BTV NEWS

កម្ពុជាតែងឈរលើគោលគំនិតសន្ដិភាពនិយម ព្រោះកម្ពុជាធ្លាប់ឆ្លងកាត់សង្គ្រាមជាង៣ទសវត្សរ៍ហើយ

ក្រសួងការងារ បន្តនាំយកឱកាសការងារជាង ១ម៉ឺនកន្លែង និងអត្ថប្រយោជន៍ ប.ស.ស. ព្រមទាំងកម្មវិធីបណ្តុះបណ្តាលជំនាញ TVET ដល់ពលរដ្ឋខេត្តពោធិ៍សាត់

ប្រមុខការពារជាតិរំឭកខ្មែរគ្រប់រូបរួបរួមគ្នាជាធ្លុងមួយក្រោកឡើងលើកតម្កើងកិត្យានុភាពជាតិ និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ

ត្រីនៅកន្លែងអភិរក្សតាមោក ក្នុងខេត្តសៀមរាប ងាប់អស់ប្រមាណពីរតោន ដោយសារអាកាសធាតុក្ដៅខ្លាំង

ព័ត៌មានជាតិ

អគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិត្រៀមវាយជួងទូងស្គរអបអរសាទរថ្ងៃបើកការដ្ឋានសាងសង់ព្រែកជីកហ្វូណនតេជោ

ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ នឹងដឹកនាំកម្លាំង នៃអគ្គនាយកដ្ឋានជួបជុំគ្នា វាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ ដែលនឹងប្រព្រឹត្តទៅនាថ្ងៃទី៥ ខែសីហា ឆ្នាំ២០២៤ខាងមុខនេះ។ឧត្តមសេនីយ៍ឯក ម៉ឹង ពន្លក បានថ្លែងថានាយទាហានពលទាហានទាំងអស់នៃអគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ នឹងជួបជុំគ្នា នៅកងពលតូចដឹកជញ្ជូនលេខ៩៩ ដើម្បីធ្វើពិធីអបអរសាទរថ្ងៃបើកការដ្ឋានសាងសង់នូវ«គម្រោងព្រែកជីកហ្វូណនតេជោ»នាថ្ងៃទី៥ខែសីហា ឆ្នាំ២០២៤ខាងមុខនេះ ខណៈព្រឹត្តិការណ៍ដ៏ប្រវត្តិសាស្រ្តរបស់កម្ពុជានេះ នឹងមានការវាយជួង ទូងស្គរ និងរគាំងទូទាំងប្រទេសនោះ។ឯកឧត្តម ឧត្តមសេនីយ៍ឯក ម៉ឹង ពន្លក បានថ្លែងថា«ក្នុងនាមអគ្គនាយកដ្ឋានភស្តុភារ និងហិរញ្ញវត្ថុក្រសួងការពារជាតិ បានត្រៀមរួចរាល់ហើយ ដើម្បីអបអរសាទរព្រឹត្តិការណ៍នាថ្ងៃទី៥ ខែសីហា ឆ្នាំ២០២៤ខាងមុខនេះ ដែលជាថ្ងៃប្រវត្តិសាស្រ្តបើកការដ្ឋានសាងសង់នូវ«គម្រោងព្រែកជីកហ្វូណនតេជោ» ក្រោមអធិបតីភាពរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជារបស់យើង។ គ្រប់អង្គភាពទាំងអស់ដែលចំណុះឲ្យអគ្គនាយកដ្ឋានភស្តុភារ និងហិរញ្ញវត្ថុនឹងមានការប្រជុំជួរវាយជួង ទូតស្គរ ទៅតាមការណែនាំ របស់រាជរដ្ឋាភិបាលនៅវេលាម៉ោង៩ និង៩នាទី នាថ្ងៃទី៥ ខែសីហាខាងមុខនេះដើម្បីអបអរសាទរនៅព្រឹត្តិការណ៍មួយនេះ»។ សូមបញ្ជាក់ថា គម្រោង«ព្រែកជីកហ្វូណនតេជោ»នឹងបើកការដ្ឋានសាងសង់ នៅថ្ងៃទី៥ ខែសីហា ឆ្នាំ២០២៤ខាងមុខនេះក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ខណៈគម្រោងយក្សមួយនេះត្រូវបានប្រជាពលរដ្ឋខ្មែរទាំងក្នុង និងក្រៅប្រទេសបានចូលរួមអបអរសាទរ និងប្រកាសគាំទ្រយ៉ាងពេញទំហឹង ថែមទាំងត្រៀមខ្លួនវាយជួង ទូងស្គរ និងរគាំងក្នុងថ្ងៃបើកការដ្ឋានសាងសង់ដែរនោះ។ គម្រោង«ព្រែកជីកហ្វូណនតេជោ» មានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និង បន្តរហូតដល់សមុទ្រ ខេត្តកែប ដោយឆ្លងកាត់ខេត្តចំនួន៤៖ ខេត្តកណ្តាល ខេត្តតាកែវ ខេត្តកំពត និងខេត្តកែប។ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ ១,៧០០លានដុល្លារ និងរយៈពេលសាងសង់ប្រមាណ៤ឆ្នាំ។ចាប់តាំងពីរាជរដ្ឋាភិបាលប្រកាសជាផ្លូវការចំពោះគម្រោងព្រែកជីកហ្វូណនតេជោនេះ ប្រជាពលរដ្ឋខ្មែរទាំងក្នុងនិងក្រៅប្រទេស និស្សិត បញ្ញវន្ត មន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ ស្ថាប័នជាតិ និងក្រោមជាតិ ព្រមទាំងបណ្តាគណបក្សនយោបាយ និងអង្គការសង្គមស៊ីវិលផង បានចេញញ្ញត្តិ និងបញ្ចេញសំឡេងគាំទ្រយ៉ាងកងរំពងដើម្បីឱ្យរាជរដ្ឋាភិបាលសម្រេចគម្រោងព្រែកជីកនេះឱ្យទាល់តែបាន។ការគាំទ្រគម្រោងព្រែកជីកដ៏មានសារសំខាន់មួយនេះ បានក្លាយជាចលនាជាតិយ៉ាងធំទូលំទូលាយ និងបានបង្ហាញឱ្យឃើញពីមហាសាមគ្គីជាតិផ្ទៃក្នុងខ្មែរយ៉ាងរឹងមាំផងដែរ។គម្រោងព្រែកជីកហ្វូណនតេជោមានអត្ថប្រយោជន៍ដ៏មហាសាលសម្រាប់កម្ពុជាពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់ភាពប្រកួតប្រជែងនៃទំនិញកម្ពុជា ពោលគឺអាចបង្កើតតំបន់ពាណិជ្ជកម្ម មជ្ឈមណ្ឌលភស្តុភារកម្ម និងការអភិវឌ្ឍផែរណបថ្មីៗជាច្រើនជាដើម។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ «ព្រែកជីកហ្វូណនតេជោ»នេះក៏នឹងជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើនទៀតដែលពលរដ្ឋរស់នៅតាមដងព្រែកទទួលបាន៕ អត្ថបទបាន ចក់

កម្មវិធីអាស៊ានបូកបី នវានុវត្តន៍ករវ័យក្មេងរួមគ្នាបង្កើតដំណោះស្រាយចំពោះការប្រែប្រួលអាកាសធាតុ

