BTV NEWS

ប៉ូលិសកម្ពុជាបញ្ជាក់ពីការចាប់ជនជាតិសាម៉នពីរនាក់បាញ់ប្រហារលើជនជាតិអូស្ត្រាលីពីរនាក់នៅទីក្រុងហូជីមិញ

ចាប់គិតចាប់ពីខែកក្កដាឆ្នាំមុនដល់ពេលនេះសមត្ថកិច្ចបង្ក្រាប Onlin Scams ជាង៤០០ករណី និងបណ្តេញជនបរទេសជិត ២ម៉ឺននាក់ចេញពីកម្ពុជា

មន្រ្តីជាន់ខ្ពស់ក្រសួងកោតសរសើរមន្ទីរអភិវឌ្ឍន៍ជនបទខេត្តកំពង់ឆ្នាំង ថែទាំផ្លូវបានល្អជូនប្រជាពលរដ្ឋ

ឯកឧត្តម គន់ គីម អញ្ជើញចុះសួរសុខទុក្ខសមាជិក អ.ន.ក.តាមខ្នងផ្ទះ ក្នុងខេត្តស្វាយរៀង

ព័ត៌មានជាតិ

ប្រធានផ្សារអូរឡាំពិក និងអាជីវករ ត្រៀមរួចរាល់ ដើម្បីអបអរសាទរ ថ្ងៃបើកការដ្ឋានព្រែកជីកហ្វូណនតេជោ

បណ្តាប្រធានផ្សាររដ្ឋនៅរាជធានីភ្នំពេញ រួមទាំងក្រុមអាជីវករ បានត្រៀមជាស្រេចសម្រាប់ទូងស្គរ ដើម្បីជាការចូលរួមអបអរសាទរ ថ្ងៃបើកការដ្ឋានព្រែកជីកហ្វូណនតេជោ នៅថ្ងៃទី៥ ខែសីហា ឆ្នាំ២០២៤ខាងមុខនេះ ។ ក្នុងនោះដែរ ផ្សារអូរឡាំពិក ក៏ជាផ្សាររដ្ឋមួយក្នុងចំណោមផ្សារដ្ឋទាំង២៥ នៅរាជធានីភ្នំពេញ ដែលបានត្រៀមខ្លួនរួចរាល់ សម្រាប់ថ្ងៃបើកការដ្ឋាន ជាប្រវត្តិសាស្ត្រនេះ ។ លោកថៃ ធួន ប្រធានគណះកម្មការគ្រប់គ្រងផ្សារអូរឡាំពិក បានប្រាប់ឱ្យដឹងថា ក្នុងនាមគណៈគ្រប់គ្រងផ្សារ សមាជិក និងបុគ្គលិកផ្សារទាំងអស់ បានត្រៀមលក្ខណៈរួចរាល់ ទាំងសម្ភារៈ និងកម្លាំងចិត្ត សម្រាប់អបអរថ្ងៃបើការដ្ឋាន ដោយទូងស្គរ ចាក់បាស់ និងសកម្មភាពនានាផ្សេងទៀត ដើម្បីញ៉ាំងឱ្យថ្ងៃទី៥ សីហា គឺជាថ្ងៃដ៏អស្ចារ្យរបស់ប្រជាជន និងសង្គមជាតិ ។ លោកបន្ថែមថា ព្រែកជីកដ៏មហាអស្ចារ្យនេះ គឺពុំមែនកើតឡើងដោយចៃដន្យនោះទេ គឺជាការគិតគូរប្រកបដោយគិតិបញ្ញាញាណដ៏វៀងវៃរបស់របស់សម្តេចតេជោ ហ៊ុនសែន និងសម្តេច មហាបវរធិបតី ហ៊ុន ម៉ាណែត ដែលសម្តេចទាំង២ប្រមុខដឹកនាំខ្លាំងក្លា បានបង្កើតព្រែកជីកប្រវត្តិសាស្ត្រ ដែលពុំធ្លាប់មាននោះឡើយនៅកម្ពុជា ។ ប្រធានផ្សារដដែល បន្តថា ៖ ព្រែកជីកនេះ ក៏នឹងក្លាជាកេរដំណែលដ៏អស្ចារ្យ បន្សល់ទុកដល់កូនចៅ ឱ្យបានដឹងយ៉ាងច្បាស់ថា ព្រែកនេះ គឺកើតឡើងក្នុងសម័យតេជោហ៊ុនសែន ដែលជាសម័យកាលរុងរឿង និងសុខសន្តិភាព ។ ទន្ទឹមនឹងថ្ងៃបើកការដ្ឋាន ក៏កាន់តែគៀកចខិតចូលមកដល់ លោកប្រធានផ្សារក៏បានធ្វើការផ្សព្វផ្សាយ និងអំពាវនាវ ដល់បណ្តាអាជីវករលក់ដូរក្នុងផ្សារទាំងអស់ ឱ្យចូលរួមជាមួយសកម្មភាពអបអរឱ្យបានអធិកអាធ័ម នៅថ្ងៃទី៥ ខែសីហា ឆ្នាំ២០២៤ខាងមុខដែរ។ពលរដ្ឋ ជាអាជីករក្នុងផ្សារអូរឡាំពិក បានបង្ហាញក្តីរីករាយ និងពេញចិត្តបំផុតចំពោះគម្រោងព្រែកជីកជាប្រវត្តិសាស្ត្រដែលមិនធ្លាប់មានមួយនេះ ដោយពួកគាត់ទាំងអស់គ្នាបានមើលឃើញថា នេះគឺជាការគិតគូរដ៏វែងឆ្ងាយរបស់ប្រមុខថ្នាក់ដឹកនាំ នៃកម្ពុជា ដែលកសាងឡើងសម្រាប់ផ្តល់ជាប្រយោជន៍ដល់ប្រជាជនក្នុងយុគ្គសម័យបច្ចុប្បន្ន និងបន្តជានិរន្តដល់កូនចៅរ៉ាប់រយជំនាន់ទៅមុខបន្តទៀតផងដែរ ។ គួរបញ្ចាក់ថា ផ្សាររដ្ឋទាំង២៥ ពិសេសមន្ទីរស្ថាប័ន្ថរដ្ឋ និងឯកជន នៅថ្ងៃទី០៥ សីហា ឆ្នាំ២០២៤ គឺនឹងរួបរួមគ្នាជាស្នូលតែមួយ ក្នុងការរៀបចំកម្មវិធី ដើម្បីជាការអបអរសាទរជាមួយរាជរដ្ឋាភិបាល ក្នុងថ្ងៃបើកការដ្ឋានសាងសង់ជាផ្លូវការណ៍គម្រោងព្រែកជីកហ្វូណនតេជោ ។ ក្នុងនោះដែរ នៅថ្ងៃទី៥ សីហាដដែលនោះ រដ្ឋបាលរាជធានីភ្នំពេញ ក៏នឹងរៀបចំព្រឹត្តការណ៍ដ៏ធំមួយនៅកោះពេជ្រ គឺការប្រគុំតន្ត្រីដែលមានអ្នកចូលរួមប្រមាណ១ម៉ឺននាក់ជាមួយ និងការបាញ់កាំជ្រួចយ៉ាងគគ្រឹកគគ្រេង ។ ហើយប្រជាពលរដ្ឋទូទៅ ក៏អាចទៅចូលរួមលេងកម្សាន្ត ដើម្បីបង្កភាពអធិកអធ័មសម្រាប់ការគាំទ្រផងដែរ ៕ លីហេង

