BTV NEWS

សម្តេចធិបតីនាយករដ្ឋមន្ត្រី ផ្តល់ស្ពានបេតុងចំនួន១ កន្លែង ប្រវែង ៩០ ម៉ែត្រ ជូនដល់ប្រជាពលរដ្ឋនៅស្រុកជីក្រែង ខេត្តសៀមរាប

កម្ពុជាតែងឈរលើគោលគំនិតសន្ដិភាពនិយម ព្រោះកម្ពុជាធ្លាប់ឆ្លងកាត់សង្គ្រាមជាង៣ទសវត្សរ៍ហើយ

ក្រសួងការងារ បន្តនាំយកឱកាសការងារជាង ១ម៉ឺនកន្លែង និងអត្ថប្រយោជន៍ ប.ស.ស. ព្រមទាំងកម្មវិធីបណ្តុះបណ្តាលជំនាញ TVET ដល់ពលរដ្ឋខេត្តពោធិ៍សាត់

ប្រមុខការពារជាតិរំឭកខ្មែរគ្រប់រូបរួបរួមគ្នាជាធ្លុងមួយក្រោកឡើងលើកតម្កើងកិត្យានុភាពជាតិ និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ

ព័ត៌មានជាតិ

សហភាពសិទ្ធិកម្មករកម្ពុជានឹងបើកការផ្សព្វផ្សាយពីគម្រោងអភិវឌ្ឍតំបន់ត្រីកោណ CLV ដល់កម្មកររោងចក្រ

ក្នុងគោលដៅបញ្ចៀសព័ត៌មានក្លែងក្លាយ ក៏ដូចជាចៀសវាងការញុះញុង់ បំភ្លៃការពិតរបស់ក្រុមជ្រុលនិយមមួយចំនួន។ សហភាពសិទ្ធិកម្មករកម្ពុជា គ្រោងនឹងចុះទៅផ្សព្វផ្សាយព័ត៌បន្ថែមជុំវិញកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម (CLV-DTA) ដើម្បីបញ្ជ្រៀបការយល់ដឹងដល់កម្មករ កម្មការនីតាមរោងចក្រ សហគ្រាស។នៅក្នុងបទសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី២៦ ខែកក្កដានេះ លោក គឹម ចាន់សំណាង ប្រធានសហភាពសិទ្ធិកម្មករកម្ពុជា បានលើកឡើងថា ពាក់ព័ន្ធកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម នេះ ទាំងរូបលោក ក៏ដូចជាតំណាងសហភាពសហជីព អង្គការ-សមាគមនានា ដែលកំពុងបម្រើការនៅក្នុងវិស័យកាត់ដេរសម្លៀកបំពាក់ ស្បែកជើង កាបូប វិស័យអប់រំ កសិកម្ម សេវាកម្ម ដឹកជញ្ជូន និងសេដ្ឋកិច្ចក្រៅប្រព័ន្ធ បានបង្ហាញការពេញចិត្ត និងគាំទ្រយ៉ាងពេញទំហឹងចំពោះការងារខាងលើនេះ ដោយសារគម្រោងនេះ នឹងអាចជួយបង្កើនពាណិជ្ជកម្មឆ្លងដែន ការលើកកម្ពស់វិស័យទេសចរណ៍ កសិកម្ម ដែលជាគ្រឹះក្នុងការអភិវឌ្ឍសេដ្ឋកិច្ច-សង្គមថែមទៀតផង។ លោកបានបន្តថា ក្រៅពីនេះ គម្រោងនេះ ក៏បានជួយទប់ស្កាត់ឧក្រិដ្ឋកម្មឆ្លងដែន គ្រោះមហន្តរាយធម្មជាតិ ការកាប់បំផ្លាញព្រៃឈើខុសច្បាប់ ការជួញដូរមនុស្ស និងការជួញដូរគ្រឿងញៀនជាដើមតាមរយៈកិច្ចសហប្រតិបត្តិការនៃប្រទេសទាំង៣នេះ។ មិនតែប៉ុណ្ណោះ គម្រោងនេះ ក៏មានគោលការណ៍គ្រឹះសំខាន់ ក្នុងការលើកកម្ពស់ការគោរព និងការជឿទុកចិត្តគ្នាទៅវិញទៅមក ដើម្បីផលប្រយោជន៍រួម ការការពារបូរណភាពទឹកដី និងការដោះស្រាយបញ្ហា តាមរយៈទំនាក់ទំនងការទូត និងច្បាប់អន្តរជាតិ។ ជាមួយនេះ លោកប្រធានសហភាពសិទ្ធិកម្មករកម្ពុជា បានប្រកាសថ្កោលទោស និងប្រឆាំងដាច់អហង្ការចំពោះការបំភ្លៃទាំងឡាយរបស់ក្រុមប្រឆាំង និងបានអំពាវនាវដល់កម្មករ និយោជិតទាំងអស់ បន្តចូលរួម និងគាំទ្រដល់ការអនុវត្តកម្មវិធី និងគម្រោងអភិវឌ្ឍតំបន់ត្រីកោណកម្ពុជា-ឡាវ-វៀតណាម ដើម្បីឧត្តមប្រយោជន៍ជាតិ និងប្រជាជន។គួរបញ្ជាក់ថា កិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជា ក្នុងឆ្នាំ១៩៩៩ ដែលពេលនោះមាន សម្តេចតេជោ ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ- វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព សាមគ្គីភាព និងការអភិវឌ្ឍ។ គិតមកដល់ឆ្នាំ២០២៤នេះ កិច្ចប្រជុំក្រោមក្របខណ្ឌនៃ តំបន់ត្រីកោណអភិវឌ្ឍន៍នេះ បានធ្វើឡើងចំនួន ១១លើករួចមកហើយ ដោយមានការប្តូរវេនគ្នាធ្វើជាប្រធាន រវាងប្រទេសទាំងបី ហើយឆ្នាំ២០២៤នេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូល CLV លើកទី១២។ តាមរយៈកិច្ចសហប្រតិបត្តិការនេះ ប្រទេសទាំង៣ បានសហការគ្នាយ៉ាងជិតស្និទ្ធ និងមានប្រសិទ្ធភាព ក្នុងការឆ្លើយតបទៅនឹងការគំរាមកំហែងផ្នែកសន្តិសុខមិនមែនប្រពៃណី ដូចជា៖ ឧក្រិដ្ឋកម្មឆ្លងដែន ការកាប់បំផ្លាញព្រៃឈើខុសច្បាប់ គ្រោះមហន្តរាយធម្មជាតិ សន្តិសុខសុខភាពសាធារណៈ ការជួញដូរមនុស្ស និងការជួញដូរគ្រឿងញៀនជាដើម៕ អត្ថបទ ឈិត បូរ៉ាវី

ប្រធានរដ្ឋសភាវៀតណាម៖ សម្ដេចតេជោបានបង្កើតប្រវត្តិសាស្រ្ដទំនាក់ទំនងល្អកម្ពុជា-វៀតណាម

