BTV NEWS

ហ៊ុន ចាន់ បញ្ញាបុត្រ ចៅសម្តេចតេជោ ហ៊ុន សែន និស្សិតខ្មែរទី២ បញ្ចប់ការសិក្សាពីរាជបណ្ឌិតសភាយោធាសាន់ហឺស ក្នុងប្រទេសអង់គ្លេស

នាវាទេសចរណ៍ខ្នាតយក្ស VIKING VENUS នាំភ្ញៀវបរទេសជិត ៩០០ នាក់ ចូលចតនៅកំពង់ផែស្វយ័តក្រុងព្រះសីហនុ

ភ្ញៀវបរទេស ចាប់អារម្មណ៍ខ្លាំងចំពោះដំណើរកម្សាន្តនៅកម្ពុជា អំឡុងពិធីបុណ្យចូលឆ្នាំថ្មី

ក្រុមហ៊ុន CCCC បង្ហាញបំណងពង្រីកការវិនិយោគបន្ថែមនៅកម្ពុជា

ព័ត៌មានជាតិ

សម្ដេចធិបតី ចែករំលែកអាទិភាពគន្លឹះចំនួន៥ ដល់កិច្ចប្រជុំថ្នាក់រដ្ឋមន្រ្តីអាស៊ាន ស្តីពីការគ្រប់គ្រងគ្រោះមហន្តរាយលើកទី១៣ នៅកម្ពុជា

ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការគ្រប់គ្រងគ្រោះមហន្តរាយ លើកទី១៣ និងកិច្ចប្រជុំពាក់ព័ន្ធ នៅវិមានសន្តិភាព នៅព្រឹកថ្ងៃទី១៦ ខែតុលា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចែករំលែកអាទិភាពគន្លឹះចំនួន៥ដល់កិច្ចប្រជុំសម្រាប់ការអនុវត្តការងារការគ្រប់គ្រងគ្រោះមហន្តរាយ។ សម្ដេចធីបតី បានថ្លែងថា ស្របពេលដែលអាស៊ានប្រារព្ធខួប២០ឆ្នាំនៃសមិទ្ធផលរួមនៃកិច្ចព្រមព្រៀងអាស៊ាន ស្តីពីការគ្រប់គ្រងគ្រោះមហន្តរាយ និងការឆ្លើយតបគ្រោះអាសន្ន ហៅកាត់ថា អាត់ម៊ែរ (AADMER) អាស៊ានគួរតែមានមោទនភាព ចំពោះភាពធន់ដែលបានកសាងរួមគ្នាតាមរយៈកិច្ចសហប្រតិបត្តិការពហុភាគី កម្លាំងរួម សាមគ្គីភាព ការជួយគ្នាទៅវិញទៅមក ហើយសំខាន់បំផុតគឺស្មារតីសហគមន៍ដ៏រឹងមាំរបស់អាស៊ានតែម្ដង។ ដើម្បីឱ្យកិច្ចខិតខំប្រឹងប្រែងក្នុងការគ្រប់គ្រងគ្រោះមហន្តរាយរបស់ប្រទេសអាស៊ានឱ្យកាន់តែមានថាមវន្តថែមទៀត សម្ដេចធិបតី បានចែករំលែកនូវអាទិភាពគន្លឹះចំនួន ៥ សម្រាប់លើការគ្រប់គ្រងគ្រោះមហន្តរាយ ក្នុងនោះមាន ទី១ ការបង្កើនការត្រៀមខ្លួនតាមរយៈប្រព័ន្ធប្រកាសព័ត៌មានឱ្យដឹងជាមុន និងសមត្ថភាពព្យាការណ៍កាន់តែរឹងមាំ ដើម្បីដោះស្រាយបញ្ហាប្រឈមដែលកំពុងកើតមានឡើងជាបន្តបន្ទាប់ ដូចជាការប្រែប្រួលអាកាសធាតុ ជំងឺរាត្បាត និងគ្រោះមហន្តរាយ ជាដើម។ ទី២ ការលើកកម្ពស់ ភាពជាដៃគពហុភាគី ដោយមានការចូលរួមពីវិស័យឯកជន អ្នកសិក្សាស្រាវជ្រាវ និងសង្គមស៊ីវិល ដើម្បីជំរុញនវានុវត្ត និងកៀរគរធនធាន។ ទី៣ ការប្រើប្រាស់បច្ចេកវិទ្យា និងនវានុវត្ត រួមទាំងបញ្ហាសិប្បនិម្មិត (AI) ឧបករណ៍ភូមិសាស្រ្ដ និងការវិភាគទិន្នន័យ ដើម្បីបង្កើនភាពជាក់លាក់ និងប្រសិទ្ធភាពទៅនឹងការឆ្លើយតបទៅនឹងគ្រោះមហន្តរាយ។ ទី៤ ការពង្រឹងទំនាក់ទំនងជាសាកលតាមរយៈការកសាងភាពជាដៃគរបស់អាស៊ាន ជាមួយស្ថាប័នអន្តរជាតិដូចជាការិយាល័យសហប្រជាជាតិដើម្បីកាត់បន្ថយហានិភ័យនៃគ្រោះមហន្តរាយ ដើម្បីរៀបចំបង្កើតយុទ្ធសាស្រ្ដឱ្យស្រប និងទី៥ ការចែករំលែកចំណេះដឹងឧត្តមានុវត្ត និងមេរៀនរបស់អាស៊ានជាមួយតំបន់ផ្សេងទៀត ជាពិសេស ការគ្រប់គ្រងហានិភ័យគ្រោះមហន្តរាយតាមសហគមន៍ និងកិច្ចសហប្រតិបត្តិការឆ្លងដែន។ ក្នុងឱកាសនោះ សម្ដេចធិបតីបានបញ្ជាក់ថា កម្ពុជាប្ដេជ្ញាចិត្តយ៉ាងរឹងមាំក្នុងការធ្វើការយ៉ាងជិតស្និទ្ធជាមួយជាមួយរដ្ឋជាសមាជិក និងដៃគូទាំងអស់ ដើម្បីពង្រឹងបន្ថែមទៀតនូវកិច្ចសហប្រតិបត្តិការក្នុងតំបន់ និងអន្តរជាតិ ពាក់ព័ន្ធនឹងក្របខណ្ឌគ្រប់គ្រងគ្រោះមហន្តរាយ និងជំរុញចក្ខុវិស័យសហគមន៍អាស៊ាន ឆ្នាំ២០៤៥៕

