BTV NEWS

អាជ្ញាធររាជធានីភ្នំពេញបន្តត្រួតពិនិត្យទីតាំងស្នាក់នៅប្រមូលផ្ដុំចំនួន ៨២ទីតាំង រកឃើញជនបរទេសខ្លះពុំមានលិខិតឆ្លងដែន និងផាកពិន័យម្ចាស់ ឬអ្នកគ្រប់គ្រង ៣ទីតាំង

គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams

សម្តេចតេជោ ហ៊ុន សែន៖ «គ្មានការយោគយល់ណាមួយ ចំពោះទីកន្លែងណាក៏ដោយ ដែលបើកឱកាសឲ្យពួកឆបោកតាមប្រព័ន្ធអនឡាញ ធ្វើសកម្មភាព»

មេបញ្ជាការរងកងរាជអាវុធហត្ថលើផ្ទៃប្រទេសណែនាំឱ្យគ្រប់ជំនាញទាំងអស់បង្កើនការយកចិត្តទុកដាក់បង្ក្រាប Online Scams និងបទល្មើសផ្សេងៗ

ព័ត៌មានជាតិ

ឧត្តមសេនីយ៍ឯក ជួន ណារិន្ទ ដាក់បទបញ្ជាបន្ទាន់ឲ្យសមត្ថកិច្ចពាក់ព័ន្ធចុះបង្ក្រាបឲ្យអស់នូវមុខសញ្ញាក្រុមក្មេងទំនើង ក្នុងភូមិសាស្ត្ររាជធានីភ្នំពេញ

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញនៅថ្ងៃទី២៨ ខែវិច្ឆិកា ឆ្នាំ២០២៥នេះ បានចេញបទបញ្ជាបន្ទាន់មួយឲ្យកម្លាំងសមត្ថកិច្ចជំនាញពាក់ព័ន្ធទាំងអស់សហការជាមួយលោកអធិការទាំង១៤ខណ្ឌ បើកការចុះបង្ក្រាបឲ្យអស់នូវរាល់មុខសញ្ញាក្រុមក្មេងទំនើង ក្នុងភូមិសាស្ត្ររាជធានីភ្នំពេញ ។ បទបញ្ជាបន្ទាន់របស់លោកឧត្តមសេនីយ៍ឯកស្នងការ ធ្វើឡើងដោយអនុវត្តតាមបទបញ្ជា និងការណែនាំដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រួមទាំងឯកឧត្តម នាយឧត្តមសេនីយ៍អគ្គស្នងការនគរបាលជាតិផងដែរ។ បទបញ្ជានេះ ក៏ធ្វើឡើងបន្ទាប់ពីការកើតមាននូវអំពើហិង្សាដ៏សាហាវព្រៃផ្សៃមួយនៅខេត្តកណ្តាល ដោយក្រុមក្មេងទំនើងបានកាប់ប្រហារយុវជន០២នាក់ បណ្តាលឲ្យស្លាប់ដាច់.កម្នាក់ និងម្នាក់ទៀតរងរបួសធ្ងន់ធ្ងរ។ តាមរយៈអំពើហិង្សាដ៏សាហាវនេះ ជាសញ្ញាណមួយដែលកម្លាំងសមត្ថកិច្ចគម្បីចាំបាច់ត្រូវបន្សុតកម្លាំងឲ្យបានខ្លាំងចុះទៅទប់ស្កាត់ និងបង្ក្រាបឲ្យអស់ នូវសកម្មភាពប្រមូលផ្តុំនានាទាំងនៅពេលថ្ងៃ ពិសេសនៅពេលរាត្រីរបស់ក្រុមក្មេងៗ និងមុខសញ្ញាក្មេងទំនើង ទាំងមុខសញ្ញាដែលមិនទាន់បានធ្វើសកម្មភាព និងមុខសញ្ញាដែលធ្វើសកម្មភាពហើយកំពុងរត់គេចខ្លួន ដើម្បីបង្កាជៀសវៀងក្រុមក្មេងៗយុវជន ឬក្រុមក្មេងទំនើងទាំងនោះ យកអំពើហិង្សាខាងលើជាគំរូ យកទៅប្រព្រឹត្តិសកម្មភាពណាមួយប៉ះពាល់ដល់សន្តិសុខសុវត្ថិភាពលើពលរដ្ឋស្លូតត្រង់ក្នុងសង្គមជាតិ។ ឧត្តមសេនីយ៍ឯកស្នងការ ប្រកាន់ខ្ជាប់គោលជំហរមិនលើកលែងដាច់ខាតចំពោះក្រុមក្មេងទំនើងទាំងឡាយណាដែលចេញមកបង្កសកម្មភាពអុកឡុកក្នុងសង្គមជាតិ ហើយក៏មិនបណ្តែតបណ្តោយឲ្យសកម្មភាពទាំងនោះកម្រើកឡើងមកវិញបង្កជាភាពភ័យខ្លាចដល់ពលរដ្ឋក្នុងសង្គមនោះឡើយ ពិសេសក្នុងរាជធានីភ្នំពេញ ដែលជាបេះដូង នៃប្រទេសជាតិ។ ទន្ទឹមនឹងនោះដែរ លោកឧត្តមសេនីយ៍ឯក ជួន ណារិន្ទ អំពាវនាវឲ្យសាធារណជន ពិសេសក្មួយៗជាយុវជន សូមកុំយកខ្លួនបៀតចូលជាមួយបក្សពួកក្រុមបងតូចបងធំ និងកុំចូលរួមជាមួយសកម្មភាពទំនើងទាំងឡាយណាដែលធ្វើឲ្យប៉ះពាល់ដល់សង្គមជាតិ ព្រោះវាពុំមានលទ្ធផលចំណេញអ្វីនោះឡើយ ក្រៅតែពីការទទួលរងនូវការអនុវត្តទោសទណ្ឌតាមផ្លូវច្បាប់ប៉ុណ្ណោះនៅពេលដែលខ្លួនបានប្រឹព្រឹត្តិបទល្មើសរួច។ ហើយក្នុងពេលយប់ព្រលប់ បើមិនមានការចាំបាច់នោះទេ ឯកឧត្តមស្នងការ ស្នើឲ្យក្រុមក្មួយៗជាយុវជន សូមចូលទៅតាមលំនៅឋានរៀងៗខ្លួន ជៀសវៀងការប្រមូលផ្តុំណាមួយតាមទីសាធារណៈ ព្រោះពីពេលនេះទៅ កម្លាំងសមត្ថកិច្ចនឹងចុះទៅព័ទ្ធចាប់សួរនាំរាល់មានការប្រមូលផ្តុំទាំងអស់ ពិសេសបើរកឃើញមានពាក់ព័ន្ធនឹងបទល្មើសណាមួយ គឺនឹងចាប់ឃាត់យកទៅអនុវត្តទៅតាមផ្លូវច្បាប់ជាធរមានដោយមិនលើកលែង៕ លីហេង

