BTV NEWS

ប៉ូលិសកម្ពុជាបញ្ជាក់ពីការចាប់ជនជាតិសាម៉នពីរនាក់បាញ់ប្រហារលើជនជាតិអូស្ត្រាលីពីរនាក់នៅទីក្រុងហូជីមិញ

ចាប់គិតចាប់ពីខែកក្កដាឆ្នាំមុនដល់ពេលនេះសមត្ថកិច្ចបង្ក្រាប Onlin Scams ជាង៤០០ករណី និងបណ្តេញជនបរទេសជិត ២ម៉ឺននាក់ចេញពីកម្ពុជា

មន្រ្តីជាន់ខ្ពស់ក្រសួងកោតសរសើរមន្ទីរអភិវឌ្ឍន៍ជនបទខេត្តកំពង់ឆ្នាំង ថែទាំផ្លូវបានល្អជូនប្រជាពលរដ្ឋ

ឯកឧត្តម គន់ គីម អញ្ជើញចុះសួរសុខទុក្ខសមាជិក អ.ន.ក.តាមខ្នងផ្ទះ ក្នុងខេត្តស្វាយរៀង

ព័ត៌មានជាតិ

រដ្ឋមន្ត្រីក្រសួងការងារ ស្នើឱ្យកិច្ចពិភាក្សាសិក្ខាសាលាថ្នាក់ជាតិស្តីពីការងារសមរម្យឈរលើភាពប្រាកដនិយមជាក់ស្តែង និងអាចអនុវត្តបាន

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃសុក្រ ទី២ ខែសីហា ឆ្នាំ២០២៤នេះ បានស្នើឱ្យអង្គសិក្ខាសាលាត្រីភាគីថ្នាក់ជាតិជជែកពិភាក្សាអំពីការងារសមរម្យនៅកម្ពុជាដោយឈរលើភាពប្រាកដនិយម ជាក់ស្តែង និងអាចអនុវត្តបាន ក្នុងគោលបំណងធានានូវភាពរីកចម្រើន និងសុខដុមនីយកម្មក្នុងវិស័យដោយពិតប្រាកដ។ ការស្នើបែបនេះ គឺធ្វើឡើងក្នុងពេលដែលឯកឧត្តមរដ្ឋមន្ត្រី បានធ្វើជាអធិបតីក្នុងពិធីបើកសិក្ខាសាលាត្រីភាគីថ្នាក់ជាតិស្ដីពីការអនុវត្ត “កម្មវិធីការងារសមរម្យប្រចាំប្រទេសកម្ពុជា ឆ្នាំ២០២៤-២០២៨» ដែលធ្វើឡើងនៅសណ្ឋាគារ កាំបូឌីយ៉ាណា រាជធានីភ្នំពេញ ដោយមានការចូលរួមពី ភាគីពាក់ព័ន្ធ ដូចជាអង្គការអន្តរជាតិខាងការងារ(ILO) តំណាងសហជីព និងតំណាងនិយោជកជាដើម។ សូមបញ្ជាក់ថា សិក្ខាសាលានេះ គឺជាលើកទី៦ ហើយដែលកម្ពុជាបានបង្កើតឱ្យមានសិក្ខាសាលាត្រីភាគីថ្នាក់ជាតិអំពីការងារសមរម្យប្រចាំឆ្នាំនៅកម្ពុជា។ បើតាមឯកឧត្តមរដ្ឋមន្ត្រី អង្គសិក្ខាសាលានឹងបើកការជជែកពិភាក្សា និងផ្តល់ធាតុចូលដោយផ្តោតលើការអភិវឌ្ឍមូលធនមនុស្ស កត្តានៃសេដ្ឋកិច្ច និងទំនាក់ទំនងវិជ្ជាជីវៈ។ ត្រង់ចំណុចនេះ ឯកឧត្តមរដ្ឋមន្ត្រី បានសង្កត់ធ្ងន់ថា ការកំណត់ជាសូចនាករក្នុងការអនុវត្តលើសសរស្តម្ភទាំងនេះ គឺគួរតែមានភាពប្រាកដនិយមជាក់ស្តែង និងការអាចអនុវត្តបានដើម្បីធានាបានជាប្រយោជន៍យ៉ាងពិតប្រាកដដល់គ្រប់ភាគីក្នុងវិស័យ ក៏ដូចជាសង្គមជាតិកម្ពុជាទាំងមូល។ ចំពោះការកសាងមូលធនមនុស្ស ឯកឧត្តមរដ្ឋមន្ត្រីបានគូសបញ្ជាក់ពីភាពចាំបាច់នៃពេលវេលាដែលត្រូវការបណ្តុះបណ្តាល ហ្វឹកហ្វឺនជាបន្តបន្ទាប់ដល់កម្មករនិយោជិតឱ្យមានជំនាញបច្ចេកទេសវិជ្ជាជីវៈ និងសមត្ថភាពនៃការយល់ដឹងផ្នែកផ្លូវច្បាប់ និងទំនៀមទម្លាប់ និងកត្តាប្រយោជន៍រួមដើម្បីភាពប្រសើរឡើងបន្ថែមទៀតក្នុងវិស័យ។ ដោយឡែកកត្តាសេដ្ឋកិច្ចវិញ ឯកឧត្តមរដ្ឋមន្ត្រី ក៏បានសង្កត់ធ្ងន់ដែរ ឱ្យអង្គសិក្ខាសាលាគួរផ្តោត និងវាយតម្លៃលើកត្តានៃការពង្រឹងផលិតភាព និងការប្រកួតប្រជែងទាំងក្នុងតំបន់ និងអន្តរជាតិ។ ជាមួយគ្នានេះ ឯកឧត្តមរដ្ឋមន្ត្រីក៏បានអំពាវនាវដល់សហជីព និងអង្គការវិជ្ជាជីវៈ ជួយផ្សព្វផ្សាយ និងបន្តផ្សព្វផ្សាយអំពីកម្មវិធីថ្នាក់ជាតិស្តីពីការផ្តល់ការបណ្តុះបណ្តាលជំនាញបច្ចេកទេស និងវិជ្ជាជីវៈដោយឥតគិតថ្លៃ និងការផ្តល់ការថែទាំសុខភាពដល់បុគ្គលស្វ័យនិយោជន៍ និងអ្នកក្នុងបន្ទុក ប.ស.ស. តាមរយៈរបបភាគទានស្ម័គ្រចិត្តដើម្បីកាត់បន្ថយការចំណាយ និងការធានាបាននូវសុខភាពល្អពេញលេញ។ សម្រាប់ចំណុចទំនាក់ទំនងវិជ្ជាជីវៈ ឯកឧត្តមរដ្ឋមន្ត្រីបានសង្កត់ធ្ងន់លើភាពរីកចម្រើនក្នុងសង្គមកម្ពុជារយៈពេល១០ឆ្នាំចុងក្រោយដែលធ្វើឱ្យបរិយាកាសនៃការវិនិយោគក៏ដូចជាភាពសុខដុមនីយកម្មក្នុងរោងចក្រក៏កាន់តែប្រសើរឡើងគួរឱ្យកត់សម្គាល់ បើទោះបីជាកម្ពុជានៅសល់បញ្ហាតិចតួចក៏ដោយ។ ត្រង់ចំណុចនេះ ឯកឧត្តមរដ្ឋមន្ត្រី បានស្នើឱ្យគ្រប់តួអង្គក្នុងទំនាក់ទំនងវិជ្ជាជីវៈជាពិសេសតំណាងសហជីពត្រូវបង្កើនសមត្ថភាព និងត្រូវយល់ដឹងពីតួនាទីរបស់ខ្លួនឱ្យបានច្បាស់លាស់ចៀសវាងការប្រតិបត្តិហួសតួនាទី ដើម្បីក្លាយជាភាគីដែលមានភាពជាតំណាងសម្រាប់កិច្ចសន្ទនាជាមួយភាគីពាក់ព័ន្ធ។ បន្ថែមពីនេះ ក្នុងនាមជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈដែលជាអាណាព្យាបាលក្នុងវិស័យការងារ ឯកឧត្តម បានស្នើ និងអំពាវនាវកុំឱ្យមានការរើសអើងសហជីពនៅកម្ពុជាដែលបង្ហាញឱ្យឃើញពីភាពបែកបាក់ក្នុងសង្គមជាតិ។ ទោះបីជាបែបណាក៏ដោយ ឯកឧត្តម ហេង សួរ បានបន្ថែមថា ភាពជោគជ័យពិតប្រាកដនៃការអនុវត្តកម្មវិធីការងារសមរម្យនៅកម្ពុជា គឺជាការព្រមទទួលយកដោយភាពឈ្នះៗរបស់គ្រប់ភាគីទាំងកម្មករនិយោជិត និយោជក និងរាជរដ្ឋាភិបាលដែលជាអាណាព្យាបាលដោយឈរលើកត្តានៃភាពប្រាកដនិយម ជាក់ស្តែង និងអនុវត្តបានដើម្បីភាពរីកចម្រើន វិបុលភាពឥតឈប់ឈរសម្រាប់កម្ពុជា៕

