BTV NEWS

ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ អញ្ជើញចូលរួមអបអរសាទរព្រឹត្តិការណ៍នៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក

សេចក្ដីព្រាងចំនួន ៤ ត្រូវបានកិច្ចប្រជុំពេញអង្គគណៈរដ្ឋមន្ត្រីអនុម័តនៅថ្ងៃនេះ

អាជ្ញាធរខេត្តកោះកុង បំភ្លឺថាមិនមានការបង្រ្កាបទីតាំងល្បែងអនឡាញទេ មានការស្រាវជ្រាវករណីឃាតកម្ម

ព័ត៌មានជាតិ

ក្រុមប្រឹក្សាឃុំសង្កាត់ខេត្តស្វាយរៀងថ្កោលទោសជន អគតិប៉ុនប៉នសម្លាប់សម្ដេចអគ្គមហាសេនាបតីតេជោហ៊ុនសែន

ស្វាយរៀង ៖ ក្រុមប្រឹក្សាឃុំគ្រួស ស្រុកស្វាយជ្រំ ខេត្តស្វាយរៀងនៅថ្ងៃទី ១៤ខែកុម្ភៈ ឆ្នាំ២០២៥នេះ បានចេញលិខិតថ្កោលទោសចំពោះជនអគតិដែលមានបំណងប៉ុនប៉ងសម្លាប់សម្ដេចអគ្គមហាសេនាបតីតេជោហ៊ុនសែននិងក្រុមគ្រួសារ ដែលមានខ្លឹមសារជាអាទិ៍ = យើងខ្ញុំទាំងអស់គ្នាជាសមាជិកសមាជិកាក្រុមប្រឹក្សាឃុំគ្រោះស្រុកស្វាយជ្រំ ខេត្តស្វាយរៀង សូមប្រកាសជាឧឡារិកចោលទោសយ៉ាងដាច់អហង្គារចំពោះគម្រោងវាយប្រហារដោយដ្រូនចូលភូមិគ្រឹះរបស់សម្ដេចអគ្គមហាសេនាបតីតេជោហ៊ុនសែនប្រធានព្រឹទ្ធសភានៃព្រះរាជាណាចក្រកម្ពុជានៅក្រុងតាកែខ្មៅខេត្តកណ្ដាល ។ គម្រោងផែនការនេះគឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិដើម្បីទាញកម្ពុជាឲ្យធ្លាក់ក្នុងភាពវឹកវរនិងសង្គ្រាមផ្សារជាថ្មី។ យើងខ្ញុំទាំងអស់គ្នាសូមប្រឆាំងដាច់ខាតនៅទង្វើដ៏ខ្មៅកខ្វក់បំផុតរបស់ជនក្បត់ជាតិដែលហ៊ានប៉ុនប៉ុលធ្វើឃាតសម្ដេចអគ្គមហាសេនាបតីតេជោហ៊ុនសែន អគ្គុទេសដល់ឆ្នើមរបស់ប្រជាជនកម្ពុជាបានដឹកនាំប្រទេសប្រកបដោយជោគជ័យតាំងពីដំណាក់កាលសង្គ្រោះជាតិពីរបបប្រល័យពូជសាសន៍បន្តដឹកនាំអនុវត្តគោលនយោបាយឈ្នះបញ្ចប់សង្គ្ម្រាម ដដោយខ្មែរខ្លួនឯងហើយខ្មែរទាំងមូលគឺជាអ្នកឈ្នះនៅទីបំផុតបានបញ្ចប់សង្គ្រាមដ៏រ៉ាំរ៉ៃ។បង្កើតបានសុខសន្តិភាពពេញលេញនិងឯកភាពជាតិឯកភាពទឹកដីទាំងស្រុងដែលនាំកម្ពុជាដែលកម្ពុជាពុំធ្លាប់មានឡើយក្នុងរយៈពេលជាង៥០០ ឆ្នាំចុងក្រោយនៃប្រវត្តិសាស្ត្ររបស់ខ្លួននិងបានធ្វើឲ្យប្រទេសជាតិមានការអភិវឌ្ឍន៍លើគ្រប់វិស័យ។ សារជាថ្មីម្ដងទៀតយើងខ្ញុំទាំងអស់គ្នាសូមប្រកាសថ្កោលទោសប្រឆាំងយ៉ាងដាច់អហង្ការចំពោះទង្វើទាំងឡាយណាដែលជាអំពើភារវកម្ម បង្កឡើងដោយក្រុមឧទាមក្រៅច្បាប់ប៉ុនប៉ងធ្វើឃាដសម្ដេចអគ្គមហាសេនាបតីតេជោហ៊ុនសែននិងក្រុមគ្រួសារ ហើយសូមប្តេជ្ញាការពារសន្តិភាពនៅកម្ពុជាឲ្យបានស្ថេរគង់វង្សដើម្បីឧត្តមប្រយោជន៍ជាតិព្រមទាំងភាពសុខសាន្តរីកចម្រើនរបស់ប្រជាជនកម្ពុជា (ជយោព្រះរាជាណាចក្រកម្ពុជា) ។

មន្ទីរពិសោធន៍ជាតិ កំពុងគាំទ្រដល់វិស័យសំខាន់ៗលើការប្រកួតប្រជែងរបស់កម្ពុជាក្នុងតំបន់ និងពិភពលោក

