BTV NEWS

ប៉ូលិសកម្ពុជាបញ្ជាក់ពីការចាប់ជនជាតិសាម៉នពីរនាក់បាញ់ប្រហារលើជនជាតិអូស្ត្រាលីពីរនាក់នៅទីក្រុងហូជីមិញ

ចាប់គិតចាប់ពីខែកក្កដាឆ្នាំមុនដល់ពេលនេះសមត្ថកិច្ចបង្ក្រាប Onlin Scams ជាង៤០០ករណី និងបណ្តេញជនបរទេសជិត ២ម៉ឺននាក់ចេញពីកម្ពុជា

មន្រ្តីជាន់ខ្ពស់ក្រសួងកោតសរសើរមន្ទីរអភិវឌ្ឍន៍ជនបទខេត្តកំពង់ឆ្នាំង ថែទាំផ្លូវបានល្អជូនប្រជាពលរដ្ឋ

ឯកឧត្តម គន់ គីម អញ្ជើញចុះសួរសុខទុក្ខសមាជិក អ.ន.ក.តាមខ្នងផ្ទះ ក្នុងខេត្តស្វាយរៀង

ព័ត៌មានជាតិ

ឯកឧត្តម ឌិត ទីណា ណែនាំដល់មន្ត្រីឲ្យរាយការណ៍ព័ត៌មានតួលេខស្ថិតិដំណាំឱ្យច្បាស់លាស់ ដើម្បីប្រសិទ្ធិភាពការងារ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃម្សិលមិញ បានអញ្ជើញចូលរួមកិច្ចប្រជុំពិភាក្សាលើគម្រោងបង្កើតប្រព័ន្ធព័ត៌មានសន្តិសុខស្បៀងអាស៊ាន និងការអភិវឌ្ឍធនធានមនុស្ស ដំណាក់កាលទី៣ នៅទីស្តីការក្រសួង ដើម្បីពិនិត្យ និងតាមដានស្ថានភាពពាក់ព័ន្ធវិស័យកសិកម្ម។ប្រភពក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី១ ខែសីហានេះ បានឲ្យដឹងក្នុងបណ្តាញសង្គមថា ក្នុងកិច្ចប្រជុំនាឱកាសនោះ ឯកឧត្តមរដ្ឋមន្ត្រី បានណែនាំដល់មន្ត្រីជំនាញត្រូវតាមដានវិភាគ ពីតួលេខស្ថិតិនៃប្រភេទដំណាំសំខាន់ៗឱ្យច្បាស់លាស់ រាយការណ៍នូវភាពជាក់ស្តែង និងពិតប្រាកដ ហើយត្រូវអនុវត្តការងារប្រកបដោយការទទួលខុសត្រូវខ្ពស់ និងមានភាពម្ចាស់ការ។ជាមួយគ្នានេះ ឯកឧត្តមរដ្ឋមន្ត្រី បានគូសបញ្ជាក់ដល់អ្នកជំនាញ ត្រូវសិក្សាលម្អិតបន្ថែមទៀត ដើម្បីរៀបចំគម្រោងផែនការមួយច្បាស់លាស់ ព្រមទាំងវាយតម្លៃនូវលទ្ធផល និងផលប៉ះពាល់ផ្សេងៗទាំងលក្ខណៈបច្ចេកទេស និងនយោបាយ ជាពិសេសត្រូវប្រើប្រាស់ថវិកាឱ្យចំគោលដៅ និងមានប្រសិទ្ធភាព និងគ្រប់ជ្រុងជ្រោយមុនធ្វើការអនុវត្តគម្រោងនេះ៕

ឧត្តមសេនីយ៍ឯក ហ៊ុន ម៉ានិត សម្ពោធដាក់ឱ្យប្រើប្រាស់សមិទ្ធផលនានារបស់តំបន់ប្រតិបត្តិការសឹករងព្រះសីហនុ

ព្រះសីហនុ៖ នៅតំបន់ប្រតិបត្តិការសឹករងព្រះសីហនុ ថ្ងៃទី០១ ខែសីហា ឆ្នាំ២០២៤ មានរៀបចំកម្មវិធីសម្ពោធដាក់ឱ្យប្រើប្រាស់អគារទីបញ្ជាការ អគារគិលានដ្ឋាន និងអគារផ្ទះបាយ ព្រមទាំងសមិទ្ធផលនានារបស់តំបន់ប្រតិបត្តិការសឹករងព្រះសីហនុ ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាមេបញ្ជាការរងកងទ័ពជើងគោក តំណាងដ៏ខ្ពង់ខ្ពស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ឯកឧត្តមព្រះរាជអាជ្ញាខេត្តកំពង់ឆ្នាំង បានយកយុទ្ធសាស្ត្រឈ្នះឈ្នះមកប្រើ ដើម្បីឈ្នះទាំងអស់គ្នាក្នុងការដោះស្រាយវិវាទផ្លូវមួយកន្លែងដែលកើតឡើងជិត៩ឆ្នាំមកហើយ

