BTV NEWS

ក្រុមប្រឹក្សាធម្មនុញ្ញ អនុម័តជាឯកច្ឆន្ទថាច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភាស្របនឹងរដ្ឋធម្មនុញ្ញ

រាជរដ្ឋាភិបាលប្រឹងប្រែងជំរុញឱ្យសហគ្រាសបង្កើនធាតុចូលក្នុងស្រុក ដើម្បីប្រកួតប្រជែងលើទីផ្សារពិភពលោក

រាជធានី-ខេត្តមួយចំនួននៅកម្ពុជា អាចនឹងមានភ្លៀងធ្លាក់ ជាមួយផ្គររន្ទះ និងខ្យល់កន្ត្រាក់ចាប់ពីថ្ងៃទី១៤ ដល់ថ្ងៃទី២៥ ខែមេសា ដោយសារឥទ្ធិពលព្យុះ «ស៊ីនឡាគូ»

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

ព័ត៌មានជាតិ

កម្ពុជា-ម៉ាឡេស៊ី ឯកភាពគ្នាជំរុញកិច្ចសហប្រតិបត្តិការទ្វេភាគីលើវិស័យសំខាន់ៗជាច្រើន

តាមរយៈជំនួបរវាងសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា និង ឯកឧត្តម Dato’ Sri Dr. Ahmad Zahid Hamidi ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍ជនបទ និងតំបន់ នៃប្រទេសម៉ាឡេស៊ី នៅព្រឹកថ្ងៃទី១៤ ខែតុលានេះ ភាកីទាំងពីរបានឯកភាពគ្នាជំរុញកិច្ចសហប្រតិបត្តិការទ្វេភាគីលើវិស័យសំខាន់ៗដូចជា ឧស្សាហកម្មហាឡាល់, វិស័យទេសចរណ៍ និងកសិកម្មជាដើម។ ក្នុងឱកាសនៃជំនួប, ឯកឧត្តមឧបនាយករដ្ឋមន្ត្រីម៉ាឡេស៊ីបានថ្លែងអំណរគុណយ៉ាងជ្រាលជ្រៅចំពោះសម្ដេចធិបតី ដែលបានអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្ដែងការគួរសម និងពិភាក្សាការងារ។ ឯកឧត្តមបានវាយតម្លៃខ្ពស់ ចំពោះការអភិវឌ្ឍរីកចម្រើន នៅកម្ពុជា រួមទាំង អាកាសយានដ្ឋានអន្តរជាតិតេជោ។ ឯកឧត្តមបានបង្ហាញការពេញចិត្តចំពោះទំនាក់ទំនង និងកិច្ចសហប្រតិបត្តិការដ៏ល្អរវាងម៉ាឡេស៊ី និងកម្ពុជា និងបានគូសបញ្ជាក់ការបន្តគាំទ្ររបស់ម៉ាឡេស៊ីក្នុងការពង្រីក និងពង្រឹងកិច្ចសហប្រតិបត្តិការក្នុងវិស័យជាច្រើន រួមមាន៖ វិស័យពាណិជ្ជកម្ម, សេដ្ឋកិច្ច និងការតភ្ជាប់រវាងប្រជាជននិងប្រជាជន។ ជាការឆ្លើយតប, សម្ដេចធិបតីបានស្វាគមន៍ចំពោះឯកឧត្តមឧបនាយករដ្ឋមន្ត្រី និងគណៈប្រតិភូ ដែលបានអញ្ជើញបំពេញទស្សនកិច្ចការងារនៅប្រទេសកម្ពុជា ដើម្បីចូលរួមកិច្ចប្រជុំថ្នាក់រដ្ឋមន្ត្រីអាស៊ាន ស្ដីពីការគ្រប់គ្រងគ្រោះមហន្តរាយលើកទី១៣ និងកិច្ចប្រជុំពាក់ព័ន្ធ នៅរាជធានីភ្នំពេញ។ សម្ដេចធិបតីបង្ហាញការពេញចិត្តចំពោះការរីកចម្រើនគួរឱ្យកត់សម្គាល់នៃទំនាក់ទំនង និងកិច្ចសហប្រតិបត្តិការកម្ពុជា-ម៉ាឡេស៊ី។តាមរយៈជំនួបនេះ សម្តេចធិបតី និងឯកឧត្តមឧបនាយករដ្ឋមន្ត្រីម៉ាឡេស៊ីពិភាក្សាគ្នាជំរុញបន្ថែមលើកិច្ចសហប្រតិបត្តិការទ្វេភាគីក្នុងវិស័យសំខាន់ៗ មានជាអាទិ៍៖ ឧស្សាហកម្មហាឡាល់ ដើម្បីបម្រើដល់តម្រូវការនៃប្រជាជនមូស្លីម និងប្រជាជនទូទៅ; វិស័យទេសចរណ៍ រួមទាំង ទេសចរណ៍វេជ្ជសាស្ត្រ; ការអប់រំ និងការបណ្តុះបណ្តាលបច្ចេកទេស និងវិជ្ជាជីវៈ (TVET), កសិកម្ម, ហិរញ្ញវត្ថុ និងធនាគារ ជាដើម។ សម្តេចបវរធិបតីបានលើកទឹកចិត្តស្ថានទូតម៉ាឡេស៊ីនៅភ្នំពេញ បន្តសហការជាមួយក្រសួង-ស្ថាប័នកម្ពុជា ដើម្បីសម្រេចគម្រោងកិច្ចសហប្រតិបត្តិការខាងលើ។ ក្នុងឱកាសខាងលើ សម្តេចបវរធិបតី ថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី ដែលបានសម្របសម្រួលឱ្យមានបទឈប់បាញ់រវាងកម្ពុជា និងថៃ ព្រមទាំង ថ្លែងអំណរគុណជូនចំពោះអគ្គមេបញ្ជាការកងទ័ពម៉ាឡេស៊ី ដែលបានដើរតួនាទីយ៉ាងសកម្មក្នុងការសម្របសម្រួលការតាមដានការអនុវត្តបទឈប់បាញ់ ក៏ដូចជាជូនចំពោះប្រធានក្រុមអ្នកសង្កេតការណ៍អន្តរកាល (IOT) នៅកម្ពុជា ដែលបានចុះតាមដានការអនុវត្តបទឈប់បាញ់ នៅតាមបណ្តោយព្រំដែនកម្ពុជា-ថៃ៕

ក្រសួងមហាផ្ទៃ៖ ដើម្បីប្រយុទ្ធប្រឆាំងបទល្មើសជាសកល មានតែរដ្ឋនីមួយៗបន្តសហការគ្នា ជាជាងការប្រើអារម្មណ៍

