នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងសុខាភិបាល នៃព្រះរាជាណាចក្រកម្ពុជា ទស្សនកិច្ចនៅវិទ្យាស្ថានប៉ាស្ទ័រ ក្រុងប៉ារីស សាធារណរដ្ឋបារាំង
សម្ដេចធិបតី ថ្លែងអំណរគុណប្រធានាធិបតីបារាំងចំពោះការស្វាគមន៍យ៉ាងកក់ក្តៅ និងរៀបចំដំឡើងកម្រិតទំនាក់ទំនងប្រទេសទាំងពីរដល់កម្រិត «ភាពជាដៃគូរយុទ្ធសាស្ត្រ»
ស.ស.យ.ក បាននាំយកក្រមា សារ អំបុក នំខ្ញី និងជំនួយជូនដល់វីរកងទ័ពជួរមុខ
ទំនិញចម្រុះ៣០០ មុខ ត្រូវបានតាំងបង្ហាញក្នុងពិព័រណ៍ផលិតផលខ្មែរដ៏ធំ នៅកោះពេជ្រ នៅព្រឹកនេះ

ព័ត៌មានជាតិ

ជំនួបលើកទី២ នៃក្រុមការងារសម្របសម្រួលចម្រុះ (JCTF) កម្ពុជា-ថៃ លើកិច្ចការងារដោះមីនមនុស្សធម៌ ទទួលបានលទ្ធផលផ្លែផ្កាជាវិជ្ជមានគួរឱ្យកត់សម្គាល់

2025/10/09 04:21:32 pm        148
Facebook Telegram Linkin
លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានឱ្យដឹងថា នៅថ្ងៃទី៩ ខែតុលា ឆ្នាំ២០២៥នេះ ក្រុមការងារសម្របសម្រួលចម្រុះ (JCTF) កម្ពុជា-ថៃ លើកិច្ចការងារដោះមីនមនុស្សធម៌ បានជួបប្រជុំលើកទី២ តាមប្រព័ន្ធ VTC ដោយទទួលបានលទ្ធផលផ្លែផ្កាជាវិជ្ជមានគួរឱ្យកត់សម្គាល់។ ភាគីទាំងពីរបានឯកភាពលើចំណុចជាច្រើននៅលើសេចក្ដីព្រាងនិយាមនីតិវិធីប្រតិបត្តិ (SOP) របស់ក្រុមការងារសម្របសម្រួលចម្រុះ (JCTF) កម្ពុជា-ថៃ។ ចំពោះចំណុចនៅសេសសល់មួយចំនួនទៀត ភាគីទាំងពីរឯកភាពនឹងបន្តពិភាក្សាគ្នាបន្ថែមទៀត ដើម្បីឈានទៅដល់ការសម្រេចនិយាមនីតិវិធីប្រតិបត្តិ (SOP)។កិច្ចប្រជុំលើកទី២នេះ ត្រូវបានបញ្ចប់នៅថ្ងៃដដែល វេលាម៉ោង ១៣:២០ នាទីរសៀល។

មនុស្សជាង៧០នាក់ស្លាប់ និងជាង៥០នាក់រងរបួសធ្ងន់ស្រាល ដោយសារគ្រោះថ្នាក់ចរាចរណ៍រយៈពេល៩ខែឆ្នាំ២០២៥

2025/10/09 04:18:13 pm        2511
Facebook Telegram Linkin
ស្វាយរៀង ៖ បើទោះជាការរិតបណ្តឹងច្បាប់ចរារចណ៏ផ្លូវគោក តាមរយះអប់រំតាម វេទិការសាធារណៈ វិទ្យុ ទូរទស្សន៏ និងព័ត៏មានសង្គម ជាបន្តបន្ទាប់ហើយក្តី តែអត្រាគ្រោះថ្នាក់ចរាចរណ៏ នៅតែមាននៅគ្រប់មូលដ្ឋាន ខណៈដែលពលរដ្ឋប្រើប្រាស់យានយន្តមានកំណើនឡើងពីមួយឆ្នាំទៅមួយឆ្នាំ និងអ្នកបញ្ជាយានយន្តបានធ្វើការធ្វេសប្រហែសនៅពេលកំពុងបើកបរ និងការប្រលែងសត្វ គោ ក្របី គ្មានសណ្ឋាប់ធ្នាប់របស់ពលរដ្ឋផងដែរ ។លោកវរៈសេនីយ៏ឯក អ៊ុច សារ៉ន នាយកការិយលយ័ចរាចរណ៏ផ្លូវគោក នៃស្នងការនគរបាលខេត្តស្វាយរៀងបានទូរទស្សន៏ BTV តាមរយះសារតេឡេក្រាម ថ្ងៃទី៩ ខែតុលា ឆ្នាំ២០២៥ អោយដឹងថានៅក្នុងរយះពេល៩ខែកន្លងទៅ នៅទូទាំងខេត្តមានគ្រោះថ្នាក់ចរាចរណ៏នៅលើផ្លូវជាតិ ផ្លូវខេត្ត ផ្លូរលំ មានចំនួន៧៩លើក បើប្រៀបធៀបទៅនិងរយះពេល៩ខែ ឆ្នាំ២០២៤ មានការថយចុះចំនួន២៣លើកស្មើនិង២៣%​ បង្កគ្រោះថ្នាក់ដល់មនុស្សចំនួន១២៦នាក់ ក្នុងនោះមានមនុស្សចំនួន៧៣នាក់ស្លាប់ បើប្រៀបធៀបទៅនិង ៩ខែ ឆ្នាំ២០២៤ មានការកើនឡើង៤នាក់ស្មើនិង៦% ហើយនិងរបួសធ្ងន់ចំនួន២០នាក់ មានការថយចុះ និងរបួសស្រាលចំនួន៣៣នាក់ថយចុះចំនួន៤នាក់ស្មើនិង១១% ។ របាយការណ៏បានបញ្ជាក់បន្ថែមថា មូលហេតុឈានទៅដល់ការគ្រោះថ្នាក់ ធ្វើអោយមនុស្សស្លាប់ និងរបួស  បណ្តាលមក ពីអ្នកបើកបរមិនប្រកាន់ស្តាំ មិនគោរពសិទ្ធអាទិភាព អ្នកបើកបរ សេព្វគ្រឿងស្រវឹង បើកបរបើកមានល្បឿនលឿន និងបើកបរក្នុងស្ថានភាពវ៉ាជែងក្នុងស្ថានភាពគ្រោះថ្នាក់ ក្នុងចំណោមអ្នកបើកម៉ូតូ៨០នាក់ មិនពាក់មួកសុវត្តិភាពចំនួន៥៣នាក់ ។ ក្នុងនោះការគ្រោះថ្នាក់បានកើតមានឡើងនៅក្នុងស្រុកស្វាយជ្រំចំនួន ៩លើក ក្រុងបាវិត ចំនួន២៦លើក ក្រុងស្វាយរៀង១លើក ស្រុកស្វាយទាបចំនួន១៣លើក ស្រុករំដូលចំនួន ៥លើក រមាសហែកចំនួន៤លើក និងស្រុកចន្ទ្រាចំនួន៤លើក បង្កអោយមធ្យោបាយរថយន្តតូច ធំ និង ម៉ូតូ ចំនួន១០៨គ្រឿងបានរងនូវការខូចខាត ។របាយការណ៏ដ៏ដែលបញ្ជាក់ថា ជុំវិញគ្រោះថ្នាក់ចរាចរណ៏ ដែលបង្កឡើងនៅតាមបណ្តាស្រុកក្រុង ក្នុងខែរយះពេល៩ ឆ្នាំនេះដែរការិយាលយ័ចរាចរណ៏ រួមនិងជនបង្ក ពិសេសអ្នករងគ្រោះ បានរួមគ្នាធ្វើការដោះស្រាយ តាមផ្លូវច្បាប់ និងដោះស្រាយតាមរយះសម្របសម្រួល រួចរាល់មួយចំនួនហើយ ឯមួយចំនួនផ្សេងទៀត ការិយាលយ័រៀបចំឯកសារដាក់ទៅប្រពន្ធ័យុត្តិធម៏បន្តដោះស្រាយ ៕  ដោយ ៖ ភា សារិត                