កំពង់ឆ្នាំង៖ ក្នុងការដោះស្រាយទំនាស់ផ្លូវមួយនៅក្នុងឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង នាព្រឹកថ្ងៃទី០១ ខែសីហា ឆ្នាំ២០២៤នេះ ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង បានសំណូមអោយប្រជាជនជាភាគីជម្លោះទាំងអស់ និងមេធាវី ត្រូវរើសយកយុទ្ធសាស្ត្រឈ្នះឈ្នះរបស់សម្តេចតេជោ ហ៊ុន សែន ប្រធានរដ្ឋសភា ទើបអាចទទួលបានលទ្ធផលល្អទាំងអស់គ្នា ដោយឯកឧត្តមមិនចង់ឃើញរឿងក្តីនេះបន្តនៅប្តឹងគ្នារហូតនោះទេ។ ក្នុងការដោះស្រាយនេះ ក៏មានការចូលរួមពីលោកស្រី ភី ស៊ីថង ព្រះរាជអាជ្ញារង ក្រឡាបញ្ជី និងអាជ្ញាស្រុកឃុំភូមិ ភាគីជម្លោះ មេធាវី និងប្រជាជនផងដែរ។ ឯកឧត្តម ឯក ស៊ុនរស្មី បានបន្តថា៖ ទំនាស់ដីផ្លូវនេះ បានកើតឡើងតាំងពីអំឡុងឆ្នាំ២០១៦ ដែលរហូតមកដល់ពេលនេះ មានរយៈពេលជិត៩ឆ្នាំហើយ មិនទាន់មានភាគីខាងណាទទួលបានជោគជ័យឡើយ ។ ការបន្តការប្តឹងផ្តល់គ្នាទៅវិញទៅមកមិនចេះចប់មិនចេះហើយនេះ នាំអោយខាតបង់ពេលវេលា លុយកាក់ ជាពិសេសជាសត្រូវនឹងគ្នាទៀតផង ។ ដោយគោរពតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ដើម្បីអោយរឿងក្តីនេះឆាប់ចប់ និងទទួលបានជោគជ័យ មិនបង្កការខាតបង់ពេលវេលា ទ្រព្យសម្បត្តិនោះទាំងអស់គ្នានោះ ឯកឧត្តមព្រះរាជអាជ្ញាបានសំណូមពរដល់ភាគីទាំងសងខាង រួមនិងមេធាវី សូមបរិច្ចាកដីប្រវែងទទឹង២ម៉ែត្រ បណ្តោយ៣០ម៉ែត្រ ធ្វើជាផ្លូវចេញចូលសម្រាប់ជាប្រយោជន៍ប្រជាជននៅខាងក្រោយជាច្រើនគ្រួសារបានចេញចូលផង ព្រោះភាគីជម្លោះក៏មានដីច្រើនម៉ែត្រទៀតដែរសម្រាប់ប្រើប្រាស់។ ក្រោយពីបានស្តាប់នូវសំណូមពររបស់ឯកឧត្តមព្រះរាជអាជ្ញារួមមក ប្រជាជនជាភាគីទាំងសងខាង បានសុំពេលទៅគិតគ្នាជាមួយគ្រួសារ និងមេធាវីខ្លួនសិន មុននឹងសម្រេចយកយុទ្ធសាស្ត្រឈ្នះៗនេះ៕ កាំង ហុងវាស្នា

មន្ត្រីមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង អបអរសាទរថ្ងៃបើកការដ្ឋាន «ព្រែកជីកហ្វូណនតេជោ» និងប្រកាសគាំទ្រពេញទំហឹង

កំពង់ឆ្នាំង៖ ប្រធានមន្ទីរ និងមន្ត្រីនៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង នៅថ្ងៃទី០១ ខែសីហា ឆ្នាំ២០២៤នេះ បានរួមគ្នាប្រកាសអបអរសាទរថ្ងៃបើកការដ្ឋាន «ព្រែកជីកហ្វូណនតេជោ» និងគាំទ្រពេញទំហឹងចំពោះសមិទ្ធិផលជាប្រវត្តិសាស្ត្ររបស់កម្ពុជា ។ «គម្រោងព្រែកជីកហ្វូណនតេជោ» គឺពួកគាត់មើលឃើញយ៉ាងច្បាស់ថា គម្រោងព្រែកជីកនេះនឹងផ្ដល់ផលប្រយោជន៍យ៉ាងច្រើនសន្ធឹកសន្ធាប់ដល់សង្គមជាតិ សេដ្ឋកិច្ចរបស់ប្រជាជន និងប្រទេសកម្ពុជាទាំងមូល។ប្រធានមន្ទីរ និងមន្ត្រីនៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង បានបន្តថា៖ ការអនុវត្តគម្រោងព្រែកជីកហ្វូណន-តេជោ ជាព្រែកជីកប្រវត្តិសាស្ត្រលើកទី១នៅកម្ពុជា ដែលជាគំនិតផ្តួចផ្តើមរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភានៃព្រះរាជាណាចក្រកម្ពុជា ហើយបច្ចុប្បន្នសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបន្តស្នាដៃ និងជំរុញបន្ថែមក្នុងការអភិវឌ្ឍគម្រោងព្រែកជីកហ្វូណន-តេជោនេះឲ្យសម្រេចបាននាពេលខាងមុខ ហើយគម្រោងបើកការដ្ឋានសាងសង់នឹងចាប់ផ្តើមនៅថ្ងៃទី០៥ ខែសីហា ឆ្នាំ២០២៤ខាងមុខនេះ។ ប្រធាន និងមន្ត្រីមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង បានបង្ហាញការជឿជាក់ចំពោះការដឹកនាំរបស់រាជរដ្ឋាភិបាលចាប់តាំងពីអាណត្តិមុនៗក្រោមការដឹកនាំដោយសម្ដេចតេជោ ហ៊ុន សែន អតីតនាយករដ្ឋមន្រ្ដី និងអាណត្តិទី៧នេះក្រោមការដឹកនាំដោយសម្ដេចធិបតី ហ៊ុន ម៉ាណែត ជានាយករដ្ឋមន្រ្ដី និងធ្វើឱ្យគម្រោងព្រែកជីក ហ្វូណនតេជោ នេះក្លាយជាផលប្រយោជន៍ជាប្រវត្តិសាស្រ្ដសម្រាប់ប្រជាជន និងប្រទេសកម្ពុជាបន្ថែមទៀត។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រជាជន និងប្រទេសកម្ពុជា ជាពិសេសវិស័យដឹកជញ្ជូន ដូចជាកាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាតផ្លូវថ្នល់ ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ និងការវិនិយោគផ្សេងៗ ៕ កាំង ហុងវាស្នា

