BTV NEWS

កិច្ចប្រជុំអគ្គនាយកគយអាស៊ានលើកទី៣៥ បានចាប់ផ្តើមជាផ្លូវការ ខណៈកម្ពុជាធ្វើជាម្ចាស់ផ្ទះ

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តកំពង់ធំ

ប្រធានអង្គការមូលនិធិអភិវឌ្ឍន៍មូស្លីមកម្ពុជា ផ្ដល់អំណោយជូនជនភៀសសឹកចំនួន ១៥០០គ្រួសារ នៅខេត្តបន្ទាយមានជ័យ

ប្រមុខការទូតកម្ពុជាធ្វើបទបង្ហាញជូនអង្គទូត ស្តីពីការសម្រេចចិត្តរបស់កម្ពុជា ពាក់ព័ន្ធនឹងតំបន់ទាមទារដែនសមុទ្រត្រួតគ្នាជាមួយ ប្រទេសថៃ

ព័ត៌មានជាតិ

មកទល់រសៀលនេះ យោធាថៃបន្តការបាញ់ប្រហារមកលើដែនអធិបតេយ្យភាពកម្ពុជាក្នុងភូមិសាស្រ្ដយោធភូមិទី៤ និងទី៥

មកទល់រសៀលថ្ងៃទី១៤ ខែធ្នូ ឆ្នាំ ២០២៥នេះ យោធាថៃ បន្តបើកការបាញ់ប្រហារមកលើដែនអធិបតេយ្យភាពកម្ពុជា ក្នុងភូមិសាស្រ្ដយោធភូមិភាគទី៤ និងទី៥ ក្នុងនោះយោធាថៃ បានប្រើប្រាស់កាំភ្លើងធំ រថក្រោះ ផ្លោងចូលដែនអធិបតេយ្យកម្ពុជា ក្រៅពីនេះបានប្រើដ្រូនទម្លាក់គ្រាប់បែកចូលក្នុងភូមិជោគជ័យ និងព្រៃចាន់។ អ្នកនាំពាក្យក្រសួងការពារជាតិកម្ពុជា លោកជំទាវម៉ាលី សុជាតា បានឱ្យដឹងតាមរយៈសន្និសីទសារព័ត៌មាននៅរសៀលនេះថា នៅទិសយោធភូមិភាគទី៤ ភាគីថៃ បន្តបាញ់ប្រហារមកលើកម្ពុជា គិតចាប់តាំងពីម៉ោង៨ ព្រឹក រហូតដល់ម៉ោង ១៦ រសៀលនៅថ្ងៃនេះ។ យោធាថៃបានបើកការបាញ់ប្រហារកាន់តែខ្លាំងថែមទៀត នៅក្នុងភូមិសាស្រ្ដភ្នំខ្មោច តំបន់អានសេះ ប្រាសាទខ្នា ប្រាសាទព្រះវិហារ និងជាំតែ ដោយប្រើប្រាស់កាំភ្លើងធំ និងផ្សែងពុល។ សកម្មភាពរបស់យោធាថៃ នៅបន្តធ្វើការបាញ់ប្រហារ ដោយបន្តបាញ់សម្រុកបន្ថែមនៅភូមិសាស្រ្ដ ភ្នំខ្មោច បុស្សស្បៅ ជាំតែ និងប្រាសាទខ្នា ដោយបានបាញ់កាំភ្លើងធំ ពីចម្ងាយ រថក្រោះបាញ់បំបុក និងដ្រូនទម្លាក់គ្រាប់បែក នៅភូមិសាស្រ្ដ តាសឹម គោល៨ ជប់អង្គុញ ផ្ទះតាម៉ុក និងតាថាវ ដោយយោធាថៃ បានបាញ់ចូលពីចម្ងាយបន្ថែមទៀត។ យោធាថៃបានវាយប្រហារបន្ត នៅភូមិសាស្រ្ដ ប្រាសាទតាក្របី ថ្មដូន ដោយប្រើប្រាស់កាំភ្លើងធំបាញ់ប្លោង និងប្រើប្រាស់ផ្សែងពុលបន្ថែមទៀត។ ចំណែកស្ថានការណ៍នៅទិសយោធភូមិភាគទី៥ បន្តបាញ់ប្រហារមកលើកម្ពុជា គិតចាប់តាំងពីម៉ោង ១៣រសៀល រហូតដល់ម៉ោង ១៦ រសៀល ក្នុងភូមិសាស្រ្ដភូមិជោគជ័យ និងភូមិប្រៃចាន់ ដោយប្រើប្រាស់ដ្រូនទម្លាក់គ្រាប់បែក។ អ្នកនាំពាក្យ ក្រសួងការពារជាតិកម្ពុជា ទាមទារឱ្យយោធាថៃ បញ្ឈប់រាល់ទង្វើឈ្លានពានរបស់ខ្លួន បញ្ឈប់ការផ្សព្វផ្សាយព័ត៌មានបំភ្លៃ និងបញ្ឈប់ការវាយប្រហារដោយមិនរើសគោលដៅមកលើជនស៊ីវិល និងហេដ្ឋារចនាសម្ព័ន្ធស៊ីវិល, បញ្ឈប់ការវាយប្រហារទីតាំងប្រវត្តិសាស្រ្ដ ហើយយោធាថៃត្រូវតែបង្ហាញពីភាពស្មោះត្រង់, សុច្ឆន្ទៈ ប្រសិនបើថៃពិតជាចង់បានសន្ដិភាពពិតប្រាកដមែន ព្រោះសន្តិភាពមិនអាចកើតឡើងតាមរយៈការនិយាយប៉ុណ្ណោះទេ ប៉ុន្ដែតាមរយៈសកម្មភាពជាក់ស្ដែង ហើយកងទ័ពថៃអាចចាប់ផ្ដើមតាមរយៈការបញ្ឈប់សកម្មភាពខុសច្បាប់របស់ខ្លួន៕

ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់ ដោយសារថៃឈ្លានពាន

ភ្នំពេញ៖ គិតចាប់ពីម៉ោង៧ព្រឹក រហូតដល់ ម៉ោង១សៀល ថ្ងៃទី១៤ ខែធ្នូ ឆ្នាំ២០២៥ នេះ អំពើឈ្លានពានរំលោភច្បាប់អន្តរជាតិ និងក្បត់បទឈប់បាញ់ ជាមុនមកលើដែនអធិបតេយ្យកម្ពុជារបស់ភាគីថៃ ដែលផ្តើមឡើងជាថ្មីកាលពីថ្ងៃទី៧ ខែធ្នូ បានបណ្តាលឱ្យ ប៉ះពាល់យ៉ាងធ្ងន់ធ្ងរលើសុវត្ថិភាពប្រជាពលរដ្ឋ និងតំបន់ស៊ីវិលកម្ពុជាជាច្រើន ក្នុងនោះ ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់។យោងតាមសេចក្ដីប្រកាសព័ត៌មានបរស់ ស្តីពី ផលប៉ះពាល់លើតំបន់ស៊ីវិល និងការគាំពារពលរដ្ឋភៀសសឹក ដោយសារសង្គ្រាមឈ្លានពានវាតទីទឹកដីរបស់រដ្ឋាភិបាលក្រុងបាងកក និងយោធាថៃ ចាប់ពីម៉ោង៧ព្រឹក រហូតដល់ម៉ោង១រសៀល ថ្ងៃទី១៤ ខែធ្នូ ឆ្នាំ២០២៥ របស់ក្រសួងមហាផ្ទៃបានឱ្យដឹងថា អំពើឈ្លានពានរំលោភច្បាប់អន្តរជាតិ និងក្បត់បទឈប់បាញ់ ជាមុនមកលើដែនអធិបតេយ្យកម្ពុជារបស់ភាគីថៃ ដែលផ្តើមឡើងជាថ្មីកាលពីថ្ងៃទី៧ ខែធ្នូ បានបណ្តាលឱ្យ ប៉ះពាល់យ៉ាងធ្ងន់ធ្ងរលើសុវត្ថិភាពប្រជាពលរដ្ឋ និងតំបន់ស៊ីវិលកម្ពុជាក្នុងនោះ មានពលរដ្ឋស្លាប់ និងរបួសចំនួន១១នាក់ និងរបួសចំនួន៥៩នាក់។ចំណែក ករណីពលរដ្ឋនៅជំរំសុវត្ថិភាព៖ ក្នុងខេត្តព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិ៍សាត់ កោះកុង និងខេត្តសៀមរាប មានជនភៀសសឹកសរុប ១១៧,១២០ គ្រួសារ (កើនឡើង ៣,០១៤ គ្រួសារ) ស្មើនឹងមនុស្ស ៣៩៤,៧០៦នាក់ (កើនឡើង ១០,៦០៥នាក់) ក្នុងនោះស្រី ២០៤,៨៨៩នាក់ និង កុមារ៩៥.៩៤៩នាក់។ តួរលេខនេះ អាចមានការប្រែប្រួលជាបន្តបន្ទាប់។ទង្វើឈ្លានពានរបស់ថៃបានបំផ្លិចបំផ្លាញហេដ្ឋារចនាសម្ព័ន្ធរូបវន្តស៊ីវិល៖ មានផ្ទះសំបែង និងសម្ភារប្រើប្រាស់របស់ ប្រជាពលរដ្ឋ អគារក្រុមហ៊ុន អគាររដ្ឋបាល សាលារៀន វត្តអារាម ប្រាសាទបុរាណ ផ្លូវថ្នល់ ស្ពាន និងអង្គភាព សាធារណៈជាច្រើនកន្លែង បានកំពុងរងការខូចខាតជាបន្តបន្ទាប់ ខណៈសេវាជាមូលដ្ឋាន ដូចជា សេវារដ្ឋបាល សុខាភិបាល និងអប់រំនៅតាមក្រុង ស្រុក ឃុំ-សង្កាត់ ត្រូវបានផ្អាកស្ទើរទាំងស្រុង ដោយសារតែភាគីថៃបង្កើនការ វាយប្រហារដោយអាវុធគ្រប់ធុន និងគ្រប់ទម្រង់មកលើតំបន់ស៊ីវិល ទាំងតាមជើងគោក ជើងទឹក និងជើងអាកាស។ក្រសួងមហាផ្ទៃ នៃរាជរដ្ឋាភិបាលកម្ពុជា ប្រកាសគាំទ្រ និងជឿជាក់យ៉ាងមុតមាំលើយុទ្ធសាស្ត្រការពារជាតិរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអគ្គភស្តុភារជាន់ខ្ពស់ នៃ កងកម្លាំងប្រដាប់អាវុធកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីដ៏អង់អាចស្វាហាប់ ដែលក្រោមការដឹកនាំបញ្ជាប្រកបដោយយុទ្ធសាស្ត្រ របស់ សម្តេចទាំងទ្វេ កម្លាំងកងយោធពលខេមរភូមិន្ទ និងនគរបាលការពារព្រំដែននៃក្រសួងមហាផ្ទៃ បានកំពុងប្រកៀកស្មារួមគ្នាការពារបូរណភាពទឹកដី និង អធិបតេយ្យភាពជាតិ ដោយម្ចាស់ការ អង់អាចក្លាហាន ឈរជើងយ៉ាងរឹងមាំ និងមានប្រៀបឈ្នះគ្រប់គោលដៅ នៃសមរភូមិប្រយុទ្ធ៕

