នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អភិបាលខេត្តចំនួន៤ រួមគ្នាពង្រឹងយន្ដការក្នុងកិច្ចការពារតំបន់ការពារធម្មជាតិ «ព្រៃឡង់» ឱ្យកាន់តែរឹងមាំ និងមានប្រសិទ្ធភាព !
ស្រ្តីឈ្មោះ ព្រឿន សាក់ឡែន ជាអ្នកនាំទុរេនថៃមកចូលខ្មែរត្រូវបានឃាត់ខ្លួន ខណៈសមត្ថកិច្ចខេត្តបាត់ដំបងកំពុងស្រាវជ្រាវរកអ្នកពាក់ព័ន្ធដើម្បីចាត់វិធានការច្បាប់
រដ្ឋសភាកម្ពុជា ជូនដំណឹងដល់ភាគីសភាអឺរ៉ុប អំពីការផ្តល់សច្ចាប័នលើអនុសញ្ញាអង្គការសហប្រជាជាតិ ស្តីពីនីតិសមុទ្ររបស់កម្ពុជា
សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញ​ចូលរួមកិច្ចប្រជុំកំពូលអាស៊ាន លើកទី៤៨ នៅ​កោះសេប៊ូ សាធារណរដ្ឋហ្វីលីពីន

ព័ត៌មានជាតិ

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ចុះពិនិត្យការរៀបចំហេដ្ឋារចនាសម្ព័ន្ធលើទីតាំងសម្រាប់សាងសង់ជម្រកបណ្តោះអាសន្ន

2026/02/10 08:28:14 pm        207
Facebook Telegram Linkin
នៅរសៀលថ្ងៃទី១០ ខែកុម្ភៈ ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ រួមជាមួយ នាយឧត្តមសេនីយ៍ ខេង សុមេធ មេបញ្ជាការកងវិស្វកម្មតេជោ ហ៊ុនសែន-សៀមរាប បានអញ្ជើញចុះពិនិត្យការរៀបចំហេដ្ឋារចនាសម្ព័ន្ធនៅលើទីតាំងសម្រាប់សាងសង់ជម្រកបណ្តោះអាសន្នជូនប្រជាពលរដ្ឋភៀសសឹក នៅក្នុងខេត្តបន្ទាយមានជ័យ។

ជន​បរទេស ៤៨៥ នាក់ទៀត ត្រូវបានបណ្ដេញចេញ​ពី​កម្ពុជាពាក់ព័ន្ធករណីឆបោកតាមប្រព័ន្ធបច្ចេកវិទ្យា

2026/02/10 08:22:44 pm        215
Facebook Telegram Linkin
នៅថ្ងៃទី៩ ខែកុម្ភៈ ឆ្នាំ២០២៦ អនុវត្តតាម​អនុសាសន៍​​ដ៏ខ្ពង់ខ្ពស់ របស់​ឯកឧត្តម​អភិ​សន្តិ​បណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, ឯកឧត្តម ឧត្តមសេនីយ៍ឯក សុខ វាសនា អគ្គនាយក​អន្តោ​ប្រវេសន៍ បានណែនាំឱ្យនាយកដ្ឋានស៊ើបអង្កេត និង​អនុវត្ត​នីតិវិធី បន្តធ្វើ​ការ​បណ្តេញ​ជន​បរទេស​សរុបចំនួន ៤៨៥នាក់ (ស្រី ១នាក់) មាន ៥សញ្ជាតិ រួមមាន បង់ក្លាដេស ប៉ាគីស្ថាន ចិន ឥណ្ឌា និងរុស្សី ចេញ​ពី​ព្រះរាជាណា​ចក្រ​កម្ពុជា ក្នុងនោះមានជនជាតិចិនចំនួន ៤៧៧នាក់ (ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ចំនួន៣១៩នាក់ ) ត្រូវបានបណ្ដេញចេញតាមប៉ុស្តិ៍នគរបាលច្រកទ្វារអាកាសអន្តរជាតិតេជោ និងមួយចំនួនទៀតពាក់​ព័ន្ធករណីលួចឆ្លងដែន ស្នាក់នៅធ្វើ​ការងារ​ខុស​ច្បាប់ក្នុងព្រះរាជាណាចក្រកម្ពុជា។ការបណ្ដេញចេញជនជាតិបរទេសខាងលើនេះ គឺជាការអនុវត្តតាមវិធានការច្បាប់យ៉ាងម៉ឺងម៉ាត់របស់រាជរដ្ឋាភិបាល នៃព្រះរាជាណាចក្រកម្ពុជា ក្នុងកិច្ចខិតខំប្រឹងប្រែងបោសសំអាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ធានាការពារសុវត្ថិភាពជូនប្រជាពលរដ្ឋទាំងក្នុងតំបន់ និងសកលលោក ដោយគ្មានការលើកលែងនោះឡើយចំពោះមេខ្លោងដែលនៅពីក្រោយ ក៏ដូចជាការជួយសង្គ្រោះជនរងគ្រោះដែលត្រូវមេខ្លោងបោកបញ្ឆោតឱ្យមកធ្វើការក្នុងសកម្មភាពឆបោកតាមប្រព័ន្ធបច្ចេកវិទ្យា ហើយមានសេរីភាព និងអាចវិលត្រឡប់ទៅប្រទេសរបស់ខ្លួនវិញ៕

ក្នុងខែដំបូងឆ្នាំនេះ ការដោះដូរពាណិជ្ជកម្មអន្តរជាតិរបស់កម្ពុជា មានទឹកប្រាក់សរុបជាង ៦ ពាន់លានដុល្លារ

