BTV NEWS

រោងចក្រសហគ្រាសជាច្រើនប្រកាសជ្រើសរើសកម្លាំងពលកម្មបន្ទាន់ និងលើកទឹកចិត្តខ្ពស់ដល់ពលករត្រឡប់ពីថៃ

ក្រុមហ៊ុនចំនួន២០ ចូលរួមការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១១ ឆ្នាំ២០២៥ នៅខណ្ឌដូនពេញ

ទីតាំងហាងមួយកន្លែងយីហោ ចំការស្នេហ៍ ត្រូវបានកម្លាំងនគរបាល ចុះឆ្មក់បង្រ្កាបឃាត់ខ្លួនមនុស្សប្រុសស្រីជាច្រើននាក់

សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

ព័ត៌មានជាតិ

ប្រធានសហជីពថ្មី CCNU ប្តេជ្ញាលើកកម្ពស់ជីវភាពរបស់កម្មករឲ្យរស់នៅសមរម្យ

ខណៈទើបទទួលបានតំណែងជាប្រធានក្រុមប្រឹក្សាសហជីពជាតិកម្ពុជា (CCNU) លោក មុំ សៀក បានសន្យាថា នឹងខិតខំយកចិត្តទុកដាក់ទាំងកម្លាំងកាយចិត្ត ដើម្បីដឹកនាំសមាជិក សមាជិកាឲ្យស្របតាមលក្ខន្តិកៈ និងចូលរួមគោរពបទបញ្ជាផ្ទៃក្នុងឲ្យបានត្រឹមត្រូវទៅតាមគោលនយោបាយរបស់រាជរដ្ឋាភិបាល ក្នុងការជួយកម្មករនិយោជិតទាំងអស់ឲ្យមានជីវភាពរស់នៅសមរម្យ។លោក មុំ សៀក ប្រធានក្រុមប្រឹក្សាសហជីពជាតិកម្ពុជា បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងថា ដើម្បីរួមចំណែកអភិវឌ្ឍន៍សេដ្ឋកិច្ចជាតិកាន់តែល្អប្រសើរទៅមុខថែមទៀត លោកបានប្តេជ្ញាចិត្ត និងដាក់ចេញនូវផែនការសំខាន់ៗមួយចំនួន មានដូចជា៖ នឹងចូលរួមសហការល្អជាមួយក្រសួងការងារ និងបណ្តុះបណ្តាលវិជ្ជាជីវៈ ដើម្បីលើកកំពស់កិច្ចទំនាក់ទំនងវិជ្ជាជីវៈ, ចូលរួមជួយសម្របសម្រួល និងស្វែងរកដំណោះស្រាយវិវាទដែលកើតមានឡើងនៅក្នុងរោងចក្រ សហគ្រាស គ្រឹះស្ថាន ឲ្យប្រកបដោយយុទ្ធសាស្ត្រឈ្នះឈ្នះគ្រប់ភាគីពាក់ព័ន្ធ, ជួយផ្សព្វផ្សាយឲ្យបានជ្រួតជ្រាបដល់កម្មករ និយោជិតអំពីច្បាប់ស្តីពីការងារ ច្បាប់ស្តីពីសហជីព និងច្បាប់បេឡាជាតិសន្តិសុខសង្គម និងបទដ្ឋានគិតិយុត្តិនានា ដែលពាក់ព័ន្ធវិស័យការងារ រួមទាំងអនុសញ្ញាអន្តរជាតិខាងការងារ, ចូលរួមប្រជុំពិភាក្សាការងារ ជាមួយបណ្តាអង្គការជាតិ អន្តរជាតិ និងស្ថាប័នពាក់ព័ន្ធនានាជាដើម សំដៅធ្វើឲ្យមានភាពប្រសើរឡើងផ្នែកសុខដុមនីយកម្ម ទំនាក់ទំនងវិជ្ជាជីវៈ ឈានឆ្ពោះទៅរកសហគ្រាសមួយ ជាសហគមន៍សុខសាន្តមួយ។ក្នុងពិធីបិទសមាជវិសាមញ្ញក្រុមប្រឹក្សាសហជីពជាតិកម្ពុជា អាណត្តិទី៩ នៅថ្ងៃទី២ ធ្នូ ឆ្នាំ២០២៤កន្លងទៅ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានណែនាំសហជីពទាំងអស់ ត្រូវអនុវត្តតួនាទីរបស់ខ្លួនឱ្យបានត្រឹមត្រូវ និង បង្ហាញនូវតំណាងភាពដ៏ស្មោះត្រង់ សម្រាប់ការពារផលប្រយោជន៍ស្របច្បាប់របស់កម្មករនិយោជិត ចៀសវាងឱ្យបានពីការយករោងចក្រ សហគ្រាស ធ្វើជាទីលាននៃការប្រកួតប្រជែងដណ្តើមសមាជិកគ្នា ដែលនាំឱ្យប៉ះពាល់ដល់ដំណើរការផលិតកម្មរបស់វិនិយោគិន និងជាពិសេសប៉ះពាល់ដល់ការងារ និងប្រាក់ចំណូលរបស់កម្មករនិយោជិតផ្ទាល់។ឯកឧត្តមរដ្ឋមន្រ្តី បានលើកទឹកចិត្តថ្នាក់ដឹកនាំសហភាព សហជីព សហព័ន្ធសហជីព និងដៃគូទាំងអស់ ខិតខំបន្តទៀតក្នុងកិច្ចសហការ និងការបង្រួបបង្រួមគ្នាឱ្យបានទ្រង់ទ្រាយកាន់តែធំមានសមាជិកកាន់តែច្រើន មានកម្លាំងខ្លាំងពិតប្រាកដ និងមានប្រសិទ្ធភាពខ្ពស់ក្នុងភាពជាតំណាងឱ្យឆន្ទៈជាក់ស្តែងរបស់កម្មករនិយោជិត ទាំងនៅក្នុងប្រទេស និងនៅលើឆាកអន្តរជាតិ៕

ឯកឧត្តម ឌិត ទីណា បើកកិច្ចប្រជុំពិភាក្សាជាមួយ UNIDO លើគម្រោងរៀបចំមន្ទីរពិសោធន៍ជាតិកសិកម្មស្តង់ដារ ISO

