BTV NEWS

រាជធានី-ខេត្តមួយចំនួននៅកម្ពុជា អាចនឹងមានភ្លៀងធ្លាក់ ជាមួយផ្គររន្ទះ និងខ្យល់កន្ត្រាក់ចាប់ពីថ្ងៃទី១៤ ដល់ថ្ងៃទី២៥ ខែមេសា ដោយសារឥទ្ធិពលព្យុះ «ស៊ីនឡាគូ»

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

ក្រុមប្រឹក្សាធម្មនុញ្ញបើកកិច្ចប្រជុំពេញអង្គពិនិត្យធម្មនុញ្ញភាពច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា

សម្ដេចធិបតី ហ៊ុន ម៉ាណែត អនុញ្ញាតឲ្យប្រធានក្រុមហ៊ុនខ្នាតយក្សមួយរបស់ចិនក្នុងវិស័យវិស្វកម្ម និងហេដ្ឋារចនាសម្ព័ន្ធ ចូលជួបសម្តែងការគួរសម និងពិភាក្សាការងារ

ព័ត៌មានជាតិ

នាយឧត្តមសេនីយ៍ ទៀ សីហា អញ្ជើញចូលរួមពិធីបិទលំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នារវាងកងទ័ពបីប្រទេសកម្ពុជា-ឡាវ-វៀតណាម

តបតាមការអញ្ជើញរបស់ ឯកឧត្តម ឧត្តមសេនីយ៍ឯក ខាំលៀង ឧថាក់កៃសន រដ្ឋមន្ត្រីការពារប្រទេស នៃសាធារណរដ្ឋប្រជាធិបតេយ្យប្រជាមានិតឡាវ កាលពីល្ងាចថ្ងៃទី ១៣ ខែតុលា កន្លងទៅនេះឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់ ក្រសួងការពារជាតិ និងអគ្គបញ្ជាការដ្ឋាន នៃកងយោធពលខេមរភូមិន្ទ ទៅបំពេញទស្សនៈកិច្ច និង ចូលរួមក្នុង កិច្ចប្រជុំរដ្ឋមន្ត្រីការពារជាតិបីប្រទេស កម្ពុជា-ឡាវ-វៀតណាម និងពិធីបិទលំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នារវាងកងទ័ពបីប្រទេស កម្ពុជា-ឡាវ-វៀតណាម ចាប់ពីថ្ងៃទី១៣ ដល់ថ្ងៃទី១៦ ខែតុលា ឆ្នាំ២០២៥ នៅសាធារណរដ្ឋប្រជាធិបតេយ្យប្រជាមានិតឡាវ រដ្ឋធានីវៀងច័ន្ទន៍។អញ្ជើញជូនដំណើរប្រតិភូដល់ព្រលានយន្តហោះអន្តរជាតិតេជោ មានឯកឧត្តម ជា រដ្ឋលេខាធិការ អនុរដ្ឋលេខាធិការក្រសួងការពារជាតិ អគ្គនាយក អគ្គនាយករង មេបញ្ជាការ មេបញ្ជាការរងនិង នាយទាហាននៅក្នុងក្រសួងការពារជាតិជាច្រើនរូបទៀត។ ក្នុងដំណើរការចូលរួមកិច្ចប្រជុំរបស់ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្នុងកិច្ចប្រជុំជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ត្រីការពារជាតិបីប្រទេស និងពិធីបិទលំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នារវាងកងទ័ពបីប្រទេស កម្ពុជា-ឡាវ-វៀតណាម នឹងនាំមកនូវការរិតចំណងមិត្តភាព សាមគ្គីភាព រវាងកងទ័ពទាំង ៣ ប្រទេសកម្ពុជស ឡាវ និង វៀតណាម សំដៅបង្កើននូវទំនាក់ទំនង និងជំរុញកិច្ច សហប្រតិបត្តិការការពារជាតិជាមួយគ្នាទៅវិញទៅមកឱ្យកាន់តែស៊ីជម្រៅរឹងមាំបន្ថែមទៀត ព្រមទាំង រួមចំណែកថែរក្សានូវ សន្តិសុខ សន្តិភាព ស្ថេរភាព ការអភិវឌ្ឍ ប្រកបដោយចីរភាព និងសាមគ្គីភាព មិត្តភាព សម្រាប់តំបន់ និង សកលលោកទាំងមូល៕

សម្ដេចតេជោជំរុញឱ្យរដ្ឋាភិបាលកម្ពុជា និងម៉ាឡេស៊ី ពង្រីកទំហំពាណិជ្ជកម្មបន្ថែមទៀតជាពិសេសវិស័យទេសចរណ៍ សុខាភិបាល និងកសិកម្ម