2026/02/10 05:50:21 pm        147
Facebook Telegram Linkin
ភ្នំពេញ៖ ក្នុងខែមករា ឆ្នាំ២០២៦ ទំហំពាណិជ្ជកម្មរវាងកម្ពុជា និងទីផ្សារអន្តរជាតិ សម្រេចបានជាង ៦ពាន់លានដុល្លារ កើនឡើង ១៩.១% បើធៀបរយៈពេលដូចគ្នា ឆ្នាំ២០២៥ ដែលមានទំហំប្រមាណជាង ៥ពាន់លានដុល្លារ។ នេះបើយោងតាមរបាយការណ៍ របស់អគ្គនាយកដ្ឋានគយ និងរដ្ឋាករកម្ពុជា។របាយការណ៍បានបញ្ជាក់ថា ក្នុងខែមករា ឆ្នាំ២០២៦ កម្ពុជាបាននាំចេញទំនិញ ក្នុងតម្លៃជាង ២,៩១៩លានដុល្លារ កើនឡើង២៦.៦%។ ចំណែកការនាំចូលទំនិញមកវិញមានតម្លៃ ៣,១០៤ លានដុល្លារ កើនឡើង ១២.៨% បើធៀបនឹងរយៈពេលដូចគ្នា កាលឆ្នាំ២០២៥។ចិននៅតែជាដៃគូពាណិជ្ជកម្មឈានមុខគេរបស់កម្ពុជា ដោយសម្រេចបាននូវទំហំពាណិជ្ជកម្មប្រមាណ ១,៩០៤លានដុល្លារ ក្នុងនោះកម្ពុជានាំចេញទៅចិនជាង ១៦៤លានដុល្លារ ស្របពេលដែលចិន នាំចូលមកកម្ពុជាវិញមានតម្លៃជាង ១,៧៤០លានដុល្លារ។ចំណែកសហរដ្ឋអាមេរិក ស្ថិតនៅលំដាប់ទី២ ដោយភាគីទាំងពីរ សម្រេចបានទំហំពាណិជ្ជកម្មជាង ១,៣២១លានដុល្លារ កើនឡើង៤៨% ក្នុងនោះកម្ពុជានាំចេញទៅអាមេរិក មានតម្លៃ ១,២៨២លានដុល្លារ និងអាមេរិកនាំមកកម្ពុជាវិញ ក្នុងតម្លៃជាង៣៨លានដុល្លារ។តាមរយៈរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ដដែលបានបង្ហាញថា ទំហំពាណិជ្ជកម្មដែលកម្ពុជា បានដោះដូរពាណិជ្ជកម្មជាមួយប្រទេសសំខាន់ ដូចជា វៀតណាម ជប៉ុន កាណាដា អេស្ប៉ាញ ឥណ្ដូនេស៊ី អង់គ្លេស ជាដើម សុទ្ធតែសម្រេចបាននូវកំណើនដ៏ល្អប្រសើរ៕អត្ថបទ៖ សុន រ៉ាឌី

ក្រសួងអភិវឌ្ឍន៍ជនបទ តភ្ជាប់ផ្លូវមួយខ្សែពីផ្លូវជាតិលេខ២ ទៅព្រលានយន្តហោះអន្តរជាតិតេជោ កាត់បន្ថយពេលវេលាធ្វើដំណើរ

2026/02/10 05:45:09 pm        442
Facebook Telegram Linkin
កណ្ដាល៖ តំណាងឯកឧត្តម ឆាយ ឫទ្ធិសែន រដ្ឋក្រសួងអភិវឌ្ឍន៍ជនបទ បើកការដ្ឋានការងារលើកកម្រិតគុណភាពផ្លូវក្រាលកៅស៊ូពីរជាន់ ១ខ្សែ ស្ថាបនាលូប្រអប់ ២កន្លែង និងសំណង់ដោះទឹករាងអក្សរអ៊ុយ ប្រវែង ៣០០ម៉ែត្រ នៅឃុំកណ្តោក ស្រុកកណ្តាលស្ទឹង ខេត្តកណ្ដាលស្ទឹង​ ដែលផ្លូវនេះ តភ្ជាប់ពីផ្លូវជាតិលេខ២ ទៅកាន់ផ្លូវបេតុង នៃតំបន់អាកាសយានដ្ឋានតេជោតាខ្មៅ ដើម្បីងាយស្រួលដល់ការធ្វើដំណើរ និងកាត់បន្ថយពេលវេលា ។ក្នុងពិធីបើកការដ្ឋានស្ថាបនាផ្លូវ និងសំណេះសំណាលជាមួយអាជ្ញាធរ និងពលរដ្ឋរស់នៅអមសងខាងផ្លូវ នៅថ្ងៃទី១០ ខែកុម្ភៈ ឆ្នាំ២០២៦ ឯកឧត្តម ឈឹម សៅគី រដ្ឋលេខាធិការក្រសួងអភិវឌ្ឍន៍ជនបទ មានប្រសាសន៍ថា ផ្លូវមួយខ្សែនេះ ស្ថានាឡើង ដើម្បីជួយសម្រួលដល់ការធ្វើដំណើរ ការដឹកជញ្ជូនកសិផល និងសេវាសាធារណៈនានា បង្កើនការតភ្ជាប់រវាងភូមិ ទៅភូមិ និងឃុំទៅឃុំ និងអាចប្រើប្រាស់បានគ្រប់រដូវកាល ដោយចំណេញបានទាំងពេលវេលា និងថវិកា ជាពិសេសដើម្បីជួយលើកម្ពស់ការផ្ដល់សេវាទេសចរណ៍ក្នុងតំបន់ ។ ឯកឧត្តមបានបន្តថា ពិធីបើកការដ្ឋាននាពេលនេះ អាចប្រព្រឹត្តទៅបានគឺដោយសារគុណបំណាច់នៃ «សុខសន្តិភាព» ដែលកើតចេញពីការលះបង់ដ៏ធំធេង និងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះ ឈ្នះ ដែលនាំមកនូវសន្តិភាព និងឯកភាពជាតិពេញលេញទូទាំងប្រទេស ។ឯកឧត្តមរដ្ឋលេខាធិការ បានបន្ថែមថា រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ចេញនូវគោលការណ៍ «ពង្រឹង ៧០ភាគរយ និងពង្រីក ៣០ភាគរយ» ក្នុងគោលដៅពិនិត្យឡើងវិញ និងកែលម្អនូវសមត្ថភាព ដើម្បីលើកកម្ពស់ប្រសិទ្ធភាព និងស័ក្តិសិទ្ធិភាព នៃការអភិវឌ្ឍប្រទេសជាតិស្របតាមយុទ្ធសាស្ត្របញ្ចកោណ ដំណាក់កាលទី១ ដែលបានកំណត់អាទិភាពគន្លឹះ ៥គឺ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្រោមបាវចនាដើម្បីកំណើន ការងារ សមធម៌ ប្រសិទ្ធភាព និងចីរភាព ក្នុងគោលដៅអភិវឌ្ឍប្រទេសឈានឆ្ពោះទៅសម្រេចចក្ខុវិស័យ «កម្ពុជាជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០» ។ ឯកឧត្តម ឈឹម សៅគី បានបន្តទៀតថា ដើម្បីរួមចំណែកអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ក្រសួងអភិវឌ្ឍន៍ជនបទ បានដាក់ចេញនូវគោលនយោបាយជាតិ ស្តីពីការអភិវឌ្ឍជនបទ ឆ្នាំ២០២៥-២០៣៥ ដោយបានកំណត់ចក្ខុវិស័យ «កសាងសង្គមជនបទកម្ពុជា ឱ្យមានវិបុលភាពប្រកបដោយបរិយាបន្ន និងចីរភាព ទាំងផ្នែកសេដ្ឋកិច្ច សង្គមកិច្ច និងវប្បធម៌» ដែលមានគោលដៅចម្បងចំនួន៥គឺ (១) ប្រជាជនមានជីវភាពរស់នៅសមរម្យ (២) ប្រជាជនមានសុខភាពមាំមួន (៣) ប្រជាជនរស់នៅក្នុងភាពថ្លៃថ្នូរ (៤) គ្រប់ភូមិឋានទាំងអស់នៅតំបន់ជនបទមានហេដ្ឋារចនាសម្ព័ន្ធខ្វាត់ខ្វែងប្រកបដោយភាពធន់ និង(៥) គ្រប់ភូមិឋានទាំងអស់នៅជនបទមានអភិបាលកិច្ចល្អ ព្រមទាំងបានកំណត់យុទ្ធសាស្រ្តគន្លឺះចំនួន ៥គឺ (១) ការអភិវឌ្ឍហេដ្ឋារចនាសម្ព័ន្ធរូបវ័ន្ត និងគមនាគមន៍ជនបទប្រកបដោយភាពធន់ (២) ការកែលម្អលក្ខខណ្ឌនៃការរស់នៅរបស់ប្រជាជននៅតំបន់ជនបទ (៣) ការអភិវឌ្ឍសហគមន៍ជនបទ និងចលនាភូមិគំរូ (៤) ពិពិធកម្មសេដ្ឋកិច្ចជនបទនិងនវានុវត្តន៍ការងារ និង (៥) ការពង្រឹងស្ថាប័ន។ទន្ទឹមនេះ ឯកឧត្តម ក៏បាននាំយកអំណោយរបស់សម្តេចធិបតី និងលោកជំទាវបណ្ឌិត តាមរយៈឯកឧត្តម ឆាយ ឫទ្ធិសែន ចែកជូនដល់មេឃុំ, ក្រុមប្រឹក្សាឃុំ មេភូមិ និងប្រជាពលរដ្ឋរស់នៅសងខាងផ្លូវ ដែលបានចូលរួមដោយម្នាក់ៗទទួលបានក្រមាមួយ និងថវិកាមួយចំនួន និងបានសំណូមពរដល់ប្រជាពលរដ្ឋ និងអាជ្ញាធរមូលដ្ឋានយោគយល់ និងអធ្យាស្រ័យដល់ក្រុមការងារសាងសង់ផ្លូវ ក្នុងករណីមានការប៉ះពាល់ដោយប្រការណាមួយក្នុងអំឡុងពេលសាងសង់ផ្លូវក្រាលកៅស៊ូពីរជាន់មួយខ្សែនេះផងដែរ ៕ អត្ថបទ បាន សុខរិទ្ធិ

