នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតី៖ ការបញ្ជូនក្មេងទំនើងទៅធ្វើការនៅសមរភូមិមុខ គឺមិនមែនបង្កើតច្បាប់ថ្មី ឬកាន់កាំភ្លើងទេ
រដ្ឋមន្រ្ដី៖ បរិមាណកុងតឺន័រឆ្លងកាត់ផែព្រះសីហនុកើនដល់ជាង ១,៣៤លាន TEUs ក្រោយអភិវឌ្ឍបង្កើនសមត្ថភាព
អាវុធហត្ថរាជធានី ឆ្មក់ចុះបង្រ្កាបភោជនីយដ្ឋាន «មហាមេឃ» សង្ស័យបង្កប់សេវាបម្រើផ្លូវភេទ ឃាត់មនុស្សប្រុសស្រី ៥៣នាក់
រដ្ឋមន្ត្រីក្រសួងសេដ្ឋកិច្ច៖ ក្នុងស្ថានភាពមិនប្រាកដប្រជាការកែទម្រង់គឺជាការចាំបាច់ដើម្បីរក្សាលំនឹងសេដ្ឋកិច្ច

ព័ត៌មានជាតិ

ជំនាញ ធីវ៉េត ផ្តល់ឱកាសច្រើនទាំងការស្វែងរកការងារ និងបើកអាជីវកម្មផ្ទាល់ខ្លួន

2026/02/18 04:21:47 pm        89
Facebook Telegram Linkin
ក្រោមគម្រោងរបស់រាជរដ្ឋាភិបាលកម្ពុជា ដែលរៀនជំនាញបច្ចេកទេស និងវិជ្ជាជីវៈ (ធីវ៉េត) ឥតគិតថ្លៃ និងខណៈដែលប្រទេសកម្ពុជា និងពិភពលោកកំពុងមានតម្រូវការធនធានក្នុងវិស័យនេះ ក្រុមយុវជនដែលកំពុងរៀនជំនាញ ធីវ៉េត បាននិយាយថា ពិតជាមានសារៈសំខាន់ខ្លាំងណស់ ព្រោះមានតម្រូវការខ្ពស់ក្នុងទីផ្សារការងារទាំងពេលបច្ចុប្បន្ន និងអនាគត។នៅក្នុងបទសម្ភាសន៍ជាមួយក្រុមយុវជនរៀនជំនាញផ្នែកបរិក្ខាត្រជាក់ នៅក្នុងវិទ្យាស្ថានបច្ចេកទេសឧស្សាហកម្ម (ITI) រាជធានីភ្នំពេញ នៅព្រឹកថ្ងៃទី១៨ ខែកុម្ភៈនេះ ពួកគាត់បានឱ្យព័ត៌មាន ប៊ីធីវី ដឹងថា ដោយសារចំណង់ចំណូលចិត្តផង និងស្រឡាញ់ជំនាញនេះផង ទើបសម្រេចចុះឈ្មោះដើម្បីមានជំនាញឱ្យបានត្រឹមត្រូវច្បាស់លាស់ ព្រោះរំពឹងចង់បានការងារមួយសមរម្យ ក្រោយពេលរៀនចប់។ក្រុមយុវជនទាំងនេះ បានលើកឡើងស្រដៀងគ្នាទៀតថា ដោយសម្លឹងមើលទីផ្សារការងារមានតម្រូវការខ្ពស់ពីជំនាញបរិក្ខារត្រជាក់ ទើបពួកគាត់មានចំណាប់អារម្មណ៍សិក្សាជំនាញនេះ។ ជាពិសេស ដោយសារការមើលឃើញអំពីបច្ចុប្បន្នភាព នូវការកើនឡើងអគារ និងលំនៅឋានជាដើម ដែលជាឱកាសដ៏ធំធេងណាស់ដើម្បីឆ្លើយតបតម្រូវការខ្វះខាត។ពាក់ព័ន្ធវិស័យអប់រំបណ្តុះបណ្តាលជំនាញ ធីវ៉េតនេះ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានឱ្យដឹងថា គិតត្រឹមឆ្នាំ២០២៥កន្លងទៅ តាមរយៈកម្មវិធីបណ្តុះបណ្តាល ១,៥លាននាក់ (TVET 1,5M) វិទ្យាស្ថានបានទទួលការចុះឈ្មោះពីសិក្ខាកាមនានា ដើម្បីរៀនជំនាញផ្សេងៗគ្នា ដូចជា៖ ជំនាញមេកានិកទូទៅ/មេកានិករថយន្ត វិស្វកម្មអគ្គិសនី និងបរិក្ខាត្រជាក់ជាដើម ចំនួនប្រមាណ ៤ ២០០នាក់។ លោកបានបញ្ជាក់ថា ដើម្បីធានាបាននូវគុណភាពបណ្តុះបណ្តាល វិទ្យាស្ថានបានធ្វើកិច្ចសហការប្រតិបត្តិការជាមួយវិស័យឯកជនទាំងក្នុង និងក្រៅប្រទេស រួមមានក្រុមហ៊ុន សមាគម សហគ្រាស យានដ្ឋាន និងគ្រឹះស្ថានបណ្តុះបណ្តាលសរុបចំនួន១១០ ដើម្បីឆ្លើយតបទៅនឹងតម្រូវការទីផ្សារការងារផងដែរ ។គិតត្រឹមដើមឆ្នាំ២០២៦នេះ តាមរយៈកម្មវីធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ឬហៅថា កម្មវិធី TVET 1,5M បានទទលការចុះឈ្មោះដើម្បីចំនួនជាង ១៥ម៉ឺននាក់។ ក្នុងនោះ យុវជនជាង ៥ម៉ឺននាក់ មានការងារធ្វើ បន្ទាប់ពីបញ្ចប់ការសិក្សាជំនាញ ធីវ៉េត។ កម្មវិធីបណ្តុះបណ្តាលជំនាញ ដោយឥតគិតថ្លៃនេះ រាជរដ្ឋាភិបាល បានកំណត់យកមុខជំនាញក្នុងវិស័យអាទិភាពចំនួន១០ រួមមាន៖ សំណង់ , អគ្គិសនីនិងថាមពល , បរិក្ខាត្រជាក់និងកម្តៅ ,ទេសចរណ៍ , មេកានិកទូទៅ/មេកានិករថយន្ត , សេវាកម្ម , កសិកម្ម និងកសិ-ឧស្សាហកម្ម , កម្មន្តសាល , អេឡិចត្រូនិច និងធុរកិច្ចនិងព័ត៌មានវិទ្យា៕អត្ថបទ៖ ឈិត បូរ៉ាវី

ប្រធានសមាគមធំៗអំពាវនាវដល់សហគ្រិនក្នុងស្រុកសិក្សាលទ្ធភាពលើការកែច្នៃផលិតជំនួសការនាំចូល

