BTV NEWS

មន្ត្រីជាន់ខ្ពស់ការបរទេស៖កម្ពុជាបានជ្រើសរើសអ្នកផ្សះផ្សាពីររូបរួចហើយ ខណៈភាគីថៃមានពេល២១ថ្ងៃ ដើម្បីជ្រើសរើសអ្នកផ្សះផ្សាពីររូបដែរ

កម្ពុជាធ្វើជាម្ចាស់ផ្ទះសិក្ខាសាលាស្តីពី ការបង្កើតកិច្ចសហប្រតិបត្តិការស្ថាប័នប្រវត្តិសាស្ត្រយោធាអាស៊ាន(AMHIC)”

សម្តេចតេជោ ចែករំលែកបទវិភាគអ្នកជំនាញភូមិសាស្ត្រនយោបាយថៃ «អន្ទាក់របស់កម្ពុជា! តើ Anutin នាំប្រទេសឱ្យចាញ់ក្តីនៅតុលាការអន្តរជាតិម្តងទៀតឬ?»

ក្រុមហ៊ុនអាកាសចរណ៍ អ៊ែរ អេស៊ា ខេមបូឌា និងក្រុមប្រឹក្សាភិបាលសិក្សាទីផ្សារនិងផ្សព្វផ្សាយទេសចរណ៍កម្ពុជាចុះកិច្ចព្រមព្រៀងដើម្បីជំរុញកំណើនទេសចរណ៍កម្ពុជា

ព័ត៌មានជាតិ

សម្ដេចតេជោចាត់ទុក កម្មវិធី «ដាស់ស្មារតីជាតិ» ជាការចងចាំរបស់កម្ពុជាទាំងការឈឺចាប់ និងភាពអយុត្តិធម៌

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា មានប្រសាសន៍ថា កម្មវិធី «ដាស់ស្មារតីជាតិ» គឺជាការបង្ហាញនូវការចង់ចាំបទពិសោធ និងព្រឹត្តិការណ៍ដែលកម្ពុជាបានឆ្លងកាត់ក្នុងឆ្នាំ ២០២៥ ទាំងភាពឈឺចាប់ ការលំបាក និងភាពអយុត្តិធម៌ ដើម្បីប្រែក្លាយអតីតកាលទាំងនោះ ទៅជាកម្លាំងសាមគ្គីភាព និងឯកភាពជាតិ សម្រាប់ពង្រឹងខ្លួន និងការពារសុខសន្តិភាពជាតិឱ្យបានរឹងមាំជានិច្ច។ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានរំឭកប្រសាសន៍សម្ដេចតេជោ ហ៊ុន សែន ដែលបានសរសេរនៅលើបណ្ដាញសង្គមហ្វេសប៊ុកកាលពីថ្ងៃទី២៨ ឧសភា ម្សិលមិញ ដើម្បីដាស់ស្មារតីកូនខ្មែរក្នុង «ទិវាដាស់ស្មារតីជាតិ» ២៨ ឧសភា ២០២៦នេះ។ សម្តេចប្រមុខរដ្ឋស្តីទីបន្តថា៖«យុទ្ធនាការនេះក៏ជាឱកាសដ៏មានសារៈសំខាន់ក្នុងការបង្ហាញដល់ប្រជាពលរដ្ឋខ្មែរទាំងអស់ ជាពិសេសយុវជនជំនាន់ក្រោយ ឱ្យយល់ច្បាស់ពីគុណតម្លៃនៃសន្តិភាព តាមរយៈបទពិសោធ និងទិដ្ឋភាពជាក់ស្តែងដែលបញ្ជាក់ថា សុខសន្តិភាព និងស្ថិរភាពរបស់ប្រទេស មិនមែនកើតឡើងដោយងាយស្រួលនោះទេ ប៉ុន្តែ វាទាមទារឱ្យមានការរួបរួម ការលះបង់និងការខិតខំថែរក្សាជាប្រចាំពីប្រជាជាតិទាំងមូល។ យុទ្ធនាការស្មារតីជាតិ នេះក៏បានបង្ហាញឱ្យឃើញយ៉ាងច្បាស់ថា ហានិភ័យចំពោះសុខសន្តិភាព និងស្ថិរភាពជាតិ អាចកើតមានឡើងគ្រប់ពេលវេលាប្រសិនបើយើងខ្វះការប្រុងប្រយ័ត្ននិងការត្រៀមខ្លួន។ ដូច្នេះ អ្វីដែលកម្ពុជាបានឆ្លងកាត់ក្នុងឆ្នាំ២០២៥ គឺជាមេរៀនដ៏មានតម្លៃដែលជំរុញឱ្យយើងទាំងអស់គ្នាបន្តរួបរួម និងពង្រឹងខ្លួនឱ្យកាន់តែរឹងមាំ»។ យើងទាំងអស់គ្នាក៏នៅចងចាំបាននូវសារដ៏មានអត្ថន័យរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ផ្ញើជូនជនរួមជាតិកាលពីថ្ងៃទី ២៩ ធ្នូ ២០២៥ ថា៖«ទុក្ខលំបាក និងពលិកម្មសាច់ស្រស់ ឈាមស្រស់ របស់វីរជនរបស់យើងនៅសមរភូមិគឺជាការដាស់តឿនមិនឱ្យយើងបំភ្លេចបានមួយវិនាទីណាឡើយថា «បែកបាក់គឺស្លាប់ សាមគ្គីរឹងមាំគឺរស់»។ ដូច្នេះ ស្របតាមពាក្យចាស់ថា «ចង្កឹះមួយបាច់ គេកាច់មិនបាក់» យើងត្រូវយកការលំបាកនៅពេលនេះធ្វើជាឱកាសដើម្បីឱ្យខ្មែរគ្រប់រូបចេះពួតដៃគ្នាកសាងជាតិខ្មែរយើង ឱ្យកាន់តែរឹងមាំ និង កាន់តែប្រសើរឡើង ប្រកបដោយភាពធន់ នៅក្រោមម្លប់ដ៏សែនត្រជាក់នៃអង្គព្រះមហាក្សត្រ ជាទីគោរពសក្ការៈនៃយើង»។ សូមជម្រាបថា កម្មវិធី «ដាស់ស្មារតីជាតិ» បានក្រើនរំឭកយើងទាំងអស់គ្នាឱ្យចងចាំជានិច្ចថា ហានិភ័យចំពោះសុខសន្តិភាព និងស្ថិរភាពជាតិ អាចកើតមានឡើងគ្រប់ពេលវេលា ប្រសិនបើយើងខ្វះការប្រុងប្រយ័ត្ន និងការត្រៀមខ្លួន។ ដូច្នេះ អ្វីដែលកម្ពុជាបានឆ្លងកាត់ទាំងអស់នេះ គឺជាមេរៀនដ៏មានតម្លៃ ដែលជំរុញឱ្យយើងទាំងអស់គ្នា បន្តរួបរួម និងពង្រឹងខ្លួនឱ្យកាន់តែរឹងមាំ៕

