នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
លោកសាស្រ្តាចារ្យរង លូ លីឃាង អញ្ជើញសម្ពោធបើកជាផ្លូវការគ្លីនិកជំងឺភ្នែកស្ងួត នៃមនី្ទរពេទ្យព្រះអង្គឌួង
ក្រសួងធម្មការ បើកវគ្គបណ្ដុះបណ្ដាលស្ដីពីតួនាទី ភារកិច្ចនិងក្រមសីលធម៌អាចារ្យខ្មែរ (ជំនាន់ទី៥០)

ព័ត៌មានជាតិ

សម្តេច ម៉ែន សំអន អញ្ជើញបិទវគ្គអប់រំនយោបាយរបស់គណបក្សកម្រិត២ ជំនាន់ទី១៥

2024/12/21 06:30:01 pm        82
Facebook Telegram Linkin
ភ្នំពេញ ÷ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្ស បានអញ្ជើញជាអធិបតីក្នុងពិធីបិទវគ្គអប់រំនយោបាយរបស់គណបក្សកម្រិត២ ជំនាន់ទី១៥ និងប្រគល់វិញ្ញាបនបត្រជូនសិក្ខាកាមចំនួន ១៤២រូប នៅវិមាន៧មករា នារសៀល ថ្ងៃសៅរ៍ ៦រោច ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២១ ខែធ្នូ ឆ្នាំ២០២៤។ លោកជំទាវ គឹម សេដ្ឋានី តំណាងសិក្ខាកាមបានធ្វើចំណាប់អារម្មណ៍ដោយបានបង្ហាញ នូវសេចក្តីគោរពដឹងគុណ ដល់ថ្នាក់ដឹកនាំគ្រប់ថ្នាក់ពិសេសសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលបានអនុញ្ញាតឲ្យមានវគ្គអប់រំនយោបាយជាបន្តបន្ទាប់ដើម្បីបង្កើនចំណេះដឹងដល់សិក្ខាកាមជាមន្រ្តីបក្សមកពីក្រសួង ស្ថាប័ន និងរាជធានី ខេត្ត នូវចំណេះដឹងពិសេសបង្កើនស្មារតីសាមគ្គីភាព ស្រឡាញ់បក្ស ពង្រឹងសមត្ថភាពត្រិះរិះពិចារណា ក្នុងការដឹកនាំចាត់ចែងអនុវត្តនូវគោលនយោបាយមាគ៌ាបក្ស សំដៅរក្សាភាពខ្លាំងរឹងមាំរបស់គណបក្សដើម្បីបន្តរក្សាបាននូវសន្តិភាព និងការអភិវឌ្ឍជូនជាតិមាតុភូមិ។ ឯកឧត្តម តាក ស៊ុនអ៊ី សមាជិកគណ:កម្មាធិការ និងជាប្រធានគណ:ឃោសនាអប់រំ បានធ្វើរបាយការណ៍ពីដំណើរការ នៃវគ្គសិក្សាលើកកម្ពស់សមត្ថភាពមន្រ្តីបន្តវេន និងបានកោតសសើរដល់សិក្ខាកាមទាំង ១៤២រូប នៃវគ្គអប់រំនយោបាយរបស់គណបក្សកម្រិត២ ជំនាន់ទី១៥ ទាំងអស់ ជាធនធានរបស់បក្សដែលបានប្រតិបត្តិបានយ៉ាងល្អ ទាំងវិន័យ ទំនាក់ទំនង ការគោរពពេលវេលា និងការស្តាប់បទឧទ្ទេសនាមចែករំលែកចំណេះដឹង បទពិសោធន៍ល្អ ៗពីថ្នាក់ដឹកនាំគណបក្សទទួលបាននូវពុទ្ធិថ្មីៗ មេរៀន របាយការណ៍ យល់ពីគោលបំណងគោលនយោបាយរបស់បក្ស បទពិសោធន៍ដឹកនាំពិសេសសមត្ថភាពត្រិះរិះពិចារណា ប្រកបដោយវិទ្យាសាស្រ្តវិចារវិទ្យា ការទទួលខុសត្រូវសម្រាប់មន្រ្តីបន្តវេនទាំងបច្ចុប្បន្ន និងទៅអនាគត។ ថ្លែងក្នុងឱកាសនោះ សម្តេចកិត្តិសង្គហបណ្ឌិត បាននាំការសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងបានអបអរសាទរវាយតម្លៃខ្ពស់ ចំពោះវគ្គសិក្សា និងថ្លែងអំណរគុណ កោតសសើរដល់ថ្នាក់ដឹកនាំគណ:ឃោសនាអប់រំគណបក្ស ក៏ដូចគណ:គ្រប់គ្រងវគ្គដែលបានខិតខំធ្វើការបណ្តុះបណ្តាលពង្រឹងសមត្ថភាពមន្រ្តីជាធនធានមនុស្សរបស់គណបក្ស យកទៅអនុវត្តបន្តប្រកបដោយគុណភាព ប្រសិទ្ធភាព និងជោគជ័យក្នុងការបំពេញការងារ៕

ព្រះករុណា ព្រះមហាក្សត្រ ស្ដេចយាងនិវត្តពីបំពេញព្រះរាជទស្សនកិច្ច នៅខេត្តហៃណាន សាធារណរដ្ឋប្រជាមានិតចិន

