BTV NEWS

ទំនិញមានកំណើនខ្ពស់បំផុតចំនួន២០ប្រភេទ បានកំពុងគាំទ្រដល់ការនាំចេញ និងកំណើន ក្នុងសេដ្ឋកិច្ច

សម្ដេចតេជោ និងសម្ដេចធិបតី ថ្វាយព្រះពរព្រះករុណាព្រះមហាក្សត្រ ក្នុងព្រះរាជឱកាសចម្រើនព្រះជន្មវស្សា

កម្ពុជាដាក់ចេញផែនការសកម្មភាពគន្លឹះ ជំរុញប្រែក្លាយវិស័យសក្តានុពលឱ្យរឹងមាំ ដើម្បីសេដ្ឋកិច្ចជាតិ

កម្ពុជាកំពុងប្រមូលធាតុចូល ដើម្បីកសាងយុទ្ធសាស្រ្តអភិវឌ្ឍន៍ធុរកិច្ច នៃដំណោះស្រាយថ្មីលើទីផ្សារ

ព័ត៌មានជាតិ

ត្រកួនចំនួន ១២៧.៥ គីឡូក្រាម ត្រូវបានគណៈកម្មការគ្រប់គ្រងមណ្ឌលភៀសសឹក និងបងប្អូនភៀសសឹកនៅវត្តប្រាសាទបុទុមមោងស្រុកស្រីស្នំ កាត់យកផ្គត់ផ្គង់ដល់បងប្អូនភៀសសឹក

ក្រោយពីការថែទាំ ដាក់ជី ស្រោចទឹកប្រចាំថ្ងៃពីគណៈកម្មការគ្រប់គ្រងមណ្ឌលភៀសសឹក និងបងប្អូនភៀសសឹក នាល្ងាចថ្ងៃទី២០ ខែមករា ឆ្នាំ២០២៦ ក្រុមការងារ និងបងប្អូបានភៀសសឹក នៅវត្តប្រាសាទបុទុមមោងស្រុកស្រីស្នំ បានកាត់ប្រមូលផលត្រកួនបានចំនួន១២៧.៥ គីឡូក្រាម ដើម្បីជូនបងប្អូនភៀសសឹកធ្វើជាបន្លែបរិភោគ។ សកម្មភាពនេះ គឺអនុវត្តតាមការណែនាំរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត និងក្រោមគំនិតផ្តួចផ្តើមដ៏ឈ្លាសវៃបំផុតរបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត លើចលនា «យើងរួមគ្នាដើម្បីជាតិ!» ដោយបំផុសបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនគ្រួសារកងទ័ព បងប្អូនភៀសសឹកសម្រាប់ផ្គត់ផ្គង់ប្រចាំថ្ងៃ។ ក្នុងនាមបងប្អូនភៀសសឹកសូមថ្លែងអំណរគុណយ៉ាងជ្រាលជ្រៅចំពោះគំនិតផ្តួចផ្តើមដ៏ឈ្លាសវៃបំផុតរបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត និងការណែនាំរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តដែលតែងតែយកចិត្តទុកដាក់ខ្ពស់ចំពោះសុខទុក្ខ និងការផ្គត់ផ្គង់ចំណីអាហារដល់បងប្អូនភៀសសឹកមិនឱ្យមានការខ្វះខាត ពិសេសបានបំផុសគំនិតឱ្យមានការដាំដុះបន្លែថែមទៀត៕

កម្ពុជាដាក់ឱ្យដំណើរការជាផ្លូវការផែនទីបង្ហាញផ្លូវយុទ្ធសាស្ត្រដើម្បីដោះស្រាយការបំពុលបរិស្ថានដោយប្លាស្ទិក

