BTV NEWS

សម្តេចធិបតីនាយករដ្ឋមន្ត្រី ផ្តល់ស្ពានបេតុងចំនួន១ កន្លែង ប្រវែង ៩០ ម៉ែត្រ ជូនដល់ប្រជាពលរដ្ឋនៅស្រុកជីក្រែង ខេត្តសៀមរាប

កម្ពុជាតែងឈរលើគោលគំនិតសន្ដិភាពនិយម ព្រោះកម្ពុជាធ្លាប់ឆ្លងកាត់សង្គ្រាមជាង៣ទសវត្សរ៍ហើយ

ក្រសួងការងារ បន្តនាំយកឱកាសការងារជាង ១ម៉ឺនកន្លែង និងអត្ថប្រយោជន៍ ប.ស.ស. ព្រមទាំងកម្មវិធីបណ្តុះបណ្តាលជំនាញ TVET ដល់ពលរដ្ឋខេត្តពោធិ៍សាត់

ប្រមុខការពារជាតិរំឭកខ្មែរគ្រប់រូបរួបរួមគ្នាជាធ្លុងមួយក្រោកឡើងលើកតម្កើងកិត្យានុភាពជាតិ និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ

ព័ត៌មានជាតិ

សាលារដ្ឋចាប់ផ្ដើមអនុវត្តក្បួនគណនាលេខរហ័សជំនួសក្បួនគណនាលេខចាស់

សាលារៀនរដ្ឋ ចាប់ពីកម្រិតបឋមសិក្សា បានចាប់ផ្ដើមធ្វើការផ្លាស់ប្ដូរ ដោយសាលាមួយចំនួន បានឈប់ប្រើប្រាស់ក្បួនគណនាលេខចាស់ ហើយចាប់ផ្ដើមបង្រៀនសិស្សឱ្យចេះពីក្បួនគណនាលេខរហ័ស ដែលអាចជួយឱ្យកុមារមានភាពលូតលាស់បញ្ញា គិតលេខបានកាន់តែរហ័សជាងមុន។ ការគណនាលេខរហ័ស ជាក្បួនគិតលេខបែបទំនើប អាចជួយឱ្យកុមារអាចគណនាលេខកាន់តែលឿនរហ័ស បើធៀបនឹងក្បួនគណលេខចាស់ ដែលធ្លាប់អនុវត្ត។ ក្បួនគណនាលេខរហ័សនេះ កន្លងទៅគឺអនុវត្តនៅគ្រឹះស្ថានឯកជនប៉ុណ្ណោះ។ បច្ចុប្បន្ន សាលារៀនរដ្ឋពិសេសថ្នាក់បឋមសិក្សា ក៏បានចាប់ផ្ដើមអនុវត្តបង្រៀនកុមារ ឱ្យចេះពីរបៀបគិតលេខរហ័សផងដែរ។ យ៉ាងណាម៉ិញការអនុវត្តអាចមិនទាន់បានគ្រប់សាលារៀននោះទេ។សម្រាប់សាលាបឋមសិក្សា អ្នកឧកញ៉ាមហាភក្ដី ហ៊ុន នាង ព្រែកកំពឹស បច្ចុប្បន្នបានអនុវត្តការបង្រៀនក្បួនគណនាលេខរហ័ស គ្រប់កម្រិតថ្នាក់។ នេះជាការបញ្ជាក់របស់ លោក ផុន ណាត ជានាយកសាលា។ លោកបញ្ជាក់ថា សាលាបានចាប់ផ្ដើមអនុវត្តភ្លាមៗ ក្រោយទទួលបានសេចក្ដីណែនាំពីក្រសួងអប់រំ។ ក្នុងនាមជាគណៈគ្រប់គ្រងសាលា លោកថាការបង្រៀនកុមារឱ្យចេះពីរបៀបគិតលេខថ្មីបានរហ័សនេះ ជារឿងប្រសើរ ជួយឱ្យកុមារមានភាពវៃឆ្លាត មានភាពលូតលាស់ខួរក្បាល។ចំណែកសិស្សានុសិស្សបានបង្ហាញនូវភាពសប្បាយចិត្ត ពេញចិត្តចំពោះការសិក្សាក្បួនគិតលេខរហ័សនេះ។ ពួកគេថា ក្រោយសិក្សាបានមួយរយៈមកនេះ ពួកគេមានសមត្ថភាពគិតលេខបានកាន់តែលឿន ជួយឱ្យពួកគេធ្វើលំហាត់បានកាន់តែលឿន និងកាន់តែស្រលាញ់ការសិក្សា។ការបង្រៀនលើក្បួនគណនាលេខបែបរហ័សនេះ អ្នកគ្រូ សុខ សំភី លើកឡើងឱ្យដឹងដែរថា អ្នកគ្រូក៏ដូចជាគ្រូដទៃ ទទួលបានការបណ្ដុះបណ្ដាល និងធ្វើការស្រាវជ្រាវបន្ថែម សម្រាប់ការចាប់ផ្ដើមផ្លាស់ប្ដូរដ៏ថ្មីមួយនេះ។ អ្នកគ្រូពេញចិត្ត ហើយក៏មើលឃើញពីភាពប្រសើរឡើង របស់សិស្សលើការគណនាលេខផងដែរ។សូមជម្រាបថាក្បួនគណនាលេខរហ័សដែលកំពុងអនុវត្តនៅគ្រឹះស្ថានសិក្សារដ្ឋនេះ គឺស្របទៅតាមសេចក្ដីណែនាំរបស់ក្រសួងអប់រំ យុវជន និងកីឡា ដែលណែនាំស្ដីពី ការអនុវត្តកម្មវិធីក្រៅម៉ោងសិក្សា នៅតាមគ្រឹះស្ថានបឋមសិក្សាសាធារណៈគំរូ ដែលបានចេញកាលពីខែ ឧសភា ឆ្នាំ ២០២៤ កន្លងទៅនេះ៕ អត្ថបទ៖ គឹម ហុក

