BTV NEWS

ឯកឧត្តមឧបនាយករដ្ឋមន្រ្តី ហ៊ុន ម៉ានី លើកទឹកចិត្តឱ្យមន្រ្តីរាជការហ៊ានលើកឡើងពីបញ្ហាប្រឈម ដើម្បីរួមគ្នាស្វែងរកដំណោះស្រាយ និងបន្តតាមដាន ហើយឆ្លើយតបសាធារណមតិជាប្រចាំ

កម្ពុជា-ឡាវ បានប្រែក្លាយពីទំនាក់ទំនងទ្វេភាគីមកជាដៃគូយុទ្ធសាស្ត្រគ្រប់ជ្រុងជ្រោយ ដើម្បីការរីកចម្រើនប្រទេសទាំងពីរ

ឃាត់ខ្លួនជនជាតិចិន៤នាក់ ធ្វើសកម្មចូលបន្លំលួចលុយតាមទីតាំងដូរប្រាក់វីងជាច្រើនកន្លែង ក្នុងរាជធានីភ្នំពេញ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីដ៏ខ្ពង់ខ្ពស់ចូលរួម «ពិធីបើកយុទ្ធនាការ ១ម៉ឺនរៀល ១ម៉ឺននាក់» ឆ្នាំ២០២៦ និង«ពិធីសំណេះសំណាល និងប្រគល់-ទទួលថវិកាបរិច្ចាគពីវិស័យឯកជន ជូនមូលនិធិគន្ធបុប្ផាកម្ពុជា»

ព័ត៌មានជាតិ

កំណាត់ផ្លូវជាតិលេខ១០ (ប្រម៉ោយ-អូរសោម) ដែលរងការខូចខាតដោយទឹកហូរច្រោះ អាចឲ្យរថយន្តតូច-ធំ ចរាចរណ៍ឆ្លងកាត់បណ្តោះអាសន្នបានហើយ

កំណាត់ផ្លូវជាតិលេខ១០ (ប្រម៉ោយ-អូរសោម) ដែលរងការខូចខាតដោយទឹកហូរច្រោះ អាចឲ្យរថយន្តតូច-ធំ ចរាចរណ៍ឆ្លងកាត់បណ្តោះអាសន្នវិញបានហើយ នេះបើតាមការបញ្ជាក់ពីឯកឧត្ដម ផន រឹម អ្នកនាំពាក្យក្រសួងសាធារណការ និងដឹកជញ្ជូន នាព្រឹកថ្ងៃទី២៨ ខែកក្កដា ឆ្នាំនេះ។ឯកឧត្ដម ផន រឹម បានបញ្ជាក់ថា ចំណុចបាក់ស្រុត ប្រេះ ដោយសារទឹកហូរច្រោះផ្លូវជាតិលេខ១០ អាចចរាចរណ៍បណ្តោះបានហើយទាំងយានយន្តធុនតូច-ធំ បន្ទាប់ពីកិច្ចខិតខំប្រឹងប្រែង យកចិត្តទុកដាក់តភ្ជាប់ឡើងវិញ ជាពិសេសការចង្អុលបង្ហាញ និងការយកចិត្តទុកដាក់ខ្ពស់ជាប្រចាំរបស់ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹងជញ្ជូន និងអាជ្ញាធរដែនដីគ្រប់លំដាប់ថ្នាក់ នៃខេត្តពោធិ៍សាត់។ឯកឧត្ដមបន្តថា នៅពេលនេះ ភ្លៀងនៅតែបន្តធ្លាក់ឥតស្រាកស្រាន្ត ខណៈដែលក្រុមការងារការដ្ឋានកំពុងមមាញឹកទាំងភ្លៀងប្រឹងប្រែងធ្វើអោយកាន់តែប្រសើរឡើងកន្លែងស្រុត ប្រេះ បាក់ ដោយសារទឹកហូរច្រោះនៅចំណុច PK90+600 ចន្លោះឃុំប្រម៉ោយ-ឃុំអូរសោម ស្រុកវាលវែង ខេត្តពោធិ៍សាត់ និងធានាអោយមានការចរាចរណ៍របស់បងប្អូនប្រជាពលរដ្ឋ។ ទីតាំងលើកំណាត់ផ្លូវជាតិ១០ ដែលមានដីរអិល បាក់ ស្រុតនេះ បណ្តាលមកពីភ្លៀងធ្លាក់ជាប្រចាំជោគជាំជាងកន្លះខែមកនេះ ធ្វើឱ្យទឹកហូរច្រោះដីនៅស្រទាប់ខាងក្រោម និងបាក់ស្រុត កាលពីល្ងាចថ្ងៃទី២៥ ខែកក្កដា ឆ្នាំ២០២៤។ ឯកឧត្ដមបានបញ្ជាក់ផងដែរថា គិតត្រឹមចុងខែកក្កដា ឆ្នាំ២០២៤នេះ គម្រោងស្ថាបនាផ្លូវជាតិលេខ១០ សម្រេចបាន៨៩,៥៦% ហើយ។ ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងសរុប ១៩៨,៥១ គីឡូម៉ែត្រ និងតភ្ជាប់ខេត្តចំនួន៣ រួមមាន៖ខេត្តកោះកុង ខេត្តពោធិ៍សាត់ និងខេត្តបាត់ដំបង។ គម្រោងសាងសង់ផ្លូវនេះ មានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ ហើយគ្រោងនឹងបញ្ចប់នាខែមិថុនា ឆ្នាំ២០២៥ខាងមុខនេះ៕

ពលរដ្ឋនៅខេត្តមណ្ឌលគិរីរីករាយជាមួយកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម

ក្រោយទទួលបានដំណឹងអំពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ដែលក្នុងនោះ ខេត្តមណ្ឌលគិរីត្រូវបានរួមបញ្ចូលយ៉ាងពិសេស បានធ្វើឲ្យពលរដ្ឋនៅខេត្តភាគឥសាន្តនេះ សប្បាយចិត្តយ៉ាងខ្លាំង ចំពោះលទ្ធផលនៃកិច្ចខិតខំប្រឹងប្រែងរបស់ប្រមុខដឹកនាំជាតិ ដែលនាំយកភូមិភាគឥសាន្តរបស់ប្រទេស ពិសេសខេត្តមណ្ឌលគិរី ឲ្យក្លាយជាតំបន់សេដ្ឋកិច្ចសំបូរបែប និងរីកចម្រើនកាន់តែខ្លាំងឡើង។ពលរដ្ឋនៅក្រុងសែនមនោរម្យ បានបង្ហាញទស្សនថា ព័ត៌មានក្លែងក្លាយដែលក្រុមប្រឆាំងខ្លះបានចុះផ្សាយថា ខេត្តមណ្ឌលគិរី ត្រូវបានកាត់ឲ្យវៀតណាម គឺគ្រាន់តែជាឧបាយកលនយោបាយ ប៉ុន្តែពលរដ្ឋនៅទីនេះសប្បាយចិត្តខ្លាំងណាស់ក្រោយបានដឹងអំពីកិច្ចសហប្រតិបត្តិការតំបន់ត្រីកោណអភិវឌ្ឍន៍ ព្រោះគម្រោងអភិវឌ្ឍន៍នេះនឹងជួយឲ្យខេត្តមណ្ឌលគិរីរីកចម្រើនលើគ្រប់វិស័យ ហើយនាំឲ្យពលរដ្ឋមានជីវភាពប្រសើរឡើង។ នាយករដ្ឋបាលសាលាខេត្តមណ្ឌលគិរីលោក នាង វណ្ណៈ បានឲ្យដឹងថា ទិដ្ឋភាពពិតនៃការអភិវឌ្ឍន៍នៅខេត្តមណ្ឌលគិរី មិនដូចអ្វីដែលក្រុមឧទ្ទាមក្រៅច្បាប់មួយចំនួនអះអាងនោះឡើយ។ បច្ចុប្បន្ននេះ ខេត្តមណ្ឌលគិរីបានទទួលគម្រោងអភិវឌ្ឍន៍ពីកិច្ចសហប្រតិបត្តិការតំបន់ត្រីកោណអភិវឌ្ឍន៍រួចហើយ ដែលរួមមានប្រព័ន្ធទឹកស្អាតនៅក្រុងសែនមនោរម្យ និងសាលារៀន៥ខ្នងនៅតាមបណ្ដាក្រុងស្រុក។ នេះគឺជាលទ្ធផលតូចមួយប៉ុណ្ណោះដែលខេត្តមណ្ឌលគិរីទទួលបានពីកិច្ចសហប្រតិបត្តិការ CLV ខណៈដែលវិស័យជាច្រើនទៀតនឹងត្រូវបានអភិវឌ្ឍន៍បន្ថែមនៅពេលអនាគត។លោក នាង វណ្ណៈ បានបន្ថែមថា កិច្ចសហប្រតិបត្តិការតំបន់ត្រីកោណអភិវឌ្ឍន៍ មិនកំណត់ត្រឹមតំបន់ណាមួយនោះទេ ប៉ុន្តែពាក់ព័ន្ធទៅនឹងខេត្តមណ្ឌលគិរីទាំងមូល និងគ្រប់វិស័យ ដែលនឹងជំរុញផលប្រយោជន៍ដល់ពលរដ្ឋទាំងអស់គ្រប់មូលដ្ឋានក្នុងខេត្ត។ រដ្ឋបាលខេត្តមណ្ឌលគិរីបានគាំទ្រទាំងស្រុងចំពោះកិច្ចសហប្រតិបត្តិការនេះ ដែលសម្ដេចតេជោបានផ្ដួចផ្ដើម ដើម្បីអភិវឌ្ឍន៍តំបន់ភាគឥសាន្តទាំងមូល។គួររម្លឹកថា កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV បានផ្តល់ដំណោះស្រាយសម្រាប់ការអភិវឌ្ឍន៍ខេត្តមណ្ឌលគិរីក្នុងវិស័យសេដ្ឋកិច្ច សង្គម បរិស្ថាន និងទេសចរណ៍។ កិច្ចសហប្រតិបត្តិការនេះបានបង្កើនភាពរីកចម្រើន និងសម្រួលដល់អនាគតរបស់ខេត្តមណ្ឌលគិរី និងតំបន់ទាំងមូល។ មណ្ឌលគិរីមានទេសភាពធម្មជាតិស្រស់ស្អាត និងកន្លែងទេសចរណ៍ពេញនិយម។ ការវិនិយោគក្នុងវិស័យទេសចរណ៍ នឹងលើកកម្ពស់សេវាកម្មទេសចរណ៍ និងទាក់ទាញអ្នកទេសចរមកពីប្រទេសជិតខាង មករីករាយជាមួយធម្មជាតិដ៏អស្ចារ្យនៃខេត្តមណ្ឌលគិរី៕ អ៊ិត ភីរុណ

ឯកឧត្តម សាយ សំអាល់៖ ការច្នៃប្រឌិតថ្មីជាគំនិតយុទ្ធសាស្រ្តមិនចេះរីងស្ងួត ដើម្បីបង្កើតផលិតផលសម្រាប់ទីផ្សារ

ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ចាត់ទុកការស្វែងរក និងជំរុញបង្កើតគំនិតច្នៃប្រឌិតថ្មីៗ ចេញជាផលិតផលសម្រេចផ្សេងៗ គឺជាការចូលរួម ក្នុងអភិវឌ្ឍនៃដំណើរការសេដ្ឋកិច្ច សង្គម ការបង្កើតផលិតផលក្នុងសហគមន៍ ការងារ និងការប្រកួតប្រជែង ខណៈកម្ពុជាគឺជាប្រទេសមាន សក្តានុពលសម្រាប់បម្រើជាវត្ថុជាតិមិនចេះរីងស្ងួត។ឯកឧត្តម សាយ សំអាល់ លើកឡើងក្នុងពិធីប្រកាសម្ចាស់ជ័យលាភីឆ្នើមពានរង្វាន់តោ្នតមាស ឬត្នោតដ៏ ២០២៤ (Thnot d’Or 2024) នៅថ្ងៃទី ២៧ ខែ កក្កដា ឆ្នាំ ២០២៤ នេះថា ប្រទេសកម្ពុជាគឺប្រទេសដែលមានសក្តានុពលសព្វបែបយ៉ាង សម្រាប់ការរស់នៅរបស់ប្រជាជន ជាពិសេសការចាប់យកបង្កើតជាអាជីវកម្ម ផ្សេងៗ ជាក់ស្តែង លោកឧកញ៉ាឱសថបណ្ឌិត ហៃ លីអ៊ាង គឺជាស្ថាបនិកដ៏ល្បីល្បាញ ក្នុងការស្រាវជ្រាវ និងកែច្នៃចេញជាផលិតផល សម្រេចផ្សេងៗ និងបានបង្កើតនូវអត្តសញ្ញាណរបស់កម្ពុជាជាច្រើនផងដែរ។ជុំវិញគំនិតច្នៃប្រឌិតនេះ, លោកឧកញ៉ាឱសថបណ្ឌិត ហៃ លីអ៊ាង ប្រធានមូលនិធិគីណាល់ និងជាប្រធានអគ្គនាយក្រុមហ៊ុនសហគ្រាស ប៉េប៉េអឹម និងខនហ្វីរេល បានពន្យល់ថា ការជ្រើសរើយយកប្រធានបទ ការច្នៃប្រឌិតបង្កើនគុណតម្លៃផលិតផលរុក្ខជាតិ មានប្រយោជន៍ដល់សុខភាពសម្រាប់ទីផ្សារក្នុងស្រុក និងទីផ្សាអន្តរជាតិ គឺចង់បង្ហាញថា ប្រទេសកម្ពុជាមានភាពសម្បូរបែបផ្នែករុក្ខជាតិឱសថ និងការផលិតចេញជាផលិតផលសម្រេចផ្សេងៗ សម្រាប់ផ្គត់ផ្គង់លើទីផ្សារ និងការនាំចេញ ជាពិសេសគឺការចូលរួមបង្កើតធនធាន មនុស្សនៅកម្ពុជា ឱ្យមានធនធានកាន់តែច្រើនរួមគ្នាជំរុញកែច្នៃ ដើម្បីចូលរួមក្នុងអភិវឌ្ឍនៃដំណើរការសេដ្ឋកិច្ច សង្គមឱ្យកាន់តែរីក ចម្រើន។សូមបញ្ជាក់ថាមូលនិធីគីណាល់ បានរៀបចំឱ្យមានការប្រកួតប្រជែងស្នាដៃអត្ថបទស្រាវជ្រាវសម្រាប់ពានរង្វាន់ត្នោតមាសនេះ ចាប់តាំងពីឆ្នាំ ២០១៧ ដើម្បីបញ្ជាក់ពីគោលនយោបាយទំនួលខុសត្រូវសង្គម និងសេដ្ឋកិច្ច (របស់ក្រុមហ៊ុន-សហគ្រាស PPM-Confirel Group) ដែលបង្កើតឡើង និងដឹកនាំដោយលោកឧកញ៉ា ឱសថបណ្ឌិត ហៃ លីអ៊ាង ហើយកម្មវិធីពានរង្វាន់ត្នោតមាស ឬ ត្នោតដ៏ (Thnot d'Or) នេះ មានគោលបំណងលើកទឹកចិត្តបណ្តុះគំនិតដល់និស្សិតកម្ពុជា ផ្នែកក្សេត្រសាស្រ្ត និងកសិ-ចំណីអាហារកម្ពុជា ចូលរួមក្នុងការ ស្រាវជ្រាវ និងការបង្កើតថ្មី ដើម្បីក្លាយជាតួអង្គយ៉ាងពិតប្រាកដក្នុងការចូលរួមអភិវឌ្ឍន៍ជនបទនៃប្រទេសកម្ពុជារបស់យើងទាំងអស់គ្នា៕ អត្ថបទ៖ សុន រ៉ាឌី

គណៈមេធាវីកម្ពុជា ចាប់ផ្តើមចុះអនុវត្តផ្ទាល់នូវគម្រោងមេធាវីដល់មូលដ្ឋានក្នុងខេត្តកំពង់ធំ

