នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
នាយឧត្តមសេនីយ៍ ខ្វាន់ ស៊ាម៖ ភារកិច្ចស្នូលរបស់កងកម្លាំងក្នុងសម័យសន្តិភាព គឺធ្វើទំនាក់ទំនងល្អជាមួយប្រទេសជិតខាង
រយៈពេល៦ថ្ងៃ ក្នុងយុទ្ធនាការ​បោសសម្អាត​ករណីឆបោកតាមប្រព័ន្ធបច្ចេកវិទ្យា សមត្ថកិច្ចខេត្តពោធិ៍សាត់ ឃាត់ខ្លួនជនបរទេស ចំនួន១០២នាក់
សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

ព័ត៌មានជាតិ

ឯកឧត្តមរដ្ឋមន្ត្រី ឌិត ទីណា អញ្ជើញជួបសំណេះសំណាលជាមួយកសិករផលិតស្រូវផ្សព្វផ្សាយពីការចងក្រងសហគមន៍កសិកម្មទំនើប​ និងចុះត្រួតពិនិត្យស្ថានីយ៍បូមទឹក នៅខេត្តកំពង់ធំ

2025/01/27 04:57:29 pm        90
Facebook Telegram Linkin
កំពង់ធំ៖ នាព្រឹកថ្ងៃទី២៧ ខែមករា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានអញ្ជើញជួបសំណេះសំណាលជាមួយកសិករផលិតស្រូវផ្សព្វផ្សាយពីការចងក្រងសហគមន៍កសិកម្មទំនើប​ និងចុះត្រួតពិនិត្យស្ថានីយ៍បូមទឹក​ នៅស្រុកបារាយណ៍​ ខេត្តកំពង់ធំ​។ក្នុងជំនួបសំណេះសំណាលនេះ ឯកឧត្តមរដ្ឋមន្ត្រី បានលើកឡើងពីសហគមន៍កសិកម្មទំនើប ដែលមានសារៈសំខាន់ជាច្រេីនក្នុងការកាត់បន្ថយថ្លៃដេីមផលិត​ មានផែនការផលិតកម្មច្បាស់លាស់ ផលិតតាមតម្រូវការទីផ្សារ​ មានកិច្ចសន្យាផលិតកម្ម ទទួលបានកម្ចីការប្រាក់ទាប មានការគាំទ្របច្ចេកទេសពីក្រសួង និងមានទីផ្សារពិតប្រាកដ។បើតាម ឯកឧត្តមរដ្ឋមន្ត្រី សហគមន៍កសិកម្មទំនេីបនេះ​ ទទួលបានការណែនាំពីក្រសួងកសិកម្មផ្ទាល់ពាក់ព័ន្ធនឹងការប្រើប្រាស់ធាតុចូលកសិកម្មតាមរយៈមន្រ្តីកសិកម្មឃុំ​ និងដឹងពីការប្រើប្រាស់ទឹកស្របតាមទំហំផ្ទៃដីផលិតកម្ម ប្រការសំខាន់ត្រូវមានការសហការរួមគ្នា​ កសាងទំនុកចិត្តជាមួយគ្នា​ គោរពច្បាប់លក្ខន្តិកៈរបស់សហគមន៍​ ដើម្បីទទួលបានផលចំនេញសេដ្ឋកិច្ច និងមាននិរន្តរភាព។ដោយយល់ឃេីញពីផលប្រយោជន៍យូរអង្វែង​ ប្រជាកសិករ​ផលិតស្រូវ​ បានឯកភាពរួមគ្នា​ក្នុងការបង្កេីតសហគមន៍កសិកម្មទំនេីបនេះឡេីង និងស្នេីសុំ​ ឯកឧត្តមរដ្ឋមន្ត្រី​ ក្នុងការចងក្រងច្បាប់​ដេីម្បីចុះបញ្ជី​ ព្រមទាំងងាកមកដាំពូជស្រូវសែនក្រអូប​ដែលមាន​ ៥០០ហិកតាស្រាប់​ និងបន្តពង្រីកសក្តានុពលនៃពូជក្នុងស្រុកនេះចំនួន​ ៣ ១៥៨​ ហិកតា​នារដូវក្រោយក្នុងខែមេសានេះ​ ជាមួយនឹងកិច្ចសន្យាផលិតកម្ម​ និងមានតម្លៃទីផ្សារខ្ពស់។ជាកិច្ចបន្ទាប់​ ឯកឧត្តមរដ្ឋមន្ត្រី​ បានបន្តបេសកកម្ម​ចុះត្រួតពិនិត្យស្ថានីយ៍បូមទឹក​ ក្នុងគោលបំណងពិនិត្យមេីលសណ្ឋានភាពទឹក​សម្រាប់ស្រែប្រាំងរបស់ប្រជាកសិករក្នុងស្រុកបារាយណ៍​នេះ​ ដេីម្បីកុំឱ្យមានការខ្វះខាត​ និងអាចគ្រប់គ្រងបានដោយមិនប៉ះពាល់ដល់ផលិតកម្មដំណាំស្រូវ៕

កម្មវិធីអភិវឌ្ឍន៍ប្រចាំប្រទេសរបស់ UNDP និងគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ

2025/01/27 04:54:16 pm        32
Facebook Telegram Linkin
ភ្នំពេញ ៖ កម្មវិធីអភិវឌ្ឍន៍ប្រចាំប្រទេសរបស់ UNDP នឹងដើរតួនាទីសំខាន់ ក្នុងការគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ ពិសេស ការចាកចេញពីចំណាត់ក្រុមប្រទេសអភិវឌ្ឍន៍តិចតួច និងការសម្រេចបានគោលដៅអភិវឌ្ឍន៍ ប្រកបដោយចីរភាព។​ឯកឧត្តម រ៉ិត វុទ្ធី អគ្គលេខាធិការគណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា ក្នុងកិច្ចប្រជុំ លើកទី១ នៃគណៈកម្មាធិការគម្រោងអភិវឌ្ឍន៍ប្រចាំប្រទេស របស់កម្មវិធីអភិវឌ្ឍន៍សហប្រជាជាតិប្រចាំកម្ពុជា នៅថ្ងៃទី ២៧ មករា នេះ ឯកឧត្តមអគ្គលេខាធិការ បានសម្តែងនូវការស្វាគមន៍យ៉ាងកក់ក្តៅ និងបានវាយតម្លៃខ្ពស់ ចំពោះកិច្ចសហប្រតិបត្តិការដ៏ល្អ រវាង រដ្ឋាភិបាលកម្ពុជា និង UNDP ដោយសម្រេចបានលទ្ធផលផ្លែផ្កាជាច្រើន តាមរយៈការអនុវត្តកម្មវិធីប្រចាំប្រទេសរបស់ UNDP កន្លង មក។ ឯកឧត្តមអគ្គលេខាធិការ បានរំលឹកជូនអង្គប្រជុំ ពីសាវតា នៃការបង្កើតគណៈកម្មាធិការគម្រោងអភិវឌ្ឍន៍ប្រចាំប្រទេស ដែល មានតួនាទីក្នុងការត្រួតពិនិត្យ តាមដានវឌ្ឍនភាព និងបញ្ហាប្រឈមនានា ក្នុងអំឡុងពេលនៃការអនុវត្ដកម្មវិធីអភិវឌ្ឍន៍ប្រចាំប្រទេស។ ជាការឆ្លើយតប លោកស្រី Alissa Chaker ប្រធានតំណាងកម្មវិធីអភិវឌ្ឍន៍សហប្រជាជាតិប្រចាំកម្ពុជា UNDP ក៏បានបង្ហាញ ការកោតសរសើរ ចំពោះការអភិវឌ្ឍន៍យ៉ាងឆាប់រហ័សរបស់កម្ពុជាលើគ្រប់វិស័យ និងកត់ត្រានូវរាល់អនុសាសន៍របស់អង្គប្រជុំ ដើម្បីធានាការអនុវត្តផែនការអាទិភាពឆ្នាំ ២០២៥ ទទួលបានលទ្ធផលកាន់តែប្រសើរឡើង, លោកស្រីក៏បានលើកឡើងនូវប្ដេជ្ញាចិត្ដ របស់ UNDP ក្នុងការបន្ដគាំទ្រកម្ពុជាក្នុងកិច្ចអភិវឌ្ឍន៍។ ជាលទ្ធផល, អង្គប្រជុំបានវាយតម្លៃខ្ពស់ ចំពោះសមិទ្ធផលសម្រេចបានក្នុងអនុវត្តកម្មវិធីប្រចាំប្រទេសក្នុងឆ្នាំ ២០២៤ ពិសេសការ ចូលរួមជម្រុញការអភិវឌ្ឍធនធានមនុស្ស, ការការពារបរិស្ថាន, ការលើកម្ពស់ប្រព័ន្ធគាំពារសង្គម, ប្រព័ន្ធអភិបាលកិច្ច និងការបោស សំអាតមីន។ សមិទ្ធផលទាំងនេះ ពិតជាបានគាំទ្រ និងបំពេញបន្ថែម ដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការជម្រុញ កំណើនសេដ្ឋកិច្ចប្រកបដោយចីរភាព ។ អង្គប្រជុំ សង្ឃឹមយ៉ាងមុតមាំថា កម្មវិធីអភិវឌ្ឍន៍ប្រចាំប្រទេសឆ្នាំ ២០២៤-២០២៨ នឹងដើរ តួនាទីសំខាន់ ក្នុងការគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ ពិសេសការចាកចេញពីចំណាត់ក្រុមប្រទេសអភិវឌ្ឍន៍តិចតួច និងការសម្រេចបានគោលដៅអភិវឌ្ឍន៍ប្រកបដោយចីរភាព៕អត្ថបទ៖ សុន រ៉ាឌី

កម្មវិធីអភិវឌ្ឍន៍ប្រចាំប្រទេសរបស់ UNDP នឹងគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ

2025/01/27 04:46:06 pm        154
Facebook Telegram Linkin
កម្មវិធីអភិវឌ្ឍន៍ប្រចាំប្រទេសរបស់ UNDP នឹងដើរតួនាទីសំខាន់ ក្នុងការគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ ពិសេស ការចាកចេញពីចំណាត់ក្រុមប្រទេសអភិវឌ្ឍន៍តិចតួច និងការសម្រេចបានគោលដៅអភិវឌ្ឍន៍ ប្រកបដោយចីរភាព។ឯកឧត្តម រ៉ិត វុទ្ធី អគ្គលេខាធិការគណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា ក្នុងកិច្ចប្រជុំ លើកទី១ នៃគណៈកម្មាធិការគម្រោងអភិវឌ្ឍន៍ប្រចាំប្រទេស របស់កម្មវិធីអភិវឌ្ឍន៍សហប្រជាជាតិប្រចាំកម្ពុជា នៅថ្ងៃទី ២៧ មករា នេះ ឯកឧត្តមអគ្គលេខាធិការ បានសម្តែងនូវការស្វាគមន៍យ៉ាងកក់ក្តៅ និងបានវាយតម្លៃខ្ពស់ ចំពោះកិច្ចសហប្រតិបត្តិការដ៏ល្អ រវាង រដ្ឋាភិបាលកម្ពុជា និង UNDP ដោយសម្រេចបានលទ្ធផលផ្លែផ្កាជាច្រើន តាមរយៈការអនុវត្តកម្មវិធីប្រចាំប្រទេសរបស់ UNDP កន្លង មក។ ឯកឧត្តមអគ្គលេខាធិការ បានរំលឹកជូនអង្គប្រជុំ ពីសាវតា នៃការបង្កើតគណៈកម្មាធិការគម្រោងអភិវឌ្ឍន៍ប្រចាំប្រទេស ដែល មានតួនាទីក្នុងការត្រួតពិនិត្យ តាមដានវឌ្ឍនភាព និងបញ្ហាប្រឈមនានា ក្នុងអំឡុងពេលនៃការអនុវត្ដកម្មវិធីអភិវឌ្ឍន៍ប្រចាំប្រទេស។ ជាការឆ្លើយតប លោកស្រី Alissa Chaker ប្រធានតំណាងកម្មវិធីអភិវឌ្ឍន៍សហប្រជាជាតិប្រចាំកម្ពុជា UNDP ក៏បានបង្ហាញ ការកោតសរសើរ ចំពោះការអភិវឌ្ឍន៍យ៉ាងឆាប់រហ័សរបស់កម្ពុជាលើគ្រប់វិស័យ និងកត់ត្រានូវរាល់អនុសាសន៍របស់អង្គប្រជុំ ដើម្បីធានាការអនុវត្តផែនការអាទិភាពឆ្នាំ ២០២៥ ទទួលបានលទ្ធផលកាន់តែប្រសើរឡើង, លោកស្រីក៏បានលើកឡើងនូវប្ដេជ្ញាចិត្ដ របស់ UNDP ក្នុងការបន្ដគាំទ្រកម្ពុជាក្នុងកិច្ចអភិវឌ្ឍន៍។ ជាលទ្ធផល, អង្គប្រជុំបានវាយតម្លៃខ្ពស់ ចំពោះសមិទ្ធផលសម្រេចបានក្នុងអនុវត្តកម្មវិធីប្រចាំប្រទេសក្នុងឆ្នាំ ២០២៤ ពិសេសការ ចូលរួមជម្រុញការអភិវឌ្ឍធនធានមនុស្ស, ការការពារបរិស្ថាន, ការលើកម្ពស់ប្រព័ន្ធគាំពារសង្គម, ប្រព័ន្ធអភិបាលកិច្ច និងការបោស សំអាតមីន។ សមិទ្ធផលទាំងនេះ ពិតជាបានគាំទ្រ និងបំពេញបន្ថែម ដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការជម្រុញ កំណើនសេដ្ឋកិច្ចប្រកបដោយចីរភាព ។ អង្គប្រជុំ សង្ឃឹមយ៉ាងមុតមាំថា កម្មវិធីអភិវឌ្ឍន៍ប្រចាំប្រទេសឆ្នាំ ២០២៤-២០២៨ នឹងដើរ តួនាទីសំខាន់ ក្នុងការគាំទ្រកម្ពុជាសម្រេចបានអាទិភាពអភិវឌ្ឍន៍ជាតិ ពិសេសការចាកចេញពីចំណាត់ក្រុមប្រទេសអភិវឌ្ឍន៍តិចតួច និងការសម្រេចបានគោលដៅអភិវឌ្ឍន៍ប្រកបដោយចីរភាព៕ អត្ថបទ៖ សុន រ៉ាឌី

