BTV NEWS

ក្រសួងវប្បធម៌ ថ្កោលទោសចំពោះការបំផ្លិចបំផ្លាញថ្មីៗនេះដោយកងកម្លាំងយោធាថៃទៅលើជណ្តើរឈើឡើងប្រាសាទខ្នារ

សម្តេចប្រធានរដ្ឋសភាកម្ពុជា លើកទឹកចិត្ត ឯកអគ្គរដ្ឋទូតតួកគីយ៉េ ជួយជំរុញការវិនិយោគ ពាណិជ្ជកម្ម និងអ្នកទេសចរណ៍ ពីតួកគីយ៉េមកកម្ពុជាបន្ថែមទៀត

មន្រី្តសុខាភិបាលនៅភ្នំពេញ បន្តសកម្មភាពអប់រំសុខភាព លុបបំបាត់ជម្រកមូសខ្លា បរិស្ថានស្អាត សុខភាពល្អដល់ពលរដ្ឋ

ទេសចរ៖ បរិស្ថានធម្មជាតិស្រស់ស្អាតរបស់កម្ពុជាបានរួមចំណែកខ្លាំងទាក់ទាញទេសចរអន្តរជាតិ

ព័ត៌មានជាតិ

ក្រុម AOT បន្តចុះសង្កេតការណ៍ទីតាំងថៃឈ្លានពានកម្ពុជា ការណ៍នេះជំរុញការខណ្ឌសីមាព្រំដែនប្រទេសទាំងពីរ

បន្ទាប់ពីបានចុះសង្កេតការណ៍ ផ្ទៀងផ្ទាត់ និងរាយការណ៍ នៅប្រាសាទព្រះវិហារ កាលពីថ្ងៃទី១៤ ខែឧសភា ឆ្នាំ២០២៦ រហូតមកដល់ថ្ងៃទី២៣ ខែឧសភា ឆ្នាំ២០២៦នេះ ក្រុមអ្នកសង្កេតការណ៍អាស៊ាន (AOT) ក្រោមអាណត្តិដឹកនាំរបស់ហ្វីលីពីន បន្តចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់សំខាន់ៗមួយចំនួនដែលថៃឈ្លានពានកម្ពុជា ក្នុងខេត្តបន្ទាយមានជ័យ និងខេត្តឧត្តរមានជ័យ។ ជាក់ស្ដែងកាលពីទី១៧ ខែឧសភា ឆ្នាំ២០២៦ ក្រុមអ្នកសង្កេតការណ៍អាស៊ាន (AOT) ក្រោមអាណត្តិដឹកនាំរបស់ហ្វីលីពីន បានចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលជាទីតាំងត្រូវបានទទួលរងការវាយប្រហារ រាយបន្លាលួស និងដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃ ដោយបានធ្វើឱ្យប្រជាពលរដ្ឋកម្ពុជាជាច្រើនគ្រួសារមិនទាន់អាចវិលត្រឡប់ទៅកាន់លំនៅដ្ឋានវិញបាននៅឡើយ និងធ្វើការពិនិត្យលើការគោរព និងការអនុវត្តវិធានការទាំងអស់ក្នុងសេចក្តីប្រកាសរួមក្រោយបទឈប់បាញ់ចូលជាធរមានផងដែរ។ បន្ទាប់មកថ្ងៃទី១៧ ខែឧសភាដដែល ក្រុមអ្នកសង្កេតការណ៍អាស៊ាន (AOT) បន្តចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលជាទីតាំងប្រជាពលរដ្ឋកម្ពុជាបង្កបង្កើន និងអាស្រ័យផលជាយូរណាស់មកហើយ និងជាទីតាំងដែលកម្ពុជាបន្តកាន់កាប់ ក្រោយបទឈប់បាញ់បន្ទាន់រវាងកម្ពុជានិងថៃ បានចូលជាធរមានចាប់តាំងពីវេលាម៉ោង ១២:០០នាទី ថ្ងៃទី២៧ ខែធ្នូ ឆ្នាំ២០២៥មកម្ល៉េះ និងធ្វើការពិនិត្យលើការគោរព និងការអនុវត្តវិធានការទាំងអស់ក្នុងសេចក្តីប្រកាសរួមក្រោយបទឈប់បាញ់ចូលជាធរមានផងដែរ។ រហូតមកដល់ថ្ងៃទី២៣ ខែឧសភា ឆ្នាំ២០២៦ ក្រុមអ្នកសង្កេតការណ៍អាស៊ាន (AOT) បន្តចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកអូរស្មាច់ ក្រុងសំរោង ខេត្តឧត្តរមានជ័យ ធ្វើការពិនិត្យលើការគោរព និងអនុវត្តវិធានការទាំងអស់ក្នុងសេចក្តីប្រកាសរួមក្រោយបទឈប់បាញ់ចូលជាធរមានផងដែរ។ តាមរយៈសន្និសីទសារព័ត៌មាននៅថ្ងៃទី២៤ ខែឧសភា ឆ្នាំ២០២៦នេះ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានថ្លែងបញ្ជាក់ថា ស្ថានភាពនេះគូសបញ្ជាក់ពីភាពចាំបាច់ និងបន្ទាន់ ក្នុងការចាប់ផ្តើមកិច្ចការវាស់វែងខណ្ឌសីមាដោយគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត ស្របតាមកិច្ចព្រមព្រៀងដើម្បីអនុញ្ញាតឱ្យប្រជាពលរដ្ឋខ្មែរអាចវិលត្រលប់ទៅកាន់លំនៅដ្ឋានវិញដោយគ្មានការរារាំង ដោយសុវត្ថិភាព និងសេចក្តីថ្លៃថ្នូរ ក៏ដូចជាបន្តប្រកបរបរចិញ្ចឹមជីវិតដូចធម្មតាឡើងវិញ។ ........ ប៉ែន បូណា ក្រុម AOT បន្តចុះសង្កេតការណ៍ ........ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា បញ្ជាក់ម្ដងហើយម្ដងទៀតថា កម្ពុជាតែងតែផ្តល់ការគាំទ្រយ៉ាងពេញទំហឹងដល់ក្រុមអ្នកសង្កេតការណ៍អាស៊ាន (AOT) ព្រមទាំងសង្កត់ធ្ងន់ទៅលើសារៈសំខាន់មិនអាចខ្វះបានក្នុងការពង្រឹងតួនាទី និងអាណត្តិរបស់ AOT ដើម្បីផ្ទៀងផ្ទាត់ និងធានាការអនុវត្តបទឈប់បាញ់ ក៏ដូចជាវិធានការនានាដែលបានឯកភាពគ្នារវាងកម្ពុជា និងថៃឱ្យបានពេញលេញ និងប្រកបដោយប្រសិទ្ធភាពសំដៅលើកកម្ពស់តម្លាភាព គណនេយ្យភាព និងការជឿទុកចិត្តគ្នាទៅវិញទៅមក និងតែងតែស្វាគមន៍ដល់បណ្តាប្រទេសជាមិត្តដែលមានបំណងក្នុងការចូលរួមជួយលើកិច្ចការនេះបន្ថែមទៀត។ លោកជំទាវ ឧត្តមសេនីយ៍ឯក ម៉ាលី សុជាតា បញ្ជាក់ថា រាជរដ្ឋាភិបាល និងក្រសួងការពារជាតិកម្ពុជា តែងតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិតក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព ស្ថិរភាព និងសុវត្ថិភាពជូនប្រជាពលរដ្ឋដែលរស់នៅតាមបណ្តាយព្រំដែនប្រទេសទាំងពីរ៕