ក្រុមប្រឹក្សាសង្កាត់កំពង់ឆ្នាំង និងប្រជាពលរដ្ឋ ប្តេជ្ញាគាំទ្រ និងចូលរួមអបអរសាទរថ្ងៃបើកការដ្ឋានជីកព្រែកហ្វូណនតេជោ

កំពង់ឆ្នាំង៖ នៅព្រឹកថ្ងៃទី៣១ ខែកក្កដា ឆ្នាំ២០២៤នេះ ក្រុមប្រឹក្សាសង្កាត់កំពង់ឆ្នាំង និងប្រជាពលរដ្ឋ បានប្តេជ្ញាគាំទ្រ និងអបអរសាទរជាមួយរាជរដ្ឋាភិបាល នៅថ្ងៃទី០៥ ខែសីហា ឆ្នាំ២០២៤ខាងមុខនេះ ក្នុងការបើកការដ្ឋានសាងសង់ព្រែកជីកហ្វូណនតេជោ ដើម្បីជួយដល់សេដ្ឋកិច្ចជាតិ សេដ្ឋកិច្ចប្រជាពលរដ្ឋ ក៏ដូចជាការបញ្ជៀសទឹកជំនន់ផងដែរ ។ ក្រុមប្រឹក្សាសង្កាត់កំពង់ឆ្នាំង និងប្រជាពលរដ្ឋ បានបន្តថា៖ ក្រុមប្រឹក្សាសង្កាត់កំពង់ឆ្នាំង និងប្រជាពលរដ្ឋក្នុងក្រុងកំពង់ឆ្នាំង បានប្តេជ្ញាគាំទ្រ និងអបអរសាទរជាមួយរាជរដ្ឋាភិបាល នៅថ្ងៃទី០៥ ខែសីហា ឆ្នាំ២០២៤ខាងមុខនេះ ក្នុងការបើកការដ្ឋានសាងសង់ព្រែកជីកហ្វូណនតេជោ ព្រោះពួកគាត់យល់ឃើញថា គម្រោងមួយនេះ នឹងផ្ដល់ប្រយោជន៍ដល់ការដឹកជញ្ជូនដូចជា កាត់បន្ថយរយៈពេលចម្ងាយ និងតម្លៃ ការបង្កើតតំបន់ពាណិជ្ជកម្ម និងមជ្ឈមណ្ឌលភស្តុភារកម្ម ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម និងចិញ្ចឹមសត្វ ការជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤របស់កម្ពុជា។ ព្រែកជីកនេះ នឹងផ្ដល់ជាប្រយោជន៍ដល់ពលរដ្ឋរស់នៅជាប់ដងព្រែកជីកប្រមាណ១លាន៦សែននាក់ តាមរយៈការធ្វើកសិកម្ម ដូចជាការធ្វើស្រែ១ឆ្នាំបានពី២ទៅ៣ដង ការចិញ្ចឹមត្រី បង្កង បង្កើនទិន្នផល ត្រី ដែលអនុញ្ញាតឱ្យប្រជានេសាទ អាចនេសាទបាន។ព្រែកជីកនេះ នឹងជួយរំដោះទឹកជំនន់ ក្នុងខេត្តកណ្ដាល ខេត្តតាកែវ ដែលធ្លាប់តែជនលិចលង់ខ្លាំង តាមរយៈការបង្ហូរទឹកតាមប្រព័ន្ធបង្ហូរទឹកចូលក្នុងព្រែកជីក និងបង្ហូរទឹកចេញមកវិញនៅរដូវប្រាំង។សន្ធឹកនៃការគាំទ្រគម្រោងព្រែកជីកហ្វូណនតេជោរបស់ថ្នាក់ដឹកនាំ ប្រជាពលរដ្ឋ កងកម្លាំង សិស្ស និសិត្ស មន្ត្រីរាជការ ព្រះសង្ឃនៅទូទាំងខេត្តកំពង់ឆ្នាំង បានកើនឡើងច្រើនលើសលប់ពិបាកនឹងគណនា ។ សន្ធឹកនៃការគាំទ្រនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកថាជាចលនាជាតិនិយមមួយដ៏មានតម្លៃ និងសំខាន់បំផុត ។ សម្ដេចធិបតីនាយករដ្ឋមន្ត្រីកម្ពុជា បានអរគុណដែលពលរដ្ឋដែលបានគាំទ្រគម្រោងជាប្រវត្តិសាស្រ្តមួយនេះ៕ កាំង ហុងវាស្នា