សហគមន៏ផលិតបន្លែសិរីរាង្គសាក់ខេត្តស្វាយរៀងទទួលការគាំទ្រពីទីផ្សារក្នុងនិងក្រៅស្រុក

2025/01/27 04:43:00 pm        108
Facebook Telegram Linkin
ស្វាយរៀង ៖ បន្លែសិរីរាង្គផលិតតាមរយះសហគមន៍ផ្គត់ផ្គង់បន្លែស្វាយរៀងហៅកាត់(សាក់)ត្រូវបានទីផ្សារក្នុងនិងក្រៅស្រុកបន្តគាំទ្រ ខណៈដែលសមាជិកសហគមន៍ដាំដុះប្រើប្រាស់ ជីធម្មជាតិ គ្មានសារៈធាតុគីមី ហូបពិសាហើយមិនប៉ះដល់ពាល់សុខភាព ។ លោក ធាន វណ្ណា សមាជិកសហគមន៍ផ្គត់ផ្គង់បន្លែសរីរាង្គហៅកាត់(សាក់) ឃុំកំពង់ចំឡង ស្រុកស្វាយជ្រំ ខេត្តស្វាតរៀង នៅថ្ងៃទី២៧ ខែមករា ឆ្នាំ២០២៥នេះ បានប្រាប់ទូរទស្សន៏៏btv អោយដឹងថាសហគមន៍(សាក់)បន្ទាប់ពីបានបង្កើតឡើងរហូតមកដល់បច្ចុប្បន្ននេះ មានរយៈពេលជាង១០ឆ្នាំកន្លងមកហើយ ដោយមានសមាជិកអ្នកដាំដុះ ផលិតបន្លែប្រើប្រាស់ ជីធម្មជាតិក្នុងស្រុក ជាង៣០០គ្រួសារ ។ លោកបានបញ្ជាក់បន្ថែមថាសហគមន៍ផ្គត់ផ្គង់បន្លែហៅកាត់(សាក់) បន្ទាប់ពីដំណើរការបានជាង១០ឆ្នាំកន្លងមកនេះសហគមន៍បានធ្វើកិច្ចសន្យាទិញ លក់ជាមួយនឹងទីផ្សារទំនើបមួយចំនួននៅរាជធានីភ្នំពេញ និងនៅក្នុងខេត្ត លក់ផ្តល់បន្លែគ្រប់មុខក្នុងមួយថ្ងៃមិនក្រោមពី៥០០ ទៅ៦០០គីឡូក្រាម ។ តាមរបាការណ៏របស់មន្ទីរកសិកម្មរុក្ខាប្រម៉ាញ់និងនេសាទខេត្តដែលទូរទស្សន៏ btv ទទួលបានតាមសារតេឡេក្រាម បញ្ជាក់ឲ្យដឹងថាក្នុងរដូវប្រាំងឆ្នាំ២០២៥ នេះ កសិករបានធ្វើការដាំដុះបន្លែសរុប ២ពាន់ ៤៥៦ហិចតា រួមមានដំឡូងមី ១ពាន់ ២៤៦ហិចតា ដំឡូងជ្វា ៥៧ហិចតា និងបន្លែគ្រប់មុខចំនួន១ពាន់ ៧៣ហិចតា ។

សម្តេច ឃួន សុដារី ដឹកនាំកិច្ចប្រជុំពិនិត្យលើសេចក្តីព្រាងច្បាប់ពាក់ព័ន្ធនឹងបែបបទការងារ​របស់រដ្ឋសភា

2025/01/27 04:06:06 pm        166
Facebook Telegram Linkin
នារសៀលថ្ងៃទី២៧ ខែឧសភា ឆ្នាំ២០២៥ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ដើម្បីពិនិត្យសំណើរាជរដ្ឋាភិបាលទាក់ទងនឹងច្បាប់មួយចំនួន និងសេចក្តីព្រាងពាក់ព័ន្ធនឹងបែបបទការងាររបស់រដ្ឋសភា។ចំពោះការពិនិត្យសំណើ និងអនុម័តសេចក្តីព្រាងច្បាប់ ក្នុងនោះមានរបៀបវរៈ ចំនួន៥ ដូចជា៖១-ការពិនិត្យសំណើសុំពិនិត្យ និងអនុម័តស្តីពី ការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ។២-ការពិនិត្យសំណើសុំពិនិត្យ និងអនុម័តសេចក្តីព្រាងច្បាប់ស្តីពី ការចាត់ចែងជាបណ្តោះអាសន្ន នូវវត្ថុចាប់យក។៣-ការពិនិត្យសេចក្តីព្រាងសេចក្តីសម្រេចស្តីពី បែបបទ នីតិវិធី និងវិធាននៃការតាំងសំណួរ ចម្លើយ និងការបំភ្លឺនៅរដ្ឋសភា។៤-ការពិនិត្យសេចក្តីព្រាងសេចក្តីសម្រេចស្តីពី បែបបទការងាររបស់គណៈកម្មការនានានៃរដ្ឋសភា។៥-ការពិនិត្យសេចក្តីព្រាងសេចក្តីសម្រេចស្តីពី បែបបទ និងនីតិវិធីនៃការចុះបំពេញបេសកកម្មរបស់ គណៈកម្មការនានានៃរដ្ឋសភា៕ 