ភ្នំពេញ ៖ មន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ ពង្រីកសមត្ថភាពធ្វើតេស្តវិភាគ ដោយបន្ថែមប៉ារ៉ាម៉ែត្រថ្មីចំនួន ៤០ ផ្តោតលើវិស័យនាំចេញសំខាន់ៗដូចជាអង្ករ និងគ្រាប់ស្វាយចន្ទី និងគ្រោងពង្រីកសមត្ថភាពសម្រាប់សេវាមន្ទីរពិសោធន៍មេកានិច អគ្គិសនី និងអេឡិចត្រូនិច ស្រាវជ្រាវ ដើម្បីលើកកម្ពស់ភាពប្រកួតប្រជែងរបស់កម្ពុជានៅក្នុងទីផ្សារក្នុងតំបន់ និងពិភពលោក។ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងការអញ្ជើញចុះទស្សនកិច្ច គណៈកម្មាធិការទី៩ រដ្ឋសភា មន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ (STINL) និងវិទ្យាស្ថានជាតិ វិទ្យាសាស្ត្រ បច្ចេកវិទ្យា និងនវានុវត្តន៍ (NISTI) នៅថ្ងៃទី ១៣ ខែ កុម្ភៈ ឆ្នាំ២០២៥ ឯកឧត្តមរដ្ឋមន្ត្រី បានជម្រាបជូនគណៈប្រតិភូអំពីកំណែ ទម្រង់សំខាន់ៗនៅស្ថាប័នទាំងពីរ ពិសេសការប្រែក្លាយមន្ទីរពិសោធន៍ជាតិ វបន ទៅជាគ្រឹះស្ថានសាធារណៈរដ្ឋបាល និងការផ្តោត ជាយុទ្ធសាស្ត្ររបស់វិទ្យាស្ថានជាតិ វបន លើការស្រាវជ្រាវអនុវត្ត ដែលជំរុញការបង្កើតដំណោះស្រាយ ជាក់ស្តែងសម្រាប់ឧស្សាហកម្ម ក្នុងស្រុក។ឯកឧត្តមរដ្ឋមន្ត្រី ក៏បានលើកឡើងជាឧទាហរណ៍ពីគម្រោងកិច្ចសហប្រតិបត្តិការជាមួយកូរ៉េ ក្នុងការបង្កើតមជ្ឈមណ្ឌលផលិត អាហារ ដើម្បីលើកកម្ពស់គុណភាពផលិតផល និងគាំទ្រដល់សហគ្រាសធុនតូច និងមធ្យម ឱ្យបំពេញតាមស្តង់ដារ សម្រាប់ការ នាំចេញ។ បច្ចុប្បន្នវិទ្យាស្ថានជាតិ វនប កំពុងអនុវត្តគំនិតផ្តួចផ្តើមមួយចំនួនដូចជា គម្រោងប្រព្រឹត្តិកម្មវិទ្យុសកម្មសម្លាប់មេរោគ លើ ផលិតផលចំណីអាហារ ដោយសហការជាមួយទីភ្នាក់ងារថាមពលបរមាណូអន្តរជាតិ (IAEA), កម្មវិធីអ្នកវិទ្យាសាស្ត្រវ័យក្មេង ដើម្បី បំផុសទឹកចិត្តយុវជនឱ្យក្លាយជាអ្នកវិទ្យាសាស្ត្រនាពេលអនាគត, និងគម្រោងស្រាវជ្រាវ និងការបណ្តុះបណ្តាលផ្សេងៗសម្រាប់ វិស័យ ឯកជន។ចំណែកមន្ទីរពិសោធន៍ជាតិ វបន ក្រោយពីបានកែទម្រង់បានពង្រីកសមត្ថភាពធ្វើតេស្តវិភាគ ដោយបន្ថែមប៉ារ៉ាម៉ែត្រថ្មីចំនួន ៤០ ផ្តោតលើវិស័យនាំចេញសំខាន់ៗដូចជាអង្ករ និងគ្រាប់ស្វាយចន្ទី ជាមួយនឹងវិញ្ញាបនបត្រ ISO/IEC:17025 និងការវាយតម្លៃ ទទួលស្គាល់ជាអន្តរជាតិពី SAC-SINGLAS ប្រទេសសិង្ហបុរីនិង NATA ប្រទេសអូស្ត្រាលី មន្ទីរពិសោធន៍នេះបានធ្វើតេស្តវិភាគ សំណាកបានចំនួន ១១ ពាន់ ក្នុងឆ្នាំ ២០២៤ ជាមួយនឹងលទ្ធផលដែលទទួលស្គាល់ជាអន្តរជាតិ។ មន្ទីរពិសោធន៍ក៏គ្រោងពង្រីក សមត្ថភាពសម្រាប់សេវាមន្ទីរពិសោធន៍មេកានិច អគ្គិសនី និងអេឡិចត្រូនិច (MEEL) និងមន្ទីរពិសោធន៍ស្រាវជ្រាវ ដើម្បីលើកកម្ពស់ ភាពប្រកួតប្រជែងរបស់កម្ពុជានៅក្នុងទីផ្សារក្នុងតំបន់ និងពិភពលោក។ជាការឆ្លើយតប, គណៈប្រតិភូនៃគណៈកម្មាធិការទី ៩ រដ្ឋសភា ដឹកនាំដោយលោកជំទាវ និន សាផុន បានកោតសរសើរ ចំពោះសមិទ្ធផលរបស់ស្ថាប័នទាំងពីរ និងបានបញ្ជាក់ការគាំទ្រលើតួនាទីសំខាន់នៃវិទ្យាសាស្ត្រ បច្ចេកវិទ្យា និងនវានុវត្តន៍ ក្នុងការជំរុញ ការអភិវឌ្ឍសេដ្ឋកិច្ច គាំទ្រដល់យុទ្ធសាស្ត្របច្ចកោណដំណាក់កាលទី១ និងចក្ខុវិស័យកម្ពុជា ឆ្នាំ២០២៥ របស់រាជរដ្ឋាភិបាល៕អត្ថបទ៖ រ៉ាឌី

ខ្មាន់កាំភ្លើង០២នាក់ ស្ពាយAK២ដើម ចូលបាញ់រះនៅក្នុងអាគារមួយកន្លែងនៅខណ្ឌពោធិ៍សែនជ័យ រួចរត់គេចខ្លួនបាត់

