BTV NEWS

វិស័យរដ្ឋគ្រោងដាក់ឱ្យអនុវត្តសាកល្បងកម្មវិធី «គន្លងអប់រំថ្មី» ដើម្បីពង្រឹងគុណភាពអប់រំបច្ចេកទេសនិងវិជ្ជាជីវៈ

រដ្ឋាភិបាលកម្ពុជា និងសិង្ហបុរី ចុះអនុស្សរណៈនៃកិច្ចសហប្រតិបត្តិការស្តីពីសន្តិសុខស្បៀង

អភិបាលខេត្តកំពង់ស្ពឺ ៖ គោលនយោបាយ “ភូមិ ឃុំ សង្កាត់ មានសុវត្ថិភាព” ផ្តោតលើការទប់ស្កាត់បទល្មើស ការពង្រឹងសេវាសាធារណៈ និងការកែលម្អសណ្តាប់ធ្នាប់សង្គម

ADBព្យាករថា សេដ្ឋកិច្ចកម្ពុជានឹងកើនឡើង៤,៥% ក្នុងឆ្នាំ២០២៦ នាំមុខដោយវិស័យកម្មន្តសាល

ព័ត៌មានជាតិ

ក្រសួងមហាផ្ទៃ ផ្ទៀងផ្ទាត់ទិន្នន័យអតីតមន្ត្រីរាជការ ដែលត្រូវបានបណ្តេញចេញពីក្របខ័ណ្ឌ

ទីស្តីការក្រសួងមហាផ្ទៃ នារសៀលថ្ងៃអង្គារ ទី១៤ ខែតុលា ឆ្នាំ២០២៥ ឯកឧត្តម ឧត្តមសេនីយ៍ឯក ណុប វី អគ្គនាយករងអន្តោប្រវេសន៍ តំណាង ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានអញ្ជើញចូលរួម កិច្ចប្រជុំអនុគណៈកម្មការច្បាប់ និងអនុគណៈកម្មការបច្ចេកទេស នៃគណៈកម្មការអន្តរក្រសួង។កិច្ចប្រជុំនេះ ដើម្បីសិក្សា និងអភិវឌ្ឍប្រព័ន្ធគ្រប់គ្រងការផ្ទៀងផ្ទាត់ទិន្នន័យអតីតមន្ត្រីរាជការស៊ីវិល មន្ត្រីពន្ធនាគារ មន្ត្រីនគរបាលជាតិ និងកងយោធពលខេមរភូមិន្ទ ដែលត្រូវបានបណ្តេញចេញពីក្របខ័ណ្ឌ មានចែងក្នុងសេចក្តីសម្រេចលេខ ៧៤ សសរ ចុះថ្ងៃទី១១ ខែមេសា ឆ្នាំ២០២៤ របស់រាជរដ្ឋាភិបាល។កិច្ចប្រជុំ ក៏ដើម្បីពិនិត្យពិភាក្សាលើសេចក្តីព្រាងអនុក្រឹត្យ ស្តីពីការគ្រប់គ្រងប្រព័ន្ធទិន្នន័យអតីតមន្រ្តីរាជការស៊ីវិល មន្រ្តីពន្ធនាគារ មន្រ្តីនគរបាលជាតិ និងយោធិន នៃកងយោធពលខេមរភូមិន្ទ ដែលត្រូវបានបណ្តេញចេញពីក្របខណ្ឌ។កិច្ចប្រជុំ ប្រព្រឹត្ត ក្រោមអធិបតីភាព ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ និងជាប្រធានអនុគណៈកម្មការច្បាប់៕

បុគ្គលល្បីៗនៅថៃ៖ ទង្វើរបស់ក្រុមជ្រុលនិយមថៃលើកម្ពុជា បានធ្វើឱ្យខូចមុខមាត់ថៃលើឆាកអន្តរជាតិ