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

អាជ្ញាធរ និងបណ្តាពលរដ្ឋ នៅលើឃុំកោះខ្សាច់ទន្លា ស្រុកស្អាង ខេត្តកណ្តាល ក្រោយពីបានដឹងថាព្រែកជីកហ្វូណនតេជោ នឹងធ្វើជីកឆ្លងកាត់មូលដ្ឋានឃុំរបស់ខ្លួន គឺគេមានការអបអរសាទរ គាំទ្រជំរុញឲ្យព្រែកជីកនេះជីកឲ្យលឿន ខណៈអាជ្ញាធរ និងពលរដ្ឋ បានរួមគ្នាបង្កើតសហគមន៍កសិកម្ម និងកសិទេសចរណ៍ ជំរុញការធ្វើដំណាំនាំចេញ និងទទួលបានអត្ថប្រយោជន៍នានាទៀតពីព្រែកជីកណនតេជោ។បើតាមលោក រឿន សាបុណ្យ សមាជិកក្រុមប្រឹក្សាឃុំកោះខ្សាច់ទន្លា ថ្លែងប្រាប់BTV នៅថ្ងៃទី២៤ ខែកក្កដានេះ ថ្លែងថា នៅពេលនេះ បណ្តាអាជ្ញាធរមូលដ្ឋាន ក៏ដូច បណ្តាពលរដ្ឋ បានសម្តែងការគាំទ្រពេញទំហឹងថ្ងៃបើកការដ្ឋានផ្លូវការអនុវត្តគម្រោងជីកព្រែកជីកហ្វូណនតេជោ ខណៈការជីកព្រែកជីកនេះ នឹងកប៉ាល់ដឹកទំនិញ សេវាកម្ម និងទេសចរជាតិអន្តរជាតិធ្វើដំណើរឆ្លងកាត់ទន្លេបាសាក់ និងកាត់តាមកោះខ្សាច់ទន្លានេះ ហើយផ្តល់ប្រយោជន៍ផ្នែកដឹកជញ្ជូនតម្លៃថោកនាំមកនូវទេសចរជាតិ អន្តរជាតិនានាទៀតអញ្ជើញមកទស្សនា។តំណាងសហគមន៍កសិកម្ម និងកសិទេសចរណ៍ នៅកោះខ្សាច់ទន្លា ថ្លែងថា នៅពេលនេះពលរដ្ឋទាំងអស់គ្នាពិតជាចង់ឲ្យព្រែកជីកហ្វូណនតេជោ បើកដំណើរការជីកឲ្យបានលឿន ដើម្បីផ្តល់ជាផលប្រយោជន៍ ប្រើប្រាស់ដឹកនាំកសិផលទៅលើកនៅក្រៅប្រទេសផង ក៏ដូចជាការទេសចរជាតិ អន្តរជាតិមកទស្សនាសហគម មូលដ្ឋានរបស់យើងដែរ។ សូមបញ្ជាក់ថា ព្រែកជីកហ្វូណនតេជោជីក ឆ្លងកាត់ខេត្តកណ្តាលមានសរុបប្រវែង៥៦ គ.ម ដែលនឹងចាប់ផ្តើមជីកពង្រីកចេញពីទន្លេមេគង្គត្រង់ចំណុចព្រែកតាកែវ ឃុំសំរោងធំ ស្រុកគៀនស្វាយ សំដៅទៅកាន់ទន្លេបាសាក់ ម្តុំព្រែកពោធិ៍មានប្រវែង២១គ.មហើយបន្តធ្វើដំណើរឆ្លងកាត់ដងទន្លេបាសាក់មានប្រវែង២៩គ.ម ទៅដល់ជីកព្រែកតាហ៊ីងទន្លេបាសាក់ស្រុកកោះធំ រួចបន្តជីកទៅដល់ព្រំប្រទល់ខេត្តតាកែវ មានប្រវែង៦គ.មទៀត៕ អត្ថបទ ស៊ុម សុខជា

NEA ក្រៅពីឱកាសការងារ ក៏ផ្តល់អត្ថប្រយោជន៍ជាច្រើនទៀតក្នុងការផ្សព្វផ្សាយដល់យុវជន និងនិស្សិត

