BTV NEWS

រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»

ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍

ក្រុមការងាររាជរដ្ឋាភិបាលចុះមូលដ្ឋានស្រុកព្រះនេត្រព្រះ ប្រជុំបូកសរុបលទ្ធផលការងារ និងលើកទិសដៅការងារត្រីមាសទី៣

អភិបាលខេត្តប៉ៃលិន ស្នើឱ្យអាជ្ញាធរ កងកម្លាំង និងម្ចាស់សេវាកម្មស្នាក់នៅចូលរួមយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា (Online Scams)

ព័ត៌មានជាតិ

ថ្នាក់ដឹកនាំក្រសួងកសិកម្ម ជួបសំណេះសំណាលជាមួយអាជីវករលក់ជី និងថ្នាំកសិកម្មមកពីខេត្តចំនួន៤

ភ្នំពេញ៖ នៅថ្ងៃទី២១ ខែកុម្ភៈ ឆ្នាំ២០២៥ អាជីវករជី និងថ្នាំកសិកម្មជាង ១០០នាក់ និងមន្ត្រីកសិកម្មឃុំចំនួន ២០នាក់ មកពីខេត្តកំពង់ស្ពឺ ព្រះសីហនុ កំពត និងខេត្តកែប បានចូលរួមក្នុងពិធីសំណេះសំណាលជាមួយថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ដើម្បីទទួលបានព័ត៌មាន និងចំណេះដឹងថ្មីៗអំពីគោលនយោបាយរបស់រាជរដ្ឋាភិបាលក្នុងការអភិវឌ្ឍវិស័យកសិកម្ម។ ក្នុងពិធីនេះ ឯកឧត្តមរដ្ឋលេខាធិការ គង់ ច័ន្ទវាសនា បានលើកឡើងអំពីសមិទ្ធផលថ្មីៗដែលក្រសួងកសិកម្ម រុក្ខាប្រមាញ់ និងនេសាទ សម្រេចបានក្នុងឆ្នាំ២០២៤កន្លងទៅ ក្នុងការអនុវត្តយុទ្ធសាស្ត្របញ្ចកោណ ដំណាក់កាលទី១ និងកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល ដែលផ្តោតលើការដាក់ពង្រាយមន្ត្រីកសិកម្មឃុំ ការអភិវឌ្ឍសហគមន៍កសិកម្មទំនើប និងយន្តការរក្សាលំនឹងថ្លៃកសិផលគន្លឹះ ព្រមទាំងកិច្ចខិតខំប្រឹងប្រែងរបស់ក្រសួង និងមន្រ្តីទាំងអស់ក្នុងការចុះជួយដោះស្រាយបញ្ហាប្រឈមជូនបងប្អូនប្រជាកសិករនៅទូទាំងប្រទេស។ ទន្ទឹមនឹងការលើកទឹកចិត្តឱ្យបងប្អូនអាជីវករទាំងអស់ជួយពន្យល់ដល់កសិករអំពីការប្រើប្រាស់ជី និងថ្នាំកសិកម្មសមស្របតាមបច្ចេកទេសដើម្បីចូលរួមចំណែកកាត់បន្ថយថ្លៃដើមផលិត ឯកឧត្តមក៏បានណែនាំឱ្យបងប្អូនអាជីវករដែលមានដ្រូនប្រេីប្រាស់ ឱ្យទៅបំពេញព័ត៌មាននៅស្នងការដ្ឋាននគរបាលស្រុក/ក្រុង និងត្រូវមានការប្រុងប្រយ័ត្នខ្ពស់ក្នុងការប្រើប្រាស់ ជាពិសេសនៅពេលជួលឱ្យអ្នកដទៃ ដើម្បីចៀសវាងការបង្កអសន្តិសុខសង្គម និងការប្រព្រឹត្តបទល្មើសនានា។ អាជីវករទាំងអស់រីករាយដែលបានទទួលចំណេះដឹង និងព័ត៌មានថ្មីៗអំពីវឌ្ឍនភាព និងគោលនយោបាយក្នុងការជំរុញអភិវឌ្ឍវិស័យកសិកម្ម និងប្តេជ្ញាចូលរួមជាមួយរាជរដ្ឋាភិបាល និងក្រសួងកសិកម្មក្នុងការចែករំលែកព័ត៌មានល្អៗ និងវិជ្ជមានដើម្បីជាប្រយោជន៍ដល់ប្រជាកសិករ និងវិស័យកសិកម្ម៕

កំណាត់ផ្លូវហ្សាលដឺហ្គោល អាជ្ញាធរខណ្ឌ៧មករា យកជាផ្លូវគំរូមាន សណ្តាប់ធ្នាប់ និងសោភ័ណភាព