នៅរដ្ឋធានីហាណូយ សាធារណរដ្ឋសង្គមនិយមវៀតណាម ព្រឹកថ្ងៃទី២៦ ខែកក្កដា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា អញ្ជើញជួបពិភាក្សាការងារជាមួយ ឯកឧត្តម ត្រឹន ថាន់មិញ ប្រធានរដ្ឋសភា នៃសាធារណរដ្ឋសង្គមនិយមវៀតណាម ។ ក្នុងជំនួបពិភាក្សាគ្នានោះ ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការនៃស្ថាប័ននិតិបញ្ញត្តិនៃប្រទេសទាំងពីរកម្ពុជា វៀតណាម ក្នុងនោះភាគីទាំងពីរបានផ្តល់នូវតម្លៃខ្ពស់ចំពោះ កិច្ចសហប្រតិបត្តិការនៃស្ថាប័ន ក៏ដូចជាការផ្លាស់ប្តូរការរៀបចំនូវការកសាងច្បាប់ ក៏ដូចជាកិច្ចសហប្រតិបត្តិការក្នុងគណៈកម្មការនានា របស់រដ្ឋសភា និងព្រឹទ្ធសភានៃប្រទេសទាំងពីរ។ ភាគីទាំងពីរក៏បានវាយតម្លៃខ្ពស់ ចំពោះលទ្ធផលដែលទទួលបានជាផ្លែផ្កា ក្រោយពីមានកិច្ចសហប្រតិបត្តិការជាន់ខ្ពស់ រវាងគណបក្សនិងគណបក្ស ក៏ដូចជាស្ថាប័ននិតិបញ្ញត្តិនៃប្រទេសទាំងពីរ។ ភាគីទាំងអញ្ជើញគ្នាទៅវិញទៅមក ក្នុងនោះភាគីវៀតណាម បានគោរពអញ្ជើញសម្តេចតេជោប្រធានព្រឹទ្ធសភា ធ្វើទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ក្នុងនាមជាប្រធានព្រឹទ្ធសភា ដែលជាទស្សនកិច្ចលើកដំបូងរបស់សម្តេចតេជោ ដើម្បីចារជាប្រវត្តិសាស្រ្ត នៃកិច្ចសហប្រតិបត្តិការរបស់ថ្នាក់ដឹកនាំកំពូល នៃស្ថាប័ននិតិបញ្ញត្តិ។ ភាគីទាំងពីរក៏បានបញ្ជាក់សាជាថ្មីឡើងវិញអំពីតម្លៃនៃកិច្ចសហប្រតិបត្តិការរវាងកម្ពុជា និងវៀតណាម បន្តពីឯកឧត្តមអគ្គលេខាមជ្ឈឹមបក្ស ង្វៀន ភូចុង គឺសម្តេចអគ្គមហាសេនាបតីតេជោ ហ៊ុន សែន បានបង្កើតនូវស្នាដៃជាប្រវត្តិសាស្រ្តជាច្រើន សម្រាប់កិច្ចសហប្រតិបត្តិការនៃប្រទេសទាំងពីរ បក្សទាំងពីរ ប្រជាជនទាំងពីរ រដ្ឋទាំងពីរ ដើម្បីឆ្ពោះទៅកាន់អនាគតកាលនៃព្រំដែនប្រកបដោយសន្តិភាព និងការអភិវឌ្ឍ។ ក្នុងនោះភាគីទាំងពីរ កម្ពុជា វៀតណាម បានប្តេជ្ញាចិត្តបន្តកិច្ចសហប្រតិបត្តិការ និងអនុវត្តន៍កិច្ចព្រមព្រៀងដែលមានស្រាប់ ឲ្យកាន់តែមានប្រសិទ្ធភាពខ្ពស់ ដើម្បីបំរើឧត្តមប្រយោជន៍សម្រាប់ប្រទេស និងប្រជាជនទាំងពីរកម្ពុជា វៀតណាម៕

នាយករដ្ឋមន្ត្រីវៀតណាមប្តេជ្ញាលើកកម្ពស់ទំនាក់ទំនង ជំរុញសេដ្ឋកិច្ច និងកិច្ចអភិវឌ្ឍន៍កម្ពុជា-វៀតណាម

តាមរយៈជំនួបជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា និងលោក ផាម មិញជិញ នាយករដ្ឋមន្ត្រីវៀតណាម ភាគីទាំងពីរបានបង្ហាញការប្តេជ្ញាចិត្តខ្ពស់ក្នុងការបន្តរក្សាឱ្យបាននូវទំនាក់ទំនង និងកិច្ចសហប្រតិបត្តិការល្អរវាងប្រទេសទាំងពីរ។ ជាពិសេសបន្តជួយគ្នាដើម្បីជំរុញដល់ការកសាងសេដ្ឋកិច្ច ជំរុញកិច្ចអភិវឌ្ឍន៍នាំមកនូវការរីកចម្រើនសម្រាប់ប្រជាជន និងប្រទេសទាំងពីរ។ក្នុងឱកាសអញ្ជើញគោរពវិញ្ញាណក្ខន្ធលោក ង្វៀង ភូចុង អគ្គលេខាធិការបក្សកុម្មុយនិស្តវៀតណាម, កាលពីរសៀលថ្ងៃទី២៥ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជាបានអញ្ជើញជួបពិភាក្សាការងារជាមួយលោក ផាម មិញជិញ នាយករដ្ឋមន្រ្តីវៀតណាម។ក្នុងជំនួបនេះភាគីវៀតណាមបានបង្ហាញក្ដីរំភើបរីករាយយ៉ាងខ្លាំង ចំពោះមនោសញ្ចេតនា ដ៏ជ្រាលជ្រៅបំផុតរបស់សម្ដេចតេជោ ដែលបានអញ្ជើញចូលរួមដោយផ្ទាល់ទាំងការគោរពវិញ្ញាណក្ខន្ធ និងបន្តចូលរួមក្នុងពិធីបញ្ចុះសពលោក ង្វៀង ភូចុង នៅថ្ងៃទី២៦ ខែកក្កដា ឆ្នាំ២០២៤។ ភាគីវៀតណាមសន្យាបន្តរក្សានូវប្រពៃណីយ៉ាងល្អ ជាពិសេសការបន្តវប្បធម៌ នៃកិច្ចសហប្រតិបត្តិការដ៏ជ្រាលជ្រៅរវាងសម្ដេចតេជោ និងលោក ង្វៀង ភូចុង បានបន្សល់ទុកសម្រាប់ថ្នាក់ដឹកនាំជានាយករដ្ឋមន្ត្រី, ថ្នាក់ដឹកនាំជាប្រធានរដ្ឋសភា, ថ្នាក់ដឹកនាំជាប្រធានព្រឹទ្ធសភា ក៏ដូចជាប្រធានគណបក្ស, អគ្គលេខាធិការគណបក្ស ហើយមិនត្រឹមតែកម្ពុជា និងវៀតណាមទេ ក៏សម្ដែងនូវមិត្តភាពល្អរវាងកម្ពុជា វៀតណាម ឡាវផងដែរ។ភាគីទាំងពីរ ក៏បានពិភាក្សាគ្នាយ៉ាងល្អិតល្អន់អំពីប្រពៃណីនៃការធ្វើការជាមួយគ្នា ហើយជាពិសេស ក៏បានថ្លែងអំណរគុណចំពោះព្រះមហាក្សត្រ ព្រឹទ្ធសភា រដ្ឋសភា រាជរដ្ឋាភិបាល និងកងទ័ពកម្ពុជា ដែលបានគិតគូរ និងសម្ដែងការសោកស្ដាយចំពោះការបាត់បង់ឧត្តមបុរសជាតិរបស់មិត្តវៀតណាម ក៏ដូចជាការបាត់បង់ទាំងកម្ពុជាផងដែរចំពោះអ្វីដែលលោកអគ្គលេខាធិការបក្ស បានបន្សល់ទុកនូវការពូនជ្រុំនៃកិច្ចសហប្រតិបត្តិការ ដែលមានលក្ខណៈស៊ីជម្រៅ និងយូរអង្វែង និងមិត្តភាពជាបងប្អូនល្អជាអ្នកជិតខាងល្អ ក្នុងអាណត្តិដែលលោកអគ្គលេខាធិការ បានទទួលជាមេដឹកនាំ។ភាគីទាំងពីរ ក៏បានពិភាក្សាគ្នា ដោយជូនពរគ្នាទៅវិញទៅមកនូវទំនុកចិត្ត គឺជាការលះបង់ និងការសាមគ្គីគ្នាគ្រប់ដំណាក់កាល ដើម្បីដណ្ដើមយកឯករាជ្យភាពក្នុងប្រវត្តិសាស្ត្រពីអតីតកាលទាំងពីរអាណានិគមនិយម និងចក្រពត្តិនិយម ដូច្នេះហើយភាគីទាំងពីរ នឹងបន្តពូនជ្រុំនូវមិត្តភាពនេះ ឱ្យបានយូរអង្វែងបន្តទៀត។ ជាពិសេសថ្នាក់នាយករដ្ឋមន្ត្រី តែងតែជួបគ្នាគ្រប់ពេលវេលា ទាំងសម្ដេចធិបតី ហ៊ុន ម៉ាណែត ទាំងនាយករដ្ឋមន្ត្រីឡាវ និងលោក ផាម មិញជីញ នាយករដ្ឋមន្ត្រីវៀតណាម នៅគ្រប់ទីតាំង និងគ្រប់វេទិកា។ភាគីទាំងពីរក៏បានជូនជូនពរគ្នាទៅវិញទៅមក ចំពោះការធ្វើយ៉ាងណា ឱ្យពាណិជ្ជកម្ម និងកិច្ចសហប្រតិបត្តិការទាំងអស់ មានការកើនឡើង ជាពិសេសវៀតណាម នៅឆ្នាំ២០៣០ ក្លាយទៅជាប្រទេសអភិវឌ្ឍន៍ ហើយក៏ជូនពរឱ្យក្លាយទៅជាប្រទេសដែលចូលទៅក្នុងកម្រិតមហាសេដ្ឋកិច្ចទាំង២០ របស់ពិភពលោក។ មិត្តវៀតណាម ក៏បានជូនពរឱ្យកម្ពុជា ទទួលបានជោគជ័យចំពោះទស្សនៈវិស័យរបស់សម្ដេចតេជោ និងការដឹកនាំរបស់សម្ដេចធិបតី ហ៊ុន ម៉ាណែត ក្លាយទៅជាប្រទេសដែលមានចំណូលខ្ពស់នៅឆ្នាំ២០៥០៕

សម្ដេចតេជោ និងប្រធានគណៈប្រចាំការគណៈលេខាធិការមជ្ឈឹមបក្សកុម្មុយនិស្តវៀតណាម បន្តយកចិត្តទុកដាក់ និងសាមគ្គីភាពបង្កើតនូវការចងចាំនៃមិត្តភាព និងការតស៊ូពីអតីតកាល

នៅល្ងាចថ្ងៃទី២៥ ខែកក្កដា ឆ្នាំ២០២៤ ដដែលនេះ ឯកឧត្តម លឿង គឿង ប្រធានគណៈប្រចាំការនៃគណៈលេខាធិការមជ្ឈឹមបក្សកុម្មុយនិស្តវៀតណាម ក៏បានទទួលសម្ដែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា និងបានទទួលស្វាគមន៍អាហារពេលល្ងាចជាមិត្តភាព។ក្នុងកិច្ចសំណេះសំណាលនេះ ភាគីទាំងពីរក៏បានឯកភាពគ្នាខ្ពស់ ចំពោះគុណតម្លៃដែល ឯកឧត្តម ង្វៀន ហ្វូជុង គឺជាមនុស្សគំរូរបស់ប្រជាជនវៀតណាម ហើយក៏ជាការចងចាំមួយ នៃតម្លៃរបស់លោកក្នុងការដឹកនាំគណបក្ស ប្រជាជន និងរដ្ឋវៀតណាមឲ្យមានកិត្តិយសដ៏ឧត្តុង្គឧត្តម ។ភាគីទាំងពីរ ក៏បានពិភាក្សាគ្នាដោយបន្តយកចិត្តទុកដាក់ និងសាមគ្គីភាព ហើយនឹងបង្កើតនូវការចងចាំនៃមិត្តភាព និងការតស៊ូពីអតីតកាល ហើយក៏ដូចគ្នា ក្នុងការប្រឹងប្រែងបង្កើនកិច្ចសហប្រតិបត្តិការឲ្យកាន់តែល្អថែមទៀត ពីមួយឆ្នាំទៅមួយឆ្នាំ និងបន្តពីស្នាដៃរបស់ ឯកឧត្តម វេនភូជុង ។ ភាគីទាំងពីរ ក៏បានផ្ដល់តម្លៃខ្ពស់ទៅដល់កិច្ចសហប្រតិបត្តិការ ដើម្បីផ្ដល់ផលប្រយោជន៍គ្នាទៅវិញទៅមក ដោយការរីកចម្រើនរបស់វៀតណាម ក៏ដូចជាការរីកចម្រើនរបស់កម្ពុជា ហើយបន្តបំពេញគ្នានូវការរីកចម្រើននេះ និងការជួយគ្នាទៅវិញទៅមកឱ្យបានល្អ។ឯកឧត្តម លឿង កឿង ក៏បាន ឯកភាពទទួលយកនូវការអញ្ជើញរបស់សម្ដេចតេជោ នៅពេលខាងមុខ ដើម្បីទស្សនកិច្ច បង្កើននូវជំនឿជឿជាក់មិត្តភាព និងប្រពៃណីដ៏ល្អសម្រាប់ការផ្លាស់ប្ដូរគណៈប្រតិភូទៅវិញទៅមក ក្នុងគំនិតជាន់ខ្ពស់ និងកម្រិតគណបក្សទាំងពីរ៕