ក្រសួងអប់រំ និងដៃគូពាក់ព័ន្ធរួមគ្នាអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

ក្រសួងអប់រំយុវជននិងកីឡា តាមរយៈអគ្គនាយកដ្ឋានយុវជន បានរៀបចំសិក្ខាសាលា លើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពីការអភិវឌ្ឍយុវជនកម្ពុជា ដែលមានដៃគូពាក់ព័ន្ធជិត១០០ស្ថាប័ន បានរួមគ្នារៀបចំគម្រោងផែនការអភិវឌ្ឍយុវជនកម្ពុជាក្នុងវិស័យសម័យបច្ចេកឌីជីថលឱ្យកាន់តែរីកចម្រើនថែមទៀត។ថ្លែងក្នុងសិក្ខាសាលានេះ លោកជំទាវ ស្រូយ សុជាតិ អគ្គនាយកដ្ឋានយុវជន និងជាអគ្គលេខាធិការដ្ឋាន នៃក្រុមប្រឹក្សាជាតិកម្ពុជាដើម្បីអភិវឌ្ឍយុវជន បានបញ្ជាក់ថា សិក្ខាសាលានេះ គឺជាវេទិកាពិភាក្សា ជំនួបរវាងតំណាងរាជរដ្ឋាភិបាលកម្ពុជា អង្គការក្រៅរដ្ឋាភិបាល អង្គការជាតិ និងអន្តរជាតិដែលធ្វើការអភិវឌ្ឍការអប់រំ ពង្រឹងចំណេះដឹង សីលធម៌ សុខភាព លើកកម្ពស់ការចូលរួមរបស់យុវជន និងឱកាសការងារសមរម្យ សម្រាប់ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល ជារបៀបវារៈដែលសំខាន់មិនអាចខ្វះបានក្នុងការរកចំណុចរួមដើម្បីរៀបចំអនាគតយុវជន (ទាំងក្នុង និងក្រៅប្រព័ន្ធ) ដែលជាកម្លាំងស្នូលរបស់ប្រទេសជាតិ ឱ្យកាន់តែមានសមត្ថភាព មានសក្ដានុពលប្រកបដោយសីលធម៌ សុជីវធម៌ និងមានច្បាប់វិន័យ ចូលរួមចំណែកដោះស្រាយបញ្ហាផ្សេងៗរបស់សង្គមឱ្យសាកសមជាប្រទេសដែលធ្លាប់មានអារ្យធម៌ខ្ពស់។លោកជំទាវ ស្រូយ សុជាតិ បានជំរុញ និងលើកទឹកចិត្តដល់ តំណាងអង្គការយុវជន សង្គមស៊ីវិល អង្គការដៃគូ វិស័យឯកជន ស្ថាប័នពាក់ព័ន្ធ ចូលរួមឱ្យបានគ្រប់សកម្មភាពរបស់សិក្ខាសាលា ប្រកបដោយការយកចិត្តទុកដាក់ខ្ពស់ និងមានភាពបុរេសកម្ម ព្រមទាំងជជែកពិភាក្សាលើខ្លឹមសារនៃប្រធានបទនីមួយៗឱ្យបានផុសផុល ដើម្បីយកមូលដ្ឋានចំណេះដឹងទាំងអស់នេះ ទៅអភិវឌ្ឍន៍យុវជន ព្រោះដើម្បីអភិវឌ្ឍយុវជនឱ្យរីកចម្រើន ត្រូវការចូលរួមពី អង្គការក្រៅរដ្ឋាភិបាល អង្គការជាតិ អង្គារអន្តរជាតិ និងវិស័យឯកជននានា ដើម្បីឱ្យយុវជនក្លាយជាអ្នកបន្តវេន អ្នកដឹកនាំជាតិសំខាន់ៗ និងជាពិសេសជាកម្លាំងពូនផ្តុំបន្តដំណើរកសាងភាពធន់រឹងមាំរបស់កម្ពុជា ឆ្លងកាត់បង្គោលចរនៃការប្រែក្លាយខ្លួនឆ្ពោះទៅចក្ខុវិស័យកម្ពុជាឆ្នាំ២០៣០ និងឆ្នាំ២០៥០៕ អត្ថបទ៖ គង់ រ៉េន

ឯកឧត្តមរដ្ឋមន្រ្តី ជា វ៉ាន់ដេត អញ្ជើញជាអធិបតីបើកសិក្ខាសាលាស្តីពី “ភាពជាអ្នកដឹកនាំរបស់ស្រ្តីប្រកបដោយបរិយាបន្នក្នុងដំណើរឆ្ពោះទៅរកសង្គមឌីជីថលដ៏ល្អ និងរស់រវើក”

នៅព្រឹកថ្ងៃទី២៦ ខែវិច្ឆិកា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ (ក.ប.ទ.) បានអញ្ជើញអធីបតីក្នុងពិធីបើកសិក្ខាសាលាស្តីពី“ភាពជាអ្នកដឹកនាំរបស់ស្រ្តីប្រកបដោយបរិយាបន្នក្នុងដំណើរឆ្ពោះទៅរកសង្គមឌីជីថលដ៏ល្អនិងរស់រវើក” ដោយមានការចូលរួមពីលោកជំទាវ គឹម ស៊ីផាត់ រដ្ឋលេខាធិការប្រចាំការក្រសួងកិច្ចការនារី ព្រមទាំងថ្នាក់ដឹកនាំ មន្រ្តីរាជការ បុគ្គលិក និយោជិត នៃ ក.ប.ទ និងមន្ទីរ ប.ទ. គ្រប់ខេត្ត ប្រមាណជាង ៤០០រូប នៅសណ្ឋាគារសាន់វ៉េ។ ថ្លែងក្នុងពិធីនេះ ឯកឧត្តមរដ្ឋមន្រ្តី មានប្រសាសន៍ថា តាំងពីដើមរៀងមកស្រ្តីគឺកម្លាំងស្នូលក្នុងការចូលរួមកសាង និងស្ថាបនាជាតិ ព្រមទាំងបានចូលរួមដ៏សកម្មលើគ្រប់វិស័យទាំងសាធារណៈ និងឯកជន។ ឯកឧត្តមរដ្ឋមន្រ្តី បន្តថា រាជរដ្ឋាភិបាលកម្ពុជា តែងតែផ្តល់អាទិភាព និងលើកទឹកចិត្តដល់ស្រ្តីក្នុងការបំពេញកិច្ចការងារផ្សេងៗដូចបុរស ដោយគ្មានការរើសអើង។ ជាមួយគ្នានេះដែរ ឯកឧត្តមរដ្ឋមន្រ្តី បានថ្លែងកោតសរសើរ និងវាយតម្លៃខ្ពស់ដល់ក្រុមការងារបញ្ជ្រាបយេនឌ័រនៃ ក.ប.ទ. ដែលបានរៀបចំកម្មវិធីដ៏មានសារៈសំខាន់នេះឡើង ដើម្បីពង្រឹង និងអភិវឌ្ឍសមត្ថភាពមន្ត្រីរាជការជាស្ត្រីដែលបម្រើការក្នុងក្រសួង និងអង្គភាពចំណុះក្រសួង ក៏ដូចជាអ្នកពាក់ព័ន្ធផ្សេងទៀត សំដៅជំរុញការចាប់យកបច្ចេកវិទ្យាឌីជីថល និងការធ្វើបរិវត្តកម្មឌីជីថល ព្រមទាំងលើកកម្ពស់ភាពជាអ្នកដឹកនាំឌីជីថលរបស់ស្ត្រី។ បន្ថែមលើនេះ ឯកឧត្តមរដ្ឋមន្រ្តី បានលើកទឹកចិត្តឱ្យមានការៀបចំវគ្គបណ្តុះបណ្តាលជំនាញឌីជីថលនិងវគ្គបណ្តុះបណ្តាលផ្សេងទៀត និងអំពាវនាវឱ្យមានការចូលរួមពីស្ដ្រីក្នុងវិស័យឌីជីថល៕