អ្នកនាំពាក្យក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី លទ្ធផលប្រតិបត្តិការស៊ើបអង្កេតករណីឃាតកម្មលើជនជាតិកូរ៉េខាងត្បូង ព្រមទាំងបានបញ្ជាក់ថា ដើម្បីប្រយុទ្ធប្រឆាំងនឹង បទល្មើសជាសកលនេះ មានតែរដ្ឋនីមួយៗបន្តសហការជាមួយគ្នា ជាជាងការប្រើអារម្មណ៍ ឬឆ្លៀត កេងចំណេញពីការរងគ្រោះរបស់ប្រជាពលរដ្ឋខ្លួន ដោយទម្លាក់បន្ទុកទៅលើប្រទេសណាមួយ ដែលនេះគឺ ជាការផ្ដល់ឱកាសឱ្យជនល្មើសបន្តប្រព្រឹត្តបទល្មើសបានយ៉ាងស្រួលទៅវិញទេ។តាមរយៈសេចក្តីប្រកាសព័ត៌មាន ចុះថ្ងៃទី១៣ ខែតុលា ឆ្នាំ២០២៥ នេះ បានបង្ហាញថា យោងតាមរបាយការណ៍លទ្ធផលប្រតិបត្តិការស៊ើបអង្កេត ស្រាវជ្រាវរបស់អគ្គស្នងការដ្ឋាន នគរបាលជាតិបានបញ្ជាក់ថា ក្នុងខណៈដែលនគរបាលចុះល្បាតជំនាញ បានប្រទះឃើញរថយន្តដឹក សាកសពមួយគ្រឿងក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត វេលាម៉ោង ០២:០០ នាទី រំលងអធ្រាត្រ ថ្ងៃទី៨ ខែសីហា ឆ្នាំ២០២៥។ ភ្លាមនោះ នគរបាលបានឃាត់ខ្លួនជនសង្ស័យជនជាតិចិន ចំនួន២នាក់ ដែលទី១.ឈ្មោះ LI XINGPENG ហៅ YOU FU ភេទប្រុស អាយុ៣៥ឆ្នាំ និងទី២.ឈ្មោះ ZHU RENZHE ហៅ CHEA KER ភេទប្រុស អាយុ៤៣ឆ្នាំ ដែលក្នុងនោះម្នាក់ជាអ្នកបើកបរ និងម្នាក់ ទៀតរួមដំណើរដឹកសព។ ចំណែកជនសង្ស័យម្នាក់ទៀតឈ្មោះ ប៉ាជា ភេទប្រុស អាយុប្រហែល៣៥ឆ្នាំ បានរត់គេចខ្លួន។ក្រោយពិនិត្យអត្តសញ្ញាណ ឃើញថា សពឈ្មោះ PARK MINHO ភេទប្រុស អាយុ២២ឆ្នាំ ជា និស្សិតជនជាតិកូរ៉េខាងត្បូង បានធ្វើដំណើរមកដល់កម្ពុជា នៅថ្ងៃទី១៧ ខែកក្កដា ឆ្នាំ២០២៥។ បន្ទាប់ពី ការធ្វើកោសល្យវិច័យបឋមរកឃើញថា សពជនរងគ្រោះបានស្លាប់ដោយគាំងបេះដូង ដែលបណ្ដាលមកពីការ ធ្វើទារុណកម្ម ដោយមានស្នាមជាំជាច្រើនកន្លែងលើរាងកាយ។ អង្គហេតុនេះបញ្ជាក់ថា នគរបាលកម្ពុជាពុំ បានទទួលព័ត៌មាន ឬបណ្តឹងពីក្រុមគ្រួសារសព ឬក៏ពីស្ថានទូតកូរ៉េខាងត្បូង ដូចការចុះផ្សាយរបស់ សារព័ត៌មាន South China Morning Post ដែលថា គ្រួសារសពបានស្វែងរកកិច្ចអន្តរាគមន៍ ជួយសង្គ្រោះ តាមរយៈស្ថានទូត និងនគរបាលមូលដ្ឋាននោះទេ។តាមការវិភាគជំនាញ អគ្គស្នងការដ្ឋាននគរបាលជាតិក្រសួងមហាផ្ទៃ ដឹកនាំកម្លាំងស្នងការដ្ឋាន នគរបាលខេត្តកំពត បានបន្តស៊ើបអង្កេត និងឈានទៅបង្ក្រាបផ្ទះវីឡាមួយកន្លែង ស្ថិតនៅភូមិរលួស សង្កាត់បឹងទូក ក្រុងបូកគោ ខេត្តកំពត ដែលជាកន្លែងស្នាក់នៅរបស់ជនរងគ្រោះមុនពេលស្លាប់ និងជា ទីតាំងដែលត្រូវបានកំណត់មុខសញ្ញាថា មានសកម្មភាពអនឡាញខុសច្បាប់។ ក្នុងការបង្ក្រាបនោះ នគរបាលបានចាប់ខ្លួនជនសង្ស័យម្នាក់ឈ្មោះ LIU HAOXING ហៅ TA THOV ភេទប្រុស អាយុ២៩ឆ្នាំ ដែលជាអ្នកគ្រប់គ្រងអគារ និងបានដកហូតសម្ភារវត្ថុតាងពាក់ព័ន្ធមួយចំនួន។ ដោយឡែក ជនសង្ស័យម្នាក់ ទៀតឈ្មោះ ហាយ ភេទប្រុស ជនជាតិចិន អាយុប្រហែល៣០ឆ្នាំ បានរត់គេចខ្លួនបាត់។ក្រោយពីការប្រមូលភស្តុតាង ការស្តាប់ចម្លើយជនសង្ស័យ ការបំពេញកិច្ចការជំនាញស្របតាមនីតិវិធី