កម្មវិធីអាស៊ានបូកបី វិថីអ្នកវិទ្យាសាស្រ្តវ័យក្មេងលើកទី១០ (APT JSO-10) ត្រូវបានបិទបញ្ចប់នៅថ្ងៃទី២៧ ខែកក្កដា ឆ្នាំ២០២៤ ខណៈដែលអ្នកចូលរួមវ័យក្មេងទាំងនេះ បានបង្កើតចំណងមិត្តភាពយូរអង្វែង និងបង្ហាញពីឆន្ទៈចង់ក្លាយជាតួអង្គសំខាន់ក្នុងការអភិវឌ្ឍផ្នែកវិទ្យាសាស្ត្រសម្រាប់តំបន់អាស៊ាន+៣។ឯកឧត្តម ហែម វណ្ណឌី បានអបអរសាទរដល់យុវជនទាំងអស់ចំពោះការខិតខំប្រឹងប្រែង និងសមិទ្ធផលដ៏ល្អប្រសើររបស់ពួកគេក្នុងរយៈពេលប្រាំថ្ងៃកន្លងមកនេះ។ នៅក្នុងកម្មវិធី APT JSO-10 ក្រោមប្រធានបទ «ការប្រជែងនឹងការប្រែប្រួលអាកាសធាតុ» នេះ សិស្សានុសិស្សបានចូលរួមក្នុងសិក្ខាសាលាដែលផ្តល់បទពិសោធន៍ជាក់ស្តែង សហការពហុជាតិសាសន៍ដើម្បីបង្កើតគម្រោង ធ្វើពិសោធន៍វិទ្យាសាស្ត្រ និងចូលរួមកិច្ចពិភាក្សានានា ក្នុងគោលដៅលើកកម្ពស់ការយល់ដឹង និងស្វែងរកដំណោះស្រាយប្រកបដោយនវានុវត្តន៍ ដើម្បីប្រយុទ្ធប្រឆាំងនឹងការប្រែប្រួលអាកាសធាតុ។ឯកឧត្តមរដ្ឋមន្ត្រី បានលើកឡើងថា “ក្មួយៗបាន បង្ហាញមិនត្រឹមតែចំណេះដឹង និងសមត្ថភាពប៉ុណ្ណោះទេ ប៉ុន្តែថែមទាំងបង្ហាញពីស្មារតីនៃការធ្វើការងារជាក្រុម និងការសហការគ្នា ដែលជាស្នូលនៃសហគមន៍អាស៊ាន+3។” ឯកឧត្តមបានសង្កត់ធ្ងន់លើតួនាទីនៃវិទ្យាសាស្ត្រ បច្ចេកវិទ្យា និងនវានុវត្តន៍ ក្នុងការជំរុញកំណើនសេដ្ឋកិច្ច ស្របតាមផែនការសកម្មភាពអាស៊ានស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០១៥-២០២៥ សំដៅបង្កើនវឌ្ឍនភាពក្នុងតំបន់។ ការធ្វើជាម្ចាស់ផ្ទះរៀបចំកម្មវិធី APT JSO របស់កម្ពុជាជាលើកដំបូង បានឆ្លុះបញ្ចាំងពីការយកចិត្តទុកដាក់របស់រាជរដ្ឋាភិបាល ក្នុងការជំរុញឧត្តមភាពផ្នែកវិទ្យាសាស្ត្រ និងវប្បធម៌នវានុវត្តន៍។ ឯកឧត្តមរដ្ឋមន្ត្រី បានបន្តថា៖ “កម្មវិធីនេះបានផ្តល់ជាវេទិកាមួយ ដើម្បីតម្រង់ទិសដល់អ្នកវិទ្យាសាស្ត្រ និងនវានុវត្តន៍ករជំនាន់ក្រោយ ដើម្បីឱ្យពួគេបន្តទាញយកសក្តានុពលដែលឥតដែនកំណត់នៃវិទ្យាសាស្ត្រ បច្ចេកវិទ្យា និងនវានុវត្តន៍ ទាំងនៅក្នុងតំបន់ និងលើសកលលោក។ឯកឧត្តមបានលើកទឹកចិត្តឱ្យអ្នកចូលរួមទាំងអស់បន្តអភិវឌ្ឍចំណេះដឹង និងបទពិសោធន៍ដែលទទួលបានពីកម្មវិធីនេះ បណ្តុះស្មារតីចង់ចេះចង់ដឹង និងប្រើប្រាស់ចំណេះដឹងថ្មីៗរបស់ពួកគេ ដើម្បីជាប្រយោជន៍ដល់មនុស្សជាច្រើនទៀត។សូមបញ្ជាក់ថាកម្មវិធី APT JSO លើកទី១០ បានបញ្ចប់ដោយស្មារតីសាទរ និងក្តីសង្ឃឹម ខណៈដែលអ្នកចូលរួមវ័យក្មេងទាំងនេះ បានបង្កើតចំណងមិត្តភាពយូរអង្វែង និងបង្ហាញពីឆន្ទៈចង់ក្លាយជាតួអង្គសំខាន់ក្នុងការអភិវឌ្ឍផ្នែកវិទ្យាសាស្ត្រសម្រាប់តំបន់អាស៊ាន+៣។កម្មវិធី ដែលកម្ពុជាធ្វើជាម្ចាស់ផ្ទះរៀបចំពីថ្ងៃទី២២-២៧ ខែកក្កដា ឆ្នាំ២០២៧ នៅក្រុងសៀមរាប បាននាំយកសិស្សអនុវិទ្យាល័យមកពីបណ្តាប្រទេសអាស៊ាន+3 ដើម្បីសិក្សាស្វែងយល់ពីវិទ្យាសាស្ត្រ និងផ្លាស់ប្តូរវប្បធម៌ក្នុងរយៈពេលពេញ មួយសប្តាហ៍៕

មន្ត្រី៖ការអប់រំនយោបាយមានសារសំខាន់ណាស់ ដើម្បីជំរុញយុវជនឲ្យក្លាយជាអ្នកបន្តវេនដ៏មានសក្ដានុពល