ប្រធានក្រុមការងារចលនាកសាងសមាជិកគណបក្សនៅមូលដ្ឋាន ខេត្តកណ្តាលជួបសំណេះសំណាល ជាមួយសមាជិកថ្មី និងចាស់ចំនួន ១៤២នាក់ នៅភូមិឃ្លាំងមឿងជើង សង្កាត់ព្រែកអំពិល

កណ្តាល៖ ឯកឧត្តម ស៊ុយ ឆៃលាង ប្រធានក្រុមការងារចលនាកសាងសមាជិកគណបក្សនៅមូលដ្ឋាន ខេត្តកណ្តាល តំណាង ឯកឧត្តម គួច ចំរើន សមាជិកគណៈកម្មាធិការកណ្តាល ប្រធានគណៈកម្មាធិការគណបក្សខេត្តកណ្តាល និងជាអភិបាលនៃគណៈអភិបាល ខេត្តកណ្តាល អញ្ជើញជាអធិបតី ក្នុងពិធីសំណេះសំណាល ជាមួយសមាជិកថ្មី និងសមាជិកចាស់ចំនួន១៤២នាក់ នៅភូមិឃ្លាំងមឿងជើង សង្កាត់ព្រែកអំពិល ក្រុងអរិយក្សត្រ ខេត្តកណ្តាល ព្រឹកថ្ងៃទី២៣ ខែឧសភា ឆ្នាំ២០២៦នេះ។ ពិធីនេះក៏មានការអញ្ជើញចូលរួមពីសំណាក់ ឯកឧត្តម ជ័យ សិទ្ធី ប្រធានក្រុមការងារចុះជួយគណបក្សនៅសង្កាត់ព្រែកអំពិល និងលោក ចាន់ តារា ប្រធានគណៈកម្មាធិការគណបក្ស និងជាអភិបាល នៃគណៈអភិបាលក្រុងអរិយក្សត្រ ខេត្តកណ្តាល រួមនឹង។ ក្នុងឱកាសនោះ ឯកឧត្តម ស៊ុយ ឆៃលាង បានធ្វើការគូសបង្ហាញអំពីទិដ្ឋភាពទូទៅព្រឹត្តិការណ៍នយោបាយ ផែនការយុទ្ធសាស្ត្រគណបក្ស ព្រមទាំងយុទ្ធសាស្រ្តអទិភាពចម្បងៗរបស់រាជរដ្ឋាភិបាល អាណត្តិទី៧ ដែលបានដាក់ចេញ និងកំពុងអនុវត្តន៍ប្រកបដោយជោគជ័យ គឺ “មនុស្ស ទឹក ផ្លូវ ភ្លើង និង បច្ចេកវិទ្យា ឌីជីតែល” ព្រមទាំងបានធ្វើការបង្ហាញអំពីមូលធនមនុស្ស ដើម្បីកម្ពុជាឆ្ពោះទៅបន្តភាពរីកចំរើន និងការអភិវឌ្ឍដើម្បីកសាងមូលដ្ឋានគ្រឹះ ឆ្ពោះទៅសម្រេចនូវចក្ខុវិស័យទទទួលបានចំណូលកំរិតមធ្យមនៅឆ្នាំ ២០៣០ និងចំណូលកំរិតខ្ពស់នៅឆ្នាំ២០៥០។ ឯកឧត្តមបានផ្តល់ការលើកទឹកចិត្ត បងប្អូនប្រជាពលរដ្ឋជាសមាជិកថ្មី បន្តរួមគ្នាជាកម្លាំងតែមួយ ជាមួយគណបក្សប្រជាជនកម្ពុជា មានគណបក្សប្រជាជនកម្ពុជា មានសម្តេចតេជោ ហ៊ុន សែនប្រធានគណបក្ស បានដឹកនាំប្រទសមានសន្តិភាពទើបយើងមានអ្វីៗគ្រប់យ៉ាងដូចពេលនេះ។ ឯកឧត្តម បានជម្រាបដល់បងប្អូនជាសមជិកថ្មីថា៖«គ្មានក្រុមគណបក្សប្រឆាំងឯណា មករំដោះជាតិ ចេញ ពីរបបអាវខ្មៅ បនប្រល័យពូជសាសន៍ ប៉ុល ពត ឡើយ គឺមានតែឥស្សរជន និងថ្នាក់ដឹកនាំគណបក្សប្រជាជនកម្ពុជា តែមួយគត់ ដែលបានរំដោះប្រទេសជាតិ ចេញពីរបបវាលពិឃាត និងបានកសាងប្រទេសកម្ពុជាពីបាតដៃទទេ រហូតធ្វើឱ្យប្រទេសមានការអភិវឌ្ឍលើគ្រប់វិស័យរីកចម្រើនដូចពេលបច្ចុប្បន្ននេះ»។ ជាមួយគ្នានេះ ឯកឧត្តមក៏បានអំពាវនាវឱ្យប្រជាពលរដ្ឋ បន្តគាំទ្រ និងបោះឆ្នោតជូនគណបក្សប្រជាជនកម្ពុជាជាបន្តទៀត នៅឆ្នាំ២០២៧ និងឆ្នាំ២០២៨ ខាងមុខ ដើម្បីអោយក្លាយជាសកម្មជនរបស់គណបក្ស ជាអ្នកជួយឃោសនាគោលនយោបាយជូនគណបក្សដល់មូលដ្ឋានរបស់យើង បានក្លាយមនុស្សរបស់គណបក្ស នៅជាមួយ ជឿជាក់ ការពារគណបក្សគ្រប់កាល:ទេស: ជួយបម្រើគ្នា ចែករំលែក សម្រាលទុក្ខគ្នាទៅវិញទៅមក នៅតាមមូលដ្ឋានដែលយើងកំពុងរស់នៅ ជាពិសេសគឺបោះឆ្នោតជូនគណបក្សយើងនៅថ្ងៃទិ6-6-2026(មានឈ្មោះបោះឆ្នោត)។ ចុងក្រោយ ឯកឧត្តមបានចែករំលែកដល់យុវជនអំពីច្បាប់ស្តីពីកាត្វកិច្ចយោធា ដើម្បីរួមចំណែកកសាងប្រទេសជាតិ និងការពារមាតុភូមិដែលជាកាត្វកិច្ចចាំចាប់ និងជាកិត្តិយសដ៏មហាធំធេងរបស់ប្រជាពលរដ្ឋខ្មែរគ្រប់រូបៗ និងជាមូលដ្ឋានគ្រឹះនៃប្រភពកម្លាំងសម្រាប់វិស័យការពារជាតិ និងការអភិវឌ្ឍកាយសម្បទា ព្រមទាំងបណ្តុះស្មារតីស្នេហាជាតិ ការអប់រំផ្នត់គំនិត និងវិន័យចេះស្រឡាញ់ទឹកដី ការពារទឹកដីដែលជាតម្រូវការរបស់ប្រទេសជាតិ៕

រយៈពេល៣សប្តាហ៍ខែឧសភានេះ សមត្ថកិច្ច បង្ក្រាប Online Scams ចំនួន ៥០ទីតាំង ឃាត់ខ្លួនជនបរទេសសង្ស័យប្រមាណ ៣ ៣២០នាក់ និងបណ្តេញចេញជាង១ពាន់នាក់