2024/12/21 02:42:32 pm        158
Facebook Telegram Linkin
ភ្នំពេញ ៖ នៅរសៀលថ្ងៃទី២១ ខែធ្នូ ឆ្នាំ ២០២៤នេះ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចយាងនិវត្តពីបំពេញព្រះរាជទស្សនកិច្ច នៅខេត្តហៃណាន សាធារណរដ្ឋប្រជាមានិតចិន បន្ទាប់ពីស្ដេចយាងបំពេញព្រះរាជទស្សកិច្ចកាលពីថ្ងៃទី១៩ ខែធ្នូ ឆ្នាំ២០២៤នេះ។​ក្នុងឱកាសយាងដល់មាតុប្រទេសវិញរបស់ព្រះករុណាព្រះមហាក្សត្រ ក៏មានវត្តមានថ្នាក់ដឹកនាំជាន់ខ្ពស់របស់កម្ពុជា បានអញ្ញើញទទួលដំណើរ ក្នុងនោះមានវត្តមានសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណចក្រកម្ពុជា រួមនឹងថ្នាក់ដឹកនាំជាន់ខ្ពស់តាមបណ្ដាក្រសួង ស្ថាប័នជាច្រើនរូបទៀត។ សូមជម្រាបថា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចយាងទៅបំពេញព្រះរាជទស្សនកិច្ច នៅខេត្តហៃណាន សាធារណរដ្ឋប្រជាមានិតចិន ពីថ្ងៃទី១៩-២១ ខែធ្នូ ឆ្នាំ២០២៤ តបតាមការអញ្ជើញរបស់ភាគីចិន។ក្នុងព្រះរាជដំណើរទស្សនកិច្ចនេះ ព្រះករុណាជាអម្ចាស់ជីវិតលើត្បូង ព្រះរាជទានព្រះរាជសវនាការដោយឡែកពីគ្នាជាមួយថ្នាក់ដឹកនាំខេត្តហៃណាន នៃសាសាធារណរដ្ឋប្រជាមានិតចិន និងជាមួយលោកគ្រូ អ្នកគ្រូ បុគ្គលិក ព្រមទាំងសិស្សានុសិស្សកម្ពុជា ដែលកំពុងសិក្សានៅសាលាពុទ្ធិកសិក្សាណានហៃ។ព្រះរាជទស្សនកិច្ចរបស់ ព្រះករុណាជាអម្ចាស់ជីវិតលើត្បូង យាងទៅកាន់ខេត្ត ហៃណាន សាធារណរដ្ឋប្រជាមានិតចិននៅពេលនេះ បានពង្រឹងបន្ថែមទៀតនូវចំណងមិត្តភាពដ៏ជិតស្និទ្ធរវាងប្រជាជនកម្ពុជា និងប្រជាជនចិន ព្រមទាំងជាការលើកកម្ពស់កិច្ចសហប្រតិបត្តិការ និងភាពជាដៃគូយុទ្ធសាស្ត្រគ្រប់ជ្រុងជ្រោយ រវាងប្រទេសទាំងពីរផងដែរ៕

កុងតឺន័រឆ្លងកាត់កំពង់ផែក្រុងព្រះសីហនុមានកំណេីនខ្ពស់មិនធ្លាប់មានបានដល់ចំនួន ១ ០០០ ០០០ TEUs ( កំណេីនជាង២៩% )

2024/12/21 02:04:07 pm        119
Facebook Telegram Linkin
នាឱកាសព្រឹកនេះវេលាម៉ោង៨ កំពង់ផែស្វ័យតក្រុងព្រះសីហនុ មានមោទនភាព ក្រោមម្លប់សន្តិភាពនិងការអភិវឌ្ឍន៍ជាស្នាដៃប្រវត្តិសាស្ត្ររបស់សម្តេចអគ្គមហាសេនាបតិតេជោ​ ហ៊ុន​ សែន​ ប្រធានព្រឹទ្ធសភា​ និងបន្តដឹកនាំប្រទេសដោយសម្តេចបវរធិបតីនាយករដ្ឋមន្ត្រី​ ធ្វេីឱ្យសេដ្ឋកិច្ចជាតិមានការអភិវឌ្ឍន៍គួរជាទីមោទន​ ដែលពេលយេីងទទួលបាន​កុងតឺន័រឆ្លងកាត់កំពង់ផែក្រុងព្រះសីហនុមានកំណេីនខ្ពស់មិនធ្លាប់មានបានដល់ចំនួន ១ ០០០ ០០០ TEUs ( កំណេីនជាង២៩% )។

សម្ដេចធិបតី ហ៊ុន ម៉ាណែត៖ដីជាទ្រព្យសំខាន់សម្រាប់យើងទាំងអស់គ្នាមិនត្រឹមតែសម្រាប់ជាមូលដ្ឋានរស់នៅតែក៏ជាមូលដ្ឋានសម្រាប់ការដាំដុះចិញ្ចឹមជីវិត

