BTV NEWS

កម្ពុជាឃាត់ខ្លួនជនជាតិថៃម្នាក់ ក្រោយចូលជ្រៅក្នុងទឹកដីកម្ពុជាដោយខុសច្បាប់ ខណៈកំពុងសម្របសម្រួលតាមយន្តការទំនាក់ទំនងព្រំដែនឈរលើគោលការណ៍មនុស្សធម៌ ដើម្បីបញ្ជូនខ្លូនទៅវិញ

សម្តេចតេជោ ស្នើឱ្យពិនិត្យដកមន្រ្តីកាំកុងត្រូល ខេត្តបាត់ដំបងដែលកុហករឿងទុរេននាំចូល ដើម្បីជាសារព្រមានមន្រ្តីទាំងអស់កុំឲ្យពូកែកុហកថ្នាក់លើ និងប្រជាជន

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សានិងមន្ត្រីនៃមន្ទីរ-អង្គភាពនានាជុំវិញខេត្តស្វាយរៀង

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

ព័ត៌មានជាតិ

អាជ្ញាធរបង្កើនការចុះត្រួតពិនិត្យទីតាំងជួលស្នាក់នៅ ដើម្បីទប់ស្កាត់បទល្មើសឆបោកតាមប្រព័ន្ធបច្ចេកវិទ្យា

កម្លាំងអាជ្ញាធរនៅតាមថ្នាក់មូលដ្ឋាន ក្នុងរាជធានីភ្នំពេញ បាននឹងកំពុងបន្តបង្កើនការចុះត្រួតពិនិត្យជាប្រចាំ ទៅតាមទីតាំងជួលស្នាក់នៅនានា ដើម្បីតាមដានទប់ស្កាត់បទល្មើសឧក្រិដ្ឋកម្មឆបោកតាមប្រព័ន្ធបច្ចេកវិទ្យា។ដើម្បីជាការឆ្លើយតប ក្រោយការទទួលបានបទបញ្ជាដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត នាយករដ្ឋមន្ត្រី កងកម្លាំងអាជ្ញាធរមានសមត្ថកិច្ចនៅគ្រប់ជាន់ថ្នាក់ ទាំងថ្នាក់ជាតិ និងរដ្ឋបាលក្រោមជាតិ បាននិងកំពុងបន្តការយកចិត្តទុកដាក់ខ្ពស់ក្នុងយុទ្ធនាការទប់ស្កាត់ និងបង្ក្រាបឲ្យមានប្រសិទ្ធិភាពខ្ពស់ លើបទល្មើស ឧក្រិដ្ឋកម្មឆបោកតាមប្រព័ន្ធបច្ចេកវិទ្យា ។ ក្នុងបច្ចុប្បន្នភាពនេះ កម្លាំងគណៈបញ្ជាការឯកភាពតាមរដ្ឋបាលខណ្ឌនីមួយៗទាំង១៤ ក្នុងក្របខណ្ឌ រាជធានីភ្នំពេញ បានចុះត្រួតពិនិត្យនៅតាមទីតាំងផ្ទះជួល, អគារបន្ទប់ជួល, អគារខុនដូរ, ផ្ទះសំណាក់ និងសណ្ឋាគារនានា ដើម្បីធ្វើបច្ចុប្បន្នភាពកំណត់ឲ្យបានច្បាស់អំពីការរស់នៅដោយស្របច្បាប់ត្រឹមត្រូវរបស់ជនបរទេសទាំងឡាយ ជៀសវាងការស្នាក់នៅដោយលួចលាក់ប្រព្រឹត្តិឧក្រិដ្ឋកម្មឆបោកតាមប្រព័ន្ធបច្ចេកវិទ្យា (Online Scams) ។ការចុះរដ្ឋបាលពិនិត្យជាប្រចាំនេះ ក៏មានការសហការចូលរួមល្អ ពីតាមបណ្តាម្ចាស់ទីតាំងពាក់ព័ន្ធទាំងអស់ផងដែរ ដើម្បីឲ្យដំណើរការ ទប់ស្កាត់ និងបង្ក្រាបឧក្រិដ្ឋឆបោកនេះ កាន់តែមានប្រសិទ្ធិភាពខ្ពស់។ ប្រជាពលរដ្ឋ បានបង្ហាញនូវការគាំទ្រខ្ពស់ចំពោះវិធានការដ៏ម៉ឺងម៉ាត់របស់រាជរដ្ឋាភិបាល ក្នុងការកម្ចាត់ បទល្មើសឧក្រិដ្ឋទាំងឡាយ ដែលបានបង្កអសន្តិសុខ និងអស្ថិរភាពដល់ប្រទេសជាតិ។គួររំលឹកថា កាលពីពេលកន្លង សម្តេចធិបតី ហ៊ុន ម៉ាណែត នាយករដ្ឋមន្ត្រី បានបញ្ជាក់ថា សម្តេចពិតជាចង់ឃើញណាស់នូវការចូលរួមជាមួយនឹងការប្តេជ្ញាចិត្ត និងការលះបង់ ដើម្បីជាតិពីគ្រប់តួអង្គដែលមានការពាក់ព័ន្ធទាំងអស់ ជាពិសេស ការចូលរួមប្រជាជនខ្មែរគ្រប់ស្រទាប់វណ្ណៈ គ្រប់និន្នាការ ក៏ដូចជាមន្ត្រីរាជការ អជ្ញាធរមូលដ្ឋាន កងកម្លាំងមានសមត្ថកិច្ចពាក់ព័ន្ធទាំងអស់ ដើម្បីរួបរួមគ្នាជាកម្លាំងមហាសាមគ្គីជាតិខ្មែរ សំដៅ លុបបំបាត់នូវរាល់បញ្ហាអសកម្មពាក់ព័ន្ធនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា ក៏ដូចជាដើម្បីលើកកម្ពស់កេរ្តិ៍ឈ្មោះដ៏ប្រពៃនៃព្រះរាជាណាចក្រកម្ពុជានៅលើឆាកអន្តរជាតិ៕ អត្ថបទ៖ លីហេង

កម្ពុជា-កាណាដា ប្តេជ្ញាចិត្តពង្រឹងកិច្ចសហប្រតិបត្តិការបន្ថែមលើវិស័យដែលជាផលប្រយោជន៍រួមប្រទេសទាំងពីរ

នៅព្រឹកថ្ងៃទី២២ ខែមករា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានទទួលជំនួបសម្តែងការគួរសមរបស់ ឯកឧត្តម Christian DesRoches ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសកាណាដា ប្រចាំព្រះរាជាណាចក្រកម្ពុជា នៅទីស្តីការក្រសួង។ក្នុងជំនួប ភាគីទាំងពីរបានសម្តែងការពេញចិត្តចំពោះសន្ទុះវិជ្ជមាននៃទំនាក់ទំនងកម្ពុជា-កាណាដា ព្រមទាំងបានអះអាងជាថ្មីនូវការប្តេជ្ញាចិត្ត ក្នុងការពង្រឹងកិច្ចសហប្រតិបត្តិការបន្ថែមទៀតលើវិស័យដែលជាផលប្រយោជន៍រួម មានដូចជា វិស័យអប់រំ ពាណិជ្ជកម្ម ទេសចរណ៍ និងការដោះមីន ។ ភាគីទាំងពីរក៏បានផ្លាស់ប្តូរទស្សនៈអំពីការវិវត្តថ្មីៗពាក់ព័ន្ធនឹងជម្លោះព្រំដែនកម្ពុជា-ថៃ ផងដែរ។