រាជរដ្ឋាភិបាល អនុញ្ញាតឱ្យឈប់សម្រាក១ថ្ងៃ អបអរសាទរថ្ងៃបើកការដ្ឋានសាងសង់ ព្រែកជីកហ្វូណនតេជោជាផ្លូវការ

រាជរដ្ឋាភិបាលបានប្រកាសថ្ងៃទី៥ ខែសីហា ឆ្នាំ២០២៤ ជាថ្ងៃអបអរសាទរផ្លូវការនៃការបើកការដ្ឋាន សាងសង់ព្រែកជីកហ្វូណនតេជោ ដែលជាគម្រោងផ្តល់ផលប្រយោជន៍ដ៏មហាសាលដល់សង្គម-សេដ្ឋកិច្ចកម្ពុជា តាមរយៈសារាចរលេខ១០ សរ ចុះថ្ងៃទី៥ ខែកក្កដា ឆ្នាំ២០២៤។ ដើម្បីឱ្យជនរួមជាតិខ្មែរគ្រប់រូបមានលទ្ធភាព ចូលរួមអបអរសាទរ ប្រកបដោយបរិយាកាសអធិកអធម កុះករ ក្លៀវក្លា និងជាទីមោទនៈ នាឱកាសដ៏ថ្លៃថ្លានិង ជាព្រឹត្តិការណ៍ប្រវត្តិសាស្ត្ររបស់ព្រះរាជាណាចក្រកម្ពុជា ក្នុងស្មារតី «គម្រោងរបស់ខ្មែរទាំងអស់គ្នា ដោយខ្មែរ និងដើម្បីខ្មែរគ្រប់រូប» រាជរដ្ឋាភិបាល សូមធ្វើការណែនាំដូចតទៅ៖១- អនុញ្ញាតឱ្យមន្ត្រីរាជការ បុគ្គលិក កម្មករ និយោជិត និងសិស្ស និស្សិត ឈប់សម្រាកចំនួន១ (មួយ)ថ្ងៃ គឺនៅថ្ងៃទី៥ ខែសីហា ឆ្នាំ២០២៤ បន្ទាប់ពីការចូលរួមអបអរសាទរការបើកការដ្ឋានសាងសង់ ព្រែកជីកហ្វូណនតេជោជាផ្លូវការ នៅតាមក្រសួង ស្ថាប័ន អង្គភាព គ្រឹះស្ថានសាធារណៈនិងឯកជន រោងចក្រ និងសហគ្រាសនីមួយៗ។២- ការឈប់សម្រាកនៅថ្ងៃទី៥ ខែសីហា ឆ្នាំ២០២៤ របស់បុគ្គលិក និងកម្មករ និយោជិត ត្រូវទទួល បានប្រាក់ឈ្នួល។ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ ត្រូវធ្វើសេចក្តីណែនាំដល់ រោងចក្រ សហគ្រាស គ្រឹះស្ថាន អំពីការឈប់សម្រាកដោយមានប្រាក់ឈ្នួលនេះ ដែលស្ថិតនៅ ក្រោមច្បាប់ស្តីពីការងារនិងលិខិតបទដ្ឋានគតិយុត្តជាធរមាន។៣- រដ្ឋមន្ត្រីក្រសួងអប់រំ យុវជន និងកីឡា ត្រូវធ្វើសេចក្តីណែនាំដល់គ្រប់គ្រឹះស្ថានអប់រំសាធារណៈ និងឯកជនអំពីការឈប់សម្រាកនេះ៕