បណ្ឌិត្យសភានគរបាលកម្ពុជា ទទួលការបណ្តុះបណ្តាលកងកម្លាំងនគរបាលជាតិកម្ពុជាពី តួកគី

2025/10/09 04:12:40 pm        189
Facebook Telegram Linkin
នៅព្រឹកថ្ងៃព្រហស្បតិ៍ ទី៩ ខែតុលា ឆ្នាំ២០២៥ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញទទួលបដិសណ្ឋារកិច្ចដំណើរទស្សនកិច្ចរបស់គណៈប្រតិភូស្ថានទូតនៃសាធារណរដ្ឋតួកគី ប្រចាំកម្ពុជា ដឹកនាំដោយ លោកជំទាវឯកអគ្គរដ្ឋទូត Ulku Kocaefe និងពិភាក្សាការងារ នៅបណ្ឌិត្យសភានគរបាលកម្ពុជា។ក្នុងឱកាសនោះ ក្នុងនាមបណ្ឌិត្យសភានគរបាលកម្ពុជា ឯកឧត្តមនាយឧត្តមសេនីយ៍ សាស្ត្រាចារ្យ ប្រធានបណ្ឌិត្យសភា បានសម្តែងនូវសេចក្តីសប្បាយរីករាយក្រៃលែង ដែលបានជួបពិភាក្សាការងារជាមួយ លោកជំទាវឯកអគ្គរដ្ឋទូត អំពីកិច្ចសហការ និងការគាំទ្រលើការអប់រំបណ្តុះបណ្តាលកងកម្លាំងនគរបាលជាតិកម្ពុជា នៅបណ្ឌិត្យសភានគរបាលកម្ពុជា។ក្នុងកិច្ចជំនួបពិភាក្សានោះ ឯកឧត្តមនាយឧត្តមសេនីយ៍ ប្រធាន ក៏បានជម្រាបជូនលោកជំទាវ ឯកអគ្គរដ្ឋទូត ប្រធានគណៈប្រតិភូ ជ្រាបផងដែរ អំពី តួនាទីនិងភារកិច្ចរបស់បណ្ឌិត្យសភានគរបាលកម្ពុជា។ បណ្ឌិត្យសភានគរបាលកម្ពុជា មានភារកិច្ចសំខាន់ៗពាក់ព័ន្ធនឹងនគរបាលជាតិនិងពន្ធនាគារទូទាំងប្រទេស ចំនួន៤ចំណុចសំខាន់ៗ គឺ៖ ទី១- ការបណ្តុះបណ្តាលកងកម្លាំងគ្រប់កម្រិតនិងគ្រប់ប្រភេទ ទី២- ការងារស្រាវជ្រាវវិទ្យាសាស្ត្រ ទី៣- ការងារមន្ទីរពិសោធន៍ និងទី៤- ការងារសារមន្ទីរ។ សម្រាប់ការងារបណ្តុះបណ្តាល រួមមាន កម្រិតបឋម មធ្យម ឧត្តម និងក្រោយឧត្តម (វគ្គខ្លី វគ្គជាន់ខ្ពស់ មធ្យមវិជ្ជាជីវៈ បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត) ដែលមានដៃគូសហប្រតិបត្តិការអន្តរជាតិចំនួន១៦អង្គភាព មានជាអាទិ៍ កូរ៉េ អង់គ្លេស ចិន ឥណ្ឌា ហ្វីលីពីន។ថ្លែងបន្ត ឯកឧត្តមនាយឧត្តមសេនីយ៍ ប្រធាន ក៏បានថ្លែងអំណរគុណនិងរំឭកជូន លោកជំទាវឯកអគ្គរដ្ឋទូតថា កន្លងមក បណ្ឌិត្យសភានគរបាលជាតិតួកគី បានផ្តល់អាហារូបករណ៍ដល់គ្រូនគរបាលជាតិនិងនិស្សិតនគរបាលចំនួន២ជំនាន់ រួចមកហើយ ដែលជំនាន់ទី១ ចំនួន៨នាក់ សិក្សាថ្នាក់បរិញ្ញាបត្រជាន់ខ្ពស់៤នាក់ និងថ្នាក់បរិញ្ញាបត្រ៤នាក់ ក្នុងឆ្នាំសិក្សា ២០២៤ -២០២៥ និងជំនាន់ទី២ ចំនួន១០នាក់ សិក្សាថ្នាក់បរិញ្ញាបត្រជាន់ខ្ពស់៥នាក់ និងថ្នាក់បរិញ្ញាបត្រ៥នាក់ ក្នុងឆ្នាំសិក្សា ២០២៥-២០២៦ នៅមហាវិទ្យាល័យសន្តិសុខ មាតុភូមិ និងមជ្ឈមណ្ឌលហ្វឹកហ្វឺនថ្នាក់ដឹកនាំ ព្រមទាំងបានផ្តល់វគ្គបណ្តុះបណ្តាលខ្លីដល់គ្រូនគរបាលជាតិកម្ពុជា ទៅសិក្សានៅសាធារណរដ្ឋតួកគី តាមរយៈសមាគមបណ្ឌិត្យសភានគរបាលអន្តរជាតិ (INTERPA) គឺវគ្គបណ្តុះបណ្តាលស្តីពី មូលដ្ឋានគ្រឹះសម្រាប់អ្នកប្រើប្រាស់យានអាកាសគ្មានមនុស្សបើកខ្នាតតូចបំផុតនិងប្រភេទយានអាកាសគ្មានមនុស្សបើកខ្នាតតូច (ដ្រូន) ដែលបានប្រព្រឹត្តទៅនៅថ្ងៃទី៦ ដល់ថ្ងៃទី១៧ ខែឧសភា ឆ្នាំ២០២៤ នៅទីក្រុងអង់ការ៉ា។ ឆ្លៀតក្នុងឱកាសនេះ ឯកឧត្តមនាយឧត្តមសេនីយ៍ ប្រធាន ក៏បានស្នើសុំ លោកជំទាវឯកអគ្គរដ្ឋទូត បន្តជួយគាំទ្រលើការអប់រំបណ្ដុះបណ្ដាល នៅបណ្ឌិត្យសភាជាបន្តទៀតផងដែរ។ ឆ្លើយតបនឹងសំណូមពរនេះ លោកជំទាវឯកអគ្គរដ្ឋទូត ក៏បានគាំទ្រនិងបន្តកិច្ចសហប្រតិបត្តិការជាមួយបណ្ឌិត្យសភា ជាបន្តទៀត ផងដែរ។ឯកឧត្តមនាយឧត្តមសេនីយ៍ ប្រធាន ក៏បានបង្ហាញនូវការជឿជាក់យ៉ាងមុតមាំថា កិច្ចសហប្រតិបត្តិការលើការអប់រំបណ្ដុះបណ្ដាល រវាងបណ្ឌិត្យសភានគរបាលកម្ពុជានិងស្ថានទូតសាធារណរដ្ឋតួកគី ប្រចាំកម្ពុជា ក្រោមការដឹកនាំរបស់ លោកជំទាវឯកអគ្គរដ្ឋទូត កាន់តែស៊ីជម្រៅនិងផ្តល់នូវអត្ថប្រយោជន៍ជូនគ្នាទៅវិញទៅមក ប្រកបដោយការយោគយល់គ្នា កាន់តែស្និទ្ធិស្នាល សាមគ្គីភាព និងភាតរភាព។  ជាចុងក្រោយ ឯកឧត្តមនាយឧត្តមសេនីយ៍ ប្រធាន ក៏សូមជូនពរ លោកជំទាវឯកអគ្គរដ្ឋទូត ព្រមទាំងសមាជិកគណៈប្រតិភូ សូមមានសុខភាពល្អនិងជោគជ័យគ្រប់ភារកិច្ច និងបានប្រគល់ជូនវត្ថុអនុស្សាវរីយ៍ រួមមាន ខ្យងស័ង្ខធ្វើពីប្រាក់ និមិត្តសញ្ញាបណ្ឌិត្យសភា និងក្រមា ជូនគណៈប្រតិភូ ផងដែរ៕