2024/12/21 01:59:11 pm        91
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា មានប្រសាសន៍បញ្ជាក់ថា ដីជាទ្រព្យសំខាន់សម្រាប់យើងទាំងអស់គ្នា មិនត្រឹមតែសម្រាប់ជាមូលដ្ឋានរស់នៅ តែក៏ជាមូលដ្ឋានសម្រាប់ការដាំដុះចិញ្ចឹមជីវិត ហើយដីក៏ជាទ្រព្យសម្បត្តិសម្រាប់ការប្រើប្រាស់ និងច្នៃទៅប្រើប្រាស់តាមសេចក្តីត្រូវការ និងផែនការជីវិតផងដែរ។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធី ”ប្រកាសបញ្ចប់ការវាស់វែងដីធ្លីមានលក្ខណៈជាប្រព័ន្ធ និងពិធីចែកបណ្ណកម្មសិទ្ធិដីធ្លី ក្នុងខេត្តកំពង់ចាម” នាព្រឹកថ្ងៃសៅរ៍ ទី២១ ខែធ្នូ ឆ្នាំ២០២៤ ថាជាប្រវត្តិសាស្ត្រក្នុងរយៈពេល ៥០០ឆ្នាំ ដែលយើងមានការឯកភាពជាតិ, មានរាជរដ្ឋាភិបាលតែមួយ និងសន្តិភាពពេញផ្ទៃប្រទេស ដែលបង្កលក្ខណៈឱ្យយើងអាចវាស់វែងដីទាំងអស់នៅទូទាំងប្រទេស, ចុះបញ្ជីស្តង់ដាតែមួយ ហើយទទួលបានកម្មសិទ្ធិពេញលេញ។ ដូចនេះហើយ ដីគឺជាទ្រព្យសំខាន់សម្រាប់យើងទាំងអស់គ្នា, មិនត្រឹមតែសម្រាប់ជាមូលដ្ឋានរស់នៅ តែក៏ជាមូលដ្ឋានសម្រាប់ការដាំដុះចិញ្ចឹមជីវិត មិនត្រឹមតែប៉ុណ្ណឹង ដីក៏ជាទ្រព្យសម្បត្តិសម្រាប់ការប្រើប្រាស់ និងច្នៃទៅប្រើប្រាស់តាមសេចក្តីត្រូវការ និងផែនការជីវិតផងដែរ។សម្តេចធិបតីនាយករដ្ឋមន្ត្រី បានគូសបញ្ជាក់បន្ថែមថា កន្លងទៅយើងធ្លាប់ប្រកាសខេត្តដែលអស់មីន តែបច្ចុប្បន្នយើងបានចុះមកប្រកាសខេត្តដែលបានប្រកាសបញ្ចប់ការវាស់វែងដីជាប្រព័ន្ធ, ធានាដល់ការផ្តល់កម្មសិទ្ធិជូនប្រជាជនយូរអង្វែង, ជាផលសម្រាប់ប្រជាជន ក្រោមផ្លែផ្កានៃសុខសន្តិភាព ហើយនេះជាការបើកទំព័រថ្មីមួយក្នុងការចុះបញ្ជីដីធ្លី, ក្នុងការបញ្ចប់ការចុះវាស់វែងជាប្រព័ន្ធបានគ្រប់ក្បាលដីនៅទូទាំងខេត្តកំពង់ចាម ដើម្បីឈានទៅដល់ការរៀបចំឱ្យបានត្រឹមត្រូវ។ ជាមួយនឹងសមិទ្ធផលដ៏ធំធេងនេះ, សម្តេចបវរធិបតីនាយករដ្ឋមន្ត្រី ក៏បានថ្លែងអំណរគុណដល់អ្នកស្រុកស្ទឹងត្រង់, ស្រុកក្រូចឆ្មារ និងអ្នកកំពង់ចាមទាំងអស់ ដែលបានផ្តល់ការគាំទ្រ គោរពស្រលាញ់សម្តេចតេជោ និងគណបក្សប្រជាជនកម្ពុជា ក្នុងការបន្តដឹកនាំ និងបម្រើប្រជាជន និងផ្តល់ផលឱ្យកាន់តែច្រើនគ្រប់ទីកន្លែងទាំងអស់។សម្តេចបវរធិបតីនាយករដ្ឋមន្ត្រី បានថ្លែងថា អ្វីដែលយើងឆ្លងកាត់ គឺឆ្លងកាត់ពីការលំបាក, ឆ្លងកាត់ពីការបែងបាក់ រហូតមកដល់ការរស់រានមានជីវិត, មានការបែងចែកផលនៃសន្តិភាព និងពេលនេះជាសក្ខីភាពនៃការទទួលផលពិតប្រាកដ និង យូរអង្វែង សម្រាប់ការកាន់កាប់ដីធ្លីជាកម្មសិទ្ធិរឹងមាំ ក្នុងការអភិវឌ្ឍ និងទទួលបានមនុញ្ញផល។ ឈរលើបទពិសោធន៍នេះ ទើបរាជរដ្ឋាភិបាល បានចាត់ទុកការកសាងហេដ្ឋារចនាសម្ព័ន្ធ ជាអាទិភាព ដោយចាត់ទុកថាការតភ្ជាប់ហេដ្ឋារចនាសម្ព័ន្ធ គឺជាការតភ្ជាប់ទាំងមនុស្ស, សេដ្ឋកិច្ច និងបម្រើការរីកចម្រើនដល់មូលដ្ឋាន និងសង្គមជាតិទាំងមូល។ ព្រមជាមួយគ្នានេះដែរ, ក្រោយពីមានហេដ្ឋារចនាសម្ព័ន្ធគ្រប់លក្ខណៈ, អ្វីដែលជាកត្តាយកចិត្តទុកដាក់ គឺការផ្តល់ដី, ការបែងចែកដីជូនប្រជាជន ហើយដើម្បីឱ្យដីមានផលប្រយោជន៍ គឺតម្រូវឱ្យមានបណ្ណកម្មសិទ្ធិច្បាស់លាស់, មានភាពរឹងមាំក្នុងការគ្រប់គ្រង និងកាន់កាប់ដីធ្លី ពិសេសឈានទៅលុបបំបាត់នូវរាល់ទំនាស់ដីធ្លី ជាមួយនឹងការរៀបចំផែនការអភិវឌ្ឍ ផងដែរ។ មុននឹងបញ្ចប់, សម្តេចបវរធិបតីនាយករដ្ឋមន្ត្រី បានលើកឡើងអំពីពាក្យ “ផ្ការីកនៃសន្តិភាព” ផ្ការីកដែលទទួលបានដោយនយោបាយឈ្នះ-ឈ្នះ, ផ្ការីកដើម្បីផ្តល់ភាពញញឹម, ការស្រលាញ់គ្នា, ការថែរក្សាគ្នា, ការថែរក្សាសន្តិភាព និងការទទួលផលនៃសុខសន្តិភាពទាំងអស់គ្នា ហើយយន្តការផ្ការីកក្នុងការបម្រើប្រជាពលរដ្ឋឱ្យបានល្អ ដោយផ្ការីកជាមួយរាជរដ្ឋាភិបាល គឺស្រស់បំព្រងជាមួយគ្នា។ ដូចនេះថ្ងៃនេះ, សូមបងប្អូនប្រជាពលរដ្ឋ ចូលរួមរាំវង់សន្តិភាពផ្ការីក, កែប្រែដីដែលធ្លាប់តែស្រពោន, ពោរពេញទៅដោយមីន និងគ្រាប់មិនទាន់ផ្ទុះ អាចទទួលបានការសម្អាតឱ្យមានសុវត្ថិភាព និងបណ្ណកម្មសិទ្ធិ ដែលបងប្អូនប្រជាពលរដ្ឋអាចដាំដុះ និងបំពេញសេចក្តីត្រូវការក្នុងការស់នៅ ប្រកបដោយសេចក្តីសុខសាន្ត៕

សម្តេចរដ្ឋសភាធិបតី ឃួន សុដារី ៖កម្មវិធីនយោបាយគណបក្សប្រជនកម្ពុជាគឺប្រជាពលរដ្ឋ ទទួលបាននូវភោគផលនៃការអភិវឌ្ឍគ្រប់ៗគ្នា