ក្រុមប្រឹក្សាខណ្ឌ៧មករា បើកកិច្ចប្រជុំសាមញ្ញលើក២ សម្រាប់អាណត្តិទី៤

រដ្ឋបាលខណ្ឌ៧មករា បានបើកកិច្ចប្រជុំសាមញ្ញលើកទី២ របស់ក្រុមប្រឹក្សាខណ្ឌ៧មករា អាណត្តិទី៤ ក្រោមអធិបតីភាព លោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក ថេង សុថុល អភិបាល នៃគណៈអភិបាលខណ្ឌ៧មករា និងមានការចូលរួមពី លោក-លោកស្រី សមាជិកក្រុមប្រឹក្សាខណ្ឌ គណៈអភិបាលខណ្ឌ គណៈនាយករដ្ឋបាលខណ្ឌ លោកអធិការនគរបាលខណ្ឌ លោកមេបញ្ជាការរងកងរាជអាវុធហត្ថខណ្ឌ លោកប្រធានការិយាល័យទាំង១១ លោក-លោកស្រី ចៅសង្កាត់ទាំង៨ លោកប្រធានផ្សារ និងលោកតំណាងក្រុមហ៊ុនមីសូដាប្រចាំខណ្ឌផងដែរ នាព្រឹកថ្ងៃទី២៦ ខែកក្កដា ឆ្នាំ២០២៤នេះ។ក្នុងកិច្ចប្រជុំនេះដែរ លោក សោម សុវណ្ណ ប្រធានក្រុមប្រឹក្សាខណ្ឌ៧មករា បានត្រួតពិនិត្យរបៀបវារៈរបស់អង្គប្រជុំរួមមាន ៖ ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី១ (២៥.០៦.២០២៤) របស់ក្រុមប្រឹក្សាខណ្ឌ៧មករា អាណត្តិទី៤។ ពិនិត្យ និងអនុម័តសេចក្តីព្រាងដីកាបទបញ្ជាផ្ទៃក្នុង របស់ក្រុមប្រឹក្សាខណ្ឌ៧មករា អាណត្តិទី៤។ ពិនិត្យ និងអនុម័តលើសេចក្តីព្រាងប្រតិទិនការងារ នៃកិច្ចប្រជុំសាមញ្ញរបស់ក្រុមប្រឹក្សាខណ្ឌ៧មករា អាណត្តិទី៤ សម្រាប់រយៈពេលដប់ពីរ(១២)ខែ ចាប់ពីកិច្ចប្រជុំសាមញ្ញលើកទី២ ។ ប្រធានក្រុមប្រឹក្សាខណ្ឌ៧មករា លោកបានបញ្ជាក់បន្ថែមថា សូមឲ្យមន្រ្តីនៅទូទាំងខណ្ឌ និងសង្កាត់ត្រូវត្រៀមលក្ខណះឲ្យបាមរួចរាល់គ្រប់ទីគ្នាគ្រប់ទីកន្លែងដើម្បីថ្ងៃបើកការដ្ឋាន ព្រែកជីកហ្វូណនតេជោ នាថ្ងៃទី០៥ ខែសីហា ខាងមុននេះ។លោក ថេង សុថុល អភិបាលខណ្ឌ៧មករា មានប្រសាសន៍ថា សូមមន្ត្រីនៅទូទាំងខណ្ឌ និងសង្កាត់ បន្តផ្សព្វផ្សាយដល់ប្រជាពលរដ្ឋ ក្នុងមូលដ្ឋានឲ្យចូលរួមអបអរសាទរ នៅព្រឹត្តិការណ៍ប្រវត្តិសាស្ត្រ ការបើកការដ្ឋាន "ព្រែកជីកហ្វូណនតែជោ" នឹងរៀបចំការទូងស្គរ និងវិធីផ្សេងៗទៀតតាមលទ្ធិភាព ដើម្បី ជាការអបអរសាទរ នៅថ្ងៃបើកការដ្ឋាន គម្រោងព្រែកជីកជាប្រវត្តិសាស្ត្រនេះ ។លោកអភិបាល បានសង្កត់ធ្ងន់ថា គម្រោងព្រែកជីកហ្វូណនតេជោ នេះ គឺជានេះជាស្នាដៃ និងជាកេរដំណែល ដែលប្រមុខថ្នាក់ដឹកនាំរបស់កម្ពុជានាពេលបច្ចុប្បន្ន បានគិតគូរប្រកបដោយកិត្តិបណ្ឌិត ដើម្បីកសាងព្រែកជីកដ៏មហាអស្ចារ្យនេះឡើងមក ។ ព្រែកជីកនេះ គឺបន្សល់ទុកសម្រាប់កូនចៅក្នុងពេលបច្ចុប្បន្ន និងបន្តទៅកូនចៅនាពេលខាងមុខ រ៉ាប់រយរ៉ាប់ពាន់ជំនាន់៕ អត្ថបទ៖ កុម្ភះ

សម្តេចតេជោ ហ៊ុន សែន ជួបពិភាក្សាការងារជាមួយប្រធានរដ្ឋសភាវៀតណាមនៅរដ្ឋធានីហាណូយ ប្រទេសវៀតណាម

នាព្រឹកថ្ងៃទី២៦ ខែកក្កដា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញជួបពិភាក្សាការងារជាមួយ ឯកឧត្តម ត្រឹន ថាន់មិញ ប្រធានរដ្ឋសភា នៃសាធារណរដ្ឋសង្គមនិយមវៀតណាម។ក្នុងជំនួបពិភាក្សាគ្នានោះ ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការនៃស្ថាប័ននិតិបញ្ញត្តិ នៃប្រទេសទាំងពីរកម្ពុជាវៀតណាម ក្នុងនោះភាគីទាំងពីរបានផ្តល់នូវតម្លៃខ្ពស់ចំពោះ កិច្ចសហប្រតិបត្តិការអន្តរស្ថាប័ន ក៏ដូចជាការផ្លាស់ប្តូរបទពិសោធន៍នៃការកសាងការកសាងច្បាប់ ក៏ដូចជាកិច្ចសហប្រតិបត្តិការក្នុងក្របខ័ណ្ឌជំនាញរបស់គណៈកម្មការនានា របស់រដ្ឋសភា និងព្រឹទ្ធសភានៃប្រទេសទាំងពីរ ក៏ដូចជាអគ្គលេខាធិការដ្ឋាន។ ភាគីទាំងពីរក៏បានគាំទ្រគ្នាទៅវិញទៅមកចំពោះលទ្ធផលដែលទទួលបានជាផ្លែផ្កាកន្លងមក តាមរយៈកិច្ចសហប្រតិបត្តិការជាន់ខ្ពស់ រវាងគណបក្សនិងគណបក្ស ក៏ដូចជាស្ថាប័ននិតិបញ្ញត្តិនៃប្រទេសទាំងពីរ និងក្នុងវេទិកាការទូតសភា វេទិកាពហុភាគី។ភាគីទាំងពីរបានអញ្ជើញគ្នាទៅវិញទៅមកដើម្បីទស្សនកិច្ចផ្លូវការ ក្នុងនោះភាគីវៀតណាម បានគោរពអញ្ជើញសម្តេចតេជោប្រធានព្រឹទ្ធសភា ធ្វើទស្សនកិច្ចផ្លូវការ នៅសាធារណរដ្ឋសង្គមនិយមវៀតណាមនាពេលសមស្របខាងមុខ ក្នុងនាមជាប្រធានព្រឹទ្ធសភា ដែលជាទស្សនកិច្ចលើកដំបូងរបស់សម្តេចតេជោ ដើម្បីចារជាប្រវត្តិសាស្រ្ត នៃកិច្ចសហប្រតិបត្តិការរបស់ថ្នាក់ដឹកនាំកំពូល នៃស្ថាប័ននិតិបញ្ញត្តិ។ ភាគីទាំងពីរក៏បានបញ្ជាក់សាជាថ្មីឡើងវិញអំពីតម្លៃនៃកិច្ចសហប្រតិបត្តិការរវាងកម្ពុជា និងវៀតណាម បន្តពីឯកឧត្តមអគ្គលេខាមជ្ឈឹមបក្ស ង្វៀន ភូចុង គឺសម្តេចអគ្គមហាសេនាបតីតេជោ ហ៊ុន សែន បានបង្កើតនូវស្នាដៃជាប្រវត្តិសាស្រ្តជាច្រើន សម្រាប់កិច្ចសហប្រតិបត្តិការ នៃប្រទេសទាំងពីរ បក្សទាំងពីរ ប្រជាជនទាំងពីរ រដ្ឋទាំងពីរ ដើម្បីឆ្ពោះទៅកាន់អនាគតកាលនៃព្រំដែនប្រកបដោយសន្តិភាព និងការអភិវឌ្ឍ។ក្នុងនោះភាគីទាំងពីរ កម្ពុជា វៀតណាម បានប្តេជ្ញាចិត្តបន្តកិច្ចសហប្រតិបត្តិការ និងអនុវត្តន៍កិច្ចព្រមព្រៀងដែលមានស្រាប់ ឲ្យកាន់តែមានប្រសិទ្ធភាពខ្ពស់ ដើម្បីបំរើឧត្តមប្រយោជន៍សម្រាប់ប្រទេស និងប្រជាជនទាំងពីរកម្ពុជា-វៀតណាម៕