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំពិភាក្សាជាមួយក្រុមការងារយូនីដូ (UNIDO) លើការងាររៀបចំមន្ទីរពិសោធន៍ជាតិកសិកម្ម នៅទីស្តីការក្រសួង កាលពីរសៀលថ្ងៃទី២ ខែធ្នូ ឆ្នាំ២០២៤។ ប្រភពក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ក្នុងកិច្ចប្រជុំនេះ ឯកឧត្តមរដ្ឋមន្ដ្រី បានសម្តែងក្តីសោមនស្សរីករាយចំពោះក្រុមការងារ UNIDO ចំពោះការចូលរួមពិនិត្យលទ្ធភាពរៀបចំមន្ទីរពិសោធន៍ជាតិកសិកម្មឱ្យមានភាពបន្ស៉ីគ្នា និងជំរុញការកសាងមន្ទីរពិសោធន៍នេះឱ្យមានលក្ខណ:ស្តង់ដា ISO សម្រាប់វិស័យកសិកម្មកម្ពុជា។ លើសពីនេះ ឯកឧត្តម បានផ្តល់អនុសាសន៍ដល់ក្រុមការងារ ត្រូវសិក្សាអំពីសម្ភារៈពិសោធ និងស្តង់ដានៃការជួសជុលថែទាំឱ្យមានគុណភាពល្អ និងមានស្តង់ដាតែមួយ។ ក្នុងការងារនេះ ឯកឧត្តមរដ្ឋមន្ដ្រី បានសង្កត់ធ្ងន់ថា មន្ទីរពិសោធន៍ជាតិមានសារៈសំខាន់ខ្លាំងណាស់ ក្នុងការបម្រើដល់ការធ្វើពាណិជ្ជកម្មនាំចេញកសិផលកម្ពុជា ដោយពិនិត្យលើអនាម័យ ភូតគាមអនាម័យ និងការគ្រប់គ្រងជំងឺផ្សេងៗ។ ម្ល៉ោះហើយ ការងារនេះត្រូវធ្វើឱ្យទាន់ពេលវេលា និងមានសម្ភារៈគ្រប់គ្រាន់ ដោយក្រសួងកសិកម្មបានត្រៀមខ្លួនរួចជាស្រេច ជាពិសេសផ្នែកធនធានមនុស្សដើម្បីបំពេញការងារនេះ ប្រកបដោយគុណភាព និងប្រសិទ្ធភាពខ្ពស់។ ជាថ្មីម្តងទៀត ឯកឧត្តមរដ្ឋមន្ដ្រី បានលើកទឹកចិត្តដល់ក្រុមការងារ ត្រូវជំរុញការងារនេះបន្ថែមទៀត ធ្វើយ៉ាងណាឱ្យមានលទ្ធផលផ្លែផ្កា និងជាសក្ខីភាពមួយបង្ហាញពីកិច្ចសហប្រតិបត្តិការនៃការរួមគ្នាជួយគាំទ្រដល់ការងារមន្ទីរពិសោធន៍ជាតិកសិកម្មកម្ពុជា ឱ្យលេចចេញជារូបរាងពិតប្រាកដ៕

ក្រសួងកសិកម្ម រៀបចំព្រឹត្តិការណ៍ «ពិព័រណ៍វារីវប្បកម្មកម្ពុជា» លើកដំបូងនៅសប្តាហ៍នេះ

ក្រសួងកសិកម្ម រុក្ខាប្រមាញ់ និងនេសាទ នឹងរៀបចំព្រឹត្តិការណ៍ “ពិព័រណ៍វារីវប្បកម្មកម្ពុជាលើកទី១” ដែលនឹងប្រព្រឹត្តទៅ ចាប់ពីថ្ងៃទី៦ និង៧ ខែធ្នូ ឆ្នាំ២០២៤ខាងមុខនេះ នៅផ្សារតំបន់បឹងកក់ រាជធានីភ្នំពេញ។ប្រភពក្រសួងកសិកម្ម បានបញ្ជាក់ថា ព្រឹត្តិការណ៍ខាងមុខនេះ ធ្វើឡើងដើម្បីបង្កើនការយល់ដឹងជាសាធារណៈអំពីគុណភាពត្រីចិញ្ចឹមរបស់កម្ពុជា និងលើកកម្ពស់ការយល់ដឹងអំពីចំណី ពូជ ការផ្គត់ផ្គង់ បច្ចេកវិទ្យាថ្មីៗដែលប្រើប្រាស់ក្នុងវារីវប្បកម្ម ជំរុញការទំនាក់ទំនង កិច្ចសហការរវាងភាគីពាក់ព័ន្ធក្នុងខ្សែច្រវាក់តម្លៃវារីវប្បកម្ម ព្រមទាំងបង្កើតយន្តការផ្សព្វផ្សាយ ចែករំលែកចំណេះដឹង បទពិសោធន៍ និងមេរៀនក្នុងការអភិវឌ្ឍប្រព័ន្ធទីផ្សារវារីវប្បកម្មកម្ពុជា។ក្រសួងកសិកម្ម រុក្ខាប្រមាញ់ និងនេសាទ បានអំពាវនាវប្រជាពលរដ្ឋទាំងអស់ សូមចូលរួមទស្សនាឱ្យបានច្រើនកុះករ និងដោយសេរី។