អាកាសចរណ៍ស៊ីវិល សម្រេចបង្កើតក្រុមការងារគ្រប់គ្រងនៅតាមច្រកទ្វារអាកាសយានដ្ឋានអន្តរជាតិ

មកដល់ពេលនេះ រដ្ឋលេខាធិការដ្ឋានអាកាសចរណ៍ស៊ីវិល បានសម្រេចបង្កើតក្រុមការងារមួយក្រុម ដើម្បីដឹកនាំ និងសម្របសម្រួលលើការងារច្រកទ្វារអាកាសយានដ្ឋានអន្តរជាតិ ដើម្បីពង្រឹងប្រសិទ្ធភាពការងារនៅតាមព្រលានទំាងអស់នៅកម្ពុជា។ថ្លែងក្នុងពិធីប្រកាសសម្រេចបង្កើតក្រុមការងារដឹកនាំ និងសម្របសម្រួលលើការងារច្រកទ្វារអាកាសយានដ្ឋានអន្តរជាតិ ឯកឧត្តម សយ សុខាន់ រដ្ឋលេខាធិការ តំណាងឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានប្រាប់ថា រដ្ឋលេខាធិការដ្ឋានអាកាសចរណ៍ស៊ីវិល ជាស្ថាប័នរដ្ឋ ក្រោមការដឹកនាំ និងបញ្ជាផ្ទាល់ពីរាជរដ្ឋាភិបាល ដូចនេះដើម្បីឱ្យព្រលានយន្តហោះទំាងអស់នៅកម្ពុជា កាន់តែធានាបាននូវប្រសិទ្ធភាពការងារ ទើបអាកាសចរណ៍ស៊ីវិលសម្រេចបង្កើតក្រុមការងារគ្រប់គ្រងមួយក្រុម ដើម្បីពង្រឹងប្រសិទ្ធភាពការងារ ពង្រឹងសន្តិសុខសណ្តាប់ធ្នាប់ ដើម្បីរៀបចំក្នុងព្រលានឱ្យបានគ្រប់ជ្រុងជ្រោយ ដើម្បីត្រៀមលក្ខណៈដោះស្រាយនៅពេលមានបញ្ហាណាមួយនឹងកើតឡើង ត្រៀមឆ្លើយតប និងសម្របសម្រួលជាមួយអ្នកដំណើរ ពិសេសដើម្បីគ្រប់គ្រងមន្ត្រី គ្រប់អង្គភាព រួមនឹងវិស័យឯកជន ដែលបានបម្រើការងារនៅតាមអាកាសយានដ្ឋានអន្តរជាតិ ឱ្យអនុវត្តន៍ត្រូវនឹងតួនាទីភារកិច្ចក្នុងការអាកាសយានដ្ឋាន និងដើម្បីផ្តល់ភាពងាយស្រួលដល់រដ្ឋលេខាធិការដ្ឋានអាកាសចរណ៍ស៊ីវិល បានត្រៀមលក្ខណៈរាយការណ៍ជូនរាជរដ្ឋាភិបាលបានគ្រប់ជ្រុងជ្រោយ។ ឯកឧត្តម សយ សុខាន់ បានបន្តទៀតថា ចាប់ពីសេចក្តីសម្រេចនេះតទៅ សូមឱ្យក្រុមការងារ ដែលបានសម្រេចបង្កើតឡើងនាពេលនេះ ត្រូវអនុវត្តន៍ការងារឱ្យមានប្រសិទ្ធភាព និងចំគោលដៅ ដើម្បីជៀសវាងការអនុវត្តខុសពីតួនាទីភារកិច្ច ហើយត្រូវអនុវត្តការងារឱ្យសកម្ម ដើម្បីរួមគ្នាដោះស្រាយបញ្ហានានាដែលអាចនឹងកើតឡើងជាយថាហេតុ៕ អត្ថបទ៖ គង់ រ៉េន

សហជីព៖ របាយការណ៍អង្គការឃ្លាំមើលសិទ្ធិមនុស្សទាក់ទងពលករមកពីថៃគ្មានមូលដ្ឋានច្បាស់លាស់