មន្ត្រីការបរទេសអាមេរិក សាទរជំហរកម្ពុជាឈរលើគោលការណ៍ច្បាប់អន្តរជាតិពាក់ព័ន្ធសង្គ្រាមនៅអ៊ុយក្រែន

ភ្នំពេញ៖ លោក Salman Ahmed នាយកទទួលបន្ទុករៀបចំផែនការគោលនយោបាយ នៃក្រសួងការបរទេសសហរដ្ឋអាមេរិក សាទរចំពោះជំហរកម្ពុជា ក្នុងការឈើលើគោលការណ៍ច្បាប់អន្តរជាតិផ្អែកលើធម្មនុញ្ញ របស់អង្គការសហប្រជាជាតិ (UN) ពាក់ព័ន្ធទៅនឹងសង្គ្រាមនៅប្រទេសអ៊ុយក្រែន ។នៅក្នុងជំនួបពិភាក្សាការងារជាមួយឯកឧត្តម ប្រាក់ សុខុន អនុប្រធានទី១ ព្រឹទ្ធសភាជាតិ កាលពីថ្ងៃទី២៥ ខែកក្កដា ឆ្នាំ២០២៤ លោក Salman Ahmed បានថ្លែងថា ជំហររបស់កម្ពុជានេះ គឺបានសបញ្ជាក់ពីគោលជំហរឯករាជ្យ និងអធិបតេយ្យភាពរបស់កម្ពុជា ហើយបានកោតសរសើរកម្ពុជាពីការចូលរួមវិភាគទាន ក្នុងការបញ្ជូនកងទ័ពមួកខៀវ ក្នុងបេសកកម្មរក្សាសន្តិភាពសកល ក្នុងចំនួនមួយគួរឲ្យស្ញប់ស្ញែង ។ជាមួយនេះ លោកក៏បានវាយតម្លៃខ្ពស់ ចំពោះតួនាទីរបស់កម្ពុជា ក្នុងនាមជាប្រធានអាស៊ានកាលពីឆ្នាំ២០២២កន្លងទៅ ក៏ដូចជាកោតសរសើរ ចំពោះការដាក់ចេញនូវវិធានការក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ យ៉ាងមានប្រសិទ្ធភាព ។ក្នុងឱកាសនោះ ឯកឧត្តម ប្រាក់ សុខុន បានរំលឹកពីកិច្ចពិភាក្សាប្រកបដោយផ្លែផ្កាក្នុងដំណើរទស្សនកិច្ចរបស់រដ្ឋមន្ត្រីការពារជាតិអាមេរិក ក្នុងជំនួបជាមួយសម្ដេចតេជោ ហ៊ុន សែន ប្រធានព្រឹទ្ធសភាជាតិ ដែលផ្ដោតពិសេសទៅលើការពង្រឹងទំនាក់ទំនងទ្វេភាគី និងការពង្រីកកិច្ចសហប្រតិបត្តិការក្នុងយន្តការនានាបន្ថែមទៀត ។ឯកឧត្តមក៏បានរំលឹកពីជំនួបជាមួយរដ្ឋមន្ត្រី និងអនុរដ្ឋមន្ត្រីការបរទេសសហរដ្ឋអាមេរិក នៅទីក្រុងវ៉ាស៊ីនតោន កាលពីឆ្នាំ២០២២ ក្នុងពេលកម្ពុជាជាសហប្រធាន នៃកិច្ចប្រជុំកំពូលអាស៊ាន-អាមេរិក ដែលពេលនោះភាគីទាំងពីរ បានកត់សម្គាល់ពីចំណុចវិជ្ជមានជាច្រើន នៃកិច្ចសហប្រតិបត្តិការទ្វេរភាគីកន្លងមក រួមមានវិស័យពាណិជ្ជកម្ម ការប្រឆាំងអំពើភេរវកម្ម កិច្ចការមនុស្សធម៌ មាតុភូមិនិវត្តន៍នៃជនជាតិខ្មែរ ការបោសសំអាតមីន និងកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែនជាដើម ។គួរបញ្ជាក់ថា ក្នុងជំនួបនេះ ឯកឧត្តម ប្រាក់ សុខុន និងលោក Salman Ahmed បានឯកភាពគ្នា លើកិច្ចសហប្រតិបត្តិការល្អរវាងប្រទេសទាំងពីរ លើវិស័យអាទិភាពមួយចំនួន មានដូចជាវិស័យវិនិយោគ វិស័យវប្បធម៌ និងការអភិរក្សវត្ថុបុរាណ និងវិស័យដោះមីនជាដើម ដែលអាមេរិកបានបន្តគាំទ្រកម្ពុជាក្នុងការបោសសំអាតមីន និងយុទ្ធភណ្ឌមិនទាន់ផ្ទុះ តាមរយៈការផ្ដល់ជំនួយប្រមាណ ១៩០លានដុល្លារអាមេរិក ចាប់ពីឆ្នាំ១៩៩៣មក ៕ អត្ថបទ បាន សុខរិទ្ធិ

គណៈឃោសនាអប់រំគណបក្សខេត្តកំពង់ឆ្នាំង បើកវគ្គអប់រំនយោបាយរបស់គណបក្សកម្រិត១ ជំនាន់ទី១៤ ដល់សិក្ខាកាមជាង៤៥៧នាក់ក្នុងខេត្ត

