BTV NEWS

សម្ដេចធិបតី៖ អត្រាមរណភាពរបស់មាតា កុមារ និងទារកនៅកម្ពុជាបានថយចុះគួរឱ្យកត់សម្គាល់ដែលនេះ គឺជាការពន្លឿនវឌ្ឍនភាពឆ្ពោះទៅសម្រេចគោលដៅអភិវឌ្ឍប្រកបដោយចីរភាពឆ្នាំ២០៣០

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ចុះសួរទុក្ខប្រជាពលរដ្ឋភៀសសឹកស្នាក់នៅផ្ទះបណ្តោះអាសន្ន ក្នុងខេត្តព្រះវិហារ

តំណាងអយ្យការអមសាលាដំបូងរាជធានីភ្នំពេញ ចោទប្រកាន់សមត្ថកិច្ចខេត្តកំពត ចំនួន ៤បទល្មើស ក្រោយលួចសម្ភារដែលជាភស្តុតាង Online Scams

សម្ដេចធិបតី៖ កុមារគឺជាធនធានដ៏មានតម្លៃ និងមិនអាចខ្វះបានសម្រាប់ការអភិវឌ្ឍជាតិ និងជាអាទិភាពចម្បងបំផុតក្នុងយុទ្ធសាស្រ្ដអភិវឌ្ឍន៍ជាតិ

ព័ត៌មានជាតិ

ការឡើងទស្សនានៅរួតបាកាណ នៃប្រាសាទអង្គរវត្ដ ត្រូវបានកំណត់ម្ដង១០០នាក់

រួតបាកាណ ឬកំពូលប្រាសាទអង្គរវត្ដ ដែលជាទីដ្ឋានគេជឿថា មានបារមីសក្តិសិទ្ធិ និងមានអ្នកទេសចរគ្រប់ជាតិសាសន៍ឡើងទៅទស្សនា និងគោរពបូជានោះ នៅតែកំណត់ឱ្យឡើងទៅទស្សនាម្ដងមួយរយនាក់ ក្នុងរយៈពេលពី១០ទៅ១៥នាទី ដោយក្នុងមួយថ្ងៃមានអ្នកឡើងទៅទស្សនាប្រមាណ៥០០០នាក់។លោក សេង សុធារ៉ា ប្រធាននាយកដ្ឋានទេសចរណ៍ និងវប្បធម៌ នៃអាជ្ញាធរជាតិអប្សរា មានប្រសាសន៍ថាជារៀងរាល់ថ្ងៃ មន្ត្រីអាជ្ញាធរជាតិអប្សរា បានរៀបចំសណ្តាប់ធ្នាប់ និងសុវត្ថិភាពជាប្រចាំសម្រាប់ភ្ញៀវទេសចរដែលឡើងទៅទស្សនាផង និងថ្វាយគ្រឿងសក្ការៈបូជាផង ។លោក បន្ដថា កំពូលប្រាសប្រាសាទអង្គរវត្ដ ជាទីឋានខ្ពស់ ដែលមានអ្នកទេសចរគ្រប់ជាតិសាសន៍ទៅទស្សនាជារៀងរាល់ថ្ងៃ ដោយក្នុងមួយថ្ងៃប្រមាណពី៤ពាន់ទៅ៥ពាន់នាក់ ប៉ុន្ដែការឡើងទៅទស្សនាបានកំណត់ក្នុងមួយវគ្គៗ១០០នាក់ ក្នុងរយៈពេលពី១០ទៅ១៥នាទី ព្រោះជាទីឋានដែលខ្ពស់ និងតូចចង្អៀត និងដើម្បីសុវត្ថិភាពភ្ញៀវទេសចរ ប៉ុន្ដែសម្រាប់ថ្ងៃសិល មិនត្រូវបានឱ្យឡើងទៅទស្សនានោះទេ ដើម្បីទុកពេលវេលាឱ្យក្រុមការងារសម្អាតបរិស្ថាន និងពួកគាត់មានពេលសម្រាក។លោកបានបន្ដថា រួតបាកាណនេះ ជាទីកន្លែងបានគយគន់ទេសភាពព្រៃព្រឹក្សាពីខាងលើប្រាសាទ ។លោកបន្ដថា ភ្ញៀវទេសចរចូលចិត្ដការទស្សនានៅទីឋានខ្ពស់ មិនមែនមានតែនៅរួតបាកាណនេះទេ គឺនៅប្រាសាទបាខែង និងប្រាសាទបាពួន ផងដែរ ។សូមបញ្ជាក់ថា រួតបាកាណជាកន្លែងដែលគេជឿថា មានបារមីសក្តិសិទ្ធិ ដែលអ្នកទេសចរគ្រប់ជាតិសាសន៍ឡើងទៅទស្សនា និងគោរពបូជា។ រួតបាកាណ ឬកំពូលកណ្ដាលនៃប្រាសាទអង្គរវត្ត ដែលមានកម្ពស់ប្រមាណ៦៥ម៉ែត្រ គឺជាគោលដៅដ៏សំខាន់បំផុតរបស់ភ្ញៀវទេសចរជាតិ និងអន្តរជាតិដែលតែងតែឡើងទៅទស្សនា។ការឡើងទៅលើកំពូលប្រាសាទអង្គរ គឺមិនត្រឹមតែឱ្យលើសពី១០០នាក់ទេក្នុងពេលទស្សនាម្ដងៗ ក៍តម្រូវឱ្យភ្ញៀវទេសចរទាំងឡាយគោរពទៅតាម(ក្រមប្រតិបត្តិអង្គរ)មិនស្លៀកពាក់ខ្លី មិនសមរម្យ ត្រូវរក្សាភាពស្ងៀមស្ងាត់ និងសណ្តាប់ធ្នាប់ក្នុងកំឡុងពេលទស្សនា ហើយរយៈពេលទស្សនាទៀតសោត គឺមិនលើសពី១៥នាទីឡើយ។ ហាមក្មេងដែលមានអាយុក្រោម១២ឆ្នាំ ស្រ្តីមានផ្ទៃពោះ និងអ្នកដែលមានជំងឺខ្សោយបេះដូងឡើងទៅលើរួតបាកាណ ពីព្រោះតែជណ្ដើរមានរាងចោតខ្លាំង៕

