នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
ហ៊ុន ចាន់ បញ្ញាបុត្រ ចៅសម្តេចតេជោ ហ៊ុន សែន និស្សិតខ្មែរទី២ បញ្ចប់ការសិក្សាពីរាជបណ្ឌិតសភាយោធាសាន់ហឺស ក្នុងប្រទេសអង់គ្លេស
នាវាទេសចរណ៍ខ្នាតយក្ស VIKING VENUS នាំភ្ញៀវបរទេសជិត ៩០០ នាក់ ចូលចតនៅកំពង់ផែស្វយ័តក្រុងព្រះសីហនុ
ភ្ញៀវបរទេស ចាប់អារម្មណ៍ខ្លាំងចំពោះដំណើរកម្សាន្តនៅកម្ពុជា អំឡុងពិធីបុណ្យចូលឆ្នាំថ្មី

ព័ត៌មានជាតិ

កម្ពុជាជំរុញឱ្យUNចុះសង្កេតការណ៍ដោយផ្ទាល់ជាបន្ទាន់ខណៈថៃបន្តប្រើច្បាប់ព្រៃ ជាសំឡេងរំខានដល់ពលរដ្ឋកម្ពុជា

2025/10/18 09:42:13 am        154
Facebook Telegram Linkin
គណៈកម្មាធិការសិទ្ធិមនុស្សកម្ពុជាគ.ស.ម.ក. បានជំរុញឲ្យឧត្តមស្នងការសហប្រជាជាតិទទូលបន្ទុក សិទ្ធិមនុស្ស ដែលហៅកាត់ថា OHCHR ចុះសង្កេតការណ៍ដោយផ្ទាល់ជាបន្ទាន់ ខណៈភាគីថៃបានបន្តប្រើប្រាស់«ច្បាប់ព្រៃ» ពោលគឺប្រើសំឡេងរំខានជាទម្រង់នៃការធ្វើទុក្ខបុកម្នេញ ការបំភិតបំភ័យ និងការយាយីផ្លូវចិត្ត ដល់បងប្អូនប្រជាពលរដ្ឋខ្មែរនៅតាមបណ្តោយព្រំដែនកម្ពុជា និងថៃ នៅតំបន់អូរបីជាន់ ខេត្តបន្ទាយ មានជ័យ។ យោងតាមលិខិតរបស់ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ផ្ញើទៅកាន់លោក Volker Turkឧត្តមស្នងការសហប្រជាជាតិទទូលបន្ទុក សិទ្ធិមនុស្ស នាថ្ងៃទី១៧ ខែតុលា ឆ្នាំ ២០២៥នេះថា ប្រទេសថៃកាន់តែគឃ្លើន ដោយបានប្រើប្រាស់ច្បាប់ព្រៃ មិនគោរពច្បាប់អន្តរជាតិ និងមើលងាយយន្តការអន្តរជាតិជាបន្តបន្ទាប់ ហើយប្រសិនបើ OHCHR មិនមានវិធានការទាន់ពេលវេលា និងម៉ឺងម៉ាត់ទេ នោះអាចបណ្តាលឱ្យសហគមន៍អន្តរជាតិ បាត់បង់សេចក្តីទុកចិត្ត លើច្បាប់ក៏ដូចជាយន្តការអន្តរជាតិទាំមូល។ តាមរយៈលិខិតនេះកម្ពុជាបានប្រាប់ទៅ OHCHRថា កាលពីថ្ងៃទី១៧ ខែតុលា ឆ្នាំ២០២៥ មានក្បួនរថយន្តមួយ ដែលបំពាក់ដោយឧបករណ៍បំពងសំឡេងឮខ្លាំងៗ បានប្រមូលផ្ដុំគ្នានៅ Ban Nong Chan ដើម្បីចាក់សំឡេង ចាប់ពីថ្ងៃទី១៧-១៩ ខែតុលា ឆ្នាំ២០២៥។ ប្រព័ន្ធសំឡេងទាំងនោះ ត្រូវបាន រាយការណ៍ថា មានកម្រិតសំឡេងខ្លាំង ដែលលើសពីដែនកំណត់សម្រាប់សុវត្ថិភាពរបស់មនុស្ស។ ការសិក្សា បែបវិទ្យាសាស្ត្របញ្ជាក់ថា សំឡេងលើសពី ១៤០ដេស៊ីបែល អាចធ្វើឱ្យខូចក្រដាសត្រចៀក ខណៈដែល កម្រិតឡើងដល់២០០ដេស៊ីបែល នឹងបណ្តាលឱ្យមានរបួសខាងក្នុងធ្ងន់ធ្ងរ ដូច្នេះរាល់ការប្រព្រឹត្ត សកម្មភាពបែបនេះ គឺជាការរំលោភយ៉ាងធ្ងន់ធ្ងរដោយចេតនាលើសុខភាព និងសេចក្តីថ្លៃថ្នូររបស់មនុស្ស។ កម្រិតសំឡេងខ្លាំងបែបនេះ បង្កការគំរាមកំហែងយ៉ាងខ្លាំងដល់ប្រជាពលរដ្ឋនៅភូមិជោគជ័យ ជាពិសេសស្ត្រី កុមារ មនុស្សចាស់ អ្នកជំងឺ និងជនមានពិការភាព។ គណៈកម្មាធិការសិទ្ធិមនុស្សកម្ពុជា បានចាត់ទុកថា សកម្មភាពអរិភាព និងបង្កហេតុពីសំណាក់ភាគីថៃទាំងនេះ គឺជាឧទាហរណ៍មួយនៃវិធីសាស្ត្របែប «ច្បាប់ព្រៃ» ដែលមិនគោរពតាមបទដ្ឋានច្បាប់អន្តរជាតិជាធរមានយ៉ាងជាក់ស្តែងបំផុត។ លើសពីការបង្កគ្រោះថ្នាក់ដល់សុវត្ថិភាពបុគ្គល ភាគីថៃធ្វើឱ្យខូចដល់ស្ថិរភាពក្នុងតំបន់ និងធ្វើឱ្យចុះខ្សោយនូវប្រសិទ្ធភាព និងភាពជឿជាក់បាននៃយន្តការសិទ្ធិមនុស្សអន្តរជាតិ ដែលបានបង្កើតឡើងដើម្បីការពារប្រជាជនស្លូតត្រង់ និងងាយរងគ្រោះ។ ទាក់ទងនឹងការប្រើប្រាស់«ច្បាប់ព្រៃ»ពីសំណាក់អាជ្ញាធរថៃនេះដែរ ក៏មានឥស្សរជនរបស់ថៃ រួមមានសមាជិកព្រឹទ្ធសភា មន្ត្រីអនុវត្តច្បាប់ ទីប្រឹក្សាអង្គការឃ្លាំមើលសិទ្ធិមនុស្ស និងមេដឹកនាំគណបក្សនយោបាយ សុទ្ធតែបានទទួលស្គាល់ថា ការប្រើប្រាស់សំឡេងរំខាន គឺជាទម្រង់នៃការបំភិតបំភ័យផ្លូវចិត្ត គឺជាការរំលោភសិទ្ធិមនុស្ស និងច្បាប់អន្តរជាតិយ៉ាងធ្ងន់ធ្ងរ ជាពិសេសនៅក្រោមអនុសញ្ញាប្រឆាំងនឹងទារុណកម្ម និងការប្រព្រឹត្តមកលើខ្លួន ឬទណ្ឌកម្ម ឯទៀត ដែលឃោរឃៅ អមនុស្សធម៌ ឬបន្ថោកបន្ទាប (CAT)ជាដើម។ យ៉ាងណាក៏ដោយគណៈកម្មាធិការសិទ្ធិមនុស្សកម្ពុជា សូមអំពាវនាវដល់ការិយាល័យឧត្តមស្នងការអង្គការ សហប្រជាជាតិទទួលបន្ទុកសិទ្ធិមនុស្ស (OHCHR) «ចាត់វិធានការឱ្យទាន់ពេលវេលា និងដោយម៉ឺងម៉ាត់ រួមទាំងការចុះបេសកកម្មសង្កេតការណ៍ដោយផ្ទាល់ឱ្យបានឆាប់បំផុត នៅតំបន់បណ្តោយព្រំដែនកម្ពុជា- ថៃ ដែលជាកន្លែងត្រូវបានរាយការណ៍ថាមានករណីរំលោភសិទ្ធិមនុស្សធ្ងន់ធ្ងរ»។ តាមរយៈលិខិតនេះដែរ គ.ស.ម.ក. ក៏បានសូមគូសបញ្ជាក់ផងដែរថា កង្វះខាតសកម្មភាពជាក់ស្ដែង និងទាន់ពេលវេលា អាចនឹងត្រូវបកស្រាយថា ជាការយល់ស្រប ឬការព្រងើយកន្តើយ ចំពោះការរំលោភយ៉ាងធ្ងន់ធ្ងរលើច្បាប់សិទ្ធិមនុស្ស អន្តរជាតិ និងសិទ្ធិមនុស្សធម៌អន្តរជាតិ។ ភាពអសកម្មភាពនេះ នឹងបង្កើតជាគំរូអាក្រក់ចំពោះនិទណ្ឌភាព ដែលធ្វើឱ្យកេរ្តិ៍ឈ្មោះ និងប្រសិទ្ធភាពនៃប្រព័ន្ធការពារសិទ្ធិមនុស្សអន្តរជាតិចុះខ្សោយផងដែរ៕អត្ថបទ បាន ចក់