កងទ័ពប្តេជ្ញាការពារសមិទ្ធផលព្រែកជីកហ្វូណនតេជោដើម្បីជាប្រយោជន៍ដល់យុវជនជំនាន់ក្រោយ

កងទ័ពនៃកងពលតូចលេខ៧០ បានប្តេជ្ញាចិត្តការពារសមិទ្ធផលព្រែកជីកហ្វូណនតេជោ ដែលជា គម្រោងប្រវត្តិសាស្រ្តដើម្បីជាផលប្រយោជន៍ដល់យុវជនជំនាន់ក្រោយ។ ខណៈពិធីបើកការដ្ឋានគម្រោងព្រែកជីកហ្វូណនតេជោនៅសល់រយៈពេល៤ថ្ងៃទៀតប៉ុណ្ណោះ ក្រសួង-ស្ថាប័ន និងប្រជាពលរដ្ឋគ្រប់មជ្ឈដ្ឋានកាន់តែបន្តនាំគ្នាគាំទ្រយ៉ាងផុសផុលលើគម្រោង ព្រែកជីកហ្វូណនតេជោ។ ក្នុងនោះ មាននាយទាហាន និងពលទាហាននៃកងពលតូចលេខ៧០ បានប្រាប់BTVឱ្យដឹងនៅថ្ងៃទី១ ខែសីហា ឆ្នាំ២០២៤ថា ពួកគាត់ពិតជាពេញចិត្ត និងគាំទ្រដល់គំនិតផ្តួតផ្តើមរបស់សម្តេចតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា ក្នុងការដាក់ចេញនូវគម្រោង ព្រមទាំងបន្តជំរុញដោយសម្តេចបវរធិបតី ហ៊ុន ម៉ាណែត នាយករដ្ឋមន្រ្តី ដែលធ្វើយ៉ាងជ្រោមជ្រែងឱ្យគម្រោងដ៏មានសារៈសំខាន់នេះចាប់ផ្តើមដំណើរការតាមរយៈពិធីបើកការដ្ឋាននាពេលដ៏ខ្លីខាងមុខ។ក្នុងន័យនេះ នាយទាហាន និងពលទាហាននៃកងពលតូចលេខ៧០ បានប្រកាសប្តេជ្ញាចិត្តយ៉ាងមុតមាំ ក្នុងការការពារសមិទ្ធផលដែលចាប់ផ្តើមដំណើរការរហូតចេញជាលទ្ធផល ដើម្បីធានាបាននូវឧត្តមប្រយោជន៍យូរអង្វែងដល់ប្រជាជន និងយុវជនជំនាន់ក្រោយ។សូមជម្រាបថា គម្រោងព្រែកជីកហ្វូណនតេជោត្រូវបានកំណត់ពិធីបើកការដ្ឋាននៅថ្ងៃទី៥ ខែសីហា ឆ្នាំ២០២៤ខាងមុខនេះ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី។ គម្រោងនេះត្រូវបានមជ្ឈដ្ឋានក្នុង និងក្រៅប្រទេសបន្តគាំទ្រយ៉ាងពេញទំហឹង ដើម្បីឱ្យគម្រោងនេះក្លាយជាផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ ដោយតភ្ជាប់ផ្លូវទឹករវាងទន្លេទៅកាន់សមុទ្រកម្ពុជា ដោយឆ្លងកាត់ខេត្តចំនួន៤ រួមមាន៖ ខេត្តកណ្តាល តាកែវ កំពត និងខេត្តកែបខណៈគម្រោងគ្រោងចំណាយទុនសាងសង់ប្រមាណ ១,៧០០លានដុល្លារអាមេរិក៕ អត្ថបទ សេក ឧត្តម

បណ្តាកីឡាករគុនខ្មែរហ្វឹកហាត់ត្រៀមប្រកួតគុនខ្មែរជាតិអន្តរជាតិអបអរបើកការដ្ឋានព្រែកជីកហ្វូណនតេជោ