ភូមិចំនួន៥ និង ឃុំ-សង្កាត់ចំនួន៥ ទទួលបានជ័យលាភីក្នុងវិស័យបរិស្ថានស្ថិតនៅខេត្តកណ្តាល

2025/01/27 03:59:42 pm        221
Facebook Telegram Linkin
ភូមិចំនួន៥ និងឃុំ-សង្កាត់ចំនួន៥ ក្នុងចំណោមក្រុង-ស្រុកសរុបចំនួន១៣ ស្ថិតនៅខេត្តកណ្តាល ទទួលបានជ័យលាភី ក្នុងកម្មវិធីប្រឡងប្រណាំងផ្ទៃក្នុងខេត្ត «ភូមិ-ឃុំ-សង្កាត់មានសុវត្ថិភាព» ក្នុង​វិស័យបរិស្ថាន ខេត្តកណ្តាល ឆ្នាំ២០២៣។ ពិធីប្រកាសជ័យលាភី និងប្រគល់ពានរង្វាន់នេះ រៀបចំ​ធ្វើឡើងនៅថ្ងៃទី២៧ ខែមករា ឆ្នាំ២០២៥ ក្រោមអធិបតីភាពឯកឧត្តម គួច ចំរើន អភិបាលខេត្តកណ្តាល។នៅក្នុងអង្គពិធី ឯកឧត្ដម គួច ចំរើន អភិបាលខេត្តកណ្តាល បានមានប្រសាសន៍ថា កម្មវិធីប្រឡងប្រណាំងផ្ទៃក្នុងខេត្តស្តីពី «ភូមិ-ឃុំ-សង្កាត់ មានសុវត្ថិភាព» ក្នុងវិស័យបរិស្ថាន គឺឈរលើមូលដ្ឋានវាយតម្លៃ និងដាក់ពិន្ទុផ្នែកលើលក្ខណៈវិនិច្ឆ័យចំនួន០៣ សូចនាករ ចំនួន១០ មធ្យោបាយផ្ទៀងផ្ទាត់ចំនួន ៩១ចំណុច ព្រមទាំងមាននីតិវិធី និងដំណើរការនៃការជ្រើសរើសជ័យលាភី ចំនួន ០៥ ជំហាន ។ លើសពីនះ ឯកឧត្តមអភិបាលខេត្ត បានជំរុញឲ្យក្រុង-ស្រុក ឃុំ-សង្កាត់ទាំងអស់ យកលទ្ធផលនេះ ទៅបន្តការផ្សព្វផ្សាយ ដើម្បីភូមិ-ឃុំផ្សេងទៀត ដែលពុំបានជាប់ចំណាត់ថ្នាក់ បន្តខិតខំយកចិត្តទុកដាក់ ថែរក្សាបរិស្ថាន ក៏ដូចជាឲ្យពួកគាត់បានត្រៀមលក្ខណៈចូលរួមប្រកួតនៅលើក្រោយទៀត សំដៅ ឱ្យភូមិឃុំទាំងអស់មានភាពស្អាតរហូត ខណៈចំនួនភូមិសរុបនៅក្នុងខេត្តដែលបានចូលរួមទើបតែមានត្រឹម១០ភាគរយប៉ុណ្ណោះ។ បើតាមរបាយការណ៍របស់លោក ពៅ សោមាណាក់ ប្រធានមន្ទីរបរិស្ថានខេត្តកណ្តាល បានឱ្យដឹងថា ឃុំ-សង្កាត់ឆ្នើម សម្រាប់កម្មវិធីប្រឡងប្រណាំងផ្ទៃក្នុងខេត្ត «ភូមិ-ឃុំ-សង្កាត់មានសុវត្ថិភាព» ក្នុងវិស័យបរិស្ថាន ក្នុងចំនួន១៣ក្រុង-ស្រុក នៃខេត្តកណ្តាល មានភូមិចំនួន៥ទទួលបានជ័យលាភីពីលេខ១ដល់លេខ៥ ដែលក្នុងរួមមាន៖ទី១.ភូមិសំណាញ់ នៅក្រុងតាខ្មៅ ទី២.ភូមិព្រែកជ្រូក នៅក្រុងអរិយក្សត្រ ទី៣.ភូមិល្ពៅកន្លែង នៅស្រុកកៀនស្វាយ ទី៤.ភូមិបឹងក្រោម នៅស្រុកលើកដែក និងទី៥.ភូមិថ្នល់ទទឹងនៅស្រុកអង្គស្នួល។ រីឯឃុំចំនួន៥ ទទួលបានជ័យលាភីនោះរួមមាន៖ទី១.ឃុំដីឥដ្ឋ នៅស្រុកកៀនស្វាយ ទី២.សង្កាត់តាខ្មៅ នៅក្រុងតាខ្មៅ ទី៣.ឃុំសំរោងលើ នៅស្រុកអង្គស្នួល ទី៤.ឃុំព្រែកអញ្ចាញ នៅស្រុកមុខកំពូល និងទី៥.សង្កាត់សំពៅពូន នៅក្រុងសំពៅពូន។គួរបញ្ជាក់ដែរថា ភូមិ-ឃុំ-សង្កាត់ ដែលឈ្នះការប្រកួតប្រជែងក្នុងកម្មវិធីប្រឡងប្រណាំងថ្នាក់ខេត្ត ស្ដីពី «ភូមិ-ឃុំ-សង្កាត់ មានសុវត្ថិភាព» ក្នុងវិស័យបរិស្ថាននៅខេត្តកណ្តាល ទទួលបានពាន១ ប័ណ្ណសរសើរ១ អមដោយប្រាក់រង្វាន់បែងចែកតាមចំណាត់ថ្នាក់នីមួយៗ៕ អត្ថបទ៖ទូច សោភ័ណ 