ចរន្តទិញ-លក់ក្នុងវិស័យអចលនទ្រព្យមានកំណើនងើបវិញបន្តិច តែស្ថិតក្នុងតម្លៃទាបជាមុន

អ្នកជំនាញក្នុងវិស័យអចលនទ្រព្យ ថា បច្ចុប្បន្នចរន្តទិញ-លក់ក្នុងវិស័យអចលនទ្រព្យនៅកម្ពុជា មានកំណើនឡើងវិញបន្តិច តែស្ថិត ក្នុងតម្លៃទាប, នេះជាការបង្ហាញនូវសញ្ញាណវិជ្ជមាន នៃការអភិវឌ្ឍន៍វិស័យអចលនទ្រព្យសម្រាប់ឆ្នាំបន្តបន្ទាប់ ខណៈដែលក្រសួងដែនដី ក៏បង្ហាញពីនិន្នាការកើនឡើងដូចគ្នាផងដែរ។លោក សន សៀប ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា ថ្លែងឱ្យដឹងក្នុងកិច្ចសម្ភាសន៍ជាមួយសារព័ត៌មាន ស្តីពីការទិញ-លក់វិស័យអចលនទ្រព្យនៅលើទីផ្សារប្រទេសកម្ពុជា នេះថា ការរីកចម្រើនរបស់វិស័យអចលទ្រព្យ វាដើរស្រប គ្នាទៅនិងសេដ្ឋកិច្ចគ្រួសារ, ការរីកចម្រើនសេដ្ឋកិច្ចប្រទេសជាតិយើង, តំបន់ និងពិភពលោកទាំងមូល ។ ជុំវិញសេដ្ឋកិច្ចនេះ បើយើងសម្លឹងមើលសេដ្ឋកិច្ចពិភពលោកបច្ចុប្បន្ន គឺមានការងើបឡើងតិចតូចឡើងវិញ បើធៀបទៅនិងឆ្នាំមុនៗ ស្របពេលប្រទេសយើង ក៏បានងើបខ្លះៗឡើងវិញផងដែរ ដោយគាំទ្រដល់វិស័យមួយចំនួន បានកំពុងមានវិជ្ជមាននៅលើទីផ្សារ។លោក បន្តលើកឡើងថា ទាក់ទិនវិស័យអចលនទ្រព្យនេះ ចំពោះការរំពឹងថា វាបានស្ទុះឡើងខ្លាំងនោះ គឺមិនទាន់មានភាព ច្បាស់នៅឡើយ តែអ្វីដែលសង្កេតឃើញលើទីផ្សារបច្ចុប្បនន្ន អចលនទ្រព្យនៅកម្ពុជាក្នុងឆ្នាំ២០២៤ នេះ មានកំណើនកើនឡើងខ្លះៗ គាំទ្រដល់វិស័យតូចៗមួយចំនួន ខណៈដែលវិស័យទិញ-លក់លំនៅឋានដូចជា បុរី ឬផ្ទះល្វែង បានកំពុងជួបប្រទះលើការទិញដូរយឺត ស្របពេលការទិញ-លក់ខុនដូរ បានបន្តងើបឡើងវិញ គឺមានកំណើនល្អប្រសើរជាងលំនៅឋានជាប់ដី ដោយសារវិនិយោគិនបរទេស បានចាប់ផ្តើមហូរចូលមកកម្ពុជាជាបណ្តើរៗ នៃការស្វែងរកឱកាសវិនិយោគនៅលើវិស័យនេះ ស្របពេលការសាងសង់អគារ ពាណិជ្ជកម្មនៅមានកំណើនយឺត ខណៈដែលការសាងសង់អគារឧស្សាហកម្មកំពុងមានសម្ទុះ។សូមបញ្ជាក់ថា ជុំវិញវិស័យអចលទ្រព្យនេះ, ក្រសួងរៀបចំដែនដី នគរូបនីយកម្ម និងសំណង់ បានបង្ហាញឱ្យដឹងថា នៅក្នុងរយៈពេល ៦ ខែ ដើមអាណត្តិទី ៧ គម្រោងសំណង់នៅទូទាំងប្រទេស មានចំនួន ១.៦៤២ គម្រោង មានតម្លៃទុនវិនិយោគប្រមាណ ជាង ២,៦ ពាន់លានដុល្លារ។ ទោះបីស្ថានភាពសេដ្ឋកិច្ចក្នុងតំបន់ និងពិភពលោកនៅពុំទាន់ប្រសើរឡើងវិញ ដូចស្ថានភាពមុនការរីករាលដាល នៃជំងឺកូវីដ-១៩ ក្តី ក៏វិស័យសំណង់កម្ពុជានៅតែមានកំណើនជាប្រចាំ ជាពិសេសគម្រោងថ្មីៗដែលបានស្នើសុំក្នុង រយៈពេល ៦ ខែ ឆ្នាំ២០២៤ មានកំណើនខ្ពស់ជាងរយៈពេលដូចគ្នាកាលពីឆ្នាំ ២០២៣ ក្នុងនោះក្រសួងរំពឹងទុកថា វិស័យសំណង់ នឹងប្រែក្លាយទៅជាឧស្សាហកម្ម ដែលនឹងចូលរួមបង្កើនចំណូលថវិកាជាតិ និងកំណើនសេដ្ឋកិច្ចកម្ពុជា៕ អត្ថបទ៖ សុន រ៉ាឌី

សម្តេចតេជោ ហ៊ុន សែន វាយតម្លៃខ្ពស់ចំពោះគុណភាព និងប្រសិទ្ធភាពការបណ្តុះបណ្តាលកម្មាភិបាលបក្សរ៉ាប់ម៉ឺននាក់របស់សាលារដ្ឋបាលជាតិចិន