ខែដំបូងឆ្នាំនេះ កម្ពុជាទទួលបានការវិនិយោគ ៤៣ គម្រោង មានទុនសរុប ៧៥២ លានដុល្លារអាម៉េរិក

2026/02/10 05:17:00 pm        134
Facebook Telegram Linkin
ភ្នំពេញ ៖ គណៈកម្មាធិការវិនិយោគកម្ពុជា នៅក្នុងខែមករា ឆ្នាំ២០២៦នេះ បានសម្រេចចុះបញ្ជីគម្រោងវិនិយោគសរុប ចំនួន ៤៣ គម្រោង មានទុនវិនិយោគសរុប ៧៥២ លានដុល្លារអាម៉េរិក ក្នុងនោះគម្រោងវិនិយោគក្រៅតំបន់សេដ្ឋកិច្ចពិសេសមានចំនួន ៣៥ និងនៅក្នុង តំបន់សេដ្ឋកិច្ចពិសេស មានចំនួន ៨ គម្រោង។​នៅក្នុងខែដំបូង ឆ្នាំ២០២៦នេះ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចុះបញ្ជីគម្រោង វិនិយោគសរុបចំនួន ៤៣ គម្រោង ក្នុងទំហំទុនវិនិយោគសរុប ៧៥២ លានដុល្លារអាម៉េរិក និងអាចបង្កើតការងារបានប្រមាណ ២៦ ពាន់កន្លែង ក្នុងនោះនៅក្នុងចំណោមគម្រោងវិនិយោគសរុប សម្រាប់គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ច ពិសេស មានចំនួន ៣៥ គម្រោង និងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេស មានចំនួន ៨ គម្រោង។ ទាក់ទិនគម្រោងវិនិយោគនេះ, ក្នុងខែដំបូងនេះដែរ ការចុះបញ្ជីគម្រោងវិនិយោគមានការថយចុះចំនួន ២៥ គម្រោង ស្មើនឹង ប្រមាណ ៣៧% ខណៈទំហំទុនវិនិយោគ មានការកើនឡើងប្រមាណ ៣,៤ លានដុល្លារអាមេរិក ស្មើនឹងប្រមាណ ០,៤៥% ធៀបនឹង រយៈពេលដូចគ្នាក្នុងឆ្នាំ២០២៥។ យ៉ាងណាមិញ ជាការកត់សម្គាល់ ក្នុងខែមករា ឆ្នាំ២០២៦ គណៈកម្មាធិការវិនិយោគកម្ពុជា បានចុះ បញ្ជីគម្រោងវិនិយោគធំៗមួយចំនួនដូចជា គម្រោងវិនិយោគបង្កើតតំបន់សេដ្ឋកិច្ចពិសេសចំនួន ៣ តំបន់ ក្នុងទំហំទុនវិនិយោគ ២៦០ លានដុល្លារអាម៉េរិក និងគម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលខ្យល់ អានុភាព ១៥០ មេហ្គាវ៉ាត់ ក្នុងទំហំ ទុនវិនិយោគប្រមាណ ២០០ លានដុល្លារអាម៉េរិក។ចំណែកប្រភពទុនតាមវិស័យវិញ ឃើញថា វិស័យឧស្សាកម្មមានប្រភពទុន ២៨៥ លានដុល្លារ, កសិកម្ម និងកសិ-ឧស្សាហកម្ម ៣ លានដុល្លារ, និងវិស័យហេដ្ឋារចនាសម្ព័ន្ធ និងផ្សេងៗ មានទុនប្រមាណ ៤៦៤ លានដុល្លារ។ ចំណែកប្រភពទុនដែលឈានមុខគេ រួមមាន៖ ចិន ជិត ៣៦%, ម៉ាឡេស៊ីជាង ២៦%, កម្ពុជាជាង ២៦%, សឹង្ហបុរីជិត ៦% និងនៅមានប្រភពទុនពីប្រទេសផ្សេងៗជាច្រើន ទៀត៕អត្ថបទ៖ សុន រ៉ាឌី