ខេត្តកំពង់ឆ្នាំង បើកកិច្ចប្រជុំផ្សព្វផ្សាយផែនការអភិវឌ្ឍន៍ ៥ឆ្នាំ និងជំរុញក្របខ័ណ្ឌបង្កើនការងារថែទាំសុខភាពបឋម

កំពង់ឆ្នាំង៖ នៅព្រឹកថ្ងៃទី៣១ ខែកក្កដា ឆ្នាំ២០២៤នេះ រដ្ឋបាលខេត្តកំពង់ឆ្នាំង បានបើកកិច្ចប្រជុំផ្សព្វផ្សាយស្តីពីគោលនយោបាយ សេចក្តីណែនាំរបស់រាជរដ្ឋាភិបាល ក្រសួងមហាផ្ទៃ ផែនការអភិវឌ្ឍន៍ខេត្តក្រុងស្រុករយៈពេល៥ឆ្នាំ ២០២៤-២០២៨ កម្មវិធីវិនិយោគ៣ឆ្នាំរំកិលខេត្តក្រុងស្រុកឃុំសង្កាត់ និងការជំរុញក្របខ័ណ្ឌការងារថែទាំសុខភាពបឋម ដោយមានការចូលរួមពីឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្ត លោក អម សុភា អភិបាលរងខេត្ត រួមនឹងលោកលោកស្រីថ្នាក់ខេត្តស្រុកក្រុងឃុំសង្កាត់ និងមន្ទីរអង្គភាពជុំវិញខេត្តប្រមាណជិត៨០០នាក់។លោក ឌឹម ឌន ប្រធានមន្ទីរផែនការខេត្តកំពង់ឆ្នាំងបានថ្លែងថា ការអភិវឌ្ឍន៍ខេត្តក្រុងស្រុក ត្រូវការចាំបាច់ណាស់ការចូលរួមដូចជា ស្ថាប័នរដ្ឋ វិស័យឯកជន អង្គការក្នុង និងក្រៅរដ្ឋាភិបាល ការផ្សំធាតុចូលនានាពីគ្រប់មជ្ឈដ្ឋានដែលក្លាយទៅជាឯកសារផែនការ អភិវឌ្ឍន៍រយៈពេល៥ឆ្នាំ ២០២៤-២០២៨ ដែលជាឯកសារទូលំទូលាយ ក្នុងផែនការអភិវឌ្ឍន៍ មិនមែនជាសិទ្ធិដាច់មុខរបស់មន្ទីរ ឬអង្គភាពណាមួយទេ។ ច្បាប់ស្ដីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ និងច្បាប់ស្ដីពីការគ្រប់គ្រងរដ្ឋបាលឃុំ សង្កាត់ រដ្ឋបាលខេត្ត រដ្ឋបាលក្រុងស្រុក និងរដ្ឋបាលឃុំសង្កាត់ ត្រូវរៀបចំ និងកសាងផែនការអភិវឌ្ឍន៍រយៈពេល៥ឆ្នាំ និងកម្មវិធីវិនិយោគ៣ឆ្នាំរំកិលប្រចាំឆ្នាំរបស់អង្គភាពនីមួយៗ។ ផែនការអភិវឌ្ឍន៍៥ឆ្នាំ ដែលបានដាក់ជូននិងធ្វើការផ្សព្វផ្សាយនាពេលនេះ គឺជាឯកសារគតិយុត្តដែលបានរៀបចំ ឡើងតាមការណែនាំប្រកាសអន្តរក្រសួង រវាងក្រសួងមហាផ្ទៃ និងក្រសួងផែនការ។ប្រសាសន៍ដ៏ខ្ពង់ខ្ពស់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានលើកឡើងពីវដ្តនៃផែនការ គឺការរៀបចំផែនការបានចប់សព្វគ្រប់ទទួលបានលទ្ធផល ការអនុវត្តផែនការទទួលបានលទ្ធផល ការតាមដានវាយតម្លៃ និងសម្របសម្រួលទៅតាមកាលៈទេសៈដែលអាចកើតមាន។ ក្នុងចំណុចនេះ ក្នុងនាមក្រុមប្រឹក្សាខេត្តដែលមានសិទ្ធិអំណាចធ្វើសេចក្តីសម្រេច ខាងបទបញ្ញត្តិ និងសេចក្តីសម្រេចខាងប្រតិបត្តិផែនការអភិវឌ្ឍន៍រយៈពេល៥ឆ្នាំ២០២៤-២០២៨ និងមានការសម្របសម្រួលទៅតាមកាលៈទេសៈណាមួយ ដែលអាចកើតមាន ដើម្បីធានាឱ្យមានចីរភាពដល់ការអភិវឌ្ឍតាមបែបប្រជាធិបតេយ្យ៕ កាំង ហុងវាស្នា

ពលរដ្ឋអាចស្នើកែតម្រូវអត្តសញ្ញាណកម្មក្នុងមូលដ្ឋានសមី មិនបាច់ទៅដល់អគ្គនាយកដ្ឋានអត្តសញ្ញាណកម្ម

