នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជា រកឃើញសត្វព្រៃសំខាន់ៗជាច្រើននៅភាគខាងជើងប្រទេស
រដ្ឋាករទឹកស្វយ័តក្រុងភ្នំពេញបែងចែកភាគលាភឆ្នាំ២០២៥ ជាង ២៨,៧ ប៊ីលានរៀលជូនភាគហ៊ុនិក
កម្ពុជា-សិង្ហបុរី ពិភាក្សាអំពីលទ្ធភាព នៃការជំរុញនាំចេញផលិតផលកម្ពុជាទៅកាន់ទីផ្សារសិង្ហបុរី
ព្រឹត្តិការណ៍ “ដើរ ២ ៧០០ ជំហាន ដើម្បីទារកនិងកុមារកម្ពុជា” ប្រមូលថវិកាបានជាង ២ ១០០ លានរៀល

ព័ត៌មានជាតិ

សម្ដេចធិបតី នាយករដ្ឋមន្រ្ដីអនុញ្ញាតជូន ឯកអគ្គរដ្ឋទូតហុងគ្រី ប្រចាំកម្ពុជាជួបសម្តែងការគួរសម និងជម្រាបលា

2026/05/26 09:54:13 am        51
Facebook Telegram Linkin
ភ្នំពេញ៖ នៅព្រឹកថ្ងៃទី២៦ ខែឧសភា ឆ្នាំ២០២៦នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអនុញ្ញាតជូន ឯកឧត្តម Tibor BALOGHDI ឯកអគ្គរដ្ឋទូត នៃប្រទេសហុងគ្រី ប្រចាំព្រះរាជាណាចក្រកម្ពុជា ក្នុងជំនួបសម្តែងការគួរសម និងជម្រាបលា នៅវិមានសន្តិភាព។

សម្ដេចតេជោ ហ៊ុន សែន អនុញ្ញាតឱ្យ ប្រធានសភាពាណិជ្ជកម្ម និងឧស្សាហកម្ម ទីក្រុង អ៊ីនឆន់នៃសាធារណរដ្ឋកូរ៉េ ចូលជួបសម្ដែងការគួរសម

2026/05/26 09:50:08 am        104
Facebook Telegram Linkin
ភ្នំពេញ៖ នៅព្រឹកថ្ងៃទី២៦ ខែឧសភា ឆ្នាំ២០២៦នេះ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា បានអនុញ្ញាតឱ្យ លោក Park Joo Bong ប្រធានក្រុមហ៊ុន DAEJOO KC Group និងជាប្រធានសភាពាណិជ្ជកម្ម និងឧស្សាហកម្ម ទីក្រុង អ៊ីនឆន់ នៃសាធារណរដ្ឋកូរ៉េ ចូលជួបសម្ដែងការគួរសម វិមានសាមគ្គីភាព៕

ក្រសួងសុខាភិបាល និងADB ពង្រឹងភាពជាដៃគូយុទ្ធសាស្ត្រ ដើម្បីលើកកម្ពស់សុខុមាលភាពប្រជាជន

2026/05/26 09:19:52 am        409
Facebook Telegram Linkin
កាលពីរសៀលថ្ងៃទី២៥ ខែឧសភា ឆ្នាំ២០២៦ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញចូលរួមជំនួបពិភាក្សាការងារកម្រិតខ្ពស់ជាមួយគណៈប្រតិភូនាយកប្រតិបត្តិនៃធនាគារអភិវឌ្ឍន៍អាស៊ី (ADB) ដឹកនាំដោយលោកជំទាវ Lisa Wright នាយកប្រតិបត្តិប្តូរវេន (Alternate Executive Director), ប្រធាននាយកដ្ឋានតំបន់អាស៊ីអាគ្នេយ៍ (Southeast Asia) ដើម្បីពង្រឹងភាពជាដៃគូយុទ្ធសាស្ត្រក្នុងការលើកកម្ពស់វិស័យសុខាភិបាលកម្ពុជា។ជំនួបដ៏មានសារៈសំខាន់នេះ គឺជាការបង្ហាញយ៉ាងច្បាស់ពីការប្តេជ្ញាចិត្ត និងចក្ខុវិស័យរួមឆ្ពោះទៅការអភិវឌ្ឍប្រកបដោយចីរភាព ដោយបានផ្សារភ្ជាប់យ៉ាងជិតស្និទ្ធនូវការងាររបស់ក្រសួងសុខាភិបាល ទៅនឹងយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា និងយុទ្ធសាស្ត្រភាពជាដៃគូប្រចាំប្រទេសរបស់ធនាគារ ADB។ តាមរយៈកិច្ចសហប្រតិបត្តិការជិតស្និទ្ធកន្លងមក រាជរដ្ឋាភិបាលកម្ពុជា និងធនាគារ ADB បានរួមចំណែកយ៉ាងធំធេងក្នុងការកែប្រែមុខមាត់ប្រព័ន្ធសន្តិសុខ សុខភាពជាតិ។ វឌ្ឍនភាពទាំងនេះ គឺជាផ្លែផ្កានៃការយកចិត្តទុកដាក់ខ្ពស់ពីសំណាក់រាជរដ្ឋាភិបាល ក្នុងការបង្កើនការវិនិយោគលើវិស័យសុខាភិបាល និងសមត្ថភាពរបស់ក្រសួង ក្នុងការអនុវត្តគម្រោងនានាប្រកបដោយប្រសិទ្ធភាព តម្លាភាព តាមរយៈការធ្វើទំនើបកម្មមន្ទីរពេទ្យបង្អែក ការពង្រឹងមន្ទីរពិសោធន៍ និងការពង្រីកបណ្តាញសង្គ្រោះបន្ទាន់នៅទូទាំងប្រទេស។ សម្រាប់ជំហានបន្ទាប់ ក្រសួងសុខាភិបាលកំពុងរៀបចំផែនការយុទ្ធសាស្ត្រមុតស្រួច ដើម្បីធានាថាការវិនិយោគរបស់ធនាគារ ADB នឹងបម្រើផលប្រយោជន៍ផ្ទាល់ដល់ប្រជាពលរដ្ឋ តាមរយៈការសម្រេចឱ្យបាននូវ ការគ្របដណ្តប់សុខភាពជាសកល (UHC) ដោយផ្តោតលើចំណុចស្នូលរួមមាន៖ ការកសាងហេដ្ឋារចនាសម្ព័ន្ធធន់នឹងអាកាសធាតុ, ការធ្វើទំនើបកម្មសុខាភិបាលឌីជីថល និងការលើកកម្ពស់សមធម៌សុខភាពនៅតំបន់ព្រំដែន។ក្រសួងសុខាភិបាល ចាត់ទុកធនាគារអភិវឌ្ឍន៍អាស៊ី (ADB) មិនត្រឹមតែជាដៃគូអភិវឌ្ឍន៍ប៉ុណ្ណោះទេ ប៉ុន្តែជាដៃគូយុទ្ធសាស្ត្រដ៏សំខាន់មិនអាចខ្វះបាន ក្នុងការការពារសុខុមាលភាពប្រជាជនពីជំងឺឆ្លង និងការគំរាមកំហែងនានា ដើម្បីកសាងធនធានមនុស្សដ៏រឹងមាំ ឈានឆ្ពោះទៅសម្រេចបាននូវចក្ខុវិស័យកម្ពុជា ជាប្រទេសដែលមានចំណូលខ្ពស់នាពេលអនាគត៕អត្ថបទ រដ្ឋា