ពលរដ្ឋស្របតាមការអំពាវនាវរបស់សម្ដេចតេជោកុំតបនឹងជាតិសាសន៍ថៃដែលធ្វើទង្វើអសីលធម៌

2025/10/09 04:12:00 pm        127
Facebook Telegram Linkin
ស្វាយរៀង ៖ ប្រជាពលរដ្ឋខ្មែរ បានយល់ស្របតាមការអំពាវនាវរបស់សម្ដេចតេជោ ហ៊ុន សែន ប្រធានព្រឹទ្ធសភា មិនតបតនឹងជាតិសាសន៍ថៃមួយចំនួនដោយទង្វើអសីលធម៌ ក្រោយពួកក្រុមថៃជ្រុលនិយមមួយចំនួន បានយកបានរូបថ្នាក់ដឹកនាំកំពូលរបស់កម្ពុជាទៅធ្វើទង្វើគ្មានសីលធម៌ជាសាធារណៈ ។​ប្រជាពលរដ្ឋក្នុងខេត្តស្វាយរៀង បានគាំទ្រយ៉ាងពេញទំហឹងចំពោះការណែនាំរបស់សម្ដេចតេជោ ហ៊ុន សែន ឱ្យពលរដ្ឋមានការអត់ធ្មត់ និងរក្សាភាពស្ងៀមស្ងាត់ កុំតបតចំពោះទង្វើអសីលធម៌ ដែលប្រជា ជនសៀមមួយចំនួនបានប្រព្រឹត្តចំពោះថ្នាក់ដឹកនាំកំពូលរបស់កម្ពុជា ដូចជារូបថតសម្តេចប្រធានព្រឹទ្ធស ភា សម្តេចនាយករដ្ឋមន្ត្រី និងថ្នាក់ដឹកនាំយោធាកម្ពុជា ទៅធ្វើសកម្មភាពមិនគួរគប្បីជាសាធារណៈ ដូចជា យកទៅធ្វើជាផ្ទាំងបាញ់ស៊ីបសម្រាប់ចាប់យករង្វាន់ និងយកទៅដាក់តាំងជារូបទីងមោង ដោយបាន វាយប្រហារ និងប្រមាថជាសាធារណៈ ជាដើម។ប្រជាពលរដ្ឋ ចូលរួមប្រកាសថ្កោលទោសយ៉ាងខ្លាំងក្លាចំពោះសកម្មភាពអសីលធម៌របស់ជនជាតិ ថៃមួយចំនួន ដែលអាកប្បកិរិយាបែបនេះ បានប្រមាថយ៉ាងធ្ងន់ធ្ងរដល់ថ្នាក់ដឹកនាំកំពូលរបស់កម្ពុជា ដល់ សេចក្ដីថ្លៃថ្នូររបស់មនុស្សជាតិ តម្លៃ សីលធម៌ និងការគោរពគ្នាទៅវិញទៅមក រវាងប្រជាជាតិ និងប្រជា ជាតិ ៕ ដោយ ៖ ភា​ សារិត