ពលរដ្ឋភៀសសឹកពី ភូមិព្រៃចាន់ និងភូមិជោគជ័យ កក់ក្តៅដែលរដ្ឋាភិបាលស្វែងរកជម្រកបណ្ដោះអាសន្នជូន

ប្រជាពលរដ្ឋភៀសសឹកមកពីភូមិព្រៃចាន់ និងភូមិជោគជ័យ ស្រុកអូរជ្រៅ ខេត្តបន្ទាយមានជ័យ បច្ចុប្បន្នកំពុងស្នាក់នៅជុំគ្នានៅជំរុំសុវត្ថិភាពមួយកន្លែងក្នុងភូមិសាស្ត្រស្រុកអូរជ្រៅ។ ស្របពេលដែលកំពុងរស់នៅក្រោមការសម្របសម្រួល ផ្គត់ផ្គង់ដោយរាជរដ្ឋាភិបាលនាពេលនេះ ពួកគេកាន់តែមានភាពកក់ក្ដៅ ពេលទទួលដំណឹងថា រាជរដ្ឋាភិបាលកម្ពុជា នឹងរៀបចំជាជម្រកបណ្ដោះអាសន្នសម្រាប់គ្រួសារនីមួយៗជូនពួកគាត់។បញ្ហាជម្លោះព្រំដែនកម្ពុជា-ថៃ ទោះបច្ចុប្បន្ន បច្ចុប្បន្នមានភាពស្ងប់ស្ងាត់ ពុំមានការផ្ទុះអាវុធនោះទេ ក្រោយបទឈប់បាញ់បានចូលជាធរមានកាលពីថ្ងៃទី ២៧ ខែធ្នូ ឆ្នាំ ២០២៥កន្លងទៅ។ ប្រជាពលរដ្ឋភៀសសឹកភាគច្រើន បានវិលទៅរស់នៅផ្ទះសម្បែងរបស់ខ្លួនវិញ ប៉ុន្តែពលរដ្ឋមួយចំនួនពុំទាន់អាចវិលទៅរស់នៅផ្ទះរបស់ខ្លួនបានវិញនោះទេ។ មូលហេតុ គឺផ្ទះសម្បែងរបស់ពួកគាត់ត្រូវបានបំផ្លិចបំផ្លាញដោយគ្រាប់ផ្លោងរបស់ទាហានថៃ ឬត្រូវបានទាហានថៃហ៊ុមព័ទ្ធមិនអនុញ្ញាតឱ្យចូល។ជាក់ស្ដែងសម្រាប់ពលរដ្ឋភៀសសឹក ដែលមកពីភូមិ ព្រៃចាន់ និងភូមិជោគជ័យ ក្នុងភូមិសាស្ត្រស្រុកអូរជ្រៅ ខេត្តបន្ទាយមានជ័យ បច្ចុប្បន្នត្រូវបន្តស្នាក់នៅជុំគ្នា នៅជំរុំសុវត្ថិភាពមួយកន្លែងដែលអាជ្ញាធររៀបចំជូននៅស្រុកអូរជ្រៅ។ គិតជាចំនួន គឺជាង ១ ២០០គ្រួសារ ដែលផ្ទះសម្បែង និងភូមិរបស់ពួកគាត់ត្រូវបានទាហានថៃ ហ៊ុមព័ទ្ធ។រាជរដ្ឋាភិបាលបានយកចិត្តទុកដាក់ជាខ្លាំង លើការរស់នៅជាប្រចាំថ្ងៃនៅជំរំសុវត្ថិភាពនាពេលនេះ។ ការផ្តត់ផ្គង់ជាស្បៀងអាហារ និងរួមមានថវិកាមួយចំនួនផងដែរ។ បច្ចុប្បន្នរាជរដ្ឋាភិបាល ក៏មានការគិតគូរបន្ថែម ដោយនឹងសាងសង់ជម្រកបណ្ដោះអាសន្នសម្រាប់ជនភៀសសឹកដែលពុំអាចវិលទៅផ្ទះសម្បែងវិញ។ ដំណឹងនេះផ្ដល់ជាភាពកក់ក្ដៅ ផ្តល់ជាក្ដីសង្ឃឹមបន្ថែម សម្រាប់ការបន្តដំណើរជីវិត និងបង្ហាញច្បាស់ពីការយកចិត្តទុកដាក់របស់រាជរដ្ឋាភិបាលកម្ពុជា ចំពោះប្រជាពលរដ្ឋរងគ្រោះគ្រប់រូប។កាលពីថ្ងៃទី ១៨ ខែមករា កន្លងទៅនេះ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និង ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញដឹកនាំកិច្ចប្រជុំពិនិត្យការរៀបចំជម្រកជូនភៀសសឹកដែលមិនទាន់អាចត្រឡប់ទៅលំនៅដ្ឋានវិញ ក្នុងខេត្តបន្ទាយមានជ័យ។សូមជម្រាបថា កាលពីថ្មីៗនេះ ក្នុងឱកាសដឹកនាំកិច្ចប្រជុំគណៈរដ្ឋមន្រ្តី សម្តេចធិបតី ហ៊ុន ម៉ាណែត បានណែនាំឱ្យមានការរៀបចំជម្រកបណ្ដោះអាសន្ន សម្រាប់ជនភៀសសឹកស្នាក់នៅ៕ អត្ថបទ៖ គឹម ហុក

គណៈប្រតិភូក្រសួងមុខងារសាធារណៈកម្ពុជា ចូលរួមកិច្ចប្រជុំ Global Government Summit 2026 នៅសាធារណរដ្ឋសិង្ហបុរី ដើម្បីពិភាក្សា និងចែករំលែកអំពីឧត្តមានុវត្តន៍ នៃការអនុវត្តការងារគ្រប់គ្រងវិស័យមុខងារសាធារណៈតាមបណ្តាប្រទេសនីមួយៗ