2024/12/21 01:57:25 pm        84
Facebook Telegram Linkin
ភ្នំពេញ ៖ សម្តេចមហារដ្ឋសភាធិការធិបតី ឃួន សុដារី សមាជិកគណៈអចិន្រ្តៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានរដ្ឋសភា បានផ្តំាផ្ញើដល់ថ្នាក់ដឹកនាំ សមាជិកសមាជិកាគណៈកម្មាធិការគណបក្សអគ្គលេខាធិការដ្ឋានរដ្ឋសភា បន្តខិតខំអនុវត្តនូវគោលការណ៍ កម្មវិធីនិងការចាត់តំាងរបស់គណបក្សឱ្យបានសម្រេច ក្នុងការបម្រើសង្គមជាតិ ដោយស្មារតីទទួលខុសត្រូវ នៅក្នុងនាមសមាជិកគណបក្សដឹកនាំប្រទេសដែលបានរួមសុខរួមទុក្ខជាមួយប្រជាជននៅគ្រប់កាលៈទេសៈជារៀងរហូតមក។សម្តេចរដ្ឋសភាធិបតី បានលើកឡើងដូច្នេះ នៅក្នុងការឱកាសអញ្ជើញជាអធិបតីដ៏ខ្ពង់ខ្ពស់ នៅក្នុងពិធីប្រកាសសេចក្តីសម្រេចកែសម្រួលនិងបំពេញបន្ថែមនូវសមាសភាពថ្នាក់ដឹកនាំគណៈកម្មាធិការគណបក្សអគ្គលេខាធិការដ្ឋានរដ្ឋសភា នាព្រឹកថ្ងៃទី២១ ខែធ្នូ ឆ្នាំ២០២៤ ដែលបានប្រារព្ធធ្វើឡើងនៅសណ្ឋាគារភ្នំពេញ។នៅក្នុងឱកាសនោះ សម្តេចរដ្ឋសភាធិបតី បានលើកឡើងថាគណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន បានដាក់ចេញនូវកម្មវិធីនយោបាយច្បាស់លាស់នៅក្នុងការធានាការពារសុខសន្តិភាព និងការអភិវឌ្ឍយូរអង្វែងជូនប្រជាពលរដ្ឋ ដោយធ្វើយ៉ាងណាផ្តល់ជូនប្រជាពលរដ្ឋគ្រប់រូបទទួលបាននូវភោគផលនៃការអភិវឌ្ឍដោយមិនទុកចោលពលរដ្ឋណាម្នាក់នោះឡើយ។ កម្មវិធីនយោបាយរបស់គណបក្សប្រជាជនកម្ពុជា បានប្រែក្លាយជាយុទ្ធសាស្រ្តបញ្ចកោណ-ដំណាក់កាលទី១ រាជរដ្ឋាភិបាលនីតិកាលទី៧ នៃរដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត អ្នកបន្តវេនរបស់គណបក្សប្រកបដោយសមត្ថភាព និងមានឆន្ទៈមោះមុត នៅក្នុងការដឹកនាំប្រទេសជាតិ ឆ្ពោះទៅកាន់ការចម្រើន ទាន់សម័យជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០និងប្រទេសមានចំណូលខ្ពស់នៅឆ្នាំ២០៥០។សម្តេចរដ្ឋសភាធិបតី ឃួន សុដារី បានផ្តល់អនុសាសន៍មួយចំនួនដល់ថ្នាក់ដឹកនាំ និងសមាជិកសមាជិកាគណៈកម្មាធិការគណបក្សអគ្គលេខាធិការដ្ឋានរដ្ឋសភា ត្រូវបន្តស្មារតីសាមគ្គីភាពផ្ទៃក្នុង ស្នេហាជាតិ ស្មោះត្រង់ជាមួយប្រជាពលរដ្ឋ ដោយអនុវត្តនូវគោលការណ៍ សមូហភាពដឹកនាំ បុគ្គលទទួលខុសត្រូវ។ ត្រូវពង្រីកសមាជិកបក្សជាប់ជាប្រចាំគឺរក្សាចាស់បង្កើតថ្មី ធ្វើយ៉ាងណាឱ្យគណបក្សទទួលបានជ័យជម្នះនៅក្នុងការបោះឆ្នោតខាងមុខៗទៀត ស្របតាមបំណងប្រាថ្នារបស់ប្រជាពលរដ្ឋ។ បន្តតាមដានសភាពការណ៍ជាតិ អន្តរជាតិ ឱ្យបានជាប់ជាប្រចាំពិសេសត្រូវចូលរួមឱ្យបានសកម្ម វាយបកទៅក្រុមប្រឆំាងជ្រុលនិយម ដែលមានចេតនាទុច្ចរិតបំផ្លាញសុខសន្តិភាពនិងការអភិវឌ្ឍរបស់ប្រទេសជាតិ។ សម្តេចរដ្ឋសភាធិបតី បានរំលឹកថាសុខសន្តិភាពនៅកម្ពុជា បានមកដោយលំបាកដែលជាការលះបង់យ៉ាងធំធេងរបស់ប្រមុខដឹកនាំគណបក្សគឺ សម្តេចតេជោ ហ៊ុន សែន។ កម្ពុជាទទួលបានសុខសន្តិភាពពេញបរិបូណ៌ ក្នុងពេលបណ្តាប្រទេសជាច្រើននៅលើសកលលោកបានកំពុងជួបប្រទះនិងរងគ្រោះដោយសារសង្រ្គាម។ ដូច្នេះយើងមិនត្រូវធ្វេសប្រហែសបណ្តោយឱ្យបាត់បង់សុខសន្តិភាព ទើបនាំគ្នាសោកស្តាយ និងស្រែកហៅរកសន្តិភាពនោះឡើយ។ សុខសន្តិភាពជាមូលដ្ឋានគ្រឹះនៃការអភិវឌ្ឍ។ គ្មានសន្តិភាពគឺគ្មានអ្វីៗទំាងអស់។សម្តេចមហារដ្ឋសភាធិការធិបតី បានផ្តាំផ្ញើដល់ថ្នាក់ដឹកនាំនិងសមាជិកសមាជិកាបន្តអនុវត្តរបបជីវភាពគណបក្សឱ្យបានទៀងទាត់ មានរបបប្រជុំ របបចុះមូលដ្ឋាន។ រួមគ្នាបន្តថែរក្សាសន្តិភាព ស្ថិរភាពសង្គម ដើម្បីថែរក្សានូវសមិទ្ធផលនានា ដែលគណបក្សសម្រេចបានដោយលំបាកបំផុត និងបន្តកសាងសមិទ្ធផលថ្មីៗ ជូនជាតិ និងប្រជាជន។ សម្តេចបានមានប្រសាសន៍បន្តថា ជាមួយគ្នានេះក៏មិនត្រូវភ្លេចពីការតាមដានយកចិត្តទុកដាក់ពីសុខទុក្ខសមាជិកសមាជិកាឱ្យបានជាប់ជាប្រចាំ មានចិត្តសន្តោសប្រណីរវាងគ្នានិងគ្នា ដើម្បីធ្វើយ៉ាងណាឱ្យមានសុខដុមរមនាក្នុងក្រុមការងារ ក្នុងសាខាគណបក្ស ដែលជាមូលដ្ឋានគ្រឹះនៃសុខដុរមនានៅក្នុងសង្គមជាតិទំាងមូល។សូមជម្រាបថាសមាសភាពថ្នាក់ដឹកនាំ គណៈកម្មាធិការគណបក្សអគ្គលេខាធិការដ្ឋានរដ្ឋសភា ដែលបានកែសម្រួលនិងបំពេញបន្ថែមនាពេលនេះ មានអនុប្រធានគណៈកម្មាធិការគណបក្សចំនួន២រូប សមាជិកគណៈកម្មាធិការអចិន្រ្តៃយ៍គណៈកម្មាធិការគណបក្សចំនួន៤រូប និងសមាជិកគណៈកម្មាធិការគណបក្សគណៈកម្មាធិការគណបក្សចំនួន១០រូប៕