រាជរដ្ឋាភិបាលស្ថាបនាស្ពានបេតុង១ខ្សែបន្ថែមដាក់ជូនពលរដ្ឋប្រើប្រាស់នៅខេត្តស្វាយរៀង

2025/10/09 04:04:23 pm        129
Facebook Telegram Linkin
ស្វាយរៀង ៖ រាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ បានរៀបចំបើកការដ្ឋានស្ថាបនាស្ពានបេតុង ១ខ្សែប្រវែង 60 ម៉ែត្រទទឹង 8 ម៉ែត្រ ជំនួសស្ពានឈើចាស់ស្ថិតនៅក្នុងភូមិតាស្អាងឃុំកំពង់ចម្លងស្រុកស្វាយជ្រុំខេត្តស្វាយរៀងដែល មានទ្រុតទ្រោម ប្រឈមនិងការធ្វើដំណើររបស់ពលរដ្ឋនៅក្នុងតំបន់ ដែលពិធីនេះបានប្រព្រឹត្តទៅនៅថ្ងៃទី 7 ខែតុលា ឆ្នាំ២០២៥ ក្រោមវត្តមានឯកឧត្តមឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ ឯកឧត្តមប៉េង ពោធិសា អភិបាលខេត្តស្វាយរៀង ឯកឧត្តមម៉ែន  វិបុលប្រធានក្រុមប្រឹក្សាខេត្តនិងមានការអញ្ជើញចូលរួមពីរ ឯកឧត្តមលោកជំទាវ លោក លោកស្រី នៅក្នុងក្រសួង មន្ទីរពាក់ព័ន្ធ មន្ត្រីក្រុមប្រឹក្សាក្រុងគណៈអភិបាល ក្រុង ស្វាយរៀង ស្រុកស្វាយជ្រុំ ថ្នាក់ដឹកនាំការិយាល័យជុំវិញ សាលាស្រុកសាលាឃុំ និងពលរដ្ឋប្រមាណជាង៥០០ នាក់ផងដែរ។តាមរបាយការណ៍របស់ក្រុមវិស្វករបានបញ្ជាក់ឲ្យដឹងថា ស្ពានដែលរាជរដ្ឋាភិបាលផ្តល់តាមរយះក្រសួងអភិវឌ្ឍន៍ជនបទស្ថាបនានៅថ្ងៃនេះគឺជាស្ពានប្រភេទបេតុង មានបណ្ដោយ 60ម៉ែត្រ ទទឹង៨ ស្ពានទ្រដោយជើងសរសរទម្រជាង 60 ដើម ក្បាលស្ពានទាំងសងខាងស្ថាបនាផ្លូវចាក់ថ្មបំបែក ដំណើរការសាងសង់រយៈពេលមួយឆ្នាំពេញ ចាប់ពីថ្ងៃបើកការដ្ឋាននេះតទៅ។​មានប្រសាសន៍នាឱកាសនោះក្នុងនាមរាជរដ្ឋាភិបាល ឯកឧត្តមរដ្ឋមន្ត្រី បានបញ្ជាក់ថា តំបន់ជនបទគឺជាគោលដៅអទិភាព នៃនយោបាយបញ្ជាកោណ របស់រាជរដ្ឋាភិបាលអាណត្តិទី៧ ដែលដឹកនាំដោយសម្ដេចមហាបវរធិបតី ហ៊ុន ម៉ាណែតនាយករដ្ឋមន្ត្រី ឆ្ពោះទៅធ្វើការអភិវឌ្ឍន៍ជនបទលើគ្រប់ហេដ្ឋារចនាសម្ព័ន្ធរូបប្រវន្ត័ មានសាលារៀន មន្ទីរពេទ្យ ផ្លូវថ្នល់ ស្ពានប្រព័ន្ធធារាសាស្ត្រ សំដៅលើកកម្ពស់កម្រិតជីវភាពរបស់ប្រជាពលរដ្ឋ  ក្នុងអាណត្តិដឹកនាំដោយសម្ដេចមហាបវរធិបតីហ៊ុន ម៉ាណែតនាយករដ្ឋមន្ត្រី  ជាក់ស្ដែងថ្ងៃនេះយើងទាំងអស់គ្នាដែលជាមន្ត្រីរាជការ ពលរដ្ឋ នៅខេត្តស្វាយរៀងបានទទួលសមិទ្ធផលថ្មីគឺជាស្ពានបេតុង សម្រាប់ប្រើប្រាស់ជំនួសស្ពានឈើចាស់ហើយមានភាពទ្រុតទ្រោម។ឯកឧត្តមបានបញ្ជាក់ថាស្វាយរៀងក្រោមការដឹកនាំរបស់អតីតនាយករដ្ឋមន្ត្រីសម្ដេចអគ្គមហាសេនាបតីតេជោ ហ៊ុន សែនសម្ដេចបានផ្ដល់ប្រព័ន្ធគមនាគមន៏ នៅគ្រប់ស្រុកក្រុងទាំង៨ សម្រាប់ប្រើប្រាស់ក្នុងការធ្វើដំណើរនិងដឹកជញ្ជូនកសិផល ពិសេស នៅពេលថ្មីៗនេះសម្ដេចមហាបវរធិបតី ហ៊ុន ម៉ាណែត បានបន្តផ្ដល់ប្រព័ន្ធគមនាគមន៍តាមរយៈមូលនិធិឃុំសង្កាត់ប្រចាំឆ្នាំ និងក្រសួងអភិវឌ្ឍន៍ជនបទ ពិសេសថ្ងៃនេះយើងបានស្ពានថ្មីសម្រាប់ប្រើប្រាស់ទៅថ្ងៃអនាគតជាសក្ខីភាព ៕ ដោយ ៖ ភា សារិត

ពលរដ្ឋខេត្តស្វាយរៀង ស្នើក្រុមហ៊ុនជួសជុលផ្លូវឡើងវិញ ក្រោយពីស្ថាបនាគ្មានគុណភាព

2025/10/09 03:59:16 pm        202
Facebook Telegram Linkin
ស្វាយរៀង ៖ តំណាងពលរដ្ឋភូមិសំយ៉ោង ឃុំសំយ៉ោង ស្រុកកំពង់រោទិ៍ ខេត្តស្វាយរៀង លោក ប៊ន ប៊ូ នៅដើមខែតុលា ឆ្នាំ២០២៥ នេះ បានស្នើដល់ ក្រុមហ៊ុនដែលដេញថ្លៃធ្វើផ្លូវ ក្រុមហ៊ុន ពេជ្រ ធីតា សុំក្រុមហ៊ុនធ្វើការជួសជុលកែលម្អផ្លូវឡើងវិញ សម្រាប់ប្រើប្រាស់ ខណៈដែលផ្លូវ ១ខ្សែ ប្រភេទបេតុង ឆ្អឹងដែក មានកម្រាស់១តឹកកន្លះ ដែលក្រុមម៉ៅការធ្វើឆ្លងកាត់ភូមិមិនទាន់បាន ១ឆ្នាំផង ផ្លូវត្រូវបានរងការខូចខាតយ៉ាងធ្ងន់ធ្ងរ ក្នុងនោះមានកន្លែងខ្លះដែកបានផុសចេញក្រៅបេតុងល្បាយស៊ីម៉ង់ និងខ្សាច់ខ្ចាត់ខ្ចាយពេញតាមដងផ្លូវសល់តែក្បាលថ្មផុសចេញ។​លោក ទេព សាវី មេឃុំសំយ៉ោង បានបញ្ជាក់ឲ្យដឹងថា ពាក់ព័ន្ធទៅនឹងពលរដ្ឋស្នើសុំឲ្យក្រុមហ៊ុនធ្វើការជួសជុលផ្លូវឡើងវិញនោះ រដ្ឋបាលឃុំ បានចុះពិនិត្យស្ថានភាព នឹងវាយតម្លៃផលខូចខាតផ្លូវរួចរាល់ហើយ ខណះដែលផ្លូវមួយខ្សែនេះនៅក្នុងគម្រោងថែទាំ បច្ចុប្បន្នរដ្ឋបាលឃុំ បានណែនាំដល់ក្រុមអ្នកម៉ៅការស្ថាបនាផ្លូវធ្វើការជួសជុលតាមគម្រោង ដោយចាក់បេតុងកម្រាស់០.០៦ម៉ែត្រ ដើម្បីលុបគ្រួស និងដែកដែលអណ្ដែតចេញក្រៅពីបេតុង គ្រប់កន្លែង ដើម្បីបញ្ចប់គម្រោងកសាងផ្លូវឆ្នាំ២០២៤។ពាក់ពន្ធ័គុណភាពផ្លូវបេតុងឆ្អឹងដែក ដែលរដ្ឋបាលខេត្ត ស្រុក ក្រុង ស្ថាបនា តាមរយះថវិកាមូលនិធិឃុំ សង្កាត់ ប្រចាំឆ្នាំ មានសុពលភាពប្រើប្រាស់ប៉ុន្មានឆ្នាំ BTV បានព្យាយាមសាកសួរទៅក្រុមកាងារបច្ចេកទេសរបស់រដ្ឋបាលខេត្ត ជាច្រើនលើកដើម្បីសុំការពន្យល់ពីគុណភាពដែរ តែទូរសព្ធ័ហៅចូលគ្មានការឆ្លើយតប ៕ ដោយ ៖ ភា សារិត