កាសែត Khaosod English ចេញផ្សាយនៅថ្ងៃទី១៤ ខែតុលា ឆ្នាំ២០២៥ បានបង្ហាញពីការលើកឡើងរបស់លោក Kannavee Suebsaeng ប្រធានគណបក្សយុត្តិធម៌ នៅក្នុងប្រទេសថៃ និងលោក Natthapong Ruangpanywauth ប្រធានគណបក្សប្រជាជន នៅក្នុងប្រទេសថៃ ដែលលោកទាំងពីរបានលើកពីករណីប្រើប្រាស់សំឡេងរំខាន ដែលជាទម្រង់នៃការបំភិតបំភ័យ និងយាយីផ្លូវចិត្តប្រជាជនកម្ពុជា នៅតាមបណ្ដោយព្រំដែនកម្ពុជា-ថៃ។លោកទាំងពីរបានចាត់ទុកទង្វើនេះថា ជាការរំលោភសិទ្ធិមនុស្ស និងច្បាប់អន្តរជាតិយ៉ាងធ្ងន់ធ្ងរ។ នេះបើតាមសេចក្ដីជូនដំណឹងរបស់គណៈកម្មាធិការសិទ្ធិមនុស្សកម្ពុជា ដែលបានផ្សព្វផ្សាយនៅយប់ថ្ងៃទី១៤ ខែតុលា ឆ្នាំ២០២៥។ប្រភពដដែលបញ្ជាក់បន្ថែមថា នេះគឺជាបុគ្គលជនជាតិថៃទី៤ និងទី៥ ហើយ, បន្ទាប់ពីលោកជំទាវ Angkhana Neelapaijit សមាជិកព្រឹទ្ធសភាថៃ និងឧត្តមមន្ត្រីនៃការិយាល័យមហាអយ្យការលោក Sunai Phasuk ទីប្រឹក្សាអង្គការឃ្លាំមើលសិទ្ធិមនុស្សប្រចាំប្រទេសថៃ ដោយបានទទួលស្គាល់ថា ទង្វើរបស់ក្រុមជ្រុលនិយម លើពលរដ្ឋកម្ពុជានៅតាមតំបន់ព្រំដែន គឺជាការរំលោភសិទ្ធិមនុស្សយ៉ាងធ្ងន់ធ្ងរ ក្រោមអនុសញ្ញាប្រឆាំងទារុណកម្ម និងការប្រព្រឹត្តមកលើខ្លួន ឬទណ្ឌកម្មឯទៀតដែលឃោរឃៅ អមនុ ស្សធម៌ ឬបន្ថោកបន្ទាប ហៅកាត់ថា CAT។តាមរយៈការដកស្រង់របស់កាសែត Khaosod បានឱ្យដឹងថា លោក Kavannavee Suebsaeng បានលើកឡើងថា៖ ការប្រើប្រាស់ធុងបាស់បន្លឺសំឡេងខ្មោច គឺជាការរំលោភសិទ្ធិមនុស្ស និងជាការជាន់ឈ្លីកិត្តិយសមនុស្ស។ លោកក៏បានអំពាវនាវដល់ក្រុមជ្រុលនិយមថៃទាំងនោះ គួរងាកមកគោរពតាមកិច្ចព្រមព្រៀងបទឈប់បាញ់ និងប្រើប្រាស់វេទិកាអន្តរជាតិប្រកបដោយដោប្រសិទ្ធភាព។ លោកបានបញ្ជាក់ថា ប្រសិនបើគ្មានរឿងនេះកើតឡើង គឺជាការល្អ។ អ្នកលេងបណ្តាញសង្គម និងយោធា ព្រមទាំងរាជរដ្ឋាភិបាលថៃ មិនត្រូវគាំទ្រសកម្មភាពរបៀបនេះឡើយ។ប្រភពដដែលក៏បានដកស្រង់ពីការលើកឡើងរបស់លោក Natthapong Ruangpanywauth ដែលបានព្រមានថា៖ សកម្មភាពប្រើប្រាស់ធុងបាស់ចាក់សំឡេងខ្មោច និងយន្តហោះចម្បាំង ទោះបីជាក្នុងគោលបំណងអ្វីក៏ដោយ គឺប៉ះពាល់ដល់ផ្លូវចិត្តរបស់ប្រជាជនកម្ពុជា រំលោភច្បាប់អន្ដរជាតិ និងធ្វើឱ្យខូចមុខមាត់ប្រទេសថៃលើឆាកអន្ដរជាតិ។ លោកបញ្ជាក់បន្ថែមថា តំបន់នោះស្ថិតក្រោមច្បាប់អាជ្ញាសឹក រាជរដ្ឋាភិបាលថៃ និងយោធាថៃត្រូវទទួលខុសត្រូវក្នុងការទប់ស្កាត់សកម្មភាពដែលអាចបង្កើនភាពតានតឹង៕ដោយ៖ គង់ ឌិន

វិទ្យាស្ថានអភិវឌ្ឍន៍មុខជំនាញកម្ពុជា ផ្តល់អាហារូបករណ៍ ៦៩០កន្លែង លើ ៧មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

វិទ្យាស្ថានអភិវឌ្ឍន៍មុខជំនាញកម្ពុជា នៃក្រសួងការងារ និងបណ្តុះបណ្តាលវិជ្ជាជីវៈ ផ្តល់អាហារូបករណ៍ចំនួន ៦៩០កន្លែង លើ ៧មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។ មុខជំនាញទាំង៧ នោះ រួមមាន វារីវប្បកម្ម, ការច្នៃបន្លែ ផ្លែឈើ, ការចិញ្ចឹមសត្វ, សេវាកម្មកុំព្យូទ័រ, ការដំឡើងបណ្តាញអគ្គិសនីក្នុងអគារ, សេវាកម្មបរិក្ខារត្រជាក់ក្នុងគេហដ្ឋាន, និងការថែទាំ និងជួសជុលយានយន្ត។ ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០១២ ៧៣១ ១៩៩/ ០១៦ ៥៥៥ ៣៥០/ ០៩៧ ៨១៦ ៨១៦៦ ឬ អញ្ជើញមកវិទ្យាស្ថានអភិវឌ្ឍន៍មុខជំនាញកម្ពុជា ដោយផ្ទាល់ដែលមានអាសយដ្ឋាននៅតាមបណ្ដោយមហាវិថីឈ្នះ ឈ្នះ ភូមិព្រៃពពេល សង្កាត់សំរោងក្រោម ខណ្ឌពោធិ៍ជ័យ រាជធានីភ្នំពេញ៕

អន្តរភាគី ពិភាក្សា គម្រោងរៀបចំបង្កើត គ្លីនិកចល័ត និងការផ្តល់ជំនួយអាហារូបត្ថម្ភដល់កុមារ