BREAKING NEWS | ម៉ោង១៦:០៤នាទី យោធាថៃបានបាញ់ប្រហារមកលើកម្ពុជាដោយ ប្រើប្រាស់គ្រាប់បែកចង្កោមយ៉ាងច្រើនសន្ធឹកសន្ធាប់ ក្នុងភូមិសាស្ត្រប្រាសាទតាមាន់ធំ

ក្រសួងការពារជាតិកម្ពុជា ជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃបានបន្តធ្វើសកម្មភាពវាយប្រហារមកលើកម្ពុជា នៅយោធភូមិភាគទី៤ ក្នុងភូមិសាស្រ្តប្រាសាទតាមាន់ធំ ខេត្តព្រះវិហារ នាថ្ងៃទី១៤ ខែធ្នូ ឆ្នាំ២០២៥ ។ក្រសួងការពារជាតិបានបញ្ជាក់ថា នៅវេលាម៉ោង១៦និង០៤នាទី យោធាថៃបានបាញ់ប្រហារមកលើកម្ពុជាដោយបង្កើនការប្រើប្រាស់គ្រាប់បែកចង្កោមយ៉ាងច្រើនសន្ធឹកសន្ធាប់ក្នុងភូមិសាស្ត្រប្រាសាទតាមាន់ធំ។ ព័ត៌មានលម្អិតក្រសួងនឹងរាយការណ៍ជូននៅពេលក្រោយ៕

សហគមន៍ខ្មែរ ពលករ និងនិស្សិតខ្មែរនៅប្រទេសជប៉ុនប្រមាណ ១ពាន់ប្រាំរយនាក់ប្រមូលផ្តុំគ្នាប្រឆាំងការវាយប្រហារដ៏ឃោរឃៅរបស់ថៃមកលើដែនអធិបតេយ្យភាពកម្ពុជាធ្វើឱ្យប្រជាពលរដ្ឋខ្មែររាប់សែននាក់រងទុក្ខ

(ជប៉ុន)៖ សហគមន៍ខ្មែរ ពលករ និងនិស្សិតខ្មែរដែលកំពុងស្នាក់នៅ ធ្វើការ និងសិក្សានៅប្រទេសជប៉ុនប្រមាណ ១ ៥០០នាក់ បានប្រមូលផ្តុំគ្នាចំនួន ៦ទីតាំង នៅថ្ងៃទី១៤ ខែធ្នូ ឆ្នាំ២០២៥នេះ ដើម្បីសម្តែងមតិថ្កោលទោសយ៉ាងដាច់អហង្ការបំផុត ចំពោះទង្វើអមនុស្សធម៌ដ៏សាហាវឃោរឃៅយង់ឃ្នងរបស់យោធាថៃ ដែលបានបើកការវាយប្រហារគ្មានរើសគោលដៅ និងប្រើប្រាស់អាវុធគ្រប់ធុនក្នុងការឈ្លានពានអធិបតេយ្យភាពកម្ពុជា។ការប្រមូលផ្តុំរបស់សហគមន៍ខ្មែរទាំង៦ទីតាំងរួមមាននៅទីក្រុងតូក្យូ២ទីតាំង ខេត្តអូសាកា ខេត្តអាយឈិ ខេត្តហ៊ីរ៉ូស៊ីម៉ា និងខេត្តហ្វូគូអូកា។ តាមរយៈការប្រមូលផ្តុំនេះ ក៏មានការដាក់ញត្តិទៅកាន់ស្ថានទូតសហរដ្ឋអាមេរិក និងម៉ាឡេស៊ីប្រចាំប្រទេសជប៉ុន និងក្រសួងការបរទេសជប៉ុន ដើម្បីអំពាវនាវឱ្យថ្កោលទោស ចំពោះអំពើរំលោភបំពានរបស់យោធាថៃ និងចាត់វិធានការបន្ទាន់ និងយ៉ាងម៉ឺងម៉ាត់បំផុត ដើម្បីដាក់សម្ពាធលើប្រទេសនេះឱ្យបញ្ឈប់សកម្មភាពយ៉ាងគឃ្លើនរបស់ខ្លួន។ទោះបីជាអាកាសធាតុត្រជាក់ស្ទើរសូន្យអង្សារ និងមានភ្លៀងធ្លាក់នៅទីតាំងមួយចំនួន ក៏អ្នកចូលរួមទាំងអស់បានស្រែកយ៉ាងក្លៀវក្លានូវពាក្យស្លោក និងកាន់បដាដែលបង្ហាញការគោរពដឹងគុណដល់វីរកងទ័ពកម្ពុជាដែលបានការពារទឹកដីពីការឈ្លានពានរបស់ខ្មាំង និងគាំទ្រពេញទំហឹងចំពោះការសម្រេចចិត្តរបស់ រាជរដ្ឋាភិបាលកម្ពុជា ព្រមទាំងថ្កោលទោស ចំពោះអំពើរំលោភបំពានយ៉ាងសាហាវព្រៃផ្សៃបំផុតរបស់យោធាថៃមកលើដែនអធិបតេយ្យភាពជាតិ និងបូរណភាពទឹកដីរបស់កម្ពុជា និងការបំផ្លាញសាលារៀន វត្តអារាម និងហេដ្ឋារចនាសម្ព័ន្ធផ្សេងៗ និងអំពើរំលោភសិទ្ធិមនុស្សយ៉ាងធ្ងន់ធ្ងររបស់ថៃមកលើប្រជាពលរដ្ឋខ្មែរស្លូតត្រង់។សហគមន៍ខ្មែរនៅប្រទេសជប៉ុន ទាមទារឱ្យសហរដ្ឋអាម៉េរិក ម៉ាឡេស៊ី និងសហគមន៍អន្តរជាតិ ចូលរួមតាមដាន និងដាក់សម្ពាធដល់យោធាថៃឱ្យបញ្ឈប់ការវាយប្រហារយ៉ាងសាហាវឃោរឃៅនេះជាបន្ទាន់ ដើម្បីធានាដល់សុខសុវត្ថិភាពរបស់ប្រជាពលរដ្ឋនៅតាមព្រំដែន និងសន្តិភាពនៅក្នុងតំបន់ទាំងមូល។សូមបញ្ជាក់ថា កាលពីថ្ងៃទី១០ ខែធ្នូ ឆ្នាំ២០២៥ បងប្អូនខ្មែរនៅប្រទេសជប៉ុនក៏បានប្រមូលផ្តុំគ្នាសម្តែងមតិថ្កោលទោសថៃដែលបានបើកការវាយប្រហារដ៏កំរោល រំលោភបំពានលើដែនអធិបតេយ្យភាពកម្ពុជា ចំនួន ២ទីតាំងផងដែរ គឺនៅទីក្រុងតូក្យូ និងខេត្តអូសាកា ប្រទេសជប៉ុន៕