ភ្នំពេញ៖ រដ្ឋបាលខណ្ឌ៧មករាបានកំណត់យកមហាវិថីហ្សាលដឺហ្គោលធ្វើជាផ្លូវគំរូ ដែលមានបរិស្ថាន អនាម័យ សណ្ដាប់ធ្នាប់សាធារណៈ និងសោភ័ណ្ឌភាពល្អសម្រាប់មូលដ្ឋាន ខណ្ឌ៧មករា។នៅរសៀលថ្ងៃសុក្រ ទី២១ ខែកុម្ភៈ ឆ្នាំ២០២៥ លោក ថេង សុថុល អភិបាលនៃគណៈអភិបាលខណ្ឌ៧មករា បានរៀបចំកិច្ចប្រជុំផ្សព្វផ្សាយ និងពិគ្រោះយោបល់ជាមួយបងប្អូនប្រជាពលរដ្ឋដែលរស់នៅអមសងខាងកំណាត់ផ្លូវហ្សាលឌឺហ្គោល ក្នុងភូមិសាស្ត្រខណ្ឌ៧មករា ស្តីពីការរៀបចំសណ្តាប់ធ្នាប់ និងសោភ័ណភាពសាធារណៈគំរូលេីកំណាត់ផ្លូវហ្សាលឌឺហ្គោល ។ ក្នុងកម្មវិធីពិគ្រោះយោបល់នេះ មានសមាសភាពចូលរួមលោកអភិបាលរង ខណ្ឌ លោកនាយក នាយករងរដ្ឋបាលសាលាខណ្ឌ លោកអធិការ អធិការរងនគរបាលខណ្ឌ លោក លោកស្រីចៅសង្កាត់ លោកនាយប៉ុស្ត៍នគរបាលរដ្ឋបាលពាក់ព័ន្ធ និងប្រជាពលរដ្ឋប្រុសស្រីចូលរួមចំនួន១៣៣នាក់ ។ក្នុងពិធីពិគ្រោះយោបល់នោះដែរប្រជាពលរដ្ឋបានលើកឡើងសម្ដែងក្ដីសប្បាយរីករាយនិងសំណូមពរទៅដល់អាជ្ញាធរ មន្ត្រីជំនាញពាក់ព័ន្ធក្នុងការកំណត់យកមហាវិថីហ្សាលដឺហ្គោល នេះជាផ្លូវគំរូ ប៉ុន្តែក្នុងអំឡុងពេលការជួសជុលការ៉ូឡាថ្មីនោះសូមមន្ត្រីជំនាញយកចិត្តទុកដាក់ កាត់បន្ថយនូវការរំខានការប្រកបមុខរបរ និងការចេញចូលផ្ទះរបស់ពួកគាត់។ ពលរដ្ឋដទៃទៀតបន្តលើកឡើងថា ក្នុងការរៀបចំនេះ ថាតើកំណត់ព្រំត្រឹមចំណុចដល់ពួកគាត់អាចប្រកបអាជីវកម្មបាន។ក្នុងពិធីនេះដែរលោក ថេង សុថុល អភិបាលនៃគណៈអភិបាលខណ្ឌ៧មករាបានពន្យល់ បកស្រាយជូនដល់ប្រជាពលរដ្ឋឲ្យបានយល់ថាក្នុងអំឡុងពេលជួសជុលកែលម្អកំណាត់ផ្លូវនេះគឺអាជ្ញាធរបានយកចិត្តទុកដាក់ខ្ពស់បំផុតពីផលប៉ះពាល់របស់បងប្អូនប្រជាពលរដ្ឋ ដោយការជួសជុលក្នុងមួយថ្ងៃតែពីផ្ទះប៉ុណ្ណោះដោយរៀបនឹងកាយធ្វើឲ្យឡើងវិញភ្លាមៗមិនប្រើពេលប៉ះពាល់ដលបងប្អូនយូឡើយ។ បន្ថែមទៀតនោះលោកអភិបាលបានបញ្ជាក់ថាការូឡាថ្មីនិង មានលាយពណ៌ឆ្នូតក្រហម កំណត់ព្រំរួចស្រាច ដោយពុំចាំបាច់បាញ់ថ្នាំកំណត់ព្រំនោះទេ សម្រាប់ឲ្យបងប្អូនប្រជាពលរដ្ឋអាស្រ័យផល។ជាចុងក្រោយ លោកអភិបាលបានបញ្ជាក់ថា អាជ្ញាធរខណ្ឌ៧មករាដែលមានលោកអធិការរងទទួលផែនសណ្ដាប់ធ្នាប់ផងនោះនិងជួយសម្រួលចរាចរណ៍នៅកំណាត់ផ្លូវអំឡុងពេលដែលកំពុងតែមានការដ្ឋានដើម្បីជៀសវាងនិងកាត់បន្ថយការកកស្ទះលំហូរចរាចរណ៍របស់បងប្អូនប្រជាពលរដ្ឋអ្នកធ្វើដំណើរហើយសូមឲ្យបងប្អូនទាំងអស់មានការយោគយល់អធ្យាស្រ័យនិងចូលរួមជាមួយអាជ្ញាធរឲ្យបានល្អប្រសើរ៕អត្ថបទ៖ កុម្ភៈ

លោកជំទាវ ហ៊ុន ម៉ាណា អញ្ជើញប្រគល់អគារទីចាត់ការ អគារបណ្ណាល័យ អគារបន្ទប់ទឹក និងផ្ដល់អាហារ១ពេលជូនដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម

កំពង់ចាម ៖ នៅព្រឹកថ្ងៃសុក្រ ទី២១ ខែកុម្ភៈ ឆ្នាំ២០២៥ នេះ លោកជំទាវ ហ៊ុន ម៉ាណា អគ្គនាយិការវិទ្យុ-ទូរទស្សន៍បាយ័ន បានអញ្ជើញដឹកនាំក្រុមការងារ ចុះមកប្រគល់នូវអគារទីចាត់ការ ,អគារបណ្ណាល័យ, អគារបន្ទប់ទឹក ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលទើបត្រូវបានសាងសង់រួចរាល់នាពេលថ្មីៗនេះ ជូនដល់សិស្សានុសិស្សនៃសាលាបឋមសិក្សាទួលចំប៉ី ស្ថិតនៅក្នុងភូមិកោះរកាក្នុង ឃុំកោះរកា ស្រុកកំពង់សៀម ខេត្តកំពង់ចាម។ សមិទ្ធផលក្នុងសាលាបឋមសិក្សាទួលចំប៉ី ដែលជាចំណងដៃរបស់សម្ដេចតេជោនាពេលនេះរួមមាន អគារបណ្ណាល័យ១ខ្នងមាន២បន្ទប់, អគារទីចាត់ការ១ខ្នងមាន១បន្ទប់, បន្ទប់ទឹក១ខ្នង មាន៤បន្ទប់ ព្រមទាំងលាបថ្នាំអគារសាលាចាស់ឱ្យស្អាតឡើងវិញ។សូមរំលឹកថា អគារសមិទ្ធផលថ្មីៗនេះ បានសាងសង់ឡើងបន្ទាប់ពីរលោកជំទាវ ហ៊ុន ម៉ាណា ចុះមកប្រគល់អំណោយផ្ទះទេវតាជូនដល់ពលរដ្ឋនៅក្នុងភូមិនេះ កាលពីអំឡុងខែមិថុនា ឆ្នាំ២០២៤កន្លងទៅ ដែលពេលនោះលោកជំទាវបានចុះមកពិនិត្យមើលឃើញពីការខ្វះខាតអាគារទីចាត់ការ អគារបណ្ណាល័យ និងអគារបន្ទប់ទឹកនៅទីនេះ ទើបលោកជំទាវសម្រេចរៀបចំសាងសង់ជូនដល់សិស្សានុសិស្សនៅទីនេះ។ លោកជំទាវ ហ៊ុន ម៉ាណាបានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលជានិច្ចកាលលោកតែងគិតគូរពីសុខទុក្ខដល់ពលរដ្ឋ និងក្មួយៗសិស្សានុសិស្សគ្រប់ទីកន្លែង និងគ្រប់ពេលវេលា។ ឆ្លៀតនៅក្នុងឱកាសនេះ លោកជំទាវក៏បានរៀបចំនូវអាហារមួយពេលសម្រាប់ក្មួយៗសិស្សានុសិស្សដែលកំពុងសិក្សារៀនសូត្រនៅសាលានេះជាង១០០នាក់ព្រមទាំងបានចែកជូននូវកាតាប ដែលមានជាសម្ភារៈសិក្សា សំលៀកបំពាក់ និងរបស់របរប្រើប្រាស់ជាច្រើន៕