នៅក្រុមប្រឹក្សាអភិវឌ្ឍន៍កម្ពុជា នារសៀលថ្ងៃអង្គារ ទី១៤ ខែតុលា ឆ្នាំ២០២៥ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យ គណៈប្រតិភូក្រុមហ៊ុន Sino Group និងក្រុមហ៊ុន YHS (Cambodia) Food & Beverage Pte Ltd (Yeo's) ដឹកនាំដោយ លោក Na Wu Beng ប្រធានក្រុមប្រឹក្សាភិបាល នៃក្រុមហ៊ុន Yeo's ចូលជួបសម្តែងការគួរសម និងពិភាក្សាការងារ ដោយមានការចូលរួមផងដែរពីសំណាក់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ព្រមទាំង ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល។ជំនួបនារសៀលនេះ ត្រូវបានរៀបចំឡើងក្នុងគោលបំណងដើម្បីគោរពជម្រាបអំពីបច្ចុប្បន្នភាពការងាររបស់ក្រុមហ៊ុនផលិតភេសជ្ជៈ Yeo's នៅកម្ពុជា ដែលកំពុងមានដំណើរការរលូនក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ក៏ដូចជាការចែកចាយលក់នៅក្នុងទីផ្សារ និងជាពិសេស គឺដើម្បីពិភាក្សាលើគម្រោងសិក្សាលទ្ធភាពក្នុងការរៀបចំបង្កើតគ្លីនិកចល័ត (Mobile Clinic) និងការផ្តល់ជំនួយអាហារូបត្ថម្ភដល់កុមារជាសិស្សានុសិស្សនៅតាមបណ្តាខេត្តនានា ដើម្បីចូលរួមក្នុងសកម្មភាពទំនួលខុសត្រូវសង្គម (Corporate Social Responsibility - CSR) លើវិស័យសុខាភិបាល ក៏ដូចជាវិស័យអប់រំនៅកម្ពុជា ដែលជាការឆ្លើយតបទៅនឹងសំណើរបស់ ឯកឧត្តមឧបនាយករដ្ឋមន្ត្រី ដែលបានលើកឡើងក្នុងជំនួបជាមួយ លោក Robert Ng ប្រធានក្រុមប្រឹក្សាភិបាលនៃក្រុមហ៊ុន Sino Group កាលពីថ្ងៃទី១១ ខែកញ្ញា កន្លងទៅ នៅទីក្រុងហុងកុង។ជាការឆ្លើយតប ឯកឧត្តមឧបនាយករដ្ឋមន្ត្រី បានសម្តែងនូវក្តីសោមនស្សរីករាយចំពោះការសម្រេចចិត្ត និងចំណាត់ការយ៉ាងឆាប់រហ័សរបស់ លោក Robert Ng លើសំណើរបស់ឯកឧត្តម ក្នុងការពិនិត្យលទ្ធភាពលើការរៀបចំបង្កើតគ្លីនិកចល័ត (Mobile Clinic) ដើម្បីផ្តល់សេវាសុខាភិបាលប្រកបដោយនវានុវត្តន៍ និងបច្ចេកវិទ្យាវេជ្ជសាស្រ្តជាន់ខ្ពស់ ជូនដល់បងប្អូនប្រជាពលរដ្ឋនៅតំបន់ដាច់ស្រយាល និងតំបន់ងាយរងគ្រោះ ក៏ដូចជា គម្រោងក្នុងការផ្តល់ជំនួយអាហារូបត្ថម្ភដល់កុមារជាសិស្សានុសិស្ស ដើម្បីចូលរួមបំបាត់បញ្ហាកង្វះអាហារូបត្ថម្ភ និងជំរុញការរីកលូតលាស់ឱ្យបានសមស្រប។ ឯកឧត្តមឧបនាយករដ្ឋមន្ត្រី បានជម្រាបទៅកាន់គណៈប្រតិភូក្រុមហ៊ុនដែរថា ភាគីរាជរដ្ឋាភិបាលកម្ពុជា រីករាយ និងត្រៀមលក្ខណៈរួចជាស្រេចក្នុងការផ្តល់កិច្ចសហការសម្របសម្រួល លើការសិក្សាសមិទ្ធិលទ្ធភាពគម្រោងដូចដែលបានរៀបរាប់ខាងលើ ដើម្បីគម្រោងអាចបោះជំហានទៅមុខក្នុងដំណាក់កាលបន្តបន្ទាប់ រហូតដល់សម្រេចបានជោគជ័យលេចចេញជារូបរាង។ ឯកឧត្តមបានបន្ថែមថា ការទទួលបានការថែទាំសុខភាពប្រសើរ ការទទួលបានអាហារូបត្ថម្ភគ្រប់គ្រាន់តាមវ័យ និងការទទួលបានការអប់រំ គឺជាកត្តាជំរុញឱ្យមូលធនមនុស្សនៅកម្ពុជាកាន់តែមានការរីកចម្រើន ដើម្បីរួមចំណែកក្នុងការអភិវឌ្ឍប្រទេសជាតិនៅថ្ងៃអនាគត។ជាមួយគ្នានេះ ឯកឧត្តមបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ព្រមទាំង ឯកឧត្តមសាស្រ្តាចារ្យរដ្ឋមន្ត្រីក្រសួងសុខាភិបាល បានសម្តែងនូវការគាំទ្រយ៉ាងពេញទំហឹងចំពោះគម្រោង រៀបចំបង្កើតគ្លីនិកចល័ត និងការផ្តល់ជំនួយអាហារូបត្ថម្ភដល់កុមារ ព្រមទាំងបានបង្ហាញនូវសុឆន្ទៈយ៉ាងមុតមាំក្នុងការចូលរួមសហការផ្តល់កិច្ចសម្របសម្រួល ដើម្បីជំរុញគម្រោងនេះឱ្យប្រព្រឹត្តទៅបានដោយរលូន ដើម្បីបានជាប្រយោជន៍ដល់បងប្អូនប្រជាពលរដ្ឋ និងសិស្សានុសិស្សដែលមានតម្រូវការជាចាំបាច់៕