អ្នកតំណាងរាស្រ្ដ ព្រះសង្ឃ និងសប្បុរសជនប្រគល់ស្បៀងដល់កងកម្លាំងជួរមុខយោធភូមិភាគទី៤

នៅព្រឹកថ្ងៃទី១៤ខែធ្នូ ឆ្នាំ ២០២៥នេះឯកឧត្តម អ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប និងលោកជំទាវ រួមជាមួយព្រះសង្ឃដែលបាននិមន្តមកពីខេត្តកំពង់ចាម ព្រមទាំងមានការចូលរួមពីសំណាក់ក្រុមហ៊ុនខ្សែកាបអង្គរខេត្តសៀមរាបបានធ្វើការប្រគល់នូវគ្រឿងឧបភោគបរិភោគ និងសម្ភារៈប្រើប្រាស់ព្រមទាំងថវិកាជូនដល់កងកម្លាំងយោធភូមិភាគទី៤ ដែលកំពុងឈរជើងការពារសមរភូមិតាមបន្ទាត់ព្រំដែន។ឯកឧត្តម អ្នកឧកញ៉ា សៀង ណាំ អ្នកតំណាងរាស្រ្តមណ្ឌលសៀមរាប ថ្លែងថា គ្មាននរណាម្នាក់ចង់ឃើញសង្គ្រាម ឬការបាត់បង់ជីវិតនោះទេ ប៉ុន្តែប្រទេសកម្ពុជាមានកាតព្វកិច្ចការពារអធិបតេយ្យភាពរបស់ខ្លួនហើយប្រទេសកម្ពុជាមិនមែនជាអ្នកឈ្លានពានទេ ហើយក៏មិនបានរំលោភលើកិច្ចព្រមព្រៀងណាមួយដែរ គឺកងកម្លាំងកម្ពុជាយើងបានការពារខ្លួនប៉ុណ្ណោះ បន្ទាប់ពីមានការរំលោភបំពានពីសំណាក់ភាគីថៃ។ឯកឧត្តម អ្នកឧកញ៉ា ក៍បានថ្លែងកោតសសើរនូវស្មារតី និងទឹកចិត្តប្រុងប្រយ័ត្នគ្រប់ពេលវេលារបស់អង្គភាពទ័ពជួរមុខ និងប្រសិទ្ធពរជ័យមហាប្រសើរជូនចំពោះនាយទាហាន និងពលទាហានទាំងអស់ដែលកំពុងឈរជើងនៅសមរភូមិតាមព្រំដែនក្នុងការការពារបូរណភាពទឹកដីប្រឆាំងនឹងការឈ្លានពានរបស់កងទ័ពថៃ។ ឯកឧត្តមបន្តថា ក្នុងនាមជាអ្នកនៅសមរភូមិក្រោយមិនដែលភ្លេចសោះឡើយអ្នកនៅសមរភូមិមុខ និងសូមកោតសរសើរដោយស្មោះនូវពលិកម្ម និងស្មារតីអង់អាចក្លាហានរបស់បងប្អូនកងទ័ពទាំងអស់ដែលកំពុងប្រយុទ្ធការពារទឹកដីរបស់យើង ហើយតាមរយៈពលិកម្មនេះ សូមបន្តរួមគ្នារក្សាសាមគ្គីភាពឯកភាពរឹងមាំ និងជ្រោងខ្ពស់ស្មារតីស្នេហាជាតិក្នុងការបំពេញភារកិច្ចការពារបូរណៈភាពទឹកដីពីសត្រូវឈ្លានពាន។ឯកឧត្តម អ្នកឧកញ៉ា សៀង ណាំ ក៏បានមានប្រសាសន៍ថ្លែងអំណរព្រះគុណ និងអរគុណដល់ព្រះសង្ឃដែលបាននិមន្តមកពីខេត្តកំពង់ចាម និងសប្បុរសក្រុមហ៊ុនខ្សែកាបអង្គរដែលបានដែលបានចូលរួមឧបត្ថម្ភគាំទ្រក្នុងស្មារតីខ្មែរជួយខ្មែរ ប្រកបដោយទឹកចិត្តស្មោះសរក្នុងការរួបរួមជាតិខ្មែរជាធ្លុងមួយដោយស្មារតីខ្មែរជួយខ្មែរក្នុងគ្រាលំបាក៕

ពលរដ្ឋខេត្តកំពតរួមសាមគ្គីគ្នាដាល់អំបុកសម្រាប់ជូនដល់វីរកងទ័ពជួរមុខកំពុងច្បាំងការពារទឹកដី