សមត្ថកិច្ចខណ្ឌចំការមនឃាត់ខ្លួនជនសង្ស័យ ១៧នាក់ ពាក់ព័ន្ឋ នឹងបទល្មើសឆបោកតាមប្រព័ន្ធ័បច្ចេកវិទ្យា

2025/10/18 07:06:29 am        256
Facebook Telegram Linkin
ភ្នំពេញ៖ កម្លាំងគណៈបញ្ជាការឯកភាពរដ្ឋបាលខណ្ឌចំការមន ដោយមាន ការសម្របសម្រួលផ្លូវច្បាប់ពីព្រះរាជអាជ្ញារង នៃអយ្យការអម សាលាដំបូងរាជធានីភ្នំពេញ បានចុះត្រួតពិនិត្យរដ្ឋបាល នៅទីតាំងអគារ LH RESIDENCE អគារលេខ១៣ ផ្លូវលេខ៩ សង្កាត់ទន្លេបាសាក់ ខណ្ឌចំការមន នៅវេលាម៉ោង៧យប់ថ្ងៃទី១៧ ខែតុលា ឆ្នាំ២០២៥។ក្នុងប្រតិបត្តិការចុះពិនិត្យទីតាំងសង្ស័យខាងលើនេះ សមត្ថកិច្ចបាន ឃាត់ខ្លួនជនសង្ស័យជាជនជាតិវៀតណាមចំនួន១៤នាក់ (ស្ត្រី ៣នាក់) និងបុរសជនជាតិឥណ្ឌូនេស៊ី៣នាក់ ហើយបានដកហូត កុំព្យូទ័រ (ALL in One) ចំនួន ១០៩គ្រឿង ម៉ូនីទ័រ ០១គ្រឿង និងទូរស័ព្ទ ១០៣គ្រឿង។តាមការសន្និដ្ឋានបឋមរបស់សមត្ថកិច្ចជំនាញរកឃើញថា អគារ នេះ គឺជាទីតាំងឆបោកក្រោមរូបភាពបែបរិនិយោគ ការឆបោក តាមប្រព័ន្ធបច្ចេកវិទ្យា Online Scam និងឆបោកស្នេហា ទៅកាន់ប្រទេសផ្សេងៗ។បច្ចុប្បន្នជនសង្ស័យ និងវត្ថុតាង ត្រូវបាននគរបាលបញ្ជូនទៅស្នងការដ្ឋាននគរបាលរាជធានីភ្នំពេញដើម្បីអនុវត្តតាមនីតិវិធីច្បាប់។សូមបញ្ជាក់ថា ក្នុងក្របខណ្ឌយុទ្ធនាការបោសសម្អាតការឆបោក តាមប្រព័ន្ធបច្ចេកវិទ្យានេះ សមត្ថកិច្ចចម្រុះទូទាំងប្រទេសនឹង ចាត់វិធានការតាមផ្លូវច្បាប់ យ៉ាងតឹងរឹងបំផុតចំពោះមេខ្លោង ទាំងឡាយ ដែលជាប់ពាក់ព័ន្ធនឹងអំពើឆបោកតាមប្រព័ន្ឋ បច្ចេកវិទ្យានេះ៕អត្ថបទ៖ កុម្ភៈ