តុលាការរាជធានីភ្នំពេញបានបង្គាប់ឱ្យឃុំខ្លួនជនជាតិវៀតណាមចំនួន២នាក់ពីបទបើកល្បែងអនឡាញខុសច្បាប់ និង អំពើក្លែងឯកសារ និងប្រើប្រាស់លិខិតក្លែងក្លាយ

ភ្នំពេញ៖ លោក ញឹម ពិសាល ចៅក្រមស៊ើបសួរ សាលាដំបូងរាជធានីភ្នំពេញ នៅថ្ងៃទី១៤ ខែតុលា ឆ្នាំ២០២៥នេះ បានចេញដីកាចំនួន២ផ្សេងគ្នាដោយបានបង្គាប់ឱ្យឃុំខ្លួនបុរសជនជាតិវៀតណាមចំនួន២នាក់នៅមណ្ឌលអប់រំកែប្រែទី១ “ម១” ។ជនត្រូវចោទទាំងពីរនាក់នោះទី១ ឈ្មោះ PHAN HUU KHANH ភេទប្រុស អាយុ ២៨ឆ្នាំ មុខរបរ បុគ្គលិកធ្វើការអនឡាញ និងទី២ ឈ្មោះ PHAN THANH DAT ភេទប្រុស អាយុ ២៦ឆ្នាំ មុខរបរ បុគ្គលិកធ្វើការអនឡាញ ។ជនត្រូវចោទទាំងពីរនាក់នេះ ត្រូវបានដាក់ឱ្យស្ថិតនៅក្រោមការពិនិត្យពីបទ ឆបោក, បើកល្បែងអនឡាញខុសច្បាប់ (កាស៊ីណូអនឡាញ) និង អំពើក្លែងឯកសារ និងប្រើប្រាស់លិខិតក្លែង ប្រព្រឹត្តនៅចំណុចផ្ទះលេខ៧២ ផ្លូវសាន់វាយ ភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ កាលពីថ្ងៃទី០៩ ខែតុលា ឆ្នាំ២០២៥ បទល្មើសព្រហ្មទណ្ឌដែលមានចែងឱ្យផ្តន្ទាទោសតាម បញ្ញត្តិមាត្រា ៣៧៧ និងមាត្រា ៣៧៨ និងមាត្រា ៦២៨ នៃក្រមព្រហ្មទណ្ឌ និងមាត្រា ៥ នៃច្បាប់ស្តីពីការបង្ក្រាបល្បែងស៊ីសង។សូមរម្លឹកថា ក្នុងក្របខណ្ឌនៃយុទ្ធនាការបង្ក្រាបអំពើ ឆបោក តាមប្រព័ន្ធបច្ចេកវិទ្យាចាប់ពីថ្ងៃទី២៧ ខែមិថុនា ឆ្នាំ២០២៥ ដល់ថ្ងៃទី១៤ ខែតុលា ឆ្នាំ២០២៥នេះ សមត្ថកិច្ចបានចាត់វិធានការបញ្ជូនមុខសញ្ញា សង្ស័យជាមេខ្លោង និងបក្ខពួករបស់គេចំនួន៧១នាក់ ទៅតុលាការដើម្បីចាត់វិធានការតាម នីតិវិធីច្បាប់ជាធរមាន ខណៈដែលជនបរទេសពាក់ព័ន្ធនឹងការឆបោកអនឡាញសរុបប្រមាណ២៥០០នាក់ត្រូវបាននិរទេស ចេញពីកម្ពុជា។ជនបរទេសដែលសមត្ថកិច្ចឃាត់ខ្លួន ក្នុងក្របខណ្ឌនៃយុទ្ធនាការបង្ក្រាបអំពើ ឆបោកអនឡាញនាពេលកន្លងមកមាន ជនជាតិចិន កូរ៉េខាងត្បូង ជប៉ុន វៀតណាម ភូមាជាដើម។រាជរដ្ឋាភិបាលកម្ពុជា កាលពីថ្ងៃទី១៤ ខែកក្កដា ឆ្នាំ២០២៥ បានដាក់ចេញ យុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យានៅទូទាំងប្រទេស ដោយមានការចូលរួមអនុវត្តសកម្មភាពពីក្រសួង ស្ថាប័ន អាជ្ញាធរថ្នាក់ក្រោមជាតិ និងសមត្ថកិច្ចពាក់ព័ន្ធ ដើម្បីបង្ការ ទប់ស្កាត់ និងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាឱ្យមានប្រសិទ្ធភាពខ្ពស់ សំដៅចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ ក្នុងក្របខណ្ឌយុទ្ធនាការបោសសម្អាតការឆបោក តាមប្រព័ន្ធបច្ចេកវិទ្យានេះ សមត្ថកិច្ចចម្រុះនឹងចាត់វិធានការ តាមផ្លូវច្បាប់យ៉ាងតឹងរឹងបំផុតចំពោះ មេខ្លោងទាំងឡាយដែលជាប់ពាក់ព័ន្ធ នឹងអំពើឆបោកតាមប្រព័ន្ធបច្ចេកវិទ្យានេះ៕