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានជំរុញឱ្យរាជរដ្ឋាភិបាលកម្ពុជា និងប្រទេសម៉ាឡេស៊ីធ្វើការពង្រីកទំហំពាណិជ្ជកម្មរវាងប្រទេសទាំងពីរបន្ថែមទៀតជាពិសេសទៅលើ វិស័យទេសចរណ៍ សុខាភិបាល និងកសិកម្ម។សម្ដេចតេជោ ហ៊ុន សែន មានប្រសាសន៍បញ្ជាក់បែបនេះ ក្នុងឱកាសអនុញ្ញាតឱ្យ ឯកឧត្តម Dato Seri’ Ahmad Zahid bin Hamidi ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍តំបន់ និងជនបទ នៃសហព័ន្ធ ម៉ាឡេស៊ី ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ នៅថ្ងៃទី១៤ ខែតុលា ឆ្នាំ២០២៥។ឯកឧត្តម ជា ធីរិទ្ធ អ្នកនាំពាក្យ ព្រឹទ្ធសភាកម្ពុជា បានឱ្យដឹងនៅក្រោយជំនួបនេះថា ក្នុងឱកាសជំនួបនេះ សម្ដេចតេជោ បានសម្ដែងនូវការស្វាគមន៍ចំពោះឯកឧត្តម ឧបនាយករដ្ឋមន្រ្ដី និងសហការី ដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា។ សម្ដេចតេជោបានចាត់ទុកវត្តមានរបស់ឯកឧត្តមនាពេលនេះជាផ្នែកដ៏សំខាន់ក្នុងការញ៉ាំងទំនាក់ទំនងរវាងកម្ពុជា និងម៉ាឡេស៊ីឱ្យកាន់តែមានភាពជិតស្និទ្ធ និងមានភាពរីកចម្រើនបន្ថែមទៀត។ ឯកឧត្តម ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍តំបន់ និងជនបទ នៃសហព័ន្ធ ម៉ាឡេស៊ី បានសម្ដែងការអរគុណចំពោះសម្ដេចតេជោ ប្រធានព្រឹទ្ធសភានៃព្រះរាជាណាចក្រកម្ពុជា ដែលបានអនុញ្ញាតឱ្យឯកឧត្តម និងសហការីបានជួបសម្ដែងការគួរសមនៅក្នុងឱកាសនេះ។ ឯកឧត្តមបានវាយតម្លៃខ្ពស់ចំពោះទំនាក់ទំនងរវាងកម្ពុជា និងម៉ាឡេស៊ី មានភាពរឹងមាំ ហើយទំនាក់ទំនងនេះមិនត្រឹមតែជាទំនាក់ទំនងការទូត ឬនយោបាយទេ ក៏ប៉ុន្ដែទំនាក់ទំនងរវាងប្រជាជន និងប្រជាជនរវាងប្រទេសទាំងពីរក៏មានភាពរីកចម្រើនរឹងមាំផងដែរ។ ឯកឧត្តម ក៏បានរំលេចឡើងអំពីការអភិវឌ្ឍវិស័យម្ហូបអាហារហាឡាល នៅកម្ពុជាផងដែរ ដោយឯកឧត្តមបានជំរុញឱ្យវិស័យនេះកើតចេញជារូបរាង មានភាពរីកចម្រើននៅកម្ពុជា ដោយឯកឧត្តម សង្ឃឹមថា នឹងមានគណៈកម្មការមួយដើម្បីសិក្សា និងធ្វើទៅលើកិច្ចការងារ ដើម្បីជំរុញទៅដល់វិស័យម្ហូបអាហារហាឡាលនេះនៅកម្ពុជា។ ឯកឧត្តម ក៏បានរំលេចនូវការពង្រីកទំនាក់ទំនងលើវិស័យទេសចរណ៍រវាងប្រទេសទាំងពីរ ដោយឯកឧត្តមចង់ជំរុញឱ្យវិស័យទេសចរណ៍រវាងប្រទេសទាំងពីរមានភាពរីកចម្រើនហើយម៉ាឡេស៊ីក៏បានត្រៀមខ្លួនទទួលទេសេចរកម្ពុជា ជាពិសេសទេសចរផ្នែកសុខាភិបាលដែលអញ្ជើញទៅទទួលសេវាពិនិត្យសុខភាពនៅប្រទេសម៉ាឡេស៊ី។ ឯកឧត្តមក៏បានជម្រាបសម្ដេចតេជោថា ម៉ាឡេស៊ីក៏កំពុងពិនិត្យលទ្ធភាពដើម្បីធ្វើយ៉ាងណាអាចបង្កើតមន្ទីរពេទ្យរបស់ម៉ាឡេស៊ីនៅកម្ពុជាផងដែរ។ ជាការឆ្លើយតបសម្ដេចតេជោ បានសម្ដែងការឯកភាពចំពោះការរបស់ឯកឧត្តមឧបនាយករដ្ឋមន្រ្ដី និងជារដ្ឋមន្រ្ដី ចំពោះការលើកឡើងអំពីការពង្រីកទំនាក់ទំនងរវាងកម្ពុជា និងម៉ាឡេស៊ីឱ្យកាន់តែរីកចម្រើន ហើយសម្ដេចតេជោបានគត់សម្គាល់ថាដើម្បីឱ្យទំនាក់ទំនងប្រទេសទាំងពីរបានដើរទៅស្របគ្នាទាំងសេដ្ឋកិច្ច និងនយោបាយ ការពង្រីកនូវទំនាក់ទំនងសេដ្ឋកិច្ច ពាណិជ្ជកម្ម ការវិនិយោគ ទេសចរណ៍រវាងកម្ពុជា និងម៉ាឡេស៊ីត្រូវតែធ្វើយ៉ាងណាឱ្យមានភាពរីកចម្រើនដូចគ្នាដែរ។ សម្ដេចតេជោក៏បានគត់សម្គាល់ឃើញថា ពាណិជ្ជកម្មរវាងកម្ពុជា និងម៉ាឡេស៊ីមានការកើនឡើង ប៉ុន្ដែសម្ដេចចង់ជំរុញឱ្យរដ្ឋាភិបាលនៃប្រទេសទាំងពីរធ្វើយ៉ាងណាឱ្យទំហំពាណិជ្ជកម្មរវាងប្រទេសទាំងពីរមានការកើនឡើងបន្ថែមទៀត។ សម្ដេចតេជោ ក៏បានអរគុណចំពោះប្រទេសម៉ាឡេស៊ី ដែលនាពេលកន្លងមកបានជួយទិញអង្ករពីកម្ពុជា ដែលប្រទេសម៉ាស៊ី គឺជាប្រទេសធំទី១ដែលនាំអង្ករពីកម្ពុជាច្រើនជាងគេ ដោយមានចំនួនរហូតដល់ ៧ ម៉ឺនតោនកាលពីឆ្នាំ ២០២៤ ហើយសម្ដេចសង្ឃឹមថា ម៉ាឡេស៊ីនឹងជួយទិញនូវផលិតផលកសិកម្មកម្ពុជាបន្ថែមទៀតពីកម្ពុជា។ ទាក់ទងទៅនឹងវិស័យទេសចរណ៍សុខាភិបាល សម្ដេចតេជោ ក៏បានឯកភាពទៅនឹងការលើកឡើងរបស់ឯកឧត្តមឧបនាយករដ្ឋមន្រ្ដីដែរ ដោយសម្ដេចតេជោ បានផ្ដល់យោបល់ថា ម៉ាឡេស៊ីគួរតែបង្កើតនូវមជ្ឈមណ្ឌលផ្ដល់ព័ត៌មានមួយអំពីការផ្ដល់សេវាសុខាភិបាលនៅកម្ពុជាអំពីការទៅព្យាបាលនៅម៉ាឡេស៊ី ដើម្បីអាចឱ្យពលរដ្ឋកម្ពុជាដែលចង់ទៅព្យាបាលនៅម៉ាឡេស៊ី អាចឈ្វេងយល់បន្ថែមទៀតលើជម្រើសទៅព្យាបាលនៅម៉ាឡេស៊ី។ ចំណែកវិស័យម្ហូបអាហារហាឡាល សម្ដេចតេជោ បានបញ្ជាក់ថា វិស័យនេះជាបញ្ហាមួយដែលបានលើកឡើងយូរហើយ សម្ដេចសង្ឃឹមថាវានឹងលេចចេញជារូបរាងក្នុងពេលឆាប់ៗខាងមុខដែលប្រទេសទាំងពីរអាចធ្វើបានតាមរយៈកិច្ចសហការជាមួយគ្នា៕