CMAC៖ ក្រុមជាតិនិយមជ្រុល​សៀម បានជួយធ្វេីឱ្យសង្គមសៀមធ្លាក់ខ្លួន និងក្លាយជាសង្គមមនុស្សអស់ថោក

2025/10/17 10:29:55 pm        580
Facebook Telegram Linkin
ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុក ជាអគ្គនាយកមជ្ឈមណ្ឌលសកម្មភាពកំចាត់មីនកម្ពុជា CMAC មុននេះ នារាត្រីថ្ងៃទី១៧ ខែតុលា ឆ្នាំ២០២៥ បានបង្ហោះសារលើបណ្ដាញសង្គមហ្វេសប៊ុកថា ពួកសៀមខិតខំបង្កសង្គ្រាមមានគ្រប់ទិដ្ឋភាព និងរូបភាព​ រាប់ពីការទម្លាក់បែកពីយន្តហោះ F-16 ដោយប្រេីប្រាស់គ្រាប់បែកមួយគ្រាប់ទម្ងន់ជិតមួយតោន​ ក៏មាន ការប្រេីប្រាស់សារធាតុគីមី​ គ្រាប់បែកចង្កោម​ រហូតធ្លាក់មកបាញ់ ចម្ពាមកៅស៊ូ​ ត្រៀមបាញ់លាមក​ និងធ្លាក់មកដល់បាញ់សំឡេងខ្មោច​ អាប​...។ឯកឧត្តម ហេង រតនា បន្តថា គិតៗទៅ ក្រុមជាតិនិយមជ្រុល​សៀម បានជួយធ្វេីឱ្យសង្គមសៀមធ្លាក់ខ្លួន និងក្លាយជាសង្គមមនុស្សមួយដែលអស់ថោក​ អស់ការអៀនខ្មាស់​ និងបាត់អស់សុីវីល័យ។ មនុស្សលាមកនឹកឃេីញតែមធ្យោបាយដ៏មហាលាមក​ មនុស្សខ្មោចនឹកឃេីញតែ​មហាល្បិចខ្មោចអសោចកេរ្តិ៍។ ឯកឧត្តម ហេង រតនា បន្តថា សំឡេងខ្មោច​ និងសំឡេងខ្លាំងៗ​ វាគ្មានរេីសមុខកូនក្មេងតូចៗ​ មនុស្សចាស់ជរា​ ស្ត្រីមានផ្ទៃពោះអ្វីនោះទេ​ ហេីយទង្វេីនេះបានឆ្លុះបញ្ចាំងនូវចរិកពិតជាក់ស្តែងនៃក្រុមជាតិនិយមជ្រុលសៀម។ឯកឧត្តម បានស្នើមហាជន សូមអានខ្លឹមសារ ឯកឧត្តម ឧបនាយករដ្ឋមន្ត្រីប្រាក់​ សុខុន នូវភាពអត់ធ្មត់របស់យេីងដេីម្បីសន្តិភាព៕

លាមតេយ្យសិក្សាអ៊ុយក្រែនពិបាកចម្អិនអាហារពេលដែលការវាយប្រហារុស្ស៊ី កាត់ផ្តាច់ចរន្តអគ្គិសនី

2025/10/17 09:17:41 pm        20
Facebook Telegram Linkin
អ្នកស្រី Natalia Meshokគឺជាចុងភៅមួយរូបរបស់អ៊ុយក្រែន ចាកចេញពីផ្ទះរបស់គាត់នៅវេលាម៉ោង ២យប់រំលងអធ្រាត្រ ដើម្បីធ្វើដំណើរទៅកាន់សាលាមតេយ្យសិក្សាជាទីដែលអ្នកស្រីបានធ្វើការនៅទីនោះ ពេលដែលការផ្គត់ផ្គង់អគ្គិសនីមានស្ថិរភាព ដើម្បីចម្អិនអាហារសម្រាប់កុមារជាច្រើន។អ្នកស្រីនិយាយថា ពេលដែលការកាត់ផ្តាច់រចន្តអគ្គិសនីចាប់ផ្តើមពួកយើងក៏បានកែតម្រូវទៅតាមកាលវិភាគនៃការដាច់ចរន្តអគ្គិសនី ។ ពេលដែលអគ្គិសនីត្រឡប់មកវិញពួកយើងព្យាយាមចម្អិនអាហារ យ៉ាងហោចសម្រាប់អាហារពេលព្រឹក និងចម្អិនអាហារទុកសម្រាប់អាហារថ្ងៃត្រង់។ប្រតិបត្តិករបណ្តាញអគ្គិសនីជាតិបាននិយាយថាប្រទេសអ៊ុយក្រែនបានកាត់ផ្តាច់ចរន្តអគ្គិសនីរយៈពេលពីរថ្ងៃជាប់ៗគ្នាកាលពីថ្ងៃព្រហស្បតិ៍ខណៈរុស្ស៊ីបានបង្កើនការវាយប្រហារលើបណ្តាញថាមពលរបស់ពួកគេក្នុងពេលមានអាកាសធាតុត្រជាក់។កងកម្លាំងរុស្ស៊ីបានវាយប្រហារទៅលើទីតាំងឧស្ម័ននៅភាគខាងកើតអ៊ុយក្រែន បណ្តាលឲ្យមានការបង្អាក់ទ្រង់ទ្រាយធំគឺជាអ្វីមួយដែលទីក្រុងគីវ ចាត់ទុកថាជាការទម្លាក់គ្រាប់បែកក្នុងរដូវរងារទ្រង់ទ្រាយធំចុងក្រោយរបស់ទីក្រុងមូស្គូលើហេដ្ឋារចនាសម្ព័ន្ធថាមពលរបស់ខ្លួន។ប្រតិបត្តិករអគ្គិសនីរដ្ឋ Ukrenergoបាននិយាយថា ដោយសារតែស្ថានភាពលំបាកនៅក្នុងប្រព័ន្ធថាមពលការកាត់ផ្តាច់ចរន្តអគ្គិសនីបន្ទាន់ត្រូវបានអនុវត្តនៅគ្រប់តំបន់របស់អ៊ុយក្រែន ។ការកាត់ផ្តាច់នេះធ្វើឡើងដើម្បីបែងចែកចរន្តអគ្គិសនីដោយអាជ្ញាធរជំរុញឲ្យពលរដ្ឋកាត់បន្ថយការប្រើប្រាស់ ៕

