នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឧបនាយករដ្ឋមន្រ្តី កើត រិទ្ធ៖យប់នេះក្រសួងយុត្តិធម៌មានភាពចាំបាច់ផ្អាកជាបណ្តោះអាសន្នមុខងាររបស់ព្រះរាជអាជ្ញារងឈ្មោះ គ្រី សីហា ដែលដោះលែងដោយរំលោភអំណាចនូវជនល្មើស
សម្តេចរដ្ឋសភាធិបតី ឃួន សុដារី ៖ កិច្ចប្រជុំក្រុមអ្នកនយោបាយអន្តរសភាអាស៊ានលើកទី១៦បានផ្លាស់ប្តូរនូវទស្សនៈយ៉ាងសកម្មក្នុងការជំរុញការទូតសភា កិច្ចសហប្រតិបត្តិការ និងភាពជាដៃគូដើម្បីប្រជាពលរដ្ឋ
លោក Prabowo ថាលោក Trump ជាអ្នកចរចាតឹងតែង ខណៈកិច្ចប្រជុំពាណិជ្ជកម្មឥណ្ឌូនេស៊ី-អាមេរិកនៅបន្ត
កម្លាំងចម្រុះរដ្ឋបាលរាជធានីភ្នំពេញចុះបង្រ្កាបទីតាំងលួចលាក់បង្កប់បទល្មើស Online Scams ឃាត់ជនសង្ស័យ១០០នាក់

ព័ត៌មានជាតិ

​ក្រសួងកសិកម្មបង្ហាញតម្រូវការដៃគូសហការអភិវឌ្ឍលេីការកែច្នៃវិស័យដំឡូងមីដេីម្បីពង្រីកទីផ្សារនាំចេញ

2024/12/21 11:39:40 am        180
Facebook Telegram Linkin
ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅថ្ងៃទី២០ ខែធ្នូ ឆ្នាំ២០២៤ បានទទួលជួបពិភាក្សាការងារជាមួយក្រុមហ៊ុនឯកជនចិន ក្នុងគោលបំណងពិនិត្យលទ្ធភាពវិនិយោគពីភាគីក្រុមហ៊ុន លើការកែច្នៃដំឡូងមីដោយផ្ទាល់នៅកម្ពុជា និងស្នើការគាំទ្រពីក្រសួងកសិកម្មក្នុងការចូលរួមសហការជាមួយសហគមន៍កសិកម្ម ដើម្បីធានាបាននូវនិរន្តរភាពនៃការផ្គត់ផ្គង់ដំឡូងមី។ ក្រសួងកសិកម្ម រុក្ខាប្រមាញ់ និងនេសាទ នៅក្រោយកិច្ចប្រជុំនេះ បានឲ្យដឹងថា នាឱកាសនោះ ឯកឧត្តមរដ្ឋមន្ដ្រី បានលើកឡើងពាក់ព័ន្ធនឹងដំណាំដំឡូងមី ក្រសួងកសិកម្មត្រូវការដៃគូសហការល្អក្នុងការកែច្នៃនាំចេញនូវផលិតផលសម្រេចទៅកាន់ទីផ្សារក្រៅប្រទេស ដោយទទួលទិញពីប្រជាកសិករក្នុងតម្លៃសមរម្យ មានកិច្ចសន្យាផលិតកម្មត្រឹមត្រូវ រក្សាស្ថិរភាពថ្លៃដល់កសិករ និងអនុវត្តការងារមានលក្ខណៈយូរអង្វែង។ទន្ទឹមនឹងនេះ ឯកឧត្តមរដ្ឋមន្ដ្រី បានបញ្ជាក់បន្ថែមថា ការងារនេះទាមទារឱ្យមានការសិក្សាឱ្យបានស៊ីជម្រៅ មានផែនការវិនិយោគច្បាស់លាស់ មានស្តង់ដាការងារត្រឹមត្រូវ និងអាចតភ្ជាប់ខ្សែច្រវ៉ាក់តម្លៃ ដោយមានអ្នកទទួលទិញពីកសិករ អ្នកកែច្នៃផលិតផល និងក្រុមហ៊ុនភស្តុភារកម្ម ដោយក្រសួងនឹងជួយគាំទ្រផ្នែកបច្ចេកទេស និងច្បាប់បទដ្ឋាននានាដើម្បីជួយសម្របសម្រួលឱ្យការវិនិយោគនេះ មានលទ្ធផលល្អ រលូន និងជួយដល់ប្រជាកសិករបានយ៉ាងពិតប្រាកដ។ជាទិសដៅបន្ត ឯកឧត្តមរដ្ឋមន្ដ្រី បានផ្តល់អនុសាសន៍តម្រង់ទិសដល់ក្រុមហ៊ុនចិន បន្តសហការធ្វើការជាមួយក្រសួងកសិកម្មក្នុងការងារនេះ និងបានលើកទឹកចិត្តក្នុងការវិនិយោគនៅប៉ែកឦសានរួមមានខេត្តមណ្ឌលគីរី ខេត្តរតនៈគីរី ខេត្តស្ទឹងត្រែង និងខេត្តក្រចេះ៕អត្ថបទ ឈិត បូរ៉ាវី 

ក្រសួងសុខាភិបាល បើកកិច្ចប្រជុំការពង្រឹងគុណភាព និងសុវត្ថិភាពមូលដ្ឋានសុខាភិបាលឯកជននៅរាជធានីភ្នំពេញ