ទេសចរអន្តរជាតិ៖ កម្ពុជាជាគោលដៅទេសចរណ៍បៃតង និងមានភាពទាក់ទាញខ្លាំងគ្រប់គោលដៅ

ថ្មីៗនេះ ទស្សនាវដ្តីដ៏ធំមួយរបស់ពិភពលោក បានទទួលស្គាល់ប្រទេសកម្ពុជា ជាសកលនៅក្នុងបញ្ជីទេសចរណ៍បៃតងប្រចាំឆ្នាំ២០២៦ របស់ទស្សនាវដ្តី Wanderlust Magazine ហើយបើតាមភ្ញៀវទេសចរអន្តរជាតិ ដែលអញ្ជើញមកទស្សនាកម្ពុជា នៅដើមរដូវទេសចរណ៍បៃតងឈានចូលមកដល់នេះ ក៏បានទទួលបានកម្ពុជា ជាគោលដៅទេសចរណ៍បៃតង និងមានភាពទាក់ទាញខ្លាំងនៅគ្រប់គោលដៅទេសចរណ៍ទាំងអស់។ ភ្ញៀវទេសចរអន្តរជាតិ មកពីបណ្តាប្រទេសផ្សេងៗគ្នា បានថ្លែងប្រាប់BTVនៅថ្ងៃទី២៩ ខែឧសភានេះថា ប្រទេសកម្ពុជា ជាប្រទេសដែលសមនឹងទទួលស្គាល់ជាសកលនៅក្នុងបញ្ជីទេសចរណ៍បៃតងប្រចាំឆ្នាំ២០២៦ របស់ទស្សនាវដ្តី Wanderlust Magazineនេះ ដោយសារ ការដើរកម្សាន្តរបស់គេនៅក្នុងអំឡុងពេលនេះ គឺគ្រប់ទីកន្លែង គ្រប់គោលដៅទេសចរណ៍ទាំងអស់ តាំងពីទីក្រុងរហូតដល់ជនបទ សុទ្ធតែមានទេសភាពបៃតង បរិស្ថានធម្មជាតិស្រស់ស្អាត ខ្យល់អាកាសបរិសុទ្ធ អនាម័យ មានសុវត្ថិភាព ស្ងប់ស្ងាត់ និងមានទាក់ទាញ់បំផុត ហើយគ្រប់ទេសចរអន្តរជាតិ ក៏បានអំពាវនាវទេសចរអន្តរជាតិនានាទៀត នាំគ្នាមកទស្សនាកម្ពុជា នៅក្នុងរដូវទេសចរណ៍បៃតង ខណៈគ្រប់គោលដៅទេសចរណ៍ និងសេវាកម្មទេសចរណ៍នានា ត្រូវបានបញ្ចុះតម្លៃនៅគ្រប់ទីកន្លែងទាំងអស់គ្នា។ សូមបញ្ជាក់ថា ការទទួលស្គាល់ប្រទេសកម្ពុជា ជាសកល នៅក្នុងបញ្ជីទេសចរណ៍បៃតងប្រចាំឆ្នាំ២០២៦ របស់ទស្សនាវដ្តី Wanderlust Magazine គឺបានធ្វើឡើងស្របពេលដែល ប្រទេសកម្ពុជា ត្រូវបានចាត់ថ្នាក់ជា ប្រទេសដែលមានបរិស្ថានធម្មជាតិល្អលេខ១ នៅលើពិភពលោក នៅឆ្នាំ២០២៦ ក្រោយពីមានការស្ទង់មតិ និងផ្តល់ចំណាត់ថ្នាក់សកល ដោយ U.S. News & World Report។ នៅក្នុងលទ្ធផលរបាយការណ៍សិក្សាស្រាវជ្រាវរបស់U.S. News & World Report បានវាយតម្លៃ លើកិច្ចខិតខំប្រឹងប្រែងរបស់កម្ពុជា ដែលបានថែរក្សាតុល្យភាពយ៉ាងល្អរវាងការអភិវឌ្ឍ និងការការពារបរិស្ថាន ក្នុងនោះមានគ្រប់គ្រងបរិស្ថាបានល្អ ផ្តល់ខ្យល់អាកាសល្អ ការគ្រប់គ្រងធនធានធម្មជាតិ និងការអភិរក្សជីវចម្រុះ ប្រកបដោយនិរន្តភាព។ របាយការណ៍នេះ ក៏បានត្រូវបានកេហទំព័រ SEA Infographics បានយកផ្សព្វផ្សាយបន្តថា កម្ពុជាជាប្រទេសដែលមាន បរិស្ថានធម្មជាតិ ដ៏ល្អជាងគេបំផុតនៅលើពិភពលោក និងដូចគ្នាដែរ ប្រទេសកម្ពុជាត្រូវបានចាត់ថ្នាក់ជាប្រទេសដែលមានបរិស្ថានធម្មជាតិ ដ៏ល្អជាងគេបំផុតនៅក្នុងតំបន់អាស៊ីអាគ្នេយ៍ផងដែរ៕ អត្ថបទ ស៊ុម សុខជា

អាជ្ញាធរជាតិអប្សរា និងអង្គការគាំពារសត្វព្រៃកម្ពុជា(CWC) អំពាវនាវ ឱ្យពលរដ្ឋនៅជុំវិញតំបន់អង្គរ រួមគ្នាការពារជីវិតសត្វព្រៃ