ភ្នំពេញ ៖ ខ្មាន់កាំភ្លើង០២នាក់ ដែលគេសង្ស័យថាជាជនជាតិចិន ប្រដាប់ដោយអាវុធAK ចំនួន០២ដើម បានចូលធ្វើសកម្មភាពបាញ់០៣គ្រាប់ នៅក្នុងអគារមជ្ឈមណ្ឌលមួយកន្លែង យីហោ « រតនៈសម្បត្តិ » ស្ថិតនៅទល់មុខអាកាសយានដ្ឋានអន្ដរជាតិភ្នំពេញ ស្ថិតក្នុងសង្កាត់កាកាប១ ខណ្ឌពោធិ៍សែនជ័យ នារសៀលថ្ងៃទី១៤ ខែកុម្ភៈ ឆ្នាំ២០២៥នេះ ។ យោងតាមវីឌីអូកាមេរ៉ាសុវត្ថិភាព គេឃើញមានជនជាតិចិនមួយក្រុម ប្រដាប់ដោយអាវុធវែង AK ចំនួន២ដើម ចុះពីលើរថយន្ដមួយគ្រឿង ពាក់ស្លាកលេខ ភ្នំពេញ 2CA-7210 ដើរចូលទៅក្នុងអគារកន្លែងកើតហេតុ រួចរត់ដេញសំដៅតាមមនុស្សមួយក្រុម ដោយបានធ្វើសកម្មភាពបាញ់រះចំនួន៣គ្រាប់ បង្កឱ្យមានការភ្ញាក់ផ្អើលឡើង ។ ក្រោយការផ្ទុះអាវុធចំនួន០៣គ្រាប់ ដែលមិនបានបណ្តាលឱ្យមានមនុស្សណាម្នាក់រងរបួសរួចមក ក្រុមខ្មាន់កាំភ្លើងបានរត់គេចពីទីតាំងកើតហេតុ សំដៅឡើងរថយន្ត រួចបើកចេញគេចខ្លួនបាត់ស្រមោលតែម្តង ។ ជុំវិញការបាញ់រះខាងលើនេះ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានប្រាប់ BTV តាមទូរស័ព្ទ នារសៀលថ្ងៃខែដដែលថា ៖ ការងារនេះ ទុកឲ្យកម្លាំងសមត្ថកិច្ចជំនាញធ្វើការ មួយជំហានសិន ។ បច្ចុប្បន្ននៅកន្លែងកើតហេតុ មានកម្លាំងសមត្ថកិច្ចពាក់ព័ន្ធជាច្រើន មានទាំងថ្នាក់មូលដ្ឋាន , សមត្ថកិច្ចព្រហ្មទណ្ឌរាជធានី និងសមត្ថកិច្ច នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ កំពុងពិនិត្យវិច្ច័យ និងស្រាវជ្រាវតាមជំនាញ ។ ករណីបាញ់រះដដែលនេះ គេនៅមិនទាន់ដឹងថា ផ្តើមចេញពីករណីអ្វីនៅឡើយនោះទេ ប៉ុន្តែតាមជំហានបឋម អាចជាករណីគំនុំរបស់ជនជាតិចិន និងចិនដូចគ្នា ៕ ដោយ ៖ កុម្ភះ

ការត្រួតពិនិត្យលក្ខណៈបច្ចេកទេសយានយន្ត គ្មានការឆៀករថយន្តតាមអនឡាញ ឬគ្រុបតាមតេឡេក្រាមឡើយ

ឯកឧត្តម ផន រឹម អ្នកនាំពាក្យក្រសួងសាធារណៈនិងដឹកជញ្ជូន បានបញ្ជាក់ប្រាប់ឲ្យដឹងនារសៀលថ្ងៃទី១៤ ខែកុម្ភៈ ឆ្នាំ២០២៥នេះថា ការត្រួតពិនិត្យលក្ខណៈបច្ចេកទេសយានយន្ត(ឆៀក) ចាំបាច់ត្រូវតែយានយន្តដែលត្រូវឆៀកនោះ ទៅកាន់មណ្ឌលឆៀក ដើម្បីត្រួតពិនិត្យដោយផ្ទាល់ជាច្រើនចំណុច តាមលក្ខណៈបច្ចេកទេស មុននឹងមណ្ឌលឆៀកសម្រេចថា រថយន្តនោះជាប់ ឬក៏ធ្លាក់ មុននឹងត្រូវផ្តល់វិញ្ញាបណ្ណបត្រជូន។"អ្នកនាំពាក្យក្រសួងសាធារណការ បានបញ្ជាក់យ៉ាងច្បាស់ថា គ្មានការឆៀករថយន្តតាម អនឡាញ ឬគ្រុបតាមតេឡេក្រាមឡើយ។"ឯកឧត្តម ផន រឹម បន្ថែមថាកន្លងមកក្រសួងសាធារណការ និងដឹកជញ្ជូន បានសហការជាមួយសមត្ថកិច្ចក្នុងការចាត់វិធានការលើហ្វេសប៊ុក ហ្វេសប៊ុកផេក តិកតុក តេលេក្រាម និងប្រព័ន្ធបណ្តាញសង្គមនានា ដែលបានផ្សព្វផ្សាយខ្លឹមសារ ក្នុងន័យជាអ្នកបម្រើសេវាសាធារណៈរបស់ក្រសួងដូចជា ការផ្តល់សេវាសាធារណៈចុះបញ្ជីយានយន្ត ត្រួតពិនិត្យលក្ខណៈបច្ចេកទេសយានជំនិះ លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូនផ្លូវគោកក្នុងប្រទេស បណ្ណបើកបរយានយន្ត និងបណ្ណអនុញ្ញាតបើកបរអន្តរជាតិ។សូមបញ្ជាក់ថាព័ត៌មានដែលបានចុះផ្សាយលើទំព័រហ្វេសប៊ុក គណនីហ្វេសប៊ុក និងគណនីតេលេក្រាមទាំងអស់នេះ ជាព័ត៌មានមិនពិត មានចរិតបង្កការភ័ន្តច្រឡំដល់សាធារណជន ធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់ក្រសួងសាធារណការ និងដឹកជញ្ជូនផងដែរ។ ជាមួយគ្នានេះ ក្រសួងសូមជំរុញលើកទឹកចិត្ត និងអំពាវនាវដល់សាធារណជន បងប្អូនប្រជាពលរដ្ឋមេត្តាជៀសវាងការប្រើប្រាស់សេវាសាធារណៈក្រៅផ្លូវការ ដែលនាំឱ្យខាតបង់ពេលវេលា ព្រមទាំងថវិកា និងសូមមកទទួលសេវាសាធារណៈ នៅតាមមណ្ឌលផ្តល់សេវារបស់ក្រសួងសាធារណការ និងដឹកជញ្ជូន៕ អត្ថបទ៖ កុម្ភៈ

