BTV NEWS

គណៈកម្មការគ្រប់គ្រងល្បែងពាណិជ្ជកម្មកម្ពុជាព្យួរអាជ្ញាបណ្ណកាស៊ីណូហេងហេង1នៅស្រុកស្នូលខេត្តក្រចេះ សង្ស័យលួចលាក់បង្កប់អំពើឆបោកតាមប្រព័ន្ធបច្ចេកវិទ្យា

ទូតវៀតណាមគាំទ្រ១០០%លើកិច្ចសហប្រតិបត្តិការបង្រ្កាបការឆបោកតាមប្រព័ន្ធបច្ចេកវិទ្យា និងត្រៀមជួយកម្ពុជាលើការងារនេះ

កម្ពុជា-ជប៉ុន បើកទំព័រកិច្ចសហប្រតិបត្តិការ ត្រួតពិនិត្យបរិស្ថានតាមផ្កាយរណប ដើម្បីប្រយុទ្ធប្រឆាំងការប្រែប្រួលអាកាសធាតុសកល

រដ្ឋមន្រ្តីព័ត៌មានកម្ពុជាប្រាប់គណៈប្រតិភូAMSអំពីការបំភ្លៃព័ត៌មានរបស់ភាគីថៃពាក់ព័ន្ធនឹងបញ្ហាជម្លោះព្រំដែន

ព័ត៌មានជាតិ

ក្រសួងទេសចរណ៍បង្ហាញផែនការយុទ្ធសាស្ត្រ៥ ទាក់ទាញទេសចរមូស្លីមអន្តរជាតិមកទស្សនាកម្ពុជា

នៅថ្ងៃទី១៨ ខែធ្នូនេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានបើកវេទិកាទេសចរណ៍មូស្លីមកម្ពុជា ឆ្នាំ២០២៤ រយៈពេល១ថ្ងៃនៅសណ្ឋាគារភ្នំពេញ។ ក្នុងវេទិកានេះ រដ្ឋមន្ត្រីទេសចរណ៍ បានប្រកាសសហការជាមួយ ភាគីប្រទេសដៃគូ និងវិស័យឯកជន អនុវត្តផែនការយុទ្ធសាស្ត្រចំនួន៥ ដើម្បីរួមគ្នាជំរុញទាក់ទាញទេសចរមូស្លីមជាតិ និងអន្តរជាតិទស្សនាកម្ពុជានៅគ្រប់រដូវកាលទាំងអស់។ឯកឧត្តម រដ្ឋមន្ត្រី ហួត ហាក់ ថ្លែងថា នៅក្នុងផែនការយុទ្ធសាស្ត្រទាំង៥ ដែលត្រូវអនុវត្តជំរុញការទាក់ទាញ ទេសចរមូស្លីមជាតិអន្តរជាតិ ដើរកម្សាន្តទស្សនាកម្ពុជានោះ រួមមាន៖ ទី១. ពង្រឹងពង្រីកគុណភាពផលិតផល និងសេវា កម្មទេសចរណ៍មូស្លីម ២. អភិវឌ្ឍហេត្ថារចនាសម្ព័ន្ធសម្រួលការធ្វើដំណើរ និងការតភ្ជាប់ទេសចរណ៍មូស្លីម ៣. បង្កើន ការផ្សព្វផ្សាយទេសចរណ៍កម្ពុជាទៅកាន់ទីផ្សារទេសចរណ៍មូស្លីមអន្តរជាតិ ៤. ពង្រឹងពង្រីកកិច្ចសហប្រតិបត្តិការជា មួយគ្រប់ភាគីពាក់ព័ន្ធទាំងអស់ និងទី៥. អភិវឌ្ឍធនធានមនុស្ស និងបញ្ជ្រាបការយល់ដឹងទេសចរណ៍មូស្លីមដល់វិស័យឯកជន និងភាគីពាក់ព័ន្ធនានា។ដើម្បីសម្រេចគោលដៅការអនុវត្តផែនការអភិវឌ្ឍន៍ទេសចរណ៍មូស្លីម ឯកឧត្តម រដ្ឋមន្ត្រី ហួត ហាក់ ក៏បានស្នើគ្រប់វិស័យឯកជន និងគ្រប់ភាគីពាក់ព័ន្ធនានា រៀបចំកម្មវិធីជំនួបផ្លាស់ប្តូរអាជីវកម្មទេសចរណ៍រវាងប្រទេសកម្ពុជា និងបណ្តាប្រទេសឥស្លាម និងត្រូវរៀបចំហាងម្ហូបអាហារហាឡាល់ កន្លែងថ្វាយបង្គំ និងរៀបចំសេវាកម្មនានាទៀត ដែលបម្រើឲ្យសេចក្តីតម្រូវការទេសចរមូស្លីមឲ្យបានច្រើន។របាយការណ៍ក្រសួងទេសចរណ៍បានឲ្យដឹងថា កម្ពុជា នៅក្នុងឆ្នាំ២០២៣ ទទួលបានទេសចរអន្តរជាតិប្រមាណ ៥លាន ៤៥ម៉ឺននាក់ ក្នុងនោះទេសចរមូស្លីមអន្តរជាតិ មានប្រមាណ៣៦ម៉ឺននាក់។ ដោយឡែកក្នុងរយៈពេល ១១ខែ ឆ្នាំ២០២៤នេះវិញ កម្ពុជាទទួលបានទេសចរអន្តរជាតិប្រមាណ ៦លាននាក់ ក្នុងនោះមានទេសចរមូស្លីមអន្តរជាតិ មានប្រមាណជាង៤០ម៉ឺននាក់ កើន២៣% បើប្រៀបធៀបរយៈពេលដូចឆ្នាំ២០២៣។ឯកឧត្តម រដ្ឋមន្ត្រី ហួត ហាក់ បង្ហាញក្តីរំពឹងថា នៅក្នុងដំណាច់ឆ្នាំ២០២៤ កម្ពុជា នឹងទទួលបានទេសចរអន្តរជាតិមកទស្សនាកើនរហូតដល់៦លាន៧សែននាក់ ក្នុងនោះទេសចរមូស្លីមអន្តរជាតិ មានប្រមាណ៤៣ម៉ឺននាក់ កើនលើសការរំពឹងទុក៕ អត្ថបទ៖ ស៊ុម សុខជា