ឯកឧត្តម ឃុត ចាន់ដារ៉ា សមាជិកគណៈកម្មាធិការកណ្តាលគណបក្សប្រជាជនកម្ពុជា (CPP) និងជាប្រធានផ្នែកក្រសួង-ស្ថាប័ន នៃយុវជនគណបក្សថ្នាក់កណ្តាល បានថ្លែងថា ការអប់រំនយោបាយរបស់គណបក្ស គឺមានសារសំខាន់ខ្លាំងណាស់ ក្នុងការពង្រឹងមន្ត្រីបក្សដែលជាយុវជន ឲ្យក្លាយជាអ្នកបន្តវេនដ៏មានសក្ដានុពល។ក្នុងពិធីបើកវគ្គបណ្ដុះបណ្ដាលស្តីពី “នយោបាយ ឈ្នះ ឈ្នះ” របស់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ជូនដល់សមាជិក សមាជិកាយុវជនគណបក្សក្រសួង-ស្ថាប័នទាំង៤២ និងជំនួយការផ្នែកក្រសួង-ស្ថាប័ន នៃយុវជនគណបក្សប្រជាជនកម្ពុជាថ្នាក់កណ្តាល នៅថ្ងៃទី២៨ ខែកក្កដា ឆ្នាំ២០២៤ ឯកឧត្តម ឃុត ចាន់ដារ៉ា មានប្រសាសន៍ថា ការជ្រើសរើសយក “នយោបាយឈ្នះ-ឈ្នះ” មកធ្វើជាប្រធានបទនៃវគ្គបណ្តុះបណ្តាលនេះ មិនមែនជាការចៃដន្យនោះទេ ព្រោះនយោបាយឈ្នះ-ឈ្នះ ដែលមានសម្តេចតេជោ ជាស្ថាបនិក និងជាអគ្គមគ្គុទ្ទេសក៍ឯក បានធ្វើឱ្យកម្ពុជាបិទបញ្ចប់ភ្លើងសង្គ្រាមដ៏រ៉ាំរ៉ៃ គឺជាមេរៀនដ៏សំខាន់មួយដែលកូនខ្មែរគ្រប់រូបត្រូវតែយល់ដឹង និងមានមោទនភាព ចំពោះសុខសន្តិភាព ដែលអនុញ្ញាតឱ្យប្រទេសកម្ពុជា មានមុខមាត់លើឆាកអន្តរជាតិដូចសព្វថ្ងៃ ។ ឯកឧត្តមបន្តថា ក្នុងដំណាក់កាលបច្ចុប្បន្ន ការអប់រំនយោបាយ របស់គណបក្សកាន់តែមានសារៈសំខាន់ក្នុងការកសាង ពង្រឹងជួរមន្ត្រីរបស់គណបក្ស ជាពិសេសមន្ត្រីវ័យក្មេង ដែលជាកម្លាំងបន្តវេនដ៏មានសក្តានុពល ដែលកំពុងប្រឹងប្រែងបញ្ចេញអស់កម្លាំងកាយ កម្លាំងចិត្ត និងបញ្ញាស្មារតី ដើម្បីសម្រេចចក្ខុវិស័យរបស់គណបក្ស ហើយដែលចំពោះមុខនេះ គឺការខិតខំអនុវត្តឱ្យបានជោគជ័យកម្មវិធីនយោបាយ របស់គណបក្សសម្រាប់ការកសាង និងការពារនូវមាតុភូមិឆ្នាំ២០២៣-២០២៨ ដែលក្លាយជាកម្មវិធីនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភា ។ ឯកឧត្តម ហាវ រតនៈ សមាជិកគណៈអចិន្ត្រៃយ៍ និងជាអនុប្រធានផ្នែកក្រសួង-ស្ថាប័ន ព្រមទាំងជាប្រធានគ្រប់គ្រងវគ្គ លើកឡើងថា វគ្គបណ្តុះបណ្តាលនេះ គឺជាផ្នែកមួយនៃផែនការសកម្មភាពឆ្នាំ២០២៤ របស់ក្រុមការងារយុវជនផ្នែកក្រសួង-ស្ថាប័ន នៃយុវជនគណបក្សថ្នាក់កណ្តាល ដែលកំណត់អំពីការពង្រឹងសមត្ថភាព និងគុណភាពសមាជិកបក្សជាយុវជន នៅតាមក្រសួងស្ថាប័ន និងគណបក្សមូលដ្ឋាន ។គួរបញ្ជាក់ថា វគ្គបណ្តុះបណ្តាលស្តីពី “នយោបាយ ឈ្នះ-ឈ្នះ របស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា គឺមានឯកឧត្តមនាយឧត្តមសេនីយ៍ ណឹម សុវត្ថិ អគ្គនាយក នៃអគ្គនាយកដ្ឋាននយោបាយ និងកិច្ចការបរទេសនៃក្រសួងការពារជាតិ និងជាប្រធានក្រុមការងារសាងសង់វិមានឈ្នះ ឈ្នះ ធ្វើជាគ្រូឧទ្ទេសដោយផ្ទាល់ ជូនដល់សិក្ខាកាម សរុបចំនួន ១៥៧នាក់ ស្រី ២៦នាក់ ៕ អត្ថបទ បាន សុខរិទ្ធិ

បញ្ជាការដ្ឋានកងទ័ពជើងទឹកនឹងវាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

បញ្ជាការដ្ឋានកងទ័ពជើងទឹក បានត្រៀមខ្លួនរួចជាស្រេចដើម្បីធ្វើពិធីអបអរសាទរបើកការដ្ឋានសាងសង់នូវ«គម្រោងព្រែកជីកហ្វូណនតេជោ»នាថ្ងៃទី៥ ខែសីហា ឆ្នាំ២០២៤ខាមុខនេះ នៅក្នុងបញ្ជាការដ្ឋានកងទ័ពជើងទឹក ដោយនឹងមានការវាយជួង និងទូងស្គរដើម្បីជាការបង្ហាញនូវការគាំទ្រចំពោះរាជរដ្ឋាភិបាល ក្នុងការកសាងនូវគម្រោងដ៏ប្រវត្តិសាស្រ្តមួយនេះដែលផ្តល់ឧត្តមប្រយោជន៍ជូនជាតិ និងប្រជាជនកម្ពុជាទាំងនមូលនោះ។ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាអគ្គលេខាធិការរងនៃគណៈកម្មាធិការជាតិសន្តិសុខលម្ហសមុទ្របានថ្លែងប្រាប់ទូរទស្សន៍BTVថា នាយទាហានពលទាហានទាំងអស់នៃបញ្ជាការដ្ឋានកងទ័ពជើងទឹកនឹងជួបជុំគ្នា ទាំងនៅដែនសមុទ្រ និងរាជធានីភ្នំពេញធ្វើពិធីអបអរសាទរថ្ងៃបើកការដ្ឋានសាងសង់នូវ«គម្រោងព្រែកជីកហ្វូណនតេជោ»នាថ្ងៃទី៥ខែសីហា ឆ្នាំ២០២៤ខាងមុខនេះ ខណៈព្រឹត្តិការណ៍ដ៏ប្រវត្តិសាស្រ្តរបស់កម្ពុជានេះ នឹងមានការវាយជួង ទូងស្គរ និងរគាំងទូទាំងប្រទេសនោះ។ឯកឧត្តម ឧត្តមនាវីឯក ទៀ សុខា បានថ្លែងថា«ក្នុងនាមបញ្ជាការដ្ឋានកងទ័ពជើងទឹក និងជំនួសមុខឲ្យនាយឧត្តមនាវី ទៀ វិញ មេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងទឹក បានត្រៀមរួចរាល់ហើយ ដើម្បីអបអរសាទរព្រឹត្តិការណ៍នាថ្ងៃទី៥ ខែសីហា ឆ្នាំ២០២៤ខាងមុខនេះ ដែលជាថ្ងៃប្រវត្តិសាស្រ្តបើកការដ្ឋានសាងសង់នូវ«គម្រោងព្រែកជីកហ្វូណនតេជោ» ក្រោមអធិបតីភាពរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជារបស់យើង។ គ្រប់អង្គភាពទាំងអស់ដែលចំណុះឲ្យបញ្ជាការដ្ឋានកងទ័ពជើងទឹកនឹងមានការប្រជុំជួរវាយជួង ទូតស្គរ ទៅតាមការណែនាំ របស់រាជរដ្ឋាភិបាលនៅវេលាម៉ោង៩ និង៩នាទី នាថ្ងៃទី៥ ខែសីហាខាងមុខនេះដើម្បីអបអរសាទរនៅព្រឹត្តិការណ៍មួយនេះ»។សូមបញ្ជាក់ថា គម្រោង«ព្រែកជីកហ្វូណនតេជោ»នឹងបើកការដ្ឋានសាងសង់ នៅថ្ងៃទី៥ ខែសីហា ឆ្នាំ២០២៤ខាងមុខនេះក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ខណៈគម្រោងយក្សមួយនេះត្រូវបានប្រជាពលរដ្ឋខ្មែរទាំងក្នុង និងក្រៅប្រទេសបានចូលរួមអបអរសាទរ និងប្រកាសគាំទ្រយ៉ាងពេញទំហឹង ថែមទាំងត្រៀមខ្លួនវាយជួង ទូងស្គរ និងរគាំងក្នុងថ្ងៃបើកការដ្ឋានសាងសង់ដែរនោះ។គម្រោង«ព្រែកជីកហ្វូណនតេជោ» មានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្តចំនួន៤៖ ខេត្តកណ្តាល ខេត្តតាកែវ ខេត្តកំពត និងខេត្តកែប។ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ ១,៧០០លានដុល្លារ និងរយៈពេលសាងសង់ប្រមាណ៤ឆ្នាំ។ចាប់តាំងពីរាជរដ្ឋាភិបាលប្រកាសជាផ្លូវការចំពោះគម្រោងព្រែកជីកហ្វូណនតេជោនេះ ប្រជាពលរដ្ឋខ្មែរទាំងក្នុងនិងក្រៅប្រទេស និស្សិត បញ្ញវន្ត មន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ ស្ថាប័នជាតិ និងក្រោមជាតិ ព្រមទាំងបណ្តាគណបក្សនយោបាយ និងអង្គការសង្គមស៊ីវិលផង បានចេញញ្ញត្តិ និងបញ្ចេញសំឡេងគាំទ្រយ៉ាងកងរំពងដើម្បីឱ្យរាជរដ្ឋាភិបាលសម្រេចគម្រោងព្រែកជីកនេះឱ្យទាល់តែបាន។ ការគាំទ្រគម្រោងព្រែកជីកដ៏មានសារៈសំខាន់មួយនេះ បានក្លាយជាចលនាជាតិយ៉ាងធំទូលំទូលាយ និងបានបង្ហាញឱ្យឃើញពីមហាសាមគ្គីជាតិផ្ទៃក្នុងខ្មែរយ៉ាងរឹងមាំផងដែរ។គម្រោងព្រែកជីកហ្វូណនតេជោមានអត្ថប្រយោជន៍ដ៏មហាសាលសម្រាប់កម្ពុជាពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់ភាពប្រកួតប្រជែងនៃទំនិញកម្ពុជា ពោលគឺអាចបង្កើតតំបន់ពាណិជ្ជកម្ម មជ្ឈមណ្ឌលភស្តុភារកម្ម និងការអភិវឌ្ឍផែរណបថ្មីៗជាច្រើនជាដើម។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ «ព្រែកជីកហ្វូណនតេជោ»នេះក៏នឹងជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើនទៀតដែលពលរដ្ឋរស់នៅតាមដងព្រែកទទួលបាន៕ អត្ថបទ៖ បាន ចក់