2026/02/18 04:19:53 pm        328
Facebook Telegram Linkin
ប្រធានសមាគមធំៗចំនួនពីរ អំពាវនាវសហគ្រិនក្នុងស្រុក សិក្សាលទ្ធភាពលើការបង្កើត​ឧស្សាហ​កម្ម​កែច្នៃ និងការវេចខ្ចប់ចេញជា ផលិតផលសម្រេច ដើម្បីស្រូបយកផលដំណាំកសិកម្មផ្សេងៗ ជា​ពិសេសការកែច្នៃចេញជាគ្រឿងកំប៉ុង ខណៈសម្ទុះផលិតកម្មសត្វក្នុង ស្រុកកំពុងរីកចម្រើន។បណ្ឌិត សួន ម៉ិ ប្រធានសមាគមសហគ្រិនវីម៉ូកម្ពុជា លើកឡើងក្នុងវេទិកាជំនួបសហគ្រិន​ជំរុញ​សេដ្ឋកិច្ច​ឆ្នាំ២០២៦ ថា ជុំវិញ កិច្ចដំណើរការអាជីវកម្មក្នុងស្រុកឃើញថា នៅក្នុងរយៈពេលចុង​ក្រោយ​នេះ មានសម្ទុះងើបឡើងយ៉ាងផុលផុសលើការកែច្នៃ ក្នុងនោះក៏ មានឧស្សាហកម្ម និង​សិប្បកម្ម​មួយចំនួនបាននិងកំពុងចាប់យកបច្ចេកវិទ្យា សម្រាប់ដំណោះស្រាយទីផ្សារ ស្រប​ពេល​ប្រជាជន​កម្ពុជា បានធ្វើពហិការ និងបានបង្កើតនូវគំរូអាជីវកម្មថ្មីផ្សេងៗគ្នា គាំទ្រដល់ទីផ្សារ​ក្នុងស្រុក ដើម្បីចូលរួមជាមួយរាជរដ្ឋាភិបាល បង្កើតនូវ ផលិតផលថ្មីៗសម្រាប់ទីផ្សារ។បណ្ឌិតរូបនេះ បន្តថា ចំពោះផលិតផលកសិកម្មឃើញថា ពីមួយឆ្នាំទៅមួយឆ្នាំ កម្ពុជាបាន​នាំចេញ​កសិផលស្រស់មាន កំណើនឡើងជាលំដាប់។ បញ្ហានេះ, ឯកឧត្តម​បណ្ឌិតក៏​បាន​អំពាវ​នាវ​ដល់​សហគ្រិន​ក្នុងស្រុក សិក្សាលទ្ធភាពបន្ថែម លើគម្រោង វិនិយោគឧស្សាហកម្មកែច្នៃ ឬការវេច​ខ្ចប់​ចេញ​ជាផលិតផលសម្រេចផ្សេងៗ តាមរយៈការបង្កើតតម្លៃបន្ថែម និងការងារ ជាពិសេសការ ចូលរួម​ពង្រីងទីផ្សារក្នុងស្រុក ឱ្យមានផលិតផលកាន់តែសំបូរបែប ជំនួសទីផ្សារនាំចូល និងក៏​ជាការ​បង្កើត​ចលនានៃលំហូរសាច់ប្រាក់ ក្នុងស្រុកឱ្យកាន់តែធំឡើងៗ។ជុំវិញការកែច្នៃនេះដែរ, លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា លើកឡើង​ផង​ដែរ​ថា បច្ចុប្បន្នផលិតកម្ម សត្វនៅកម្ពុជាមានការីកចម្រើនគួរកត់សម្គាល់ ជាក់ស្តែងផលិតកម្មជ្រូកនិងមាន់បាននិងកំពុងកើនឡើង និងផ្គត់ផ្គង់ក្នុងទីផ្សារលើស តម្រូវការផងដែរ បញ្ហានេះលោកក៏បានអំពាវនាដល់វិនិយោគិនបរទេសក៏ដូចជាវិនិយោគិនក្នុងស្រុក ធ្វើការវិនិយោគក្នុងវិស័យឧស្សហ- កម្មកែច្នៃ ចេញជាផលិតផលសម្រេចផ្សេងៗដូចជា គ្រឿងកំប៉ុង សាច់ផាត់ ប៉ាតេ ប្រហិត ឬរោងចក្របង្កក់សាច់ជាដើម ខណៈផលិត ផលទាំងនេះ កំពុងមានតម្រូវការទីផ្សារក្នុងស្រុក ក្នុងនោះប្រសិនបើវិស័យនេះដំណើរកាន់តែប្រសើរ គឺមិនត្រឹមបង្កើតការងារប៉ុណ្ណោះ ទេ ថែមទាំងជួយដល់កសិករ តាមរយៈការផ្តល់វត្ថុធាតុដើម ដល់ឧស្សាហកម្មកែច្នៃចំណីសត្វផ្សេងៗផងដែរ។សូមបញ្ជាក់ថា ទាក់ទិនការកែច្នៃនេះ រាជរដ្ឋាភិបាលបានលើកទឹកចិត្តឱ្យមានការកែច្នៃចេញជាផលិតផលសម្រេចផ្សេងៗឱ្យបានច្រើន ជាពិសេសនៅក្នុងអាណត្តិទី៧នេះ រាជរដ្ឋាភិបាលបានបន្តធ្វើទំនើបកម្មក្នុងវិស័យកសិកម្ម បង្កើនផលិតភាព ធ្វើពិពិធកម្ម អភិវឌ្ឍន៍ ហេដ្ឋារចនាសម្ព័ន្ធគាំទ្រក្នុងខ្សែច្រវាក់ផលិតកម្មកសិកម្ម និងបង្កើនការនាំចេញជាដើម។ ក្រៅពីនេះគឺបន្តពង្រឹងសមត្ថភាពដល់កសិករ និងសហគមន៍កសិកម្ម ពង្រឹងខ្សែច្រវាក់ផ្គត់ផ្គង់សម្រាប់ការកែច្នៃផលិតផលកសិកម្ម និងបង្កើនផលិតភាពកែច្នៃផលិតផលកសិកម្ម ការ បន្តអនុវត្តវិធានការបច្ចេកទេស សំដៅធានាសុវត្ថិភាពអាហារ ដើម្បីលើកកម្ពស់សន្តិសុខស្បៀងជាដើម រួមជាមួយបន្តគាំទ្រ ដល់ការ ចិញ្ចឹមសត្វជាលក្ខណៈគ្រួសារ និងពាណិជ្ជកម្ម ក្នុងគោលដៅបង្កើនការផ្គត់ផ្គង់សាច់លើទីផ្សារ និងនាំចេញជាដើម៕ អត្ថបទ៖ សុន រ៉ាឌី