អន្តរក្រសួង ត្រៀមចូលរួមកិច្ចប្រជុំលើកទី៤ នៃគណៈកម្មការសេដ្ឋកិច្ចចម្រុះរវាងកម្ពុជា-តួកគីយ៉េ

2025/10/17 08:43:23 pm        128
Facebook Telegram Linkin
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំអន្តរក្រសួង ដើម្បីត្រៀមចូលរួមរៀបចំកិច្ចប្រជុំលើកទី៤ នៃគណៈកម្មការសេដ្ឋកិច្ចចម្រុះរវាងកម្ពុជា-តួកគីយ៉េ នៅសាធារណរដ្ឋតួកគីយ៉េ នាពេលខាងមុខនាព្រឹកថ្ងៃសុក្រ ទី១៧ ខែតុលា ឆ្នាំ២០២៥ នៅទីស្ដីការក្រសួងពាណិជ្ជកម្ម លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំអន្តរក្រសួង ដើម្បីត្រៀមចូលរួមរៀបចំកិច្ចប្រជុំលើកទី៤ នៃគណៈកម្មការសេដ្ឋកិច្ចចម្រុះរវាងកម្ពុជា-តួកគីយ៉េ ដែលនឹងប្រព្រឹត្តទៅចាប់ពីថ្ងៃទី៣-៤ ខែវិច្ឆិកា ឆ្នាំ២០២៥ នៅសាធារណរដ្ឋតួកគីយ៉េ ដោយមានវត្តមានចូលរួមពីថ្នាក់ដឹកនាំនៃអន្តរក្រសួង-សា្ថប័នពាក់ព័ន្ធ ជាច្រើនរូប។ កិច្ចប្រជុំនេះត្រូវបានរៀបចំឡើង ដើម្បីពិនិត្យនិងតាមដានវឌ្ឍនភាពនៃកិច្ចសហប្រតិបត្តិការទ្វេភាគីលើគ្រប់វិស័យពាក់ព័ន្ធ រួមមាន៖ ពាណិជ្ជកម្ម វិនិយោគ កិច្ចសហប្រតិបត្តិការគយ ក្រុមប្រឹក្សាធុរកិច្ចកម្ពុជា-តួកគីយ៉េ ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ប្រៃសណីយ៍ ទូរគមនាគមន៍ និងបច្ចេកវិទ្យាទំនាក់ទំនងព័ត៌មាន ហាឡាល ស្តង់ដារនីយកម្ម មាត្រាសាស្រ្ត សហគ្រាសធុនតូច និងមធ្យម កសិកម្ម រុក្ខាប្រមាញ់និងនេសាទ ធនធានទឹក ជីវចម្រុះ ការដឹកជញ្ជូន សុខាភិបាល ការអប់រំ និងទេសចរណ៍។ល។

អន្តរក្រសួង ពិភាក្សាចុងក្រោយ សេចក្តីព្រាង ការអនុវត្តយុទ្ធសាស្ត្របញ្ចកោណ ឆមាសទី១ ឆ្នាំ២០២៥