រដ្ឋមន្រ្ដីកសិកម្ម ណែនាំយុវជនឱ្យរៀនជំនាញដែលខ្លួនពេញចិត្ត ដើម្បីក្លាយខ្លួនជាធនធានមនុស្សជួយដល់គ្រួសារ និងសង្គមជាតិ​

2026/02/10 04:59:19 pm        118
Facebook Telegram Linkin
ភ្នំពេញ ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ និងឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ នៅថ្ងៃនេះបានអញ្ជើញជួបសំណេះសំណាលជាមួយសិស្សប្រលងសញ្ញាបត្រមធ្យមសិក្សាទុតិយភូមិឆ្នាំ២០២៥ ខេត្តបន្ទាយមានជ័យ។​នៅក្នុងជំនួបសំណេះសំណាលជាមួយសិស្សនិទ្ទេសA ខេត្តបន្ទាយមានជ័យ កាលពីព្រឹកថ្ងៃទី១០ ខែកុម្ភៈ ឆ្នាំ២០២៦នេះ ឯកឧត្តមរដ្ឋមន្ដ្រី បានសម្តែងនូវក្តីសប្បាយរីករាយ និងមានមោទកភាពចំពោះសិស្សានុសិស្សដែលបានខិតខំប្រលងបាននិទ្ទេស A បានដោយជោគជ័យចំនួន ១២៦នាក់ ដែលជាលទ្ធផលល្អសម្រាប់គ្រួសារ មុខមាត់ខេត្តបន្ទាយមានជ័យ និងសង្គមជាតិ។ជាមួយគ្នានេះ ឯកឧត្តមរដ្ឋមន្ដ្រី បានផ្តល់អនុសាសន៍ណែនាំដល់សិស្សជ័យលាភីទាំងអស់គិតគូរឱ្យបានច្បាស់លាស់ពីជំហានបន្ទាប់ ដោយត្រូវរើសជំនាញដែលខ្លួនស្រលាញ់ពេញចិត្ត និងខិតខំរៀនសូត្រ ដើម្បីក្លាយខ្លួនជាធនធានមនុស្សពិតប្រាកដសម្រាប់គ្រួសារ និងសង្គមជាតិ។ជាទីបញ្ចប់ ឯកឧត្តមរដ្ឋមន្ដ្រី បានប្រគល់ជូននូវរង្វាន់កុំព្យូទ័របន្ទះ (Tablet) ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដល់សិស្សនិទ្ទេស A និងលើកទឹកចិត្តដល់លោកគ្រូ អ្នកគ្រូ អាណាព្យាបាលទាំងអស់ បន្តខិតខំបង្ហាត់បង្រៀន យកចិត្តទុកដាក់ និងកសាងធនធានមនុស្សបន្ថែមសម្រាប់សង្គមជាតិ៕អត្ថបទ៖ ឈិត បូរ៉ាវី 

កម្ពុជា និងអាមេរិក បន្តពិគ្រោះយោបល់ផ្នែកច្បាប់លើដំណើរឆ្ពោះទៅកាន់គំនិតផ្តួចផ្តើមគ្រប់គ្រងពាណិជ្ជកម្មយុទ្ធសាស្ត្រអាវុធមហាប្រល័យ