សម្ដេចតេជោ៖ កម្ពុជាមិនត្រូវការឱ្យប្រទេសជាមិត្តថ្កោលទោសថៃទេ ប៉ុន្ដែចង់ឱ្យជំរុញគោរពបទឈប់បាញ់ឱ្យមានប្រសិទ្ធភាព ឈានទៅដោះស្រាយត្រឡប់មកប្រក្រតីភាពឡើងវិញ

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានមានប្រសាសន៍បញ្ជាក់ជាថ្មីថា ពាក់ព័ន្ធនឹងបញ្ហាព្រំដែនរវាងកម្ពុជា និងថៃ កម្ពុជាចង់បានគឺមិនត្រូវការឱ្យប្រទេសជាមិត្តណាមួយរបស់កម្ពុជាទៅថ្កោលទោសប្រទេសណាទេ ប៉ុន្ដែអ្វីដែលកម្ពុជាចង់បាន គឺការជំរុញឱ្យភាគីទាំងពីរគោរពបទឈប់បាញ់មួយឱ្យមានប្រសិទ្ធភាព និងការស្វែងរកដំណោះស្រាយ ដើម្បីឈានទៅរកការដោះស្រាយមួយទទួលបានប្រក្រតីភាពឡើងវិញរវាងប្រទេសទាំងពីរ។សម្ដេចតេជោ ហ៊ុន សែន មានប្រសាសន៍បញ្ជាក់បែបនេះ ក្នុងឱកាសអនុញ្ញាតឱ្យ ឯកឧត្តម Dato Seri’ Ahmad Zahid bin Hamidi ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍តំបន់ និងជនបទ នៃសហព័ន្ធ ម៉ាឡេស៊ី ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ នៅថ្ងៃទី១៤ ខែតុលា ឆ្នាំ២០២៥។ឯកឧត្តម ជា ធីរិទ្ធ អ្នកនាំពាក្យ ព្រឹទ្ធសភាកម្ពុជា បានឱ្យដឹងនៅក្រោយជំនួបនេះថា តាមរយៈជំនួបនេះ សម្ដេចតេជោ ក៏បានបញ្ជាក់អំពីស្ថានភាពទូទៅនៃបញ្ហាព្រំដែន រវាងកម្ពុជា-ថៃ ដែលកំពុងឋិតនៅជាកង្វល់ ព្រោះវាជាបញ្ហាមួយដែលផុយស្រួយខ្លាំងណាស់ក្នុងការប៉ះទង្គិចគ្នាឡើងវិញ។ សម្ដេចតេជោ បញ្ជាក់ទៅកាន់ឯកឧត្តមឧបនាយករដ្ឋមន្រ្ដីម៉ាឡេស៊ីថា «អ្វីដែលកម្ពុជាចង់បានគឺមិនត្រូវការឱ្យប្រទេសណាមួយដែលជាមិត្តរបស់កម្ពុជាទៅថ្កោលទោសប្រទេសណាទេ ប៉ុន្ដែអ្វីដែលកម្ពុជាចង់បាន គឺការជំរុញឱ្យភាគីទាំងពីរគោរពបទឈប់បាញ់មួយឱ្យមានប្រសិទ្ធភាព និងការស្វែងរកដំណោះស្រាយដើម្បីឈានទៅរកការដោះស្រាយមួយឈានមកទទួលបានប្រក្រតីភាពឡើងវិញរវាងប្រទេសទាំងពីរ»។ ជាមួយគ្នានេះ សម្ដេចតេជោ ក៏បានអរគុណ តាមរយៈឯកឧត្តម ឧបនាយករដ្ឋមន្រ្ដីម៉ាឡេស៊ី ដោយសម្ដេចតេជោ បានអរគុណចំពោះឯកឧត្តមនាយករដ្ឋមន្រ្ដីម៉ាឡេស៊ី អាន់វ៉ា អ៊ីប្រាហ៊ីម ដែលបានធ្វើសកម្មភាពយ៉ាងសកម្មជាទីបំផុតក្នុងការចូលរួមចំណែកដោះស្រាយបញ្ហារវាងកម្ពុជា និងថៃ។ សម្ដេចតេជោ បានបង្ហាញនូវការគោរពចំពោះតួនាទីស្នូលរបស់ឯកឧត្តម អាន់វ៉ា អ៊ីប្រាហ៊ីម ដែលមានសារៈសំខាន់ណាស់ ក្នុងការធានាឱ្យមានបទឈប់បាញ់ និងការដោះស្រាយបញ្ហារវាងកម្ពុជា និងថៃក្នុងឋានៈឯកឧត្តមជាប្រធានអាស៊ាន។ សម្ដេចតេជោ ក៏បានផ្ដាំផ្ញើនូវការនឹករឭក និងអរគុណក្រៃលែងចំពោះការចូលរួមយ៉ាងសកម្មរបស់ប្រទេសម៉ាឡេស៊ី លើការដោះស្រាយបញ្ហាព្រំដែនរវាងកម្ពុជា និងថៃ។ ជាចុងក្រោយសម្ដេចតេជោ ក៏បានលើកឡើងអំពីបញ្ហានៅប្រទេសមីយ៉ាន់ម៉ា និងទីម័រឡេស្ដេ ដែលម៉ាឡេស៊ីក្នុងឋានៈជាប្រធានអាស៊ាន បានជួយឱ្យទីម័រឡេស្ដេ អាចចូលជាសមាជិកពេញសិទ្ធិអាស៊ាននាពេលដ៏ខ្លីខាងមុខនេះផងដែរ៕

ADB មានមោទនភាពចំពោះភាពជាដៃគូជាមួយក្រសួងអប់រំ ក្នុងការអនុវត្តគម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDP-II) ដោយសម្រេចបានសមិទ្ធផលជាច្រើន