បន្ទាប់ពីមានការស្នើសុំរបស់វីរៈកងទ័ពជួរមុខ ក៏ដូចជាសេចក្តីអំពាវនាវរបស់ប្រមុខរាជរដ្ឋាភិបាល ពិសេសសម្តេចតេជោ និងសម្តេចធិបតី ថ្នាក់ដឹកនាំ មន្ត្រីរាជការ កងកម្លាំង ព្រះសង្ឃ ប្រជាពលរដ្ឋ និងក្រុមយុវជនខេត្តកំពត បានរួមសាមគ្គីគ្នាដាល់អំបុកស្រូវថ្មី ដើម្បីផ្ញើជូនទៅដល់វីរកងទ័ពជួរមុខដែលកំពុងឈរជើងច្បាំងបណ្ដេញចោរសៀម ដែលបាននឹងកំពុងឈ្លានពានមកលើអធិបតេយ្យ និងបូរណភាពទឹកដីកម្ពុជា។ ក្នុងឱកាសនោះ ប្រជាពលរដ្ឋខេត្តកំពតបានលើកទឹកចិត្ត និងបានបួងសួងដល់វត្ថុស័ក្តិសិទ្ធតាមបីបាច់ថែរក្សាឲ្យវីរកងទ័ពកម្ពុជា មានសុខភាពល្អ មានសុវត្ថិភាព និងជ័យជម្នះលើពួកចោរឈ្លានពានសៀមលើគ្រប់សមរភូមិ។ សូមបញ្ជាក់ថា ក្រៅពីការផ្តួចផ្តើមនាំគ្នាដាល់អំបុក ថ្នាក់ដឹកនាំ មន្ត្រីរាជការ កងកម្លាំង ប្រជាពលរដ្ឋ ព្រះសង្ឃ យុវជន ក៏បានចូលរួមបរិច្ចាគជាសម្ភារៈ ថវិកា គ្រឿងឧបភោគបរិភោគជាច្រើនទៀត នៅតាមមូលដ្ឋាន ឃុំសង្កាត់ ស្រុកក្រុង និងនៅរដ្ឋបាលខេត្តផងដែរ ដើម្បីឧបត្ថម្ភគាំទ្រ និងជួយដល់វីរកងទ័ព និងបងប្អូនជនភៀសសឹកផងដែរ ៕

ឯកឧត្តម ឌិត ទីណា និងអ្នកឧកញ៉ា លាង ឃុន ដឹកនាំក្រុមការងារចុះសួរសុខទុក្ខ និងនាំយកអំណោយជូនបងប្អូនជនភៀសសឹកមកមណ្ឌលសុវត្ថិភាពនៅខេត្តបន្ទាយមានជ័យ

នៅរសៀលថ្ងៃទី១៤ ខែធ្នូ ឆ្នាំ២០២៥ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងអ្នកឧកញ៉ា លាង ឃុន សហស្ថាបនិកក្រុមហ៊ុន ជីប ម៉ុង ព្រមទាំងក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានសួរសុខទុក្ខ និងនាំយកអង្ករ ទឹកសុទ្ធ និងសាប៊ូ ជូនពុកម៉ែបងប្អូនជនភៀសសឹកមកមណ្ឌលសុវត្ថិភាព នៅក្រុងសិរីសោភ័ណ្ឌ ខេត្តបន្ទាយមានជ័យ។ឯកឧត្តមរដ្ឋមន្រ្តី សូមថ្លែងអំណរគុណក្រុមហ៊ុន ជីបម៉ុង យ៉ាងជ្រាលជ្រៅ ចំពោះការចូលរួមគាំទ្រកិច្ចខិតខំប្រឹងប្រែងរបស់រាជរដ្ឋាភិបាលក្នុងការថែទាំនិងគាំពារប្រជាពលរដ្ឋភៀសសឹកនៅមណ្ឌលសុវត្ថិភាពខេត្តបន្ទាយមានជ័យ៕