សម្តេចតេជោ ហ៊ុន សែន អញ្ជើញដឹកនាំការបើកសម័យប្រជុំលើកទី៤ ព្រឹទ្ធសភានីតិកាលទី៥

អនុលោមតាមស្មារតីនៃកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា នាព្រឹកថ្ងៃព្រហស្បតិ៍ ទី១៦ ខែតុលា ឆ្នាំ២០២៥ នៅព្រឹកថ្ងៃដដែលនេះ វេលាម៉ោង ៩:០០នាទី ព្រឹទ្ធសភានៃព្រះរាជាណាចក្រកម្ពុជា បានបើកសម័យប្រជុំលើកទី៤ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ដែលមានវត្តមានសមាជិកព្រឹទ្ធសភាចូលរួមចំនួន៦០រូប។អង្គប្រជុំបានដំណើរការដោយមានរបៀបវារៈតែមួយគឺ ស្តាប់របាយការណ៍សង្ខេបរបស់គណៈកម្មាធិការអចិន្ត្រៃយ៍ ស្តីពីសកម្មភាព និងលទ្ធផលការងាររបស់ព្រឹទ្ធសភានៅចន្លោះសម័យប្រជុំលើកទី៣ និងលើកទី៤ នីតិកាលទី៥៕

ការទស្សនាប្រាសាទអង្គរវត្តដើរចូលពីទិសខាងលិច ទេសចរគ្រប់រូបនឹងឃើញទិដ្ឋភាពដ៏ស្គឹមស្កៃ និងគោរពលើកតម្លៃប្រាសាទ

ការដែលចូលមកទស្សនាប្រាសាទអង្គរវត្ត ដើរចូលពីច្រកចូលទិសខាងលិច ទេសចរគ្រប់រូបនឹងអាចមើលឃើញនូវទិដ្ឋភាពនៃសំណង់ប្រាសាទអង្គរវត្តដែលជានិមិត្តរូបនៃព្រលឹងជាតិខ្មែរ លេចត្រដែតដ៏ស្គឹមស្កៃ លាយលំជាមួយធម្មជាតិ រុក្ខជាតិតូចធំនានា មានសោភ័ណភាពគ្មានគូប្រៀប។ មុននឹងចូលទៅដល់នៃប្រាង្គប្រាសាទ ទេសចរដើរឆ្លងកាត់ស្ពានហាល កសិន្ធុទឹក ខ្លោងទ្វារ ដែលមើលពីចម្ងាយទេសចរបានគយគន់កំពូលនៃប្រាសាទអង្គរវត្ត នាំឱ្យទេសចរបំភ្លេចមិនបាននូវស្នាដៃរចនាសម្ពន្ធស្ថាបត្យកម្មដូនតាខ្មែរ ក៏ដូចជាការគោរពលើកតម្លៃប្រាសាទអង្គរវត្តផង។ ដូច្នេះហើយ ទើបអាជ្ញាធរជាតិអប្សរា ខិតខំរៀបចំបរិវេណខាងមុខប្រាសាទអង្គរវត្ត ឱ្យសក្តិសមនឹងអច្ឆរិយៈវត្ថុនៅក្នុងសកលលោក សម្រាប់ទទួលទេសចរចម្រុះជាតិសាសន៍មកទស្សនាប្រាសាទអង្គរវត្ត៕

ប្រជាពលរដ្ឋនៅតាមតំបន់ទេទឹកពុះ ទទួលបានភ្លើងសូឡាដាក់តាមផ្ទះ អំណោយរបស់សម្តេចធិបតី ហ៊ុន ម៉ាណែត