ដើម្បីចូលរួមអបអរសាទរ ថ្ងៃប្រវត្តិសាស្ត្រកម្ពុជា បើកការដ្ឋានអនុវត្តគម្រោងសាងសង់ព្រែកជីកហ្វូណនតេជោ នាថ្ងៃទី០៥ ខែសីហា ឆ្នាំ២០២៤ រដ្ឋបាលខេត្តកណ្តាលនឹងរៀបចំព្រឹត្តិការណ៍ប្រគំតន្ត្រីខ្នាតធំ និងការប្រកួតកីឡាគុនខ្មែរ ជាតិ អន្តរជាតិ នៅសួនមាត់ទន្លេបាសាក់ក្រុងតាខ្មៅ។ នៅក្នុងដំណើរត្រៀមប្រកួតកីឡាគុនខ្មែរនេះដែរ បណ្តាកីឡាប្រដាល់គុនខ្មែរអន្តរជាតិ បានខំប្រឹងហ្វឹកហាត់ប្តេជ្ញាយកជ័យជំនះលើគូប្រកួត។បណ្តាក្រុមអ្នកប្រដាល់គុនខ្មែរ ថ្លែងប្រាប់BTV នៅថ្ងៃទី១ ខែសីហានេះ ថា នៅសល់ប្រមាណតែ៤ថ្ងៃទៀតប៉ុណ្ណោះ ការប្រកួតប្រដាល់តេជះគុនខ្មែរKKIF និងសម្ដែងយុទ្ធក្រមខម គុនល្បុក្កតោ អបអរសាទរថ្ងៃបើកការដ្ឋានជីកព្រែកជីកហ្វូណនតេជោ នឹងឈានចូលមកដល់។ ក្នុងអំឡុងពេលដែរ បណ្តាក្រុមកីឡាដែលមានឈ្មោះត្រូវឡើងប្រកួតគុនខ្មែរលក្ខណៈមិត្តភាព ប្រកួតដណ្តើមខ្សែក្រវ៉ាត់ និងកីឡាករប្រកួតលក្ខណៈអន្តរជាតិ គឺបានកំពុងខំប្រឹងហ្វឹកហាត់ ដើម្បីឡើងប្រកួតយកជ័យជំនះ និងអបអរសាទរការបើកការដ្ឋានជីកព្រែកជីហ្វូណនតេជោ នៅថ្ងៃទី៥ ខែសីហានេះ។បើតាមលោក ស្រី សុបុត្រ អ្នកគ្រប់គ្រងក្លិបប្រដាល់គុនខ្មែរអន្តរជាតិ KKIF ថ្លែងថា នៅក្នុងដំណើរការប្រកួតកីឡាប្រដាល់គុនខ្មែរ អបអរសាទរថ្ងៃបើកការដ្ឋានជីកព្រែកជីកហ្វូណនតេជោនោះ គឺមានការៀបចំការប្រកួតកីឡាប្រដាល់គុនខ្មែរលក្ខណៈមិត្តភាព ប្រកួតដណ្តើមខ្សែរក្រវ៉ាត់ និងកីឡាករប្រកួតលក្ខណៈអន្តរជាតិចំនួន៩គូ ហើយការប្រកួតគឺចាប់ពីម៉ោង ៣រសៀលទៅ នៅសួនច្បារមាត់ទន្លេបាសាក់ក្រុងតាខ្មៅ។សូមបញ្ជាក់ថា នៅក្នុងដំណើររៀបចំព្រឹត្តិការណ៍ប្រគំតន្ត្រីខ្នាតធំ និងការប្រកួតកីឡាប្រដាល់គុនខ្មែរជាតិ អន្តរជាតិ នៅសួនមាត់ទន្លេបាសាក់ក្រុងតាខ្មៅ គឺមានបំណងសំខាន់បើកឱកាសឲ្យមហាជនទូទៅដែលមានស្មារតីជាតិនិយម ចូលរួមសម្តែងមតិគាំទ្រ និងអបអរសាទរថ្ងៃជាប្រវត្តិសាស្ត្ររបស់ប្រទេសកម្ពុជា ការដ្ឋានជីកព្រែកជីកហ្វូណនតេជោជាផ្លូវការនៅថ្ងៃទី៥ ខែសីហានោះទាំងអស់គ្នា៕ អត្ថបទ ស៊ុម សុខជា