កំណត់ដោយច្បាប់ នគរបាលយុត្តិធម៌ បានកសាងសំណុំរឿងយ៉ាងមូល និងគ្រប់ជ្រុងជ្រោយ ព្រមទាំងបញ្ចូនជនសង្ស័យទៅកាន់អយ្យការអមសាលាដំបូងខេត្តកំពត នៅថ្ងៃទី១១ ខែសីហា ឆ្នាំ២០២៥ ដើម្បីបន្តនីតិវិធី។ក្រោយបំពេញនីតិវិធីស៊ើបអង្កេត ផ្ទៀងផ្ទាត់ភស្តុតាង និងស្តាប់ចម្លើយជនសង្ស័យទាំងបីនាក់ តំណាងអយ្យការ បានសម្រេចចោទប្រកាន់លើជនសង្ស័យទាំងនោះ និងបក្ខពួកចំនួន២នាក់ទៀត ពីបទ ឃាតកម្ម ដោយអំពើឃោរឃៅ និងបទឆបោក (តាមប្រព័ន្ធបច្ចេកវិទ្យា) ក្នុងមាត្រា២០៥, មាត្រា៣៧៧ និងមាត្រា៣៧៨ នៃក្រមព្រហ្មទណ្ឌ និងបានបញ្ជូនសំណុំរឿងទៅចៅក្រមស៊ើបសួរសាលាដំបូងខេត្តកំពត តាមដីកាសន្និដ្ឋានបញ្ជូនរឿងឱ្យស៊ើបសួរលេខ៤០១ ចុះថ្ងៃទី១៣ ខែសីហា ឆ្នាំ២០២៥ ដើម្បីបន្តការ ស៊ើបសួរ។ ជាលទ្ធផល ចៅក្រមស៊ើបសួរសាលាសំបូងខេត្តកំពត បានសម្រេចឃុំខ្លួនជនសង្ស័យទាំង៣នាក់ ជាបណ្ដោះអាសន្ន នៅពន្ធនាគារខេត្តកំពត។មកដល់ពេលនេះ នគរបាលយុត្តិធម៌ក្រសួងមហាផ្ទៃ កំពុងសស្រាក់សម្រាំធ្វើប្រតិបត្តិការស្វែងរក ចាប់ខ្លួនបក្ខពួកជនល្មើស ២នាក់ទៀត តាមការសម្របសម្រួលនីតិវិធីពីសំណាក់អាជ្ញាធរតុលាការឱ្យបានជា ដាច់ខាត យកមកអនុវត្តទោសតាមច្បាប់ជាធរមាន។ លើសពីនេះ ក៏កំពុងពន្លាតការស៊ើបអង្កេត រកប្រភព ដើមនៃទីកន្លែងកើតបទល្មើសដំបូង រួមទាំងអ្នកពាក់ព័ន្ធផ្សេងៗទៀត ប្រសិនបើមាន ដោយសហការយ៉ាងជិតស្និទ្ធជាមួយស្ថានទូតកូរ៉េខាងត្បូងប្រចាំកម្ពុជាតាមទិដ្ឋភាពច្បាប់។អ្នកនាំពាក្យក្រសួងមហាផ្ទៃ បានឱ្យដឹងបន្ថែមថា ក្រសួងមហាផ្ទៃ កំពុងរៀបចំលិខិតផ្លូវការ ភ្ជាប់ជាមួយឯកសារពាក់ព័ន្ធនានា ជូនស្ថានទូតសាធារណរដ្ឋកូរ៉េប្រចាំកម្ពុជា ដើម្បីជ្រាប។ ទន្ទឹមនឹងនេះ ក្រសួងមហាផ្ទៃ ក៏បានណែនាំអគ្គស្នងការដ្ឋាននគរបាលជាតិ អញ្ជើញតំណាងស្ថានទូតកូរ៉េខាងត្បូង ដើម្បី មកស្តាប់ការពន្យល់ផ្ទាល់ និងបង្ហាញបច្ចុប្បន្នភាព បន្ថែមពីលើឯកសារផ្លូវការផងដែរ។អ្នកនាំពាក្យក្រសួងមហាផ្ទៃ បញ្ជាក់ម្តងទៀត អំពីសុច្ឆន្ទៈរបស់រាជរដ្ឋាភិបាលក្រោមការ ដឹកនាំប្រកបដោយប្រតិភាណរបស់ សម្ដេចធិបតី នាយករដ្ឋមន្ត្រី ក្នុងការបង្ការ ទប់ស្កាត់ និងបង្ក្រាប បទល្មើសឆ្លងដែនគ្រប់ប្រភេទ ជាអាទិ៍ ការឆបោកតាមប្រព័ន្ធបច្ចេកវិទ្យាជាដើម ដែលជាបទល្មើសរួមរបស់ មនុស្សជាតិ តម្រូវឱ្យរដ្ឋនីមួយៗ ចាំបាច់ត្រូវស្រាក់ដៃគ្នាប្រយុទ្ធប្រឆាំងនឹងបទល្មើសនេះ ឱ្យបានស្រុះគ្នា ស្មើដៃគ្នា ដូចជា ការផ្សព្វផ្សាយអប់រំ ឱ្យពលរដ្ឋនៃរដ្ឋនីមួយៗបានយល់អំពីហានិភ័យនៃបទល្មើស ប្រភេទ នៃបទល្មើស ល្បិចកលជនល្មើស និងវិធីបង្ការខ្លួនពីអន្ទាក់នៃបទល្មើស។ ជារួម ដើម្បីប្រយុទ្ធប្រឆាំងនឹង បទល្មើសជាសកលនេះ មានតែរដ្ឋនីមួយៗបន្តសហការជាមួយគ្នា ជាជាងការប្រើអារម្មណ៍ ឬឆ្លៀត កេងចំណេញពីការរងគ្រោះរបស់ប្រជាពលរដ្ឋខ្លួន ដោយទម្លាក់បន្ទុកទៅលើប្រទេសណាមួយ ដែលនេះគឺ ជាការផ្ដល់ឱកាសឱ្យជនល្មើសបន្តប្រព្រឹត្តបទល្មើសបានយ៉ាងស្រួល់ទៅវិញទេ៕