ពលរដ្ឋភៀសសឹកនៅខេត្តឧត្តរមានជ័យ នាំគ្នាបង្កបង្កើនផលដាំដុះដំណាំបន្លែរួមផ្សំ ដើម្បីផ្គត់ផ្គង់ជីវភាពប្រចាំថ្ងៃ

ឧត្តរមានជ័យ៖ នៅព្រឹកថ្ងៃទី១១ ខែកមរា ឆ្នាំ២០២៦នេះ ប្រជាពលរដ្ឋ ភៀសសឹកមកពីតាមបន្ទាត់ព្រំដែនកម្ពុជា និងថៃ ដោយសារការឈ្លានពានរបស់យោធាថៃ បច្ចុប្បន្នកំពុងស្នាក់នៅជាបណ្តោះអាសន្នក្នុងជំរំ ស្រុកចុងកាល់ ខេត្តឧត្តរមានជ័យ បាននាំគ្នាដាំដុះដំណាំបន្លែរួមផ្សំនានា ដើម្បីផ្គត់ផ្គង់តម្រូវការចាំបាច់សម្រាប់ជីវភាពប្រចាំថ្ងៃ នៅទីតាំងជំរំ។ពលរដ្ឋភៀសសឹកមកពីសង្កាត់បន្សាយរ៉ាក់ ក្រុងសំរោង ដែលកំពុងស្នាក់នៅជំរំ បានឲ្យដឹងថា ការដាំដុះបន្លែរួមផ្សំនៅពេលនេះ គឺបានការណែនាំពីមន្រ្តីជំនាញកសិកម្មខេត្ត បានផ្តល់នូវគ្រាប់ពូជដំណាំដើម្បីដាំដុះសម្រាប់ជាការផ្គត់ផ្គង់ជីវភាពរស់នៅប្រចាំថ្ងៃ កាត់បន្ថយការចំណាយ។ ពលរដ្ឋភៀសសឹក លើកឡើងថា សកម្មភាពដាំដុះបន្លែបង្ការនៅជំរំភៀសសឹកនេះ ក៏បានជួយដល់ពួកគាត់ឱ្យបញ្ចេញសកម្មភាពខ្លះៗកាត់បន្ថយការតានតឹង និងជាការហាត់កីឡាផងដែរ។ ជាមួយគ្នានោះ មន្រ្តីជំនាញកសិកម្មខេត្តឧត្តរមានជ័យ បានលើកឡើងថា ការបង្កើតការដាំដុះបន្លែក្នុងតំបន់ភៀសសឹកគឺមានការផ្ដួចផ្ដើមឡើងដោយលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដើម្បីធ្វើឲ្យបងប្អូនប្រជាពលរដ្ឋទាំងអស់ ដែលកំពុងភៀសសឹក អាចទទួលបានការផ្គត់ផ្គង់បន្លែសម្រាប់ធ្វើអាហារប្រចាំថ្ងៃ និងកាត់បន្ថយការចំណាយ។មន្រ្ដីជំនាញរូបនេះ បានបន្តថា សកម្មភាពបងប្អូនភៀសសឹក សហការសាមក្គីគ្នាដាំដុះដំណាំនៅពេលនេះ ក៏អាចជួយដល់បងប្អូនត្រឡប់ទៅមូលដ្ឋានវិញមានជំនាញ និងចំណេះដឹងច្រើនពីវិស័យកសិកម្ម និងអាចធ្វើឲ្យបងប្អូនអាចបង្កើតការដាំដុះនៅមូលដ្ឋានអាចរកបានប្រាក់ចំណូលផងដែរ៕

ឯកឧត្តម ស៊ុន ចាន់ថុល អញ្ជើញជាអធិបតីបញ្ចុះបឋមសិលាបើកការដ្ឋានសាងសង់ព្រះវិហារថ្មី នៃវត្តចាក់អង្រែលើ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ

ភ្នំពេញ៖ នៅព្រឹកថ្ងៃទី១១ ខែមករា ឆ្នាំ២០២៦ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានខណ្ឌមានជ័យ បានអញ្ជើញជាអធិបតីក្នុងពិធីបញ្ចុះបឋមសិលាបើកការដ្ឋានសាងសង់ព្រះវិហារថ្មី នៃវត្តចាក់អង្រែលើ ដែលមានទីតាំងស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ការសាងសង់ព្រះវិហារថ្មីនេះ មិនត្រឹមតែជាការឆ្លើយតបទៅនឹងតម្រូវការចាំបាច់របស់ព្រះសង្ឃ និងពុទ្ធបរិស័ទក្នុងការប្រារព្ធសាសនកិច្ចនានានោះទេ ប៉ុន្តែក៏ជាសក្ខីភាពបង្ហាញពីការរីកចម្រើននៃវិស័យពុទ្ធចក្រ ដែលដើរទន្ទឹមគ្នាយ៉ាងស៊ីចង្វាក់ជាមួយវិស័យអាណាចក្រ ក្រោមម្លប់នៃសុខសន្តិភាព។ ព្រះវិហារថ្មីនេះនឹងត្រូវបានសាងសង់ឡើងជាមួយរចនាបទស្ថាបត្យកម្មអារាមខ្មែរ ដើម្បីទុកជាកេរដំណែលវប្បធម៌និងសាសនា សម្រាប់កូនចៅជំនាន់ក្រោយ ហើយក៏បានឆ្លុះបញ្ចាំងផងដែរពីសាមគ្គីធម៌នៃការចូលរួមលើកស្ទួយតម្លៃព្រះពុទ្ធសាសនា ដែលជាសាសនារបស់រដ្ឋ។ក្នុងសុន្ទរកថាសំណេះសំណាល ក្រៅពីការសង្កត់ធ្ងន់លើវិស័យសាសនា ឯកឧត្តមឧបនាយករដ្ឋមន្ត្រី ក៏បានឆ្លៀតឱកាសដ៏មានអត្ថន័យនេះ រំលេចយ៉ាងច្បាស់នូវសមិទ្ធផលសេដ្ឋកិច្ចដ៏អស្ចារ្យ ដែលជាផ្លែផ្កាចេញពីកិច្ចខិតខំប្រឹងប្រែងឥតឈប់ឈររបស់រាជរដ្ឋាភិបាលកម្ពុជា ក្នុងអាណត្តិទី៧នេះ។ ឯកឧត្តមឧបនាយកមន្ត្រីបានគូសបញ្ជាក់ថា ក្រោមការដឹកនាំប្រកបដោយចក្ខុវិស័យវែងឆ្ងាយរបស់ សម្តេចធិបតីនាយករដ្ឋមន្ត្រី ក្រុមប្រឹក្សាអភិវឌ្ឍន៍កម្ពុជាបានបំពេញតួនាទីជាសេនាធិការដ៏មុតស្រួច ក្នុងការរៀបចំយុទ្ធសាស្ត្រទាក់ទាញវិនិយោគិនពីគ្រប់ទិសទី។ ឯកឧត្តម ក៏បានរំលេចអំពីភាពជោគជ័យនៃការបំបែកកំណត់ត្រាវិនិយោគ ក្នុងរយៈពេលពីរឆ្នាំជាប់ៗគ្នា ដែលជាព្រឹត្តិការណ៍មិនធ្លាប់មានពីមុនមក។ លំហូរទុនវិនិយោគដែលកើនឡើង ស្តែងឱ្យឃើញតាមរយៈការកើនឡើងនៃចំនួនគម្រោងវិនិយោគ ហើយបានបង្កើតឱកាសការងាររាប់ម៉ឺនកន្លែងជូនដល់បងប្អូនប្រជាពលរដ្ឋ ដែលជួយលើកកម្ពស់ជីវភាពគ្រួសារ និងជំរុញសេដ្ឋកិច្ចជាតិឱ្យមានសន្ទុះទៅមុខ។ឆ្លៀតក្នុងឱកាសនោះ ឯកឧត្តមឧបនាយករដ្ឋមន្ត្រី បានទាញចំណាប់អារម្មណ៍អង្គពិធីទាំងមូលឱ្យងើបឈរឡើង ស្មឹងស្មាធ ដើម្បីសម្តែងនូវគារវភក្តីភាព និងការគោរពយ៉ាងស្មោះស្ម័គ្របំផុត ចំពោះវិញ្ញាណក្ខន្ធវីរយុទ្ធជនពលីដែលបានបូជាជីវិតក្នុងបុព្វហេតុការពារបូរណភាពទឹកដី និងអធិបតេយ្យភាពជាតិ។ ក្នុងបរិយាកាសដ៏សែនស្ងប់ស្ងាត់ និងពោរពេញដោយក្តីគោរពនេះ ឯកឧត្តមឧបនាយករដ្ឋមន្ត្រី ក៏បានប្រកាសជាឱឡារឹកថា៖ អានិសង្សនៃមហាកុសលដែលកើតចេញពីការរួបរួមគ្នាកសាងព្រះវិហារថ្មីនាឱកាសនេះ មួយផ្នែកធំសូមឧទ្ទិសជូនដល់វិញ្ញាណក្ខន្ធវីរយុទ្ធជនពលីគ្រប់រូប ដែលបានការពារមាតុភូមិឱ្យយើងមានជួបជុំនាថ្ងៃនេះ។ ហើយមួយផ្នែកទៀត សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមប្រោះព្រំសព្ទសាធុការពរដល់បងប្អូនប្រជាពលរដ្ឋខ្មែរគ្រប់រូប និងប្រជាជាតិកម្ពុជាទាំងមូល ឱ្យទទួលបាននូវសុខសន្តិភាពពេញលេញ ប្រកបវិបុលភាព និងភាពក្សេមក្សាន្តតរៀងទៅ៕

មន្រ្ដីជំនាញចុះពិនិត្យជាក់ស្តែងវឌ្ឍនភាពគម្រោងការងារសាងសង់ទំនប់អាងទឹកវិទ្យាស្ថានតេជោសែន ក្នុងភូមិសាស្ត្រខេត្តតាកែវ ដែលសម្រេចបានប្រមាណ ៦០% អាងទឹកនេះនឹងបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការ ១៥០ហិកតា ជូនប្រជាកសិករនៅតំបន់នេះ

នៅថ្ងៃអាទិត្យ ៨រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែមករា ឆ្នាំ២០២៦ លោក ថាំង វីយុទ្ធដា ប្រធាននាយកដ្ឋានវិស្វកម្ម ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសក្រសួង អញ្ជើញចុះពិនិត្យជាក់ស្តែងវឌ្ឍនភាពការងារសាងសង់ទំនប់អាងទឹកវិទ្យាស្ថានតេជោសែន ស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ។ សូមជម្រាបថា គម្រោងសាងសង់ទំនប់អាងទឹកវិទ្យាស្ថានតេជោសែន មានការងារសំខាន់ៗរបស់គម្រោងរួមមាន៖ ១) សាងសង់ទំនប់អាងទឹក ប្រវែង ១៣០ម៉ែត្រ និង ២) សាងសង់សំណង់សិល្បការ្យសរុបចំនួន ២កន្លែង។ គិតមកដល់ពេលនេះវឌ្ឍនភាពការងារសម្រេចបានប្រមាណ៦០% និងគ្រោងបញ្ចប់ការងារនៅចុងខែកុម្ភៈ ខាងមុននេះ។ ប្រធាននាយកដ្ឋានវិស្វកម្ម លោក ថាំង វីយុទ្ធដា បានបញ្ជាក់ឱ្យដឹងថា ការសាងសង់ទំនប់អាងទឹកវិទ្យាស្ថានតេជោសែន គឺក្នុងគោលបំណងស្តុកទឹកទុកសម្រាប់ប្រើប្រាស់ប្រចាំថ្ងៃ ជូនដល់ប្រជាពលរដ្ឋដែលរស់នៅតំបន់នោះ។ លោកបានបន្ថែមថា គម្រោងនេះនឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការ ចំនួន ១៥០ហិកតា ជូនដល់បងប្អូនប្រជាកសិករប្រមាណ ១១៦គ្រួសារ ក្នុងភូមិត្រពាំងក្រញូង នៃឃុំត្រពាំងក្រញូង ស្រុកត្រាំកក់ ខេត្តតាកែវ។ ក្នុងឱកាសនោះដែរ លោកប្រធាននាយកដ្ឋានវិស្វកម្ម ក៏បានណែនាំដល់ក្រុមការងារសាងសង់ឱ្យអនុវត្តការងារទៅតាមបទដ្ឋានបច្ចេកទេសឱ្យបានហ្មត់ចត់ និងជំរុញអនុវត្តការងារឱ្យសម្រេចបានតាមផែនការគ្រោងទុក៕