2024/12/21 11:36:11 am        150
Facebook Telegram Linkin
ភ្នំពេញ ៖ ដោយទទួលបានការអនុញ្ញាតពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ឡឹម តារា រដ្ឋលេខាធិការ និងជាប្រធានក្រុមការងារជំនាញឯកទេស សម្រាប់ការតាមដានត្រួតពិនិត្យការបម្រើសេវាសុខាភិបាលផ្នែកឯកជន រួមជាមួយឯកឧត្តម លោកជំទាវ សាស្ត្រាចារ្យ វេជ្ជបណ្ឌិត ជារដ្ឋលេខាធិការទទួលបន្ទុកកិច្ចការតាមជំនាញឯកទេស បានធ្វើការជួបជុំជាមួយនឹងម្ចាស់/តំណាង របស់ផ្នែកសេវាពិនិត្យព្យាបាលជម្ងឺគ្រប់ប្រភេទនៅក្នុងរាជធានីភ្នំពេញចាប់ពីមន្ទីរសម្រាកព្យាបាលគ្រប់ប្រភេទ មន្ទីរពហុព្យាបាល មន្ទីរពេទ្យ សរុបចំនួន ៤៣០ ទីតាំង ដែលអ្នកចូលរួមសរុបមានចំនួន ៥២៥នាក់, កាលពីល្ងាចថ្ងៃទី២០ ខែធ្នូ ឆ្នាំ២០២៤។​ខ្លឹមសារ នៃអង្គប្រជុំ គឺការពង្រឹង គុណភាព សេវាសុខាភិបាល , ការផ្តល់សេវាសុខាភិបាលដែលមានគុណភាព និនិងមានសុវត្ថិភាពដល់អ្នកជំងឺ, ពង្រឹង សេវាសង្រ្គោះបន្ទាន់ និងសេវាបញ្ជូនជំងឺ, ពង្រឹង សេវាថែទាំមុនសម្រាល  កំឡុងពេលសម្រាល និងក្រោយសម្រាល, ពង្រឹង ការអនុវត្តន៍និយ័តកម្មសុខាភិបាល, លុបបំបាត់សេវាខាភិបាលឯកជនខុសច្បាប់, លេីកកម្ពស់ក្រមសីលធម៌ វិជ្ជាជីវៈ សុខាភិបាល និងគ្រួសារ សុខាភិបាល តែមួយ គ្មានការបែងចែកសុខាភិបាលសាធារណ: និងឯកជន និងរួម សុខរួមទុក្ខជាមួយគ្នា។ ឯកឧត្តមបណ្ឌិត ងី មានហេង ប្រធានមន្ទីរសុខាភិបាល នៃរដ្ឋបាលរាជធានីភ្នំពេញ បានលើកឡើងថា ការជួបជុំគ្នាថ្ងៃនេះ ដើម្បីឲ្យការផ្តល់សេវាសុខាភិបាលផ្នែកឯកជនឲ្យកាន់តែមានភាពប្រសើរឡើង។ ជាការពិតភាពជាដៃគូរវាងរដ្ឋ និងឯកជន ពិតជាចាំបាច់ណាស់ ព្រោះថាការផ្តល់សេវាសុខាភិបាលនៅផ្នែកសាធារណៈក្នុងមូលដ្ឋានរាជធានីភ្នំពេញ យើងមានមន្ទីរពេទ្យជាតិ និងមជ្ឈមណ្ឌលជាតិចំនួន១២ មន្ទីរពេទ្យបង្អែកចំនួន៨ និងមណ្ឌលសុខភាពចំនួន៤៦ និងមន្រ្តីសុខាភិបាល ចំនួនជាង១៤០០នាក់ រីឯសេវាសុខាភិបាលឯកជន មន្ទីរពេទ្យឯកជនចំនួន១៧-គ្លីនិកឯកជន ដោយចាប់រាប់ពីមន្ទីរសម្រាកព្យាបាល ពហុព្យាបាល សម្ភព ចំនួនជាង៤០០។ ហើយក៏ជាការប្រសើរឡើងនូវស្ថានភាពសុខភាពក្នុងរាជធានីភ្នំពេញ ដែលជាការរួមចំណែករបស់សេវាសុខាភិបាលឯកជនផងដែរ។ឯកឧត្តមបណ្ឌិត ងី មានហេង បានបន្ថែមថា តាមការអង្កេតប្រជាសាស្រ្តសុខភាព នៅឆ្នាំ២០២១-២០២២ បានបង្ហាញថានៅរាជធានីភ្នំពេញស្រ្តីដែលសម្រាលកូន នៅតាមមូលដ្ឋានសុខាភិបាល រហូតដល់៩៩,៩៩% (បើលេខមូល១០០%) ក៏ដោយសារតែមានការចូលរួមពីសេវាសុខាភិបាលឯកជនផងដែរ។ ក្នុងនោះស្រ្តី មកសម្រាលកូននៅមណ្ឌលសុខភាព ចំនួន៣០% និង៧០%ទៀត នៅមន្ទីរពេទ្យជាតិ និងមន្ទីរពេទ្យឯកជន។នាឱកាសនោះឯកឧត្តមសាស្រ្តាចារ្យ ឡឹម តារា និងឯកឧត្តមសាស្ត្រាចារ្យ កុយ វ៉ាន់នី បានថ្លែងរួមគ្នាថា តាមរយៈកិច្ចប្រជុំ មានគោលបំណង ពង្រីកការយល់ដឹងសុីជម្រៅ ជូនដល់សេវាសុខាភិបាលឯកជន អំពីអាទិភាពចម្បងៗ និងកិច្ចខិតខំប្រឹងប្រែងរបស់ក្រសួងសុខាភិបាល ក្នុងទិសដៅពង្រឹងគុណភាព និង សុវត្ថិភាពនៃសេវា ពិនិត្យព្យាបាលគ្រប់ប្រភេទក្នុងផ្នែកឯកជន។ ការជួបជុំ ក៏បានរំលឹក អំពីគោលនយោបាយកំណែទម្រង់របស់រាជរដ្ឋភិបាលអណត្តិទី៧ នៃរដ្ឋសភា និង អាទិភាពទាំង៩ រួមនឹង អាទិភាពចម្បងចំនួន៣ នៃសុខាភិបាល ដែលក្នុងនោះការធ្វើនិយ័តកម្ម សេវាសុខាភិបាលផ្នែកឯកជនឲ្យបានកាន់តែល្អ រលូន និងគោរពបានទៅតាមបទដ្ឋានគតិយុត្តិ/ និយាមបច្ចេកទេសសុខាភិបាល គឺជាអ្វីដែលក្រសួងសុខាភិបាលបាន និងបន្តតម្កល់ជាអាទិភាពខ្ពស់បំផុត សម្រាប់វិស័យសុខាភិបាលផ្នែកឯកជន។សូមបញ្ជាក់ផងដែរថា នៅក្នុងពិធីខាងលើនេះ មានការអញ្ជើញចូលរួមពីសំណាក់ ឯកឧត្តម អ៊ីម រ៉ន ហាស្សាន់ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ ឯកឧត្តមអភិបាលនៃគណៈអភិបាលរាជធានីភ្នំពេញ៕អត្ថបទ រដ្ឋា

​​គណៈកម្មាការអន្តរក្រសួងចុះត្រួតពិនិត្យ និងវាយតម្លៃលើការងារថែទាំខួបផ្លូវល្បាយក្រួស៣ខ្សែ ផ្លូវកៅស៊ូ១ខ្សែនិងកសាងលូ៥កន្លែងក្នុងភូមិសាស្ត្រខេត្តកំពង់ចាម

2024/12/21 09:05:32 am        127
Facebook Telegram Linkin
កំពង់ចាម​​៖ ក្រសួងអភិវឌ្ឍន៍ជនបទ​និងក្រសួងសេដ្ឋកិច្ច​ បានសហការគ្នា​ធ្វេីការចុះត្រួតពិនិត្យ និងវាយតម្លៃលើការងារថែទាំខួបផ្លូវកៅស៊ូមួយខ្សែ​ ផ្លូវល្បាយក្រួស៣ខ្សែ​ និងការកសាងលូ៥កន្លែងក្នុងស្រុកចំនួន២នៃខេត្តកំពង់ចាម។ ឯកឧត្តមបណ្ឌិត​ នួន​ ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ តំណាងឯកឧត្តម ឆាយ រិទ្ធីសែន រដ្ឋមន្រ្តីក្រសួងអភិវឌ្ឍន៍ជនបទ នៅថ្ងៃទី២០ ខែធ្នូ​ ឆ្នាំ២០២៤នេះ ដឹកនាំប្រតិភូអន្តរក្រសួងរួមមានតំណាងក្រសួងសេដ្ឋកិច្ច និងហិរញ្ញវត្ថុ ធ្វេីការចុះត្រួតពិនិត្យ និងវាយតម្លៃ ប្រគល់ទទួលលើការងារថែទាំផ្លូវលក្ខណៈខួបល្បាយក្រួសក្រហម ចំនួន៣ខ្សែ មានប្រវែង១៨,០៥០ម៉ែត្រ និងការកសាងលូ៥កន្លែងក្នុងស្រុកជើងព្រៃ និងស្ទឹងត្រង់ និងផ្លូវថែទាំខួបកៅស៊ូ១ខ្សែ ប្រវែង១១,៥២០ម៉ែត្រ ស្ថិតក្នុងស្រុកចំការលើ ក្នុងខេត្តកំពង់ចាម។ក្នុងពេលចុះជួបជាមួយប្រជាពលរដ្ឋដែលបានប្រើប្រាស់លើផ្លូវទាំងនេះ ឯកឧត្តមបណ្ឌិត​ នួន​ ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ​ ក៍បានសំណូមពរដល់បងប្អូនប្រជាពលរដ្ឋជួយថែរក្សានូវសមិទ្ធផល និងហេដ្ឋារចនាសម្ព័ន្ធផ្សេងៗ រួមមាន ផ្លូវជនបទ អណ្តូងទឹក និងបង្គន់អនាម័យជាដេីម​ ដែលប្រមុខរាជរដ្ឋាភិបាលបានផ្តល់ជូនតាមរយះក្រសួងអភិវឌ្ឍន៍ជនបទពេលកន្លងមកក៏ដូចជាក្នុងពេលបច្ចុប្បន្ននេះ​ ដើម្បីរួមចំណែកក្នុងការកាត់បន្ថយភាពក្រីក្រ បង្កើនចំណូលក្នុងគ្រួសារ និងផ្សាភ្ជាប់ទីជនបទទៅកាន់ទីប្រជុំជនជាដើម។ ពោលគឺសម្តេចតេជោ ហ៊ុន សែន អតីតនាយករដ្ឋមន្ត្រី និងសព្វថ្ងៃជាប្រធានព្រឹទ្ធសភា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ តែងតែគិតគូរដល់សុខទុក្ខ និងលេីស្ទួយសេដ្ឋកិច្ចគ្រួសាររបស់បងប្អូនប្រជាពលរដ្ឋនៅតាមជនបទជាប់ជានិច្ច។ក្រោយចុះពិនិត្យដោយផ្អែកទៅលើសោភ័ណភាព និងគុណភាពផ្លូវកៅស៊ូមួយខ្សែ​ ផ្លូវល្បាយក្រួស៣ខ្សែ​ និងលូមូល៥កន្លែងរួចមក គណៈកម្មការអន្តរក្រសួង បានសម្រេចឯកភាពទទួលយក១០០% សម្រាប់ការអនុវត្តការងារថែទាំផ្លូវកៅស៊ូទាំងនេះ។ ឯកឧត្តមបណ្ឌិត​ នួន​ ដាញ៉ិល ក៍បានណែនាំបន្ថែមដល់មន្ទីរអភិវឌ្ឍន៍ជនបទខេត្តកំពង់ចាម ធ្វើយ៉ាងណាត្រូវបន្តខិតខំថែទាំផ្លូវថ្នល់ដូចជាផ្លូវគ្រួសក្រហម​ ផ្លូវកៅស៊ូ ឬផ្លូវបេតុងដែលស្ថិតក្នុងគម្រោង និងជាសមិទ្ធផលថ្មី ក្នុងមូលដ្ឋានរបស់ប្រជាពលរដ្ឋនោះ​ឱ្យបានល្អប្រសើរ ដើម្បីជាប្រយោជន៍រួមទាំងអស់គ្នា និងផ្តល់ភាពងាយស្រួលដល់ប្រជាពលរដ្ឋ ក្នុងការធ្វើដំណើរឆ្លងកាត់ដឹកកសិផលពីភូមិមួយ ទៅភូមិមួយប្រកបដោយសុវត្ថិភាព និងយូរអង្វែង។ ផ្លូវទាំងអស់នេះ បានជ្រោងសេដ្ឋកិច្ចគ្រួសាររបស់ប្រជាពលរដ្ឋនៅតាមមូលដ្ឋានឱ្យកាន់តែរីកចម្រើនលើសពីការរំពឹងទុកតាមរយៈការដឹកជញ្ជូនកសិផលដែលពួកគាត់ធ្វើបានមកកាន់ទីផ្សារ និងការធ្វើឱ្យអចលនទ្រព្យនៅតាមតំបន់នោះមានការឡើងថ្លៃជាដើម៕