ភ្នំពេញ៖ រយៈពេល៣សប្តាហ៍ នៃខែឧសភា ឆ្នាំ២០២៦នេះ សមត្ថកិច្ចបាននៃអគ្គស្នងការនគរបាលជាតិ បានបង្ក្រាបបទល្មើសឆបោកតាមប្រព័ន្ធបច្ចេកវិទ្យាចំនួន ៥០ ទីតាំងឃាត់ខ្លួនក្នុងរង្វង់ប្រតិបត្តិការសរុបប្រមាណ ៣ ៣២០នាក់ ស្មើនឹង ៣២សញ្ជាតិ ក្នុងនោះបានសហការជាមួយអគ្គនាយកដ្ឋានអន្តោប្រវេសន៍ដើម្បីធ្វើការ បណ្តេញចេញចំនួន ១,០៣០នាក់ ស្មើនឹង ១៦សញ្ជាតិ។ នេះបើយោងតាម សេចក្តីប្រកាសព័ត៌មានរបស់អគ្គស្នងការនគរបាលជាតិចេញផ្សាយនៅថ្ងៃទី២៤ ខែឧសភា ឆ្នាំ២០២៦នេះ។ អគ្គស្នងការដ្ឋាននគរបាលជាតិបានឱ្យដឹងថា ក្រោមការដឹកនាំបញ្ជាយ៉ាង ម៉ឺងម៉ាត់ពីថ្នាក់ដឹកនាំរាជរដ្ឋាភិបាល និងក្រសួងមហាផ្ទៃ អគ្គស្នងការដ្ឋាននគរបាលជាតិបានសហការជាមួយ កងកម្លាំង និងអាជ្ញាធរមានសមត្ថកិច្ចពាក់ព័ន្ធ បន្តបើកប្រតិបត្តិការបង្ក្រាបបទល្មើសឆបោកតាមប្រព័ន្ធ បច្ចេកវិទ្យា (Online Scams) ជាច្រើនទីតាំងនៅទូទាំងប្រទេស ដែលបានបង្ហាញអំពីការប្តេជ្ញាចិត្តប្រកប ដោយឆន្ទៈមោះមុត ក្នុងការបោសសម្អាតឧក្រិដ្ឋកម្មឆ្លងដែន ដែលមានលក្ខណៈជាសកលនេះ។ អគ្គស្នងការដ្ឋាននគរបាលជាតិបានបញ្ជាក់ថា ជាក់ស្តែងរយៈពេល ៣សប្តាហ៍ ចាប់ពីថ្ងៃទី១ ដល់ថ្ងៃទី២២ ខែឧសភា ឆ្នាំ២០២៦ សមត្ថកិច្ចបាន បង្ក្រាបបទល្មើសឆបោកតាមប្រព័ន្ធបច្ចេកវិទ្យាចំនួន ៥០ទីតាំង ឃាត់ខ្លួនក្នុងរង្វង់ប្រតិបត្តិការសរុបប្រមាណ ៣,៣២០នាក់ ស្មើនឹង ៣២សញ្ជាតិ ក្នុងនោះបានសហការជាមួយអគ្គនាយកដ្ឋានអន្តោប្រវេសន៍ដើម្បីធ្វើការ បណ្តេញចេញចំនួន ១,០៣០នាក់ ស្មើនឹង ១៦សញ្ជាតិ កសាងសំណុំរឿងបញ្ជូនទៅតុលាការចំនួន ៩៦នាក់ ស្មើនឹង ៦សញ្ជាតិ ធ្វើការអប់រំបុគ្គលដែលមិនជាប់ពាក់ព័ន្ធចំនួន ៥៥៩នាក់ ស្មើនឹង ៣សញ្ជាតិ កំពុងបន្តនីតិវិធី នៅតាមស្នងការដ្ឋានចំនួន ១,៥៩០នាក់ ស្មើនឹង ១៦សញ្ជាតិ និងក្នុងនោះសាមីជនបានស្នើសុំត្រឡប់ទៅ ប្រទេសកំណើតវិញចំនួន ៤៥នាក់ ស្មើនឹង ៨សញ្ជាតិ។ កិច្ចប្រតិបត្តិការដ៏ក្តៅគគុកនេះ បានធ្វើឱ្យក្រុម ជនឆបោកតាមប្រព័ន្ធបច្ចេកវិទ្យាមួយចំនួនរត់គេចទៅសម្ងំលាក់ខ្លួននៅទីកន្លែងនានាក្នុងប្រទេស និងមួយ ចំនួនទៀតបានចាកចេញពីប្រទេសកម្ពុជា ហើយព្យាយាមបន្តប្រតិបត្តិការឆបោកនៅតាមប្រទេសក្នុងតំបន់ មួយចំនួនទៀត។ ទន្ទឹមនឹងប្រតិបត្តិការបង្ក្រាបខាងលើ សមត្ថកិច្ចមូលដ្ឋានក៏បានយកចិត្តទុកដាក់អនុវត្តយ៉ាងសកម្មនូវវិធានការរដ្ឋបាលចំហរតាមទីតាំងស្នាក់នៅប្រមូលផ្តុំ និងអនុវត្តវិធានការផាកពិន័យម្ចាស់ទីតាំងជាច្រើននាក់ ដោយមិនទាន់គិតដល់ទោសព្រហ្មទណ្ឌដែលកំណត់ក្នុងច្បាប់ជាធរមាន ពាក់ព័ន្ធការធ្វេសប្រហែស និង/ឬ ផ្តល់ទីតាំងឱ្យជនបរទេសស្នាក់នៅខុសច្បាប់ ស្របតាមខ្លឹមសារនៃអនុក្រឹត្យលេខ ០៣ អនក្រ.បក ស្តីពីការ គ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ។ អគ្គស្នងការដ្ឋាននគរបាលជាតិបានបញ្ជាក់ថា នឹងបន្តបេសកកម្មដ៏មានសារៈសំខាន់នេះ ដោយគ្មានការបន្ធូរបន្ថយ និងមានលក្ខណៈអចិន្ត្រៃយ៍ ហើយក៏អំពាវនាវដល់ប្រជាពលរដ្ឋគ្រប់មជ្ឈដ្ឋាន មេត្តាចូលរួមសហការជាមួយ សមត្ថកិច្ចដោយមិនត្រូវផ្តល់ទីជម្រកលាក់ខ្លួន និង/ឬទីតាំងប្រព្រឹត្តបទល្មើសដល់ក្រុមឧក្រិដ្ឋជន (Online Scams) ជាដាច់ខាត ព្រមទាំងផ្តល់ព័ត៌មានទាំងឡាយពាក់ព័ន្ធបទល្មើស (Online Scams) ជូនអាជ្ញាធរមាន សមត្ថកិច្ចចាត់វិធានការតាមច្បាប់ ដើម្បីធានាថែរក្សាសន្តិសុខសណ្តាប់ធ្នាប់សាធារណៈ និងសុវត្ថិភាពសង្គម សំដៅធ្វើឱ្យជនគ្រប់រូបរស់នៅ និងប្រកបរបរចិញ្ចឹមជីវិតដោយភាពសុខដុមរមនា៕

សម្តេចតេជោ ហ៊ុន សែន៖ «ការបង្ក្រាបការឆបោកតាមប្រព័ន្ធអនឡាញ ត្រូវដើរទន្ទឹមនឹងការដកចោលមន្ត្រីដែលជាប់ពាក់ព័ន្ធ»