កាលពីរសៀលថ្ងៃទី២៦ ខែកក្កដា ឆ្នាំ២០២៤ គណៈមេធាវីនៃព្រះរាជាណាចក្រកម្ពុជា ចាប់ផ្តើមចុះអនុវត្តផ្ទាល់នូវគម្រោងមេធាវីដល់មូលដ្ឋានក្រុងស្ទឹងសែន ខេត្តកំពង់ធំ។ ក្នុងឱកាសនោះ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា លើកឡើងថា ការរៀបចំនូវគម្រោងមេធាវីដល់មូលដ្ឋាននេះមានទឹសដៅ៤សំខាន់ៗ ក្នុងនោះ៖ ទី១.ចង់ធ្វើការផ្សព្វផ្សាយអំពីវិជ្ជាជីវៈមេធាវី។ ទី២.សេវាកម្មរបស់មេធាវី ដែលពាក់ព័ន្ធជាមួយនិងការការពារក្តីដល់ជនក្រីក្រ។ ទី៣.ការផ្សព្វផ្សាយអំពីការជួយទៅដល់ជនក្រីក្រជាលក្ខណៈទូលំទូលាយរបស់គណៈមេធាវី ទាំងនៅក្នុងរឿងរដ្ឋប្បវេណី ក៏ដូចជារឿងព្រហ្មទណ្ឌ។ និងទី៤.ជាការផ្សព្វផ្សាយនូវច្បាប់គោលមួយចំនួន ជាពិសេស គឺទាក់ទងជាមួយនិងផ្នែករដ្ឋប្បវេណី និងរឿងព្រហ្មទណ្ឌ ដោយបានផ្សព្វផ្សាយផ្ទាល់ជាមួយនិងមន្រ្តីអាជ្ញាធរមូលដ្ឋាន ដែលជាថ្នាក់ដឹកនាំ នៅក្នុងកម្រិតក្រុង ស្រុក ខណ្ឌ ក៏ដូចជាកម្រិត ឃុំសង្កាត់ និងភូមិផងដែរ។ ឯកឧត្តម បន្តថាតាមរយៈការផ្សព្វផ្សាយរបស់គណៈមេធាវី អាជ្ញាធរមូលដ្ឋានចាប់ពីកម្រិតស្រុក ឬថ្នាក់ខណ្ឌចុះទៅនេះ គាត់និងបានដឹងអំពីសេវាកម្មរបស់គណៈមេធាវី ក៏ដូចជាកិច្ចការងារ ដែលគណៈមេធាវីបានធ្វើកន្លងមក ជាប្រយោជន៍របស់ប្រជាពលរដ្ឋ សង្គម ហើយជាពិសេសគឺនៅក្នុងការចូលរួមចំណែក អនុវត្តនូវ គោលនយោបាយបញ្ចកោណតំណាក់កាលទី១របស់រាជរដ្ឋាភិបាល។ ឯកឧត្តមបន្ថែមថា ក្រុមអាជ្ញាធរទាំងអស់ គឺគាត់ជាអ្នកធ្វើកិច្ចការងារផ្ទាល់ជាមួយនឹងប្រជាពលរដ្ឋ ជាអ្នកទទួលនូវសំណូមពរ ក៏ដូចជាតម្រូវការរបស់ប្រជាពលរដ្ឋ ក្រោយពីបានធាតុចូលពីគម្រោងនេះទៅ ពួកគាត់អាចចូលរួមដោះស្រាយបញ្ហា និងសំណូមពររបស់ប្រជាពលរដ្ឋនៅក្នុងវិស័យច្បាប់រដ្ឋប្បវេណី ក្នុងវិស័យព្រហ្មទណ្ឌ ពិសេសអត្រានុកូលដ្ឋាន ការលែងលះការបែងចែកមរតក ជាដើម ដោយមានប្រសិទ្ធភាព និងឆាប់រហ័ស។ ឯកឧត្តម បញ្ជាក់បន្ថែមផងដែរថា នៅក្នុងការអនុវត្តគម្រោងមេធាវីដល់មូលដ្ឋាននេះ គណៈមេធាវីក៏បានទទួលនូវការគាំទ្រពីសំណាក់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដោយបានស្នើរសំឱ្យអាជ្ញាធររាជធានី ខេត្ត ក៏ដូចជាគណៈមេធាវី សហការគ្នា នៅក្នុងការរៀបចំ នូវការបណ្តុះបណ្តាលនេះ។ យោងទៅតាមផែនការបន្ទាប់ពីគម្រោងមេធាវីដល់មូលដ្ឋាននៅក្នុងរដ្ឋបាលខេត្តកំពង់ធំ ជាបន្តគណៈមេធាវីនៃព្រះរាជាណាចក្រកម្ពុជា គ្រោងនិងរៀបចំធ្វើជាបន្តនៅក្នុងស្រុកនានា ក្នុងខេត្តកំពង់ធំផងដែរ។គួរបញ្ជាក់ផងដែរថា នៅក្នុងរយៈពេល៨ឆ្នាំចុងក្រោយនេះ គណៈមេធាវីនៃព្រះរាជាណាចក្រកម្ពុជា បានចូលរួមចំណែកយ៉ាងច្រើននៅក្នុងការដោះស្រាយបញ្ហា ពិសេសនៅក្នុងវិស័យព្រហ្មទណ្ឌ ជូនទៅដល់ប្រជាពលរដ្ឋ ដែលមានអ្នកពាក់ព័ន្ធជាង៧ម៉ឺននាក់បានទទួលនូវសេវាជំនួយផ្នែកច្បាប់ផងដែរ៕

អភិបាលខេត្តត្បូងឃ្មុំណែនាំដល់អាជ្ញាធររៀបចំកម្មវិធីអបអរសាទរថ្ងៃបើកការដ្ឋានព្រែកជីកហ្វូណនតេជោ

ឯកឧត្តម ឡុង ធាម ប្រធានក្រុមប្រឹក្សាខេត្ត និង ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ កាលពីរសៀលថ្ងៃទី២៦ ខែកក្កដា ឆ្នាំ២០២៤ បានអញ្ជើញជួបសំណេះសំណាលជាមួយមន្ត្រីរាជការ នៃរដ្ឋបាលស្រុកត្បូងឃ្មុំ ។ នៅក្នុងឱកាសនោះឯកឧត្តម ប៉ែន កុសល្យ បាននែនាំអាជ្ញាធរ ក្រុង ស្រុក ទាំង៧ ត្រូវរៀបចំពិធីអបអរសាទរថ្ងៃបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥ ខែសីហា ឆ្នាំ២០២៤ ឱបានគងរំពង។ឯកឧត្តមអភិបាលខេត្តមានប្រសាសន៍លើកឡើងថា គម្រោងព្រែកជីកហ្វូណនតេជោ គឺជាគម្រោងប្រវត្តិសាស្ត្រមួយដែលនឹងផ្តល់ផលប្រយោជន៍ដល់បងប្អូនប្រជាពលរដ្ឋខ្មែរយ៉ាងច្រើន ទាំងពេលនេះ និងទៅថ្ងៃអនាគត់ ដូច្នេះត្រូវតែចូលរួមអបអរសាទរឱ្យបានផុសផុល តាមដែលអាចធ្វើទៅបាន ដូចជារៀបចំទូងស្គរ វាយគង ជួង អាគាំងជាដើម។ ជាមួយគ្នានោះឯកឧត្តមក៏បានបញ្ជាក់ដែរថា រដ្ឋបាលខេត្តក៏មានរៀបចំការប្រគុំតន្ត្រីខ្នាត់ធំ និងបាញ់កាំជ្រួចនៅថ្ងៃទី៥ ខែកក្កដា ឆ្នាំ២០២៤ ដើម្បីអបអរថ្ងៃបើកការដ្ឋាននេះផងដែរ ដូច្នេះសូមបងប្អូនប្រជាពលរដ្ឋក្នុងខេត្តត្បូងឃ្មុំទាំងអស់ចូលរួមអបអរសាទរ និងមកលេងកម្សាន្តឳ្យបានគ្រប់ៗគ្នា ។នៅក្នុងឱកាសនោះដែរឯកឧត្តមអភិបាលខេត្តក៏បានក្រើនរំលឹកទៅដល់អាជ្ញាធរមូលដ្ឋាន ទាំងថ្នាក់ស្រុក ឃុំ ត្រូវបន្តធ្វើកិច្ចការងារបម្រើសវាសាធារណៈជូនប្រជាពលរដ្ឋឱ្យល្អ ប្រកបដោយភាពស្និតស្នាល ក្តីស្រឡាញ់ និងពោពេញដោយស្នាមញញឹមជានិច្ច ។ ក្នុងនោះការងារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ដូចជាការងារទប់ស្កាត់ និងបង្ក្រាបគ្រឿងញៀន ការងារបង្ក្រាបល្បែងស៊ីសងខុសច្បាប់ ការងារបង្ក្រាបក្មេងទំនើង ការងារបង្ក្រាបបទល្មើសធនធានធម្មជាតិ និងការងារសុវត្ថិភាពចរាចរណ៍ផ្លូវគោក រដ្ឋបាលស្រុកត្រូវសហការជាមួយ សមត្ថកិច្ចពាក់ព័ន្ធទប់ស្កាត់ និងបង្ក្រាបឱ្យបាន ដោយធ្វើយ៉ាងណាកុំឱ្យកើតមានលើទឹកស្រុកត្បូងឃ្មុំ៕ដោយ ៖ ជឹង សេងឡុង