កម្ពុជាចូលជាសមាជិកអង្គការស្តង់ដារអន្តរជាតិ ISO គាំទ្រដល់ការរីកចម្រើនវិស័យឧស្សាហកម្មក្នុងស្រុក

ភ្នំពេញ ៖ អង្គការស្តង់ដារអន្តរជាតិ ISO បានទទួលយក និងអនុម័តឱ្យប្រទេសកម្ពុជាក្លាយជាសមាជិកពេញសិទ្ធ ដែលនេះបានបង្ហាញអំពី ការបោះជំហ៊ានរបស់កម្ពុជា ទៅនិងកិច្ចការអន្តរជាតិ ដែលជាមូលដ្ឋានគ្រឹះគាំទ្រដល់ការរីកចម្រើនបន្ថែម ក្នុងវិស័យឧស្សាហកម្ម និង អាជីវកម្មនៅកម្ពុជា។ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត បច្ចេកវិទ្យា និងនវានុវត្តន៍ លើកឡើងនៅក្នុងទិវាស្តង់ដារពិភព លោកប្រចាំឆ្នាំ២០២៥ នៅថ្ងៃទី១៤ ខែតុលា ឆ្នាំ២០២៥ នេះថា ស្តង់ដារបានជួយឱ្យប្រទេសនានាធ្វើការរួមគ្នា ឆ្ពោះទៅសម្រេចគោល ដៅអភិវឌ្ឍន៍ប្រកបដោយចីរភាព (SDGs) របស់អង្គការសហប្រជាជាតិ ដោយផ្តល់មូលដ្ឋានគ្រឹះផ្នែកបច្ចេកទេស សម្រាប់ជំរុញផលិត កម្ម លើកកម្ពស់ការធ្វើពាណិជ្ជកម្មប្រកបដោយការទទួលខុសត្រូវ នវានុវត្តន៍ និងធន់និងវិបត្តិ។ ចំណែកទិវាស្តង់ដារពិភពលោកឆ្នាំនេះ បានផ្តោតទៅលើគោលដៅទី១៧ នៃគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ពោលគឺ ពង្រឹងភាពជាដៃគូជា សកល ដើម្បីគាំទ្រ និងសម្រេចឱ្យបាននូវមហិច្ឆិតា និងគោលដៅអភិវឌ្ឍន៍ទាំងឡាយដែលបានកំណត់ត្រឹមឆ្នាំ២០៣០។ឯកឧត្តមរដ្ឋមន្ត្រី បន្តថា សម្រាប់កម្ពុជា, ស្តង់ដារមិនគ្រាន់តែជាឯកសារបច្ចេកទេសប៉ុណ្ណោះទេ វាគឺជាឧបករណ៍គន្លឹះសម្រាប់ ភាពប្រកួតប្រជែងរបស់យើង តាមរយៈការអនុម័ត និងការអនុវត្តន៍ស្តង់ដារ ផលិតករ និងសេវាឧស្សាហករក្នុងស្រុក អាចកែលម្អ គុណភាព និងសុវត្ថិភាពផលិតផល ដើម្បីទទួលបានទំនុកចិត្តពីអ្នកប្រើប្រាស់ ពង្រីកទីផ្សាររបស់ខ្លួនចូលក្នុងតំបន់ និងពិភពលោក ដែលក្នុងនោះការអនុលោមតាមស្តង់ដារជាកត្តាកំណត់ដ៏សំខាន់ ជាក់ស្តែងការចូលជាសមាជិកពេញសិទ្ធរបស់អង្គការស្តង់ដារអន្តរជាតិ ISO នាពេលនេះ, ដែលកិច្ចការនេះគឺជាមូលដ្ឋានគ្រឹះ ជំរុញបន្ថែមដល់ឧស្សាហកម្មក្នុងស្រុកអាចដើរបានកាន់តែប្រសើរ។ឯកឧត្តម ចាន់ សូផា អគ្គនាយកវិទ្យាស្ថានស្តង់ដារកម្ពុជា លើកឡើងថា តាមរយៈការចូលជាសមាជិកអង្គការស្តង់ដារអន្តរជាតិ ISO នេះ វិទ្យាស្ថានស្តង់ដារកម្ពុជា ក្រោមការយកចិត្តទុកដាក់របស់ក្រសួងឧស្សាហកម្ម វិទ្យាសាស្ត បច្ចេកវិទ្យា និងនវានុវត្តន៍ បានខិត ខំប្រឹងប្រែងយ៉ាងខ្លាំង ទើបធ្វើការងារនេះឈានសម្រេចបាន ដែលនេះគឺមោទនភាពរបស់កម្ពុជា ដែលបានឈានជើងចូលជាសមាជិក អង្គការស្តង់ដារអន្តរជាតិ ក្នុងនោះកម្ពុជាអាចចូលរួមផ្លាស់ប្តូគំនិត ការបញ្ចេញនូវយោបល់ និងការបោះឆ្នោតសម្រេចផ្សេងៗជាដើម។ឯកឧត្តម ហែម វណ្ណឌី ថ្លែងឱ្យដឹងថា ជុំវិញការចូលជាសមាជិកនេះ នៅថ្ងៃទី៨ ខែតុលា ឆ្នាំ២០២៥ អង្គការស្តង់ដារអន្តរជាតិ (ISO) បានអនុម័តដំឡើងកម្រិតសមាជិកភាពរបស់កម្ពុជាពី ”សមាជិកទំនាក់ទំនង” ទៅជា “សមាជិកពេញសិទ្ធិ” នៅក្នុងកិច្ចប្រជុំ មហាសន្និបាតលើកទី៤៧ របស់ខ្លួន នៅប្រទេសរវ៉ាន់ដា ដែលជាវឌ្ឍនភាពដ៏សំខាន់មួយទៀតសម្រាប់កម្ពុជា។ ការចូលរួមរបស់កម្ពុជាក្នុង សកម្មភាពអភិវឌ្ឍន៍ស្តង់ដារអន្តរជាតិ គឺជាកិច្ចការមួយដ៏សំខាន់ សម្រាប់ការពារផលប្រយោជន៍ឧស្សាហកម្ម និងអាជីវកម្មនៅកម្ពុជា បច្ចុប្បន្នអង្គការស្តង់ដារអន្តរជាតិ ISO មានសមាជិក ១៧៤ ប្រទេស មានគណៈកម្មការបច្ចេកទេសចំនួន ៨២៩ ដែលបានអនុវត្តស្តង់ ដារចំនួនជាង ២,៦ ម៉ឺនស្តង់ដារ ក្នុងនោះមានប្រទេសជាសមាជិកជាច្រើនបានចូលរួមយ៉ាងសកម្ម ក្នុងគណៈកម្មការបច្ចេកទេស និងបានជួយឱ្យប្រទេសទាំងនោះមានឧស្សាហកម្មរីកចម្រើន និងមានទីផ្សារធំទូលាយសម្រាប់ផលិតផលរបស់ខ្លួន៕អត្ថបទ៖ សុន រ៉ាឌី

ក្រុមស្រាវជ្រាវវេជ្ជសាស្ត្រចិន ឈ្វេងយល់ បរិបទ និងឱកាសវិនិយោគក្នុងវិស័យសុខាភិបាល នៅកម្ពុជា