មន្ត្រីរាជការ អាជ្ញាធរមូលដ្ឋាន និងអង្គការ រួមនឹងសិស្សានុសិស្សជាង១ពាន់នាក់ សំអាតសំរាមនៅបរិវេណទីតាំងបើកការដ្ឋានព្រែកជីកហ្វូណនតេជោ ដើម្បីឲ្យបរិស្ថានស្អាត

កណ្ដាល៖ អង្គការសំអាតទន្លេសមុទ្រ សហការជាមួយមន្ទីរបរិស្ថានខេត្តកណ្ដាល និងរដ្ឋបាលស្រុកកៀនស្វាយ បានធ្វើនូវយុទ្ធនាការធ្វើអនាម័យសំអាតសំរាម នៅជុំវិញបរិវេណ នៃទីតាំងបើកការដ្ឋានគម្រោងព្រែកជីកហ្វូណនតេជោ ដើម្បីឲ្យបរិស្ថានមានភាពស្អាត និងបរិយាកាសល្អ ។ដោយយុទ្ធនាការនេះ បានធ្វើឡើងនៅព្រឹកថ្ងៃទី២៧ ខែកក្កដា ឆ្នាំ២០២៤ នៅចំណុចព្រែកតាកែវ ដែលមានអ្នកចូលរួមមកពីមន្ត្រីអង្គការសំអាតទន្លេសមុទ្រ មន្ត្រីមន្ទីរបរិស្ថាន មន្ត្រីរដ្ឋបាលស្រុកកៀនស្វាយ កងកម្លាំងទាំង៣ យុវជនសហភាពសហព័ន្ធយុវជនកម្ពុជា (ស.ស.យ.ក) សិស្សានុសិស្ស និងប្រជាពលរដ្ឋប្រមាណជាង ១ពាន់នាក់ ។ក្នុងពេលបើកយុទ្ធនាការសំអាតសំរាម លោក ពៅ សមណៈ ប្រធានមន្ទីរបរិស្ថានខេត្តកណ្ដាល បានឲ្យដឹងថា សម្រាប់បរិមាណដែលត្រូវសំអាត គឺមាននៅទីតាំងប្រារព្ធពិធី តាមដងទន្លេ ដងព្រែកតាកែវ និងតាមដងផ្លូវជាដើម ហើយស្ថានភាពទីតាំងនេះ គឺមានសំរាមច្រើនផងដែរ តែយ៉ាងណាភាគីពាក់ព័ន្ធ នឹងធ្វើការសំអាតឲ្យអស់ ដើម្បីឲ្យបរិស្ថានមានភាពស្អាតល្អ ការប្រារព្ធពិធីប្រព្រឹត្តិទៅដោយរលូន ។ចំណែកលោក នូ សុវណ្ណ នាយកប្រតិបត្តិអង្គការសំអាតទន្លេសមុទ្រ បានលើកឡើងថា ដើម្បីបង្ហាញការចូលរួមពេញទំហឹង ក្នុងការថែរក្សាអនាម័យ ប្រភពទឹកធម្មជាតិទាំងអស់ អង្គការសំអាតទន្លេសមុទ្រ បាននឹងកំពុងត្រៀមខ្លួនរួចជាសម្រេច ដើម្បីជួយដល់ព្រែកជីកហ្វូណនតេជោ តាមរយៈបេសកកម្មសំអាតព្រែក ក្នុងអំឡុងពេលសាងសង់ និងការបង្កើតបាននូវប្រព័ន្ធគ្រប់គ្រងសំរាម ឲ្យបានកាន់តែល្អប្រសើរ នៅពេលព្រែកជីកត្រូវបានសាងសង់រួច ។លោកបានបន្តថា យើងអាចសំអាតសំរាមចេញពីប្រភពទឹកទន្លេ និងសមុទ្រ និងទប់ស្កាត់ការចោលបំពុលដោយសំរាមថ្មី បានក្នុងរយៈពេល៥ ទៅ៦ឆ្នាំ នៅពេលមានការចូលរួមពេញលេញពីប្រជាពលរដ្ឋ ម្ចាស់ជំនួយ និងមានបរិយាកាសគាំទ្រពីរាជរដ្ឋាភិបាល រដ្ឋបាលថ្នាក់ជាតិ និងរដ្ឋបាលថ្នាក់ក្រោមជាតិទាំងអស់ ។គួរបញ្ជាក់ថា ចាប់ពីអនុវត្តបេសកកម្មរយៈពេលប៉ុន្មានឆ្នាំមកនេះ ក្រោមការជួយគាំទ្រពីក្រុមហ៊ុន Leader Energy Group Berhad គឺគិតថ្ងៃទី២៧ ខែកក្កដា ឆ្នាំ២០២៤ អង្គការសំអាតទន្លេសមុទ្រ បានសំអាតសំរាមចេញពីទន្លេមេគង្គ ទន្លេសាប និងទន្លេបាសាក់ ក្នុងភូមិសាស្ត្ររាជធានីភ្នំពេញ និងខេត្តកណ្ដាល បានប្រមាណ ១ ៨៨០តោន ខណៈនៅពេលព្រែកជីកហ្វូណនតេជោសាងសង់រួចរាល់ អង្គការក៏មានគោលដៅចូលរួមជាសហការជាមួយអាជ្ញាធរ ក្នុងការថែទាំបរិស្ថានផងដែរ៕ អត្ថបទ បាន សុខរិទ្ធិ