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម

ដោយមើលឃើញកាន់តែច្បាស់អំពីទង្វើញុះញង់ ចិញ្ចឹមចិត្តបង្កអស្ថិរភាព អសន្តិសុខ បំផ្លាញនូវសន្តិភាពដ៏សុខសាន្តដែលកំពុងកើតមាននាសព្វថ្ងៃនេះពីក្រុមជ្រុលនិយមមួយក្តាប់តូចនៅក្រៅប្រទេស អ្នកគាំទ្របក្ស ប្រឆាំងជាហូរហែ បានប្រកាសផ្តាច់ខ្លួនមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជា ព្រម ទាំងបានគាំទ្រគំនិតផ្ដួចផ្ដើមរបស់សម្ដេចតេជោ ហ៊ុន សែន បង្កើតច្បាប់ដាក់ក្រុមជ្រុលនិយមជាក្រុមភេរវកម្ម ។រយៈពេលចុងក្រោយនេះ គេបានសង្កេតឃើញថា មន្ត្រីមូលដ្ឋានរបស់គណបក្សប្រឆាំង ជាពិសេសបេក្ខជនមកពីគណបក្សភ្លើងទៀន អស់ជំនឿលើការដឹកនាំរបស់គណបក្សខ្លួន បានប្រកាសផ្តាច់ខ្លួនមកចូលរួមក្នុងជីវ ភាពនយោបាយជាមួយគណបក្សប្រជាជនកម្ពុជាជាហូរហែ ព្រោះពួកគេកាន់តែមើលឃើញច្បាស់ អំពីសារធាតុ ពិតរបស់គណបក្សខ្លួនដែលមានក្រុមជ្រុលនិយមក្បត់ជាតិនៅក្រៅស្រុក តែងតែបំផុសញុះញង់ចង់ផ្តួលរំលំរាជ រដ្ឋាភិបាលស្របច្បាប់ ខណៈដែលប្រទេស និងប្រជាជនកម្ពុជា កំពុងទទួលនូវមនុញ្ញផលពីសុខសន្តិភាព។ជាក់ស្តែង កាលពីម្សិលមិញ តាមរយៈតេឡេក្រាមផ្លូវរបស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានឃើញមានបេក្ខជនក្រុមប្រឹក្សាមកពីគណបក្សភ្លើងទៀន ឃុំសំរោង សែន ស្រុកកំពង់លែង ខេត្តកំពង់ឆ្នាំង ចំនួន៥រូប បានប្រកាសផ្តាច់ខ្លួន និងបានគោរពស្នើសម្តេចតេជោ សុំចូល រួមរស់ជាមួយគណបក្សប្រជាជនកម្ពុជាវិញ។គួរបញ្ជាក់ថា សកម្មភាពនៃការចុះចូលបែបនេះ បាននឹងកំពុងកើតមានអស់រយៈពេលជាច្រើនខែមកហើយ។ បេក្ខជនក្រុមប្រឹក្សាគណបក្សភ្លើងទៀនចំនួន៥រូបមកពីឃុំសំរោងសែន ស្រុកកំពង់លែង ខេត្តកំពង់ឆ្នាំង ដែលបានប្រកាសផ្តាច់ខ្លួនចេញពីបក្សប្រឆាំង និងគោរពស្នើសម្តេចតេជោសុំចូលរួមជីវភាពនយោបាយជាមួយ គណបក្សប្រជាជនកម្ពុជានេះ ពួកគេក៏បានប្រកាសគាំទ្រឱ្យរាជរដ្ឋាភិបាលបង្កើតច្បាប់ដាក់ក្រុមជ្រុលនិយមជា ក្រុមភេរវកម្ម ៕ អត្ថបទ៖ មុត សុទ្ធ

រដ្ឋាភិបាលនឹងអនុវត្តកម្មវិធីថ្មីផ្ដល់ទាំងសាច់ប្រាក់ និងបង្កើតមុខរបរជូនគ្រួសារក្រីក្រនៅឆ្នាំក្រោយ

រាជរដ្ឋាភិបាលកម្ពុជា មានគោលដៅច្បាស់លាស់ក្នុងជួយគាំពារដល់គ្រួសារក្រីក្រ ក៏ដូចជារុញច្រានពួកគេឱ្យចាកផុតពីភាពក្រីក្រ។ ជាការគិតគូនេះ រាជរដ្ឋាភិបាលនឹងអនុវត្តកម្មវិធីថ្មីមួយទៀត នៅឆ្នាំ២០២៥ខាងមុខ ដែលរាជរដ្ឋាភិបាល នឹងបន្តផ្ដល់ជាសាច់ប្រាក់គាំទ្រជីវភាព ហើយថែមទាំងធ្វើការបណ្ដុះបណ្ដាល បង្កើតជាមុខរបរដល់ក្រុមគ្រួសារក្រីក្រថែមទៀត។ នេះជាការលើកឡើងរបស់ឯកឧត្តម ស៊ឹម សុធន អគ្គនាយកនៃមូលនិធិជាតិជំនួយសង្គម ក្នុងឱកាសធ្វើសន្និបាតបូកសរុបការងារឆ្នាំ ២០២៤។បច្ចុប្បន្នរាជរដ្ឋាភិបាលកម្ពុជា ដោយមានមូលនិធិជាតិជំនួយសង្គម នៃក្រសួងសង្គមកិច្ច បាននឹងកំពុងអនុវត្តកម្មវិធីជំនួយសង្គមមួយចំនួន ដើម្បីផ្ដល់ការគាំពារ ជួយទ្រងទ្រង់ជីវភាពគ្រួសារក្រីក្រ។ ជាកិច្ចការបន្ទាប់ក្នុងរយៈពេលខ្លីខាងមុខនេះ មូលនិធិជាតិជំនួយសង្គម ជាសេនាធិការឱ្យរាជរដ្ឋាភិបាលកម្ពុជា នឹងអនុវត្តកម្មវិធីមួយទៀត គឺកម្មវិធីកិច្ចគាំពារសង្គម ដើម្បីជំរុញការចាកចេញពីភាពក្រីក្រនៅក្នុងត្រីមាសទី ១ឆ្នាំ ២០២៥។ នេះជាការលើកឡើងរបស់ ឯកឧត្តម ស៊ឹម សុធន អគ្គនាយក នៃមូលនិធិជាតិជំនួយសង្គម។ កម្មវិធីនេះកន្លងទៅ ជាការអនុវត្តដោយ ដៃគូអភិវឌ្ឍន៍។ ចាប់ពីឆ្នាំ ២០២៥នេះទៅវិញ វានឹងក្លាយជាកម្មវិធីដែលអនុវត្តទាំងស្រុងដោយរាជរដ្ឋាភិបាលកម្ពុជា។ ការអនុវត្តនៅឆ្នាំ ២០២៥ខាងមុខនេះ គឺនឹងផ្តោតជួយដល់គ្រួសារក្រីក្រប្រមាណ ៥ ០០០គ្រួសារ ដែលរដ្ឋនឹងជួយទាំងថវិកា ជួយបង្កើតមុខរបរ ជួយលើការបណ្ដុះបណ្ដាល ក៏ដូចជាផ្តល់ទាំងទ្រព្យសកម្ម សម្រាប់ការបង្កើតមុខរបរផងដែរ។ ការអនុវត្តកម្មវិធីថ្មីនេះ អនុវត្តដោយកំណត់លើទីតាំងគោលដៅ ពុំអនុវត្តទូទាំងប្រទេសនោះទេ។ ជំហានដំបូងឆ្នាំ ២០២៥ នឹងអនុវត្តនៅខេត្តព្រះវិហារ និងខេត្តកំពង់ឆ្នាំង ក្នុងរយៈពេល ២ឆ្នាំ ទើបផ្លាស់ទៅអនុវត្តនៅទីតាំងតំបន់ផ្សេង។បច្ចុប្បន្នរាជរដ្ឋាភិបាល បានដាក់ឱ្យអនុវត្តនូវកម្មវិធីជំនួយសង្គមជាច្រើនរួចមកហើយ ដើម្បីគាំពារដល់ប្រជាពលរដ្ឋ ពិសេសពលរដ្ឋក្រីក្រ។ កម្មវិធីទាំងនោះរួមមាន កម្មវិធីជាតិជំនួយសង្គមក្នុងកញ្ចប់គ្រួសារ កម្មវិធីស្ដារជីវភាពឡើងវិញនៅក្រុងរុនតាឯក កម្មវិធីជាតិជំនួយសង្គមផ្នែកបណ្ដុះបណ្ដាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យជាដើម៕ អត្ថបទ៖គឹមហុក