សហជីពកម្មករ មកតាមបណ្តា រាជធានី-ខេត្ត មើលឃើញថា របាយការណ៍របស់អង្គការឃ្លាំមើលសិទ្ធិមនុស្សអន្តរជាតិ (Human Rights Watch) ដែលចុះផ្សាយកាលពីពេលថ្មីៗនេះ ទាក់ទងនឹងពលករខ្មែរវិលត្រឡប់មកពីប្រទេសថៃ គឺជារបាយការណ៍គ្មានមូលដ្ឋានច្បាស់លាស់ គ្មានវិជ្ជាជីវៈ និងមានចរិតញុះញង់បង្ខូចរាជរដ្ឋាភិបាល។ តំណាងសហជីពកម្មករ មកពីតាមបណ្តា រាជធានី-ខេត្ត បានថ្លែងប្រាប់ BTV នៅព្រឹកថ្ងៃទី២៨ ខែវិច្ឆិកានេះថា ជាក់ស្តែងបណ្តាសហជីព បានមើលឃើញថា ក្រសួងការងារ និងអាជ្ញាធរមូលដ្ឋាននៅគ្រប់លំដាប់ថ្នាក់ បាននឹងកំពុងផ្តោតការយកចិត្តទុកដាក់ខ្លាំងជួយសម្របសម្រួលផ្តល់ឱកាសការងារជូនពលករ និងអតីតពលករខ្មែរវិលត្រឡប់មកពីប្រទេសថៃ តាំងពីនៅតាមបណ្តាច្រកព្រំដែនអន្តរជាតិនានា រហូតដល់មូលដ្ឋានផ្ទះសំបែងរបស់ពលករនៅតាមរាជធានីខេត្ត សំដៅផ្តល់ឱកាសការងារ និងទប់ស្កាត់ការវិលត្រលប់ទៅរកការងារចំណាកស្រុកនៅក្រៅប្រទេស។បណ្តាសហជីពកម្មករលើកឡើងថា របាយការណ៍ដែលបានចុះសាកសួរ មនុស្ស ៥០ នាក់របស់អង្គការឃ្លាំមើលសិទ្ធិមនុស្សអន្តរជាតិ (Human Rights Watch) យកមកពីធ្វើជារបាយការណ៍អន្តរជាតិនោះគឺ មិនមានភាពច្បាស់លាស់ គ្មានការថ្លឹងថ្លែងពីភាពពិត និងមានបំណងញុះញង់មួលបង្កាច់ការរាជរដ្ឋាភិបាល ដែលបានដែលកំពុងខិតខំប្រឹងប្រែងជួយបងប្អូនពលករខ្មែរវិញមកពីប្រទេសថៃឱ្យទទួលបានការងារធ្វើ និងប្រកបរបបរចិញ្ចឹមជីវិតនៅក្នុងប្រទេស។ទាក់ទិននឹងរបាយការណ៍នេះ កាលពីថ្ងៃទី២៦ ខែវិច្ឆិកា ក្រសួងការងារ និងបណ្តុះបណ្តាលវិជ្ជាជីវៈ ក៏បានចេញបដិសេធទាំងស្រុង និងថ្កោលទោសយ៉ាងដាច់អហង្កាចំពោះការផ្សាយរបាយការណ៍មិនពិត គ្មានវិជ្ជាជីវៈ និងគ្មានមូលដ្ឋានច្បាស់លាស់របស់អង្គការ HRW នេះដែរ។ សូមបញ្ជាក់ថា បច្ចុប្បន្ន រាជរដ្ឋាភិបាលកម្ពុជា ក៏ដូចជាក្រសួងការងារដែលជាសេនាធិការ កំពុងបន្តខិតខំជួយសម្របសម្រួលបងប្អូនពលករមកពីប្រទេសថៃដោយយកចិត្តទុកដាក់ខ្ពស់ ក្នុងនោះបានធ្វើយុទ្ធនាការផ្ដល់ឱកាសការងារភ្លាមៗដល់ពលការវិលត្រលប់ពីថៃ និងការចុះឈ្មោះរកការងារធ្វើតាមប្រព័ន្ធទូរសព្ទ លេខ ១២៩៧ជាដើម ខណៈមកទល់ពេលនេះ បងប្អូនពលករបានទទួលឱកាសការងារធ្វើក្នុងប្រព័ន្ធបានប្រមាណជាង២៨ម៉ឺននាក់ ហើយក្រសួងកំពុងមានឱកាសការងារប្រមាណ ៨ម៉ឺនកន្លែង កំពុងរងចាំពលករចូលធ្វើការងារ៕ អត្ថបទ ស៊ុម សុខជា

ឯកឧត្តម ឧត្តមសេនីយ៍ឯក ឌី វិជ្ចា អញ្ជើញដឹកនាំកិច្ចប្រជុំដកពិសោធន៍ការងាររបស់ក្រុមប្រតិបត្តិការជំនាញទី១ នៃគណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ

ភ្នំពេញ ៖ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី២៨ ខែវិច្ឆិកា ឆ្នាំ២០២៥ នេះ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធានក្រុមប្រតិបត្តិការជំនាញទី១ នៃគណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ បានអញ្ជើញជាអធិបតីភាពដឹកនាំកិច្ចប្រជុំដកពិសោធន៍ការងាររបស់ក្រុមប្រតិបត្តិការជំនាញទី១ នៃគណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ ដែលប្រព្រឹត្តឡើងនៅសាលប្រជុំនាយកដ្ឋានអង្គរក្ស ដោយមានការអញ្ជើញចូលរួមពី ឯកឧត្តម ឧត្តមសេនីយ៍ឯក ព្រុំ សន្ធ ឯកឧត្តម ឧត្តមសេនីយ៍ឯក ស៊ាង ធារិទ្ធ អគ្គស្នងការរងនគរបាលជាតិ និងអភិបាលរងខេត្តទទួលការងារសន្តិសុខ ប្រធាន-អនុប្រធាននាយកដ្ឋាន ស្នងការរងពាក់ព័ន្ធ រួមនិងសមាសភាពជាច្រីនរូបទៀតតាមបណ្តារាជធានី-ខេត្ត ចូលរួមតាមរយៈប្រព័ន្ធ ZOOM ផងដែរ។

សម្ដេចតេជោ និងមន្រ្ដីជាន់ខ្ពស់វៀតណាម វាយតម្លៃខ្ពស់លើកិច្ចសហប្រតិបត្តិការល្អតាមបណ្ដោយព្រំដែនប្រទេសទាំងពីរ ខណៈ៩ខែឆ្នាំនេះពាណិជ្ជកម្មប្រទេសទាំងពីរសម្រេចបានជាង៩ពាន់លានដុល្លារ