នៅរដ្ឋធានីប៉េកាំង ព្រឹកថ្ងៃទី៣ ខែធ្នូ ឆ្នាំ២០២៤ ដែលជាថ្ងៃទី២ នៃដំណើរបំពេញទស្សនកិច្ចមិត្តភាពផ្លូវការ នៅសាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា និងគណៈប្រតិភូជាន់ខ្ពស់ព្រះរាជាណាចក្រកម្ពុជា អញ្ជើញទសន្សកិច្ចសាលារដ្ឋបាលជាតិ នៃគណៈកម្មាធិការមជ្ឈឹមបក្សកុម្មុយនីស្តចិន ក្នុងរដ្ឋធានីប៉េកាំង សាធារណរដ្ឋប្រជាមានិតចិន។ នៅសាលារដ្ឋបាលជាតិ នៃគណៈកម្មាធិការមជ្ឈឹមបក្សកុម្មុយនីស្តចិន វត្តមាននៃការអញ្ជើញដល់របស់សម្តេចតេជោ ប្រធានព្រឹទ្ធសភា និងជាប្រធានគណបក្សប្រជាជនកម្ពុជា ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីឯកឧត្តម លោកជំទាវ ជាឥស្សរជនជាន់ខ្ពស់ ជាថ្នាក់ដឹកនាំសាលារដ្ឋបាលជាតិ នៃគណៈកម្មាធិការមជ្ឈឹមបក្សកុម្មុយនីស្តចិន ជាច្រើនរូប។ សាលារដ្ឋបាលជាតិនៃគណៈកម្មាធិការមជ្ឈឹមបក្សកុម្មុយនីស្តចិន គឺជាគ្រឹះស្ថានឧត្តមសិក្សាដែលបណ្តុះបណ្តាលកម្មាភិបាលបក្សកុម្មុយនិស្តចិន។ វាមានទីតាំងនៅសង្កាត់Haidian ទីក្រុងប៉េកាំង ជិតវិមានរដូវក្តៅ និងវិមានរដូវក្តៅចាស់។ នាយកគ្រប់គ្រងបច្ចុប្បន្នគឺលោក Chen Xi អតីតសមាជិកការិយាល័យនយោបាយបក្សកុម្មុយនីស្តចិន។ សាលាបក្សនៃគណៈកម្មាធិការមជ្ឈិមបក្សកុម្មុយនិស្តចិននៅទីក្រុងប៉េកាំង ដែលគេស្គាល់ថាជាសាលាបក្សកណ្តាល គឺជាគ្រឹះស្ថានឧត្តមសិក្សាដែលបណ្តុះបណ្តាលកម្មាភិបាលនៃបក្សកុម្មុយនិស្តចិនជាពិសេស។ សាលាមជ្ឈិមបក្ស ផ្តោតលើការងារបក្ស និងប្រទេស។ ក្រោមការណែនាំនៃគោលដៅអភិវឌ្ឍន៍ថ្មីដែលកំណត់ដោយគណៈកម្មាធិការសាលា ពឹងផ្អែកលើកម្លាំងស្រាវជ្រាវវិទ្យាសាស្ត្រនៃសាលាទាំងមូល និងសាលាគណបក្សជាតិ ដើម្បីរៀបចំគណៈកម្មការសំខាន់ៗពីរដ្ឋាភិបាលកណ្តាល មានដូចជា ការងារស្រាវជ្រាវគម្រោង; ការទទួលខុសត្រូវក្នុងការរៀបចំគម្រោងធំៗនៃការស្រាវជ្រាវទ្រឹស្តីម៉ាក្សនិយម និងគម្រោងសាងសង់ គម្រោងមូលនិធិវិទ្យាសាស្ត្រសង្គមជាតិ គម្រោងមូលនិធិវិទ្យាសាស្ត្រធម្មជាតិជាតិ គម្រោងវិទ្យាសាស្ត្រទន់ជាតិ ទស្សនវិជ្ជាជាតិ និងគម្រោងការពិភាក្សាប្រព័ន្ធវិទ្យាសាស្ត្រសង្គម គម្រោងស្រាវជ្រាវការគិតកម្រិតខ្ពស់ថ្នាក់ជាតិ។ល។ សាលារដ្ឋបាលជាតិនៃគណៈកម្មាធិការមជ្ឈឹមបក្សកុម្មុយនីស្តចិន ត្រូវបានបង្កើតឡើងនៅឆ្នាំ១៩៣៣ មកដល់ពេលនេះមានរយៈពេល៩១ឆ្នាំហើយ ក្នុងរយៈពេលនេះ លោកប្រធាន ម៉ៅ និងឯកឧត្តម ស៊ី ជិនពីង ធ្លាប់បំពេញតួនាទីជានាយកសាលានេះផងដែរ។ ក្នុងជំនួបនោះដែរលោកនាយករងសាលាបានរាយការណ៍ជូនសម្តេចតេជោ និងគណៈប្រតិភូពីរចនាសម្ព័ន្ធ និងភារកិច្ចរបស់សាលាក្នុងការបណ្តុះបណ្តាលដល់មន្រ្តីជាន់ខ្ពស់បក្ស និងការចូលរួមឧទ្ទេសនាមពីថ្នាក់ដឹកនាំកំពូលៗរបស់ចិន ក្នុងនោះរួមមានទាំងឯកឧត្តមប្រធានាធិបតី ស៊ី ជិនពីង ផងដែរ។ ជាការឆ្លើយតបសម្តេចតេជោប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានថ្លែងអំណរគុណដែលបានមកទស្សនាសាលាមជ្ឈឹមបក្សកុម្មុយនីស្តចិន និងបានស្តាប់បទឧទ្ទេសនាមដ៏ក្បោះក្បាយស្តីពីការអភិវឌ្ឍ និងសមិទ្ធផលដ៏គាប់ប្រសើរជាច្រើន ដែលសាលាសម្រេចបានដោយពុះពាររាល់ឧបសគ្គ ចាប់តាំងពីពេលបង្កើតឡើងដំបូងកាលពី ៩១ឆ្នាំ កន្លងទៅ។ សម្តេចតេជោ បានវាយតម្លៃខ្ពស់ចំពោះគុណភាព និងប្រសិទ្ធភាពនៃការបណ្តុះបណ្តាលកម្មាភិបាលបក្ស រ៉ាប់ម៉ឺននាក់ ឲ្យមានសមត្ថភាពខ្ពស់លើការងារអភិបាលកិច្ចទាំងនៅកម្រិតមជ្ឈឹម និងមូលដ្ឋាន ដោយផ្អែកតាមបាវចនា ស្វែងរកសច្ចភាពពីតថភាព។ សម្តេចបានកោតសរសើរយ៉ាងស្មោះដល់ការដឹកនាំដ៏វៀងវៃ ប្រកបដោយទស្សនវិស័យវែងឆ្ងាយរបស់ថ្នាក់ដឹកនាំសាលានេះ រួមមានទាំងឯកឧត្តម ស៊ី ជិនពីង ជាអគ្គលេខាធិការបក្សកុម្មុយនីស្តចិនបច្ចុប្បន្នផងដែរ ដែលបានធ្វើឲ្យសាលាក្លាយទៅជាថ្នាលអប់រំដ៏សំខាន់បំផុត ក្នុងការសម្រិតសម្រាំងជួរថ្នាក់ដឹកនាំជាន់ខ្ពស់ចិន។ សាលានេះពិតជាបានរួមចំណែកដ៏ធំធ្វើឲ្យចិនសម្រេចបាននូវគោលដៅសហសវត្ស ១០០ឆ្នាំទី១ របស់ខ្លួនហើយនឹងបន្តឈានទៅសម្រេចគោលដៅសហសវត្តទី២ ប្រែក្លាយចិនទៅជាប្រទេសសង្គមនិយមទំនើប រុងរឿង ខ្លាំងក្លា ប្រជាធិបតេយ្យ វប្បធម៌ជឿនលឿន និងសុខដុមរមនា នៅឆ្នាំ២០៤៩៕

លោក ជេម សុខ សូមទោសសម្ដេចតេជោ និងទទួលស្គាល់ថា លោកពិតជាមនុស្សឈឺ និងពុលទឹកមាត់មែន

បន្ទាប់ពីបានឃើញសាររបស់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភានៃកម្ពុជា កាលពីយប់ថ្ងៃទី២ ខែធ្នូ ឆ្នាំ២០២៤នេះ ដោយបានផ្ដាំទៅលោក ជេម សុខ ថា គួរឈប់ធ្វើអ្នកចេះគ្រប់រឿងទៀតទៅ។ លោក ជេម សុខ កាលពីយប់ថ្ងៃទី២ ធ្នូនេះដែរ បានចេញមុខ សូមទោសសម្ដេចតេជោ និងទទួលស្គាល់ថា លោកគឺជាមនុស្សឈឺ និងពុលទឹកមាត់ពិតមែន។ ក្រោយបានឃើញសាររបស់សម្ដេចតេជោ លោក ជេម សុខ បានផ្ញើសារសូមគោរពសូមទោសពីសម្ដេចតេជោ ឬលោកបានហៅសម្ដេចតេជោថា «ផ្កាយព្រឹក»។ លោក ជេម សុខ បានសរសេរថា លោកសូមអភ័យទោសពីសម្ដេចតេជោ បើមានការខុសឆ្គងត្រង់ណា។ លោកទទួលស្គាល់ថាជាការពិតណាស់លោកគឺជាមនុស្សឈឺ និងពុលទឹកមាត់ ដោយចូលចិត្តនិយាយលេងសើចច្រើន។ លោកបានសូមទោសសម្ដេចតេជោ និងសូមសម្ដេចមេត្តាកុំប្រកាន់ទោសអូសដំណើររូបលោក។ សម្ដេចតេជោ ហ៊ុន សែន កាលពីយប់ថ្ងៃទី២ ខែធ្នូ ឆ្នាំ២០២៤នេះ បានសរសេរសារតាមបណ្ដាញសង្គមឆ្លើយតបទៅលោក ជេម សុខ ថា ដំណើរទស្សនកិច្ចរបស់សម្ដេចទៅចិនគឺតបតាមការអញ្ជើញរបស់ប្រធានាធិបតីចិន ឯកឧត្តម ស៊ី ជិនភីង។ ផ្ទុយពីការវិភាគរបស់លោកថាសម្ដេចតេជោទៅប្រទេសចិនយ៉ាងប្រញាប់ប្រញាល់។ឆ្លើយតបនឹងការលើកឡើងនេះ សម្ដេចតេជោបានបញ្ជាក់យ៉ាងខ្លីថា «គម្រោងទស្សនកិច្ចនៅចិនរបស់សម្ដេច គឺបានរៀបចំតាំងពីជិត២ខែមុនម្លេះដែលជាការអញ្ជើញរបស់ ប្រធានាធិបតីចិន គឺឯកឧត្តម ស៊ី ជិនភីង។ នេះមិនមែនជាទស្សនកិច្ចដ៏ប្រញាប់ប្រញាល់ឬតក់ក្រហល់នោះទេ»។សម្ដេចតេជោ ក៏បានសង្ឃឹមថា លោក ជេម សុខ គួរឈប់ធ្វើជាអ្នកចេះគ្រប់រឿងទៀតទៅ។ ដោយកន្លងទៅលោក ជេម សុខ ខ្លាចសម្បថ ប៉ុន្ដែសម្ដេចបញ្ជាក់ថាសម្ដេចមិនបបួលស្បថទៀតទេព្រោះខ្លាចងាប់ឆ្កែរបស់ លោក ជេម សុខ។សម្ដេចតេជោ បានជូនពរ លោក ជេម សុខ ឱ្យឆាប់ជាសះស្បើយពីជំងឺ ពុលទឹកមាត់ ពីជំងឺច្រណែនស្ទើរគ្រប់មនុស្ស ពិសេសជូនពរឱ្យចេះគ្រប់រឿងថែមទៀតប្រសិនលោក ជេម សុខ ចង់។ នេះគឺជាសារជូនរបស់របស់សម្ដេចតេជោ ឬមានរហស្សនាមថា «ផ្កាយព្រឹក» ដែលលោក ជេម សុខ ជាអ្នកដាក់ឈ្មោះនិងហៅសម្ដេចយ៉ាងពិរោះបែបនេះ៕