កងពលតូចដឹកជញ្ជូនលេខ៩៩ នឹងជួបជុំគ្នារៀបចំអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

ខណៈការបើកការដ្ឋានសាងសង់នូវ«គម្រោងព្រែកជីកហ្វូណនតេជោ»កាន់តែខិតជិតមកដល់ ពោលគឺថ្ងៃទី៥ ខែសីហា ឆ្នាំ២០២៤ខាមុខនេះ កងពលតូចដឹកជញ្ជូនលេខ៩៩ នឹងរៀបចំអបអរសាទរនៅក្នុងកងពលរបស់ខ្លួន ដោយនឹងមានការវាយជួង និងទូងស្គរដើម្បីជាការបង្ហាញនូវការគាំទ្រចំពោះរាជរដ្ឋាភិបាល ក្នុងការកសាងនូវគម្រោងជាប្រវត្តិសាស្រ្តដែលផ្តល់ឧត្តមប្រយោជន៍ជូនជាតិ និងប្រជាជនកម្ពុជាទាំងមូល។លោកឧត្តមសេនីយ៍ត្រី ហ៊ុល វណ្ឌី មេបញ្ជាការរង និងជានាយសេនាធិការកងពលតូចដឹកជញ្ជូនលេខ៩៩បានឲ្យដឹងថា ឧត្តមសេនីយ៍ឯក ម៉ឹង ពន្លក អគ្គនាយកអគ្គនាយកដ្ឋានភស្តុភារ និងហិរញ្ញវត្ថុរបស់ក្រសួងការពារជាតិកម្ពុជា នឹងដឹកនាំបណ្ដាអង្គភាពចំណុះអគ្គនាយកដ្ឋានភស្ដុភារ និងហិរញ្ញវត្ថុ រួមនឹងនាយទាហាន ពលទាហានរបស់កងពលតូចដឹកជញ្ជូនលេខ៩៩ ជួបជុំគ្នានៅក្នុងបរិវេនកងពលតូចដឹងជញ្ជូនលេខ៩៩ ដើម្បីអបអរសាទរថ្ងៃបើកការដ្ឋានសាងសង់នូវ«គម្រោងព្រែកជីកហ្វូណនតេជោ»នាថ្ងៃទី ៥ ខែសីហា ឆ្នាំ២០២៤ខាងមុខនេះ ខណៈព្រឹត្តិការណ៍ដ៏ប្រវត្តិសាស្រ្តរបស់កម្ពុជានេះ នឹងមានការវាយជួង ទូងស្គរ និងរគាំងទូទាំងប្រទេសនោះ។លោកឧត្តមសេនីយ៍ត្រី ហ៊ុល វណ្ឌី បាននិយាយថា«ជំនួសមុខឲ្យ មេបញ្ជាការកងពលតូចដឹកជញ្ជូនលេខ៩៩ បានត្រៀមខ្លួនរួចជាស្រេច ដើម្បីប្រមូលផ្តុំកងកម្លាំងអបអរសាទរព្រឹត្តិការណ៍នាថ្ងៃទី៥ ខែសីហា ឆ្នាំ២០២៤ខាងមុខនេះ ដែលជាថ្ងៃប្រវត្តិសាស្រ្តបើកការដ្ឋានសាងសង់នូវគម្រោងព្រែកជីកហ្វូណនតេជោ ក្រោមអធិបតីភាពរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាយើង។កងពលតូចដឹកជញ្ជូនលេខ៩៩នឹងមានការប្រជុំជួរ វាយជួងទៅតាមការណែនាំ របស់រាជរដ្ឋាភិបាលនៅវេលាម៉ោង៩ និង៩នាទី នាថ្ងៃទី៥ ខែសីហាខាងមុខនេះ»សូមបញ្ជាក់ថា គម្រោង«ព្រែកជីកហ្វូណនតេជោ»នឹងបើកការដ្ឋានសាងសង់ នៅថ្ងៃទី៥ ខែសីហា ឆ្នាំ២០២៤ខាងមុខនេះក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ខណៈគម្រោងយក្សមួយនេះត្រូវបានប្រជាពលរដ្ឋខ្មែរទាំងក្នុង និងក្រៅប្រទេសបានចូលរួមអបអរសាទរ និងប្រកាសគាំទ្រយ៉ាងពេញទំហឹង ថែមទាំងត្រៀមខ្លួនវាយជួង ទូងស្គរ និងរគាំងក្នុងថ្ងៃបើកការដ្ឋានសាងសង់ដែរនោះ។គម្រោង«ព្រែកជីកហ្វូណនតេជោ» មានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្តចំនួន៤៖ ខេត្តកណ្តាល ខេត្តតាកែវ ខេត្តកំពត និងខេត្តកែប។ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ ១,៧០០លានដុល្លារ និងរយៈពេលសាងសង់ប្រមាណ៤ឆ្នាំ។ចាប់តាំងពីរាជរដ្ឋាភិបាលប្រកាសជាផ្លូវការចំពោះគម្រោងព្រែកជីកហ្វូណនតេជោនេះ ប្រជាពលរដ្ឋខ្មែរទាំងក្នុងនិងក្រៅប្រទេស និស្សិត បញ្ញវន្ត មន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ ស្ថាប័នជាតិ និងក្រោមជាតិ ព្រមទាំងបណ្តាគណបក្សនយោបាយ និងអង្គការសង្គមស៊ីវិលផង បានចេញញ្ញត្តិ និងបញ្ចេញសំឡេងគាំទ្រយ៉ាងកងរំពងដើម្បីឱ្យរាជរដ្ឋាភិបាលសម្រេចគម្រោងព្រែកជីកនេះឱ្យទាល់តែបាន។ ការគាំទ្រគម្រោងព្រែកជីកដ៏មានសារៈសំខាន់មួយនេះ បានក្លាយជាចលនាជាតិយ៉ាងធំទូលំទូលាយ និងបានបង្ហាញឱ្យឃើញពីមហាសាមគ្គីជាតិផ្ទៃក្នុងខ្មែរយ៉ាងរឹងមាំផងដែរ។គម្រោងព្រែកជីកហ្វូណនតេជោមានអត្ថប្រយោជន៍ដ៏មហាសាលសម្រាប់កម្ពុជាពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់ភាពប្រកួតប្រជែងនៃទំនិញកម្ពុជា ពោលគឺអាចបង្កើតតំបន់ពាណិជ្ជកម្ម មជ្ឈមណ្ឌលភស្តុភារកម្ម និងការអភិវឌ្ឍផែរណបថ្មីៗជាច្រើនជាដើម។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។«ព្រែកជីកហ្វូណនតេជោ»នេះក៏នឹងជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើនទៀតដែលពលរដ្ឋរស់នៅតាមដងព្រែកទទួលបាន៕ អត្ថបទ៖ បាន ចក់