ភ្នំពេញ៖ ឧត្តមសេនីយ៍ឯកបណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងជាប្រធានលេខាធិការដ្ឋាន គណៈកម្មាធិការជាតិដឹកនាំតម្រង់ទិស ការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម (គ.ជ.ដ.អ) អំពាវនាវពលរដ្ឋចង់កែតម្រូវ ឬមោកភាពអត្រានុកូលដ្ឋាន ឬអត្តសញ្ញាណប័ណ្ណជាដើម អាចស្នើតាមរដ្ឋបាលក្រុង ស្រុក ខណ្ឌបាន មិនចាំបាច់ឡើងដល់អគ្គនាយកដ្ឋានអត្តសញ្ញាណ ក្នុងរាជធានីភ្នំពេញជួយកែតម្រូ ដើម្បីកាត់បន្ថយការចំណាយលើពេលវេលា និងថវិកាជាដើម ។ក្នុងពិធីបិទសិក្ខាសាលាស្តីពី ការអនុវត្តការងារអត្តសញ្ញាណកម្មស្របតាមច្បាប់ ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម និងគម្រោង រៀបចំផែនការយុទ្ធសាស្ត្រជាតិស្តីពី អត្តសញ្ញាណកម្ម ដំណាក់កាលទី២ កាលពីរសៀលថ្ងៃទី៣០ ខែកក្កដា ឆ្នាំ២០២៤ ឧត្តមសេនីយ៍ឯកបណ្ឌិត តុប នេត បានថ្លែងថា ជារៀងរាល់ថ្ងៃនៅតែមានប្រជាពលរដ្ឋកាន់តែច្រើនឡើងៗ ធ្វើដំណើរទៅដល់អគ្គនាយកដ្ឋានអត្តសញ្ញាណកម្ម ដើម្បីស្នើសុំកែតម្រូវ ឬធ្វើមោកភាពអត្តសញ្ញាណកម្ម ដែលថ្ងៃខ្លះមានរហូតដល់ជាង ៥០០នាក់ ខណៈមន្ត្រីធ្វើលើការងារនេះមានចំនួនតិច ពិបាកក្នុងការផ្ដល់សេវា ។ឯកឧត្តមបានបន្តថា ពាក់ព័ន្ធនឹងបញ្ហានេះ សូមរដ្ឋបាលក្រុង ស្រុក ខណ្ឌ ធ្វើការជួយផ្សព្វផ្សាយឲ្យបានទូលំទូលាយ ទៅដល់ប្រជាពលរដ្ឋបន្ថែម ដើម្បីឲ្យពួកគាត់បានដឹង និងអាចស្នើសុំកែតម្រូវ ដោយអនុវត្តទៅតាមនីតិវិធី នៃសេចក្តីណែនាំលេខ ០០៦ ។ ជាមួយនេះ ឧត្តមសេនីយ៍ឯកបណ្ឌិត តុប នេត គូសបញ្ជាក់ថា មន្រ្តីជំនាញពាក់ព័ន្ធទាំងអស់ចៀសវាងការអនុវត្តការងារអត្តសញ្ញាណកម្ម ដែលផ្ទុយពីការកំណត់របស់ច្បាប់ ពីព្រោះថាច្បាប់ថ្មីស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម មានចែងពីទោសបញ្ញត្តិលើការអនុវត្តការងាររបស់មន្ត្រីផ្តល់សេវា ។ឯកឧត្តមបន្ថែមថា រាជរដ្ឋាភិបាលនីតិកាលទី៧ បានតម្កល់ឆន្ទៈផ្នែកនយោបាយយ៉ាងរឹងមាំ ក្នុងការបន្តជំរុញ និងពង្រីកការអនុវត្តកំណែទម្រង់ការងារអត្តសញ្ញាណកម្មនេះ ពោលគឺទាំងកម្មនយោបាយ សម្រាប់ការកសាង និងការការពារមាតុភូមិ (២០២៣-២០២៨) និងទាំងយុទ្ធសាស្ត្របញ្ចកោណ បានផ្ដល់អាទិភាពលើការបន្តជំរុញ និងពង្រឹងការអនុវត្តផែនការយុទ្ធសាស្ត្រជាតិស្តីពី អត្តសញ្ញាណកម្ម និងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ឲ្យទទួលបានលទ្ធផលតាមការគ្រោងទុក ។ក្នុងក្របខណ្ឌនៃកំណែទម្រង់ការងារអត្តសញ្ញាណកម្ម សម្រាប់រយៈពេលវែង រាជរដ្ឋាភិបាលកម្ពុជា បានដាក់ចេញនូវផែនការយុទ្ធសាស្ត្រជាតិស្តីពី អត្តសញ្ញាណកម្មរយៈពេល ១០ឆ្នាំ (២០១៧-២០២៦) ដើម្បីពង្រឹងប្រព័ន្ធចុះបញ្ជីអត្រានុកូលដ្ឋាន និងអត្តសញ្ញាណកម្ម សំដៅសម្រេចឱ្យបាននូវគោលដៅ “បុគ្គលម្នាក់មាន អត្តសញ្ញាណតែមួយ” និង “មនុស្សទាំងអស់ត្រូវបានកំណត់អត្តសញ្ញាណ ដែលមានភាពទំនើប មានមុខងារល្អ មានការឆ្លើយ តបស្របតាមស្តង់ដាអន្តរជាតិ និងអាចធានាបានថា បុគ្គលគ្រប់រូបរស់នៅក្នុងព្រះរាជាណាចក្រកម្ពុជា នឹងមាន អត្តសញ្ញាណស្របច្បាប់ ហើយស្ថិតិអត្រានុកូលដ្ឋានបានត្រូវផលិតយ៉ាងត្រឹមត្រូវ ទាន់ពេលវេលា អាចជឿទុកចិត្ត និងអាចចែករំលែកបាន ៕ អត្ថបទ បាន សុខរិទ្ធិ

នាយឧត្តមសេនីយ៍ ដាំ ដារីនី រំលេចពីការខិតខំប្រឹងប្រែងការពារជាតិរបស់យោធិន នៃកងពលតូចថ្មើរជើងលេខ៤២