កិច្ចប្រជុំពិភាក្សា រវាងគណៈកម្មការទី៨ នៃរដ្ឋសភា ជាមួយក្រសួងការងារ និងបណ្តុះបណ្តាលវិជ្ជាជីវៈ

ភ្នំពេញ៖ គណៈកម្មការសុខាភិបាល សង្គមកិច្ច អតីតយុទ្ធជន យុវនីតីសម្បទា ការងារបណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា (គណៈកម្មការទី៨ នៃរដ្ឋសភា) និងក្រសួងការងារនិងបណ្តុះបណ្តាលវិជ្ជាជីវៈ បានរៀបចំកិច្ចប្រជុំពិភាក្សា នាព្រឹកថ្ងៃទី២១ ខែកុម្ភៈ ឆ្នាំ២០២៥នេះ ដឹកនាំដោយ លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា និងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ។កិច្ចប្រជុំនេះ រៀបចំឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ គឺដើម្បីស្វែងយល់ពីវឌ្ឍនភាពការងារ បញ្ហាប្រឈម និងទិសដៅការងារសម្រាប់ឆ្នាំ២០២៥ របស់ក្រសួងការងារ និងបណ្តុះបណ្តាលវិជ្ជាជីវ:។ កិច្ចប្រជុំពិភាក្សា រវាងគណ:កម្មការទី៨ នៃរដ្ឋសភា និងក្រសួងការងារ និងបណ្តុះបណ្តាលវិជ្ជាជីវ:នាពេលនេះ ក៏ដើម្បីប្រមូលធាតុចូលមួយចំនួន រួមគ្នាដោះស្រាយនូវបញ្ហាផ្សេងៗ ជូនដល់រដ្ឋឱ្យបានទាន់ពេលវេលា ស្របតាមគោលនយោបាយយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលនីតិកាលទី៧ ក្រោមការដឹកនាំដ៏ឈ្លាសវៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