ក្រុមការងារចុះមូលដ្ឋានស្រុកព្រះស្តេច៖ សិស្សានុសិស្សត្រូវពង្រឹងសមត្ថភាពបន្ថែមលើការប្រើប្រាស់បច្ចេកវិទ្យាឱ្យកាន់តែស៊ីជម្រៅ

នៅព្រឹកថ្ងៃទី០១ ខែសីហា ឆ្នាំ២០២៤នេះ លោកស្រី ហ៊ឺ ផានិន អគ្គនាយករងអាជីវកម្ម ប្រតិបត្តិការផែ តំណាងឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកកំពង់ផែស្វយ័តភ្នំពេញ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រះស្តេច បានអនុញ្ញាតឱ្យលោកស្រីនាំយកនូវម៉ាស៊ីនកុំព្យូទ័រលើតុចំនួន២០គ្រឿង រួមនឹងសំភារៈអនុស្សាវរីយ៍ទៅឧបត្ថម្ភ ដល់លោកគ្រូ អ្នកគ្រូនិងសិស្សានុសិស្ស នៅវិទ្យាល័យតាគោក ស្រុកព្រះស្តេច ខេត្តព្រៃវែង ដើម្បីចូលរួមចំណែកជួយ ជំរុញការបណ្តុះបណ្តាលដល់សិស្សានុសិស្សនៅលើមុខវិជ្ជា ព័ត៌មានវិទ្យា។លោកស្រី ហ៊ឺ ផានិន មានប្រសាសន៍ថា៖ កម្មវិធីប្រគល់ទទួលកុំព្យូទ័រលើតុចំនួន ២០គ្រឿង ជូនវិទ្យាល័យ ហ៊ុន សែន តាគោកនេះ សម្រាប់បំពាក់នៅក្នុងបន្ទប់បណ្តុះបណ្តាលកុំព្យូទ័រក្នុងវិទ្យាល័យ ដើម្បីធ្វើការបណ្តុះបណ្តាលដល់សិស្សានុសិស្សលើមុខវិជ្ជាព័ត៌មានវិទ្យាឲ្យស្របតាមគោលដៅជាវិទ្យាល័យស្តង់ដារមធ្យមសិក្សាឆ្នាំ២០២៤។ លោកស្រី ហ៊ឺ ផានិន បានកោតសរសើរ និងវាយតម្លៃខ្ពស់ដល់គណៈគ្រប់គ្រង លោកគ្រូ អ្នកគ្រូដែលបានខិតខំប្រឹងប្រែងអស់ពីកម្លាំងកាយចិត្ត និងយកចិត្តទុកដាក់ ក្នុងការអប់រំនិងបណ្តុះបណ្តាលដល់សិស្សានុសិស្ស ប្រកបដោយការទទួលខុសត្រូវនិងទទួលបានលទ្ធផលល្អប្រសើរជារៀងរាល់ឆ្នាំ។បន្ថែមលើនេះលោកស្រីគូសបញ្ជាក់ថា ការបណ្តុះបណ្តាលបង្កើនសមត្ថភាពធនធានមនុស្សផ្នែកបច្ចេកវិទ្យា និងឌីជីថល គឺជាកត្តាចាំបាច់ ដើម្បីចូលរួមគាំទ្រផែនការយុទ្ធសាស្ត្រក្នុងការអភិវឌ្ឍសេដ្ឋកិច្ចរបស់រាជរដ្ឋាភិបាល។លោកស្រីលើកឡើងថា ជាការពិត,ការជំរុញដល់ការអប់រំលើផ្នែកបច្ចេកវិទ្យា និងឌីជីថល ពិតជាមានសារៈសំខាន់ដែលយើងទាំងអស់គ្នា ត្រូវចូលរួមសិក្សាស្វែងយល់ និងបង្កើនសមត្ថភាពឱ្យកាន់តែប្រសើរឡើង ស្របតាមការផ្លាស់ប្តូរនៃបរិយាកាសសង្គម-សេដ្ឋកិច្ច និងបច្ចេកវិទ្យា ព័ត៌មានវិទ្យា ។ ហេតុដូចនេះ ដើម្បីចូលរួមជាមួយរាជរដ្ឋាភិបាល និងលោគ្រូ អ្នកគ្រូ ទាំងអស់ នៃវិទ្យាល័យ ហ៊ុន សែន តាគោក, ថ្នាក់ដឹកនាំ និងក្រុមការងាររាជរដ្ឋាភិបាលចុះមូលដ្ឋាន ស្រុកព្រះស្តេច ក៏បានយកចិត្តទុកដាក់ខ្ពស់ ដល់សិស្សានុសិស្សទាំងអស់ តាមរយៈការផ្តល់ ជូននូវកុំព្យូទ័រ និងឧបករណ៍បច្ចេកវិទ្យាមួយចំនួនសម្រាប់ផ្គត់ផ្គង់ដល់វិទ្យាល័យ ក៏ដូចជាការចូលរួមផ្តល់ឱកាសដល់សិស្សានុសិស្សទាំងអស់បានប្រើប្រាស់កុំព្យូទ័រទាំងនេះ ដើម្បីជាមធ្យោបាយសិក្សារៀនបន្ថែមអំពីបច្ចេកវិទ្យា-ឌីជីថលឱ្យកាន់តែមានប្រសិទ្ធភាពខ្ពស់ និងដើម្បីក្លាយខ្លួនជាធនធានដ៏មានគុណភាពខ្ពស់ដើម្បីប្រណាំងប្រជែងនៅក្នុងតំបន់ និង បង្កើតវិស័យសេដ្ឋកិច្ចថ្មីៗ ដូចជាអេឡិចត្រូនិចកសិឧស្សាហកម្មឡូជីស្លឹកនៅក្នុងយុគឌីជីថល នាពេលអនាគតផងដែរ។ឆ្លៀតយកឱកាសនេះ លោកស្រីបានអំពាវនាវដល់សិស្សានុសិស្សទាំងអស់ សូមយកចិត្តទុកដាក់ខ្ពស់ក្នុងការសិក្សារៀនសូត្រ ព្រមទាំងព្យាយាមពង្រឹងសមត្ថភាពបន្ថែមលើការ ប្រើប្រាស់បច្ចេកវិទ្យាឱ្យកាន់តែស៊ីជម្រៅ ដើម្បីក្លាយខ្លួនជាធនធានមនុស្សដ៏មានសារៈសំខាន់ សម្រាប់ការចូលរួមអភិវឌ្ឍសង្គម និងសេដ្ឋកិច្ចកម្ពុជា ក្នុងយុគសម័យឌីជីថល សំដៅឈានឆ្ពោះ ទៅសម្រេចបាននូវចក្ខុវិស័យកម្ពុជា ឆ្នាំ២០៣០ ក្លាយជាប្រទេសដែលមានចំណូលមធ្យម កម្រិតខ្ពស់ និងចក្ខុវិស័យកម្ពុជាឆ្នាំ២០៥០ ក្លាយជាប្រទេសដែលមានចំណូលខ្ពស់៕ អត្ថបទ៖ មុត សុទ្ធ

សម្ដេចធិបតី ហ៊ុន ម៉ាណែត បង្ហាញវីដេអូចុះសួរសុខទុក្ខពលរដ្ឋម្នាក់កំពុងបង់សំណាញ់តាមបណ្ដោយផ្លូវជាប់ព្រំដែន