នៅព្រឹកថ្ងៃអង្គារ ទី១៤ ខែតុលា ឆ្នាំ២០២៥ នៅទីស្តីការក្រសួងសុខាភិបាល ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអញ្ជើញទទួលជួបគណៈប្រតិភូវិនិយោគមកពីសាធារណរដ្ឋប្រជាមានិតចិន ដឹកនាំដោយឯកឧត្តម សេង ញ៉ក់ សមាជិកសភា និងជាតំណាងអ្នកវិនិយោគ ព្រមទាំងមានការចូលរួមដោយ ឯកឧត្តម សូ ហ្វង់ ទីប្រឹក្សាឯកឧត្តម អ៊ុច បូររិទ្ធ លោក យ៉ង លីវ ប្រធានក្រុមហ៊ុនShenzhen Jintong និងសាស្ត្រាចារ្យ ហ្សាង សូជី ប្រធានផ្នែកវិទ្យាសាស្ត្រ និងស្រាវជ្រាវវេជ្ជសាស្ត្ររួមជាមួយក្រុមការងារ ដោយមានគោលបំណងស្វែងយល់អំពី ឱកាសវិនិយោគលើវិស័យឱសថ និងសុខាភិបាលនៅកម្ពុជា។ឯកឧត្តម សេង ញ៉ក់ បានថ្លែងអំណរគុណយ៉ាងជ្រាលជ្រៅដល់ ឯកឧត្តមសាស្ត្រាចារ្យរដ្ឋមន្រ្តី ដែលបានឆ្លៀតពេលវេលាដ៏មមាញឹកក្នុងការទទួលជំនួបនេះ។ ឯកឧត្តមបានជម្រាបថា គណៈប្រតិភូនាពេលនេះ ត្រូវបាននាំមកក្នុងគោលបំណងសិក្សាឈ្វេងយល់អំពីបរិបទ និងឱកាសវិនិយោគក្នុងវិស័យសុខាភិបាលនៅកម្ពុជា ជាផ្នែកមួយនៃការចូលរួមសហការរវាងរដ្ឋាភិបាលទាំងពីរ និងជួយលើកស្ទួយសេដ្ឋកិច្ចជាតិ។ក្នុងឱកាសនោះដែរ ឯកឧត្តមសាស្ត្រាចារ្យរដ្ឋមន្រ្តី បានលើកឡើងថា ក្រសួងសុខាភិបាលសូមស្វាគមន៍ និងគាំទ្រជានិច្ចដល់កិច្ចសហប្រតិបត្តិការនានា និងការវិនិយោគក្នុងវិស័យសុខាភិបាល ដែលអនុវត្តដោយគោរពតាមនីតិវិធីច្បាប់ និងស្តង់ដារជាតិ និងអន្តរជាតិ ដើម្បីធានាបាននូវគុណភាពសេវាសុខាភិបាល និងសុវត្ថិភាពប្រជាពលរដ្ឋជាចម្បង៕

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបបានករណីឆបោកតាមប្រព័ន្ធបច្ចេកវិទ្យា ក្រោមរូបភាព អូសទាញជនរងគ្រោះ ដាក់ប្រាក់វិនិយោគតាមប្រព័ន្ធតេឡេក្រាម

អនុវត្តតាមបទបញ្ជារបស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងតាមការចង្អុលណែនាំពី ឯកឧត្ដម ឧត្ដមសេនីយ៍ឯក អគ្គស្នងការរងនគរបាលជាតិ នៅថ្ងៃទី០១ ខែតុលា ឆ្នាំ២០២៥ នាយកដ្ឋានប្រឆាំងបទល្មើសបច្ចេកវិទ្យា បានបើកការស្រាវជ្រាវ លើករណីឆបោកតាមប្រព័ន្ធបច្ចេកវិទ្យា ក្រោមរូបភាព អូសទាញជនរងគ្រោះ ដាក់ប្រាក់វិនិយោគតាមប្រព័ន្ធអនឡាញ ដោយទទួលប្រាក់ចំនេញច្រើនក្នុងរយ:ពេលខ្លី។ ដោយមានការសម្របសម្រួលពីអយ្យការអមសាលាដំបូងរាជធានីភ្នំពេញ នៅថ្ងៃទី០៦ ខែតុលា ឆ្នាំ២០២៥ នាយកដ្ឋានបានឃាត់ខ្លួនជនសង្ស័យ ចំនួន០២នាក់ ទី១ ឈ្មោះ ស.ស.ន ភេទស្រី និងទី២ ឈ្មោះ ស.ធ.ន ភេទស្រី។ តាមការស្រាវជ្រាវរបស់សមត្ថកិច្ច ជនសង្ស័យទាំង២នាក់នេះ បានពាក់ពន្ធ័និងការទិញ-លក់ គណនីតេឡេក្រាម អោយទៅជនល្មើសនិងបានយករូបថតថ្នាក់ដឹកនាំជាន់ខ្ពស់ និង រូបថតលោកអ្នកឧញ្ញ៉ាជាច្រើនរូបមកធ្វើជាប្រហ្វាល់ ដើម្បីធ្វើការឆបោកជនរងគ្រោះ ដោយអូសទាញជនរងគ្រោះអោយដាក់ប្រាក់វិនិយោគតាមប្រព័ន្ធអនឡាញ។បច្ចុប្បន្ន ជនសង្ស័យទាំង២នាក់ខាងលើ ត្រូវបាននាយកដ្ឋាន កសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់។នាយកដ្ឋាន សូមក្រើនរំលឹកដល់សារធារណជនទាំងអស់ សូមប្រុងប្រយ័ត្ន មុននឹងសម្រេចចិត្តដាក់ប្រាក់វិនិយោគតាមប្រព័ន្ធអនឡាញ និងសូមពិនិត្យពិចារណាអោយបានច្បាស់លាស់ពីប្រភពនៃការផ្សព្វផ្សាយអំពីការវិនិយោគតាមអនឡាញ ជៀសវាងការខាតបង់ផលប្រយោជន៍ និងទ្រព្យសម្បត្តិដោយប្រការណាមួយ៕

គណៈកម្មការអន្តរក្រសួងចុះពិនិត្យ និងវាយតំលៃការងារថែទាំផ្លូវ១ខ្សែភ្ជាប់ពីស្រុកភ្នំក្រវាញ ទៅស្រុកក្រគរ