មន្ត្រីអាជ្ញាធរជាតិអប្សរា បានបង្ហាញក្តីបារម្ភថា សកម្មភាពលបលួចបរបាញ់ និងដាក់អន្ទាក់សត្វព្រៃ នៅក្នុងតំបន់រមណីយដ្ឋានអង្គរ នៅតែកើតមានតិចតួច បើទោះបីជាបច្ចុប្បន្នអាជ្ញាធរជាតិអប្សរា ខិតខំសហការជាមួយអង្គការគាំពារសត្វព្រៃកម្ពុជា ស្ថាប័នរដ្ឋបាលព្រៃឈើ និងនគរបាលការពារបេតិកភណ្ឌ តាមដាន និងថែរក្សា ការពារជាប្រចាំដោយយកចិត្តទុកដាក់យ៉ាងណាក្តី។ លោក ជូរ៉ា ឌីណា អនុប្រធាននាយកដ្ឋានគ្រប់គ្រងទឹក ព្រៃឈើនិងហេដ្ឋារចនាសម្ព័ន្ធ នៃអាជ្ញាធរជាតិអប្សរា បានបង្ហាញក្តីបារម្ភ នៅក្នុងឱកាសទទួលយកសត្វប្រមា២ក្បាល មកដោះលែងនៅក្នុងព្រៃតំបន់អង្គរ កាលពីថ្ងៃទី២៥ ខែឧសភា ឆ្នាំ២០២៦ថា លោកសូមឱ្យសហគមន៍ប្រជាពលរដ្ឋ ដែលរស់នៅជុំវិញតំបន់អង្គរ រួមគ្នាការពារសត្វព្រៃ កុំលួចដាក់អន្ទាក់ និងលួចបរបាញ់។ ការលើកឡើងពីកង្វល់នេះ ដោយសារតែបច្ចុប្បន្ន បើទោះបីជាអាជ្ញាធរជាតិអប្សរា បានសហការជាមួយស្ថាប័នចម្រុះជាច្រើន រួមគ្នាការពារសត្វព្រៃជាប្រចាំក្តី ក៏នៅតែមានសកម្មភាពមួយចំនួន លបលួចបរបាញ់ និងដាក់អន្ទាក់សម្លាប់សត្វព្រៃនៅឡើយ។ លោក ជូរ៉ា ឌីណា បញ្ជាក់ថា ការថែរក្សាសត្វព្រៃ គឺមានសារសំខាន់ខ្លាំងណាស់ សម្រាប់លើកតម្លៃសម្បត្តិបេតិកភណ្ឌធម្មជាតិ និងជីវចម្រុះក្នុងតំបន់អង្គរ ពោល គឺនៅពេលដែលអ្នកទេសចរមកទស្សនាអង្គរ គឺគេឃើញប្រាសាទបុរាណផង និងបានឃើញសត្វព្រៃ ដែលបង្ហាញពីភាពសម្បូរបែបនៃធម្មជាតិផង។ លោក Nick Marx អ្នកជំនាញរបស់អង្គការគាំពារសត្វព្រៃកម្ពុជា(CWC) និងជាទីប្រឹក្សាផ្នែកជីវចម្រុះរបស់អាជ្ញាធរជាតិអប្សរា ឱ្យដឹងថា សត្វព្រៃ មានតួនាទីយ៉ាងសំខាន់ក្នុងការនាំគ្រាប់ពូជនៃឈើនានា ឱ្យដុះក្លាយជាធម្មជាតិបៃតងដ៏សម្បូរបែបនៅក្នុងតំបន់អង្គរ ព្រមទាំងអាចទាក់ទាញអ្នកទេសចរជាច្រើន ឱ្យចាប់អារម្មណ៍ចំពោះធម្មជាតិផង។ លោក Nick Marx បញ្ជាក់ថា ក្នុងនាមអង្គការគាំពារសត្វព្រៃកម្ពុជា(CWC) លោកសូមអំពាវនាវដល់ពលរដ្ឋកម្ពុជាគ្រប់រូប សូមរួមគ្នាការពារសត្វព្រៃ និងព្រៃឈើនៅក្នុងតំបន់អង្គរ ឱ្យបានគង់វង្ស។ «សូមកុំឱ្យចំណីដល់សត្វព្រៃ និងកុំទៅរំខានសត្វព្រៃ ហើយសូមទុកឱ្យសត្វព្រៃទាំងនោះ បានរស់នៅក្នុងព្រៃធម្មជាតិ តាមទម្លាប់របស់ពួកវាដោយសុខសាន្ត»។ បច្ចុប្បន្ននេះ នៅក្នុងព្រៃតំបន់អង្គរ មានសត្វព្រៃចម្រុះ កំពុងរស់នៅជាច្រើនប្រភេទ ដូចជា សត្វទោចមកុដ (Pileated Gibbon)សត្វឈ្លូស (Red Muntjac)សត្វស្វាព្រាហ្មណ៍(Silvered Langurs)សំពោចក្រអូប (Common palm Civets)សត្វភេខ្លួនរលោង (Smooth-coated Otter)សត្វឆ្មាដាវ (Leopard Cat) សត្វកេងកងតូច (Oriental Pied Hornbill)សត្វកេងកងធំ (Great Hornbill)សត្វភូវាំង (Wreathed Hornbill)សត្វក្ងោក (Peafowl)សត្វអន្សង(Common Water Monitor)និងសត្វពង្រូល (Sunda Pangolin)ជាដើម៕

ជនបរទេសចំនួន ២៤០នាក់ ពាក់ព័ន្ធករណី Online Scams និងបទល្មើសផ្សេងៗ ត្រូវបានបណ្ដេញចេញពីកម្ពុជា

ជនជាតិចិន និងជនជាតិមីយ៉ាន់ម៉ាសរុបចំនួន ២៤០នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងករណីលួចស្នាក់នៅ ធ្វើការងារខុសច្បាប់ តត្រូវបានចេញពីព្រះរាជាណាចក្រកម្ពុជា។ នៅថ្ងៃទី២៨ ខែឧសភា ឆ្នាំ២០២៦ អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម សន្តិបណ្ឌិត និងថ្នាក់ដឹកនាំក្រសួងមហាផ្ទៃ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី បានសហកាជាមួយស្ថានទូតចិន និងស្ថានទូតមីយ៉ាន់ម៉ា ប្រចាំនៅព្រះរាជាណាចក្រកកម្ពុជាធ្វើការបណ្តេញជនជាតិចិន និងជនជាតិមីយ៉ាន់ម៉ាសរុបចំនួន ២៤០នាក់ ស្រី៣៨នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងករណីលួចស្នាក់នៅ ធ្វើការងារខុសច្បាប់ ត្រូវបានបណ្ដេញចេញពីព្រះរាជាណាចក្រកម្ពុជា ក្នុងនោះមានជនជាតិចិន ១៦៥នាក់ ស្រី០៨នាក់ និងជនជាតិមីយ៉ាន់ម៉ាចំនួន ៧៥នាក់ ស្រី៣០នាក់ ត្រូវបានបណ្ដេញចេញ តាមរយៈយន្តហោះពិសេសនៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។អគ្គនាយកដ្ឋានអន្តោប្រវេសន៍បានបញ្ជាក់ថា ការបណ្ដេញចេញជនជាតិបរទេសខាងលើនេះ គឺជាការអនុវត្តតាមវិធានការច្បាប់យ៉ាងម៉ឺងម៉ាត់របស់ សម្ដេចមហាបរវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងការទទួលដឹកនាំតម្រង់ទិសយ៉ាងមុតមាំបំផុតរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្រ្តីក្រសួងមហាផ្ទៃ ក្នុងកិច្ចខិតខំប្រឹងប្រែងបោសសំអាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យាដែលកើតមានក្នុងព្រះរាជាណាចក្រកម្ពុជាទាំងអស់ ដើម្បីធានាការពារសុវត្ថិភាពជូនប្រជាពលរដ្ឋទាំងក្នុងតំបន់ និងសកលលោក ដោយគ្មានការលើកលែងនោះឡើយ ជាពិសេសចំពោះមេខ្លោងដែលនៅពីក្រោយ ក៏ដូចជាការជួយសង្គ្រោះដល់ជនរងគ្រោះដែលត្រូវមេខ្លោងបោកបញ្ឆោតឱ្យមកធ្វើការក្នុងសកម្មភាពឆបោកតាមប្រព័ន្ធបច្ចេកវិទ្យាណាមួយហើយត្រូវបានមានសេរីភាព និងអាចវិលត្រឡប់ទៅប្រទេសរបស់ខ្លួនវិញ៕ អត្ថបទ៖ វង្ស សុភាព