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី១ ខែសីហា ឆ្នាំ២០២៤នេះ បានបង្ហោះវីដេអូខ្លីមួយបង្ហាញពីការចុះសួរសុខទុក្ខពលរដ្ឋម្នាក់ដែលកំពុងបង់ត្រីនៅតាមបណ្ដោយផ្លូវជាប់ព្រំដែន កំឡុងពេលសម្ដេចអញ្ជើញចុះទៅពិនិត្យការស្ថាបនាផ្លូវជាប់ព្រំដែន ក្នុងភូមិសាស្ត្រខេត្តក្រចេះ និងមណ្ឌលគិរី កាលពីថ្ងៃទី៣០ ខែកក្កដា ឆ្នាំ២០២៤កន្លងទៅ។សម្ដេចធិបតី ហ៊ុន ម៉ាណែតបញ្ជាក់ថា សម្ដេចបានចុះសួរប្អូនប្រុសម្នាក់ដែលកំពុងបង់ត្រីតាមបណ្ដោយផ្លូវជាប់ព្រំដែននោះថា គាត់ធ្វើការងារអ្វីរាល់ថ្ងៃក្រៅពីរកត្រី?។ ចម្លើយនោះគឺ គាត់មានចម្ការកៅស៊ូទំហំ ១ហិកតាដែលគាត់បានដាំ ៨ឆ្នាំ (បានចៀរជ័រ៣ឆ្នាំហើយ) និង១ហិកតាទៀតដាំស្វាយចន្ទី។ គាត់ប្រើយុទ្ធសាស្ត្រពិពិធកម្មសេដ្ឋកិច្ច ដោយដាំទាំងកៅស៊ូ និងស្វាយចន្ទី ករណីមួយធ្លាក់ថ្លៃនៅឆ្នាំខ្លះ អាចមានមួយទៀតនៅទប់។សម្ដេចធិបតី ហ៊ុន ម៉ាណែតបានលើកឡើងយ៉ាងដូច្នេះថា «ខ្ញុំបានសួរប្អូនប្រុសម្នាក់ដែលកំពុងបង់ត្រីនៅតាមបណ្ដោយផ្លូវជាប់ព្រំដែនដែលរាជរដ្ឋាភិបាលបានធ្វើ ថាគាត់ធ្វើការងារអ្វីរាល់ថ្ងៃក្រៅពីរកត្រី? គាត់ថាគាត់មានចម្ការកៅស៊ូទំហំ១ហិចតាដែលគាត់បានដាំ ៨ឆ្នាំ (បានចៀរជ័រ៣ឆ្នាំហើយ) និង១ហិចតាទៀតដាំស្វាយចន្ទី។ ឆ្នាំនេះកៅស៊ូបានឡើងថ្លៃល្អហើយគាត់សប្បាយចិត្ត។ ប្អូនប្រុសម្នាក់នេះគាត់ប្រើយុទ្ធសាស្ត្រពិពិធកម្មសេដ្ឋកិច្ច ដោយដាំទាំងកៅស៊ូ និងស្វាយចន្ទី ករណីមួយធ្លាក់ថ្លៃនៅឆ្នាំខ្លះ អាចមានមួយទៀតនៅទប់។ ប៉ុន្តែឆ្នាំនេះ និងឆ្នាំកន្លងទៅ ទាំងកៅស៊ូ និងស្វាយចន្ទីបានតម្លៃល្អ ដែលកាន់តែល្អសម្រាប់គាត់។»

សម្ដេចធិបតី៖ រដ្ឋាភិបាលកំពុងរៀបចំស្នើភាគីចិនបង្កើតមជ្ឈមណ្ឌលសហគ្រិនស្ត្រីមេគង្គ-ឡានឆាង

ដើម្បីដឹកនាំការអនុវត្តការផ្តល់សិទ្ធិអំណាចដល់ស្ត្រីនៅកម្ពុជា ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់បើកវេទិកាស្ត្រីជាសហគ្រិន និងរង្វាន់សហគ្រិនអាស៊ានឆ្នាំ២០២៤ នៅព្រឹកថ្ងៃទី១ ខែសីហានេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា បច្ចុប្បន្ននេះ រាជរដ្ឋាភិបាលកំពុងរៀបចំស្នើភាគីចិនបង្កើតមជ្ឈមណ្ឌលសហគ្រិនភាពស្ត្រីមេគង្គ-ឡានឆាង។ សម្ដេចធិបតី នាយករដ្ឋមន្រ្ដីបានថ្លែងថា ដើម្បីដឹកនាំការអនុវត្តការផ្តល់សិទ្ធិអំណាចដល់ស្ត្រីនៅកម្ពុជា រាជរដ្ឋាភិបាលក៏បានដាក់ចេញនូវផែនការ នារីរតនៈទី ៦ ដែលជាផែនការយុទ្ធសាស្ត្រ ដើម្បីលើកកម្ពស់សមភាពយេនឌ័រ និងការបង្កើនភាពអង់អាចដល់ស្ត្រី និងក្មេងស្រី ផែនការយុទ្ធសាស្ត្រក្នុងដំណាក់កាលនីមួយៗ ត្រូវបានរៀបចំឡើង ដោយឈរលើវឌ្ឍនភាពនៃផែនការយុទ្ធសាស្ត្រលើកមុនៗ និងស្របតាមច្បាប់, គោលនយោបាយជាតិ, ការកែទម្រង់របស់រាជរដ្ឋាភិបាល និងរបៀបវារៈឆ្នាំ ២០៣០ សម្រាប់គោលដៅអភិវឌ្ឍន៍ប្រកបដោយចីរភាព ឈរលើគោលការណ៍មិនបោះបង់ពលរដ្ឋណាម្នាក់។ក្នុងឱកាសនេះ សម្តេចធិបតីនាយករដ្ឋមន្រ្ដី បានបញ្ជាក់ថា រាជរដ្ឋាភិបាលកម្ពុជា ក៏ដូចជាសម្តេចផ្ទាល់ មានចក្ខុវិស័យវែងឆ្ងាយ សម្រាប់ការពង្រឹងភាពអង់អាចរបស់ស្ត្រី ហើយកម្ពុជាមានការប្ដេជ្ញាចិត្តពេញលេញ ក្នុងការសម្រេចឱ្យបានសម្រេចនូវចក្ខុវិស័យនេះ។ សម្ដេចបញ្ជាក់ថា កម្ពុជាមានក្មេងស្រីក្លាហាន ប្រកបដោយមហិច្ឆតាខ្ពស់ ដោយមានទំនុកចិត្តថាពួកគេអាចទទួលបានការគាំទ្រ និងធនធានចាំបាច់ ដើម្បីប្រែក្លាយសុបិនរបស់ពួកគឱ្យទៅជាការពិត។ សម្តេចប្រមើលឃើញកម្ពុជា ជាគំរូដ៏ភ្លឺស្វាងនៃសមភាពយេនឌ័រ និងជា និមិត្តរូបនៃក្តីសង្ឃឹមសម្រាប់សហគមន៍អាស៊ានទាំងមូលផងដែរ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ការិយាល័យឧតុនិយមអង់គ្លេស៖ អាកាសធាតុក្តៅជាប់កំណត់ត្រាខែឧសភា មិនទាន់អាចចាត់ថ្នាក់ថាជារដូវក្តៅខ្លាំងនោះទេ