ប្រជាកសិករក្នុងខេត្តកំពង់ឆ្នាំង ប្រមូលផលស្រូវប្រាំងបាន២៣៦២៤តោន គិតត្រឹមថ្ងៃទី១៤ ខែកុម្ភៈនេះ

កំពង់ឆ្នាំង ៖ គិតមកដល់ថ្ងៃទី១៤ ខែកុម្ភៈ ឆ្នាំ២០២៥នេះ ប្រជាកសិករខេត្តកំពង់ឆ្នាំង បានប្រមូលផលស្រូវប្រាំងបានចំនួន៥០១៦ហិកតា និងទទួលផលបាន២៣៦២៤តោន។ ឆ្នាំនេះក៏ដូចឆ្នាំមុនៗដែរ ប្រជាកសិករបានធ្វើស្រែប្រាំងបានលើសផែនការ ខណៈស្រូវប្រាំងពេលនេះកំពុងដុះលូតលាស់ល្អប្រសើរ និងមិនមានការរងផលប៉ះពាល់ដោយសារការខ្វះខាតទឹកស្រោចស្រពនោះឡើយ ។ នេះបើតាមការបញ្ជាក់អោយដឹង ពីលោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ឆ្នាំង នៅថ្ងៃទី១៤ ខែកុម្ភៈ ឆ្នាំ២០២៥នេះ ។លោក ងិន ហ៊ុន បានថ្លែងឲ្យដឹងទៀតថា៖ គិតមកដល់ថ្ងៃទី១៤ ខែកុម្ភៈ ឆ្នាំ២០២៥នេះ ប្រជាកសិករខេត្តកំពង់ឆ្នាំង បានប្រមូលផលស្រូវប្រាំងលើផ្ទៃដីស្រែចំនួន៥០១៦ហិកតា លើផ្ទៃដីស្រែវស្សាសរុបចំនួន៥៩៨១០ហិកតា ។ ក្នុងចំណោមផ្ទៃដីដែលប្រមូលផលជាង៥ពាន់ហិកតានេះ ផលដែលទទួលបានចំនួន២៣៦២៥តោន។ ដោយឡែកតម្លៃស្រូវក្នុងសប្តាហ៍នេះ គឺស្រូវក្រអូប(ហាលស្ងួត) តម្លៃ១៤០០រៀល ក្នុង១គីឡូក្រាម, ដែលតម្លៃនេះខ្ពស់ជាងតម្លៃស្រូវឆ្នាំ២០២៤ចំនួន១៥០រៀលក្នុង១គីឡូក្រាម, ស្រូវចំរុះស្ងួតមានតម្លៃ៩៥០រៀលក្នុង១គីឡូក្រាម ទាបជាងឆ្នាំ២០២៤ប្រមាណ៣៥០រៀលក្នុង១គីឡូក្រាម, និងស្រូវOM505សើម មានតម្លៃ៨១៨រៀលក្នុង១គីឡូក្រាម, ស្រូវIR504-04សើម តម្លៃ៧៤២រៀលក្នុង១គីឡូក្រាម, ស្រូវផ្កាក្រវ៉ាន់សើម១០២០រៀលក្នុង១គីឡូក្រាម។ លោកបានបន្តថា៖ ដោយសារមានទឹកស្រោចស្រពគ្រប់គ្រាន់ ស្រូវប្រាំងនេះ កំពុងដុះលូតលាស់ល្អប្រសើរ មិនទាន់មានកន្លែងណាដែលប្រឈមនឹងការខ្វះខាតទឹកនោះឡើយ ។ ម្យ៉ាងទៀតក្រុមការងារថ្នាក់ជាតិ ក្រោមជាតិ ក្រសួងមន្ទីរធនធានទឹក និងកសិកម្ម បានយកចិត្តទុកដាក់ ដោយបានចុះពិនិត្យតាមដានការបង្កបង្កើនផលស្រូវប្រាំងរបស់ប្រជាកសិករជានិច្ច និងបានត្រៀមរួចជាស្រេចនូវម៉ាស៊ីនបូមទឹក ប្រេង ប្រភពទឹកសំរាប់ជួយ។ ក្រៅពីដាំដុះស្រូវប្រាំងហើយ ប្រជាកសិករបានខិតខំដាំដុះដំណាំរួមផ្សំផ្សេងៗទៀតផងដែរ និងចិញ្ចឹមសត្វបន្ថែម ដើម្បីបង្កើនផ្គត់ផ្គង់ជីវភាពក្នុងគ្រួសារអោយធូរធារថែមមួយកម្រឹតទៀត ៕ កាំង ហុងវាស្នា

ឯកឧត្តម ហេង រតនា ជួបពិភាក្សាការងារជាមួយភារធារីស្ថានទូតអាម៉េរិកប្រចាំកម្ពុជា ដើម្បីពង្រឹងកិច្ចសហប្រតិបតិ្តការល្អជាពិសេសលើវិស័យសកម្មភាពកំចាត់មីន