2025/10/17 08:14:55 pm        157
Facebook Telegram Linkin
ភ្នំពេញ ៖ នៅព្រឹកថ្ងៃទី១៧ ខែតុលា ឆ្នាំ២០២៥ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្ត្របញ្ចកោណ ដំណាក់កាលទី១ (គ.យ.ប.) បានដឹកនាំកិច្ចប្រជុំអន្តរក្រសួងកម្រិតថ្នាក់ដឹកនាំ ដើម្បីពិនិត្យ និងពិភាក្សាចុងក្រោយលើសេចក្តីព្រាងរបាយការណ៍តាមដាន និងត្រួតពិនិត្យ ការអនុវត្តយុទ្ធសាស្ត្របញ្ចកោណ ដំណាក់កាលទី១ ប្រចាំឆមាសទី១ ឆ្នាំ២០២៥ សំដៅបន្តវាស់វែង និងបូកសរុបសមិទ្ធកម្ម កំណត់បញ្ហាប្រឈម និងតម្រង់ទិស ក្នុងការអនុវត្តគោលនយោបាយនានា មុននឹងដាក់ជូនប្រមុខរាជរដ្ឋាភិបាលកម្ពុជាពិនិត្យនិងសម្រេច។ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានមានប្រសាសន៍ថា កិច្ចការតាមដាន ត្រួតពិនិត្យ និងវាយតម្លៃ គឺជាយន្តការយុទ្ធសាស្រ្ត និងជាឧបករណ៍ដាស់តឿនសម្រាប់ក្រសួង ស្ថាប័នពាក់ព័ន្ធ ក៏ដូចជាការផ្ដល់ជាការរាយការណ៍សម្រាប់ប្រមុខរាជរដ្ឋាភិបាល ពិនិត្យ និងតម្រង់ទិសបន្ថែម ឱ្យស្របទៅនឹងការវិវឌ្ឍនៃនិន្នាការសង្គម សេដ្ឋកិច្ចទាំងសកល តំបន់ និងក្នុងស្រុក សំដៅធានាឱ្យបាននូវលទ្ធផលជោគជ័យ ដើម្បីសម្រេចបាននូវគោលដៅអភិវឌ្ឍន៍សង្គម សេដ្ឋកិច្ច ជូនប្រជាពលរដ្ឋ និងប្រទេសជាតិទាំងមូល។ ការរៀបចំរបាយការណ៍វឌ្ឍនភាពនេះ គឺមានសារៈសំខាន់ ដើម្បីវាស់វែងវឌ្ឍនភាពជាក់ស្តែងនៃការអនុវត្តគោលនយោបាយ និងផែនការសកម្មភាពរបស់ក្រសួង ស្ថាប័ន សម្រាប់ពាក់កណ្តាលឆ្នាំ២០២៥, តម្រង់ទិស និងកែសម្រួលវិធានការនានារហូតដល់ចុងឆ្នាំ២០២៥ និងផ្តល់មូលដ្ឋានដល់ការរៀបចំរបាយការណ៍វាយតម្លៃពាក់កណ្តាលអាណត្តិក្នុងឆ្នាំ ២០២៦។ គួរបញ្ជាក់ផងដែរថា ការងារតាមដានត្រួតពិនិត្យ និងវាយតម្លៃការអនុវត្តយុទ្ធសាស្ត្របញ្ចកោណ-ដំណាក់កាលទី១ គឺជាកិច្ចការថ្មី ដែលគណៈកម្មាធិការ ព្រមទាំងក្រុមការងារបច្ចេកទេសត្រូវការរៀនផងធ្វើផង ចំណាយពេលយូរ និងតម្រូវឱ្យក្រសួង-ស្ថាប័នពិភាក្សាផ្ទៃក្នុងផង ជាលក្ខណៈអន្តរក្រសួងផង ជាច្រើនលើកច្រើនសារ ដើម្បីផ្លាស់ប្តូរទិន្នន័យ និងធានាសុក្រឹតភាពនៃរបាយការណ៍ដ៏សំខាន់នេះ សម្រាប់ឱ្យរាជរដ្ឋាភិបាលអាចយកទៅប្រើប្រាស់បន្តក្នុងការតម្រង់ទិស និងដាក់ចេញនូវវិធានការកែទម្រង់មុតស្រួចជាបន្តបន្ទាប់។អង្គប្រជុំបានពិភាក្សាយ៉ាងផុសផុលលើវឌ្ឍនភាពនៃការអនុវត្តយុទ្ធសាស្រ្តបញ្ចកោណ ដំណាក់កាលទី១ ប្រចាំឆមាសទី១នេះ ដោយបានផ្តោតលើទិដ្ឋភាពសង្គម សេដ្ឋកិច្ច រួមមាន៖ កត្តាប៉ះពាល់ដល់កំណើនសេដ្ឋកិច្ច ដែលមានដូចជា គោលនយោបាយពន្ធបដិការ បញ្ហាភូមិសាស្រ្តនយោបាយ ស្ថានភាពកម្លាំងពលកម្ម ភាពក្រីក្រ គ្រោះមហន្តរាយ មុខងារសាធារណៈ សន្តិសុខសង្គម ការអប់រំ សុខាភិបាល បរិយាកាសធុរកិច្ច និងការវិនិយោគភស្តុភារកម្ម សហគ្រាសធុនតូចនិងមធ្យម កសិកម្ម និងកិច្ចការស្ថិតិនិងទិន្នន័យ ជាដើម។ ក្នុងកិច្ចពិភាក្សានេះអង្គប្រជុំក៏បានលើកឡើងអំពីបញ្ហាប្រឈម ដែលក្រសួង ស្ថាប័នបានជួបប្រទះ ក្នុងភាពមិនប្រាកដប្រជានៃស្ថានភាពសេដ្ឋកិច្ចកម្ពុជា ដោយសារការធ្លាក់ចុះនៃកំណើនសេដ្ឋកិច្ចសកល, ស្ថានភាពតានតឹងព្រំដែនកម្ពុជា-ថៃ និង ការវិលត្រឡប់មកវិញដ៏គំហុកនៃពលករកម្ពុជា។ បន្ថែមលើនេះ អង្គប្រជុំក៏បានរំលេចអំពីបញ្ហាប្រឈមក្នុងការកំណត់បន្ទាត់មូលដ្ឋាន និងចំណុចដៅ ដែលមានដូចជា ភាពមានកម្រិតក្នុងការចែករំលែកទិន្នន័យ, កង្វះធនធានថវិកាគាំទ្រ, កង្វះទិន្នន័យស្ថិតិ, កង្វះបទពិសោធក្នុងការរៀបចំការអង្កេត និងជាពិសេសសមត្ថភាពមន្ត្រីពុំទាន់ឆ្លើយតបទៅនឹងជំនាញបច្ចេកទេស។ល។ របាយការណ៍នេះ នឹងផ្តល់ជាមូលដ្ឋាន សម្រាប់រាជរដ្ឋាភិបាល នីតិកាលទី៧ ក្រោមការដឹកនាំដ៏ប្រកបដោយភាពស្វាហាប់ ប្រាកដនិយមលើការងារកែទម្រង់ និងចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្នុងការតាមដានវឌ្ឍនភាព និងសមិទ្ធកម្មរបស់ក្រសួង ស្ថាប័នលើការអនុវត្តគោលនយោបាយ កម្មវិធីអាទិភាព និងវិធានការគន្លឹះ ដើម្បីសម្រេចបាននូវវិបុលភាព និងការអភិវឌ្ឍសង្គមសេដ្ឋកិច្ច ប្រកបដោយបរិយាប័ន្ន ភាពធន់ និងចីរភាព។ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត បានថ្លែងអំណរគុណដល់ ឯកឧត្ដម លោកជំទាវ លោក លោកស្រី តំណាងក្រសួង ស្ថាប័នពាក់ព័ន្ធទាំងអស់ ដែលបានផ្តល់កិច្ចសហការ និងបានផ្តល់ធាតុចូលយ៉ាងសកម្ម និងប្រកបដោយការយកចិត្តទុកដាក់ខ្ពស់ ក្នុងការពិនិត្យ ពិភាក្សា និងផ្តល់យោបល់ ដើម្បីឱ្យការរៀបចំរបាយការណ៍វឌ្ឍនភាពប្រចាំឆមាសទី១ ឆ្នាំ២០២៥ មានភាពពេញលេញ និងគ្រប់ជ្រុងជ្រោយ។ ជាចុងក្រោយ ឯកឧត្ដមឧបនាយករដ្ឋមន្ត្រីប្រចាំការ បានណែនាំឱ្យអគ្គលេខាធិការដ្ឋាន គ.យ.ប. បន្តសហការជាមួយក្រសួង ស្ថាប័ន និងសម្អាតរបាយការណ៍វឌ្ឍនភាពផ្អែកលើស្មារតីនៃកិច្ចប្រជុំនេះ ដើម្បីដាក់ជូនប្រមុខរាជរដ្ឋាភិបាលកម្ពុជា ពិនិត្យ និងតម្រង់ទិស៕