អតីតយុទ្ធជនចំនួន២គ្រួសាររស់នៅខេត្តកែប ទទួលបានអំណោយផ្ទះថ្មីពីឯកឧត្តម សាយ សំអាល់

អតីតយុទ្ធជនរស់នៅខេត្តកែប ចំនួន ២គ្រួសារ គឺគ្រួសារលោក ពេជ សុខុម និងគ្រួសារលោក សុខ បាន កាលពីពេលថ្មីៗកន្លងទៅនេះទទួលបានអំណោយផ្ទះថ្មី ពីឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដីនគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តកែប។

តុលាការខេត្តសៀមរាបសម្រេចឃុំខ្លួនបណ្តោះអាសន្នជនជាតិនេប៉ាល់ចំនួន ៣នាក់ ដើម្បីអនុវត្តនីតិវិធីច្បាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

សៀមរាប៖ បុរសជនជាតិនេប៉ាល់ចំនួន ៣ នាក់ ទី១មានឈ្មោះ GURUNG BINAYA ទី២ ឈ្មោះ TUMROK SAIN និងទី៣ឈ្មោះ SAPKOTA MOHAN ត្រូវបានសាលាដំបូងខេត្តសៀមរាប កាលពីថ្ងៃទី១០ ខែមករា ឆ្នាំ២០២៦នេះ បង្គាប់ឱ្យឃុំខ្លួនបណ្តោះអាសន្ន ពីបទឆបោកមានស្ថានទម្ងន់ទោស ជាក្រុមមានការចាត់តាំង។ ជនសង្ស័យទាំង ៣ នាក់នេះ ត្រូវបានសមត្ថកិច្ចកម្ពុជាស្រាវជ្រាវរកឃើញថាបានបន្លំខ្លួនជាក្រុមហ៊ុនផ្តល់ប្រាក់កម្ចី ប្រើប្រាស់ទីតាំងក្នុងបុរីដឺព្រីមៀ ស្ថិតក្នុង ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប ដើម្បីប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យាមានគោលដៅទៅកាន់ប្រទេសផ្សេងៗ ចាប់ពីអំឡុងខែតុលា ឆ្នាំ២០២៥ រហូតដល់ថ្ងៃទី៧ ខែមករា ឆ្នាំ២០២៦។លេខាធិការដ្ឋានគ.ប.ឆ.ប. សូមបញ្ជាក់ជូនថា គិតចាប់ពីឆ្នាំ២០២៥ រហូតមកដល់ថ្ងៃទី១០ ខែមករា ឆ្នាំ២០២៦ នេះ តុលាការកម្ពុជាបានអនុវត្តនីតិវិធីលើសំណុំរឿងធំៗចំនួន ៣៦ ករណី ដើម្បីផ្តន្ទាទោសមេខ្លោង និងបក្ខពួកចំនួន ១៧១ នាក់។ ជាមួយគ្នានេះ សមត្ថកិច្ចបាន និងកំពុងបន្តស្រាវជ្រាវដើម្បីវែកមុខបណ្តាញអង្គការចាត់តាំង ដែលនៅពីក្រោយការឆបោកតាមប្រព័ន្ធបច្ចេកវិទ្យានេះ។ ជាក់ស្តែង អាជ្ញាធរកម្ពុជា បានស្រាវជ្រាវស៊ីជម្រៅរហូតឈានដល់បានកំណត់មុខសញ្ញាមេខ្លោងនៃការប្រព្រឹត្តការឆបោក ហើយបានសហការជាមួយសមត្ថកិច្ចនៃនៃសាធារណរដ្ឋប្រជាមានិតចិន ដើម្បីបញ្ជូនឧក្រិដ្ឋជនឈ្មោះ ចេន ហ្ស៊ី ដើម្បីឱ្យផ្តន្ទាទោសតាមច្បាប់។សម្រាប់រាល់ករណីអំពើល្មើសដែលត្រូវបានស្រាវជ្រាវ កំណត់មុខសញ្ញាជនសង្ស័យ ដោយផ្អែកតាមរបាយការណ៍ស្រាវជ្រាវច្បាស់លាស់ និងភស្តុតាងជាក់ស្តែង រហូតដល់នីតិវិធីបញ្ជូនដល់ដៃតុលាការនេះ បានបង្ហាញពីភាពម៉ឺងម៉ាត់របស់សមត្ថកិច្ចកម្ពុជា ក្នុងការអនុវត្តច្បាប់ និងបទបញ្ជាដែលរាជរដ្ឋាភិបាលបានដាក់ចុះ ក្នុងក្របខណ្ឌនៃយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យានៅទូទាំងប្រទេស។ របាយការណ៍របស់លេខាធិការដ្ឋានគ.ប.ឆ.ប. បានបង្ហាញថា ចាប់ពីថ្ងៃទី០១ ដល់ថ្ងៃទី១០ខែមករា ឆ្នាំ២០២៦ នេះ ក្រោមការសម្របសម្រួល និងចង្អុលបង្ហាញពីលេខាធិការដ្ឋានគ.ប.ឆ.ប. គណៈបញ្ជាការឯកភាពរដ្ឋបាលរាជធានីខេត្ត បានបន្តចុះប្រតិបត្តិការបង្ក្រាបការឆបោកអនឡាញនៅទីតាំងផ្សេងគ្នាសរុបចំនួន ៧ កន្លែងក្នុងរាជធានីភ្នំពេញ (ចំនួន ៦ ទីតាំង) និងក្នុងខេត្តសៀមរាប (ចំនួន ១ ទីតាំង)។ ប្រតិបត្តិការបង្រ្កាបទាំងនេះបានឈានដល់ការឃាត់ខ្លួនជនសង្ស័យជាជនជាតិបរទេសសរុបចំនួន ៣៩នាក់ មានជនជាតិកូរ៉េខាងត្បូងចំនួន ៣២នាក់, ចិនចំនួន ៤នាក់ និងនេប៉ាល់ចំនួន ៣នាក់ និងបានរឹបអូសសម្ភារៈជាវត្ថុតាងដូចជា កុំព្យូទ័រលើតុចំនួន ៤គ្រឿង, កុំព្យូទ័រយួរដៃចំនួន ៦២គ្រឿង, ទូរសព្ទដៃចំនួន ៣២គ្រឿង។គណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ត្រូវបានបង្កើតឡើង និងដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយបានដាក់ចុះបទបញ្ជាដើម្បីជំរុញការអនុវត្តវិធានការជាក់ស្តែងទូទាំងប្រទេស រាប់បញ្ចូលយន្តការស្រាវជ្រាវ ស៊ើបអង្កេត ប្រតិបត្តិការអនុវត្តច្បាប់ នីតិវិធីតុលាការ និងទំនាក់ទំនងសហប្រតិបត្តិការជាមួយបណ្តាប្រទេស និងអង្គការអន្តរជាតិ ហើយបន្តបើកទូលាយចំពោះកិច្ចសហប្រតិបត្តិការជាមួយភាគីពាក់ព័ន្ធទាំងអស់ ដើម្បីបោសសម្អាតការឆបោកតាមប្រព័ន្ធបច្ចេកវិទ្យានៅទូទាំងប្រទេសកម្ពុជា និងរួមចំណែកក្នុងកិច្ចខិតខំក្នុងការប្រយុទ្ធប្រឆាំងឧក្រិដ្ឋកម្មឆ្លងដែនជាសកល។ សូមរំលឹកជូនថាក្នុងរយៈពេល៦ខែចុងក្រោយឆ្នាំ២០២៥ យន្តការថ្នាក់ជាតិនេះបានរឹតបន្តឹងការអនុវត្តច្បាប់របស់អាជ្ញាធរមូលដ្ឋាន, តុលាការ និងអយ្យការគ្រប់ជាន់ថ្នាក់, ពង្រឹងការគ្រប់គ្រងជនបរទេស ពិសេសអ្នកចូលមកកម្ពុជាដោយខុសច្បាប់ ដើម្បីធានាថាគ្មានសកម្មភាពល្មើស អំពើឆបោកតាមប្រព័ន្ធបច្ចេកវិទ្យា ឬទម្រង់នៃការជួញដូរមនុស្ស/ផ្លូវភេទណាមួយ កើតឡើងជាដាច់ខាត ខណៈបន្តសហការជាមួយបណ្តាប្រទេសដៃគូលើពិភពលោក ដើម្បីស្រាវជ្រាវ ស៊ើបអង្កេត បង្រ្កាប និងទប់ស្កាត់អំពើល្មើសច្បាប់គ្រប់ទម្រង់។ ជាលទ្ធផល យន្តការជាតិនេះ បានបង្ក្រាបទីតាំងចំនួន ១១៨ កន្លែង ក្នុងរាជធានី-ខេត្តចំនួន ១៨ ដោយបានឃាត់ខ្លួនជនសង្ស័យសរុប ៤,៩៨៣ នាក់ ដែលមាន ២៣ សញ្ជាតិផ្សេងគ្នា, បានបណ្តេញជនបរទេសខុសច្បាប់ចំនួន ៤,០៣៩ នាក់ ឱ្យត្រលប់ទៅប្រទេសខ្លួនវិញ, និងបានការអនុវត្តនីតិវិធីតុលាការលើសំណុំរឿងធំៗចំនួន ៣៥ ករណី ដើម្បីផ្តន្ទាទោសមេខ្លោង និងបក្ខពួកចំនួន ១៦៨ នាក់៕