ភ្នំពេញ៖ នៅព្រឹកថ្ងៃសុក្រ ទី១៤ ខែកុម្ភៈ ឆ្នាំ២០២៥ នៅទីបញ្ជាការដ្ឋានស៊ីម៉ាក់ភ្នំពេញ ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក មជ្ឈមណ្ឌលសកម្មភាពកំចាត់មីនកម្ពុជា CMAC បានជួបការសម្ដែងការគួរសម និងពិភាក្សាការងារជាមួយគណៈប្រតិភូស្ថានទូតសហរដ្ឋអាម៉េរិកប្រចាំនៅកម្ពុជា ដឹកនាំដោយលោកស្រី Bridgette Walker ភារធារី នៃស្ថានទូតអាម៉េរិកប្រចាំនៅកម្ពុជានិងអមដំណើរដោយលោក Mr. Jason Kalbfleisch អនុប្រធានស្តីទីស្ថានទូត វរសេនីយ៍ឯក Kyle Saltzman អនុពន្ធ័យោធា និងលោកស្រី Ms. Kelly Saltzman ទទួលបន្ទុកកិច្ចការនយោបាយ។ ក្នុងជំនួបពិភាក្សានេះ ផ្តោតសំខាន់លើការពង្រឹងទំនាក់ទំនងសហប្រតិបតិ្តការល្អរវាងសហរដ្ឋអាម៉េរិកនិងកម្ពុជា ជាពិសេសលើវិស័យសកម្មភាពកំចាត់មីន។ ឆ្លៀតក្នុងឱកាសនេះ ឯកឧត្តម ហេង រតនា បានជម្រាបគណៈប្រតិភូពីវឌ្ឍនភាពសម្រេចបានក៏ដូចផែនការយុទ្ធសាស្ត្រនៃវិស័យបោសសម្អាតមីននៅកម្ពុជា ព្រមទាំងបានថ្លែងអំណរគុណដល់រដ្ឋាភិបាលសហរដ្ឋអាម៉េរិកដែលបានជួយអង្គភាពស៊ីម៉ាក់ក្នុងការបង្កើនសមត្ថភាពនិងលទ្ធភាពនៅក្នងការដោះស្រាយបញ្ហាគ្រាប់មីន និងសំណល់យុទ្ធភណ្ឌសង្រ្គាមនៅកម្ពុជា។ ជាមួយគ្នានេះលោកស្រីក៏បានសម្ដែងនូវការអបអរសាទរនូវសមិទ្ធិផលរបស់កម្ពុជា ដែលសម្រេចបានមិនត្រឹមតែបោសសម្អាតគ្រាប់មីននិងសំណល់យុទ្ធភណ្ឌសង្គ្រាមនៅកម្ពុជាប៉ុណ្ណោះទេ ប៉ុន្តែថែមទាំងបានចូលរួមជួយគាំទ្រដល់ប្រទេសមានបញ្ហាមីននៅលើពិភពលោកផងដែរ។ ក្នុងឱកាសនេះដែរ លោកស្រីក៏បានចូលរួមរំលែកទុក្ខចំពោះការពលីអ្នកឯកទេសបោសសម្អាតពីររូបក្នុងឧបទ្ទហេតុផ្ទុះមីនតោន កាលពីពាក់កណ្តាលខែមករាឆ្នាំ២០២៥កន្លងទៅថ្មីៗនេះ។ ពាក់ពន្ធ័នឹងការផ្អាកជំនួយរបស់សហរដ្ឋអាម៉េរិកនៅទូទាំងសកលលោក ដោយរួមមានប្រទេសកម្ពុជា និងប៉ះពាល់ដល់កម្លាំងប្រតិបត្តិការរបស់អង្គភាពស៊ីម៉ាក់ផងនោះ លោកស្រីបានបញ្ជាក់ថា ករណីលោកស្រីទទួលបានព័ត៌មានជាក់លាក់ពីរដ្ឋាភិបាលអាមេរិកនោះនឹងផ្តល់ដំណឹងមកអង្គភាពស៊ីម៉ាក់។ លោកស្រីក៏បានសម្តែងនូវសុទិដ្ឋិនិយមអំពីទំនាក់ទំនងល្អរវាងប្រទេសទាំងពីរ ហើយសង្ឃឹមថាគ្រប់យ៉ាងនឹងមានភាពកាន់តែល្អប្រសើរនាពេលអនាគត៕

គម្រោងលើកកម្រិតគុណភាពផ្លូវជាតិលេខ៤៨ សម្រេចលទ្ធផល ៨៥,១២% ហើយ គិតត្រឹមថ្ងៃទី១២ ខែកុម្ភៈនេះ

ភ្នំពេញ៖ ផ្លូវជាតិលេខ៤៨ មានប្រវែងសរុប ១៤៨,០៣៨គីឡូម៉ែត្រ ដែលតភ្ជាប់ពីផ្លូវជាតិលេខ៤ ឆ្ពោះទៅខេត្តកោះកុង ត្រូវបានលើកកម្រិតគុណភាពជាប្រភេទបេតុងកៅស៊ូ(AC) ដែលបច្ចុប្បន្នកំពុងសម្រុកខ្លាំង ដើម្បីធានាសម្រេចវឌ្ឍនភាពតាមការគ្រោងទុកនៅបំណាច់រដូវប្រាំង ឆ្នាំ២០២៥ខាងមុខនេះ។ ក្នុងអំឡុងបុណ្យចូលឆ្នាំថ្មី ប្រពៃណីជាតិខ្មែរ ដែលនឹងឈានចូលមកដល់នាពេលឆាប់ៗខាងមុខនេះ ប្រជាពលរដ្ឋអាចធ្វើដំណើរដោយភាពងាយស្រួល លែងលំបាកដូចមុនហើយ។ផ្លូវជាតិលេខ៤៨ គឺជាខ្សែផ្លូវដ៏សំខាន់ និងយុទ្ធសាស្ត្រ របស់រាជរដ្ឋាភិបាល ដែលជាបណ្ដាញតភ្ជាប់ប្រកបដោយសក្តានុពលសម្រាប់សេដ្ឋកិច្ច ពាណិជ្ជកម្ម ដឹកជញ្ជូន ភស្តុភារកម្ម ទេសចរណ៍។ ខ្សែផ្លូវនេះដើរតួនាទី ជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក៏ដូចជាខេត្តកោះកុង ក្នុងការជួយសម្រួលដល់ការតភ្ជាប់ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្ម ឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច៕