សិង្ហបុរី ៖ ប្រតិភូក្រសួងមុខងារសាធារណៈកម្ពុជា ដឹកនាំដោយ ឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ បានអញ្ជើញចូលរួមកិច្ចប្រជុំ Global Government Summit 2026 ដែលប្រព្រឹត្តទៅចាប់ពីថ្ងៃទី២០-២២ ខែមករា ឆ្នាំ២០២៦ នៅសាធារណរដ្ឋសិង្ហបុរី។ កិច្ចប្រជុំនេះ រៀបចំឡើង ក្នុងគោលបំណង ប្រមូលផ្តុំថ្នាក់ដឹកនាំជាន់ខ្ពស់ក្នុងវិស័យមុខងារសាធារណៈ ដើម្បីពិភាក្សា និងចែករំលែកអំពីឧត្តមានុវត្តន៍ នៃការអនុវត្តការងារគ្រប់គ្រងវិស័យមុខងារសាធារណៈ តាមបណ្តាប្រទេសនីមួយៗ ជាពិសេសការផ្លាស់ប្តូរទស្សនៈទៅវិញទៅមក ក្នុងការកែលម្អវិស័យមុខងារសាធារណៈ ដែលកំពុងជួបប្រទះនូវបញ្ហាប្រឈម និងភាពមិនច្បាស់លាស់នៃសកលភាវូបនីយកម្មនាពេលបច្ចុប្បន្ន។ ជាមួយគ្នានេះ វេទិកានេះ ក៏បានការចូលរួមចែករំលែកពីវាគ្មិនមកពីបណ្តាប្រទេស ជាសមាជិកមួយចំនួនលើប្រធានបទ ចំនួន៥ រួមមាន៖ ១. Leading through Global Uncertainty ២. Driving Improved Performance Management in Government ៣. Streamlining Government Policy Development to Quicken Delivery ៤. Boosting Government Resilience និង៥. Empowering Leadership Literacy AI។កិច្ចប្រជុំនេះ ត្រូវបានផ្តល់ជាកិត្តិយសចូលរួមជាអធិបតី និងថ្លែងសុន្ទរកថាបើកជាផ្លូវការដោយ ឯកឧត្តម Leo Yip ប្រធានមុខងារសាធារណៈនៃសាធារណរដ្ឋសិង្ហបុរី ព្រមទាំងមានការអញ្ជើញចូលរួមពីសំណាក់ថ្នាក់ដឹកនាំ និងមន្រ្តីជាន់ខ្ពស់ក្នុងវិស័យមុខងារសាធារណៈ មកពីប្រទេសចំនួន ២១ប្រទេស និងអង្គការសហប្រតិបត្តិការនិងអភិវឌ្ឍន៍សេដ្ឋកិច្ច (OECD) ព្រមទាំងធ្វើការសម្របសម្រួលដោយក្រុមការងារ Global Government Forum។ បន្ថែមពីលើនេះ ប្រតិភូក្រសួងមុខងារសាធារណៈកម្ពុជា ដឹកនាំដោយ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ ក៏ត្រូវបានអញ្ញើញឱ្យចូលរួមនៅក្នុងកម្មវិធី Leader’s Forum Conference ដែលបានរៀបចំ និងប្រព្រឹត្តទៅកាលថ្ងៃទី២០ ខែមករា ឆ្នាំ២០២៦ នៅ Civil Service College of Singapore ព្រមទាំងបានចូលរួមពិភាក្សាលើប្រធានបទស្តីពី Boosting Digital Resilience: From Fragmentation to Coherence ផងដែរ៕

ឯកឧត្តម ប៉ែន បូណា៖ «ជាកិត្តិយសធំធេងនៅពេលនិយាយពីសន្ដិភាព ពិភពលោកនឹកដល់កម្ពុជាភ្លាម ខណៈប្រធានាធិបតីអាមេរិកអញ្ជើញកម្ពុជាចូលរួមជារដ្ឋសមាជិកស្ថាបនិក នៃក្រុមប្រឹក្សាសន្តិភាព»