2026/02/10 04:50:29 pm        202
Facebook Telegram Linkin
អ្នកជំនាញការជាតិនិងអន្តរជាតិ បានជួបជុំគ្នានៅសណ្ឋាគាររ៉ាហ្វលឡឺរ៉ូយាល់ភ្នំពេញ នាព្រឹកថ្ចៃទី១០ខែកុម្ភ:ឆ្នាំ២០២៦នេះដើម្បីចូលរួមក្នុងសិក្ខាសាលាស្តីពី «ការពិគ្រោះ យោបល់ផ្នែកច្បាប់ នៃដំណើរឆ្ពោះទៅកាន់គំនិតផ្តួចផ្តើមគ្រប់គ្រងពាណិជ្ជកម្មយុទ្ធសាស្ត្រ អាវុធមហាប្រល័យ » ដែលបាននិងកំពុងប្រព្រឹត្តទៅ ដើម្បីបង្ហាញ និងពិគ្រោះយោបល់លើសេចក្តីព្រាងច្បាប់ ស្តីពីការគ្រប់គ្រងពាណិជ្ជកម្មយុទ្ធសាស្ត្រអាវុធមហាប្រល័យ។ សិក្ខាសាលានេះនឹងដំណើរការក្នុងរយ:ពេលបីថ្ងៃ ត្រូវបានសហការរៀបចំដោយ កម្មវិធីត្រួតពិនិត្យការនាំចេញនិងសន្តិសុខព្រំដែន (EXPORT CONTROL AND BORDER SECURITY-EXBS) នៃក្រសួងការបរទេសសហរដ្ឋអាម៉េរិកប្រចាំតំបន់ និងអគ្គលេខាធិការដ្ឋានអាជ្ញាធរជាតិអាវុធគីមី ហើយនេះគឺជាសិក្ខាសាលាលើកទី២ ដែលបន្តពីសិក្ខាសាលាដំបូង ដែលត្រូវបានធ្វើឡើងកាល ពីថ្ងៃទី២៩-៣០ ខែកញ្ញា ឆ្នាំ២០២៥។នាយឧត្តមសេនីយ៍ បណ្ឌិត ផន ណារ៉ា អគ្គលេខាធិការ អាជ្ញាធរជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម បានថ្លែងក្នុងឱកាសបើកសិក្ខាសាលានេះថាគំនិតផ្តួចផ្តើមនេះគឺជាកិច្ចការដ៏សំខាន់មួយសម្រាប់កម្ពុជា។ គំនិតផ្តួចផ្តើមនេះមិនត្រឹមតែបង្ហាញពីភាព ជាដៃគូរវាងព្រះរាជាណាចក្រកម្ពុជា សហរដ្ឋអាមេរិក សហភាពអឺរ៉ុប និងការិយាល័យអង្គការសហប្រជាជាតិ សម្រាប់កិច្ចការរំសាយអាវុធ និងដៃគូក្នុងតំបន់និងអន្តរជាតិប៉ុណ្ណោះទេ ប៉ុន្តែក៏ជាកាលានុវត្តភាពឈ្នះ-ឈ្នះ សម្រាប់យើងទាំងអស់គ្នាផងដែរ។ ដើម្បីអនុវត្តកិច្ចការនេះ កម្ពុជាកំពុងចាប់យកកាលានុវត្តភាពនេះ ដើម្បីពិនិត្យ និងពង្រឹងក្របខណ្ឌច្បាប់ បទប្បញ្ញត្តិ និងស្ថាប័ន និងសម្របខ្លួនរបស់យើងទៅនឹងឧត្តមានុវត្តន៍អន្តរជាតិនៃយុទ្ធសាស្ត្រគ្រប់គ្រងពាណិជ្ជកម្មអាវុធមហាប្រល័យ។  ឯកឧត្តម នាយឧត្តមសេនីយ៍ បណ្ឌិត ផន ណារ៉ា បានចាត់ទុកឱកាសនេះថា ជាការចាប់ផ្តើមទំព័រសករាជថ្មីសម្រាប់កម្ពុជា និងដៃគូរបស់ខ្លួន ដែលត្រូវបានកំណត់តាមរយៈ ភាពជាដៃគូ ភាពធន់ និងចក្ខុវិស័យ។ ដោយអនុវត្តយុទ្ធសាស្ត្រគ្រប់គ្រងពាណិជ្ជកម្មអាវុធមហាប្រល័យ កម្ពុជានឹងធានាថា វឌ្ឍនភាពសេដ្ឋកិច្ចនឹងមិនអាចបំបែកចេញបានពីការទទួលខុសត្រូវរបស់ខ្លួន នៅក្នុងការទប់ស្កាត់ការរីកសាយភាយអាវុធមហាប្រល័យ និងគ្រឿងសព្វាវុធពាក់ព័ន្ធ ការប្តេជ្ញាចិត្តរបស់ខ្លួន ចំពោះសន្តិសុខក្នុងតំបន់ និងជាដៃគូអាចទុកចិត្តបាននៅក្នុងសហគមន៍ពិភពលោកនោះឡើយ៕អត្ថបទ ៖ បាន ចក់

ក្រសួងឧស្សាហកម្មបន្តពិគ្រោះយោបល់លើសេចក្តីព្រាងយុទ្ធសាស្ត្រជាតិ ស្តីពីការអភិវឌ្ឍ MSMEs

2026/02/10 04:46:07 pm        126
Facebook Telegram Linkin
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បើកកិច្ចពិគ្រោះយោបល់លើសេចក្តីព្រាងយុទ្ធសាស្ត្រជាតិ ស្តីពីការ អភិវឌ្ឍសហគ្រាសធុនមីក្រូ តូច និងមធ្យមឆ្នាំ២០២៦-២០៣០ ដើម្បីប្រមូលធាតុចូលទាំងកម្រិតគោលនយោបាយ និងបច្ចេកទេស គាំទ្រចក្ខុវិស័យ២០៥០។ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅក្នុងសិក្ខាសាលា ពិគ្រោះយោបល់លើសេចក្តីព្រាងយុទ្ធសាស្ត្រជាតិ ស្តីពីការអភិវឌ្ឍសហគ្រាសធុនមីក្រូ តូច និងមធ្យម ឆ្នាំ២០២៦-២០៣០ នៅថ្ងៃទី ១០ ខែកុម្ភៈ ឆ្នាំ២០២៦ នេះថា សហគ្រាសធុនមីក្រូ តូច និងមធ្យម គឺជាកន្លែងបង្កើតការងារ និងបណ្តុះនវានុវត្តន៍, សហគ្រាសទាំង នេះហើយដែលអាចធ្វើឱ្យផលិតផលកម្ពុជា ពង្រីកខ្លួនចូលទៅកាន់ទីផ្សារតំបន់ និងទីផ្សារពិភពលោក ប៉ុន្តែត្រូវការយន្តការគាំទ្រថ្នាក់ ជាតិ ដើម្បីជំរុញផលិតភាព និងសមត្ថភាពប្រកួតប្រជែងបន្ថែមទៀត។ឯកឧត្តមរដ្ឋមន្ត្រី បន្ថែមថា នេះគឺជាជំហានថ្មីមួយទៀត ដើម្បីជួយសម្រួលដល់សហគ្រាសធុនមីក្រូ តូច និងមធ្យម ឱ្យទទួល បានសេវាមន្ទីរពិសោធន៍កាន់តែលឿន និងគួរឱ្យទុកចិត្ត ហើយដើម្បីពង្រឹងសមត្ថភាពប្រកួតប្រជែងរបស់ពួកគេ តាមរយៈការចាប់ យកស្តង់ដារ និងគុណភាព។ សិក្ខាសាលានេះបានប្រមូលធាតុចូលទាំងកម្រិតគោលនយោបាយ និងបច្ចេកទេស ដើម្បីធានាថា យុទ្ធសាស្ត្រជាតិស្តីពីការអភិវឌ្ឍសហគ្រាសធុនមីក្រូ តូច និងមធ្យម ឆ្នាំ២០២៦-២០៣០ គាំទ្រចក្ខុវិស័យ២០៥០ របស់រាជរដ្ឋាភិបាល រួមចំណែកដោះស្រាយបញ្ហាប្រឈមជាក់ស្តែង ព្រមទាំងលើកកម្ពស់បរិយាបន្ន សមភាពយេនឌ័រ ការលើកទឹកចិត្ត និងភាពជាដៃគូរ វាងរដ្ឋ-ឯកជនឱ្យកាន់តែរឹងមាំ។យោងតាមជំរឿនសេដ្ឋកិច្ចឆ្នាំ២០២២ របស់ក្រសួងផែនការ កម្ពុជាមានអង្គភាពសេដ្ឋកិច្ចចំនួន ៧៥ ម៉ឺន នៅទូទាំងប្រទេស ដែល ផ្តល់ការងារប្រមាណ ៣ លានកន្លែង។ លើសពីនេះ កម្លាំងពលកម្មដែលគាំទ្រដោយសហគ្រាសធុនមីក្រូ តូច និងមធ្យម រួមទាំង សហគ្រាស និងអ្នកប្រកបមុខរបរ អាជីវកម្ម និងធ្វើការងារក្នុងសេដ្ឋកិច្ចក្រៅប្រព័ន្ធមានប្រមាណជាង ៦ លាននាក់។ដោយឡែកសេចក្តីព្រាងយុទ្ធសាស្ត្រនេះ ត្រូវបានរៀបចំឡើងឈរលើសសរស្តម្ភបួនគឺ៖ (១) ការកែលម្អបរិយាកាសធុរកិច្ច និងនិយ័ត កម្មផ្នែកច្បាប់, (២) ការពង្រឹងផលិតកម្ម និងការពង្រីកបច្ចេកវិទ្យានិងនវានុវត្តន៍, (៣) ការបង្កើនសមត្ថភាពប្រកួតប្រជែងលើ ទីផ្សារជាតិ និងអន្តរជាតិ, និង (៤) ការអភិវឌ្ឍហេដ្ឋារចនាសម្ព័ន្ធគាំទ្រ។ ដើម្បីគាំទ្រដល់សហគ្រាសធុនមីក្រូ តូច និងមធ្យម, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានដាក់ឱ្យដំណើរការគំនិតផ្តួចផ្តើមថ្មីមួយ ដោយបញ្ចូលសេវាធ្វើ តេស្តវិភាគផលិតផលរបស់មន្ទីរពិសោធន៍ជាតិ វិទ្យាសាស្ត្រ បច្ចេកវិទ្យា និងនវានុវត្តន៍ទៅក្នុងប្រព័ន្ធសេវាអេឡិចត្រូនិក សម្រាប់ធុរកិច្ច (E-Services for Business) របស់រាជរដ្ឋាភិបាល ដោយកាត់បន្ថយការប្រើប្រាស់លទ្ធផលតេស្តជាក្រដាស៕ អត្ថបទ៖ សុន រ៉ាឌី