នៅថ្ងៃទី១៤ ខែតុលា ឆ្នាំ២០២៥ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជាសមាជិកគណៈកម្មាធិការលទ្ធកម្ម តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួង រួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អមដំណើរដោយថ្នាក់ដឹកនាំក្រុមការងារបច្ចេកទេសនាយកដ្ឋានផ្លូវលំជនបទ គណៈកម្មការត្រួតពិនិត្យ និងវាយតម្លៃគុណភាពការងារសាងសង់ ស្តារឡើងវិញ ជួសជុល ថែទាំ និងលើកកម្រិតផ្លូវជនបទ និងសំណង់សិល្បការ្យ (គ.ត.វ) ថ្នាក់ដឹកនាំមន្ទីរអភិវឌ្ឍន៍ជនបទខេត្តពោធិ៍សាត់ និងអាជ្ញាធរមូលដ្ឋាន បានចុះត្រួតពិនិត្យបញ្ចប់១០០% លើការងារថែទាំខួបផ្លូវក្រាលល្បាយក្រួលចំនួន ១ខ្សែ ប្រវែង ៨១០០ម ទទឹង សាងសង់លូមូលមុខមួយចំនួន ១កន្លែង លូមូលមុខពីរចំនួន៣កន្លែង ស្ថិតក្នុងឃុំព្រងិល ស្រុកភ្នំក្រវាញ និងឃុំត្នោតជុំ ស្រុកក្រគរ អនុវត្តគម្រោងដោយ មន្ទីរអភិវឌ្ឍន៍ជនបទខេត្តពោធិ៍សាត់ ដោយប្រើប្រាស់ថវិការបស់រាជរដ្ឋាភិបាលកម្ពុជាតាមរយៈក្រសួងអភិវឌ្ឍន៍ជនបទ ។ក្នុងឱកាសនោះ ឯកឧត្តមបណ្ឌិត ចាន់ ដារ៉ុង មានប្រសាសន៍លើកឡើងថា ក្រសួងអភិវឌ្ឍន៍ជនបទដែលមាន ឯកឧត្តម ឆាយ ឫទ្ធិសែន ជារដ្ឋមន្រ្តី បាននឹងកំពុងយកចិត្តលើគុណភាពផ្លូវជនបទ ទាំងការស្ថាបនាផ្លូវថ្មី និងការជួសជុល ថែទាំផ្លូវដែលមានស្រាប់ ដើម្បីការប្រើប្រាស់បានយូរអង្វែង ធ្វើឲ្យចំណេញថវិការជាតិ ជាក់ស្តែង ក្នុងពេលនេះ គណៈកម្មការអន្តរក្រសួង និងមន្ត្រីបច្ចេកទេស បានចុះពិនិត្យ វាយតំលៃលើការងារថែទាំខួបផ្លូវក្រាលល្បាយក្រួលចំនួន ១ខ្សែក្នុងខេត្តពោធិ៍សាត់ ដែលផ្លូវល្បាយក្រួសជាទូទៅ ពុំមានអាយុកាលប្រើប្រាស់បានយូរដូចផ្លូវកោះស៊ូរ និងផ្លូវបេតុងនោះ ដូចនេះការថែទាំប្រកបដោយគុណភាពគឺជារឿងចាំបាច់ ។ ជាមួយគ្នានោះ ឯកឧត្តមរដ្ឋលេខាធិការ បានជម្រាបជូនដល់អាជ្ញាធរ ភូមិ-ឃុំ ថា ទោះជាការងារថែទាំផ្លូវនេះ ជាគម្រោងរបស់ក្រសួងអភិវឌ្ឍន៍ជនបទ និងអនុវត្តន៍ដោយមន្ទីរអភិវឌ្ឍន៍ជនបទខេត្តក៏ពិតមែន តែសូមអាជ្ញាធរភូមិ-ឃុំ និងប្រជាពលរដ្ឋដែលជាអ្នកប្រើប្រាស់ផ្លូវនេះដោយផ្ទាល់ត្រូវចូលរួមចំណែកក្នុងការថែរក្សា ដោយទប់ស្កាត់ការដឹកលើសទំងន់ កុំចាក់ដីខ្ពស់ជាងផ្លូវ កុំលុបផ្លូវទឹកសងខាងផ្លូវ កុំហាលកសិផលនានានៅលើផ្លូវ មានផ្លូវស្រួលកុំបើកបរលឿនពេកត្រូវគោរច្បាប់ចរាចរណ៍ និងត្រូវចូលរួមថែរក្សាបរិស្ថានអនាម័យតាមដងផ្លូវ។បន្ទាប់ពីបានចុះត្រួតពិនិត្យ និងប្រជុំពិភាក្សាជាមួយអ្នកទទួលការ និងអ្នកបច្ចេកទេសរួចមក គណៈកម្មការអន្តរក្រសួងបានឯកភាពទទួលយកវឌ្ឍនភាពការងារ១០០%លើគម្រោងខាងលើនេះ។ ទន្ទឹមនេះ គណៈកម្មការអន្តរក្រសួងបានណែនាំដល់មន្ទីរអភិវឌ្ឍន៍ជនបទជាអ្នកទទួលការ ឱ្យជួយថែផ្លូវនេះឱ្យបានដិតដល់ ដើម្បីធានាថាផ្លូវនេះអាចប្រើប្រាស់បានយូរអង្វែង និងបម្រើផលប្រយោជន៍ជូនប្រជាពលរដ្ឋ៕

សម្តេច ម៉ែន សំអន អញ្ជើញដឹកនាំគណៈប្រតិភូរណសិរ្សសាមគ្គី អភិវឌ្ឍន៍មាតុភូមិកម្ពុជា ចូលរួមកិច្ចប្រជុំលើកទី៨ នៅសាធារណរដ្ឋសង្គមនិយមវៀតណាម

ព្រឹកថ្ងៃថ្ងៃទី១៤ ខែតុលា ឆ្នាំ២០២៥ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា បានអញ្ជើញដឹកនាំគណៈប្រតិភូក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ចូលរួមកិច្ចប្រជុំលើកទី៨ ស្តីពី"ការអនុវត្តគម្រោងសាងសង់ ជួសជុល កែលំអ លើកសោភ័ណភាព ស្តូបមិត្តភាពកម្ពុជា-វៀតណាម នៅព្រះរាជាណាចក្រកម្ពុជា" នាទីក្រុងហូជីមិញ នៃសាធារណរដ្ឋសង្គមនិយមវៀតណាមចាប់ពីថ្ងៃទី១៤ ដល់១៦ ខែតុលា ឆ្នាំ២០២៥។ លោក វរសេនីយឯក ងៀន ទិនលីញ (Nguyễn Tấn Linh) មេបញ្ជាការរងយោធភូមិភាគីទី៧ បានអញ្ជើញទទួលស្វាគមន៍យ៉ាងកក់ក្ដៅដល់គណៈប្រតិភូរណសិរ្សសាមគ្គី អភិវឌ្ឍន៍មាតុភូមិកម្ពុជា នៅច្រកទ្វារអន្តរជាតិបាវិត ខេត្តស្វាយរៀង។

រដ្ឋបាលខេត្តព្រះសីហនុ បានទទួលធុងសំរាមចំនួន ៨២៨ ធុង ដើម្បីយកចែកជូនទៅដល់មូលដ្ឋានសុខភាព សាលារៀន និងវត្តអារាម