គិតរហូតមកដល់ពេលនេះមជ្ឈមណ្ឌលការងារចល័តរបស់ទីភ្នាក់ងារជាតិមុខរបរ និងការងារ (NEA) នៅតែបន្តចុះផ្សព្វផ្សាយឱកាសការងារនៅតាមសាកលវិទ្យាល័យ និងគ្រឹះស្ថានសិក្សានានានៅរាជធានី-ខេត្ត ដើម្បីផ្តល់ព័ត៌មានអំពីទីផ្សារការងារ ក៏ដូចជាការនាំយកឱកាសការងារឲ្យកាន់តែខិតជិតដល់យុវជន។ជួបសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី២៥ ខែកក្កដានេះ លោក ជិន ខិ អនុប្រធានមជ្ឈមណ្ឌលការងាររាជធានីភ្នំពេញនៃទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ ក្នុងអំឡុងចុះផ្សព្វផ្សាយព័ត៌មានការងារនៅសាកលវិទ្យាល័យជាតិគ្រប់គ្រង បានឲ្យដឹងថា ក្រៅពីការងារផ្សព្វផ្សាយព័ត៌មានទីផ្សារការងារ ក៏ដូចជាការនាំយកឱកាសការងារល្អៗ ពិតប្រាកដឲ្យខិតជិតដល់យុវជន និងអ្នកស្វែងរកការងារនេះ NEA ក៏បានបន្តសកម្មភាពក្នុងការរៀបចំវេទិកាការងារ ពិព័រណ៍ការងារ និងកិច្ចសម្ភាសការងារជាប្រចាំ ដើម្បីបង្កើតជាកន្លែងជួបជុំគ្នាដោយងាយស្រួលរវាងអ្នកស្វែងរកការងារធ្វើ និងនិយោជកដែលកំពុងត្រូវការជ្រើសរើសបុគ្គលិក អាចពិភាក្សា និងស្វែងយល់អំពីតម្រូវការជំនាញនៅក្នុងទីផ្សារការងារ។ ក្រុមនិស្សិតរបស់សាកលវិទ្យាល័យជាតិគ្រប់គ្រងបាននិយាយស្រដៀងគ្នាថា សព្វថ្ងៃនេះឱកាសការងារជាច្រើនបានកំពុងបង្ហាញអំពីតម្រូវការកម្លាំងពលជាច្រើនវិស័យ ប៉ុន្តែក្នុងនាមជាយុវជន សិស្ស និស្សិត ក៏ដូចជាអ្នកស្វែងរកការងារធ្វើគប្បីគួរតែស្គាល់ខ្លួនឯងឲ្យបានច្បាស់ និងត្រៀមខ្លួនឲ្យបានត្រឹមត្រូវជាមុនដើម្បីឆ្លើយតបទីផ្សារការងារដែលកំពុងមានតម្រូវការទាំងនេះ។ សូមបញ្ជាក់ថា នៅថ្ងៃស្អែកទី២៥ ខែកក្កដា ឆ្នាំ២០២៤នេះ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសាកលវិទ្យាល័យភូមិន្ទនីតិសាស្ត្រ និងវិទ្យាសស្ត្រសេដ្ឋកិច្ច (RULE) និង ស.ស.យ.ក. វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងរៀបចំវេទិកាការងារ និងកម្មសិក្សាការងារ ដោយមានការចូលរួមពីក្រុមហ៊ុនធំៗចំនួន១៧ នឹងផ្តល់ឱកាសការងារថ្មីបន្ថែមទៀតសរុបចំនួនជាង ១,៤០០កន្លែង ជូនដល់យុវជន សិស្ស/និស្សិត និងអ្នកស្វែងរកការងារ នៅក្នុងបរិវេណ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ស្ថិតនៅតំបន់បឹងត្របែក រាជធានីភ្នំពេញ៕ អត្ថបទ៖ ឈិត បូរ៉ាវី

កម្ពុជានឹងដាក់បញ្ចូលខេត្តជាប់ឆ្នេរសមុទ្រ ដើម្បីប្រើប្រាស់ធនធាន និងសក្ដានុពលរបស់ខេត្តនីមួយៗ

កម្ពុជាកំពុងពិនិត្យលើការដាក់បញ្ចូលខេត្តជាប់ឆ្នេរសមុទ្រ ដើម្បីប្រើប្រាស់ធនធាន និងសក្ដានុពលផ្សេងៗរបស់ខេត្តនីមួយៗ ផ្គុំ ចូលគ្នាបង្កើតជាផែនការមេដែលប្រទាក់ក្រឡា មានមាត្រដ្ឋាន និងជាកម្លាំងរួមមួយ សំដៅបង្កើនភាពប្រកួតប្រជែងរបស់ខេត្តទាំងបួន។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តីរដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈ កម្មាធិការសម្របសម្រួលអន្តរក្រសួង រៀបចំផែនការមេអភិវឌ្ឍខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងអភិវឌ្ឍ បណ្ដាខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពហុបំណងនិងប្រទាក់ក្រឡា (គ.ផ.ព.ឆ.) នៅថ្ងៃទី២៣ ខែកក្កដា ឆ្នាំ ២០២៤ បានដឹកនាំកិច្ចប្រជុំគណៈកម្មាធិការសម្របសម្រួលអន្តរក្រសួងលើកទី៤ ដើម្បីពិនិត្យ ផ្ដល់យោបល់ និងផ្តល់គោលការណ៍ឯកភាព លើ សេចក្ដីព្រាងផែនការមេអភិវឌ្ឍបណ្ដាខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពហុបំណង និងប្រទាក់ក្រឡា។បញ្ហានេះ, តាមការចង្អុលបង្ហាញដោយផ្ទាល់ របស់សម្តេចមហាបវរធិបតី នាយករដ្ឋមន្រ្តី ដើម្បីពង្រីកវិសាលភាពនៃ «ផែនការ មេអភិវឌ្ឍខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង», «ផែនការមេអភិវឌ្ឍបណ្ដាខេត្តជាប់ឆ្នេរសមុទ្រកម្ពុជា ជារបៀង សេដ្ឋកិច្ចពហុបំណង និងប្រទាក់ក្រឡា» បានរៀបចំឡើងដោយបញ្ចូលខេត្តជាប់ឆ្នេរសមុទ្រទាំង ៣ ផ្សេងទៀត តាមរយៈការប្រើប្រាស់ ធនធាន និងសក្ដានុពលផ្សេងៗរបស់ខេត្តនីមួយៗ ដែលអាចផ្គុំចូលគ្នាបង្កើត ជាផែនការមេដែលប្រទាក់ក្រឡា មានមាត្រដ្ឋាន និងជាកម្លាំងរួមមួយសំដៅបង្កើនភាពប្រកួតប្រជែងរបស់ខេត្តទាំងបួន និងកម្ពុជាជារួម។ជាក់ស្ដែង, សេចក្ដីព្រាងផែនការមេអភិវឌ្ឍបណ្ដាខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពហុបំណង និងប្រទាក់ក្រឡា មានចក្ខុវិស័យរយៈពេលវែងដល់ឆ្នាំ ២០៣៨ គឺមានទិសដៅអភិវឌ្ឍខេត្តជាប់ឆ្នេរសមុទ្រកម្ពុជាទៅជា៖ ទី១-គោលដៅទេសចរណ៍ ឆ្នេរកម្រិតពិភពលោក៖ ដៃគូប្រកួតប្រជែងទៅកាន់គោលដៅទេសចរណ៍ឆ្នេរសមុទ្រអន្តរជាតិ, ផ្ដល់សេវាទេសចរណ៍ប្រកបដោយ វិជ្ជាជីវៈ និងបង្កើនបរិយាកាសសម្រាប់ទេសចរណ៍បែបកម្សាន្ដ។ ទី២-ថ្នាលថ្មីសម្រាប់សេដ្ឋកិច្ចបៃតង៖ ប្រកបដោយថាមពលបៃតង, ការប្រើប្រាស់វិធីសាស្រ្តបៃតងសម្រាប់ការធ្វើកសិកម្ម និងការអភិវឌ្ឍឧស្សាហកម្មនិងហិរញ្ញវត្ថុបៃតង។សេចក្ដីព្រាង «ផែនការមេអភិវឌ្ឍបណ្ដាខេត្តជាប់ឆ្នេរសមុទ្រកម្ពុជាជារបៀងសេដ្ឋកិច្ចពហុបំណង និងប្រទាក់ក្រឡា» បានធ្វើ ការវាយតម្លៃអំពីការគ្រប់គ្រងរដ្ឋបាល, ស្ថានភាពចរាចរណ៍, កម្ពស់សណ្ឋានដី, ការអភិវឌ្ឍដី, ចំនួនប្រជាជន, ស្ថានភាពធនធាន និង មូលដ្ឋានគ្រឹះនៃការអភិវឌ្ឍ ដើម្បីវិភាគទៅលើគោលដៅ, លក្ខខណ្ឌនិងសក្ដានុពលអភិវឌ្ឍន៍របស់ខេត្តនីមួយៗ។ បន្ថែមពីលើនេះ, ផែនការមេនេះ ក៏មានការវិភាគលើសក្ដានុពលអភិវឌ្ឍឧស្សាហកម្មរបស់ខេត្តនីមួយៗ និងផ្តល់អនុសាសន៍លើការបំពេញឱ្យគ្នាទៅវិញ ទៅមក និងភាពប្រទាក់ក្រឡារវាងខេត្តទាំងបួន ព្រមទាំងគម្រោងយុទ្ធសាស្រ្តសម្រាប់ខេត្តជាប់ឆ្នេរសមុទ្រកម្ពុជាផងដែរ៕ អត្ថបទ៖ សុន រ៉ាឌី