តាមរយៈសន្និសីទសារព័ត៌មាននៅថ្ងៃទី២២ ខែមករា ឆ្នាំ២០២៦នេះ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានបញ្ជាក់ថា អញ្ជើញផ្លូវការរបស់ ឯកឧត្តម ដូណាល់ ជេ ត្រាំ ប្រធានាធិបតីសហរដ្ឋអាមេរិក ឱ្យកម្ពុជាចូលជារដ្ឋសមាជិកស្ថាបនិក និងជាភាគីនៃធម្មនុញ្ញរបស់ក្រុមប្រឹក្សាសន្តិភាព គឺជាកិត្តិយសដ៏ធំធេងមួយសម្រាប់កម្ពុជា នៅត្រង់ថា ទោះបីជាកម្ពុជា គឺជាប្រទេសតូចមួយក៏ពិតមែន ប៉ុក៏ន្តែ ពិភពលោកនឹកឃើញកម្ពុជាភ្លាមនៅពេលដែលគេនិយាយពីសន្តិភាព។ឯកឧត្តម ប៉ែន បូណា បានថ្លែងថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានទទួលការអញ្ជើញជាផ្លូវការពីឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិកឱ្យកម្ពុជាចូលជារដ្ឋសមាជិកស្ថាបនិក និងជាភាគីនៃធម្មនុញ្ញរបស់ក្រុមប្រឹក្សាសន្តិភាព។ ក្នុងលិខិតចុះថ្ងៃទី១៦ ខែមករា ឆ្នាំ ២០២៦ ឯកឧត្តមប្រធានាធិបតី ដូណាល់ ត្រាំបានគូសបញ្ជាក់ថា គឺជាកិត្តិយសសម្រាប់ឯកឧត្តមក្នុងការអញ្ជើញសម្តេចធិបតីក្នុងនាមជានាយករដ្ឋមន្ត្រីកម្ពុជាចូលរួមក្នុងកិច្ចខិតខំប្រឹងប្រែងដ៏អស្ចារ្យនិងជាប្រវត្តិសាស្ត្រដើម្បីសន្តិភាព។ ឯកឧត្តមប្រធានាធិបតី ដូណាល់ ត្រាំ បានគូសបញ្ជាក់ទៀតថា ក្នុងនាមជាប្រធានក្រុមប្រឹក្សាភិបាលរបស់ក្រុមប្រឹក្សាសន្តិភាព ឯកឧត្តមសូមអញ្ជើញជាផ្លូវការព្រះរាជាណាចក្រកម្ពុជាចូលជារដ្ឋសមាជិកស្ថាបនិកនៃក្រុមប្រឹក្សាសន្តិភាព និងជាភាគីនៃធម្មនុញ្ញរបស់ក្រុមប្រឹក្សាសន្តិភាពដែលមានរូបសម្តេចធិបតីផ្ទាល់ជាតំណាង។ត្រង់ចំណុចនេះ អ្នកនាំពាក្យរាជរដ្ឋាភិបាលកម្ពុជាបានកត់សម្គាល់ឃើញថា លិខិតអញ្ជើញផ្លូវការរបស់ធានាធិបតី ដូណាល់ត្រាំ ឱ្យកម្ពុជាចូលជារដ្ឋសមាជិកស្ថាបនិក និងជាភាគីនៃធម្មនុញ្ញរបស់ក្រុមប្រឹក្សាសន្តិភាព គឺជាកិត្តិយសដ៏ធំធេងមួយសម្រាប់កម្ពុជា នៅត្រង់ថា ទោះបីជាកម្ពុជាគឺជាប្រទេសតូចមួយក៏ពិតមែន ប៉ុក៏ន្តែ ពិភពលោកនឹកឃើញកម្ពុជាភ្លាមនៅពេលដែលគេនិយាយពីសន្តិភាព។ នេះសបញ្ជាក់អំពីគុណតម្លៃនៃសន្តិភាពដែលថ្នាក់ដឹកនាំរបស់កម្ពុជា គឺសម្តេចតេជោ ហ៊ុន សែន អតីតនាយករដ្ឋមន្ត្រីនិងជាស្ថាបនិកនិងប្រតិបត្តិករសន្តិភាព និងឥស្សរជនរៀមច្បងផ្សេងទៀតបានតស៊ូ និងលះបង់យ៉ាងខ្ពស់បំផុតដើម្បីទទួលបានសន្តិភាពពេញលេញសម្រាប់ប្រទេសជាតិ និងប្រជាពលរដ្ឋខ្មែរ។ សម្តេចធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន គឺជាអ្នកបន្តឈរការពារយ៉ាងប្តូរផ្តាច់នូវសន្តិភាព និងចាត់ទុកជាអាទិភាពមច្បងមួយរបស់រាជរដ្ឋាភិបាល។ ឯកឧត្តមបានបន្តថា សន្តិភាពត្រូវបានថ្នាក់ដឹកនាំកម្ពុជាតែងតែទន្ទេញជាប់មាត់។ ពាក្យថា «អរគុណសន្តិភាព»ត្រូវបានដាក់បង្ហាញនៅគ្រប់ទិសទីដើម្បីជាការដឹងគុណ ជាការចងចាំ និងចូលរួមថែរក្សាការពារ ខណៈដែលស្មារតីស្រឡាញ់សន្តិភាពបានចាក់ឬសកាន់តែជ្រៅទៅក្នុងក្រអៅបេះដូងប្រជាពលរដ្ឋខ្មែរទាំងក្នុង និងក្រៅប្រទេស។ សន្តិភាពមិនត្រឹមតែត្រូវបានចាត់ទុកថាមានសារសំខាន់សម្រាប់ប្រទេសជាតិ និងប្រជាពលរដ្ឋខ្មែរប៉ុណ្ណោះទេ ប៉ុន្តែ ថ្នាក់ដឹកនាំកម្ពុជាបានចាត់ទុកសន្តិភាព គឺជាមូលដ្ឋានគ្រឹះមិនអាចខ្វះបានសម្រាប់ស្ថិរភាពក្នុងតំបន់ និងក្នុងពិភពលោកទាំងមូល។ «គឺក្នុងន័យនេះហើយដែលថ្នាក់ដឹកនាំកម្ពុជា ជាពិសេសសម្តេចតេជោ ហ៊ុន និងសម្តេចធិបតី ហ៊ុន ម៉ាណែត តែងតែចែករម្លែកអំពីទស្សនទានសន្តិភាព និងនយោបាយឈ្នះឈ្នះដល់ពិភពលោក តាមរយៈវេទិកាអន្តរជាតិជាច្រើនក្នុងរយៈពេលជិត៣ទសវត្សរ៍ចុងក្រោយនេះ។ នេះគឺជាហេតុផលដែលធ្វើឱ្យសន្តិភាពក្លាយជាអត្តសញ្ញាណរបស់កម្ពុជា ក្នុងសម័យទំនើបនេះដោយមិនអាចប្រកែកបាន។ កិច្ចខិតខំប្រឹងប្រែងនិងការលះបង់របស់ថ្នាក់ដឹកនាំកម្ពុជា ដើម្បីសន្តិភាព និងការពារអាយុជីវិតរបស់ប្រជាជនកម្ពុជាត្រូវបានពិភពលោកទទួលស្គាល់យ៉ាងទូលំទូលាយ»។ នេះបើតាមការបញ្ជាក់របស់ឯកឧត្តម ប៉ែន បូណា ។ចុងក្រោយនេះ នៅពេលដែលកម្ពុជាទទួលរងការវាយប្រហារប្រដាប់អាវុធដោយបំពានមកលើដែនអធិបតេយ្យភាពរបស់ខ្លួនពីសំណាក់កងទាហានថៃ ស្មារតីសន្តិភាពបានផុសត្រឡែតឡើងពីថ្នាក់ដឹកនាំកម្ពុជាក៏ដូចជាប្រជាពលរដ្ឋខ្មែរនៅគ្រប់ទិសទី។ ពាក្យថា «កម្ពុជាត្រូវការសន្តិភាព»(Cambodia Needs Peace) បានលាន់លឺនៅគ្រប់ទិសទី និងបានទាក់ទាញចំណាប់អារម្មណ៍មេដឹកនាំពិភពលោកឱ្យចោលក្រសែភ្នែកមកមើលប្រទេសដ៏តូច មួយនេះដែលកំពុងឈរការពារបុព្វហេតុសន្តិភាពយ៉ាងសកម្ម៕

គណៈកម្មាធិការជាតិគ្រប់គ្រងគ្រោះមហន្តរាយ និង UN Women ធ្វើ «កម្មវិធីកិច្ចសន្ទនាគោលនយោបាយ ស្តីពីការអនុវត្តផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ២០២៤-២០២៨ ដើម្បីជំរុញការអនុវត្តដែលឆ្លើយតបទៅនឹងយេនឌ័រ ស្របតាមក្របខ័ណ្ឌសេនដាយ និងអនុសញ្ញាស៊ីដ»

ភ្នំពេញ៖ ថ្ងៃទី២២ ខែមករា ឆ្នាំ២០២៦ គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយ UN Women បានរៀបចំ «កម្មវិធីកិច្ចសន្ទនាគោលនយោបាយ ស្តីពីការអនុវត្តផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ២០២៤-២០២៨ ដើម្បីជំរុញការអនុវត្តដែលឆ្លើយតបទៅនឹងយេនឌ័រ ស្របតាមក្របខ័ណ្ឌសេនដាយនិងអនុសញ្ញាស៊ីដ» ក្រោមអធិបតីភាពរបស់ ឯកឧត្តម គីម វីរៈ អនុប្រធាន និងជាអគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ នៅសណ្ឋាគារកាំបូឌីយ៉ាណា ។ កម្មវិធីនេះមានការអញ្ជើញចូលរួមពី លោកជំទាវ សុវណ្ណ បុទុម រដ្ឋលេខាធិការ ក្រសួងកិច្ចការនារី,លោកស្រី ឃុន សុភា អ្នកសម្របសម្រួលប្រចាំប្រទេស UN Women នៅកម្ពុជា, ថ្នាក់ដឹកនាំ និងសមាសភាពមកពីក្រសួង-ស្ថាប័នពាក់ព័ន្ធ អង្គការសង្គមស៊ីវិល ដៃគូអភិវឌ្ឍន៍ ជាតិ-អន្តរជាតិ សរុបចំនួនប្រមាណ ៧៥នាក់។កម្មវិធីនេះប្រព្រឹត្តទៅក្នុងគោលបំណងពង្រឹងការបញ្ជ្រាបយេនឌ័រនៅក្នុង DRR និងបង្កើតវេទិកាចែករំលែកសម្រាប់កិច្ចសហការប្រកបដោយនិរន្តរភាព ជាពិសេសដើម្បីពង្រឹងការអនុវត្ត និងការត្រួតពិនិត្យផែនការសកម្មភាពជាតិសម្រាប់កាត់បន្ថយហានិភ័យគ្រោះមហន្តរាយតាមរយៈវិធីសាស្រ្តឆ្លើយតបទៅនឹងយេនឌ័រនិងបរិវត្តកម្មយេនឌ័រ ដែលស្របទៅនឹងក្របខណ្ឌសេនដាយ និងអនុសញ្ញាស៊ីដ ព្រមទាំងបង្កើនការចូលរួមលើកកម្ពស់ការប្ដេជ្ញាពីក្រសួង-ស្ថាប័ន ភាគីពាក់ព័ន្ធ។