តំណាងធនាគារអភិវឌ្ឍន៍អាស៊ី ADB បានថ្លែងអបអរសាទរចំពោះការបិទបញ្ចប់គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDP-II) ដោយជោគជ័យ និងបានគូសបញ្ជាក់នូវមោទនភាពក្នុងភាពជាដៃគូជាមួយក្រសួងអប់រំ យុវជន និងកីឡាគាំទ្រលើគម្រោងនេះ ដែលសម្រេចបានសមិទ្ធផលជាច្រើន។នារសៀលថ្ងៃទី ១៣ ខែតុលា ឆ្នាំ២០២៥ នៅទីស្តីការក្រសួង ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានទទួលជួបសម្ដែងការគួរសម និងពិភាក្សាការងារ ជាមួយប្រតិភូធនាគារអភិវឌ្ឍន៍អាស៊ី ADB ដឹកនាំដោយ លោកជំទាវ Ayako Inagaki នាយិកាជាន់ខ្ពស់ ការិយាល័យអភិវឌ្ឍន៍ធនធានមនុស្ស និងសង្គម (Senior Director, Human & Social Development Office) ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា និងមន្ត្រីពាក់ព័ន្ធក្រោមឱវាទ។ក្នុងឱកាសនៃជំនួបនេះ តំណាង ធនាគារអភិវឌ្ឍន៍អាស៊ី ADB បានអបអរសាទរចំពោះការបិទបញ្ចប់គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDP-II) ដោយជោគជ័យ និងបានគូសបញ្ជាក់នូវមោទនភាពក្នុងភាពជាដៃគូជាមួយក្រសួងអប់រំ យុវជន និងកីឡាគាំទ្រលើគម្រោងនេះ ដែលសម្រេចបានសមិទ្ធផលជាច្រើន ព្រមទាំងបានថ្លែងអំណរគុណដល់ក្រសួងអប់រំ យុវជន និងកីឡា ចំពោះការផ្តល់កិច្ចសហប្រតិបត្តិការប្រកបដោយការយកចិត្តទុកដាក់ និងបានពិភាក្សាអំពីគម្រោងអភិវឌ្ឍវិស័យអប់រំ និងអាទិភាពថ្មីៗ ដូចជា៖ (១) វឌ្ឍនភាពនៃការអនុវត្តគម្រោង STEP UP និង SE4HC (២) ការពង្រឹងគន្លងអប់រំ (ផ្នែកវិទ្យាសាស្ត្រ វិទ្យាសាស្ត្រសង្គម និងការបណ្ដុះបណ្ដាលបច្ចេកទេសក្នុងការអប់រំកម្រិតមធ្យមសិក្សា) ដែលនឹងជំរុញការអប់រំ STEM និងកែលម្អការផ្លាស់ប្តូរពីសាលារៀនទៅការងារ (school-to-work transition) (៣) ការសិក្សាដែលកំពុងបន្តធ្វើការជាមួយ UNICEF និង ធនាគារពិភពលោក ស្តីពីផលប៉ះពាល់រយៈពេលខ្លី និងរយៈពេលវែងនៃការប៉ះពាល់នឹងកម្តៅខ្លាំងទៅលើលទ្ធផលនៃការសិក្សា និងវេទិកាជំនាញអន្តរជាតិ ADB (ADB International Skills Forum) នៅដើមខែធ្នូ ក្នុងទីក្រុងម៉ានីល។ជាការឆ្លើយតប ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានកោតសរសើរ និងវាយតម្លៃខ្ពស់ចំពោះកិច្ចសហប្រតិបត្តិការរបស់ធនាគារអភិវឌ្ឍន៍អាស៊ី ADB ដែលបានគាំទ្រដល់គម្រោងកែលម្អគុណភាពអប់រំនៅកម្ពុជា និងបានលើកឡើងអំពីវឌ្ឍនភាពនៃកំណែទម្រង់វិស័យអប់រំ ដែលកំពុងផ្តោតយកចិត្តទុកដាក់លើ កំណែទម្រង់សាលារៀន ការចាប់ផ្តើមអនុវត្តសាកល្បងគន្លងអប់រំថ្មី ចាប់ពីថ្នាក់ទី១០ ដែលរួមមានគន្លង ថ្នាក់វិទ្យាសាស្ត្រ វិទ្យាសាស្ត្រសង្គម និងការអប់រំជំនាញបច្ចេកទេសវិជ្ជាជីវៈ, កំណែទម្រង់ការបណ្ដុះបណ្ដាលគ្រូបង្រៀន ជាពិសេសសមិទ្ធផលនានាដែលលេចចេញពីកិច្ចសហប្រតិបត្តិការ រវាង ADB និងក្រសួងអប់រំ យុវជន និងកីឡា ដែលបានឆ្លុះបញ្ចាំងតាមរយៈវឌ្ឍនភាពនៃការអនុវត្តស្តង់ដាសាលារៀនគំរូ ការបង្កើនឱកាសសិក្សានៅមធ្យមសិក្សាទុតិយភូមិប្រកបដោយសមធម៌ និងគុណភាព និងលទ្ធផលប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៥ នេះ ដែលមានអត្រាប្រឡងជាប់ ៨៤,៥៦% ជាមួយកំណើនសិស្សនិទ្ទេស A ច្រើនជាងឆ្នាំមុនៗ។ទន្ទឹមនឹងនេះ ក្រសួងបានដាក់ចេញនូវវិធានការមួយចំនួន ដូចជា៖ បន្តពង្រឹងសមត្ថភាពគ្រូបង្រៀន បង្កើនគុណវុឌ្ឍិគ្រូស្របតាមស្តង់ដាវិជ្ជាជីវៈគ្រូបង្រៀន ការដាក់បញ្ចូលបញ្ញាសិប្បនិមិ្មត AI ទៅក្នុងកម្មវិធីសិក្សាដើម្បីលើកកម្ពស់ការរៀន និងបង្រៀន ការធ្វើទំនើបកម្មសម្ភារៈសិក្សា ព្រមទាំងការវិនិយោគលើបុគ្គលដែលមានសមត្ថភាព មានទេពកោសល្យ និងមានការប្តេជ្ញាចិត្តខ្ពស់ក្នុងការអនុវត្តវិធីសាស្ត្របង្រៀនបែបថ្មីស្របតាមបំណិនសតវត្សទី២១។ជាថ្មីម្តងទៀត តាងនាមក្រសួងអប់រំ យុវជន និងកីឡា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅដល់ធនាគារអភិវឌ្ឍន៍អាស៊ី ចំពោះភាពជាដៃគូ និងកិច្ចសហប្រតិបត្តិការជាច្រើន ដែលបានរួមចំណែកយ៉ាងសំខាន់ដល់ការលើកកម្ពស់គុណភាពអប់រំនៅកម្ពុជា ជាពិសេសគាំទ្រដល់យុទ្ធសាស្ត្រអភិវឌ្ឍធនធានមនុស្សរបស់រាជរដ្ឋាភិបាល ក្នុងបុព្វហេតុជំរុញកំណើនសេដ្ឋកិច្ចសង្គម ឆ្ពោះទៅសម្រេចចក្ខុវិស័យកម្ពុជាឆ្នាំ២០៣០ និងឆ្នាំ២០៥០៕