ប្រមុខ WHO ព្រមានថា ជម្លោះជំរុញឲ្យវិបត្តិជំងឺ Ebola កាន់តែអាក្រក់ នៅភាគខាងកើតកុងហ្គោ

អ៊ីរ៉ង់៖ សេចក្តីព្រាងកិច្ចព្រមព្រៀងជាមួយអាមេរិក នឹងបើកច្រកសមុទ្រ Hormuz ឡើងវិញ និងបញ្ចប់បិទផ្លូវទឹក

នគរបាលអេស្ប៉ាញសម្រុកចូលទីស្នាក់ការកណ្តាលគណបក្សសង្គមនិយមរបស់លោក Sanchez

ហ្គាណាធ្វើមាតុភូមិនិវត្តន៍ពលរដ្ឋរបស់ខ្លួន ក្រោយការវាយប្រហារប្រឆាំងជនបរទេសនៅអាហ្វ្រិកខាងត្បូង

ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើងប្រារព្ធថ្ងៃដំបូងនៃពិធីបុណ្យ Eid

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ឧត្តមសេនីយ៍ឯក ហ៊ុន ម៉ានិត សម្ពោធដាក់ឱ្យប្រើប្រាស់សមិទ្ធផលនានារបស់តំបន់ប្រតិបត្តិការសឹករងព្រះសីហនុ

រាជរដ្ឋាភិបាល អនុញ្ញាតឱ្យឈប់សម្រាក១ថ្ងៃ អបអរសាទរថ្ងៃបើកការដ្ឋានសាងសង់ ព្រែកជីកហ្វូណនតេជោជាផ្លូវការ

កងទ័ពប្តេជ្ញាការពារសមិទ្ធផលព្រែកជីកហ្វូណនតេជោដើម្បីជាប្រយោជន៍ដល់យុវជនជំនាន់ក្រោយ

បណ្តាកីឡាករគុនខ្មែរហ្វឹកហាត់ត្រៀមប្រកួតគុនខ្មែរជាតិអន្តរជាតិអបអរបើកការដ្ឋានព្រែកជីកហ្វូណនតេជោ

សម្ដេចធិបតី ហ៊ុន ម៉ាណែត បង្ហាញវីដេអូចុះសួរសុខទុក្ខពលរដ្ឋម្នាក់កំពុងបង់សំណាញ់តាមបណ្ដោយផ្លូវជាប់ព្រំដែន

សម្ដេចធិបតី៖ រដ្ឋាភិបាលកំពុងរៀបចំស្នើភាគីចិនបង្កើតមជ្ឈមណ្ឌលសហគ្រិនស្ត្រីមេគង្គ-ឡានឆាង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ឧត្តមសេនីយ៍ឯក ហ៊ុន ម៉ានិត សម្ពោធដាក់ឱ្យប្រើប្រាស់សមិទ្ធផលនានា​របស់តំបន់​ប្រតិបត្តិការសឹករងព្រះសីហនុ

រាជរដ្ឋាភិបាល អនុញ្ញាតឱ្យឈប់សម្រាក១ថ្ងៃ អបអរសាទរ​ថ្ងៃបើកការដ្ឋានសាងសង់ ព្រែកជីកហ្វូណនតេជោជាផ្លូវការ

កងទ័ពប្តេជ្ញាការពារសមិទ្ធផលព្រែកជីកហ្វូណនតេជោដើម្បីជាប្រយោជន៍ដល់យុវជនជំនាន់ក្រោយ

បណ្តាកីឡាករគុនខ្មែរហ្វឹកហាត់ត្រៀមប្រកួតគុនខ្មែរជាតិអន្តរជាតិអបអរបើកការដ្ឋានព្រែកជីកហ្វូណនតេជោ

សម្ដេចធិបតី ហ៊ុន ម៉ាណែត បង្ហាញវីដេអូចុះសួរសុខទុក្ខពលរដ្ឋម្នាក់កំពុងបង់សំណាញ់តាមបណ្ដោយផ្លូវជាប់ព្រំដែន

សម្ដេចធិបតី៖ រដ្ឋាភិបាលកំពុងរៀបចំស្នើភាគីចិនបង្កើតមជ្ឈមណ្ឌលសហគ្រិនស្ត្រីមេគង្គ-ឡានឆាង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឧត្តមសេនីយ៍ឯក ហ៊ុន ម៉ានិត សម្ពោធដាក់ឱ្យប្រើប្រាស់សមិទ្ធផលនានារបស់តំបន់ប្រតិបត្តិការសឹករងព្រះសីហនុ

រាជរដ្ឋាភិបាល អនុញ្ញាតឱ្យឈប់សម្រាក១ថ្ងៃ អបអរសាទរថ្ងៃបើកការដ្ឋានសាងសង់ ព្រែកជីកហ្វូណនតេជោជាផ្លូវការ