រដ្ឋបាលខេត្ដសៀមរាប ចេញសេចក្តីប្រកាសព័ត៌មានពាក់ព័ន្ធការរលំដើមឈើនៅចំណុចទន្លេអុំនៃក្លោងទ្វារប្រាសាទបាយ័ន

រដ្ឋបាលខេត្តសៀមរាប មានកិត្តិយសសូមជម្រាបសាធារណជន និងអ្នកសារព័ត៌មានទាំងអស់ មេត្តាជ្រាបថា៖ នាវេលាម៉ោង១៧៖៥០នាទី ថ្ងៃទី២៣ ខែកក្កដា ឆ្នាំ២០២៤ នៅចំណុចខ្លោងទ្វារទន្លេអុំ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប មានភ្លៀងលាយឡំនឹងខ្យល់ កន្ត្រាក់ បណ្តាលឱ្យរលំដើមឈើមួយដើម សង្កត់រូបចម្លាក់មួយចំនួន និងប្រជាពលរដ្ឋឆ្លងកាត់ទីតាំងនោះ។សេចក្ដីប្រកាសព័ត៌មានបានបង្ហាញថា ក្រោយទទួលបានព័ត៌មានពីឧបទ្ទវហេតុគ្រោះធម្មជាតិនេះ គណៈបញ្ជាការឯកភាពរដ្ឋបាលខេត្ត ដឹកនាំដោយ ឯកឧត្តម ប្រាក់ សោភ័ណ អភិបាលខេត្តសៀមរាប និងជាប្រធានគណៈ បញ្ជាការឯកភាពរដ្ឋបាលខេត្ត និងអាជ្ញាធរជាតិអប្សរា បានដឹកនាំកម្លាំងចុះពិនិត្យ និងសង្គ្រោះអ្នករងរបួស។ ជាលទ្ធផលឃើញថា ដើមឈើមួយដើមនៅទន្លេអុំ ដែលបានដួលរលំសង្កត់រូបចម្លាក់ទាញព្រ័ត្រ និងសង្កត់លើរ៉ឺម៉កម៉ូតូបង្កគ្រោះថ្នាក់ដល់អ្នកដំណើរជាជនខ្មែរចំនួន០៤នាក់ បណ្តាលឱ្យស្លាប់មនុស្ស ចំនួន០១នាក់ ភេទប្រុស ដែលជាអ្នកបើកបរ និងរបួសមនុស្សចំនួន០៣នាក់ (ស្រាល០២ ធ្ងន់០១នាក់) ដែលជិះរ៉ឺម៉ក។ បច្ចុប្បន្នជនរងគ្រោះបានជួយសង្គ្រោះ និងកំពុងសម្រាកព្យាបាលនៅមន្ទីរពេទ្យ។ គណៈបញ្ជាការ ឯកភាពរដ្ឋបាលខេត្ត និងអាជ្ញាធរជាតិអប្សរា បានកាត់ដើមឈើចេញ ដើម្បីបញ្ចៀសចរាចរ នៅកន្លែង កើតហេតុរួចរាល់ទាំងស្រុងនៅវេលាម៉ោង២០៖៣០នាទី ថ្ងៃខែឆ្នាំដដែល។ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ និងអាជ្ញាធរ ជាតិអប្សរា សូមចូលរួមរំលែកទុក្ខយ៉ាងក្រៀមក្រំ ចំពោះគ្រួសារសព និងចូលរួមសោកស្តាយចំពោះបងប្អូន ប្រជាពលរដ្ឋ ដែលបានរងរបួសនៅក្នុងឧបទ្ទវហេតុគ្រោះធម្មជាតិនេះ៕