មកទល់ពេលនេះពលរដ្ឋភៀសសឹកកើនដល់ជាង ៣៨ម៉ឺននាក់ ខណៈស្លាប់១១នាក់ដោយសារថៃឈ្លានពាន

គិតត្រឹមព្រឹកថ្ងៃទី១៤ ខែធ្នូ ឆ្នាំ២០២៥នេះពលរដ្ឋភៀសសឹកជម្លៀសចេញពីព្រំដែនកម្ពុជា-ថៃ កើនដល់ជាង ៣៨ ម៉ឺននាក់ ក្នុងនោះមានកុមារជាង ១សែននាក់ ខណៈពលរដ្ឋស៊ីលស្លាប់ ១១ នាក់ និងរបួស ៥៩ នាក់ ដោយសារថៃឈ្លានពានប្រដាប់អាវុធចូលដែនអធិបតេយ្យកម្ពុជារយៈពេល៨ថ្ងៃមកនេះ។យោងតាម សេចក្តីប្រកាសព័ត៌មាន ស្តីពីផលប៉ះពាល់លើប្រជាពលរដ្ឋ និងតំបន់ស៊ីវិលកម្ពុជា ដោយអំពើឈ្លានពានប្រដាប់អាវុធ ជាមុនពីសំណាក់ភាគីថៃចាប់ពីម៉ោង៦ល្ងាច ថ្ងៃទី១៣ ខែធ្នូ រហូតដល់ម៉ោង៧ព្រឹក ថ្ងៃទី១៤ ខែធ្នូ ឆ្នាំ២០២៥ របស់ក្រសួងមហាផ្ទៃ នៃរាជរដ្ឋាភិបាលកម្ពុជា បានឱ្យដឹងថា ពលរដ្ឋស៊ីវិលស្លាប់កម្ពុជាស្លាប់មានចំនួន ១១ នាក់ និងរបួសចំនួន៥៩នាក់។ ខណៈមកទល់ពេលនេះ ពលរដ្ឋកំពុងភៀសសឹកនៅជំរំសុវត្ថិភាព៖ ក្នុងខេត្តព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិ៍សាត់ កោះកុង និងខេត្តសៀមរាប មានជនភៀសសឹកសរុប ១១៤.១០៦ គ្រួសារ (កើន១.១៤០គ្រួសារ) ស្មើនឹងមនុស្ស ៣៨៤.១០១ នាក់ (កើន៣.៨១៧នាក់) ក្នុងនោះស្ត្រីមានប្រមាណ២សែននាក់ និងកុមារប្រមាណ ១សែននាក់។ក្រៅពីនេះ តាមរយៈអំពើឈ្លានពានរំលោភច្បាប់អន្តរជាតិ និងក្បត់បទឈប់បាញ់ ជាមុនមកលើដែនអធិបតេយ្យកម្ពុជារបស់ភាគីថៃ ដែលផ្តើមឡើងជាថ្មីកាលពីថ្ងៃទី៧ ខែធ្នូបានបណ្តាលឱ្យប៉ះពាល់យ៉ាងធ្ងន់ធ្ងរលើសុវត្ថិភាពប្រជាពលរដ្ឋ និងតំបន់ស៊ីវិលកម្ពុជា ក្នុងនោះបានបំផ្លិចបំផ្លាញហេដ្ឋារចនាសម្ព័ន្ធរូបវន្តស៊ីវិល៖ មានផ្ទះសំបែង និងសម្ភារប្រើប្រាស់របស់ ប្រជាពលរដ្ឋ អគារក្រុមហ៊ុន អគាររដ្ឋបាល សាលារៀន វត្តអារាម ប្រាសាទបុរាណ ផ្លូវថ្នល់ ស្ពាន និងអង្គភាព សាធារណៈជាច្រើនកន្លែង បានកំពុងរងការខូចខាតជាបន្តបន្ទាប់ ខណៈសេវាជាមូលដ្ឋាន ដូចជា សេវារដ្ឋបាល សុខាភិបាល និងអប់រំនៅតាមក្រុង ស្រុក ឃុំ-សង្កាត់ ត្រូវបានផ្អាកស្ទើរទាំងស្រុង ដោយសារតែភាគីថៃបង្កើនការ វាយប្រហារដោយអាវុធគ្រប់ធុន និងគ្រប់ទម្រង់មកលើតំបន់ស៊ីវិល។ក្រសួងមហាផ្ទៃ នៃរាជរដ្ឋាភិបាលកម្ពុជា ប្រកាសគាំទ្រ និងជឿជាក់យ៉ាងមុតមាំលើយុទ្ធសាស្រ្តការពារជាតិរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអគ្គភស្តុភារជាន់ខ្ពស់ នៃ កងកម្លាំងប្រដាប់អាវុធកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីដ៏អង់អាចស្វាហាប់ ដែលក្រោមការដឹកនាំបញ្ជាប្រកបដោយយុទ្ធសាស្ត្រ របស់ សម្តេចទាំងទ្វេ កម្លាំងកងយោធពលខេមរភូមិន្ទ និងនគរបាលការពារព្រំដែននៃក្រសួងមហាផ្ទៃ បានកំពុងប្រកៀកស្មារួមគ្នាការពារបូរណភាពទឹកដី និង អធិបតេយ្យភាពជាតិ ដោយម្ចាស់ការ អង់អាចក្លាហាន ឈរជើងយ៉ាងរឹងមាំ និងមានប្រៀបឈ្នះគ្រប់គោលដៅ នៃសមរភូមិប្រយុទ្ធ៕

អគ្គលេខាធិការរងរដ្ឋសភា នាំយកស្បៀងជូនរដ្ឋបាលខេត្តពោធិ៍សាត់សម្រាប់បែងចែកជូនជនភៀសសឹក និងកងទ័ព