ផ្លូវដែលសម្ដេចធិបតី ហ៊ុន ម៉ាណែត សន្យាផ្ដល់ជូនដល់ពលរដ្ឋនៅសហគមន៍ទេសចរណ៍ធម្មជាតិកំពង់ភ្លុក សាងសង់បាន ៣០% និងបញ្ជរលក់សំបុត្របាន ២០%

សៀមរាប៖ នាព្រឹកថ្ងៃទី១៤ ខែកុម្ភៈ ឆ្នាំ២០២៥ ផ្លូវមួយខ្សែប្រភេទក្រាលកៅស៊ូ (DBST) ប្រវែងជាង៩គីឡូម៉ែត្រ ដែលសម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា បានសន្យាជូនដល់បងប្អូនប្រជាពលរដ្ឋដែលរស់នៅក្នុងតំបន់សហគមន៍ទេសចរណ៍ធម្មជាតិកំពង់ភ្លុក គិតមកដល់ពេលនេះសម្រេចបានការសាងសង់ចំនួន ៣០%ហើយ ដោយឡែកសម្រាប់បញ្ជរលក់សំបុត្រសម្រេចបានចំនួន ២០%។តាមការបញ្ជាក់ពីប្រជាពលរដ្ឋ សិស្សានុសិស្ស និងភ្ញៀវទេសចរ ដែលឆ្លងកាត់តំបន់នោះបានឱ្យដឹងថា កាលពីមុនផ្លូវមួយខ្សែរនេះ ពិបាកក្នុងការធ្វើដំណើរ ដោយរដូវប្រាំងហុយ និងរដូវវស្សារអិល ដែលអាចបង្ករគ្រោះថ្នាក់ដល់អ្នកដំណើរ ប៉ុន្ដែក្រោយពីសម្ដេចធិបតីផ្ដល់ផ្លូវមួយខ្សែរនេះ ការធ្វើដំណើរកាន់តែងាយស្រួលជាងមុន និងទាក់ទាញភ្ញៀវទេសចរមកកាន់តំបន់នេះកាន់តែច្រើនបន្ថែមទៀតផងដែរ។ក្នុងនាមរដ្ឋបាលខេត្ត និងជួសមុខឱ្យបងប្អូនប្រជាពលរដ្ឋខេត្តសៀមរាប សូមគោរពថ្លែងអំណរគុណយ៉ាងជ្រាលជ្រៅបំផុតចំពោះការយកចិត្តទុកដាក់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី លើការសាងសង់ក្រាលកៅស៊ូ (DBST) ដែលមានប្រវែងជាង៩គីឡូម៉ែត្រមួយខ្សែនេះ។សូមជម្រាបជូនថា ផ្លូវក្រាលកៅស៊ូ (DBST) ដែលមានប្រវែងជាង៩គីឡូម៉ែត្រមួយខ្សែនេះមិនត្រឹមតែជួយសម្រួលដល់ការធ្វើដំណើរនោះទេ ប៉ុន្តែនឹងជួយជំរុញភ្ញៀវទេសចរទៅកាន់តំបន់សហគមន៍ទេសចរណ៍ធម្មជាតិកំពង់ភ្លុកកាន់តែច្រើន ដែលនឹងជួយបង្កើនចំណូលនិងលើកកម្ពស់ជីវភាពរស់នៅរបស់ប្រជាពលរដ្ឋនៅទីនោះ៕

អង្គការ-សហជីពជាង ១០០ ថ្កោលទោស និងស្នើសមត្ថកិច្ចតាមរកមេក្លោងប៉ុនប៉ងធ្វើឃាតសម្ដេចតេជោ និងគ្រួសារ មកផ្ដន្ទាទោសតាមច្បាប់

ថ្នាក់ដឹកនាំ សមាជិក សមាជិកា នៃសហជីពកម្មករ និងអង្គការសមាគមន៍នានានៅកម្ពុជាប្រមាណ ១១៣ បានចេញញត្តិថ្កោលទោស ចំពោះគម្រោងប៉ុនប៉ងធ្វើឃាត សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងស្នើរឲ្យសមត្ថកិច្ចស្រាវជ្រាវរកមេក្លោងនៅពីក្រោយខ្នង នៃការរៀបចំផែនការដ៏ខ្មៅកខ្វក់នេះមកផ្ដន្ទាទោសតាមច្បាប់។លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC) នៅក្នុងបទសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី១៤ ខែកុម្ភៈនេះ បានមានប្រសាសន៍ថា ក្នុងនាមតំណាងឲ្យកម្មករនិយោជិតទាំងអស់ គឺត្រូវការសន្តិភាព ដូច្នេះអ្វីដែលជាការប៉ុនប៉ងទៅលើថ្នាក់ដឹកនាំរបស់កម្ពុជា គឺយើងប្រឆាំងដាច់ខាត និងសុំធ្វើការថ្កោលទោសយ៉ាងដាច់អហង្ការចំពោះទង្វើររបស់ជនជ្រុលនិយមនេះ ព្រោះប្រទេសកម្ពុជាប្រកបដោយសន្តិភាព គឺអាស្រ័យលើថ្នាក់ដឹកនាំ ដូច្នេះថ្នាក់ដឹកនាំរហូតមកដល់បច្ចុប្បន្ននេះ គឺបានដឹកនាំប្រទេសជាយូរឆ្នាំ ហើយប្រកបដោយមានការអភិវឌ្ឍន៍ខ្ពស់ រីកចម្រើន ជាពិសេសកម្មករកម្មការិនីក៏ទទួលបានការងារធ្វើដោយសារកត្តាសន្តិសុខភាពឯង។ទន្ទឹមនេះ លោកប្រធានសភាសម្ព័ន្ធសហជីពជាតិកម្ពុជា បានអំពាវនាវដល់កម្មករ កម្មការិនីទាំងអស់ សូមចូលរួមការពារសន្តិភាពជាចម្បង ហើយនឹងចូលរួមសហការជាមួយអាជ្ញាធរមានសមត្ថកិច្ចនូវព័ត៌មានណា ឬជនខិលខូចណាដែលមានការប៉ុនប៉ងចំពោះការធ្វើអាក្រក់ណាមួយនៅក្នុងប្រទេសកម្ពុជា ក៏ដូចជាបំផុសចលនាមួយដែលបង្ករឲ្យមានសង្រ្កាមកើតឡើងនោះ គឺសុំឲ្យកម្មករ កម្មការិនីចូលរួមទាំងអស់គ្នា ដើម្បីការពារសន្តិភាព ការពារការងារ និងការពារនូវអ្វីដែលជាភាពសុខសាន្តរបស់ជាតិទាំងអស់គ្នា។ កាលពីថ្ងៃទី១៣ ខែកុម្ភៈ ឆ្នាំ២០២៥កន្លងទៅ សម្ដេចតេជោ ហ៊ុន សែន អតីតនាយករដ្ឋមន្រ្ដី និងជាប្រធានព្រឹទ្ធសភានៃព្រះរាជាណាចក្រកម្ពុជា បានបង្ហាញសារសំឡេងចំនួនពីរ ដែលក្រុមជ្រុលនិយមប៉ុនប៉ងប្រើដ្រូនធ្វើឃាតសម្ដេច និងក្រុមគ្រសារ ខណៈសម្ដេចដឹងថា មេធំរបស់ពួកគេជាអ្នកណា និងនៅទីណាហើយនឹងបានប្រកាសកម្ចាត់ចោលក្រុមជ្រុលនិយមមានចរិតជាភេរវកម្មនេះ។ ទន្ទឹមនេះ សម្ដេចតេជោ ក៏បានប្រកាសធ្ងន់ថា សម្ដេចនឹងកម្ចាត់ចោលអ្នកណាក៏ដោយ ដែលចង់សម្លាប់សម្ដេច និងគ្រួសាររបស់សម្ដេច៕ អត្ថបទ ឈិត បូរ៉ាវី