មន្រ្ដីជាន់ខ្ពស់អាជ្ញាធរមីន ចាត់ទុកអង្គការសហប្រជាជាតិ គឺជាសំឡេង និងជាដៃគូដ៏មានសារៈសំខាន់មួយ ក្នុងការជំរុញ និងការគាំទ្រដល់កិច្ចខិតខំប្រឹងប្រែងរបស់កម្ពុជាក្នុងវិស័យសកម្មភាពមីន

2026/02/10 04:39:10 pm        203
Facebook Telegram Linkin
នៅថ្ងៃទី១០ ខែកុម្ភៈ ឆ្នាំ២០២៦ នៅទីស្នាក់ការអាជ្ញាធរមីន ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអនុញ្ញាតឱ្យ លោកស្រី វ្ល៉ាដាន់កា អាន់ឌ្រេវ៉ា (Vladanka Andreeva) អ្នកសម្របសម្រួលអង្គការសហប្រជាជាតិប្រចាំកម្ពុជា ចូលជួបពិភាក្សាការងារ ស្តីពីពង្រឹងភាពជាដៃគូ និងកិច្ចសហប្រតិបត្តិការក្នុងវិស័យសកម្មភាពមីននៅកម្ពុជា។ក្នុងជំនួបនោះ ឯកឧត្តមទេសរដ្ឋមន្រ្តី លី ធុជ បានស្វាគមន៍ និងអបអរសាទរលោកស្រី វ្ល៉ាដាន់កា អាន់ឌ្រេវ៉ា ដែលបានទទួលតួនាទីថ្មី ព្រមទាំងបានវាយតម្លៃខ្ពស់ចំពោះអង្គការសហប្រជាជាតិ ដែលបានរួមចំណែកយ៉ាងសំខាន់ក្នុងការគាំទ្រដល់ដំណើរការស្វែងរកសន្តិភាព និងការស្តារសេដ្ឋកិច្ចសង្គមនៅកម្ពុជា ក្នុងនោះអង្គការសហប្រជាជាតិ បានគាំទ្រដល់ការតាំងទីលំនៅឡើងវិញរបស់ជនភៀសសឹក និងការងារបោសសម្អាតមីន ក៏ដូចជាបានជួយកសាងនូវសមត្ថភាពជាតិសកម្មភាពមីន រហូតកម្ពុជាទទួលបានជោគជ័យដល់បច្ចុប្បន្ន។ពាក់ព័ន្ធនឹងវិស័យសកម្មភាពមីន ឯកឧត្តមទេសរដ្ឋមន្រ្តី បានចាត់ទុកអង្គការសហប្រជាជាតិ គឹជាសម្លេងដ៏មានសារៈសំខាន់មួយ និងជាដៃគូសំខាន់ ក្នុងការជំរុញ ការលើកកម្ពស់ និងការគាំទ្រដល់កិច្ចខិតខំប្រឹងប្រែងរបស់កម្ពុជាក្នុងវិស័យសកម្មភាពមីន ព្រមទាំងបានថ្លែងអំណរគុណដល់ប្រទេសជាមិត្ត និងដៃគូអភិវឌ្ឍន៍ដទៃទៀត ចំពោះការរួមចំណែកគាំទ្រដល់វិស័យសកម្មភាពមីន នេះផងដែរ។ ក្នុងឱកាសនោះ តាងនាមឱ្យរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី លី ធុជ បានបញ្ជាក់ពីជំហររបស់កម្ពុជា ក្នុងការដោះស្រាយជម្លោះជាមួយប្រទេសថៃដោយសន្តិវិធី តាមរយៈយន្តការទ្វេភាគី និងពហុភាគី ដោយផ្អែកលើគោលការណ៍គោរពអធិបតេយ្យភាព បូរណភាពដែនដី និងច្បាប់អន្តរជាតិ។ជាមួយគ្នានោះផងដែរ តាងនាមឱ្យរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី លី ធុជ បានវាយតម្លៃខ្ពស់ និងបានបញ្ជាក់ពីតួនាទីយ៉ាងសំខាន់របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៃអង្គការសហប្រជាជាតិ (UN ESCAP) ក្នុងការលើកកម្ពស់សាមគ្គីភាព ការរួបរួម និងកិច្ចសហប្រតិបត្តិការក្នុងតំបន់អាស៊ីនិងប៉ាស៊ីហ្វិក ដើម្បីឈានទៅរកការរីកចម្រើនប្រកបដោយចីរភាព ជោគវាសនារួមគ្នា និងអនាគតរួមគ្នា៕