វិនិយោគិនកូរ៉េវាយតម្លៃខ្ពស់ចំពោះការបណ្តុះបណ្តាលជំនាញដល់យុវជនកម្ពុជាលើវិស័យឧស្សាហកម្ម

នាយកក្រុមហ៊ុនកូរ៉េ បានវាយតម្លៃខ្ពស់ ជុំវិញការជំរុញបណ្តុះបណ្តាលជំនាញដល់កម្មករនិយោជិតរបស់កម្ពុជា ដែលកំពុងមាន ឧត្តមភាពខ្ពស់ សម្រាប់ការវិនិយោគផលិតគ្រឿងបន្លាស់រថយន្ត និងបានធ្វើឱ្យបរិយាកាសវិនិយោគនៅកម្ពុជាកាន់តែមានភាពល្អ ប្រសើរ។លោក DooYeun Lee អគ្គនាយកក្រុមហ៊ុន Yura Harness Cambodia ជាក្រុមហ៊ុនមកពីសាធារណរដ្ឋកូរ៉េ បានមក បណ្តាក់ទុនវិនិយោគបង្កើតរោងចក្រផលិតខ្សែភ្លើងក្នុងរថយន្តនៅកម្ពុជា ក្នុងជំនួបពិភាក្សាការងារជាមួយ ឯកឧត្តម ជា វុទ្ធី អគ្គលេខា- ធិការគណៈកម្មាធិការវិនិយោគកម្ពុជា នៅថ្ងៃទី២៨ ខែឧសភា ឆ្នាំ២០២៦នេះ, លោកបានរាយការណ៍អំពីវឌ្ឍនភាព នៃសកម្មភាព វិនិយោគរបស់ក្រុមហ៊ុននៅកម្ពុជា ដែលមានភាពល្អប្រសើរជាបន្តបន្ទាប់ និងបានជម្រាបជូនអំពីផែនការនៃការពង្រីកការវិនិយោគ ទន្ទឹមនឹងតម្រូវការជ្រើសរើសកម្មករបន្ថែម និងមានតម្រូវការវត្ថុធាតុដើមក្នុងស្រុក។ លោកក៏បានជម្រាបជូនអំពីការគិគគូរបណ្តុះបណ្តាលជំនាញដល់កម្មករនិយោជិតកម្ពុជា ក្នុងរយៈពេលដែលបម្រើការងារ នៅកម្ពុជា លើឧស្សាហកម្មយានយន្តប៉ុន្មានឆ្នាំកន្លងមកនេះ លោក DooYeun Lee បានកត់សម្គាល់ឃើញថា កម្ពុជាមានឧត្តមភាព ខ្ពស់ សម្រាប់ការវិនិយោគផលិតគ្រឿងបន្លាស់រថយន្ត។ បន្ថែមលើនេះ លោកបានចែករំលែកនូវទស្សនៈមួយចំនួន សំដៅចូលរួមធ្វើ ឱ្យបរិយាកាសវិនិយោគនៅកម្ពុជាកាន់តែមានភាពល្អប្រសើរ។ ឯកឧត្តមអគ្គលេខាធិការ បានថ្លែងអំណរគុណ ដែលក្រុមហ៊ុនបានសម្រេចចិត្តបណ្តាក់ទុនវិនិយោគនៅកម្ពុជា និងបានវាយ តម្លៃខ្ពស់ ចំពោះសកម្មភាពវិនិយោគរបស់ក្រុមហ៊ុននាពេលកន្លងមក និងបានសម្តែងនូវការគាំទ្រចំពោះគម្រោងពង្រីកការវិនិយោគ ក៏ដូចជាគម្រោងបណ្តុះបណ្តាលជំនាញដល់កម្មករនិយោជិតកម្ពុជា។ ជាមួយគ្នានេះ ឯកឧត្តមបានគូសបញ្ជាក់ពីកិច្ចខិតខំប្រឹងប្រែង ឥតឈប់ឈររបស់រាជរដ្ឋាភិបាលកម្ពុជា ក្នុងការកែលម្អបរិយាកាសវិនិយោគ តាមរយៈការអភិវឌ្ឍហេដ្ឋារចនាសម្ព័ន្ធ និងការបន្តដាក់ ចេញនូវវិធានការគាំទ្រនានាដល់ផ្នែកឯកជន សំដៅលើកកម្ពស់ភាពប្រកួតប្រជែង ក្នុងបរិបទស្ថានភាពពិភពលោកបច្ចុប្បន្ន៕អត្ថបទ៖ សុន រ៉ាឌី,

ការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ បានចាប់ផ្តើមហើយ ខណៈពេលបេក្ខជនប្រឡងប្រជែងវិញ្ញាសាវេនទី១ វិញ្ញាសាវេនទី២ ទី៣ ទី៤ និងទី៥ កំពុងតាក់តែងនៅឡើយ

ការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ បានចាប់ផ្តើមហើយ ដោយមានការអញ្ជើញកាត់វិញ្ញាសាជានិមិត្តរូបពី ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង ព្រមទាំងមានការអញ្ជើញចូលរួមពីតំណាងក្រសួងយុត្តិធម៌ តំណាងក្រសួងពាក់ព័ន្ធ តំណាងអង្គភាពប្រឆាំងអំពើពុករលួយ តំណាងសាកលវិទ្យាល័យនានា រួមទាំងអ្នកសង្កេតការណ៍មហាជន ព្រមទាំងតំណាងសហភាពសហព័ន្ធយុវជនកម្ពុជា (ស.ស.យ.ក.) និងអ្នកសារព័ត៌មានជាច្រើនរូប។ ក្នុងឱកាសនេះ ឯកឧត្តមឧបនាយករដ្ឋមន្ត្រី ហ៊ុន ម៉ានី បានជម្រាបជូនបេក្ខជនថា នៅក្នុងដៃរបស់ឯកឧត្តម ជាវិញ្ញាសាដែលទើបតែជ្រើសរើសមុននេះបន្តិច និងបានរៀបចំក្តៅៗ។ ដំណើរការនេះ គឺដើម្បីធានាបាននូវការប្រឡងប្រជែង ជាពិសេសការចេញវិញ្ញាសាមិនមាននណាម្នាក់ដឹងមុននោះទេ សូម្បីតែឯកឧត្តមខ្លួនឯង ដែលជាអ្នកជ្រើសរើសប្រធានវិញ្ញាសាក៏ដោយ។ លើសពីនេះ ឯកឧត្តមក៏បានបញ្ជាក់ថា រាល់សន្លឹកកិច្ចការរបស់បេក្ខជន គឺមានហត្ថលេខារបស់ឯកឧត្តមគ្រប់សន្លឹកតែម្តង។ សូមជម្រាបថា ពេលដែលការប្រឡងវិញ្ញាសាសរសេរវេនទី១ កំពុងចាប់ផ្តើម ស្របពេលដែលវិញ្ញាសាវេនទី២ ទី៣ ទិ៤ និងទី៥ ក៏កំពុងតាក់តែងនៅឡើយ។ វិញ្ញាសាដែលបេក្ខជនត្រូវប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ មានចំនួន៥ រួមមាន៖ ១.វិញ្ញាសាសរសេររដ្ឋប្បវេណី, ២.វិញ្ញាសាសរសេរព្រហ្មទណ្ឌ, ៣.វិញ្ញាសាសរសេរទំនាក់ទំនងអន្តរជាតិ, ៤.វិញ្ញាសាពហុចម្លើយភាសាអង់គ្លេស និង ៥.វិញ្ញាសាពហុចម្លើយចំណេះដឹងទូទៅ។