ឯកឧត្តម កែវ រ៉េមី ចុះសួរសុខទុក្ខ និងនាំយកថវិកា ជូនអង្គការកុមារកំព្រា

2025/01/27 03:48:53 pm        146
Facebook Telegram Linkin
នៅថ្ងៃទី២៧ ខែមករា ឆ្នាំ២០២៤ ឯកឧត្តម កែវ រ៉េមី ទេសរដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក.) អមដំណើរដោយថ្នាក់ដឹកនាំ និងមន្រ្តីរាជការនៃ គ.ស.ម.ក. បានចុះទៅសួរសុខទុក្ខ សំណេះសំណាល និងនាំយកថវិកា ព្រមទាំងគ្រឿងឧបភោគបរិភោគមួយចំនួនទៅជូនអង្គការការអភិវឌ្ឍកុមារកម្ពុជា ដែលមានទីតាំងក្នុងភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្ដាល។ ថវិកាយកទៅប្រគល់ជូននេះ បានមកពីសប្បុរសជនដែលបានចូលរួមឧបត្ថម្ភ និងបានចូលរួមរត់ក្នុងកម្មវិធីរត់ពាក់កណ្តាលម៉ារ៉ាតុងដើម្បីសប្បុរសធម៌ និងអបអរសាទរទិវាសិទ្ធិមនុស្សអន្តរជាតិ ១០ធ្នូ ខួបលើកទី៧៦ កាលពីថ្ងៃទី៨ ខែធ្នូ ឆ្នាំ២០២៤ នៅខេត្តបាត់ដំបង។សូមបញ្ជាក់ថា នេះជាលើកទី១៦ហើយ ដែល គ.ស.ម.ក. បាននាំយកថវិកា និងគ្រឿងឧបភោគបរិភោគទៅប្រគល់ជូនអង្គការនេះ ដែលជាការរួមចំណែកមួយក្នុងការជួយសម្រាលបន្ទុករបស់អង្គការផង ហើយក៏ក្នុងន័យជួយធានាឱ្យកុមារដែលរស់នៅទីនោះមានឱកាសកាន់តែល្អប្រសើរឡើងក្នុងការទទួលបានប្រកបដោយសមភាព និងសមធម៌នូវសិទ្ធិសេរីភាពជាមូលដ្ឋានផ្សេងៗ ជាពិសេស សិទ្ធិសុខភាព និងសិទ្ធិទទួលបានការអប់រំ ជាដើម។ សូមបញ្ជាក់ថា ក្នុងចំណោមកុមារដែលរស់នៅក្នុងអង្គការនេះ មានកុមារមួយចំនួន ដែល គ.ស.ម.ក. បានសម្របសម្រួលយកចេញពីពន្ធនាគារដោយមានការឯកភាពពីម្ដាយរបស់ពួកគេ ដើម្បីឱ្យពួកគេមានលទ្ធភាពទទួលបានសិទ្ធិជាមូលដ្ឋានរបស់ខ្លួនដូចកុមារផ្សេងៗទៀតដែរ។ ទន្ទឹមនឹងនេះ គ.ស.ម.ក. ក៏តែងតែសម្របសម្រួលជាមួយអាជ្ញាធរមានសមត្ថកិច្ច ក្នុងការនាំយកកុមារទាំងនោះទៅជួបជុំជាមួយម្ដាយពួកគេ ដែលជាទូទៅបីខែជួបម្តង និងបានស្នាក់នៅជាមួយម្ដាយបីយប់បួនថ្ងៃក្នុងអំឡុងពេលបុណ្យចូលឆ្នាំថ្មីប្រពៃណីខ្មែរ ផងដែរ។ នៅក្នុងឱកាសនោះ ក្រៅពីការសួរសុខទុក្ខ ឯកឧត្តមទេសរដ្ឋមន្រ្តី បានផ្ដាំផ្ញើឱ្យកូនៗទាំងអស់ត្រូវចេះស្ដាប់ដំបូន្មាន ចេះថែទាំសុខភាព និងខិតខំសិក្សារៀនសូត្រ ដើម្បីរៀបចំដំណើរជីវិតរបស់ខ្លួនឱ្យបានល្អប្រសើរ និងក្លាយជាពលរដ្ឋល្អក្នុងសង្គម ស្របតាមគោលនយោបាយរបស់រាជរដ្ឋាភិបាល ដែលតែងតែបើកនិងផ្ដល់ឱកាសឱ្យប្រជាជនទាំងអស់ ក្នុងការកសាងនិងអភិវឌ្ឍន៍ខ្លួនដោយស្មើៗគ្នានិងដោយគ្មានការរើសអើង។ បន្ថែមលើនេះ ឯកឧត្តមទេសរដ្ឋមន្រ្តី ក៏បានស្នើឱ្យគណៈគ្រប់គ្រងនិងបុគ្គលិកនៅក្នុងអង្គការបន្ដយកចិត្តទុកដាក់ថែទាំកុមារទាំងអស់ឱ្យបានល្អ និងត្រូវជៀសវាងដាច់ខាតនូវការប្រព្រឹត្តអំពើបំពានណាមួយទៅលើសិទ្ធិរបស់ពួកគេ ដើម្បីជាការរួមចំណែកជាមួយរាជរដ្ឋាភិបាលក្នុងការកសាងមូលធនមនុស្ស ដែលជាសសរស្ដម្ភនៃការកសាងនិងអភិវឌ្ឍន៍ជាតិ។ ជាចុងក្រោយ ឯកឧត្តមទេសរដ្ឋមន្រ្តី បានបញ្ជាក់ជាថ្មីថា នឹងបន្ដខិតខំស្វះស្វែងកៀរគរប្រមូលមូលនិធិពីសប្បុរសជននានា ដើម្បីជួយដល់អង្គការនេះបន្តទៀត ហើយ ឯកឧត្តម ក៏បានអំពាវនាវដល់សប្បុរសជនទាំងអស់ឱ្យចូលរួមឧបត្ថម្ភគាំទ្រដល់អង្គការនេះ ដែលជាកាយវិការមួយបង្ហាញនូវវប្បធម៌ចែករំលែក ស្មារតី មនុស្សធម៌ និងការលើកកម្ពស់សិទ្ធិកុមារ។ ទន្ទឹមនឹងនេះ ឯកឧត្តមទេសរដ្ឋមន្រ្តី ក៏បានថ្លែងអំណរគុណដល់ថា្នក់ដឹកនាំ និងសប្បុរសជនទាំងអស់ ហើយ ឯកឧត្តម ក៏មានជំនឿយ៉ាងមុតមាំថា ថា្នក់ដឹកនាំ និងសប្បុរសជនទាំងអស់ នឹងបន្ដគាំទ្រនិងគាំទ្រកាន់តែខ្លាំងឡើង ក្នុងករណី គ.ស.ម.ក. រៀបចំកម្មវិធីសប្បុរសធម៌ផ្សេងៗទៀតនាពេលខាងមុខ ដើម្បីប្រមូលថវិកាជួយដល់មន្ទីរពេទ្យគន្ធបុប្ផា អង្គការមនុស្សចាស់ និងអង្គការកុមារកំព្រា ជាដើម៕