សម្តេចធិបតី ហ៊ុន ម៉ាណែត ផ្ញើសារអបអរសាទរ វេទិកានិពន្ធនាយកសារព័ត៌មានកម្ពុជាលើកទី២១

2024/12/21 07:50:27 am        59
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី២១ ខែធ្នូ ឆ្នាំ២០២៤នេះ បានផ្ញើសារអបអរសាទរ វេទិកានិពន្ធនាយកសារព័ត៌មានកម្ពុជា លើកទី២១ ក្រោមប្រធានបទ« វិជ្ជាជីវៈសារព័ត៌មាន និងការបញ្ចេញមតិ» តាមរយៈសារអបអរសាទរនេះ សម្តេចធិបតី នាយករដ្ឋមន្រ្តីបានលើកឡើងថា«ការរៀបចំ វេទិកានិពន្ធនាយកសារព័ត៌មានកម្ពុជា មានគោលបំណងផ្ដល់នូវឱកាសជួបជុំពិភាក្សាដល់ថ្នាក់ដឹកនាំស្ថាប័នសារព័ត៌មាន និពន្ធនាយក និងអ្នកសារព័ត៌មាន ធ្វើការផ្លាស់ប្ដូរយោបល់ ចែករំលែកបទពិសោធ និងស្វែងរកដំណោះស្រាយបញ្ហាប្រឈម និងរៀបចំយន្តការសម្រាប់អនុវត្ត ក្នុងគោលបំណងលើកកម្ពស់សិទ្ធិសេរីភាពខាងសារព័ត៌មាន តាមគោលការណ៍លទ្ធិប្រជាធិបតេយ្យ និងការទទួលខុសត្រូវវិជ្ជាជីវៈ ដើម្បីរក្សាសណ្ដាប់ធ្នាប់វិស័យព័ត៌មាន សន្តិសុខព័ត៌មាន និងសេរីភាពសារព័ត៌មាននៅព្រះរាជាណាចក្រកម្ពុជាជាដើម»៕

ឯកឧត្តម អូន ព័ន្ធមុនីរ័ត្ន ដាក់ចេញ៨ចំណុចដល់ក្រសួងពាណិជ្ជកម្ម ដើម្បីបន្តអនុវត្តការងារឱ្យមានប្រសិទ្ធិភាព