ក្រុមហ៊ុនក្រៅស្រុកមួយ បង្ហាញនូវសុទិដ្ឋិនិយមខ្ពស់លើវិនិយោគថាមពលស្អាតនៅកម្ពុជា

ប្រធានផ្នែកក្រុមហ៊ុនក្រៅស្រុកមួយ បានជួបពិគ្រោះយោបល់ជាមួយកម្ពុជា នៃកាលានុវត្តភាពវិនិយោគលើគម្រោងថាមពលអគ្គិសនី កកើតឡើងវិញ និងបានបង្ហាញសុទិដ្ឋិនិយមខ្ពស់ ក្នុងឱកាសបណ្តាក់ទុនវិនិយោគលើវិស័យថាមពលស្អាតនៅកម្ពុជា។លោក Liuhao Ran ប្រធានផ្នែកអភិវឌ្ឍន៍នៃក្រុមហ៊ុន Windey Energy Technology Group Co., Ltd. ដែលមានមូល- ដ្ឋាននៅខេត្ត Zhejiang សាធារណរដ្ឋប្រជាមានិតចិន នៅក្នុងជំនួបជាមួយ ឯកឧត្ដម សួន សុផល អគ្គលេខាធិការរង គណៈកម្មាធិការ វិនិយោគកម្ពុជា នៅថ្ងៃទី២ ម្សិលមិញនេះ បានសម្តែងនូវសេចក្តីសោមនស្សរីករាយ ដែលក្រុមការងារគណៈកម្មាធិការវិនិយោគកម្ពុជា បានទទួលជួបប្រឹក្សាយោបល់នាឱកាសដ៏ប្រពៃនេះ។ បន្ថែមពីនេះ លោកបានសម្តែងនូវការកត់សម្គាល់ អំពីថាមភាពរបស់កម្ពុជា ក្នុង ការពង្រឹងបន្ថែមនូវទំនាក់ទំនងមិត្តភាពដែកថែប រវាងកម្ពុជា-ចិន ព្រមទាំងភាពសកម្មក្នុងក្របខ័ណ្ឌនៃកិច្ចសហប្រតិបត្តិការ ក្រោម គំនិតផ្តួចផ្តើមផ្លូវ និងខ្សែក្រវាត់, លោកជឿជាក់ថា ការវិនិយោគផ្ទាល់ពីប្រទេសចិន ពិតជាបានជះផលវិជ្ជមាន លើកិច្ចសហប្រតិបត្តិការ ត្បូងពេជ្រប្រាកដ។ នៅក្នុងជំនួបនេះ, លោក Liuhao Ran ក៏បានបង្ហាញសុទិដ្ឋិនិយមថា ក្រុមហ៊ុន Windey Energy Technology Group Co., Ltd. ដែលនឹងអាចមានឱកាសបណ្តាក់ទុនវិនិយោគនៅកម្ពុជា លើវិស័យថាមពលស្អាតនាពេលខាងមុខ ដើម្បីរួមចំណែកដល់ការ អភិវឌ្ឍន៍នៅកម្ពុជាឱ្យកាន់តែរីកចម្រើន។ជាការឆ្លើយតប, ឯកឧត្ដម សួន សុផល អគ្គលេខាធិការរងគណៈកម្មាធិការវិនិយោគកម្ពុជា បានថ្លែងអំណរគុណជូនចំពោះ គណៈប្រតិភូ ដែលបានអញ្ជើញមកកាន់ព្រះរាជាណាចក្រកម្ពុជាដោយផ្ទាល់ ក្នុងគោលដៅសិក្សាស្វែងយល់ពីសក្តានុពល និង បរិយាកាសវិនិយោគកម្ពុជាឱ្យបានជាក់ច្បាស់។ ជាមួយគ្នានេះ ឯកឧត្តមក៏បានគូសរំលេច អំពីកិច្ចខិតខំប្រឹងប្រែង របស់ថ្នាក់ដឹកនាំ កំពូលនៃប្រទេសទាំងពីរ ក្នុងការពង្រឹងមិត្តភាពដែកថែប និងលើកកម្ពស់កិច្ចសហប្រតិបត្តិការភាពជាដៃគូយុទ្ធសាស្ត្រ ដើម្បីធ្វើឱ្យកាន់ តែស៊ីជម្រៅកិច្ចសហប្រតិបត្តិការត្បូងពេជ្រ និងជំរុញការកសាងសហគមន៍វាសនារួមកម្ពុជា-ចិនក្នុងយុគសម័យថ្មី។ ក្នុងស្មារតីនេះ ការចូលរួមចំណែកនៃរំហូរវិនិយោគផ្ទាល់ពីប្រទេសចិន បានដើរតួនាទីដ៏សំខាន់ក្នុងការដុសខាត់កិច្ចសហប្រតិបត្តិការត្បូងពេជ្រ ឱ្យកាន់ តែភ្លឺចែងចាំងមួយកម្រិតបន្ថែមទៀត។ មុននឹងបញ្ចប់ ឯកឧត្តម បានលើកទឹកចិត្តឱ្យសមភាគី បន្តពិគ្រោះយោបល់ជាមួយក្រសួងរ៉ែ និងថាមពល នៃព្រះរាជា ណាចក្រកម្ពុជា ក្នុងគោលដៅសិក្សាសមិទ្ធិលទ្ធភាព និងទទួលបានគោលការណ៍ជាលក្ខណៈបច្ចេកទេសពីក្រសួងជំនាញ ហើយក្រុម ប្រឹក្សាអភិវឌ្ឍន៍កម្ពុជា បើកទ្វារចំហស្វាគមន៍ជានិច្ច ក្នុងការរង់ចាំផ្តល់កិច្ចសម្រួល និងការលើកទឹកចិត្តនានាស្របតាមច្បាប់ និងប្បញ្ញត្តិជាធរមាន៕ អត្ថបទ៖ សុន រ៉ាឌី

សម្តេចធិបតី ហ៊ុន ម៉ាណែត ដាក់ចេញនូវវិធានការ៨ចំណុច ក្នុងឱកាសទិវាជនមានពិការភាពកម្ពុជា លើកទី២៦

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជានៅថ្ងៃទី៣ ខែធ្នូ ឆ្នាំ២០២៤នេះ បានចេញសារាចរ ស្តីពីការរៀបចំទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ ក្រោមប្រធានបទ «បរិយាបន្នពិការភាពលើគ្រប់វិស័យក្នុងយុគសម័យបរិវត្តកម្មឌីជីថល» និងពិធីប្រកាសដាក់ឱ្យអនុវត្តផែនការយុទ្ធសាស្ត្រជាតិ ស្តីពីពិការភាពឆ្នាំ២០២៤-២០២៨។តាមរយៈសារាចរ ស្តីពីការរៀបចំទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ នេះសម្តេចធិបតី ហ៊ុន ម៉ាណែត នាយករដ្ឋមន្រ្តី បានដាក់ចេញនូវវិធានការណែនាំចំនួន៨ចំណុច ដោយក្នុងនោះរួមមាន៖ទី១៖ទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ ត្រូវប្រារព្ធក្រោមប្រធានបទ «បរិយាបន្ន ពិការភាពលើគ្រប់វិស័យក្នុងយុគសម័យបរិវត្តកម្មឌីជីថល»។២៖ ក្រសួងព័ត៌មានត្រូវសហការជាមួយក្រុមប្រឹក្សាសកម្មភាពជនពិការ ណែនាំឱ្យប្រព័ន្ធផ្សព្វផ្សាយរដ្ឋ និងឯកជន ធ្វើការផ្សព្វផ្សាយដល់សង្គមជាតិទាំងមូល ឱ្យបានយល់ដឹងអំពីទិវាជនមានពិការភាពកម្ពុជា លើកទី២៦ និងអន្តរជាតិលើកទី៤២។៣៖ គ្រប់ក្រសួង ស្ថាប័នថ្នាក់ជាតិ រដ្ឋបាលថ្នាក់ក្រោមជាតិ សង្គមស៊ីវិល ដៃគូអភិវឌ្ឍ និងវិស័យឯកជន ត្រូវរៀបចំមីទ្ទីងអបអរសាទរ ពិធីជួបសំណេះសំណាលជាមួយជនមានពិការភាព កម្មវិធីកម្សាន្តសប្បាយ ពិធីហែក្បួនយាត្រានៅតាមក្រសួង ស្ថាប័ន រដ្ឋបាលរាជធានី ខេត្ត គ្រឹះស្ថានសិក្សារដ្ឋ និងឯកជនអង្គការមិនមែនរដ្ឋាភិបាល និងគ្រប់មជ្ឈមណ្ឌលនៅក្នុងមូលដ្ឋានរៀងៗខ្លួន។៤៖ ក្រុមប្រឹក្សាសកម្មភាពជនពិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងការងារ និងបណ្តុះបណ្តាលវិជ្ជាជីវៈ ក្រសួងសុខាភិបាល ក្រសួងអប់រំ យុវជន និងកីឡា មូលនិធិជនពិការ គណៈកម្មាធិការជាតិរៀបចំបុណ្យជាតិ-អន្តរជាតិ រដ្ឋបាលរាជធានី ខេត្ត និងស្ថាប័នពាក់ព័ន្ធត្រូវសហការរៀបចំមីទ្ទីងថ្នាក់ជាតិ និងរៀបចំកម្មវិធីកម្សាន្តផ្សេងៗ សម្រាប់ជនមានពិការភាពនៅថ្នាក់រាជធានី ខេត្តរៀងៗខ្លួន។៥៖ គណៈកម្មាធិការជាតិប៉ារ៉ាឡាំពិកកម្ពុជា គណៈកម្មាធិការជាតិស្ប៉េស្យាល់អូឡាំពិកកម្ពុជា ត្រូវរៀបចំ ពិធីប្រកួតកីឡាអបអរសាទរដំណាលគ្នាជាមួយទិវាជនមានពិការភាពកម្ពុជា លើកទី២៦ និងអន្តរជាតិលើកទី៤២។៦៖ អាជ្ញាធរមានសមត្ថកិច្ចគ្រប់លំដាប់ថ្នាក់ និងក្រុមគ្រួសារ ព្រមទាំងអាណាព្យាបាលរបស់ជនមានពិការភាពទាំងអស់ នៅទូទាំងប្រទេសត្រូវបង្កលក្ខណៈ ឱ្យជនមានពិការភាពបានចូលរួមសកម្មភាពនានា សំដៅអបអរសាទរទិវាជនមានពិការភាពកម្ពុជា លើកទី២៦ និងអន្តរជាតិលើកទី៤២ ដូចជា កម្មវិធីមីទ្ទីង កម្មវិធីកីឡា កម្មវិធីចម្រៀង កម្មវិធីកម្សាន្ត និងការជួបជុំគ្នាជាដើម ក្នុងបរិយាកាសសប្បាយរីករាយ និងភាពស្និទ្ធស្នាល។ ទី៧៖ គ្រប់ក្រសួង ស្ថាប័នថ្នាក់ជាតិ រដ្ឋបាលថ្នាក់ក្រោមជាតិ សង្គមស៊ីវិល ដៃគូអភិវឌ្ឍ និងវិស័យឯកជន ត្រូវរៀបចំចងបដាពាក្យស្លោក ដើម្បីស្វាគមន៍ និងអបអរសាទរទិវាជនមានពិការភាពកម្ពុជាលើកទី២៦ និងទី៨៖ សម្តេចធិបតី ណែនាំឲ្យក្រសួងសង្គមកិច្ច អតីតយុទ្ធជន និងយុវតិសម្បទា សហការជាមួយក្រ សួង ស្ថាប័ន រដ្ឋបាលថ្នាក់ក្រោមជាតិ ដើម្បីបង្កើនប្រសិទ្ធភាពផ្តល់បណ្ណពិការភាព ជូនជនមានពិការភាព គ្រប់រូប ដើម្បីឲ្យពួកគាត់អាចប្រើប្រាស់បណ្ណស្របតាមក្របខណ្ឌគោលនយោបាយជាតិគាំពារសង្គម និង ការទទួលបានផលប្រយោជន៍នានាពីសង្គម៕ អត្ថបទ៖ បាន ចក់

អភិបាលខេត្តកំពង់ឆ្នាំង បញ្ជាឲ្យកម្លាំងជលផល និងកម្លាំងប្រដាប់អាវុធទាំងអស់ ត្រូវកម្ទេចវត្ថុតាងបទល្មើសនេសាទចោលនៅនឹងកន្លែង មិនឲ្យយកមកទុកទៀតឡើយ

កំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានបញ្ជាឲ្យកម្លាំងខ័ណ្ឌរដ្ឋបាលជលផល និងកម្លាំងប្រដាប់អាវុធទាំង៣ប្រភេទ ត្រូវកម្ទេចចោលនូវវត្ថុតាងបទល្មើសនេសាទនៅនឹងកន្លែងមានបទល្មើស មិនត្រូវយកមកទុកនៅកន្លែងនាំឲ្យពិបាកទៀតឡើយ ព្រោះបទល្មើសទាំងនោះ តែងតែកើតឡើងវិញពេលសមត្ថកិច្ចចំរុះចេញមកវិញ។ ដើម្បីបំបាត់បទល្មើសនេះ ពេលបង្ក្រាបរួចត្រូវបំផ្លាញចោលនៅទីតាងនោះតែម្តងទៅ។ឯកឧត្តមបានបន្តថា ក្នុងឆ្នាំ២០២៤នេះ តាមរបាយការណ៍ខ័ណ្ឌរដ្ឋបាលជលផលកំពង់ឆ្នាំង បានចុះបង្ក្រាបជាហូរហែរនូវប្រភេទរបាំងស្បៃមុង របាំងសាច់អួនវែងខុសពីច្បាប់ជលផល ការដឹកជញ្ជូនលៀស ការឆក់ត្រីទាំងឆក់ក្តៅ និងត្រជាក់ រួមនិងបទល្មើសផ្សេងៗទៀត ធ្វើឲ្យបទល្មើសទាំងនោះថយចុះ។ ចំពោះប្រជានេសាទលក្ខណៈគ្រួសារនៅគ្រប់ច្រកល្ហកនៃភូមិសាស្ត្រខេត្តកំពង់ឆ្នាំង ត្រូវរាយការណ៍មកកម្លាំងជំនាញជលផល ឬអាជ្ញាធរមូលដ្ឋានភ្លាម បើឃើញមានបទល្មើសនេសាទរបាំងសាច់អួនវែងៗខុសច្បាប់ ឃើញរបាំងស្បៃមុង ឬឃើញបទល្មើសនេសាទដទៃទៀត។ ប្រសិនបើរាយការណ៍ហើយមិនឃើញធ្វើ ត្រូវរាយការណ៍មកឯកឧត្តមផ្ទាល់តែម្តង ព្រោះសព្វថ្ងៃឯកឧត្តមច្រើនតែទទួលបានព័ត៌មានពីអ្នកកាសែតប៉ុណ្ណោះ។ ប្រជាពលរដ្ឋទាំងអស់ត្រូវចូលរួមទាំងអស់គ្នា ដើម្បីថែរក្សាពូជមច្ឆាជាតិទឹកសាបយើងអោយគង់វង់។ឯកឧត្តមអភិបាលខេត្តបានបន្ថែមថា៖ កន្លងមក ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង បានខិតខំចុះតាមមូលដ្ឋាន ដើម្បីផ្សព្វផ្សាយច្បាប់ពាក់ព័ន្ធនឹងបទល្មើសនេសាទទាំងនោះ ជាពិសេសគឺពាក់ព័ន្ធបទល្មើសកាប់ទន្ទ្រានយកដីព្រៃលិចទឹកក្នុងតំបន់២ និងតំបន់៣ ដែលច្បាប់បានហាមឃាត់ដាច់ខាត ការកាប់ព្រៃលិចទឹកយកមកធ្វើជាសម្រាស់ ការឆក់ត្រី ធ្វើអោយប្រជានេសាទយល់ដឹង ហើយប្រជាពលរដ្ឋបានស្ម័គ្រចិត្តប្រគល់អាំងវែរទ័រឆក់ត្រីជាច្រើនគ្រឿងមកឲ្យសមត្ថកិច្ចជលផលយើងផងដែរ៕ កាំង ហុងវាស្នា

សហគមន៍កសិកម្មទំនើបស្រូវនាងអំ គ្រោងដាក់លក់រាយអង្ករនាងអំជាផ្លូវការ នៅដើមឆ្នាំ២០២៥ខាងមុខ

មន្រ្តីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា សហគមន៍កសិកម្មទំនើបស្រូវនាងអំ នឹងមានផលិតជាអង្ករលក់រាយដោយផ្ទាល់ទៅកាន់អ្នកទិញយកទៅបរិភោគក្នុងពេលឆាប់ៗនេះ ខណៈក្រសួង កំពុងរៀបចំជាប្រញាប់ក្នុងការបញ្ចប់ផែនការផ្នែកលក់ និងទីផ្សារជូនសហគមន៍។នៅលើផេកផ្លូវការរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បង្ហោះនៅព្រឹកថ្ងៃទី៣ ខែធ្នូ ឆ្នាំ២០២៤នេះ បានលើកឡើងថា ពេលនេះក្រសួងកសិកម្មកំពុងប្រញាប់ប្រញាល់បញ្ចប់សេចក្តីព្រាង នៃផែនការផ្នែកលក់ និងទីផ្សារជូនសហគមន៍ ដូចជាការរចនាឡូហ្គូ ការវិចខ្ចប់ និងការផលិតមាតិកាផ្សព្វផ្សាយលើបណ្តាញសង្គមជាដើម ដែលទទួលបានការគាំទ្រពីអង្គការ Swiss Contact ។ ឯកឧត្តម បានលើកឡើងបន្តថា ខុសពីពេលកសិករនៅធ្វើស្រែរៀងៗខ្លួន ដែលកសិករភាគច្រើនបានត្រឹមតែលក់ជាស្រូវសើមទៅតាមតម្លៃទីផ្សារនាពេលប្រមូលផលប៉ុណ្ណោះ ឥឡូវនេះ សហគមន៍អាចមានទុនបង្វិលគ្រប់គ្រាន់ ដើម្បីកែច្នៃលក់ជាអង្ករ មានជម្រើសថ្លៃលក់ចេញ និងទទួលបានតម្លៃបន្ថែម ក៏ដូចជាផលចំណេញខាងផ្នែកសេដ្ឋកិច្ចកាន់តែច្រើនជាងមុន។ ឯកឧត្តម ឃឹម ហ្វីណង់ បានអំពាវនាវដល់សាធារណជនទូទៅ ជាពិសេសអ្នកដែលចូលចិត្តប្រភេទស្រូវចម្ការអង្កររឹងល្មម មានសុវត្ថិភាព និងផលិតដោយដៃផ្ទាល់នៃកសិករសហគមន៍ កុំភ្លេចចាំជួយគាំទ្រ និងសាកល្បងទិញយកទៅហូបទាំងអស់គ្នា នៅដើមឆ្នាំ២០២៥ខាងមុខនេះហើយ។សូមបញ្ជាក់ថា សហគមន៍កសិកម្មទំនើបស្រូវនាងអំ កាលពីពេលកន្លងទៅ បានចាប់ផ្តើមប្រមូលផលជាលើកដំបូងរបស់ខ្លួន លើផ្ទៃដីផលិតកម្មជិត ៦០០ហិកតា ទទួលបានទិន្នផលក្នុងរង្វង់ ២,៥តោន ទៅ ៣តោន ក្នុងមួយហិកតា និងលក់ចេញបានក្នុងតម្លៃកុងត្រាទុកមុន ៩៥០រៀល ក្នុងមួយគីឡូក្រាម៕ អត្ថបទ ឈិត បូរ៉ាវី