អ្នកជំនាញសេដ្ឋកិច្ចបង្ហាញអំពីកត្តាសំខាន់ៗ ដែលកម្ពុជាស្រូបយកឱកាសវិនិយោគ

2025/01/27 03:13:34 pm        164
Facebook Telegram Linkin
អ្នកជំនាញសេដ្ឋកិច្ច បង្ហាញអំពីសក្តានុពលនិងកត្តាសំខាន់ៗ ដែលកម្ពុជាស្រូបយកឱកាសវិនិយោគ នៃការឈានទៅសម្រេចដំណាក់ កាលថ្មីៗ ជាពិសេសការឆ្លងកាត់អន្តរកាល ក្នុងដំណើរឆ្ពោះទៅសម្រេចឋានៈប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងចំណូល ខ្ពស់នៅឆ្នាំ ២០៥០។លោកបណ្ឌិត ហុង វណ្ណៈ ជំនាញសេដ្ឋកិច្ច វិទ្យាស្ថានទំនាក់ទំនងអន្តរជាតិរាជបណ្ឌិតសភាកម្ពុជា លើកឡើងក្នុងកិច្ចសម្ភាសន៍ BTV ស្តីពីសក្តានុពលគាំទ្រដល់វិស័យសេដ្ឋកិច្ច និងឱកាសដែលកម្ពុជាស្រូបការវិនិយោគ នេះថា ជាច្រើនទសវត្សមកនេះ រាជរដ្ឋាភិបាលកម្ពុជាបាន ខិតខំប្រឹងប្រែងយ៉ាងខ្លាំង ជំរុញអភិវឌ្ឍន៍គ្រប់ហេដ្ឋារចនាសម្ព័ន្ធគ្រប់ដណ្តប់ជាច្រើន និងបានកំពុងដើរទៅមុខយ៉ាងលឿន ក្នុងការបន្តអភិវឌ្ឍ សង្គម-សេដ្ឋកិច្ចរបស់ខ្លួន ដើម្បីឈានទៅសម្រេចដំណាក់កាលថ្មីៗ ខណៈបច្ចុប្បន្នកម្ពុជាកំពុងឆ្លងកាត់អន្តរកាល ក្នុងដំណើរឆ្ពោះទៅសម្រេច ឋានៈប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ ផង និងជាប្រទេសមានចំណូលខ្ពស់នៅឆ្នាំ ២០៥០ ផង។លោកបណ្ឌិត បន្តថា ចំពោះការខិតចំប្រឹងប្រែងនេះ ធ្វើឱ្យរាជរដ្ឋាភិបាលកម្ពុជាទទួលបានផ្លែផ្កាជាបន្តបន្ទាប់ ជាពិសេសការស្តារសេដ្ឋ កិច្ចឡើងវិញពីវិបត្តិជំងឺកូវីដ-១៩ និងវិបត្តិផ្សេងៗដែលកំពុងអូសបន្លាយ, ជាក់ស្តែងជុំវិញការនាំចេញទំនិញ នៅក្នុងឆ្នាំ ២០២៤ កន្លងមកនេះ ការនាំចេញរបស់កម្ពុជា មានកំណើនកើនកើនឡើងគួរកត់សម្គាល់ ដែលគាំទ្រដោយប្រទេសដៃគូរជាច្រើន និងប្រទេសផ្សេងៗទៀត ជំរុញឱ្យខ្សែ ច្រវាក់ផ្គត់ផ្គង់ក្នុងស្រុកមានភាពកាន់តែមមាញឹក និងធ្វើឱ្យផលិតផលក្នុងស្រុកមានការប្រកួតប្រជែង ជាពិសេសកសិផលរបស់កម្ពុជាជាដើម។ចំណែកកត្តាវិនិយោគវិញ, កម្ពុជាគឺជាប្រទេសមួយ បានកំពុងស្រូបយកឱកាសវិនិយោគជាហូរហែរ ជាក់ស្តែងនៅក្នុងឆ្នាំ២០២៤ កន្លង មកនេះ កម្ពុជាបានស្រូបយកឱកាសវិនិយោគមានកំណើនគួរកត់សម្គាល់ ដែលការកើនឡើងឡើងនេះ បានកើតចេញពីកត្តាជាច្រើនដូចជា៖ កម្ពុជាគឺជាប្រទេសផ្តល់នូវសុខសន្តិភាព បានកំពុងបន្តប្រកបដោយបរិយាបន្ន, កម្ពុជាមានកិច្ចសហប្រតិបត្តិការជាមួយប្រទេសដៃគូរច្រើន, ស្ថានភាពភូមិសាស្រ្តមានភាពអំណោយផល, ការកសាងមូលដ្ឋានហេដ្ឋារចនាសម្ព័ន្ធទ្រទ្រង់កាន់តែសំបូរបែប, ការបង្កើតនូវប្រព័ន្ធហិរញ្ញវត្ថុកាន់ តែរឹងមាំ និងច្បាប់វិនិយោគរបស់កម្ពុជាមានការបើកចំហរជាដើម ដែលផ្តល់ឱកាសដល់អ្នកវិនិយោគធ្វើធុរកិច្ចនៅកម្ពុជា ស្វែងរកប្រាក់ចំណេញ បាន ជាពិសេសជាងនេះគឺ វិនិយោគិនអាចយកប្រាក់ចំណេញកាន់ទៅប្រទេសខ្លួនបានផងដែរ។ជុំវិញលំហូរវិនិយោគនេះ, នៅក្នុងបំណាច់ឆ្នាំ ២០២៤ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបមានចំនួន ៤១៤ គម្រោង មានទំហំទុនវិនិយោគសរុបប្រមាណជាង ៦,៩ ពាន់លានដុល្លារអាមេរិក ខណៈនៅក្នុងឆ្នាំ ២០២៣ កម្ពុជាទទួលបានចុះបញ្ជីគម្រោង វិនិយោគសរុបមាន ២២៧ គម្រោង ក្នុងទុនវិនិយោគប្រមាណជាង ៤ ពាន់លានដុល្លារអាមេរិកប៉ុណ្ណោះ។សូមបញ្ជាក់ថា ទាក់ទិនការវិនិយោគ និងការអភិវឌ្ឍន៍អាជីវកម្ម ថ្មីៗនេះ, បើយោងតាមស្ថាប័នហិរញ្ញវត្ថុលោកខាងលិច បានរំលេចឱ្យដឹងថា នៅក្នុងទីផ្សារកំពូលទាំង ២០ ក្នុងនោះកម្ពុជាត្រូវបានវាយតម្លៃជាទីផ្សារកំពូលលំដាប់ថ្នាក់ទី១៣ នៅក្នុងពិភពលោក និងជាប់លំដាប់ ថ្នាក់លេខ ៤ នៅក្នុងអាស៊ាន ដែលជាប្រទេសគោលដៅអាទិភាពសម្រាប់ការវិនិយោគ ឬការអភិវឌ្ឍន៍អាជីវកម្ម ។ ជុំវិញគោលដៅ វិនិយោគនេះ ប្រទេសចិន គឺជាទីផ្សារអាទិភាពទី១ សម្រាប់ការវិនិយោគថ្មីៗនៅកម្ពុជា៕ អត្ថបទ៖ សុន រ៉ាឌី

កម្លាំងយោធា និងកម្លាំងសមត្ថកិច្ចបើកប្រតិបត្តការបង្ក្រាបបទល្មើសនេសាទទ្រង់ទ្រាយ ក្នុងភូមិសាស្ដ្រខេត្តកំពង់ឆ្នាំង ដោយមិនអនុញាតអោយកើតមានឡើយ

2025/01/27 03:09:46 pm        335
Facebook Telegram Linkin
កំពង់ឆ្នាំង៖ កម្លាំងយោធា និងកម្លាំងចម្រុះ ដឹកនាំដោយឯកឧត្តមនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទព័ជើងគោក, និងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង សម្របសម្រួលដោយឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង នៅថ្ងៃទី២៧ ខែមករា ឆ្នាំ២០២៥នេះ បានចុះស្រាវជ្រាវ និងបង្ក្រាបបទល្មើសនេសាទ(សម្រាស់) ក្នុងភូមិសាស្ត្រខេត្តកំពង់ឆ្នាំង ដោយមិនអោយមាននៅលើផ្ទៃទឹកទៀតឡើយ ។ ប្រតិបត្តការនេះ នឹងបន្តជារៀងរហូតដោយត្រូវធ្វើទាំងក្នុងទន្លេសាប ព្រែក បឹង តំបន់អភិរក្ស ដែលមានបទល្មើសសម្រាស់នេះ ។ឯកឧត្តមនាយឧត្តមសេនីយ៍ ម៉ៅ សុផាន់ បានមានប្រសាសន៍ថា៖ ចាប់ពីថ្ងៃនេះតទៅ កម្លាំងប្រតិបត្តការសឹករងកំពង់ឆ្នាំង ត្រូវមានភារកិច្ចចុះបង្ក្រាបបទល្មើសនេសាទជាមួយកម្លាំងចម្រុះ ទាំងសម្រាស់ របាំងសាច់អួនវែងៗខុសច្បាប់ និងរបាំងស្បៃមុងក្នុងភូមិសាស្ត្រខេត្តកំពង់ឆ្នាំងតាមបញ្ជារបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដោយមិនលើកលែងឡើយ ។ ប្រសិនបើយើងនៅបណ្តែតបណ្តោយអោយមានបទល្មើសបែបនេះកើតឡើងរហូត នោះត្រីទឹកសាបរបស់ប្រទេសកម្ពុជានឹងបាត់បង់ជាក់ជាមិនខាន ហើយអ្នកដែលទទួលផលមិនមែនប្រជាជនកម្ពុជាទាំងជាង១៧លាននាក់នោះឡើយ គឺពួកឈ្មួញមួយក្តាប់តូចតែប៉ុណ្ណោះ។ ដូចនេះកម្លាំងប្រតិបត្តការសឹករងកំពង់ឆ្នាំង ត្រូវចុះស្រាវជ្រាវកំណត់និយាមការអោយបានច្បាស់លាស់ ចុះបង្ក្រាបអោយអស់សម្រាស់ពីក្នុងទន្លេ ដោយមិនត្រូវទុកមែកឈើទៀតឡើយ។ កន្លងមក កម្លាំងចម្រុះដឹកនាំដោយកម្លាំងខ័ណ្ឌរដ្ឋបាលជលផលកំពង់ឆ្នាំង និងមន្ទីរកសិកម្ម រួមនិងអាជ្ញាធរខេត្តស្រុកឃុំ បាន និងកំពុងបង្ក្រាបបទល្មើសសម្រាស់ បទល្មើសរបាំងសាច់អួន និងរបាំងស្បៃមុងជាបន្តបន្ទាប់ ក៏ប៉ុន្តែគេសង្កេតឃើញថានៅរដូវបើកនេសាទនេះ មានបទល្មើសសម្រាស់កើតឡើងជាច្រើនដែលមានមេឈ្មួញធំៗនៅពីក្រោយ។ ដូចនេះសម្តេចធិបតី ហ៊ុន ម៉ាណែត នាយករដ្ឋមន្ត្រី បានប្រើកម្លាំងយោធា ជួយដល់ការងារកម្លាំងជលផល និងកម្លាំងចម្រុះ ធ្វើយ៉ាងណាបង្ក្រាបទាល់តែអស់ ដើម្បីអោយពូជត្រីទឹកសាបនៅកម្ពុជាសំបូរឡើងវិញ និងមាននិរន្តរភាព៕ កាំង ហុងវាស្នា

ពាណិជ្ជកម្មទ្វេរភាគីកម្ពុជា-ចិន ក្នុងបំណាច់ឆ្នាំ២០២៤ មានទំហំទឹកប្រាក់កើនដល់ជាង ១៥ ពាន់លានដុល្លារ