ក្រសួងអភិវឌ្ឍជនបទ ផ្សព្វផ្សាយគោលនយោបាយជាតិស្តីពី ការអភិវឌ្ឍជនបទ ជូន​មន្ត្រីរាជ​ការ​ខេត្តពោធិ៍សាត់

2026/02/10 04:29:38 pm        251
Facebook Telegram Linkin
‎ពោធិ៍សាត់៖ នៅសាលប្រជុំសាលាខេត្តពោធិ៍សាត់ នាព្រឹកថ្ងៃទី១០ ខែកុម្ភៈ ឆ្នាំ២០២៦ ឯកឧត្តម​បណ្ឌិត លី ណារុន រដ្ឋលេខាធិការ តំណាង​ដ៏ខ្ពង់ខ្ពស់របស់ឯកឧត្តមរដ្ឋមន្ត្រី​ក្រសួង​អភិវឌ្ឍន៍​ជន​បទ​ បានអញ្ជើញដឹកនាំកិច្ចប្រជុំ ផ្សព្វផ្សាយគោលនយោបាយជាតិ ស្តីពីការ​អភិវឌ្ឍ​ជនបទ​ឆ្នាំ​២០២៥-២០៣៥ ដល់មន្ទីរអង្គភាព អង្គការសង្គមស៊ីវិល និងរដ្ឋបាលក្រុងស្រុកឃុំសង្កាត់ ទូទាំង​ខេត្តពោធិ៍សាត់។ក្នុងឱកាសនោះ លោក លឹម សុខតូ អភិបាលរងខេត្តពោធិ៍សាត់ បានមានមតិស្វាគមន៍ និង​បាន​លើក​ឡើង​ថា ក្នុងឆ្នាំ២០២៥កន្លងមកនេះ ឯកឧត្តម លោកជំទាវ លោក លោកស្រី ទាំងអស់ តែង​តែបា​នផ្ដល់នូវការគាំទ្រយ៉ាងសកម្ម ដល់សកម្មភាពនានារបស់រដ្ឋបាលខេត្តពោធិ៍សាត់ មន្ទីរ​អភិវឌ្ឍជនបទ រដ្ឋបាលថ្នាក់ក្រោមជាតិ ក្រុង ស្រុក ឃុំ សង្កាត់ ក៏ដូចប្រជាពលរដ្ឋទាំងអស់ ដែល​ធ្វើឲ្យខេត្តពោធិ៍សាត់ មានការប្រែមុខមាត់ថ្មីជាបន្តបន្ទាប់។ លោកក៏សូមថ្លែងអំណរគុណ ដល់​ឯកឧត្តម​ ឆាយ រិទ្ធិសែន រដ្ឋមន្ត្រីក្រសួងអភិវឌ្ឍជនបទ ដែលបានជំរុញ និងគាំទ្រយ៉ាងក្លៀវក្លា ចំពោះ​វិ​ស័យអភិវឌ្ឍជនបទក្នុងខេត្តពោធិ៍សាត់ ពិសេសវិស័យហេដ្ឋារចនាសម្ព័ន្ធផ្លូវថ្នល់, ស្ពាន​បេតុង ​និងទឹកស្អាតជាដើម។ មិនតែប៉ុណ្ណោះ ក្នុងឆ្នាំ២០២៥កន្លងមក ខេត្តពោធិ៍សាត់​បាន​ប្រកាស​ទទួលស្គាល់ ជាខេត្តបានបញ្ចប់ការបន្ទោបង់ពាសវាលពាសកាល ។‎ឯកឧត្តមបណ្ឌិត លី ណារុន មានប្រសាសន៍ថា ការរៀបចំផ្សព្វផ្សាយ គោលនយោបាយជាតិស្តីពីការអភិវឌ្ឍជនបទ ២០២៥-២០៣៥ នាពេលនេះ គឺជាជំហានដ៏សំខាន់មួយក្នុងការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ដើម្បីពន្លឿនការអភិវឌ្ឍនៅតំបន់ជនបទឱ្យមានភាពស៊ីវិល័យ និងបរិយាបន្ន។ ឯកឧត្តមបណ្ឌិតក៏បានឱ្យរដ្ឋបាលខេត្ត ត្រូវយកចិត្តទុកដាក់ជំរុញការស្ថាបនាផ្លូវជនបទ ឱ្យទៅជាប្រភេទផ្លូវក្រាលកៅស៊ូ (DBST) និងបេតុង ដើម្បីគាំទ្រដល់ចរន្តសេដ្ឋកិច្ចមូលដ្ឋាន និងបន្តខិតខំសម្រេចឱ្យបាននូវការផ្គត់ផ្គង់ទឹកស្អាត និងបង្គន់អនាម័យប្រើប្រាស់គ្រប់ខ្នងផ្ទះ ព្រមទាំងពង្រឹងការបណ្តុះបណ្តាលវិជ្ជាជីវៈដល់យុវជនជនបទ ដើម្បីបង្កើតឱកាសការងារក្នុងសហគមន៍ និងការរៀបចំភូមិឱ្យមានសណ្តាប់ធ្នាប់ របៀបរៀបរយ និងការគ្រប់គ្រងកាកសំណល់សំរាមឲ្យបានត្រឹមត្រូវ។ ‎ឯកឧត្តមបណ្ឌិតបន្តទៀតថា ការសម្រេចបាននូវចក្ខុវិស័យឆ្នាំ២០៣៥ មិនមែនជាភារកិច្ចដាច់ដោយឡែក របស់ក្រសួងអភិវឌ្ឍន៍ជនបទនោះទេ ប៉ុន្តែវាទាមទារនូវអភិក្រមជារួម ពីគ្រប់ភាគីពាក់ព័ន្ធទាំងអស់។ ក្នុងនោះ ឯកឧត្តមបានលើកទឹកចិត្ត និងផ្តល់អនុសាសន៍បន្ថែមដល់អាជ្ញាធរភូមិ-ឃុំ ត្រូវតែក្តាប់ឱ្យជាប់នូវតម្រូវការជាក់ស្តែងរបស់ប្រជាពលរដ្ឋ ហើយត្រូវចេះរៀបចំផែនការអភិវឌ្ឍន៍ ដែលឆ្លើយតបទៅនឹងបញ្ហាប្រឈមក្នុងសហគមន៍ខ្លួនឯង ជាពិសេសលើការគ្រប់គ្រងហេដ្ឋារចនាសម្ព័ន្ធដែលបានសាងសង់រួច ឱ្យមាននិរន្តរភាព។ ឯកឧត្តមបានសង្កត់ធ្ងន់ថា ការអភិវឌ្ឍមិនមែនមានតែផ្លូវ ស្ពាន និងទឹកស្អាតប៉ុណ្ណោះទេ ប៉ុន្តែគឺការផ្លាស់ប្តូរការគិតរបស់ប្រជាពលរដ្ឋ ឱ្យមកចូលរួមថែរក្សាបរិស្ថាន ឈប់បន្ទោបង់ពាសវាលពាសកាល និងចេះច្នៃប្រឌិតរបររកស៊ីបន្ថែម ដើម្បីបង្កើនចំណូលគ្រួសារ។ ‎ឯកឧត្តមរដ្ឋលេខាធិការ បានផ្តល់អនុសាសន៍ដល់រដ្ឋបាលខេត្ត មន្ទីរជំនាញ និងអាជ្ញាធរមូលដ្ឋានគ្រប់លំដាប់ថ្នាក់ ត្រូវយកចិត្តទុកដាក់ខ្ពស់ក្នុងការបញ្ជ្រាបគោលនយោបាយនេះ ទៅក្នុងផែនការអភិវឌ្ឍន៍ខេត្ត ក្រុង ស្រុក និងឃុំ សង្កាត់ ដើម្បីធានាថា ការអនុវត្តទទួលបានផ្លែផ្កាពិតប្រាកដ។ ឯកឧត្តមបណ្ឌិតសង្ឃឹមយ៉ាងមុតមាំថា រដ្ឋបាលខេត្តពោធិ៍សាត់ នឹងក្លាយជាខេត្តគំរូមួយ ក្នុងការអនុវត្តគោលនយោបាយជាតិថ្មីនេះ ឱ្យទទួលបានជោគជ័យ ដើម្បីលើកកម្ពស់កិត្យានុភាព និងជីវភាពរស់នៅរបស់ប្រជាពលរដ្ឋក្នុងខេត្តទាំងមូល ឲ្យកាន់តែមានភាពប្រសើរឡើងថែមទៀត៕