សិល្បករសិល្បការិនីត្រៀមចូលរួមសម្តែងអបអរថ្ងៃបើកការដ្ឋានសាងសង់ព្រែកជីកហ្វូណនតេជោ

សិល្បករ សិល្បការិនីរបស់នាយកដ្ឋានសិល្បៈទស្សនីយភាពនៃក្រសួងវប្បធម៌ និងវិចិត្រសិល្បៈបានត្រៀមខ្លួនរួចជាស្រេច ដើម្បីចូលរួមរៀបចំការសម្តែងសិល្បៈ ទស្សនីយភាពអបអរសាទរថ្ងៃបើកការដ្ឋានសាងសង់គម្រោងព្រែកជីកហ្វូណនតេជោដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤។លោក ឈាង ឆដាភ័ក្រ ប្រធាននាយដ្ឋានសិល្បៈទស្សនីយភាព ក្រសួងវប្បធម៌ និងវិចិត្រសិល្បៈ ថ្លែងប្រាប់ BTV ព័ត៌មាន នាព្រឹកថ្ងៃទី២៤ ខែកក្កដា ឆ្នាំ២០២៤នេះថា ដើម្បីចូលរួមអបអរសាទរព្រឹតិ្តការណ៍ជាប្រវតិ្តសាស្រ្តនេះ មន្រី្តរាជការ លោកគ្រូ អ្នកគ្រូ សិល្បករ សិល្បការិនី នៃនាយកដ្ឋានសិល្បៈទស្សនីយភាព នឹងធ្វើការប្រគុំស្គរចម្រុះ ដើម្បីអបអរសាទរថ្ងៃបើកការដ្ឋានសាងសង់គម្រោងប្រវត្តិសាស្ត្រព្រែកជីកហ្វូណនតេជោ ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤។ ក្នុងនោះនាយកដ្ឋានបានត្រៀមកម្លាំងសិល្បករ សិល្បការិនីជាច្រើននាក់ ដើម្បីចូលរួមប្រគុំស្គរ គឺត្រៀមចូលរួមសម្តែងនៅទីតាំងប្រារព្ធពិធីបើកការដ្ឋាន ដែលស្ថិតនៅក្នុងស្រុកគៀនស្វាយខេត្តកណ្តាល និងប្រគុំស្គរ នៅទីតាំងក្រសួងការពារជាតិ និងត្រៀមចូលរួមអបអរសាទរការសម្តែងនាពេលរាត្រី ជាមួយសាលារាជធានីភ្នំពេញ។ជាមួយគ្នានោះដែរក្នុងនាមជាមន្រី្តការ លោក ឈាង ឆដាភ័ក្រ រួមនិងសិល្បករ សិល្បការិនី ពិតជាមានសេចកី្តសាទរ និងសេចកី្តរីករាយយ៉ាងក្រៃលែង ចំពោះពិធីបើកការដ្ឋានព្រែកជីកហ្វូណន តេជោ ដែលនឹងប្រារព្ធឡើងនាថ្ងៃទី៥ ខែសីហា ឆ្នាំ២០២៤ខាងមុខនេះ ព្រោះថាព្រែកជីកហ្វូណនតេជោ គឺជាសមិទ្ធិផលថ្មីមួយ ដែលផ្តល់អត្ថប្រយោជន៍យ៉ាងច្រើន ដល់ប្រជាជនកម្ពុជា តាមរយៈការដឹកនាំជញ្ជូន វិស័យកសិកម្ម វិស័យទេសចរ ពាណិជ្ជកម្ម និងហេដ្ឋារចនាសម្ព័ន្ធផ្លូវទឹក។សូមបញ្ជាក់ផងដែរថា នៅថ្ងៃទី៥ ខែសីហា ឆ្នាំ២០២៤ខាងមុខនេះ គឺជាថ្ងៃប្រវតិ្តសាស្រ្តរបស់ប្រជាជនកម្ពុជាគ្រប់រូប ដែលទទួលបាននូវសមិទ្ធិថ្មី ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា ជាពិសេសអតីតនាយករដ្ឋមន្រី្ត សម្តេចអគ្គមហាសេនាបតីតេជោ ហ៊ុន សែន នឹងបើកការដ្ឋានសាងសង់ព្រែកជីក «ហ្វូណន តេជោ» បងប្អូនប្រជាពលរដ្ឋក្នុងព្រះរាជាណាចក្រកម្ពុជា ត្រៀមវាយគង ជួង រគាំង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នៅគ្រប់ទីកន្លែង សាធារណៈសំខាន់ៗ គ្រប់ទីវត្តអារាម សាលារៀនឱ្យបានក្លៀវក្លា និងអធិកអធមជាទីមោទនៈ៕ អត្ថបទ រដ្ឋា

ក្រសួងការងារ ចេញញត្តិគាំទ្រយ៉ាងពេញទំហឹងចំពោះសារពិសេសរបស់សម្តេចតេជោហ៊ុន សែន លើការអនុវត្តក្របខណ្ឌកិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាម (CLV-DTA)