2025/01/27 03:07:53 pm        176
Facebook Telegram Linkin
ការធ្វើពាណិជ្ជកម្មទ្វេរភាគីកម្ពុជា-ចិន នៅក្នុងបំណាច់ឆ្នាំ២០២៤ មានទំហំទឹកប្រាក់​សរុប​ប្រមាណ​​ជាង ១៥ ពាន់លានដុល្លារអាមេរិក ក្នុងនោះកម្ពុជាបាននាំចេញទៅកាន់ទីផ្សារចិន មាន​ចំនួនជាង ១ ៧០០ លានដុល្លារអាមេរិក ខណៈការនាំចូលទីផ្សារកម្ពុជាមានចំនួនជាង ១៣ ពាន់លានដុល្លារអាមេរិក។ជុំវិញការធ្វើពាណិជ្ជកម្មទ្វេរភាគីកម្ពុជា-ចិន នៅក្នុងឆ្នាំ ២០២៤ ក្នុងនោះការធ្វើពាណិជ្ជកម្មរវាងប្រទេសទាំងពីរ បានបន្តងើបឡើង យ៉ាងល្អប្រសើរ ជាពិសេសការនាំចេញទំនិញរបស់កម្ពុជា ទៅកាន់ទីផ្សារចិន បានកំពុងមាននិន្នាការកើនឡើង ទោះបីជញ្ជីងពាណិជ្ជ កម្មរវាងប្រទេសទាំងពីរ នៅមានគម្លាតឆ្ងាយពីគ្នាក៏ដោយ។ជាក់ស្តែងការធ្វើពាណិជ្ជកម្មទ្វេរភាគីរវាងប្រទេសទាំងពីរ ក្នុងបំណាច់ឆ្នាំ ២០២៤ មានកំណើនកើនឡើងខ្ពស់ ស្ថិតក្នុងទំហំទឹកប្រាក់ ប្រមាណជាង ១៥ ពាន់លានដុល្លារអាមេរិក កើនឡើងជិត ២៤ ភាគរយ ក្នុងនោះការនាំចេញទំនិញរបស់កម្ពុជាទៅកាន់ទីផ្សារចិន មានទំហំ ទឹកប្រាក់ជាង ១ ៧០០ លានដុល្លារ កើនឡើងជាង ១៨ ភាគរយ ស្របពេលការនាំចូលពីប្រទេសចិន មានទឹកប្រាក់ជាង ១៣ ពាន់លានដុល្លារ កើនឡើង ជាង ២៤ ភាគរយ បើធៀបរយៈពេលដូចគ្នាឆ្នំា ២០២៣ ។ទាក់ទិនកិច្ចសហប្រតិបត្តិការកម្ពុជា-ចិនវិញ, ថ្មីៗនេះ លោកស្រី ចុង ជា (Zhong Jie) អគ្គទីប្រឹក្សាការិយាល័យសេដ្ឋកិច្ចពាណិជ្ជកម្ម នៃស្ថានទូតចិនប្រចាំកម្ពុជា លើកឡើងថា ប៉ុន្មានឆ្នាំចុងក្រោយនេះ កិច្ចសហប្រតិបត្តិការរវាងប្រទេសចិន-កម្ពុជា បានឈានទៅមុខកាន់តែស៊ី ជម្រៅ កាន់តែជាក់ស្ដែងឥតឈប់ឈរ ហើយបន្តពង្រីកកិច្ចសហប្រតិបត្តិការទៅលើវិស័យថ្មីៗដូចជា បច្ចេកវិទ្យាឌីជីថល ថាមពលបៃតង និងកិច្ច សហប្រតិបត្តិការ ខ្សែសង្វាក់ផ្គត់ផ្គង់ជាដើម ក្នុងនោះការវិនិយោគរបស់ប្រទេសចិន បានជំរុញឱ្យផលិតផលចិន និងបច្ចេកវិទ្យាចិនចូលមក ទីផ្សារប្រទេសកម្ពុជា ដែលនិងជំរុញដល់ការធ្វើពាណិជ្ជកម្មនៃប្រទេសទាំងកាន់តែរីកចម្រើន។សូមបញ្ជាក់ថា ការធ្វើពាណិជ្ជកម្មទៅកាន់ទីផ្សារអន្តរជាតិរបស់កម្ពុជា នៅក្នុងបំណាច់ឆ្នាំ ២០២៤ មានទំហំទឹកប្រាក់សរុបជាង ៥៤ ពាន់លាន ដុល្លារអាមេរិក កើនឡើងប្រមាណជិត ១៧ ភាគរយ បើធៀបរយៈពេលដូចគ្នាឆ្នំា ២០២៣ ដែលមានទំហំទឹកប្រាក់ជាង ៤៦ ពាន់លានដុល្លារ អាមេរិកប៉ុណ្ណោះ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

តុលាការប្រេស៊ីលដាក់ការរឹតត្បិតលើ លោក Bolsonaro ដោយលើកឡើងពីទំនាក់ទំនងជាមួយលោក Trump
07/19/2025 10:07 AM
Facebook Telegram Linkin
នាយឧត្តមសេនីយ៍ ខ្វាន់ ស៊ាម៖ ភារកិច្ចស្នូលរបស់កងកម្លាំងក្នុងសម័យសន្តិភាព គឺធ្វើទំនាក់ទំនងល្អជាមួយប្រទេសជិតខាង
07/19/2025 10:07 AM
Facebook Telegram Linkin
រយៈពេល៦ថ្ងៃ ក្នុងយុទ្ធនាការ​បោសសម្អាត​ករណីឆបោកតាមប្រព័ន្ធបច្ចេកវិទ្យា សមត្ថកិច្ចខេត្តពោធិ៍សាត់ ឃាត់ខ្លួនជនបរទេស ចំនួន១០២នាក់
07/19/2025 09:07 AM
Facebook Telegram Linkin
ក្រុមហាម៉ាស៖ គ្មានបទឈប់បាញ់បណ្តោះអាសន្ននៅហ្កាហ្សាទេ បើគ្មានផ្លូវឈានទៅរកបទឈប់បាញ់អចិន្ត្រៃយ៍
07/19/2025 09:07 AM
Facebook Telegram Linkin
អាមេរិក ប្រកាសបទឈប់បាញ់ស៊ីរី-អ៊ីស្រាអែល ខណៈការប៉ះទង្គិចថ្មីបានធ្វើឲ្យរង្គើតំបន់បេះដូងសហគមន៍ Druze
07/19/2025 08:07 AM
Facebook Telegram Linkin
សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
07/18/2025 09:07 PM
Facebook Telegram Linkin
នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.