ឯកឧត្តម សំ សិទ្ធិសេរី ដឹកនាំសហការីចូលរួមកិច្ចប្រជុំគោលនយោបាយសន្តិសុខសាយប័រ អាស៊ាន-ជប៉ុន លើកទី១៨

2025/10/09 01:54:32 pm        203
Facebook Telegram Linkin
នៅថ្ងៃទី៧ ដលថ្ងៃទី១០ ខែតុលា ឆ្នាំ២០២៥ ឯកឧត្តម សំ សិទ្ធិសេរី អគ្គនាយក​នៃ​អគ្គនាយក​ដ្ឋាន​បច្ចេក​វិទ្យាគមនាគមន៍និងព័ត៌មាន បានដឹកនាំ​សហការី​ទៅ​ចូល​រួម​កិច្ច​ប្រជុំ​គោល​នយោបាយ​សន្តិសុខ​សាយប័រ អាស៊ាន-ជប៉ុន លើកទី១៨ និងលំហាត់សន្តិសុខសាយប័រ (Tabletop Exercise)​ នៅទីក្រុងតូក្យូ ប្រទេសជប៉ុន ដែលរៀបចំ​ឡើង​ដោយ​ការិយាល័យ​សន្តិសុខ​សាយ​ប័រ​ជាតិ​ជប៉ុន ដោយមានការចូលរួមពីតំណាងប្រទេសជាសមាជិកអាស៊ានទាំង ១០ តំណាង​លេខា​ធិការ​ដ្ឋាន​អាស៊ាន និងតំណាងភាគីជប៉ុន មកពីការិយាល័យសន្តិសុខសាយប័រជាតិជប៉ុន។ សមាជិកនៃអង្គប្រជុំទាំងអស់បានធ្វើការផ្លាស់ប្តូរមតិយោបល់អំពីគោលនយោបាយសន្តិសុខសាយប័រ​របស់​ប្រទេសនីមួយៗ ក្នុងរយៈពេលមួយឆ្នាំកន្លងមក និងបាន​ចែក​រំលែក​អំពី​ស្ថានភាព​នៃ​ការ​គំរាម​កំហែងសន្តិសុខសាយប័រនាពេលបច្ចុប្បន្នដែលកំពុងតែមានកើនឡើង និងស្មុគស្មាញ​ស្រប​ពេល​នឹង​ការ​កើនឡើងនៃការប្រើប្រាស់បចេ្ចកវិទ្យាបញ្ញាសប្បនិម្មិត។ ប្រទេសសមាជិកអាស៊ាន និងជប៉ុនបានបញ្ជាក់​អំពី​កិច្ច​ខិតខំ​ប្រឹង​ប្រែង​របស់​ខ្លួន​ទៅ​លើស​កម្មភាព​ជា​ច្រើន​ មានដូចជាការបញ្ជ្រាបការយល់ ការអនុវត្តលំហាត់​ការពារ​ហេដ្ឋារ​ចនា​សម្ព័ន្ធ​ព័ត៌មាន​សំខាន់​ៗ ​ការកសាងសមត្ថភាព ការសហការរវាងវិស័យសាធារណៈ ឯកជននិងអប់រំ ក៏ដូចជាការ​ចែក​រំលែក​ព័ត៌មាន និងការជូនដំណឹងគ្នាទៅវិញទៅមកតាមការស្ម័គ្រចិត្តផងដែរ។ ស្រប​ពេលនឹងកិច្ចប្រជុំនេះផងដែរ លំហាត់សន្តិសុខសាយប័រ (Tabletop Exercise) កម្រិត​ថ្នាក់​ដឹកនាំ​ និងអ្នកបច្ចេកទេសបញ្ចូលគ្នាត្រូវបានរៀបចំឡើងដើម្បីពិភាក្សាអំពីហានិភ័យ ការគំរាម​កំហែង​សន្តិសុខ​សាយប័រ និងវិធានការការពារផ្សេងៗ។ លំហាត់​សន្តិសុខ​សាយប័រ​នេះ​បាន​ពិភាក្សា​ស៊ី​ជម្រៅទៅលើហានិភ័យ និងវិធានក្នុងការពារពីការវាយប្រហារប្រភេទមេរោគចាប់ជំរិត (Ransomware), ការវាយប្រហារទៅលើឧបករណ៍អុីនធឺណិតនៃវត្ថុ (Internet of Things) ការ​បោក​ប្រាស់ដោយប្រើបញ្ញាសប្បនិម្មិត (deepfake scam) និងបញ្ហា​ប្រឈម​ថ្មី​ៗ​ពី​បច្ចេក​វិទ្យាឈាន​មុខ​ផ្សេងៗ ដែលបានកើតឡើងក្នុងប្រទេសក្នុងតំបន់។ ប្រទេសនីមួយៗបានចែករំលែកអំពីវិធានការពារសំខាន់ៗ បទពិសោធន៍ល្អៗ និង​សារៈ​សំខាន់​នៃ​កិច្ច​សហការ​រវាង​រដ្ឋាភិបាលនិងក្រុមហ៊ុនធុរកិច្ច ក្នុងការពង្រឹង​និង​ទប់​ស្កាត់​ហានិភ័យ​សន្តិសុខ​សាយប័រ​ ដើម្បីជំរុញការអភិវឌ្ឍបច្ចេកវិទ្យាឌីជីថលប្រកបដោយសុវត្ថិភាព និងនិរន្តរភាព។ថ្នាក់​ដឹក​នាំមកពីបណ្តាមកពីប្រទេសក្នុងតំបន់ក៏បានបញ្ជាក់ពីការប្តេជ្ញាចិត្តរួមគ្នា និងកិច្ច​សហការ​តំបន់​បន្ថែម​ទៀត ដើម្បីធ្វើឱ្យប្រសើរ​ឡើង​ក្នុង​ការ​ពង្រឹង​ភាព​ធន់​សន្តិសុខ​សាយប័រ​កាន់​តែ​ប្រសើរ​នៅ​ថ្ងៃ​អនាគត​៕