ឯកឧត្តម ស៊ុយ សែម៖ គ្មានការកាត់ទឹកដី៤ខេត្តទៅវៀតណាមដូចការមូលបង្កាច់ពីក្រុមជ្រុលនិយមនោះឡើយ

នៅថ្ងៃទី២៧ ខែកក្កដា ឆ្នាំ២០២៤ អ្នកតំណាងរាស្ត្រខេត្តពោធិ៍សាត់ រួមមាន ឯកឧត្តម ស៊ុយ សែម និងឯកឧត្តម ទី ថា បានអញ្ជើញជួបសំណេះសំណាល ជាមួយបងប្អូនប្រជាពលរដ្ឋប្រមាណ៤០០នាក់មកពីតាមបណ្ដាភូមិនានា ក្នុងឃុំខ្នារទទឹង ស្រុកបាកាន ខេត្តពោធិ៍សាត់ ។ មានប្រសាសន៍សំណេះសំណាលក្នុងឱកាសនោះ ឯកឧត្តម ស៊ុយ សែម បានសម្ដែងទឹកចិត្តសប្បាយរីករាយ ព្រមទាំងបានលើកឡើងថា ការជួបជុំគ្នាថ្ងៃនេះគឺដើម្បីដឹងសុខដឹងទុក្ខគ្នាទៅវិញទៅមក ហើយក៏ជាវេទិកាមួយផ្ដល់ឱកាសឲ្យបងប្អូន បានលើកឡើងអំពីភាពរីកចម្រើននៅមូលដ្ឋាន និងទុកលំបាកផ្សេងៗដែលជាបញ្ហាប្រឈមរបស់បងប្អូនជួបប្រទះសព្វថ្ងៃនេះ។ ឯកឧត្តមសូមឲ្យបងប្អូនប្រជាពលរដ្ឋ ខិតខំប្រកបមុខរបរចិញ្ចឹមជីវិតដោយសុច្ចរឹត អប់រំកូនចៅឲ្យខិតខំរៀនសូត្រ កុំសេពគ្រឿងញៀន គ្រឿងស្រវឹង កុំលេងល្បែងស៊ីសង និងកុំធ្វើជាក្មេងទំនើងដែលសង្គមស្អប់ខ្ពើម។ ជាមួយគ្នានេះ ការរស់នៅប្រចាំថ្ងៃ ត្រូវអនាម័យបរិស្ថានជុំវិញផ្ទះឲ្យបានស្អាតជានិច្ច ដើម្បីចៀសផុតពីជំងឺតម្កាត់ផ្សេងៗ។ ក្នុងនោះដែរ ឯកឧត្តម ស៊ុយ សែម បានសង្កត់ធ្ងន់ថា គ្មានការកាត់ទឹកដីចំនួន៤ខេត្ត គឺខេត្តរតនៈគិរី មណ្ឌលគិរី ស្ទឹងត្រែង និងខេត្តក្រចេះ ទៅឲ្យប្រទេសវៀតណាម ដូចការចោទប្រកាន់ មូលបង្កាច់ ពីក្រុមជ្រុលនិយមមួយក្ដាប់តូចនោះឡើយ។ គ្មានការយកខេត្តទាំង៤របស់កម្ពុជា ទៅដាក់ហ៊ុនជាមួយប្រទេសជិតខាង ដើម្បីរួមបញ្ចូលគ្នាជាដែនដីតែមួយ ដូចការលើកឡើងដោយបំពាន ឬដោយការភាន់ច្រឡំមួយចំនួននោះឡើយ។ គ្មានការដាក់ហ៊ុនធនធានធម្មជាតិ ដូចជាធនធានរ៉ែនិងធនធានព្រៃឈើជាដើម របស់ខេត្តទាំង៤ ដើម្បីវិនិយោគរួមគ្នាដូចការលើកឡើងនោះឡើយ។ គ្មានការអនុញ្ញាតឲ្យប្រជាពលរដ្ឋប្រទេសនីមួយៗ ចេញចូលដោយសេរីក្នុងទឹកដីតំបន់អភិវឌ្ឍន៍ត្រីកោណនោះឡើយ។ ការលើកឡើងរបស់ក្រុមប្រឆាំង ទាក់ទិនទៅនឹងក្របខណ្ឌកិច្ចសហប្រតិបត្តការអភិវឌ្ឍតំបន់ត្រីកោណ កម្ពុជា ឡាវ និង វៀតណាម ដែលហៅកាត់ថាCLVនេះ គឺជាការបង្កើតរឿងបំពុលសង្គម និងដើម្បីបង្វែអារម្មណ៍ជនរួមជាតិ មិនឲ្យចាប់អារម្មណ៍ទៅនឹងគម្រោងព្រែកជីកហ្វូណនតេជោ និងគម្រោងអភិវឌ្ឍន៍នានា របស់ប្រទេសជាតិយើងទៅវិញទេ។ ឯកឧត្តម ស៊ុយ សែម សូមឲ្យបងប្អូនប្រជាពលរដ្ឋ គាំទ្រយ៉ាងពេញទំហឹងចំពោះសារពិសេសរបស់សម្ដេចតេជោ ហ៊ុន សែន លើការអនុវត្តកម្មវិធី និងគម្រោងក្នុងក្របខណ្ឌតំបន់ត្រីកោណ អភិវឌ្ឍន៍កម្ពុជា ឡាវ វៀតណាម ដែលជាគំនិតផ្ដួចផ្ដើមដំបូងរបស់កម្ពុជា ក្នុងឆ្នាំ១៩៩៩ ដែលមានសម្ដេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជានាពេលនោះ សំដៅជម្រុញការធ្វើសមាហរណកម្មខេត្តជាប់ព្រំដែននៃប្រទេសទាំងបី ឲ្យក្លាយជាតំបន់ព្រំដែនមិត្តភាព សាមគ្គីភាព និងការអភិវឌ្ឍ។ ជាមួយគ្នានេះឯកឧត្តមអ្នកតំណាងរាស្ត្រ សូមឲ្យបងប្អូនប្រជាពលរដ្ឋទាំងអស់ គាំទ្រគម្រោងព្រែកជីកហ្វូណនតេជោ ដែលនឹងបើកការដ្ឋានសាងសង់ នៅថ្ងៃទី០៥ ខែសីហា ឆ្នាំ២០២៤ខាងមុខនេះហើយ។ ព្រែកជីកហ្វូណនតេជោនេះ ជាសមិទ្ធផលប្រវត្តិសាស្ត្រ និងជាគំនិតផ្ដួចផ្ដើមរបស់សម្ដេចតេជោ ហ៊ុន សែន ហើយអនុវត្តដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីបន្តអាណត្តិទី៧ ដែលផ្ដល់អត្ថប្រយោជន៍ច្រើនបំផុត លើវិស័យដឹកជញ្ជូនតាមផ្លូវទឹក វិស័យកសិកម្ម និងវិស័យទេសចរណ៍។ ឯកឧត្តមសូមឲ្យបងប្អូនប្រជាពលរដ្ឋ មន្ត្រីរាជការ ព្រះសង្ឃ នាំគ្នាវាយជួង ទូងស្គរ គោះត្រដោក ឲ្យបានកងរំពង ដើម្បីអបអរសាទរ ពិធីបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី០៥ខែសីហាឆ្នាំ២០២៤ខាងមុខនេះ ៕