2024/12/20 11:38:33 pm        129
Facebook Telegram Linkin
ភ្នំពេញ៖ ក្នុងឱកាសអញ្ជើញជាអធិបតីបិទសន្និបាតបូកសរុបលទ្ធផលការងាររបស់ក្រសួងពាណិជ្ជកម្ម ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានផ្តល់អនុសាសន៍សំខាន់ៗចំនួន៨ចំណុច ដល់ក្រសួងពាណិជ្ជកម្ម ក្នុងការកំណត់ទិសដៅការងារបន្តសម្រាប់ឆ្នាំខាងមុខឱ្យកាន់តែមានប្រសិទ្ធិភាព និងប្រសិទ្ធិផលខ្ពស់បន្ថែមទៀត។ ចំណុចសំខាន់ៗទាំង៨ ដែលឯកឧត្តមអគ្គបណ្ឌិតសភាចារ្យ បានលើកឡើងក្នុងពិធីបិទអង្គសន្និបាតរបស់ក្រសួងពាណិជ្ជកម្ម កាលពីរសៀលថ្ងៃទី២០ ធ្នូ ឆ្នាំ២០២៤នេះ មានដូចជា ១.ក្រសួងត្រូវបន្តជំរុញអនុវត្តយុទ្ធសាស្ត្រពង្រឹងទីផ្សារចាស់ និងពង្រីកទីផ្សារថ្មី ដោយបន្តជំរុញការប្រើប្រាស់ប្រព័ន្ធអនុគ្រោះពន្ធ EBA/GSP និងកិច្ចព្រមព្រៀងពាណិជ្ជកម្មសេរី ដែលមានស្រាប់ឱ្យអស់ពីលទ្ធភាព និងសក្តានុពលជាដើម ២.ត្រូវបន្តពង្រីកការធ្វើឌីជីថលលូបនីយកម្មសេវាសាធារណៈ ទាំងនៅថ្នាក់ជាតិ និងថ្នាក់ក្រោមជាតិ តាមរយៈការបន្តពង្រឹងសមត្ថភាពមន្ត្រីឌីជីថលគ្រប់លំដាប់ថ្នាក់ជាប់ជាប្រចាំ និងការបន្តពិនិត្យលទ្ធភាពក្នុងការបង្កើតអង្គភាពបរិវត្តកម្មឌីជីថលតាមអង្គភាពនានាក្រោមឱវាទក្រសួង ដើម្បីបង្កបរិយាកាសអំណោយផលដល់សកម្មភាពពាណិជ្ជកម្ម និង សម្រួលនីតិវិធីរដ្ឋបាល និងការតភ្ជាប់សេវាសាធារណៈរបស់ក្រសួងទៅនឹងថ្នាលបច្ចេកវិទ្យាផ្លាស់ប្តូរទិន្នន័យរួម (CamDX) និង ប្រព័ន្ធបញ្ជរតែមួយជាតិ។ ៣.ត្រូវបន្តជំរុញកិច្ចប្រឹងប្រែងពង្រឹងអភិបាលកិច្ច និងការអភិវឌ្ឍវិស័យឯកជន តាមរយៈការកសាងលិខិតបទដ្ឋានគតិយុត្ត ពាក់ព័ន្ធនឹងការគ្រប់គ្រងសមាគមពាណិជ្ជកម្ម និងសហគ្រាសឯកជនជាដើម ៤.ត្រូវសហការពង្រឹងការផលិតនូវផលិតផលក្នុងស្រុក និងរៀបចំយុទ្ធសាស្ត្រជំរុញការប្រើប្រាស់ផលិតផលខ្មែរ តាមរយៈការរៀបចំពិព័រណ៍ក្នុងស្រុក និងអន្តរជាតិ។ ទន្ទឹមនេះ ក្រសួងពាណិជ្ជកម្ម ក៏ត្រូវបន្តយកចិត្តទុកដាក់ក្នុងការចុះបញ្ជីម៉ាកសម្គាល់ភូមិសាស្ត្រទំនិញ និង ម៉កសមូហភាព ឱ្យបានកាន់តែច្រើនថែមទៀត សំដៅលើកស្ទួយគុណភាព និងម៉ាករបស់ផលិតផលកម្ពុជានៅលើទីផ្សារក្នុង និងក្រៅប្រទេស ៥.ត្រូវពិនិត្យ និងសិក្សាស្រាវជ្រាវឱ្យបានល្អិតល្អន់ អំពីផលប៉ះពាល់នៃការចាកចេញពីឋានៈប្រទេសអភិវឌ្ឍន៍តិចតួច (LDC) ជាពិសេស នៅក្រោមក្របខណ្ឌនៃអង្គការពាណិជ្ជកម្មពិភពលោក (WTO) និងក្របខណ្ឌតំបន់ កលើសេដ្ឋកិច្ចកម្ពុជា។ ក្រសួងពាណិជ្ជកម្ម ក៏ត្រូវត្រៀមខ្លួនក្នុងការចរចាស្នើសុំ ភាពអនុគ្រោះថ្មី តាមរយៈប្រព័ន្ធអនុគ្រោះបន្ថែម (GSP Plus) ដើម្បីរក្សាទីផ្សារ និង រក្សាលំនឹងផលិតកម្ម ព្រមទាំងទាក់ទាញវិនិយោគិនបន្ថែម។ ជាមួយគ្នា, ក្រសួងក៏ត្រូវធ្វើការសិក្សាផងដែរ អំពីផលប៉ះពាល់ពីការបាត់បង់ភាពអនុគ្រោះ (Preferences Erosion) និង ការបាត់បង់ប្រព្រឹត្តិកម្មពិសេស និង អនុគ្រោះដោយឡែក (Special and Differential Treatment) បន្ទាប់ពីកម្ពុជាចាកចេញពីឋានៈប្រទេសអភិវឌ្ឍន៍តិចតួច។ ចំពោះចំណុចទី៦ ឯកឧត្តម អូន ព័ន្ធមុនីរ័ត្ន បានឱក្រសួងត្រូវជួយគាំទ្រសហគ្រាសនានាឱ្យមានសមត្ថភាព និងលទ្ធភាព ក្នុងការនាំចេញ និងអាចប្រកួតប្រជែងបាននៅក្នុងខ្សែច្រវាក់ផ្គត់ផ្គង់តំបន់ និងសកល តាមរយៈការរៀបចំកម្មវិធីនានា ដើម្បីសហការបង្កើនជំនាញផ្នែកពាណិជ្ជកម្មអន្ដរជាតិ ក្នុងការខិតខំច្រៀតចូលក្នុងទីផ្សារថ្មី និងសហការជាមួយក្រុមហ៊ុនចម្រុះជាតិសាសន៍ ដើម្បីពង្រឹងសមត្ថភាពសហគ្រាសក្នុងស្រុក ឲ្យស្របតាមស្តង់ដាតំបន់ និង អន្ដរជាតិ។ ៧.ត្រូវចូលរួមឱ្យបានសកម្ម ក្នុងការអនុវត្តគោលនយោបាយសេដ្ឋកិច្ចឌីជីថល, ធុរកិច្ចឌីជីថល និងការធ្វើពាណិជ្ជកម្ម តាមប្រព័ន្ធអេឡិចត្រូនិក តាមរយៈការលើកទឹកចិត្តឱ្យវិស័យឯកជនពិនិត្យលទ្ធភាពក្នុងការវិនិយោគ ដើម្បីបង្កើតថ្នាលបច្ចេកវិទ្យាលក់ទំនិញក្នុងស្រុក និងឆ្លងកាត់ព្រំដែន។ ដោយឡែកទី៨.ក្រសួងពាណិជ្ជកម្មត្រូវបន្តរៀបចំវិធានការគោលនយោបាយសម្រាប់កាត់បន្ថយថ្លៃពាណិជ្ជកម្ម និងថ្លៃពាក់ព័ន្ធនានា ព្រមទាំងលុបបំបាត់នូវរបាំងពាណិជ្ជកម្មដែលមិនចាំបាច់ ដើម្បីបង្កើនភាពប្រកួតប្រជែងរបស់កម្ពុជា, ជំរុញការអភិវឌ្ឍសង្គម-សេដ្ឋកិច្ច និង លើកកម្ពស់អនុលោមភាពស្តង់ដាជាដើម-ល-៕អត្ថបទ ឈិត បូរ៉ាវី

កម្ពុជាគ្រោងដាក់ឲ្យអនុវត្តន៍កម្មវិធីលើកកម្ពស់ភាពប្រកួតប្រជែង បង្កើនពិពិធកម្ម និងពង្រឹងភាពធន់ ឆាប់ៗខាងមុខ