កម្ពុជា-វៀតណាម ប្តេជ្ញាពង្រឹងកិច្ចសហប្រតិបតិ្តការលើវិស័យវប្បធម៌ និងសិល្បៈ​ ក្នុងក្របខណ្ឌអន្តរជាតិធំៗ

2026/05/26 09:10:46 am        864
Facebook Telegram Linkin
កម្ពុជា-វៀតណាម ប្តេជ្ញាពង្រឹងកិច្ចសហប្រតិបតិ្តការលើវិស័យវប្បធម៌ និងសិល្បៈ​ ក្នុងក្របខណ្ឌអន្តរជាតិធំៗចំនួន០៣ គឺក្នុងក្របខណ្ឌអង្គការយូណេស្កូ(UNESCO), អាស៊ាន(ASEAN) និងមេគង្គ-ឡាងឆាង (MLC)។កាលពីល្ងាចថ្ងៃទី២៥ ខែឧសភា ឆ្នាំ២០២៦ នាទីសី្តការក្រសួងវប្បធម៌ និងវិចិត្រសិល្បៈ, លោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ បានទទួលជួបលោកជំទាវ ជិញ ធី ធុយ (TRINH THI THUY) អនុរដ្ឋមន្រី្តក្រសួងវប្បធម៌ កីឡា និងទេសចរណ៍ នៃសាធារណរដ្ឋសង្គមនិយមវៀតណាម ដើម្បីសម្តែងការគួរសម និងពិភាក្សាការងារលើវិស័យវប្បធម៌ និងសិល្បៈ។ ជាកិច្ចចាប់ផ្តើមលោកជំទាវបណ្ឌិតសភាចារ្យ ភឿង សកុណា សូមស្វាគមន៍ជូនចំពោះលោកជំទាវអនុរដ្ឋមន្រី្តក្រសួងវប្បធម៌ កីឡា និងទេសចរណ៍វៀតណាម ដែលអញ្ជើញដឹកនាំគណៈប្រតិភូមកបំពេញទស្សនកិច្ចនៅកម្ពុជា។ លោកជំទាវបណ្ឌិតសភាចារ្យ បានរំលឹកថា កម្ពុជា និងវៀតណាម គឺជាបងប្អូន និងជាអ្នកជិតខាងដ៏ល្អដែលតែងតែជួយគ្នាទៅវិញទៅមក និងសូមចូលរួមអបអរសាទរ ចំពោះការតែងតាំងថ្មីរបស់លោកជំទាវ ឡឹម ធី ភឿង ថាញ (Lam Thi Phuong Thanh) រដ្ឋមន្រី្តក្រសួងវប្បធម៌ និងទេសចរណ៍វៀតណាម។ កិច្ចសហប្រតិបតិ្តការកន្លងមក គឺកម្ពុជា និងវៀតណាម បាននិងកំពុងពង្រឹងកិច្ចសហប្រតិបតិ្តការលើវិស័យវប្បធម៌ និងសិល្បៈ តាមរយៈការអនុវត្តកម្មវិធីរបស់ក្រសួងទទួលបន្ទុកវប្បធម៌ និងសិល្បៈ នៃប្រទេសទាំងពីរ ដែលបានចុះហត្ថលេខាលើផែនការសហប្រតិបតិ្តការស្តីពីវប្បធម៌ និងសិល្បៈ សម្រាប់ឆ្នាំ២០២៣-២០២៧។ ក្រសួងទទួលបន្ទុកវប្បធម៌ និងសិល្បៈ នៃប្រទេសទាំងពីរ តែងតែធ្វើការផ្លាស់ប្តូរគណៈប្រតិភូ រួមទាំងគណៈប្រតិភូជាន់ខ្ពស់ និងអ្នកជំនាញក្នុងព្រឹតិ្តការណ៍វប្បធម៌និងសិល្បៈជាអន្តរជាតិនានាដែលរៀបចំឡើងក្នុងប្រទេសនីមួយៗក៏បានចូលរួមជាប្រចាំ។ទន្ទឹមគ្នានោះដែរ លោកជំទាវ ជិញ ធី ធុយ (TRINH THI THUY) បានសង្កត់ធ្ងន់ថា ប្រទេសកម្ពុជា មានបទពិសោធន៍ជាច្រើនណាស់លើកិច្ចការអភិរក្សសម្បតិ្តបេតិកភណ្ឌវប្បធម៌ (ប្រាសាទ និងវត្ថុបុរាណ) ជាពិសេសក្នុងឆ្នាំ២០២៥ លោកជំទាវ និងគណៈប្រតិភូ បានមកបំពេញបេសកកម្ម និងធ្វើទស្សនកិច្ចនៅខេត្តសៀមរាប តាមប្រាសាទបុរាណនានា បានបង្ហាញនូវអារម្មណ៍រំភើប និងស្ញប់ស្ញែងជាខ្លាំង ក៏មានការកោតសរសើរចំពោះប្រទេសកម្ពុជា ដែលមានបទពិសោធន៍ជាច្រើនក្នុងការអភិរក្សសម្បតិ្តបេតិកភណ្ឌ ដែលមានការទទួលស្គាល់ទាំងថ្នាក់ជាតិ និងអន្តរជាតិ។ ដូច្នេះលោកជំទាវ សូមជំរុញភាគីជាមិត្តសហការយ៉ាងជិតស្និទបន្ថែមទៀតជាមួយវៀតណាម ដើម្បីចែករំលែកបទពិសោធន៍ដែលកម្ពុជា កំពុងមាន ជូនដល់វៀតណាមផងដែរ។ ជាមួយគ្នានេះ លោកជំទាវ ក៏សូមអញ្ជើញគណៈប្រតិភូកម្ពុជា ទៅចូលរួមសម្តែងក្នុងព្រឹតិ្តការណ៍វប្បធម៌ធំៗ ចំនួន០២ នាចុងឆ្នាំ២០២៦នេះ គឺនៅក្នុងខែតុលា និងខែវិចិ្ឆកា។ជាការឆ្លើយតបលោកជំទាវ បណ្ឌិតសភាចារ្យ បានសម្តែងការស្វាគមន៍យ៉ាងកក់ក្តៅ និងទទួលយកការអញ្ជើញរបស់ភាគីវៀតណាម ដើម្បីបន្តពង្រឹងចំណងមិត្តភាព និងកិច្ចសហប្រតិបត្តិការវប្បធម៌ សិល្បៈ រវាងប្រទេសទាំងពីរឱ្យកាន់តែជិតស្និទ្ធ៕ អត្ថបទ រដ្ឋា

រដ្ឋមន្ត្រីក្រសួងរ៉ែ លើកទឹកចិត្តដល់សិក្ខាកាមពលទាហានវគ្គទី៧ ខិតខំហ្វឹកហាត់ឱ្យក្លាយជាទ័ពគំរូ

2026/05/25 09:21:30 pm        115
Facebook Telegram Linkin
រដ្ឋមន្ត្រីក្រសួងរ៉ែ និងថាមពល លើកទឹកចិត្តដល់សិក្ខាកាមពលទាហានថ្មីវគ្គទី៧ នៅមជ្ឈមណ្ឌលហ្វឹកហ្វឺនកងទ័ពជើងគោក ឱ្យ ខិតខំប្រឹងប្រែងត្រងត្រាប់ និងហ្វឹកហាត់បង្កើនចំណេះដឹង ឲ្យក្លាយទៅជាកងទ័ពមានជំនាញវិជ្ជាជីវៈ និងមានសមត្ថភាពប្រកបដោយ គុណភាព ដើម្បីក្លាយជាទ័ពគំរូប្រកបដោយយុទ្ធសាស្រ្ត។ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល លើកឡើងនៅក្នុងពិធីសំណេះសំណាលសាកសួរសុខទុក្ខដល់ថ្នាក់ដឹកនាំ នាយទាហាន យោធាចារ្យនាយទាហានរង និងសិក្ខាកាមពលទាហានថ្មីវគ្គ៧ នៅមជ្ឈមណ្ឌលហ្វឹកហ្វឺនកងទ័ពជើងគោក នៅថ្ងៃទី២៥ ខែឧសភា ឆ្នាំ២០២៦ នេះថា ជុំវិញស្ថាប័នស៊ីវិល និងកងកំលាំង, ក្រោមការស្វែងយល់ប្រកបដោយគតិបណ្ឌិត និងការឈ្លាសវៃបំផុត របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី បច្ចុប្បន្នជាប្រធានព្រឹទ្ធសភា និងជាប្រមុខរដ្ឋស្តីទី នៃព្រះរាជា ណាក្រកម្ពុជា, សម្តេចបានជម្រុញបង្កើតឲ្យមានសម្ព័ន្ធមេត្រីភាព រវាងស្ថាប័ននានាជាមួយកងទ័ព ដែលនេះគឺជាផ្នែកមួយជម្រុញ លើកទឹកចិត្តដល់កងកំលាំង ក្នុងដំណើរការអភិវឌ្ឍខ្លួនឲ្យសមស្របតាមស្ថានការណ៍បច្ចុប្បន្ន។ក្នុងជំនួបសំណេះសំណាលនេះ, ឯកឧត្តមរដ្ឋមន្ត្រី ក៏បានលើកទឹកចិត្តដល់សិក្ខាកាមពលទាហានថ្មីវគ្គទី៧ នៅមជ្ឈមណ្ឌល ហ្វឹកហ្វឺនកងទ័ពជើងគោកទាំងអស់ ត្រូវខិតខំប្រឹងប្រែង ត្រងត្រាប់ និងហ្វឹកហាត់បង្កើនចំណេះដឹង ឲ្យក្លាយទៅជាកងទ័ពមានជំនាញ វិជ្ជាជីវៈ និងមានសមត្ថភាពប្រកបដោយគុណភាព ដើម្បីធ្វើយ៉ាងណាឲ្យកងទ័ពរបស់យើងក្លាយជាទ័ពគំរូ ប្រកបដោយយុទ្ធសាស្រ្ត ក្នុងការវិវត្តន៍ទៅមុខប្រកបដោយភាពជោគជ័យ ។  ឧត្តមសេនីយ៍ទោ ពេជ សំអុន នាយកមជ្ឈមណ្ឌលហ្វឹកហ្វឺនកងទ័ពជើងគោក បានថ្លែងថា ដោយមានការយកចិត្តទុកដាក់ពី រាជរដ្ឋាភិបាល ជាពិសេសក្រសួងដែលជាសម្ព័ន្ធមេត្រី ក្នុងនាមតំណាងកងទ័ព លោកបានប្តេជ្ញាបន្តនូវវគ្គបណ្តុះបណ្តាល ការបំប៉ន និង ការបង្កើននូវចំណេះដឹងដល់សិក្ខាកាមទាំងអស់ ឲ្យក្លាយទៅជាកងទ័ពមានជំនាញវិជ្ជាជីវៈ មានសមត្ថភាព គុណភាព មានចំណេះដឹង ផ្នែកបច្ចេកវិទ្យា ភាសារបទេស ការគោរពប្រតបត្តិនូវលក្ខន្តិកៈនៃកងយោធពលខេរភូមិន្ទ និងការគោរពសិទ្ធមនុស្ស ស្មោះត្រង់ចំពោះ ជាតិ សាសនា ព្រះមហាក្សត្រ និងហ៊ានពលីគ្រប់បែបយ៉ាងដើម្បីបូរណភាពទឹកដីរបស់យើង៕អត្ថបទ៖ សុន រ៉ាឌី

ឯកឧត្តម ហ៊ុន ម៉ានី បន្តជំរុញការបញ្ជ្រាបយេនឌ័រក្នុងវិស័យមុខងារសាធារណៈ

2026/05/25 07:57:33 pm        136
Facebook Telegram Linkin
ក្រសួងមុខងារសាធារណៈ នៅរសៀលថ្ងៃទី២៥ ខែឧសភា ឆ្នាំ២០២៦ បានរៀបចំសិក្ខាសាលាផ្សព្វផ្សាយ «ផែនការយុទ្ធសាស្ត្របញ្ជ្រាបយេនឌ័រក្នុងវិស័យមុខងារសាធារណៈ ដំណាក់កាលទី៤ ឆ្នាំ២០២៥-២០២៨»។ ផែនការយុទ្ធសាស្ត្រនេះ មានគោលដៅសំខាន់បង្កើនចំនួនមន្ត្រីជាស្ត្រីឱ្យកាន់តែច្រើន ពិសេសក្នុងតួនាទីជាអ្នកសម្រេចចិត្ត។ឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានសម្តែងការកោតសរសើរនិងវាយតម្លៃខ្ពស់ចំពោះ លោកជំទាវ សៅ សុគន្ធារី រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារយេនឌ័រ ព្រមទាំងក្រុមការងារ និងមន្ត្រីរាជការទាំងអស់ ដែលបានខិតខំរៀបចំសិក្ខាសាលានេះឡើង និងបានបង្ហាញពីវឌ្ឍនភាពគួរឱ្យកត់សម្គាល់នៃការបញ្ជ្រាបយេនឌ័រនាពេលកន្លងមក។តាមរយៈរបាយការណ៍ លទ្ធផលនៃការបញ្ជ្រាបយេនឌ័រក្នុងវិស័យមុខងារសាធារណៈមានការរីកចម្រើនជាលំដាប់៖ ចំនួនមន្ត្រីរាជការស៊ីវិលជាស្ត្រីបានកើនឡើងពី ៤១% ក្នុងឆ្នាំ២០២០ ដល់ ៤៣% មកដល់ពេលបច្ចុប្បន្ន ។ឯកឧត្តមឧបនាយករដ្ឋមន្ត្រី ហ៊ុន ម៉ានី ប្រសាសន៍ជាគន្លឹះថា «យើងមានវឌ្ឍនភាព ប៉ុន្តែមិនអាចពេញចិត្តត្រឹមតែវឌ្ឍនភាពប៉ុណ្ណឹងនោះទេ។ យើងត្រូវបន្តប្រែក្លាយវឌ្ឍនភាពនេះ ឱ្យទៅជាលទ្ធផលកាន់តែធំ កាន់តែជាក់ស្តែង និងកាន់តែមាននិរន្តរភាព» ។គោលបំណងយុទ្ធសាស្ត្រចម្បងទាំង ៣ នៃដំណាក់កាលទី៤ ផែនការយុទ្ធសាស្ត្រថ្មីនេះ ត្រូវបានបង្កើតឡើងដើម្បីឆ្លើយតបទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល និងស៊ីសង្វាក់គ្នាទៅនឹងផែនការយុទ្ធសាស្ត្រនារីរតនៈទី៦ (២០២៤-២០២៨) ដោយផ្តោតលើការបង្កើនការចូលរួមរបស់ស្ត្រី ក្នុងតួនាទីធ្វើសេចក្តីសម្រេចចិត្ត និងភាពជាអ្នកដឹកនាំក្នុងរដ្ឋបាលសាធារណៈ។ ធានាបរិយាកាសការងារសមរម្យ និងមានសុវត្ថិភាព សម្រាប់មន្ត្រីរាជការស៊ីវិលទាំងអស់ ដោយគ្មានការរើសអើង និងការបៀតបៀន។ បង្កើនសមត្ថភាព និងការយល់ដឹង លើការបញ្ជ្រាបនិងការវិភាគយេនឌ័រ ក្នុងការរៀបចំគោលនយោបាយ និងការផ្តល់សេវាសាធារណៈ។ដើម្បីសម្រេចបាននូវគោលដៅខាងលើ ឯកឧត្តមឧបនាយករដ្ឋមន្ត្រី បានដាក់ចេញនូវការណែនាំសំខាន់ៗចំនួន ៣ ចំណុច៖ទី១. បន្តជំរុញ និងបង្កើនសមាមាត្រស្ត្រីក្នុងការជ្រើសរើសមន្ត្រីថ្មី និងការតែងតាំងមុខតំណែងដឹកនាំគ្រប់កម្រិត ជាពិសេសថ្នាក់ដឹកនាំជាន់ខ្ពស់ (ថ្នាក់អគ្គនាយក ឬប្រហាក់ប្រហែល) ព្រមទាំងផ្តល់ឱកាសបណ្តុះបណ្តាលទាំងក្នុងនិងក្រៅប្រទេស។ទី២. បង្កើតបរិយាកាសការងារដែលគាំទ្រដល់ស្ត្រី ដូចជាការរៀបចំឱ្យមាន បន្ទប់ទារកដ្ឋាន ឬកន្លែងមើលថែទាំកុមារ នៅតាមក្រសួង និងអង្គភាពសាធារណៈ ដើម្បីជួយសម្រួលដល់មន្ត្រីជាស្ត្រីដែលមានកូនតូច។ទី៣. បន្តសហការជិតស្និទ្ធជាមួយក្រសួងកិច្ចការនារី សាលាភូមិន្ទរដ្ឋបាល និងដៃគូអភិវឌ្ឍន៍ ដើម្បីរៀបចំវគ្គបណ្តុះបណ្តាលស្តីពីការបញ្ជ្រាបយេនឌ័រដល់មន្ត្រីរាជការទាំងថ្នាក់ជាតិ និងថ្នាក់ក្រោមជាតិ សំដៅប្រែក្លាយការយល់ដឹងទៅជាសកម្មភាពជាក់ស្តែងក្នុងរដ្ឋបាលសាធារណៈទំនើប៕អត្ថបទ៖គឹមហុក 

អ្នកនាំពាក្យសម្ដេចតេជោ៖ការដោះលែង លោក កឹម សុខា បង្ហាញអំពីគុណធម៌នយោបាយដ៏ជ្រាលជ្រៅរបស់រាជរដ្ឋាភិបាលជំនាន់ក្រោយ

2026/05/25 07:35:17 pm        182
Facebook Telegram Linkin
ឯកឧត្តម ជា ធីរិទ្ធ អ្នកនាំពាក្យសម្ដេចតេជោ បញ្ជាក់នៅយប់ថ្ងៃទី២៥ ខែឧសភានេះថា ការលើកលែងទោសចំពោះលោក កឹម សុខា គឺជារឿងដែលយើងសាទរ និងបង្ហាញអំពីគុណធម៌នយោបាយដ៏ជ្រាលជ្រៅរបស់រាជរដ្ឋាភិបាល ជាពិសេសគឺគុណធម៌នយោបាយរបស់សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ដែលលោកជាអ្នកស្នើទៅអង្គព្រះមហាក្សត្រឱ្យមានការលើកលែងទោសចំពោះលោក គឹម សុខា។ឯកឧត្តម ធីរិទ្ធ បញ្ជាក់ថា សម្ដេចតេជោ លោកទទួលបាននូវព្រះរាជសិទ្ធិពីព្រះមហាក្សត្រ ក្នុងឋានៈលោកជាប្រមុខរដ្ឋស្ដីទី ចុះហត្ថលេខាលើកលែងទោសលើព្រះរាជក្រឹត្យលើកលែងទោសលោក កឹម សុខា។ ឯកឧត្តម ជា ធីរិទ្ធ បញ្ជាក់ថា ការលើកលែងទោសចំពោះលោក កឹម សុខា នេះ បានកើតឡើងនៅក្នុងពេលដែលលោក កឹម សុខា កំពុងមានទុក្ខ ដោយសារម្ដាយរបស់លោកឋិតនៅក្នុងភាពចាស់ជរា ជំងឺក្នុងតំណាក់កាលចុងក្រោយ ដែលតម្រូវឱ្យលោក កឹម សុខា មានពេលវេលា មានឱកាស នៅក្នុងការថែទាំម្ដាយរបស់ខ្លួនក្នុងដំណាក់កាលចុងក្រោយ។ ឯកឧត្តមបន្តថា រឿងច្បាប់វាជារឿងមួយ ប៉ុន្ដែគុណធម៌នយោបាយ គុណធម៌នៅក្នុងស្ថានភាព ដែលម្ដាយឋិតនៅក្នុងដំណាក់កាលចុងក្រោយហើយកូនមានទោសទៀតនោះ គឺជារឿងមួយដែលសម្ដេចធិបតីលោកមិនចង់ឃើញម្លោះហើយទើបលោកស្នើឱ្យមានការលើកលែងទោសនេះ។ ឯកឧត្តម ធីរិទ្ធ បញ្ជាក់ថា ការលើកលែងទោសនេះទៀតសោត វាក៏បានឆ្លុះបញ្ចាំង ពីគុណតម្លៃពង្រឹងនៃការសាមគ្គីជាតិ នៅការផ្សះផ្សាជាតិ ដែលកើតចេញអំពីគុណធម៌របស់អ្នកនយោបាយ ជាពិសេសគឺគុណធម៌ចំពោះអ្នកជំនាន់ក្រោយនេះតែម្ដង ដែលយើងគ្រប់គ្នាជាប្រជាពលរដ្ឋខ្មែរចង់ឃើញ និងចង់បាន ហើយកំពុងតែសា៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តចាត់តំណាងចុះសួរសុខទុក្ខកម្មការិនីរងរបួសធ្ងន់ ៩នាក់ទៀតក្នុងគ្រោះថ្នាក់ចរាចរណ៍ នៅខេត្តកំពង់ឆ្នាំង ដែលកំពុងសម្រាកព្យាបាលនៅមន្ទីរពេទ្យក្នុងរាជធានីភ្នំពេញ

2026/05/25 07:30:51 pm        89
Facebook Telegram Linkin
នៅរសៀលថ្ងៃចន្ទទី២៥ ខែឧសភា ឆ្នាំ២០២៦នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បន្តចាត់តំណាងដឹកនាំដោយ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ចុះសួរសុខទុក្ខកម្មការិនី រងរបួសធ្ងន់ចំនួន៩នាក់ទៀត ចំណោមអ្នករងរបួសទាំងអស់ក្នុងហេតុការណ៍គ្រោះថ្នាក់ចរាចរណ៍នៅខេត្តកំពង់ឆ្នាំង ដែលបានបញ្ជូនមកសម្រាកព្យាបាលនៅរាជធានីភ្នំពេញ ក្នុងនោះកំពុងសម្រាកព្យាបាលនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ចំនួន១នាក់ មន្ទីរពេទ្យជាតិតេជោសន្តិភាព ចំនួន២នាក់ និងមន្ទីរពេទ្យកាល់ម៉ែតចំនួន៦នាក់។ក្នុងឱកាសសំណេះសំណាលនាពេលនោះ លោកជំទាវ ពុំ ចន្ទីនី អគ្គលេខាធិការ បានមានប្រសាសន៍ថា បន្ទាប់ពីទទួលបានដំណឹងដ៏រន្ធត់ពីហេតុការណ៍គ្រោះចរាចរណ៍លើបងប្អូនដែលជាកម្មករ-កម្មការិនីចំនួន២ករណីផ្សេងគ្នាក្នុងថ្ងៃតែមួយ ដែល បានកើតឡើងនៅខេត្តស្វាយរៀង និងខេត្តកំពង់ឆ្នាំង ភ្លាមៗនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ក្រុមការងារអញ្ជើញទៅចូលរួមរំលែកទុក្ខដោយផ្ទាល់ជាមួយក្រុមគ្រួសារនៃសព និងចុះសួរសុខទុក្ខអ្នករងរបួសនៅតាមមន្ទីរពេទ្យក្នុងខេត្តនីមួយៗ។ ដោយឡែកនៅថ្ងៃនេះ បងប្អូនកម្មការិនីរងរបួសធ្ងន់៩នាក់ ដែលបានបញ្ជូនមកសម្រាកព្យាបាលនៅមន្ទីរពេទ្យក្នុងរាជធានីភ្នំពេញ សម្តេចកិត្តិព្រឹទ្ធបណ្ឌិត ក៏បន្តចាត់ឱ្យក្រុមការងារដឹកនាំដោយលោកជំទាវអគ្គលេខាធិការ អញ្ជើញចុះសួរសុខទុក្ខ និងនាំយកថវិកាក្នុងម្នាក់ ២លានរៀល ព្រមទាំងគ្រឿងឧបភោគបរិភោគ( មី ១កេស, ត្រីខ ២០កំប៉ុង, ឃីត ១ កញ្ចប់, ទឹកក្រូច ១កេស, ទឹកបរិសុទ្ធ ១កេស, ដោះគោខាប់ ៥កំប៉ុង និងទឹកដោះគោស្រស់ ១កេស ) សម្រាប់ជួយសម្រាលការលំបាក និងដោះស្រាយជីវភាពខណៈពេលកំពុងសម្រាកព្យាបាលរបួស។ ជាមួយគ្នានេះសូមជូនពរឱ្យបងប្អូនដែលរងរបួសទាំងអស់ខិតខំថែទាំសុខភាពផ្លូវចិត្តឱ្យបានល្អ កុំបាក់ទឹកចិត្ត រឹងមាំឡើង សូមយកចិត្តទុកដាក់ស្តាប់តាមការព្យាបាលរបស់ក្រុមគ្រូពេទ្យ និងសូមជូនពរឆាប់បានជាស្បះស្បើយ ដើម្បីបន្តប្រកបរបរចិញ្ចឹមជីវិត ព្រមទាំងបានជួបជុំក្រុមគ្រួសារឡើងវិញ។ សូមរំលឹកថា ករណីគ្រោះថ្នាក់ចរាចរណ៍ដ៏រន្ធត់នេះ បានឆក់យកជីវិតកម្មករ-កម្មការិនីរោងចក្រសរុប ១៤នាក់ និងរបួសធ្ងន់ស្រាលចំនួន៨៥នាក់ ក្នុងនោះនៅខេត្តកំពង់ឆ្នាំងស្លាប់៩នាក់ របួសស្រាល ៣៧នាក់ របួសធ្ងន់៩នាក់ និងនៅខេត្តស្វាយរៀង ស្លាប់៥នាក់ ក្នុងនោះមានប្តីប្រពន្ធ ២គូ និងរបួសធ្ងន់ស្រាល ៣៩នាក់៕

ប្រមុខរដ្ឋស្តីទីចេញព្រះរាជក្រឹត្យលើកលែងទោសឱ្យទណ្ឌិតឈ្មោះ កឹម សុខា

2026/05/25 06:10:55 pm        184
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រមុខរដ្ឋស្តីទីចេញព្រះរាជក្រឹត្យលើកលែងទោសឱ្យទណ្ឌិតឈ្មោះ កឹម សុខា ភេទប្រុស កើតឆ្នាំ១៩៥៣ ដែលត្រូវបានតុលាការសម្រេចផ្ដន្ទាទោសដាក់ពន្ធនាគារកំណត់ ២៧ឆ្នាំ តាមអំណាចសាលដីកា ព្រហ្មទណ្ឌស្ថាពរលេខ ៧៩០ ក្រXI "អ.ណ" ចុះថ្ងៃទី៣០ ខែមេសា ឆ្នាំ២០២៦ របស់សាលាឧទ្ធរណ៍ភ្នំពេញ។ ព្រះរាជក្រឹត្យលើកលែងទោសចុះថ្ងៃទី២៥ ខែឧសភា ឆ្នាំ២០២៦។គួរបញ្ជាក់ថា ក្រោយពីបានធ្វើសវនាការពិភាក្សាដេញដោលចំនួន ៦៦លើក ចាប់ពីថ្ងៃទី១៥ ខែមករា ឆ្នាំ២០២០ រហូតដល់ថ្ងៃទី២១ ខែធ្នូ ឆ្នាំ ២០២២ ក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ បានប្រកាសសាលក្រមព្រហ្ម ទណ្ឌលេខៈ ១៨២ “ម” ចុះថ្ងៃទី ៣ ខែមីនា ឆ្នាំ ២០២៣ ដោយបានសម្រេចសេចក្ដីដូចខាងក្រោម៖១. ផ្តន្ទាទោសជនជាប់ចោទ ឈ្មោះ កឹម សុខា ភេទប្រុស កើតថ្ងៃទី ២៧ ខែមិថុនា ឆ្នាំ ១៩៥៣ សញ្ជាតិ ខ្មែរ ដាក់ពន្ធនាគារកំណត់រយៈពេល ២៧ (ម្ភៃប្រាំពីរ) ឆ្នាំ ពីបទសន្និដ្ឋិភាពជាមួយបរទេស ឬបទឃុបឃិតត្រូវរ៉ូវគ្នជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ ២០១០ ដល់ថ្ងៃទី ៣ ខែកញ្ញា ឆ្នាំ ២០១៧ ជាបទល្មើសព្រហ្មទណ្ឌ និងត្រូវផ្តន្ទាទោស តាមបញ្ញត្តិមាត្រា ៤៣៩ និងមាត្រា ៤៤៣ នៃក្រមព្រហ្មទណ្ឌ។២. ផ្តន្ទាទោសជនជាប់ចោទនូវទោសបន្ថែម ដោយដកជាស្ថាពរនូវ សិទ្ធិបោះឆ្នោត សិទ្ធិឈរឈ្មោះឲ្យគេបោះឆ្នោត និងសិទ្ធិធ្វើសកម្មភាពនយោបាយផ្សេងទៀត តាមបញ្ញត្តិមាត្រា ៤៥០ នៃក្រមព្រហ្មទណ្ឌ។៣. ដាក់ជនជាប់ចោទឲ្យស្ថិតនៅក្រោមវិធាន ការត្រួតពិនិត្យតាមផ្លូវតុលាការ ដោយត្រូវគោរពកាតព្វកិច្ចមួយចំនួនដូចខាងក្រោម៖-មិនត្រូវជួបបុគ្គលណាម្នាក់ ទាំងសញ្ជាតិខ្មែរ និងបរទេស ដោយផ្ទាល់ ឬដោយប្រយោលតាម ប្រព័ន្ធបច្ចេកវិទ្យា ក្រៅពីសមាជិកគ្រួសារ លើកលែងតែមានការអនុញ្ញាតដោយព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ដោយយោងលើតម្រូវការចាំបាច់តែប៉ុណ្ណោះ។ កាតព្វកិច្ចនៃវិធានការត្រួតពិនិត្យតាមផ្លូវតុលាការខាងលើនេះ មានអានុភាពអនុវត្តភ្លាម ចាប់ពីថ្ងៃ ប្រកាសសាលក្រមនេះ រហូតដល់ពេលសាលក្រមចូលជាស្ថាពរ។៤. បង្គាប់ឲ្យកងកម្លាំង នៃអគ្គស្នងការដ្ឋាននគរបាលជាតិ ប្រើប្រាស់សិទ្ធិអំណាច និងតួនាទីរបស់ខ្លួន ក្នុង ឋានៈជាមន្ត្រីនគរបាលយុត្តិធម៌ ដើម្បីធានាអនុវត្តនូវវិធានការត្រួតពិនិត្យតាមផ្លូវតុលាការ ដូចកំណត់ក្នុង ចំណុចទី ៣ នៃសេចក្ដីសម្រេចខាងលើនេះ ក្រោមការដឹកនាំ និងសម្របសម្រួលដោយព្រះរាជអាជ្ញាន អយ្យការអមសាលាដំបូងរាជធានីភ្នំពេញ។៥. ក្នុងករណីដែលមានការបំពាននូវកាតព្វកិច្ច នៃវិធានការត្រួតពិនិត្យតាមផ្លូវតុលាការ តំណាងអយ្យការ អមសាលាដំបូងរាជធានីភ្នំពេញ ត្រូវស្នើសុំជាបន្ទាន់ទៅតុលាការមានសមត្ថកិច្ចឲ្យចេញនូវវិធានការឃុំ ខ្លួនជាបណ្តោះអាសន្នលើជនជាប់ចោទ៕ អត្ថបទៈ វង្ស សុភាព

កងទ័ពជើងទឹកបើកវគ្គបំប៉នជំនាញដើម្បីឆ្លើយតបការកែទម្រង់កងយោធពលខេមរភូមិន្ទដោយផ្តោលលើ គោលការរបស់រាជរដ្ឋាភិបាល«បង្រួមក្បាល ពង្រីកខ្លួន»

2026/05/25 05:29:38 pm        114
Facebook Telegram Linkin
ដើម្បីអនុវត្តផែនការកំណែទម្រង់របស់កងយោធពលខេមរភូមិន្ទ និងដោយផ្តោតលើគោលការរបស់រាជរដ្ឋាភិបាល«បង្រួមក្បាល ពង្រីកខ្លួន»នោះ បញ្ជាការដ្ឋានកងទ័ពជើងទឹក បានបន្តបើកវគ្គបណ្តុះបណ្តាល ដល់នាវិករបស់ខ្លួនឲ្យកាន់តែខ្លាំងក្លាបន្ថែមទៀត លើជំនាញបច្ចេកទេស អន្តរាគមន៍ វាយលុក និងអប់រំចិត្ត សាស្រ្តជាដើម។ ថ្លែងនៅក្នុងពិធីបើកវគ្គបំប៉នជំនាញអន្តរាគមន៍ និងអប់រំចិត្តសាស្រ្ត ឆ្នំា២០២៦របស់កងទ័ពជើង ទឹកនាថ្ងៃទី២៥ ខែឧសភា ឆ្នាំ២០២៦នេះ ឧត្តមនាវីឯក ទៀ សុខា មេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការ នៃគណៈកម្មការសន្តិសុខលម្ហ សមុទ្របានគូសបញ្ជាក់ថា ក្រៅពីអនុវត្ត ភារកិច្ចស្នូលរបស់ខ្លួនក្នុងកិច្ចការពារបូរណភាពទឹកដី និងអធិបតេយ្យជាតិនោះ កងទ័ពជើងទឹកមិនភ្លេចអំពីការពង្រឹងនិងពង្រីកសមត្ថភាពបន្ថែមលើចំណេះដឹង ចំណេះធ្វើដល់យោធិន ក៏ដូចជាការអនុវត្តផែនការកំណែទម្រង់របស់កងយោធពលខេមរភូមិន្ទ ដោយអនុវត្តតាមផែនការហ្វឹកហ្វឺនរបស់អគ្គបញ្ជាការ ក្រសួងការពារជាតិនោះទេ ដោយបានបើកវគ្គហ្វឹកហ្វឺនជំនាញនានាច្រើនដល់នាវិកគ្រប់កងឯកភាពទាំងអស់។ឯកឧត្តមឧត្តមនាវីឯកទៀ សុខា បានលើកឡើងថា ការបើកវគ្គហ្វឹកហ្វឺនរបស់កងទ័ពជើងទឹកនាពេលនេះ គឺដើម្បីពង្រឹងសមត្ថភាពយោធិន របស់កងទ័ពជើងទឹក ហើយក៏នៅមានវគ្គហ្វឹកហ្វឺន និងវគ្គបំប៉នជំនាញផ្សេងៗទៀតជាច្រើន ដែលត្រូវបន្ត យកមកអនុវត្តឲ្យបានខ្ជាប់ខ្ជួន ដើម្បីឆ្លើយតបនិងដើរឲ្យទាន់ ការកែទម្រង់កងយោធពលខេមរភូមិន្ទ ក្រោយការដឹកនាំដ៏ប៉ិនប្រសប់ និងចក្ខុវិស័យវែងឆ្ងាយរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដែលផ្តោតលើគោលការណ«បង្រួមក្បាល ពង្រីកខ្លួន» ដើម្បីបង្កើតកងទ័ពជំនាញ ខ្លាំងស្ទាត់ជំនាញនិងទំនើប តាមរយៈការកាត់បន្ថយរចនាសម្ព័ន្ធធំទូលាយ និងពង្រឹងកម្លាំងប្រយុទ្ធផ្ទាល់នៅមូលដ្ឋាន ដោយផ្តោតលើទំនើបកម្មហេដ្ឋារចនាសម្ព័ន្ធ ធនធានមនុស្ស និងគ្រឿងបំពាក់ស្របតាមពាក្យស្លោកដ៏មានអត្ថន័យរបស់សម្តេចតេជោ ហ៊ុន សែន«កែទម្រង់រស់ មិនកែទម្រង់គឺស្លាប់» ខណៈពាក្យនេះគឺមាន អត្ថន័យ និងត្រឹមត្រូវគ្រប់កាលៈទេសៈទាំងអស់៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

គណៈកម្មការប្រតិបត្តិ Soccer League បង្ហើបមហិច្ឆតាធំមួយ សម្រាប់ត្រៀមខួបលើកទី១០
06/05/2026 09:06 AM
Facebook Telegram Linkin
លីបង់៖ កិច្ចព្រមព្រៀងបទឈប់បាញ់ដ៏ទូលំទូលាយ ជាឱកាសចុងក្រោយរបស់ខ្លួនក្នុងពេលក្រុមហេសបូឡា ច្រានចោល
06/05/2026 09:06 AM
Facebook Telegram Linkin
គោព្រៃកម្ពុជា ទទួលបានការសសើរពីគ្រូទាំងសងខាង ក្រោយយកឈ្នះប៊ូតង់ ៤-០
06/05/2026 09:06 AM
Facebook Telegram Linkin
អង្គការឃ្លាំមើលនុយក្លេអ៊ែររបស់ UN បានលើកឡើងពីការព្រួយបារម្ភនៃការរីកសាយនៅទីតាំងរបស់អ៊ីរ៉ង់
06/05/2026 09:06 AM
Facebook Telegram Linkin
មេដឹកនាំអ៊ុយក្រែន សន្យាកំណត់ពេលវេលាច្បាស់លាស់សម្រាប់ការចរចាស្តីពីសមាជិកភាពសហភាពអឺរ៉ុប
06/05/2026 09:06 AM
Facebook Telegram Linkin
កម្ពុជា រកឃើញសត្វព្រៃសំខាន់ៗជាច្រើននៅភាគខាងជើងប្រទេស
06/05/2026 09:06 AM
Facebook Telegram Linkin
មេដឹកនាំអ៊ុយក្រែន ស្នើឲ្យមានជំនួបពិភាក្សាទល់មុខគ្នាក្នុងលិខិតបើកចំហរផ្ញើទៅកាន់លោក Putin
06/05/2026 09:06 AM
Facebook Telegram Linkin
រដ្ឋាករទឹកស្វយ័តក្រុងភ្នំពេញបែងចែកភាគលាភឆ្នាំ២០២៥ ជាង ២៨,៧ ប៊ីលានរៀលជូនភាគហ៊ុនិក
06/05/2026 08:06 AM
Facebook Telegram Linkin
ក្រុមហេសបូឡា ច្រានចោលបទឈប់បាញ់រវាងអ៊ីស្រាអែល-លីបង់ គាំទ្រដោយអាមេរិក
06/05/2026 08:06 AM
Facebook Telegram Linkin
កម្ពុជា-សិង្ហបុរី ពិភាក្សាអំពីលទ្ធភាព នៃការជំរុញនាំចេញផលិតផលកម្ពុជាទៅកាន់ទីផ្សារសិង្ហបុរី
06/05/2026 08:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.