ឧបនាយករដ្ឋមន្ត្រី វង្សី វិស្សុត៖ ការអនុវត្តច្បាប់ គឺជាសូចនាករវាស់វែងសមិទ្ធកម្ម នៃការតាក់តែងច្បាប់

ក្នុងពិធីបើកសិក្ខាសាលាថ្នាក់ជាតិស្តីពី «ការងារនីតិកម្មនិងការងារកែទម្រង់ច្បាប់របស់ រាជរដ្ឋាភិបាល» នៅថ្ងៃទី១៧ ខែធ្នូ ឆ្នាំ២០២៤ ឯកឧត្តម វង្សី វិស្សុត ឧបនាយករដ្ឋមន្ត្រី ប្រចាំការរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់ថ្លែងថា ការអនុវត្តច្បាប់ គឺជាសូចនាករវាស់វែងសមិទ្ធកម្មនៃការតាក់តែងច្បាប់។សិក្ខាសាលាថ្នាក់ជាតិស្តីពី «ការងារនីតិកម្មនិងការងារកែទម្រង់ច្បាប់របស់រាជរដ្ឋាភិបាល» មានការអញ្ជើញចូលរួមពីបណ្តាថ្នាក់ដឹកនាំតំណាងក្រសួងស្ថាប័ននៃរាជរដ្ឋាភិបាល តំណាងក្រសួងនីតិកម្មកូរ៉េ តំណាងដៃគូអភិវឌ្ឍន៍ សាស្ត្រាចារ្យនីតិសាស្ត្រ អ្នកច្បាប់ មេធាវី ព្រមទាំងអ្នកជំនាញការជាតិ និងអន្តរជាតិ ប្រមាណ២៥០នាក់។ឯកឧត្តម វង្សី វិស្សុត មានប្រសាសន៍ថា ការតាក់តែងច្បាប់ និងការអនុវត្តច្បាប់ មានទំនាក់ទំនងគ្នាស្អិតល្មួត ពឹងផ្អែកនិងគាំទ្រគ្នាទៅវិញទៅមក។ ក្នុងនោះ គុណភាពនៃការតាក់តែងច្បាប់ គាំទ្រដល់ប្រសិទ្ធភាពនៃការអនុវត្តច្បាប់ ហើយប្រសិទ្ធភាពនៃការអនុវត្តច្បាប់ គឺជាសូចនាករវាស់វែងសមិទ្ធកម្មនៃការតាក់តែងច្បាប់។ ឯកឧត្តម វង្សី វិស្សុត មានប្រសាសន៍ទៀតថា ដូច្នេះជោគជ័យនៃការកែទម្រង់ច្បាប់ គឺមានលក្ខណៈពឹងផ្អែកគ្នាជាអន្តរសកម្ម ហើយជាលទ្ធផលគឺបង្កើតបាននូវមូលដ្ឋានគ្រឹះសម្រាប់សង្គមមួយមាន ស្ថិរភាព វិបុលភាព វឌ្ឍនភាព និងសមធម៌។ ក្នុងន័យនេះ ដើម្បីសម្រេចចក្ខុវិស័យនៃការកែទម្រង់ច្បាប់របស់រាជរដ្ឋាភិបាល គុណភាពនៃការតាក់តែងច្បាប់ និងប្រសិទ្ធភាពនៃការអនុវត្តច្បាប់ គឺជាកត្តាគន្លឹះដែលមិនអាចខ្វះបាន ដើម្បីធានាចីរភាពនៃការកសាងនីតិរដ្ឋ និងអភិបាលកិច្ចល្អ។ឯកឧត្តម វង្សី វិស្សុត ថ្លែងថា នៅក្រោយឆ្នាំ១៩៩៣ កម្ពុជាបានរៀបចំប្រព័ន្ធច្បាប់ និងរដ្ឋបាលរបស់ខ្លួនឡើងវិញនៅក្រោមដំបូលរដ្ឋធម្មនុញ្ញឆ្នាំ១៩៩៣ ដោយទទួលយកជំនួយពីដៃគូអភិវឌ្ឍន៍ជាច្រើនប្រទេស ទាំងប្រទេសដែលប្រកាន់យកប្រព័ន្ធច្បាប់ Civil Law និងប្រទេសដែលប្រកាន់យកប្រព័ន្ធច្បាប់ Common Law ក្នុងគោលដៅចម្បងគឺសមាហរណកម្មប្រទេសឡើងវិញ ចូលទៅក្នុងតំបន់និងសាកលលោក ដែលធ្វើឱ្យច្បាប់កម្ពុជាបច្ចុប្បន្នមានអត្តសញ្ញាណបែបចម្រុះពណ៌ ច្រើនស្រទាប់ លាយឡំដោយច្បាប់បែបប្រពៃណីផង ច្បាប់បែបទំនើបផង និងទស្សនវិជ្ជាច្បាប់បែបចម្រុះផង។នាឱកាសនោះ ឯកឧត្តម វង្សី វិស្សុត បន្ថែមថា ទោះបីជាយ៉ាងនេះក្តី ជាង២ទស្សវត្សរ៍ចុងក្រោយនេះ កម្ពុជាបានបោះជំហានយ៉ាងស្វាហាប់ក្នុងការធ្វើទំនើបកម្មច្បាប់ ស្របតាមស្តង់ដារអន្តរជាតិ ដោយប្រកាន់យកនូវគោលការណ៍នីតិរដ្ឋជាមូលដ្ឋានគ្រឹះ និងបានចារឹកក្នុងរដ្ឋធម្មនុញ្ញនៃព្រះរាជាណាចក្រកម្ពុជា ឈរលើគុណតម្លៃស្នូល រួមមាន ប្រព័ន្ធនយោបាយលទ្ធិប្រជាធិបតេយ្យ សេរីពហុបក្ស ការគោរពសិទ្ធិមនុស្សនិងសិទ្ធិបុគ្គល និងប្រព័ន្ធសេដ្ឋកិច្ចទីផ្សារ៕

បេក្ខជនអាហារូបករណ៍ អ.ម.ត ស្នើសុំសិក្សានៅខេត្តបាត់ដំបង-បន្ទាយមានជ័យ ទទួលការណែនាំពីការប្រើប្រាស់ប្រព័ន្ធឌីជីថល អ.ម.ត