ប្រកាសក្រុមការងាររាជរដ្ឋាភិបាលចុះមូលដ្នានសង្កាត់ទាំង១១ នៃខណ្ឌដូនពេញ រាជធានីភ្នំពេញ

2024/12/21 01:53:56 pm        102
Facebook Telegram Linkin
ភ្នំពេញ ៖ នៅព្រឹកថ្ងែទី២១ ខែធ្នូ ឆ្នាំ២០២៤នេះ លោក ឆៃ ស៊ីណារិទ្ឋ ទេសរដ្ឋមន្ត្រី ទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌដូនពេញ បានអញ្ចើញជាអធិបតីភាព ក្នុងពិធីប្រកាសក្រុមការងារចុះជួយមូលដ្នានខណ្ឌដូនពេញ រាជធានីភ្នំពេញ ស្របតាមកម្មវិធីនយោបាយបញ្ចកោណ ដំណាក់កាលទី១ ក៏ដូចជាកម្មវិធីនយោបាយអាទិភាពទាំង៦ វិធានគន្លឹះរបស់រាជរដ្នាភិបាលកម្ពុជា ។ពិធីក៏មានការចូលរួមពីលោក ជា ខេមា អភិបាល នៃគណៈអភិបាលខណ្ឌដូនពេញ និងលោក លោកស្រី សមាជិក សមាជិកា ព្រមទាំងក្រុមការងារចុះមូលដ្ឋានខណ្ឌ សង្កាត់ ជាច្រើននាក់ទៀត ។ លោកបន្តថា កន្លងមកយើងក៏មានធ្វើវេទិកាសាធារណៈ មានការដឹកនាំដោយក្រុមប្រឹក្សារាជធានី ក៏ដូចជាមានការចូលរួមរបស់ក្រមការងារថ្នាក់ជាតិជួយរាជធានី ដោយយើងបានស្តាប់នូវរាល់សំណូមពរនានារបស់ប្រជាពលរដ្ឋនៅមូលដ្ឋាន ដោយខិតខំជំរុញការដោះស្រាយបញ្ហាជាច្រើន ដើម្បីឆ្លើយតបទៅនឹងតម្រូវការ ចាំបាច់របស់ប្រជាពលរដ្ឋរបស់យើង។ ជាមួយគ្នា នៅមានអាជ្ញាធរខណ្ឌ សង្កាត់ ភូមិ បានចូលរួមដោះស្រាយភ្លាមៗ នូវសុខទុក្ខ និងសំណូមពរ របស់ប្រជាពលរដ្ឋនៅមូលដ្ឋានទៀតផង ។ឥឡូវនេះ យើងមានក្រុមការងារថ្នាក់ជាតិទទួលលើកិច្ចការងារអនុវត្តគោលនយោបាយតាមសង្កាត់ហើយ គឺកាន់តែបង្ហាញពីការទទួលខុសត្រូវ ក្នុងការផ្សារភ្ជាប់ ការដោះស្រាយបញ្ហាជូនប្រជាពលរដ្ឋមូលដ្ឋានសង្កាត់នីមួយៗបានថែមទៀត ដែលបញ្ហាសុខទុក្ខរបស់ប្រជាពលរដ្ឋ គឺជាការចង់បានរបស់ថ្នាក់ដឹកនាំ ។ដោយទាំងអស់គ្នាជំរុញកិច្ចសហការដោះស្រាយ ឆ្លើយតបនឹងបញ្ហាប្រឈមនានា ដែលប្រជាពលរដ្ឋនៅតាមបណ្តាមូលដ្ឋាន ជួបការលំបាក និងធ្វើយ៉ាងណា ធ្វើអោយមានប្រសិទ្ឋិភាព ជូនប្រជាពលរដ្ឋ ។នាឱកាសនោះ លោកបានជំរុញដល់ក្រុមការងារ ត្រូវចេះចលនាវាយបកដល់ក្រុមអមិត្ត ពួកអគិតិខាងក្រៅ ដែលចេះតែបង្កបញ្ហាគ្រប់ពេលវេលា ធ្វើការញុះញ៉ុង ធ្វើអោយប្រជាពលរដ្ឋមានការភាន់ច្រឡំ ។ ហើយចៀសវាងនូវទង្វើអ្វីដែលធ្វើអោយប្រជាពលរដ្ឋថ្នាំងថ្នាក់ មានការមិនសប្បាយចិត្តមកលើមេដឹកនាំ ដែលខិតខំបម្រើសេវាសាធារណៈជូនប្រជាពលរដ្ឋ ។ លោកសន្តិបណ្ឌិត ឆៃ ស៊ីណារិទ្ឋ បានមានប្រសសន៍ថា ក្នុងនាមជាប្រធានក្រុមការងារ យើងនៅជាមួយគ្នា ត្រូវរួមគ្នា សាមគ្គីគ្នា យកបញ្ហាទាំងអស់ ដែលកើតមានក្នុងមូលដ្ឋានខណ្ឌដូនពេញ យកមកដោះស្រាយអោយទាន់ពេលវេលា ។លោកបានជំរុញអោយក្រុមការងារទាំងអស់ ត្រូវបង្កើនការងារចុះផ្ទាល់ជាមួយប្រជាពលរដ្ឋអោយបានល្អ ហើយបើមានបញ្ហាអ្វីកើតឡើង ត្រូវរាយការណ៍មកថ្នាក់លើ ដើម្បីរួមគ្នាដោះស្រាយ ចៀសវាងការប្រជាពលរដ្ឋមានការភាន់ច្រឡំ ហើយចៀសវាងនូវទង្វើអ្វីដែលធ្វើអោយប្រជាពលរដ្ឋថ្នាំងថ្នាក់ មានការមិនសប្បាយចិត្តមកលើមេដឹកនាំ ។សូមបញ្ជាក់ថា ក្រុមការងាររាជរដ្ឋាភិបាលចុះមូលដ្នានសង្កាត់ទាំង១១ នៃខណ្ឌដូនពេញ រាជធានីភ្នំពេញ មានសមាសភាពដូចខាងក្រោម ៖ ១-សង្កាត់ផ្សារថ្មីទី១ ៖ លោកស្រី ប៉ុន ដានី អភិបាលស្វយ័តផ្សារធំថ្មីជាប្រធាន និងអមដោយអនុប្រធាន សមាជិក សរុបចំនួន ២២នាក់ ។២-សង្កាត់ផ្សារថ្មីទី២ ៖ លោក ពៅ គាងឡេង ប្រធានមន្ទីរពាណិជ្ជកម្មរាជធានី ជាប្រធាន និងលោក ចាប ឌីណា អភិបាលរងខណ្ឌដូនពេញ ជាអនុប្រធាន ព្រមទាំងសមាជិក សរុប ២៧នាក់ ។៣-២-សង្កាត់ផ្សារថ្មីទី៣ ៖ លោក ម៉ុក ច័ន្ទករុណា អភិបាលរងខណ្ឌ ជាប្រធាន និងអមដោយអនុប្រធាន សមាជិក សរុបចំនួន ១៥នាក់ ។៤-សង្កាត់បឹងរាំង ៖ លោកសមូហកបណ្ឌិត ឡី សុភាព សមាជិកក្រុមប្រឹក្សារាជធានី ជាប្រធាន និងអមដោយអនុប្រធាន សមាជិក សរុបចំនួន ១១នាក់ ។៥-សង្កាត់ផ្សារកណ្តាលទី១ ៖ លោក សុខ ពេញវុធ អភិបាលរង រាជធានី ជាប្រធាន និងអមដោយអនុប្រធាន សមាជិក សរុបចំនួន ១៣នាក់ ។៦-សង្កាត់ផ្សារកណ្តាលទី២ ៖ លោក ហាយ មករា អគ្គលេខាធិការ ម.ប.ព ជាប្រធាន និងអមដោយអនុប្រធាន សមាជិក សរុបចំនួន ១៣នាក់ ។៧-សង្កាត់ចតុមុខ ៖ លោក ជា ខេមា អភិបាលខណ្ឌដូនពេញ ជាប្រធាន និងអមដោយអនុប្រធាន សមាជិក សរុបចំនួន ២៨នាក់ ។៨-សង្កាត់ជ័យជំនេះ ៖ លោក ចាន់ គន្ថេត អភិបាលរងខណ្ឌដូនពេញ ជាប្រធាន និងអមដោយអនុប្រធាន សមាជិក សរុបចំនួន ១២នាក់ ។៩-សង្កាត់ផ្សារចាស់ ៖ លោក ហ៊ុយ សារុណ អភិបាលរងខណ្ឌ ជាប្រធាន និងអមដោយអនុប្រធាន សមាជិក សរុបចំនួន ៣១នាក់ ។១០-សង្កាត់ស្រះចក ៖ លោក សារិន វណ្ណា ប្រធានមន្ទីររៀបចំដែនដី សំណង់ និងភូមិបាលរាជធានី ជាប្រធាន និងអមដោយអនុប្រធាន សមាជិក សរុបចំនួន ២៣នាក់ ។១១-សង្កាត់វត្តភ្នំ ៖ លោក សារិន វណ្ណា ប្រធានមន្ទីររៀបចំដែនដី សំណង់ និងភូមិបាលរាជធានី ជាប្រធាន និងអមដោយអនុប្រធាន សមាជិក សរុបចំនួន ២២នាក់ ៕អត្ថបទ៖ កុម្ភះ

​នគរបាល នៅតែបន្តឹងការបង្ក្រាប ក្រុមជនបង្កបទល្មើសអសន្តិសុខសង្គមនានា ក្នុងរាជធានីភ្នំពេញ

2024/12/21 01:01:50 pm        153
Facebook Telegram Linkin
ភ្នំពេញ ៖ កម្លាំងនគរបាល នៃស្នងការដ្ឋាននគរបាលរាជធានីភ្នំពេញ នៅតែបន្តឹងសកម្មភាពរបស់ខ្លួន ក្នុងការបង្ក្រាបរាល់សកម្មភាពរបស់ក្រុមជនទាំងឡាយ ដែលបង្ក ឬប្រព្រឹត្តិអំពើអសន្តិសុខសង្គមនានា ដោយមិនបន្ធូរបន្ថយដៃនោះឡើយ ។ ជាក់ស្តែង នាព្រឹកថ្ងៃទី២១ ខែធ្នូ ឆ្នាំ២០២៤នេះ ស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខក្រុមជនសង្ស័យចំនួន២២នាក់ ពាក់ព័ន្ធនឹង០៤បទល្មើសផ្សេងៗ ដែលប្រព្រឹត្តិទៅក្នុងខណ្ឌចំនួន០៥ មានខណ្ឌចំការមន , មានជ័យ , កំបូល , ៧មករា និងខណ្ឌដូនពេញ ។ ជនសង្ស័យទាំង២២នាក់ ត្រូវបានកម្លាំងសមត្ថកិច្ចព្រហ្មទណ្ឌកម្រិតស្រាល សហការជាមួយកម្លាំងនគរបាលតាមបណ្តាអធិការដ្ឋាននគរបាលខណ្ឌនីមួយៗខាងលើ ធ្វើការបង្ក្រាបបានជាបន្តបន្ទាប់ និងនៅតាមទីតាំងផ្សេងៗផ្សេងៗគ្នា បន្ទាប់ពីក្រុមទាំងនោះ បានប្រព្រឹត្តិបទល្មើសរួច ។ ជនទាំង២២នាក់ ពាក់ព័ន្ធករណី ៖ ធាក់ប្លន់យកម៉ូតូ , ករណីលួចទ្រព្យសម្បត្តិ , ករណីឆក់ទ្រព្យសម្បត្តិ និងករណីហិង្សាកាប់គ្នាបង្ករបួសស្នាម ។ ក្រោយធ្វើការបង្ហាញមុខជាសាធារណះរួចមក កម្លាំងសមត្ថកិច្ចបានបញ្ចូនខ្លួនក្រុមជនសង្ស័យទាំង២២នាក់ ទៅកាន់អយ្យការអមសាលាដំបូងរាជធានីភ្នំពេញ ដើម្បីចាត់ការទៅតាមផ្លូវច្បាប់ ។ សូមបញ្ជាក់ថា ៖ នៅព្រឹកថ្ងៃខែដដែលនេះ ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានដឹកនាំកិច្ចប្រជុំដាក់ផែនការបន្តពង្រឹងកិច្ចការងារការពារសន្តិសុខ រក្សាសណ្តាប់ធ្នាប់ សុវត្ថិភាពសង្គម ផងដែរ ។ កិច្ចប្រជុំនោះ មានការចូលរួមពីលោកស្នងការរង ជំនួយការឯកឧត្តមស្នងការ លោកអនុប្រធានផែនការងារ លោក-លោកស្រីនាយការិយាល័យជំនាញទាំង៣៣ លោកអធិការខណ្ឌទាំង១៤ និងមន្រ្តីពាក់ព័ន្ធផងដែរ ៕ អត្ថបទ ៖ លីហេង

សម្តេចធិបតី៖រាជរដ្ឋាភិបាលនឹងបញ្ចប់ការវាស់វែងដីធ្លីជូនពលរដ្ឋឲ្យបានឆាប់ៗនាពេលខាងមុខនេះ

2024/12/21 12:11:05 pm        105
Facebook Telegram Linkin
ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសអះអាងថា រាជរដ្ឋាភិបាលអាណត្តិទី៧នៃនីតិកាលរដ្ឋសភានឹងខិតខំធ្វើយ៉ាងណាបញ្ចប់ការវាស់វែងដីធ្លី ជូនដល់ប្រជាពលរដ្ឋនៅទូទាំងប្រទេសឲ្យបានឆាប់ៗនាពេលខាងមុខនេះ ដើម្បីបង្ករលក្ខណៈឲ្យដីបងប្អូនប្រជាពលរដ្ឋមានតម្លៃ និងលុបបំបាត់ ការទំនាស់ដីធ្លីជាដើមនោះ។ក្នុងឱកាសអញ្ជើញជាអធិបតី ក្នុងពិធីប្រកាសខេត្តកំពង់ចាមបញ្ចប់ការវាស់វែងដីធ្លីមានលក្ខណៈជាប្រព័ន្ធ និងចែកបណ្ណកម្មសិទ្ធិដីធ្លីជូនប្រជាពលរដ្ឋ នាថ្ងៃទី២១ ខែធ្នូ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជាបានថ្លែងថា ការរៀបចំកម្មសិទ្ធដីធ្លីនេះ គឺជាអ្វីដែលរាជរដ្ឋាភិបាលត្រូវបន្តទៀតសម្រាប់ជូនដល់បងប្អូនប្រជាពលរដ្ឋ ដោយរាជរដ្ឋាភិបាលនឹងបញ្ចប់ការវាស់វែងដីធ្លីនេះ ឲ្យបានឆាប់ៗនាពេលខាងមុខនេះ ដោយនឹងផ្តល់កម្មសិទ្ធជូននៅក្នុងអាណត្តិនេះផងដែរ។សម្តេចធិបតី នាយករដ្ឋមន្រ្តី បានបន្ថែមទៀតថា បន្តពីរាជរដ្ឋាភិបាលអាណត្តិមុន ក្នុងអាណត្តិទី៧នេះរាជរដ្ឋាភិបាល នឹងខិតខំធ្វើកំណែទម្រង់លើវិស័យដីធ្លីបន្ថែមទៀត តាមរយៈការវាស់វែងដីធ្លី ចុះបញ្ជី និងការផ្ដល់បណ្ណកម្មសិទ្ធិដីធ្លីជូនប្រជាពលរដ្ឋ ក៏ដូចជាដោះស្រាយបញ្ចប់ទំនាស់ដីធ្លីជាដើមនោះ។សម្តេចធិបតី នាយករដ្ឋមន្រ្តីនៃកម្ពុជា ក៏បានអះអាងថា ១៦ខែក្រោមការដឹកនាំរបស់រាជរដ្ឋា ភិបាលអាណត្តិទី៧នីតិកាលរដ្ឋសភានេះ គឺរាជរដ្ឋាភិបាលបានពន្លឿនការចុះបញ្ជីក្បាលដីធ្លី ជូនពលរដ្ឋបានចំនួនជាង៣លាន៤សែនក្បាលដី ដោយនឹងមានគម្រោងបញ្ចប់ការវាស់វែងនេះនៅឆ្នាំ២០២៥ ថែមទាំងផ្តល់ជូនជាកម្មសិទ្ធនៅក្នុងឆ្នាំ២០២៧ផងដែរ៕អត្ថបទ ៖ បាន ចក់

សម្តេចធិបតី៖រាជរដ្ឋាភិបាលបានកំពុងធ្វើការជាមួយថៃស្របតាមយន្តការច្បាប់ដោយសន្តិវិធីទាក់ទងនឹងបញ្ហាកោះគុត