កុមារីជនភៀសសឹកមកពីខេត្តឧត្តរមានជ័យ ប្តេជ្ញាខិតខំរៀនសូត្រដើម្បីក្លាយជាពេទ្យយោធា

ភ្នំពេញ៖ កុមារីជាជនភៀសសឹកមួយរូបក្នុងចំណោមកុមាររាប់ម៉ឺននាក់ដែលធ្លាប់រត់គេចពីគ្រាប់ទម្លាក់ពីលើយន្តហោះរបស់ថៃ លើសាលារៀនរបស់ពួកគេនៃសង្គ្រានឈ្លានពានកម្ពុជា នៅតំបន់ព្រំដែនកម្ពុជា-ថៃ ក្នុងខេត្តឧត្តរមានជ័យ កាលពីឆ្នាំ២០២៥ និងបានមកចូលរួមផ្ទាល់ក្នុងកម្មវិធី «ដាស់ស្មារតីជាតិ» កាលពីរសៀលថ្ងៃទី២៨ ខែឧសភា ឆ្នាំ២០២៦នេះ ដែលរៀបចំដោយសហភាពសហព័ន្ធយុវជនកម្ពុជា បានបង្ហាញនូវការឈឺចាប់ និងស្មារតីចងចាំពីទង្វើឈ្លានពានរបស់ថៃហើយប្តេជ្ញាខិតខំរៀនសូត្រដើម្បីក្លាយជាពេទ្យយោធានាពេលអនាគត។ក្នុងអំឡុងពេលចាក់បញ្ចាំងទស្សនីយភាពអំពីរូបនាងនៅលើកញ្ចក់ទូរទស្សន៍ក្នុងកម្មវិធី «ដាស់ស្មារតីជាតិ» កុមារី ទេព ចិន្តា និងម្តាយ រួមទាំង អ្នកចូលទស្សនារាប់រយនាក់ បានរំជួលចិត្តរំលឹកពីការលំបាកនៃការឈ្លានពានរបស់ថៃមកប្រទេសកម្ពុជា។ កុមារីរូបនេះបានអំពាវនាវដល់ប្រជាពលរដ្ឋត្រូវរួបរួមគ្នា សាមគ្គីគ្នាជាធ្លុងមួយ ដើម្បីឱ្យជាតិរឹងមាំ។ ចិន្តា បានបង្ហាញនូវការប្តេជ្ញាចិត្តថា នៅពេលអនាគតនាងនឹងធ្វើជាយុវជនល្អម្នាក់ និងជាទំពាំងស្នងឫស្សីគំរូតាមរយៈការខិតខំរៀនសូត្រ ព្រោះនាងចង់ចូលបម្រើយោធាដូចឪពុករបស់នាងដែរ។ចំណែកម្តាយរបស់កុមារីរូបនេះ បានលើកឡើងថា ដើម្បីបំពេញបំណងកូន គាត់បានប្តេជ្ញាតស៊ូពុះពារគ្រប់ឧបសគ្គទាំងអស់ ដើម្បីឱ្យកូនបានចូលរៀនបានចប់ ព្រោះកូនរបស់គាត់ចង់ក្លាយជាពេទ្យយោធានៅពេលនាងធំឡើង។សូមជម្រាបថា គិតត្រឹតម៉ោង ៦ព្រឹក ថ្ងៃទី២៨ ខែឧសភា ឆ្នាំ២០២៦ មានពលរដ្ឋភៀសសឹកជាង ៣ ម៉ឺននាក់ទៀត ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ គឺមិនទាន់អាចវិលត្រឡប់ទៅរស់នៅក្នុងលំនៅឋានដោយសុវត្ថិភាពនៅឡើយ ដោយសារយោធាថៃឈ្លានពាន ដាក់បន្លាលួស ទូកុងតឺន័រ រារាំងមិនឱ្យពួកគាត់ចូលទៅផ្ទះសម្បែងវិញបាន៕ អត្ថបទ៖ ធូ វិរៈ

ACU ៖ អ្នកស្រី ឡេង ចាន់ណា និងបក្ខពួកទទួលស្គាល់ថាបានទទួលប្រាក់ពី ៩៣ ទៅ ៩៨ លានដុល្លារ ពីមេ ២៥