នៅក្នុងឱកាសអញ្ជើញត្រួតពិនិត្យវឌ្ឍនភាពការងារយេនឌ័រ សួរសុខទុក្ខយោធិននារី និងគ្រួសារកងទ័ពនៅកងពលតូចថ្មើរជើងលេខ៤២ ស្ថិតនៅខេត្តឧត្តរមានជ័យ កាលពីថ្ងៃទី៣០ ខែកក្កដា ឆ្នាំ២០២៤នេះ លោកជំ ទាវ ដាំ ដារីនី រដ្ឋលេខាធិការក្រសួងការពារជាតិកម្ពុជា បានថ្លែងកោតសរសើរចំពោះការខិតខំប្រឹងប្រែងរបស់ នាយទាហានពលទាហាន នៃកងពលតូចថ្មើរជើងលេខ៤២ ក្នុងកិច្ចការពារសន្តិសុខ សន្តិភាព ស្ថិរភាព ការពារបូរណភាពទឹកដី ជូនប្រជាពលរដ្ឋ និងជាតិមាតុភូមិនាពេលកន្លងមកជាពិសេសគឺបងប្អូនប្រជាពលរដ្ឋ នៅតាមបណ្តោយព្រំដែនតែម្តង។លោកជំទាវរដ្ឋលេខាធិការក្រសួងការពារជាតិ បានលើកឡើងថា សូមថ្លែងអំណរគុណព្រមទាំងបានកោតសរសើរកងកម្លាំងប្រដាប់អាវុធទាំងអស់ ដែលឈរជើងនៅតាមបន្ទាត់ព្រំដែនហើយបានខិតខំបំពេញភារកិច្ចរបស់ខ្លួនជូនជាតិមាតុភូមិ ដោយបង្ហាញនូវភាពម៉ឺងម៉ាត់ក្នុងការថែរក្សា សន្តិសុខ សន្តិភាព ស្ថិរភាព ការពារបូរណភាពទឹកដី និងបានបន្តចូលរួមយ៉ាងសកម្មក្នុងការជួយសង្រ្គោះប្រជាពលរដ្ឋនៅក្នុងស្ថានភាពគ្រោះមហន្តរាយ នានា។លោកជំទាវ បានលើកឡើងផងដែរថា ដើម្បីជាការតបស្នងសងគុណចំពោះនាយទាហានពលទាហាន នៃកងពលតូចថ្មើរជើងលេខ៤២នាពេលកន្លងមក និងបច្ចុប្បន្ន សម្តេចតេជោ ហ៊ុន សែនអតីតនាយករដ្ឋមន្រ្តី និងសម្តេចធិបតី ហ៊ុន ម៉ាណែត នាយករដ្ឋមន្ត្រីតែងតែបានគិតគូដល់កងទ័ព គ្រួសារកងទ័ព តាមរយៈការចាត់តំណាងចុះសួរសុខទុក្ខ ចែកជូននូវគ្រឿងឧបភោគ អាវរងារ និងអាវភ្លៀងជូនកងទ័ពតាមបណ្តាអង្គភាពក្នុងកងយោធពលខេមរភូមិន្ទជាប្រចាំ។នៅក្នុងពិធីសំណេះសំណាលដល់នាយទាហានពលទាហាននាឱកាសនោះដែរ លោកជំទាវដាំ ដារីនី ក៏បានអំពាវនាវដល់នាយទាហាន, នាយទាហានរង, ពលទាហានក្នុងនោះនៅបញ្ជាការដ្ឋានកងពលតូចថ្មើរជើងលេខ៤២សូមចូលរួមគាំទ្រជាមួយរាជរដ្ឋាភិបាលក្នុងការកសាងព្រែកជីកហ្វូណនតេជោដែលជាសមិទ្ធផលប្រវត្តិសាស្រ្តរបស់កម្ពុជា ក្រោមគំនិតផ្តួចផ្តើមរបស់សម្តេចតេជោ ហ៊ុន សែនខណៈគម្រោងនេះនឹងត្រូវបើកការដ្ឋានសាងសង់នៅថ្ងៃទី៥ ខែសីហា ខាងមុខឆាប់ៗនេះ ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជានោះ។សូមបញ្ជាក់ថា នៅក្នុងឱកាសនោះដែរ លោកជំទាវរដ្ឋលេខាធិការ ក៏បាននាំយកអំណោយ របស់នាយឧត្តមសេនីយ៍ ទៀ សីហា ឧបនាករដ្ឋមន្ត្រីរដ្ឋមន្ត្រីក្រសួងការពារជាតិ ឧបត្ថម្ភជូនដល់ គ្រួសារ កងទ័ពដែលមានជីវភាពចខ្វះខាតចំនួន២០ គ្រួសារ ក្នុងមួយគ្រួសារទទួលបាន ឃីដមួយកញ្ចប់ អង្ករ និងថវិការ មួយចំនួនផងដែរ។ បន្ទាប់ពីចុះសួរសុខទុក្ខ និងសំណេះសំណាលជាមួយនាយទាហានពលទាហាននៃកងពលតូចថ្មើរជើងលេខ៤២ លោកំទាវរដ្ឋលេខាធិការក៏បាន អញ្ជើញ ចុះសួរសុខទុក្ខដោយផ្ទាល់ជាមួយយោធិនដែលកំពុងឈរជើងនូវតាមបន្ទាត់ព្រំដែនប្រាសាទតាមាន់ និង ប្រាសាទតាក្របីផងដែរ៕ អត្ថបទ៖ បាន ចក់

សម្តេចរដ្ឋសភាធិបតី អញ្ជើញដឹកនាំកិច្ចប្រជុំគណៈកម្មការចំពោះកិច្ចពិនិត្យវឌ្ឍនភាពលើគម្រោងសាងសង់អគាររដ្ឋបាលថ្មីនៃរដ្ឋសភា