អគ្គិសនីកម្ពុជា នឹងជួសជុល រុះរើគន្លងខ្សែបណ្តាញ តាមសង្កាត់/ខណ្ឌមួយចំនួន ពីថ្ងៃទី១៦-១៩ តុលា

អគ្គិសនីកម្ពុជា នៅថ្ងៃទី១៤ ខែតុលា ឆ្នាំ២០២៥ នេះ បានចេញ សេចក្ដីជូនដំណឹង ជូន សម្តេច ទ្រង់ ឯកឧត្តម លោកជំទាវ អ្នក ឧកញ៉ា លោក លោកស្រី ដែលជាអតិថិជនរបស់អគ្គិសនីកម្ពុជា មេត្តាជ្រាបថាៈ អគ្គិសនីកម្ពុជា នឹងអនុវត្តការងារជួសជុល ផ្លាស់ប្តូរដំឡើងបរិក្ខា និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ នៅតាមតំបន់ក្នុងសង្កាត់/ខណ្ឌមួយចំនួន ចាប់ពីថ្ងៃទី១៦ ដល់ទី១៩ តុលា ឆ្នាំ២០២៥ នេះ។ព័ត៌មានពិស្ដារ៖

ទាហានខ្មែរទាំង១៨នាក់ដែលថៃចាប់ទៅដោយខុសច្បាប់ពួកគេមានសុវត្ថិភាព និងសុខភាពល្អធម្មតា

ភ្នំពេញ ៖ លោក Jurg Montani ប្រធានប្រតិភូគណៈកម្មាធិការអន្តរជាតិនៃកាកបាទក្រហមប្រចាំភូមិភាគ បានថ្លែង អះអាងថា ទាហានខ្មែរទាំង១៨រូប ដែលទាហានថៃចាប់ទៅដោយខុសច្បាប់ ខណៈកំពុងអនុវត្តកិច្ចព្រមព្រៀង បទឈប់បាញ់នោះគឺមានសុវត្ថិភាព និងសុខភាពល្អធម្មតាទេ ហើយលោកថែមទាំងបានបញ្ជូនសារសួរសុខទុក្ខពីក្រុមគ្រួសារទៅកាន់ទាហានទាំង១៨នាក់នោះផងដែរ។ យោងតាមផេកហ្វេសផ្លូវការរបស់ឯកឧត្តម រ៉ាត់ ដារ៉ារត្ន អនុរដ្ឋលេខាធិការក្រសួងការពារជាតិ បានឲ្យដឹងថា នាថ្ងៃទី១៤ ខែតុលា ឆ្នាំ២០២៥នេះ នៅទីស្តីការក្រសួងការពារជាតិកម្ពុជា ដោយមានការអនុញ្ញាតិ ពីឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា ឯកឧត្តម បានជួបពិភាក្សាការងារជាមួយលោកJurg Montani ប្រធានប្រតិភូគណៈកម្មាធិការអន្តរជាតិនៃកាកបាទក្រហមប្រចាំភូមិភាគ ហើយនៅក្នុងកិច្ចជំនួបនោះលោកប្រធានគណៈប្រតិភូ បានបញ្ជាក់ថា លោក និងក្រុមការងារ បានចុះសួរសុខទុក្ខជាលើកទី៣ ដល់នាយទាហានទាំង១៨រូប នៃកងយោធពលខេមរភូមិន្ទ ដែលត្រូវបានភាគីថៃចាប់ខ្លួនកាលពីថ្ងៃទី២៩ ខែកក្កដា ឆ្នាំ២០២៥ គឺក្រោយបទឈប់បាញ់ចូលជាធរមាន។ចំពោះការចុះសួរសុខទុក្ខលើកទី៣ពីសំណាក់គណៈកម្មាធិការកាកបាទក្រហមអន្តរជាតិនេះ ឯកឧត្តមអនុរដ្ឋលេខាធិការបានទទួលព័ត៌មានថា «ទាហានយើងទាំង១៨រូប នៃកងយោធពលខេមរភូមិន្ទ ដែលកំពុងស្ថិតក្រោមការឃុំគ្រងរបស់ភាគីថៃនោះ គឺមានសុវត្ថិភាព និងមានសុខភាពល្អទាំងអស់គ្នា។ ជាមួយគ្នានេះ លោកក៏បានបញ្ជាក់បន្ថែមថា លោកបានប្រគល់ជូនលិខិតដំណឹងគ្រួសាររបស់យុទ្ធជនទាំង១៨រូប សម្រាប់ជូនដល់ក្រុមគ្រួសាររបស់ពួកគាត់ជាលើកទី២ តាមរយៈការសម្របសម្រួលរបស់កាកបាទក្រហមកម្ពុជា»។សូមបញ្ជាក់ថា ថ្ងៃនេះជា ថ្ងៃទី៧៧ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។ យ៉ាងណាក៏ដោយ កម្ពុជានៅតែបន្តអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃដោះលែងកងកម្លាំងរបស់យើងទាំង១៨នាក់នោះ វិលត្រលប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព។ រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយ៕អត្ថបទ ៖ បាន ចក់

