបន់សម្រាប់ការផ្តល់សិទ្ធិអំណាចដល់យុវជន (PEACE)” ដែលត្រូវបានគេស្គាល់ថាជា “គម្រោងការអភិរក្ស និងថតចម្លងបណ្ណសារសារមន្ទីរឧក្រិដ្ឋកម្មប្រល័យពូជសាសន៍ទួលស្លែង(ដំណាក់កាលទី២)” និង«កិច្ចព្រមព្រៀងផ្តល់ជំនួយ» នេះត្រូវបានចុះហត្ថលេខាដោយលោកស្រី Moonjung CHOI នាយិកាប្រចាំប្រទេសនៃការិយាល័យកយកា-KOICA ប្រចាំនៅកម្ពុជា និងលោក សាដា អ៊ូម៉ា អាទ្បាម (Sardar Umar Alam) តំណាងអង្គការយូណេស្កូ ប្រចាំកម្ពុជា ខណៈដែល “កំណត់ហេតុនៃកិច្ចពិភាក្សា”ត្រូវបានចុះហត្ថលេខាដោយលោកស្រី Moonjung CHOI និងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ, កាលពីល្ងាចថ្ងៃទី៨ ខែសីហា ឆ្នាំ២០២៤ នៅសារមនី្ទរឧក្រិដ្ឋកម្មប្រល័យពូជសាសន៍ទួលស្លែង។លោកស្រី Moonjung CHOI នាយិកាប្រចាំប្រទេសនៃការិយាល័យកយកា-KOICA ប្រចាំនៅកម្ពុជា បានលើកឡើងថា គម្រោងជំនួយរបស់ កយក-KOICAនៅកម្ពុជា ជានិមិត្តរូបនៃការចែករំលែកទុក្ខសោក និងការចែករំលែកបន្ទុករួមគ្នារវាងប្រជាជនកម្ពុជា និងប្រជាជនកូរ៉េ។ យើងមានគោលបំណងកាត់បន្ថយទុក្ខសោក និងការឈឺចាប់របស់កម្ពុជា តាមរយៈគម្រោងនេះ ហើយវាដើរតួជាមូលដ្ឋានគ្រឹះក្នុងការអប់រំមនុស្សជំនាន់ក្រោយអំពីអតីតកាលដ៏សោកសៅរបស់កម្ពុជា ដើម្បីការពារប្រទេសពីសោកនាដកម្មស្រដៀងគ្នានាពេលអនាគត។ តាងនាមឱ្យរដ្ឋាភិបាលនៃសាធារណរដ្ឋកូរ៉េ កយកា-KOICA បានប្តេជ្ញាចិត្តប្រគល់ការទទួលខុសត្រូវក្នុងការពង្រឹងភាពជាដៃគូរវាងប្រទេសទាំងពីរ និងជាស្ពានតភ្ជាប់ប្រជាជនឱ្យកាន់តែជិតស្និទ្ធ ហើយនឹងបន្តធ្វើដូច្នេះជាបន្តទៀត។ឆ្លៀតក្នុងឱកាសនោះលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានថ្លែងថា ក្នុងដំណើរឆ្ពោះទៅរកសន្តិភាព និងការផ្សះផ្សាជាតិ រាជរដ្ឋាភិបាលកម្ពុជា បានផ្តួចផ្តើមសកម្មភាពផ្សេងៗ រួមទាំងការរំលឹកដល់ជនរងគ្រោះដែលបានបាត់បង់ជីវិតក្នុងរបបនេះ ស្វែងរកយុត្តិធម៌ជូនពួកគាត់ និងក្រុមគ្រួសារ និងលើកកម្ពស់សន្តិភាពទូលំទូលាយ ការអប់រំ ដើម្បីចងចាំ និងឆ្លុះបញ្ចាំងពីអំពើឃោរឃៅកាលពីអតីតកាល រដ្ឋាភិបាលបានថែរក្សា និងប្រែក្លាយអតីតពន្ធនាគារ ស-២១ ទៅជាសារមន្ទីរ និងអនុស្សាវរីយ៍។ សារមន្ទីរឧក្រិដ្ឋកម្មប្រល័យពូជសាសន៍ទួលស្លែង បង្ហាញភស្តុតាង នៃឧក្រិដ្ឋកម្មដែលប្រព្រឹត្តដោយរបបខ្មែរក្រហម ជាពិសេសនៅមន្ទីរស-២១ ហើយបានចាប់ផ្តើមកម្មវិធីដ៏ខ្លាំងក្លាមួយដើម្បីអប់រំយុវជនអំពីប្រវត្តិសាស្រ្តនៃរបបខ្មែរក្រហម។ ក្នុងការទទួលស្គាល់ការងារសំខាន់ៗរបស់ខ្លួន រាជរដ្ឋាភិបាលកម្ពុជា បានចុះបញ្ជីដោយជោគជ័យនូវបណ្ណសារទួលស្លែងទៅក្នុងការចងចាំនៃការចុះបញ្ជីអន្តរជាតិរបស់ពិភពលោកក្នុងឆ្នាំ២០០៩។ ហើយឥឡូវនេះយើងកំពុងស្ថិតក្នុងដំណើរការតែងតាំងសារមន្ទីរនេះ រួមជាមួយនឹងទីតាំងអនុស្សាវរីយ៍ពីរផ្សេងទៀត (M- ១៣ និងមជ្ឈមណ្ឌលប្រល័យពូជសាសន៍ជើងឯក) សម្រាប់ការចុះបញ្ជីបេតិកភណ្ឌពិភពលោក។ ដោយយល់ច្បាស់ពីសារៈសំខាន់នៃការងារនេះ ក្រសួងវប្បធម៌ និងវិចិត្រសិល្បៈ និង KOICA សហការជាមួយអង្គការយូណេស្កូ បានរៀបចំគម្រោង "ការអប់រំសន្តិភាព បណ្ណសារការអភិរក្ស និងឌីជីថល និងការអភិរក្សទីតាំងសម្រាប់ពង្រឹងអំណាចយុវជន (សន្តិភាព)" ឬ របបប្រល័យពូជសាសន៍ទួលស្លែង។ គម្រោងការអភិរក្ស និងប្រព័ន្ធឌីជីថល ដំណាក់កាលទី២ នៃសារមន្ទីរ ដែលយើងទើបតែបានចុះហត្ថលេខានៅថ្ងៃនេះ។ ក្នុងនាមក្រសួង លោកជំទាវបណ្ឌិតសភាចារ្យ ភឿង សកុណា សូមថ្លែងអំណរគុណយ៉ាងជ្រាលជ្រៅចំពោះប្រជាជន និងរដ្ឋាភិបាលកូរ៉េ KOICA និងការិយាល័យអង្គការយូណេស្កូ ដែលបានគាំទ្រយ៉ាងឥតងាករេក្នុងការអភិរក្សបេតិកភណ្ឌវប្បធម៌របស់កម្ពុជា និងក្នុងវិស័យជាច្រើនទៀត៕ អត្ថបទ រដ្ឋា

បណ្ដាញសង្គម

ព័ត៌មានថ្មីៗ

អតីតមន្ត្រី CIA ត្រូវបានចោទប្រកាន់ពីបទលួចដុំមាសមានតម្លៃរាប់លានដុល្លារពីរដ្ឋាភិបាលសហព័ន្ធ

ប្រមុខចារកម្មតាមអ៊ីនធឺណិតអង់គ្លេសហៅ AI ថា ជា «កម្លាំងដែលមិនអាចបញ្ឈប់បាន» និងព្រមានអំពី រុស្ស៊ី

កូវ៉ែតនិយាយថា ប្រព័ន្ធការពារដែនអាកាសរបស់ខ្លួន កំពុងស្ទាក់ចាប់មីស៊ីល និងការវាយប្រហារដោយ យានដ្រូន

UN ព្រួយបារម្ភយ៉ាងខ្លាំងចំពោះការសម្លាប់ជនស៊ីវិលហ្កាហ្សាដោយអ៊ីស្រាអែល នៅជិតខ្សែបន្ទាត់បទឈប់បាញ់

ជនជាតិហ្គាណា ៣០០នាក់ វិលត្រឡប់មកពីអាហ្វ្រិកខាងត្បូងវិញ បន្ទាប់ពីមានភាពតានតឹងប្រឆាំងជនអន្តោប្រវេសន៍

ផ្ទុះស៊ីទែនស្តុកគីមីនៅរដ្ឋវ៉ាស៊ីនតោន បានបណ្តាលឲ្យមនុស្សយ៉ាងតិច ២នាក់ ស្លាប់ និង ៩នាក់ បាត់ខ្លួន

ន័រវែសនឹងចូលរួមកម្មវិធីទប់ស្កាត់នុយក្លេអ៊ែរដឹកនាំដោយប្រទេសបារាំង

អារ៉ាប៊ីសាអ៊ូឌីតផ្តល់ជំនួយដល់ប្រទេសយេម៉ែននូវផលិតផលប្រេងដែលមានតម្លៃ ១៥០លានដុល្លារ អាមេរិក

មន្ត្រីជាន់ខ្ពស់ក្រុមហេសបូឡាបដិសេធការរំសាយអាវុធ ខណៈអ៊ីស្រាអែលបន្តវាយប្រហារនៅភាគខាងត្បូងលីបង់

នាយករដ្ឋមន្ត្រីអ៊ីរ៉ាក់ជំរុញឲ្យក្រុមប្រដាប់អាវុធធ្វើប្រតិបត្តិការ ក្រោមអំណាចរបស់រដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

រយៈពេលមួយឆ្នាំមកនេះមានយុវជន និងសិស្សចុះឈ្មោះរៀនជំនាញវិជ្ជាជីវៈជាង ៥ម៉ឺននាក់

សាលារៀនចាប់ផ្ដើមចម្រាញ់យកសិស្សពូកែដើម្បីត្រៀមប្រឡងគណិតវិទ្យាអន្តរជាតិស្តង់ដាជប៉ុន

[TOP STORY] រដ្ឋមន្រ្ដីក្រសួងពាណិជ្ជកម្ម៖ កិច្ចសហប្រតិបត្តិការ CLV-DTA ធ្វើឱ្យកំណើនពាណិជ្ជកម្មកម្ពុជាមានការកើនឡើង

មន្ត្រីជំនាញនៃជលផលកំពង់ចាម ចុះបង្ក្រាបបទល្មើសដឹកជញ្ជូនកូនត្រីខុសច្បាប់

ឯកឧត្តម ម៉ៅ ច័ន្ទតារា អញ្ជើញប្រកាសចូលកាន់តំណែងអភិបាលរងនៃគណៈអភិបាលខេត្តកែប

ជនសង័្សយម្នាក់ និងគ្រឿងញៀនមួយចំនួនធំត្រូវបានបង្រ្កាបនៅក្រុងបាត់ដំបង

ក្រសួងការពារជាតិផ្តល់ឱកាសឲ្យយោធិននារីមានជំនាញបើករថក្រោះ បាញ់កំាភ្លើងធំ និងជំនាញការពារអាកាស

កម្ពុជា-កូរ៉េ-យូណេស្កូបន្តសហការអភិរក្ស បណ្ណសារ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

រយៈពេលមួយឆ្នាំមកនេះមានយុវជន និងសិស្សចុះឈ្មោះរៀនជំនាញវិជ្ជាជីវៈជាង ៥ម៉ឺននាក់

សាលារៀនចាប់ផ្ដើមចម្រាញ់យកសិស្សពូកែដើម្បីត្រៀមប្រឡងគណិតវិទ្យាអន្តរជាតិស្តង់ដាជប៉ុន

មន្ត្រី​ជំនាញ​នៃជលផលកំពង់ចាម ចុះបង្ក្រាបបទល្មើសដឹកជញ្ជូនកូនត្រីខុសច្បាប់

ឯកឧត្តម ម៉ៅ ច័ន្ទតារា អញ្ជើញប្រកាសចូលកាន់តំណែងអភិបាលរងនៃគណៈអភិបាលខេត្តកែប

ជនសង័្សយម្នាក់ និងគ្រឿងញៀនមួយចំនួនធំត្រូវបានបង្រ្កាបនៅក្រុងបាត់ដំបង

ក្រសួងការពារជាតិផ្តល់ឱកាសឲ្យយោធិននារីមានជំនាញបើករថក្រោះ បាញ់កំាភ្លើងធំ និងជំនាញការពារអាកាស

កម្ពុជា-កូរ៉េ-យូណេស្កូបន្តសហការអភិរក្ស បណ្ណសារ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីជំនាញនៃជលផលកំពង់ចាម ចុះបង្ក្រាបបទល្មើសដឹកជញ្ជូនកូនត្រីខុសច្បាប់