ភ្នំពេញ៖ អង្គភាពប្រឆាំងអំពើពុករលួយ (ACU) បានបង្ហាញអំពីបច្ចុប្បន្នភាពនៃការស៊ើបអង្កេតរបស់សាលាដំបូងខេត្តសៀមរាប លើករណីអ្នកស្រី ឡេង ចាន់ណា (រឿងរដ្ឋប្បវេណី ១៩ សំណុំរឿង និងព្រហ្មទណ្ឌ ៣២ សំណុំរឿង) និងបច្ចុប្បន្នភាពនៃការស៊ើបអង្កេតរបស់ អង្គភាពប្រឆាំងអំពើពុករលួយ (អ.ប.ព.) លើឯកឧត្តម ស៊ាន បូរ៉ាត អនុប្រធាន អ.ប.ព. និងអ្នកស្រី ឡេង ចាន់ណា និងបក្សពួក។ អ្នកស្រី ឡេង ចាន់ណា - ចាន់ ឃិន - ផុន សាមាន ទទួលស្គាល់ថាបានទទួលប្រាក់ពី ៩៣ ទៅ ៩៨ លានដុល្លារ អាម៉េរិក ពីមេ ២៥ ហើយបានយកលុយទាំងនោះ ទិញដីអភិវឌ្ឍគម្រោង ផ្តល់ការប្រាក់ទៅឱ្យមេ ២៥ និងផ្តល់ការប្រាក់ទៅឱ្យអ្នកដែលបានចំណាយប្រាក់វិនិយោគ។ ការបង្ហាញបច្ចុប្បន្នភាពនៃការស៊ើបអង្កេតរបស់សាលាដំបូងខេត្តសៀមរាប លើករណីអ្នកស្រី ឡេង ចាន់ណា និងបក្ខពួក បានធ្វើឡើងនៅក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយលើកទី១០ អាណត្តិទី៤ កាលពីថ្ងៃទី២៧ ខែឧសភា ឆ្នាំ២០២៦ ។ សូមជម្រាបថា ចៅក្រមស៊ើបសួរនៃសាលាដំបូងខេត្តសៀមរាប បានសម្រេចឃុំខ្លួនអ្នកស្រី ឡេង ចាន់ណា និងបក្ខពួក ២នាក់ទៀត នៅពន្ធនាគារជាបណ្តោះអាសន្ន ពាក់ព័ន្ធនឹងបទល្មើសឆបោកមានស្ថានទម្ងន់ទោស ចេញមូលប្បទានប័ត្រគ្មានសាច់ប្រាក់ និងសម្អាតប្រាក់។ អ្នកស្រី ឡេង ចាន់ណា និងបក្ខពួក ២នាក់ទៀត ត្រូវបានសមត្ថកិច្ចខេត្តសៀមរាប ចាប់ខ្លួនកាលពីរសៀលថ្ងៃទី១២ ខែមីនា ឆ្នាំ២០២៤ នៅខេត្តសៀមរាប ទៅតាមដីកាបញ្ជាឱ្យចូលខ្លួនរបស់តំណាងអយ្យការអមសាលាដំបូងខេត្ត ដោយផ្អែកតាមបណ្តឹងរបស់ប្រជាពលរដ្ឋ។ យោងតាមសេចក្តីថ្លែងការណ៍របស់សាលាដំបូងខេត្តសៀមរាប ចុះថ្ងៃទី១៣ ខែមីនា ឆ្នាំ២០២៤ បានឱ្យដឹងថា បន្ទាប់ពីបានសួរចម្លើយជនត្រូវចោទ ពិនិត្យភស្តុតាងក្នុងសំណុំរឿង ព្រមទាំងការពិចារណាលើអង្គហេតុ និងអង្គច្បាប់រួចមក ចៅក្រមស៊ើបសួរបានសម្រេចឃុំខ្លួនជនត្រូវចោទទាំង៣រូប ដាក់ពន្ធនាគារខេត្តសៀមរាបជាបណ្តោះអាសន្ន ដើម្បីបន្តការស៊ើបសួរតាមនីតិវិធីច្បាប់។ សេចក្តីថ្លែងការណ៍ដដែលបន្តថា៖ «សាលាដំបូងខេត្តសៀមរាប នឹងបន្តចាត់ការសំណុំរឿងនេះ ឱ្យបានត្រឹមត្រូវតាមនីតិវិធីច្បាប់ជាធរមាន»។ ជនត្រូវចោទទាំង៣នោះ រួមមាន អ្នកស្រី ឡេង ចាន់ណា អាយុ ៣៦ឆ្នាំ មានងារជាឧកញ៉ា និងជាអគ្គនាយិកាក្រុមហ៊ុនប្រ៊ីលានស៊ីធីវើលដ៍ ឯ.ក, លោក ចាន់ ឃីន អាយុ ៣០ឆ្នាំ និងលោក ផិន សាមាន អាយុ ៣១ឆ្នាំ ត្រូវបានចោទប្រកាន់ពីបទ «ឆបោកមានស្ថានទម្ងន់ទោស (ជាក្រុមមានការចាត់តាំង)» តាមមាត្រា ៣៧៧ និង៣៨០ នៃក្រមព្រហ្មទណ្ឌ, បទ «សម្អាតប្រាក់» តាមមាត្រា ៣៨នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងបទ «មិនបំពេញកាតព្វកិច្ចចំពោះឧបករណ៍អាចជួញដូរបាន» តាមមាត្រា ២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់។ នេះបើតាមសេចក្តីថ្លែងការណ៍របស់សាលាដំបូងខេត្ត។ នៅថ្ងៃទី១៤ ខែមីនា ឆ្នាំ២០២៤នេះដែរ ប្រមុខរដ្ឋស្តីទី លោកសាយ ឈុំ ក៏បានចេញព្រះរាជក្រឹត្យបញ្ចប់គោរមងារឧកញ៉ា ពីឧកញ៉ា ឡេង ចាន់ណា នេះផងដែរ៕

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

កំពង់ធំ៖ នាព្រឹកថ្ងៃទី២៩ ខែឧសភា ឆ្នាំ២០២៦នេះលោកអ្នកឧកញ៉ាបណ្ឌិត ទ្រី ភាព ប្រធានក្រុមការងារគណបក្សចុះមូលដ្ឋានស្រុកប្រាសាទបល្ល័ង្ក បានអញ្ជើញសំណេះសំណាល និងប្រកាសបញ្ចូលសមាជិកថ្មីរបស់គណបក្សប្រជាជនកម្ពុជាចំនួន ៦៩០០នាក់ មកពីឃុំទាំង៧ ក្នុងស្រុកប្រាសាទបល្ល័ង្ក ខេត្តកំពង់ធំ។ ថ្លែងក្នុងឱកាសនោះដែរលោកអ្នកឧកញ៉ាបណ្ឌិត ទ្រី ភាព បានពាំនាំនូវការផ្តាំផ្ញើសួរសុខទុក្ខដោយក្តីនឹករលឹក និងក្តីស្រឡាញ់យ៉ាងជ្រាលជ្រៅបំផុតពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជា ជូនចំពោះបងប្អូនសមាជិកសមាជិកាបក្សទាំងអស់ ដែលជានិច្ចកាលសម្តេចទាំងទ្វេ តែងតែយកចិត្តទុកដាក់ខ្ពស់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋនៅគ្រប់មូលដ្ឋាន។ ដើម្បីពង្រឹងប្រសិទ្ធភាពការងារបក្សឱ្យកាន់តែប្រសើរឡើង លោកអ្នកឧកញ៉ាបណ្ឌិត បានផ្តល់ការណែនាំ និងដាក់ចេញនូវទិសដៅយុទ្ធសាស្ត្រសំខាន់ៗ ដល់ប្រធានក្រុមការងារចុះមូលដ្ឋានឃុំទាំង ៧ ក៏ដូចជាគណៈកម្មាធិការគណបក្សស្រុក និងឃុំ ត្រូវយកចិត្តទុកដាក់អនុវត្តតាមទិសដៅការងារដែលគណបក្សបានដាក់ចេញឱ្យមានប្រសិទ្ធភាព និងស័ក្កិសិទ្ធិភាព។ ជាពិសេសទាំងសមាសភាពក្រុមការងារចុះមូលដ្ឋានស្រុក ក៏ដូចជាសមាសភាពក្រុមការងារគណបក្សស្រុក-ឃុំ ត្រូវយកចិត្តទុកដាក់ខ្ពស់ និងត្រូវចុះសួរសុខទុក្ខ ជួយឧបត្ថម្ភគាំទ្រដល់គ្រួសារដែលជួបការលំបាក ឬគ្រួសារដែលមានសមាជិកទទួលមរណភាព ព្រមទាំងត្រូវប្រកាន់ខ្ជាប់នូវគោលការណ៍ រក្សាចាស់ បង្កើនថ្មី” ដើម្បីកៀរគរកម្លាំងសាមគ្គីបន្ថែម ក្នុងស្មារតីបម្រើជាតិ និងប្រជាជន ហើយត្រូវត្រៀមលក្ខណៈសម្បត្តិឱ្យបានគ្រប់ជ្រុងជ្រោយ ដើម្បីទទួលបានជ័យជំនះក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ និងការបោះឆ្នោតជ្រើសតាំងតំណាងរាស្ត្រ នីតិកាលទី៨ ឆ្នាំ២០២៨ ខាងមុខ។ក្នុងឱកាសនោះដែរប្រធានក្រុមការងារគណបក្សចុះមូលដ្ឋានស្រុកប្រាសាទបល្ល័ង្ក ក៏បាននាំយកនូវអំណោយចែកជូនដល់ថ្នាក់ដឹកនាំគណបក្សស្រុក-ឃុំ កងកម្លាំងប្រដាប់អាវុធ ក្រុមគ្រូពេទ្យ និងប្រជាពលរដ្ឋដែលបានចូលរួមទាំង ៦៩០០នាក់ ផងដែរ៕

ប្រតិភូចិនស្ញើចសរសើរពីសក្ដានុពលកម្ពុជា និងចំណាប់អារម្មណ៍លើការវិនិយោគតំបន់សេដ្ឋកិច្ចពិសេស

ប្រតិភូចិនមកពីខេត្តហៃណាន ចំណាប់អារម្មណ៍លើការវិនិយោគបង្កើតតំបន់សេដ្ឋកិច្ចពិសេស ឡូជីស្ទីក កម្មន្តសាល និងវិស័យ កសិកម្ម ពិសេសការដាំដុះ និងកែច្នៃផលិតផលកសិកម្ម ដែលជាវិស័យមានសក្តានុពលគួរឱ្យកត់សម្គាល់នៅកម្ពុជា។ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា ក្នុងជំនួបពិភាក្សាការងារជាមួយ គណៈប្រតិភូ ចិន ដឹកនាំដោយលោក Qiu Wenxu អនុប្រធានវិទ្យាស្ថាន Haikou Silk Road Academy of Social Sciences មកពីខេត្ត ហៃណាន នៅថ្ងៃទី២៨ ខែឧសភា ឆ្នាំ២០២៦នេះ, ឯកឧត្តមបានសម្តែងនូវការស្វាគមន៍យ៉ាងកក់ក្តៅ ចំពោះគណៈប្រតិភូ ដែល បានបំពេញទស្សនកិច្ចផ្ទាល់នៅកម្ពុជា ដើម្បីស្វែងយល់ពីឱកាសវិនិយោគ ជាពិសេសលើការអភិវឌ្ឍវិស័យកសិកម្ម កិច្ចសហប្រតិបត្តិ-ការ ទាក់ទងនឹងការវិនិយោគផ្ទាល់នៅក្រៅប្រទេស (ODI) រវាងខេត្តហៃណាន និងកម្ពុជា ព្រមទាំងនីតិវិធីនៃការចុះបញ្ជីគម្រោងមាន លក្ខណៈគ្រប់គ្រាន់ (QIP)។ ឯកឧត្តមបានគូសបញ្ជាក់ពីផ្លែផ្កានៃកិច្ចសហប្រតិបត្តិការទ្វេភាគីកម្ពុជា-ចិន នាពេលកន្លងមក ពិសេសលើការជំរុញ ការផ្តល់ កិច្ចសម្រួល និងការថែទាំវិនិយោគ និងបានលើកឡើងពីសក្តានុពល និងរបបលើកទឹកចិត្តប្រកបដោយ ភាពអនុគ្រោះបំផុតរបស់រាជ- រដ្ឋាភិបាលកម្ពុជា ជូនដល់សកម្មភាពវិនិយោគលើវិស័យកសិកម្ម និងវិស័យអាទិភាពដទៃទៀត ដូចមានកំណត់ក្នុងច្បាប់ស្តីពីវិនិយោគ នៃព្រះរាជាណាចក្រកម្ពុជា។ បន្ថែមលើនេះ ឯកឧត្តមបានបញ្ជាក់ពីការប្តេជ្ញាចិត្តខ្ពស់ ក្នុងការបន្តផ្តល់កិច្ចសហប្រតិបត្តិការ និងការ គាំទ្រនានា ព្រមទាំងលើកទឹកចិត្តដល់គណៈប្រតិភូឱ្យពន្លឿនការសិក្សា និងអនុវត្ត គម្រោងរបស់ខ្លួនឱ្យលេចចេញជារូបរាងក្នុងពេល ឆាប់ៗ ដើម្បីចាប់យកកាលានុវត្តភាពវិនិយោគក្នុងវិស័យកសិកម្ម និងវិស័យពាក់ព័ន្ធ ដែលកំពុងមានសក្តានុពលខ្ពស់។ ជាការឆ្លើយតប, គណៈប្រតិភូបានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ ចំពោះថ្នាក់ដឹកនាំក្រុមប្រឹក្សាអភិវឌ្ឍន៍ កម្ពុជា ដែលតែងតែយកចិត្តទុកដាក់គាំទ្រ និងសម្របសម្រួលដល់វិនិយោគិន។ ជាមួយគ្នានេះគណៈប្រតិភូបានជម្រាបជូន ពីចំណាប់ អារម្មណ៍ក្នុងការវិនិយោគលើតំបន់សេដ្ឋកិច្ចពិសេស ឡូជីស្ទីក កម្មន្តសាល និងវិស័យកសិកម្ម ពិសេសការដាំដុះ និងកែច្នៃផលិតផល កសិកម្ម ដែលជាវិស័យមានសក្តានុពលគួរឱ្យកត់សម្គាល់នៅកម្ពុជា ព្រមទាំងបានអះអាងពីការប្តេជ្ញាចិត្ត ក្នុងការសហការជិតស្និទ្ធ ជាមួយ ក.អ.ក និងភាគីពាក់ព័ន្ធ ដើម្បីជំរុញគម្រោងកិច្ចសហប្រតិបត្តិការទាំងនេះឱ្យទទួលបានជោគជ័យ៕អត្ថបទ៖ សុន រ៉ាឌី,