ឯកឧត្តម ហ៊ុន ម៉ានី អញ្ជើញសម្ពោធអគារស្នាក់ការគណបក្សប្រជាជនកម្ពុជា និងបញ្ចូលសមាជិកថ្មី នៅស្រុកសាមគ្គីមុនីជ័យ ខេត្តកំពង់ស្ពឺ

នាព្រឹកថ្ងៃទី១១ ខែមករា ឆ្នាំ ២០២៦ ឯកឧត្តម ហ៊ុន ម៉ានី សមាជិកគណៈអចិន្រ្តៃយ៍គណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ បានអញ្ជើញជាអធិបតីក្នុងពិធីសម្ពោធស្នាក់ការគណបក្សឃុំព្រៃក្រសាំង និងប្រកាសបញ្ជូលសមាជិកគណបក្សថ្មីចំនួន ៣៥៤នាក់ មកពីឃុំព្រៃក្រសាំង និងឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ។ បន្ទាប់ពីបានស្តាប់នូវរបាយការណ៍ស្វាគមន៍ ក៏ដូចជាការប្តេជ្ញាចិត្តរបស់តំណាងសមាជិកចូលថ្មីរួចមក ឯកឧត្តម ហ៊ុន ម៉ានី បាននាំយកនូវការសាកសួរសុខទុក្ខ និងសេចក្តីនឹករលឹកពីសំណាក់សម្តេចប្រធានគណបក្ស សម្តេចអនុប្រធានគណបក្សជូនក្រុមគ្រួសារគណបក្សប្រជាជនកម្ពុជាស្រុកសាមគ្គីមុនីជ័យ ជាពិសេសឃុំព្រៃក្រសាំងនិងឃុំយុទ្ធសាមគ្គី ដែលមានវត្តមានក្នុងពិធីនេះ។ ឯកឧត្តម បានសម្តែងនូវការកោតសរសើរចំពោះឆន្ទៈ និងភាពក្លាហានរបស់តំណាងសមាជិក សមាជិកា ដែលបានធ្វើការសម្រេចចិត្តដ៏ត្រឹមត្រូវបំផុតពោរពេញទៅដោយថាមពលក្នុងការចូលរួមជីវភាពនយោបាយជាមួយគណបក្សប្រជាជនកម្ពុជា។ក្នុងកម្មវិធីដដែលនេះ ដោយមានវត្តមាន តំណាងស្ថានទូតចិន ចូលរួមផងដែរនោះ ឯកឧត្តមប្រធានក៏បានរំឭក និងថ្លែងអំណរគុណដល់មិត្តចិនដែលបានរួមចំណែកដ៏សំខាន់ជាមួយរាជរដ្ឋាភិបាលកម្ពុជាតាមរយៈស្ថានទូតចិន ក្នុងការអភិវឌ្ឍហេដ្ឋារចនាសម្ព័ន្ធនានានៅក្នុងព្រះរាជាណាចក្រកម្ពុជា និងនិយាយដោយឡែក ក្នុងខេត្តកំពង់ស្ពឺក៏ទទួលបាននូវសមិទ្ធផលជាច្រើនពីមិត្តចិន ដែលរួមមាន៖ បណ្ណាល័យ អគារមន្ទីរពេទ្យ អណ្តូងទឹក ព្រមទាំងសមិទ្ធផលដទៃថែមទៀតតាមរយៈក្រុមការងារឯកឧត្តម។ ជាមួយគ្នានេះ ក្នុងកាលៈទេសៈ ដែលប្រជាពលរដ្ឋកម្ពុជាកំពុងរងគ្រោះពីជម្លោះព្រំដែន កម្ពុជា-ថៃ រដ្ឋាភិបាល និងប្រជាជនចិន ក៏បានផ្តល់ថវិកាជំនួយដើម្បីជួយសម្រាលការលំបាករបស់បងប្អូនជនភៀសសឹកតាមបន្ទាត់ព្រំដែនផងដែរ។នាចុងបញ្ចប់ ឯកឧត្តមបានអំពាវនាវសូមឱ្យសមាជិក សមាជិកាគណបក្សបន្តការជឿជាក់លើរាជរដ្ឋាភិបាលលើការដឹកនាំ គ្រប់គ្រងសភាពការណ៍ និងប្តេជ្ញាការពារឱ្យបានជាដាច់ខាតនូវបូរណភាពដែនដី មិនឱ្យបាត់បង់ ១ មីលីម៉ែត្រឡើយ។អត្ថបទ៖គឹមហុក