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងឯកឧត្តម Bui Thanh Son ឧបនាយករដ្ឋមន្ត្រី នៃសាធារណរដ្ឋសង្គមនិយមវៀតណាម បានវាយតម្លៃខ្ពស់លើកិច្ចសហប្រតិបត្តិការល្អរវាងប្រទេសទាំងពីរ ក្នុងនោះការរក្សាបាននូវសន្ដិសុខតាមព្រំដែនប្រទេសទាំងពីរ និងការធ្វើពាណិជ្ជកម្ម៩ខែឆ្នាំនេះសម្រេចបានជាង ៩ ពាន់លានដុល្លារ។ភាគីទាំងពីរបានវាយម្លៃខ្ពស់បែបនេះ ក្នុងឱកាសសម្ដេចតេជោ បានអនុញ្ញាតឱ្យ ឯកឧត្តម Bui Thanh Son ឧបនាយករដ្ឋមន្ត្រី នៃសាធារណរដ្ឋសង្គមនិយមវៀតណាម និងគណៈប្រតិភូចូលជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ នៅព្រឹកថ្ងៃទី២៨ ខែវិច្ឆិកា ឆ្នាំ២០២៥នេះ។ ឯកឧត្តម ជា ធីរិទ្ធ អ្នកនាំពាក្យ ព្រឹទ្ធសភា បានឱ្យដឹងនៅក្រោយជំនួបនេះ ជាកិច្ចចាប់ផ្ដើមសម្ដេចតេជោ ប្រធានព្រឹទ្ធសភា បានបង្ហាញនូវក្ដីរីករាយដែលបានជួបជាមួយ ឯកឧត្តម Bui Thanh Son ឧបនាយករដ្ឋមន្ត្រី នៃសាធារណរដ្ឋសង្គមនិយមវៀតណាម និងគណៈប្រតិភូដែលបានអញ្ជើញមកធ្វើទស្សនកិច្ចនៅកម្ពុជានាឱកាសនេះ។ក្នុងឱកាសនោះសម្ដេចតេជោ បានវាយតម្លៃខ្ពស់ចំពោះទំនាក់ទំនងរវាងកម្ពុជា និងវៀតណាម ទាំងក្របខណ្ឌននីតិប្បញ្ញត្តិ និងស្ថាប័ននីតិប្រតិបត្តិ និងគណបក្ស គឺមានភាពរីកចម្រើនគួរឱ្យគត់សម្គាល់។ ជាមួយគ្នានេះ សម្ដេចតេជោ ក៏បានឆ្លៀតឱកាសចូលរួមសោកស្ដាយចំពោះគ្រោះមហន្តរាយធម្មជាតិដែលបានកើតឡើងនៅប្រទេសវៀតណាមដែលបង្កឱ្យមានការខូចខាតមួយចំនួនផងដែរ។ ក្នុងឱកាសនោះ ឯកឧត្តម ឧបនាយករដ្ឋមន្ត្រី វៀតណាម បានសម្ដែងនូវការអរគុណជាអនេកដែលសម្ដេចតេជោបានអនុញ្ញាតឱ្យឯកឧត្តម និងគណៈប្រតិភូបានចូលជួបសម្ដែងការគួរសមនាឱកាសនេះ។ ឯកឧត្តម បានសម្ដែងនូវក្ដីអរគុណចំពោះនូវមនោសញ្ចេតនារបស់សម្ដេចតេជោ ដែលបានចូលរួមសម្ដែងនូវការសោកស្ដាយចំពោះគ្រោះមហន្តរាយធម្មជាតិដែលបានកើតឡើងនៅក្នុងប្រទេសវៀតណាម។ ឯកឧត្តម ក៏បាននាំនូវសារផ្ដាំសួរសុខទុក្ខ ពីសំណាក់ឯកឧត្តមអគ្គលេខាធិការបក្សគម្មុនីសវៀតណាម, ប្រធានរដ្ឋសភា នាយករដ្ឋមន្រ្ដី និងប្រធានរដ្ឋ វៀតណាមផងដែរ។ ឯកឧត្តម ឧបនាយករដ្ឋមន្ត្រី វៀតណាម ក៏បានវាយតម្លៃខ្ពស់ចំពោះ ចំពោះទំនាក់ទំនងរវាងកម្ពុជា និងវៀតណាមនាពេលបច្ចុប្បន្ន ជាពិសេសមិនត្រឹមតែទំនាក់ទំនងរវាងស្ថាប័ននីតិប្បញ្ញត្តិ និងស្ថាប័ននីតិប្រតិបត្តិទេ ក៏ប៉ុន្ដែទំនាក់ទំនងគណបក្ស និងគណបក្ស រវាងប្រទេសទាំងពីរ មានភាពរីកចម្រើនគួរឱ្យគត់សម្គាល់។ឯកឧត្តម ក៏បានរំលេចនូវកិច្ចសហប្រតិបត្តិការមួយចំនួនដែលប្រទេសទាំងពីរបានធ្វើជាមួយគ្នាជាពិសេសលើការធ្វើពាណិជ្ជកម្មដែលមានការកើនឡើង ក្នុងនោះត្រឹមរយៈពេល ៩ខែឆ្នាំ២០២៥នេះ ពាណិជ្ជកម្មរវាងប្រទេសទាំងពីរមានចំនួនជាង ៩ពាន់លានដុល្លារ ហើយនឹងមានការកើនឡើងនៅពេលខាងមុខថែមទៀត ដែលជាការបង្ហាញអំពីសញ្ញាវិជ្ជមាននៃទំនាក់ទំនងពាណិជ្ជកម្មរវាងប្រទេសទាំងពីរ។ ឯកឧត្តមក៏បានរំលេចនៅការចង់ចាំមួយដែលមិនអាចបំភ្លេចបាន ដោយបានកោតសរសើរ និងវាយតម្លៃខ្ពស់ចំពោះការរក្សាបានសន្ដិសុខនៅតាមព្រំដែនរវាងកម្ពុជា និងវៀតណាមមានភាពល្អប្រសើរដែលភាគីទាំងពីរបានសហការគ្នា ធ្វើសហប្រតិបត្តិការដើម្បីពង្រីក និងពង្រឹងនូវសន្ដិសុខ សណ្ដាប់ធ្នាប់ ធ្វើយ៉ាងណារក្សាឱ្យបានដើម្បីជាផលប្រយោជន៍រវាងប្រទេសទាំងពីរ ជាពិសេសប្រជាជននៅតាមព្រំដែនប្រទេសទាំងពីរ។ ក្នុងឱកាសនោះសម្ដេចតេជោ បានសម្ដែងនូវការឯកភាពទាំងស្រុង ចំពោះការលើកឡើងរបស់ ឯកឧត្តម ឧបនាយករដ្ឋមន្ត្រី វៀតណាម លើការរក្សាបាននូវសន្ដិសុខនៅតាមបណ្ដោយព្រំដែនរវាងប្រទេសទាំងពីរ ដែលភាគីទាំងពីរបានដោះស្រាយបានយ៉ាងល្អជាមួយគ្នា មានទាំងកិច្ចសហប្រតិបត្តិការប្រឆាំងទៅនឹងឧក្រិដ្ឋកម្មឆ្លងដែនផ្សេងៗជាមួយគ្នាបានយ៉ាងល្អ ហើយប្រទេសទាំងពីរបានធ្វើឱ្យព្រំដែនក្លាយជាព្រំដែនដែលមានសុខសន្ដិភាពជាមួយគ្នា ប្រជាជនអាចធ្វើពាណិជ្ជកម្ម និងដោះដូរទំនិញគ្នាទៅវិញទៅមកបានយ៉ាងមានភាពល្អប្រសើរ។ សម្ដេចតេជោ ក៏បានលើកឡើងអំពីការតភ្ជាប់ហេដ្ឋារចនាសម្ព័ន្ធរវាងប្រទេសទាំងពីរ ដើម្បីអំណោយផលដល់ការធ្វើកិច្ចសហប្រតិបត្តិការ ពាណិជ្ជកម្ម ការដឹកជញ្ជូនទំនិញ និងការផ្សារភ្ជាប់រវាងប្រជាជន និងប្រជាជនដែលជាសញ្ញាណដ៏ល្អ និងជាទិសដៅដែលសម្ដេចតេជោចង់បានតាំងពីដើមមក។ សម្ដេចតេជោ ក៏បានសម្ដែងការពេញចិត្តចំពោះការធ្វើពាណិជ្ជកម្មរវាងកម្ពុជា និងវៀតណាមផងដែរ ដោយសម្ដេចតេជោ សង្ឃឹមថា គោលដៅរបស់ប្រទេសទាំងពីរដែលចង់សម្រេចបានក្នុងគោលដៅ ២០ ពាន់លានដុល្លារនោះ គឺប្រទេសទាំងពីរអាចមានលទ្ធភាពធ្វើទៅរួច និងសម្រេចបានក្នុងពេលដ៏ឆាប់ខាងមុខ។ សម្ដេចតេជោ ក៏បានរំលេចថា កម្ពុជា និងវៀតណាម ក៏គ្រោងនឹងសម្ពោធនូវច្រកព្រំដែនអន្តរជាតិ ម៉ឺនជ័យ នៅដើមខែធ្នូនេះ ដែលជាសញ្ញាណបង្ហាញយ៉ាងវិជ្ជមានចំពោះការផ្លាស់ប្ដូរប្រជាជន ការដឹកជញ្ជូនទំនិញ កសិផលជាដើមរវាងប្រទេសទាំងពីរឱ្យកាន់តែមានភាពរីកចម្រើន ហើយក៏ដើរទន្ទឹមគ្នាជាមួយទំនាក់ទំនងល្អទាំងផ្នែកនយោបាយ និងសេដ្ឋកិច្ចរវាងប្រទេសទាំងពីរផងដែរ៕