ក្រសួងការងារ និងបណ្តុះបណ្តាលវិជ្ជាជីវៈគាំទ្រយ៉ាងពេញទំហឹងចំពោះសារពិសេសរបស់ សម្តេចអគ្គមហាសេនាបតីតេជោហ៊ុន សែន ប្រធានព្រឹទ្ធសភា លើការអនុវត្តកម្មវិធី និងគម្រោងក្រោមក្របខណ្ឌ នៃតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV-DTA) ដែលបានប្រកាសកាលពីថ្ងៃទី២៣ ខែកក្កដា ឆ្នាំ២០២៤។ការអនុវត្តកម្មវិធី និងគម្រោងក្រោមក្របខណ្ឌនៃតំបន់ត្រីកោណអភិវឌ្ឍន៍នេះ ធ្វើឡើងក្នុងគោលបំណងជំរុញសមាហរណកម្មខេត្តជាប់ព្រំដែននៃប្រទេសទាំងបី ដោយធ្វើយ៉ាងណាប្រែក្លាយព្រំដែននេះទៅជាព្រំដែនមិត្តភាព សាមគ្គីភាព និងការអភិវឌ្ឍ។ លើសពីនេះ វាក៏នឹងជួយជំរុញសមាហរណកម្មសេដ្ឋកិច្ច និងការតភ្ជាប់ ដែលនាំមកនូវការបង្កើនពាណិជ្ជកម្មឆ្លងដែន ការលើកកម្ពស់វិស័យទេសចរណ៍ តាមចក្ខុវិស័យ “ប្រទេសបីគោលដៅទេសចរណ៍តែមួយ” ដែលជាគ្រឹះក្នុងការអភិវឌ្ឍសេដ្ឋកិច្ច និងកាត់បន្ថយភាពក្រីក្រតាមតំបន់ព្រំដែន និងទូទាំងប្រទេស។ជាមួយគ្នានោះ ក្រសួងការងារ និងបណ្តុះបណ្តាលវិជ្ជាជីវៈ សូមប្រកាសថ្កោលទោសព្រមទាំងប្រឆាំងដាច់អហង្ការ ចំពោះការញុះញង់បង្កចលាចល ដែលបំផ្លាញសមិទ្ធផល និងដំណើរការអភិវឌ្ឍនៃតំបន់ត្រីកោណអភិវឌ្ឍន៍ និងអំពាវនាវឱ្យបងប្អូនជនរួមជាតិចូលរួមគាំទ្រយ៉ាងពេញទំហឹងដល់ ការអនុវត្តកម្មវិធី និងគម្រោងអភិវឌ្ឍន៍ តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម។គួរបញ្ជាក់ផងដែរថា គំនិតក្នុងផ្តួចផ្តើមការអនុវត្តកម្មវិធី និងគម្រោងក្រោមក្របខណ្ឌ នៃតំបន់ត្រីកោណអភិវឌ្ឍន៍នេះ ត្រូវបានធ្វើឡើងតាំងពីឆ្នាំ១៩៩៩ មកម្ល៉េះ ហើយបានធ្វើកិច្ចប្រជុំក្រោមក្របខណ្ឌនៃតំបន់ត្រីកោណអភិវឌ្ឍន៍នេះ ចំនួន ១១លើកមកហើយ ដែលក្នុងឆ្នាំ ២០២៤នេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូល CLV លើកទី១២ផងដែរ៕

សម្រស់ ប្រាសាទបេងមាលា នារដូវវស្សា!

ប្រាសាទបេងមាលា គឺជាបុរាណប្រាសាទមួយ មានអាយុកាលរាប់រយឆ្នាំមកហើយ ដែលបានលាក់ខ្លួនពួនសំងំនៅក្នុងព្រៃដ៏ស្ងប់ស្ងាត់ក្បែរជើងភ្នំគូលែន ស្ថិតក្នុងភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប។ ប្រាសាទបេងមាលា ត្រូវបានស្ថាបនាឡើងនាអំឡុងចុងស.វ ទី ១១ និងដើមស.វ ទី ១២ នៃគ.ស ដោយព្រះបាទសូរ្យវរ្ម័នទី២ សាងសង់លើផៃ្ទដីទំហំ១៤ហិកតា ។ប្រាសាទនេះក៏ត្រូវបានសាងសង់ឡើងដើម្បីឧទ្ទិសថ្វាយព្រះអាទិទេពក្នុងលទ្ធិព្រហ្មសាសនា។ ប៉ុន្តែបច្ចុប្បន្នប្រាសាទបេងមាលា បានក្លាយជាទីបូជនីយដ្ឋានទេសចរណ៍ប្រវត្តិសាស្រ្តដ៏ល្អវិចិត្រ ដែលទាក់ទាញក្រសែភ្នែកទេសចរចម្រុះជាតិសាសន៍ឱ្យចូលទៅទស្សនា។ដើម្បីទៅទស្សនាប្រាសាទបេងមាលា លោកអ្នកអាចធ្វើដំណើរចេញពីក្រុងសៀមរាប មានរយៈចំងាយប្រមាណ ៥៦គីឡូម៉ែត្រ និងមានចំងាយប្រមាណ ៣១៤គីឡូម៉ែត្រពីរាជធានីភ្នំពេញ៕

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ បានកំពុងលើកកម្ពស់ដល់ជីវភាពរស់នៅរបស់ប្រជាជន

ស្វាយរៀង ÷ ផ្លូវជនបទជាច្រើនខ្សែនៅទូទាំងប្រទេស ដែលស្ថិតក្រោមក្របខណ្ឌក្រសួងអភិវឌ្ឍន៍ជនបទ បានកំពុងស្តារ និងស្ថាបនាជាបន្តបន្ទាប់ ដើម្បីជំរុញបង្កើតនូវហេដ្ឋរចនាសម្ព័ន្ធជនបទឲ្យកាន់តែរឹងមាំ គាំទ្រដល់ប្រជាពលរដ្ឋមូលដ្ឋាន ដើម្បីលើកកម្ពស់ដល់ការរស់នៅ និង មានជីវភាពកាន់តែប្រសើរ។ក្រសួងអភិវឌ្ឍន៍ជនបទ ដែលជាសេនាធិការរបស់រាជរដ្ឋាភិបាល បាននិងកំពុងផ្ដោតការយកចិត្តទុកដាក់យ៉ាងខ្លាំង និងកំពុង ផ្ដោតការយកចិត្តទុកដាក់លើការស្ថាបនាហេដ្ឋារនាសម្ព័ន្ធ ជាពិសេសផ្លូវជនបទ ដើម្បីបង្ករភាពងាយស្រួលដល់ប្រជាពលរដ្ឋក្នុងការធ្វើ ដំណើរ, ចំណេញពេលវេលា, កាត់បន្ថយការចំណាយលើការដឹកជញ្ជូនសម្ភារៈ កសិផល និងសម្រួលដល់ការធ្វើអាជីវកម្មផ្សេងៗ សម្រាប់ការរកស៊ីទទួលទានប្រចាំថ្ងៃរបស់ប្រជាពលរដ្ឋនៅតាមមូលដ្ឋាន។ជុំវិញការស្ថាបនាផ្លូវនិងសំណង់សិល្បការ្យនេះ, ឯកឧត្តមបណ្ឌិត សៅ ជីវ័ន្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នៅថ្ងៃទី ២៣ ខែ កក្កដា ឆ្នាំ ២០២៤ នេះ បានដឹកនាំគណៈកម្មាធិការអន្តរក្រសួង ចុះត្រួត ពិនិត្យ វាយតម្លៃប្រគល់-ទទួលបញ្ចប់ជាស្ថាពររយៈពេលធានាសុពលភាពការងារផ្លូវចំនួន ៣ខ្សែ នៅខេត្តស្វាយរៀង និងត្បូងឃ្មុំ, ក្នុងនោះឯកឧត្តមបានវាយតម្លៃខ្ពស់ ចំពោះការខិតខំប្រឹងប្រែងស្ថាបនាផ្លូវ របស់ក្រុមហ៊ុន ហេង សម្បត្តិ អាហរ័ណនីហរ័ណ ដែល ស្ថាបនាសម្រេចបានតាមផែនការ រហូតដល់បញ្ចប់សុពលភាព, ព្រោះការស្ថាបនា ការស្តារ និងការថែទាំផ្លូវ ក៏ដូចជាការកែលម្អហេដ្ឋារ ចនាសម្ព័ន្ធរូបវន្ត គឺជាការចាំបាច់ ដើម្បីលើកកម្ពស់ជីវភាពរស់នៅ និងកាត់បន្ថយភាពក្រីករបស់ប្រជាពលរដ្ឋនៅជនបទ។ជាក់ស្តែងការស្ថាបនាផ្លូវក្រាលកៅស៊ូ DBST ចំនួន ២ខ្សែ ប្រវែងសរុប ១ ៥៤០ ម៉ែត្រ ទទឹង ៦ ម៉ែត្រ និងការស្ថាបនាផ្លូវ ក្រាលបេតុងចំនួន១ខ្សែ ប្រវង ៦០ ម៉ែត្រ ទទឹង ៤ ម៉ែត្រ ស្ថិតនៅឃុំកំពង់ចំឡង ស្រុកស្វាយជ្រុំ ខេត្តស្វាយរៀង និងផ្លូវក្រាលដីល្បាយ ក្រួសចំនួន ១ខ្សែ ប្រវែង ៩ ៧០០ ម៉ែត្រ ទទឹង ៧ ម៉ែត្រ ភ្ជាប់ចំនួន៦ភូមិ នៅឃុំព្រែកអាជី ទៅភូមិបីម៉ែត្រ ឃុំទួលស្នួល ស្រុកក្រូច ឆ្មារ ខេត្តត្បូងឃ្មុំ រួមជាមួយសំណង់សិល្បការ្យផ្សេងៗទៀត បានកំពុងសម្រួលដល់ការធ្វើដំណើររបស់ប្រជាពលរដ្ឋ សិស្សានុសិស្ស ការដឹកជញ្ជូនកសិកផល និងការសម្រួលដល់ការធ្វើដំណើររបស់សាធារណជនទូទៅផងដែរ។ឯកឧត្តមបណ្ឌិត សៅ ជីវ័ន្ត និងគណៈកម្មាធិការអន្តរក្រសួង បន្ទាប់ពីចុះពិនិត្យផ្លូវ និងសំណង់សិល្បការ្យរួច បានជួបសំណេះ សំណាលជាមួយអាជ្ញាធរមូលដ្ឋាន និងប្រជាពលរដ្ឋច្រើននាក់ នៅតំបន់ទាំងពីរខាងលើ ដោយនៅក្នុងពិធីនោះ ឯកឧត្តមរដ្ឋលេខាធិការ បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងបាននាំយក អំណោយដ៏ថ្លៃថ្លារបស់ ឯកឧត្តមរដ្ឋមន្ត្រី ជូនដល់ប្រជាពលរដ្ឋ ដោយម្នាក់ៗទទួលបានក្រម៉ា១ផងដែរ។ ក្នុងពិធីជួបជុំនេះដែរ ឯកឧត្តម បណ្ឌិត បានសំណូមពរដល់អាជ្ញាធរ និងប្រជាពលរដ្ឋនៅតាមមូលដ្ឋានទាំងអស់ ជួយថែទាំផ្លូវ និងសំណង់សិល្បការ្យផ្សេងៗឲ្យបាន ល្អប្រសើរ ដើម្បីរក្សាឲ្យគង់វង្សយូរអង្វែង ព្រោះផ្លូវគឺជាសរសៃរឈាមយ៉ាងសំខាន់នៃសេដ្ឋកិច្ចជាតិ៕អត្ថបទ៖ សុន រ៉ាឌី