រដ្ឋបាលខេត្តព្រះសីហនុ នៅថ្ងៃទី១៤ ខែតុលា ឆ្នាំ២០២៥ បានទទួលធុងសំរាមពីក្រសួងបរិស្ថានចំនួន ៨២៨ ធុង ដើម្បីផ្តល់ជូនដល់រដ្ឋបាលក្រុងស្រុក ធ្វើការបែងចែកបន្តទៅសាលារៀន មណ្ឌលសុខភាព និងវត្តអារាម ។ពិធីប្រគល់និងទទួលនេះ ធ្វើឡើងនៅព្រឹកថ្ងៃទី១៤ ខែតុលា ឆ្នាំ២០២៥ ក្រោមអធិបតីភាព ឯកឧត្តម សាប៊ូ អូហ្សាណូ រដ្ឋលេខាធិការ តំណាង ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងឯកឧត្តម ឡុង ឌីម៉ង់អភិបាលរង តំណាង ឯកឧត្តម ម៉ាង ស៊ីណា អភិបាលនៃគណៈអភិបាលខេត្តព្រះសីហនុ និងដោយមានការអញ្ជើញចូលរួមពីមន្រ្តីជាន់ខ្ពស់ក្រសួង និងរដ្ឋបាលខេត្តព្រះសីហនុជាច្រើនរូប។ ឯកឧត្តម ឡុង ឌីម៉ង់ ក្នុងនាមរដ្ឋបាលខេត្តព្រះសីហនុ បានថ្លែងអរគុណដល់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ដែលបានប្រគល់ធុងសំរាមដល់រដ្ឋបាលខេត្ត ដើម្បីផ្តល់ជូនទៅតាមគោដៅនៅក្នុងមូលដ្ឋានដែលជាការលើកទឹកចិត្ត និងជំរុញភាពស្អាត នៅក្នុងមូលដ្ឋានរបស់ខ្លួន ក្នុងការគ្រប់គ្រងសំរាម សំណល់រឹងទីប្រជុំជនឱ្យបនាត្រឹមត្រូវ។ ឯកឧត្តមបានបន្ថែមថា ការផ្តល់ជូនធុងសំរាមនេះនឹងចូលរួមលើកកម្ពស់សោភណ្ឌភាពសហគមន៍បានមួយកម្រិតបន្ថែមទៀត។ សូមបញ្ជាក់ថា ក្រសួងបរិស្ថានបានប្រកាសពីការប្រគល់ជូនធុងសំរាមទៅដល់រដ្ឋបាលខេត្តចំនួន៦ ក្នុងនោះមានខេត្តត្បូងឃ្មុំ ពោធិ៍សាត់ កែប កំពត កោះកុង និងព្រះសីហនុ សរុបចំនួន ១០,១៣៤។ សំរាប់ខេត្តព្រះសីហនុ ថ្ងៃនេះទទួលបានធុងសំរាមពីក្រសួងបរិស្ថានចំនួន ៨២៨ ធុង។ការផ្តល់ធុងសំរាមនេះ គឺជាកិច្ចការសំខាន់ដែលអាចអប់រំប្រជាពលរដ្ឋឱ្យចេះទុកដាក់ និងញែកសំរាមតាមប្រភេទសំរាម ក៏ដូចជាជួយផ្តល់លទ្ធភាពឱ្យគ្រួសារ ដែលពុំមានលទ្ធភាពរកធុងសំរាមបាន អាចកាន់នាំយកសំរាមមកដាក់ក្នុងធុង នៅតាមសាលារៀន មណ្ឌលសុខភាព និងវត្តអារាមបាន ដោយពុំចាំបាច់ចំណាយលើការប្រមូលសំរាមឡើយ និងម្យ៉ាងទៀត ក៏ជាការប្រមូលផ្តុំសំរាម ដែលសម្រួលដល់ការប្រមូលសំរាម៕

ពិព័រណ៍ខ្នាតអន្តរជាតិវិស័យសំណង់និងឧស្សាហកម្មយានយន្ត បើកស្វាគមន៍អ្នកជំនួញដើម្បីរួមគ្នាអភិវឌ្ឍន៍ជាតិនៅកម្ពុជា

នៅព្រឹកថ្ងៃទី១៤ ខែតុលានេះ ពិព័រណ៍អន្តរជាតិដ៏សំខាន់ៗចំនួនពីរ គឺវិស័យសំណង់ និងឧស្សាហកម្មយានយន្ត (CAMBUILD & CAMAUTO 2025) បានបើកសម្ពោធជាផ្លូវការនៅអគារមជ្ឈមណ្ឌលសន្និបាតកោះពេជ្រ ដែលបង្ហាញស្ដែងឲ្យឃើញពីជំហានដ៏សំខាន់ក្នុងការអភិវឌ្ឍវិស័យឧស្សាហកម្មសំណង់ និងបច្ចេកវិទ្យាថ្មីៗរបស់ព្រះរាជាណាចក្រកម្ពុជា។ពិធីបើកសម្ពោធពិព័រណ៍អន្តរជាតិនេះ បានប្រព្រឹត្តទៅដោយមានការអញ្ជើញចូលរួមពីគណៈអធិបតី ឯកឧត្ដម ឡៅ ទិព្វសីហា រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ ព្រមទាំងមានការចូលរួមពីថ្នាក់ដឹកនាំវិស័យឧស្សាហកម្មផ្សេងទៀតដូចជា លោក Edmund Lee, នាយកអភិវឌ្ឍន៍អាជីវកម្មនៅកម្ពុជា និង ឯកឧត្ដម បណ្ឌិត តាន់ មុនីវណ្ណ ប្រធានសហព័ន្ធឧស្សាហកម្មយានយន្តកម្ពុជា។ ពិព័រណ៍នេះ មានអ្នកចូលរួមតាំងបង្ហាញផលិតផលប្រមាណជាង ១០០ក្រុមហ៊ុន មកពីជាង ១៥ប្រទេស ដែលនាំមកនូវសម្ភារៈសំណង់សម័យថ្មី បច្ចេកវិទ្យាសំណង់ទំនើប និងប្រព័ន្ធមេកានិច-អគ្គីសនី ដែលមានសុវត្តិភាពខ្ពស់។លោក Edmund Lee បានលើកឡើងថា ការរៀបចំពិព័រណ៍ទាំងពីរនៅទីតាំងតែមួយនេះ ជាការបង្ហាញនូវសក្តានុពល និងការរួមបញ្ចូលគ្នាដែលមានភាពស៊ីសង្វាក់គ្នា រវាងឧស្សាហកម្មសំណង់ស្តង់ដារពិភពលោក និងឧស្សាហកម្មយានយន្ត ដែលជាគ្រឿងផ្សំមួយដ៏សំខាន់ក្នុងការបង្កើតសហគមន៍ ដែលអាចរស់នៅបាន និងមាននិរន្តរភាព។ លោករំពឹងថា ពិព័រណ៍នេះ នឹងទាក់ទាញអ្នកជំនាញឧស្សាហកម្មច្រើនជាង ៦,០០០នាក់ រួមមានអ្នកសាងសង់ អភិវឌ្ឍន៍អាគារ វិស្វករ ជំនាញយានយន្ត និងអ្នកវិនិយោគជាដើម។-ល-។ ឯកឧត្ដមរដ្ឋលេខាធិការ ឡៅ ទិព្វសីហា បានមានប្រសាសន៍ថា ពិព័រណ៍ទាំងពីរនេះ នឹងក្លាយជាស្ពានភ្ជាប់ទំនាក់ទំនងដ៏សំខាន់ រវាងព្រះរាជាណាចក្រកម្ពុជា និងសហគមន៍អន្តរជាតិ ដែលនាំមកនូវបច្ចេកវិទ្យា ឯកទេស និងដំណោះស្រាយទំនើបៗ ដែលនឹងស្ថាបនាអនាគតរបស់វិស័យសំណង់ ឧស្សាហកម្ម និងយានយន្តនៅកម្ពុជា។ ឯកឧត្តម បានបន្ថែមថា នេះមិនត្រឹមតែជាឱកាសអាជីវកម្មប៉ុណ្ណោះទេ តែជាវិថីនៃការអភិវឌ្ឍន៍ដែលមាននិរន្តរភាព និងឯករាជនៃបច្ចេកវិទ្យារបស់ប្រទេសជាតិផងដែរ។ក្រៅពីការតាំងពិព័រណ៍ នៅក្នុងកម្មវិធីនេះ ក៏នឹងមានរៀបចំជាវេទិកា ដើម្បីបង្ហាញពីជំនាញបច្ចេកទេស ដែលផ្តល់ចំណេះដឹងសំខាន់ៗដូចជា៖ និរន្តភាពនៃសំណង់អគារ, ការរចនាប្រព័ន្ធថាមពលដោយប្រសិទ្ធភាព, បច្ចេកវិទ្យាសំណង់ឌីជីថល, ផែនទីនគរូបនីយកម្មនិរន្តរភាព និងអនាគតរបស់ «Smart Mobility»។ ព្រឹត្តិការណ៍ដ៏ធំមួយនេះ នឹងរៀបចំឡើងរយៈពេល ៣ថ្ងៃ ចាប់ពី ថ្ងៃទី១៤ ដល់១៦ ខែតុលា ឆ្នាំ២០២៥៕ អត្ថបទ៖ឈិត បូរ៉ាវី

វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ ១១៦០កន្លែង លើ ១៦មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

វិទ្យាស្ថានបច្ចេកទេសឧស្សាហកម្ម នៃក្រសួងការងារ និងបណ្តុះបណ្តាលវិជ្ជាជីវៈ ផ្តល់អាហារូបករណ៍ចំនួន ១ ១៦០កន្លែង លើ ១៦មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។ មុខជំនាញទាំង១៦ នោះ រួមមាន ការថែទាំ និងជួសជុលរថយន្ត, ការថែទាំ និងជួសជុលអគ្គិសនីរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលម៉ាស៊ីនធុនតូច, ការថែទាំ និងជួសជុលទោចក្រយានយន្ត, ការតោន និងបាញ់ថ្នាំ, ការថែទាំ និងជួសជុលរថយន្តអគ្គិសនី, សេវាកម្មបរិក្ខារត្រជាក់ក្នុងគេហដ្ឋាន, សេវាកម្មបរិក្ខារផ្ទះបាយ, ការផ្សារអគ្គិសនី, ការបន្ស៊ីលោហៈ, ការផ្សារឧស្ម័ន, ការបោកអ៊ុតសម្លៀកបំពាក់, ការបញ្ជាម៉ាស៊ីនបោះពុម្ព , ការដេរសម្លៀកបំពាក់ និងការដំឡើង និងថែទាំជណ្តើរយន្ត។ ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០១៥ ៨២១ ៨២៧/ ០១៦ ៨២១ ៨២៧/ ០១៧ ៨២១ ៨២៧/ ០៦០ ៨២១ ៨២៧ ឬ អញ្ជើញមកវិទ្យាស្ថានបច្ចេកទេសឧស្សាហកម្ម ដោយផ្ទាល់ដែលមានអាសយដ្ឋាននៅតាមបណ្តោយផ្លូវមហាវិថីសហព័ន្ធរុស្ស៊ី (ច្រកចូលខាងកើតជាប់របងវត្តទឹកថ្លា) សង្កាត់ទឹកថ្លា ខណ្ឌសែនសុខ រាជធានីភ្នំពេញ៕

បណ្ដាញសង្គម

ព័ត៌មានថ្មីៗ

ការប៉ះទង្គិចគ្នា បានផ្ទុះឡើងនៅវ៉េណេស៊ុយអេឡា ក្នុងអំឡុងពេលនៃការតវ៉ារបស់បុគ្គលិករដ្ឋ

អ្នកវិភាគនិយាយថា ប៉ាគីស្ថានកំពុងស្ថិតនៅក្រោមសម្ពាធ នៅមុនកិច្ចចរចាសង្គ្រាមនៅអ៊ីរ៉ង់

ភាគហ៊ុនសកលរង្គោះរង្គើ និងប្រេងបន្តឡើងថ្លៃ ខណៈការវាយប្រហាររបស់អ៊ីស្រាអែលលើលីបង់សាកល្បងបទឈប់បាញ់អ៊ីរ៉ង់

ADB៖ កំណើនសេដ្ឋកិច្ចក្នុងតំបន់អាស៊ីប៉ាស៊ីហ្វិក កំពុងប្រឈមនឹងកំណើនសេដ្ឋកិច្ចខ្សោយ និងអតិផរណាខ្ពស់

ក្រុមអវកាសយានិក Artemis II របស់ណាសា ត្រៀមបញ្ចប់បេសកកម្មភពព្រះចន្ទក្នុងដំណាក់កាលវិលត្រឡប់មកផែនដីមានការប្រឈមខ្ពស់

អារ៉ាប៊ីសាអ៊ូឌីត និយាយថា សកម្មភាពប្រតិបត្តិការត្រូវបានផ្អាកនៅទីតាំងថាមពលជាច្រើនកន្លែង

ប្រមុខណាតូនិយាយថា លោកយល់ពីការខកចិត្តរបស់លោកTrump ចំពោះសម្ព័ន្ធមិត្តលើបញ្ហាអ៊ីរ៉ង់

មន្ទីរពេទ្យនានាក្នុងទីក្រុងបេរូតកំពុងទប់ទល់កំណើនជនរងគ្រោះក្រោយការវាយប្រហាររបស់អ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877