ឯកឧត្តម ហ៊ុន ម៉ានី៖ រាជរដ្ឋាភិបាលកំពុងអនុវត្តវិធានការគន្លឹះដើម្បីសម្រេចគោលដៅឆ្ពោះទៅការធ្វើទំនើបកម្មស្ថាប័នរដ្ឋបាលសាធារណៈ ប្រកបដោយសមត្ថភាពខ្ពស់ ខ្លាំង វៃឆ្លាត និងស្អាតស្អំ

ភ្នំពេញ៖ តបតាមសំណើរបស់ធនាគារពិភពលោកប្រចាំកម្ពុជា ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានទទួលជួប លោកស្រី Lalita M.Moorty នាយិកាធនាគារពិភពលោក ផ្នែកវិបុលភាពប្រចាំតំបន់អាស៊ីបូព៌ា និងប៉ាស៊ីហ្វិក និងសហការី នារសៀលថ្ងៃទី១៣ ខែកុម្ភៈ ឆ្នាំ២០២៥ នៅសាលាភូមិន្ទរដ្ឋបាល។ កិច្ចជំនួបនេះ ក៏មានការអញ្ជើញចូលរួមពីសំណាក់ថ្នាក់ដឹកនាំជាន់ខ្ពស់ និងថ្នាក់ដឹកនាំជំនាញរបស់ក្រសួងផងដែរ។ជាកិច្ចចាប់ផ្តើម ថ្នាក់ដឹកនាំទាំងពីរ បានគូសបញ្ជាក់ និងវាយតម្លៃខ្ពស់លើកិច្ចសហប្រតិបត្តិការ និងភាពជាដៃគូរវាងកម្ពុជា និងធនាគារពិភពលោក នាពេលកន្លងមក ដែលស្របតាមចក្ខុវិស័យ និងអាទិភាពរបស់រាជរដ្ឋាភិបាលកម្ពុជា។ ជាមួយគ្នានេះ លោកស្រី Lalita M.Moorty បានបង្ហាញការចាប់អារម្មណ៍ខ្ពស់ ក្នុងការស្វែងយល់បន្ថែមពីការងារកំណែទម្រង់រដ្ឋបាលសាធារណៈនៅកម្ពុជា ក្នុងអាណត្តិទី៧ នៃរដ្ឋសភា និងមានបំណងក្នុងការពិភាក្សាបន្តលើកិច្ចសហប្រតិបត្តិការរបស់ធនាគារពិភពលោក និងក្រសួងមុខងារសាធារណៈ។ ឯកឧត្តមឧបនាយករដ្ឋមន្ត្រី ហ៊ុន ម៉ានី បានកត់សម្គាល់នូវកិច្ចសហការ និងការបន្តគាំទ្រពីធនាគារពិភពលោក តាមរយៈគម្រោងវិនិយោគលើវិស័យសំខាន់ៗនានា ព្រមទាំងបានថ្លែងអំណរគុណធនាគារពិភពលោក ដែលបានគាំទ្រវិស័យមុខងារសាធារណៈ ដោយការផ្តល់នូវកិច្ចសហការយ៉ាងជិតស្និតជាមួយក្រសួងមុខងារសាធារណៈ ក៏ដូចជាសាលាភូមិន្ទរដ្ឋបាល ជាពិសេសតាមរយៈជំនួយផ្នែកបច្ចេកទេស និងការសហការរៀបចំសិក្ខាសាលា វគ្គបណ្តុះបណ្តាលជាបន្តបន្ទាប់ ដើម្បីអភិវឌ្ឍសមត្ថភាពមន្ត្រីរាជការនៃក្រសួង និងមន្ត្រីរាជការដែលកំពុងបម្រើការងារក្នុងវិស័យរដ្ឋបាលសាធារណៈ។ទន្ទឹមនេះ ឯកឧត្តមឧបនាយករដ្ឋមន្ត្រី បានគូសបញ្ជាក់ជូនប្រតិភូធនាគារពិភពលោក នូវចក្ខុវិស័យរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការកែទម្រង់រដ្ឋបាលសាធារណៈ ជាពិសេសលើការអនុវត្តវិធានការគន្លឹះទាំង៣ ដើម្បីសម្រេចគោលដៅឆ្ពោះទៅការធ្វើទំនើបកម្មស្ថាប័នរដ្ឋបាលសាធារណៈ ដែលប្រកបដោយសមត្ថភាពខ្ពស់ ខ្លាំង វៃឆ្លាត និងស្អាតស្អំ។ តាមរយៈកិច្ចជំនួបរសៀលនេះដែរ ថ្នាក់ដឹកនាំ និងអង្គប្រជុំ ក៏បានផ្លាស់ប្តូរមតិយោបល់ និងពិភាក្សាគ្នា លើការពិនិត្យលទ្ធភាព ពង្រីកវិសាលភាពនៃកិច្ចសហប្រតិបត្តិការក្នុងភាពជាដៃគូអភិវឌ្ឍន៍ឱ្យកាន់តែចំគោលដៅបន្ថែមទៀត ដើម្បីរួមចំណែកក្នុងការសម្រេចជោគជ័យនូវការអនុវត្តគោលនយោបាយកំណែទម្រង់រដ្ឋបាលសាធារណៈ និងកិច្ចការជាអាទិភាពរបស់រាជរដ្ឋាភិបាល អាណត្តិទី៧៕