ឯកឧត្តម ប៉ែន បូណា៖ កម្ពុជាមានថ្នាក់ដឹកនាំស្រឡាញ់សន្តិភាពនេះ ជាហេតុផលដែលសហគមន៍អន្តរជាតិស្ថិតនៅជាមួយកម្ពុជា

កម្ពុជាជាប្រទេសតូចមែនតែមានថ្នាក់ដឹកនាំស្រឡាញ់សន្តិភាព និងចង់ដោះស្រាយរាល់បញ្ហាដោយសន្តិវិធី តាមច្បាប់អន្តរជាតិ និងមានប្រជាជនចេះរួមសាមគ្គីគ្នាយ៉ាងរឹងមាំនៅពីក្រោយរាជរដ្ឋាភិបាលដើម្បីការពារអធិបតេយ្យភាពជាតិ និងបូរណភាពទឹកដីរបស់ខ្លួន ដែលនេះគឺជាហេតុផលដែលសហគមន៍អន្តរជាតិស្ថិតនៅជាមួយកម្ពុជា។ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាលកម្ពុជា បានថ្លែងតាមរយៈសន្និសីទសារព័ត៌មាននៅព្រឹកថ្ងៃទី១១ ខែមករា ឆ្នាំ២០២៦នេះថា កម្ពុជា មានថ្នាក់ដឹកនាំស្រឡាញ់សន្តិភាព និងចង់ដោះស្រាយរាល់បញ្ហាដោយសន្តិវិធី នេះគឺជាហេតុផលដែលសហគមន៍អន្តរជាតិស្ថិតនៅជាមួយកម្ពុជា និងជួយជ្រោមជ្រែងគ្រប់បែបយ៉ាងដើម្បីបុព្វហេតុដ៏ត្រឹមត្រូវរបស់កម្ពុជា ហើយនេះគឺជាកត្តាធានាយ៉ាងកក់ក្តៅក្នុងជំហានឆ្ពោះទៅការដោះស្រាយបញ្ហាព្រំដែនកម្ពុជាថៃដោយសន្តិវិធីនិងដោយយុត្តិធម៌ ស្របតាមគោលការណ៍ច្បាប់អន្តរជាតិ ដូចដែលបានព្រមព្រៀងគ្នាត្រង់ចំណុចទី៣នៃសេចក្តីប្រកាសរួមចុះថ្ងៃទី ២៧ ខែធ្នូ ឆ្នាំ ២០២៥។ អ្នកនាំពាក្យរាជរដ្ឋាភិបាលបញ្ជាក់ជំហរជាថ្មីថា កម្ពុជាគោរព និងអនុវត្តយ៉ាងម៉ឺងម៉ាត់បំផុតនូវបទឈប់បាញ់ និងកិច្ចព្រមព្រៀងទាំងឡាយដែលបានធ្វើកាលពីពេលកន្លងមក។ កម្ពុជាប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះបង្គោលព្រំដែនរបស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នានាពេលកន្លងមក។ កម្ពុជា មិនទទួលស្គាល់នូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ។ តាមរយៈនយោបាយការទូតដ៏សកម្ម ត្រឹមត្រូវ និងសន្តិភាពនិយមរបស់រាជរដ្ឋាភិបាលកម្ពុជា បណ្តាប្រទេសជាមិត្តជាពិសេសប្រទេសមហាអំណាចបានចាប់អារម្មណ៍មកលើស្ថានការណ៍ព្រំដែនកម្ពុជាថៃហើយបានជួយជ្រោមជ្រែងដើម្បីឈានដល់បទឈប់បាញ់ចំនួនពីរលើក។ លើកទី១ នៅថ្ងៃទី២៨ ខែកក្កដា ឆ្នាំ២០២៥ ក្រោមការផ្តួចផ្តើមពីឯកឧត្តម Donald J.Trump ប្រធានាធិបតីសហរដ្ឋអាម៉េរិក និងការសម្របសម្រួលពីឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្តូរវេនអាស៊ាន ដោយមានការចូលរួមយ៉ាងសកម្មពីសាធារណរដ្ឋប្រជាមានិតចិន។ បន្ទាប់មក ក្រោមការជំរុញរបស់ប្រធានាធិបតី Donald Trump ក៏មានការចុះហត្ថលេខាលើសេចក្តីថ្លែងការណ៍រួមស្តីពីសន្តិភាពទីក្រុងកូឡាឡំពួរ ដោយនាយករដ្ឋមន្ត្រីកម្ពុជានិងថៃ កាលពីថ្ងៃទី២៦ តុលា ឆ្នាំ ២០២៥ ក្រោមក្រសែភ្នែកជាសាក្សីរបស់ឯកឧត្តមប្រធានាធិបតីដោយផ្ទាល់ និងឯកឧត្តមនាយករដ្ឋមន្ត្រី ម៉ាឡេស៊ី ក្នុងនាមប្រធានប្តូរវេនអាស៊ាន។បទឈប់បាញ់លើកទី២ កើតឡើងនៅថ្ងៃទី២៧ ខែធ្នូ ឆ្នាំ ២០២៥ តាមស្មារតីនៃកិច្ចប្រជុំពិសេសលើកទី៣នៃគណៈកម្មាធិការព្រំដែនទូទៅ (GBC) ក្រោមការជួយជ្រោមជ្រែងយ៉ាងសកម្មពីបណ្តាប្រទេសជាមិត្ត ជាពិសេសសហរដ្ឋអាម៉េរិក សាធារណរដ្ឋប្រជាមានិតចិន និងម៉ាឡេស៊ីក្នុងនាមប្រធានប្តូរវេនអាស៊ាន តាមរយៈជំនួបតាមទូរស័ព្ទផង និងការបញ្ជូនប្រេសិតពិសេសមកកាន់កម្ពុជានិងថៃដើម្បីសម្របសម្រួលដោយផ្ទាល់ផង ក៏ដូចជាតាមរយៈបណ្តាញទំនាក់ទំនងផ្សេងៗទៀត។ កាលពីថ្ងៃទី២៩ ធ្នូ ២០២៥ ក៏មានកិច្ចប្រជុំត្រីភាគីនៃរដ្ឋមន្ត្រីការបរទេសនិងមន្ត្រីយោធាជាន់ខ្ពស់កម្ពុជាថៃនិងចិនដែលបានប្រព្រឹត្តទៅនៅក្នុងខេត្តយូណាននៃសាធារណរដ្ឋប្រជាមានិតចិន តាមការអញ្ជើញរបស់ឯកឧត្តម វ៉ាង យី រដ្ឋមន្ត្រីក្រសួងការបរទេសនៃសាធារណរដ្ឋប្រជាមានិតចិន។ កិច្ចប្រជុំបានគូសបញ្ជាក់ថា អាទិភាពជាបន្ទាន់គឺការធានាឱ្យបានរឹងមាំនូវបទឈប់បាញ់ និងការធានានូវការអនុវត្តឱ្យបានពេញលេញនិងប្រកបដោយប្រសិទ្ធភាព សំដៅឈានទៅរកសន្តិភាពចីរកាល៕