នារសៀលថ្ងៃទី១៧ ខែធ្នូ ឆ្នាំ២០២៤ ក្រុមការងារអាហារូបករណ៍ អ.ម.ត រាជធានីភ្នំពេញ-បាត់ដំបង-បន្ទាយមានជ័យ បានជួបសំណេះសំណាល និងណែនាំអំពីការប្រើប្រាស់ប្រព័ន្ធឌីជីថល អ.ម.ត ក្នុងពិធីផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្តល់ជូនតាមរយៈ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដល់បេក្ខជនអាហារូបករណ៍ អ.ម.ត ចំនួនប្រមាណ ១៣៧ នាក់ សិក្សាក្នុងខេត្តបាត់ដំបង និងបន្ទាយមានជ័យ ដែលពិធីនេះប្រព្រឹត្តទៅក្រោមអធិបតីភាព ឯកឧត្តម លឹម គុណវុឌ្ឍ ប្រធានក្រុមការងារ អាហារូបករណ៍ អ.ម.ត ខេត្តបាត់ដំបង-បន្ទាយមានជ័យ និងលោក យី សុងគី ប្រធានមន្ទីរអប់រំ យុវជន និងកីឡា ខេត្តបាត់ដំបង នៅសាលប្រជុំមន្ទីរអប់រំ យុវជន និងកីឡាខេត្តបាត់ដំបង៕

ឆ្នាំ២០២៤ កម្ពុជាលក់ជ័រកៅស៊ូបានជាង៦៤០លានដុល្លារ កើនជាង៣០ភាគរយ

ក្នុងឆ្នាំ២០២៤នេះ ការលក់ជ័រកៅស៊ូរបស់កម្ពុជា មានការកើនឡើងគួរឱ្យកត់សម្គាល់ រហូតដល់ជាង ៣០ភាគរយ ដោយទទួលបានចំណូលជាង៦៤០លានដុល្លារ បើធៀបនឹងឆ្នាំ២០២៣ ហើយឆ្នាំនេះ ជាមធ្យមតម្លៃជ័រកៅស៊ូ ចន្លោះពីជាង១ពាន់ ទៅ២ពាន់ដុល្លារ ក្នុងមួយតោន ។លោក ឃុន កក្កដា អគ្គនាយកស្តីទី នៃអគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និង នេសាទ បានឱ្យដឹងថា ចាប់តាំងពីមានវត្តមាននៅលើទឹកដីកម្ពុជា ដំណាំកៅស៊ូ បានផ្សារភ្ជាប់ និងបំពេញតួនាទីយ៉ាងសកម្មក្នុងការរួមចំណែកទ្រទ្រង់សេដ្ឋកិច្ច សង្គម និងបរិស្ថាននៃប្រទេសកម្ពុជា រហូតដល់បច្ចុប្បន្ន ។លោកបានបន្តថា នៅឆ្នាំ២០២៤នេះ ផលិតផលជ័រកៅស៊ូសម្រេចបានប្រមាណជាង៤០ម៉ឺនតោន បើធៀបនឹងឆ្នាំ២០២៣ មានការកើនឡើងចំនួន៤ភាគរយ និងរកចំណូលបានជាង៦៤០លានដុល្លារកើនជាង៣០ភាគរយ ដែលថ្លៃលក់ជាមធ្យមក្នុងមួយឆ្នាំនេះ គឺជាង១ពាន់៦០០ដុល្លារ ក្នុងមួយតោនកើនឡើង ២៨០ដុល្លារ ហើយសង្ឃឹមថា នឹងឡើងបន្ថែមទៀត ខណៈដែលកម្ពុជា កំពុងមានរោងចក្រផលិតកង់រថ យន្តចំនួនបី និងគ្រោងបង្កើតពីរទៀត ។លោក គិន ឧត្តមមុនីស៊ីណាត នាយកប្រតិបត្តិក្រុមហ៊ុនផលិតកង់រថយន្តម៉ាកសាយឡុន (SAILUN TIRE CAMBODIA) បានឱ្យដឹងថា បច្ចុប្បន្ននេះ ក្រុមហ៊ុនបានបោះទុនវិនិយោគប្រមាណមួយពាន់លានដុល្លារនៅក្នុងប្រទេសកម្ពុជា លើការផលិតកង់រថយន្ត ហើយបាននាំចេញទៅលក់នៅប្រទេស ជាង៣០ទូទាំងពិភពលោក ។លោកបានបញ្ជាក់ថា ក្រុមហ៊ុនសាយឡុន បានប្រមូលទិញជ័រកៅស៊ូប្រមាណជាង៣០ភាគរយ នៃ ផ្ទៃដីដំណាំកៅស៊ូជាង៤០ម៉ឺនហិកតានៅក្នុងប្រទេសកម្ពុជា ជាមួយនឹងការបង្កើតការងារជូនពលរដ្ឋបាន ជាង៧ពាន់នាក់ ហើយឆ្នាំក្រោយ បន្ទាប់ពីក្រុមហ៊ុនពង្រីកការវិនិយោគ នឹងបង្កើតការងារដល់ជាង ១ម៉ឺននាក់។សូមបញ្ជាក់ថា ដំណាំកៅស៊ូ បានចាប់បដិសន្ធិនៅកម្ពុជា នៅឆ្នាំ១៩២០ ដោយមានក្រុមហ៊ុនវិនិយោគិនបារាំងធំៗចំនួន៥ បានបង្កើតចម្ការកៅស៊ូកសិ-ឧស្សាហកម្ម ដែលដំបូងដាំនៅខេត្តកំពង់ចាម ក្រចេះ និងខេត្តកំពង់ធំ ។ គិតត្រឹមឆ្នាំ១៩៦៩ កម្ពុជា មានផ្ទៃដីដាំដុះកៅស៊ូ សរុបជាង៦៤០ពាន់ហិកតា ដែលក្នុង នោះជាង៣៩០ពាន់ហិកតា ចៀរជ័រយកផលជ័របានចំនួន៥០ពាន់តោន សម្រាប់បម្រើសេចក្តីត្រូវការក្នុង ស្រុក និងនាំចេញប្ដូរយករូបីយបណ្ណអន្តរជាតិ។ ក្នុងរយៈពេលជាង២០ឆ្នាំចុងក្រោយ (២០០០-២០២០) ផ្ទៃដីដំណាំកៅស៊ូបានកើនឡើង៨ដង ដោយឆ្នាំ២០០០ មានត្រឹម៥ម៉ឺនដើម ហើយមកដល់ឆ្នាំនេះ មានផ្ទៃដីដំណាំកៅស៊ូ ចំនួន៤២៥ពាន់ ៤៤៣ហិកតា ក្នុងនោះ៥២ភាគរយ ជាចម្ការកៅស៊ូកសិឧស្សាហ កម្ម និង៤៨ភាគរយ ជាផ្ទៃដីកៅស៊ូគ្រួសារ៕ អត្ថបទ៖ សុខរិទ្ធិ

សម្ដេចតេជោ ហ៊ុន សែន អញ្ជើញបិទសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្ត របស់គណៈចលនាមហាជនគណបក្សប្រជាជនកម្ពុជា