ព្រលានយន្តហោះអន្តរជាតិតេជោ ត្រៀមបើកដំណើរការនៅខែកក្កដាខាងមុខនេះហើយ

កណ្ដាល ៖ អាកាសយានដ្ឋានអន្តរជាតិតេជោក្រុងតាខ្មៅ ខេត្តកណ្តាល គិតត្រឹមរសៀលថ្ងៃទី២១ ខែកុម្ភៈនេះ សាងសង់សម្រេចប្រមាណ ៩៤%ហើយ ដោយគ្រោងដាក់ឲ្យដំណើរការជាផ្លូវការនៅខែកក្កដាខាងមុខនេះ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ លោកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) ក្រោយចប់កម្មវិធីដឹកនំាគណៈប្រតិភូជាន់ខ្ពស់ នៃស្ថានទូតចំនួន២ប្រចាំនៅកម្ពុជា រួមមាន អូស្រ្តាលី និងហ្វីលីពីន អញ្ជើញទស្សនកិច្ច ដើម្បីពិនិត្យវឌ្ឍនភាពនៃដំណើរការសាងសង់ព្រលាយន្តហោះអន្តរជាតិតេជោ នៅរសៀលថ្ងៃទី២១ ខែកុម្ភៈ ឆ្នាំ២០២៥នេះ បានមានប្រសាសន៍ប្រាប់ក្រុមអ្នកសារព័ត៌មាន ឲ្យដឹងថា នៅក្នុងព្រលាននេះ ក្រុមហ៊ុនដែលអាកាសចរណ៍ រួមនឹងក្រុមហ៊ុនបម្រើសេវាកម្មទាំងអស់បាននិងកំពុងតែរៀបចំ និងត្រៀមខ្លួនដើម្បីដំណើរការទៅតាមផែនការក្នុងការបើកជាផ្លួវការនៅក្នុងខែកក្កដាខាងមុខនេះ។ លោកឧញ៉ា បានបញ្ជាក់ថា ការងារចុងក្រោយដែលនៅសេសសល់ គឺជាការងារតិចតួច ចិបចុបច្រើន ប៉ុន្តែក្រុមការងារកំពុងតែញាប់ដៃ ញាប់ជើង ដើម្បីបំពេញការងារដែលនៅសេសសល់ហ្នឹង ដើម្បីឈានដល់ការបញ្ចប់ទាំងស្រុង។លោកឧកញ៉ា ឆារស៍ វ៉ាន់ បានឲ្យដឹងទៀតថា ព្រលានយន្តហោះអន្តរជាតិតេជោថ្មីនេះ មិនត្រឹមតែរៀបចំដើម្បីទទួលភ្ញៀវទេសចរប៉ុណ្ណោះទេ គឺយើងមានតាំងពីភោជនីយដ្ឋាន ការលក់វត្ថុអនុស្សាវរីយ៍ ។ល។និង។ល។ មិនតែប៉ុណ្ណោះ ខាងព្រលាន ក៏មានការរៀបចំជាកន្លែងស្នាក់នៅសម្រាប់ភ្ញៀវផងដែរ។នាឱកាសនោះដែរ លោកឧញ៉ា ក៏បានបង្ហើបឱ្យដឹងផងដែរថា ស្ថានទូតហ្វីលីពីន ក៏នឹងររៀបចំសាលាហ្វឹកហាត់អាកាសចរណ៍ពីហ្វីលីពីនមកសហការជាមួយកម្ពុជា ដោយក្នុងពេលខាងមុខនេះ កម្ពុជានឹងមានការបើកសាលាបណ្តុះបណ្តាលជួសជុលយន្តហោះនោះ សាកលវិទ្យាល័យ ខេមតិច ផងដែរ ប៉ុន្តែលោកមិនទាន់ដឹងថាសាកលវិទ្យាល័យនេះ នឹងបើកដំណើរការពេលណានោះទេ។សូមជម្រាបជូនថា ឯកអគ្គរដ្ឋទូត ចំនួន២ប្រទេស ដែលបានអញ្ជើញទស្សនកិច្ច នៅរសៀលថ្ងៃនេះ រួមមាន៖ ឯកឧត្តម Derek Yip ឯកអគ្គរាជទូតវិសាមញ្ញ និងពេញសមត្ថភាពនៃស្ថានទូតអូស្រ្តាលីប្រចាំនៅកម្ពុជា និងលោកជំទាវ Plerida Ann Camille P. Mayo ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋហ្វីលីពីនប្រចាំនៅកម្ពុជា ក្នុងគោលបំណងដើម្បីពិនិត្យវឌ្ឍនភាពនៃដំណើរការសាងសង់ព្រលាយន្តហោះអន្តរជាតិតេជោ ដែលមានទីតាំងស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ យោងតាមសារព័ត៌មាន CNN កាលពីកន្លងទៅនេះ បានចេញផ្សាយថា អាកាសយានដ្ឋានអន្តរជាតិតេជោ របស់ប្រទេសកម្ពុជា បានជាប់ជាស្ថាបត្យកម្មដ៏មានឥទ្ធិពលលើពិភពលោកឆ្នាំ២០២៥ ក្នុងចំណោមស្ថាបត្យកម្ម១០ផ្សេងទៀត។ ព្រលានថ្មីនេះនឹងក្លាយជាឆ្នាំពោរពេញដោយគម្រោងហេដ្ឋារចនាសម្ព័ន្ធដ៏ធំ និងសមត្ថភាពដ៏ល្អឯកផ្នែកវិស្វកម្ម។ សូមបញ្ជាក់ទៀតថា ព្រលានយន្តហោះថ្មីនេះ សាងសង់ឡើងលើផ្ទៃដីជាង ២ ៦០០ហិចតា ជាព្រលានយន្តហោះលំដាប់ F4 ដែលអាចធ្វើអោយយន្តខ្នាតធំចុះចតបានដូចជា ប្រភេទ Airbus A380 និងប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១៕អត្ថបទ ឈិត បូរ៉ាវី

ប្រកាសកែសម្រួលសមាសភាពក្រុមការងារគណបក្សប្រជាជនកម្ពុជា ចុះជួយមូលដ្ឋានសង្កាត់អូរឬស្សី២

ភ្នំពេញ ៖ ស្នាក់ការគណ:កម្មាធិការគណបក្សសង្កាត់ អូឬស្សីទី២ ខណ្ឌ៧មករា បានរៀបចំពិធីកែសម្រួលសមាសភាពក្រុមការងារគណបក្សប្រជាជនកម្ពុជា ចុះជួយមូលដ្ឋានសង្កាត់ និងសេចក្តីសម្រេច ស្តីពីការបង្កើតក្រុមការងារចលនាចុះតាមភូមិ ។ ពិធីនេះធ្វើឡើងនៅវេលាម៉ោង០៣រសៀល ថ្ងៃទី២១ ខែកុម្ភៈ ឆ្នាំ២០២៥នេះ ក្រោមវត្តមានលោក សោម សុវណ្ណ ប្រធានគណៈកម្មាធិការគណបក្សប្រជាជនខណ្ឌ៧មករា និងមានការចូលរួមពីលោក ឌី រ័ត្នខេមរុណ អភិបាលរងខណ្ឌ៧មករា និង ជាប្រធានក្រុមការងារចុះមូលដ្ឋានសង្កាត់អូរឬស្សី២ , លោក ចាន់ ពិសិដ្ឋ ចៅសង្កាត់អូឬស្សីទី២ និងមានការចូលរួមពីលោក លោកស្រី អនុប្រធានក្រុមការងារ លោកលោកស្រី មេភូមិ សមាជិក សមាជិកា សរុបចំនួន៥២នាក់ទៀតផងដែរ ។ ក្នុងអង្គពិធីខាងលើ លោក សោម សុវណ្ណ ប្រធានគណៈកម្មាធិការគណបក្សប្រជាជនខណ្ឌ៧មករា បានមានមតិសំណេះសំណាល និងផ្តល់បទពិសោធន៍ជាច្រើន ដល់បណ្តាសមាជិកសមាជិកាទាំងអស់ ដើម្បីជាទន់ ក្នុងការអនុវត្តគោលនយោបាយរបស់គណបក្សប្រជាជន ឱ្យមានប្រសិទ្ធិភាព ក្នុងគោលដៅ បម្រើដល់ប្រជា និងជាតិមាតុភូមិកម្ពុជា ។ ចុងបញ្ចប់ នៃកម្មវិធី ក៏មានការថតទុកជាអនុស្សាវរីយ៍រវាង គណៈអធិបតី ជាមួយសមាជិកសមាជិកា ដែលកំពុងមានវត្តមាននៅក្នុងអង្គពិធីខាងលើផងដែរ ៕អត្ថបទ៖ កុម្ភៈ