បណ្ដាញសង្គម

ព័ត៌មានថ្មីៗ

បម្រែបម្រួលអាកាសធាតុធ្វើឲ្យប៉ះពាល់ដល់កសិករចិញ្ចឹមឃ្មុំនៅកូរ៉េខាងត្បូង

EU និង UNICEF បញ្ជូនគ្រឿងផ្គត់ផ្គង់សង្រ្គោះជំងឺអេបូឡាទៅកាន់កុងហ្គោ ខណៈផ្ទុះការរីករាលដាលឆ្លង

មានអ្នកស្លាប់ច្រើននាក់ ក្នុងហេតុការណ៍ធ្លាក់យន្តហោះនៅតំបន់ Istria របស់ក្រូអាត

ឆ្មាំបដិវត្តន៍អ៊ីរ៉ង់អំពាវនាវឲ្យអ៊ីស្រាអែលដកទ័ពទៅកាន់ទីតាំងមុនសង្គ្រាម នៅលីបង់

ប្រទេស ១១ នៅអឺរ៉ុប អំពាវនាវឲ្យ EU មានច្បាប់ទិដ្ឋាការកាន់តែតឹងរ៉ឹង សម្រាប់ជនជាតិរុស្ស៊ី

អ៊ីស្រាអែលឃុំខ្លួនក្រុមបាតុករជ្វីហ្វជ្រុលនិយម បន្ទាប់ពីបានវាយប្រហារលំនៅឋានរបស់ចៅក្រម

បទឈប់បាញ់នៅលីបង់ បង្កើនក្តីសង្ឃឹមពីការមានវឌ្ឍនភាព សម្រាប់កិច្ចព្រមព្រៀងអ៊ីរ៉ង់

អាកាសធាតុអាក្រក់បែងចែកអ៊ីតាលីដោយព្យុះកួចកើតមាននៅទីក្រុងរ៉ូមហើយអាកាសធាតុក្តៅវាយប្រហារកោះ Sicily

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សម្ដេចតេជោចាត់ទុក កម្មវិធី «ដាស់ស្មារតីជាតិ» ជាការចងចាំរបស់កម្ពុជាទាំងការឈឺចាប់ និងភាពអយុត្តិធម៌

ទេសចរអន្តរជាតិ៖ កម្ពុជាជាគោលដៅទេសចរណ៍បៃតង និងមានភាពទាក់ទាញខ្លាំងគ្រប់គោលដៅ

ជនបរទេសចំនួន ២៤០នាក់ ពាក់ព័ន្ធករណី Online Scams និងបទល្មើសផ្សេងៗ ត្រូវបានបណ្ដេញចេញពីកម្ពុជា

វិនិយោគិនកូរ៉េវាយតម្លៃខ្ពស់ចំពោះការបណ្តុះបណ្តាលជំនាញដល់យុវជនកម្ពុជាលើវិស័យឧស្សាហកម្ម

កុមារីជនភៀសសឹកមកពីខេត្តឧត្តរមានជ័យ ប្តេជ្ញាខិតខំរៀនសូត្រដើម្បីក្លាយជាពេទ្យយោធា

ACU ៖ អ្នកស្រី ឡេង ចាន់ណា និងបក្ខពួកទទួលស្គាល់ថាបានទទួលប្រាក់ពី ៩៣ ទៅ ៩៨ លានដុល្លារ ពីមេ ២៥

ប្រតិភូចិនស្ញើចសរសើរពីសក្ដានុពលកម្ពុជា និងចំណាប់អារម្មណ៍លើការវិនិយោគតំបន់សេដ្ឋកិច្ចពិសេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្ដេចតេជោចាត់ទុក កម្មវិធី «ដាស់ស្មារតីជាតិ» ជាការចងចាំរបស់កម្ពុជាទាំងការឈឺចាប់ និងភាព​អយុត្តិ​ធម៌

ទេសចរអន្តរជាតិ៖ កម្ពុជាជាគោលដៅទេសចរណ៍បៃតង និងមានភាពទាក់ទាញខ្លាំងគ្រប់​គោលដៅ

ជនបរទេសចំនួន ២៤០នាក់ ពាក់​ព័ន្ធករណី Online Scams និងបទល្មើសផ្សេងៗ ត្រូវបានបណ្ដេញចេញពីកម្ពុជា

វិនិយោគិនកូរ៉េវាយតម្លៃខ្ពស់ចំពោះការបណ្តុះបណ្តាលជំនាញដល់យុវជនកម្ពុជា​លើវិស័យឧស្សា​ហកម្ម

កុមារីជនភៀសសឹកមកពីខេត្តឧត្តរមានជ័យ ប្តេជ្ញាខិតខំរៀនសូត្រ​ដើម្បីក្លាយជាពេទ្យយោធា​

ACU ៖ អ្នកស្រី ឡេង ចាន់ណា និងបក្ខពួកទទួលស្គាល់​ថាបានទទួលប្រាក់ពី ៩៣ ទៅ ៩៨ លានដុល្លារ ពីមេ ២៥

ប្រតិភូចិនស្ញើចសរសើរពីសក្ដានុពលកម្ពុជា និងចំណាប់អារម្មណ៍លើការវិនិយោគតំបន់សេដ្ឋកិច្ចពិសេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោចាត់ទុក កម្មវិធី «ដាស់ស្មារតីជាតិ» ជាការចងចាំរបស់កម្ពុជាទាំងការឈឺចាប់ និងភាពអយុត្តិធម៌

ទេសចរអន្តរជាតិ៖ កម្ពុជាជាគោលដៅទេសចរណ៍បៃតង និងមានភាពទាក់ទាញខ្លាំងគ្រប់គោលដៅ

ជនបរទេសចំនួន ២៤០នាក់ ពាក់ព័ន្ធករណី Online Scams និងបទល្មើសផ្សេងៗ ត្រូវបានបណ្ដេញចេញពីកម្ពុជា

វិនិយោគិនកូរ៉េវាយតម្លៃខ្ពស់ចំពោះការបណ្តុះបណ្តាលជំនាញដល់យុវជនកម្ពុជាលើវិស័យឧស្សាហកម្ម

កុមារីជនភៀសសឹកមកពីខេត្តឧត្តរមានជ័យ ប្តេជ្ញាខិតខំរៀនសូត្រដើម្បីក្លាយជាពេទ្យយោធា

ACU ៖ អ្នកស្រី ឡេង ចាន់ណា និងបក្ខពួកទទួលស្គាល់ថាបានទទួលប្រាក់ពី ៩៣ ទៅ ៩៨ លានដុល្លារ ពីមេ ២៥