នៅវិមាន៧មករា ស្នាក់ការកណ្ដាលគណបក្សប្រជាជនកម្ពុជា នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងទិសដៅការងារបន្តរបស់គណៈចលនាមហាជនគណបក្សប្រជាជនកម្ពុជា ដោយមានការចូលរួមពី អនុប្រធានគណបក្ស គណៈអចិន្ត្រៃយ៍នៃគណៈកម្មាធិការកណ្ដាល ថ្នាក់ដឹកនាំ និង សមាជិក សមាជិកាគណៈចលនាមហាជនថ្នាក់កណ្ដាល គណៈចលនានីមួយៗអគ្គលេខាធិការដ្ឋាន ក្រុមការងារប្រមូលព័ត៌មាន វាយតម្លៃ និងឆ្លើយតបសតិអារម្មណ៍មហាជន គណៈចលនាមហាជន គ្រប់ថ្នាក់ គ្រប់ផ្នែក អង្គការ សមាគម និងសមាជិក សមាជិកាគណបក្សសរុបប្រមាណជាង ២០០០ នាក់។អង្គសន្និបាតគណៈចលនាមហាជន បានចាប់ផ្ដើមដំណើរការ នៅព្រឹកថ្ងៃទី១៧ ខែធ្នូ ឆ្នាំ២០២៤ ដែលពិធីបើកប្រព្រឹត្ត ទៅក្រោមអធិបតីភាពដ៏ខ្ពង់ខ្ពស់របស់ សម្ដេចវិបុលសេនាភក្តី សាយ ឈុំ អនុប្រធានគណបក្ស ប្រជាជនកម្ពុជា និងជាប្រធានគណៈប្រចាំការនៃគណៈអចិន្ត្រៃយ៍គណបក្សប្រជាជនកម្ពុជា។ តាមរយៈអង្គសន្និបាតនេះបានបង្ហាញពីវឌ្ឍនភាពការងារ ការរៀបចំរចនាសម្ព័ន្ធ សមិទ្ធផលនានា ក៏ ដូចជាបញ្ហាប្រឈម សំណូមពរ និងទិសដៅការងាររួមផងដែរ។ក្រោយពីបានស្តាប់នូវរបាយការណ៍លទ្ធផលការងាររបស់ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានគណៈចលនាមហាជនរួចហើយនោះ សម្តេចតេជោ ហ៊ុន សែន ប្រធានគណបក្ស បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង របស់គណៈចលនាមហាជន ក្នុងការអនុវត្តការងារកន្លងទៅប្រកបដោយការយកចិត្តទុកដាក់ និងទំនួលខុសត្រូវខ្ពស់។ សម្តេចបានមានប្រសាសន៍បន្តថា តាមរយៈការរួមចំណែកដ៏សំខាន់របស់គណៈចលនាគណចលនាមហាជន ក្នុងការនាំមកនូវជ័យជំនះជូនគណបក្ស គណៈចលនាមហាជនបាននិងកំពុងដើរតួនាទីយ៉ាងសំខាន់ និងជាសេនាធិការជូនគណៈកម្មាធិការគណបក្សគ្រប់កម្រិត ក្នុងការគ្រប់គ្រងសមរភូមិសតិអារម្មណ៍សាធារណៈ ដែលជាកម្លាំងនយោបាយមិនអាចខ្វះបានក្នុងការធានាជ័យជម្នះ របស់គណបក្សក្នុងគ្រប់ការបោះឆ្នោត ជាពិសេសការប្រមូលផ្តុំកម្លាំងគណបក្សក្នុងចំណោមមហាជនទូទៅផងដែរ។ជាទិសដៅអនុវត្តបន្ត សម្ដេចតេជោ ហ៊ុន សែន ប្រធានគណបក្ស បានផ្តល់នូវអនុសាសន៍មួយចំនួនដល់គ្រប់អង្គការចាត់តាំងរបស់គណបក្សពិសេសគណៈចលនាមហាជនគ្រប់ថ្នាក់បន្តយកចិត្តទុកដាក់លើការងារមួយចំនួន ដូចខាងក្រោម៖-ត្រូវបន្តថែរក្សាសន្តិភាព ស្ថិរភាព នៅកម្ពុជា ដើម្បីថែរក្សានូវសមិទ្ធផលនានា ដែលយើងសម្រេចបានដោយលំបាកបំផុត និងបន្តកសាងសមិទ្ធផលថ្មីៗ សម្រាប់ជាតិ និងប្រជាជន ដោយ សម្ដេចតេជោ បានបញ្ជាក់ថា សមាជិក ទាំងអស់ ដែលមានតួនាទីកំពុងបំពេញភារកិច្ចការងារ នៅក្នុងស្ថាប័នគ្រប់ជាន់ថ្នាក់ ត្រូវរួមគ្នារក្សាអោយបានដាច់ខាត សន្តិភាព ស្ថិរភាពសង្គម ទោះលះបង់ក្នុងតម្លៃណាក៏ដោយ ត្រូវខិតខំរក្សាអោយបាននូវកំណើនម៉ាក្រូសេដ្ឋកិច្ច ដែលជាចំណង១ខ្សែ២ (រក្សាស្ថិរភាពនយោបាយ និង រក្សាស្ថិរភាពម៉ាក្រូសេដ្ឋកិច្ច)។-បន្តពង្រឹង និងពង្រីកអង្គការចាត់តាំង, ពង្រឹងការអនុវត្តតួនាទី ភារកិច្ច និងរបៀបរបបការងាររបស់គណៈចលនាមហាជនគ្រប់ថ្នាក់ ដើម្បីបង្កើនប្រសិទ្ធភាពការងារ ពិសេសត្រូវរៀបចំបណ្តុះបណ្តាលពង្រឹងសមត្ថភាពមន្ត្រីបក្ស លើការងារមហាជន ទាំងគ្រូបង្គោល និងជនបង្គោលរបស់គណបក្ស រាជធានីខេត្ត ដើម្បីធានានិរន្តរភាព និងប្រសិទ្ធភាពការងារ។-នៅចំពោះមុខសភាពការណ៍ជាតិ និងអន្តរជាតិ ដែលមានការវិវត្តកាន់តែស្មុគស្មាញនោះ ត្រូវតាមដានវាយតម្លៃអោយបានជាប់លើមតិ ការយល់ឃើញរបស់មហាជន ទាំងលើប្រព័ន្ធបណ្តាញសង្គម និងនៅតាមមូលដ្ឋានផ្ទាល់ លើការដឹកនាំរបស់រាជរដ្ឋាភិបាល និងគណបក្ស។-បង្កើនការងារបណ្តុះស្មារតីសាមគ្គីភាពសង្គម យុទ្ធនាការបណ្តុះគំនិតវិជ្ជមានដល់ប្រជាជន និងការបង្កើនភាពកក់ក្ដៅរវាងមន្ត្រីបក្ស និងប្រជាជន ដោយត្រូវជំរុញការផ្សារភ្ជាប់ទំនាក់ទំនងរវាងប្រជាជន និងក្រសួង ស្ថាប័ន អង្គភាពរដ្ឋ នៅគ្រប់កម្រិត ពីថ្នាក់ជាតិ ដល់ថ្នាក់ក្រោមជាតិ, និងពង្រឹងការងារផ្សព្វផ្សាយ និងទំនាក់ទំនងសាធារណៈ ទាំងតាមបែបប្រពៃជា និងបែបឌីជីថលឆ្លើយតបនឹងការរីកចម្រើនយ៉ាងឆាប់រហ័សនៃបច្ចេកវិទ្យា ពិសេសជម្រុញការយកចិត្តទុកដាក់ក្នុងការគ្រប់គ្រងការផ្សាយរបស់ ប្រព័ន្ធអនឡាញ ជាពិសេសគឺការផ្សព្វផ្សាយព័ត៌មានបំភ្លៃការពិត ខ្វះសីលធម៌ ត្រូវមានវិធានការជាបន្ទាន់។-បន្តការកំណែទម្រង់ ទាំងក្នុងបក្ស និងរដ្ឋ ដោយការធ្វើកំណែទម្រង់រដ្ឋ និងការធ្វើកំណទម្រង់ក្នុងបក្សត្រូវតែដើរទន្ទឹមគ្នាទើបការកែទម្រង់ទទួលបានជោគជ័យ។ បន្តជំរុញការអនុវត្តកម្មវិធីនយោបាយរបស់គណបក្ស និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ពិសេសត្រូវពន្លឿនការដោះស្រាយវិស័យសេដ្ឋកិច្ចសង្គម ដែលរងផលប៉ះពាល់ពីវិបត្តិជំងឺកូវីដ-១៩ ដើម្បីលើកម្ពស់សេដ្ឋកិច្ចគ្រួសារ និងជីវភាពរស់នៅប្រចាំថ្ងៃរបស់ប្រជាជន។-បន្តចូលរួមពង្រឹងទំនាក់ទំនង និងកិច្ចសហប្រតិបត្តិការការទូតសន្តិភាព មិត្តភាពជាមួយចលនាមហាជន ការផ្លាស់ប្តូររវាងប្រជាជន និងប្រជាជន យុវជន និងយុវជន នៃបណ្តាប្រទេសជិតខាង និងប្រទេសជាមិត្តនានា ដោយឈរលើគោលការណ៍សន្តិសហវិជ្ជមាន គោរពឯករាជ្យអធិបតេយ្យ បូរណភាពទឹកដី ស្មើភាព ស្មើសិទ្ធិ និងមានផលប្រយោជន៍ទៅវិញទៅមក។ក្នុងឱកាសនេះនេះដែរ សម្ដេចតេជោ ប្រធានគណបក្សប្រជាជនកម្ពុជា បានកោតសរសើរដល់ការប្រមូលចំណូល និង បានជម្រុញការយកចិត្តទុកដាក់ប្រមូលចំណូលអោយអស់លទ្ធភាពបន្ថែមទឿត ទាំងថ្នាក់ជាតិ និងថ្នាក់ក្រោមជាតិ និងបានកោតសរសើរដល់រាជរដ្ឋាភិបាល ដែលថ្មីៗនេះបាន ប្រកាសអោយការចុះបញ្ជីសេដ្ឋកិច្ចក្រៅប្រព័ន្ធតាមប្រព័ន្ធឌីជីថល ដែលនេះគឺកាន់តែផ្ដល់ភាពងាយស្រួល និងកក់ក្ដៅដល់បងប្អូនអ្នកនៅក្នុងសេដ្ឋកិច្ចក្រៅប្រព័ន្ធ ព្រមទាំងជម្រុញអោយយកចិត្តទុកដាក់សេដ្ឋកិច្ចក្រៅប្រព័ន្ធអោយបានខ្លាំង។សម្ដេចតេជោ បានកោតសរសើរចំពោះល្បឿននៃការដោះស្រាយបញ្ហាដីធ្លី និងជម្រុញបន្ថែមទៀតនៃដោះស្រាយបញ្ហាដីធ្លី និងការផ្ដល់ដីធ្លីដល់ប្រជាជនអោយចំគោលដៅ។ ក្នុងនោះដែរ សម្ដេចតេជោ ក៏បានកោតសរសើរដល់រាជរដ្ឋាភិបាល ដែលបានរៀបចំគណកម្មាធិការដោះស្រាយក្រៅប្រព័ន្ធតុលាការផងដែរ។ជាទីបញ្ចប់ ជាមួយនឹងការប្រកាសបិទសន្និបាតបូកសរុបសមិទ្ធផលការងារ ឆ្នាំ២០២៤ និងលើកទិសដៅការងារបន្ត របស់គណៈចលនាមហាជន សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានប្រសិទ្ធពរជ័យ ជូន សម្តេច ឯកឧត្ដម លោកជំទាវ អស់លោក លោកស្រី អ្នកនាងកញ្ញា អង្គសន្និបាតទាំងមូល សូមទទួលបាននូវពុទ្ធពរទាំង ០៥ប្រការ គឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