ផ្លូវកៅស៊ូ២ជាន់ DBST និងបេតុង ចាប់ពីឃុំទ្រាន ដល់ ឃុំស្រក ស្រុកកំពង់សៀម សាងសង់បានប្រមាណជា ៧៥% ហើយ

កំពង់ចាម ៖ លោក អ៊ឹង វិសុទ្ធ ប្រធានមន្ទីរអភិវឌ្ឍន៍ជនបទខេត្តកំពង់ចាម បានឲ្យដឹងថា ផ្លូវក្រាលកៅស៊ូ២ជាន់ DBST និងផ្លូវបេតុង ចាប់ពីឃុំទ្រាន ដល់ ឃុំស្រក ស្រុកកំពង់សៀម សាងសង់បានប្រមាណជា ៧៥% ហើយ ដែលអាចនឹងរួចរាល់ជាស្ថាពរ ក្នុងពេលឆាប់ៗ ខាងមុខនេះ ។លោកប្រធានមន្ទីរបានបញ្ជាក់ថា បន្ទាប់ពីក្រុមការងារបានចុះពិនិត្យមើលវឌ្ឍនភាពការងារសាងសង់ផ្លូវកៅស៊ូ២ជាន់DBST និងផ្លូវបេតុង ចាប់ពីឃុំទ្រាន ដល់ ឃុំស្រក ស្រុកកំពង់សៀម ខេត្តកំពង់ចាម ដែលមានប្រវែង១៣,៥០០ម៉ែត្រ របស់គម្រោងការតភ្ជាប់បណ្តាញហេដ្ឋារចនាសម្ព័ន្ធផ្លូវថ្នល់ (RCIP) ជាហិរញ្ញប្បទានធនាគារពិភពលោក បដិភាគជាមួយរាជរដ្ឋាភិបាលកម្ពុជា តាមរយ:ក្រសួងអភិវឌ្ឍន៍ជនបទ ។ទន្ទឹមនឹងនេះដែរ ប្រធានមន្ទីរអភិវឌ្ឍន៍ជនបទខេត្តកំពង់ចាម ក៍បានអំពាវនាវ ដល់អាជ្ញាធរ មូលដ្ឋាន ជាពិសេសប្រជាពលរដ្ឋ ដែលរស់នៅក្នុងអមសងខាងផ្លូវ សូមចូលរួមសហការគ្នា និងមេត្តាយោគយល់ អធ្យាស្រ័យ ចំពោះ ក្រុមការងារដែលកំពុងស្ថាបនាផ្លូវ ព្រោះជាធម្មតាការអភិវឌ្ឍ តែងតែមានផលប៉ះពាល់ដល់បងប្អូនប្រជាពលរដ្ឋតាមដងផ្លូវ ក៏ដូចជាអ្នកធ្វើដំណើរឆ្លងកាត់ជាដើម ។

កម្លាំងអាវុធហត្ថខេត្តកណ្តាល បំបែកសំណុំរឿងឃាតកម្មនៅក្រុងអរិយក្សត្រ ស្រាវជ្រាវចាប់ខ្លួនជនសង្ស័យ២នាក់ យកមកផ្ដន្ទាទោស

កណ្ដាល៖ កម្លាំងអាវុធហត្ថខេត្តកណ្តាលសហការជាមួយកម្លាំងអាវុធហត្ថខណ្ឌច្បារអំពៅ រាជធានីភ្នំពេញ ចុះស្រាវជ្រាវបំបែកសំណុំរឿងករណីឃាតកម្មនៅក្រុងអរិយក្សត្រ ស្រាវជ្រាវចាប់ខ្លួនជនសង្ស័យ២នាក់ បញ្ជូនទៅពន្ធនាគារខេត្តកណ្ដាល ។លោកឧត្ដមសេនីយ៍ ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល នៅរសៀលថ្ងៃទី២១ ខែកុម្ភៈ ឆ្នាំ ២០២៥ បានឱ្យដឹងថា នៅថ្ងៃទី១៧ ខែកុម្ភៈ ឆ្នាំ២០២៥ កម្លាំងជំនាញអាវុធខេត្តកណ្តាល និងអាវុធហត្ថក្រុងអរិយក្សត្រ បានសហការជាមួយអាវុធខណ្ឌច្បារអំពៅ រាជធានីភ្នំពេញ ចុះស្រាវជ្រាវស្វែងរកចាប់ខ្លួនជនល្មើសចំនួន ០២នាក់ (ស្រី០១) នៅគោលដៅពីរផ្សេងគ្នា។លោកឧត្ដមសេនីយ៍ ត្រី សំ តុលា បានបញ្ជាក់ថា លើកទី១ ចាប់ខ្លួនជនត្រូវចោទឈ្មោះ ភក្តី ភេទស្រី អាយុ ២០ឆ្នាំ មុខរបរមិនពិតប្រាកដ រស់នៅសង្កាត់ព្រែកតាកូវ ក្រុងអរិយក្សត្រ ខេត្តកណ្តាល។ នៅចំណុចសង្កាត់និរោធ ខណ្ឌច្បារអំពៅ រាជធានីភ្នំពេញ។ លើកទី២ ចាប់ខ្លួនជនត្រូវចោទឈ្មោះ សុខប៊ី ភេទប្រុស អាយុ ២២ឆ្នាំ មុខរបរមិនពិតប្រាកដ រស់នៅសង្កាត់ព្រែកតាកូវ ក្រុងអរិយក្សត្រ ខេត្តកណ្តាល។ នៅចំណុចសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ជនសង្ស័យទាំងពីរត្រូវបានចោទប្រកាន់ពីបទឃាតកម្មគិតទុកជាមុន ប្រព្រឹត្តនៅចំណុចដីស្រែប្រាំងក្រពើខ្លោច ភូមិព្រែកល្វា សង្កាត់ព្រែកតាកូវ ក្រុងអរិយក្សត្រ ខេត្តកណ្តាល កាលពីថ្ងៃទី០៥ ខែវិច្ឆិកា ឆ្នាំ២០២៤។ ក្រោយបំពេញនីតិវិធី ជនត្រូវចោទទាំងពីរនាក់ កម្លាំងជំនាញអាវុធហត្ថខេត្តកណ្តាល បានបញ្ជូនទៅពន្ធនាគារខេត្តកណ្តាល នៅថ្ងៃទី១៧ ខែកុម្ភៈ ឆ្នាំ២០២៥។បច្ចុប្បន្ន កម្លាំងជំនាញអាវុធហត្ថខេត្តកណ្តាល កំពុងបន្តស្រាវជ្រាវស្វែងរកចាប់ខ្លួនជនល្មើសពាក់ព័ន្ធផ្សេងទៀត ដែលជាមេខ្លោងក្នុងអំពើឃាតកម្ម ជួញដូរគ្រឿងញៀន និងធ្វើទារុណកម្មអំពើឃោរឃៅ និងផ្តើមគំនិតក្នុងអំពើឃាតកម្ម និងជួញដូរគ្រឿងញៀន៕