សមត្ថកិច្ចមូលដ្ឋានបន្តចុះអប់រំតាមសាលារៀនពីបញ្ហាគ្រឿងញៀន និងច្បាប់ចរាចរណ៍

2026/02/18 04:04:19 pm        194
Facebook Telegram Linkin
សមត្ថកិច្ចតាមមូលដ្ឋានទាំងនៅរាជធានីភ្នំពេញ ក៏ដូចជានៅតាមបណ្ដាខេត្ត បាន​ចុះ​ទៅ​តាម​សាលា​រៀន​ ក៏ដូចជាតាមសហគមន៍ជាប្រចាំ ដើម្បីផ្ដល់ការអប់រំលើបញ្ហាគ្រឿងញៀន ក៏​ដូច​ជា​ការ​អប់រំ​លើ​ច្បាប់ចរាចរណ៍។ជាការយកចិត្តទុកដាក់លើភូមិឃុំមានសុខសុវត្ថិភាព ក៏ដូចជាសុវត្ថិភាពនៅតាមដងផ្លូវ សមត្ថ​កិច្ច​តាម​មូល​ដ្ឋាន ទាំងនៅតាមបណ្ដាខេត្ត ក៏ដូចជានៅរាជធានីភ្នំពេញ មន្ត្រីមានសមត្ថកិច្ច បានបន្ត​ចុះ​ផ្ទាល់​ដល់​ទីតាំងសាលារៀនដើម្បីអប់រំដល់សិស្ស ក៏ដូចជាចុះដល់ទីតាំង​សហគមន៍​ផ្ទាល់​ដើម្បី​អប់រំ​ដល់​ប្រជាពលរដ្ឋលើបញ្ហាទាំងនេះ។ជាក់ស្ដែងនៅព្រឹកថ្ងៃទី១៨ ខែកុម្ភៈ ឆ្នាំ ២០២៦នេះ សមត្ថកិច្ចនៃសង្កាត់ស្ទឹងមានជ័យ ២ ខណ្ឌមានជ័យ បានចុះទៅអប់រំផ្សព្វផ្សាយ ពីបញ្ហាគ្រឿងញៀន បញ្ហាបារីអេឡិចត្រូនិក ក៏​ដូច​ជា​ច្បាប់​​ចរាចរណ៍ដល់សិស្សសិក្សានៅសាលាបឋមសិក្សាភូមិឬស្សី។ លោក កឹក បូរិន ជានាយ​ប៉ុស្តិ៍​សង្កាត់​​ស្ទឹងមា​នជ័យ២ លើកឡលើងថា វាជាភាពចាំបាច់ដែលត្រូវបន្តអប់រំដល់ពួកគាត់ ទាំង​សិស្ស​ទាំង​ប្រជាពលរដ្ឋទូទៅលើរឿងទាំងនេះ។ ពិសេសការអប់រំ ដល់កុមារដែលជា​ទំពាំង​ស្នង​ឫស្សី​​ជាធនធានបន្តវេន។ ការអប់រំឱ្យពួកគាត់ដឹងច្បាស់ពីច្បាប់ ដឹងច្បាស់ពីផលប៉ះពាល់ ជា​រឿង​ចាំ​បាច់​បំផុត។ក្នុងឱកាសដដែលនេះ លោកគ្រូ ប៉ាន់ ស្រ៊ា ជានាយកសាលាបឋមសិក្សាភូមិឫស្សី លើក​ឡើង​ដែរ​ថា ​សាលាក៏តែងមានការអប់រំជាប្រចាំដល់កុមារតូចៗ លើបញ្ហាគ្រឿងញៀន និងបញ្ហា​ចរាចរណ៍​ផង​ដែរ​។ លោកថា គ្រប់យ៉ាងគឺធ្វើឡើងក្នុងគោលដៅរួមមួយ គឺបណ្ដុះកុមារ​ទាំង​នេះ​ឱ្យ​ក្លាយ​ជា​ធន​ធាន​មនុស្ស ជាសិស្សល្អ ជាកូនល្អ ជាពលរដ្ឋល្អចៀសឆ្ងាយពីគ្រឿងញៀន ក៏ដូចជា​មិន​បំពាន​ច្បាប់​ចរាចរណ៍ សុខសុវត្ថិភាពតាមដងផ្លូវ។សម្រាប់កុមារដែលទទួលបានការអប់រំពន្យល់បន្ថែមនៅថ្ងៃនេះ ក៏សូមអរគុណដល់សមត្ថិកិច្ច ក៏​ដូច​ជា​អរគុណដល់លោកគ្រូ អ្នកគ្រូ ដែលយកចិត្តទុកដាក់លើពួកគាត់ ពន្យល់​ឱ្យ​ពួក​គាត់​យល់​ដឹង​កាន់​តែច្បាស់លើបញ្ហាទាំងនេះ។ ពួកគេសន្យានឹងធ្វើតាម ឱ្យបានខ្ជាប់ខ្ជួន។បញ្ហា​គ្រឿងញៀន បញ្ហាក្មេងទំនើង ក៏ដូចជាបញ្ហាចរាចរណ៍ សុទ្ធតែជារឿង​ដែល​រាជ​រដ្ឋាភិបាល​កំពុង​យក​ចិត្តទុកដាក់ក្នុងការដោះស្រាយ។ ថ្មីនេះៗក្រសួងមហាផ្ទៃ ក៏បានប្រកាស​ក្នុង​ការ​រឹត​បន្តឹង​ការ​អនុវត្តច្បាប់ចរាចរណ៍ជាថ្មីវិញដែរ ក្រោយមួយរយៈនៃការបន្ធូរបន្ថយការអនុវត្តច្បាប់ មាន​ការ​កើនឡើងគ្រោះថ្នាក់ចរាចរណ៍៕ អត្ថបទ៖ គឹមហុក

អាជ្ញាធរនឹងចាត់វិធានការច្បាប់ចំពោះម្ចាស់ទីតាំងដែលលួចលាក់ផ្តល់ការស្នាក់នៅដល់ជនបរទេស​ប្រព្រឹត្តបទល្មើស

2026/02/18 03:55:24 pm        291
Facebook Telegram Linkin
អាជ្ញាធរមានសមត្ថកិច្ច នឹងចាត់វិធានការច្បាប់ រួមទាំងពិន័យប្រាក់ ទៅលើម្ចាស់ទីតាំងទាំងឡាយ ណាដែលលួចលាក់ផ្តល់ការស្នាក់នៅដល់ជនបរទេសប្រព្រឹត្តិបទល្មើស Online Scams នៅ​ក្នុង​ប្រទេសកម្ពុជា។ ឆ្លើយតបទៅនឹងបទបញ្ជាដ៏ម៉ឺងម៉ាត់ និងអនុវត្តតាមអនុក្រឹត្យរបស់រាជរដ្ឋាភិបាល ស្តីពីការគ្រប់ គ្រង​សន្តិសុខសុវត្ថិភាពតាមទីតាំងរស់នៅប្រមូលផ្តុំនានា កម្លាំងអាជ្ញាធរមា​ន​សមត្ថកិច្ច​នៅ​ទូទាំង​ប្រទេស​កំពុងបន្តសស្រាក់សស្រាំបំផុត ក្នុងការបោស​សម្អាត​ឧក្រិដ្ឋកម្ម​ឆបោក​តាម​ប្រព័ន្ធ​អន​ឡាញ​​ចេញពីកម្ពុជា ខណៈក្រសួងមហាផ្ទៃ បានដាក់ឱសានវាទ ឬបន្ទាត់ក្រហម ត្រឹម​កំឡុង​ខែ​មេសា ​ឆ្នាំ២០២៦ ។ សម្រាប់​ក្របខ័ណ្ឌ នៃរាជធានីភ្នំពេញ ថ្មីៗនេះ កម្លាំងនគរបាលរាជធានី ដឹកនាំដោយលោកឧត្តមសេនីយ៍​ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំ​កិច្ច​ប្រជុំ​ផ្សព្វផ្សាយអំពីផែនការបន្តទប់ស្កាត់ និងបង្ក្រាបដាច់ខាត លើទីតាំងជួល​ការ​ស្នាក់​នៅ​ទាំង​ឡាយ ​ដែលបានលួចលាក់បន្តផ្តល់ការស្នាក់នៅដល់ជនបរទេសដោយខុសច្បាប់ ពិសេស​ការ​រស់​នៅ​សម្រាប់​ប្រព្រឹត្តិបទល្មើស ឆបោកតាមប្រព័ន្ធបច្ចេកវិទ្យា។ នេះជាការឆ្លើយតបទៅនឹង ការ​ដាក់​ឱសាន​វាទ​របស់រដ្ឋបាលរាជធានីភ្នំពេញផងដែរ ដែលបានកំណត់​បន្ទាត់​ក្រហម​ត្រូវ​លុប​បំបាត់​បទ​ល្មើស​ឆបោក​នេះឲ្យអស់ និងមានប្រសិទ្ធិភាពខ្ពស់ត្រឹមដំណាច់ចុងខែមីនា ឆ្នាំ២០២៦ ។ ប្រជាពលរដ្ឋ សម្តែងការគាំទ្រចំពោះវិធានការខាងលើនេះ ក៏ដូចជាវិធានការទាំងឡាយនានា​ជា​ច្រើន​ទៀត​របស់​អាជ្ញាធរនៅទូទាំងប្រទេស ក៏ដូចជារាជរដ្ឋាភិបាល ក្នុងការប្រយុទ្ធប្រឆាំង និង​បោស​ស​ម្អាតដាច់ណាត់នូវរាល់បទល្មើសឧក្រិដ្ឋទាំងឡាយ ដែលកើត​មាន​ឡើងនៅ​ក្នុង​ប្រទេស​ជាតិ ​ពិសេសគឺឧក្រិដ្ឋកម្មឆបោកអនឡាញនេះតែម្តង ។ យោងលើជំពូកទី៦ មាត្រាទី២០ នៃអនុក្រឹត្យថ្មី របស់រាជរដ្ឋាភិបាលកម្ពុជា កាលពីដើមខែមករា ឆ្នាំ​២០២៦ ក៏បានកំណត់ផងដែរចំពោះ ម្ចាស់ទីតាំងរស់នៅ ប្រមូលផ្តុំ ឬអ្នក​គ្រប់​គ្រង​ទីតាំង​រស់​នៅ​ប្រមូល​ផ្តុំ ដែលមានចេតនាលាក់បាំង និងអនុញ្ញាតឲ្យ​ជនបរទេស​ដែល​ចូល​មក​កម្ពុជា​ដោយ​ខុស​ច្បាប់ ស្នាក់នៅក្នុងទីតាំងស្ថិតនៅក្រោមការ ទទួលខុសត្រូវរបស់ខ្លួន ត្រូវផាក​ពិន័យ​ជា​ប្រាក់​ចំនួន​៤,០០០,០០០រៀល សម្រាប់ជនបរទេសម្នាក់ ដោយមិន​ទាន់​គិត​ដល់​ទោស​ព្រហ្ម​ទណ្ឌ​ដែល​បាន​កំណត់ក្នុងច្បាប់ជាធរមានឡើយ ៕  អត្ថបទ៖ លីហេង

ផលិតផលខ្មែរថ្មីៗរាប់សិបមុខត្រូវបានផលិតឡើងក្រោមសម្ទុះគាំទ្រពីពលរដ្ឋ

2026/02/18 03:32:48 pm        199
Facebook Telegram Linkin
ផលិតផលខ្មែរថ្មីៗរាប់សិបមុខ ត្រូវបានផលិតឡើងបន្តបន្ទាប់ ក្រោយមានការគាំទ្រ យ៉ាង​ខ្លាំង​ពីសំណាក់ប្រជាពលរដ្ឋខ្មែរ ជាពិសេសអំឡុងពេល នៃការឈ្លានពានរបស់កងទ័ពថៃ មក​លើ​អធិប​តេយ្យភា​ព​កម្ពុជា និងការពហិការមិនប្រើប្រាស់ និងមិនបរិភោគទំនិញថៃ ។ផលិតផល​ខ្មែរច្រើនមុខថ្មីៗ កំពុងត្រូវបានផលិត មានដូចជាចំណីអាហារ ក្នុងនោះមានត្រីខ ទឹក​ត្រី ទឹក ស៊ីអ៊ីវ ភេសជ្ជៈ នំក្រៀម និងអាហារកំប៉ុងជាដើម ខណៈរបស់ប្រើប្រាស់មួយចំនួន ដូច​ជា​សាប៊ូ ​កក់សក់ សាប៊ូដុស ខ្លួន ថ្នាំដុសធ្មេញ ។ល។ ដោយផលិតផលទាំងអស់នេះ សុទ្ធសឹងតែជា ផលិត​ផលជំនួសទំនិញរបស់ថៃ។អ្នកស្រី សេរី នាង ម្ចាស់ផលិតផលសាប៊ូឈ្មោះ “ខ្មែរយើង” និងលោក សុខ ឃឿន ម្ចាស់ ផលិត​ផល​ ថ្នាំដុសធ្មេញធ្វើពីម្លូ និងស្លាឈ្មោះ “ហាហា” បានឲ្យដឹងថា ក្រោយពីឃើញសម្ទុះ នៃ ការ​គាំទ្រ​របស់ពលរដ្ឋខ្មែរ លើផលិតផលជាតិយ៉ាងខ្លាំងក្លា លើសពេលណាៗទាំងអស់នោះ ក៏បាន​សម្រេច​បោះទុនបង្កើត ផលិតផល ដែលមានសុវត្ថិភាពសម្រាប់អ្នកប្រើប្រាស់ ហើយ នៅក្រោយ​ពេល​ផលិតឡើងហើយនោះ គឺ មានការគាំទ្រពីសំណាក់ប្រជាពលរដ្ឋផងដែរ។ចំណែ​កអ្នកស្រី ហេង ស៊ីនួន ម្ចាស់ហាងសម្រស់ខ្មែរ ដែលទទួលយកនូវផលិតផលខ្មែរ ប្រភេទ គ្រឿង​សម្អាងចែកចាយបន្ត បានឲ្យដឹងថា ក្រោយពេលមានសង្គ្រាមព្រំដែនកម្ពុជា-ថៃ សម្ទុះ​នៃ​ការ​គាំទ្រផលិតផលជាតិ ពិតជាមានការកើនឡើងគួរឲ្យកត់សម្គាល់ ប៉ុន្តែគាត់នៅមាន ការព្រួយ​បារម្ភ​ខ្លះដោយសាររយៈពេលចុងក្រោយនេះ ការគាំទ្រហាក់មានការថយចុះព្រោះ អ្នក​ខ្លះ​ទោះ​បី​ផលិត​ផល​មួយ​ចំនួនខ្មែរអាចផលិតបាន បែរជានៅនាំគ្នាគាំទ្រផលិតផលរបស់ថៃទៅវិញ។ គួរបញ្ជាក់ថា ជាមោទនភាពយ៉ាងខ្លាំង ដោយនារយៈពេលចុងក្រោយនេះ ប្រជាពលរដ្ឋ កម្ពុជា​ទាំង​ក្នុង​ និងក្រៅប្រទេស បានជួយគាំទ្រផលិតផលជាតិ ជាមួយនោះក្រសួងស្ថាប័នជាច្រើន​ក៏​បាន​បង្កើត​ព្រឹត្តិការណ៍មានការតាំងពិព័រណ៍ផលិតផលជាតិ ដើម្បីផ្សព្វផ្សាយឲ្យប្រជា ពលរដ្ឋ​ផ្សេង​ៗ​បានដឹង ដែលសកម្មភាពទាំងអស់នេះ ក៏បានជំរុញ និងលើកទឹកចិត្តដល់អ្នក ផលិត បង្កើន​ការ​ផលិតបន្ថែមទៀតផងដែរ៕ អត្ថបទ បាន សុខរិទ្ធិ

គ.ជ.ប នឹង​ទទួលបាន SERVERS សម្រាប់គ្រប់​គ្រង​ទិន្នន័យ​អ្នក​បោះឆ្នោត​ដ៏​មាន​សារ​សំខាន់​ពី​ជប៉ុន​

2026/02/18 03:12:40 pm        183
Facebook Telegram Linkin
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា សម្ភារបរិក្ខារ បច្ចេក​ទេសប្រព័ន្ធម៉ាស៊ីនមេ (SERVERS) សម្រាប់​ការ​គ្រប់​គ្រង​ទិន្នន័យ​អ្ន​ក​បោះ​ឆ្នោត​ដែល​ជប៉ុន​ផ្តល់​គឺ ​មានទំហំធំជាងមុន និងបច្ចេកវិទ្យាការរីកចំរើនជាងមុន។ ហើយ​បើ​មាន​បញ្ហា​យ៉ាង​ណា​នោះក៏គ.ជ.ប នៅតែគ្រប់គ្រងស្ថានការណ៍បាន ដោយសារ​ច្បាប់​ដើម​ត្រូវ​រក្សា​ទុកនៅ​ក្នុង​អង្គ​ចង​ចាំ​ប្រកប​ដោយសុវត្ថិភាព។ឯកឧត្តម ហង្ស ពុទ្ធា អ្នកនាំពាក្យ គ.ជ.ប បានឱ្យដឹងថា ជប៉ុន តែងតែយកចិត្តទុកដាក់ក្នុងការ រួម​សហការជាមួយ គ.ជ.ប ក្នុងការផ្តល់ជាបច្ចេកទេស និងសម្ភារ ដើម្បីធានាថា ការ​បោះ​ឆ្នោត​នៅ​កម្ពុជា​​មានភាពសេរី ត្រឹមត្រូវ និងយុត្តិធម៌។ ក្នុងនោះអង់ចង់ចាំដែលជប៉ុនផ្តល់ឲ្យមកកម្ពុជា គឺ​ជា​ការ​បន្ត​និរន្តភាព នៃការរៀបចំបញ្ជីបោះឆ្នោតឲ្យកាន់តែប្រសើរ។ ដោយ​សារ​អង់​ចង​ចាំ​ដែល​ជប៉ុន​ផ្តល់​ឲ្យ​តាំង​ពីឆ្នាំ២០១៦ គឺផុតការធានារ៉ាប់រងទោះបីជាប្រើការបានក៏ដោយ។ ហើយ​ការ​បន្ត​ជួយ​របស់​ជប៉ុន​មាន​ទំហំធំជាងមុន និងបច្ចេកវិទ្យាក៏មានការរីកចំរើនជាងមុន។ឯកឧត្តម​បានបញ្ជាក់ថា ការប្រើប្រាស់អង្គចងចាំរក្សាទុកប្រកបដោយសុវត្ថិភាព ហើយកូពីស្ថាន ភាព​ដដែល​នេះយកមកប្រើប្រាស់ខាងក្រៅ ហើយបើមានការហេកយ៉ាងណានោះ ក៏គ.ជ.ប នៅ​តែ​គ្រប់​គ្រងស្ថានការណ៍បាន ដោយសារ​ច្បាប់​ដើម​ត្រូវ​រក្សា​ទុក​នៅ​ក្នុង​អង់​ចង​ចាំ​ប្រកប​ដោយ​សុវត្ថិភាព​។សូមជម្រាបថា នៅថ្ងៃទី១៩ ខែកុម្ភៈ ឆ្នាំ២០២៦ រដ្ឋាភិបាលជប៉ុន នឹងផ្តល់ជំនួយសម្ភារបរិក្ខារ បច្ចេក​ទេស​ប្រព័ន្ធម៉ាស៊ីនមេ (SERVERS) សម្រាប់ការគ្រប់គ្រងទិន្នន័យអ្នកបោះឆ្នោត ដល់​គណៈ​កម្មាធិការជាតិរៀបចំការបោះឆ្នោត (គ.ជ.ប) ក្រោមអធិបតី​ភាព​ឯក​អគ្គ​រាជ​ទូត​ជប៉ុន​ប្រចាំ​ក​ម្ពុជា និងឯកឧត្តម ប្រាជ្ញា ចន្ទ ប្រធានគណៈកម្មាធិការជាតិរៀបចំការបោះឆ្នោត ដែល​នឹង​ប្រព្រឹត្ត​ទៅ​នៅទីស្តីការ គ.ជ.ប៕ អត្ថបទ៖ វង្ស សុភាព

កម្ពុជាបង្ហាញលទ្ធផលអំពីយុទ្ធនាការប្រឆាំងនឹងឧក្រិដ្ឋកម្មតាមអ៊ីនធឺណែត ជូនអង្គទូតបរទេស​នានា​នៅ​កម្ពុជា

2026/02/18 02:57:56 pm        175
Facebook Telegram Linkin
នៅថ្ងៃនេះ កម្ពុជាបង្ហាញពីយុទ្ធនាការប្រឆាំងនឹងឧក្រិដ្ឋកម្មតាមអ៊ីនធឺណែតជូនអង្គទូតបរទេស ក្រោយ​ធ្វើ​ប្រតិបត្តិការបង្ក្រាបយ៉ាងសកម្មក្នុងរយៈពេលចុងក្រោយនេះ ជាមួយ​នឹង​ការ​ឃាត់​ខ្លួន​ជន​បរទេស​រាប់ពាន់នាក់។ក្រសួងការបរទេស និងសហប្រតិបត្តិការអន្តរជាតិ នៅព្រឹកថ្ងៃទី១៨ ខែកុម្ភៈ ឆ្នាំ២០២៦ នេះ បាន​ធ្វើ​បទបង្ហាញ ស្តីពីយុទ្ធនាការប្រឆាំងនឹងឧក្រិដ្ឋកម្មតាមអ៊ីនធឺណែតជូនអង្គទូតបរទេស ក្រោម​អធិបតី​ភាពលោកជំទាវ អ៊ាត សោភា រដ្ឋលេខាធិការ នៃក្រសួងការបរទេស និង​សហ​ប្រតិបត្តិ​ការ​អន្តរជាតិ និងឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រី និងជាប្រធានលេខាធិការដ្ឋាន នៃ​គណៈកម្មការប្រយុទ្ធប្រឆាំងនឹងការឆបោកតាមអ៊ីនធឺណែត។ អង្គទូតដែលអញ្ជើញ​ចូល​រួម​មាន​ចំនួន​ ២៥អង្គទូត។ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធាន លេខាធិការដ្ឋានគណៈកម្មការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ធ្លាប់បានបញ្ជាក់ថា កម្ពុជា នឹងបន្តកិច្ចសហប្រតិបត្តិការជាមួយបណ្តាប្រទេសជាដៃគូ ដើម្បី​បន្ត​ធ្វើ​ការ​រួម​គ្នា​អនុវត្ត​ប្រតិបត្តិ​ការ​បង្ក្រាប ក្រុមឧក្រិដ្ឋកម្មឆបោកតាមប្រព័ន្ធបច្ចេកវិទ្យាប្រកបដោយសង្គតិភាព សំដៅ​ធ្វើ​យ៉ាង​ណា​បំបែក​សម្បុក ក្រុមឧក្រិដ្ឋជនឱ្យដល់ឬសគល់។ សម្រាប់រាល់ករណីអំពើល្មើសដែលត្រូវបានស្រាវជ្រាវ កំណត់មុខសញ្ញា ជនសង្ស័យ ដោយ​ផ្អែក​តាម​របាយការណ៍ស្រាវជ្រាវច្បាស់លាស់ និងភស្តុតាងជាក់ស្តែង រហូតដល់នីតិវិធី បញ្ជូន​ដល់​ដៃ​តុលាការ​នេះ បានបង្ហាញពីភាពម៉ឺងម៉ាត់របស់សមត្ថកិច្ចកម្ពុជា ក្នុងការអនុវត្តច្បាប់ និងបទ បញ្ជា​ដែល​រាជ​រដ្ឋាភិបាលបានដាក់ចុះ ក្នុងក្របខណ្ឌនៃយុទ្ធនាការបោសសម្អាតការឆបោកតាមប្រព័ន្ធ បច្ចេក​វិទ្យាទូទាំងប្រទេស។រាជរដ្ឋាភិបាលកម្ពុជា មានជំហររឹងមាំ និងជាក់លាក់ក្នុងការដាក់វិធានការបង្ក្រាប និងបោសសម្អាត ទីតាំង និងក្រុមឧក្រិដ្ឋជនឆបោកតាមប្រព័ន្ធបច្ចេកវិទ្យា ក៏ដូចជាការអនុវត្តនីតិវិធីលើមេក្លោង និង​គូកន​។ ទន្ទឹមនេះ កម្ពុជានឹងបន្តកិច្ចសហប្រតិបត្តិការជាមួយបណ្តាប្រទេស ជាដៃគូ ដើម្បីបន្ត​ធ្វើ​ការ​រួម​គ្នាអនុវត្តប្រតិបត្តិការបង្ក្រាបប្រកបដោយសង្គតិភាពសំដៅធ្វើយ៉ាង​ណា​បំបែក​សម្បុក​ក្រុម​ឧ​ក្រិដ្ឋ​ជន​ឱ្យដល់ឫសគល់៕ អត្ថបទ៖ វង្ស សុភាព

ក្រុមហ៊ុន អ័រគីដេ ចុះ MOU ជាមួយសាលា ប៊ែលធី អន្តរជាតិ ដើម្បីផ្តល់អត្ថប្រយោជន៍ជូនដល់អតិថិជនក្រុមហ៊ុនទាំងពីរ

2026/02/18 02:44:57 pm        126
Facebook Telegram Linkin
ក្នុងទិវាថ្ងៃបុណ្យនៃក្តីស្រឡាញ់ ១៤ កុម្ភៈកន្លងទៅនេះ ក្រុមហ៊ុន អ័រគីដេ ឌីវែឡុបម៉ិន និងសាលា ប៊ែលធី អន្តរជាតិ បានរៀបចំពិធីចុះហត្ថលេខាលើអនុស្សរណៈយោគយល់គ្នាលើកិច្ចសហប្រតិបត្តិការល្អដោយផ្តល់ជូននូវអត្ថប្រយោជន៍ជាច្រើនជូនដល់អតិថិជនបុរីអ័រគីដេ និងអ្នកអាណាព្យាបាលសិស្សនៃសាលា ប៊ែលធី អន្តរជាតិ។ ពិធីចុះហត្ថលេខាដ៏មានអត្ថន័យនេះ ធ្វើឡើងក្រោមវត្តមានរបស់ លោក គ្រួច សុភក្ត្រា នាយកចាត់ការទូទៅ នៃក្រុមហ៊ុន អ័រគីដេ ឌីវែឡុបម៉ិន និងឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា នៃសាលា ប៊ែលធី អន្តរជាតិ ។ យោងតាមសេចក្តីប្រកាសព័ត៌មាន ក្រោយចប់ពិធីចុះហត្ថលេខានេះ បានឱ្យដឹង ភាគីទាំងពីរ បានព្រមព្រៀងគ្នា ធ្វើកិច្ចសហប្រតិបត្តិការល្អ ដោយផ្តល់នូវការសម្របសម្រួល និងអត្ថប្រយោជន៍បន្ថែមទៅវិញទៅមកជូនដល់អតិថិជន នៃក្រុមហ៊ុនទាំងពីរ ដែលរួមមាន ១. ផ្តល់ជូនអតិថិជនគ្រប់គម្រោងបុរីអ័រគីដេទាំងអស់ នៃក្រុមហ៊ុន អ័រគីដេ ឌីវែឡុបម៉ិន នូវអាហារូបករណ៍ ឬការបញ្ចុះតម្លៃរហូតដល់ ២0% សម្រាប់ការសិក្សានៅសាលា ប៊ែលធី អន្តរជាតិទី៣០ (សាខាអ័រគីដេ៦អា) ស្ថិតនៅក្នុងបុរី Orkide The Botanic City នេះផ្ទាល់ និងសាលា ប៊ែលធី អន្តរជាតិទី៣២ (សាខាក្រាំងធ្នង់) ដែលជាសាខាដែលនៅកៀកនឹងគម្រោងអ័រគីដេដឹពោធិ៍ចិនតុង។ ដែលការផ្តល់ជូននេះមានរយៈពេលវែងរហូតដល់ទៅ ៥ឆ្នាំសិក្សា។ និង២. ផ្តល់ជូនអ្នកអាណាព្យាបាលសិស្ស ឬបុគ្គលិករបស់សាលា ប៊ែលធី អន្តរជាតិទាំងអស់ នូវការបញ្ចុះតម្លៃពិសេសបន្ថែម ទៅលើការទិញផ្ទះ ឬបន្ទប់ខុនដូ ពីគ្រប់គម្រោងនៃក្រុមហ៊ុន Orkide Development។ រាល់លក្ខខណ្ឌនានាត្រូវបានអនុវត្ត។ លោក គ្រួច សុភក្ត្រា បានគូសបញ្ជាក់ថា រាល់គម្រោងបុរីអ័រគីដេទាំងអស់ មិនត្រឹមតែផ្តល់ជូននូវលំនៅដ្ឋានសម្រាប់រស់នៅប៉ុណ្ណោះទេ ក៏ផ្តល់ជូននូវសហគមន៍មួយប្រកបដោយផាសុកភាព សុវត្ថិភាព និងសុខដុមរមនា។ ជាក់ស្តែងនៅគម្រោង The Botanic City នេះផ្ទាល់ យើងនៅតែបន្តអភិវឌ្ឍនូវហេដ្ឋារចនាសម្ព័ន្ធថ្មីៗ ដូចជា៖ មជ្ឈមណ្ឌលពហុកីឡា ដឹប៊ូតានិចស្ព័តក្លឹបដ៏ធំផ្តាច់គេ ដែលទើបតែបុកគ្រឹះសាងសង់កាលពីពេលថ្មីៗនេះ ដែលផ្តល់ជូននូវកីឡាចម្រុះ និងជាទីកន្លែងលំហែកម្សាន្តដ៏សម្បូរបែប។ ឯកឧត្តម លី ប៊ុនឆៃ បានមានប្រសាសន៍ថា សាលា ប៊ែលធី អន្តរជាតិ មាន ៣៣ទីតាំង និងកម្មវិធីសិក្សា ៥ធំៗ ត្រូវបានទទួលស្គាល់គុណភាពទាំងកម្រិតជាតិ និងអន្តរជាតិ។ ក្នុងនោះ សាលាទទួលបាន ISO កម្រិតជាតិពីវិទ្យាស្ថានស្តង់ដារកម្ពុជា និងកម្រិតអន្តរជាតិពីស្ថាប័ន ACM និង UKAS នៃចក្រភពអង់គ្លេស និងស្ថានប័ន AXE Register នៃសហភាពអឺរ៉ុប ដោយបានរៀបចំបំពេញតាមលក្ខខណ្ឌរបស់ ISO គឺប៊ែលធីស្តង់ដារ ដែលមានគំរូឯកភាពគ្នាតែមួយសម្រាប់អនុវត្តដូចៗគ្នានៅគ្រប់ទីតាំងប៊ែលធីទាំងអស់ ដូចជាស្តង់ដារអគារ បន្ទប់រៀន កម្មវិធីសិក្សាធំៗទាំង៥ កម្មវិធីសិក្សាបន្ថែមទាំង១២ ព្រមទាំងគុណវុឌ្ឍគ្រូបង្រៀន។ សូមបញ្ជាក់ថា គម្រោង Orkide The Botanic City ជាសហគមន៍រស់នៅដ៏ធំមួយ ស្ថិតលើផ្ទៃដីសរុបជាង ២០០ហិចតា  អមដោយទន្លេសងខាងធំៗពីរ គឺទន្លេសាប និងទន្លេមេគង្គ។ គម្រោងនេះ ត្រូវបានបែងចែកជាច្រើនផ្នែកទៀត ដែលមានសក្តានុពលស្អាតដាច់គេ ធំជាងគេនៅក្នុងតំបន់ ដែលភ្ជាប់ជាមួយនឹងផ្លូវសាធារណៈសំខាន់ៗជាច្រើនខ្សែផងដែរ។ ជាពិសេស Orkide The Botanic City ក៏ជាគម្រោងបុរីតែមួយគត់ក្នុងខណ្ឌជ្រោយចង្វារ ដែលផ្តល់ជូននូវសួនច្បារធំទូលាយ និងសម្បូរបែប ផ្លូវដាច់ដោយឡែកសម្រាប់ជិះកង់ ដែលជាក្តីប្រាថ្នានៃការរស់នៅសម្រាប់គ្រួសារទំនើប និងបច្ចុប្បន្ន មានប្រជាពលរដ្ឋកំពុងរស់នៅក្នុងគម្រោងប្រមាណជាង ៣ ០០០គ្រួសារ៕អត្ថបទ៖ ឈិត បូរ៉ាវី

មួយឆ្នាំ២០២៥ មនី្ទរពេទ្យកុមារជាតិ បានពិនិត្យ ពិគ្រោះជំងឺជូនពលរដ្ឋមិនសម្រាកនៅមន្ទីរពេទ្យជាង ២៤ម៉ឺនករណី

2026/02/18 02:36:51 pm        138
Facebook Telegram Linkin
ឆ្នាំ២០២៥កន្លងមកនេះ មនី្ទរពេទ្យកុមារជាតិ បានពិនិត្យ ពិគ្រោះជំងឺក្រៅ មាន ២៤៩,១២៦ករណីអ្នកជំងឺសម្រាកពេទ្យ មាន ៥៥,៤០៥ ករណី អត្រាប្រើប្រាស់គ្រែនៅមន្ទីរពេទ្យ ១៥២% ដោយមានគ្រែសម្រាប់អ្នកជំងឺ ៤០០ គ្រែ។ការលើកឡើងរបស់ឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ យ៉ាងដូច្នេះ ក្នុងពិធីបើកសន្និបាតបូកសរុបការងារឆ្នាំ២០២៥ និងលើកទិសដៅឆាំ្ន២០២៦ របស់មន្ទីរពេទ្យកុមារជាតិ ក្រោមអធិបតីភាពឯកឧត្តមសាស្រ្តាចារ្យ ឈាង រ៉ា រដ្ឋមន្រី្តក្រសួងសុខាភិបាល នាព្រឹកថ្ងៃទី១៨ ខែកុម្ភៈ ឆ្នាំ២០២៦នេះ។ ឯកឧត្តមវេជ្ជបណ្ឌិត នាយកមនី្ទរពេទ្យកុមារជាតិ បន្តថា តាមគំរោងផែនការសកម្មភាពឆ្នាំ២០២៥ របស់មន្ទីរពេទ្យកុមារជាតិ ដោយមានការគំាទ្រជាគោលនយោបាយ  និងយុទ្ធសាស្ត្រយ៉ាងពេញលេញពីក្រសួងសុខាភិបាលដៃគូរអភិវឌ្ឍនានារួមជាមួយ នឹងការប្តេជ្ញាចិត្តខ្ពស់របស់ថ្នាក់ដឹកនាំ និងបុគ្គលិកមន្ទីរពេទ្យកុមារជាតិ ទំាងមូលបានធ្វើអោយមន្ទីរពេទ្យកុមារជាតិ សម្រេចបាននូវសមិទ្ធផលមួយចំនួនគួរជាទីមោទនៈ និងសក្តិសមជា មន្ទីរពេទ្យថ្នាក់ជាតិ ក្នុងការចូលរួមគំាទ្របច្ចេកទេសដល់ មន្ទីរពេទ្យកុមារជាតិនានានៅទូទាំងប្រទេស និងចូលរួមក្នុងការកាត់បន្ថយអត្រាមរណៈភាពកុមារ ទារក បានសមស្រប ទៅតាមគោលដៅដែលបានកំណត់ដោយក្រសួងសុខាភិបាល និងដោយមានការប្តេជ្ញាចិត្តខ្ពស់អនុវត្តតាមគោលនយោបាយរបស់រាជរដ្ឋាភិបាលក្រោមការដឹកនាំដ៏វាងវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងយុទ្ធសាស្ត្ររបស់ក្រសួងសុខាភិបាល ក្រោមការដឹកនាំរបស់ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល។ឯកឧត្តមវេជ្ជបណ្ឌិត ញឹប អង្គាបុស្ស បញ្ជាក់ថា មន្ទីរពេទ្យកុមារជាតិ មានបុគ្គលិកសរុបចំនួន ៧៩៩នាក់ ក្នុងនេះអត្រាភេទស្រី មានច្រើនជាភេទ ប្រុស ដោយភេទស្រីមាន ៤៧៣នាក់ ស្មើ ៦០% ភេទប្រុស ៣២៦នាក់ ស្មើ ៤០%។ មន្ទីរពេទ្យនៅក្នុងឆ្នាំ២០២៥ ទទួលប្រភេទអ្នកជំងឺដែលប្រើប្រាស់ សេវាមន្ទីរពេទ្យរួមមាន៖ - បង់ថ្លៃ មានចំនួន៥៦% - ប្រើប្រាស់ ប.ស.ស មានចំនួន ២៦% - មូលនិធិសមធម៌ មានចំនួន១៧% - មិនបង់ថ្លៃ (គ្មានលទ្ធភាព)១%។ ដើម្បីចូលរួមឆ្លើយតបទៅនឹងការប្តេជ្ញាចិត្តរបស់រាជរដ្ឋាភិបាលនិងក្រសួងសុខាភិបាល ក្នុងការលើកកំពស់គុណភាព លើវិស័យសុខាភិបាលរួមជាមួយ និងការគាំទ្រមិនចេះនឿយហត់ពីសំណាក់ ថ្នាក់ដឹកនាំក្រសួងសុខាភិបាល ថ្នាក់ដឹកនាំព្រមទាំងបុគ្គលិកមន្ទីរពេទ្យកុមារជាតិទាំងអស់ សូមធ្វើការប្តេជ្ញាចិត្តយ៉ាងក្លៀវក្លាក្នុងការចូលរួមលើកកំពស់សេវារបស់មន្ទីរពេទ្យកុមារជាតិ ទាំងបរិមាណ និងគុណភាព ដោយផ្តោតជាពិសេសទៅលើ ក្រមសីសធម៌វិជ្ជាជីវៈដើម្បីពង្រឹងសេវា មន្ទីរពេទ្យកុមារជាតិ ឲ្យឈានទៅដល់កម្រិត បទដ្ឋានមួយដែលផ្តល់នូវទំនុកចិត្តខ្ពស់ពីប្រជាពលរដ្ឋ៕អត្ថបទ រដ្ឋា 