ប្រធានអាជ្ញាធរជាតិប្រយុទ្ធនឹងជំងឺអេដស៍ បង្ហាញពីសមិទ្ធផលនៃការឆ្លើយតបនឹងមេរោគអេដស៍នៅលើវេទិកាអន្តរជាតិ និងបញ្ជាក់ពីការជឿនលឿនក្នុងការបង្ការអេដស៍ នៅកម្ពុជា

ភ្នំពេញ ÷ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានត្រឡប់ពីដឹកនាំគណៈប្រតិភូកម្ពុជា ទៅចូលរួមកិច្ចប្រជុំក្រុមប្រឹក្សាសម្របសម្រួលយូអិនអេដស៍ លើកទី៥៤ នៅក្រុងហ្សឺណែវ ប្រទេសស្វ៊ីស និងសន្និសីទអន្តរជាតិស្តីពីអេដស៍ នៅក្រុងមុយនិច ប្រទេសអាល្លឺម៉ង់, នៅល្ងាចថ្ងៃទី២៧ ខែកក្កដា ឆ្នាំ២០២៤នេះ នៅអាកាសយានដ្ឋានអន្តរជាតិភ្នំពេញ VIP។ថ្លែងទៅកាន់អ្នកសារព័ត៌មាន ឯកឧត្តមទេសរដ្ឋមន្ត្រីបានលើកឡើងពីគណៈប្រតិភូកម្ពុជាបង្ហាញពីសមិទ្ធផលដែលសម្រេចបានក្នុងការឆ្លើយតបនឹងមេរោគអេដស៍ និងជំងឺអេដស៍នៅក្នុងវេទិកាអន្តរជាតិ។ ក្នុងនោះកម្ពុជា បានដាក់ចេញគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍សម្រាប់ឆ្នាំ២០២៣-២០២៨ ដោយកិច្ចប្រជុំពេញអង្គគណៈរដ្ឋមន្ត្រី នាថ្ងៃទី១៥ ខែមីនា ឆ្នាំ២០២៤កន្លងទៅ។ ទន្ទឹមនឹងនេះ អង្គការយូអិនអេដស៍បានទទួលស្គាល់ថា កម្ពុជា ជាប់ចំណាត់ថ្នាក់លេខ១ នៅអាស៊ីប៉ាស៊ីហ្វ៊ិក ក្នុងការឆ្លើយតបនឹងមេរោគអេដស៍ និងជំងឺអេដស៍ផងដែរ។ចំពោះសន្និសីទអន្តរជាតិស្តីពីអេដស៍នៅក្រុងមុយនិច មានការបង្ហាញពីការរីកចម្រើនខាងវិទ្យាសាស្ត្រ ដោយអ្នកស្រាវជ្រាវរកឃើញវិធីបង្ការការចម្លងមេរោគអេដស៍តាមរយៈការចាក់ថ្នាំ២ដងក្នុងមួយឆ្នាំ និងវិធីព្យាបាលឱ្យជាដាច់(បច្ចុប្បន្នបាន៧នាក់)ផងដែរ។ ប៉ុន្តែ វិធីសាស្ត្រចាក់ថ្នាំបង្ការត្រូវឆ្លងការពិនិត្យពីអង្គការសុខភាពពិភពលោកជាមុនសិន ហើយថ្នាំក៏អាចមានតម្លៃថ្លៃ។ បន្ថែមពីលើនោះ ក៏មានការព្រួយបារម្ភពីការកាត់បន្ថយការឆ្លងថ្មីដែលគោលដៅឆ្នាំ២០២៥ថាឱ្យមានចំនួន ៣៧០០០០នាក់នៅជុំវិញពិភពលោកនោះ នៅក្នុងឆ្នាំ២០២៣មានអ្នកឆ្លងថ្មី១,៣លាននាក់នៅឡើយ។ ឯថវិកាឆ្លើយតបក៏មានការថយចុះផងដែរ។ ប៉ុន្តែ ថ្នាក់ដឹកនាំអង្គការអន្តរជាតិទប់ស្កាត់ការរីករាលដាលមេរោគអេដស៍ដូចជាអង្គការយូអិនអេដស៍ជាដើម លើកមតិឡើងថា គោលដៅបញ្ចប់អេដស៍នៅឆ្នាំ២០៣០ នៅតែអាចសម្រេចបាន ប្រសិនបើជំនួយហិរញ្ញវត្ថុមិនត្រូវបានកាត់បន្ថយ និងការគោរពសិទ្ធមនុស្សត្រូវបានលើកកម្ពស់គ្រប់ទីកន្លែង៕អត្ថបទ រដ្ឋា

ឯកឧត្តម ហួត ហាក់ បើកកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារបន្តឆមាសទី២ របស់ក្រុមការងារគណបក្សចុះមូលដ្ឋានស្រុកស្ទឹងត្រង់

កំពង់ចាម: នៅថ្ងៃទី២៧ ខែកក្កដា ឆ្នាំ២០២៤ ឯកឧត្តម ហួត ហាក់ សមាជិកគណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកស្ទឹងត្រង់ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារបន្តឆមាសទី២ ឆ្នាំ២០២៤ របស់ក្រុមការងារគណបក្សចុះមូលដ្ឋានស្រុកស្ទឹងត្រង់ ខេត្តកំពង់ចាម ។កិច្ចប្រជុំនេះដែរ មានការអញ្ជើញចូលរួមពី ឯកឧត្តម ច្រឹង គឹមស្រ៊ាន ទីប្រឹក្សាសម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា លោកជំទាវ កុល ធារិន សមាជិការដ្ឋសភា (តំណាងរាស្ត្រមណ្ឌលខេត្តកំពង់ចាម) ឯកឧត្តម លោកជំទាវ អនុប្រធាន សមាជិក សមាជិកា នៃក្រុមការងារចុះមូលដ្ឋានស្រុកស្ទឹងត្រង់ លោកប្រធានក្រុមការងារចុះមូលដ្ឋានឃុំទាំង១២ សរុបចំនួន ១៥០នាក់ នៅទីស្នាក់ការគណបក្សស្រុកស្ទឹងត្រង់ ខេត្តកំពង់ចាម។