ភ្នំពេញ៖ នាព្រឹកថ្ងៃទី៣១ ខែកក្កដា ឆ្នាំ២០២៤ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញជាអធិបតីដ៏ខ្ពង់ខ្ពស់ ដឹកនាំកិច្ចប្រជុំគណៈកម្មការចំពោះកិច្ច ដើម្បីពិនិត្យវឌ្ឍនភាព នៃការអនុវត្តកិច្ចព្រមព្រៀងហិរញ្ញប្បទានឥតសំណង រវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋសង្គមនិយមវៀតណាម លើគម្រោងសាងសង់អគាររដ្ឋបាលថ្មីនៃរដ្ឋសភាកម្ពុជា នៅវិមានរដ្ឋសភា។

សម្ព័ន្ធភាពគណបក្សនយោបាយជួបជុំអបអរសាទរគម្រោងព្រែកជីកហ្វូណនតេជោ និងបង្ហាញស្មារតីខ្មែរតែមួយ

សម្ព័ន្ធភាពគណបក្សនយោបាយនានាជាច្រើននាំគ្នាធ្វើការអបអរសាទរត្រៀមពិធីបើកការដ្ឋានគម្រោងព្រែកជីកហ្វូណនតេជោ និងបានបង្ហាញពីស្មារតីនិន្នាការតែមួយបម្រើផលប្រយោជន៍ជាតិ និងប្រជាពលរដ្ឋ។ ខណៈពេលពិធីបើកការដ្ឋានគម្រោងព្រែកជីកហ្វូណនតេជោនៅសល់រយៈពេល៤ថ្ងៃទៀតប៉ុណ្ណោះ បណ្តាគណបក្សនយោបាយក្នុងចំណោមជាងពាក់កណ្តាលដែលជាសម្ព័ន្ធភាពជាមួយគណបក្សប្រជាជនកម្ពុជា បានជួបជុំគ្នាធ្វើសកម្មភាពអបអរសាទរគាំទ្រដល់ថ្ងៃបើកការដ្ឋានគម្រោងព្រែកជីកហ្វូណនតេជោ នៅថ្ងៃទី៣១ ខែកក្កដា ឆ្នាំ២០២៤ ក្នុងរាជធានីភ្នំពេញ។ ក្រោយសកម្មភាពជួបជុំ និងគាំទ្រដល់គម្រោងព្រែកជីកហ្វូណនតេជោ លោក អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ លើកឡើងថា គំនិតផ្តួចផ្តើមនៃការជួបជុំនេះធ្វើឡើងជាមតិរួម ដើម្បីគាំទ្រដល់គម្រោងព្រែកជីកហ្វូណនតេជោជាសម្បត្តិរួម ដោយមិនប្រកាន់និន្នាការអ្វីនោះទេ។ ក្នុងនោះ លោក អ៊ុន ជឹម ប្រធានគណបក្សឯកភាពជាតិខ្មែរ លើកឡើងថា សកម្មភាពរបស់សម្ព័ន្ធភាពគណបក្សនយោបាយអបអរសាទរគាំទ្រគម្រោងព្រែកជីកហ្វូណនតេជោមានតួនាទីសំខាន់ ក្នុងការបំផុសចលនាមហាជនងាកទៅរករបត់នយោបាយថ្មីដែលគិតពីផលប្រយោជន៍ជាតិជាជាងគិតរកវិធីប្រឆាំង និងបំផ្លាញជាតិ។ ជាមួយគ្នានោះ លោក អ៊ិត សារម្យ ប្រធានគណបក្សបំណងពលរដ្ឋ លើកឡើងដែរថា ចលនាគាំទ្ររបស់គណបក្សនយោបាយលើគម្រោងព្រែកជីកហ្វូណនតេជោ ដោយសារគម្រោងនេះជាចលករបើករបាំងនៃការដឹកជញ្ជូនរបស់កម្ពុជាកាន់តែរឹងមាំ និងលែងមានការព្រួយបារម្ភពីការបិទខ្ទប់ពីប្រទេសជិតខាង។សូមជម្រាបថា ពិធីបើកការដ្ឋាន ព្រែកជីកហ្វូណនតេជោនឹងធ្វើឡើងនៅថ្ងៃទី៥ ខែសីហា ឆ្នាំ២០២៤ វេលាម៉ោង ៩ និង៩នាទីព្រឹក ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី។ គម្រោងនេះត្រូវបានប្រជាពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេសបន្តគាំទ្រយ៉ាងផុលផុស ដើម្បីឱ្យគម្រោងនេះក្លាយជាផ្លូវនាវាចរ និងប្រព័ន្ធភស្ដុភារកម្មជាប្រវត្តិសាស្រ្តរបស់កម្ពុជា តភ្ជាប់ផ្លូវទឹករវាងទន្លេទៅកាន់សមុទ្រកម្ពុជា និងឆ្លងកាត់ខេត្តចំនួន៤ រួមមាន៖ ខេត្តកណ្តាល តាកែវ កំពត និងខេត្តកែប ខណៈគម្រោងគ្រោងចំណាយទុនសាងសង់ប្រមាណ ១,៧០០លានដុល្លារអាមេរិក៕ អត្ថបទ សេក ឧត្តម