ផ្លូវកៅស៊ូ និងផ្លូវក្រាលគ្រួសក្រហម ៤ខ្សែ ផ្តល់អត្ថប្រយោជន៍ដល់ប្រជាពលរដ្ឋក្នុងការដឹកកសិផល និងធ្វើដំណើរ

កំពង់ឆ្នាំង៖ ឯកឧត្តម សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ តំណាងឯកឧត្តម ឆាយ រិទ្ធីសែន រដ្ឋមន្រ្តីក្រសួងអភិវឌ្ឍន៍ជនបទ នៅរសៀលថ្ងៃទី១៧ ខែធ្នូ ឆ្នាំ២០២៤នេះ បានដឹកនាំក្រុមការងារគណៈកម្មការអន្តរក្រសួង មានក្រសួងអភិវឌ្ឍន៍ជនបទ ក្រសួងសេដ្ឋកិច្ច និងហិរញ្ញវត្ថុ រួមទាំងក្រុមការងារបច្ចេកទេស នៃមន្ទីរអភិវឌ្ឍន៍ជនបទខេត្តកំពង់ឆ្នាំង បានចុះត្រួតពិនិត្យ និងវាយតម្លៃលើការងារថែទាំផ្លូវក្រាលកៅស៊ូDBST ដំណាក់កាលទី៣ លើការងារថែទាំជាប្រចាំផ្លូវកៅស៊ូDBST និងផ្លូវក្រាលគ្រួសក្រហមចំនួន៤ខ្សែ ស្ថិតក្នុងស្រុកសាមគ្គីមានជ័យ ស្រុកកំពង់ត្រឡាច ស្រុកទឹកផុស ខេត្តកំពង់ឆ្នាំង ។ក្នុងពេលចុះជួបជាមួយប្រជាពលរដ្ឋដែលបានប្រើប្រាស់ និងបានទទួលផលប្រយោជន៍ពីផ្លូវកៅស៊ូ និងផ្លូវក្រាលគ្រួសក្រហម៤ខ្សែនេះ គឺពួកគាត់បានសំដែងនូវការសប្បាយចិត្តខ្លាំង ពេលទទួលបានផ្លូវថ្មី ធ្វើដំណើរស្រួល មិនលំបាកដូចមុន ចំណេញទាំងពេលវេលា និងថវិកា។ កាលពីមុនផ្លូវទាំងនេះ ជាផ្លូវរទេះមានភក់ មានទឹកដក់នៅរដូវវស្សា និងហុយមានជង្ហុគនៅរដូវប្រាំង ពិបាកក្នុងការធ្វើដំណើរទៅមកដឹកកសិផល កូនចៅទៅរៀនសូត្រ ទៅមណ្ឌលសុខភាពឬមន្ទីរពេទ្យ និងការធ្វើដំណើរផ្សេងៗ។ ក្រោយពីរាជរដ្ឋាភិបាលបានផ្តល់ផ្លូវកៅស៊ូ រួមនិងផ្លូវក្រាលគ្រួសក្រហមរួចមក ប្រជាពលរដ្ឋទាំងអស់បានធ្វើដំណើរស្រួល មិនលំបាកដូចមុន ចំណេញទាំងពេលវេលា និងថវិកា រួមនិងមានភ្ញៀវទេសចរបានឆ្លងកាត់ភូមិស្រុកគាត់ផងដែរ។ឯកឧត្តម សៅ ជីវ័ន្ត បានសំណូមពរដល់បងប្អូនទាំងអស់ជួយថែរក្សាផ្លូវ កុំកាយលុបប្រឡាយ ត្រូវដាក់លូបង្ហូរទឹកកុំអោយស្ទះ និងជួយមើលឡានដឹកហួសទម្ងន់កំណត់ផង ខ្លាចស្រុតខូចផ្លូវ ព្រោះសម្តេចតេជោ ហ៊ុន សែន អតីតនាយករដ្ឋមន្ត្រី និងសព្វថ្ងៃជាប្រធានព្រឹទ្ធសភា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ តែងតែគិតគូរដល់សុខទុក្ខ និងសេដ្ឋកិច្ចគ្រួសារបងប្អូនប្រជាពលរដ្ឋនៅតាមជនបទជានិច្ច។ ការគិតគូរបស់ថ្នាក់ដឹកនាំ ធ្វើអោយបងប្អូនបានមកវិញនូវផ្លូវកៅស៊ូDBSTថ្មីស្អាត និងផ្លូវក្រាលគ្រួសក្រហម នាំអោយងាយស្រួលដល់ការធ្វើដំណើរទៅមកមន្ទីរពេទ្យ មណ្ឌលសុខភាព កូនចៅទៅសាលារៀន ធ្វើការ ទៅវត្ត និងការធ្វើដំណើរប្រកបអាជីវកម្មផ្សេងៗ ចំណេញពេលវេលាក្នុងការធ្វើដំណើរ និងចំណេញទាំងថវិកាទៀតផង។ក្រោយចុះពិនិត្យដោយផ្អែកទៅលើសោភ័ណភាព និងគុណភាពផ្លូវDBST និងផ្លូវក្រាលគ្រួសក្រហមរួចមក គណៈកម្មការអន្តរក្រសួង បានសម្រេចឯកភាពទទួលយក១០០% សម្រាប់ការអនុវត្តការងារថែទាំផ្លូវកៅស៊ូទាំងនេះ៕ កាំង ហុងវាស្នា