ឯកឧត្តម ប៉េង ពោធិ៍នា ចុះពិនិត្យការជួសជុលតភ្ជាប់កំណាត់ផ្លូវជាតិលេខ១០ ដែលបាក់ស្រុត

ពោធិ៍សាត់៖ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នៅរសៀលថ្ងៃទី២៧ ខែកក្កដា ឆ្នាំ២០២៤ បានអញ្ជើញចុះពិនិត្យ និងធ្វើការជាមួយក្រុមហ៊ុន នៅកំណាត់ផ្លូវជាតិលេខ១០ នៅត្រង់ចំណុច PK90+600 ដែលបានរអិលបាក់ស្រុត ស្ថិតក្នុងស្រុកវាលវែង ក្នុងខេត្តពោធិ៍សាត់ ។ ទីតាំងលើកំណាត់ផ្លូវជាតិ ដែលមានដីរអិលបាក់ស្រុតនេះ បណ្តាលមកពីភ្លៀងធ្លាក់ជាប្រចាំជោកជាំ ប្រមាណ២សប្តាហ៍ជាប់ៗគ្នា ដែលមានកំរិតទឹកភ្លៀងខុសពីធម្មតា បានធ្វើឱ្យហូរច្រោះដីនៅស្រទាប់ខាងក្រោម និងបាក់ស្រុត នាល្ងាចថ្ងៃទី២៥ ខែកក្កដា ឆ្នាំ២០២៤ កន្លងមកនេះ។ ក្រុមការងារបច្ចេកទេសរបស់ក្រសួង និងភាគីក្រុមហ៊ុន បានធ្វើការយ៉ាងសកម្ម ក្នុងការជួសជុល និងតភ្ជាប់ឡើងវិញ រហូតអាចចរាចរណ៍ជាបណ្តោះអាសន្នបានសម្រាប់រថយន្តធុនស្រាល និងខិតខំរួមគ្នាបន្តដោះស្រាយ ដើម្បីអាចបើកចរាចរណ៍ធម្មតានាពេលឆាប់ៗខាងមុខនេះ។ គួរបញ្ជាក់ថា គិតត្រឹមចុងខែកក្កដា ឆ្នាំ២០២៤នេះ គម្រោងស្ថាបនាផ្លូវជាតិលេខ១០ សម្រេចបាន៨៩,៥៦% ហើយ។ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងសរុប ១៩៨,៥១ គីឡូម៉ែត្រ និងតភ្ជាប់ខេត្តចំនួន៣ រួមមាន៖ ខេត្តកោះកុង ខេត្តពោធិ៍សាត់ និងខេត្តបាត់ដំបង។ គម្រោងសាងសង់ផ្លូវនេះ មានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ ហើយគ្រោងនឹងបញ្ចប់នាខែមិថុនា ឆ្នាំ២០២៥ខាងមុខនេះ៕

បណ្ដាញសង្គម

ព័ត៌មានថ្មីៗ

អ៊ីរ៉ងថ្កោលទោសការវាយប្រហារ នៅភាគខាងត្បូងប្រទេស និងព្រមានពីការរំលោភលើបទឈប់បាញ់

ទីភ្នាក់ងារដឹកជញ្ជូន៖ នាវាដឹកប្រេងចំនួនបីគ្រឿង ត្រូវរងការវាយប្រហារដោយយានដ្រូន នៅក្នុងសមុទ្រខ្មៅ

យោធាចិន បញ្ជាក់ថា បានបង្ខំឲ្យនាវាចម្បាំងហូឡង់ចាកចេញ នៅសមុទ្រចិនខាងត្បូង

អនាគតនៃការចរចារវាងអ៊ីស្រាអែលនិងលីបង់សម្របសម្រួលដោយអាមេរិក នៅមិនច្បាស់លាស់ ខណៈអ៊ីស្រាអែលទម្លាក់គ្រាប់បែកលើលីបង់

អ៊ីស្រាអែលវាយប្រហារទីក្រុង Tyre បន្ទាប់ពីប្រកាស «តំបន់ប្រយុទ្ធ» នៅភាគខាងត្បូងប្រទេសលីបង់

នគរបាលនិយាយថា សិស្ស១៦នាក់ស្លាប់ក្នុងអគ្គិភ័យឆាបឆេះនៅសាលារៀនរបស់ប្រទេសកេនយ៉ា

ហេសបូឡា៖ មានការវាយប្រហារ ៣៧លើក ដោយផ្តោតលើកងកម្លាំងអ៊ីស្រាអែល និងជើងទម្រ Iron Dome

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

កម្មវិធីអាស៊ានបូកបី នវានុវត្តន៍ករវ័យក្មេងរួមគ្នាបង្កើតដំណោះស្រាយចំពោះការប្រែប្រួលអាកាសធាតុ

មន្ត្រី៖ការអប់រំនយោបាយមានសារសំខាន់ណាស់ ដើម្បីជំរុញយុវជនឲ្យក្លាយជាអ្នកបន្តវេនដ៏មានសក្ដានុពល

បញ្ជាការដ្ឋានកងទ័ពជើងទឹកនឹងវាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

កងពលតូចដឹកជញ្ជូនលេខ៩៩ នឹងជួបជុំគ្នារៀបចំអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

ឯកឧត្តម ស៊ុយ សែម៖ គ្មានការកាត់ទឹកដី៤ខេត្តទៅវៀតណាមដូចការមូលបង្កាច់ពីក្រុមជ្រុលនិយមនោះឡើយ

ឯកឧត្តម ប៉េង ពោធិ៍នា ចុះពិនិត្យការជួសជុលតភ្ជាប់កំណាត់ផ្លូវជាតិលេខ១០ ដែលបាក់ស្រុត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កម្មវិធីអាស៊ានបូកបី នវានុវត្តន៍ករវ័យក្មេងរួមគ្នាបង្កើតដំណោះស្រាយ​ចំពោះការប្រែប្រួលអាកាសធាតុ

មន្ត្រី៖ការអប់រំនយោបាយមានសារសំខាន់ណាស់ ដើម្បីជំរុញយុវជនឲ្យក្លាយជាអ្នកបន្តវេន​ដ៏មានសក្ដានុពល

បញ្ជាការដ្ឋានកងទ័ពជើងទឹកនឹងវាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់​ព្រែកជីកហ្វូណនតេជោ

កងពលតូចដឹកជញ្ជូនលេខ៩៩ នឹងជួបជុំគ្នារៀបចំអបអរសាទរ ថ្ងៃបើកការដ្ឋានសាងសង់​ព្រែកជីកហ្វូណនតេជោ

ឯកឧត្តម ស៊ុយ សែម៖ គ្មានការកាត់ទឹកដី៤ខេត្តទៅវៀតណាមដូចការមូលបង្កាច់​ពីក្រុមជ្រុលនិយមនោះឡើយ

ឯកឧត្តម ប៉េង ពោធិ៍នា ចុះពិនិត្យការជួសជុលតភ្ជាប់កំណាត់ផ្លូវជាតិលេខ១០ ដែលបាក់ស្រុត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្មវិធីអាស៊ានបូកបី នវានុវត្តន៍ករវ័យក្មេងរួមគ្នាបង្កើតដំណោះស្រាយចំពោះការប្រែប្រួលអាកាសធាតុ

មន្ត្រី៖ការអប់រំនយោបាយមានសារសំខាន់ណាស់ ដើម្បីជំរុញយុវជនឲ្យក្លាយជាអ្នកបន្តវេនដ៏មានសក្ដានុពល

បញ្ជាការដ្ឋានកងទ័ពជើងទឹកនឹងវាយជួង ទូងស្គរ ដើម្បីអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

កងពលតូចដឹកជញ្ជូនលេខ៩៩ នឹងជួបជុំគ្នារៀបចំអបអរសាទរ ថ្ងៃបើកការដ្ឋានសាងសង់ព្រែកជីកហ្វូណនតេជោ

ឯកឧត្តម ស៊ុយ សែម៖ គ្មានការកាត់ទឹកដី៤ខេត្តទៅវៀតណាមដូចការមូលបង្កាច់ពីក្រុមជ្រុលនិយមនោះឡើយ