សម្តេចតេជោ ហ៊ុន សែន ប្រមុខរដ្ឋស្តីទី បានប្រកាសស្វាគមន៍ចំពោះការដកចោលមន្ត្រីដែលជាប់ពាក់ព័ន្ធនឹង Online Scams ហើយសម្តេចបានណែនាំបន្ថែមថា ការបង្ក្រាបការឆបោកនេះ ត្រូវដើរទន្ទឹមជាមួយការដកចេញមន្ត្រីដែលជាប់ពាក់ព័ន្ធ ខណៈកន្លងមកសម្តេចបានឃើញមានដកមន្ត្រីមួយចំនួនហើយ ប៉ុន្តែអ្នកដែលជាប់ពាក់ព័ន្ធនោះមិនមែនត្រឹមតែដកដំណែងប៉ុណ្ណោះទេ គប្បីត្រូវចោទប្រកាន់តាមផ្លូវតុលាការថែមទៀតផងដែរ។ នេះបើតាមការឲ្យដឹងរបស់ឯកឧត្តម ជា ធីរិទ្ធ អ្នកនាំពាក្យសម្តេចតេជោ ហ៊ុន សែន។អ្នកនាំពាក្យសម្តេចតេជោបានឲ្យដឹងថា ក្នុងពិធីជួបសំណេះសំណាលជាមួយថ្នាក់ដឹកនាំក្រសួង-ស្ថាប័ន និងក្រុមប្រឹក្សារាជធានី ខណ្ឌ សង្កាត់ មន្ទីរ អង្គភាពនានាជុំវិញរដ្ឋបាលរាជធានីភ្នំពេញ នៅមជ្ឈមណ្ឌលសន្និបាត និងពិព័រណ៌កោះពេជ្រនាព្រឹកថ្ងៃទី២៤ ខែឧសភា ឆ្នាំ២០២៦នេះ សម្តេចតេជោបានលើកឡើងថា សម្តេចស្វាគមន៍ជាមួយការដកចោលមន្ត្រី និងផ្តល់អនុសាសន៍ ការបង្ក្រាបការឆបោក ត្រូវដើរទន្ទឹមជាមួយការដកចេញមន្ត្រីដែលជាប់ពាក់ព័ន្ធ។ កន្លងមកសម្តេចបានឃើញបានដកមន្ត្រីមួយចំនួនហើយ ប៉ុន្តែសម្តេចសុំផ្តល់មតិ ២កម្រិត អ្នកជាប់ពាក់ព័ន្ធមិនមែនត្រឹមដកដំណែងទេ ត្រូវចោទប្រកាន់តាមផ្លូវតុលាការថែមទៀត។ បើកការស៊ើបអង្កេត និងចោទប្រកាន់តាមផ្លូវតុលាការ។ ក្រុមនេះមិនអាចរួចខ្លួនទេ ព្រោះជាក្រុមមហន្តរាយ មន្ត្រីមហន្តរាយ។ សម្តេចណែនាំដោយត្រូវដកចេញពីតំណែង (បើចៅហ្វាយស្រុកណា ខេត្តណា មន្ត្រីណាមិនព្រមធ្វើ អសកម្ម សូមដកចេញ)។ សម្តេចតេជោ ហ៊ុន សែន ប្រមុខរដ្ឋស្តីទី និងជាប្រធានគណបក្សប្រជាជនកម្ពុជា បានផ្តល់អនុសាសន៍ដល់នាយករដ្ឋមន្ត្រី និងក្រសួងមហាផ្ទៃ សួរអោយបានច្បាស់ពីការចូលមកប្រទេសកម្ពុជា តើឆ្លងកាត់ និងចូលមកពីណា តាមណា? ខ្លះមកពីប្រទេសឆ្ងាយដែលមិនមានព្រំដែនជាប់ទេ។ នេះមិនមែនជារឿងកម្ពុជាដាច់ដោយឡែកទេ ប៉ុន្តែវាជារឿងសកល។ សម្តេចតេជោ លើកឡើងថា បទល្មើសឆបោកតាមអនឡាញនេះ បានបំផ្លាញកិត្តិយសសេចក្តីថ្លៃថ្នូររបស់ប្រទេសជាតិ ហើយក្រុមពួកឆបោកតាមប្រព័ន្ធបច្ចេកវិទ្យានេះ ក៏អាចក្លាយជាក្រុមគំរាមកំហែងប្រទេសជាតិទៅថ្ងៃអនាគតដែរ។ ហេតុនេះកម្ពុជា ត្រូវបង្ក្រាបអោយអស់ចេញពីកម្ពុជា៕

សម្តេចតេជោ ហ៊ុន សែន អញ្ជើញជួបសំណេះសំណាលជាមួយថ្នាក់ដឹកនាំក្រសួង-ស្ថាប័ន ក្រុមប្រឹក្សារាជធានី ខណ្ឌ សង្កាត់ និងមន្ត្រីនៃមន្ទីរ អង្គភាពនានាជុំវិញរដ្ឋបាលរាជធានីភ្នំពេញ