កម្ពុជា និងកុំមិនវែលដូមីនីក (the Commonwealth of Dominica) ឯកភាពពង្រឹង និងពង្រីកទំនាក់ទំនងទ្វេភាគីឱ្យកាន់តែរីកចម្រើន

2025/10/09 01:44:24 pm        148
Facebook Telegram Linkin
នាព្រឹកថ្ងៃទី៩ ខែតុលា ឆ្នាំ២០២៥ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយឯកឧត្តម រ៉ូសឺវែល ស្កឺរីត (Roosevelt Skerrit) នាយករដ្ឋមន្ត្រីនៃកុំមិនវែលដូមីនីក និងគណៈប្រតិភូជាន់ខ្ពស់ ក្នុងឱកាសនៃដំណើរទស្សនកិច្ចការងារនៅព្រះរាជាណាចក្រកម្ពុជា។ជាកិច្ចចាប់ផ្តើមសម្តេចបវរធិបតីបានស្វាគមន៍យ៉ាងកក់ក្តៅឯកឧត្តមនាយករដ្ឋមន្ត្រី និងគណៈប្រតិភូ ដែលបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា។ សម្តេចបវរធិបតីបានចាត់ទុកដំណើរទស្សនកិច្ចការងារនេះថា ជាកាលានុវត្តភាពដ៏សំខាន់ ដើម្បីពង្រឹង និង ពង្រីកទំនាក់ទំនង និងកិច្ចសហប្រតិបត្តិការទ្វេភាគី។ សម្តេចបវរធិបតីបានបន្ថែមថា ឆ្នាំនេះគឺជាខួបលើកទី១៥ នៃទំនាក់ទំនងការទូតរវាងប្រទេសទាំងពីរ។ ជាការឆ្លើយតប, ឯកឧត្តមនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាល, ប្រជាជនកម្ពុជា និងសម្តេចបវរធិបតី ដែលបានផ្តល់ការទទួលបដិសណ្ឋារកិច្ចប្រកបដោយភាពកក់ក្តៅ និងស្និទ្ធស្នាល។ ឯកឧត្តមនាយករដ្ឋមន្រ្តីបានសម្តែងការកោតសរសើរ និងវាយតម្លៃខ្ពស់ ចំពោះការអភិវឌ្ឍរីកចម្រើនរបស់កម្ពុជា ព្រមទាំងបានបង្ហាញជំនឿជឿជាក់ថា ក្រោមការដឹកនាំប្រកបដោយភាពឈ្លាសវៃ និងចក្ខុវិស័យ របស់សម្តេចបវរធិបតី ប្រទេសកម្ពុជានឹងកាន់តែមានការអភិវឌ្ឍរីកចម្រើន និងវិបុលភាព បន្ថែមទៀត។ ជាមួយគ្នានេះ, ឯកឧត្តមបានបង្ហាញការពេញចិត្តចំពោះវឌ្ឍនភាពនៃទំនាក់ទំនងទ្វេភាគីដ៏ល្អ និងមានជំនឿជាក់ថា កិច្ចសហប្រតិបត្តិការនឹងកាន់តែរីកចម្រើន និងស៊ីជម្រៅ ថែមទៀត។ប្រមុខរដ្ឋាភិបាលទាំងពីរ បានវាយតម្លៃខ្ពស់ចំពោះការចុះហត្ថលេខាលើអនុស្សរណៈនៃការយោគយល់គ្នា ស្តីពីការបង្កើតកិច្ចពិគ្រោះយោបល់ទ្វេភាគី រវាងក្រសួងការបរទេសនៃប្រទេសទាំងពីរ នាថ្ងៃនេះ ដើម្បីជំរុញកិច្ចសហប្រតិបត្តិការជាក់ស្តែងលើវិស័យសក្តានុពលដែលផ្ដល់ផលប្រយោជន៍ទៅវិញទៅមក សម្រាប់ប្រជាជាតិទាំងពីរ។ ប្រមុខរដ្ឋាភិបាលទាំងពីរបានឯកភាព និងលើកទឹកចិត្តក្រសួង ស្ថាប័នពាក់ព័ន្ធនៃប្រទេសទាំងពីរ បន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការរវាងគ្នា ឱ្យកាន់តែរឹងមាំថែមទៀត ជាពិសេស តាមរយៈយន្តការពិគ្រោះយោបល់នេះ។ប្រមុខទាំងពីរក៏បានពិភាក្សា និងផ្លាស់ប្តូរយោបល់គ្នាអំពីការជំរុញកិច្ចសហប្រតិបត្តិការលើវិស័យសំខាន់ៗ រួមមានជាអាទិ៍៖ នយោបាយ-ការទូត សេដ្ឋកិច្ច ពាណិជ្ជកម្ម កសិកម្ម ទេសចរណ៍ និង ការផ្លាស់ប្តូររវាងប្រជាជន និងប្រជាជន។ឆ្លៀតក្នុងឱកាសនោះ, សម្តេចបវរធិបតីបានជម្រាបជូនឯកឧត្តមនាយករដ្ឋមន្ត្រីអំពីស្ថានភាពព្រំដែនកម្ពុជា-ថៃ និងបានគូសបញ្ជាក់ពីជំហររបស់កម្ពុជាក្នុងការដោះស្រាយបញ្ហាព្រំដែនជាមួយភាគីថៃដោយសន្តិវិធី ផ្អែកលើកិច្ចព្រមព្រៀងទ្វេភាគី អនុសញ្ញា និង សន្ធិសញ្ញាដែលស្រាប់ និងច្បាប់អន្តរជាតិ។ ឯកឧត្តមនាយករដ្ឋមន្ត្រីបានបញ្ជាក់ថា ឯកឧត្តមបានយល់ច្បាស់ពីបញ្ហានេះ និងគាំទ្រចំពោះការដោះស្រាយបញ្ហាព្រំដែននេះដោយសន្តិវិធី។ បន្ទាប់ពីកិច្ចពិភាក្សាប្រកបដោយផ្លែផ្កា ថ្នាក់ដឹកនាំទាំងពីរបានអញ្ជើញជាអធិបតីក្នុងពិធីផ្លាស់ប្តូរ «អនុស្សរណៈនៃការយោគយល់គ្នា ស្តីពីការបង្កើតកិច្ចពិគ្រោះយោបល់ទ្វេភាគី រវាងក្រសួងការបរទេសនៃប្រទេសទាំងពីរ» ដែលយន្តការនេះនឹងប្រព្រឹត្តទៅរៀងរាល់ពីរឆ្នាំម្តង និងផ្តោតលើប្រធានបទ៖ (១) នយោបាយ ការទូត កុងស៊ុល និងសន្តិសុខ, (២) សេដ្ឋកិច្ច ពាណិជ្ជកម្ម និងវិនិយោគ, និង (៣) វប្បធម៌ បរិស្ថាន ការអប់រំ បណ្តុះបណ្តាល ការស្រាវជ្រាវ និងអភិវឌ្ឍន៍។