បណ្ដាញសង្គម

ព័ត៌មានថ្មីៗ

[UPDATE] តម្លៃប្រេងបានស្រុតចុះវិញ ដោយសារសញ្ញាថាសហរដ្ឋអាមេរិកកំពុងបន្ធូរបន្ថយការបិទច្រកសមុទ្រ Hormuz របស់អ៊ីរ៉ង់
05/05/2026 10:05 AM
Facebook Telegram Linkin
តំបន់អាស៊ី កំពុងទប់ទល់នឹងការកើនឡើង និងផលប៉ះពាល់ផ្សេងៗគ្នានៃវិបត្តិថាមពលបង្កឡើងដោយសង្គ្រាមអ៊ីរ៉ង់
05/05/2026 09:05 AM
Facebook Telegram Linkin
នាវាបោសសម្អាតគ្រាប់មីនអាល្លឺម៉ង់ ចេញពីកំពង់ផែដើម្បីត្រៀមនៅសមុទ្រមេឌីទែរ៉ាណេ ប្រសិនបើត្រូវការនៅច្រកសមុទ្រ Hormuz
05/05/2026 09:05 AM
Facebook Telegram Linkin
អភិបាលខេត្តចំនួន៤ រួមគ្នាពង្រឹងយន្ដការក្នុងកិច្ចការពារតំបន់ការពារធម្មជាតិ «ព្រៃឡង់» ឱ្យកាន់តែរឹងមាំ និងមានប្រសិទ្ធភាព !
05/05/2026 09:05 AM
Facebook Telegram Linkin
ស្រ្តីឈ្មោះ ព្រឿន សាក់ឡែន ជាអ្នកនាំទុរេនថៃមកចូលខ្មែរត្រូវបានឃាត់ខ្លួន ខណៈសមត្ថកិច្ចខេត្តបាត់ដំបងកំពុងស្រាវជ្រាវរកអ្នកពាក់ព័ន្ធដើម្បីចាត់វិធានការច្បាប់
05/05/2026 09:05 AM
Facebook Telegram Linkin
រដ្ឋសភាកម្ពុជា ជូនដំណឹងដល់ភាគីសភាអឺរ៉ុប អំពីការផ្តល់សច្ចាប័នលើអនុសញ្ញាអង្គការសហប្រជាជាតិ ស្តីពីនីតិសមុទ្ររបស់កម្ពុជា
05/05/2026 09:05 AM
Facebook Telegram Linkin
សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញ​ចូលរួមកិច្ចប្រជុំកំពូលអាស៊ាន លើកទី៤៨ នៅ​កោះសេប៊ូ សាធារណរដ្ឋហ្វីលីពីន
05/05/2026 09:05 AM
Facebook Telegram Linkin
អារ៉ាប់រួម៖ ប្រព័ន្ធការពារដែនអាកាសស្ទាក់ចាប់មីស៊ីល និងយានដ្រូន ខណៈជើងហោះហើរត្រូវបង្វែរទិសដៅ
05/05/2026 09:05 AM
Facebook Telegram Linkin
អ៊ុយក្រែន និងរុស្ស៊ី ប្រកាសបទឈប់បាញ់ដាច់ដោយឡែកពីគ្នាចន្លោះថ្ងៃទី៨ និងទី៩ ខែឧសភា
05/05/2026 09:05 AM
Facebook Telegram Linkin
បង្ក្រាបកន្លែង Online Scam នៅបឹងកេងកង សង្គ្រោះជនជាតិជប៉ុន និងឃាត់ខ្លួនជនបរទេស ១៦នាក់
05/05/2026 08:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.