ឯកឧត្តម ប៉ាន់ខែម ប៊ុនថន ដឹកនាំប្រជុំពិនិត្យឡើងវិញអំពីស្ថានភាពជាក់ស្តែងនៅក្រុងប៉ោយប៉ែត និងដោះស្រាយបញ្ហាដែលប្រជាពលរដ្ឋជួបប្រទះដោយការជ្រៀតជ្រែកពីប្រទេសជិតខាង

នៅថ្ងៃទី១០ ខែមករា ឆ្នាំ២០២៦ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានដឹកនាំកិច្ចប្រជុំក្រុមការងាររដ្ឋាភិបាលចុះមូលដ្ឋានក្រុងប៉ោយប៉ែត ដើម្បីពិនិត្យឡើងវិញនូវបញ្ហាមួយចំនួនរួមមាន ការយល់ដឹងអំពីស្ថានភាពជាក់ស្តែងនៅក្រុងប៉ោយប៉ែត ពង្រឹងសុវត្ថិភាព សន្តិសុខ និងសណ្តាប់ធ្នាប់សាធារណៈនៅក្រុងប៉ោយប៉ែត បន្តលើកកម្ពស់ គាំទ្រ ជួសជុល និងអភិវឌ្ឍហេដ្ឋារចនាសម្ព័ន្ធក្នុងក្រុងប៉ោយប៉ែត បន្តផ្តល់សេវាសាធារណៈដល់ប្រជាពលរដ្ឋក្នុងក្រុងប៉ោយប៉ែតឱ្យបានកាន់តែល្អប្រសើរ ស៊ើបអង្កេត និងដោះស្រាយបញ្ហាដែលប្រជាពលរដ្ឋជួបប្រទះ ដោយការជ្រៀតជ្រែកពីប្រទេសជិតខាង និងសិក្សាពីដំណោះស្រាយ ចំពោះបញ្ហាប្រឈមផ្សេងៗក្នុងក្រុងប៉ោយប៉ែតដែលបានកើតឡើងកន្លងមក។ក្នុងកិច្ចប្រជុំនេះ ឯកឧត្តមប្រធានក្រុមការងារ បានសង្កត់ធ្ងន់លើកិច្ចខិតខំប្រឹងប្រែងរបស់ក្រុមការងារ ដើម្បីធានាសុវត្ថិភាពដល់ជនបរទេសដែលមានសញ្ជាតិ៧២ផ្សេងៗគ្នា កំពុងរស់នៅ ធ្វើអាជីវកម្ម វិនិយោគ និងធ្វើការក្នុងវិស័យផ្សេងៗនៅក្នុងក្រុងប៉ោយប៉ែតផ្ទាល់។ ឯកឧត្តមបណ្ឌិត ប៉ាន់ខែម ប៊ុនថន បានសម្តែងការកោតសរសើរ និងមោទនភាពចំពោះសមិទ្ធផលការងារកន្លងមក ដែលបានបង្ហាញអំពីលទ្ធផលល្អប្រសើរ សម្រាប់ការរួមចំណែកក្នុងការអនុវត្ត "យុទ្ធសាស្ត្របញ្ចកោន" ដំណាក់កាលទី១ របស់រាជរដ្ឋាភិបាលកម្ពុជា ក្រមការដឹកនាំប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តមប្រធានក្រុមការងារបានផ្តាំផ្ញើឱ្យមន្ត្រី និងក្រុមការងារទាំងអស់គ្នាបន្តសកម្មភាពការងារល្អៗទាំងឡាយ ហើយពង្រីកសកម្មភាពល្អៗផ្សេងទៀត ដើម្បីបម្រើដល់ប្រយោជន៍ប្រជាពលរដ្ឋទាំងអស់គ្នា៕

ក្រុមការងារចុះមូលដ្ឋានឃុំបាយដំរាំ នាំយកអំណោយសម្ភារៈនិងថវិកា ផ្ដល់ជូនគ្រួសារវីរកងទ័ព ដែលបានលះបង់កម្លាំងកាយចិត្ត ដើម្បីបម្រើជាតិមាតុភូមិ