អាជ្ញាធរជាតិអប្សរា ជួសជុលប្រាង្គបណ្តាល័យសង់ពីឥដ្ឋនៅជ្រុងឦសានប្រាសាទភ្នំក្រោម

អាជ្ញាធរជាតិអប្សរាកំពុងជួសជុលប្រាង្គបណ្ណាល័យសង់ពីឥដ្ឋនៅជ្រុងឦសានរបស់ប្រាសាទភ្នំក្រោម ដើម្បីទប់ស្កាត់ការខូចខាត និងពង្រឹងភាពរឹងមាំឱ្យគង់វង្សយូរអង្វែងបន្តទៀត ខណៈដែលដោយសាររចនាសម្ពន្ធសំណង់ប្រាសាទភ្នំក្រោមរងនូវអាកាសធាតុក្តៅសើមសម្ពាធខ្យល់ពីបឹងទន្លេសាបជាប្រចាំ។លោក រស់ វិសុទ្ធ មន្រ្តីអភិរក្សប្រាសាទនៃអាជ្ញាធរជាតិអប្សរា បានឱ្យដឹងថា ដោយសាររចនាសម្ពន្ធសំណង់ប្រាសាទភ្នំក្រោមរងនូវអាកាសធាតុក្តៅសើមសម្ពាធខ្យល់ពីបឹងទន្លេសាបជាប្រចាំ ក្នុងនោះសំណង់បណ្ណាល័យដែលសង់ពីឥដ្ឋស្ថិតនៅទិសឦសាន បាត់បង់អស់នូវកំបោរបាយអ សឹករិចរិលខឿនជើងជញ្ជាំង រួមទាំងគ្រឿងបង្គុំទ្វារថ្មភក់ជើងក្រោមផង។ ជញ្ជាំងជ្រុងពាយ័ព្យហែកក្រៀក កំពូលប្រាសាទខូចខាតជ្រាបទឹកពេលភ្លៀងជាដើម។មន្រ្តីអភិរក្សរូបនេះ បានបន្តថា អាជ្ញាធរជាតិអប្សរា បានយកចិត្តទុកដាក់ជួសជុលពង្រឹងខឿនជើងជញ្ជាំងជុំវិញ។ ជួសជុលជ្រុងនិរតី និងជ្រុងឦសានរហូតដល់ក្បាំងជញ្ជាំងខាងលើ។ពង្រឹងរចនាសម្ពន្ធកំពូលប្រាសាទការពារជម្រាបទឹក និងសត្វល្អិត ដើម្បីឱ្យប្រាសាទនេះរឹងមាំដោយគោរពទៅតាមធម្មនុញ្ញអង្គរ។សូមបញ្ជាក់ថា ប្រាសាទភ្នំក្រោម ស្ថិតនៅភូមិភ្នំក្រោម សង្កាត់សៀមរាប ក្រុងសៀមរាប។ ប្រាសាទនេះ កសាងនៅចុងសតវត្សរ៍ទី៩ ដើមសតវត្សរ៍ទី១០ សង់ពីឥដ្ឋ ថ្មភក់ និងថ្មបាយកៀ្រម លើភ្នំកម្ពស់១៤០ម៉ែត្រ ជាភ្នំនៅទំនាបមាត់បឹងទន្លេសាបខាងត្បូងក្រុងសៀមរាប ក្នុងចម្ងាយ ១២គីឡូម៉ែត្រ៕

ខេត្តកណ្តាលចាប់ផ្តើមការរៀបចំទីតាំងប្រគំតន្ត្រីខ្នាតធំអបអរពិធីបើកការដ្ឋានព្រែកជីកហ្វូណនតេជោ

អាជ្ញាធរមូលដ្ឋាននៅខេត្តកណ្តាល នៅថ្ងៃទី៣១ ខែកក្កដា បានចាប់ផ្តើមរៀបចំទីតាំងជួបជុំពលរដ្ឋ ដើម្បីត្រៀមប្រគំតន្ត្រីខ្នាតធំ និងប្រកួតកីឡាប្រដាល់គុនខ្មែរសម្រាប់ថ្ងៃទី៥ ខែសីហា ឆ្នាំ២០២៤ ខាងមុខនេះ ដើម្បីអបអរសាទរ ថ្ងៃបើកការដ្ឋានព្រែកជីកហ្វូណនតេជោ។នៅក្នុងដំណាក់កាលនៃការចាប់ផ្តើមរៀបចំទីតាំងនេះ អាជ្ញាធរមូលដ្ឋានបានរៀបចំសណ្តាប់ធ្នាប់ ផ្អាកការលក់ដូរចំណីអាហាររបស់ពលរដ្ឋនៅលើតំបន់ច្រមុះជ្រូកសួនច្បារតាខ្មៅ ដើម្បីយកទីតាំង សម្អាតបរិស្ថាន ដំឡើងឆាកប្រគំតន្ត្រី រៀបចំលើកផ្ទាំងបដាគាំទ្រ និងអបអរសាទរ ពិធីបើកការដ្ឋានព្រែកជីកហ្វូណនតេជោ ដោយមានការរៀបចំដំឡើងភ្លើងពិព័រណ៍លម្អ តាមដងផ្លូវសំខាន់ៗ ជាពិសេស គ្រប់បណ្តាផ្លូវឆ្ពោះទៅកាន់ទីតាំងបើកការដ្ឋានបើកការដ្ឋានគម្រោងព្រែកជីកហ្វូណនតេជោ។ពាក់ព័ន្ធនឹងបញ្ហានេះបណ្តាអាជ្ញាធរមូលដ្ឋាន យុវជន សិស្សានុសិស្ស តាមមូលដ្ឋានបានបង្ហាញស្មារតីជាតិនិយមចូលរួមគាំទ្រ និងបានបញ្ជាក់ថាពលរដ្ឋពិតជាមានសំណាងដែលបានឃើញផ្ទាល់ក្នុងការអនុវត្តសាងាសង់ព្រែកជីកហ្វូណនតេជោនេះ។សូមជម្រាបថា គិតត្រឹមថ្ងៃទី៣១ ខែកក្កដានេះ នៅសល់រយៈពេល ៥ថ្ងៃទៀតប៉ុណ្ណោះ ពិធីបើកការដ្ឋាន ព្រែកជីកហ្វូណនតេជោនឹងឈានចូលមកដល់ ខណៈរយៈពេលនេះបណ្តាពលរដ្ឋដែលមានស្មារតីជាតិនិយម បានបង្ហាញស្មារតីគាំទ្រ និងមានមោទនភាពចំពោះជាតិខ្មែរ៕ អត្ថបទ ស៊ុម សុខជា