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា នៅព្រឹកថ្ងៃទី២៤ ខែឧសភា ឆ្នាំ២០២៦ អញ្ជើញជួបសំណេះសំណាលជាមួយថ្នាក់ដឹកនាំក្រសួង-ស្ថាប័ន និងក្រុមប្រឹក្សារាជធានី ខណ្ឌ សង្កាត់ និងមន្ត្រីមកពីមន្ទីរ អង្គភាពនានាជុំវិញរដ្ឋបាលរាជធានីភ្នំពេញ នៅមជ្ឈមណ្ឌលសន្និបាត និងពិព័រណ៍កោះពេជ្រ។ ពិធីសំណេះសំណាលនេះ មានការអញ្ជើញចូលរួមពី សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ,សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ,សម្តេចឯកឧត្តម លោកជំទាវថ្នាក់ដឹកនាំសមាជិកព្រឹទ្ធសភា រដ្ឋសភា ប្រធាន អនុប្រធានក្រុមការងារថ្នាក់ជាតិចុះមូលដ្ឋានរាជធានីភ្នំពេញ ថ្នាក់ដឹកនាំក្រសួង ស្ថាប័ន សមាជិកក្រុមប្រឹក្សារាជធានី ខណ្ឌ សង្កាត់ ព្រមទាំងថ្នាក់ដឹកនាំមន្ទីរ អង្គភាពនានាជុំវិញរដ្ឋបាលរាជធានីភ្នំពេញ ចំនួន៤៣៤៤នាក់។ ភ្នំពេញ គឺជារាជធានី នៃព្រះរាជាណាចក្រកម្ពុជា និងជាមជ្ឈមណ្ឌលនយោបាយ សេដ្ឋកិច្ច សង្គមកិច្ច ទេសចរណ៍ វប្បធម៌ និងការទូត ដែលមានភូមិសាស្ត្រយ៉ាងល្អឯកស្ថិតនៅត្រង់ចំណុចប្រសព្វ នៃទន្លេ ចំនួន ៤ គឺទន្លេមេគង្គលើ ទន្លេមេង្គក្រោម ទន្លេសាប និងទន្លេបាសាក់។ រាជធានីភ្នំពេញ បាន និងកំពុងបន្តអភិវឌ្ឍទៅមុខឥតឈប់ឈរ ទាំងបែបទូលាយ និងបែបជម្រៅ ដោយក្នុងនោះ ទំហំផ្ទៃដីបានពង្រីកពី ទំហំ ៣០០ គ.ម២ ទៅទំហំ ៦៩៥,៤៦ គ.ម២ ស្មើនឹង ០,៣៨% នៃផ្ទៃដីសរុបទូទាំងប្រទេស ដោយបានចែកចេញជា១៤ខណ្ឌ, ១០៥ សង្កាត់ និង ៩៥៣ ភូមិ មានប្រជាជនរស់នៅអចិន្ត្រៃយ៍ប្រមាណ ជា ២,៣លាននាក់ និងប្រជាជនស្នាក់នៅបម្រើការងារប្រមាណជា ៨០ម៉ឺននាក់ ក្នុងអត្រាកំណើន ០,៦% ក្នុង មួយឆ្នាំ និងមានដង់ស៊ីតេប្រមាណ ៣.៤៦៥នាក់/គ.ម២។បើតាមឯកឧត្តម ឃួង ស្រេង អភិបាលរាជធានីភ្នំពេញ បានឲ្យដឹងថា រាជធានីភ្នំពេញ គឺជាតំបន់ប៉ូលសេដ្ឋកិច្ចទីមួយ នៃព្រះរាជាណាចក្រកម្ពុជា ដែលប្រមូលផ្តុំទៅដោយ សេវាហិរញ្ញវត្ថុ សេវាពាណិជ្ជកម្ម ការវិនិយោគ ឧស្សាហកម្ម និងទេសចរណ៍។ ផ្អែកតាមស្ថិតិបណ្តោះអាសន្ន របស់វិទ្យាស្ថានជាតិស្ថិតិ នៃក្រសួងផែនការ នៅក្នុងឆ្នាំ២០២៥កន្លងទៅនេះ រាជធានីភ្នំពេញមានទំហំសេដ្ឋកិច្ច ប្រមាណ ៩.៣២៣លានដុល្លារអាមេរិក និងចំណូលសម្រាប់ប្រជាជនប្រមាណ ៥.០២៨ដុល្លារ/នាក់។ ជាមួយគ្នានេះ អាស្រ័យដោយភាពអំណោយផល នៃកត្តាសន្តិភាព ស្ថេរភាពនយោបាយ និងការអភិវឌ្ឍនៅក្នុង សម័យ តេជោធិបតី រាជធានីភ្នំពេញបានអូសទាញវិនិយោគិនជាតិ និងអន្តរជាតិ ឱ្យមកវិនិយោគបង្កើតជា រោងចក្រ សហគ្រាស និងក្រុមហ៊ុននានា បានចំនួន ២៦.០៤៧ទីតាំង ដែលបានផ្តល់ឱកាសការងារដល់ បុគ្គលិក កម្មករ និងនិយោជិត បានចំនួន ៩៥៦.២៧៩កន្លែង។ បើយោងតាមអត្រាប្រាក់ខែគោល និង ប្រាក់អត្ថប្រយោជន៍អប្បរមា (ឆ្នាំ២០២៦) ទំហំទឹកប្រាក់សរុបដែលហូរចូលក្នុងហោបៅរបស់កម្មករនិយោជិត ទាំងអស់ក្នុងរាជធានីភ្នំពេញមានចំនួនប្រមាណ ២១៩លានដុល្លារ/ខែ និងប្រមាណ ២.៦៣៤លានដុល្លារ/ឆ្នាំ។ដោយឡែកចំពោះសេដ្ឋកិច្ចក្រៅប្រព័ន្ធក្នុងរាជធានីភ្នំពេញ រួមមានអ្នករត់រ៉ឺម៉កកង់បី រថយន្តឈ្នួល អ្នកលក់ដូរ (តាមកញ្ច្រែង កញ្ជើរ-ល្លី) ជារួម អ្នករកទទួលទានដែលមានចំណូលផលរបរក្រោម ២៥០លានរៀល/ឆ្នាំ ដែលបានចុះបញ្ជីនៅក្នុងថ្នាលឌីជីថលសម្រាប់ការអភិវឌ្ឍសេដ្ឋកិច្ចក្រៅប្រព័ន្ធមានចំនួន ៩៨.៧០៤នាក់ ដោយក្នុងនោះ ពួកគេបានទទួលនូវការថែទាំយ៉ាងដិតដល់ពីសំណាក់រាជរដ្ឋាភិបាលតាមរយៈរដ្ឋបាលរាជធានីភ្នំពេញ ដែលបានធ្វើការសម្របសម្រួលផ្តល់ និងបន្តសុពលភាពនូវប័ណ្ណសមធម៌សុខាភិបាលជូនអ្នកដែល មានជីវភាពខ្វះខាត ចំនួន១៩លើក ស្មើនឹង ៥៤.៥៣២នាក់ ព្រមទាំងផ្តល់ជូនជាប់ជាប្រចាំនូវអង្ករ ដែលជាអំណោយដ៏ថ្លៃថ្លាបំផុតរបស់សម្តេចតេជោប្រមុខរដ្ឋស្តីទី និងសម្តេចកិត្តិព្រឹទ្ធបណ្ឌិត និងសម្តេចធិបតីនាយករដ្ឋមន្ត្រី និងលោកជំទាវបណ្ឌិត ស្របតាមអនុសាសន៍ដឹកនាំដ៏ខ្ពង់ខ្ពស់បំផុត របស់ សម្តេចតេជោប្រមុខរដ្ឋស្តីទី គឺ “មិនទុកឱ្យប្រជាពលរដ្ឋខ្មែរណាម្នាក់ ស្លាប់ដោយអត់បាយនោះទេ”។សូមបញ្ជាក់ថា ការចុះជួបសំណេះសំណាលនាពេលនេះ ជាការចុះជួបដោយផ្ទាល់ សម្តេចតេជោហៅថា ជាដំណើរឆ្ពោះទៅមូលដ្ឋាន ។ គោលដៅនៃការចុះជួបសំណេះសំណាលនេះ គឺជាការអនុវត្ត ក៏ដូចជាពង្រឹងគណនេយ្យភាពរវាងព្រឹទ្ធសភា ជាមួយអង្គបោះឆ្នោត ដើម្បីឱ្យមានតម្លាភាព ក៏ដូចជាជំរុញឱ្យការងារមូលដ្ឋានកាន់តែមានប្រសិទ្ធភាព។ ការចុះជួបសំណេះសំណាលរបស់សម្ដេចតេជោនៅពេលនេះ ក៏ដើម្បីផ្សារភ្ជាប់ទំនាក់ទំនងឱ្យកាន់តែជិតស្និទ្ធជាមួយអាជ្ញាធរមូលដ្ឋាន និងធ្វើការក្រើនរំឭក និងជំរុញដល់មន្ត្រីនៅមូលដ្ឋាន ឱ្យបង្កើនការយកចិត្តទុកដាក់លើភារកិច្ចជាដែនសមត្ថកិច្ចរបស់ខ្លួន និងការផ្តល់សេវាសាធារណៈជូនប្រជាពលរដ្ឋ ឱ្យបានល្អប្រសើរ និងការដោះស្រាយបញ្ហានានា ដែលជាក្តីកង្វល់របស់ប្រជាពលរដ្ឋនៅមូលដ្ឋានឱ្យមានប្រសិទ្ធភាព និងទាន់ពេលវេលាផងដែរ៕

«យុទ្ធនាការ ១ម៉ឺនរៀល ១ម៉ឺននាក់» របស់មូលនិធិគន្ធបុប្ផាកម្ពុជានឹងត្រលប់មកសារជាថ្មីពេញមួយខែមិថុនាឆ្នាំ២០២៦

មូលនិធិគន្ធបុប្ផាកម្ពុជា មានកិត្តិយសសូមជម្រាបជូនដំណឹងដល់សប្បុរសជន និងសាធារណជនទាំងអស់ជ្រាបថា៖ “យុទ្ធនាការ ១ម៉ឺនរៀល ១ម៉ឺននាក់” របស់មូលនិធិគន្ធបុប្ផាកម្ពុជា នឹងត្រលប់មកសារជាថ្មី ពេញមួយខែមិថុនា ឆ្នាំ២០២៦ ខាងមុខ ដោយ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នឹងផ្ដល់កិត្តិយសដ៏ខ្ពង់ខ្ពស់អញ្ជើញដឹកនាំ និងបើក “យុទ្ធនាការ ១ម៉ឺនរៀល ១ម៉ឺននាក់” ឆ្នាំ២០២៦ នេះ នៅព្រឹកថ្ងៃទី២៨ ខែឧសភា ឆ្នាំ២០២៦។ “យុទ្ធនាការ ១ម៉ឺនរៀល ១ម៉ឺននាក់” ជាយុទ្ធនាការប្រចាំឆ្នាំដ៏ធំ និងសំខាន់មួយរបស់មូលនិធិគន្ធបុប្ផាកម្ពុជាដែលត្រូវបានរៀបចំឡើង ដើម្បីចូលរួមអបអរសាទរ ទិវាកុមារអន្តរជាតិ ១ មិថុនា និងបំផុសចលនាសប្បុរសធម៌ ក៏ដូចជាដើម្បីរម្លឹកឱ្យមានការចូលរួមបរិច្ចាគ ក្នុងស្មារតី “ខ្មែរជួយខ្មែរ” ក្នុងគោលបំណងរួមគ្នានាំក្ដីសង្ឃឹម និងភាពញញឹមដល់ទារក និងកុមារ ព្រមទាំងស្ត្រីមានផ្ទៃពោះ ដែលត្រូវការសេវាពិនិត្យ ព្យាបាល និងសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគនុ្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប។ សេចក្ដីដូចបានជម្រាបជូនខាងលើនេះ, មូលនិធិគន្ធបុប្ផាកម្ពុជា សូមអំពាវនាវដល់សាធារណជន, សប្បុរសជន, ក្រសួង-ស្ថាប័ន, ក្រុមហ៊ុន-សហគ្រាស, គ្រឹះស្ថានហិរញ្ញវត្ថុដៃគូ ជ្រាបជាព័ត៌មាន និងចូលរួមបរិច្ចាគក្នុងយុទ្ធនាការនេះ ដើម្បីរួមគ្នារក្សានិរន្តរភាពនៃកិច្ចដំណើការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក និងកុមារនៅកម្ពុជា។ ជាមួយគ្នានេះ, មូលនិធិគន្ធបុប្ផាកម្ពុជា ក៏សូមអំពាវនាវដល់សិល្បករ សិល្បការិនី តារាសម្ដែង បុគ្គលមានប្រជាប្រិយ អង្គភាពសារព័ត៌មានជាតិ-អន្ដរជាតិ និងភាគីពាក់ព័ន្ធ ចូលរួមផ្សព្វផ្សាយអំពីយុទ្ធនាការនេះ ឱ្យបានកាន់តែសកម្ម កាន់តែទូលំទូលាយ និងកាន់តែផុសផុលបន្ថែមទៀត តាមមធ្យោបាយរៀងៗខ្លួន។ ដើម្បីចូលរួមក្នុងយុទ្ធនាការ “យុទ្ធនាការ ១ម៉ឺនរៀល ១ម៉ឺននាក់”, សូមបរិច្ចាគតាមរយៈលេខគណនីរបស់មូលនិធិគន្ធបុប្ផាកម្ពុជា នៅតាមបណ្ដាគ្រឹះស្ថានហិរញ្ញវត្ថុជាដៃគូរបស់មូលនិធិ (ដូចមានក្នុងរូបភាពជូនភ្ជាប់) ឬធ្វើការទំនាក់ទំនង តាមរយៈលេខទូរសព្ទ៖ ០១២ ២៣៥ ៥៨២, ០៩៩ ៣៣៣ ១៣៣, ០១២ ៩២៩ ៧២៧, ០១៦ ៨០៨ ៩០៥, ឬ ០៧០ ២០៦ ៧៤៦៕

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចាត់មន្ត្រីកាកបាទក្រហមកម្ពុជា នាំយកថវិកា ៤លានរៀល និងសម្ភារមួយចំនួន ចូលរួមរំលែកទុក្ខដ៏ក្រៀមក្រំបំផុតជូនគ្រួសារសពកម្មករ-កម្មការិនី ដែលបាត់បង់ជីវិតក្នុងគ្រោះថ្នាក់ចរាចរ

ក្នុងមនោសញ្ចេតនាតក់ស្លុតជាទីបំផុតស្ទើរតែរកអ្វីប្រៀបផ្ទឹមពុំបាន និងការសោកស្ដាយជាពន់ពេកចំពោះមុខគ្រោះថ្នាក់ចរាចរណ៍ដ៏រន្ធត់ ដែលបានឆក់យកជីវិតបងប្អូនកម្មករ-កម្មការិនីរោងចក្រសរុប ១៤នាក់ កាលពីព្រឹកថ្ងៃទី២៣ ខែឧសភា ឆ្នាំ២០២៦នេះ នៅក្នុងភូមិសាស្ត្រខេត្តកំពង់ឆ្នាំង និងខេត្តស្វាយរៀង, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្តែងនូវក្តីក្តុកក្តួលរំជួលចិត្តឥតឧបមា និងសូមឧទ្ទិសបួងសួងដល់ដួងវិញ្ញាណក្ខន្ធសពទាំងអស់ បានទៅកាន់សុគតិភពកុំបីឃ្លៀងឃ្លាតឡើយ។ជាក់ស្តែង, ភ្លាមៗនៅល្ងាចថ្ងៃទី២៣ ខែឧសភានេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់ឱ្យគណៈប្រតិភូកាកបាទក្រហមកម្ពុជា ដឹកនាំដោយ ឯកឧត្តម យូ ឡាណា អគ្គលេខាធិការរងទី២ ចុះទៅចូលរួមរំលែកទុក្ខដោយផ្ទាល់ជាមួយក្រុមគ្រួសារសពកម្មករ-កម្មការិនីចំនួន ៩នាក់ ដែលរងគ្រោះនៅភូមិសាស្ត្រ ភូមិសាលាលេខ៥ ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ហើយដែលពិធីបុណ្យសពបានធ្វើរួមគ្នានៅស្រុកកំពង់ត្រឡាច ខេត្តកំពង់ឆ្នាំង។ ថ្ងៃស្អែកនេះ, គណៈប្រតិភូ នឹងបន្តទៅចូលរួមរំលែកទុក្ខជាមួយក្រុមគ្រួសារសពកម្មករ-កម្មការិនី ៥រូបទៀត ដែលរងគ្រោះថ្នាក់នៅភូមិសាស្ត្រក្រុងស្វាយរៀង ខេត្តស្វាយរៀង ហើយដែលពិធីបុណ្យសពបានធ្វើនៅស្រុកកំណើតក្នុងភូមិព្រៃក្រាំង ឃុំព្រៃពោន ស្រុកកំពង់ត្របែក ខេត្តព្រៃវែង។ស្ថិតក្នុងឱកាសដ៏ក្រៀមក្រំនោះ គណៈប្រតិភូបានពាំនាំការរំលែកទុក្ខយ៉ាងជ្រាលជ្រៅ និងការសោកស្ដាយជាពន់ពេកពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជាមួយក្រុមគ្រួសារសពទាំងអស់ដែលបានបាត់បង់មនុស្សជាទីស្រឡាញ់បំផុត ដែលសុទ្ធសឹងជាបង្គោលដ៏រឹងមាំរបស់ក្រុមគ្រួសារនីមួយៗ និងជាធនធានមនុស្សដ៏សំខាន់របស់សង្គមជាតិ។ជាមួយគ្នានេះ ដើម្បីចូលរួមសម្រាលទុក្ខលំបាកក្នុងជីវភាពគ្រួសារ, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏បានចូលរួមបុណ្យសពដល់គ្រួសារនីមួយៗនូវគ្រឿងឧបភោគបរិភោគ និងថវិកា ៤លានរៀល។ ដោយឡែក ចំពោះអ្នករងរបួស ដែលកំពុងសម្រាកព្យាបាលនៅតាមបណ្តាមន្ទីរពេទ្យនានា, កាកបាទក្រហមកម្ពុជា នឹងចុះសួរសុខទុក្ខជាបន្តបន្ទាប់។ សកម្មភាពនេះឆ្លុះបញ្ចាំងយ៉ាងច្បាស់ពីស្មារតីមនុស្សធម៌ដ៏រស់រវើក និងការឆ្លើយតបដ៏ទាន់ពេលវេលារបស់កាកបាទក្រហមកម្ពុជា ចំពោះទុក្ខសោករបស់ប្រជាពលរដ្ឋ ដោយឈរលើគោលការណ៍ «ទីណាមានទុក្ខលំបាក ទីនោះមានកាកបាទក្រហមកម្ពុជា»៕

រដ្ឋមន្ដ្រីក្រសួងការងារ និងថ្នាក់ដឹកនាំក្រសួង អញ្ជើញគោរពវិញ្ញាណក្ខន្ធសពកម្មករនិយោជិតក្នុងហេតុការណ៍គ្រោះថ្នាក់ចរាចរណ៍ដ៏រន្ធត់ ខណៈដែលក្រសួងរាប់រងការចំណាយបុណ្យសពទាំងមូល

(កំពង់ឆ្នាំង-ស្វាយរៀង)៖ នៅរសៀលថ្ងៃទី២៣ ខែឧសភានេះ ក្រៅពីជួយសម្របសម្រួលពីកន្លែងកើតហេតុ និងនៅមន្ទីរពេទ្យ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ និងថ្នាក់ដឹកនាំក្រសួងការងារ បានអញ្ជើញដឹកនាំថ្នាក់ដឹកនាំក្រសួង គោរពវិញ្ញាណក្ខន្ធសពបងប្អូនកម្មករនិយោជិតទាំង១៤រូបដែលបានទទួលមរណភាព ក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់នៅស្រុកកំពង់ត្រឡាច ខេត្តកំពង់ឆ្នាំង និងក្រុងស្វាយរៀង ខេត្តស្វាយរៀង។លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា ឯកឧត្តមរដ្ឋមន្ត្រី បានអញ្ជើញគោរពវិញ្ញាណក្ខន្ធសពបងប្អូនកម្មករចំនួន៩រូបនៅស្រុកកំពង់ត្រឡាច ខេត្តកំពង់ឆ្នាំង ហើយទន្ទឹមនេះ ថ្នាក់ដឹកនាំជាន់ខ្ពស់ក្រសួងក៏បានអញ្ជើញគោរពវិញ្ញាណក្ខន្ធបងប្អូនកម្មករដែលរងគ្រោះថ្នាក់នៅខេត្តស្វាយរៀង។ លោក ស៊ុន មេសា បានបន្ថែមថា៖ “ការគោរពវិញ្ញាណក្ខន្ធផ្ទាល់នេះ គឺជាការយកចិត្តដាក់របស់រាជរដ្ឋាភិបាលដែលតែងតែនៅជិតប្រជាជន ក៏ដូចជាបងប្អូនកម្មករ ហើយនេះក៏ជាការចូលរួមក្តីសោកសង្រេងជាមួយបងប្អូនក្រុមគ្រួសារសព”។សូមបញ្ជាក់ថា គ្រោះថ្នាក់ចរាចរណ៍ ចំនួន ២ករណី ដែលបានកើតឡើងព្រមគ្នានៅព្រឹកថ្ងៃទី២៣ ខែឧសភា ឆ្នាំ២០២៦ នៅខេត្តកំពង់ឆ្នាំង និងខេត្តស្វាយរៀងនេះ បណ្តាលឱ្យបងប្អូនកម្មករនិយោជិតរងគ្រោះសរុបចំនួន ៩៣នាក់ (ស្រី ៧៤នាក់) ក្នុងនោះ ស្លាប់ចំនួន ១៤នាក់ (ស្រី ១០នាក់) របួសធ្ងន់ចំនួន ១៥នាក់ (ស្រី ១២នាក់) និងរបួសស្រាល ចំនួន ៦៤នាក់ (ស្រី ៥២នាក់)។លោកស៊ុន មេសា ក៏បានអំពាវនាវយ៉ាងទទូចឱ្យមានការគោរពច្បាប់ចរាចរណ៍ឱ្យបានហ្មត់ចត់ដើម្បីជៀសវាងគ្រោះថ្នាក់ចរាចរណ៍ដ៏អាក្រក់ដែលធ្លាក់មកលើបងប្អូនកម្មករនិយោជិតរបស់យើង។ ជាមួយគ្នានេះ ថ្នាក់ដឹកនាំក្រសួង នឹងចុះរៀបចំបុណ្យសព និងធានារាល់ការចំណាយនៃពិធីបុណ្យសពរបស់បងប្អូនកម្មករ៕

ឧត្តមសេនីយ៍ឯក រ័ត្ន ស្រ៊ាង ដាក់បទបញ្ជាដល់មន្ត្រីក្រោមឱវាទបង្ក្រាបក្មេងទំនើង, គ្រឿងញៀន និងបង្ក្រាបទីតាំងល្បែងអនឡាញ ការឆកបោកតាមប្រព័ន្ធបច្ចេកវិទ្យា

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានបន្តក្រើនរំលឹក និងដាក់បទបញ្ជាដល់កម្លាំងអាវុធហត្ថរាជធានីភ្នំពេញទាំងអស់ត្រូវតែបន្តការអនុវត្តតួនាទីភារកិច្ចរបស់ខ្លួនឲ្យនៅតែរក្សាបានស្នាដៃកាន់តែប្រសើរឡើងស្របស្ថានភាពសង្គម ជាពិសេសចំពោះមុខត្រូវយកចិត្តទុកដាក់ចូលរួមជាមួយគណៈបញ្ជាការឯកភាពរាជធានី និងសមត្ថកិច្ចពាក់ព័ន្ធ ក្នុងការបង្ការទប់ស្កាត់បទល្មើសគ្រប់ប្រភេទ ជាពិសេសបទល្មើស ក្មេងទំនើង, គ្រឿងញៀន និងបង្ក្រាបទីតាំងល្បែងអនឡាញ ការឆកបោកតាមប្រព័ន្ធបច្ចេកវិទ្យា តាមភូមិសាស្រ្តរៀងៗខ្លួនឱ្យខាងតែបាន និងហាមដាច់ខាត ចូលរួមសហការ សមគំនិត ឬលាក់បំបាំងបទល្មើស បើមានការពាក់ព័ន្ធ មិនត្រូវបានលើកលែងឡើយ ត្រូវតែអនុវត្តតាមផ្លូវច្បាប់ ស្របតាមបទបញ្ជាដ៏ម៉ឺងម៉ាត់ របស់ប្រមុខរាជរដ្ឋាភិបាល ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំង ការណែនាំរបស់ លោកនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។ការណែនាំនេះ នៅរសៀលថ្ងៃទី២៣ ខែឧសភា ឆ្នាំ២០២៦ ក្នុងពិធីបើកវគ្គហ្វឹកហាត់ សម្រកទម្ងន់ និង សម្រកក្បាលពោះ ឆ្នាំ២០២៦ ដល់នាយទាហាន នាយទាហានរង និងពលទាហាន នៃ កងរាជអាវុធហត្ថរាជធានីភ្នំពេញ ជាប់ឈ្មោះត្រូវចូលរួមហ្វឹកហាត់សម្រកក្បាលពោះចំនួន ១៣៣នាក់។