គណៈឃោសនាអប់រំគណបក្សខេត្តកំពង់ឆ្នាំង នាព្រឹកថ្ងៃទី២៦ ខែកក្កដា ឆ្នាំ២០២៤ បានបើកវគ្គអប់រំនយោបាយរបស់គណបក្សកម្រិត១ ជំនាន់ទី១៤ ក្រោមអធិបតីភាពឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការគណបក្សខេត្តកំពង់ឆ្នាំង ឯកឧត្តម ស៊ីវ រុន អនុគណៈកម្មាធិការគណបក្សខេត្តកំពង់ឆ្នាំង ឯកឧត្តម លោកជំទាវ រួមនិងសិក្ខាកាមប្រមាណជាជា៤៥៧នាក់ ជាមន្ត្រីរបស់គណបក្សមកពីមន្ទីរអង្គភាពជុះវិញខេត្តផងដែរ ។ឯកឧត្តម ស៊ុន សុវណ្ណារិទ្ធិ បានសម្តែងនូវសេចក្តីសោមនស្សរីករាយក្រៃលែង ដោយបានចូលរួមជាអធិបតីក្នុងពិធីបើកវគ្គអប់រំនយោបាយរបស់គណបក្សជំនាន់ទី១៤ ស្របពេលដែលសភាពការទូទៅរបស់ប្រទេសជាតិ កំពុងមានការវិវត្តន៍ដ៏ល្អក្នុងដំណើរឆ្ពោះទៅមុខលើមាគ៌ាសន្តិភាព ប្រជាធិបតេយ្យ និងអភិវឌ្ឍន៍ បន្ទាប់ពីគណបក្សប្រជាជនទទួលបានជោគជ័យយ៉ាងត្រចះត្រចង់ក្នុងការបោះឆ្នោតនាពេលកន្លងមក ។ ឯកឧត្តមបានពាំនាំការសួរសុខទុក្ខ និងជូនពរពីសំណាក់សម្តេចប្រធានគណបក្ស សម្តេចប្រធានកិត្តិយសគណបក្ស សម្តេចអនុប្រធានគណបក្ស និងថ្នាក់ដឹកនាំគណបក្សទាំងអស់ ជូនដល់សិក្ខាកាម ក៏ដូចមន្រ្តីបម្រើការងារក្នុងវគ្គអប់រំនយោបាយនេះ ដោយក្តីនឹករឭក និងស្រឡាញ់ដ៏ជ្រាលជ្រៅ ។ ការអប់រំនយោបាយដល់មន្រ្តីគណបក្ស គឺជាការងារដ៏មានសារៈសំខាន់មួយ ដែលគណបក្សតែងតែយកចិត្តទុកដាក់តាំងពីដើមរៀងមក ទាំងនៅក្នុងសម័យតស៊ូរំដោះជាតិ ក៏ដូចក្នុងពេលដែលគណបក្សបានកាន់អំណាចដឹកនាំប្រទេស ជាពិសេសការដឹកនាំក្នុងរបបប្រជាធិបតេយ្យ សេរីពហុបក្សបច្ចុប្បន្ននេះ ។ការរៀបចំវគ្គអប់រំនយោបាយមានគោលបំណងលើកកម្ពស់សមត្ថភាព និងគុណធម៌របស់មន្រ្តីគណបក្ស ព្រមទាំងពង្រឹងការឯកភាពផ្ទៃក្នុងខ្ពស់អំពីទស្សនៈ គោលជំហរ និងសកម្មភាព ដើម្បីធានាជោគជ័យក្នុងការអនុវត្តកម្មវិធីនយោបាយ គោលការណ៍ គោលនយោបាយ និងសេចក្តីសម្រេចនានារបស់គណបក្ស ។ ព្រមជាមួយនេះ ការងារអប់រំនយោបាយក៏ជាថ្នាលដ៏សំខាន់មួយសម្រាប់បណ្តុះបណ្តាល និងបំពាក់បំប៉នកម្លាំងបន្តវេនរបស់គណបក្សផងដែរ ។ គប្បីចងចាំថា មន្រ្តី គឺជាស្ពានតភ្ជាប់រវាងគណបក្ស និងប្រជាជន ដូច្នេះស្ពាននេះត្រូវតែរឹងមាំ ទើបចំណងទាក់ទងរវាងគណបក្សជាមួយប្រជាជនអាចរឹងមាំបាន ។ឯកឧត្តមបានបន្តថា វគ្គនេះ ទោះបីមានរយៈពេលខ្លីក៏ពិតមែន ប៉ុន្តែជាឱកាសមួយដ៏មានតម្លៃសម្រាប់សិក្ខាកាមគ្រប់ៗរូប ។ ព្រមជាមួយនេះ វគ្គអប់រំនយោបាយក៏ជាឱកាសដែលមន្រ្តីយើងមកពីមន្ទីរអង្គភាពនានា បានស្គាល់គ្នា បានផ្លាស់ប្តូរការយល់ដឹង និងបទពិសោធន៍ពីគ្នាទៅវិញទៅមក ព្រមទាំងរឹតចំណងសាមគ្គីភាពផ្ទៃក្នុងគណបក្សឲ្យកាន់តែរឹងមាំឡើងថែមទៀត ៕ កាំង ហុងវាស្នា

ថ្នាក់ដឹកនាំ សាស្រ្តាចារ្យ សាលាមធ្យមវិចិត្រសិល្បៈ ជាង១០០នាក់ ត្រៀមសម្តែងសិល្បៈទស្សនីយភាព ដើម្បីអបអរសាទរថ្ងៃបើកការដ្ឋានសាងសង់ព្រែកជីកហ្វូណនតេជោ