ក្រសួងសុខាភិបាល ពិនិត្យមើលសមិទ្ធិផល នៃការបង្កើតប្រព័ន្ធកំណត់ត្រាទិន្នន័យវេជ្ជសាស្ត្រអេឡិចត្រូនិក សម្រាប់ជំងឺមិនឆ្លង

2025/10/17 07:58:01 pm        577
Facebook Telegram Linkin
នារសៀលថ្ងៃសុក្រ ទី១៧ ខែតុលា ឆ្នាំ២០២៥ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជានាយកគម្រោងលើកកម្ពស់គុណភាព និងសមធម៌សុខាភិបាល ដំណាក់កាលទី២ (H-EQIP 2) បានដឹកនាំកិច្ចប្រជុំពិនិត្យមើលសមិទ្ធិផល នៃការរៀបចំបង្កើតប្រព័ន្ធកំណត់ត្រាទិន្នន័យវេជ្ជសាស្ត្រអេឡិចត្រូនិក សម្រាប់ជំងឺមិនឆ្លង (NCD EMR) ។គោលបំណង នៃកិច្ចប្រជុំ៖- ឈ្វេងយល់លម្អិតពីលំហូរ នៃការប្រើប្រាស់ប្រព័ន្ធកំណត់ត្រាទិន្នន័យវេជ្ជសាស្ត្រអេឡិចត្រូនិក សម្រាប់ជំងឺមិនឆ្លង (NCD EMR) ពីដើមរហូតដល់ចប់ ដែលបង្ហាញដោយក្រុមហ៊ុន ទទួលអនុវត្តការងារ។- ផ្តល់ធាតុចូលបន្ថែម ដើម្បីឱ្យប្រព័ន្ធកាន់តែមានភាពល្អប្រសើរឡើង និងមានភាពងាយស្រួលក្នុងការប្រើប្រាស់ ដែលអាចសម្រួលបន្ទុកការងាររបស់អ្នកប្រើប្រាស់នៅតាមមូលដ្ឋានសុខាភិបាល និងអាចបង្កើនប្រសិទ្ធភាពក្នុងការផ្តល់សេវាជូនប្រជាពលរដ្ឋ។ ជារួមលទ្ធផលអង្គកិច្ចប្រជុំគឺ៖ ប្រព័ន្ធ NCD EMR ដែលបានបង្ហាញដោយក្រុមហ៊ុន ជាប្រព័ន្ធមួយល្អ មានភាពងាយស្រួលក្នុងការប្រើប្រាស់ មិនមានភាពស្មុគស្មាញច្រើន ងាយឈ្វេងយល់ មានទាំងភាសាខ្មែរ និងភាសាអង់គ្លេស មានប្រព័ន្ធគ្រប់គ្រងរបាយការណ៍សមស្រប និងមានលទ្ធភាពអាចធ្វើតំណភ្ជាប់ជាមួយប្រព័ន្ធសុខាភិបាលផ្សេងៗ ដែលអាចជួយសម្រួលបន្ទុកការងារដល់មន្ត្រីសុខាភិបាលបានគ្រប់កម្រិត ចាប់ពីកម្រិតមណ្ឌលសុខភាព ស្រុកប្រតិបត្តិ មន្ទីរសុខាភិបាល រហូតដល់កម្រិតថ្នាក់ជាតិ ដោយប្រព័ន្ធអាចជួយពន្លឿនការអនុវត្តការងារបានឆាប់រហ័ស និងមានគុណភាព ដែលជាផ្នែកមួយសំខាន់ក្នុងការជំរុញការផ្តល់សេវាពិនិត្យស្រាវជ្រាវ និងព្យាបាលជំងឺមិនឆ្លង (NCDs Screening and Treatment) រួមមាន ជំងឺទឹកនោមផ្អែម ជំងឺឡើងសម្ពាធឈាម និងជំងឺមហារីកមាត់ស្បូន ឱ្យកាន់តែប្រសើរ ប្រកបដោយគុណភាព និងប្រសិទ្ធភាពខ្ពស់។  កិច្ចប្រជុំនេះ មានការអញ្ជើញចូលរួមពី ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការ ឯកឧត្តមវេជ្ជបណ្ឌិត យូ ពិសី អនុរដ្ឋលេខាធិការ ឯកឧត្តមវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល លោកអគ្គនាយករងរដ្ឋបាល និងហិរញ្ញវត្ថុ ឯកឧត្តមប្រធាននាយកដ្ឋានប្រយុទ្ធនឹងជំងឺ លោក លោកស្រី តំណាងនាយកដ្ឋានការពារសុខភាព នាយកដ្ឋានមន្ទីរពេទ្យ នាយកដ្ឋានសុខាភិបាលឌីជីថល នាយកដ្ឋានថវិកា និងហិរញ្ញវត្ថុ និងតំណាងអង្គភាពលទ្ធកម្ម នៃក្រសួងសុខាភិបាល លោក លោកស្រី តំណាងទីភ្នាក់ងារជាតិបញ្ជាក់ចំណាយ តំណាងវិទ្យាស្ថានជាតិសុខភាពសាធារណៈ តំណាងក្រុមហ៊ុន UDAYA Technology និងដៃគូអភិវឌ្ឍន៍រួមមាន៖ World Bank, GFF, DFAT, KOICA, KfW ៕

សាច់បង្កកលួចនាំចូលពីថៃ ជិត ១តោន បានដុតកម្ទេចចោល មុនេះ ខណៈឃាត់ខ្លួនបានមនុស្ស ៣នាក់