អភិបាលខេត្តតាកែវណែនាំប្រធានច្រកទ្វារអន្តរជាតិភ្នំដិនថ្មីសម្របសម្រួលដល់ភ្ញៀវទេសចរឱ្យបានល្អ

ឯកឧត្តម វ៉ី សំណាង អភិបាលខេត្តតាកែវ បានណែនាំដល់ប្រធានទីស្នាក់ការត្រួតពិនិត្យច្រកទ្វារអន្តរជាតិភ្នំដិនថ្មី លោក នួន សារ៉ែន ត្រូវជួយធ្វើការសម្របសម្រួលនីតិវិធីដល់ពលរដ្ឋ និងភ្ញៀវទេសចរជាតិ និងអន្តរជាតិ ដែលធ្វើដំណើរចេញឬចូល តាមច្រកព្រំដែនឱ្យបានលឿនរហ័ស ប៉ុន្តែត្រូវស្របទៅតាមច្បាប់កំណត់។ថ្លែងនៅក្នុងពិធីប្រកាសចូលកាន់តំណែង ប្រធានទីស្នាក់ការត្រួតពិនិត្យច្រកទ្វារអន្តរជាតិភ្នំដិន ថ្មី នារសៀលថ្ងៃទី២៦ ខែកក្កដា ឆ្នាំ២០២៤ ឯកឧត្តម វ៉ី សំណាង បានថ្លែងបន្តថា ភាគីពាក់ព័ន្ធទាំងអស់ ដែលមានភារកិច្ចនៅតំបន់ព្រំដែន ត្រូវមានការសម្របសម្រួលការឆ្លងកាត់ព្រំដែនរបស់ភ្ញៀវទេសចរឱ្យបានល្អប្រសើរ និងត្រូវជៀសវាងបង្កបញ្ហាស្មុគស្មាញដល់ការចេញចូលដែលនាំឲ្យមានការរិះពីភ្ញៀវទេសចរ ជាពិសេសត្រូវជួយសម្របសម្រួលការ ចេញចូលតាមព្រំដែនរបស់ប្រជាពលរដ្ឋទាំងសងខាងអោយបានល្អផងដែរ ។ ឯកឧត្តមបន្ថែមទៀតថា មន្រ្តីនៅតាមព្រំដែនត្រូវបន្តពង្រឹងកិច្ចការពារ រក្សាសណ្តាប់ធ្នាប់ សុវត្ថិភាព សង្គមនៅតាមបណ្តោយព្រំដែន កងកម្លាំងមានសមត្ថកិច្ចដែលឈរជើងតាមព្រំដែន ចាំបាច់ត្រូវតែ សហការគ្នាជិតសិទ្ធិ ក្តាប់ឱ្យបាននូវស្ថានភាពសន្តិសុខព្រំដែន មានផែនការ និងកម្មវិធីសហប្រតិបត្តិ ការសំដៅប្រឆាំងរាល់បទល្មើស និងការរត់ពន្ធឆ្លងដែនគ្រប់ប្រភេទ ពិសេសធ្វើយ៉ាងណាឱ្យការដោះដូរទំនិញ របស់ប្រជាពលរដ្ឋរវាងខេត្តទាំង២ មានភាពរលូន និងដំណើរការជាប្រក្រតី ៕

ឯកឧត្តម ហេង សួរ នាំយកទៀនព្រះវស្សា និងទេយ្យទាន ប្រគេនជូនវត្តជម្ពូវ័នក្នុងខណ្ឌពោធិ៍សែនជ័យ

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមការងាររាជដ្ឋាភិបាលចុះមូលដ្ឋានខណ្ឌពោធិ៍សែនជ័យ រួមជាមួយលោក លោកស្រីគណៈអភិបាលខណ្ឌពោធិ៍សែនជ័យ នៅព្រឹកថ្ងៃអាទិត្យ ទី២៨ ខែកក្កដា ឆ្នាំ២០២៤នេះ បាននាំយកទៀនព្រះវស្សា និងទេយ្យទានប្រគេនព្រះសង្ឃ២០១អង្គដែលគង់រង់ចាំព្រះវស្សានៅក្នុងវត្តជម្ពូវ័នក្នុងខណ្ឌពោធិ៍សែនជ័យ រាជធានីភ្នំពេញ។ សម្ភារៈដែលឯកឧត្តមរដ្ឋមន្ត្រី និងក្រុមការងារបានប្រគេនជូនរួមមាន ទៀនវស្សា១គូ អង្ករ៨បាវ សាដក១ ស្ករស១បាវ ទឹកដោះគោខាប់១កេស ទឹកក្រូច១០កេស ទឹកសុទ្ធ១០កេស មីម៉ាម៉ា២កេសធំ ត្រីខ១កេស និងបច្ច័យមួយចំនួនទៀត។ការប្រគេនទៀនព្រះវស្សា និងទេយ្យទាននេះ ជាការរួមចំណែកទ្រទ្រង់ដល់ព្រះសង្ឃ ដែលគង់នៅតែក្នុងវត្ត រៀនសូត្រធម៌ វិន័យផ្សេងៗក្នុងរយៈពេល៣ ខែនៃការចូលកាន់ព្រះវស្សា។ ពិធីបុណ្យចូលព្រះវស្សា គឺជាពិធីបុណ្យមួយ ដែលមានសារៈសំខាន់ក្នុង ព្រះពុទ្ធសាសនាដែលជាពេលវេលាដ៏សំខាន់សម្រាប់ភិក្ខុសង្ឃ និងសាមណេបានរៀនធម៌ និងវិន័យយ៉ាងខ្ជាប់ខ្លួនតាមពុទ្ធឱវាទ៕