ទូតកម្ពុជា និងអេស្ស៊ីប ប្រចាំប្រទេសកូរ៉េ ជួបពិភាក្សាពីការលើកកម្ពស់ប្រសិទ្ធភាពការងារ និងការគាំទ្រគ្នាទៅវិញទៅមកក្នុងបេសកកម្មការទូត

ភ្នំពេញ៖ ឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េ និងឯកអគ្គរដ្ឋទូតអេហ្ស៊ីបនៅកូរ៉េ បានពិភាក្សា លើកកម្ពស់ប្រសិទ្ធភាពការងារ និងការគាំទ្រគ្នាទៅវិញទៅមកក្នុងបេសកកម្មការទូត នៅក្នុងវិស័យដែលមានផលប្រយោជន៍។ យោងតាមស្ថានឯកអគ្គរាជទូតកម្ពុជាប្រចាំនៅកូរ៉េ បានឲ្យដឹងថា នៅថ្ងៃទី ២១ ខែមករា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញជួបសម្តែងការគួរសម និងពិភាក្សាការងារជាមួយ ឯកឧត្តម Hazem Ismail Ibrahim Zaki ឯកអគ្គរដ្ឋទូតសាធារណរដ្ឋអេហ្ស៊ីប ប្រចាំសាធារណរដ្ឋកូរ៉េ។ ក្នុងជំនួបភាគីទាំងពីរបានពិភាក្សាផ្លាស់ប្តូរយោបល់ប្រកបដោយអត្ថន័យក្នុង ការពង្រឹងទំនាក់ទំនង និងកិច្ចសហប្រតិបត្តិការរវាងស្ថានតំណាងនៃប្រទេសទាំងពីរ នៅសាធារណរដ្ឋកូរ៉េ ដើម្បីលើកកម្ពស់ប្រសិទ្ធភាពការងារ និងការគាំទ្រគ្នាទៅវិញទៅមកក្នុងបេសកកម្មការទូត នៅក្នុងវិស័យដែលមានផលប្រយោជន៍ទៅវិញទៅមក។ឯកឧត្តមបានថ្លែងអំណរគុណដល់រដ្ឋាភិបាលប្រទេសអេហ្ស៊ីប ដែលកន្លងមករហូតដល់បច្ចុប្បន្ននេះ តែងតែបានជួយគាំទ្រការអភិវឌ្ឍធនធានមនុស្សរបស់កម្ពុជា ជាពិសេសការផ្តល់អាហារូបករណ៍ដល់និស្សិតខ្មែរឥស្លាម បន្តការសិក្សានៅសាកលវិទ្យាល័យ Al-Azhar ប្រទេសអេហ្ស៉ីប ជារៀងរាល់ឆ្នាំ។ ឆ្លៀតក្នុងឱកាសនោះ ឯកឧត្តម ឃួន ផុនរតនៈ ឯកអគ្គរាជទូត ក៏បានជម្រាបជូន ឯកឧត្តម Hazem Ismail Ibrahim Zaki អំពីបច្ចុប្បន្នភាព និងការវិវត្តនៃស្ថានការណ៍ព្រំដែនកម្ពុជា-ថៃ និងបានផ្លាស់ប្តូរយោបល់ទៅវិញទៅមកលើបញ្ហាតំបន់ និងអន្តរជាតិ ផងដែរ៕

UNODC ប្រកាសគាំទ្រកិច្ចសហប្រតិបត្តិការជាមួយកម្ពុជាយ៉ាងពេញទំហឹងលើការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅកម្ពុជា