អនុរដ្ឋមន្រ្តីហ្វីលីពីន នឹងរាយការណ៍អំពីសំណើក្នុងការផ្តល់ជំនួយមនុស្សធម៌ពីសហគមន៍អាស៊ានជូនដល់ជនរងគ្រោះតាមព្រំដែនកម្ពុជា-ថៃ

នៅរសៀលថ្ងៃទី១៤ ខែតុលា ឆ្នាំ២០២៥នេះ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ដ្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញជួបពិភាក្សាការងារទ្វេភាគីជាមួយ ឯកឧត្តម IRIENO C.ESPINO អនុរដ្ឋមន្រ្តី តំណាងប្រទេសហ្វីលីពីន។ ឯកឧត្តម ទេសរដ្ឋមន្រ្តី បានសម្តែងសេចក្តីសោមនស្សរីករាយចំពោះវត្តមានរបស់ឯកឧត្តម អនុរដ្ឋមន្រ្តី តំណាងប្រទេសហ្វីលីពីន ដែលអញ្ជើញទស្សនកិច្ចនៅកម្ពុជា និងចូលរួមកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការគ្រប់គ្រងគ្រោះមហន្តរាយ ឆ្នាំ២០២៥។ ក្នុងជំនួបពិភាក្សា ភាគីទាំងពីរ បានបង្ហាញការប្តេជ្ញាចិត្ត និងគាំទ្រលើកិច្ចសហប្រតិបត្តិការការងារគ្រោះមហន្តរាយរវាងប្រទេសទាំងពីរ ជាពិសេស ឯកឧត្តម អនុរដ្ឋមន្រ្តីហ្វីលីពីន នឹងរាយការណ៍អំពីសំណើក្នុងការផ្តល់ជំនួយមនុស្សធម៌ពីសហគមន៍អាស៊ានជូនដល់ជនរងគ្រោះតាមព្រំដែនកម្ពុជា-ថៃ។

សម្តេចធិបតីថ្លែងអំណរគុណនាយករដ្ឋមន្ត្រីម៉ាឡេស៊ីជួយសម្របសម្រួលឱ្យមានបទឈប់បាញ់រវាងកម្ពុជា និងថៃ

ភ្នំពេញ ៖ សម្តេចធិបតី ថ្លែងអំណរគុណ ឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី ដែលបានសម្របសម្រួលឱ្យមានបទឈប់បាញ់រវាងកម្ពុជា និងថៃ ព្រមទាំង ថ្លែងអំណរគុណជូនចំពោះអគ្គមេបញ្ជាការកងទ័ពម៉ាឡេស៊ី ដែលបានដើរតួនាទីយ៉ាងសកម្មក្នុងការសម្របសម្រួលការតាមដានការអនុវត្តបទឈប់បាញ់ ក៏ដូចជាជូនចំពោះប្រធានក្រុមអ្នកសង្កេតការណ៍អន្តរកាល (IOT) នៅកម្ពុជា ដែលបានចុះតាមដានការអនុវត្តបទឈប់បាញ់ នៅតាមបណ្តោយព្រំដែនកម្ពុជា-ថៃ។ សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានថ្លែងបែបនេះក្នុងជំនួបជាមួយ ឯកឧត្តម Dato’ Sri Dr. Ahmad Zahid Hamidi ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍ជនបទ និងតំបន់ នៃប្រទេសម៉ាឡេស៊ី នៅព្រឹកថ្ងៃទី១៤ ខែតុលា ឆ្នាំ២០២៥នេះ។កម្ពុជាបានគូសបញ្ជាក់ម្ដងហើយម្ដងទៀតអំពីសារៈសំខាន់នៃការធានាការអនុវត្តឱ្យបានពេញលេញ និងមានប្រសិទ្ធភាព លើលក្ខខណ្ឌបទឈប់បាញ់ និងកិច្ចព្រមព្រៀងទាំងអស់ ដែលសម្រេចបានក្រោមក្របខ័ណ្ឌនៃគណៈកម្មាធិការព្រំដែនទូទៅ (GBC) គណៈកម្មាធិការព្រំដែនថ្នាក់យោធភូមិភាគ (RBC) និងគណៈកម្មាការចម្រុះព្រំដែន (JBC) ដោយបានសង្កត់ធ្ងន់ថា ភាពសុទ្ធចិត្ត ត្រូវតែបង្ហាញតាមរយៈសកម្មភាពពិតប្រាកដនៅទីកន្លែង។ កម្ពុជា ក្នុងនាមជាប្រទេសដែលមានស្លាកស្នាមបង្កដោយជម្លោះជាច្រើនទសវត្សរ៍ ឬអាចថារាប់សតវត្ស ប្រទេសកម្ពុជាដឹងយ៉ាងច្បាស់អំពីផលវិបាកដ៏អាក្រក់នៃសង្គ្រាម ការណ៍នេះបង្ហាញយ៉ាងច្បាស់ថាហេតុអ្វីបានជាកម្ពុជាតែងតែចាត់ទុកសន្តិភាពជាទ្រព្យសម្បត្តិដ៏មានតម្លៃបំផុតរបស់យើង។