ក្រុមអ្នកសង្កេតការណ៍អន្តរកាល បន្តចុះពិនិត្យជាក់ស្តែងទីតាំងរងផលប៉ះពាល់ដោយយន្តហោះចម្បាំងថៃទម្លាក់គ្រាប់នៅភូមិសែនរុងរឿង៤ ខេត្តព្រះវិហារ

នៅព្រឹកថ្ងៃអង្គារ ទី១៤ ខែតុលា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដឹកនាំដោយប្រទេសម៉ាឡេស៊ី រួមនិងសមាជិក បានអញ្ជើញចុះពិនិត្យទីតាំងជាក់ស្តែង ដែលរងផលប៉ះពាល់ តាមរយៈការប្រើប្រាស់យន្តហោះចម្បាំងទំលាក់គ្រាប់ MK-84 នៅភូមិសែនរុងរឿង៤ ឃុំមរកត ស្រុកជាំក្សាន្ត ខេត្តព្រះវិហារ ដើម្បីសង្កេតការណ៍ ផ្ទៀងផ្ទាត់ និងរាយការណ៍ ក្រោយបទឈប់បាញ់បានចូលជាធរមានឱ្យបានច្បាស់លាស់ ត្រឹមត្រូវ និងមិនលម្អៀត ស្របតាមអាណត្តិរបស់ខ្លួននៅក្នុងការធានាការអនុវត្តបទឈប់បាញ់ឱ្យបានពេញលេញ និងមានប្រសិទ្ធភាព៕

ពាណិជ្ជកម្មទ្វេភាគីកម្ពុជា-អាម៉េរិក ក្នុងរយៈពេល៩ខែឆ្នាំនេះ មានទំហំទឹកប្រាក់ជាង ៩ ៥៦០ លានដុល្លារ

ការធ្វើពាណិជ្ជកម្មទ្វេភាគីរវាងកម្ពុជា-អាម៉េរិក នៅក្នុងរយៈពេល ៩ ខែ ឆ្នាំ២០២៥នេះ, មានទំហំទឹកប្រាក់ប្រមាណជាង ៩ ៥៦០ លាន ដុល្លារអាម៉េរិក កើនឡើងជាង ២២ ភាគរយ ធៀបរយៈពេលដូចគ្នាឆ្នាំមុន ពោលគឺទីផ្សារមួយនេះ បានគាំទ្រដល់កំណើនខ្ពស់នៃការនាំចេញទំនិញ របស់កម្ពុជា។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញស្ថិតិពាណិជ្ជកម្ម នៃការធ្វើពាណិជ្ជកម្មអន្តរជាតិ ជាក់ស្តែងនៅក្នុងរយៈពេល ៩ ខែ ឆ្នាំ២០២៥នេះ ការដោះដូរពាណិជ្ជកម្មអន្តរជាតិរបស់កម្ពុជា មានទំហំទឹកប្រាក់សរុបជិត ៤៨ ពាន់ លានដុល្លារអាម៉េរិក កើនឡើងជិត ១៥ ភាគរយ ក្នុងនោះកម្ពុជាបាននាំចេញទំនិញសំខាន់ៗមានទឹកប្រាក់ជាង ២៣ ពាន់លានដុល្លារ កើនឡើងជិត ១៣ ភាគរយ ខណៈការនាំចូល មានទឹកប្រាក់សរុបជិត ២៤ ពាន់លានដុល្លារ កើនជាង ១៦ ភាគរយ បើប្រៀបធៀប នឹងរយៈពេលដូចគ្នាឆ្នាំ២០២៤ ។ចំណែកការធ្វើពាណិជ្ជកម្មទ្វេភាគីរវាងកម្ពុជា-អាម៉េរិកវិញ ឃើញថា នៅក្នុងរយៈពេល ៩ ខែ ឆ្នាំ២០២៥នេះ, ការធ្វើពាណិជ្ជកម្ម ប្រទេសទាំងពីរ មានទំហំទឹកប្រាក់សរុបជាង ៩ ៥៦០ លានដុល្លារដុល្លារអាម៉េរិក កើនឡើងជាង ២២ ភាគរយ បើប្រៀបធៀបរយៈពេលដូចគ្នា និងឆ្នាំ២០២៤ ក្នុងនោះកម្ពុជាបាននាំចេញទៅអាម៉េរិក មានទឹកប្រាក់ជិត ៩ ៣០០ លានដុល្លារអាម៉េរិក កើនឡើង ២២ ភាគរយ ខណៈការចូលពីអាម៉េរិកមកកម្ពុជាវិញ មានទឹកប្រាក់ជាង ២៧៣ លានដុល្លារដុល្លារអាម៉េរិក កើនឡើងជិត ៤៧ ភាគរយ។ សូមបញ្ជាក់ថា ចំពោះប្រភេទទំនិញសំខាន់ៗដែលសហរដ្ឋអាម៉េរិកបានកំពុងគាំទ្រដល់កំណើនខ្ពស់ នៃការនាំចេញរបស់កម្ពុជារួមមាន៖ ការនាំ ចេញសម្លៀកបំពាក់ ស្បែកជើង សម្ភារៈសម្រាប់ការធ្វើដំណើរ ការនាំចេញផលិតផលពីកសិកម្ម និងផ្សេងៗទៀត។ ដោយឡែកការនាំចូលពី សហរដ្ឋអាម៉េរិកវិញមានដូចជា៖ យានយន្ត គ្រឿងបង្គុំ គ្រឿងអេឡិចត្រូនិច និងមានប្រភេទទំនិញាច្រើនផ្សេងៗទៀត៕ អត្ថបទ៖ សុន រ៉ាឌី