អំពូលសូឡា(ភ្លើងទេវតា) ចំនួន៥ឈុតដំបូង ដែលជាអំណោយដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានប្រគល់ជូនគ្រួសារប្រជាពលរដ្ឋ ក្នុងតំបន់ការពារធម្មជាតិកោដូន្តី ស្ថិតក្នុងឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។ លោកជំទាវ ម៉ុម ថានី រដ្ឋលេខាធិការ តំណាងឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានដឹកនាំប្រតិភូថ្នាក់ដឹកនាំ និងមន្រ្តីជំនាញក្រសួងបរិស្ថាន ចុះជួបសំណេះសំណាលនិងតម្លើងអំពូលសូឡា ជូនប្រជាពលរដ្ឋចំនួន៥គ្រួសារ ស្មើ៥ខ្នងផ្ទះ ដើម្បីរួមចំណែកលើកកម្ពស់ជីវភាពសហគមន៍មូលដ្ឋាន និងពង្រឹងការពារនិងអភិរក្សធនធានធម្មជាតិ។ ប្រជាពលរដ្ឋ ដែលទទួលបានអំណោយភ្លើងទេវតានាពេលនេះ បានថ្លែងអំណរគុណយ៉ាងជ្រាលជ្រៅដល់សម្តេចធិបតី និងលោកជំទាវបណ្ឌិត ដែលតែងតែគិតគូរដល់សុខទុក្ខនិងជួយបង្កើនជីវភាពរបស់ប្រជាពលរដ្ឋ នៅតាមមូលដ្ឋានឱ្យបានល្អប្រសើរ ជាលំដាប់។ សូមបញ្ជាក់ថា សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិតពេជ ចន្ទមុន្នី ហ៊ុនម៉ាណែត ផ្តល់ជូនប្រជាពលរដ្ឋ នៅក្នុងសហគមន៍តំបន់ការពារធម្មជាតិកោដូន្តី និងសហគមន៍មូលដ្ឋានក្បែរតំបន់ទេទឹកពុះ ចំនួនជាង៣០០ផ្ទាំង តាមរយៈឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន។ នៅក្នុងឱកាសអញ្ជើញដឹកនាំកិច្ចប្រជុំ ជាមួយថ្នាក់ដឹកនាំរបស់ក្រសួងបរិស្ថាន កាលពីពេលថ្មីៗកន្លងមកនេះ ឯកឧត្តមរដ្ឋមន្រ្តីក្រសួងបរិស្ថាន បានថ្លែងថា ក្រសួងបរិស្ថាន ត្រូវរៀបចំសកម្មភាព ក្នុងគោលដៅពន្លឿនការអភិវឌ្ឍតំបន់ទេទឹកពុះ ដែលស្ថិតនៅមិនឆ្ងាយពីតំបន់ខ្នងផ្សារ ក្នុងភូមិសាស្រ្តស្រុកឱរ៉ាល់ ខេត្តកំពង់ស្ពឺ ឱ្យក្លាយជាគោលដៅលំហែបៃតងដ៏ទាក់ទាញ និងជាសហគមន៍អព្យាក្រឹតកាបូន នៅក្នុងពេលអនាគត។ ឯកឧត្តមបណ្ឌិត អ៊ាង សុផល្លែត បានមានប្រសាសន៍ថា ក្រោមការផ្តួចផ្តើម និងចង្អុលបង្ហាញផ្ទាល់ពីសម្តេចមហាបវរធិបតី ហ៊ុន ម៉ាណែត ជាពិសេសក្នុង ក្នុងឱកាស សម្តេចប្រមុខរាជរដ្ឋាភិបាល មកបំពេញទស្សនកិច្ចនៅតំបន់ ភ្នំខ្នងផ្សារ និងតំបន់សហគមន៍តំបន់ការពារធម្មជាតិនៅក្នុងភូមិសាស្រ្តនេះ កាលពីថ្ងៃទី០៨ ខែមីនា ឆ្នាំ២០២៥ កន្លងទៅនេះ។ ការចាប់ផ្តើមអនុវត្តគម្រោងអភិវឌ្ឍន៍ គោលដៅលំហែបៃតងនៅតំបន់ទេទឹកពុះ គឺជាការឆ្លើយតបនឹងការចូលរួមចំណែកសំខាន់ ដល់ការលើកកម្ពស់ជីវភាពប្រជាពលរដ្ឋ នៅក្នុងតំបន់ការពារធម្មជាតិ ពីប្រមុខដឹកនាំប្រទេស ដើម្បីបង្កើតអនាគតថ្មីសម្រាប់ ប្រជាពលរដ្ឋនៅតំបន់នេះ។គួរជម្រាបជូនថា ទេទឹកពុះ ជាតំបន់ធម្មជាតិដ៏កម្រតែមួយគត់នៅក្នុងប្រទេសកម្ពុជា ដែលមានទឹកពុះក្ដៅពីធម្មជាតិ មានសីតុណ្ហភាពខ្ពស់រហូតដល់ ៧០ អង្សារសេ និងអាចមានទៅរហូតដល់១០០អង្សាសេ។ តំបន់នេះត្រូវបានចាត់ទុកថាជាកន្លែងកើតមានបាតុភូតធម្មជាតិចម្លែកគ្មានពីរនៅកម្ពុជា ដែលទាក់ទាញទេសចរមកកម្សាន្ត និងជំនឿលើទឹកពុះ ដែលអាចព្យាបាលជំងឺមួយចំនួនផងដែរ។ តំបន់ទេទឹកពុះនេះ ត្រូវបានប្រជាពលរដ្ឋនៃសហគមន៍តំបន់ការពារធម្មជាតិកោដូន្តី ក្នុងនោះមានជនជាតិដើមភាគតិចសួយ កំពុងរស់នៅច្រើន មានកន្លែងសក្ការៈបូជា និងមានជំនឿថា ជាតំបន់សក្ដិសិទ្ធិ។ បច្ចុប្បន្ននេះស្ថានភាពសហគមន៍តំបន់ការពារធម្មជាតិកោដូន្តី នៅមានព្រៃឈើ ដែលជាតំបន់ភ្នំអារក្ស ទីតាំងជំនឿរបស់បងប្អូនជនជាតិសួយ៕