នៅព្រឹកថ្ងៃទី១៤ ខែធ្នូ ឆ្នាំ២០២៥ ឯកឧត្តម ឃួន ដាវិត អគ្គលេខាធិការរងរដ្ឋសភា , ឯកឧត្តមបណ្ឌិត ទី ថានី អ្នកតំណាងរាស្ត្រខេត្តពោធិ៍សាត់ និង ឯកឧត្តម រូហ្វី អូស្មាន អ្នកតំណាងរាស្ត្រខេត្តពោធិ៍សាត់ បាននាំយកអំណោយមនុស្សធម៌ របស់រដ្ឋសភា ប្រគល់ជូន ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍ សម្រាប់ចាត់ចែងចែកជូនដល់ វីរៈកងទ័ព ដ៏អង់អាចក្លាហាន ដែលកំពុងឈរជើងនៅសមរភូមិជួរមុខ និងបងប្អូនជនភៀសសឹក ដែលរងគ្រោះដោយសារសង្គ្រាមឈ្លានពានដ៏ឃោរឃៅពីសំណាក់យោធាថៃ នៅក្នុងខេត្តពោធិ៍សាត់។អំណោយដែលប្រគល់ជូនរដ្ឋបាលខេត្តពោធិ៍សាត់រួមមាន ថវិកា២០.០០០.០០០រៀល, ឆៃប៉ូវ ២០០គីឡូក្រាម, បាយក្តាំង ១០កេស, ទឹកត្រី ២០០យួរ, ទឹកស៊ីអ៊ីវ ២០០យួរ, មីខ្លាឃ្មុំ ២០០កេស, ត្រីខ ២០កេស ,អង្ករ ២០០ការ៉ុង និងភួយ ១០០។ឯកឧត្តម ខូយ រីដា អភិបាលខេត្តពោធិ៍សាត់ បានថ្លែងអំណរគុណ ជូនចំពោះឯកឧត្តម ឃួន ដាវិត អគ្គលេខាធិការរងរដ្ឋសភា , ឯកឧត្តមបណ្ឌិត ទី ថានី អ្នកតំណាងរាស្ត្រខេត្តពោធិ៍សាត់ និង ឯកឧត្តម រូហ្វី អូស្មាន អ្នកតំណាងរាស្ត្រខេត្តពោធិ៍សាត់ ដែលបាននាំយកអំណោយមនុស្សធម៌ របស់រដ្ឋសភា នៃព្រះរាជាណាចក្រកម្ពុជា មកប្រគល់ជូនរដ្ឋបាលខេត្ត សម្រាប់ជាគុណប្រយោជន៍ បានជួយដល់កងកម្លាំងវីរកងទ័ពជួរមុខ ដែលកំពុងការពារបូរណភាពទឹកដី និងជនភៀសសឹក ដែលរស់នៅតាមខ្សែបន្ទាត់ព្រំដែនកម្ពុជា-ថៃ ក្នុងឃុំថ្មដា ស្រុកវាលវែង ខេត្តពោធិ៍សាត់។ឯកឧត្តម បន្តថា គ្រឿងឧបភោគបរិភោគ សម្ភារប្រើប្រាស់ និងថវិកា ដែលបានប្រគល់ជូននាពេលនេះ គឺកើតចេញពីការស្ម័គ្រចិត្ត ឯកឧត្តម លោកជំទាវ និងសប្បរសជននានា បានបង្ហាញអំពីស្មារតីស្នេហាជាតិ សាមគ្គីភាពជាតិ ខ្មែរជួយខ្មែរ ខ្មែរស្រលាញ់ខ្មែរ ជាធ្លុងដ៏រឹងមាំមួយ ក្នុងការគាំទ្ររវាងកម្លាំងជួរក្រោយ ជាមួយវីរកងទ័ពជួរមុខ ដ៏អង់អាចរបស់ជាតិយើង ដែលកំពុងប្រតិបត្តិការការពារអធិបតេយ្យភាព បូរណភាពទឹកដី នៅតាមបណ្តោយព្រំដែន កម្ពុជា-ថៃ។ឯកឧត្តម ខូយ រីដា បានគូសបញ្ជាក់ថា គិតមកដល់ពេលនេះ ស្ថានភាពតាមខ្សែបន្ទាត់ព្រំដែន កម្ពុជា-ថៃ ជាពិសេសនៅឃុំថ្មដា ស្រុកវាលវែង ខេត្តពោធិ៍សាត់ ប្រទេសកម្ពុជា ដែលជាប់នឹងស្រុកមឿង ខេត្តត្រាត ប្រទេសថៃ ឃើញថា ពុំទាន់មានភាពធូរស្រាលនៅឡើយ ដោយអាជ្ញាធរខេត្តបាននឹងកំពុង បែងចែកស្បៀងអាហារទៅដល់កងទព័ជួរមុខ ប្រជាពលរដ្ឋជាជនភៀសសឹក គ្រួសារកងទ័ពជួរមុខ និងប្រជាពលរដ្ឋដែងរងផលប៉ះពាលដោយសារសង្គ្រាមឈ្លានពានរបស់ថៃមកលើប្រទេសកម្ពុជា ៕

គណៈកម្មការផ្សារជម្ពូវ័ន២ និងបងប្អូនអាជីវករ ប្តេជ្ញាលក់ទំនិញមិនឡើងថ្លៃ ដើម្បីរួមគ្នាជួយវីរកងទ័ព និងជនភៀសសឹក

ដោយសារទង្វើឈ្លានពានទឹកដីរបស់កម្ពុជាពីសំណាក់ភាគីថៃ បានធ្វើឱ្យបងប្អូនអាជីវករលក់ដូរនានា បានប្តេជ្ញាលក់ទំនិញមិនឡើងថ្លៃទេ ដើម្បីឱ្យបងប្អូនប្រជាពលរដ្ឋ និងសប្បុរសជននានា បានទិញយកទៅជួយដល់វីរកងទ័ព និងជនភៀសសឹក ។បើកតាមការលើកឡើង របស់បងប្អូនអាជីវករ នៅផ្សារជម្ពូវ័ន២ ប្តេជ្ញា មិនលក់ដូរឡើងថ្លៃទេ គឺមានតែលក់បន្ធូរបន្ថយតម្លៃជាងមុនថែមទៀត ដល់បងប្អូនប្រជាពលរដ្ឋ និងសប្បុរសជន ដែលមកជួយទិញយកទៅឧបត្ថម្ភដល់វីរកងទ័ព និងជួយដល់ជនភៀសសឹក។ បងប្អូនអាជីវករ បានបន្តទៀតថា គ្រានេះត្រូវតែរួបរួមគ្នា ជាមហាកម្លាំងសាមគ្គីតែមួយ គាំទ្ររាជរដ្ឋាភិបាល និងវីរកងទ័ព ។ ដូច្នេះហើយ ពួកគាត់ជាសមរភូមិក្រោយ បានផ្តល់ជំនួយ ស្បៀងអាហារ សម្ភារៈ បន្លែត្រីសាច់ និងថវិកាជាដើម ដើម្បីផ្តល់ជូនទៅកាន់វីរជនកងទ័ពហានក្លារបស់កម្ពុជា និងបងប្អូនជនភៀសសឹក ដែលកំពុងនៅសមរភូមិមុខ ។ចំណែកលោក ម៉ិល បេត ប្រធានផ្សារជម្ពូវ័ន២ បានប្រាប់ថា តាមការចុះសង្កេត គឺបងប្អូនអាជីវករ ពុំបានលក់ដូរឡើងថ្លៃទេ ហើយបងប្អូនអាជីករ មានស្មារតីរួបរួមសាមគ្គីគ្នាល្អណាស់ ក្នុងនោះពួកគាត់ បាននាំគ្នានាំយកសម្ភារៈ គ្រឿងឧបភោគបរិភោគជាច្រើន យកមកជូនគណៈកម្មការផ្សារ ហើយគណៈកម្មការផ្សារបានដឹកទៅសាលាសង្កាត់ និងជូនដល់កងទ័ព នៅបន្ទាយ ង៧០ ដើម្បីដឹកជញ្ជូនដល់ដៃវីរកងទ័ព និងជនភៀសសឹក។ ហើយជាមួយគ្នានេះ លោកសូមអំពាវនាវឱ្យបងប្អូនប្រជាពលរដ្ឋខ្មែរទំាងអស់ បន្តជឿជាក់លើរាជរដ្ឋាភិបាល និងនាំគ្នាជួយគំាទ្រដល់វីរកងទ័ព និងជនភៀសសឹក ត្រូវតែរួបរួមគ្នាជាមហាកម្លាំងសាមគ្គីតែមួយទំាងអស់គ្នា ។សូមបញ្ជាក់ថា មកដល់ពេលនេះ បងប្អូនអាជីវករ នៅតាមបណ្តាផ្សារផ្សេងៗទៀត សុទ្ធតែបានប្តេជ្ញាលក់ទំនិញ មិនតម្លៃថ្លៃឡើយ ដើម្បីឱ្យបងប្អូនប្រជាពលរដ្ឋ មានលទ្ធភាពបានទិញយកទៅប្រើប្រាស់ក្នុងស្ថានភាពដែលភាគីយោធាថៃកំពុងឈ្លានពានកម្ពុជា និងកំពុងនាំគ្នាជួយគំាទ្រដល់វីវកងទ័ព៕ អត្ថបទ៖ ពៅយី

បណ្ដាញសង្គម

ព័ត៌មានថ្មីៗ

ការវាយប្រហាររបស់រុស្ស៊ី បានសម្លាប់មនុស្សច្រើននាក់ ខណៈប្រធានាធិបតីអ៊ុយក្រែនថា ការវាយប្រហារថ្មីអាចកើតឡើង

រដ្ឋមន្ត្រីការបរទេសអាមេរិក សង្ឃឹមចំពោះកិច្ចព្រមព្រៀងជាមួយអ៊ីរ៉ង់ ដោយទទូចលើការទប់ស្កាត់នុយក្លេអ៊ែរ

អ៊ីស្រាអែល និងហេសបូឡា វាយប្រហារដាក់គ្នា ខណៈក្រុមអ្នកការទូតជួបគ្នានៅទីក្រុងវ៉ាស៊ីនតោន

អាមេរិក បាញ់មីស៊ីល Hellfire ទៅលើនាវាដឹកប្រេងកំពុងធ្វើដំណើរទៅកាន់ប្រទេសអ៊ីរ៉ង់

អាមេរិកវាយប្រហារកោះ Qeshm របស់អ៊ីរ៉ង់ ខណៈទីក្រុងតេអេរ៉ង់បាញ់មីស៊ីលទៅលើកូវ៉ែត និងបារ៉ែន

អ៊ីរ៉ង់ កំពុងសិក្សាកិច្ចព្រមព្រៀងផ្អាកសង្គ្រាម ខណៈភាពជាប់គាំងនៅតែបន្ត

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

មកទល់រសៀលនេះ យោធាថៃបន្តការបាញ់ប្រហារមកលើដែនអធិបតេយ្យភាពកម្ពុជាក្នុងភូមិសាស្រ្ដយោធភូមិទី៤ និងទី៥

ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់ ដោយសារថៃឈ្លានពាន

អ្នកតំណាងរាស្រ្ដ ព្រះសង្ឃ និងសប្បុរសជនប្រគល់ស្បៀងដល់កងកម្លាំងជួរមុខយោធភូមិភាគទី៤

ពលរដ្ឋខេត្តកំពតរួមសាមគ្គីគ្នាដាល់អំបុកសម្រាប់ជូនដល់វីរកងទ័ពជួរមុខកំពុងច្បាំងការពារទឹកដី

មកទល់ពេលនេះពលរដ្ឋភៀសសឹកកើនដល់ជាង ៣៨ម៉ឺននាក់ ខណៈស្លាប់១១នាក់ដោយសារថៃឈ្លានពាន

អគ្គលេខាធិការរងរដ្ឋសភា នាំយកស្បៀងជូនរដ្ឋបាលខេត្តពោធិ៍សាត់សម្រាប់បែងចែកជូនជនភៀសសឹក និងកងទ័ព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់ ដោយសារ​ថៃឈ្លានពាន

អ្នកតំណាងរាស្រ្ដ ព្រះសង្ឃ និង​សប្បុរសជន​ប្រគល់​ស្បៀង​ដល់​កង​កម្លាំង​ជួរ​មុខ​យោធ​ភូមិភាគ​ទី៤

ពលរដ្ឋខេត្តកំពតរួមសាមគ្គីគ្នាដាល់អំបុកសម្រាប់ជូនដល់វីរកងទ័ពជួរមុខកំពុងច្បាំងការពារទឹកដី

មកទល់ពេលនេះពលរដ្ឋភៀសសឹកកើនដល់ជាង ៣៨ម៉ឺននាក់ ខណៈ​ស្លាប់​១១​នាក់​ដោយ​សារ​ថៃ​ឈ្លានពាន

អគ្គលេខាធិការរងរដ្ឋសភា នាំយក​ស្បៀងជូន​រដ្ឋបាល​ខេត្តពោធិ៍សាត់​សម្រាប់​បែង​ចែក​ជូន​ជន​ភៀស​សឹក​ និងកងទ័ព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់ ដោយសារថៃឈ្លានពាន

អ្នកតំណាងរាស្រ្ដ ព្រះសង្ឃ និងសប្បុរសជនប្រគល់ស្បៀងដល់កងកម្លាំងជួរមុខយោធភូមិភាគទី៤

មកទល់ពេលនេះពលរដ្ឋភៀសសឹកកើនដល់ជាង ៣៨ម៉ឺននាក់ ខណៈស្លាប់១១នាក់ដោយសារថៃឈ្លានពាន

អគ្គលេខាធិការរងរដ្ឋសភា នាំយកស្បៀងជូនរដ្ឋបាលខេត្តពោធិ៍សាត់សម្រាប់បែងចែកជូនជនភៀសសឹក និងកងទ័ព