NEA ប្រកាសឱកាសការងារជាង៥ម៉ឺនកន្លែង ដល់ពលរដ្ឋ និងសិស្សនិស្សិត ដែលកំពុង មានតម្រូវការ

ទីភ្នាក់ងារជាតិមុខរបរ និងការងារ ( NEA ) នៃក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសអំពីឱកាសការងារចំនួន ៥៣,៥៨៨ កន្លែង សម្រាប់បងប្អូនប្រជាពលរដ្ឋ យុវជន សិស្ស និស្សិត ដែលកំពុងមានតម្រូវការក្នុងពេលបច្ចុប្បន្ននេះ ។ បច្ចុប្បន្ននេះ ក្រុមការងាររបស់មជ្ឈមណ្ឌលការងារចល័ត នៃទីភ្នាក់ងារជាតិមុខរបរ និងការងារ ( NEA) នៅបន្តការចុះផ្សព្វផ្សាយឱកាសការងារជាច្រើន ទៅដល់និស្សិត នៅតាមសកលវិទ្យាល័យនានា នៅក្នុងរាជធានីភ្នំពេញ ដើម្បីជាឱកាស និងបង្កភាពងាយស្រួលជូនដល់យុវជន សិស្ស និស្សិត កំពុងស្វែងរកការងារ ដើម្បីរកប្រាក់កាសផ្គត់ផ្គង់ការងាររៀនសូត្រ និងបំពេញតម្រូវការផ្ទាល់ខ្លួនផ្សេងៗទៀតជាដើម។ ក្រុមនិស្សិត នៃសកលវិទ្យាល័យជាតិគ្រប់គ្រង (MUM) បង្ហាញការយល់ឃើញថា នេះ គឺជាការផ្តល់នូវឱកាសល្អ សម្រាប់ការទទួលបានការងារធ្វើ ដោយមិនពិបាកក្នុងការតាមស្វែករក ព្រោះនៅទីនេះ មានឱការងារយ៉ាងច្រើន ដែលអាចឱ្យពួកគាត់ជ្រើសរើសដើម្បីធ្វើការ ឱ្យសមស្របទៅតាមចំណេះ និងជំនាញផ្ទាល់ខ្លួនដែលពួកគាត់កំពុងតែមាន ។ គួរបញ្ជាក់ថា សកម្មភាពរបស់ក្រុមការងារការងារចល័ត នៃទីភ្នាក់ងារជាតិមុខរបរ និងការងារ (NEA) តែងធ្វើជាប្រចាំថ្ងៃ និងរៀងរាល់សប្តាហ៍ នៅតាមគ្រឹះស្ថានឧត្តមសិក្សា និងគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ នៅក្នុងរាជធានីភ្នំពេញ ដោយបែងចែកវេណ និងពេលវេលាតាមកាលវិភាគ។ មិនត្រឹមតែការចុះផ្សព្វផ្សាយនេះនោះទេ រៀងរាល់២ដង ក្នុង១ខែ NEA ក៏តែងបានរៀបចំពិព័រណ៍ការងារជាច្រើន នៅទីតាំងរបស់ខ្លួន ស្ថិតនៅក្នុងក្រសួងការងារ ដែលអាចឱ្យយុវជន សិស្ស និស្សិត អាចទៅស្វែងការងារបានដោយផ្ទាល់នៅទីនោះ ដោយមានក្រុមហ៊ុនជាដៃគូរជាច្រើន ត្រៀមចាំទទួលពាក្យ និងសម្ភាសផ្ទាល់មាត់ភ្លាមៗជាមួយក្រុមការងារជំនាញតែម្តង ដោយមិនរង់ចាំយូរ ឬចំណាយពេលនោះឡើយ ពោលសម្ភាសជាប់ភ្លាម អាចទទួលបានការងារភ្លាមៗតែម្តង៕ អត្ថបទ ៖ លីហេង