2024/12/20 10:21:57 pm        117
Facebook Telegram Linkin
ភ្នំពេញ៖ ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានឲ្យដឹង រាជរដ្ឋាភិបាលកម្ពុជា គ្រោងនឹងដាក់ឲ្យអនុវត្តកម្មវិធីលើកកម្ពស់ភាពប្រកួតប្រជែង បង្កើនពិពិធកម្ម និងពង្រឹងភាពធន់ ដើម្បីជំរុញកំណើនសេដ្ឋកិច្ចក្នុងបរិការណ៍សាកល ដែលមានភាពមិនប្រាកដប្រជាខ្ពស់សម្រាប់ឆ្នាំ២០២៥-២០២៨ ក្នុងពេលឆាប់ៗខាងមុខនេះ ខណៈដែលពាណិជ្ជកម្មពិភពលោក និងស្ថានភាពសេដ្ឋកិច្ចសាកលនៅបន្តមានភាពមិនប្រាកដប្រជាខ្ពស់។អញ្ជើញជាអធិបតីបិទសន្និបាតបូកសរុបលទ្ធផលការងាររបស់ក្រសួងពាណិជ្ជកម្ម នារសៀលថ្ងៃទី២០ ខែធ្នូ ឆ្នាំ២០២៤នេះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា ស្របតាមការណែនាំដ៏ខ្ពង់ខ្ពស់របស់ម្តេចធិបតីនាយករដ្ឋមន្រ្តី នៅក្នុងវេទិការាជរដ្ឋាភិបាលផ្នែកឯកជនលើកទី១៩ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ គឺជាអ្នកទទួលរៀបចំកម្មវិធីនេះឡើង។ ឯកឧត្តម បានបន្តថា កម្មវិធីនេះ ត្រូវបានគិតគូរ និងរៀបចំឡើងដោយរួមបញ្ចូលនូវវិធានការណ៍ជាក់លាក់ និងមុតស្រួចជាច្រើនជាមួយនិងការខិតខំរិះរកមធ្យោបាយនានា ដើម្បីតម្រឹម តម្រង់ការអភិវឌ្ឍកម្ពុជាឲ្យកាន់តែប្រសើរ សំដៅរក្សាឲ្យបានគត់មុតនូវមាគ៌ាកំណើនសេដ្ឋកិច្ចក្នុងរយៈពេលមធ្យម និងវែងទៅមុខ។ ជាមួយនេះ ឯកឧត្តមអគ្គបណ្ឌិតសភាចារ្យ ក៏បានលើកឡើងអំពីការដឹកនាំរាជរដ្ឋាភិបាលនីតិកាលទី៧ នៃរដ្ឋសភា របស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ថា គិតក្នុងរយៈពេលជាង១ឆ្នាំ ក្នុងការដឹកនាំដ៏ត្រឹមត្រូវ និងស្វាហាប់ ប៉ិនប្រសប់ និងប្រកបដោយចក្ខុវិស័យវែងឆ្ងាយ រាជរដ្ឋាភិបាលបានកំពុងបន្តឈរជើងយ៉ាងរឹងមាំ និងសម្របខ្លួនបានយ៉ាងល្អទៅតាមនិន្នាប្រែប្រួលសាកល និងជម្នះបានប្រកបដោយប្រសិទ្ធិភាពនូវបញ្ហាប្រឈមផងទាំងពួង។ បើតាម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម គិតត្រឹម ១១ខែ ឆ្នាំ២០២៤នេះ ទំហំពាណិជ្ជកម្មកម្ពុជាសម្រេចបានទឹកប្រាក់ចំនួន ៥០,៤៥ប៊ីលានដុល្លារអាម៉េរិក កើនឡើង ១៥,៩៥% ក្នុងនោះការនាំចេញសម្រេចបានទឹកប្រាក់ចំនួន ២៤,៣៤ប៊ីលានដុល្លារអាម៉េរិក កើនឡើង ១៤,៣៦% និងការនាំចូលសម្រេចបានទឹកប្រាក់ ២៦,១០ប៊ីលានដុល្លារអាម៉េរិក កើនឡើង ១៧,៤៨% ។ លោកជំទាវ បានបញ្ជាក់ថា ក្រសួងពាណិជ្ជកម្ម ដែលជាសេនាធិការរបស់រាជរដ្ឋាភិបាល នៅតែប្តេជ្ញាបន្តកិច្ចខិតខំប្រឹងប្រែង ក្នុងការជំរុញវិស័យពាណិជ្ជកម្មឱ្យកាន់តែរីកចម្រើនទៅមុខបន្ថែមទៀត ដូចជាតាមរយៈការបន្តពង្រឹងគុណភាពធនធានមនុស្សលើវិស័យពាណិជ្ជកម្មនិងធុរកិច្ចឌីជីថល ដោយធ្វើកំណែទម្រង់រចនាសម្ព័ន្ធរដ្ឋបាលនិងគ្រប់គ្រង និងការអភិវឌ្ឍស្ថាប័នជាដើម និងការងារសំខាន់ៗមួយចំនួនផ្សេងៗទៀត៕

រដ្ឋមន្រី្តវប្បធម៌ អញ្ជើញបើកមហោស្រពជាតិស្តីពី គំនូរឌីជីថល «សម្រស់មាតុភូមិកម្ពុជាក្នុងសម័យសន្តិភាព»

2024/12/20 10:15:28 pm        190
Facebook Telegram Linkin
ភ្នំពេញ ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងពិធីបើកមហោស្រពជាតិស្តីពី គំនូរឌីជីថល ក្រោមប្រធានបទ​«សម្រស់មាតុភូមិកម្ពុជាក្នុងសម័យសន្តិភាព»និងសម្ពោធពិព័រណ៌ស្នាដៃសិប្បកម្មដូនតា រយៈពេល៣ថ្ងៃ ចាប់ពីថ្ងៃទី២០-២១-២២ ខែធ្នូ ឆ្នាំ២០២៤ នៅសារមនី្ទរខ្លែងខ្មែរ រាជធានីភ្នំពេញ។​លោកជំទាវបណ្ឌិតសភាចារ្យ ភឿង សកុណា បានកោតសរសើរចំពោះក្រុមការងារទាំងអស់ ដែលបានកិច្ចខិតខំប្រឹងប្រែង និងសហការសម្របសម្រួល រៀបចំព្រឹត្តិការណ៍មួយនេះឱ្យលេចរូបរាង ដើម្បីបង្ហាញដល់គ្រប់មជ្ឈដ្ឋានឱ្យបានឃើញអំពីកម្លាំងរួមមួយ មកពីគ្រប់ជំនាញ គ្រប់វ័យ ក្នុងការចូលរួមពង្រឹងកិច្ចការពារ អភិរក្សនិងអភិវឌ្ឍបេតិកភណ្ឌអរូបីដ៏ថ្លៃថ្លា របស់ជាតិ និងសូមចាត់ទុកព្រឹត្តិការណ៍ទាំង៣ថ្ងៃនេះ ជាព្រឹត្តិការណ៍ដ៏មានសារៈសំខាន់សម្រាប់ការចូលរួមអភិរក្ស ផ្សព្វផ្សាយ និងលើកតម្លៃមរតកវប្បធម៌ឱ្យកាន់តែផុលផុស។ ទន្ទឹមនឹងនេះ ការចូលរួមនិងការខិតខំបញ្ចេញ សមត្ថភាពទេពកោសល្យរបស់ក្មួយៗជាយុវជន សិស្ស និស្សិតផ្នែកសិល្បៈគំនូរបែបឌីជីថល ក៏សបញ្ជាក់ឱ្យឃើញពីទម្រង់សិល្បៈថ្មី និងទាន់សម័យបច្ចេកវិទ្យា នៃសង្គមឌីជីថល និងទីផ្សារ ព្រមទាំងបង្ហាញឱ្យឃើញ ពីគំនិតច្នៃប្រឌិដ្ឋបង្កើតថ្មីក្នុងសិល្បៈគំនូរ ស្របទៅតាមអនុសញ្ញាឆ្នាំ២០០៥ របស់អង្គការយូណេស្កូ។ សិល្បៈគំនូរឌីជីថល គឺជាការតភ្ជាប់គំនិតនៃបច្ចេកវិទ្យាទំនើបឌីជីថល និងសិល្បៈវប្បធម៌ សិប្បកម្ម ប្រពៃណី។ ដើម្បីនិរន្តរភាពទៅមុខ លោកជំទាវបណ្ឌិតសភាចារ្យ រដ្ឋមន្រី្ត យល់ថាគួរពង្រីកសកម្មភាពឱ្យកាន់តែទូលំទូលាយ ផ្សព្វផ្សាយឱ្យបានកាន់តែផុលផុស និងរិះរកគំនិតថ្មីៗបន្ថែមទៀត ក្នុងន័យផ្សារភ្ជាប់បច្ចេកវិទ្យា ជាមួយនិងសិល្បៈផ្នែកសូនរូប និងសិប្បកម្ម ដូចជា ការសិក្សាចងក្រងក្បាច់ ក្បួនខ្នាត ដោយគំនូរបែបឌីជីថល ការផលិតសិល្បៈសូនរូប ឬរូបចម្លាក់ដោយបច្ចេកទេស3D ឬអ្វីផ្សេងទៀតតាមសម័យនិយម និងការសិក្សាបច្ចេកទេសថ្មីៗជាមួយអ្នកជំនាញជាតិ និងអន្តរជាតិ ដើម្បីជ្រោមជ្រែងផលិតផលសិប្បកម្មជូនតា ឱ្យកាន់តែសម្បូរបែប និងមានវត្តមានកាន់តែច្រើននៅលើទីផ្សារជាតិ និងអន្តរជាតិ។  បើតាមឯកឧត្តម ឈុំ ម៉េងហុង អគ្គនាយកបច្ចេកទេសវប្បធម៌ បានឲ្យដឹងថា ការរៀបចំមហោស្រពជាតិ និងពិព័រណ៍ស្នាដៃសិប្បកម្មដូនតា គឺជាការអនុវត្តផែនការសកម្មភាពប្រចាំឆ្នាំ របស់នាយកដ្ឋានសិល្បៈសូនរូប និងសិល្បៈសិប្បកម្ម និងនាយកដ្ឋានអភិវឌ្ឍន៍វប្បធម៌ ក្រោមការដឹកនាំ និងជួយជ្រោមជ្រែង របស់អគ្គនាយកដ្ឋានបច្ចេកទេសវប្បធម៌ និងដោយទទួលបានការអនុញ្ញាតជាគោលការណ៍ពីថ្នាក់ដឹកនាំក្រសួង។ ការរៀបចំពិព័រណ៌នៅពេលនេះ មានស្តង់សិប្បកម្មដែលអញ្ជើញមកពីសហគមន៍ផ្សេងៗចំនួន៣០ ដែលក្រុមការងារយើងបែងចែកជាបួនផ្នែកគឺ៖ ១. សាលពិព័រណ៍ថ្នាក់បណ្តុះបណ្តាលជំនាញវិជ្ជាជីវៈដូនតា ក្នុងរយៈពេល៣ថ្ងៃនេះ នឹងមានការ រៀបចំដាក់តាំងបង្ហាញស្នាដៃសិស្ស នៃថ្នាក់បណ្តុះបណ្តាលជំនាញវិជ្ជាជីវៈដូនតា ដែលមានថ្នាក់បណ្តុះបណ្តាលនៅទីតាំងចំនួន១០ ក្នុងខេត្តចំនួន៥ គឺខេត្តកណ្តាល ខេត្តតាកែវ ខេត្តកំពង់ឆ្នាំង ខេត្តកំពង់ចាម និងខេត្តសៀមរាប និងមានតាំងវត្ថុសិល្បៈសិប្បកម្មដូចជា កុលាលភាជន៍ ចម្លាក់ស្បែក តម្បាញសូត្រ ខ្លែងឯក ខ្មុកម្រ័ក្សណ៍ ចម្លាក់ស្មិត ចម្លាក់ថ្ម។២.សាលពិព័រណ៍ក្រមាខ្មែរ ក្រមាជាអត្តសញ្ញាណវប្បធម៌ខ្មែរ ដែលទើបត្រូវបានចុះក្នុងបញ្ជីបេតិកភណ្ឌ វប្បធម៌អរូបីនៃមនុស្សជាតិរបស់អង្គការយូណេស្កូ កាលពីថ្ងៃទី០៤ ខែធ្នូ ឆ្នាំ២០២៤នេះ។ ក្នុងផ្នែកនេះ មានតាំងបង្ហាញអំពីសាវតាក្រមា ប្រភេទក្រមា តាមសហគមន៍ និងឈ្មោះផ្សេងៗទៀតដូចជាកន្សែង ឆ្នួត សំពត់ដណ្តប់ និងផាហ៊ុមជាដើម។ ទន្ទឹមនេះ មានការដាក់តាំងរូបថតឯកសារពាក់ព័ន្ធនឹងការប្រើប្រាស់ក្រមា ក្នុងជីវភាពប្រចាំថ្ងៃ និងក្នុងប្រពៃណីខ្មែរពីបណ្តាសហគមន៍ផ្សេងៗ។ មួយជ្រុងទៀតនៃផ្នែកទី២នេះ មានការបង្ហាញពីសិល្បៈច្នៃប្រឌិដ្ឋ ក្នុងគំនិតថ្មី ដោយប្រើប្រាស់ក្រមាដូចជាសម្លៀកបំពាក់ច្នៃពីក្រមា កាបូបដៃ កាបូបស្ពាយ កាបូបដាក់ប៊ិច ព្រមទាំងការបង្ហាញវិធីត្បាញក្រមាដោយប្រើកីបុរាណ។៣.ស្តង់ពិព័រណ៍ស្នាដៃសិប្បកម្មជូនតា និងម្ហូបអាហារខ្មែរ ផ្នែកទី៣នេះមានការរៀបចំស្តង់ស្នាដៃ សិប្បកម្មជូនតាចំនួន៥ស្តង់ ដែលនឹងមានការតាំងបង្ហាញផលិតផលសិប្បកម្មដូចជា តម្បាញរុក្ខជាតិ តម្បាញសូត្រ-អំបោះ ចម្លាក់ប្រាក់ ចម្លាក់ថ្ម ចម្លាក់ឈើ ចម្លាក់ស្បែក តម្បាញចចូក កាច់ផ្កា វត្ថុអនុស្សាវរីយ៍ និងផលិតផលប្រើប្រាស់ផ្សេងៗទៀត ទន្ទឹមនឹងនោះក៏មានស្តង់បង្ហាញម្ហូប នំ និងភេសជ្ជៈប្រពៃណីខ្មែរ ដើម្បីផ្តល់ឱកាសជូនសាធារណជនបានភ្លក់ និងសិក្សាស្វែងយល់។៤.ការប្រឡងស្នាដៃសិល្បៈគំនូរឌីជីថល គណៈកម្មការរៀបចំការប្រឡង បានកំណត់យកប្រធានបទ “សម្រស់មាតុភូមិកម្ពុជា ក្នុងសម័យសន្តិភាព” ដើម្បីឱ្យបេក្ខជន បេក្ខនារី ដែលបានដាក់ពាក្យសុំប្រលង ចំនួន ១៤៥នាក់ (ស្រី៤៨នាក់) មកពីរាជធានី-ខេត្ត អង្គការ និងសាកលវិទ្យាល័យរដ្ឋ និងឯកជនបានបញ្ចេញទេពកោសល្យសិល្បៈគំនូរផ្នែកឌីជីថល ប្រឡងប្រជែងដែលមានរយៈពេល៣ខែ ដោយចាប់ផ្តើមផ្សព្វផ្សាយ ពីខែតុលា ដល់ដើមខែធ្នូ ឆ្នាំ២០២៤នេះ គណៈកម្មការមេប្រយោគដែលសុទ្ធតែជាអ្នកជំនាញខាងសិល្បៈគំនូរ ជាអ្នកពិនិត្យវាយតម្លៃស្នាដៃបេក្ខជន ដើម្បីសម្រេចជ្រើសរើសយកជ័យលាភី លេខ១ លេខ២ និងលេខ៣ ហើយស្នាដៃរបស់បេក្ខជន-បេក្ខនារី ដែលជាប់ចំណាត់ថ្នាក់ក៏មានការដាក់តាំងបង្ហាញជូនអង្គពិធីទស្សនា៕ អត្ថបទ រដ្ឋា

វិស័យប្រេងឥន្ធនៈបានរួមចំណែកធ្វើឱ្យកម្ពុជាស្អាត ឈានឆ្ពោះទៅអព្យាក្រឹតកាបូនឆ្លើយតបនឹងការប្រែប្រួលអាកាសធាតុ

2024/12/20 09:25:46 pm        64
Facebook Telegram Linkin
ភ្នំពេញ៖កម្ពុជាស្អាត គ្មានការបំពុល គឺជាការងារអាទិភាពរបស់ក្រសួងបរិស្ថានក្នុងការការពារសុខុមាលភាពប្រជាពលរដ្ឋ បរិស្ថាន និងសង្គម ហើយឆ្លើយតបនឹងការងារដ៏សំខាន់នេះ វិស័យប្រេងឥន្ធនៈដែលមានការទទួលខុសត្រូវខ្ពស់ បានប្តេជ្ញាចិត្តចូលរួមចំណែកលើការកាត់បន្ថយការបញ្ចេញសារធាតុបំពុលខ្យល់ ធ្វើឱ្យខ្យល់កម្ពុជាស្អាត ឈានឆ្ពោះទៅជាប្រទេសអព្យាក្រឹតកាបូននៅឆ្នាំ២០៥០។ ការបង្ហាញពីស្មារតីទទួលខុសត្រូវខ្ពស់របស់ក្រុមហ៊ុនប្រេងឥន្ធនៈនេះ បានធ្វើឡើងក្នុងកិច្ចប្រជុំស្តីពីការអនុវត្តស្តង់ដារប្រេងឥន្ធនៈប្រភេទ៥ (EURO V) នាថ្ងៃទី ២០ ខែធ្នូ ឆ្នាំ២០២៤ នៅទីស្តីការក្រសួងបរិស្ថាន។ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងកោតសរសើរចំពោះក្រុមហ៊ុនប្រេងឥន្ធនៈក្នុងការរួមចំណែកធ្វើឱ្យខ្យល់របស់កម្ពុជាស្អាត គ្មានការបំពុល និយាយជារួម សុខភាពជាកត្តាសំខាន់ណាស់សម្រាប់អាយុជីវិតប្រជាពលរដ្ឋគ្រប់រូប បើគ្មានសុខភាពគឺគ្មានជីវិត ហើយបើគ្មានជីវិតក៏គ្មានបរិស្ថានដែរ ហេតុនេះហើយ បានជារាជរដ្ឋាភិបាលកម្ពុជាកំណត់យកអាទិភាពទៅលើ មនុស្ស ទឹក ផ្លូវ ភ្លើង និងបច្ចេកវិទ្យា ដើម្បីធានាឱ្យបាននូវគោលដៅយុទ្ធសាស្រ្តចំនួន៥ ដែលរួមមាន ទី១ ធានាឱ្យបានកំណើនសេដ្ឋកិច្ច ក្នុងអត្រាមធ្យមប្រចាំឆ្នាំក្នុងរង្វង់ ៧% ប្រកបដោយភាពធន់នឹងវិបត្តិនានា។ ទី២ បង្កើតការងារឱ្យបានកាន់តែច្រើនទាំងបរិមាណ និងគុណភាពជូនដល់ប្រជាជនកម្ពុជា ជាពិសេសយុវជន។ ទី៣ សម្រេចឱ្យបាននូវគោលដៅកាត់បន្ថយភាពក្រីក្រក្នុងអត្រាទាបជាង១០% និងបន្តខិតខំទាញទម្លាក់អត្រានៃភាពក្រីក្រ ឱ្យស្ថិតនៅក្នុងកម្រិតជាអប្បបរមា។ ទី៤ បន្តពង្រឹងសមត្ថភាពអភិបាលកិច្ច និងលើកកម្ពស់គុណភាពស្ថាប័ន ទាំងថ្នាក់ជាតិនិងថ្នាក់ក្រោមជាតិដើម្បីធានាឱ្យបាននូវប្រសិទ្ធភាពនៃសេវាសាធារណៈ ក៏ដូចជាបន្ដពង្រឹងអភិបាលកិច្ចវិស័យឯកជន និង បន្តកិច្ចប្រឹងប្រែងលើកកម្ពស់បរិយាកាសអំណោយផលសម្រាប់ធុរកិច្ច ការវិនិយោគនិងពាណិជ្ជកម្ម និង ទី៥ ត្រូវធានាឱ្យបាននូវចីរភាព នៃការអភិវឌ្ឍសង្គម សេដ្ឋកិច្ច និងកសាងភាពធន់ទៅនឹងការប្រែប្រួលអាកាសធាតុ៕

បញ្ជរសេវាសាធារណៈចំនួន ១០០គ្រឿង គ្រោងដាក់ឲ្យសាធារណជនប្រើប្រាស់នៅដើមឆ្នាំ២០២៥

2024/12/20 09:18:36 pm        76
Facebook Telegram Linkin
ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ នៅដើមឆ្នាំ២០២៥ខាងមុខនេះ នឹងដាក់ឱ្យដំណើរការប្រើប្រាស់បញ្ជរសេវាសាធារណៈចល័តចំនួន ១០០គ្រឿង សម្រាប់សាធារណជនប្រើប្រាស់ជាជំហានទី១ នៅតាមទីតាំងសាធារណៈនានា បន្ទាប់មកទៀត ក៏នឹងដាក់ជាបន្តបន្ទាប់ទៀតសរុបប្រមាណ ១,០០០គ្រឿង ដើម្បីបំពេញតម្រូវការអ្នកប្រើប្រាស់។លោកជំទាវរដ្ឋលេខាធិការប្រចាំការ សុវណ្ណ វណ្ណារតន៍ ក្នុងកិច្ចប្រជុំស្តីពី ការដាក់ឱ្យដំណើរការបញ្ជរសេវាសាធារណៈចល័តរបស់ក្រសួងការងារ និងបណ្ដុះបណ្តាលវិជ្ជាជីវៈ នៅរសៀលថ្ងៃទី២០ ខែធ្នូ ឆ្នាំ២០២៤នេះ បានឲ្យដឹងថា បញ្ជរសេវាសាធារណៈនេះ ជាស្នាដៃរបស់សិស្ស-និស្សិតរបស់វិទ្យាស្ថានអប់រំបណ្តុះបណ្តាលវិជ្ជាជីវៈ និងបច្ចេកទេស (TVET) ដែលបង្កើតឡើង ដើម្បីផ្តល់ភាពងាយស្រួលដល់សិស្ស និស្សិត បុគ្គលិកក្រុមហ៊ុន កម្មករនិយោជិត និយោជក រោងចក្រ សហគ្រាស និងសាធារណជន ក្នុងការទទួលយកសេវាសាធារណៈនានារបស់ក្រសួងនៅតាមទីតាំងសាធារណៈ ដែលនៅជិតគេហដ្ឋានរបស់ខ្លួន។ លោកជំទាវ បានលើកឡើងបន្តថា បញ្ជរសេវាសាធារណៈមួយនេះ មានមុខងារសំខាន់ៗចំនួន៨ ដូចជា៖ សេវាចុះឈ្មោះស្វែងរកការងារ (Job Seeker) , សេវាចុះឈ្មោះស្វែងរកបុគ្គលិក (Job Provider) , សេវាចុះឈ្មោះសិក្សាជំនាញវិជ្ជាជីវៈ (Skill & TVET Enrollment) , សេវាចុះឈ្មោះស្វែងរកការងារក្រៅប្រទេស (Overseas Job Seeker) , សេវាចុះឈ្មោះសមាជិក ប.ស.ស. (Social Security Registration) , សេវាតាមដានសេវាសាធារណៈក្រសួងការងារ (MLVT Public Service Tracking) , ប្រអប់បណ្តឹងអនាមិក (Anonymous Complaint Box) និងប្រអប់សំណូមពរ (Opinion Box) ។សូមបញ្ជាក់ថា កិច្ចប្រជុំស្តីពី ការដាក់ឱ្យដំណើរការបញ្ជរសេវាសាធារណៈចល័តរបស់ក្រសួងការងារ និងបណ្ដុះបណ្តាលវិជ្ជាជីវៈ មានគោលបំណងដើម្បីផ្សព្វផ្សាយអំពីបញ្ជរសេវាសាធារណៈចល័តរបស់ក្រសួងទៅកាន់វិស័យឯកជន ដើម្បីបង្ខិតសេវាទៅកាន់សាធារណជនទូទៅ , បង្កើនកិច្ចសហប្រតិបត្តិការជាមួយវិស័យឯកជន ដើម្បីបង្កើនភាពងាយស្រួលសម្រាប់សាធារណជនក្នុងការទទួលបាននូវឱកាសការងារយ៉ាងសម្បូរបែប និងស្នើសុំទីតាំងសម្រាប់ដាក់ដំណើរការបញ្ជរសេវាសាធារណៈចល័តរបស់ក្រសួង នៅតាមសាកលវិទ្យាល័យ, គ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ, សាលាខណ្ឌ, សាខា ប.ស.ស., ផ្សារទំនើប, និងទីតាំងអាជីវកម្មនានា៕

រដ្ឋមន្រី្តសុខាភិបាល លើកទឹកចិត្តដល់មន្រ្តីរាជការ «សូមយកឈ្នះលើទឹកចិត្តខ្លួនឯង និងស្គាល់ផ្លូវដែលត្រូវដើរ»

2024/12/20 08:27:52 pm        113
Facebook Telegram Linkin
ភ្នំពេញ ៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំបានអញ្ជើញចុះពិនិត្យវឌ្ឍនភាព និងសំណេះសំណាលជាមួយថ្នាក់ដឹកនាំ មន្រ្តីរាជការ បុគ្គលិកសុខាភិបាល នៃមជ្ឈមណ្ឌលជាតិកំចាត់រោគរបេង និងហង់សិន, នាព្រឹកថ្ងៃទី២០ ខែធ្នូ ឆ្នាំ២០២៤នេះ។ក្នុងឱកាសចុះពិនិត្យនេះ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់ថ្នាក់ដឹកនាំ មន្រ្តីរាជការនៃមជ្ឈមណ្ឌល ត្រូវបង្កើនការផ្សព្វផ្សាយពីការយល់ដឹងជំងឺរបេង ហើយដោយត្រូវពង្រឹងអង្គភាព ឱ្យក្លាយជាមជ្ឈមណ្ឌលឯកទេសសួតនាពេលអនាគត។ ឯកឧត្តមសាស្រ្តាចារ្យរដ្ឋមន្រ្តី បានថ្លែងអំណរគុណដល់មន្រ្តីរាជការ ដែលចូលរួមយ៉ាងសស្រាក់សស្រាំង ក្នុងអំឡុងនៃការរីករាលដាលជំងឺកូវីដ-១៩ នៅកម្ពុជា និងបានលើកទឹកចិត្តដល់មន្រ្តីរាជការនៃមជ្ឈមណ្ឌល ត្រូវយល់ថាការប្រយុទ្ធ នឹងជំងឺរបេង ជាការងារអាទិភាពរបស់រាជរដ្ឋាភិបាល។ ក្នុងនោះដែរ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់មន្រ្តីរាជការនៃមជ្ឈមណ្ឌល ត្រូវបង្កើនសមត្ថភាពបន្ថែមទៀត តាមរយៈការបណ្តុះបណ្តាលបន្ត ជាពិសេសជំនាញបច្ចេកទេស ដើម្បីឆ្លើយតបទៅនឹងការរីកចម្រើននៃសកលលោក។នាឱកាសជួបសំណេះសំណាលនោះ ឯកឧត្តមសាស្រ្តាចារ្យ ឈាង រ៉ា បានរំលឹកដល់ថ្នាក់ដឹកនាំ និងគ្រប់មន្ត្រី ចូលរួមថែរក្សាអនាម័យឱ្យបានល្អ សម្ភារៈបរិក្ខារវេជ្ជសាស្រ្តត្រូវចូលរួមថែរក្សាប្រើប្រាស់ឱ្យបានយូអង្វែង និងហេដ្ឋារចនាសម្ព័ន្ធអគារមានស្ថានភាពចាស់ តែត្រូវកែលម្អលាបថ្នាំ ជួសជុលក្នុងការប្រើប្រាស់ឱ្យបានកាន់តែល្អប្រសើរ។ ក្នុងនោះចំពោះឱសថសារវន្ត ត្រូវថែរក្សាទុកដាក់តាមបច្ចេកទេសឱ្យបានត្រឹមត្រូវ និងជាពិសេសឱសថជំងឺរបេង ធានាការប្រើប្រាស់ឱ្យបានគ្រប់គ្រាន់។ បន្ថែមពីនោះ ត្រូវយកចិត្តទុកដាក់លើការប្រើប្រាស់ថាមពលអគ្គិសនី និងទឹកស្អាត ត្រូវឈរលើគោលការណ៍សន្សំសំចៃ និងត្រូវតាមដានសិក្សាស្វែងយល់ជាប្រចាំ ករណីមានការកើនឡើង។ ឯកឧត្តមរដ្ឋមន្រ្តី បានណែនាំអោយពិនិត្យ និងរំលឹកពីការដឹកនាំជំនាន់មុន ដែលមានស្នាដៃល្អ ដោយត្រូវយកធ្វើជាគំរូ ធ្វើឱ្យបានល្អ ឬកាន់តែល្អជាងមុន។ជាចុងក្រោយ ឯកឧត្តមសាស្រ្តាចារ្យ ឈាង រ៉ា បានផ្តាំផ្ញើរដល់មន្រ្តីរាជការ និងបុគ្គលិកសុខាភិបាលមជ្ឈមណ្ឌលជាតិទាំងអស់ ត្រូវចេះជួយគ្នា សហការគ្នា សាមគ្គីភាពគ្នា និងត្រូវខិតខំប្រឹងព្យាយាមបន្ថែមទៀត ក្នុងការអភិវឌ្ឍវិស័យសុខាភិបាលឱ្យកាន់តែល្អប្រសើរថែមទៀត ដើម្បីឈានទៅសម្រេចបាននូវការគ្របដណ្តប់សុខភាពជាសកល ពោលគឺគ្មាននរណាម្នាក់ត្រូវបានទុកចោលដោយមិនបានទទួលសេវាថែទាំសុខភាព។ សូមជូនពរក្នុងឱកាសចូលឆ្នាំថ្មី ឆ្នាំសកលខាងមុខនេះ សូមមានសុខភាពល្អ សុភមង្គលក្នុងគ្រួសារ ទទួលបានជោគជ័យគ្រប់ភារកិច្ចការងា៕ អត្ថបទ រដ្ឋា

បណ្ដាញសង្គម

ព័ត៌មានថ្មីៗ

ឧបនាយករដ្ឋមន្រ្តី កើត រិទ្ធ៖យប់នេះក្រសួងយុត្តិធម៌មានភាពចាំបាច់ផ្អាកជាបណ្តោះអាសន្នមុខងាររបស់ព្រះរាជអាជ្ញារងឈ្មោះ គ្រី សីហា ដែលដោះលែងដោយរំលោភអំណាចនូវជនល្មើស
07/16/2025 10:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី ៖ កិច្ចប្រជុំក្រុមអ្នកនយោបាយអន្តរសភាអាស៊ានលើកទី១៦បានផ្លាស់ប្តូរនូវទស្សនៈយ៉ាងសកម្មក្នុងការជំរុញការទូតសភា កិច្ចសហប្រតិបត្តិការ និងភាពជាដៃគូដើម្បីប្រជាពលរដ្ឋ
07/16/2025 10:07 PM
Facebook Telegram Linkin
កុមារជួបកង្វះអាហារូបត្ថម្ភទទួលការព្យាបាលនៅមន្ទីរពេទ្យ Nasser ស្ថិតក្នុងតំបន់ហ្កាហ្សា
07/16/2025 08:07 PM
Facebook Telegram Linkin
តើហេតុអ្វីបានជាអឺរ៉ុបប្រឈមនឹងរលកកម្តៅបំបែកកំណត់ត្រា?
07/16/2025 08:07 PM
Facebook Telegram Linkin
កងកម្លាំងសន្តិសុខស៊ីរី ត្រូវបានដាក់ពង្រាយទៅកាន់ទីក្រុង Sweida របស់ជនជាតិភាគតិច Druze
07/16/2025 08:07 PM
Facebook Telegram Linkin
សភាអ៊ុយក្រែនគាំទ្រការបង្កើនជិត ១០ពាន់លានដុល្លារដល់ការចំណាយលើវិស័យការពារជាតិ ខណៈសង្រ្គាមបន្តមាន
07/16/2025 08:07 PM
Facebook Telegram Linkin
អ៊ីតាលីអាចនឹងដោះលែងអ្នកទោស ១០.០០០នាក់ ដើម្បីសម្រាលភាពចង្អៀត ក្នុងពន្ធនាគារ
07/16/2025 08:07 PM
Facebook Telegram Linkin
អង់គ្លេសដកចេញការរឹតត្បិតលើក្រុមហ៊ុនអាកាសចរណ៍ប៉ាគីស្ថាន ក្រោយបំរាមរយៈពេល ៥ឆ្នាំ
07/16/2025 08:07 PM
Facebook Telegram Linkin
លោក Prabowo ថាលោក Trump ជាអ្នកចរចាតឹងតែង ខណៈកិច្ចប្រជុំពាណិជ្ជកម្មឥណ្ឌូនេស៊ី-អាមេរិកនៅបន្ត
07/16/2025 08:07 PM
Facebook Telegram Linkin
ការបំផ្ទុះសម្លាប់ទាហានកេនយ៉ា ៣នាក់ នៅតាមផ្លូវ ក្បែរព្រំដែនសូម៉ាលី
07/16/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.