ឯកឧត្តម ប្រាក់ សុខុន៖ ទំនាក់ទំនងកម្ពុជា-ជប៉ុន ត្រូវបានបន្តពង្រឹងបន្ថែមទៀត តាមរយៈចំណងដ៏ជិតស្និទ្ធរវាងប្រជាជននិងប្រជាជន និងការផ្លាស់ប្តូរទស្សនកិច្ចកម្រិតខ្ពស់ជាទៀងទាត់

ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ លើកឡើងថា ទំនាក់ទំនងកម្ពុជា-ជប៉ុន ត្រូវបានបន្តពង្រឹងបន្ថែមទៀត តាមរយៈចំណងដ៏ជិតស្និទ្ធរវាងប្រជាជន និង ប្រជាជន ការផ្លាស់ប្តូរទស្សនកិច្ចកម្រិតខ្ពស់ជាទៀងទាត់។តាមរយៈ សុន្ទរកថាខ្លីអបអរសាទរ ក្នុងពិធីគម្រប់ខួបលើកទី៦០ នៃការបញ្ជូនអ្នកស្ម័គ្រចិត្តជប៉ុន សម្រាប់កិច្ចសហប្រតិបត្តិការក្រៅប្រទេស (Japan Overseas Cooperation Volunteers) ឯកឧត្តម ប្រាក់ សុខុន បានលើកឡើងថា ប្រវត្តិរបស់អ្នកស្ម័គ្រចិត្តជប៉ុន ក៏ជាការឆ្លុះបញ្ចាំងពីទំនាក់ទំនងមិត្តភាពកាន់តែទូលំទូលាយ និងស៊ីជម្រៅរវាងកម្ពុជា និងជប៉ុនផងដែរ។ ប្រទេសទាំងពីរជាដៃគូដ៏យូរអង្វែង និងប្រកបដោយថាមវន្ត ដោយ ឈរលើមូលដ្ឋាននៃការគោរពគ្នាទៅវិញទៅមក ការជឿទុកចិត្ត និងបំណងប្រាថ្នារួមគ្នា ដើម្បីសន្តិភាព ស្ថិរភាព និងវិបុលភាព។ ជាច្រើនឆ្នាំកន្លងទៅនេះ កិច្ចសហប្រតិបត្តិការរវាងប្រទេសយើងទាំងពីរមានការរីកចម្រើនលើវិស័យនានាជាច្រើន រួមមានជំនួយអភិវឌ្ឍន៍ ពាណិជ្ជកម្ម និងការវិនិយោគ អប់រំ សុខាភិបាល ហេដ្ឋារចនាសម្ព័ន្ធ ការ ដោះមីន ទឹកស្អាត និងការផ្លាស់ប្តូរវប្បធម៌។ឯកឧត្តម ប្រាក់ សុខុន មានប្រសាសន៍បន្តថា ទំនាក់ទំនងកម្ពុជា-ជប៉ុន ត្រូវបានបន្តពង្រឹងបន្ថែមទៀត តាមរយៈចំណងដ៏ជិតស្និទ្ធរវាងប្រជាជន និង ប្រជាជន ការផ្លាស់ប្តូរទស្សនកិច្ចកម្រិតខ្ពស់ជាទៀងទាត់ ក្នុងនោះមានដំណើរទស្សនកិច្ចការងារផ្លូវការរបស់ សម្តេចធិបតីនាយករដ្ឋមន្ត្រី នៅប្រទេសជប៉ុនកាលពីខែឧសភាកន្លងទៅ ព្រមទាំងកិច្ចសហប្រតិបត្តិការយ៉ាង សកម្មនៅក្នុងវេទិកាតំបន់ និងអន្តរជាតិ ។ ការដំឡើងកម្រិតនៃទំនាក់ទំនងទ្វេភាគីទៅជាភាពជាដៃគូយុទ្ធសាស្ត គ្រប់ជ្រុងជ្រោយនៅឆ្នាំ២០២៣ គឺជាទំព័រថ្មីមួយក្នុងដំណើររួមគ្នារបស់ប្រទេសយើងទាំងពីរ ដែលបញ្ជាក់សាជា ថ្មីនូវការប្ដេជ្ញាចិត្តក្នុងការជំរុញកិច្ចសហប្រតិបត្តិការឱ្យកាន់តែស៊ីជម្រៅ ដើម្បីផលប្រយោជន៍ទៅវិញទៅមក និងស្ថិរភាពក្នុងតំបន់។ឯកឧត្តម ប្រាក់ សុខុន បញ្ជាក់បន្ថែមថា ជប៉ុនជាមិត្តជិតស្និទ្ធរបស់កម្ពុជាតាំងពីយូរលង់ណាស់មកហើយ ហើយបានដើរតួនាទីយ៉ាងសំខាន់ ក្នុងការគាំទ្រដំណើរការសន្តិភាពរបស់កម្ពុជានៅក្នុងទសវត្សរ៍ឆ្នាំ៩០ និងការកសាងឡើងវិញ និងការអភិវឌ្ឍកម្ពុជា ក្រោយជម្លោះ។ ជំនួយអភិវឌ្ឍន៍ផ្លូវការរបស់ជប៉ុន (ODA) បាន និងកំពុងដើរតួនាទីយ៉ាងសំខាន់ក្នុង ការផ្លាស់ប្តូរជីវភាពរស់នៅរបស់ប្រជាជន