2025/10/17 07:36:39 pm        529
Facebook Telegram Linkin
សាច់បង្កក ដូចជា ជង្គង់មាន់ ស្លាបមាន់ ក្ដាម ជិត ១តោន ទើបត្រូវបានដុតកម្ទេចចោលមុននេះ ដោយកាលពីម៉ោង ៣ ទាបភ្លឺ នៅថ្ងៃទី១៧ ខែតុលា ឆ្នាំ២០២៥ កម្លាំងនរគបាលប៉ុស្ត ការពារ ព្រែកកោះយ៉ នៃវរ:នគបាលការពារព្រំដែនជើងទឹកលេខ២៦៩ ខេត្តកោះកុង បានឃាត់ទូកដឹកសាច់បង្កកពីថៃ តាមផ្លូវទឹកចូលខេត្តកោះកុង រឹបអូសបានសាច់បង្កកជាច្រើនប្រភេទ ព្រមទាំងឃាត់ខ្លួនមនុស្សបាន ៣នាក់។ក្រៅពីសាច់បង្កកដែលបានដុតកម្ទេចចោលខាងលើនេះ ក្នុងនោះក៏មាន ក្ដាមសករស់ជាច្រើនកេស ត្រូវបានលែងនៅ ពាមក្រសោម និងមានទំនិញស្ងួតដូចជា កាហ្វេ ថ្នាំលាបផ្ទះ ទឹកអាស៊ីត ត្រូវបានរក្សាទុកនៅស្នងការ។នេះជាករណីទី៣ នៃការបង្ក្រាបទូចលួចដឹកផលិតផលខុសច្បាប់ពីភាគីថៃ ចូលមកទឹកដីខេត្តកោះកុង កម្ពុជា។ សមត្ថកិច្ចនៅបន្តបង្កើនការតាមដានមុខសញ្ញាបន្ថែមទៀត ដើម្បីបន្តអនុវត្តតាមច្បាប់ ក៏ដូចជាការដាក់បទបញ្ជាពី សម្ដេចតេជោ ហ៊ុន សែន ឱ្យបង្ក្រាម ឈ្មួញ និងមន្ត្រីខិលខូច ដែលបានលួចលាក់នាំយកទំនិញពីថៃចូលមកកម្ពុជា៕

ឯកឧត្តម គន់ គីម ដឹកនាំកិច្ចប្រជុំពិភាក្សាលើការរៀបចំ និងការប្រព្រឹត្តទៅរបស់គណៈកម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យ

2025/10/17 07:04:13 pm        133
Facebook Telegram Linkin
ភ្នំពេញ៖ នៅរសៀលថ្ងៃទី១៧ ខែតុលា ឆ្នាំ២០២៥ ឯកឧត្តម នាយឧត្តមសេនីយ៍កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា (អ.ន.ក) បានអញ្ជើញជាអធិបតីដឹកនាំកិច្ចប្រជុំពិភាក្សាការងារលើសេចក្តីព្រាង សេចក្តីសម្រេចស្តីពីការរៀបចំ និងការប្រព្រឹត្តទៅរបស់ គណៈកម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យ ដែលកិច្ចប្រជុំបានប្រព្រឹត្តទៅ នៅវិមានសន្តិភាព។កិច្ចប្រជុំនេះ មានការអញ្ជើញចូលរួមពីបណ្តាថ្នាក់ដឹកនាំ អ.ន.ក, ឯកឧត្តម-លោកជំទាវ តំណាងក្រសួង-ស្ថាប័ន និងមន្រ្តីពាក់ព័ន្ធ ចំនួនប្រមាណ១០០រូប។ឯកឧត្តមកិត្តិសង្គហបណ្ឌិត មានប្រសាសន៍ថា ការរៀបចំកិច្ចប្រជុំពិភាក្សានៅថ្ងៃនេះ គឺអនុវត្តតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ក្នុងការរៀបចំ និងសម្របសម្រួលជូនអតីតយុទ្ធជន និងនិវត្តជនទាំងអស់ដែលបានមកជ្រកក្រោមឆ័ត្រតែមួយរបស់សមាគម។ឯកឧត្តមកិត្តិសង្គហបណ្ឌិត មានប្រសាសន៍ទៀតថា សម្តេចតេជោ ប្រធានសមាគម មានចក្ខុវិស័យវែងឆ្ងាយចំពោះការគិតគូរយ៉ាងយកចិត្តទុកដាក់ទៅលើមន្រ្តីរាជការ និងកងកម្លាំងប្រដាប់អាវុធទាំងអស់ រាប់តាំងពីពេលបំពេញការងាររហូតដល់ពេលចូលនិវត្តន៍។ ក្នុងន័យនេះ អតីតយុទ្ធជន និងនិវត្តជន ទទួលបានផលប្រយោជន៍ និងការលើកទឹកចិត្តជាបន្តបន្ទាប់ ពីរាជរដ្ឋាភិបាល ដូចជា ការដំឡើងប្រាក់សោធន៍ និងការគាំទ្រដល់ការថែទាំសុខុមាលភាពតាមមន្ទីរពេទ្យដោយឥតគិតថ្លៃតាមរយៈប័ណ្ណសមធម៌ (ប.ស.ស)។ជាមួយគ្នានេះ ឯកឧត្តមកិត្តិសង្គហបណ្ឌិត គន់ គីម បញ្ជាក់ថា ការរៀបចំកិច្ចប្រជុំពិភាក្សានាពេលនេះ គឺជាការអនុញាតិដល់ថ្នាក់ដឹកនាំក្រសួង-ស្ថាប័ន បានចូលរួមផ្តល់ធាតុចូលទៅលើសេចក្តីព្រាង សេចក្តីសម្រេចស្តីពីការរៀបចំ និងការប្រព្រឹត្តទៅរបស់ គណៈកម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យ ដែលជាគុណប្រយោជន៍ក្នុងការអនុវត្ត និងបម្រើជូនដល់អតីតយុទ្ធ និងនិវត្តជន ក្នុងក្រសួង-ស្ថាប័ននីមួយៗ។លើសពីនេះ ឯកឧត្តមកិត្តិសង្គហបណ្ឌិត គន់ គីម បញ្ជាក់ទៀតថា កិច្ចប្រជុំនេះក៏ជាផ្នែកមួយសំខាន់ដើម្បីឱ្យថ្នាក់ដឹកនាំក្រសួង-ស្ថាប័ន ស្វែងយល់កាន់តែច្បាស់ និងស៊ីជម្រៅទៅលើសេចក្តីព្រាងសេចក្តីសម្រេចស្តីពីការរៀបចំ និងការប្រព្រឹត្តទៅរបស់ គណៈកម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យ ក្នុងការផ្តល់ភាពងាយស្រួលសម្រាប់មន្រ្តីអនុវត្ត។ឯកឧត្តមកិត្តិសង្គហបណ្ឌិត គន់ គីម គូសបញ្ជាក់ថា តាមរយៈសេចក្តីព្រាងសេចក្តីសម្រេចស្តីពីការរៀបចំ និងការប្រព្រឹត្តទៅរបស់ គណៈកម្មាធិការសមាគមអតីតយុទ្ធជន និងនិវត្តជនកម្ពុជាតាមវិស័យ បានបន្តយកចិត្តទុកដាក់ជាប់ជានិច្ចទាំងការផ្តល់អត្ថប្រយោជន៍ផ្សេងៗ ក៏ដូចដោះស្រាយជីវភាពរស់នៅដល់អតីតយុទ្ធជនណាដែលជួបការលំបាក ដេីម្បីផ្តល់ផ្ទះ និងដីសម្បទានសង្គមកិច្ចសម្រាប់ជួយដល់ជីវភាពរស់នៅប្រចាំថ្ងៃឱ្យកាន់តែប្រសេីរក្រោមការដឹកនាំរបស់់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា៕