ពលរដ្ឋជឿជាក់លើរាជរដ្ឋាភិបាលក្រោយលទ្ធផលវិជ្ជមានជាបន្តបន្ទាប់លើការដោះស្រាយបញ្ហាជាមួយថៃ

ក្រោយបានឃើញជាក់ស្ដែងនូវលទ្ធផលវិជ្ជមានជាបន្តបន្ទាប់តាមរយៈយុទ្ធសាស្រ្ដ «ស្ងាត់តែមិនស្ងៀម» របស់រាជរដ្ឋាភិបាល ក្រោមការដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្រ្ដី ក្នុងការដោះស្រាយវិវាទព្រំដែនជាមួយភាគីថៃ ប្រជាពលរដ្ឋនៅរាជធានីភ្នំពេញបានបង្ហាញការសាទរ និងជំនឿជឿជាក់កាន់តែខ្លាំងឡើងថែមទៀតចំពោះយន្តការដោះស្រាយរបស់រាជរដ្ឋាភិបាលលើការដោះស្រាយជម្លោះជាមួយភាគីថៃ។ប្រជាពលរដ្ឋ បានបង្ហាញការគាំទ្រលើការដឹកនាំរបស់សម្តេចធិបតី នាយករដ្ឋមន្ត្រី លើការបន្តដាក់ចេញនូវយន្តការជាច្រើន ដើម្បីដោះស្រាយបញ្ហាព្រំដែនជាមួយថៃឲ្យកាន់តែល្អប្រសើរឡើង និងឆ្ពោះទៅរកសន្តិភាព។ ជាក់ស្តែងថ្មីៗនេះ ស្របតាមស្មារតីដែលបានឯកភាពគ្នារវាងគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ ( JBC ) ភាគីកម្ពុជា-ថៃ បានឯកភាពគ្នាបញ្ជូនក្រុមវាស់វែងចម្រុះចុះទៅបោះបង្គោលព្រំដែនបណ្តោះអាសន្ន ក្នុងគោលដៅធានាឲ្យបានអធិបតេយ្យភាព និងបូរណភាពទឹកដី ស្របតាមសន្ធិសញ្ញា និងច្បាប់អន្តរជាតិ។ ការឯកភាពបោះបង្គោលព្រំដែនបណ្តោះអាសន្ននេះក៏ជាសញ្ញាវិជ្ជមានខ្ពស់មួយទៀត ដើម្បីឈានទៅធ្វើឲ្យស្ថានភាពនៅតាមបន្ទាត់ព្រំដែនប្រទេសទាំងពីរ កាន់តែមានភាពប្រសើរវិញ។ សូមបញ្ជាក់ថា ទាក់ទិននឹងបញ្ហាជម្លោះព្រំដែននេះដែរ ថ្នាក់ដឹកនាំកំពូលៗរបស់កម្ពុជា នៅតែប្រកាន់ខ្ជាប់ខ្ពស់លើគោលជំហរសន្តិភាព ដោយរក្សាបាននូវបទឈប់បាញ់ បន្តគោរពបាននូវកិច្ចព្រមព្រៀងសន្តិភាពកូឡាឡាំពួរ និងព្យាយាមដោះស្រាយបញ្ហាតាមរយៈយន្តការការទូត និងច្បាប់អន្តរជាតិជាសំដៅធ្វើយ៉ាងណារក្សាសន្តិភាពរវាងប្រទេសទាំងពីរ៕ អត្ថបទ៖ លីហេង

ក្រសួងមហាផ្ទៃនឹងសាងសង់អគារពន្ធនាគារថ្មីបន្ថែមទៀត ដើម្បីឆ្លើយតបទៅនឹងកំណើនអ្នកជាប់ឃុំ

ក្រសួងមហាផ្ទៃ នឹងធ្វើការសាងសង់នូវអគារពន្ធនាគារថ្មីបន្ថែមទៀតស្របទៅតាមស្តង់ដា ដើម្បីឆ្លើយតបទៅនឹងកំណើនអ្នកជាប់ឃុំ ខណៈគិតត្រឹមថ្ងៃទី១០ ខែវិច្ឆិកា ឆ្នាំ២០២៥នេះអ្នកជាប់ឃុំក្នុងព័ន្ធនាគារមាន រហូតដល់ជាង៦ម៉ឺននាក់ ដោយក្នុងនោះជនបរទេសជិត៥ពាន់នាក់ ហើយអ្នកដែលជាប់ច្រើនជាងគេ គឺ ជាប់ពាក់ព័ន្ធបទល្មើសគ្រឿងញៀន។យោងតាមរបាយការណ៍របស់អគ្គនាយដ្ឋានពន្ធនាគារ ដែលបានបង្ហាញនៅក្នុងសន្និបាត ស្តីពីលទ្ធផលការងារឆ្នាំ២០២៥ និងទិសដៅការងារសម្រាប់ឆ្នាំ២០២៦ នាព្រឹកថ្ងៃទី២៨ ខែវិច្ឆិកា ឆ្នាំ២០២៥នេះ ក្រោមអធិបតីភាព ឧត្តមអគារនុរក្ស ថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារបានឲ្យដឹងថា អគ្គនាយកដ្ឋានពន្ធធានាគារ នឹងបន្តជំរុញលើកកម្ពស់គុណភាពការងារអប់រំកែប្រែ ស្តារនីតិសម្បទា ការងារសុខភាព និងអនាម័យ ការបណ្តុះបណ្តាលវិជ្ជាជីវៈ និងមុខរបរ ព្រមទាំងអនុវត្តកម្មវិធីសមា ហរណកម្ម និងបន្តពង្រឹងកិច្ចការពារសន្តិសុខសុវត្ថិភាពការអនុវត្តនីតិវិធី បទបញ្ជាផ្ទៃក្នុងពន្ធនាគារ និងប្រ សិទ្ធភាពត្រួតពិនិត្យ ឆែកឆេររកឧបករណ៍ វត្ថុសម្ភារហាមឃាត់ចូលពន្ធនាគារស៊ើបអង្កេតស្រាវជ្រាវបង្ការ ទប់ស្កាត់អំពើល្មើសផ្សេងៗពិសេសទូរស័ព្ទដៃ និងគ្រឿងញៀនតែម្តង។បើតាមរបាយការណ៍បានបញ្ជាក់ថា សព្វថ្ងៃកំណើនជនជាប់ឃុំមានការកើនឡើងបង្កឲ្យមានភាព ចង្អៀត ខ្វះអគារឃុំឃាំងស្របតាមស្តង់ដា អប្បបរមាសំណង់ពន្ធនាគារ ខណៈពេលដែលអគារឃុំឃាំង បច្ចុប្បន្នមានសភាពចាស់ទ្រុឌទ្រោម នៅតាមមណ្ឌលកែប្រែ និងពន្ធនាគាររាជធានី-ខេត្ត។យ៉ាងណាក៏ដោយក្រសួងមហាផ្ទៃ នឹងបន្តជំរុញអនុវត្តគម្រោងសាងសង់ពន្ធនាគារថ្មីនៅភ្នំពេញ ខេត្តកែប និងគោលការណ៍សាងសង់មណ្ឌលអប់រំកែប្រែទណ្ឌិតបទល្មើសគ្រឿងញៀន(សាខាទី២ ចំណុះ មណ្ឌលកែប្រែអប់រំទី៤)។ ជំរុញសិក្សា គម្រោងដោះដូរទីតាំងថ្មីពន្ធនាគារខេត្តបន្ទាយមានជ័យ កណ្តាល កំពង់ស្ពឺ ស្វាយរៀង ក្រចេះ និងខេត្តកោះកុងជាដើម។ទាក់ទងនឹងការសាងសង់នូវអគារថ្មីនៃពន្ធនាគារនេះ ឯកឧត្តមឧត្តមអគារនុរក្ស ថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានថ្លែងអំណរគុណដល់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តីរដ្ឋមន្រ្តីក្រសួងមហាផ្ទៃ ដែលបានដោះស្រាយបញ្ហាប្រឈមនានា ជាពិសេសការសម្រេចផ្តល់ក្របខ័ណ្ឌថ្មី ការពិនិត្យពង្រីកបន្ថែម ហេដ្ឋារចនាសម្ព័ន្ធពន្ធនាគារ និងស្វែងរកយន្តការផ្សេងៗទៀតដើម្បីដោះស្រាយភាពចង្អៀតណែនក្នុងពន្ធ នាគារ រួមទាំងផ្តល់គោលការណ៍គន្លឹះ ទាំងក្នុងក្របខ័ណ្ឌច្បាប់ និងការងារបច្ចេកទេស ទាំងដំណោះស្រាយ ចំពោះមុខ និងដំណោះស្រាយយូរអង្វែង៕អត្ថបទបាន ចក់

រាជរដ្ឋាភិបាល និងវិស័យឯកជន កំពុងដើរទន្ទឹមគ្នា ដើម្បីឈានសម្រេចចក្ខុវិស័យឆ្នាំ២០៥០ របស់កម្ពុជា

រាជរដ្ឋាភិបាល និងវិស័យឯកជន និងបានកំពុងធ្វើការយ៉ាងជិតស្និទជាមួយគ្នា ការដោះស្រាយបញ្ហាប្រឈម និងជំរុញធ្វើពិពិធកម្ម លើវិស័យដែលគាំទ្រនានា ដើម្បីធ្វើឱ្យកម្ពុជាឈានទៅសម្រេចនូវចក្ខុវិស័យកម្ពុជាឆ្នាំ២០៥០ នៃការប្រែក្លាយទៅជាប្រទេសដែលមាន ចំណូលខ្ពស់។ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លើកឡើងក្នុងកិច្ចសម្ភាសន៍ ស្តីពីការឈានទៅសម្រេចនូវចក្ខុវិស័យឆ្នាំ២០៥០ ក្នុងសិក្ខាសាលាផ្សព្វផ្សាយរបាយការណ៍ វឌ្ឍនភាពនៃការអនុវត្តវិធានការកែទម្រង់មុតស្រួច ជាកញ្ចប់ ដែលដាក់ចេញក្នុងវេទិការាជរដ្ឋាភិបាល-ផ្នែកឯកជនលើកទី១៩ ប្រចាំឆមាសទី១ ឆ្នាំ២០២៥ នៅថ្ងៃទី២៧ ខែវិច្ឆិកា ឆ្នាំ ២០២៥នេះថា ក្រោមការដឹកនាំរបស់សម្តេចធិបតីនាយករដ្ឋមន្ត្រី គឹបានយកចិត្តទុកដាក់ក្នុងការលើកកម្ពស់តួនាទីរបស់វិស័យឯកជន តាមរយៈការលើកកម្ពស់សហគ្រិនភាព និងពង្រឹងសមត្ថភាពវិស័យឯកជន ដែលជាកម្លាំងចលករជំរុញយ៉ាងសំខាន់ ដើម្បីរួមគ្នាអភិវឌ្ឍ សង្គម-សេដ្ឋកិច្ចកម្ពុជា។ឯកឧត្តមឧបនាយករដ្ឋមន្ត្រី បន្តថា ឆ្នាំ២០២៥០ គឺជាការប្តេជ្ញាចិត្តរបស់រាជរដ្ឋាភិបាល ដើម្បីប្រែក្លាយប្រទេសកម្ពុជាឱ្យមាន ចំណូលខ្ពស់ ក្នុងដើម្បីឈានទៅសម្រេចចក្ខុវិស័យឆ្នាំ២០៥០ កម្ពុជាត្រូវតែធ្វើពិធិធកម្មសេដ្ឋកិច្ចបន្ថែមតាមរយៈនៃការទាក់ទាញអ្នក វិនិយោគលើវិស័យអេឡិចត្រូនិច យានយន្ត និងការកែច្នៃកសិ-ឧស្សាហកម្មជាដើម។ បញ្ហានេះ ប្រសិនកម្ពុជានៅត្រឹមឧស្សាហកម្ម កាត់ដេរ សម្លៀកបំពាក់ កាបូប និងស្បែកជើង វានឹងធ្វើឱ្យពិបាកក្នុងការឈានទៅសម្រេចចក្ខុវិស័យឆ្នាំ២០៥០។ចំណែកអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មាធិការសម្របសម្រួលវិស័យឯកជន លើកឡើងផងដែរថា ដើម្បីឱ្យឆ្នាំ២០៥០ នៅក្នុងរយៈពេល២៥ទៅមុខនេះ ទាល់តែយើងធ្វើការកែទម្រង់ទាំងអស់គ្នាដូចជា ការកែ ទម្រង់នូវនីតិវិធី នៃការបំពេញបែបបទឯកសារផ្សេងៗ នៅលើស្ថាប័នពាក់ព័ន្ធ ដើម្បីលើកកម្ពស់ដល់ការធ្វើធុរកិច្ច ការស្រូបយក វិនិយោគបន្ថែម រួមជាមួយកត្តាផ្សេងៗមួយចំនួន ដើម្បីគាំទ្រដល់កំណើនសេដ្ឋកិច្ចខ្ពស់ នឹងធ្វើឱ្យកម្ពុជាសម្រេចតាមបំណង។ជុំវិញឆ្នាំ២០៥០នេះ, បើយោងតាមយុទ្ធសាស្រ្តបញ្ចាកោណដំណាក់កាលទី១ គឺសម្លឹង ២៥ ឆ្នាំទៅមុខ យុទ្ធសាស្រ្តបញ្ចាកោណនឹង ត្រូវជំរុញអនុវត្តប្រកបដោយភាពប្រទាក់ក្រឡា ក្នុងស្មារតីបរេសកម្ម និងច្បាស់លាស់ ក្នុងគោលដៅកសាងកម្ពុជាទៅជាអរិយប្រទេស ដោយឆ្លើយតបនិងលក្ខណៈសម្បត្តិដូចជា៖ កម្ពុជាគឺជាសង្គមជាតិមួយរស់រវើក, ប្រទេសដែលមានចំណូលខ្ពស់និងមានភាពធន់ និង រឹងមាំ, ប្រជាជនមានចំណេះដឹងខ្ពស់ និងជំនាញមួយយ៉ាងតិចប្រចាំជីវិត, ប្រជាជនកម្ពុជារស់ក្នុងសេចក្តីថ្លៃថ្នូរ សុភមង្គល និងការ ទទួលបានការគាំពារសង្គម ប្រកបដោយសមធម៌ ស្មើសិទ្ធ ស្មើឱកាស, និងកម្ពុជាគឺជាប្រទេសមានបរិស្ថានរូបវន្ត និងធម្មជាតិប្រកប ដោយសុខដុមភាព ភាពធន់ បរិយាកាស និងតុល្យភាពរវាងការអភិវឌ្ឍ និងការអភិវឌ្ឍធនធានធម្មជាតិ៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អាមេរិក ទទូចថាបទឈប់បាញ់នៅតែបន្ត ទោះបីមានការវាយប្រហារការពារខ្លួនទៅលើកោះ Qeshm របស់អ៊ីរ៉ង់ក៏ដោយ