ថ្នាក់ដឹកនាំ សាស្រ្តាចារ្យ សាលាមធ្យមវិចិត្រសិល្បៈ ជាង១០០នាក់ ត្រៀមសម្តែងសិល្បៈទស្សនីយភាព ដើម្បីអបអរសាទរថ្ងៃបើកការដ្ឋានសាងសង់គម្រោងប្រវតិ្តសាស្រ្តព្រែកជីកហ្វូណន តេជោ ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤ នៅវេលាម៉ោង៩ និង៩នាទីព្រឹក។ក្នុងនាមជាថ្នាក់ដឹកនាំសាលាមធ្យមវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ លោក ហេង កំសាន្ត នាយកសាលាមធ្យមវិចិត្រសិល្បៈ បានថ្លែងប្រាប់BTV ព័ត៌មាននៅថ្ងៃនេះថា ក្រោមការដឹកនាំចង្អុលបង្ហាញរបស់លោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ សម្រាប់ព្រឹតិ្តការណ៍ជាប្រវតិ្តសាស្រ្ត នាថ្ងៃទី៥ ខែសីហា ឆ្នាំ២០២៤ខាងមុខនេះ នៅទូទាំងប្រទេស យើងចូលរួមអបអរសាទរនូវសមិទ្ធផលថ្មី ជាប្រវតិ្តសាស្រ្ត នាវេលាម៉ោង៩ និង៩នាទីព្រឹក គឺជាថ្ងៃបើកការដ្ឋានសាងសង់គម្រោងព្រែកជីកហ្វូណនតេជោ ក្នុងនោះសាលាមធ្យមវិចិត្រសិល្បៈ បានត្រៀមចូលរួមក្នុងសកម្មខាងលើនេះ ដើម្បីអបអរសាទរ តាមរយៈគម្រោងដែលថ្នាក់ដឹកនាំបានរៀបចំ គឺមានលោកគ្រូ អ្នកគ្រូ សាស្រ្តាចារ្យ និងសិស្សានុសិស្ស ចូលរួមសរុបជាង១០០នាក់ ដើម្បីសម្តែងសិល្បៈទស្សនីយភាព ក្នុងការយកចិត្តទុកដាក់របស់រាជរដ្ឋាភិបាល ជាពិសេសរដ្ឋាភិបាលក្នុងអាណតិ្តទី៧នេះ និងសម្តែងនៅទីស្តីការក្រសួងវប្បធម៌ និងវិចិត្រសិល្បៈ ចាប់ពីម៉ោង៧ និង៣០នាទីព្រឹកឡើងទៅ ដូចជា៖ ទូងស្គរ សម្តែងសិល្បៈទស្សនីយភាព និយាយពីប្រវតិ្តសាស្រ្ត នៅសម័យហ្វូណន បង្ហាញពីព្រែកជីកដ៏មានសារៈសំខាន់ ក្រោយពេលទទួលបានព្រែកជីកនេះហើយ អ្វីដែលយើងទទួលបានពីព្រែកជីក។ ដូច្នេះយើងបានរៀបចំសិល្បៈទស្សនីយភាពនេះ មានរយៈពេលជាង៧នាទី ដើម្បីសម្តែងក្នុងព្រឹតិ្តការណ៍ជាប្រវតិ្តសាស្រ្តនេះ។ក្នុងនាមជាមន្រី្តរាជការ លោកគ្រូ ខែម រិទ្ធ បង្រៀនផ្នែកតូរ្យតន្រី្តបុរាណ តេង ពិសី បង្ហាត់របាំបុរាណលោកគ្រូ ទេព ភារៈ បង្រៀនផ្នែកសៀក អ្នកគ្រូ ពិតជាមានសេចកី្តសោមន្សរីករាយយ៉ាងក្រៃលែង ចំពោះពិធីបើកការដ្ឋានសាងសង់គម្រោងព្រែកជីកហ្វូណនតេជោ ដែលប្រារព្ធឡើងនាពេលឆាប់ៗខាងមុខនេះ និងគិតថាព្រែកជីកហ្វូណន តេជោ គឺជាសមិទ្ធផលថ្មីមួយ ដែលផ្តល់អត្ថប្រយោជន៍ជូនដល់ប្រជាជនកម្ពុជា។សូមបញ្ជាក់ផងដែរថា នៅថ្ងៃទី៥ ខែសីហា ឆ្នាំ២០២៤ខាងមុខនេះ គឺជាថ្ងៃប្រវតិ្តសាស្រ្តរបស់ប្រជាជនកម្ពុជាគ្រប់រូប ដែលទទួលបាននូវសមិទ្ធិថ្មី ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា ជាពិសេសអតីតនាយករដ្ឋមន្រី្ត សម្តេចអគ្គមហាសេនាបតីតេជោ ហ៊ុន សែន នឹងបើកការដ្ឋានសាងសង់ព្រែកជីកហ្វូណនតេជោ បងប្អូនប្រជាពលរដ្ឋក្នុងព្រះរាជាណាចក្រកម្ពុជា ត្រៀមវាយគង ជួង រគាំង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នៅគ្រប់ទីកន្លែង សាធារណៈសំខាន់ៗ គ្រប់ទីវត្តអារាម សាលារៀនឱ្យបានក្លៀវក្លា និងអធិកអធមជាទីមោទនៈ៕ អត្ថបទ រដ្ឋា

រដ្ឋមន្ត្រីក្រសួងបរិស្ថាន ជួបសំណេះសំណាលជាមួយថ្នាក់ដឹកនាំ មន្ត្រីរាជការ មន្ត្រីឧទ្យានុរក្ស និងមន្ត្រីជាប់កិច្ចសន្យា នៃមន្ទីរបរិស្ថានខេត្តព្រះវិហារ