សហគមន៍អភិវឌ្ឍន៍កសិកម្មកំពុងប្រែក្លាយតំបន់ក្រាំងឆានស្រុកបរិបូណ៌ជាតំបន់អភិវឌ្ឍន៍កសិកម្ម និងកសិទេចរណ៍

តំបន់ក្រាំងឆាន ដែលមានផ្ទៃដីប្រមាណជាង២០០ហិកតា ស្ថិតនៅក្នុងឃុំផ្សារ ស្រុករបរិបូណ៌ ខេត្តកំពង់ឆ្នាំង ជាតំបន់ប្រកបដោយសក្តានុពលលើវិស័យកសិកម្ម និងទេសចរណ៍។ សហគមន៍អភិវឌ្ឍន៍កសិកម្មមួយនៅស្រុករបរិរបូណ៌ គ្រោងសហការជាមួយដៃគូឯកជន ប្រែក្លាយតំបន់មួយនេះ ជាតំបន់មួយដែលអាចផលិតបន្លែសរីរាង្គ ការចិញ្ចឹមសត្វ។ ក្រៅពីនេះនឹងរៀបចំឱ្យក្លាយជាតំបន់ទេចរណ៍ធម្មជាតិដ៏សម្បូបែប សម្រាប់ភ្ញៀវទេសចរណ៍ជាតិអន្តរជាតិមកលេងកម្សាន្តលំហែរអារម្មណ៍ផងដែរ។លោក ហេង សំណាង ប្រធានសហគមន៍បានប្រាប់ថាបច្ចុប្បន្នទោះបីផ្លូវនៅមកតំបន់ក្រាំងឆាននៃគម្រោងអភិវឌ្ឍន៍ មានការលំបាកខ្លះ តែលោកនឹងខិតខំប្រឹងប្រែងធ្វើការអភិវឌ្ឍន៍ជាបន្តបន្ទាប់ ហើយកែប្រែតំបន់នេះអោយក្លាយជាតំបន់បៃតងនៅគ្រប់រដូវកាល ដោយកែច្នៃឱ្យមានជាបឹង សម្រាប់ប្រជាពលរដ្ឋ ឬអ្នកទេសចរណ៍មកជិះទូកលេងកម្សាន្ត។ លោកបន្តថា បច្ចុប្បន្នតំបន់ក្រាំងឆាននេះ បានធ្វើការអភិវឌ្ឍន៍បានមួយចំនួនហើយ។ ប៉ុន្តែក្រោយពីសហគមន៍អភិវឌ្ឍន៍កសិកម្មសហការជាមួយដៃគូឯកជនហើយ នឹងជួយជម្រុញឱ្យតំបន់នេះ ជាតំបន់កសិកម្មមួយដ៏ល្អសម្រាប់ផ្គត់ផ្គង់ទីផ្សារនៅក្នុងមូលដ្ឋាន និងតាមទីផ្សារនានាក្នុងខេត្តកំពង់ឆ្នាំង។ ភ្ញៀវទេសចរមកលេងកម្សាន្តនៅទីនេះបានលើកឡើងថា ទោះបីការមកលេងកម្សាន្តនៅតំបន់នេះ មានការលំបាកផ្លូវបន្តិច តែពេលមកដល់តំបន់ក្រាំងឆាននេះ គឺមានអារម្មណ៍ប្លែក រីករាយស្រស់ថ្លា បាត់អស់ទុក្ខកង្វល់ ដោយបានមើលនូវទេសភាព ធម្មជាតិដ៍ស្រស់បំព្រង ព្រមទាំងបានជិះសេះលេងកំសាន្តនៅតាមផ្លូវអមដោយទេសភាពបៃតងស្រស់ផងដែរ។ ភ្ញៀវទេសចរសង្ឃឹមថានៅឆ្នាំ២០២៥ តំបន់ក្រាំងឆាននេះ នឹងក្លាយជាតំបន់ទេសចរណ៍មួយដ៏គួរឱ្យទាក់ទាញបន្ថែមទៀត៕ កាំង ហុងវាស្នា

រដ្ឋបាលខេត្តកំពង់ឆ្នាំងឱ្យអាជ្ញាធរក្រុងស្រុកទាំង៨ ទម្លាក់ប៉ាណូផ្សាយស្រាបៀរតាមដងផ្លូវចេញឱ្យអស់

យោងតាមអនុសាសន៍របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃស្តីពីការពិនិត្យឡើងវិញនូវរាល់ឯកសារព្រមព្រៀងជាមួយក្រុមហ៊ុនផលិត លក់ ចែកចាយ និងទទួលផ្សព្វផ្សាយគ្រឿងស្រវឹងនៅតាមផ្លូវ និងទីសាធារណៈ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានណែនាំដល់រដ្ឋបាលក្រុងស្រុកទាំង៨ក្នុងខេត្តកំពង់ឆ្នាំង ត្រូវរុះរើផ្ទាំងប៉ាណូនៅតាមដងផ្លូវ នៅកាត់ពីលើដងផ្លូវ និងនៅតាមទីសាធារណៈនានាស្ថិតក្នុងដែនសមត្ថកិច្ចរបស់ខ្លួនឱ្យអស់។បើតាមរដ្ឋបាលខេត្តកំពង់ឆ្នាំង គិតត្រឹមថ្ងៃទី២៧ ខែកក្កដា ឆ្នាំ២០២៤នេះ ប៉ាណូធំៗរបស់ក្រុមហ៊ុនស្រាបៀរប្រមាណ៥០%បានទម្លាក់ចុះនៅក្នុងក្រុងកំពង់ឆ្នាំង នៅ៥០%ទៀតមិនទាន់ទម្លាក់នៅឡើយ។ រដ្ឋបាលខេត្តបញ្ជាក់ថា ការបញ្ឈប់ការផ្សព្វផ្សាយគ្រឿងស្រវឹងតាមរយៈទម្លាក់ប៉ាណូស្រាបៀរតាមដងផ្លូវនេះ ក្នុងគោលបំណងកាត់បន្ថយការទទួលទានគ្រឿងស្រវឹងជ្រុលហួសហេតុ ដែលបង្កគ្រោះថ្នាក់ដល់សុខភាព សង្គម ពិសេសគ្រោះថ្នាក់ចរាចរណ៍ ធ្វើអោយប៉ះពាល់ដល់កុមារផងដែរ ៕ កាំង ហុងវាស្នា

អគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិត្រៀមវាយជួងទូងស្គរអបអរសាទរថ្ងៃបើកការដ្ឋានសាងសង់ព្រែកជីកហ្វូណនតេជោ

ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ នឹងដឹកនាំកម្លាំង នៃអគ្គនាយកដ្ឋានជួបជុំគ្នា វាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ ដែលនឹងប្រព្រឹត្តទៅនាថ្ងៃទី៥ ខែសីហា ឆ្នាំ២០២៤ខាងមុខនេះ។ឧត្តមសេនីយ៍ឯក ម៉ឹង ពន្លក បានថ្លែងថានាយទាហានពលទាហានទាំងអស់នៃអគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ នឹងជួបជុំគ្នា នៅកងពលតូចដឹកជញ្ជូនលេខ៩៩ ដើម្បីធ្វើពិធីអបអរសាទរថ្ងៃបើកការដ្ឋានសាងសង់នូវ«គម្រោងព្រែកជីកហ្វូណនតេជោ»នាថ្ងៃទី៥ខែសីហា ឆ្នាំ២០២៤ខាងមុខនេះ ខណៈព្រឹត្តិការណ៍ដ៏ប្រវត្តិសាស្រ្តរបស់កម្ពុជានេះ នឹងមានការវាយជួង ទូងស្គរ និងរគាំងទូទាំងប្រទេសនោះ។ឯកឧត្តម ឧត្តមសេនីយ៍ឯក ម៉ឹង ពន្លក បានថ្លែងថា«ក្នុងនាមអគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ បានត្រៀមរួចរាល់ហើយ ដើម្បីអបអរសាទរព្រឹត្តិការណ៍នាថ្ងៃទី៥ ខែសីហា ឆ្នាំ២០២៤ខាងមុខនេះ ដែលជាថ្ងៃប្រវត្តិសាស្រ្តបើកការដ្ឋានសាងសង់នូវ«គម្រោងព្រែកជីកហ្វូណនតេជោ» ក្រោមអធិបតីភាពរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជារបស់យើង។ គ្រប់អង្គភាពទាំងអស់ដែលចំណុះឲ្យអគ្គនាយកដ្ឋានភស្តុភារ និងហិរញ្ញវត្ថុនឹងមានការប្រជុំជួរវាយជួង ទូតស្គរ ទៅតាមការណែនាំ របស់រាជរដ្ឋាភិបាលនៅវេលាម៉ោង៩ និង៩នាទី នាថ្ងៃទី៥ ខែសីហាខាងមុខនេះដើម្បីអបអរសាទរនៅព្រឹត្តិការណ៍មួយនេះ»។ សូមបញ្ជាក់ថា គម្រោង«ព្រែកជីកហ្វូណនតេជោ»នឹងបើកការដ្ឋានសាងសង់ នៅថ្ងៃទី៥ ខែសីហា ឆ្នាំ២០២៤ខាងមុខនេះក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ខណៈគម្រោងយក្សមួយនេះត្រូវបានប្រជាពលរដ្ឋខ្មែរទាំងក្នុង និងក្រៅប្រទេសបានចូលរួមអបអរសាទរ និងប្រកាសគាំទ្រយ៉ាងពេញទំហឹង ថែមទាំងត្រៀមខ្លួនវាយជួង ទូងស្គរ និងរគាំងក្នុងថ្ងៃបើកការដ្ឋានសាងសង់ដែរនោះ។ គម្រោង«ព្រែកជីកហ្វូណនតេជោ» មានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និង បន្តរហូតដល់សមុទ្រ ខេត្តកែប ដោយឆ្លងកាត់ខេត្តចំនួន៤៖ ខេត្តកណ្តាល ខេត្តតាកែវ ខេត្តកំពត និងខេត្តកែប។ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ ១,៧០០លានដុល្លារ និងរយៈពេលសាងសង់ប្រមាណ៤ឆ្នាំ។ចាប់តាំងពីរាជរដ្ឋាភិបាលប្រកាសជាផ្លូវការចំពោះគម្រោងព្រែកជីកហ្វូណនតេជោនេះ ប្រជាពលរដ្ឋខ្មែរទាំងក្នុងនិងក្រៅប្រទេស និស្សិត បញ្ញវន្ត មន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ ស្ថាប័នជាតិ និងក្រោមជាតិ ព្រមទាំងបណ្តាគណបក្សនយោបាយ និងអង្គការសង្គមស៊ីវិលផង បានចេញញ្ញត្តិ និងបញ្ចេញសំឡេងគាំទ្រយ៉ាងកងរំពងដើម្បីឱ្យរាជរដ្ឋាភិបាលសម្រេចគម្រោងព្រែកជីកនេះឱ្យទាល់តែបាន។ការគាំទ្រគម្រោងព្រែកជីកដ៏មានសារសំខាន់មួយនេះ បានក្លាយជាចលនាជាតិយ៉ាងធំទូលំទូលាយ និងបានបង្ហាញឱ្យឃើញពីមហាសាមគ្គីជាតិផ្ទៃក្នុងខ្មែរយ៉ាងរឹងមាំផងដែរ។គម្រោងព្រែកជីកហ្វូណនតេជោមានអត្ថប្រយោជន៍ដ៏មហាសាលសម្រាប់កម្ពុជាពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់ភាពប្រកួតប្រជែងនៃទំនិញកម្ពុជា ពោលគឺអាចបង្កើតតំបន់ពាណិជ្ជកម្ម មជ្ឈមណ្ឌលភស្តុភារកម្ម និងការអភិវឌ្ឍផែរណបថ្មីៗជាច្រើនជាដើម។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ «ព្រែកជីកហ្វូណនតេជោ»នេះក៏នឹងជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើនទៀតដែលពលរដ្ឋរស់នៅតាមដងព្រែកទទួលបាន៕ អត្ថបទបាន ចក់