សម្ដេចធិបតី ហ៊ុន ម៉ាណែត អនុញ្ញាតឲ្យរដ្ឋមន្ត្រីក្រសួងអភិវឌ្ឍន៍ជនបទ និងតំបន់ម៉ាឡេស៊ី ចូលជួបសម្តែងការគួរសម និងពិភាក្សាការងារ នៅវិមានសន្តិភាព

ភ្នំពេញ៖ នៅព្រឹកថ្ងៃអង្គារ ទី១៤ តុលា ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Dato’ Seri Dr. Ahmad Zahid bin Hamidi ឧបនាយករដ្ឋមន្ត្រី រដ្ឋមន្ត្រីក្រសួងអភិវឌ្ឍន៍ជនបទ និងតំបន់ម៉ាឡេស៊ី ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

វិទ្យាស្ថានពហុបច្ចេកទេសខេត្តកំពង់ស្ពឺ ផ្តល់អាហារូបករណ៍ ២០២៥កន្លែង លើ៣២មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

វិទ្យាស្ថានពហុបច្ចេកទេសខេត្តកំពង់ស្ពឺ នៃក្រសួងការងារ និងបណ្តុះបណ្តាលវិជ្ជាជីវៈ ផ្តល់អាហារូបករណ៍ចំនួន ២០២៥កន្លែង លើ ៣២មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។ មុខជំនាញទាំង៣២ នោះ រួមមាន ការផ្សារធ្នូ (ធូប), ការថែទាំ និងជួសជុលឧបករណ៍ស្វ័យប្រវត្តិកម្ម, ការដំឡើង និងការថែទាំម៉ាស៊ីនត្រជាក់ក្នុងឧស្សាហកម្ម, សេវាកម្មបរិក្ខារត្រជាក់ពាណិជ្ជកម្ម, ការបញ្ជាម៉ាស៊ីនបោះពុម្ព, ការបញ្ជាខ្សែសង្វាក់ផលិតកម្ម, ការដំឡើង និងថែទាំរ៉ូបូតឧស្សហកម្ម, ការបញ្ជាម៉ាស៊ីនក្រឡឹង, ការបញ្ជាម៉ាស៊ីនកាហ្វេស្វ័យប្រវត្តិកម្ម, ការងារកំបោរ, ការដំឡើងសរសៃដែក, ការដំឡើងបណ្តាញបំពង់ទឹក, ការដំឡើងបណ្តាញអគ្គិសនីក្នុងអគារ, សេវាកម្មបរិក្ខារត្រជាក់ក្នុងគេហដ្ឋាន, ការងារបេតុង, ការងារការ៉ូ, ការបោះពុម្ពដោយម៉ាស៊ីន និងដោយដៃ, ការលក់តាមប្រព័ន្ធឌីជីថល, សេវាកម្មរដ្ឋបាល, សេវាកម្មលក់, សេវាកម្មអតិថិជន, សេវាកម្មធនធានមនុស្ស, គណនេយ្យសម្រាប់សេវាកម្ម, ការដំឡើងខ្សែកាបទូរគមនាគមន៍ (ឌីធីវី អ៊ីនធឺណិត ខ្សែទូរសព្ទ), សេវាកម្មកុំព្យូទ័រ, ការកែច្នៃបន្លែ និងផ្លែឈើ, ការកែច្នៃសាច់, ការចិញ្ចឹមសត្វ, បសុសត្វ, ការចម្អិនម្ហូប, សេវាកម្មភេសជ្ជៈ និងម្ហូបអាហារ, និងការផលិតនំ។ ការសិក្សាវគ្គថ្មីនឹងចាប់ផ្តើមថ្ងៃទី០២ ខែមករា ឆ្នាំ២០២៦។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០១២ ៩៩៥ ៩៥២/ ០៨១ ៩៩៥ ៩៥២ ឬ អញ្ជើញមកវិទ្យាស្ថានពហុបច្ចេកទេសខេត្តកំពង់ស្ពឺ ដោយផ្ទាល់ដែលមានអាសយដ្ឋាននៅភូមិទំពូង ឃុំកាហែង ស្រុកសំរោងទង ខេត្តកំពង់ស្ពឺ៕