រដ្ឋមន្ត្រីអាស៊ាន បើកប្រជុំចំនួន៣ ស្ដីពី ការគ្រប់គ្រងគ្រោះមហន្តរាយ (AMMDM) និងដៃគូអភិវឌ្ឍន៍អាស៊ាន

2025/10/17 06:38:24 pm        125
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម) នាថ្ងៃទី ១៦ តុលា ២០២៥ បានដឹកនាំកិច្ចប្រជុំដ៏មានន័យ រវាងថ្នាក់រដ្ឋមន្ត្រីអាស៊ាន ស្តីពី ការគ្រប់គ្រងគ្រោះមហន្តរាយ (AMMDM) និងដៃគូអភិវឌ្ឍន៍អាស៊ាន ចំនួន៣។កិច្ចប្រជុំនោះរួមមានដូចខាងក្រោម៖ - កិច្ចប្រជុំ ថ្នាក់រដ្ឋមន្ត្រីអាស៊ានស្តីពីការគ្រប់គ្រងគ្រោះមហន្តរាយ (AMMDM) បូកចិន លើកទី៥ - កិច្ចប្រជុំ ថ្នាក់រដ្ឋមន្ត្រីអាស៊ានស្តីពីការគ្រប់គ្រងគ្រោះមហន្តរាយ (AMMDM) បូកជប៉ុន លើកទី៥ - កិច្ចប្រជុំ ថ្នាក់រដ្ឋមន្ត្រីអាស៊ានស្តីពីការគ្រប់គ្រងគ្រោះមហន្តរាយ (AMMDM) បូកកូរ៉េ លើកទី៤ បន្ថែមលើនេះ ឯកឧត្តមបានផ្ទេរភាពជាប្រធាន ទៅកាន់ឯកឧត្ដមឧត្តមសេនីយ៍ត្រី ស៊ូហារយ៉ានតូ (H.E. LIEUTENANT GENERAL SUHARYANTO,S.SOS.,M.M) ប្រធានអាជ្ញាធរជាតិការគ្រប់គ្រងគ្រោះមហន្តរាយ ដែលនឹងទទួលតំណែងបន្តជា ប្រធានកិច្ចប្រជុំរដ្ឋមន្ត្រីអាស៊ានស្ដីពីការគ្រប់គ្រងគ្រោះមហន្តរាយ ឆ្នាំ២០២៦ នៅប្រទេសឥណ្ឌូណេស៊ី៕

បណ្ដាញសង្គម

ព័ត៌មានថ្មីៗ

អ៊ីរ៉ង់ ចង់ចរចាជាមួយអនុប្រធានាធិបតីអាមេរិក ព្រោះនឹងសម្រេចបានបំណងរបស់ខ្លួន
04/11/2026 09:04 AM
Facebook Telegram Linkin
ការចរចាបទឈប់បាញ់អាមេរិក-អ៊ីស្រាអែល កំណត់ពេលចាប់ផ្តើមនៅប៉ាគីស្ថាន ខណៈអ៊ីស្រាអែល បាញ់ផ្លោងលើលីបង់
04/11/2026 09:04 AM
Facebook Telegram Linkin
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
04/11/2026 08:04 AM
Facebook Telegram Linkin
មេដឹកនាំអូស្រ្តាលី និងសិង្ហបុរី សន្យាជំរុញទំនាក់ទំនងថាមពល ដើម្បីធានាការផ្គត់ផ្គង់សកល
04/10/2026 09:04 PM
Facebook Telegram Linkin
EU អំពាវនាវឲ្យបញ្ឈប់ការវាយប្រហារជាបន្ទាន់ នៅលីបង់ និងជំរុញឲ្យការការពារជនស៊ីវិល
04/10/2026 08:04 PM
Facebook Telegram Linkin
វិមានក្រឹមឡាំង៖ ទស្សនកិច្ចដោយប្រេសិត នៅអាមេរិក មិនមានន័យថា ការចរចាអ៊ុយក្រែន ចាប់ផ្តើមវិញឡើយ
04/10/2026 08:04 PM
Facebook Telegram Linkin
អ៊ីស្រាអែលគំរាមវាយប្រហាររថយន្តសង្គ្រោះបន្ទាន់ នៅលីបង់ ដោយចោទថា ត្រូវបានក្រុមហេសបូឡាប្រើប្រាស់
04/10/2026 08:04 PM
Facebook Telegram Linkin
អនុប្រធានាធិបតីសហរដ្ឋអាមេរិកនិយាយថា លោករំពឹងថាជំនួបអ៊ីរ៉ង់នឹងវិជ្ជមាន
04/10/2026 08:04 PM
Facebook Telegram Linkin
ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់
04/10/2026 07:04 PM
Facebook Telegram Linkin
អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ
04/10/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.