អតីយុទ្ធជន និងនិវត្តន៍ជន ដឹងគុណសម្តេចតេជោ ហ៊ុន សែន និងរាជរដ្ឋាភិបាលដែលតែងយកចិត្តទុកដាក់មើលថែពួកគាត់

កំពង់ឆ្នាំង៖ អតីយុទ្ធជន និងនិវត្តន៍ជនចំនួន១២៥គ្រួសារ រស់នៅក្នុងសង្កាត់កំពង់ឆ្នាំង ក្រុងកំពង់ឆ្នាំង នៅថ្ងៃទី២២ ខែឧសភា ឆ្នាំ២០២៦នេះ បានសម្ដែងការដឹងគុណយ៉ាងជ្រាលជ្រៅចំពោះសម្តេចតេជោ ហ៊ុន សែន ប្រមុខរដ្ឋស្តីទី ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តន៍ជនកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រី ដែលសម្តេចទាំងពីរតែងតែយកចិត្តទុកដាក់ និងមិនបំភ្លេចការលះបង់របស់ពួកគាត់ ក្នុងការបម្រើជាតិ មាតុភូមិ និងប្រជាពលរដ្ឋនាពេលកន្លងមក។អតីយុទ្ធជន និងនិវត្តន៍ជនបានលើកឡើងថា៖ តាមរយៈគោលនយោបាយសង្គម និងការឧបត្ថម្ភនានារបស់រាជរដ្ឋាភិបាលកម្ពុជា បានជួយសម្រាលជីវភាពរស់នៅ និងផ្តល់កម្លាំងចិត្តដល់អតីយុទ្ធជន និងនិវត្តន៍ជនឲ្យមានភាពកក់ក្តៅ។ ជាពិសេស ការបន្តផ្តល់ប្រាក់ឧបត្ថម្ភ ប្រាក់សោធននិវត្តន៍ និងសេវាសង្គមផ្សេងៗ បានបង្ហាញពីការយកចិត្តទុកដាក់ខ្ពស់ចំពោះអ្នកដែលធ្លាប់លះបង់កម្លាំងកាយចិត្ត និងអាយុជីវិតដើម្បីប្រទេសជាតិ។ ការមិនបំភ្លេចពួកគាត់ គឺជាការលើកទឹកចិត្តដ៏មានតម្លៃ និងធ្វើឲ្យពួកគាត់មានមោទនភាពចំពោះការចូលរួមបម្រើជាតិ នាពេលកន្លងមក។ ពួកគាត់ក៏បានជូនពរឱ្យរាជរដ្ឋាភិបាលបន្តទទួលបានជោគជ័យ ក្នុងការអភិវឌ្ឍប្រទេស និងលើកកម្ពស់សុខុមាលភាពប្រជាពលរដ្ឋបន្ថែមទៀត។លោកជំទាវ ទន់ សាអ៊ីម អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានក្រុមការងារថ្នាក់កណ្តាលចុះមូលដ្ឋានសង្កាត់កំពង់ឆ្នាំង បានពាំនាំការផ្តាំផ្ញើសួរសុខទុក្ខពីថ្នាក់ដឹកនាំ និងបានថ្លែងកោតសរសើរ ចំពោះការលះបង់ កម្លាំងកាយចិត្ត អាយុជីវិត និងការចូលរួមបម្រើជាតិមាតុភូមិរបស់អតីតយុទ្ធជន និងនិវត្តន៍ជនកន្លងមក ដែលបានរួមចំណែកថែរក្សាសន្តិភាព និងការអភិវឌ្ឍន៍សង្គមជាតិបានរីកចម្រើន។ លោកជំទាវ ក៏បានលើកទឹកចិត្តដល់បងប្អូនទាំងអស់ ឱ្យបន្តថែរក្សាសុខភាព រស់នៅប្រកបដោយអនាម័យល្អ និងចូលរួមគាំទ្រការអភិវឌ្ឍន៍មូលដ្ឋានឱ្យកាន់តែរីកចម្រើន។ អំណោយដែលបានផ្តល់ជូននាពេលនេះ គឺជាការចូលរួមចំណែកសម្រាលជីវភាពប្រចាំថ្ងៃ និងបង្ហាញពីការយកចិត្តទុកដាក់របស់រាជរដ្ឋាភិបាលចំពោះអតីតយុទ្ធជន និងនិវត្តន៍ជនរបស់យើងផងដែរ៕ កាំង ហុងវាស្នា

បណ្ដាញសង្គម

ព័ត៌មានថ្មីៗ

លោក Zelenskyy ចង់មានកិច្ចប្រជុំទល់មុខគ្នាជាមួយលោក Putin ខណៈកិច្ចចារចារុស្ស៊ី-អ៊ុយក្រែន ជាប់គាំង

លោក Trump និយាយថា លោកគិតថា វឌ្ឍនភាពកំពុងកើតមានឡើង នៅប្រទេសលីបង់

ការវាយប្រហាររបស់អ៊ីស្រាអែល បានសម្លាប់មនុស្ស ៧នាក់នៅក្នុងទីក្រុង Tyre ភាគខាងត្បូងប្រទេស លីបង់

ប្រមុខការទូតទួរគីសម្តែងការសាទរចំពោះវឌ្ឍនភាពក្នុងកិច្ចចរចារវាងសហរដ្ឋអាមេរិក និងអ៊ីរ៉ង់

លោក LAVROV ៖ អាជ្ញាធរហ្ស៊កហ្ស៊ីដឹងច្បាស់ពីផលវិបាកនៃការចូលរួមជាមួយសហភាពអឺរ៉ុប

UN៖ កង្វះការផ្តល់មូលនិធិជំនួយ គំរាមកំហែងដល់ជីវិតរស់នៅរបស់ពលរដ្ឋក្នុងតំបន់ហ្កាហ្សា

ប្រទេសហុងគ្រី បើកភ្លើងខៀវការចរចាដំណើរការចូលសហភាពអឺរ៉ុបរបស់ប្រទេសអ៊ុយក្រែន

កុងហ្គោ រាយការណ៍ពីការវាយប្រហារលើក្រុមបញ្ចុះសពអ្នកជំងឺអេបូឡា ខណៈករណីកើនឡើង

ទារកទើបកើតប្រឈមហានិភ័យ ខណៈមានកង្វះអុកស៊ីសែនក្នុងរដ្ឋធានីដែលត្រូវបានបិទផ្លូវនៅបូលីវី

ឯកអគ្គរដ្ឋទូត៖ បារាំងត្រៀមផ្តល់យន្តហោះចម្បាំង Rafale និង Mirage 2000-5 ដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877