គណៈមេធាវីនៃព្រះរាជាណាចក្រកម្ពុជា រៀបចំមហាសន្និបាតលើកទី៣០ ក្រោមទិសស្លោក “រួមគ្នាដើម្បីវិបុលភាពវិជ្ជាជីវៈមេធាវី”

នៅព្រឹកថ្ងៃទី១៦ ខែតុលា ឆ្នាំ២០២៥នេះ គណៈមេធាវីនៃព្រះរាជាណាចក្រកម្ពុជា បានរៀបចំមហាសន្និបាតប្រចាំឆ្នាំ លើកទី៣០ ក្រោមទិសស្លោក “រួមគ្នាដើម្បីវិបុលភាពវិជ្ជាជីវៈមេធាវី” ដែលដឹកនាំដោយលោក សាំង វណ្ណៈ ប្រធានគណៈមេធាវីអាណត្តិទី១៥ និងមានការចូលរួមពីសមាជិកគណៈមេធាវីទូទាំងប្រទេស នៅមជ្ឈមណ្ឌលសន្និបាតពិព័រណ៍អន្តរជាតិជ្រោយចង្វារ។

ឃាត់ខ្លួនជនសង្ស័យម្នាក់ក្នុងចំណោមបក្ខពួក ៤នាក់ ករណីឆក់ប្រដាប់អាវុធ ៣ករណី

ជនសង្ស័យ១នាក់ ក្នុងចំណោមបក្ខពួក៤នាក់ ត្រូវបានសមត្ថកិច្ចចាប់ខ្លួន ពាក់ព័ន្ធករណីឆក់ប្រដាប់ដោយអាវុធខ្លីចំនួន៣ករណី។នគរបាលប្រាប់ឲ្យដឹងថា កាលពីថ្ងៃទី១៣ ខែតុលា ឆ្នាំ២០២៥ វេលាម៉ោង០៩:៣០នាទី កម្លាំងជំនាញ នៃអធិការដ្ឋាននគរបាលខណ្ឌបឹងកេងកង សហការជាមួយកម្លាំងជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ ០១នាក់ ក្នុងចំណោមបក្ខពួក ០៤នាក់ (គេចខ្លួន) ពាក់ព័ន្ធករណីឆក់ប្រដាប់ដោយអាវុធខ្លីចំនួន ០៣ករណី។ជនសង្ស័យដែលត្រូវសមត្ថកិច្ចឃាត់ខ្លួនឈ្មោះ មាន ម៉េងជូ ភេទប្រុស អាយុ២៣ឆ្នាំ ជនជាតិខ្មែរ។ទាំង ៣ករណី រួមមាន ករណីទី១: ឆក់ទូរស័ព្ទដៃ ០១គ្រឿង បានសម្រេច នៅចំនុចមុខម៉ាតអូរឡាំពិក ផ្លូវ២០៥ ភូមិ០៨ សង្កាត់ទួលស្វាយព្រៃ២ ខណ្ឌបឹងកេងកង កាលពីថ្ងៃ១៧ ខែកញ្ញា ឆ្នាំ២០២៥។ ករណីទី២: ឆក់ខ្សែករមិនបានសម្រេច នៅចំណុចមុខផ្ទះលេខ៣ ផ្លូវលេខ៣២៨ ភូមិ៣ សង្កាត់ទួលស្វាយទី១ ខណ្ឌបឹងកេងកង កាលពីថ្ងៃទី១៨ ខែកញ្ញា ឆ្នាំ២០២៥។ ជនរងគ្រោះមិនដាក់ពាក្យបណ្ដឹង ។ ករណីទី៣: ឆក់ខ្សែករបានសម្រេច នៅចំណុចមុខហាងលក់ម៉ូតូយីហោអាតម៉េងហុង ផ្ទះលេខ២A ផ្លូវព្រះសីហនុ ភូមិ៨ សង្កាត់បឹងកេងកងទី២ ខណ្ឌបឹងកេងកង កាលពីថ្ងៃទី១០ ខែតុលា ឆ្នាំ២០២៥។ ជនរងគ្រោះដាក់ពាក្យបណ្ដឹង។ជនសង្ស័យ រួមនិងវត្ថុតាង ឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីចាត់ការតាមនីតិវិធី៕ តារាវុទ្ធី

មូលនិធិអភិវឌ្ឍន៏ជំនាញ ចំណាយថវិកាជាង ៣៤ លានដុល្លារ លើការបណ្តុះបណ្តាលជំនាញនៅកម្ពុជា