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍ ១២ ៧៨០កន្លែង លើ ១១មុខជំនាញ និងប្រាក់ឧបត្ថម្ភ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ

ភ្នំពេញ៖ វិទ្យាស្ថានពហុបច្ចេកទេសភូមិភាគតេជោសែនបាត់ដំបង នៃក្រសួងការងារ និងបណ្តុះបណ្តាលវិជ្ជាជីវៈ ផ្តល់អាហារូបករណ៍ចំនួន ១២ ៧៨០កន្លែង លើ ១១មុខជំនាញ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។ មុខជំនាញទាំង១១ នោះ រួមមាន សេវាកម្មកុំព្យូទ័រ,ការរចនាក្រាហ្វិកដោយកុំព្យូទ័រ,សេវាកម្មបរិក្ខារត្រជាក់ក្នុងគេហដ្ឋាន,សេវាកម្មរដ្ឋបាល,សេវាកម្មសម្អាងកាយ,សេវាកម្មកាត់សក់បុរស,សេវាកម្មភេសជ្ជៈ និងម្ហូបអាហារ,ការកែច្នៃបន្លែ និងផ្លែឈើ,ការចិញ្ចឹមសត្វ,ការថែទាំ និងចិញ្ចឹមត្រីប្រា និងបសុសត្វ។ ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០៨៦ ៨៧៩ ២៩២/០៩៣ ៦២៣ ៦៣៦/០៩៧ ៥០៦ ៤៣៤៣/០៨៥ ៨២៨ ៧៨២ ឬ អញ្ជើញមកវិទ្យាស្ថានពហុបច្ចេកទេសភូមិភាគតេជោសែនបាត់ដំបង ដោយផ្ទាល់ដែលមានអាសយដ្ឋាននៅផ្លូវលេខ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ខាងជើងអនុវិទ្យាល័យសោហឺ៕

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីក្រសួងអភិវឌ្ឍន៍តំបន់ និងជនបទ នៃសហព័ន្ធម៉ាឡេស៊ី ចូលជួបសម្ដែងការគួរសម

ភ្នំពេញ៖ នៅថ្ងៃអង្គារ ៧រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែតុលា ឆ្នាំ២០២៥ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Dato Seri’ Ahmad Zahid bin Hamidi ឧបនាយករដ្ឋមន្ត្រី និងជារដ្ឋមន្ត្រីក្រសួងអភិវឌ្ឍន៍តំបន់ និងជនបទ នៃសហព័ន្ធម៉ាឡេស៊ី ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។

បណ្ដាញសង្គម

ព័ត៌មានថ្មីៗ

កិច្ចព្រមព្រៀងបទឈប់បាញ់រវាងអាមេរិក និងអ៊ីរ៉ង់ បង្ហាញពីភាពតានតឹងមុនការចរចា ខណៈលំហូរប្រេងត្រូវបានរឹតត្បិត

លោកTrump និងនាយករដ្ឋមន្ត្រីអង់គ្លេស ពិភាក្សាអំពីតម្រូវការសម្រាប់ «ផែនការជាក់ស្តែង» ស្តីពីច្រកសមុទ្រ Hormuz

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

អង់គ្លេសចេញការព្រមានដ៏ខ្លាំងក្លាដល់លោក Putin ជុំវិញការរកឃើញនាវាមុជទឹកចារកម្មរុស្ស៊ីនៅអាត្លង់ទិកខាងជើង

អ្នកស្លាប់ក្នុងការវាយប្រហារពីអ៊ីស្រាអែលលើលីបង់កើនឡើងដល់ជាង៣០០នាក់ខណៈប្រកាសកាន់ទុក្ខទូទាំងប្រទេស

លោក Trump៖ អ៊ីរ៉ង់កំពុងធ្វើការងារមិនល្អដើម្បីអនុញ្ញាតឱ្យប្រេងឆ្លងកាត់ច្រកសមុទ្រ Hormuz

រុស្ស៊ី និងអ៊ុយក្រែនយល់ព្រមលើបទឈប់បាញ់សម្រាប់ថ្ងៃបុណ្យ Easter នៅចុងសប្តាហ៍នេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ពាណិជ្ជកម្មទ្វេភាគីកម្ពុជា-អាម៉េរិក ក្នុងរយៈពេល៩ខែឆ្នាំនេះ មានទំហំទឹកប្រាក់ជាង ៩ ៥៦០ លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី