BTV NEWS

អ្នកនាំពាក្យ៖ កម្មវិធីនយោបាយ និងការអភិវឌ្ឍរបស់កម្ពុជា បាននិងកំពុងដំណើរការទៅមុខជានិច្ច បើទោះបីកម្ពុជារងការឈ្លានពានពីថៃ

ប្រតិភូសភាប្រើភាសាបារាំង ១៧ប្រទេសធ្វើសិក្ខាសាលា អំពីក្របខ័ណ្ឌ និងការប្រើប្រាស់ឌីជីថលក្នុងសភា

គណបក្សប្រជាជនកម្ពុជា បានទទួលសមាជិកថ្មីជិត១ ០០០នាក់ នៅសង្កាត់រការធំ ខេត្តកំពង់ស្ពឺ

ក្រសួងទេសចរណ៍បើកយុទ្ធនាការ ទស្សនាកម្ពុជានៅរដូវកាលបៃតងឆ្នាំ ២០២៦

ព័ត៌មានជាតិ

ក្រុមគ្រូពេទ្យស្ម័គ្រចិត្តមកពីបារាំងចុះពិនិត្យព្យាបាលជំងឺជូនពលរដ្ឋខេត្តកំពតឥតគិតថ្លៃ

ដោយមានការយកចិត្តទុកដាក់ខ្ពស់ពីសំណាក់រាជរដ្ឋាភិបាល ចំពោះសុខុមាលភាពប្រជាពលរដ្ឋ ក្រុមការងាររាជរដ្ឋាភិបាលចុះមូលដ្ឋានខេត្តកំពត សហការជាមួយមន្ទីរពេទ្យជាដៃគូប្រទេសបារាំង (AMH) និងសមាគមបេសកកម្មមនុស្សធម៌នៅកម្ពុជា បានរៀបចំកម្មវិធីពិនិត្យ និងព្យាបាលជំងឺទូទៅដោយឥតគិតថ្លៃ ជូនប្រជាពលរដ្ឋស្រុកឈូក រយៈពេល ២ថ្ងៃ។កម្មវិធីនេះប្រារព្ធឡើងនៅព្រឹកថ្ងៃទី១៦ ខែកុម្ភៈ ឆ្នាំ២០២៦ ក្នុងបរិវេណវត្តពោធិសត្ថារាម (វត្តដីក្រហម) ភូមិព្រេច ឃុំបឹងនិមល ស្រុកឈូក ខេត្តកំពត ក្រោមអធិបតីភាពឯកឧត្តម យ៉ា សាដេត ទីប្រឹក្សាក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួង។ថ្លែងក្នុងឱកាសនោះ ឯកឧត្តម យ៉ា សាដេត បានលើកឡើងថា ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី រាជរដ្ឋាភិបាលបានដាក់ចេញគោលនយោបាយ និងណែនាំឲ្យអាជ្ញាធរគ្រប់លំដាប់ថ្នាក់ យកចិត្តទុកដាក់ដល់សុខទុក្ខ និងសុខុមាលភាពប្រជាពលរដ្ឋជាចម្បង។ ក្នុងនោះ ប្រធានក្រុមការងារចុះមូលដ្ឋានខេត្តកំពត ឯកឧត្តម សាយ សំអាល់ ឧបនាយករដ្ឋមន្ត្រី តែងតែចុះសាកសួរ និងដោះស្រាយបញ្ហាប្រឈមជូនប្រជាពលរដ្ឋដោយផ្ទាល់។ឯកឧត្តមបានបញ្ជាក់ថា ក្រុមគ្រូពេទ្យស្ម័គ្រចិត្តពីប្រទេសបារាំង តែងចុះមកពិនិត្យ និងព្យាបាលជំងឺដោយឥតគិតថ្លៃជារៀងរាល់ឆ្នាំ នៅខេត្តកំពត កែប និងព្រះសីហនុ ដែលជាការរួមចំណែកដ៏មានតម្លៃក្នុងការលើកកម្ពស់សុខភាពប្រជាពលរដ្ឋ។ក្នុងឱកាសនោះ លោក សៅ មឿន អភិបាលស្រុកឈូក បានថ្លែងអំណរគុណដល់ក្រុមគ្រូពេទ្យស្ម័គ្រចិត្ត និងក្រុមការងាររាជរដ្ឋាភិបាល ដែលបានរៀបចំកម្មវិធីមនុស្សធម៌ដ៏មានសារៈសំខាន់នេះ ដើម្បីជួយសម្រួលបន្ទុកចំណាយ និងលើកកម្ពស់សុខុមាលភាពប្រជាពលរដ្ឋនៅមូលដ្ឋាន៕

ពលរដ្ឋភៀសសឹកជាង ៧០០គ្រួសារកំពុងបន្តស្នាក់នៅបណ្តោះអាសន្នក្នុងជំរំវត្តកោគមន

នៅថ្ងៃទី១៥ ខែកុម្ភៈ ឆ្នាំ២០២៦នេះលោក ចន ផល្លីន អភិបាលរងស្រុកបន្ទាយអំពឹល ខេត្តឧត្តរមានជ័យ និងជាអនុប្រធានអចិន្រ្តៃយ៍គ្រប់គ្រង់ជំរំភៀសសឹក វត្តកោគមន បានឲ្យដឹងថា ចំនួនបងប្អូនប្រជាពលរដ្ឋភៀសសឹកប្រមាណជាង៧០០គ្រួសារដែលមិនអាចទាន់បានវិលត្រឡប់ទៅលំនៅឋានវិញនោះបច្ចុប្បន្នកំពុងបន្តស្នាក់នៅបណ្តោះអាសន្ននៅទីតាំងជំរំសុវត្ថិភាពវត្តកោគមន ដោយទទួលបានការមើលថែយ៉ាងម៉ត់ចត់។តាមរយៈកិច្ចសម្ភាសន៍ជាមួយ BTV លោក ចន ផល្លីន បានលើកឡើងថា រាជាភិបាល និងអាជ្ញាធរខេត្ត បានយកចិត្តទុកដាក់យ៉ាងខ្លាំងចំពោះពលរដ្ឋភៀសសឹក ដែលមិនទាន់អាចត្រឡប់ទៅលំនៅដ្ឋានវិញបាន ជាពិសេស ការគិតគូរលើសុខសុវត្ថិភាពរបស់ពួកគាត់បើតាមលោកអភិបាលរងស្រុកបន្ទាយអំពឹលបានឱ្យដឹងថា បងប្អូនប្រជាពលរដ្ឋភៀសសឹកដែលកំពុងបន្តស្នាក់នៅជាបណ្តោះអាសន្ននៅជំរុំវត្តកោគមន ភាគច្រើនគឺជាពលរដ្ឋមកពីតំបន់ក្បែរព្រំដែន ជប់គគី ថ្មដោន ប្រាសាទតាមាន់ ប្រាសាទតាក្របី ដោយមួយចំនួនសុទ្ធសឹងជាគ្រួសារកងទ័ព ក្នុងតំបន់នោះ។ទន្ទឹមគ្នានោះដែរអាជ្ញាធរស្រុកបានរៀបចំកន្លែងឲ្យបងប្អូនស្នាក់នៅដោយមានការហូបចុកស្នាក់សមរម្យផងដែរមិនឲ្យបងប្អូនភៀសសឹកណាមួយមានការលំបាកខ្វះខាតស្រៀងអាហារ ប្រចាំថ្ងៃនោះឡើយ។សូមបញ្ជាក់ថា ក្រោយមានការប៉ះទង្គិចដោយសង្រ្គាមឈ្លានពានរបស់យោធាថៃ បានធ្វើការបាញ់ប្លោងមកលើអធិបតេយ្យកម្ពុជា បងប្អូនប្រជាពលរដ្ឋភៀសសឹកដំបូងអាជ្ញាធរបានរៀបចំឲ្យស្នាក់នៅជំរំវត្តភ្នំកំបោរ ប៉ុន្តែស្នាក់នៅទីនោះមិនមានសុវត្ថិភាពដោយយោធាថៃនៅបន្តបាញ់ប្លោងក៏បានជម្លៀសមកជំរំចុងកាល់ រួចបន្តឲ្យមកស្នាក់នៅជំរុំវត្តកោគមន វិញដើម្បីងាយស្រួលក្នុងការគ្រប់គ្រង និងបាននៅក្បែរមូលដ្ឋានរបស់បងប្អូនផងដែរ៕ អត្ថបទ៖ ឃិន សារិទ្ធ

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញបញ្ចុះបឋមសិលាសាងសង់ជម្រកបណ្តោះអាសន្នជូនជនភៀសសឹក នៅខេត្តឧត្តរមានជ័យ

នៅថ្ងៃទី១៦ ខែកុម្ភៈ ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អមដំណើរដោយ ឯកឧត្តម គង់ កន្នារិទ្ធ អភិបាលរងខេត្ត បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់ជម្រកបណ្តោះអាសន្នជូនប្រជាពលរដ្ឋភៀសសឹក ក្នុងខេត្តបន្ទាយមានជ័យ។ខេត្តឧត្តរមានជ័យ គឺជាខេត្តទី២ ដែលបានចាប់ផ្តើមសាងសង់ជម្រកបណ្តោះអាសន្ន និងជាយុទ្ធសាស្ត្រវែងឆ្ងាយរបស់រាជរដ្ឋាភិបាល ដោយមិនទុកបងប្អូនប្រជាពលរដ្ឋភៀសសឹកចោលឡើយ ដើម្បីធានាថាបងប្អូនប្រជាពលរដ្ឋភៀសសឹកមានកន្លែងស្នាក់នៅសមរម្យ ប្រកបដោយសុវត្ថិភាព និងសុខុមាលភាព។

ក្រសួងបរិស្ថានកម្ពុជា និងក្រសួងបរិស្ថានជប៉ុន ចុះអនុស្សរណៈជាមួយគ្នាពង្រឹងការងារវិស័យបរិស្ថាន និងអភិរក្សជីវៈចម្រុះ

នៅថ្ងៃទី១៦ ខែកុម្ភៈ ឆ្នាំ២០២៦ នាការិយាល័យរដ្ឋមន្រ្តីក្រសួងបរិស្ថានជប៉ុន ទីក្រុងតូក្យូ ប្រទេសជប៉ុន ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញក្នុងពិធីចុះហត្ថលេខាលើ MOC ជាមួយឯកឧត្តម ISHIHARA Hirotaka រដ្ឋមន្ត្រីក្រសួងបរិស្ថានជប៉ុន។អនុស្សរណៈនៃកិច្ចសហប្រតិបត្តិការ (MoC) ដែលបានចុះហត្ថលេខានាឱកាសនេះ ផ្តោតលើសសរស្តម្ភយុទ្ធសាស្ត្រចំនួន ៤៖១. ការកាត់បន្ថយ និងការសម្របខ្លួនទៅនឹងការប្រែប្រួលអាកាសធាតុ៖ កម្ពុជាមានគោលបំណងកាត់បន្ថយការបញ្ចេញឧស្ម័នផ្ទះកញ្ចក់ឲ្យបាន ៥៥% ត្រឹមឆ្នាំ ២០៣៥ ដោយផ្តោតលើវិស័យថាមពល ឧស្សាហកម្ម កសិកម្ម ព្រៃឈើ និងការគ្រប់គ្រងសំណល់។២. សេដ្ឋកិច្ចចម្រុះ (Circular Economy)៖ ផ្តល់អាទិភាពដល់ការគ្រប់គ្រងសំណល់ប្លាស្ទិក និងការប្រើប្រាស់ធនធានឲ្យមានប្រសិទ្ធភាព ដើម្បីលើកកម្ពស់អនាគតដែល “ស្អាត បៃតង និងចីរភាព”។៣. ការការពារការបំពុល៖ កម្ពុជាមានបំណងធ្វើទំនើបកម្មប្រព័ន្ធតាមដានគុណភាពខ្យល់ ដី និងទឹក ដើម្បីការពារសុខភាពសាធារណៈឲ្យកាន់តែប្រសើរ។៤. ការអភិរក្សជីវៈចម្រុះ៖ ការទទួលស្គាល់ប្រព័ន្ធអេកូឡូស៊ីធម្មជាតិថាជា “ហេដ្ឋារចនាសម្ព័ន្ធធម្មជាតិ”។ ការការពារ និងស្តារឡើងវិញវា គឺមានសារៈសំខាន់ចំពោះការសម្រេចបានគោលដៅអព្យាក្រឹតភាពកាបូនត្រឹមឆ្នាំ ២០៥០៕

អ្នកជំនាញជាតិ-អន្តរជាតិ លើកទឹកចិត្តដល់សហគ្រិនក្នុងស្រុកចាប់យក AI ប្រើប្រាស់ក្នុងអាជីវកម្ម

អ្នកជំនាញជាតិ-អន្តរជាតិ ជំរុញលើកទឹកចិត្តដល់សហគ្រិនក្នុងស្រុក ចាប់យកបញ្ញាសិប្បនិម្មិត(Ai) ប្រើប្រាស់ក្នុងការងារ និងអាជីវកម្ម ដើម្បីបង្កើនផលិតភាពលើផលិតកម្មឱ្យអស់សក្តានុពល និងជំរុញដោយនវានុវត្តន៍ ស្របពេលទីផ្សារក្នុងស្រុកកំពុងមាន តម្រូវការ។លោកបណ្ឌិត កែន បៃ (Ken Bay) អ្នកជំនាញអន្តរជាតិ និងជានាយកដៃគូយុទ្ធសាស្រ្ត Cell Entrust Bio លើកឡើងក្នុងការចូល រួមជាវាគ្មិន ក្នុងវេទិកាជំនួបសហគ្រិនជំរុញសេដ្ឋកិច្ចឆ្នាំ២០២៦ ក្រោមប្រធានបទ៖ (ភាពជាអ្នកដឹកនាំសហគ្រិនសម័យឌីជីថល ២០២៦) (រៀបចំដោយសមាគមសហគ្រិនវីម៉ូកម្ពុជា) នៅចុងសប្តាហ៍កន្លងមកថា ពិភពលោកបានកំពុងដើរតាមបរិបថ ៤.០ និង បានប្តូរផ្លាស់បច្ចេវិទ្យាឌីជីថលសម្រាប់សេដ្ឋកិច្ច-សង្គម ដើម្បីបម្រើដល់មនុស្សជាតិទូទៅដូចជា សម្រាប់អ្នកសិក្សាស្រាវជ្រាវ សម្រួល ក្នុងវិស័យការងារ និងការទំនាក់ទំនង អាជីវកម្ម និងពាណិជ្ជកម្មជាដើម។លោកបណ្ឌិត បន្តថា ក្នុងរបត់ឧស្សាហកម្ម៤.០នេះ បាននិងកំពុងបន្តវិវត្តន៍រីកម្រើនឥតឈប់ឈរ ជាក់ស្តែងនៅក្នុងរយៈពេល ប៉ុន្មានឆ្នាំចុងក្រោយនេះ បច្ចេកវិទ្យាបញ្ញាសិប្បនិម្មិត Ai បានកំពុងពុះកញ្ជោលឡើង, ដោយបច្ចេកវិទ្យា Ai នេះ ចាត់ទុកជាអ្នកជំនួយ ការដ៏ពិសេស ជួយសម្រួលដល់ការងារ ការគ្រប់គ្រង និងការជួយរៀបចំផែនការអភិវឌ្ឍន៍ជាដើម ខណៈបច្ចុប្បន្នពិភពលោកកំពុងត្រូវការប្រព័ន្ធដ៏ឆ្លាតវៃមួយនេះ។លោកបណ្ឌិត ខាត់ បូរ៉ា អ្នកជំនាញក្នុងស្រុក លើកឡើងផងដែរថា ជុំវិញបច្ចេកវិទ្យាឌីជីថលនេះ សម្រាប់កម្ពុជាបាននិងកំពុងក្តោប យកប្រើប្រាស់ទាំងស្ថាប័នរដ្ឋនិងវិស័យឯកជន ហើយលោកបណ្ឌិតរំពឹងថានៅថ្ងៃខាងមុខ ការប្រើប្រាស់បច្ចេកវិទ្យាឌីជីថល ជាពិសេស បញ្ញាសិប្បនិម្មិត Ai កាន់តែរីកចម្រើនថែមទៀត ជួយសម្រួលដល់ប្រតិបតិការផ្សេងៗស្រួលជាងមុន។ ចំណែកទាក់ទងធុរកិច្ចវិញ, វិស័យនេះនឹងសម្រួលគ្រប់ដំណោះស្រាយនៅការអាជីកម្ម ពាណិជ្ជកម្ម និងការវិនិយោគ តែទោះបីយ៉ាងណាប្រព័ន្ធបច្ចេកវិទ្យាក៏អាច បង្កជាហានីភ័យមកវិញផងដែរ ដែលទាមទារឱ្យមានការប្រុងប្រយ័ត្នខ្ពស់ លើការទប់ស្កាត់ដែលកើតឡើយដោយប្រការណាមួយ។លោកបណ្ឌិត សួន ម៉ិ ប្រធានសមាគមសហគ្រិនវីម៉ូកម្ពុជា លើកឡើងថា ទាក់ទិនការធ្វើអាជីវកម្ម សហគ្រិនក្នុងស្រុកបាននិងកំពុង ចាប់យកបច្ចេកវិទ្យាឌីជីថល នៅក្នុងការងារអាជីវកម្មរបស់គាត់ ប៉ុន្តែការប្រើប្រាស់បញ្ញាសិប្បនិម្មិត Ai ឃើញថា នៅមានកម្រិតនៅ ឡើយ ដែលបញ្ហានេះសូមឱ្យម្ចាស់អាជីវកម្ម និងសហគ្រិនក្នុងស្រុកទាំងអស់ ក្តោបយកបញ្ញាសិប្បនិម្មិត Ai បន្ថែមទៀត នៅក្នុងកិច្ចដំណើរការអាជីវកម្ម ដើម្បីឈានទៅរកភាពប្រកួតប្រជែង និងភាពរីកចម្រើនក្នុងអាជីវកម្ម។ដោយឡែកបណ្ឌិត ចូណាថាន់ ជូ (Jonathon Chua) នាយកប្រតិបត្តិនៃការតភ្ជាប់អាជីវកម្មអាស៊ី លើកឡើងផងដែថា ប្រព័ន្ធបច្ចេកវិទ្យាបានធ្វើឱ្យពិភពលោកនៅក្នុងចង្កោមតែមួយ នៃសុខដុមរមនីយ៍កម្មក្នុងប្រតិបត្តិការឆ្លងដែន ដោយមិនត្រឹមតែនៅក្នុង ប្រតិបត្តិការពាណិជ្ជកម្មប៉ុណ្ណោះទេ បច្ចុប្បន្នប្រទេសមួយចំនួនបាននិងកំពុងតភ្ជាប់នៃការទូទាត់រូបិយប័ណ្ណ ដែលផ្តល់ភាពកាន់តែងាយស្រួលដល់លំហូរសាច់ប្រាក់ ជាពិសេសការផ្តល់ភាពងាយស្រួលក្នុងវិស័យទេសចរណ៍ជាដើម៕ អត្ថបទ៖ សុន រ៉ាឌី

បុព្វលាភធានារ៉ាប់រងកើនដល់ ៨៦លានដុល្លារ ក្នុងត្រីមាសទី៤ ឆ្នាំ២០២៥

បុព្វលោភធានារ៉ាប់រងដុលនៅកម្ពុជា ក្នុងត្រីមាសទី៤ ឆ្នាំ ២០២៥ មានប្រមាណជិត ៨៦ លាន ដុល្លារដោយកើនជាង ១៥% បើធៀបនឹងត្រីមាសទី៤ ឆ្នាំ២០២៤ ខណៈការទូទាត់សំណងទៅឱ្យអតិថិជនមានទឹកប្រាក់ជិត ២៣លានដុល្លារ។ នេះបើយោងតាមទិន្នន័យរបស់និយ័តករធានារ៉ាប់រងកម្ពុជា(IRC)។ទិន្នន័យ IRC បង្ហាញថា ក្នុងត្រីមាសចុងក្រោយឆ្នាំ២០២៥ ទឹកប្រាក់បុព្វលាភធានារ៉ាប់រងនៅកម្ពុជាមានសរុប ៨៥,៨ លានដុល្លារ កើនឡើង ១៥,៣៦% បើធៀបនឹងត្រីមាសទី៤ ឆ្នាំ២០២៤ ដែលមាន ៧៣,៣៨ លានដុល្លារ។ ក្នុងនោះ បុព្វលាភធានារ៉ាប់រងអាយុជីវិត (Life Insurance) ៥០,៥៥ លានដុល្លារ កើន ២% ពីចំនួន ៤៩,៥២ លានដុល្លារ, និងធានារ៉ាប់រងទូទៅ (ទ្រព្យសម្បត្តិ សុខភាព អាយុជីវិត អគ្គិភ័យ យានយន្ត វិស្វកម្ម ដឹកញ្ជូន និងហានិភ័យមួយចំនួន) មាន ៣៥,២៥ លានដុល្លារ កើន ៤១,៨% ពី ២៤,៨៥ លានដុល្លារ។ទន្ទឹមនឹងប្រាក់បុព្វលាភនេះ ក្រុមហ៊ុនធានារ៉ាប់រងនៅកម្ពុជា ក៏បានបំពេញកាតព្វកិច្ចរបស់ខ្លួនតាមរយៈការទូទាត់សំណង (Gross Claim Incurred) ជូនអតិថិជនដែលជាការចូលរួមចំណែករក្សាបាននូវស្ថិរភាពហិរញ្ញវត្ថុជូនបុគ្គលជួបហានិភ័យ ឬគ្រោះថ្នាក់ចៃដន្យផ្សេងៗក្នុងទឹកប្រាក់សរុប ២២,៩៦ លានដុល្លារ កើនឡើង ៧,៨៥% បើធៀបរយៈពេលដូចគ្នាឆ្នាំ២០២៤ ដែលមាន ២១,២៨ លានដុល្លារ។ ក្នុងចំនួននេះ គឺធានារ៉ាប់រងអាយុជីវិត ៩,៦៦ លានដុល្លារ ថយចុះ ៣% ពីចំនួន ៩,៩១ លានដុល្លារ និងធានារ៉ាប់រងទូទៅ ១៣,២៩ លានដុល្លារ កើនពី ១៧% ពីចំនួន ១១,៣៧ លានដុល្លារ។ផ្អែកតាម IRC គឺក្នុងត្រីមាសទី៤ ឆ្នាំ២០២៥ ក្រុមហ៊ុនធានារ៉ាប់រងនៅកម្ពុជាទទួលបានប្រាក់ចំណេញ(Underwriting Gain) ចំនួន ១២,៩៣ លានដុល្លារ កើនឡើង ៧% ធៀបនឹងត្រីមាសទី៤ ឆ្នាំ២០២៤៕ អត្ថបទ៖ ធូ វិរៈ

មួយឆ្នាំ២០២៥ មានអ្នកជំងឺមកពិគ្រោះជំងឺតែមិនសម្រាក នៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី

ក្នុងឆ្នាំ២០២៥កន្លងមកនេះ មានអ្នកជំងឺដែលមកពិគ្រោះ ជំងឺតែមិនសម្រាកនៅមន្ទីរពេទ្យមិត្តភាពខ្មែរ-សូវៀត មានចំនួន៧៩៥,៣០៣ករណី កើនឡើង៣១% និងសម្រាកព្យាបាលមានចំនួន ៩០,៧៤៦នាក់ ដែលមានការកើនឡើងជាង ១៥% បើធៀប នឹងឆ្នាំ២០២៤កន្លងមកនេះ។ នេះបើតាម ឯកឧត្តមសាស្រ្តាចារ្យ ងី ម៉េង នាយកមនី្ទរពេទ្យមិត្តភាពខ្មែរ សូវៀត នៃក្រសួងសុខាភិបាល ថ្លែងប្រាប់ BTV នៅថ្ងៃទី១៦ ខែកុម្ភៈ ឆ្នាំ២០២៦នេះ។ ឯកឧត្តមសាស្រ្តាចារ្យ បានឱ្យដឹងថា ជាទូទៅក្នុងមួយថ្ងៃ មានអ្នកជំងឺមកពិគ្រោះជំងឺតែមិនសម្រាកនៅមន្ទីរពេទ្យចន្លោះពី២.០០០នាក់ ទៅ៣.០០០នាក់ ចំណែកអ្នកជំងឺសម្រាកក្នុងមនី្ទរពេទ្យ មានចំនួនចន្លោះពី១.០០០នាក់ ទៅ២.០០០នាក់។ ចំនួនដែលកើនឡើងនេះ គឺជាការសម្តែងអំពីការជឿទុកចិត្តពីបងប្អូនប្រជាពលរដ្ឋ និងការជឿទុកចិត្តកាន់តែខ្លាំង មកលើមនី្ទរពេទ្យមិត្តភាពខ្មែរ-សូវៀត យើង។ជាចុងក្រោយឯកឧត្តមសាស្រ្តាចារ្យ ងី ម៉េង បានថ្លែងអំណរគុណដ៏ជ្រាលជ្រៅបំផុតចំពោះឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ដែលតែងតែចង្អុលបង្ហាញ ណែនាំ និងជួយបណ្តុះបណ្តាល ភាពជាអ្នកដឹកនាំដល់ថ្នាក់ដឹកនាំយើងទាំងអស់គ្នា ព្រមទាំងបានជួយជ្រោមជ្រែងជានិច្ចកាល ទើបធ្វើឲ្យមន្ទីរពេទ្យមិត្តភាពខ្មែរ-សូវៀតមានការរីកចំរើន និងអាចជួយដល់ប្រជាពលរដ្ឋយើងឲ្យទទួលបានការផ្តល់សេវាថែទាំ និងព្យាបាលប្រកបដោយគុណភាព សមធម៌ និងប្រសិទ្ធភាពខ្ពស់៕អត្ថបទ រដ្ឋា

យុវជនយល់ថា លំហសិទ្ធិសេរីភាពជំនឿសាសនា ជាការផ្ដល់ភាពកក់ក្ដៅជូនពលរដ្ឋ និងអ្នកវិនិយោគ

ក្រុមយុវជន បានលើកឡើងថា លំហទូលំទូលាយនៃសិទ្ធិសេរីភាព លើការគោរពខាងជំនឿសាសនា និងប្រពៃណី របស់ពលរដ្ឋកម្ពុជា គឺជាភស្ដុតាងបញ្ជាក់ ពីដំណើរលទ្ធិប្រជាធិបតេយ្យ និងការគោរពសិទ្ធិមនុស្ស ហើយការបើកលំហសេរីភាពនេះ ក៏ជាការផ្ដល់ភាពកក់ក្ដៅជូនពលរដ្ឋ និងអ្នកវិនិយោគដែរ។យុវជន នៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ចំនួន៣នាក់ បានប្រាប់ BTV នៅថ្ងៃទី១៦ ខែកុម្ភៈនេះថា រាជរដ្ឋាភិបាល បានបើកលំហយ៉ាងទូលាយ ចំពោះសិទ្ធិសេរីភាពរបស់ប្រជាពលរដ្ឋ។ ជាក់ស្ដែងពលរដ្ឋ មានសិទ្ធិសេរីភាពពេញលេញ ក្នុងការគោរពប្រតិបត្តិជំនឿ សាសនា និងប្រពៃណី ដែលពួកគេជឿជាក់ ដោយគ្មានការឃាត់នោះឡើយ។ ជាក់ស្ដែងនៅក្នុងឱកាសពិធីបុណ្យចូលឆ្នាំថ្មីប្រពៃណី ចិន និងវៀតណាមនេះ ពលរដ្ឋដែលជាប់សែស្រឡាយចិន-វៀតណាម បានប្រារព្ធពិធីបុណ្យចូលឆ្នាំថ្មីរបស់ពួកគេ នៅកម្ពុជា យ៉ាងរីករាយ។ គួរជម្រាបជូនថា ពិធីបុណ្យចូលឆ្នាំថ្មីប្រពៃណី ចិន និងវៀតណាម នៅឆ្នាំ២០២៦នេះ មានរយៈពេល ៤ថ្ងៃ គឺចាប់ពីថ្ងៃទី១៦ ដល់ថ្ងៃទី១៩ ខែកុម្ភៈ។ ប្រជាពលរដ្ឋខ្មែរ ដែលជាប់ សែស្រឡាយចិន និងវៀតណាម បានប្រារព្ធពិធីបុណ្យចូលឆ្នាំថ្មីប្រពៃណីជាតិរបស់ពួកគេ យ៉ាងរីករាយ ដើម្បីទទួលនូវលាភសំណាង និងពរជ័យមកក្នុងក្រុមគ្រួសាររបស់ពួកគេ៕ អត្ថបទ៖ លៀ ស៊ីណា

បក្សនយោបាយ និងតំណាងនិស្សិតខ្មែរមានសុទិដ្ឋិនិយមចំពោះទស្សនកិច្ចសម្តេចធិបតីនៅអាមេរិក និងអឺរ៉ុប

គណបក្សនយោបាយ និងតំណាងនិស្សិតខ្មែរដែលកំពុងសិក្សាក្នុងអឺរ៉ុប បានបង្ហាញសុទិដ្ឋិនិយមចំពោះដំណើរទស្សនកិច្ចរបស់សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាពដែលនឹងប្រព្រឹត្តទៅនៅថ្ងៃទី១៩ ខែកុម្ភៈ ឆ្នាំ២០២៦នេះ និងទស្សនកិច្ចនៅប្រទេសមួយចំនួននៅអឺរ៉ុប គឺពិតជាមានសារសំខាន់និងបង្ហាញពីភាពខ្លាំងរបស់កម្ពុជាសម្រាប់ចលនាការទូត។ លោកជំទាវ ពោធិតី សាវត្ថី ប្រធានគណបក្សធម្មាធិបតេយ្យ បានមានប្រសាសន៍ថា ជាកិត្តិយសសម្រាប់ប្រទេសកម្ពុជាដែលឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក បានអញ្ជើញសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាព ដែលនឹងប្រព្រឹត្តទៅនៅថ្ងៃទី១៩ ខែកុម្ភៈ ឆ្នាំ២០២៦ ក្នុងរដ្ឋធានីវ៉ាស៊ីនតោន សហរដ្ឋអាម៉េរិក។ ពីព្រោះវាមានសារសំខាន់សម្រាប់កម្ពុជា។ ចំណែកលោក ខឺយ ស៊ីនឿន តំណាងនិស្សិតខ្មែរដែលកំពុងសិក្សានៅប្រទេសអ៊ីតាលី និងក្នុងអឺរ៉ុប បានសាទរចំពោះដំណើរទស្សនកិច្ចរបស់សម្តេចធិបតី ហ៊ុន ម៉ាណែត ទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាពនៅសហរដ្ឋអាម៉េរិក និងធ្វើទស្សនកិច្ចនៅអឺរ៉ុប។ ដោយទស្សនកិច្ចដ៏មានសារសំខាន់នេះ និងបង្ហាញពីភាពខ្លាំងរបស់កម្ពុជាសម្រាប់ចលនាការទូតដែលបានគិតគូរយ៉ាងម៉ត់ចត់នៅក្នុងក្របខណ្ឌនយោបាយការបរទេស។សូមជម្រាបថា សម្តេចធិបតី ហ៊ុន ម៉ាណែត នាយករដ្ឋមន្រ្ដី កាលពីយប់ថ្ងៃទី១៥ ខែកុម្ភៈ ឆ្នាំ២០២៦ បានដឹកនាំគណៈប្រតិភូជាន់ខ្ពស់អញ្ជើញទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាពនៅថ្ងៃទី១៩ ខែកុម្ភៈ ឆ្នាំ២០២៦។ កិច្ចប្រជុំនេះគឺជាការចាប់ផ្តើមជាផ្លូវការនៃអាណត្តិការងាររបស់ក្រុមប្រឹក្សាសន្តិភាព ស្របតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលត្រូវបានអនុម័តកាលពីថ្ងៃទី១៧ ខែវិច្ឆិកា ឆ្នាំ២០២៥ ក្នុងគោលដៅជំរុញសន្តិភាព និងកិច្ចខិតខំប្រឹងប្រែងឆ្ពោះទៅរកការកសាងឡើងវិញ នៅតំបន់ហ្គាហ្សា។ ជាមួយគ្នានេះដែរ មេដឹកនាំដែលអញ្ជើញចូលរួមកិច្ចប្រជុំនេះក៏រំពឹងថានឹងពិភាក្សាគ្នាយ៉ាងទូលំទូលាយអំពីសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក៕ អត្ថបទ៖ វង្ស សុភាព

ក្រសួងអប់រំ ត្រូវការគ្រូបង្រៀនប្រមាណ៣ម៉ឺននាក់បន្ថែមទៀត ដើម្បីបំពេញបញ្ហាខ្វះគ្រូបង្រៀន

ក្រសួងអប់រំ យុវជន និងកីឡា ត្រូវការគ្រូបង្រៀនបន្ថែមរហូតដល់ប្រមាណ ៣ម៉ឺននាក់ ដើម្បីទៅបំពេញបញ្ហាខ្វះគ្រូបង្រៀន។ នេះបើយោងតាមរបាយការណ៍បូកសរុបការងារប្រចាំឆ្នាំសិក្សា ២០២៤-២០២៥ របស់ក្រសួងអប់រំ យុវជន និងកីឡា។ក្រសួងអប់រំ យុវជន និងកីឡា បច្ចុប្បន្នត្រូវការគ្រូបង្រៀនបន្ថែមរហូតដល់៣១ ៩៧៨នាក់ ដើម្បីដោះស្រាយបញ្ហាខ្វះគ្រូបង្រៀន។ ចំនួនត្រូវការគ្រូបង្រៀនទាំងប្រមាណ ៣ម៉ឺននាក់ គឺសម្រាប់គ្រប់កម្រិតសិក្សា ដោយចាប់រាប់ពីមតេយ្យសិក្សា រហូតដល់ថ្នាក់វិទ្យាល័យ។ តាមរបាយកាណ៍របស់ក្រសួងអប់រំបញ្ជាក់លម្អិតថា តម្រូវការគ្រូបង្រៀនច្រើនបំផុតគឺនៅកម្រិតបឋមសិក្សាដែលមានមតេយ្យសិក្សានៅជាមួយ។ កម្រិតថ្នាក់នេះ ត្រូវការគ្រូបង្រៀនបន្ថែមរហូតដល់ជាង ២៥ ០០០នាក់។ពាក់ព័ន្ធនឹងបញ្ហានេះដែរ លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានលើកឡើងបន្ថែមដែរថា បច្ចុប្បន្នក្រសួងមុខងារសាធារណៈកំពុងសហការជាមួយក្រសួងអប់រំក្នុងការធ្វើជំរឿន ដើម្បីទទួលបានទិន្នន័យកាន់តែច្បាស់លាស់ ឈានទៅការរៀបចំផែនការ និងយន្តការឱ្យបានច្បាស់លាស់ និងគ្រប់គ្រងគ្រូបង្រៀនប្រកបដោយប្រសិទ្ធភាព។ទន្ទឹមគ្នានេះដែរ ក្រសួងក៏កំពុងពិភាក្សាពីការជ្រើសរើសគ្រូបង្រៀនផ្អែកលើកិច្ចព្រមព្រៀងការងារសម្រាប់ខេត្ត២០ទៀត។ ឆ្នាំ ២០២៥កន្លងទៅ ក្រសួងអប់រំ យុវជន និងកីឡា ក៏បានជ្រើសរើសគ្រូបង្រៀនផ្អែកលើកិច្ចព្រមព្រៀងការងារ សម្រាប់ខេត្ត ព្រៃវែង ត្បូងឃ្មុំ កំពង់ចាម បាត់ដំបង និងខេត្តតាកែវ រួចមកហើយ។លោកស្រី អ្នកនាំពាក្យក្រសួងអប់រំ បានលើកឡើងដែរថា ការបណ្តុះបណ្តាលគ្រូបឋម និងអនុវិទ្យាល័យមាន ២កម្មវិធី គឺ ១២ បូក៤ និងបរិញ្ញាបត្របូក ១ ដូច្នេះបេក្ខជនដែលមានបំណងក្លាយជាគ្រូ អាចជ្រើសរើសដាក់ពាក្យក្នុងកម្មវិធីណាមួយ។ ដោយឡែក គ្រូវិទ្យាល័យ គឺត្រូវមានបរិញ្ញាបត្រ ហើយរៀន ២ឆ្នាំបន្តនៅវិទ្យាស្ថានគរុកោសល្យ៕ អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

កូរ៉េខាងជើងច្រានចោលការចោទប្រកាន់របស់អាមេរិកថា ទីក្រុងព្យុងយ៉ាង គឺជាការគំរាមកំហែងតាមប្រព័ន្ធអ៊ីនធឺណិត

ប្រធានាធិបតីគុយបាបរិហារទណ្ឌកម្មថ្មីរបស់សហរដ្ឋអាមេរិកលើប្រទេសរបស់លោក

មនុស្ស ១១នាក់ស្លាប់ ក្នុងហេតុការណ៍ក្រឡាប់រថយន្តក្រុងនៅភាគខាងលិចម៉ិកស៊ិក

ក្រុមមន្រ្តីនិយាយថា សហរដ្ឋអាមេរិកដកទាហាន ៥ពាន់នាក់ចេញពីប្រទេសអាល្លឺម៉ង់

ជម្លោះនៅតែកើតមានរវាងក្រុមហេសបូឡា និងអ៊ីស្រាអែលនៅតំបន់ភាគខាងត្បូងលីបង់

លោក Trump និយាយថា មានលទ្ធភាពដែលអាមេរិកអាចចាប់ផ្តើមវាយប្រហារអ៊ីរ៉ង់ម្តងទៀត

មនុស្សយ៉ាងហោច ៩នាក់ស្លាប់ ក្នុងហេតុការណ៍អគ្គិភ័យនៅទីក្រុងញូវដែល្លី ប្រទេសឥណ្ឌា

សហរដ្ឋអាមេរិកអនុម័តលក់អាវុធតម្លៃ ៨,៦ពាន់លានដុល្លារដល់សម្ព័ន្ធមិត្តមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រុមគ្រូពេទ្យស្ម័គ្រចិត្តមកពីបារាំងចុះពិនិត្យព្យាបាលជំងឺជូនពលរដ្ឋខេត្តកំពតឥតគិតថ្លៃ

ពលរដ្ឋភៀសសឹកជាង ៧០០គ្រួសារកំពុងបន្តស្នាក់នៅបណ្តោះអាសន្នក្នុងជំរំវត្តកោគមន

អ្នកជំនាញជាតិ-អន្តរជាតិ លើកទឹកចិត្តដល់សហគ្រិនក្នុងស្រុកចាប់យក AI ប្រើប្រាស់ក្នុងអាជីវកម្ម

បុព្វលាភធានារ៉ាប់រងកើនដល់ ៨៦លានដុល្លារ ក្នុងត្រីមាសទី៤ ឆ្នាំ២០២៥

មួយឆ្នាំ២០២៥ មានអ្នកជំងឺមកពិគ្រោះជំងឺតែមិនសម្រាក នៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី

យុវជនយល់ថា លំហសិទ្ធិសេរីភាពជំនឿសាសនា ជាការផ្ដល់ភាពកក់ក្ដៅជូនពលរដ្ឋ និងអ្នកវិនិយោគ

បក្សនយោបាយ និងតំណាងនិស្សិតខ្មែរមានសុទិដ្ឋិនិយមចំពោះទស្សនកិច្ចសម្តេចធិបតីនៅអាមេរិក និងអឺរ៉ុប

ក្រសួងអប់រំ ត្រូវការគ្រូបង្រៀនប្រមាណ៣ម៉ឺននាក់បន្ថែមទៀត ដើម្បីបំពេញបញ្ហាខ្វះគ្រូបង្រៀន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រុមគ្រូពេទ្យស្ម័គ្រចិត្តមកពីបារាំងចុះពិនិត្យព្យាបាលជំងឺជូនពលរដ្ឋខេត្តកំពតឥតគិតថ្លៃ

ពលរដ្ឋភៀសសឹកជាង ៧០០គ្រួសារកំពុងបន្តស្នាក់នៅបណ្តោះអាសន្នក្នុងជំរំវត្តកោគមន

អ្នកជំនាញជាតិ-អន្តរជាតិ លើកទឹកចិត្តដល់សហគ្រិនក្នុងស្រុកចាប់យក AI ប្រើ​ប្រាស់​ក្នុង​អាជីវកម្ម

បុព្វលាភធានារ៉ាប់រងកើនដល់ ៨៦លានដុល្លារ ក្នុងត្រីមាសទី៤ ឆ្នាំ២០២៥

មួយឆ្នាំ២០២៥ មានអ្នកជំងឺមកពិគ្រោះជំងឺតែមិនសម្រាក នៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី

យុវជនយល់ថា លំហសិទ្ធិសេរីភាពជំនឿសាសនា ជាការផ្ដល់ភាពកក់ក្ដៅជូនពលរដ្ឋ និង​អ្នក​វិនិយោគ

ក្រសួងអប់រំ ត្រូវការគ្រូបង្រៀនប្រមាណ៣ម៉ឺននាក់បន្ថែមទៀត ដើម្បីបំពេញបញ្ហាខ្វះគ្រូបង្រៀន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកជំនាញជាតិ-អន្តរជាតិ លើកទឹកចិត្តដល់សហគ្រិនក្នុងស្រុកចាប់យក AI ប្រើប្រាស់ក្នុងអាជីវកម្ម

យុវជនយល់ថា លំហសិទ្ធិសេរីភាពជំនឿសាសនា ជាការផ្ដល់ភាពកក់ក្ដៅជូនពលរដ្ឋ និងអ្នកវិនិយោគ