គិតត្រឹមខែកញ្ញា ឆ្នាំ២០២៥ មូលនិធិអភិវឌ្ឍន៍ជំនាញ SDF បានជំរុញអភិវឌ្ឍជំនាញ ដល់សិក្ខាកាមសរុបប្រមាណជាង ៤៥ ពាន់ នាក់ ទាំងការអភិវឌ្ឍជំនាញ និងការអភិវឌ្ឍជំនាញមុនចូលបម្រើការងារ ដោយបានចំណាយថវិកាបណ្តុះបណ្តាលសរុបជាង ៣៤ លាន ដុល្លារអាមេរិក ក្នុងនោះថវិកា ៥៣% ជាបដិភាគរបស់ SDF ។លោក គី សុខគីម នាយកប្រតិបត្តិមូលនិធិអភិវឌ្ឍន៏ជំនាញ (SDF) នៅថ្ងៃទី១៤ ខែតុលា កន្លងមកនេះ បានទទួលជួប ពិភាក្សាការងារ ជាមួយប្រតិភូធនាគារអភិវឌ្ឍន៍អាស៊ី (ADB) ក្នុងគោលបំណងបង្ហាញពីវឌ្ឍនភាពការងារ និងសមិទ្ធផលចម្បងៗ របស់ SDF, ព្រមទាំងបញ្ហាប្រឈមក្នុងបេសកម្មអភិវឌ្ឍជំនាញនៅកម្ពុជា ដើម្បីស្វែងរកដំណោះស្រាយដែលអាចពង្រឹង និងពង្រីកការ អភិវឌ្ឍជំនាញឱ្យកាន់តែទូលំទូលាយ និងប្រកបដោយប្រសិទ្ធភាពបន្ថែមទៀត ក្នុងជំនួបនោះលោកក៏បានសម្តែងនូវការកោតសរសើរ យ៉ាងជ្រាលជ្រៅ ចំពោះ ADB សម្រាប់ការគាំទ្រជាបន្តបន្ទាប់ ទាំងផ្នែកហិរញ្ញវត្ថុ និងជំនួយបច្ចេកទេសតាំងពីការចាប់ផ្តើមដំបូង របស់ មូលនិធិក្នុងគម្រោងសាកល្បង រហូតមកដល់ពេលបច្ចុប្បន្ន។ ក្រុមការងារបច្ចេកទេសរបស់ SDF ក៏បានបង្ហាញពីវឌ្ឍនភាពការងារ ក្រោមគម្រោងរបស់ ADB ដែលបានកំពុងអនុវត្តប្រកប ដោយប្រសិទ្ធភាព តាមផែនការដែលបានគ្រោងទុក ព្រមទាំងសមិទ្ធផលសំខាន់ៗរបស់ SDF ដែលសម្រេចបានតាំងពីឆ្នាំ២០១៨ រហូតដល់ខែកញ្ញា ឆ្នាំ២០២៥ ដែលក្នុងនោះ SDF បានចូលរួមអភិវឌ្ឍជំនាញដល់សិក្ខាកាមសរុបប្រមាណជាង ៤៥ ពាន់នាក់ (ស្រ្តី៣៨%) ទាំងការអភិវឌ្ឍជំនាញបន្ថែម (upskilling) និងការអភិវឌ្ឍជំនាញមុនចូលបម្រើការងារ (pre-employment) ជាមួយ នឹងថ្លៃបណ្តុះបណ្តាលសរុបជាង ៣៤ លានដុល្លារអាមេរិក ដោយ SDF បានចូលរួមបដិភាគថវិកាប្រមាណ ៥៣% ក្នុងនោះមាន គម្រោងបណ្តុះបណ្តាលសរុបចំនួន ២០៩ គម្រោង ក្រោមភាពជាដៃគូសហការជាមួយរោងចក្រ សហគ្រាសធុនតូច មធ្យម និងធុនធំ សរុបចំនួន ៤៧៩ ស្ថាប័ន, សមាគមធុរកិច្ចចំនួន ២៥, និងគ្រឹះស្ថានបណ្តុះបណ្តាលទាំងរដ្ឋ ឯកជន និងអង្គការចំនួន៦៥។គម្រោងបណ្តុះបណ្តាលដែលបានទទួលបានការគាំទ្រពី SDF ត្រូវបានវាស់វែងដោយសូចនាករជាក់លាក់ចំនួនបួន ដែល បង្ហាញពីការប្រមូល គ្រប់គ្រង និងបែកចែកមូលនិធិរបស់ SDF សម្រាប់ដោះស្រាយតម្រូវការអភិវឌ្ឍន៍ជំនាញរបស់វិស័យឯកជន បាន យ៉ាងមានប្រសិទ្ធភាព ក្នុងនោះអត្រាបញ្ចប់ការសិក្សាខ្ពស់ដល់ ៩៦%; អត្រាមានការងារធ្វើខ្ពស់ដល់ ៨៨%; អត្រាពេញចិត្តរបស់ ម្ចាស់រោចក្រ សហគ្រាសខ្ពស់ដល់ ៨៥%; និងប្រាក់ខែទទួលបានក្រោយ បញ្ចប់ការបណ្តុះបណ្តាលជាមធ្យម ខ្ពស់ជាងប្រាក់ខែ អប្បបរមាប្រមាណ ២០%។ លោក គី សុខគីម បានគូសរំលេចពីកម្មវិធីថ្មីចំនួន ៤ ដែល SDF ទើបដាក់ដំណើរការនាពេលថ្មីៗនេះរួមមាន៖ ១) កម្មវិធីជំនាញខ្ញុំ ការងារខ្ញុំ, ២) កម្មវិធីប័ណ្ណជំនាញ, ៣) កម្មវិធី iLead, និង៤) កម្មវិធីទទួលស្គាល់កម្រិតជំនាញដែលមានស្រាប់ (RPL) ដែលអាច ផ្តល់ការងាល្អក្នុងស្រុកជូនបងប្អូនទើបត្រឡប់ពីក្រៅប្រទេស និងគាំទ្រអ្នកប្រកបរបរនៃសេដ្ឋកិច្ចក្រៅប្រព័ន្ធ ក្នុងការបង្កើនផលិតភាព និងប្រាក់ចំណូល ព្រមទាំងផ្សារភ្ជាប់ MSMEs ជាមួយក្រុមហ៊ុនធំៗ ដើម្បីបង្កើនផលិតកម្មក្នុងស្រុក៕ អត្ថបទ៖ សុន រ៉ាឌី,

សម្ដេចធិបតី៖ ទន្ទឹមនឹងកិច្ចខិតខំប្រឹងប្រែង ការគ្រប់គ្រងគ្រោះមហន្តរាយក្នុងតំបន់មិនទាន់ស្មើគ្នាទេ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានកត់សម្គាល់ឃើញថា ទោះបីជាមានកិច្ចខិតខំប្រឹងប្រែង និងសម្រេចបាននូវសមិទ្ធិផលជាច្រើនលើការគ្រប់គ្រងគ្រោះមហន្តរាយ ប៉ុន្តែទន្ទឹមនឹងកិច្ចខិតខំប្រឹងប្រែងកន្លងមក ការគ្រប់គ្រងគ្រោះមហន្តរាយក្នុងតំបន់មិនទាន់ស្មើគ្នាទេ។សម្តេចធិបតីថ្លែងបែបនេះ ក្នុងពិធីបើកកិច្ចប្រជុំថ្នាក់រដ្ឋមន្ត្រីអាស៊ានស្ដីពីការគ្រប់គ្រងគ្រោះមហន្តរាយ លើកទី១៣ និងសន្និសីទ នៃភាគីអាត់ម៊ែរលើកទី១៤ និងកិច្ចប្រជុំពាក់ព័ន្ធ នៅវិមានសន្តិភាព នាព្រឹកថ្ងៃទី១៦តុលានេះ។ដើម្បីឲ្យកិច្ចខិតខំប្រឹងប្រែងនៃការគ្រប់គ្រងគ្រោះមហន្តរាយ កាន់តែមានការអភិវឌ្ឍន៍ថែមទៀត សម្តេចធិបតីបានផ្តល់នូវចំណុចអាទិភាពគន្លឹះចំនួន៥ ៖ ត្រូវបង្កើនការត្រៀមខ្លួន តាមរយៈប្រព័ន្ធប្រកាសព័ត៌មានដឹងជាមុន ពង្រឹងសមត្ថភាពព្យាករណ៍ឲ្យកាន់តែរឹងមាំ ដើម្បីដោះស្រាយបញ្ហាប្រឈម ដែលកើតមានឡើងបន្តបន្ទាប់ ដូចជាបញ្ហាអាកាសធាតុ ជំងឺរាតត្បាតនៃគ្រោះមហន្តរាយ។ ការលើកកម្ពស់ភាពជាដៃគូ ពហុភាគី ដោយមានការចូលរួមពីវិស័យឯកជន អ្នកសិក្សាស្រាវជ្រាវ និងសង្គមស៊ីវិល ដើម្បីជំរុញឲ្យមាននវានុវត្តន៍ និងកៀរគរធនធាន។ ការប្រើប្រាស់បច្ចេកវិទ្យា និងនវានុវត្តន៍ រួមទាំងបញ្ញាសិប្បនិម្មិត(AI) ឧបករណ៍ភូមិសាស្ត្រ និងការវិភាគទិន្នន័យ ដើម្បីបង្កើនភាពជាក់លាក់ និង ប្រសិទ្ធភាពនៃការឆ្លើយតបទៅនឹង គ្រោះមហន្តរាយ។ ពង្រឹងទំនាក់ទំនងជាសកល តាមរយៈការកសាងភាពជាដៃគូរបស់អាស៊ានជាមួយនឹងស្ថាប័នអន្តរជាតិ ដូចជាការិយាល័យសហប្រជាជាតិដើម្បី បន្ថយហានិភ័យនៃគ្រោះហន្តរាយ ដើម្បីរៀបចំបង្កើតយុទ្ធសាស្ត្រ និង ការចែករំលែកចំណេះដឹងឧត្តមានុវត្តន៍ និងនវានុវត្តន៍អាស៊ានជាមួយតំបន់ផ្សេងទៀត ជាពិសេសការគ្រប់គ្រង ហានិភ័យគ្រោះមហន្តរាយតាម សហគមន៍ និងកិច្ចសហប្រតិបត្តិការឆ្លងដែន៕ អត្ថបទ៖ មុត សុទ្ធ

អាជីករស្នើរឱ្យប្រជាពលរដ្ឋបន្តចូលរួមគាំទ្រ និងប្រើប្រាស់ផលិតផលក្នុងស្រុកដើម្បីលើកកម្ពស់សេដ្ឋកិច្ចជាតិ

ភ្នំពេញ៖ ក្រុមអ្នកផលិត និងម្ចាស់អាជីវកម្ម បានអំពាវនាវប្រជាពលរដ្ឋ បន្តចូលរួមប្រើប្រាស់ផលិតផលក្នុងស្រុកឱ្យកាន់តែច្រើនឡើងបន្ថែមទៀត ដើម្បីលើកកម្ពស់សេដ្ឋកិច្ចជាតិនិងមូលដ្ឋាន ជាពិសេសការបង្កើតឱកាសការងារ និងការផ្តល់ឱកាសបន្ថែមដល់អាជីករ ពាណិជ្ជករ សហគ្រិន និងក្រុមហ៊ុនក្នុងស្រុកមានលទ្ធភាពពង្រីកខ្លួនកាន់តែល្អប្រសើរ។អ្នកស្រី ហោ សុគន្ធា ម្ចាស់អាជីវកម្មខាងផ្នែកអង្ករ និងចំណីម្ហូបអាហារ នៅក្នុងបទសម្ភាសន៍ជាមួយព័ត៌មាន ប៊ីធីវី កាលពីរសៀលថ្ងៃទី១៥ ខែតុលាកន្លងទៅ បាននិយាយឱ្យដឹង តាមការធ្វើបច្ចុប្បន្នភាពរយៈពេលប៉ុន្មានខែចុងក្រោយមកនេះ សន្ទុះនៃការគាំទ្រផលិតផលខ្មែរគឺមានការកើនឡើងគួរឱ្យកត់សម្គាល់ ដោយសារម្នាក់ៗបានធ្វើពហិការ បានចាប់ផ្តើមយល់ពីគុណភាព គុណប្រយោជន៍ និងយល់ឃើញទៀតថា ការផលិត ការចាត់ចែង ឬការលក់ផលិតផលខ្មែរមានច្រើនមុខទំនិញ និងយល់ឃើញទៀតថា ខ្មែរអាចធ្វើបានជាច្រើន ដែលទាំងអស់នេះហើយធ្វើឱ្យមានការគាំទ្រជាខ្លាំងពីប្រជាពលរដ្ឋខ្មែរគ្រប់មជ្ឈដ្ឋានទាំងអស់។បន្ថែមពីនេះ លោកស្រី បានលើកឡើងដោយបានរម្លឹកថា តាមរយៈព្រឹត្តិការណ៍ពិព័រណ៍ផលិតផលខ្មែរ ដែលរៀបចំឡើងដោយសហភាពសហព័ន្ធយុវជនកម្ពុជា កាលពីខែកញ្ញាកន្លងទៅនេះ គ្រប់ផលិតផលខ្មែរទាំងអស់គឺទទួលបានការគាំទ្រជាខ្លាំងពីសំណាក់អតិថិជន ជាពិសេសបានជួយជំរុញចលនាឱ្យពាណិជ្ជករខិតខំផលិតទំនិញប្រកបដោយគុណភាព សុវត្ថិភាព និងសោភ័ណភាពវេចខ្ចប់បានល្អត្រឹមត្រូវតាមស្ដង់ដារ ដើម្បីបម្រើទីផ្សារ និងចូលរួមប្រកួតប្រជែងក្នុងកម្រិតទីផ្សារអន្តរជាតិ។ស្រដៀងគ្នាខាងលើនេះ លោក យូ វុទ្ធី អាជីវករលក់ហូល សារ៉ុងសូត្រ និងក្រមាខ្មែរ មកពីខេត្តព្រៃវែង បានឱ្យ ប៊ីធីវី ដឹងដែរ ដោយសារការធ្វើពហិការមិនប្រើប្រាស់ផលិតផលរបស់ថៃ បានកត់សម្គាល់ឃើញថា ប្រជាពលរដ្ឋខ្មែរបានងាកមកគាំទ្រប្រើប្រាស់ផលិតផលក្នុងស្រុកជំនួសវិញ ជាក់ស្តែងដូចជាផលិតផលរបស់លោក ទទួលបានកំណើននៃការគាំទ្រប្រមាណពីអតិថិជនចំនួនប្រហែលជា ៨០%។ លោកបន្តថា លោកមានការសប្បាយចិត្តជាខ្លាំង នៅពេលដែលឃើញសន្ទុះនៃការគាំទ្រមានជាបន្តបន្ទាប់ ដែលនេះជាឱកាសដ៏ល្អបំផុតក្នុងការជំរុញសេដ្ឋកិច្ចជាតិរីកចម្រើន។ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) នៅក្នុងពិធីបិទព្រឹត្តិការណ៍ពិព័រណ៍ផលិតផលខ្មែរ ក្រោមប្រធានបទ «ខ្មែរធ្វើបាន៖ ចូលរួមជំរុញ និងគាំទ្រផលិតផលក្នុងស្រុក» កាលពីចុងខែកញ្ញា ឆ្នាំ២០២៥កន្លងទៅ បានអំពាវនាវដល់អ្នកប្រើប្រាស់ទាំងអស់ ឱ្យបន្តជឿជាក់ ជំរុញ និងគាំទ្រការប្រើប្រាស់ផលិតផលក្នុងស្រុកឱ្យបានចាប់ជាប្រចាំ ដើម្បីលើកទឹកចិត្ត និងគាំទ្រដល់ផលិតផល និងសេវាក្នុងស្រុក អាចរីកលុតលាស់បានកាន់ប្រសើរឡើងថែមទៀត៕ អត្ថបទ៖ ឈិត បូរ៉ាវី

សម្តេចធិបតី៖ កម្ពុជាប្តេជ្ញាខ្ពស់ដើម្បីពង្រឹងកិច្ចសហប្រតិបត្តិការជាមួយដៃគូអន្តរជាតិពាក់ព័ន្ធ នឹងក្របខណ្ឌគ្រប់គ្រងគ្រោះមហន្តរាយ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា គ្រោះមហន្តរាយគ្រប់ទម្រង់បានបន្តជាបញ្ហាឥតឈប់ឈរសម្រាប់ប្រជាជាតិទាំងអស់ ហើយមិនថាតូចឬធំទេគ្រោះមហន្តរាយនេះ តែងបន្សល់ទុក្ខនូវភាពលំបាកយ៉ាងធ្ងន់ធ្ងរដល់មនុស្ស និងសង្គម។ប៉ុន្តែទោះជាយ៉ាងណាក៏ដោយកម្ពុជាសូមចិត្តយ៉ាងរឹងមាំធ្វើការយ៉ាងជិតស្និទ្ធជាមួយរដ្ឋជាសមាជិក និងដៃគូទាំងអស់ ដើម្បីពង្រឹងបន្ថែមទៀតនៅកិច្ចសហប្រតិបត្តិការនៅក្នុងតំបន់ និងអន្តរជាតិពាក់ព័ន្ធនឹងក្របខណ្ឌគ្រប់គ្រងគ្រោះមហន្តរាយនេះ។ក្នុងឱកាសអញ្ជើញជាអធិបតី ក្នុងពិធីបើកកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការគ្រប់គ្រងគ្រោះមហន្តរាយ លើកទី១៣ និងកិច្ចប្រជុំពាក់ព័ន្ធដទៃទៀត នាថ្ងៃទី១៦ ខែតុលា ឆ្នាំ២០២៥នេះ នៅទីស្តីការគណៈរដ្ឋមន្រ្តី សម្តេចធិបតី ហ៊ុន ម៉ាណែត នាយករដ្ឋមន្រ្តី បានថ្លែងថា គ្រោះមហន្តរាយ ដូចជាគ្រោះរញ្ជួយដី ទឹកជំនន់ ព្យុះនានា បានបណ្តាលឲ្យបាត់បង់អាយុជីវិតមនុស្សយ៉ាងច្រើន និងការខូចខាតយ៉ាងដំណំ ហើយតាមទស្សនវិស័យរបស់កម្ពុជា យើងចាំបាច់ត្រូវបែងចែកឲ្យមានសកម្មភាពជួយសង្រ្គោះគ្រាមានគ្រោះមហន្តរាយនៅតាមទីប្រជុំជន និងតាមទីជនបទពិសេសពាក់ព័ន្ធនឹងទឹកជំនន់។ សម្តេចធិបតី បានលើកឡើងទៀតថា គ្រោះមហន្តរាយគ្រប់ទម្រង់បានបន្តជាបញ្ហាឥតឈប់ឈរសម្រាប់ប្រជាជាតិទាំងអស់ គ្រោះមហន្តរាយមិនថាធំ ឬតូចតែងបន្សល់ទុក្ខ នូវភាពលំបាកយ៉ាងធ្ងន់ធ្ងរដល់មនុស្ស និងសង្គម។ សម្តេចបានបន្តថាជាមួយនឹងការគំរាមកំហែងកាន់តែខ្លាំងឡើងនៃអាកាសធាតុ គ្រោះមហន្តរាយក៏បានកំពុងកើតមានឡើងកាន់តែញឹកញាប់ កាន់តែធ្ងន់ធ្ងរ និងកាន់តែពិបាកស្មានផងដែរ។យ៉ាងណាក៏ដោយនៅមុខចំពោះថ្នាក់រដ្ឋមន្រ្តីអាស៊ាន សម្តេចធិបតី នាយករដ្ឋមន្រ្តី បានអះអាងថា កម្ពុជាប្តេជ្ញាចិត្តយ៉ាងរឹងមាំធ្វើការ យ៉ាងជិតស្និទ្ធជាមួយរដ្ឋជាសមាជិក និងដៃគូទាំងអស់ដើម្បីពង្រឹងបន្ថែមទៀតនៅកិច្ចសហប្រតិបត្តិការ នៅក្នុងតំបន់ និងអន្តរជាតិពាក់ព័ន្ធនឹងក្របខណ្ឌគ្រប់គ្រងគ្រោះមហន្តរាយ និងជំរុញចក្ខុវិស័យឲ្យសហគមន៍អាស៊ានឆ្នាំ២០៤៥៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

មេដឹកនាំអូស្រ្តាលី និងសិង្ហបុរី សន្យាជំរុញទំនាក់ទំនងថាមពល ដើម្បីធានាការផ្គត់ផ្គង់សកល

EU អំពាវនាវឲ្យបញ្ឈប់ការវាយប្រហារជាបន្ទាន់ នៅលីបង់ និងជំរុញឲ្យការការពារជនស៊ីវិល

វិមានក្រឹមឡាំង៖ ទស្សនកិច្ចដោយប្រេសិត នៅអាមេរិក មិនមានន័យថា ការចរចាអ៊ុយក្រែន ចាប់ផ្តើមវិញឡើយ

អ៊ីស្រាអែលគំរាមវាយប្រហាររថយន្តសង្គ្រោះបន្ទាន់ នៅលីបង់ ដោយចោទថា ត្រូវបានក្រុមហេសបូឡាប្រើប្រាស់

អនុប្រធានាធិបតីសហរដ្ឋអាមេរិកនិយាយថា លោករំពឹងថាជំនួបអ៊ីរ៉ង់នឹងវិជ្ជមាន

ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់

អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ

សាធារណជនកោះតៃវ៉ាន់មានការបែងចែកចំពោះដំណើរទស្សនកិច្ចរបស់មេដឹកនាំប្រឆាំងទៅកាន់ចិនដីគោក

លោក Macron ចង់បញ្ចុះបញ្ចូលលោក Trump នៅ G7 ដោយការអញ្ជើញក្រោយកិច្ចប្រជុំកំពូលឲ្យទៅវិមាន Versailles

ការវាយប្រហារយានដ្រូនរុស្ស៊ីបណ្តាលឲ្យកើតមានអគ្គិភ័យនៅតំបន់ Odesa របស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877