វិចិត្រករខ្មែរ ដ៏ល្បីឈ្មោះ ឈឹម សុធី បាននាំយកស្នាដៃសិល្បៈចំនួន២៨ផ្ទាំង មកដាក់តាំងពិព័រណ៌ «ស្រមោល និងការឆ្លុះបញ្ចាំង»

ភ្នំពេញ ៖ ពិព័រណ៍ដែលប្រារព្ធពិធីចូលរួមចំណែកសិល្បៈយ៉ាងជ្រាលជ្រៅរបស់ឯកឧត្តម ឈឹម សុធី ទីប្រឹក្សាក្រសួងវប្បធម៌ និងវិចិត្រសិល្បៈ ដែលជាសិល្បករសហសម័យដ៏ល្បីមួយរូបរបស់កម្ពុជា។ បណ្តុំនេះផ្តល់នូវភាពស្និទ្ធស្នាលក្នុងការឆ្លុះបញ្ចាំងសិល្បៈ និងវប្បធម៌តែមួយគត់របស់វិចិត្រករមេ ដែលធ្វើការជាស្ពានប្រពៃណី និងទំនើបកម្ម។ក្នុងពិធីបើកសម្ពោធពិព័រណ៌ ក្រោមប្រធានបទ «ស្រមោល និងការឆ្លុះបញ្ចាំង» នៅសណ្ឋាគារ Plantation ដែលជាស្នាដៃរបស់ឯកឧត្តម ឈឹម សុធី បានថ្លែងប្រាប់BTV ព័ត៌មាន នាល្ងាចថ្ងៃទី២០ ខែកុម្ភះ ឆ្នាំ២០២៥នេះថា "សិល្បៈ និងសង្គម គឺទាក់ទងគ្នាយ៉ាងជិតស្និទ្ធ។ សិល្បៈឆ្លុះបញ្ចាំងពីសង្គម។ សិល្បករអាចកត់ត្រាព្រឹត្តិការណ៍ប្រវត្តិសាស្ត្រភាគច្រើនដែលបានកើតឡើង និងដកស្រង់គំនិតសំខាន់ៗនៃព្រឹត្តិការណ៍តាមរយៈស្នាដៃសិល្បៈ។ សិល្បៈអាចជាការរំលឹក ការផ្តល់យោបល់ ឬការរិះគន់អំពីប្រវត្តិសាស្ត្រអតីតកាល។ នៅកម្ពុជា យើងត្រូវរក្សាសេរីភាពនេះ ដើម្បីភាពប្រសើរឡើងនៃសង្គមរបស់យើង"។ ឯកឧត្តម បានបន្ថែមថា តាមរយៈពិព័រណ៌នេះ ក៏ដើម្បីផ្សព្វផ្សាយជូនភ្ញៀវជាតិ និងអន្តរជាតិ សិស្ស និសិ្សត បានទស្សនាសិក្សាស្រាវជ្រាវបន្ថែមអំពីបច្ចេកទេស និងជាចំណេះដឹងថ្មីមួយបន្ថែមដល់សិល្បករ ក៏ដូចជាប្អូនៗសិស្សានុសិស្ស និសិ្សត ដែលកំពុងសិក្សានៅសាលាមធ្យមវិចិត្រសិល្បៈ និងសាកលវិទ្យាល័យភូមិន្ទវិចិត្រសិល្បៈ លើវិស័យសិល្បៈនេះ អាចឆ្ងល់ អាចសួរបាន ព្រមទាំងទទួលបាននូវចំណេះដឹងពីឯកឧត្តមផ្ទាល់ អំពីរបៀបប្រើ របៀបគូរ។ ពិព័រណ៌នេះ ដាក់តាំងបង្ហាញមានរយៈពេល១ខែកន្លះ ដោយរាប់ចាប់តាំងពីថ្ងៃបើកសម្ពោធនេះតទៅ។ ដូច្នេះសូមអញ្ជើញសាធារណជន សិស្សានុសិស្ស និសិ្សត សិល្បករ មកទស្សនាការតាំងពិព័រណ៌នៅក្នុងសណ្ឋាគារ Plantation។ សូមរំលឹកផងដែរថា ភាពប៉ិនប្រសប់របស់ឯកឧត្តម ឈឹម សុធី លើផ្នែកគំនូរ ដូចជាពណ៌ទឹក ទឹកថ្នាំចិន អាគ្រីលីក និងការគូរគំនូរប្រេង បានអនុញ្ញាតឱ្យស្នាដៃរបស់ឯកឧត្តម ទាក់ទាញទស្សនិកជន ទាំងក្នុងស្រុក និងពិភពលោក។ ជាពិសេស គំនូរប្រេង ត្រូវបានដាក់តាំងបង្ហាញនៅប្រទេសថៃ សិង្ហបុរី សហរដ្ឋអាមេរិក និងប្រទេសបារាំង។ ក្នុងឆ្នាំ ២០០៨ ឯកឧត្តម ឈឹម សុធី បានធ្វើជាតំណាងឱ្យប្រទេសកម្ពុជា ក្នុងនាមជាអ្នកសិល្បៈនៅក្នុងព្រឹត្តិការណ៍កីឡាអូឡាំពិកនៅទីក្រុងប៉េកាំង សាធារណរដ្ឋប្រជាមានិតចិន ហើយបានពង្រឹងតំណែង នៅលើឆាកអន្តរជាតិបន្ថែមទៀត។ លើសពីសមិទ្ធិផលជាសិល្បករ ឯកឧត្តម ឈឹម សុធី បានចូលរួមចំណែកក្នុងវិស័យសិល្បៈ និងវប្បធម៌ខ្មែរ តាមរយៈតួនាទីរបស់ឯកឧត្តម នៅក្រសួងវប្បធម៌ និងវិចិត្រសិល្បៈ គឺជាអ្នកតស៊ូមតិសំលេងសម្រាប់ការផ្លាស់ប្តូរអំណាចនៃសិល្បៈក្នុងការឆ្លុះបញ្ចាំង និងបង្កើតសង្គម។ ជាពិសេសប្រធានបទ និងបច្ចេកទេស ស្នាដៃរបស់ឯកឧត្តម ឈឹម សុធី តែងតែបង្ហាញពីអត្តសញ្ញាណប្រវត្តិសាស្ត្រ និងវប្បធម៌របស់កម្ពុជា។ ប្រើប្រាស់សម្ភារៈ និងបច្ចេកទេសជាច្រើន ដើម្បីច្នៃជាបំណែកដែលធ្វើអោយមានភាពស្រស់ស្អាត និងការតស៊ូនៃមាតុភូមិ។ ស្នាដៃរបស់ឯកឧត្តម មានខ្លឹមសារនៃការចងចាំ សីលធម៌ និងការស្វែងរកភាពសុខដុមក្នុងបរិបទកម្ពុជា៕អត្ថបទ៖រដ្ឋា