កម្ពុជា រក្សាកំណើនជើងហោះហើរទ្វេទិសជាង១០ភាគរយ ពីមួយសប្តាហ៍ទៅមួយសប្តាហ៍

2026/02/18 02:36:27 pm        175
Facebook Telegram Linkin
អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលបានឱ្យដឹងថា ពីមួយសប្តាហ៍ទៅមួយសប្តាហ៍ នៅ​ក្នុងខែមករា និងកុម្ភៈ ដើមឆ្នាំ២០២៦នេះ ទទួលកំណើនជើងយន្តហោះហើរចេញចូលកម្ពុជា ក្នុង​រង្វង់ជាង ១០ភាគរយ។ឯកឧត្តម ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានប្រាប់BTV ថ្ងៃ​ទី​១៨ ខែកុម្ភៈ នេះថា បច្ចុប្បន្ន គ្រប់ក្រុមហ៊ុនអាកាសចរណ៍ជាតិ និងអន្តរជាតិ ទាំង៣៦ ដែល​បា​នប្រតិបត្តិការបើកជើងហោះហើរចេញចូលកម្ពុជា មានស្ថិរភាព និងរក្សា​កំណើន​ជើង​ហោះ​ហើរ​បាន​ល្អប្រសើរក្នុងនោះ សម្រាប់អាកាសយានដ្ឋានអន្តរជាតិតេជោ TIA នៅរាជធានីភ្នំពេញ មាន​ជើង​យន្ត​ហោះហើរ ចេញចូលជិត១០០០ជើង អាកាសយានដ្ឋានអន្តរជាតិខេត្តសៀមរាប ទទួល​ជើង​ហោះហើ​រទ្វេទិស ប្រមាណ៤០០ជើង និងខេត្តព្រះសីហនុ ប្រមាណ៧០ជើង។ឯកឧត្តម បានឱ្យដឹងបន្តថា ថ្មីៗនេះ រដ្ឋលេខាធិការដ្ឋានអាកាសចរណ៍ស៊ីវិល បានចរចា និងព្រម ព្រៀង​ជា​មួយក្រុមហ៊ុនអាកាសចរណ៍នៅប្រទេសអង់គ្លេស សហការ​ជាមួយ​ក្រុម​ហ៊ុន​អាកាស​ចរណ៍​​នានាទៀត រួមគ្នាផ្សព្វផ្សាយលក់សំបុត្រយន្តហោះ ដឹកជញ្ជូនអ្នកដំណើរ និង​ទេសចរ​ពី​ប្រទេស​អង់គ្លេស​មកប្រទេសកម្ពុជា ។អ្នកដំណើរអន្តរជាតិ បានលើកឡើងថា នៅអាកាសយានដ្ឋានអន្តរជាតិតេជោ ក្នុងអំឡុងពេលនេះ គឺ​ហាក់មានភាពមមាញឹកខ្លាំង ក្នុងការទទួលជើងហោះចេញចូល។ អ្នកដំណើរទាំងនោះ បាន​សន្យា​ថា​នឹង​ជួយផ្សព្វផ្សាយពីកម្ពុជា ដែលមានទីតាំងទស្សនាច្រើន ពិសេសទិសដៅវិនិយោគ និង​ទេសចរណ៍​នៅរាជធានីភ្នំពេញ ខេត្តសៀមរាប ខេត្តព្រះសីហនុ និងខេត្តតាមដងទន្លេមេគង្គ ជា​ដើម​គឺមានសក្តានុពល និងមានសុវត្ថិភាពល្អប្រសើរ។របាយការណ៍រដ្ឋលេខាធិការដ្ឋានអាកាសចរណ៍ស៊ីវិល នៅក្នុងឆ្នាំ២០២៥ តាមអាកាសយដ្ឋាន អន្តរជាតិ​ធំៗទាំង៤នៅកម្ពុជា ទទួលបានអ្នកដំណើរអន្តរជាតិប្រមាណជិត៧លាននាក់ កើន១៣​ភាគ​រយ ចំនួនជើងហោះហើរទេ្វទិសចេញចូលកម្ពុជា មានប្រមាណជាង៥៨០០០ជើង កើនឡើង​១១​ភាគរយ បើប្រៀបធៀបរយៈដូចគ្នាក្នុងឆ្នាំ២០២៤៕ អត្ថបទ៖ ស៊ុម សុខជា 

បណ្ដាញសង្គម

ព័ត៌មានថ្មីៗ

សម្តេចធិបតី៖ ការបញ្ជូនក្មេងទំនើងទៅធ្វើការនៅសមរភូមិមុខ គឺមិនមែនបង្កើតច្បាប់ថ្មី ឬកាន់កាំភ្លើងទេ
05/01/2026 12:05 PM
Facebook Telegram Linkin
សេដ្ឋកិច្ចប្រទេសអ៊ីរ៉ង់ អាចបង្ហាញថាមានភាពធន់ទៅនឹងការបិទផ្លូវទឹករបស់លោក Trump
05/01/2026 12:05 PM
Facebook Telegram Linkin
ជនភៀសខ្លួនអាហ្វហ្គានីស្ថាន ជាប់គាំងនៅព្រំដែនប៉ាគីស្ថាន ខណៈការប្រយុទ្ធគ្នាផ្ទុះឡើងជាថ្មី
05/01/2026 12:05 PM
Facebook Telegram Linkin
ស្ថានទូតអ៊ីរ៉ង់ ច្រានចោលដែលថាខ្លួនជាប់ពាក់ព័ន្ធជាមួយ «សកម្មភាពហិង្សា និងឧបទ្ទវហេតុ» នៅអង់គ្លេស
05/01/2026 11:05 AM
Facebook Telegram Linkin
យោធាអាមេរិកនិយាយថា នាវាកងទ័ពជើងទឹកកំពុងត្រូវបានដាក់បំពេញស្តុកបន្ថែម នៅមជ្ឈិមបូព៌ា
05/01/2026 11:05 AM
Facebook Telegram Linkin
អ៊ីរ៉ង់ ត្រូវបានគេរាយការណ៍ថា កំពុងប្រើប្រាស់បទឈប់បាញ់ដើម្បីទាញយកអាវុធដែលកប់ទុក
05/01/2026 11:05 AM
Facebook Telegram Linkin
ប្រេងអាមេរិកឡើងដល់៤,៣០ដុល្លារក្នុងមួយហ្គាឡុង ដោយលោក Trump និយាយថាតម្លៃនឹងធ្លាក់ចុះក្រោយសង្គ្រាមនៅអ៊ីរ៉ង់
05/01/2026 11:05 AM
Facebook Telegram Linkin
ចិនជំរុញឱ្យសហរដ្ឋអាមេរិករក្សាស្ថិរភាពក្នុងទំនាក់ទំនង ដោយព្រមានថាតៃវ៉ាន់គឺជាចំណុចហានិភ័យ
05/01/2026 11:05 AM
Facebook Telegram Linkin
រដ្ឋមន្រ្ដី៖ បរិមាណកុងតឺន័រឆ្លងកាត់ផែព្រះសីហនុកើនដល់ជាង ១,៣៤លាន TEUs ក្រោយអភិវឌ្ឍបង្កើនសមត្ថភាព
05/01/2026 11:05 AM
Facebook Telegram Linkin
អាវុធហត្ថរាជធានី ឆ្មក់ចុះបង្រ្កាបភោជនីយដ្ឋាន «មហាមេឃ» សង្ស័យបង្កប់សេវាបម្រើផ្លូវភេទ ឃាត់មនុស្សប្រុសស្រី ៥៣នាក់
05/01/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.