រដ្ឋមន្ត្រីសុខាភិបាល៖ គិលានុបដ្ឋាក និងឆ្មប ត្រូវបង្កើនការផ្តល់សេវាថែទាំដែលមានគុណភាព និងសុវត្ថិភាព

ភ្នំពេញ ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងពិធីបើកសន្និសីទគិលានុបដ្ឋាក និងឆ្មប ឆ្នាំ២០២៤ ក្រោមប្រធានប្រធានបទ «គិលានុបដ្ឋាក និងឆ្មប ដើរតួនាទីយ៉ាងសំខាន់ ក្នុងការលើកកម្ពស់គុណភាពសេវាថែទាំសុខភាព រួមចំណែកធ្វើឱ្យប្រសើរឡើងដល់ផលប្រយោជន៍អ្នកជំងឺ» នាព្រឹកថ្ងៃទី២ ខែសីហា ឆ្នាំ២០២៤នេះ។សន្និសីទនេះដែរ ក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ ទីប្រឹក្សាក្រសួង ថ្នាក់ដឹកនាំនៅតាមមន្ទីរពេទ្យជាតិ និងថ្នាក់ក្រោមជាតិ តំណាងអង្គការសុខភាពពិភពលោកប្រចាំកម្ពុជា (WHO) តំណាងទីភា្នក់ងារសហប្រតិបត្តិការអន្តរជាតិនៃប្រទេសជប៉ុន ប្រចាំកម្ពុជា (JICA) តំណាងទីភ្នាក់ងារសហរដ្ឋអាមេរិក ដើម្បីអភិវឌ្ឍអន្តរជាតិ (USAID) និងគណៈគិលានុបដ្ឋាក គណៈឆ្មប សមាគមគិលានុបដ្ឋាក និងសមាគមឆ្មប រួមទំាងអង្គការដៃគូសុខាភិបាល ដែលមានការអញ្ជើញចូលផ្ទាល់៣០០នាក់ និងតាមប្រព័ន្ធ Zoom ចំនួន ១០០០នាក់។ សន្និសីទគិលានុបដ្ឋាក និងឆ្មប នេះរៀបចំឡើងក្នុងគោលបំណង ដើម្បីចែករំលែកពីបទពិសោធន៍ ប្រសិទ្ធភាពការងារដឹកនាំផ្នែកថែទាំ ការគ្រប់គ្រង ការអប់រំគិលានុបដ្ឋាក-ឆ្មប ការអភិវឌ្ឍវិជ្ជាជីវៈបន្ត ការកែលម្អគុណភាព និងសុវត្ថិភាពអ្នកជំងឺ នវានុវត្តន៍បច្ចេកវិទ្យាទំនើបក្នុងវិស័យថែទាំជំងឺ ការអនុវត្តគ្លីនិកកម្រិតខ្ពស់ ការអនុវត្តន៍ផ្អែកលើភស្តុតាង និងសមត្ថភាពផ្នែកថែទាំនៅប្រទេសកម្ពុជា។ឯកឧត្តមសាស្រ្តាចារ្យរដ្ឋមន្រ្តី បានថ្លែងថា គិលានុបដ្ឋាក ដើរតួនាទីយ៉ាងសំខាន់ដែលជាកម្លាំងចលករនៅក្នុងប្រព័ន្ធសុខាភិបាល ក្នុងការចូលរួមចំណែកការផ្តល់សេវាសាធារណៈឱ្យមានប្រសិទ្ធភាព លើកកម្ពស់សុខុមាលភាពរបស់ប្រជាពលរដ្ឋ ក្នុងការពិនិត្យអ្នកជំងឺ ផ្តល់ឱសថ ជាជំនួយក្នុងការវះកាត់ ព្យាបាលអ្នកជំងឺ ផ្តល់ជំនួយផ្លូវចិត្ត និងបំពេញតួនាទីសំខាន់ៗមួយចំនួនផ្សេងទៀត។ ដូច្នេះគិលានុបដ្ឋាក និងឆ្មប ត្រូវតែពង្រឹងសមត្ថភាពជាប្រចាំ ដើម្បីដោះស្រាយអាទិភាពសុខភាពទាំងអស់នេះ ព្រមទាំងឆ្លើយតបទៅនឹងគ្រោះអាសន្ននានាឱ្យមានប្រសិទ្ធភាពខ្ពស់។ឆ្លៀតក្នុងឱកាសនេះ ឯកឧត្តមសាស្រ្តាចារ្យរដ្ឋមន្រ្តី បានផ្តល់នូវអនុសាសន៍មួយចំនួនក្នុងការអភិវឌ្ឍន៍វិជ្ជាជីវៈថែទាំឱ្យកាន់តែរីកចម្រើនបន្ថែមទៀត ដូចតទៅ៖១- នៅថ្នាក់កណ្តាល សូមឱ្យការិយាល័យគិលានុបដ្ឋាកនិងឆ្មប គណៈឆ្មប គណៈគិលានុបដ្ឋាក សមាគមឆ្មប និងសមាគមគិលានុបដ្ឋាក ធ្វើការរួមគ្នា រៀបចំផែនការសកម្មភាពជាមួយគ្នា ដើម្បីពង្រឹងការអនុវត្តបទដ្ឋានគតិយុត្ត សម្រាប់គាំទ្រដល់ការអនុវត្តរបស់គិលានុបដ្ឋាក និងឆ្មបរៀងរាល់ខែ។២- គណៈគិលានុបដ្ឋាក គណៈឆ្មប សមាគមគិលានុបដ្ឋាក និងសមាគមឆ្មប បញ្ជូនរបាយការណ៍ប្រចាំខែ ពីវឌ្ឍនៈភាពមកនាយកដ្ឋានមន្ទីរពេទ្យ ដើម្បីបានដឹងពីការរីកចម្រើន និងធ្វើការចងក្រងជារបាយការណ៍រួម សម្រាប់វិជ្ជាជីវៈគិលានុបដ្ឋាក និងឆ្មប។ ៣- មន្ទីរសុខាភិបាលនៃរដ្ឋបាលរាជធានី-ខេត្ត ជាមួយប្រធានមន្ទីរពេទ្យ និងប្រធានថែទាំមន្ទីរពេទ្យ រៀបចំប្រជុំជាទៀងទាត់ ដើម្បីពិនិត្យមើលពីបញ្ហាប្រឈមដែលកើតមាននៅតាមមន្ទីរពេទ្យ និងស្វែងរកដំណោះស្រាយដែលជាប្រយោជន៍ដល់អ្នកជំងឺ ដល់មន្ទីរពេទ្យ និងដល់មន្រ្តីសុខាភិបាល។ ៤- ប្រធានមន្ទីរពេទ្យបង្អែក គួររៀបចំឱ្យគណៈកម្មការថែទាំមន្ទីរពេទ្យនីមួយៗ មានប្រធាន អនុប្រធាន សមាជិក និងមានកន្លែងពួកគាត់អាចប្រជុំប្រចាំខែ មានតួនាទី និងភារកិច្ច និងរៀបចំផែនការសកម្មភាពប្រចាំឆ្នាំសម្រាប់សេវាថែទាំ។ ៥- នៅតាមមន្ទីរពេទ្យ គិលានុបដ្ឋាក និងឆ្មប ត្រូវកំណត់សូចនាករតាមផ្នែក ដើម្បីពង្រឹងការអនុវត្តព្រមទាំងធ្វើការតាមដាន និងវាយតម្លៃសូចនាករឱ្យបានច្បាស់លាស់។ជាទីបញ្ចប់ ឯកឧត្តមសាស្រ្តាចារ្យរដ្ឋមន្ត្រី ក៏ណែនាំដល់អង្គសន្និសីទទាំងមូល ដើម្បីបង្កើនប្រសិទ្ធភាពក្នុងការអនុវត្តការងារបន្ថែមទៀត ដូចខាងក្រោម (១) ត្រូវត្រួតពិនិត្យអនាម័យតាមតាមន្ទីរពេទ្យ ចុះតាមសាលនានា ប្រធានថែទាំត្រូវប្រជុំរៀងរាល់អាទិត្យ ដើម្បីពិភាក្សាពីបញ្ហា និងដោះស្រាយជាមួយគ្នា (២) ត្រូវធ្វើកិច្ចការឱ្យកាន់តែប្រសើរឡើង (៣) កិច្ចសហប្រតិបត្តិការជាមួយសហភាតរៈ និងដៃគូនានា (៤) ផ្តល់ការថែទាំប្រកបដោយមេត្តាករុណាសម្រាប់អ្នកជំងឹ (៥) ជាម្ចាស់ការលើការងារដែលខ្លួនបានធ្វើ (៦)យកចិត្តទុកដាក់ការងារជាសំខាន់ (៧) ត្រៀមដោះស្រាយបញ្ហាផ្សេងឱ្យបានទាន់ពេលវេលា និង(៨)មានទស្សនៈវិស័យវែងឆ្ងាយសម្រាប់ការងារថែទាំ៕អត្ថបទ រដ្ឋា