នៅរសៀលថ្ងៃទី២៥ ខែកក្កដា ឆ្នាំ២០២៤នេះ នៅសាលប្រជុំប្រាសាទព្រះវិហារអាគាររដ្ឋបាល សាលាខេត្តជាន់ទី៣ មានរៀបចំពិធីសំណេះសំណាលជាមួយថ្នាក់ដឹកនាំ មន្ត្រីរាជការ មន្ត្រីឧទ្យានុរក្ស និងមន្ត្រីជាប់កិច្ចសន្យា នៃមន្ទីរបរិស្ថានខេត្តព្រះវិហារ ក្រោមអធិបតីភាព ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ពិធីនេះក៏មានការអញ្ជើញចូលរួមពីសំណាក់ ឯកឧត្តម គីម រិទ្ធី អភិបាលនៃគណៈអភិបាលខេត្ត គណៈប្រតិភូអមដំណើរ អភិបាលរងខេត្ត ថ្នាក់ដឹកនាំមន្ទីរ និងមន្ត្រីរាជការនៃមន្ទីរបរិស្ថានខេត្តជាច្រើនរូប។ក្រោយពីបានស្តាប់នូវរបាយការណ៍របស់ លោក សុង ច័ន្ទសុជាតិ ប្រធានមន្ទីរបរិស្ថានរួចមក ឯកឧត្តម គីម រិទ្ធី អភិបាលខេត្តព្រះវិហារ បានឲ្យដឹងថា រដ្ឋបាលខេត្តព្រះវិហារបានយកចិត្តទុកដាក់គាំទ្រ និងជំរុញការ អនុវត្តការងារបរិស្ថាន និងកិច្ចការពារអភិរក្សាធនធានយ៉ាងសកម្ម ជាពិសសការចូលរួមអនុវត្តយ៉ាង ម៉ឹងម៉ាត់នូវបទបញ្ជរបស់រាជរដ្ឋាភិបាល ក្នុងការការពារបរិស្ថាន និងធនធានធម្មជាតិតាមរយៈ ឯកឧត្តមនាយឧត្តមសេនីយ៍ ម៉ៅ សុផាន់ អគ្គមបញ្ជាការរងកងយោធពលខេមរភូមិន្ទ និងជាមេ បញ្ជាការកងទ័ពជើងគោក ប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារបានពង្រឹងការ អនុវត្តច្បាប់យ៉ាងតឹងរ៉ឹងចំពោះបទល្មើសធនធានធម្មជាតិ បទល្មើសព្រៃឈើ ពង្រឹងការគ្រប់គ្រងឱ្យ មានប្រសិទ្ធភាពលើតំបន់ការពារធនធានធម្មជាតិ ដោយបានបន្ថែម កម្លាំងយោធា សហការជាមួយ មន្ត្រីឧទ្យានុរក្សាក្នុងការចុះល្បាតនៅតាមគោលដៅចំនួន ១៣គោលដៅនៅក្នុងតំបន់ការពារធនធាន ធម្មជាតិចំនួន៨កន្លែង ក្នុងភូមិសាស្ត្រខេត្តព្រះវិហារ។ ជាមួយគ្នានេះក៏មានការចូលរួមសហការពី កម្លាំងនគរបាល កម្លាំងកងរាជអាវុធហត្ថ កម្លាំងសហគមន៍ និងអាជ្ញាធរមូលដ្ឋានផងដែរ។ ក្រៅពីនេះ រដ្ឋបាលខេត្តព្រះវិហារ បានយកចិត្តទុកដាក់ពង្រឹងអនុវត្ត និងផ្សព្វផ្សាយអំពីការយល់ដឹង និងបាន ចូលរួមអនុវត្តយុទ្ធសាស្ត្រ និងការងារជាអាទិភាពរបស់ក្រសួងបរិស្ថាន ជាពិសេសយុទ្ធសាស្ត្រចក្ខុ វិស័យបរិស្ថាន ដែលផ្អែកលើមូលបទចំនួន ៣គឺ៖ភាពស្អាត ដែលផ្តោតលើការត្រួតពិនិត្យការបំពុល ការធ្វើទំនើបកម្មប្រព័ន្ធវិនិច្ឆ័យការបំពុល និងភាពប៉ៃតង ផ្តោតលើការពង្រឹងចលនាដាំដើមឈើ។ មានប្រសាសន៍នៅក្នុងឱកាសនោះ ឯកឧត្តមបណ្ឌិត អ៊ាង សុផល្លែត បានថ្លែងកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់ថ្នាក់ដឹកនាំរដ្ឋបាលខេត្ត ព្រមទាំងថ្នាក់ដឹកនាំនិងមន្ត្រី នៃមន្ទីរបរិស្ថានខេត្តទាំងអស់ដែលបានខិតខំបំពេញ តួនាទីភារកិច្ចរបស់ខ្លួន ប្រកបដោយស្មារតីទទួល ខុសត្រូវខ្ពស់ នៅក្នុងវិស័យបរិស្ថាន ក្នុងការចុះល្បាតនៅក្នុងតំបន់ការពារនានា ក្នុងភូមិសាស្រ្តខេត្ត ដើម្បីការពារ និងអភិរក្សធនធានធម្មជាតិព្រៃឈើ ទប់ស្កាត់បង្ក្រាបបទល្មើស ព្រៃឈើនិងការទន្ទ្រានដី ព្រៃខុសច្បាប់ រហូតសម្រេចបានសមិទ្ធផលសំខាន់ៗជាច្រើនគួរឱ្យកត់សម្គាល់។ឯកឧត្តម ក៏បានជម្រុញ ដល់ថ្នាក់ដឹកនាំខេត្តគ្រប់ជាន់ថ្នាក់ ពិសេសថ្នាក់ដឹកនាំនិងមន្ត្រី នៃមន្ទីរ បរិស្ថាន ត្រូវទប់ស្កាត់និងបង្ក្រាបបទល្មើសគ្រប់តំបន់ការពារធម្មជាតិឲ្យបានដាច់ខាត ផ្សព្វផ្សាយដល់ សាធារណៈជន ដើម្បីចូលរួមកាត់បន្ថយការបំពុលបរិស្ថាន និងសំណល់ប្លាស្ទិក ត្រូវរៀបចំបង្កើត សហគមន៍តំបន់ការពារធម្មជាតិថ្មីបន្ថែម និងសហគមន៍ ដែលមានស្រាប់ ត្រូវ ពង្រឹងសមត្ថភាព ដល់គណៈកម្មការគ្រប់គ្រងសហគមន៍ និងរិះរកមធ្យោបាយ ដើម្បីចូលរួមចំណែកលើកកម្ពស់ជីវភាព របស់សហគមន៍តាមរយៈការផ្តល់ជម្រើសមុខរបរបន្ថែម និងសកម្មភាពផ្សេងៗក្នុងវិស័យទេសចរណ៍ ត្រូវធ្វើនវានុវត្តន៍ក្នុងអង្គភាព និងបណ្តុះបណ្តាលសមត្ថភាពដល់់មន្ត្រីរាជការ រៀបចំថ្នាលបណ្តុះ បណ្តាលកូនឈើឱ្យបាន ១ឆ្នាំ ១០០,០០០ដើម សម្រាប់ចែកជូនដល់សាធារណជន ដើម្បីឲ្យ ប្រទេសកម្ពុជាមានភាពជាបៃតង។

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សហភាពសិទ្ធិកម្មករកម្ពុជានឹងបើកការផ្សព្វផ្សាយពីគម្រោងអភិវឌ្ឍតំបន់ត្រីកោណ CLV ដល់កម្មកររោងចក្រ

ប្រធានរដ្ឋសភាវៀតណាម៖ សម្ដេចតេជោបានបង្កើតប្រវត្តិសាស្រ្ដទំនាក់ទំនងល្អកម្ពុជា-វៀតណាម

នាយករដ្ឋមន្ត្រីវៀតណាមប្តេជ្ញាលើកកម្ពស់ទំនាក់ទំនង ជំរុញសេដ្ឋកិច្ច និងកិច្ចអភិវឌ្ឍន៍កម្ពុជា-វៀតណាម

ក្រុមប្រឹក្សាខណ្ឌ៧មករា បើកកិច្ចប្រជុំសាមញ្ញលើក២ សម្រាប់អាណត្តិទី៤

សម្តេចតេជោ ហ៊ុន សែន ជួបពិភាក្សាការងារជាមួយប្រធានរដ្ឋសភាវៀតណាមនៅរដ្ឋធានីហាណូយ ប្រទេសវៀតណាម

មន្ត្រីការបរទេសអាមេរិក សាទរជំហរកម្ពុជាឈរលើគោលការណ៍ច្បាប់អន្តរជាតិពាក់ព័ន្ធសង្គ្រាមនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សហភាពសិទ្ធិកម្មករកម្ពុជានឹងបើកការផ្សព្វផ្សាយពីគម្រោងអភិវឌ្ឍតំបន់ត្រីកោណ CLV ដល់កម្មកររោងចក្រ

ប្រធានរដ្ឋសភាវៀតណាម៖ សម្ដេចតេជោបានបង្កើតប្រវត្តិសាស្រ្ដទំនាក់ទំនងល្អកម្ពុជា-វៀតណាម

នាយករដ្ឋមន្ត្រីវៀតណាមប្តេជ្ញាលើកកម្ពស់ទំនាក់ទំនង ជំរុញសេដ្ឋកិច្ច និងកិច្ចអភិវឌ្ឍន៍កម្ពុជា-វៀតណាម

ក្រុមប្រឹក្សាខណ្ឌ៧មករា បើកកិច្ចប្រជុំសាមញ្ញលើក២ សម្រាប់អាណត្តិទី៤

សម្តេចតេជោ ហ៊ុន សែន ជួបពិភាក្សាការងារជាមួយប្រធានរដ្ឋសភាវៀតណាមនៅរដ្ឋធានីហាណូយ ប្រទេសវៀតណាម

មន្ត្រីការបរទេសអាមេរិក សាទរជំហរកម្ពុជាឈរលើ​គោលការណ៍​ច្បាប់​អន្តរជាតិ​ពាក់ព័ន្ធ​សង្គ្រាម​នៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីការបរទេសអាមេរិក សាទរជំហរកម្ពុជាឈរលើគោលការណ៍ច្បាប់អន្តរជាតិពាក់ព័ន្ធសង្គ្រាមនៅអ៊ុយក្រែន