ភ្នំពេញ៖ អ្នកសម្របសម្រួលថ្នាក់តំបន់ផ្នែកជួញដូរមនុស្ស និងរត់ពន្ធជនចំណាកស្រុក នៃការិយាល័យ អង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) ប្រចាំតំបន់អាស៊ីអាស៊ីអាគ្នេយ៍ និងប៉ាស៊ីហ្វិក ប្រកាសគាំទ្រកិច្ចសហប្រតិបត្តិការជាមួយរាជរដ្ឋាភិបាលនៃព្រះរាជាណាចក្រកម្ពុជា យ៉ាងពេញទំហឹងលើការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅកម្ពុជា ដោយលោកស្រីអះអាងថា គ្មានប្រទេសណាមួយដែលអាចដោះស្រាយបញ្ហានេះដោយខ្វះតម្រូវការកិច្ចសហប្រតិបត្តិការបានឡើយ។ការអះអាងបែបនេះធ្វើឡើងក្នុងឱកាសជំនួបរវាង ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) ជាមួយ លោកស្រី បណ្ឌិត Rebecca Miller អ្នកសម្របសម្រួលថ្នាក់តំបន់ផ្នែកជួញដូរមនុស្ស និងរត់ពន្ធជនចំណាកស្រុក នៃការិយាល័យ អង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) ប្រចាំតំបន់អាស៊ីអាស៊ីអាគ្នេយ៍ និងប៉ាស៊ីហ្វិក ក្នុង ជំនួបសម្តែងការគួរសម និងពិភាក្សាការងារ កាលពីរសៀលថ្ងៃទី២១ ខែមករា ឆ្នាំ២០២៦នេះ។ក្នុងជំនួបនោះ ឯកឧត្តមសន្តិបណ្ឌិត បានវាយតម្លៃខ្ពស់ចំពោះកិច្ចសហប្រតិបត្តិការរវាង UNODC និងកម្ពុជា។ ឯកឧត្តមសន្តិបណ្ឌិតបានគូសបញ្ជាក់ថា កិច្ចសហប្រតិបត្តិការរបស់ UNODC បានគ្របដណ្តប់លើកិច្ចការសំខាន់ៗ រាប់ទាំងការគាំទ្រដល់កិច្ចការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ផងដែរ។ ឯកឧត្តម សន្តិបណ្ឌិត បានបន្ថែមថា អំពើឆបោកតាមប្រព័ន្ធបច្ចេកវិទ្យាមានភាពប្រទាក់ក្រឡាគ្នាជាមួយអំពើជួញដូរមនុស្ស ការប្រើប្រាស់កម្លាំងពលកម្មដោយបង្ខំ ការធ្វើទារុណកម្ម ឃាតកម្ម និងបទល្មើសគ្រឿងញៀន ជាដើម ដែលប៉ះពាល់ធ្ងន់ធ្ងរដល់សិទ្ធិមនុស្ស សេរីភាព និងសេចក្តីថ្លៃថ្នូររបស់មនុស្សជាតិទាំងមូល។ ទន្ទឹមនេះ ឯកឧត្តម សន្តិបណ្ឌិត ក៏បានសង្កត់ធ្ងន់ថា រាជរដ្ឋាភិបាលបានគិតគូរ និងបន្តយកចិត្តទុកដាក់យ៉ាងខ្លាំងចំពោះបញ្ហាទាំងនេះ ដោយអនុវត្តវិធានការច្បាស់លាស់ និងតឹងរឹងក្នុងការបង្ការ ទប់ស្កាត់ និងបង្ក្រាបសកម្មភាពខុសច្បាប់ទាំងឡាយ ដើម្បីប្រយុទ្ធប្រឆាំងឧក្រិដ្ឋកម្មឆ្លងដែនគ្រប់ទម្រង់ រាប់បញ្ចូលទាំងកិច្ចខិតខំលុបបំបាត់អំពើឆបោកតាមប្រព័ន្ធបច្ចេកវិទ្យា ដែលគ្រប់តួអង្គ និងភាគីពាក់ព័ន្ធចាំបាច់ត្រូវសហការ ផ្លាស់ប្តូរព័ត៌មាន ចែករំលែកបទពិសោធន៍ និងផ្តល់កិច្ចសហប្រតិបត្តិការស្រាវជ្រាវដើម្បីវែកមុខមេក្លោង និងបណ្តាញអង្គការចាត់តាំងឱ្យមកទទួលខុសត្រូវចំពោះមុខច្បាប់។ជាកិច្ចឆ្លើយតប លោកស្រីបណ្ឌិត Berecca Miller បានថ្លែងអំណរគុណដែលបានអនុញ្ញាតឱ្យលោកស្រីបានចូលជួបសម្តែងការគួរសមនិងពិភាក្សាការងារ។ លោកស្រី ក៏បានសម្តែងនូវការកោតសរសើរដល់រាជរដ្ឋាភិបាល ក៏ដូចជាសមត្ថកិច្ចកម្ពុជា ដែលបានយកចិត្តទុកដាក់ និងខិតខំប្រឹងប្រែងលើការងារប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ លោកស្រីបានធ្វើការវាយតម្លៃខ្ពស់ទៅលើការដាក់ចេញនូវវិធានការរបស់រាជរដ្ឋាភិបាលក្នុងការបោសសម្អាតការឆបោកតាមប្រព័ន្ធបច្ចេកវិទ្យា។ លោកស្រីបានគូសបញ្ជាក់ថា UNODC គាំទ្រកិច្ចសហប្រតិបត្តិការជាមួយរាជរដ្ឋាភិបាលយ៉ាងពេញទំហឹងលើការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានេះ និងបានបន្ថែមថា គ្មានប្រទេសណាមួយដែលអាចដោះស្រាយបញ្ហានេះដោយខ្វះតម្រូវការកិច្ចសហប្រតិបត្តិការឡើយ។មុននឹងបញ្ចប់ ភាគីទាំងពីរបានពិភាក្សាគ្នា ជំហានបន្ទាប់លើការងារបណ្តុះបណ្តាល ការកសាងសមត្ថភាព លើកកម្ពស់ការផ្សព្វផ្សាយនិងកិច្ចសហប្រតិបត្តិការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា៕

អ្នកនាំពាក្យក្រសួងបរិស្ថាន៖ គុណភាពខ្យល់នៅកម្ពុជាមិនទាន់ទទួលរងការបំពុល ហើយមិនបង្កការបំពុលដល់ប្រទេសជិតខាងនោះទេ

