នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ឌិត ទីណា បន្តជំរុញមន្ត្រីកសិកម្មឃុំ បង្កេីនការចុះផ្សព្វផ្សាយគោលនយោបាយកសិកម្មដល់ប្រជាកសិករដេីម្បីប្រយោជន៍រួមទាំងអស់គ្នា
សាខាកាកបាទក្រហមកម្ពុជាខេត្តកំពង់ឆ្នាំងប្រារព្ធព្រះរាជពិធីបុណ្យចម្រើនព្រះជន្មថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរគម្រប់៨៩ យាងចូល៩០ព្រះវស្សា
ប្រធានក្រុមមេធាវីស្មគ្រ័ចិត្តសម្តេចតេជោសែន ចែករំលែក«បទពិសោធន៍ដឹកនាំអង្គភាព និងបទពិសោធន៍ក្នុងការប្រកបវិជ្ជាជីវៈជាមេធាវី»
កម្ពុជាគ្រោងរៀបចំវេទិការពាណិជ្ជកម្មឌីជីថល និងពិព័រណ៍អនឡាញ លើកទី២ ដើម្បីជំរុញការនាំចេញផលិតផលជាតិ

ព័ត៌មានជាតិ

សម្ដេចធិបតី នាយករដ្ឋមន្រ្ដី៖រាជរដ្ឋាភិបាលលើកទឹកចិត្ត និងជំរុញសកម្មភាពក្នុងការតភ្ជាប់ពាណិជ្ជកម្ម ធុរកិច្ច និងការវិនិយោគ

2024/12/13 03:12:56 pm        210
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាាសន៍ថា រាជរដ្ឋាភិបាលកម្ពុជា លើកទឹកចិត្ត និងជំរុញសកម្មភាពក្នុងការតភ្ជាប់ពាណិជ្ជកម្ម ធុរកិច្ច និងការវិនិយោគ ក្នុងនោះលទ្ធផលជាក់ស្តែង បានបង្ហាញថាផលិតផលមិនត្រឹមតែជាផលិតផល នៃវិស័យកសិកម្មប៉ុណ្ណោះទេ តែយើងក៏មានផលិតផលសម្រេចសម្រាប់នាំចេញទៅក្រៅប្រទេសផងដែរ។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធីសម្ពោធ «ពិព័រណ៌ពាណិជ្ជកម្មកម្ពុជា ឆ្នាំ២០២៤» នាព្រឹកថ្ងៃសុក្រ ទី១៣ ខែធ្នូ ឆ្នាំ២០២៤ ថា រាជរដ្ឋាភិបាលកម្ពុជា លើកទឹកចិត្ត និងជំរុញសកម្មភាពក្នុងការតភ្ជាប់ពាណិជ្ជកម្ម ធុរកិច្ច និងការវិនិយោគ ក្នុងនោះលទ្ធផលជាក់ស្តែង បានបង្ហាញថាផលិតផលមិនត្រឹមតែជាផលិតផល នៃវិស័យកសិកម្មប៉ុណ្ណោះទេ តែយើងក៏មានផលិតផលសម្រេចសម្រាប់នាំចេញទៅក្រៅប្រទេសផងដែរ។អ្វីដែលជាការកត់សម្គាល់ គឺសមត្ថភាពរបស់កូនខ្មែរ ដែលអាចផលិតរ៉ូបូត (Robot) ឆុងកាហ្វេបានដោយប្រើប្រាស់បច្ចេកវិទ្យា ហើយនេះជាស្នាដៃកូនខ្មែរ ក្នុងការផលិតឧបករណ៍ ឬសម្ភារដោយការច្នៃប្រឌិតភ្ជាប់នឹងបច្ចេកទេសក្នុងការផលិត ឬបម្រើសេវាកម្ម។ជាមួយគ្នានេះ សម្តេចបវរធិបតីនាយករដ្ឋមន្ត្រី បានរំលេចបន្ថែមថា ក្រសួងការងារ និងបណ្តុះបណ្តាលវិជ្ជាជីវៈ បានប្រើប្រាស់បច្ចេកវិទ្យារៀបចំធ្វើជាបញ្ជការងារ ដើម្បីផ្តល់ព័ត៌មាន អំពីតម្រូវការ និងឱកាសការងារជូនដល់និស្សិត និងអ្នកស្វែងរកការងារបានកាន់តែមានភាពងាយស្រួល និងទំនើប ពិសេសអាចស្វែងរកព័ត៌មានឆាប់រហ័ស ដែលនេះជាការជួយដល់យុវជនខ្មែរផង ក៏ដូចជាជួយដល់វិស័យឯកជនផង ក្នុងការស្វែងរកបុគ្គលិក បានតាមតម្រូវការ និងប្រកបដោយជំនាញពិតប្រាកដ។ព្រមជាមួយនឹងសមិទ្ធផល និងការវិវត្តខាងលើ សម្តេចមហាបវរធិបតីនាយករដ្ឋមន្ត្រី ក៏បានគូសបញ្ជាក់ថា កំណើនសេដ្ឋកិច្ចរបស់ប្រទេស យើងអាចមើលបានតាមតួលេខ តែការអភិវឌ្ឍសេដ្ឋកិច្ច គឺយើងអាចមើលបានតាមរយៈសកម្មភាព និងលទ្ធផលនៃការផលិត ជាពិសេសការភ្ជាប់ផលិតផលក្នុងស្រុកជាមួយនឹងផលិតផលក្រៅស្រុក។ ក្នុងនោះដែរយើងក៏ត្រូវពិនិត្យមើលកាលានុវត្តភាព ដោយភ្ជាប់ទំនាក់ទំនងរវាងអ្នកលក់ និងអ្នកទិញ តាមរយៈ ១/ បច្ចេកវិទ្យា អ៊ិនធើណែត, ២/ E-Commerce ៣/ ហេដ្ឋារចនាសម្ព័ន្ធតភ្ជាប់ និង៤/ ការផ្សព្វផ្សាយព័ត៌មាន៕

ព្រឹកនេះកម្ពុជាបើកពិព័រណ៍ពាណិជ្ជកម្មរយៈពេល៤ថ្ងៃ ក្រោមមូលបទ «យុគសម័យថ្មីនៃពាណិជ្ជកម្ម»

2024/12/13 03:06:03 pm        81
Facebook Telegram Linkin
ភ្នំពេញ៖ពិព័រណ៍ពាណិជ្ជកម្មកម្ពុជា ក្រោមមូលបទ «យុគសម័យថ្មីនៃពាណិជ្ជកម្ម» នៅព្រឹកថ្ងៃទី១៣ ខែធ្នូនេះ បានប្រារព្ធពិធីបើកសម្ពោធីជាផ្លូវក្រោមអធិបតីភាពដ៏ខ្ពង់ខ្ពស់របស់ សម្តេចនាយករដ្ឋមន្រ្តី ហ៊ុន ម៉ាណែត ស្ថិតនៅខណ្ឌច្បារអំពៅ រាជធានីភ្នំពេញ។លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម មានប្រសាសន៍ថា មូលបទ «យុគសម័យថ្មីនៃពាណិជ្ជកម្ម» តំណាងឱ្យការស្តារឡើងវិញ និងការរីកចម្រើននៃពាណិជ្ជកម្មរបស់កម្ពុជា ដែលបង្ហាញពីសករាជថ្មីនៃការអភិវឌ្ឍ សេដ្ឋកិច្ច ការចូលរួមជាសកល និងការពង្រឹងភាពប្រកួតប្រជែង។ លោកជំទាវ បានបន្តថា ពិព័រណ៍ពាណិជ្ជកម្មកម្ពុជា មានរយៈពេល៤ថ្ងៃ ចាប់ពីថ្ងៃទី១៣ ដល់១៦ ខែធ្នូ ឆ្នាំ២០២៤ ក្នុងគោលបំណងតាំងបង្ហាញផលិតផលមានគុណភាពខ្ពស់របស់កម្ពុជា ទំនិញនាំចេញ-នាំចូលសំខាន់ៗ និងសេវាកម្មដែលមានលក្ខណៈពិសេសរបស់បណ្តាអ្នកផ្គត់ផ្គង់ជុំវិញពិភពលោក ទាំងក្នុងស្រុក និងទំនិញនាំចូល ដែលមានពីពាណិជ្ជករជាតិ និងអន្តរជាតិ។ ព្រឹត្តការណ៍នេះដែរ នឹងផ្សារភ្ជាប់ទំនាក់ទំនងអ្នកផលិតក្នុងស្រុកជាមួយអ្នកទិញ និងទីផ្សារអន្តរជាតិ ពង្រីកលទ្ធភាពក្នុងការទទួលបានឱកាសថ្មីៗ និងពង្រីកវត្តមានរបស់កម្បុជានៅលើឆាកអន្តរជាតិ។ក្រុមអាជីវករ ដែលចូលរួមតាំងបង្ហាញក្នុងកម្មវិធីនេះ បានលើកឡើងថា ពិតជាសប្បាយរីករាយ និងឃើញថាប្លែកច្រើនទាំងការរៀបចំ ទាំងទីតាំង និងស្តង់តាំងបង្ហាញជាដើម។ ក្រុមអាជីករ សង្ឃឹមទៀតថា តាមរយៈកម្មវិធីនេះ នឹងទទួលបានអត្ថប្រយោជន៍ជាច្រើនថែមទៀត ដោយសាររាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម ជាសេនាធិការ តែងតែយកចិត្តទុកដាក់ជានិច្ចជាមួយវិស័យឯកជន។ ជាក់ស្តែងនៅឆ្នាំនេះ ក្រៅពីការតាំងបង្ហាញផលិតផលតាមរយៈដោយផ្ទាល់ ក្រសួងក៏បានពង្រីកការផ្សព្វផ្សាយតាមប្រព័ន្ធអនឡាញ។ ជាពិសេស ការរៀបចំវេទិកាសម្រាប់ពង្រឹងទំនាក់ទំនងពាណិជ្ជកម្ម រវាងកម្ពុជា ជាមួយទីផ្សារអន្តរជាតិ និងការតាំងបង្ហាញផលិតផលរបស់ដៃគូអន្តរជាតិផងដែរ។សូមជម្រាបជូនថា ពិព័រណ៍ពាណិជ្ជកម្មកម្ពុជា (CTE) ដើមឡើយមានឈ្មោះថា «ពិព័រណ៍ផលិតផលខ្មែរ និងទំនិញនាំចេញ-នាំចូល (CIEGE)» ដែលចាប់តាំងពីឆ្នាំ២០០៦មក ត្រូវបានរៀបចំឡើងទទួលបានជោគជ័យចំនួន១៦លើក។ ការផ្លាស់ប្តូរឈ្មោះពិព័រណ៍ពិព័រណ៍ផលិតផលខ្មែរ និងទំនិញនាំចេញ-នាំចូល ក្នុងគោលបំណងធ្វើឲ្យឈ្មោះពិព័រណ៍នេះកាន់តែមានភាពសាមញ្ញ ងាយស្រួលចងចាំ ឆ្លុះបញ្ចាំងពីគោលគំនិតនៃឧត្តមភាព និងប្រកបដោយភាពទាក់ទាញក្នុងទីផ្សារសម័យថ្មីដែលមានភាពរស់រវើក និងការយកចិត្តទុកដាក់ទៅលើគុណភាពខ្ពស់ និងភាពច្នៃប្រឌិតខ្ពស់៕អត្ថបទ ឈិត បូរ៉ាវី 

សម្ដេចធិបតី៖ ប្រព័ន្ធបច្ចេកវិទ្យាជា​កាលានុវត្តភាព​ដ៏ល្អសម្រាប់ភ្ជាប់ទំនាក់ទំនងទីផ្សារ និងសម្រួលពាណិជ្ជកម្ម

2024/12/13 03:01:43 pm        257
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានជំរុញការប្រើប្រាស់តភ្ជាប់ទំ នាក់ទំនងទីផ្សារ ក្នុងស្រុក និងក្រៅស្រុក តាមរយៈប្រព័ន្ធបច្ចេកវិទ្យា (ប្រព័ន្ធអ៊ីនធឺណិត) ដែលជាកាលានុវត្តភាពដ៏ល្អប្រសើរសម្រាប់អ្នកវិនិយោគ និងជាការសម្រួលពាណិជ្ជកម្ម​ដ៏ល្អរវាងអ្នកលក់ និងអ្នកទិញ ។សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក្នុងឱកាសអញ្ជើញបើក «ពិព័រណ៍ពាណិជ្ជកម្មកម្ពុជា» ក្រោមមូលបទ៖ «យុគសម័យថ្មីនៃពាណិជ្ជកម្ម» នាថ្ងៃទី១៣ ខែធ្នូ នេះ នៅបុរីប៉េងហួតបឹងស្នោ បានមានប្រសាសន៍ថា ការប្រើប្រាស់បច្ចេកវិទ្យាលើកិច្ចការពាណិជ្ជកម្ម ក្នុងស្រុក និងក្រៅស្រុក ការស្វែងរកទីផ្សារការងារ និងការ លក់ផលិតផល ក្នុង និងក្រៅប្រទេស ជារឿងសំខាន់ចាំបាច់ នាបច្ចុប្បន្ននេះ ។ សម្ដេចធិបតី បានផ្ដល់អនុសាសន៍ដល់ក្រសួងស្ថាប័នពាក់ព័ន្ធទាំងអស់ ត្រូវផ្លាស់​ប្ដូរនូវ​របៀប​របបធ្វើការ ផ្លាស់ប្ដូរនូវវិធីសាស្ត្រនៃការតភ្ជាប់នៃផលិតកម្ម ។ ​ការប្រើប្រាស់ប្រព័ន្ធអ៊ីនធឺណិត ក្នុងការស្វែងរកទីផ្សារការងារ ការត ភ្ជាប់យន្តការផ្សេងៗទៅដល់សហគមន៍​កសិករ និង​អ្នកផលិតផលិតផល ជារឿងសំខាន់ ។សម្ដេចធិបតី ហ៊ុន ម៉ាណែត បានសម្ដែងការកោតសរសើរចំពោះការដឹកនាំរបស់ក្រសួងពាណិជ្ជកម្ម ទាំងការ ផលិត ​ទាំងការប្រមូលផ្ដុំលក់ ការចែកចាយ ​ធានាគុណភាព ទាំងក្នុង និងក្រៅប្រទេស ។ សម្ដេចធិបតី បានជំរុញ ដល់គ្រប់វិស័យទាំងអស់ ត្រូវខិតខំផ្សព្វផ្សាយផលិតផលកម្ពុជា ដោយភ្ជាប់តាម​ប្រព័ន្ធបច្ចេកវិទ្យាអ៊ិនធឺណិតទៅ ក្រៅប្រទេស ៕អត្ថបទ៖ នីតា  

សម្តេចធិបតី៖ ចង់រីកចម្រើន ត្រូវមានជំនួបជាមួយពាណិជ្ជករ បន្ថែមលើគោលនយោបាយដែលបានដាក់ចេញ

2024/12/13 02:53:26 pm        319
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានណែនាំឱ្យក្រសួងពាណិជ្ជកម្ម ក៏ដូចជា ស្ថាប័នពាក់ព័ន្ធលើវិស័យពាណិជ្ជកម្ម ត្រូវខិតខំបន្ថែមទៀតទៅលើទំនាក់ទំនងជាមួយដៃគូ ជាពិសេស ត្រូវឧស្សាហ៍ មានជំនួបដោយផ្ទាល់ជាមួយគ្នា បើទោះបីមានគោលនយោបាយច្បាស់លាស់ ដែលត្រូវបានដាក់ចេញរួចហើយក្តី ។ ការណ៍នេះ នឹងជួយជំរុញឱ្យដំណើរការពាណិជ្ជកម្មកាន់តែមានការរីកចម្រើន ។សម្តេចធិបតី ហ៊ុន ម៉ាណែត ក្នុងឱកាសអញ្ជើញជាអធិបតីភាពបើក «ពិព័រណ៍ពាណិជ្ជកម្មកម្ពុជា (CTE)» ដែលជាព្រឹត្តិការណ៍ពិព័រណ៍ដ៏ធំមួយប្រចាំឆ្នាំ នៅមជ្ឈមណ្ឌលភីអេច ហ្គ្រេនហល បុរីប៉េងហួត បឹងស្នោ នាព្រឹកថ្ងៃទី ១៣ ខែធ្នូ នេះ បានផ្ដល់អនុសាសន៍ដល់ក្រសួងពាណិជ្ជកម្ម ឱ្យបន្តយកចិត្តទុកដាក់ទៅលើយន្តការ កិច្ចសន្ទនាជា មួយវិស័យឯកជនឱ្យបានច្រើន ដើម្បីស្វែង​យល់​ពីបញ្ហាប្រឈម និងសំណូមពរពីវិស័យឯកជន ។សម្តេចធិបតី ហ៊ុន ម៉ាណែត បានផ្តល់អនុសាសន៍ដោយចាត់ទុកថា រឿងខ្លះអាចដោះស្រាយបាន​ដោយមិនលំបាកទេ សំខាន់គឺការបានជួបសន្ទនាគ្នាផ្ទាល់ ។សូមបញ្ជាក់ថា ​ពិព័រណ៍ពាណិជ្ជកម្មកម្ពុជា មានគោលបំណងតាំង​បង្ហាញ​ផលិតផល​ដែលមាន​គុណភាពខ្ពស់របស់កម្ពុជា ពិសេសទំនិញនាំចេញ-នាំចូលសំខាន់ៗ និងសេវា​កម្មដែលមាន​លក្ខណៈពិសេស​ របស់បណ្តាអ្នក ផ្គត់ផ្គង់ជុំវិញពិភពលោក ៕អត្ថបទ៖ មុត សុទ្ធ

សម្ដេចតេជោ ហ៊ុន សែន បញ្ចប់ទស្សនកិច្ចនៅតួកគីយេហើយបន្តទស្សនកិច្ចផ្លូវការទៅកាន់​ប្រទេសអេមីរ៉ាតអារ៉ាប់រួម

2024/12/13 02:49:29 pm        288
Facebook Telegram Linkin
នៅព្រឹកថ្ងៃទី១៣ ខែធ្នូ ឆ្នាំ២០២៤នេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់ ព្រះរាជាណាចក្រកម្ពុជា អញ្ជើញធ្វើ​ដំណើរចាកចេញពីរដ្ឋធានីអង់ការ៉ា ប្រទេសតួកគីយេ ហើយបានបន្តដំណើរ​ទៅបំពេញទស្សនកិច្ចផ្លូវការ ទៅកាន់រដ្ឋធានី Abu Dhabi នៃប្រទេសអេមីរ៉ាតអារ៉ាប់រួម។ក្នុងឱកាសដំណើរអញ្ជើញដល់ប្រទេសតួកគី សម្ដេចតេជោ ហ៊ុន សែន និងគណៈប្រតិភូជាន់ខ្ពស់កម្ពុជា ត្រូវបានការធ្វើគារវកិច្ចស្វាគមន៍យ៉ាងកក់ក្តៅបំផុត ពីឯកឧត្តម អាឌុលកាឌៀ អាក់ហ្គូល (Abdulkadir AKGOL) ប្រធានក្រុមមិត្តភាពអន្តរសភាតួកគីយ៉េ-កម្ពុជា, ឯកឧត្តម សុខ ជាឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋតួកគីយេព្រមទាំងវត្ត មានឥស្សរជនជាន់ខ្ពស់សភាតួកគីយ៉េ និងឥស្សរជនការទូតរបស់ព្រះរាជាណាចក្រកម្ពុជា ជាច្រើនរូប។វត្តមាននៃការអញ្ជើញដល់សណ្ឋាគារ ក្នុងរដ្ឋធានីអង់ការ៉ា នៅរសៀលថ្ងៃទី១១ ខែធ្នូ ឆ្នាំ២០២៤ សម្តេចតេជោ ហ៊ុន សែន ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់ពីសំណាក់បងប្អូនជនរួមជាតិខ្មែរ និងនិស្សិតកម្ពុជា ដែលកំពុងប្រកបរបរចញ្ចឹមជីវិត និងធ្វើកម្មសិក្សា នៅរដ្ឋធានីអង់ការ៉ា ប្រទេសតួកគីយេ។ ដំណើរទស្សនកិច្ចនៅតួកគី នៅព្រឹកថ្ងៃទី១២ ខែធ្នូ ឆ្នាំ២០២៤ សម្តេចតេជោ ហ៊ុន សែន និងគណៈប្រតិភូជាន់ខ្ពស់កម្ពុជា អញ្ជើញទស្សនាវិមានរំលឹកអនុស្សាវរីយ៍អានីតកាបៀរ, អញ្ជើញដាក់កម្រងផ្កាគោរពវិញ្ញាណក្ខន្ធ លោកប្រធានាធិបតីទី១ នៃប្រទេសតួកគីយ៉េ លោក Mustafa Kemal Atatuk។ សម្ដេចក៏បានអញ្ជើញចុះហត្ថលេខាលើសៀវភៅក្រាំងមាស និងអញ្ជើញទស្សនាសារមន្ទីរសង្រ្គាម ក្នុងរដ្ឋធានីអង់ការ៉ា ប្រទេសតួកគីយ៉េផងដែរ។ បន្ទាប់មកនៅថ្ងៃដដែលនេះ សម្តេចតេជោ បានអញ្ជើញធ្វើកិច្ចប្រជុំចង្អៀតជាមួយ ឯកឧត្តមសាស្រ្តាចារ្យបណ្ឌិត នូម៉ាន់ តួទលមុស (Numan Kurtulmus) ប្រធានរដ្ឋសភា នៃសាធារណរដ្ឋតួកគីយេ។ ក្នុងឱកាសជំនួបនេះ សម្តេចតេជោ ហ៊ុន សែន ក៏បានបង្ហាញចៅបង្កើត និងអនាគតចៅប្រសារ ដល់ឯកឧត្តមសាស្រ្តាចារ្យបណ្ឌិត នូម៉ាន់ តួទលមុស (Numan Kurtulmus) ប្រធានរដ្ឋសភាតួកគីយេ។ ក្រោយបញ្ចប់កិច្ចប្រជុំចង្អៀត សម្តេចតេជោ ហ៊ុន សែន និងគណៈប្រតិភូជាន់ខ្ពស់កម្ពុជា បានអញ្ជើញកិច្ចប្រជុំពេញអង្គជាមួយ ឯកឧត្តមសាស្រ្តាចារ្យបណ្ឌិត នូម៉ាន់ តួទលមុស ប្រធានរដ្ឋសភាតួកគីយេផងដែរ។នៅថ្ងៃទី១២ ខែធ្នូ ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងឯកឧត្តមសាស្រ្តាចារ្យបណ្ឌិត នូម៉ាន់ តួទលមុស ប្រធានរដ្ឋសភាតួកគីយេ ក៏បានសន្និសីទសារព័ត៌មានរួមគ្នារវាងផងដែរ។ ក្នុងសន្ដិសីទនេះ សម្តេចតេជោ បានជំរុញឱ្យពង្រីកទំនាក់ទំនងសេដ្ឋកិច្ច និងការវិនិយោគរវាង កម្ពុជា និងតួគីយ៉េឱ្យបានទំហំ១ពាន់លានដុល្លារ។ សម្តេចតេជោក៏បានប្រកាសជំហរថា កម្ពុជានៅតែបន្តរក្សាកិច្ចខិតខំប្រឹងប្រែងជួយតួគីក្លាយជាដៃគូសន្ទនាពេញលេញរបស់អាស៊ាន។ ទាក់ទងនឹងបញ្ហាតំបន់ និងពិភពលោក សម្តេច បានជំរុញឱ្យតួគីបន្តតួនាទីជួយផ្សះផ្សាបញ្ចប់សង្គ្រាមរុស្ស៉ី និងអ៊ុយក្រែនផងដែរ។ ក្នុងឱកាសនោះសម្ដេចតេជោ បានបញ្ជាក់ថា នយោបាយទណ្ឌកម្មមិនមែនជាមធ្យោបាយសម្រាប់ដោះស្រាយបញ្ហាទេ ប៉ុន្ដែ ផ្ទុយទៅវិញការដាក់ទណ្ឌកម្មមកលើប្រទេសណាមួយដោយឯកតោភាគីនោះបានធ្វើឱ្យប៉ះពាល់ដល់ប្រទេសជាច្រើននៅទូទាំងពិភពលោក។ សម្តេចតេជោ បានបានជម្រាបទៅឯកឧត្តមប្រធានរដ្ឋសភាតួគីថា សម្ដេចទើបតែរៀនធ្វើប្រធានព្រឹទ្ធសភានៃព្រះរាជាណាចក្រកម្ពុជា ដែលជាការងារនីតិប្បញ្ញត្តិទើបតែបាន៩ ខែទេ។ ប៉ុន្ដែបើរាប់តាំងពីការធ្វើជាឧបនាយករដ្ឋមន្រ្ដី និងជារដ្ឋមន្រ្ដីការបរទេស និងធ្វើជានាយករដ្ឋមន្រ្ដី គឺសម្ដេចបានធ្វើរយៈពេល៤៥ឆ្នាំមកហើយ ដូច្នេះសម្ដេចស្នើសុំរៀនសូត្រការងារនីតិប្បញ្ញត្តិពីឯកឧត្តមប្រធានរដ្ឋសភាតួគីផង។សម្តេចតេជោ គាំទ្រតួនាទីសំខាន់របស់តួកគីយេ ជាអ្នកសម្របសម្រួលនៅក្នុងកិច្ចការអន្តរជាតិ ហើយសម្តេច គូសបញ្ជាក់ថា «មិនអាចយកសង្គ្រាម បញ្ចប់សង្គ្រាមបានទេ មានតែកិច្ចសន្ទនា និងការចរចា»។ ភាគីទាំងពីរបានឯកភាពគ្នា មិនគាំទ្រទណ្ឌកម្មជាឯកតោភាគី។ ឆ្លៀតក្នុងឱកាសនោះសម្តេចតេជោបានអញ្ជើញ ឯកឧត្តមប្រធានរដ្ឋសភាតួកគីមកបំពេញទស្សនកិច្ចនៅកម្ពុជា នាពេលខាងមុខ។ ឯកឧត្តមប្រធានរដ្ឋសភបានវាយតម្លៃខ្ពស់ចំពោះការលើកឡើងរបស់សម្តេចតេជោ និងសូមអរគុណ និងទទួលដោយក្តីរីករាយ នូវការអញ្ជើញរបស់សម្តេចតេជោ និងរកពេលវេលាជាក់ស្តែង ក្នុងការមកបំពេញទស្សនកិច្ចនៅកម្ពុជា។ ក្នុងដំណើរទស្សនកិច្ចនៅប្រទេសតួកគីយេ នៅថ្ងៃទី១២ ខែធ្នូនេះដែរ សម្តេចតេជោ ហ៊ុន សែន ក៏បានអញ្ជើញធ្វើជំនួបជាមួយ ឯកឧត្តម ថាយីប អ៊ែរដូអាន ( Tayyip Erdogan) ប្រធានាធិបតីតួកគីយ៉េ ក្នុងឱកាសនៃការប្រារព្ធពិធីបិទមហោស្រពវប្បធម៌តួកគីយ៉េ-ហុងគ្រីផងដែរ៕ អត្ថបទ៖ វ៉ន ដារ៉ា 

អាជ្ញាធរមីន និងទូតឥណ្ឌាប្រចាំកម្ពុជា ចុះMOU លើការអនុវត្តគម្រោងបោសសម្អាតមីននៅ​ក្នុងភូមិកោះប៉ោ ខេត្តកោះកុង ក្រោមក្រមខណ្ឌគម្រោងផ្តល់ផលរហ័ស

2024/12/13 02:42:40 pm        277
Facebook Telegram Linkin
អាជ្ញាធរមីន និងស្ថានទូតនៃសាធារណរដ្ឋឥណ្ឌាប្រចាំកម្ពុជា បានចុះអនុស្សរណៈនៃការយោគយល់គ្នាស្តីពីការអនុវត្តគម្រោងបោសសម្អាតមីននៅក្នុងភូមិកោះប៉ោ ខេត្តកោះកុង ក្រោមក្រមខណ្ឌគម្រោងផ្តល់ផលរហ័ស “Quick Impact Projects”នាថ្ងៃទី១៣ ខែធ្នូ ឆ្នាំ ២០២៤នេះ។ការចុះហត្ថលេខាធ្វើឡើងរវាងឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១នៃអាជ្ញាធរមីន និងលោកជំទាវបណ្ឌិត Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅកម្ពុជា។គម្រោងបោសសម្អាតមីននេះ ជាជំនួយឥតសំណងរបស់រដ្ឋាភិបាលឥណ្ឌា និងអនុវត្តគម្រោងដោយអាជ្ញាធរមីន ធ្វើ ការបោសសម្អាតលើផ្ទៃដីមានមីនចំនួន ១៩៦.៨១០ ម៉ែត្រ ក្រឡា ក្នុងភូមិកោះប៉ោ ឃុំបាក់ខ្លងស្រុកមណ្ឌលសីមា ខេត្ត កោះកុង។ សូមបញ្ជាក់ថា ប្រទេសឥណ្ឌា បានចូលរួមបោសសម្អាតមីនមនុស្សធម៌នៅកម្ពុជា ចាប់តាំងពីឆ្នាំ ២០២២ ក្រោមកិច្ចសហការជាមួយអាជ្ញាធរមីន និងធ្វើការបោសសម្អាតនៅក្នុងខេត្តកោះកុងហើយផ្ទៃដីប្រមាណ ២,២០ គីឡូម៉ែត្រក្រឡា បាននឹងកំពុងធ្វើការបោសសម្អាតដោយមជ្ឈ មណ្ឌលជាតិរក្សាសន្តិភាព (NPMEC)។ ជាមួយគ្នានេះ ស្ថានទូតឥណ្ឌា ក៏បានរួមចំណែកក្នុងការផ្តល់នូវអវយវៈសិប្បនិមិត្តដល់ជនមានពិការភាពដោយសារមីន និងសំណល់ជាតិផ្ទុះពីសង្រ្គាមប្រមាណជាង ៧០០ នាក់ នៅខេត្តបន្ទាយមានជ័យផងដែរ។ក្នុងឱកាសនោះ តាងនាមសម្តេចធិបតី ហ៊ុន ម៉ាណែត នាយករដ្ឋមន្រ្តី និងជាប្រធានអាជ្ញាធរមីន ឯកឧត្តមបណ្ឌិត លី ធុជ បានថ្លែងអំណរគុណដល់រដ្ឋាភិបាល និងប្រជាជនឥណ្ឌា ដែលបានរួមចំណែកដល់ការអភិវឌ្ឍនៅកម្ពុជា ក្នុងនោះរួមទាំងការងារបោសសម្អាតមីនមនុស្សធម៌ ផងដែរ។ ឯកឧត្តមទេសរដ្ឋមន្រ្តី លី ធុជ បានចាត់ទុកការរួមចំណែករបស់រដ្ឋាភិបាលឥណ្ឌា លើការងារបោសសម្អាតមីន ពិតជានាំមកនូវសុវត្ថិភាពក្តីសង្ឃឹម និងឱកាសយ៉ាងច្រើនសម្រាប់ការអភិវឌ្ឍដល់ប្រជាជននៅខេត្តកោះកុង។ឯកឧត្តមទេសរដ្ឋមន្រ្តី បានបញ្ជាក់ទៀតថា ការចុះអនុស្ស រណៈនៃការយោគយល់គ្នានាថ្ងៃនេះ គឺជាតំណាងនៃការបោះជំហានទៅមុខបន្ថែមទៀតក្នុងទំនាក់ទំនង និងកិច្ចសហប្រតិបត្តិការយូរអង្វែងរវាងប្រទេសកម្ពុជា និងឥណ្ឌា និងគូសបញ្ចាក់អំពីការបន្តគាំទ្ររបស់ប្រទេសឥណ្ឌា លើការអភិវឌ្ឍនៅកម្ពុជា ក្នុងនោះរួមចំណែកគាំទ្រដល់កិច្ចខិត ខំប្រឹងប្រែងរបស់រាជរដ្ឋាភិបាលកម្ពុជា ក្នុងការងារបោស សម្អាតមីន។លោកជំទាវបណ្ឌិត Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅកម្ពុជា បានវាយតម្លៃខ្ពស់ពីភាពជាដៃគូ និងកិច្ចសហប្រតិបត្តិការរវាងប្រទេសទាំងពីរ។ រដ្ឋាភិបាលឥណ្ឌា ក្នុងក្របខណ្ឌគម្រោងផ្តល់ផលរហ័ស មិនត្រឹមតែចូលរួមចំណែកដល់ការងារបោសសម្អាតមីនប៉ុណ្ណោះទេ ថែមរួមចំណែកដល់ការអភិវឌ្ឍនៅទីជនបទ វិស័យអប់រំ និង ការលើកកម្ពស់យេនឌ័រ ផងដែរ។ លោក ជំទាវបណ្ឌិត បានបញ្ជាក់ទៀត ស្ថានទូតឥណ្ឌា រីករាយនឹងចូលរួមជាមួយអាជ្ញាធរមីនក្នុងការងារបោសសម្អាតមីនមនុស្សធម៌៕ អត្ថបទ.ភារម្យ 

ប្រជាពលរដ្ឋបន្តនាំគ្នាទៅទិញត្រីធ្វើប្រហុក ផ្អក ខណៈឆ្នាំនេះបរិមាណត្រីមានការកើនឡើង

2024/12/13 02:38:07 pm        362
Facebook Telegram Linkin
ខណៈឆ្នាំនេះ បរិមាណត្រីមានការកើនឡើង ប្រជាពលរដ្ឋនៅរាជធានីភ្នំពេញ និងតាមបណ្តា​ខេត្តនានា បាននាំគ្នាទៅទិញត្រីធ្វើប្រហុក ផ្អក នៅទីតាំងគីឡូម៉ែត្រលេខ៩ ស្ថិតនៅខណ្ឌឫស្សីកែវ រាជធានីភ្នំពេញ។ក្នុងពេលមកទិញត្រីនៅគីឡូម៉ែត្រលេខ៩ ប្រជាពលរដ្ឋនៅរាជធានីភ្នំពេញ និងតាមបណ្តាខេត្តនានា បានប្រាប់BTVឱ្យដឹងថា ឱ្យតែដល់រដូវប្រមូលផលនេសាទពួកគេតែងតែនាំគ្នាមកទិញត្រីធ្វើប្រហុក ផ្អក ទុកហូប ព្រោះការធ្វើប្រហុក ផ្អក ដោយខ្លួនឯងនេះ មានរសជាតិឆ្ងាញ់ និងអនាម័យ។ បន្ថែមលើនេះ ប្រជាពលរដ្ឋ បង្ហាញការសប្បាយរីករាយ ដែលឃើញត្រីនៅឆ្នាំនេះ មានការកើនឡើង និងតម្លៃវិញក៍សមរម្យដែរ។លោក ណូ យូសុស អាជីវករធ្វើត្រីប្រហុកលក់ នៅគីឡូម៉ែត្រលេខ៩ បានឱ្យដឹងដែរថា នៅឆ្នាំនេះ​តម្លៃ​ត្រីទាបជាងឆ្នាំមុនដោយមួយគីឡូតម្លៃចាប់ពី ១,៣០០រៀល ទៅ ១,៥០០រៀល ត្រីមិនទាន់​ធ្វើ និងត្រីធ្វើរួចរាល់មួយគីឡូតម្លៃ ៣,២០០រៀល បើធៀបឆ្នាំមុនតម្លៃ៣,៧០០រៀល។ លោក ណូ យូសុស បន្តទៀតថា តាមការសង្កេតនៅនៅឆ្នាំនេះត្រីសំបូរ​ដោយសារទឹក​ទន្លេហក់​ឡើង​ខ្ពស់ជាង​ឆ្នាំមុន និងម្យ៉ាងវិញទៀតការទប់ស្កាត់បទល្មើសនេសាទក៍មានការថយចុះផងដែរ។ លើសពីនេះ លោកបាន​អំពាវនាវដល់ប្រជាពលរដ្ឋដែលមានបំណងចង់ធ្វើប្រហុក ផ្អក សូមអញ្ជើញ​មកទិញត្រី​នៅទីតាំងនេះ ព្រោះតម្លៃទាបជាងឆ្នាំមុន និងសំបូរត្រី។យោងតាមសេចក្តីជូនដណឹងរបស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានឱ្យ​ដឹងថា ក្នុងរដូវនេសាទឆ្នាំ២០២៤-២០២៥ តាមការសង្កេត ត្រីចាប់​ផ្តើមបន្លាស់ទី​ចេញ​ពីទន្លេសាប បឹង និងព្រែកនានា ចូលទន្លេសាប ទន្លេមេង្គ និងទន្លេបាសាក់ ដែលអំណោយផល​ដល់​ការ​ធ្វើនេសាទបានត្រីច្រើន ជាពិសេសគន្លងដាយត្រីតាមដងទន្លេសាប នៅភូមិសាស្រ្ត​ខេត្តកណ្តាល រាជធានីភ្នំពេញ ចាប់ពីថ្ងៃទី០៨ រហូតដល់ថ្ងៃទី១៣ ខែធ្នូ ឆ្នាំ២០២៤ ក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង។ ក្នុងន័យរដ្ឋបាលជលផល បានអំពាវនាវដល់ប្រជាពលរដ្ឋមានបំណងចង់ធ្វើប្រហុក ផ្អក សូមរួសរាន់ទៅទិញត្រីនៅភូមិសាស្ដ្រខេត្ដកណ្ដាល និងរាជធានីភ្នំពេញ៕ អត្ថបទ៖ទូច សោភ័ណ 

ឯកឧត្តម ជាម យៀប៖ សភាកម្ពុជាបាននិងកំពុងបន្តពង្រឹង និងពង្រីកទំនាក់ទំនងការទូតសភា និងបានបង្កើតក្រុមមិត្តកម្ពុជា-សាយព្រឹស

2024/12/13 02:25:56 pm        203
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា បានអនុញ្ញាតឱ្យឯកឧត្តម សាលា អេសសា (Hon. Mr. Salah Essa) ឯកអគ្គកុងស៊ុលកិត្តិយសនៃសាធារណរដ្ឋសាយព្រឹស ប្រចាំកម្ពុជាចូលជួបសម្ដែងការគួរសម និងពិភាក្សាការងារ នៅព្រឹកថ្ងៃទី១៣ ខែធ្នូ ឆ្នាំ២០២៤ នៅវិមានរដ្ឋសភា។ក្នុងនាមរដ្ឋសភា នៃព្រះរាជាណាចក្រកម្ពុជា ឯកឧត្តមកិត្តិសេដ្ឋាបណ្ឌិត ជាម យៀប មានការជឿជាក់ថា ការបង្កើតស្ថានកុងស៊ុលកិត្តិយស នៃសាធារណរដ្ឋសាយព្រឹស នៅទីក្រុងភ្នំពេញ គឺជាការបង្ហាញពីពេលវេលាដ៏សំខាន់មួយ ក្នុងការពង្រឹងចំណងមិត្តភាព រវាងប្រទេសទាំងពីរ កម្ពុជា សាយព្រឹស។ ម្យ៉ាងទៀត ស្ថានកុងស៊ុលថ្មីនេះ ក៏អាចកំណត់បានថាជាមជ្ឈមណ្ឌលនៃការផ្លាស់ប្តូរការទូត វប្បធម៌ និងសេដ្ឋកិច្ច ដែលជំរុញឱ្យមានការយល់ដឹងកាន់តែ ស៊ីជម្រៅ និងកិច្ចសហប្រតិបត្តិការរវាងប្រជាជាតិ និងប្រទេសទាំងពីរផងដែរ។ឯកឧត្តមកិត្តិសេដ្ឋាបណ្ឌិត បានមានប្រសាសន៍ទៀតថា សភាកម្ពុជាបាននឹងកំពុងបន្តពង្រឹង និងពង្រីកទំនាក់ទំនងការទូតសភា តាមរយៈសកម្មភាពចូលរួម និងទទួលរៀបចំធ្វើជាម្ចាស់ផ្ទះនៃវេទិកា សភាអន្តរជាតិនានា សំដៅរួមចំណែកលើកកម្ពស់ ការថែរក្សាសន្តិភាព ស្ថិរភាព និងការអភិវឌ្ឍនៅក្នុងតំបន់ និងសកលលោក។ ជាមួយគ្នានេះដែរ រដ្ឋសភាកម្ពុជាក៏បានបង្កើតក្រុមមិត្តកម្ពុជា-សាយព្រឹស នៅក្នុងអាណត្តិទី៧ សម្រាប់ឆ្នាំ២០២៣-២០២៨នេះ ផងដែរ។ឯកឧត្តមកិត្តិសេដ្ឋាបណ្ឌិត ជាម យៀប ក៏បានមានប្រសាសន៍លើកឡើង ពាក់ព័ន្ធនឹងការជំរុញវិស័យទេសចរណ៍ ការតភ្ជាប់ផ្លូវអាកាសដោយការហោះហើរត្រង់ពី សាយព្រឹស មកកម្ពុជា និងការជំរុញទំហំពាណិជ្ជកម្មនៃប្រទេសទាំងពីរ ដែលនៅមានកម្រិតនៅឡើយ ឱ្យកាន់តែប្រសើរថែមទៀត ខណៈសក្តានុពលនៃប្រទេសទាំងពីរមានច្រើនស្ទើរគ្រប់វិស័យ ដូចនេះប្រទេសទាំងពីរគួរជំរុញសមាហរណកម្មរួមគ្នា លើផលិតផលសំខាន់ៗដូចជាកសិផលកសិកម្មជាដើម ពិសេសការនាំយកផលិតផលកម្ពុជាដែលមានគុណភាពល្អទៅកាន់ប្រទេសសាយព្រឹសក៏ដូចជាទីផ្សារអឺរ៉ុប ផងដែរ។ម្យ៉ាងទៀតដោយសារតែប្រទេសសាយព្រឹស មានប្រព័ន្ធអប់រំលំដាប់ពិភពលោក ឯកឧត្តមកិត្តិសេដ្ឋាបណ្ឌិត ជាម យៀប បានស្នើសុំតាមរយៈឯកឧត្តមឯកអគ្គកុងស៊ុល នៅក្នុងការពិនិត្យលទ្ធភាពទាំងក្របខណ្ឌរដ្ឋាភិបាល និងក្របខណ្ឌផ្សេងៗ ដើម្បីផ្តល់អាហារូបករណ៍របស់ប្រទេសសាយព្រឹស និងផ្តល់ឱកាសកាន់តែច្រើនដល់ និស្សិតកម្ពុជា បានទៅបន្តការសិក្សានៅប្រទេសសាយព្រឹស។ឯកឧត្តម សាលា អេសសា (Hon. Mr. Salah Essa) ឯកអគ្គកុងស៊ុលកិត្តិយសនៃសាធារណរដ្ឋសាយព្រឹស ប្រចាំកម្ពុជា បានមានប្រសាសន៍ថ្លែងអំណរគុណចំពោះឯកឧត្តមកិត្តិសេដ្ឋាបណ្ឌិត ជាម យៀប ដែលបានអនុញ្ញាតឱ្យមាននូវកិច្ចពិភាក្សានាពេលនេះ ដើម្បីពង្រឹងទំនាក់ទំនងរវាងប្រទេសទាំងពីរ។ ដោយសារថា ទំនាក់ទំនងប្រទេសទាំងពីរបានចាប់ផ្ដើមឡើងតាំងពីចុងឆ្នាំ១៩៩០ និងបានបន្តពង្រឹងទំនាក់ទំនងជាមួយគ្នា ជាបន្តបន្ទាប់មក។ឯកឧត្តម បានធ្វើការកត់សម្គាល់ថា ប្រទេសកម្ពុជាមានការអភិវឌ្ឍរីកចម្រើនជាខ្លាំង ជាពិសេសក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន កាលពីពេលកន្លងមក ក៏ដូចជាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនាពេលបច្ចុប្បន្ន។ នៅក្នុងគោលដៅរឹតចំណងមិត្តភាពឱ្យកាន់តែស៊ីជម្រៅថែមទៀត ប្រទេសទាំងពីរ សាយព្រឹស-កម្ពុជា បានចុះកិច្ចព្រមព្រៀងទីក្រុងបងប្អូន រវាងទីក្រុងភ្នំពេញ និងទីក្រុងឡាណាកា(Lanarca) ដើម្បីផ្លាស់ប្ដូរនូវទំនាក់ទំនង ទាំង ទេសចរណ៍ វប្បធម៌ និងនយោបាយ។ឯកឧត្តម សាលា អេសសា បានបន្តថា ប្រជាជនកម្ពុជានិងសាយព្រឹស មានបេះដូងបើកទូលាយ និងមានភាពរួសរាយរាក់ទាក់ដូចគ្នា ដោយសង្ឃឹមថា យើងនឹងខិតខំពង្រឹងទំនាក់ទំនងការទូតជាមួយគ្នាបន្ថែមទៀត។ ដោយសារថា កម្ពុជាបានដើរតួយ៉ាងសំខាន់នៅក្នុងតំបន់ ជាពិសេសក្នុងសមាគមអាស៊ាន សាយព្រឹស ជាសមាជិករបស់សហគមន៍អឺរ៉ុប ដូចនេះយើងអាចស្វែងរកនូវកាលានុវត្តភាពនានា ដើម្បីអភិវឌ្ឍន៍គ្រប់វិស័យ នូវទំនាក់ទំនងរបស់ប្រទេសយើងទាំងពីរ។ឯកឧត្តមឯកអគ្គកុងស៊ុលកិត្តិយសនៃសាធារណរដ្ឋសាយព្រឹស បានជម្រាបជូន ឯកឧត្តមកិត្តិសេដ្ឋាបណ្ឌិត ថា លោកជំទាវប្រធានរដ្ឋសភាសាយព្រឹស មានបំណងចង់ភ្ជាប់ទំនាក់ទំនងរវាងសភាទាំងពីរកម្ពុជា សាយព្រឹស ដោយឯកឧត្ដម មានផែនការរៀបចំឱ្យមានដំណើរទស្សនកិច្ចរបស់លោកជំទាវប្រធានរដ្ឋសភាសាយព្រឹស ឱ្យអញ្ជើញមកបំពេញទស្សនកិច្ចនៅប្រទេសកម្ពុជា នៅឆ្នាំក្រោយនេះ។ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ជានិច្ចកាល រដ្ឋសភានៃព្រះរាជាណាចក្រកម្ពុជា ត្រៀមខ្លួនជាស្រេច ក្នុងការធ្វើការយ៉ាងជិតស្និទ្ធជាមួយសភាសាយព្រឹស ដើម្បីជំរុញមិត្តភាព និងសហប្រតិបត្តិការនៃសភាទាំងពីរឱ្យកាន់តែរឹងមាំថែមទៀតនៅពេលអនាគត។ ចំពោះគម្រោងដំណើរទស្សនកិច្ចរបស់លោកជំទាវប្រធានរដ្ឋសភាសាយព្រឹស អញ្ជើញមកកាន់កម្ពុជា នាឆ្នាំក្រោយនេះ ឯកឧត្តមកិត្តិសេដ្ឋាបណ្ឌិត បញ្ជាក់ថា ឯកឧត្ដមនឹងរាយការណ៍ជម្រាបជូនទៅសម្ដេចប្រធានរដ្ឋសភា ដើម្បីសម្ដេចបានជ្រាបអំពីព័ត៌មាននេះ៕

ឯកឧត្តម ប៉ែន បូណា៖ ក្រៅពីមានចំណេះជំនាញ មានសីលធម៌ល្អ យុវជនក៏ត្រូវយល់ដឹងពីសេរីភាពបញ្ចេញមតិក្នុងក្របខណ្ឌច្បាប់

2024/12/13 02:21:06 pm        156
Facebook Telegram Linkin
«ក្រៅពីមានចំណេះជំនាញច្បាស់លាស់និងមានសីលធម៌ល្អ យុវជនក៏ត្រូវយល់ដឹងពីសេរីភាពបញ្ចេញមតិក្នុងក្របខណ្ឌច្បាប់ និងការគោរពសិទ្ធិនិងសេចក្តីថ្លៃថ្នូរបស់អ្នកដទៃ ដើម្បីឱ្យការសម្តែងមតិរបស់ខ្លួនធ្វើឡើងដោយមិនប្រឈមនឹងបញ្ហា ហើយមានប្រយោជន៍សម្រាប់សង្គម»។ នេះគឺជាការគូសបញ្ជាក់របស់ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាលក្នុងឱកាសអញ្ជើញធ្វើបាឋកថា ស្តីពី «ការចូលរួមរបស់យុវជន ដើម្បីឆ្ពោះទៅសម្រេចចក្ខុវិស័យកម្ពុជាឆ្នាំ២០៥០» ដល់និស្សិតសាកលវិទ្យាល័យធនធានមនុស្ស នៅព្រឹកថ្ងៃទី១២ ខែធ្នូ ឆ្នាំ២០២៤ ដោយមានការអញ្ជើញចូលរួមពីលោកសាស្ត្រាចារ្យបណ្ឌិត ជា សុភាព សាកលវិទ្យាធិការ នៃសាកលវិទ្យាល័យធនធានមនុស្ស រួមទាំងសាស្រ្តាចារ្យ សមណនិស្សិត និស្សិតថ្នាក់បរិញ្ញាបត្រ និងនិស្សិតថ្នាក់បរិញ្ញាបត្រជាន់ខ្ពស់សរុបប្រមាណជិត ៤០០ នាក់។ក្នុងបាឋកថានេះ ប្រធានអង្គភាពអ្នកនាំពាក្យរាជរដ្ឋាភិបាលបានពន្យល់ចំណុចសំខាន់ៗនៃយុទ្ធសាស្ត្របញ្ចកោណដែលប្រកាសដាក់ចេញដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃរាជរដ្ឋាភិបាលនីតិកាលទី៧ នៃរដ្ឋសភា ដោយផ្តោតសំខាន់លើមុំទី១ គឺការអភិវឌ្ឍមូលធនមនុស្ស។ បន្ថែមពីលើនេះ ឯកឧត្តមក៏បានឆ្លៀតរំលេចអំពីសេរីភាពបញ្ចេញមតិក្នុងសង្គមប្រជាធិបតេយ្យដោយឈរលើនីតិរដ្ឋ ក្នុងនោះ ការគោរពច្បាប់និងគោរពសិទ្ធិសេរីភាពនិងសេចក្តីថ្លៃថ្នូររបស់អ្នកដទៃ គឺជាលក្ខខណ្ឌចាំបាច់ដែលមានចែងក្នុងរដ្ឋធម្មនុញ្ញកម្ពុជា ក៏ដូចជា កតិកាសញ្ញាអន្តរជាតិ ស្តីពី សិទ្ធិពលរដ្ឋ និងសិទ្ធិនយោបាយ និងសេចក្តីប្រកាសជាសាកល ស្តីពី សិទ្ធិមនុស្ស ដែលត្រូវបានអនុវត្តជាទូទៅនៅជុំវិញពិភពលោក។ ដើម្បីឆ្លើយតបទៅនឹងយុទ្ធសាស្ត្របញ្ចកោណឆ្ពោះទៅសម្រេចចក្ខុវិស័យកម្ពុជាឆ្នាំ២០៥០ ក្លាយជាប្រទេសដែលមានចំណូលខ្ពស់ យុវជនត្រូវខិតខំរៀនសូត្រ និងធ្វើខ្លួនជាមនុស្សលេចធ្លោប្រកបដោយភាពប៉ិនប្រសព្វ និងមានទេពកោសល្យខ្ពស់។ ឯកឧត្តមបន្តថា បើសិនបើអាចធ្វើបាន យុវជននឹងក្លាយជាមូលធនដ៏មានប្រយោជន៍សម្រាប់ប្រទេសជាតិដែលជាសេចក្តីត្រូវការពិតប្រាកដរបស់រាជរដ្ឋាភិបាល។បាឋកថានេះធ្វើឡើង ក្នុងគោលបំណងដើម្បីពង្រឹងការយល់ដឹងដល់សមណនិស្សិត និស្សិត អំពីគោលនយោបាយជាតិ និងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជាអាណត្តិទី៧ នៃរដ្ឋសភា និងលើកទឹកចិត្តសមណនិស្សិត និស្សិតក្នុងការអភិវឌ្ឍមូលធនមនុស្សដ៏មានសក្តានុពល ដើម្បីឆ្លើយតបទៅនឹងយុទ្ធសាស្ត្របញ្ចកោណ អាណត្តិទី៧ នៃរដ្ឋសភា រួមទាំងលើកកម្ពស់ការចូលរួមអភិវឌ្ឍសង្គមជាតិ ឱ្យសម្រេចបានចក្ខុវិស័យឆ្នាំ២០៥០ ក្លាយជាប្រទេសដែលមានចំណូលខ្ពស់៕

គណៈកម្មាធិការអន្តរជាតិអាយស៊ីស៊ី-អង្គរ និងសំបូរព្រៃគុក បើកកិច្ចប្រជុំពេញអង្គរ លើកទី៣១ នៅខេត្តសៀមរាប

2024/12/13 02:17:48 pm        73
Facebook Telegram Linkin
គណៈកម្មាធិការអន្តរជាតិអាយស៊ីស៊ី-អង្គរ និងសំបូរព្រៃគុក បានបើកកិច្ចប្រជុំពេញអង្គរ លើកទី​៣១ នាខេត្តសៀមរាប នៅថ្ងៃទី១៣ ខែធ្នូ ឆ្នាំ២០២៤ ក្រោមអធីបតីភាពសហប្រធាន​គណៈកម្មាធិការ ឯកឧត្តម Ueno Atsushi ឯកអគ្គរាជទូតជប៉ុន និងឯកឧត្តម Jacques Pellet ឯកអគ្គរដ្ឋទូតបារាំង និងវត្តមានដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី​ក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា។ កិច្ចប្រជុំក៏មានការអញ្ជើញចូលរួមពីភ្ញៀវកិត្តិយស លោក Lazare Eloundou Assomo ប្រធានមជ្ឈមណ្ឌលបេតិកភណ្ឌពិភពលោកនៃអង្គការយូណេស្កូ៕

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា បន្តជំរុញមន្ត្រីកសិកម្មឃុំ បង្កេីនការចុះផ្សព្វផ្សាយគោលនយោបាយកសិកម្មដល់ប្រជាកសិករដេីម្បីប្រយោជន៍រួមទាំងអស់គ្នា
06/18/2025 10:06 PM
Facebook Telegram Linkin
សាខាកាកបាទក្រហមកម្ពុជាខេត្តកំពង់ឆ្នាំងប្រារព្ធព្រះរាជពិធីបុណ្យចម្រើនព្រះជន្មថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរគម្រប់៨៩ យាងចូល៩០ព្រះវស្សា
06/18/2025 08:06 PM
Facebook Telegram Linkin
រដ្ឋាភិបាលសំឡេងភាគតិចរបស់ព័រទុយហ្គាល់ ឡើងកាន់អំណាច
06/18/2025 08:06 PM
Facebook Telegram Linkin
ការស្ទង់មតិ៖ បក្ស Tisza នាំមុខ ១៥ពិន្ទុ លើបក្សកាន់អំណាច Fidesz របស់លោក Orban
06/18/2025 08:06 PM
Facebook Telegram Linkin
ជម្រកការពារគ្រាប់បែកអ៊ីស្រាអែលនៅស្ថានីយរថភ្លើងក្រោមដី ខណៈការវាយប្រហារមីស៊ីលអ៊ីរ៉ង់
06/18/2025 08:06 PM
Facebook Telegram Linkin
មេដឹកនាំកំពូលអ៊ីរ៉ង់ច្រានចោលការអំពាវនាវរបស់លោក Trumpឲ្យចុះចាញ់ដោយឥតលក្ខខណ្ឌ
06/18/2025 08:06 PM
Facebook Telegram Linkin
រដ្ឋមន្ត្រីអាល្លឺម៉ង់ និយាយទៅកាន់អ៊ីរ៉ង់ថា មិនយឺតពេលពេកនោះទេ ក្នុងការចរចា
06/18/2025 08:06 PM
Facebook Telegram Linkin
ប្រធានក្រុមមេធាវីស្មគ្រ័ចិត្តសម្តេចតេជោសែន ចែករំលែក«បទពិសោធន៍ដឹកនាំអង្គភាព និងបទពិសោធន៍ក្នុងការប្រកបវិជ្ជាជីវៈជាមេធាវី»
06/18/2025 07:06 PM
Facebook Telegram Linkin
លោក Zelenskiy ចាកចេញពីកិច្ចប្រជុំ G7ដោយមិនបានជួបលោក Trump ឬអាវុធថ្មីពីអាមេរិក
06/18/2025 07:06 PM
Facebook Telegram Linkin
កម្ពុជាគ្រោងរៀបចំវេទិការពាណិជ្ជកម្មឌីជីថល និងពិព័រណ៍អនឡាញ លើកទី២ ដើម្បីជំរុញការនាំចេញផលិតផលជាតិ
06/18/2025 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.