សម្ដេចធិបតី ហ៊ុន ម៉ាណែត អនុញ្ញាតឱ្យអគ្គរដ្ឋអាជ្ញា នៃមហាអយ្យការអមតុលាការប្រជាជន ឡាវជួបសម្ដែងការគួរសម និងពិភាក្សាការងារ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅព្រឹកថ្ងៃទី៣១ ខែកក្កដា ឆ្នាំ ២០២៤នេះ បានអនុញ្ញាតឲ្យឯកឧត្តម Xaysana Khotphouthone អគ្គរដ្ឋអាជ្ញា នៃមហាអយ្យការអមតុលាការប្រជាជននៃសាធារណរដ្ឋប្រជាធិបតេយ្យប្រជាមានិតឡាវ ចូលជួបសម្ដែងការគួរសម និងពិភាក្សាការងារនៅវិមានសន្តិភាព។

បណ្ដាញសង្គម

ព័ត៌មានថ្មីៗ

ការិយាល័យឧតុនិយមអង់គ្លេស៖ អាកាសធាតុក្តៅជាប់កំណត់ត្រាខែឧសភា មិនទាន់អាចចាត់ថ្នាក់ថាជារដូវក្តៅខ្លាំងនោះទេ

ប្រមុខ WHO ព្រមានថា ជម្លោះជំរុញឲ្យវិបត្តិជំងឺ Ebola កាន់តែអាក្រក់ នៅភាគខាងកើតកុងហ្គោ

អ៊ីរ៉ង់៖ សេចក្តីព្រាងកិច្ចព្រមព្រៀងជាមួយអាមេរិក នឹងបើកច្រកសមុទ្រ Hormuz ឡើងវិញ និងបញ្ចប់បិទផ្លូវទឹក

នគរបាលអេស្ប៉ាញសម្រុកចូលទីស្នាក់ការកណ្តាលគណបក្សសង្គមនិយមរបស់លោក Sanchez

ហ្គាណាធ្វើមាតុភូមិនិវត្តន៍ពលរដ្ឋរបស់ខ្លួន ក្រោយការវាយប្រហារប្រឆាំងជនបរទេសនៅអាហ្វ្រិកខាងត្បូង

ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើងប្រារព្ធថ្ងៃដំបូងនៃពិធីបុណ្យ Eid

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ប្រធានផ្សារអូរឡាំពិក និងអាជីវករ ត្រៀមរួចរាល់ ដើម្បីអបអរសាទរ ថ្ងៃបើកការដ្ឋានព្រែកជីកហ្វូណនតេជោ

ពលរដ្ឋអាចស្នើកែតម្រូវអត្តសញ្ញាណកម្មក្នុងមូលដ្ឋានសមី មិនបាច់ទៅដល់អគ្គនាយកដ្ឋានអត្តសញ្ញាណកម្ម

នាយឧត្តមសេនីយ៍ ដាំ ដារីនី រំលេចពីការខិតខំប្រឹងប្រែងការពារជាតិរបស់យោធិន នៃកងពលតូចថ្មើរជើងលេខ៤២

សម្ព័ន្ធភាពគណបក្សនយោបាយជួបជុំអបអរសាទរគម្រោងព្រែកជីកហ្វូណនតេជោ និងបង្ហាញស្មារតីខ្មែរតែមួយ

អាជ្ញាធរជាតិអប្សរា ជួសជុលប្រាង្គបណ្តាល័យសង់ពីឥដ្ឋនៅជ្រុងឦសានប្រាសាទភ្នំក្រោម

ខេត្តកណ្តាលចាប់ផ្តើមការរៀបចំទីតាំងប្រគំតន្ត្រីខ្នាតធំអបអរពិធីបើកការដ្ឋានព្រែកជីកហ្វូណនតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ប្រធានផ្សារអូរឡាំពិក និងអាជីវករ ត្រៀមរួចរាល់ ដើម្បីអបអរសាទរ ថ្ងៃបើកការដ្ឋាន​ព្រែកជីកហ្វូណនតេជោ

ពលរដ្ឋអាចស្នើកែតម្រូវអត្តសញ្ញាណកម្មក្នុងមូលដ្ឋានសមី មិនបាច់ទៅដល់អគ្គនាយកដ្ឋាន​អត្តសញ្ញាណកម្ម

នាយឧត្តមសេនីយ៍ ដាំ ដារីនី រំលេចពីការខិតខំប្រឹងប្រែងការពារជាតិរបស់យោធិន នៃកងពលតូចថ្មើរជើងលេខ៤២

សម្ព័ន្ធភាពគណបក្សនយោបាយជួបជុំអបអរសាទរគម្រោងព្រែកជីកហ្វូណនតេជោ និងបង្ហាញស្មារតីខ្មែរតែមួយ

អាជ្ញាធរជាតិអប្សរា ជួសជុលប្រាង្គបណ្តាល័យសង់ពីឥដ្ឋនៅជ្រុងឦសានប្រាសាទភ្នំក្រោម

ខេត្តកណ្តាលចាប់ផ្តើមការរៀបចំទីតាំងប្រគំតន្ត្រីខ្នាតធំអបអរពិធីបើកការដ្ឋានព្រែកជីកហ្វូណនតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានផ្សារអូរឡាំពិក និងអាជីវករ ត្រៀមរួចរាល់ ដើម្បីអបអរសាទរ ថ្ងៃបើកការដ្ឋានព្រែកជីកហ្វូណនតេជោ

ពលរដ្ឋអាចស្នើកែតម្រូវអត្តសញ្ញាណកម្មក្នុងមូលដ្ឋានសមី មិនបាច់ទៅដល់អគ្គនាយកដ្ឋានអត្តសញ្ញាណកម្ម