2024/12/21 12:00:23 pm        137
Facebook Telegram Linkin
ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានប្រកាសអះអាងជាថ្មីម្តងទៀតថា រាជរដ្ឋាភិបាលកំពុងធ្វើការជាមួយភាគីថៃ តាមយន្តការច្បាប់ដែលមានស្រាប់ដោយសន្តិវិធីទាក់ទងនឹងបញ្ហា«កោះគុត» មិនដូចការលើកឡើងរបស់ក្រុមប្រឆាំងជាពិសេសអ្នកនយោបាយចាស់វស្សា ដើរតែញុះញង់ពលរដ្ឋឲ្យមាន ការយល់ច្រឡំលើបញ្ហានេះឡើយ។ ផ្ញើសារចេញពីខេត្តកំពង់ចាម ក្នុងឱកាសអញ្ជើញជាអធិបតី ក្នុងពិធីប្រកាសខេត្តកំពង់ចាមបញ្ចប់ការវាស់វែងដីធ្លីមានលក្ខណៈជាប្រព័ន្ធ និងចែកបណ្ណកម្មសិទ្ធិដីធ្លីជូនប្រជាពលរដ្ឋ នាថ្ងៃទី២១ ខែធ្នូ ឆ្នាំ២០២៤នេះ សម្តេចធិបតី នាយករដ្ឋមន្រ្តីបានបញ្ជាក់អះអាងថា រាជរដ្ឋាភិបាលធានាថានឹងមិនឱ្យបាត់ដីខ្មែរមួយមីលីម៉ែត្រណាឡើយ ហើយទាក់ទងនឹងបញ្ហា«កោះគុត»នេះគឺរាជរដ្ឋាភិបាលបានកំពុងធ្វើការ យ៉ាងយកចិត្តទុកដាក់បំផុតជាមួយរដ្ឋាភិបាលថៃ ដោយមិនបានប្រងើយកន្តើយដូចការអុចអាលរបស់ក្រុម អគតិមួយក្តាប់តូចដែលកំពុងរត់ចោលស្រុកនោះទេ។​ជាមួយគ្នានោះដែរ សម្តេចធិបតីនាយករដ្ឋមន្រ្តី ក៏បានផ្ដាំទៅកាន់ក្រុមឧទ្ទាមក្រៅច្បាប់ ដែលមានជនក្បត់ជាតិបីជំនាន់នៅពីក្រោយខ្នងនោះផងដែរថា គប្បីបញ្ឈប់ការញុះញង់អុចអាល បងប្អូនប្រជាពលរដ្ឋឱ្យប្រព្រឹត្តសកម្មភាពផ្ទុយពីច្បាប់ដើម្បីតែបម្រើមហិច្ឆិតាខ្លួន ហើយឲ្យបងបងប្អូនជាប់គុកជំនួសពួកផងខ្លួននោះ។ សម្តេចធិបតី នាយករដ្ឋមន្រ្តីក៏បានអំពាវនាវដល់បងប្អូនប្រជាពលរដ្ឋខ្មែរទាំងក្នុង និងក្រៅប្រទេសសូមកុំធ្វើតាមការញុះញង់ពីសំណាក់ពួកអគតិទាំងនោះឲ្យសោះ ដែលវានឹងបង្កឲ្យមានអសន្តិសុខក្នុងសង្គម ខណៈបញ្ហា«កោះគុត»នេះរាជរដ្ឋាភិបាលបានកំពុងធ្វើការដោយសន្តិវិធីទៅតាមច្បាប់ជាមួយ និងភាគីថៃនោះ៕អត្ថបទ ៖ បាន ចក់

សម្តេចធិបតីជំរុញឲ្យក្រសួងមហាផ្ទៃបង្កើនការទប់ស្កាត់បទល្មើសបច្ចេកវិទ្យាឲ្យបានខ្លាំងក្លាបន្ថែមទៀត

2024/12/21 11:52:32 am        105
Facebook Telegram Linkin
កំពង់ចាម ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបង្ហាញនូវក្តីបារម្ភចំពោះបញ្ហាបទល្មើសតាមប្រ ព័ន្ធអនឡាញ ដោយករណីនេះសម្តេចធិបតីបានជុំរុញឲ្យក្រសួងមហាផ្ទៃ ក៏ដូចជាភាគីពាក់ព័ន្ធទាំងអស់ត្រូវធ្វើការទប់ស្កាត់ និងនូវបទល្មើសតាមអនឡាញនេះឲ្យបានសកម្មបន្ថែមទៀតដើម្បីផ្តល់ភាពសុខសាន្តជូនបងប្អូនប្រជាពលរដ្ឋនោះ។ ក្នុងឱកាសអញ្ជើញជាអធិបតី ក្នុងពិធីប្រកាសខេត្តកំពង់ចាមបញ្ចប់ការវាស់វែងដីធ្លីមានលក្ខណៈជាប្រព័ន្ធ និងចែកបណ្ណកម្មសិទ្ធិដីធ្លីជូនប្រជាពលរដ្ឋ នាថ្ងៃទី២១ ខែធ្នូ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជាបានថ្លែងថា បច្ចុប្បន្នបញ្ហាឆបោកតាមប្រព័ន្ធអនឡាញបានកំពុងកើត ឡើងគួរឲ្យព្រួយបារម្ភទាំងក្នុងតំបន់ និងពិភពលោក ដូច្នេះយើងត្រូវមានវិធានការទប់ស្កាត់បន្ថែមទៀត ជៀសវាងកុំឲ្យបងប្អូនប្រជាពលរដ្ឋខ្មែរយើងរងគ្រោះបន្ត ដោយសារតែបទល្មើសបច្ចេកវិទ្យានេះ។​យ៉ាងណាក៏ដោយសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានដាស់តឿនដល់បងប្អូនប្រជាពលរដ្ឋឲ្យមានការប្រុងប្រយ័ត្តខ្ពស់បន្ថែមទៀតចំពោះជនខិលខូចមួយចំនួនដែលដើរបោកប្រាស់គេតាមប្រព័ន្ធអនឡាញនេះផងដែរ ខណៈការឆបោកតាមអនឡាញបានរៀបចំឡើងជាប្រព័ន្ធហើយក៏មានបង ប្អូនប្រជាពលរដ្ឋខ្មែរយើងមួយចំនួនបានរងគ្រោះផងដែរនោះ។ សម្តេចបានលើកឡើងទៀតថា ការឆបោក តាមអនឡាញនេះមិនមែនតែកើតនៅស្រុកខ្មែរយើងប៉ុណ្ណោះទេ សូម្បីតែប្រទេសមហាអំណាចដូចជាជប៉ុន អាមេរិកក៏បានកំពុងកើតមានឡើងផងដែរ ដូច្នេះយើងត្រូវរួមគ្នារកវិធានការបទស្កាត់នូវបញ្ហានេះបន្ថែមទៀតដើម្បីភាពសុខសប្បាយរបស់ប្រជាពលរដ្ឋ៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ
07/14/2025 08:07 PM
Facebook Telegram Linkin
មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts
07/14/2025 08:07 PM
Facebook Telegram Linkin
ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា
07/14/2025 08:07 PM
Facebook Telegram Linkin
រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU
07/14/2025 08:07 PM
Facebook Telegram Linkin
អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប
07/14/2025 07:07 PM
Facebook Telegram Linkin
វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា
07/14/2025 07:07 PM
Facebook Telegram Linkin
នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ
07/14/2025 07:07 PM
Facebook Telegram Linkin
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
07/14/2025 07:07 PM
Facebook Telegram Linkin
EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក
07/14/2025 06:07 PM
Facebook Telegram Linkin
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
07/14/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.