បាត់ដំបង៖ ឯកឧត្តមបណ្ឌិត ណុប នរិន្ទ ប្រធានក្រុមការងារចុះមូលដ្ឋានឃុំបាយដំរាំ នៅថ្ងៃទី១០ ខែមករា ម្សិលមិញនេះ បានអញ្ជើញចុះសំណេះសំណាល និងសួរសុខទុក្ខប្រកបដោយភាពស្និទ្ធស្នាល និងការយកចិត្តទុកដាក់ខ្ពស់ ជាមួយប្រជាពលរដ្ឋនៅមូលដ្ឋាន ពិសេសគ្រួសារវីរកងទ័ព ដែលបានលះបង់កម្លាំងកាយចិត្ត ដើម្បីបម្រើជាតិមាតុភូមិ ហើយបច្ចុប្បន្នកំពុងសម្រាកព្យាបាលជំងឺនៅតាមគេហដ្ឋាន ចំនួន ៥ គ្រួសារ ព្រមទាំងគ្រួសារក្រីក្រមួយគ្រួសារ ដែលកំពុងប្រឈមនឹងជំងឺមហារីក និងការលំបាកផ្នែកជីវភាពប្រចាំថ្ងៃ។ក្នុងឱកាសនោះ ឯកឧត្តមបណ្ឌិត ណុប នរិន្ទ ប្រធានក្រុមការងារចុះមូលដ្ឋានឃុំបាយដំរាំ ណែនាំដល់ក្រុមការងារត្រូវយកចិត្តទុកដាក់ក្ដាប់ពីសុខទុក្ខ ក្ដីកង្វល់ និងតម្រូវការរបស់ប្រជាពលរដ្ឋនៅមូលដ្ឋាន ដើម្បីរួមគ្នាដោះស្រាយដោយមិនទុកប្រជាពលរដ្ឋណាម្នាក់ចោលឡើយ។ឯកឧត្តមបណ្ឌិត ជំរុញឱ្យក្រុមការងារត្រូវចុះស្រាវជ្រាវ ដោះស្រាយបញ្ហាប្រឈម ជាពិសេសត្រូវជួយដោះស្រាយបញ្ហាលំបាករបស់គ្រួសារកងទ័ពជួរមុខដែលកំពុងបំពេញភារកិច្ចការពារជាតិនៅសមរភូមិមុខឱ្យអស់ពីលទ្ធភាព។ក្នុងនោះដែរ ឯកឧត្តមបណ្ឌិត និងក្រុមការងារ បាននាំយកនូវជំនួយជាថវិកា និងសម្ភារៈប្រើប្រាស់ចាំបាច់ជាច្រើន ដូចជា អង្ករ ទឹកសុទ្ធ ទឹកត្រី ទឹកស៊ីអ៊ីវ ស្ករស ប៊ីចេង អំបិល និងសម្ភារៈចាំបាច់ផ្សេងៗទៀត ដើម្បីជួយសម្រាលការលំបាកបន្ទាន់ លើកទឹកចិត្តផ្នែកស្មារតី និងបង្ហាញពីការយកចិត្តទុកដាក់របស់ថ្នាក់ដឹកនាំចំពោះសុខទុក្ខរបស់ប្រជាពលរដ្ឋនៅមូលដ្ឋាន។សរុបថវិកាចំណាយសម្រាប់សកម្មភាពមនុស្សធម៌នេះ មានចំនួន ៤,១០០,០០០ រៀល ដែលជាការបង្ហាញយ៉ាងច្បាស់ពីស្មារតីទទួលខុសត្រូវ សេចក្តីមេត្តាករុណា និងការចូលរួមសកម្មរបស់ឯកឧត្តមបណ្ឌិត និងក្រុមការងារ ក្នុងការចូលរួមជួយគាំទ្រ និងលើកស្ទួយជីវភាពប្រជាពលរដ្ឋ ពិសេសគ្រួសារវីរកងទ័ព និងគ្រួសារក្រីក្រ ដែលកំពុងប្រឈមនឹងបញ្ហាជាក់ស្តែងក្នុងជីវិត។សកម្មភាពមនុស្សធម៌ដ៏មានន័យនេះ ទទួលបានការគាំទ្រ និងការស្វាគមន៍យ៉ាងកក់ក្តៅពីប្រជាពលរដ្ឋក្នុងមូលដ្ឋាន ដែលបានសម្តែងក្តីអំណរគុណយ៉ាងជ្រាលជ្រៅ ចំពោះការយកចិត្តទុកដាក់ និងការជួយឧបត្ថម្ភប្រកបដោយមនុស្សធម៌ និងសាមគ្គីភាពនេះ ដែលជាកម្លាំងចិត្តដ៏សំខាន់ សម្រាប់ឱ្យពួកគាត់បន្តប្រយុទ្ធនឹងការលំបាក និងជំងឺដោយមានសង្ឃឹម និងទឹកចិត្តមាំមួន៕

បណ្ដាញសង្គម

ព័ត៌មានថ្មីៗ

អ្នកនយោបាយឃឺដអ៊ីរ៉ង់ អះអាងថាអ៊ីរ៉ង់បានវាយប្រហារមូលដ្ឋានគណបក្សនៅក្រុង Erbil ប្រទេសអ៊ីរ៉ាក់

សមត្ថកិច្ចចុះត្រួតពិនិត្យទីតាំងចំនួន៣ នៅក្រុងប៉ោយប៉ែតសង្ស័យលបលួចប្រព្រឹត្ត Online Scams ឃាត់ខ្លួនជនបរទេសនិងខ្មែរសរុបចំនួន ១៥២នាក់

ការជាសះស្បើយពីជំងឺអេបូឡានាំមកនូវសញ្ញានៃក្តីសង្ឃឹមនៅកុងហ្គោ ខណៈករណីសង្ស័យលេចឡើងនៅក្រៅទ្វីបអាហ្វ្រិក

ការផ្ទុះគ្រាប់មីនក្នុងតំបន់គ្រប់គ្រងដោយក្រុមឧទ្ទាមនៅមីយ៉ាន់ម៉ា បានសម្លាប់មនុស្សរាប់សិបនាក់

ថ្នាលផ្ទៀងផ្ទាត់ឯកសារ verify.gov.tl ដែលអភិវឌ្ឍដោយកម្ពុជា បានសម្ពោធដាក់ឲ្យប្រើប្រាស់ជាផ្លូវការ នៅប្រទេសទីម័រឡេស្តេ

កងទ័ពអ៊ីស្រាអែលដណ្តើមបានប្រាសាទយុទ្ធសាស្ត្រនៅលីបង់ក្នុងការឈ្លានពានដ៏ជ្រៅបំផុតចូលប្រទេសនេះ ក្នុងរយៈពេល២៦ ឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877