ព្រមទាំងជំរុញការអភិវឌ្ឍនៅកម្ពុជា។ក្នុងនាមរាជរដ្ឋាភិបាល និងប្រជាជនកម្ពុជា ឯកឧត្តម ប្រាក់ សុខុន សូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាល និងប្រជាជនជប៉ុន ចំពោះការគាំទ្រនិងមិត្តភាពដ៏មានតម្លៃមិនអាចកាត់ថ្លៃបាន ក្នុងរយៈពេលជាច្រើនឆ្នាំកន្លង មកនេះ។ សូមអរគុណយ៉ាងស្មោះ ចំពោះទីស្នាក់ការកណ្តាលJICA ជាពិសេសការិយាល័យ JICA ប្រចាំ កម្ពុជា ចំពោះកិច្ចខិតខំប្រឹងប្រែងឥតឈប់ឈរក្នុងការអនុវត្តកម្មវិធី ODA របស់ជប៉ុន និងអរគុណឯកឧត្តម ឯកអគ្គរដ្ឋទូត UENO Atsushi និងមន្ត្រីស្ថានទូត ចំពោះការប្តេជ្ញាបន្តយកចិត្តទុកដាក់ និងធ្វើកិច្ចសហ ប្រតិបត្តិការយ៉ាងជិតស្និទ្ធជាមួយកម្ពុជា ដែលនឹងចូលរួមចំណែកពង្រឹងចំណងមិត្តភាពរវាងប្រទេសយើងទាំង ពីរអោយកាន់តែរឹងមាំបន្ថែមទៀត។គួរបញ្ជាក់ថា កម្ពុជាបានក្លាយជាប្រទេសមួយក្នុងចំណោមប្រទេសចំនួន៥ ដំបូងគ ដែលបានទទួលអ្នកស្ម័គ្រចិត្ត JOCV នៅឆ្នាំ ១៩៦៥ ។ ការទទួលអ្នកស្ម័គ្រដំបូងនេះ គឺជាមូលដ្ឋានគ្រឹះរឹងមាំ សម្រាប់មិត្តភាពដ៏ស៊ីជម្រៅ និងយូរអង្វែងរវាងកម្ពុជា និងជប៉ុន ហើយមិត្តភាពនេះបាននិងកំពុងបន្តរីកចម្រើន ប្រកបដោយភាពរឹងមាំ និងមានខ្លឹមសារ ក្នុងរយៈពេលជាច្រើនឆ្នាំកន្លងមកនេះ។ ក្នុងរយៈពេល ៦ទសវត្សរ៍កន្លងទៅនេះ ជប៉ុនបានបញ្ចូនអ្នកស្ម័គ្រចិត្តជាង ៥៧ ០០០នាក់ ទៅកាន់ ប្រទេសចំនួន១០២ ដែលក្នុងនោះមានអ្នកស្ម័គ្រចិត្តជាង ៨០០នាក់ បានមកនិងកំពុងបំពេញការងារនៅទូទាំង ប្រទេសកម្ពុជាផងដែរ។ ការរួមចំណែករបស់អ្នកស្ម័គ្រចិត្តទាំងនេះក្នុងវិស័យសំខាន់ៗដូចជា៖ អប់រំ អភិបាលកិច្ច សុខាភិបាល កសិកម្ម កីឡា សាធារណៈការ និងទឹកស្អាត/អគ្គិសនី បាននិងកំពុងគាំទ្រដល់ការអភិវឌ្ឍ សង្គម-សេដ្ឋកិច្ចរបស់កម្ពុជា។ ក្រៅពីជំនាញបច្ចេកទេសរបស់ខ្លួន អ្នកស្ម័គ្រចិត្តទាំងនេះបានចូលរួមលើកកម្ពស់ស្មារតីមិត្តភាព ការយល់ដឹងពី វប្បធម៌ និងការគោរពគ្នាទៅវិញទៅមក ហើយបានបន្សល់ទុកនូវគុណតម្លៃដ៏យូរអង្វែង ដែលបន្តធ្វើអោយ សង្គមរបស់យើងទាំងពីរកាន់តែរីកចម្រើន៕

បណ្ដាញសង្គម

ព័ត៌មានថ្មីៗ

Mohammed Kudus របួសភ្លៅចាស់ទំនងត្រូវការវះកាត់ ទំនងមិនអាចបង្ហាញខ្លួននៅ World Cup

នៅសល់ ៧ ប្រកួត Roberto de Zerbi ត្រូវធ្វើបែបណាដើម្បីសង្គ្រោះ Spurs គេចពីការកាត់ចេញ?

Andy Robertson នឹងចាកចេញពី Liverpool ក្រោយចប់រដូវកាលនេះ

NOCC គាំទ្រការបង្កើតសហព័ន្ធ និងជំរុញការអភិវឌ្ឍកីឡាសាំបូនៅកម្ពុជា

ការប៉ះទង្គិចគ្នា បានផ្ទុះឡើងនៅវ៉េណេស៊ុយអេឡា ក្នុងអំឡុងពេលនៃការតវ៉ារបស់បុគ្គលិករដ្ឋ

អ្នកវិភាគនិយាយថា ប៉ាគីស្ថានកំពុងស្ថិតនៅក្រោមសម្ពាធ នៅមុនកិច្ចចរចាសង្គ្រាមនៅអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877