គណៈកម្មាធិការសិទ្ធិមនុស្សកម្ពុជាជំរុញឲ្យUNដោះស្រាយបន្ទាន់ ចំពោះ​ទាហាន​ថៃ​ដែល​ធ្វើ​ទុក្ខ​បុក​ម្នេញ​ពលរដ្ឋខ្មែរនៅព្រំដែន

2025/10/09 01:26:59 pm        352
Facebook Telegram Linkin
គណៈកម្មាធិការសិទ្ធមនុស្សកម្ពុជា បាន​ជំរុញ​ឲ្យអ្នក​រាយការណ៍​ពិសេស​ទទួល​បន្ទុក​សិទ្ធិ​លំ​នៅ​ឋាន​សមរម្យ នៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស OHCHR ត្រូវធ្វើការដោះស្រាយជាបន្ទាន់ចំពោះអាជ្ញាធរថៃ ដែលបាន​ធ្វើ​ទុក្ខបុក​ម្នេញ​ដល់​ពលរដ្ឋ​ខ្មែរ​នៅ​ព្រំដែន ជាពិសេសនៅតំបន់ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។តាមរយៈលិខិតរបស់ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ជាលើក​ទី​ពីរ​ផ្ញើ​ទៅ​កាន់​លោក Balakrishnan Rajagopal អ្នក​រាយការណ៍​ពិសេស​ទទួល​បន្ទុក​សិទ្ធិ​លំនៅ​ឋាន​សមរម្យ នៃ​ការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស (OHCHR) នា​ថ្ងៃ​ទី​៩ ខែតុលា ឆ្នាំ២០២៥នេះបានលើកឡើងថា គ.ស.ម.ក.មាន​ការព្រួយ​បារម្ភ​យ៉ាង​ខ្លាំង​ដោយ​បាន​ទទួល​របាយការណ៍គួរឱ្យទុកចិត្តបានថា កងទ័ពថៃមានគម្រោងប្រើ​ប្រាស់​ច្បាប់​អាជ្ញា​សឹក ​ដើម្បីបណ្ដេញប្រជាជនកម្ពុជាចេញដោយបង្ខំពីផ្ទះសម្បែងនិងដីស្រែចម្ការ របស់ពួកគាត់ ដែល​ស្ថិតក្នុងដែនដីកម្ពុជា។ ឯកឧត្តម កែវ រ៉េមី បានប្រាប់ទៅអ្នករាយការណ៍របស់UNនោះទៀតថា ប្រជាជនកម្ពុជា ដែល​ត្រូវ​បាន​បណ្ដេញ​ចេញ​ដោយបង្ខំរួចហើយ និងអ្នកដែលកំពុងរង​ការ​គំរាម​កំហែង​ពី​ការ​បណេ្តញ​ចេញ​ដោយ​បង្ខំ​កំពុង​ទទួលរងនូវការឈឺចាប់ និងទុក្ខលំបាកជាទម្ងន់។ គ្រួសារទាំងនោះ បាន​រស់​នៅ​លើ​ទីតាំ​ង​នេះជាច្រើនជំនាន់មកហើយ ដោយមិនត្រឹមតែបានកសាងជាផ្ទះសម្បែងប៉ុណ្ណោះទេ ប៉ុន្តែ​ជា​សហគមន៍ ជាកន្លែងប្រកបរបរចិញ្ចឹមជីវិត ហើយអត្តសញ្ញាណវប្បធម៌ ក៏​បាន​ចាក់​ឫស​គល់​យ៉ាង​ជ្រៅនៅ​កន្លែងនោះផងដែរ។ប្រធានគណៈកម្មាធិការសិទ្ធមនុស្សកម្ពុជា បានបន្ថែមទៀតថា ការបាត់បង់ផ្ទះសម្បែង គឺបាន​ន័យ​ថា ​បាត់បង់ទីជម្រកសុវត្ថិភាព សន្តិសុខ និងការទទួលបានសេវាជាមូលដ្ឋានផ្សេងៗ ដែល​ជា​មូល​ហេតុ​បង្ក​ឱ្យ​មានភាពគ្មានផ្ទះសម្បែងជ្រកកោន ភាពក្រីក្រ និងអស្ថិរភាពសង្គម ហើយកុមារ​ត្រូវ​បង្ខំ​ឱ្យ​បោះបង់ចោលការសិក្សា មនុស្សចាស់ត្រូវប្រឈមនឹងបញ្ហាសុខភាពកាន់តែធ្ងន់ធ្ងរ ស្រ្តីនិង​ក្រុម​ជន​ងាយរងគ្រោះដទៃទៀត ត្រូវស្ថិតនៅក្នុងហានិភ័យកាន់តែខ្លាំង។ ផលប៉ះ​ពាល់​ផ្នែក​ផ្លូវ​ចិត្ត​ដោយ​សារ​ការរស់នៅក្រោមភាពមិនប្រាកដប្រជា ការគំរាមកំហែង និងការភ័យខ្លាចពីការ​បាត់​បង់​ផ្ទះ​សម្បែង​របស់ខ្លួន បានធ្វើឱ្យទុក្ខលំបាកពួកគាត់ កាន់តែធ្ងន់ធ្ងរឡើងៗ។ក្នុងន័យនេះ គ.ស.ម.ក. «សូមស្នើសុំអ្នក​រាយការណ៍​ពិសេស​ទទួល​បន្ទុក​សិទ្ធិ​មាន​លំនៅ​ឋាន​សមរម្យ ​ដែលមានអាណត្តិក្នុងការលើកកកម្ពស់ និងពិនិត្យ​តាម​ដាន​សិទ្ធិ​មនុស្សក្នុង​ការ​ទទួល​បាន​លំនៅឋាន​សមរម្យ​ទំនាក់​ទំនង​ជា​បន្ទាន់​ជាមួយ​នឹង​រាជ​រាដ្ឋាភិបាល​ប្រទេស​ថៃ​ ដើម្បី​ធានា​ដល់​ការ​គោរព​សិទ្ធិទទួលបានលំនៅឋានសមរម្យរបស់ប្រជាជនកម្ពុជាដែលបានរងផលប៉ះពាល់ បង្ការ​ការរំលោភបំពានណាមួយផ្សេងទៀត និងសម្របសម្រួល​ឲ្យមា​នវិ​ធាន​ការ​ដោះ​ស្រាយ​សមរម្យ​ស្រប​តាម​ច្បាប់សិទ្ធិមនុស្សអន្តរជាតិ»។គ.ស.ម.ក.បានសង្កត់ធ្ងន់ទៀតថា «សូមជំរុញឲ្យអ្នករាយការណ៍ពិសេសដោះស្រាយ​បញ្ហា​នេះ​ជា​បន្ទាន់​ និងគាំទ្រដល់សំណើរបស់កម្ពុជា ដែលស្នើឱ្យ​មាន​ការ​ទទួល​ខុស​ត្រូវ​ចំពោះ​ការ​រំលោភ​បំពាន​ទាំង​នេះ។ គ.ស.ម.ក. មានក្តីរំពឹងលើការចូលរួមរបស់អ្នករាយការណ៍ពិសេស ក្នុងការ​ប្រកាន់​ខ្ជាប់​នូវគោលការណ៍សិទ្ធិមនុស្សច្បាប់មនុស្សធម៌អន្តរជាតិ និងយុត្តិធម៌​សម្រាប់​ជន​រង​គ្រោះ​នៃ​អំពើខុ​សច្បា​ប់បែបនេះ»៕ អត្ថបទ៖ បាន ចក់