បណ្ដាញសង្គម

ព័ត៌មានថ្មីៗ

មេដឹកនាំហ្វីលីពីន នឹងពិភាក្សាអំពីពាណិជ្ជកម្ម និងសន្តិសុខ អំឡុងទស្សនកិច្ចនៅអាមេរិក ខណៈពន្ធគយលេចឡើងស្ទុងៗ

អ៊ីរ៉ង់ច្រានចោលការអះអាងរបស់អាមេរិកដែលថា ខ្លួនបញ្ជូនអាវុធទៅឲ្យក្រុមហ៊ួទី នៅប្រទេសយេម៉ែន

អ៊ីស្រាអែល បដិសេធរបាយការណ៍អំពីការវាយប្រហារពេលយប់ នៅស៊ីរី

សម្ដេចធិបតី៖បូជនីយដ្ឋានចងចាំនៃកម្ពុជានឹងក្លាយជាការចងចាំជាសាកល និងជាមជ្ឈមណ្ឌលអន្តរជាតិ

លោកអ្នកឧកញ៉ាបណ្ឌិត ទ្រី ភាព ជួបសំណេះសំណាលជាមួយនិស្សិតជ័យលាភីអាហារូបករណ៍ទៅសិក្សានៅប្រទេសហុងគ្រីចំនួន ១៦រូប

សម្ដេចធិបតី៖ខែកក្កដាជាពេលវេលាដ៏មានអត្ថន័យ ខណៈសម្បត្តិបេតិកភណ្ឌជាតិ៣ត្រូវបានចុះបញ្ជីនៅយូណេស្កូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រុមប្រឹក្សាឃុំសង្កាត់ខេត្តស្វាយរៀងថ្កោលទោសជន អគតិប៉ុនប៉នសម្លាប់សម្ដេចអគ្គមហាសេនាបតីតេជោហ៊ុនសែន

មន្ទីរពិសោធន៍ជាតិ កំពុងគាំទ្រដល់វិស័យសំខាន់ៗលើការប្រកួតប្រជែងរបស់កម្ពុជាក្នុងតំបន់ និងពិភពលោក

ខ្មាន់កាំភ្លើង០២នាក់ ស្ពាយAK២ដើម ចូលបាញ់រះនៅក្នុងអាគារមួយកន្លែងនៅខណ្ឌពោធិ៍សែនជ័យ រួចរត់គេចខ្លួនបាត់

ការត្រួតពិនិត្យលក្ខណៈបច្ចេកទេសយានយន្ត គ្មានការឆៀករថយន្តតាមអនឡាញ ឬគ្រុបតាមតេឡេក្រាមឡើយ

ប្រជាកសិករក្នុងខេត្តកំពង់ឆ្នាំង ប្រមូលផលស្រូវប្រាំងបាន២៣៦២៤តោន គិតត្រឹមថ្ងៃទី១៤ ខែកុម្ភៈនេះ

គម្រោងលើកកម្រិតគុណភាពផ្លូវជាតិលេខ៤៨ សម្រេចលទ្ធផល ៨៥,១២% ហើយ គិតត្រឹមថ្ងៃទី១២ ខែកុម្ភៈនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រុមប្រឹក្សាឃុំសង្កាត់ខេត្តស្វាយរៀងថ្កោលទោសជន អគតិប៉ុនប៉នសម្លាប់សម្ដេចអគ្គមហាសេនាបតីតេជោហ៊ុនសែន

មន្ទីរពិសោធន៍ជាតិ កំពុងគាំទ្រដល់វិស័យសំខាន់ៗលើការប្រកួតប្រជែងរបស់កម្ពុជាក្នុងតំបន់ និងពិភពលោក

ខ្មាន់កាំភ្លើង០២នាក់ ស្ពាយAK២ដើម ចូលបាញ់រះនៅក្នុងអាគារមួយកន្លែងនៅខណ្ឌពោធិ៍សែនជ័យ រួចរត់គេចខ្លួនបាត់

ការត្រួតពិនិត្យលក្ខណៈបច្ចេកទេសយានយន្ត គ្មានការឆៀករថយន្តតាមអនឡាញ ឬ​គ្រុប​តាម​តេឡេ​ក្រាម​ឡើយ

ប្រជាកសិករក្នុងខេត្តកំពង់ឆ្នាំង ប្រមូលផលស្រូវប្រាំងបាន២៣៦២៤តោន គិតត្រឹមថ្ងៃទី១៤ ខែកុម្ភៈនេះ

គម្រោងលើកកម្រិតគុណភាពផ្លូវជាតិលេខ៤៨ សម្រេចលទ្ធផល ៨៥,១២% ហើយ គិតត្រឹមថ្ងៃទី១២ ខែកុម្ភៈនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការត្រួតពិនិត្យលក្ខណៈបច្ចេកទេសយានយន្ត គ្មានការឆៀករថយន្តតាមអនឡាញ ឬគ្រុបតាមតេឡេក្រាមឡើយ