សិក្ខាសាលាផ្សព្វផ្សាយ និងពិគ្រោះយោបល់កម្មវិធីបណ្ដុះបណ្ដាលបដិសណ្ឋារកិច្ចកម្ពុជា (ហូកា)

បន្ទាយមានជ័យ៖ មន្ទីរទេសចរណ៍ខេត្តបន្ទាយមានជ័យ បានសហការជាមួយរដ្ឋបាលខេត្ត បើកវគ្គសិក្ខាសាលាផ្សព្វផ្សាយ និងពិគ្រោះយោបល់កម្មវិធីបណ្ដុះបណ្ដាលបដិសណ្ឋារកិច្ចកម្ពុជា (ហូកា) ដើម្បីជ្រើសរើសសិក្ខាកាម និងគ្រូបង្គោលហូកាប្រចាំខេត្ត និងប្រគល់វិញ្ញាបនបត្រដល់សិក្ខាកាមលើជំនាញ ការិយាល័យជួរមុខ ។វគ្គសិក្ខាសាលាផ្សព្វផ្សាយ និងពិគ្រោះយោបល់ប្រព្រឹត្តទៅក្រោមអធិបតីភាព លោក ប្រាក់ ប៉ូលី អភិបាលរងខេត្តនិងលោក ជួប រតនា ប្រធាននាយកដ្ឋានផែនការអភិវឌ្ឍទេសចរណ៍ព្រមទាំង មានសិក្ខាកាមចូលរួមពីបណ្តាលក្រុង-ស្រុក កងកម្លាំង មន្ទីរអង្គភាពពាក់ព័ន្ធ ម្ចាស់មូលដ្ឋានអាជីវកម្មសេវាកម្មទេសចរណ៍ សិស្សនិស្សិតជាច្រើនរូប នាព្រឹកថ្ងៃទី២១ ខែកុម្ភៈ ឆ្នាំ២០២៥ ។លោក ឈឿន សេរីវុធ ប្រធានមន្ទីរទេសចរណ៍ខេត្ត បានលើកឡើងថា ក្រសួងទេសចរណ៍ក៏បានកំណត់គោលនៅយុទ្ធសាស្រ្តចំនួន៥រួមមាន៖១-ភាពប្រពួកប្រជែងទេសចរណ៍ ២-ចីរភាពទេសាររណ៍និងទី៣-បរិយាបន្តទេសចរ។ហើយគោលនៅយុទ្ធសាស្ត្រទាំងនេះមានសសរស្ដម្ភយុទ្ធសាស្ត្រចំនួន ៥រួមមាន៖១-បង្កើនប្រសិទ្ធភាពនៃការគ្រាប់គ្រងកិត្តិនាមកម្ពុជា ដើម្បីធ្វើឲ្យទេសចរណ៍នៃទីផ្សារគោលដៅអាទិភាពកាន់តែស្គាល់ កាន់តែយល់ឃើញជាវិជ្ជមាន និងកាន់តែទទួលស្គាល់កម្ពុជាជាគោលដៅទេសចរណ៍សាកលឈានមុខ។២,បង្កើនប្រសិទ្ធភាពនៃការផ្សព្វផ្សាយទាក់ទាញទេសចរណ៍កម្ពុជាទៅកាន់ទីផ្សារទេសចរណ៍សំខាន់ៗដើម្បីធ្វើឲ្យទេសចរណ៍នៃទីផ្សារគោលដៅអាទិភាពនិងពិភពលោកចាប់អារម្មណ៍មកទស្សនា។៣,ប្រសិទ្ធភាពនៃការគ្រប់គ្រងផ្ទៃក្នុងនៃការធ្វើដំណើររបស់ភ្ញៀវ និងហេដ្ឋារចនាសម្ព័ន្ធផ្ទៃក្នុងដើម្បីសម្រួលការធ្វើដំណើរនិងជំរុញគុណភាពនៃការធ្វើដំណើរស្របតាមស្តង់ដារអន្តរជាតិ។៤,បង្កើនប្រសិទ្ធភាពនៃការអភិវឌ្ឍផលិតផលទេសចរណ៍ប្រកបដោយនវានុវត្តន៍ភាពច្នៃប្រឌិតនិងភាពជាខ្មែរដោយផ្អែកលើបេតិកភណ្ឌវប្បធម៌បេតិកភណ្ឌធម្មជាតិឆ្នេរសមុទ្រនិងប្រជាជនខ្មែរភាពជាខ្មែរនិងពង្រឹងសេវាទេសចរណ៍ សេវាមួយស្តង់ដាមួយតាមរយៈការដាក់ចេញ និងការអនុវត្តស្តង់ដារបៃតង សម្រាប់ផលិតផលនិងសេវាទេសចរណ៍ទាំងនៅកម្រិតជាតិ និងតំបន់អាស៊ាន ដើម្បីបង្កើតច្រករបៀងទេសចរណ៍។៥,បង្កើនការអភិវឌ្ឍធនធានគោលដៅទេសចរណ៍អភិវឌ្ឍន៍តំបន់ទេសចរណ៍ជំរុញការវិនិយោគនៅតាមតំបន់ទេសចរណ៍។ក្នុងឱកាសនោះដែរលោក