គ្រឿងញៀនជាង ៥តោន ត្រូវមន្ទីរប្រឆាំងគ្រឿងញៀនបង្ក្រាបបានក្នុងរយៈពេល៧ខែដើមឆ្នាំ២០២៤

ក្នុងរយៈពេល៧ខែដើមឆ្នាំ២០២៤ កម្លាំងមន្ទីរប្រឆាំងបទល្មើសគ្រឿងញៀន ស្រាវជ្រាវបង្ក្រាបករណីជួញដូរចែកចាយគ្រឿងញៀន ដកហូតសាធាតុញៀនសរុបជាង៥តោន។លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀនប្រាប់ឲ្យដឹងថា កម្លាំងមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ក្រោមការដឹកនាំដោយ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាល និងឯកឧត្តមឧត្តមសេនីយ៍ឯក ប៊ុន ប៉ាម៉ារីលុច និងឯកឧត្តមឧត្តមសេនីយ៍ឯក ព្រំ សន្ធរ អគ្គស្នងការរង ទទួលការដឹកនាំ មន្ទីរប្រឆាំងបទល្មើសគ្រឿងញៀន បានណែនាំដល់លោកផ្ទាល់ នាយកមន្ទីរប្រឆាំងគ្រឿងឲ្យស្រាវជ្រាវបង្ក្រាបករណីជួញដូរចែកចាយគ្រឿងញៀនជាបន្តបន្ទាប់ ច្រើនករណី ហើយឧក្រិដ្ឋជនភាគច្រើនគឺជាជនជាតិចិន និងវៀតណាម និងដកហូតគ្រឿងញៀនសរុបចំនួនជាង៥តោនដែលជាចំនួនមួយយ៉ាងច្រើនខុសពីឆ្នាំកន្លងទៅ ក្នុងរយៈពេល៧ខែដើមឆ្នាំ២០២៤។លោកឧត្ដមសេនីយ៍ឯក ឃឹង សារ៉ាត់ បានបញ្ជាក់បន្ថែមថា ពាក់ព័ន្ធករណីគ្រឿងកន្លងមករាជរដ្ឋាភិបាលបានយកចិត្តទុកដាក់បំផុតទាំងអាណត្តិទី៦ និងអាណត្តិទី៧នេះ គឺយកបញ្ហាគ្រឿងញៀនជាអាទិភាព ដែលត្រូវស្រាវជ្រាវបង្ក្រាបយ៉ាងយកចិត្តទុកដាក់បំផុត ហើយតែងតែយកថ្ងៃទី២៦ ខែមិថុនា ដើម្បីប្រារព្ធទិវាដុតបំផ្លាញគ្រឿងញៀន។ ជាចុងក្រោយលោកនាយកមន្ទីរប្រឆាំងគ្រឿងញៀនក៏បានបញ្ជាក់ជាថ្មីជូនដល់សាធារណៈជនថា គ្រឿងញៀនដែលកម្លាំងជំនាញបង្ក្រាបាន គឺធ្វើនីតិវិធីបញ្ជូនទៅតុលាការ ចំណែកគ្រឿងញៀនដែលអាចដុតបំផ្លាញចោលបានលុះត្រាតែតុលាការចេញសាលដីការកំណត់ទោស ទើបកម្លាំងជំនាញមានសិទ្ធិក្នុងការដុតបំផ្លាញចោលបាន។ លោកបញ្ជាក់បន្ថែមថា គ្រឿងញៀនដែលបង្ក្រាបបានក្នុងឆ្នាំ២០២៤នេះ អាចឆ្នាំ២០២៥ទើបដុតបំផ្លាញបាន ទំរាំតុលាការចេញដីការសម្រេចកាត់ទោសក្រុមឧក្រិដ្ឋជនជាស្ថាពរ៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សាលារដ្ឋចាប់ផ្ដើមអនុវត្តក្បួនគណនាលេខរហ័សជំនួសក្បួនគណនាលេខចាស់

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

NEA ក្រៅពីឱកាសការងារ ក៏ផ្តល់អត្ថប្រយោជន៍ជាច្រើនទៀតក្នុងការផ្សព្វផ្សាយដល់យុវជន និងនិស្សិត

កម្ពុជានឹងដាក់បញ្ចូលខេត្តជាប់ឆ្នេរសមុទ្រ ដើម្បីប្រើប្រាស់ធនធាន និងសក្ដានុពលរបស់ខេត្តនីមួយៗ

សិល្បករសិល្បការិនីត្រៀមចូលរួមសម្តែងអបអរថ្ងៃបើកការដ្ឋានសាងសង់ព្រែកជីកហ្វូណនតេជោ

សម្រស់ ប្រាសាទបេងមាលា នារដូវវស្សា!

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ បានកំពុងលើកកម្ពស់ដល់ជីវភាពរស់នៅរបស់ប្រជាជន

គ្រឿងញៀនជាង ៥តោន ត្រូវមន្ទីរប្រឆាំងគ្រឿងញៀនបង្ក្រាបបានក្នុងរយៈពេល៧ខែដើមឆ្នាំ២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សាលារដ្ឋចាប់ផ្ដើមអនុវត្តក្បួនគណនាលេខរហ័សជំនួសក្បួនគណនាលេខចាស់

អាជ្ញាធរឃុំកោះខ្សាច់ទន្លាជំរុញបង្កើតសហគមកសិកម្មដាំដំណាំទេសចរណ៍តាមបណ្ដោយព្រែកជីកហ្វូណនតេជោ

NEA ក្រៅពីឱកាសការងារ ក៏ផ្តល់អត្ថប្រយោជន៍ជាច្រើនទៀតក្នុងការផ្សព្វផ្សាយដល់យុវជន និងនិស្សិត

កម្ពុជានឹងដាក់បញ្ចូលខេត្តជាប់ឆ្នេរសមុទ្រ ដើម្បីប្រើប្រាស់ធនធាន និងសក្ដានុពល​របស់ខេត្តនីមួយៗ

សិល្បករសិល្បការិនីត្រៀមចូលរួមសម្តែងអបអរថ្ងៃបើកការដ្ឋានសាងសង់ព្រែកជីកហ្វូណនតេជោ

សម្រស់ ប្រាសាទបេងមាលា នារដូវវស្សា!

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ បានកំពុងលើកកម្ពស់ដល់ជីវភាពរស់នៅរបស់ប្រជាជន

គ្រឿងញៀនជាង ៥តោន ត្រូវមន្ទីរប្រឆាំងគ្រឿងញៀនបង្ក្រាបបាន​ក្នុងរយៈពេល៧ខែ​ដើម​ឆ្នាំ២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានឹងដាក់បញ្ចូលខេត្តជាប់ឆ្នេរសមុទ្រ ដើម្បីប្រើប្រាស់ធនធាន និងសក្ដានុពលរបស់ខេត្តនីមួយៗ

គ្រឿងញៀនជាង ៥តោន ត្រូវមន្ទីរប្រឆាំងគ្រឿងញៀនបង្ក្រាបបានក្នុងរយៈពេល៧ខែដើមឆ្នាំ២០២៤