ឈ្វេងយល់អំពីលក្ខខណ្ឌ!! សម្រាប់ការចូលរួមប្រឡងប្រជែង​គ្រូបឋមសិក្សា​ផ្អែកលើ​កិច្ច​ព្រមព្រៀង​ការងារ

2025/10/09 01:03:47 pm        442
Facebook Telegram Linkin
ក្រសួងមុខងារសាធារណៈ បានជូនដំណឹងដល់សាធារណជន និងបេក្ខជន ដែលមាន​បំណង​ចូល​រួម​ប្រឡង​ប្រជែង​ជាគ្រូបឋមសិក្សាផ្អែកលើកិច្ចព្រមព្រៀងការងារ ចំនួន ៣,២១៣កន្លែង ភូមិ​សាស្ត្រ​រដ្ឋ​បាល​ខេត្តព្រៃវែង ខេត្តត្បូងឃ្មុំ ខេត្តកំពង់ចាម ខេត្តបាត់ដំបង និងខេត្តតាកែវ។ ខណៈប្រព័ន្ធចុះឈ្មោះសុំសិទ្ធប្រឡងប្រជែងកំពុងដំណើរការ សូម​បេក្ខ​ជន​ឈ្វេង​យល់​អំពី​លក្ខ​ខណ្ឌ​សម្រាប់​ការចូលរួមប្រឡងប្រជែង និងព័ត៌មានពាក់​ព័ន្ធ​នានា​ឆ្ពោះ​ទៅ​កាន់​ការ​ដាក់​ពាក្យ​សុំ​សិទ្ធ​ប្រឡងប្រជែង។ ⏱️ សម្រាប់​បេក្ខជន​ដែល​មាន​បំណង​ចូល​រួម​ប្រឡង​ប្រជែង​ជ្រើស​រើស​គ្រូ​បង្រៀន​ផ្អែក​លើ​កិច្ច​ព្រម​ព្រៀង​ការងារ​ឱ្យចូលបម្រើការងារនៅតាមគ្រឹះស្ថានបឋមសិក្សាសាធារណៈ បេក្ខជន​អាច​ចុះ​ឈ្មោះ​សុំ​សិទ្ធ​ប្រឡងប្រជែង ចាប់ពីថ្ងៃជូនដំណឹងនេះ រហូតដល់ថ្ងៃទី១៩ ខែតុលា ឆ្នាំ២០២៥ វេលា​ម៉ោង ១៧:០០នាទី ជាកំហិត តាមរយៈ QR Code ឬចូលទៅកាន់តំណភ្ជាប់ https://go.gov.kh/era/mcs25moeys✍️ សម្រាប់ព័ត៌មានលម្អិត ស្តីពីការប្រឡងប្រជែងជ្រើសរើស​គ្រូបង្រៀន​ផ្អែក​លើ​កិច្ច​ព្រម​ព្រៀង​ការងារ​ឱ្យ​ចូល​បម្រើការងារនៅតាមគ្រឹះស្ថានបឋមសិក្សាសាធារណៈ តាមរយៈតំណភ្ជាប់ https://www.facebook.com/share/p/176qTuXFiy/

បណ្ដាញសង្គម

ព័ត៌មានថ្មីៗ

ក្រុមការពារជើងឯក PSG កាន់ពីរគ្រាប់ចំណេញពីជ័យជំនះ ២-០ លើ Liverpool ជើងទីមួយ
04/09/2026 01:04 PM
Facebook Telegram Linkin
ក្រសួងសុខាភិបាល នៃព្រះរាជាណាចក្រកម្ពុជា ទស្សនកិច្ចនៅវិទ្យាស្ថានប៉ាស្ទ័រ ក្រុងប៉ារីស សាធារណរដ្ឋបារាំង
04/09/2026 01:04 PM
Facebook Telegram Linkin
សម្ដេចធិបតី ថ្លែងអំណរគុណប្រធានាធិបតីបារាំងចំពោះការស្វាគមន៍យ៉ាងកក់ក្តៅ និងរៀបចំដំឡើងកម្រិតទំនាក់ទំនងប្រទេសទាំងពីរដល់កម្រិត «ភាពជាដៃគូរយុទ្ធសាស្ត្រ»
04/09/2026 01:04 PM
Facebook Telegram Linkin
ស.ស.យ.ក បាននាំយកក្រមា សារ អំបុក នំខ្ញី និងជំនួយជូនដល់វីរកងទ័ពជួរមុខ
04/09/2026 01:04 PM
Facebook Telegram Linkin
ទំនិញចម្រុះ៣០០ មុខ ត្រូវបានតាំងបង្ហាញក្នុងពិព័រណ៍ផលិតផលខ្មែរដ៏ធំ នៅកោះពេជ្រ នៅព្រឹកនេះ
04/09/2026 12:04 PM
Facebook Telegram Linkin
ក្រុមប្រឹក្សារាជធានី អំពាវនាវឱ្យសន្សំសំចៃការចំណាយផ្សេងៗ ខណៈរថយន្ត​ក្រុង​ប្រមាណ ៦០០​គ្រឿង​នៅ​តែ​ដឹក​ជញ្ជូនប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មី
04/09/2026 12:04 PM
Facebook Telegram Linkin
កូរ៉េខាងជើងបើកការសាកល្បងសព្វាវុធរយៈពេល៣ថ្ងៃ
04/09/2026 12:04 PM
Facebook Telegram Linkin
សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជន​បរទេសជាង ៣០០នាក់
04/09/2026 12:04 PM
Facebook Telegram Linkin
សេតវិមានលើកឡើងថា បន្ទាត់ក្រហមរបស់លោកTrump ប្រឆាំងអ៊ីរ៉ង់ គឺការចម្រាញ់សារធាតុអ៊ុយរ៉ានីញ៉ូមនុយក្លេអ៊ែរ
04/09/2026 11:04 AM
Facebook Telegram Linkin
សមាជិកសភាអ៊ីរ៉ង់ សង្កត់ធ្ងន់លើលក្ខខណ្ឌ១០ចំណុច សម្រាប់កិច្ចព្រមព្រៀងអចិន្ត្រៃយ៍ជាមួយអាមេរិក
04/09/2026 11:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.