កម្ពុជាមិនមែនបំពុលខ្យល់ដល់ប្រទេសណាឡើយ ខណៈវិធានការទប់ស្កាត់ និងកាត់បន្ថយការបំពុលខ្យល់សាធារណៈ ត្រូវបានផ្សព្វផ្សាយនិងពង្រឹងការអនុវត្តនៅទូទាំងប្រទេស។ នេះជាការលើកឡើងរបស់ឯកឧត្តម ខ្វៃ អាទិត្យា អនុរដ្ឋលេខាធិការនិងជាអ្នកនាំពាក្យក្រសួងបរិស្ថាន ក្នុងពិធីផ្សព្វផ្សាយយុទ្ធនាការជំរុញសកម្មភាពដើម្បីភាពស្អាត ការអនុវត្តវិធានការទប់ស្កាត់ និងកាត់បន្ថយការបំពុលខ្យល់សាធារណៈ នៅខេត្តពោធិ៍សាត់ ដោយនាយកដ្ឋានគ្រប់គ្រងគុណភាពខ្យល់ សំឡេង និងរំញ័រ នៃអគ្គនាយកដ្ឋានគាំពារបរិស្ថាន ក្រសួងបរិស្ថាន សហការជាមួយមន្ទីរបរិស្ថានខេត្តពោធិ៍សាត់ និងមានការចូលរួមពីថ្នាក់ដឹកនាំនិងមន្រ្តីជំនាញក្រសួងបរិស្ថាន តំណាងរដ្ឋបាលខេត្ត រដ្ឋបាលក្រុងពោធិ៍សាត់ លោកគ្រូ អ្នកគ្រូ សិស្សានុសិស្សនៅវិទ្យាល័យពោធិ៍សាត់។ឯកឧត្តម ខ្វៃ អាទិត្យា បានបញ្ជាក់ថា ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានបានដាក់ចេញយុទ្ធនាការភាពស្អាតលើផ្ទៃមេឃ ក្នុងនោះយុទ្ធនាការផ្ទៃមេឃព័ណ៌ខៀវ បានចាប់ផ្ដើមនៅថ្ងៃទី១៥ ខែវិច្ឆិកា ឆ្នាំ២០២៣ និងបានជំរុញការអនុវត្តយុទ្ធសាស្រ្តចក្រាវិស័យបរិស្ថាន ដែលមានសសរស្តម្ភ៣ គឺភាពស្អាត ភាពបៃតង និងចីរភាព។ ជាមួយគ្នានេះ ទាក់ទងនឹងភាពស្អាត ក្រសួងបរិស្ថានបានចាត់វិធានការបន្តបន្ទាប់ក្នុងការត្រួតពិនិត្យគុណភាពខ្យល់ តាមរោងចក្រ និងប្រភពអាចបង្កការបំពុលខ្យល់ផ្សេងទៀត ដោយលទ្ធផលបានបញ្ជាក់ថា គុណភាពខ្យល់ក្នុងប្រទេសកម្ពុជា មិនទាន់ទទួលរងការបំពុល និងមិនបង្កការបំពុលដល់ប្រទេសជិតខាងទេ។ ជាក់ស្តែងក្នុងរយៈពេល ១សប្តាហ៍កន្លងមកនេះ កម្ពុជាមានការចុះអ័ព្ទ ដោយសារការប្រែប្រួលធាតុអាកាស មិនមែនជាផ្សែងអ័ព្ទដែលជាខ្យល់អាក្រក់នៅក្នុងបរិយាកាសនោះទេ។ កន្លងមកនេះ ក្រសួងបរិស្ថានបានតាមដានគុណភាពខ្យល់សាធារណៈជាប្រចាំ តាមរយៈឧបករណ៍ និងស្ថានីយតាមដានគុណភាពខ្យល់ ចំនួន៥៩ ទីតាំង ក្នុងនោះនៅរាជធានីភ្នំពេញចំនួន១២ទីតាំង និងតាមបណ្តាខេត្តទូទាំងប្រទេសចំនួន ៤៧ ទីតាំង និងបានបំពាក់ឧបករណ៍ត្រួតពិនិត្យគុណភាពខ្យល់តាមផ្កាយរណប ចំនួន១ ទីតាំង។ លើសពីនេះ ក្រសួងបរិស្ថានមានរថយន្តត្រួតពិនិត្យគុណភាពខ្យល់ ចល័តចំនួន៣គ្រឿងសម្រាប់ចុះត្រួតពិនិត្យគុណភាពខ្យល់នៅទូទាំងប្រទេស។ឧបករណ៍ និងស្ថានីយទាំងអស់ បានបង្ហាញឱ្យឃើញថា គុណភាពខ្យល់នៅរាជធានីភ្នំពេញ និងតាមបណ្តាខេត្តនានា មានគុណភាពល្អ អនុលោមតាមកម្រិតស្តង់ដាគុណភាពខ្យល់សាធារណៈ របស់ជាតិ ដែលភាគល្អិតនិចល PM 2.5 ជាមធ្យមក្នុងរយៈពេល២៤ម៉ោង មានការប្រែប្រួល ពី ១០ µg/m3 ទៅ៣៧ µg/m3 ខណៈស្តង់ដាគុណភាខ្យល់ជាតិត្រូវបានកំណត់ យក ៥០ µg/m3។ លើសពីនេះ កម្ពុជាមិនដែលលាក់ព័ត៌មានស្តីពីគុណភាពខ្យល់សាធារណៈនោះទេ។ ព័ត៌មានស្ដីពីគុណភាពខ្យល់ត្រូវបានផ្សព្វផ្សាយជាប្រចាំនិងដោយផ្ទាល់ក្នុងរយៈពេល២៤ម៉ោងលើ២៤ម៉ោង ក្នុងប្រទេសកម្ពុជា លើវេបសាយរបស់ក្រសួងបរិស្ថាន https://airquality.moe.gov.kh/home និងលើប្រព័ន្ធAPPឈ្មោះ CGS SPA ហើយទំព័រផេកហ្វេសប៊ុករបស់ក្រសួងបរិស្ថាន និងរបស់មន្ទីរបរិស្ថានទូទាំងប្រទេស រួមជាមួយសារព័ត៌មានមួយចំនួនបន្ថែមទៀត។សូមបញ្ជាក់ថាការចុះផ្សព្វផ្សាយជំរុញសកម្មភាពទប់ស្កាត់ការបំពុលខ្យល់សាធារណៈ នាពេលនេះ បានរៀបចំឡើង ក្នុងគោលបំណងផ្សព្វផ្សាយពីវិធានការទប់ស្កាត់ និងកាត់បន្ថយការបំពុលខ្យល់ ដូចមានចែងនៅក្នុងសារាចរណែនាំរបស់រាជរដ្ឋាភិបាល លេខ ០១ សរ ស្តីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈ ចុះថ្ងៃទី២ ខែមករា ឆ្នាំ២០២០ សំដៅលើកកម្ពស់គុណភាពខ្យល់ និងធានាបានការគាំពារសុខភាពសាធារណៈ និងបរិស្ថាន នៅតាមបណ្តាខេត្តជាប់ព្រំដែនកម្ពុជា-ថៃ និងខេត្តគោលដៅមួយចំនួនទៀត ចាប់ពីខែមករាដល់ខែ មេសា ឆ្នាំ២០២៦។ ក្រសួងបរិស្ថានស្នើសុំឱ្យមានការចូលរួមពីសាធារណជន បន្តចូលរួមអនុវត្តវិធានការ តាមសារាចរណែនាំលេខ០១ របស់រាជរដ្ឋាភិបាល ស្តីពីការទប់ស្កាត់និងកាត់បន្ថយការបំពុលខ្យល់សាធារណៈ ជាពិសេសអនុវត្តវិធានការទប់ស្កាត់ កុំឱ្យមានភ្លើងឆេះព្រៃ បញ្ឈប់ការដុតសំណល់កសិកម្ម គល់ជញ្ជ្រាំង កាប់ឆ្ការ ដុតទន្រ្ទានព្រៃ ដុតសំរាម សំណល់រឹង និងប្លាស្ទិក ដែលជាប្រភពធ្វើឱ្យគុណភាពខ្យល់ធ្លាក់ចុះ និងប៉ះពាល់ដល់សុខភាពសាធារណៈ៕

ក្រុមស្រ្តីជាម្ដាយ មានក្ដីរីករាយ និងកក់ក្ដៅ ដឹងគុណរាជរដ្ឋាភិបាលក្រោយទទួលបានការឧបត្ថម្ភប្រាក់បន្ថែមតាមរយៈ ប.ស.ស.

គិតមកដល់បច្ចុប្បន្ននេះ រាជរដ្ឋាភិបាលកម្ពុជា បន្តយកចិត្តទុកដាក់ខ្ពស់ចំពោះការបើកផ្តល់ប្រាក់ឧបត្ថម្ភបន្ថែមជូនដល់ស្រ្តី មុន និងក្រោយពេលសម្រាលកូនរួច ខណៈគិតត្រឹមឆ្នាំ២០២៥ រាជរដ្ឋាភិបាលបានបើកផ្តល់ប្រាក់ឧបត្ថម្ភដល់ ស្រ្តីមុន និងក្រោយពេលសម្រាលរួចសរុបជាង ១០០លានដុល្លារអាម៉េរិកហើយ។ក្នុងបទសម្ភាសន៍ជាមួយក្រុមស្រ្តី មុន និងក្រោយពេលសម្រាលកូនរួច នៅក្នុងមជ្ឈមណ្ឌលជាតិគាំពារមាតា និងទារក នៅព្រឹកថ្ងៃទី២២ ខែមករានេះ ពួកគាត់បានឱ្យដឹងថា តាមរយៈប័ណ្ណបេឡាជាតិសន្តិសុខសង្គម ឬហៅថា ប័ណ្ណ ប.ស.ស. នៅអំឡុង មុន និងក្រោយពេលសម្រាលកូន ពួកគាត់ប្រើប្រាស់សេវាសុខាភិបាល មិនដែលអស់ថ្លៃចំណាយក្នុងការប្រើប្រាស់របបផ្នែកថែទាំសុខភាពនេះទេ។ បន្ថែមពីនេះក្រៅពីទទួលបានប្រាក់ឧបត្ថម្ភបន្ថែមរាល់ថ្លៃចំណាយនានាក្នុងពេលសម្រាលកូនក៏មិនអស់ថ្លៃសេវាសុខាភិបាលផងដែរ ដោយសារពួកគាត់មានកាតសមាជិកបេឡាជាតិរបបសន្តិសុខសង្គម។ក្រុមស្រ្តីជាម្ដាយទើបសម្រាលកូនបញ្ជាក់ថា ក្រៅពីថែទាំសុខភាពដោយឥតគិតថ្លៃ ពួកគាត់ក៏ទទួលបានការមើលថែយ៉ាងយកចិត្តទុកដាក់ខ្ពស់ពីសំណាក់ក្រុមគ្រូពេទ្យគ្រប់មជ្ឈដ្ឋានផងដែរ។ ពួកគាត់មានអារម្មណ៍រំភើប និងកក់ក្តៅខ្លាំង ដោយសារទទួលបានផលប្រយោជន៍ពិតមែនតាមរយៈប័ណ្ណ ប.ស.ស. ដែលមិនត្រឹមតែមិនចំណាយថវិកា ថែមទាំងទទួលបានប្រាក់ឧបត្ថម្ភថែមទៀត ដែលអត្ថប្រយោជន៍ទាំងអស់នេះ បានជួយសម្រួលយ៉ាងច្រើនក្នុងការកាត់បន្ថយចំណាយក្នុងគ្រួសារមួយកម្រិតផងដែរ។លោកស្រី សំ សុផាណា បុគ្គលិកថែទាំស្រ្តីមុន និងក្រោយសម្រាល នៃមជ្ឈមណ្ឌលជាតិគាំពារមាតា និងទារក បានបញ្ជាក់ឱ្យដឹងថា ប្រជាពលរដ្ឋដែលមកទទួលសេវាសុខាភិបាល ដោយប្រើប្រាស់ប័ណ្ណ ប.ស.ស. គឺមានការកើនឡើងជាបន្តបន្ទាប់។ លោកស្រី បានអំពាវនាវដល់ប្រជាពលរដ្ឋដែលពុំទាន់មានប័ណ្ណ រួសរាន់ស្នើសុំធ្វើប័ណ្ណ ដើម្បីទទួលបានសេវាថែទាំសុខភាពដោយឥតគិតថ្លៃ។ឯកឧត្តម ហេង សុផាន់ណារិទ្ធ អគ្គនាយករង បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ឱ្យដឹងថា កម្មវិធីផ្ដល់ប្រាក់ឧបត្ថម្ភរបស់រាជរដ្ឋាភិបាលសម្រាប់សមាជិក ប.ស.ស. ជាស្រ្ដីមានផ្ទៃពោះ បានបើកផ្ដល់ប្រាក់ឧបត្ថម្ភដល់ស្ត្រីជាម្ដាយចំនួនជាង ៦៩ម៉ឺន ៦ពាន់នាក់ និងកូនអាយុក្រោម២ឆ្នាំ ចំនួនជាង ៧៣ម៉ឺន ២ពាន់នាក់ ដោយបានចំណាយថវិកាអស់ចំនួន ៤០៩,៩៦៤.១៦លានរៀល ឬប្រមាណ ១០២.៥លានដុល្លាអាម៉េរិក៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

លោក Xi ប្រាប់លោក Trump ថា ប្រទេសចិន និងអាមេរិកគួរតែជា«ដៃគូ មិនមែនជាគូប្រជែង» ទេ

សម្ដេចតេជោ ហ៊ុន សែន ចាត់ទុកជាលទ្ធផលមិនអាចបន្ទោស ក្រោយទស្សនាចប់ជំនួបផ្ដាច់ព្រ័ត្ររវាងព្រះខ័នរាជ និងKuwait SC

លោក Trump ប្រាប់លោក Xi ថា ទំនាក់ទំនងអាមេរិកជាមួយចិននឹង«ប្រសើរជាងពេលណាៗទាំងអស់»

អ្នកការទូតចិននិយាយថា ទីក្រុងប៉េកាំង ខកចិត្តយ៉ាងខ្លាំងចំពោះផែនការរឹតបន្តឹងការវិនិយោគរបស់អឺរ៉ុប

បារាំង បានបិទខ្ទប់មនុស្ស១.៧០០នាក់ នៅលើនាវាទេសចរណ៍ បន្ទាប់ពីបុរសអាយុ៩២ឆ្នាំម្នាក់បានស្លាប់

ការបាញ់ស្រោចដោយយានដ្រូនចំនួន៨០០គ្រឿងនៅពេលថ្ងៃរបស់រុស្ស៊ី សម្លាប់មនុស្សច្រើននាក់នៅអ៊ុយក្រែន

អារ៉ាប់រួមបដិសេធដែលថាលោក Netanyahu បានទៅទស្សនកិច្ចដោយសម្ងាត់អំឡុងសង្គ្រាមអាមេរិក-អ៊ីស្រាអែលខណៈអ៊ីរ៉ង់ព្រមាន

លោក Trump និងលោក Xi ត្រៀមពិភាក្សានៅទីក្រុងប៉េកាំង ស្ដីពីពាណិជ្ជកម្ម ខណៈសង្គ្រាមអ៊ីរ៉ង់ស្ថិតក្នុងរបៀបវារៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

អាជ្ញាធរបង្កើនការចុះត្រួតពិនិត្យទីតាំងជួលស្នាក់នៅ ដើម្បីទប់ស្កាត់បទល្មើសឆបោកតាមប្រព័ន្ធបច្ចេកវិទ្យា

កម្ពុជា-កាណាដា ប្តេជ្ញាចិត្តពង្រឹងកិច្ចសហប្រតិបត្តិការបន្ថែមលើវិស័យដែលជាផលប្រយោជន៍រួមប្រទេសទាំងពីរ

ពលរដ្ឋភៀសសឹកពី ភូមិព្រៃចាន់ និងភូមិជោគជ័យ កក់ក្តៅដែលរដ្ឋាភិបាលស្វែងរកជម្រកបណ្ដោះអាសន្នជូន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កម្ពុជា-កាណាដា ប្តេជ្ញាចិត្តពង្រឹងកិច្ចសហប្រតិបត្តិការបន្ថែមលើវិស័យដែលជាផលប្រយោជន៍រួមប្រទេសទាំងពីរ

ពលរដ្ឋភៀសសឹកពី ភូមិព្រៃចាន់ និងភូមិជោគជ័យ កក់ក្តៅ​ដែល​រដ្ឋាភិបាល​ស្វែង​រក​ជម្រក​បណ្ដោះ​អាសន្ន​ជូន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋភៀសសឹកពី ភូមិព្រៃចាន់ និងភូមិជោគជ័យ កក់ក្តៅដែលរដ្ឋាភិបាលស្វែងរកជម្រកបណ្ដោះអាសន្នជូន