តើមានអ្វីកើតឡើងនៅថ្ងៃទី៩៦នៃសង្គ្រាមនៅអ៊ីរ៉ង់ ខណៈអាមេរិកនិងអ៊ីរ៉ង់ មានការវាយប្រហារថ្មី

មេដឹកនាំថ្មីរបស់សូឡូម៉ុន ពិនិត្យកតិកាសញ្ញាសន្តិសុខជាមួយចិន និងស្វែងរកសន្ធិសញ្ញាជាមួយអូស្ត្រាលី

ជប៉ុនបដិសេធការទាមទាររបស់កោះតៃវ៉ាន់ សម្រាប់ការពិភាក្សា ជុំវិញការកំណត់ព្រំដែនជាមួយហ្វីលីពីន

អាមេរិកស្នើដាក់អត្រាយ៉ាងហោចណាស់ ១០% ខណៈលោក Trump កំពុងសាងជញ្ជាំងពន្ធឡើងវិញ

ក្រសួងរតនាគារអាមេរិកចេញទណ្ឌកម្មថ្មីលើអ៊ីរ៉ង់ ដោយផ្តោតលើការដោះដូររូបិយប័ណ្ណគ្រីបតូ

អាមេរិកសម្លឺងដល់ការបើកច្រកសមុទ្រ Hormuz ដោយទម្រង់ស្ងាត់ៗ សម្រាប់គម្រោង Project Freedom

ក្រុមប្រដាប់អាវុធអ៊ីរ៉ាក់ចំនួន ២ ប្រកាសពីការកំណត់អាវុធឲ្យស្ថិតនៅក្រោមការគ្រប់គ្រងរបស់រដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រសួងអប់រំ និងដៃគូពាក់ព័ន្ធរួមគ្នាអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

អាកាសចរណ៍ស៊ីវិល សម្រេចបង្កើតក្រុមការងារគ្រប់គ្រងនៅតាមច្រកទ្វារអាកាសយានដ្ឋានអន្តរជាតិ

សហជីព៖ របាយការណ៍អង្គការឃ្លាំមើលសិទ្ធិមនុស្សទាក់ទងពលករមកពីថៃគ្មានមូលដ្ឋានច្បាស់លាស់

ពលរដ្ឋជឿជាក់លើរាជរដ្ឋាភិបាលក្រោយលទ្ធផលវិជ្ជមានជាបន្តបន្ទាប់លើការដោះស្រាយបញ្ហាជាមួយថៃ

ក្រសួងមហាផ្ទៃនឹងសាងសង់អគារពន្ធនាគារថ្មីបន្ថែមទៀត ដើម្បីឆ្លើយតបទៅនឹងកំណើនអ្នកជាប់ឃុំ

រាជរដ្ឋាភិបាល និងវិស័យឯកជន កំពុងដើរទន្ទឹមគ្នា ដើម្បីឈានសម្រេចចក្ខុវិស័យឆ្នាំ២០៥០ របស់កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រសួងអប់រំ និងដៃគូពាក់ព័ន្ធរួមគ្នាអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

អាកាសចរណ៍ស៊ីវិល សម្រេច​បង្កើត​ក្រុម​ការងារ​គ្រប់គ្រង​នៅ​តាម​ច្រកទ្វារ​អាកាស​យាន​ដ្ឋាន​អន្តរជាតិ

សហជីព៖ របាយការណ៍​អង្គការឃ្លាំមើល​សិទ្ធិ​មនុស្ស​ទាក់​ទង​ពលករ​មកពីថៃ​គ្មាន​មូលដ្ឋាន​ច្បាស់​លាស់

ពលរដ្ឋជឿជាក់លើរាជរដ្ឋាភិបាលក្រោយលទ្ធផលវិជ្ជមានជាបន្តបន្ទាប់លើការដោះស្រាយបញ្ហាជាមួយថៃ

ក្រសួងមហាផ្ទៃនឹងសាងសង់អគារពន្ធនាគារថ្មីបន្ថែមទៀត ដើម្បីឆ្លើយតបទៅនឹងកំណើនអ្នកជាប់ឃុំ

រាជរដ្ឋាភិបាល និងវិស័យឯកជន កំពុងដើរទន្ទឹមគ្នា ដើម្បីឈានសម្រេចចក្ខុវិស័យឆ្នាំ២០៥០ របស់កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាកាសចរណ៍ស៊ីវិល សម្រេចបង្កើតក្រុមការងារគ្រប់គ្រងនៅតាមច្រកទ្វារអាកាសយានដ្ឋានអន្តរជាតិ

សហជីព៖ របាយការណ៍អង្គការឃ្លាំមើលសិទ្ធិមនុស្សទាក់ទងពលករមកពីថៃគ្មានមូលដ្ឋានច្បាស់លាស់