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងថា ផែនការនេះត្រូវបានរៀបចំឡើងជាយុទ្ធសាស្ត្រ ស្របនឹងជាមួយយុទ្ធសាស្ត្រចក្រាលរបស់ជាតិពីបរិស្ថាន ដោយធានាឱ្យកិច្ចខិតខំប្រឹងប្រែងកាត់បន្ថយប្លាស្ទិកត្រូវបានដាក់បញ្ចូលទៅក្នុងគោលដៅទំនើបកម្មបរិស្ថានជាតិ និងជាពិសេស ក្រសួងបរិស្ថានបានកំណត់យកឆ្នាំ២០២៦ ជាឆ្នាំនៃសកម្មភាពជាមួយលទ្ធផលជាក់ស្តែង ដែលជាឆ្នាំដែលយើងរួមដៃគ្នាប្រែក្លាយរាល់សកម្មភាពឱ្យទៅជាផ្លែផ្កាដ៏មានន័យសម្រាប់មាតុភូមិយើង។ឯកឧត្តមរដ្ឋមន្រ្តីបានបន្ថែមថា ការរៀបចំផែនទីបង្ហាញផ្លូវសកម្មភាពប្លាស្ទិកនៅកម្ពុជា បានបង្ហាញយ៉ាងច្បាស់អំពីការប្ដេជ្ញាចិត្ត និងឆន្ទៈឥតងាករេ របស់កម្ពុជាក្នុងការចូលរួមជាមួយសកលលោកប្រយុទ្ធប្រឆាំងការបំពុលដោយប្លាស្ទិក និងជាពិសេសការសម្រេចបាននូវ «ភាពស្អាត» នៅកម្ពុជាសម្រាប់មនុស្សគ្រប់ជំនាន់។ ផែនទីបង្ហាញផ្លូវនេះ បានដាក់ចេញសកម្មភាពជាយុទ្ធសាស្ត្រដើម្បីពន្លឿនការផ្លាស់ប្ដូរជាប្រព័ន្ធ ដោយផ្ដោតលើកិច្ចការសំខាន់ៗ រួមមាន៖ (ទី១) ពង្រឹងនិងពង្រីកក្របខ័ណ្ឌលិខិតបទដ្ឋានគតិយុត្តពាក់ព័ន្ធប្លាស្ទិកចក្រា, (ទី២) ការបង្កើតយន្តការផ្តល់ហិរញ្ញប្បទានប្រកបដោយចីរភាព, (ទី៣) ពង្រឹងកិច្ចសហប្រតិបត្តិការក្នុងវដ្ដនៃប្លាស្ទិក និងការអភិវឌ្ឍហេដ្ឋារចនាសម្ព័ន្ធដើម្បីជំរុញដំណោះស្រាយរួមគ្នា, និង (ទី៤) ជំរុញការផ្លាស់ប្តូរឥរិយាបថប្រកប ដោយបរិយាប័ន្នសម្រាប់ការកាត់បន្ថយប្លាស្ទិក និងការគ្រប់គ្រងសំណល់។សូមបញ្ជាក់ថា តាមរយៈការសិក្សាប៉ាន់ប្រមាណ ក្នុងឆ្នាំ២០២២ កម្ពុជាបានបង្កើតកាកសំណល់ប្លាស្ទិកចំនួនប្រមាណជា ៥៤៦,000 តោន (សមមាត្រជាមធ្យម ៣៣ គីឡូក្រាម ក្នុងមនុស្សម្នាក់ក្នុងមួយឆ្នាំៗ។ ទំហំកាកសំណល់នេះ គឺមានអត្រាខ្ពស់ជាងបរិមាណប្រាស្ទិក សម្រាប់បណ្តាប្រទេសដែលមានចំណូលមធ្យមកម្រិតទាបក្នុងឆ្នាំ២០២២។ បន្ថែមលើនេះទៀតនោះ មានគម្លាតខ្លះ រវាងអត្រាប្រមូលកាកសំណល់នៅទីប្រជុំជន (មានប្រមាណជា ៧០%) ជាមួយអត្រាប្រមូលកាកសំណល់នៅទីជនបទ (មិនដល់ពាក់កណ្តាលនៃទិន្នន័យខាងលើ) ដោយពិបាកចូលប្រមូល ក៏ដូចជាហេដ្ឋារចនាសម្ព័ន្ធនៅមានកម្រិត។ លោក Enrico Gaveglia តំណាងប្រចាំប្រទេស UNDP Cambodia មានប្រសាសន៍ថា ៖ «ផែនទីបង្ហាញផ្លូវនេះមិនត្រឹមតែបំពេញនូវគម្លាតដ៏សំខាន់មួយក្នុងការយល់ដឹងរបស់យើងអំពីការបង្កើត និងលំហូរសំណល់ប្លាស្ទិកនៅក្នុងប្រទេសកម្ពុជា ហើយបង្ហាញពីឱកាសដ៏មិនគួរឲ្យជឿក្នុងការកែលម្អការគ្រប់គ្រងសំណល់ប៉ុណ្ណោះទេ។ ប៉ុន្តែវា [ផែនទីបង្ហាញផ្លូវនេះ] ថែមទាំងជួយកាត់បន្ថយការប្រើប្រាស់វត្ថុប្លាស្ទិកតែមួយដង និងចាប់យកតម្លៃនៃវត្ថុធាតុដើមដែលអាចកែច្នៃឡើងវិញបាន និងប្លាស្ទិកងាយរលាយចូលជាមួយដី ដែលរួមចំណែកដល់ការផ្លាស់ប្តូររបស់ប្រទេសកម្ពុជា ឆ្ពោះទៅកាន់សេដ្ឋកិច្ចចក្រា»។ផែនទីបង្ហាញផ្លូវនេះ បង្ហាញពីសេណារីយ៉ូនៃការផ្លាស់ប្តូរប្រព័ន្ធនៅឆ្នាំ ២០៤០ ជាមួយនឹងការកាត់បន្ថយការបំពុលប្លាស្ទិក ៧៤% ការកាត់បន្ថយការបំភាយឧស្ម័នផ្ទះកញ្ចក់៤០% និងការសន្សំការចំណាយប៉ាន់ស្មាន ៣៧% សម្រាប់រដ្ឋាភិបាល ព្រមទាំងការងារថ្មីចំនួន ២៦,000 កន្លែង បើប្រៀបធៀបជាមួយការមិនចាត់វិធានការអ្វីសោះ។ លោកស្រី Clemence Schmid នាយិកានៃភាពជាដៃគូសកម្មភាពផ្លាស្ទិកសកល នៃវេទិកាសេដ្ឋកិច្ចពិភពលោក (WEF) បានមានប្រសាសន៍ថា ៖ «ផែនទីបង្ហាញផ្លូវនេះ គឺជាកិច្ចខិតខំប្រឹងប្រែងរួម ផ្អែកលើភស្តុតាង និងកិច្ចសហការដែលដឹកនាំដោយក្រសួងបរិស្ថាន។ វាកំណត់យុទ្ធសាស្ត្រជាតិច្បាស់លាស់ក្នុងការកាត់បន្ថយការបំពុលប្លាស្ទិក និងបង្កើនប្លាស្ទិកចក្រារហូតដល់ទៅ ៥២% នៅត្រឹមឆ្នាំ ២០៤០។ ការផ្លាស់ប្តូរនេះ គឺមានសារៈសំខាន់ច្រើនជាងការជំរុញឱ្យមានការអភិវឌ្ឍន៍ផ្នែកសេដ្ឋកិច្ចទៅទៀត ត្បិតវានឹងជំរុញនវានុវត្តន៍ និងពង្រឹងភាពធន់របស់សេដ្ឋកិច្ចកម្ពុជា»។ ក្រសួងបរិស្ថាន បានប្រកាសដាក់ឱ្យដំណើរការជាផ្លូវការនូវផែនទីបង្ហាញផ្លូវសកម្មភាពប្លាស្ទិកនៅកម្ពុជា ក្រោមមូលបទ «ដំណើរឆ្ពោះទៅសេដ្ឋកិច្ចប្លាស្ទីកចក្រា» នៅថ្ងៃទី២០ ខែមករា ឆ្នាំ២០២៦ ក្រោមអធិបតីភាព ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងមានការអញ្ជើញចូលរួមអង្គការដៃគូអភិវឌ្ឍន៍ជាច្រើនរូប ។ ផែនទីបង្ហាញផ្លូវនេះ គឺជាសមិទ្ធផលដែលកើតចេញពីកិច្ចខិតខំប្រឹងប្រែងរួមគ្នា ក្រោមការសម្របសម្រួលដោយកម្មវិធីអភិវឌ្ឍន៍អង្គការសហប្រជាជាតិ (UNDP) និងក្រសួងបរិស្ថាន ក្រោមភាពជាដៃគូសកម្មភាពប្លាស្ទិកសកល (Global Plastic Action Partnership ហៅកាត់ថា GPAP) ដែលជាគំនិតផ្តួចផ្តើចេញពីភាគីពាក់ព័ន្ធដ៏ធំបំផុតរបស់ពិភពលោកលើការបំពុលប្លាស្ទិក ដែលលាតសន្ធឹងលើភាពជាដៃគូចំនួន ២៥ ប្រទេស និងរៀបចំដោយវេទិកាសេដ្ឋកិច្ចពិភពលោក (WEF)៕

រដ្ឋបាលខេត្តឧត្តរមានជ័យ នឹងអភិសេកព្រះបដិមាលោកេស្វរៈ និងឧទ្ទិសកុសលជូនវិញ្ញាណក្ខន្ធវីរកងទ័ព នៅចុងសប្ដាហ៍នេះ

រដ្ឋបាលខេត្តឧត្តរមានជ័យ នៅថ្ងៃទី២០ ខែមករា ឆ្នាំ២០២៦ នេះ បានចេញ សេចក្តីជូនដំណឹង ថា រដ្ឋបាលខេត្តឧត្តរមានជ័យ ដោយយមានការចូលរួមពីថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ ព្រះសង្ឃ ប្រជាពលរដ្ឋ និងពុទ្ធបរិស័ទ នឹងរៀបចំពិធីអភិសេកព្រះបដិមាលោកេស្វរៈ និងឧទ្ទិសកុសលជូនវិញ្ញាណក្ខន្ធវីរៈកងទ័ពកម្ពុជាការពារព្រំដែនខេត្ត ឧត្តរមានជ័យ ពិធីនេះនឹងប្រព្រឹត្តទៅ វេលាម៉ោង ៦:៣០នាទីព្រឹក នៅថ្ងៃសៅរ៍ ៩កើត ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៤ ខែមករា ឆ្នាំ២០២៦ នៅបរិវេណអតីតរង្វង់មូលដៃប្រាំបី ក្រុងសំរោង។ពិធីនេះនឹងមានការរាប់បាត្រព្រះសង្ឃចំនួន ១០៨អង្គ ដើម្បីឧទ្ទិសកុសលជូនវិញ្ញាណក្ខន្ធវីរៈកងទ័ពកម្ពុជា ការពារព្រំដែនដែលបានពលីជីវិតក្នុងបុព្វហេតុការពារជាតិមាតុភូមិ។សេចក្តីជូនដំណឹងនេះទុកជាការនិមន្ត អញ្ជើញព្រះថេរានុថេរៈគ្រប់ព្រះអង្គ ប្រជាពលរដ្ឋ សាធាណៈជន ទាំងអស់ដែលមានបំណងចូលរួម សូមមេត្តាចូលរួមក្នុងពិធីខាងលើតាមកម្លាំងសទ្ធាជ្រះថ្លារៀងៗខ្លួន។

ឯកអគ្គរដ្ឋទូតឥណ្ឌូណេស៊ី បានបញ្ចប់បេសកកម្មការទូត នៅកម្ពុជាដោយជោគជ័យ

នៅព្រឹកថ្ងៃទី២០ ខែមករា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអនុញ្ញាតឱ្យ ឯកឧត្តម Santo Darmosumarto ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌូណេស៊ីប្រចាំព្រះរាជាណាចក្រកម្ពុជា ចូលជួបជម្រាបលា ក្នុងឱកាសដែលឯកឧត្តមអគ្គរដ្ឋទូត បានបញ្ចប់បេសកកម្មការទូតនៅកម្ពុជាដោយជោគជ័យ។ នៅក្នុងជំនួបនេះ ឯកឧត្តមឧបនាយករដ្ឋមន្ត្រី បានកោតសរសើរចំពោះការរួមចំណែកដ៏មានតម្លៃរបស់ ឯកឧត្តមឯកអគ្គរដ្ឋទូត ក្នុងការពង្រឹង និងពង្រីកទំនាក់ទំនងជាមិត្តភាព និងកិច្ចសហប្រតិបត្តិការជិតស្និទ្ធរវាងកម្ពុជា និងឥណ្ឌូណេស៊ី។ ឯកឧត្តមឯកអគ្គរដ្ឋទូតបានថ្លែងអំណរគុណកម្ពុជា ចំពោះកិច្ចសហប្រតិបត្តិការយ៉ាងសកម្មលើវិស័យសំខាន់ៗមួយចំនួន ជាពិសេសវិស័យសន្តិសុខ សេដ្ឋកិច្ច អប់រំ និងវប្បធម៌។ ឯកឧត្តមឧបនាយករដ្ឋមន្ត្រី ក៏បានអរគុណ ឯកឧត្តមឯកអគ្គរដ្ឋទូត ចំពោះកិច្ចខិតខំប្រឹងប្រែងក្នុងការពង្រឹងទំនាក់ទំនងប្រទេសទាំងពីរ និងរង់ចាំបន្តផ្ដល់ការគាំទ្រ និងសហការជាមួយឯកអគ្គរដ្ឋទូតថ្មី។

ឯកអគ្គរដ្ឋទូតឡាវ បញ្ចប់ការងារការទូតនៅកម្ពុជា រយៈពេល ៤ឆ្នាំ ដោយជោគជ័យ

នៅព្រឹកថ្ងៃទី២០ ខែមករា ឆ្នាំ២០២៦ នៅទីស្តីការក្រសួង ឯកឧត្តម ប្រាក់ សុខុន ឧបនាយករដ្ឋមន្តី រដ្ឋមន្ត្រីការបរទេស និងសហប្រតិបត្តិការអន្តរជាតិ បានអនុញ្ញាតឱ្យ ឯកឧត្ដម បូរ ភូមិវង្សសៃ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវ ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា ក្នុងឱកាសដែល ឯកឧត្តមឯកអគ្គរដ្ឋទូត បានបញ្ចប់បេសកកម្មការទូតនៅកម្ពុជា រយៈពេល ៤ឆ្នាំ ដោយជោគជ័យ។ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានថ្លែង សរសើរដល់ ឯកឧត្ដម បូរកែវ ភូមិវង្សសៃ ឯកអគ្គរដ្ឋទូតនៃសាធារណរដ្ឋប្រជាធិបតេយ្យប្រជាមានិតឡាវ ប្រចាំកម្ពុជា ដែលក្នុងអណត្តិរបស់ឯកឧត្តម ឯកអគ្គរដ្ឋទូតប្រទេសទាំងពីរបានផ្លាស់ប្តូរទស្សនកិច្ចថ្នាក់ដឹកនាំជាន់ខ្ពស់ទៅវិញទៅមកជាញឹកញាប់។ឯកឧត្តមឯកអគ្គរដ្ឋទូត បានថ្លែងអំណរគុណ ព្រមទាំងមានកិត្តិយស និងមោទនភាពដែលបានមកបំពេញការងារការទូតនៅកម្ពុជារយៈពេល ៤ឆ្នាំមកនេះ។ ឯកឧត្តមឯកអគ្គរដ្ឋទូតក៏បានជម្រាបជូនឯកឧត្តម ឧបនាយករដ្ឋមន្ត្រីពីភាពជោគជ័យនៃការរៀបចំមហាសន្និបាតលើកទី១២ នៃបក្សប្រជាជនបដិវត្តន៍ឡាវ កាលពីថ្ងៃទី៦-៨ ខែមករា ឆ្នាំ២០២៦ ដោយបានអនុម័តកម្មវិធីនយោបាយបក្ស និងផែនការសេដ្ឋកិច្ច រយៈពេល ៥ឆ្នាំរបស់ ស.ប.ប.ឡាវ។ដោយឆ្នាំ២០២៦ នេះ ជាខួបលើកទី៧០ នៃការបង្កើតទំនាក់ទំនងការទូតរវាងប្រទេសទាំងពីរ និង ដើម្បីអបអរខួបនេះ ប្រទេសទាំងពីរកំពុងរៀបចំដំណើរព្រះរាជទស្សនកិច្ចផ្លូវរដ្ឋរបស់ព្រះបាទព្រះករុណា នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជាទៅកាន់ប្រទេសឡាវ។ឯកឧត្តមឯកអគ្គរាជទូត បានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមឧបនាយក រដ្ឋមន្ត្រី ក្រសួងការបរទេស និងសហប្រតិបត្តិការអន្តរជាតិ និងស្ថាប័នពាក់ព័ន្ធកម្ពុជានានា ដែលបានផ្តល់ កិច្ចសហប្រតិបត្តិការ និងការគាំទ្រយ៉ាងជិតស្និទ្ធ ក្នុងអាណត្តិរបស់ឯកឧត្តម។ឯកឧត្ដមឧបនាយករដ្ឋមន្ត្រី បានជូនពរ ឯកឧត្តមឯកអគ្គរដ្ឋទូតជោគជ័យក្នុងការបំពេញភារកិច្ចថ្មី និងបានបញ្ជាក់នូវការត្រៀមខ្លួនរបស់កម្ពុជា ក្នុងការផ្តល់ការគាំទ្រ និងកិច្ចសហប្រតិបត្តិការជាមួយ ឯកអគ្គរដ្ឋទូតឡាវថ្មី ដើម្បីពង្រឹងចំណងមិត្តភាពទ្វេភាគីបន្ថែមទៀត៕

អគ្គរដ្ឋទូតចិន កោតសរសើររាជរដ្ឋាភិបាលកម្ពុជា មានកម្លាំងគ្រប់គ្រាន់ប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា

ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិន បានកោតសរសើរចំពោះរាជរដ្ឋាភិបាលកម្ពុជាមានផែនការច្បាស់លាស់ ធ្វើឱ្យអន្តរជាតិមានជំនឿចិត្តថា កម្ពុជាមានកម្លាំងគ្រប់គ្រាន់ក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ នៅព្រឹកថ្ងៃទី២០ ខែមករា ឆ្នាំ២០២៦ ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានអនុញ្ញាតឱ្យ ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ។ក្នុងជំនួបនោះ ឯកឧត្តមសន្តិបណ្ឌិត បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសកម្ពុជា និងចិនលើគ្រប់វិស័យនិយាយជារួម និងដោយឡែកកិច្ចសហប្រតិបត្តិការក្នុងវិស័យសន្តិសុខ និងការប្រយុទ្ធប្រឆាំងឧក្រិដ្ឋកម្ម ជាពិសេសឧក្រិដ្ឋកម្មឆបោកតាមប្រព័ន្ធបច្ចេកវិទ្យាក៏មានភាពជិតស្និទ្ធ និងទទួលបានលទ្ធផលជាផ្លែផ្កាផងដែរ។ ឯកឧត្តមសន្តិបណ្ឌិតបានគូសបញ្ជាក់ថា រាជរដ្ឋាភិបាលកម្ពុជា មានជំហររឹងមាំ និងជាក់លាក់ក្នុងការដាក់វិធានការបង្ក្រាប និងបោសសម្អាតទីតាំង និងក្រុមឧក្រិដ្ឋជនឆបោកតាមប្រព័ន្ធបច្ចេកវិទ្យា ក៏ដូចជាការអនុវត្តនីតិវិធីលើមេក្លោង និងគូកន។ ទន្ទឹមនេះ កម្ពុជានឹងបន្តកិច្ចសហប្រតិបត្តិការជាមួយបណ្តាប្រទេសជាដៃគូ ដើម្បីបន្តធ្វើការរួមគ្នាអនុវត្តប្រតិបត្តិការបង្ក្រាបប្រកបដោយសង្គតិភាព សំដៅធ្វើយ៉ាងណាកាត់ក្បាល និងបំបែកសម្បុកក្រុមឧក្រិដ្ឋជនឱ្យដល់ឬសគល់។ ជាកិច្ចឆ្លើយតប ឯកឧត្តម ឯកអគ្គរដ្ឋទូត បានថ្លែងអំណរគុណដល់រាជរដ្ឋាភិបាល ក៏ដូចជាសមត្ថកិច្ចកម្ពុជា ដែលបានសហការក្នុងការចាប់ខ្លួន និងបញ្ជូនមេខ្លោងជនជាតិចិន និងគូកន ត្រលប់ទៅប្រទេសចិន ដើម្បីបន្តនីតិវិធីស៊ើបអង្កេត និងផ្តន្ទាទោស។ ឯកឧត្តមបានសង្កត់ធ្ងន់ថា កិច្ចសហប្រតិបត្តិការនេះជាសក្ខីកម្ម សបង្ហាញពីកិច្ចខិតខំប្រឹងប្រែង ក៏ដូចជាលទ្ធផលជាក់ស្តែងរបស់កម្ពុជា ក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ទៅកាន់សហគមន៍អន្តរជាតិ ហើយវាក៏សបញ្ជាក់ពីកិច្ចសហប្រតិបត្តិការល្អរវាងសមត្ថកិច្ចកម្ពុជា និងចិនផងដែរ។ ឯកឧត្តមក៏បានកោតសរសើរចំពោះរាជរដ្ឋាភិបាលកម្ពុជាមានផែនការច្បាស់លាស់ ធ្វើឱ្យអន្តរជាតិមានជំនឿចិត្តថា កម្ពុជាមានកម្លាំងគ្រប់គ្រាន់ក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ហើយសង្ឃឹមថា អាចលុបបំបាត់ឧក្រិដ្ឋកម្មនេះបានជាដាច់ខាត។ ឯកឧត្តម មានជំនឿជឿជាក់លើការប្តេជ្ញាចិត្ត និងសមត្ថភាពរបស់កម្ពុជា ក្នុងការអនុវត្តកិច្ចការនេះប្រកបដោយប្រសិទ្ធភាព ហើយភាគីចិន រីករាយ និងត្រៀមខ្លួនជានិច្ច ក្នុងការធ្វើកិច្ចសហការ និងផ្តល់ការគាំទ្រដល់កម្ពុជា ដើម្បីសម្រេចគោលដៅបង្ក្រាប និងបោសសម្អាតសកម្មភាពឆបោកតាមប្រព័ន្ធបច្ចេកវិទ្យាពីប្រទេសកម្ពុជា។ មុននឹងបញ្ចប់ ភាគីទាំងពីរបានពិភាក្សា និងផ្លាស់ប្តូរទស្សនៈពាក់ព័ន្ធស្ថានការណ៍ ក៏ដូចជាជំហានបន្ទាប់ក្នុងកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មតាមប្រព័ន្ធបច្ចេកវិទ្យា។

អ.ន.ក. ខេត្តកំពង់ធំ ប្រគល់ថវិកាធានារ៉ាប់រងសង្គមជូនគ្រួសារសពអតីតមន្ត្រីរាជការ ចំនួន ១៣គ្រួសារ

នៅព្រឹកថ្ងៃទី២០ ខែមករា ឆ្នាំ២០២៦ ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ តំណាងឯកឧត្តម នួន ផារ័ត្ន អភិបាលខេត្ត ប្រធានអ.ន.ក. ខេត្ត បានអញ្ជើញជួបសំណេះសំណាលសាកសួរសុខទុក្ខអតីតគ្រួសារមន្ត្រីរាជការស៊ីវិល និងប្រគល់ថវិកាធានារ៉ាប់រងសង្គមរបស់រាជរដ្ឋាភិបាល សរុបចំនួន ១២០,៦៧៣,៥០០រៀល ជូនគ្រួសារសពអតីតមន្ត្រីរាជការស៊ីវិលចំនួន ១៣គ្រួសារ ដែលបានទទួលមរណភាពនាពេលកន្លងទៅ នៅទីស្នាក់ការសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ។

ឧបនាយករដ្ឋមន្ត្រី សាយ សំអាល់ ផ្ដល់បណ្ណកម្មសិទ្ធិដីសមូហភាពដល់ជនជាតិភាគតិចក្រោល នៅខេត្តក្រចេះ

ក្រចេះ៖ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញផ្ដល់បណ្ណកម្មសិទ្ធិដីសមូហភាព ដែលស្ថិតក្នុងគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ (LASED III) ទៅដល់បងប្អូនជនជាតិដើមភាគតិចក្រោល ស្ថិតក្នុងភូមិស្រែជិះ ឃុំស្រែជិះ ស្រុកអូរគ្រៀងសែនជ័យ ខេត្តក្រចេះ ដែលងាយស្រួលដល់ពួកគាត់អាស្រ័យផល ចូលរួមថែរក្សាការពារព្រៃឈើ និងប្រតិបត្តិតាមប្រពៃណីទំនៀមទម្លាប់របស់ពួកគាត់។ក្នុងពិធីផ្ដល់បណ្ណសមូហភាពចំនួន ៣៩បណ្ណ ស្មើនឹងផ្ទៃដីប្រមាណជិត ១ពាន់ហិកតា នៅថ្ងៃទី២០ ខែមករា ឆ្នាំ២០២៦ ឯកឧត្តមឧបនាយករដ្ឋមន្ត្រី មានប្រសាសន៍ថា ការងារផ្ដល់នូវដីសមូហភាពដល់បងប្អូនជនជាតិដើមភាគតិចគ្រប់អម្បូរ គឺជាការយកចិត្តទុកដាក់ និងគោលដៅរបស់រាជរដ្ឋាភិបាល ដោយធ្វើយ៉ាងណាឲ្យពួកគាត់ មានដីសម្រាប់រស់នៅ អាស្រ័យផលធ្វើកសិកម្ម ដីព្រៃសហគមន៍ និងដីសម្រាប់កបខ្មោចជាដើម ។ឯកឧត្តម បានបន្តថា មួយវិញទៀត បន្ទាប់ពីការងារវាស់វែងដីធ្លី និងការផ្ដល់ជូននូវបណ្ណកម្មសិទ្ធិរួចរាល់ ក្រសួងក៏នឹងមានការរៀបចំការអភិវឌ្ឍដីធ្លី ជាពិសេសនៅក្នុងទឹកដីភូមិភាគឦសាននេះ ដែលមានខេត្តក្រចេះផងដែរនោះ នឹងត្រូវបែងចែកប្រភេទដី សម្រាប់ធ្វើការអភិវឌ្ឍសេដ្ឋកិច្ច ក្នុងនោះមានដីធ្វើកសិកម្ម ដូចជាការដាំដំណាំផ្សេង និងការចិញ្ចឹមសត្វ... ។ជាមួយនេះ ឯកឧត្តមឧបនាយករដ្ឋមន្ត្រី សាយ សំអាល់ បានបង្ហាញការជឿជាក់ថា បងប្អូនជនជាតិដើមភាគតិច ដែលបានទទួលបណ្ណកម្មសិទ្ធិដីសមូហភាពនេះ នឹងប្រើប្រាស់បានជាប្រយោជន៍ដល់សហគមន៍ ជាមួយនឹងការស្នើទៅអាជ្ញាធរ និងគម្រោង LASED III បន្តជួយអភិវឌ្ឍន៍ផ្លូវ អាងស្តុកទឹក និងបណ្ដុះបណ្ដាលជំនាញកសិកម្មជាដើម ដល់ពលរដ្ឋនៅក្នុងបន់នេះ ឲ្យកាន់តែមានជីវភាពល្អប្រសើរ។ក្នុងពេលទៅទទួលបណ្ណកម្មសិទ្ធិដីសមូហភាព ជនជាតិដើមក្រោល បានបង្ហាញការសប្បាយរីករាយ ចំពោះការគិតគូររបស់រាជរដ្ឋាភិបាល ដែលបានផ្ដល់នូវបណ្ណកម្មសិទ្ធិដីធ្លីជូនជនជាតិដើមភាគតិច ជាមួយនឹងការប្ដេជ្ញាខិតខំចូលរួមថែរក្សាដីដូនតា និងដីសហគមន៍ ដែលកំពុងមានសត្វព្រៃជាច្រើនប្រភេទកំពុងរស់នៅ ឲ្យបានគង់វង់ ។ឯកឧត្តម វ៉ា ថន អភិបាលខេត្តក្រចេះ មានប្រសាសន៍ថា ខេត្តក្រចេះ មានសហគមន៍ជនជាតិដើមភាគតិច បានដាក់ពាក្យស្នើសុំចុះបញ្ជីដីចំនួន ១១សហគមន៍ ក្នុងនោះ បានចេញបណ្ណកម្មសិទ្ធិសមូហភាពរួចចំនួន ៧សហគមន៍ មានចំនួន ២៤៥បណ្ណ ស្មើនឹង ៩៩៣គ្រួសារ មានទំហំ ៦ ៥៣៨,៣៧ហិកតា ។ឯកឧត្តម បានបន្តថា សហគមន៍ទាំង ៧រួមមាន សហគមន៍ជនជាតិដើមភាគតិច “ព្នង” ចំនួន ៣សហគមន៍, សហគមន៍ជនជាតិដើមភាគតិច “ក្រោល” ចំនួន៣សហគមន៍, សហគមន៍ជនជាតិដើមភាគតិច “មិល” ចំនួន១សហគមន៍។ ជាមួយនេះ មានសហគមន៍ជនជាតិដើមភាគតិច បានស្នើសុំអនុបយោគចំនួន ២សហគមន៍ គឺជនជាតិដើមភាគតិច “គួយ”, បានបញ្ចប់ការវាស់វែងចំនួន ១សហគមន៍ គឺជនជាតិដើមភាគតិច “ព្នង”, បាននិងកំពុងចុះបញ្ជីចំនួន១សហគមន៍ គឺជនជាតិដើមភាគតិច “គួយ” ដែលស្ថិតក្រោមគម្រោង LASED III ហើយក៏បានបញ្ចប់ការវាស់វែង និងត្រៀមបិទផ្សាយ) ៕ អត្ថបទ បាន សុខរិទ្ធិ

តំណាងសមាគមស្វាយចន្ទី៖ ការប្រមូលគ្រាប់ស្វាយចន្ទីឆ្នាំនេះ អាចបានផលច្រើន បើអាកាសធាតុល្អ

តំណាងសមាគមស្វាយចន្ទីកម្ពុជា ព្រួយបារម្ភរណ៍ទាក់ទិននិងការប្រែប្រួលអាកាសធាតុកំពុងអូសបន្លាយ ដែលនឹង អាចធ្វើឱ្យ ប៉ះពាល់នៅក្នុងរដូវស្វាយចន្ទីចេញផ្កា ប៉ុន្តែប្រសិនបើអាកាសធាតុនឹងបញ្ចប់ក្នុងយៈពេលខ្លី ការប្រមូលគ្រាប់ស្វាយចន្ទីក្នុងឆ្នាំ២០២៦នេះនឹងទទួលបានផលច្រើន ។លោក ស៊ុយ កុកធាន អនុប្រធានសមាគមស្វាយចន្ទីកម្ពុជា លើកឡើងក្នុងកិច្ចសម្ភាសន៍ជាមួយសារព័ត៌មាន ស្តីពីការដាំដុះ និងការនាំចេញគ្រាប់ស្វាយចន្ទី នេះថា ជុំវិញការដាំដុះស្វាយចន្ទី កម្ពុជាគឺជាប្រទេសដែលផលិតគ្រាប់ស្វាយចន្ទីឆៅធំទី២ នៅលើ ពិភពលោក ជាក់ស្តែងនៅក្នុងឆ្នាំកន្លងមកនេះ កម្ពុជាទទួលបានការបញ្ជាទិញពីក្រៅប្រទេសជាច្រើន ដែលធ្វើការនាំចេញបានចំនួន ក្នុងរង្វង់ ១ លានតោន បើគិតជាទឹកប្រាក់ក្នុងរង្វង់ប្រមាណ ១,៥ ពាន់លានដុល្លាអាម៉េរិក ចំណែកទីផ្សារធំៗដែលបាននាំចេញរួមមាន ប្រទេសវៀតណាម, ឥណ្ឌា, ចិន និងការនាំចេញទៅបណ្តាលប្រទេសមួយចំនួនផ្សេងទៀត។លោក បន្តឱ្យដឹងថា សម្រាប់ឆ្នាំ២០២៥នេះ យើងទទួលបានជោគជ័យល្អប្រសើរ ទាំងកំណើនការប្រមូលផល និងមានតម្លៃ ល្អ ប៉ុន្តែចំពោះអ្នកកែច្នៃក្នុងស្រុកជួបបញ្ហាខ្លះៗ អំពីការកើនឡើងនៃវត្ថុធាតុដើមសម្រាប់ផ្គត់ផ្គង់ក្នុងការកែច្នៃ ព្រោះការកែច្នៃគឺយើង ត្រូវប្រកួតប្រជែងទាំងទីផ្សារក្នុងនិងក្រៅស្រុក ក្នុងនោះសម្រាប់អ្វីដែលជាបញ្ហានៅក្នុងឆ្នាំ២០២៦នេះវិញ គឺបញ្ហាអាកាសធាតុ ដែល បាននិងកំពុងអូសបន្លាយ អាចនឹងធ្វើឱ្យមានការប៉ះពាល់ដល់ស្វាយចន្ទីដែលកំពុងចេញផ្កា ក្នុងនោះប្រសិនអាកាសធាតុនៅតែអូស បន្លាយ វានឹងអាចធ្វើឱ្យប៉ះពាល់ក្នុងការប្រមូលផលគ្រាប់ស្វាយចន្ទីក្នុងឆ្នាំនេះ។លោក ស៊ុយ កុកធាន លើកឡើងបន្តថា ជុំវិញស្វាយចន្ទីនេះ គោលនយោបាយជាតិស្វាយចន្ទីឆ្នាំ២០២២-២០២៧ និងការ យកចិត្តទុកដាក់របស់រាជរដ្ឋាភិបាល នៅក្នុងរយៈពេលខាងមុខ, កម្ពុជានឹងអាចនាំចេញគ្រាប់ស្វាយចន្ទីកាន់តែច្រើន ខណៈដែលរាជ- រដ្ឋាភិបាលបានកំពុងពន្លឿនក្នុងការបង្កើតសួនឧស្សាហកម្មស្វាយចន្ទី (CIP) មានផ្ទៃដីជាង ៤០០ ហិចតា។ ហើយក្រោយពីដាក់ឱ្យ ដំណើរ គម្រោងនេះនឹងអាចស្រូបយកវិនិយោគមកបណ្តាក់ទុនបន្ថែមទៀតផងដែរ។សូមបញ្ជាក់ថា បច្ចុប្បន្នខេត្តកំពង់ធំមានរោងចក្រមួយកំពុងដំណើរ ដែលមានឈ្មោះថា MIRARTH Agritech ដោយរោងចក្រនោះ កែច្នៃគ្រាប់ស្វាយចន្ទី និងបានកំពុងស្រូបយកគ្រាប់ស្វាយចន្ទីស្រស់ក្នុងស្រុកប្រមាណ ៦ តោន នៅក្នុង១ថ្ងៃៗ សម្រាប់ការកែច្នៃ ហើយ ក្រុមហ៊ុនមួយនេះក៏មានមហិច្ឆិតា ពង្រីកសមត្ថភាពកែច្នៃបន្ថែមទៀតឱ្យបានជាង ២ ម៉ឺនតោន ក្នុង១ឆ្នាំ សម្រាប់បម្រើទីផ្សារនាំចេញ ផងដែរ៕ អត្ថបទ៖ សុន រ៉ាឌី,

គ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្តេជ្ញាផ្តល់សេវាសុខភាពជូនពលរដ្ឋនៅតាមមូលដ្ឋានកាន់តែប្រសើរ

ក្នុងកិច្ចប្រជុំបូកសរុបលទ្ធផលការងារ ផ្សព្វផ្សាយ និងទំនាក់ទំនងសាធារណៈ ប្រចាំ២០២៥ និងលើកទិសដៅអនុវត្តបន្ត ឆ្នាំ២០២៦ នៅព្រឹកថ្ងៃទី២០ ខែមករា ឆ្នាំ២០២៦នេះ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានប្តេជ្ញាចិត្តខិតខំព្យាយាមបន្តការងារផ្តល់សេវាសុខភាព ជូនប្រជាពលរដ្ឋនៅតាមបណ្តាលមូលដ្ឋានផ្សេងៗ និងនៅតាមខ្នងផ្ទះឱ្យកាន់តែប្រសើរឡើងថែមទៀត។ឯកឧត្តម លេង ផាលី រដ្ឋលេខាធិការក្រសួងផែនការ ជាសមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានថ្លែងថា សមិទ្ធផលរបស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី គិតចាប់ពីថ្ងៃទី១៤ ខែមិថុនា ឆ្នាំ២០២៥ ដល់ថ្ងៃទី១៦ ខែមករា ឆ្នាំ២០២៦ ក្រុមការងារគ្រូពេទ្យស្ម័គ្រចិត្តឯកឧត្តមហ៊ុន ម៉ានី ថ្នាក់កណ្តាល ចំនួន ៥៦៣នាក់ បាននាំយកសម្ភារបរិក្ខារថ្នាំពេទ្យ និងស្បៀងអាហារមួយចំនួន ដោយសហការជាមួយក្រុមការងារគ្រូពេទ្យស្ម័គ្រចិត្តរាជធានី-ខេត្ត បានចុះអប់រំសុខភាព ពិនិត្យ ព្យាបាលជំងឺ ចែកថ្នាំ ផ្តល់សេវា និងគ្រឿងឧបភោគបរិភោគ ជូនប្រជាជនភៀសសឹក នៅខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ ខេត្តសៀមរាប ខេត្តបាត់ដំបង ខេត្តពោធិ៍សាត់ និងខេត្តកោះកុង បានចំនួន២៦៤,៣៦៥នាក់។ ក្នុងឱកាសនោះ ឯកឧត្តម បានបញ្ជាក់ទៀតថា ក្នុងរយៈពេល១ឆ្នាំចុងក្រោយនេះក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានបន្តបំពេញបេសកកម្មដ៏ថ្លៃថ្លារបស់ខ្លួន តាមរយៈការចូលរួមអប់រំផ្សព្វផ្សាយ វគ្គបណ្តុះបណ្តាល សង្គ្រោះបឋម និងពិនិត្យព្យាបាលជំងឺជូនប្រជាពលរដ្ឋផ្តល់សេវាដោយឥតគិតថ្លៃ ក្នុង២៥រាជធានី-ខេត្ត នៃព្រះរាជាណាចក្រកម្ពុជា បានចំនួន៣១០លើក ព្យាបាលជំងឺជូនប្រជាពលរដ្ឋ បានចំនួន៣០០,១០៧នាក់ (សាមសិបម៉ឺនមួយរយប្រាំពីរនាក់) ក្នុងនោះស្ត្រីមានចំនួន ១៨៤,៥១២នាក់ (ដប់ប្រាំបីម៉ឺន បួនពាន់ ប្រាំរយ ដប់ពីរនាក់) ជាពិសេសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី គឺជាកងទ័ពអាវស នៅប្រកៀរស្មាគ្នាជាមួយវីរៈកងទ័ព និងប្រជាជនភៀសសឹក គ្រប់កាលៈទេសៈ និងគ្រាលំបាក៕

បណ្ដាញសង្គម

ព័ត៌មានថ្មីៗ

រដ្ឋបាលលោក Trump ផ្តល់ជំនួយ១០០លានដុល្លារដល់ប្រទេសគុយបា ជាថ្នូរនឹងកំណែទម្រង់

ប្រទេសចិន នឹង «រង់ចាំឱកាសអំណោយផល» លើបញ្ហាអ៊ីរ៉ង់ ជាជាងពង្រីកតួនាទីហួសដែនកំណត់

សម្ដេចធិបតីអញ្ជើញជួបពិភាក្សាការងារជាមួយរដ្ឋមន្ត្រីក្រសួងសន្តិសុខសាធារណៈឡាវ

នាយករដ្ឋមន្ត្រីអង់គ្លេស ព្រមានពីភាពវឹកវរក្នុងគណបក្ស ស្របពេលមានការរំពឹងទុកពីការផ្លាស់ប្តូរមេដឹកនាំ

យោធាអ៊ីរ៉ង់៖ ការគ្រប់គ្រងច្រកសមុទ្រ Hormuz នឹងនាំមកនូវប្រាក់ចំណូលសេដ្ឋកិច្ចដ៏សំខាន់

លោក Xi ប្រាប់លោក Trump ថា ប្រទេសចិន និងអាមេរិកគួរតែជា«ដៃគូ មិនមែនជាគូប្រជែង» ទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877