បណ្ដាញសង្គម

ព័ត៌មានថ្មីៗ

អតីតមន្ត្រី CIA ត្រូវបានចោទប្រកាន់ពីបទលួចដុំមាសមានតម្លៃរាប់លានដុល្លារពីរដ្ឋាភិបាលសហព័ន្ធ

ប្រមុខចារកម្មតាមអ៊ីនធឺណិតអង់គ្លេសហៅ AI ថា ជា «កម្លាំងដែលមិនអាចបញ្ឈប់បាន» និងព្រមានអំពី រុស្ស៊ី

កូវ៉ែតនិយាយថា ប្រព័ន្ធការពារដែនអាកាសរបស់ខ្លួន កំពុងស្ទាក់ចាប់មីស៊ីល និងការវាយប្រហារដោយ យានដ្រូន

UN ព្រួយបារម្ភយ៉ាងខ្លាំងចំពោះការសម្លាប់ជនស៊ីវិលហ្កាហ្សាដោយអ៊ីស្រាអែល នៅជិតខ្សែបន្ទាត់បទឈប់បាញ់

ជនជាតិហ្គាណា ៣០០នាក់ វិលត្រឡប់មកពីអាហ្វ្រិកខាងត្បូងវិញ បន្ទាប់ពីមានភាពតានតឹងប្រឆាំងជនអន្តោប្រវេសន៍

ផ្ទុះស៊ីទែនស្តុកគីមីនៅរដ្ឋវ៉ាស៊ីនតោន បានបណ្តាលឲ្យមនុស្សយ៉ាងតិច ២នាក់ ស្លាប់ និង ៩នាក់ បាត់ខ្លួន

ន័រវែសនឹងចូលរួមកម្មវិធីទប់ស្កាត់នុយក្លេអ៊ែរដឹកនាំដោយប្រទេសបារាំង

អារ៉ាប៊ីសាអ៊ូឌីតផ្តល់ជំនួយដល់ប្រទេសយេម៉ែននូវផលិតផលប្រេងដែលមានតម្លៃ ១៥០លានដុល្លារ អាមេរិក

មន្ត្រីជាន់ខ្ពស់ក្រុមហេសបូឡាបដិសេធការរំសាយអាវុធ ខណៈអ៊ីស្រាអែលបន្តវាយប្រហារនៅភាគខាងត្បូងលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ពលរដ្ឋនៅខេត្តមណ្ឌលគិរីរីករាយជាមួយកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម

គណៈមេធាវីកម្ពុជា ចាប់ផ្តើមចុះអនុវត្តផ្ទាល់នូវគម្រោងមេធាវីដល់មូលដ្ឋានក្នុងខេត្តកំពង់ធំ

អភិបាលខេត្តត្បូងឃ្មុំណែនាំដល់អាជ្ញាធររៀបចំកម្មវិធីអបអរសាទរថ្ងៃបើកការដ្ឋានព្រែកជីកហ្វូណនតេជោ

អភិបាលខេត្តតាកែវណែនាំប្រធានច្រកទ្វារអន្តរជាតិភ្នំដិនថ្មីសម្របសម្រួលដល់ភ្ញៀវទេសចរឱ្យបានល្អ

ឯកឧត្តម ហេង សួរ នាំយកទៀនព្រះវស្សា និងទេយ្យទាន ប្រគេនជូនវត្តជម្ពូវ័នក្នុងខណ្ឌពោធិ៍សែនជ័យ

សហគមន៍អភិវឌ្ឍន៍កសិកម្មកំពុងប្រែក្លាយតំបន់ក្រាំងឆានស្រុកបរិបូណ៌ជាតំបន់អភិវឌ្ឍន៍កសិកម្ម និងកសិទេចរណ៍

រដ្ឋបាលខេត្តកំពង់ឆ្នាំងឱ្យអាជ្ញាធរក្រុងស្រុកទាំង៨ ទម្លាក់ប៉ាណូផ្សាយស្រាបៀរតាមដងផ្លូវចេញឱ្យអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ពលរដ្ឋនៅខេត្តមណ្ឌលគិរីរីករាយជាមួយកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម

គណៈមេធាវីកម្ពុជា ចាប់ផ្តើមចុះអនុវត្តផ្ទាល់នូវគម្រោងមេធាវីដល់មូលដ្ឋានក្នុងខេត្តកំពង់ធំ

អភិបាលខេត្តត្បូងឃ្មុំណែនាំដល់អាជ្ញាធររៀបចំកម្មវិធីអបអរសាទរថ្ងៃបើកការដ្ឋានព្រែកជីកហ្វូណនតេជោ

អភិបាលខេត្តតាកែវណែនាំប្រធានច្រកទ្វារអន្តរជាតិភ្នំដិនថ្មីសម្របសម្រួលដល់ភ្ញៀវទេសចរឱ្យបានល្អ

ឯកឧត្តម ហេង សួរ នាំយកទៀនព្រះវស្សា និងទេយ្យទាន ប្រគេនជូនវត្តជម្ពូវ័ន​ក្នុងខណ្ឌពោធិ៍សែនជ័យ

សហគមន៍អភិវឌ្ឍន៍កសិកម្មកំពុងប្រែក្លាយតំបន់ក្រាំងឆានស្រុកបរិបូណ៌ជាតំបន់អភិវឌ្ឍន៍កសិកម្ម និងកសិទេចរណ៍

រដ្ឋបាលខេត្តកំពង់ឆ្នាំងឱ្យអាជ្ញាធរក្រុងស្រុកទាំង៨ ទម្លាក់ប៉ាណូផ្សាយស្រាបៀរ​តាមដងផ្លូវចេញឱ្យអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ហេង សួរ នាំយកទៀនព្រះវស្សា និងទេយ្យទាន ប្រគេនជូនវត្តជម្ពូវ័នក្នុងខណ្ឌពោធិ៍សែនជ័យ

រដ្ឋបាលខេត្តកំពង់ឆ្នាំងឱ្យអាជ្ញាធរក្រុងស្រុកទាំង៨ ទម្លាក់ប៉ាណូផ្សាយស្រាបៀរតាមដងផ្លូវចេញឱ្យអស់