បណ្ដាញសង្គម

ព័ត៌មានថ្មីៗ

អ្នកស្លាប់ឡើងដល់១៣នាក់ សហគមន៍មួយត្រូវបាត់បង់ ខណៈប្រជាជនកូឡុំប៊ី ស្វែងរកអ្នកនៅរស់បន្ទាប់ពីបំណាក់ដី

ឈីលី បំផ្លាញបណ្តាញលាងលុយពាក់ព័ន្ធជាមួយក្រុម Tren de Aragua ដោយចាប់ខ្លួនមនុស្ស៥២នាក់

បុគ្គលិកមន្ទីរពេទ្យក្នុងប្រទេសអាហ្សង់ទីន ធ្វើកូដកម្មជុំវិញការកាត់មូលនិធិរបស់រដ្ឋាភិបាល

សហរដ្ឋអាមេរិក ចេញការព្រមានធ្វើដំណើរថ្មីដល់ពលរដ្ឋខ្លួននៅតំបន់មជ្ឈិមបូព៌ា

ការបាញ់ប្រហារនៅម៉ិកស៊ិកបានសម្លាប់មនុស្សយ៉ាងហោចណាស់១០នាក់ រួមមានទាំងកុមារ

ការសិក្សាថ្មីរកឃើញថា ចំនួនអ្នកស្លាប់នៅហ្កាហ្សា កើនឡើងជិត ៤០% ខ្ពស់ជាងតួលេខផ្លូវការ

ក្រុមហាម៉ាស អះអាងជាថ្មីពីការប្តេជ្ញាចិត្តចំពោះកិច្ចប្រឹងប្រែងសម្រុះសម្រួលបទឈប់បាញ់នៅហ្កាហ្សា

លោក Zelenskiy ចុះកិច្ចព្រមព្រៀងជាមួយក្រុមប្រឹក្សាអឺរ៉ុបដើម្បីបង្កើតតុលាការសម្រាប់ឧក្រិដ្ឋកម្មលើអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ប្រធានសហជីពថ្មី CCNU ប្តេជ្ញាលើកកម្ពស់ជីវភាពរបស់កម្មករឲ្យរស់នៅសមរម្យ

ឯកឧត្តម ឌិត ទីណា បើកកិច្ចប្រជុំពិភាក្សាជាមួយ UNIDO លើគម្រោងរៀបចំមន្ទីរពិសោធន៍ជាតិកសិកម្មស្តង់ដារ ISO

ក្រសួងកសិកម្ម រៀបចំព្រឹត្តិការណ៍ «ពិព័រណ៍វារីវប្បកម្មកម្ពុជា» លើកដំបូងនៅសប្តាហ៍នេះ

ចរន្តទិញ-លក់ក្នុងវិស័យអចលនទ្រព្យមានកំណើនងើបវិញបន្តិច តែស្ថិតក្នុងតម្លៃទាបជាមុន

លោក ជេម សុខ សូមទោសសម្ដេចតេជោ និងទទួលស្គាល់ថា លោកពិតជាមនុស្សឈឺ និងពុលទឹកមាត់មែន

ក្រុមហ៊ុនក្រៅស្រុកមួយ បង្ហាញនូវសុទិដ្ឋិនិយមខ្ពស់លើវិនិយោគថាមពលស្អាតនៅកម្ពុជា

សម្តេចធិបតី ហ៊ុន ម៉ាណែត ដាក់ចេញនូវវិធានការ៨ចំណុច ក្នុងឱកាសទិវាជនមានពិការភាពកម្ពុជា លើកទី២៦

សហគមន៍កសិកម្មទំនើបស្រូវនាងអំ គ្រោងដាក់លក់រាយអង្ករនាងអំជាផ្លូវការ នៅដើមឆ្នាំ២០២៥ខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ប្រធានសហជីពថ្មី CCNU ប្តេជ្ញាលើកកម្ពស់ជីវភាពរបស់កម្មករឲ្យរស់នៅសមរម្យ

ឯកឧត្តម ឌិត ទីណា បើកកិច្ចប្រជុំពិភាក្សាជាមួយ UNIDO លើគម្រោងរៀបចំមន្ទីរពិសោធន៍ជាតិ​កសិកម្មស្តង់ដារ ISO

ក្រសួងកសិកម្ម រៀបចំព្រឹត្តិការណ៍ «ពិព័រណ៍វារីវប្បកម្មកម្ពុជា» លើកដំបូងនៅសប្តាហ៍នេះ

ចរន្តទិញ-លក់ក្នុងវិស័យអចលនទ្រព្យមានកំណើនងើបវិញបន្តិច តែស្ថិតក្នុងតម្លៃទាបជាមុន

លោក ជេម សុខ សូមទោសសម្ដេចតេជោ និងទទួលស្គាល់ថា លោកពិតជាមនុស្សឈឺ និងពុលទឹកមាត់មែន

ក្រុមហ៊ុនក្រៅស្រុកមួយ បង្ហាញនូវសុទិដ្ឋិនិយមខ្ពស់លើវិនិយោគថាមពលស្អាតនៅកម្ពុជា

សម្តេចធិបតី ហ៊ុន ម៉ាណែត ដាក់ចេញនូវវិធានការ៨ចំណុច ក្នុងឱកាស​ទិវាជនមាន​ពិការភាព​កម្ពុជា លើកទី២៦

សហគមន៍កសិកម្មទំនើបស្រូវនាងអំ គ្រោងដាក់លក់រាយអង្ករនាងអំជាផ្លូវការ នៅដើមឆ្នាំ២០២៥ខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ឌិត ទីណា បើកកិច្ចប្រជុំពិភាក្សាជាមួយ UNIDO លើគម្រោងរៀបចំមន្ទីរពិសោធន៍ជាតិកសិកម្មស្តង់ដារ ISO

សម្តេចធិបតី ហ៊ុន ម៉ាណែត ដាក់ចេញនូវវិធានការ៨ចំណុច ក្នុងឱកាសទិវាជនមានពិការភាពកម្ពុជា លើកទី២៦