អភិបាលខេត្ដ ស្នើឱ្យអាជ្ញាធរ មន្ទីរ ស្ថាប័ន អង្គភាពជុំវិញខេត្ដ រៀបចំបដាអបអរសាទរការបើកការដ្ឋានសងសង់ព្រែកជីកហ្វូណនតេជោ

ព្រះសីហនុ៖ កិច្ចប្រជុំនៅសាលប្រជុំអគារក្រុមប្រឹក្សាខេត្តព្រះសីហនុ ថ្ងៃទី២ ខែសីហា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្ត និងឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ “បានស្នើឱ្យអាជ្ញាធរ ថ្នាក់ដឹកនាំមន្ទីរ អង្គភាពជុំវិញខេត្ដ រៀបចំបដា ពាក្សស្លោកអបអរសាទរការបើកការដ្ឋានសាងសង់ព្រែកជីកហ្វូណនតេជោ ឱ្យបានគគ្រឹកគ្រគ្រេង (ឱ្យបានច្រើន) ដែលជាព្រឹត្តិការណ៍ប្រវត្ដិសាស្ដ្រសម្រាប់ជាតិយើង” ។

ប្រធានសមាគមកាត់ដេរពីររូប បង្ហាញការគាំទ្រ និងត្រៀមអបអរសាទរការបើកដំណើរការសាងសង់ព្រែកជីកហ្វូណនតេជោ

ខណៈនៅសល់តែ៣ថ្ងៃទៀតប៉ុណ្ណោះ គម្រោងព្រែកជីកហ្វូណនតេជោ នឹងបើកដំណើរការសាងសង់។ ជាមួយនេះ ប្រធានសមាគមវិស័យឧស្សាហកម្មកាត់ដេរ ២រូប បានបង្ហាញអារម្មណ៍រំភើបសប្បាយរីករាយ និងអះអាងថា បានត្រៀមរួចជាស្រេច ដើម្បីចូលរួមអបអរសាទរក្នុងការបើកការដ្ឋានសាងសង់ នាថ្ងៃទី៥ ខែសីហាខាងមុខ តាមមូលដ្ឋានរៀងៗខ្លួន។អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា នៅក្នុងបទសម្ភាសន៍ជាមួយព័ត៌មាន ប៊ីធីវី បានមានប្រសាសន៍ឲ្យដឹងថា គម្រោងព្រែកជីកហ្វូណនតេជោនេះ ពិតជាសំខាន់ណាស់សម្រាប់វិស័យឯកជន ក៏ដូចជាសំខាន់សម្រាប់ប្រជាជនខ្មែរទាំងមូល ហើយក៏សំខាន់សម្រាប់អ្នកវិនិយោគនៅប្រទេសកម្ពុជាថែមទៀត ដោយសារអ្នកវិនិយោគនៅទីនេះ ត្រូវការដឹកជញ្ជូនទាន់ពេលវេលា ហើយពេលវេលាគឺជាមាសប្រាក់ដែលអាចកាត់បន្ថយពីរយៈពេលវែងមកខ្លី និងកាត់បន្ថយថ្លៃដឹកជញ្ជូនបានច្រើនថែមទៀត ទាំងនេះហើយគឺអ្នកវិនិយោគទន្ទឹងរង់ចាំជានិច្ចដែលចង់បាន ចង់ឃើញផ្ទាល់ភ្នែក នៅថ្ងៃទី៥ ខែសីហាខាងមុខនេះ ជាថ្ងៃប្រកាសបើកគម្រោងសាងសង់ព្រែកជីកហ្វូណនតេជោជាផ្លូវការ។ស្រដៀងគ្នានេះ ឧកញ៉ា លឹម តុង ប្រធានសមាគមផលិតផលធ្វើដំណើរ និងស្បែកនៅកម្ពុជា និងជាអនុប្រធានសភាពាណិជ្ជកម្មកម្ពុជា បានបង្ហាញការគាំទ្រពេញទំហឹងចំពោះគម្រោងព្រែកជីកនេះ ព្រោះថា នឹងផ្តល់ផលប្រយោជន៍ទៅកាន់បុគ្គល និងប្រទេសជាតិទាំងអស់។ លោកឲ្យដឹងទៀតថា គម្រោងនេះដែរ សមាជិក សមាជិកាក្នុងសមាគមទាំងអស់ ក៏មានចិត្តសប្បាយរីករាយ នៅពេលទទួលព័ត៌មានលម្អិតតាមរយៈសមាគមរបស់លោក ហើយក៏ត្រៀមអបអរសាទរពីចម្ងាយតាមវិធីរៀងៗខ្លួន ដូចជាការច្រៀង ទូងស្គរ និងវាយជួងជាដើម ព្រោះការងារនេះ ពិតជាផ្តល់ផលប្រយោជន៍ច្រើនដល់ប្រទេសកម្ពុជា មិនថាដល់ប្រជាជន ជាបុគ្គលទេ គឺប្រយោជន៍រួមទាំងអស់គ្នាតែម្តង។ ព្រែកជីកហ្វូណនតេជោ គឺជាគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រកម្ពុជា ហើយបាននិងកំពុងអនុវត្តដោយរាជរដ្ឋាភិបាល នីតិកាលទី៧ នៃរដ្ឋសភា ដើម្បីបន្សល់ទុកជាកេរមរតកប្រវត្តិសាស្ត្រសម្រាប់កូនចៅជំនាន់ក្រោយរាប់ពាន់ឆ្នាំតទៅមុខ។សូមជម្រាបជូនទៀតថា ពិធីបើកការដ្ឋានសាងសង់ព្រែកជីកហ្វូណនតេជោ នឹងត្រូវប្រារព្ធឡើង នៅថ្ងៃទី៥ សីហា ឆ្នាំ២០២៤ខាងមុខ នៅចំណុចព្រែកតាកែវ ស្រុកគៀនស្វាយ ខេត្តកណ្តាល ក្រោមអធិបតីភាពដ៏ខ្ពង់ខ្ពស់ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា៕អត្ថបទ ឈិត បូរ៉ាវី

ក្រសួងវប្បធម៌ បើកសន្និសីទសារព័ត៌មាន មហោស្រពជាតិភាពយន្តខ្នាតខ្លីកម្ពុជា លើកទី៤

នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ បានរៀបចំសន្និសីទសារព័ត៌មាន មហោស្រពជាតិភាពយន្តខ្នាតខ្លីកម្ពុជាលើកទី៤ ក្រោមប្រធានបទ "ភាពយន្តខ្នាតខ្លី ជាជំហានឆ្ពោះទៅកាន់ភាពយន្តខ្នាតវែង" ដែលគ្រោងនឹងរៀបចំនាសប្តាហ៍ទី៤ នាខែវិច្ឆិកា ឆ្នាំ២០២៤ខាងមុខ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានលើកឡើងក្នុងសន្និសីទសារព័ត៌មាន នាព្រឹកថ្ងៃទី២ ខែសីហា ឆ្នាំ២០២៤នេះថា តាមរយៈនៃមហោស្រពជាតិភាពយន្តខ្នាតខ្លីនេះ គឺជាព្រឹត្តិការណ៍ដ៏មានសារសំខាន់ និងចាំបាច់ក្នុងការជំរុញលើកទឹកចិត្ត ដល់យុវជនដើម្បីបញ្ចេញគំនិតច្នៃប្រឌិត ចែករំលែកនូវព័ត៌មានដែលពួកគេមានតាមរយៈ អេក្រង់ ឬផ្ទាំងសំពត់ស និងជាជំហានដំបូងក្នុងការនាំពួកឲ្យក្លាយជាផលិតករភាពយន្ត។ ដើម្បីប្រកួតប្រជែងវាស់ស្ទង់កម្រិតសមត្ថភាពរបស់យុវផលិតករវ័យក្មេងព្រមទាំងចែករំលែកបទពិសោធន៍ថ្មីៗក្នុងគោលបំណងពង្រឹង និងលើកកម្ពស់ធនធានមនុស្ស រួមចំណែកអភិវឌ្ឍន៍ឧស្សាហកម្មភាពយន្តកម្ពុជា ឲ្យកាន់តែប្រសើរឡើង និងដើម្បីបង្កើននូវបរិយាកាសដ៏សំបូរបែប នៃព្រឹតិ្តការណ៍វប្បធម៌ និងបង្កើននូវផលិតផលវប្បធម៌ថ្មីៗ ដែលមិនត្រឹមតែជួយអភិវឌ្ឍន៍វិស័យភាពយន្តប៉ុណ្ណោះទេ តែថែមទាំងរួមចំណែកយ៉ាងសំខាន់ក្នុងការផ្សព្វផ្សាយពីវប្បធម៌ ប្រពៃណី កិត្យានុភាព និងអត្តសញ្ញាណជាតិ នៅលើឆាកអន្តរជាតិផងដែរ។ ចំណែក ទូតសុច្ឆន្ទៈ ចំនួន០២រូប របស់មហោស្រពជាតិភាពយន្តខ្នាតខ្លីកម្ពុជា ឆ្នាំ២០២៤នេះ គឺកញ្ញា ស៊ិន យូប៊ីន និងលោក ខាត់ វៃហាំង បានថ្លែងអំណរគុណដល់នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានផ្តល់តួនាទីយ៉ាងសំខាន់ដល់រូបគាត់ទាំងពីរ ក្នុងការដើរតួនាទីជាទូតសុច្ឆនៈក្នុងការផ្សព្វផ្សាយ និងរួមចំណែកក្នុងដំណើរការនៃកម្មវិធីមហោស្រពជាតិភាពយន្តខ្នាតខ្លីកម្ពុជាលើកទី៤។ ជាការឆ្លើយតប គ្មានអ្វីក្រៅពីការខិតខំឲ្យអស់ពីសមត្ថភាពក្នុងការចូលរួមចំណែក ដើម្បីឲ្យមហោស្រពភាពយន្តខ្នាតខ្លីកម្ពុជាលើកទី៤នេះ ដំណើរការយ៉ាងរលូន។នាឱកាសនោះឯកឧត្តម ឯក ប៊ុនថា អនុរដ្ឋលេខាធិការ ក្រសួងវប្បធម៌ និងវិចិត្រសិល្បៈ បានថ្លែងថា ចាប់តាំងពីការបង្កើតឡើងនៅឆ្នាំ២០១៦ មហោស្រពជាតិភាពយន្តខ្នាតខ្លីកម្ពុជា បានដើរតួនាទីយ៉ាងសំខាន់ក្នុងការបង្កើតធនធានមនុស្សថ្មីៗ ប្រកបដោយសមត្ថភាពទេពកោសល្យក្នុងវិស័យភាពយន្ត សម្រាប់ពេលបច្ចុប្បន្ន និងអនាគត។ យុវជនទាំងអស់ បានចូលរួមចំណែកយ៉ាងសកម្មក្នុងការបង្កើតស្នាដៃភាពយន្តថ្មីៗ ប្រកបដោយគំនិតច្នៃប្រឌិត ព្រមទាំងបានបង្គប់នូវអត្ថន័យខ្លឹមសារអប់រំ សីលធម៌ គុណធម៌ និងអត្តសញ្ញាណជាតិ ដែលសកម្មភាពទាំងនេះ មិនត្រឹមតែបានជួយអភិវឌ្ឍន៍ឧស្សាហកម្មភាពយន្តកម្ពុជាប៉ុណ្ណោះទេ តែថែមទាំងបានចូលរួមចំណែកយ៉ាងសំខាន់ក្នុងការថែរក្សា ការពារវប្បធម៌ ប្រពៃណីទំនៀមទំលាប់របស់ជាតិយើង៕ អត្ថបទ រដ្ឋា

គណៈកម្មការទី៣នៃរដ្ឋសភា ចុះស្វែងយល់អំពីវឌ្ឍនភាពការងារ និងបញ្ហានានានៅខេត្តក្រចេះ

ប្រធានគណៈកម្មការទី៣ គណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទអភិវឌ្ឍន៍ជនបទ បរិស្ថាន ធនធានទឹក និងឧតុនិយមនៃរដ្ឋសភាឯកឧត្តម សន្តិបណ្ឌិត ឡូយ សុផាត នាថ្ងៃទី១ ខែសីហា ឆ្នាំ២០២៤នេះ បានចុះជួបពិភាក្សាការងារមួយចំនួនជាមួយថ្នាក់ដឹកនាំខេត្តក្រចេះដើម្បីពិនិត្យ និងចង់ដឹងអំស្ថានភាពរស់នៅទូទៅរបស់បងប្អូនប្រជាពលរដ្ឋនៃខេត្តក្រចេះ។ក្រោយស្តាប់នូវរបាយការណ៍របស់លោក គង់ គឹមនី អភិបាលខេត្តស្តីទី នៃគណៈអភិបាលខេត្តក្រចេះទាក់ទងនឹងការរស់នៅ និងការប្រកបអាជីវកម្មរបស់បងប្អូននៃខេត្តក្រចេះហើយនោះ ឯកឧត្តម ឡូយ សុផាត បានលើកឡើងថា ដំណើរការចុះជួបពិភាក្សារវាងគណៈកម្មការទី៣ នៃរដ្ឋសភានៅខេត្តក្រចេះ នាពេលនេះគឺមិនមែនជាការចុះមកត្រួតពិនិត្យ អធិការកិច្ច ឬសួរដេញដោលថ្នាក់ដឹកនាំរដ្ឋបាលខេត្ត និងមន្ទីរអង្គភាពជំនាញនោះទេ គឺមានគោលបំណងដ៏សំខាន់នោះ គឺចង់ឈ្វេងយល់ ដើម្បីប្រមូលព័ត៌មាន និងបញ្ហាប្រឈមនានា ក្នុងការប្រតិបត្តិច្បាប់នៅមូលដ្ឋាន ដែលត្រូវរួម សហការគ្នារវាងស្ថាប័ននីតិប្បញ្ញត្តិ និងស្ថាប័ននីតិប្រតិបត្តិ ដើម្បីជំរុញការអនុវត្តន៍កម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភាតែប៉ុណ្ណោះ។ ជាមួយគ្នានោះដែរឯកឧត្តម ប្រធានគណៈកម្មការទី៣ នៃរដ្ឋសភាក៏បាន កត់សម្គាល់នូវបញ្ហាប្រឈមមួយចំនួនដែលខេត្តបានជួបប្រទះ ហើយឯកឧត្តមបានលើកទឹកចិត្ត និងជំរុញដល់ថ្នាក់ដឹកនាំខេត្ត និងសហការីទាំងអស់ រួមគ្នាខិតខំបំពេញការងារបន្ថែមទៀត ក្នុងការដោះស្រាយរាល់បញ្ហាប្រឈមទាំងនោះ។ ចំណែកឯគណៈកម្មការ នឹងពាំនាំយកបញ្ហាប្រឈមទាំងនេះ ទៅជម្រាបជូនសម្តេចប្រធានរដ្ឋសភា ដើម្បីជួយធ្វើអន្តរាគមន៍ទៅរាជរដ្ឋាភិបាលជួយដោះស្រាយឲ្យបានទាន់ពេលវេលាដើម្បីឲ្យខេត្តមានលទ្ធភាពពេញលេញ ក្នុងការបំពេញភារកិច្ចបម្រើប្រជាពលរដ្ឋ និងផលប្រយោជន៍របស់ប្រទេសជាតិ ។យ៉ាងណាក៏ដោយឯកឧត្តម ឡូយ សុផាត បានកោតសរសើរពីការខិតខំប្រឹងប្រែង របស់រដ្ឋបាលខេត្តក្រចេះ លើការងារអភិវឌ្ឍន៍ខេត្ត ឱ្យកាន់តែមានសោភណ្ឌភាព និងការរីកចម្រើនគួរឱ្យកត់សម្គាល់ ដែលជាការជួយលើកស្ទួយកម្រិតជីវភាពរស់នៅរបស់ប្រជាពលរដ្ឋ ឱ្យកាន់តែមានភាពប្រសើរឡើង ដើម្បីគាំទ្រដល់អាទិភាពគន្លឹះទាំង៥នៃយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧នៃរដ្ឋសភា គឺ «មនុស្ស ផ្លូវ ទឹក ភ្លើង និង បច្ចេកវិទ្យា» ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី ដែលសម្ដេចតែងបានណែនាំឱ្យមន្ត្រីរាជការទាំងអស់ខិតខំបម្រើប្រជាពលរដ្ឋទ្វេរដងនោះ៕អត្ថបទបាន ចក់

រដ្ឋបាលស្រុកមុខកំពូល មិនហាមឃាត់ការទៅបន់ស្រន់នៅទួលព្រះធាតុតែមិនឲ្យយកជាកន្លែងធ្វើអាជីវកម្ម

កណ្ដាល៖ រដ្ឋបាលស្រុកមុខកំពូល ខេត្តកណ្ដាល បានច្រានចោលការចោទប្រកាន់ ថាអាជ្ញាធរស្រុកបានបិទទីតាំងទួលព្រះធាតុ ស្ថិតក្នុងភូមិព្រែកតាបែន ឃុំព្រែកអញ្ចាញ មិនឲ្យពលរដ្ឋចូលទៅបន់ស្រន់តាមជំនឿផ្សេងៗ ឬធ្វើបុណ្យទាន ដែលតាមជាក់ស្ដែង គឺអាជ្ញាធរមិនមានការហាមឃាត់នោះទេ ប៉ុន្តែគ្រាន់មិនឲ្យមានអ្នកណាយកជាកន្លែងនេះ ធ្វើអាជីវកម្មផ្ទាល់ខ្លួន ព្រោះទូលបុរាណនោះ ជាសម្បត្តិរបស់មន្ទីរវប្បធម៌ និងវិចិត្រសិល្បៈខេត្តកណ្ដាល ។បើតាមមន្ត្រីការិយាល័យសង្គមកិច្ច សុខមាលភាពសង្គម ស្រុកមុខកំពូល បានឲ្យដឹងថា កាលពីពេលថ្មីៗនេះ មានការចោទប្រកាន់អាជ្ញាធរស្រុក និងមន្ត្រីខេត្ត បានបណ្ដេញព្រះសង្ឃ និងអ្នកគ្រប់គ្រងនៅទីនោះ ដើម្បីបញ្ចប់ជំនឿរបស់ប្រជាពលរដ្ឋ បិទមិនឲ្យធ្វើបុណ្យធ្វើកុសល ដែលការចោទប្រកាន់នេះ គឺបានផ្ទុយទៅនឹងការពិតទាំងស្រុង ។លោកបានបន្តថា អាជ្ញាធរខេត្ត និងស្រុកគ្មានបំណងបិទទីទួលនេះ មិនឲ្យពលរដ្ឋទៅធ្វើការបន់ស្រន់តាមជំនឿ ឬធ្វើបុណ្យនោះទេ ព្រោះទីទូលនេះ គឺរក្សាទុកជាបេតិកភ័ណរបស់ជាតិ មិនឲ្យបុគ្គលណាម្នាក់យក ទៅបម្រើដល់បុគ្គលម្នាក់ ហើយប្រើប្រាស់ក្នុងសាសនាខុសនឹងធម៌វិន័យ (ធ្វើជាកន្លែងទស្សទាយ ឬស្រោចទឹក) ដើម្បីប្រយោជន៍ខ្លួនឯង គឺអាជ្ញាធរបិទចំពោះបុគ្គលណា ដែលមិនគោរទៅតាមវិន័យប៉ុណ្ណោះ ។ចំណែកលោក សេង ចាន់ណា មន្ត្រីការិយាល័យសង្គមកិច្ច ស្រុកមុខកំពូល លើកឡើងថា ចំពោះបុគ្គលដែលមិនអនុញ្ញាតឲ្យបន្តស្នាក់នៅទីទួលព្រះធាតុនោះ គឺបានប្រព្រឹត្តិខុសធម៌វិន័យ (ទ្រុស្តសីល) ហើយត្រូវបានគណៈព្រះសង្ឃក្នុងខេត្តកណ្ដាល បានឲ្យជម្រើសចំនួន២ ទី១. បើចង់នៅបន្តជាសង្ឃ គឺត្រូវចាក់ចេញឲ្យផុតពីខេត្តកណ្ដាល ហើយជម្រើសទី២ គឺត្រូវលាចាក់សិក្ខា និងអាចស្នើសុំស្នាក់នៅទីទូលនោះ ពីសំណាក់មន្ទីរវប្បធម៌ និងសិល្បៈខេត្តសិន ។លោកបានបន្ថែមថា ប៉ុន្តែចំពោះការស្នាក់នៅនេះ ខាងមន្ទីរវប្បធម៌មិនអនុញ្ញាតនោះទេ គឺត្រូវប្រមូលមករក្សាទុកជាសម្បត្តិសាធារណៈរបស់រដ្ឋវិញ មិនអាចឲ្យបុគ្គលណាម្នាក់ ស្នាក់នៅ ឬប្រកបធ្វើអាជីវកម្មអ្វីបានទាំងអស់ ប៉ុន្តែអាចឲ្យប្រជាពលរដ្ឋចូលទៅបន់ស្រន់តាមជំនឿរបស់ពួកគាត់ ដោយមិនមានការបិទនោះឡើយ ។លោក សេង ចាន់ណា បានបញ្ជាក់ថា ដូច្នេះ ក្នុងនាមរដ្ឋបាលស្រុកមុខកំពូល សូមច្រានចោលនូវការលើកឡើងតាមបណ្ដាសារព័ត៌មានមួយចំនួន ឬបណ្ដាញសង្គម ដែលចោទអាជ្ញាធរបានហាមឃាត់ពលរដ្ឋមិនឲ្យចូលធ្វើបុណ្យ ឬបន់ស្រន់ គឺមិនមាននោះឡើយ គ្រាន់តែរក្សាទុកជាសម្បត្តិសាធារណៈរបស់រដ្ឋវិញតែប៉ុណ្ណោះ ដូចនេះសូមមហាជនកុំមានការយល់ច្រឡំ ។យោងតាមបណ្ដាញសង្គមហ្វេសប៊ុក បានឲ្យដឹងថា មានបុរសម្នាក់ឈ្មោះ ពៅ ពិសិដ្ឋ ថាតំណាងឲ្យពលរដ្ឋក្នុងភូមិព្រែកតាបែន ថាក្រសួងនឹងមានការបិទអាស្រមនៅទីទួលព្រះធាតុនេះ ហើយខ្លួនបានស្នើសុំស្នាក់នៅបន្ត ដើម្បីមើលថែទីកន្លែងនោះ ៕

អាជ្ញាធររាជធានីរៀបចំរួចរាល់ សម្រាប់ពិធីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ

អាជ្ញាធររាជធានីភ្នំពេញបានត្រៀមរួចរាល់ហើយ សម្រាប់ពិធីអបអរសាទរ ថ្ងៃបើកការដ្ឋានគម្រោងព្រែកជីកហ្វូណនតេជោ ជាមួយនឹងការតៀមលក្ខណៈការពារសន្តិសុខ សុវត្ថិភាពក្នុងពិធីយ៉ាងម៉ត់ចត់បំផុត នៅមជ្ឈមណ្ឌលសន្និបាត និងពិព័រណ៍កោះពេជ្រ សម្រាប់រសៀល និងរាត្រីថ្ងៃទី៥ ខែសីហាឆ្នាំ២០២៤ខាងមុខនេះ ខណៈដែលការតម្លើងឆាកប្រគុំតន្ត្រីបាននិងកំពុងរៀបចំយ៉ាងមមាញឹក។នេះបើតាមកិច្ចប្រជុំត្រួតពិនិត្យការងារសន្តិសុខ សុវត្ថិភាព និងសណ្តាប់ធ្នាប់សាធារណៈនៅរាជធានីភ្នំពេញ ក្នុងឱកាសអបអរសាទរការបើកការដ្ឋានសាងសង់ “ព្រែកជីកហ្វូណនតេជោ” កាលពីព្រឹកថ្ងៃទី០២ ខែសីហា ឆ្នាំ២០២៤ ខណៈដែលឯកឧត្តម ឃួង ស្រេង អភិបាលរាជធានីភ្នំពេញ ដឹកនាំកិច្ចប្រជុំនិងចុះពិនិត្យទីតាំងប្រារព្វពិធីនៅមជ្ឈមណ្ឌលសន្និបាត និងពិព័រណ៍កោះពេជ្រ ខណ្ឌចំការមន។អង្គប្រជុំបានលើកឡើងពីការការពារសន្តិសុខ សុវត្ថិភាពក្នុងពិធីនេះ ដោយសមត្ថកិច្ចទាំងអស់ ទាំងកម្លាំងរបស់គណៈបញ្ជាការឯកភាពរាជធានីភ្នំពេញ និងកម្លាំងសហការរបស់នាយកដ្ឋានអង្គរ័ក្សបានរៀបចំផែនការយ៉ាងម៉ត់ចត់បំផុត ដោយបានត្រៀមបង្ការ ទប់ស្កាត់បាតុភាពផ្សេងៗដែលបង្កឡើងពីក្រុមជ្រុលនិយម បង្ការទប់ស្កាត់គ្រោះអគ្គីភ័យ ត្រៀមកម្លាំង និងរថយន្តសង្គ្រោះពេលមានបញ្ហាគ្រោះថ្នាក់ផ្សេងៗ។ បន្ថែមពីនេះអាជ្ញាធររាជធានីភ្នំពេញ បានបែងចែកកម្លាំង ដើម្បីគ្រប់គ្រងចំនួន២តំបន់ធំៗ គឺតំបន់A និងតំបន់B សំដៅធ្វើយ៉ាងណាឲ្យពិធីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ ដំណើរការទៅដោយរលូន បង្កបាននូវភាពសប្បាយរីករាយ និងជោគជ័យ។គម្រោងដែលរៀបចំដោយរដ្ឋបាលរាជធានីភ្នំពេញ ក្រោយពិធីបើកការដ្ឋានបានបញ្ចប់ ពោលគឺនៅរាត្រីថ្ងៃទី៥ ខែសីហា ឆ្នាំ២០២៤ នឹងមានព្រឹត្តការណ៍ដ៏ធំមួយនៅកោះពេជ្រ នោះគឺការប្រគុំតន្ត្រី ដែលមានសិល្បករ និងកីឡាករ ល្បីៗរបស់កម្ពុជា និងមានអ្នកចូលរួមប្រមាណជាង១ម៉ឺននាក់ ជាមួយនិងការ រៀបចំបាញ់កាំជ្រួចនៅទន្លេ៤មុខ ចំនួន២លើក គឺនៅម៉ោង៧និង២០នាទី១លើក និងនៅម៉ោង៩និង៩នាទីមួយលើកទៀត៕ អត្ថបទ ៖ ប្រាក់ វ៉ាន់ដា

សិស្សវិទ្យាល័យជាស៊ីមសាមគ្គី ហាត់សមបទចម្រៀងត្រៀមថ្ងៃបើកការដ្ឋានព្រែកជីកហ្វូនណនតេជោ

សិស្សសិក្សានៅវិទ្យាល័យជាស៊ីមសាមគ្គី រាជធានីភ្នំពេញ ក្នុងរយៈពេលប៉ុន្មានថ្ងៃមកនេះ បានចំណាយពេលរៀងរាល់ថ្ងៃ ហ្វឹកហាត់ច្រៀងបទចម្រៀង ដើម្បីអបអរសាទរពិធីបើកការដ្ឋានព្រែកជីកហ្វូណនតេជោ។ បទចម្រៀងដែលពួកគេកំពុងហ្វឹកហាត់ គឺបទចម្រៀង ព្រែកជីកហ្វូណនតេជោ និងបទចម្រៀង ជយោ! ថ្ងៃបើកការដ្ឋានស្ថាបនាព្រែកជីកហ្វូណនតេជោ។ តាមបណ្ដាសាលារៀន បច្ចុប្បន្នកំពុងរៀបចំសកម្មភាពនានា ដើម្បីចូលរួមអបអរសាទរ ថ្ងៃបើកការដ្ឋានព្រែកជីកហ្វូណនតេជោ ថ្ងៃទី ៥ ខែសីហា ឆ្នាំ ២០២៤។ សម្រាប់ វិទ្យាល័យជាស៊ីមសាមគ្គី ក្នុងរយៈពេលប៉ុន្មានថ្ងៃមកនេះ កំពុងផ្តោតលើការហាត់សមបទចម្រៀង ដើម្បីច្រៀងអបអរសាទរ ថ្ងៃបើកការដ្ឋានសាងសង់។ នេះជាការលើកឡើងរបស់ លោក ផាន់ ណិល ជានាយកសាលា។លោកនាយកសាលាលើកឡើងថា សម្រាប់ថ្ងៃទី ៥ ខាងមុខ សិស្សនៅវិទ្យាល័យជាស៊ីមសាមគ្គី នឹងចូលរួមច្រៀងបទចម្រៀងចំនួនពីរបទ ដើម្បីអបអរសាទរ ថ្ងៃបើកការដ្ឋានព្រែកជីកហ្វូណនតេជោ។ បទចម្រៀងទី ១គឺព្រែកជីកហ្វូណនតេជោ និងបទចម្រៀងទី ២គឺបទ ជយោ!ថ្ងៃបើកការដ្ឋានស្ថាបនាព្រែកជីកហ្វូណនតេជោ។ ក្រោយបញ្ចប់ការហាត់សម នៅព្រឹកថ្ងៃទី ២ ខែសីហា នេះ សិស្សម្នាក់ៗបង្ហាញនូវស្នាមញញឹម។ ស្នាមញញឹម ពោពេញដោយការពេញចិត្ត និងការសាទរចំពោះគម្រោងព្រែកជីកហ្វូនណនតេជោ។ ពួកគេលើកឡើងដែរថា ថ្ងៃបើកការដ្ឋានសាងសង់ ថ្ងៃទី ៥ ខែសីហា ពួកគេនឹងមកជួបជុំគ្នានៅសាលារៀន ចូលរួមជាសាក្សី និងចូលរួមច្រៀងបទចម្រៀងដែលខំប្រឹងហាត់សម ដើម្បីអបអរសាទរ សម្រាប់ជាតិទាំងមូល។សូមបញ្ជាក់ថា គម្រោងព្រែកជីកហ្វូណនតេជោឆ្លងកាត់ខេត្តកណ្ដាល តាកែវ កំពត និងខេត្តកែប ដោយមានទីតាំងចាប់ពីព្រែកតាកែវ ឆ្លងកាត់ព្រែកតាឯក ចូលតាមព្រែកតាហ៊ីង និងបន្តរហូតដល់សមុទ្រខេត្តកែប។ ព្រែកជីកនេះ មានទទឹងខាងលើ ១០០ម៉ែត្រ ទទឹងខាងក្រោម ៨០ម៉ែត្រ និងជម្រៅ ៥,៤ម៉ែត្រ។ ព្រែកជីកហ្វូណនតេជោ នេះមានសន្ទះផ្លូវនាវាចរណ៍មាន ៣កន្លែង ស្ពាន ១១កន្លែង ផ្លូវអមសងខាងប្រវែងសរុបប្រមាណ ២០៨គីឡូម៉ែត្រ។ ព្រែកជីកហ្វូណន នឹងក្លាយជាប្រព័ន្ធដឹកជញ្ជូនថ្មី ដ៏សំខាន់ សម្រាប់កម្ពុជា ក្នុងការដឹកជញ្ជូនទំនិញចេញ ចូល រវាងកម្ពុជា និងប្រទេសដទៃ៕ អត្ថបទ៖ គឹម ហុក

ម៉ូតូបុកគ្នាលើផ្លូវមាត់ព្រែកកំពតបណ្តាលឲ្យស្លាប់៣នាក់ និងរបួស១នាក់

កំពត៖ មនុស្សប្រុសស្រី៣នាក់បានស្លាប់ និងម្នាក់ទៀតរងរបួស បន្ទាប់ពីម៉ូតូបុកគ្នាពេញទំហឹង កាលពីវេលាទៀបភ្លឺថ្ងៃទី២ ខែសីហា ឆ្នាំ២០២៤។ ហេតុការណ៍នេះ បានកើតឡើងនៅលើកំណាត់ផ្លូវមាត់ព្រែកក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត។សមត្ថកិច្ច បានប្រាប់ឲ្យដឹងថា ជនរងគ្រោះដែលបានបាត់បង់ជីវិតក្នុងហេតុការណ៍ខាងលើគឺ ១. ឈ្មោះ ស៊ូ ចិន្តា ភេទស្រី អាយុ ១៦ឆ្នាំ មានទីលំនៅភូមិពកតាមុំ ឃុំសំពងព្រៃ ស្រុកជើងព្រៃ ខេត្តកំពង់ចាម។ ២. ឈ្មោះ គន សិលា ភេទប្រុស អាយុ ១៨ឆ្នាំ។ ៣. ឈ្មោះ សេន រ៉ានុត ភេទប្រុស អាយុ ២០ឆ្នាំ។ ទាំង២នាក់មានទីលំនៅភូមិអូរក្រសារ សង្កាត់អូរក្រសារ ក្រុងកែប ខេត្តកែប។ ចំណែកអ្នករងរបួសឈ្មោះ អេន ឡុងនី ភេទស្រី អាយុ ២០ឆ្នាំ រស់នៅភូមិតាពេជ ឃុំក្រាំងយ៉ូវ ស្រុកស្អាង ខេត្តកណ្តាល។ ប្រភពដដែលបានរៀបរាប់ថា កាលពីវេលាម៉ោង៣ និង៣០នាទីទៀបភ្លឺថ្ងៃទី២ ខែសីហា មានម៉ូតូ២គ្រឿងបើកបរច្រាសទិសគ្នា បានបុកគ្នាពេញទំហឹង។ តាមការបញ្ជាក់មុនកើតហេតុ គេឃើញយុវជនម្នាក់បានជិះម៉ូតូម៉ាកអ៊ិចសេនទ័រ ដោយល្បឿនយ៉ាងលឿននៅលើផ្លូវលេខ៧៣៥ ក្នុងទិសដៅពីត្បូងទៅជើង។ លុះមកដល់ចំណុចក្បែររង្វង់មូលរូបសំណាកត្រីផ្សោត ក្នុងភូមិសុវណ្ណសាគរ សង្កាត់កំពង់កណ្តាល ក៏បានបុកម៉ូតូម៉ាកហុងដា សេ១២៥ មកពីមុខធ្វើដំណើរដោយយុវជន និងយុវតី៣នាក់ពេញទំហឹងបណ្តាលឲ្យដួលដេករដូករណែលពេញផ្លូវតែម្តង។ សមត្ថកិច្ច បានបន្តថា ពេលអ្នកជិតខាងចូលទៅជួយ ស្រាប់តែឃើញយុវជនជាអ្នកបើកម៉ូតូទាំង២នាក់បានស្លាប់ភ្លាមៗ ចំណែកនារីម្នាក់របួសធ្ងន់ និងម្នាក់ទៀតរបួសស្រាល។ ជាអកុសល ពេលកំពុងបញ្ជូនទៅកាន់មន្ទីរពេទ្យ នារីម្នាក់ក៏បានស្លាប់ដោយសារស្ថានភាពរបួសធ្ងន់ធ្ងរពេក៕

បណ្ដាញសង្គម

ព័ត៌មានថ្មីៗ

ការិយាល័យឧតុនិយមអង់គ្លេស៖ អាកាសធាតុក្តៅជាប់កំណត់ត្រាខែឧសភា មិនទាន់អាចចាត់ថ្នាក់ថាជារដូវក្តៅខ្លាំងនោះទេ

ប្រមុខ WHO ព្រមានថា ជម្លោះជំរុញឲ្យវិបត្តិជំងឺ Ebola កាន់តែអាក្រក់ នៅភាគខាងកើតកុងហ្គោ

អ៊ីរ៉ង់៖ សេចក្តីព្រាងកិច្ចព្រមព្រៀងជាមួយអាមេរិក នឹងបើកច្រកសមុទ្រ Hormuz ឡើងវិញ និងបញ្ចប់បិទផ្លូវទឹក

នគរបាលអេស្ប៉ាញសម្រុកចូលទីស្នាក់ការកណ្តាលគណបក្សសង្គមនិយមរបស់លោក Sanchez

ហ្គាណាធ្វើមាតុភូមិនិវត្តន៍ពលរដ្ឋរបស់ខ្លួន ក្រោយការវាយប្រហារប្រឆាំងជនបរទេសនៅអាហ្វ្រិកខាងត្បូង

ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើងប្រារព្ធថ្ងៃដំបូងនៃពិធីបុណ្យ Eid

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

រដ្ឋមន្ត្រីសុខាភិបាល៖ គិលានុបដ្ឋាក និងឆ្មប ត្រូវបង្កើនការផ្តល់សេវាថែទាំដែលមានគុណភាព និងសុវត្ថិភាព

ប្រធានសមាគមកាត់ដេរពីររូប បង្ហាញការគាំទ្រ និងត្រៀមអបអរសាទរការបើកដំណើរការសាងសង់ព្រែកជីកហ្វូណនតេជោ

ក្រសួងវប្បធម៌ បើកសន្និសីទសារព័ត៌មាន មហោស្រពជាតិភាពយន្តខ្នាតខ្លីកម្ពុជា លើកទី៤

គណៈកម្មការទី៣នៃរដ្ឋសភា ចុះស្វែងយល់អំពីវឌ្ឍនភាពការងារ និងបញ្ហានានានៅខេត្តក្រចេះ

រដ្ឋបាលស្រុកមុខកំពូល មិនហាមឃាត់ការទៅបន់ស្រន់នៅទួលព្រះធាតុតែមិនឲ្យយកជាកន្លែងធ្វើអាជីវកម្ម

អាជ្ញាធររាជធានីរៀបចំរួចរាល់ សម្រាប់ពិធីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ

សិស្សវិទ្យាល័យជាស៊ីមសាមគ្គី ហាត់សមបទចម្រៀងត្រៀមថ្ងៃបើកការដ្ឋានព្រែកជីកហ្វូនណនតេជោ

ម៉ូតូបុកគ្នាលើផ្លូវមាត់ព្រែកកំពតបណ្តាលឲ្យស្លាប់៣នាក់ និងរបួស១នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

រដ្ឋមន្ត្រីសុខាភិបាល៖ គិលានុបដ្ឋាក និងឆ្មប ត្រូវបង្កើនការផ្តល់សេវាថែទាំដែលមានគុណភាព និងសុវត្ថិភាព

ប្រធានសមាគមកាត់ដេរពីររូប បង្ហាញការគាំទ្រ និងត្រៀម​អបអរសាទរ​ការបើក​ដំណើរ​ការសាងសង់ព្រែកជីកហ្វូណនតេជោ

ក្រសួងវប្បធម៌ បើកសន្និសីទសារព័ត៌មាន មហោស្រពជាតិភាពយន្តខ្នាតខ្លីកម្ពុជា លើកទី៤

គណៈកម្មការទី៣នៃរដ្ឋសភា ចុះស្វែងយល់អំពីវឌ្ឍនភាពការងារ និងបញ្ហានានានៅខេត្តក្រចេះ

រដ្ឋបាលស្រុកមុខកំពូល មិនហាមឃាត់ការទៅបន់ស្រន់នៅទួលព្រះធាតុ​តែមិនឲ្យ​យកជាកន្លែងធ្វើអាជីវកម្ម

អាជ្ញាធររាជធានីរៀបចំរួចរាល់ សម្រាប់ពិធីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ

សិស្សវិទ្យាល័យជាស៊ីមសាមគ្គី ហាត់សមបទចម្រៀងត្រៀមថ្ងៃបើកការដ្ឋាន​ព្រែកជីកហ្វូនណនតេជោ

ម៉ូតូបុកគ្នាលើផ្លូវមាត់ព្រែកកំពតបណ្តាលឲ្យស្លាប់៣នាក់ និងរបួស១នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានសមាគមកាត់ដេរពីររូប បង្ហាញការគាំទ្រ និងត្រៀមអបអរសាទរការបើកដំណើរការសាងសង់ព្រែកជីកហ្វូណនតេជោ

រដ្ឋបាលស្រុកមុខកំពូល មិនហាមឃាត់ការទៅបន់ស្រន់នៅទួលព្រះធាតុតែមិនឲ្យយកជាកន្លែងធ្វើអាជីវកម្ម

សិស្សវិទ្យាល័យជាស៊ីមសាមគ្គី ហាត់សមបទចម្រៀងត្រៀមថ្ងៃបើកការដ្ឋានព្រែកជីកហ្វូនណនតេជោ