ប្រាក់ ប៉ូលី អភិបាលរងខេត្ត បានមានប្រសាសន៍ថា សិក្ខាសាលាផ្សព្វផ្សាយនិងពិគ្រោះយោបល់បណ្តុះបណ្តាលបដិសណ្ឋារកិច្ចកម្ពុជា(បូកា ដើម្បីជ្រើសរើស សិក្ខាកាម និងគ្រូបង្គោលប្រចាំខេត្ត លើមុខជំនាញ ការិយាល័យជួរមុខ គេហកិច្ច សេវាកម្មម្ហូបអាហារនិងភេសជ្ជៈ ចុងភៅ ឆុងកាហ្វេ និងមគ្គុសទ្ទេសក៍ទេសចរណ៍សហគមន៍ អមដោយពិធីប្រគល់ វិញ្ញាបនបត្រដល់សិក្ខាកាម ជំនាញ “ការិយាល័យជួរមុខ” ចំនួន ១៤ រូប នៅខេត្តបន្ទាយមានជ័យ នាពេលនេះ គឺជាការល្អប្រសើរណាស់ ព្រោះខេត្តបន្ទាយមានជ័យ យើងបានច្រកទ្វារព្រំដែនអន្តរជាតិប៉ោយប៉ែតមួយយ៉ាងសំខាន់ សម្រាប់ការធ្វើដំណើរចេញ ចូល តាមផ្លូវគោក របស់អ្នកទេសចរ មកពីគ្រប់ទ្វីបលើពិភពលោកយើងនេះ។លោកអភិបាលរងខេត្តបានបញ្ជាក់ថា សិក្ខាសាលាផ្សព្វផ្សាយនាឱកាសនេះគឺមានសារៈសំខាន់ចំពោះយើងទាំងអស់គ្នា នឹងផ្តល់នូវចំណេះដឹងបន្ត ពិសេសដល់ អ្នកបម្រើការងារក្នុងអាជីវកម្មដ្ឋានទេសចរណ៍ទាំងអស់ ដើម្បីសម្របខ្លួន ជាអ្នកបម្រើភ្ញៀវទេសចរបានល្អ ទាំងកាយវិការ ទឹកមុខ អាកប្បកិរិយា ពាក្យសម្តី សម្លៀកបំពាក់ សីលធម៌ និងសេវាដទៃទៀត ដែលទាក់ទងដោយផ្ទាល់ជាមួយភ្ញៀវ។យើងម្នាក់ៗក៏ត្រូវចងចាំជានិច្ចថា ទេសចរណ៍ កម្ពុជា ជាទេសចរណ៍ វប្បធម៌ និងធម្មជាតិ” មិនមែនជាទេសចរណ៍ផ្លូវភេទទេ ហើយយើងប្រឆាំងដាច់ខាត នូវការ ជួញដូរ និងកេងប្រវ័ញផ្លូវភេទលើស្ត្រី និងកុមារ ការជួញដូរគ្រឿងញៀន និងការជួញដូរមនុស្សតាមគ្រប់រូបភាព ដែលទាក់ទងនឹងវិស័យទេសចរណ៍៕ឃិនសារិទ្ធ

បណ្ដាញសង្គម

ព័ត៌មានថ្មីៗ

រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី

ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត

គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk

ប្រធានាធិបតីកូរ៉េខាងត្បូង លោក Lee ប្រកាសតំបន់គ្រោះមហន្តរាយ ក្រោយទឹកជំនន់

អ៊ីស្រាអែលសម្លាប់មនុស្ស ១២នាក់ក្នុងជំរំសំពត់តង់នៅភាគខាងលិចទីក្រុងហ្កាហ្សា

អគារ និងរថយន្តខូចខាត ត្រូវបានមើលឃើញនៅភូមិ al-Mazra'a ប្រទេសស៊ីរី បន្ទាប់ពីភាពរំជើបរំជួល

ភ្លៀងធ្លាក់ខ្លាំង បង្កការជន់លិចនៅតាមទីក្រុងជាច្រើនក្នុងប្រទេសឥណ្ឌា

ភ្លៀងធ្លាក់ខ្លាំងបង្កការរំខានដល់តំបន់ជនបទ និងជន់លិចដីកសិកម្មនៅចិន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877