ប្រតិភូវិនិយោគិនចិនចំនួន ៣ក្រុម ចាប់អាម្មណ៍យ៉ាងខ្លាំងលើការវិនិយោគនៅកម្ពុជា

ប្រតិភូវិនិយោគិនមកពីប្រទេសចិនចំនួន ៣ក្រុម បានកំពុងស្វែងរកឱកាសវិនិយោគ និងបានចាប់អារម្មណ៍លើការមកបណ្តាក់ទុនវិនិយោគនៅកម្ពុជាលើវិស័យជាច្រើន និងបានប្តេជ្ញាជួយគៀងគរវិនិយោគិនចិន ឱ្យមកធ្វើការវិនិយោគនៅកម្ពុជាបន្ថែមផងដែរ។ ឯកឧត្ដម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ក្នុងជំនួបសម្តែងការគួរសម និងពិភាក្សាការងារជាមួយ គណៈប្រតិភូវិនិយោគិនចិន នៅថ្ងៃទី ១៧ ម្សិលមិញនេះ, ឯកឧត្តមអគ្គលេខាធិការ បានសម្តែងនូវការស្វាគមន៍ជូនចំពោះគណៈប្រតិភូ ទាំងអស់ និងបានគូសរំលេចពីកំណើននៃរំហូរវិនិយោគនៅកម្ពុជាជារួម ជាពិសេសកំណើនៃរំហូរវិនិយោគចិនមកកម្ពុជា ក្នុងរយៈពេល ប្រមាណ១ទសវត្សរ៍ចុងក្រោយនេះ ដែលប្រភពទុនពីប្រទេសចិនជាប់ចំណាត់ថ្នាក់លេខ១ ឬលេខ២ ជារៀងរាល់ឆ្នាំ។ ឯកឧត្តមអគ្គលេខាធិការ បានគូសរំលេចអំពីភាពរីកលូតលាស់នៃទំនាក់ទំនងកម្ពុជា-ចិន ដែលបានឈានដល់កម្រិតខ្ពស់ បំផុត ហើយភាគីទាំងពីរបានខិតខំប្រឹងប្រែងកសាងសហគមន៍វាសនារួមកម្ពុជា-ចិន ប្រកបដោយភាពស៊ីជម្រៅ ពង្រឹងក្របខ័ណ្ឌកិច្ច សហប្រតិបត្តិការត្បូងពេជ្រ និងបង្កើតឱ្យមានវឌ្ឍនភាពវិជ្ជមានក្នុងការកសាងរបៀងឧស្សាហកម្ម និងបច្ចេកវិទ្យា ក៏ដូចជារបៀងមច្ឆា និងអង្ករ ដែលនាំមកនូវផលប្រយោជន៍រូបវន្តដល់ប្រទេសទាំងពីរ។ បន្ថែមពីនេះ ឯកឧត្តមអគ្គលេខាធិការ ក៏បានធ្វើអត្ថាធិប្បាយអំពី បរិយាកាស និងរបបវិនិយោគកម្ពុជា ដែលមានភាពអំណោយផល និងបើកចំហសម្រាប់វិនិយោគិនដោយគ្មានរើសអើង។ ជាការឆ្លើយតប លោកស្រី ចូវ ហួយថុង អគ្គនាយករងក្រុមហ៊ុន ចុងខឺប៉ីហ្វាង មកពីទីក្រុងសិនយ៉ាង ខេត្តលាវនីង ប្រទេស ចិន, បានជម្រាបជូនថា លោកស្រីបានធ្វើការសិក្សាពីកាលានុវត្តភាពវិនិយោគនៅកម្ពុជាអស់រយៈពេលប្រមាណ ២ ឆ្នាំមកហើយ នៅ ពេលនេះ ក្រុមហ៊ុនមានបំណងបណ្តាក់ទុនវិនិយោគក្នុងវិស័យឧស្សាហកម្មកែច្នៃផលិតផលកសិកម្ម សម្រាប់ទីផ្សារក្នុងស្រុក និងការនាំចេញ។ ដោយឡែកគណៈប្រតិភូសមាគមលើកកម្ពស់បច្ចេកវិទ្យា គ្រប់គ្រងសេដ្ឋកិច្ច អន្តរជាតិប៉េកាំង តំណាងដោយលោកស្រី Li Zeqing ប្រធានមជ្ឈមណ្ឌលបណ្តុះបណ្តាលនៃសកលវិទ្យាល័យប៉េកាំង លោកស្រីបានកត់សម្គាល់អំពីទំនាក់ទំនងជាប្រវត្តិសាស្ត្រ រវាងកម្ពុជា-ចិន ដែលត្រូវបានថ្នាក់ដឹកនាំកំពូលនៃប្រទេសទាំងពីរ ធ្វើការដំឡើងកម្រិត និងបន្ស៉ីគ្នារវាងយុទ្ធសាស្រ្តអភិវឌ្ឍន៍ប្រទេស។ ស្របគ្នានេះ លោកស្រីបានបង្ហាញនូវចំណាប់អារម្មណ៍ ចំពោះបច្ចុប្បន្នភាពថ្មីនៃបរិយាកាសវិនិយោគនៅកម្ពុជា ដែលមានភាពល្អ ប្រសើរ និងទាក់ទាញខ្ពស់, លោកស្រីបានណែនាំឱ្យសហគ្រាសឆ្នើម ដែលបានអញ្ជើញចូលរួមអមដំណើរ ធ្វើការសិក្សាសមិទ្ធិលទ្ធភាព លើមុខសញ្ញាគន្លឹះ និងអាទិភាពនានាសំដៅច្បាមយកកាលានុវត្តភាព និងទីផ្សារ។ ចំណែក ប្រតិភូសម្ព័ន្ធឧស្សាហកម្ម និងពាណិជ្ជកម្មខេត្តហ៊ូប៉ី នៃសាធារណរដ្ឋប្រជាមានិតចិន ដែលដឹកនាំដោយលោក អ៊ូ ជឺយុង (Wu Zhiyong) អនុប្រធានសម្ព័ន្ធឧស្សាហកម្ម និងពាណិជ្ជកម្មខេត្តហ៊ូប៉ី និងជាអនុប្រធានសភាពាណិជ្ជកម្មខេត្តហ៊ូប៉ី, លោក សង្ឃឹមថា ទំនាក់ទំនងនៃប្រទេសយើងទាំងពីរ តាមរយៈគំនិតផ្តួចផ្តើមខ្សែក្រវ៉ាត់និងផ្លូវ នឹងបន្តធ្វើឱ្យប្រជាជនចិន ជាពិសេស វិនិយោគិននៅខេត្តហ៊ូប៉ី មានចំណាប់អារម្មណ៍មកបណ្តាក់ទុនវិនិយោគ នៅកម្ពុជាកាន់តែច្រើនទ្បើងថែមទៀតផងដែរ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

វីដេអូយានដ្រូនកងទ័ពអ៊ីស្រាអែល បង្ហាញស្តុកជំនួយរង់ចាំចែកចាយទៅកាន់តំបន់ហ្កាហ្សា

មានអ្នកស្លាប់ ២នាក់ និងរបួសធ្ងន់ ២នាក់ ក្នុងហេតុការណ៍បាញ់ប្រហារ នៅអៀរឡង់ខាងជើង

វិមានក្រឹមឡាំងនិយាយពីកិច្ចប្រជុំជាមួយអ៊ុយក្រែនថា គ្មាននរណាម្នាក់រំពឹងដល់ផ្លូវងាយស្រួលនោះទេ

ហ្វីលីពីនទទួលបានការបន្ថយអត្រាពន្ធតិចតួចពីអាមេរិក ប៉ុន្តែទំនាក់ទំនងការពារជាតិ នៅដដែល

សីតុណ្ហភាពកើនឡើងខ្ពស់ជាប់កំណត់ត្រានៅកោះ Hokkaido របស់ប្រទេសជប៉ុន

លោក Tusk រុះរើគណៈរដ្ឋមន្ត្រី និងដំឡើងលោក Sikorski កាន់តំណែងឧបនាយករដ្ឋមន្ត្រី

ចិនគាំទ្រកិច្ចសន្ទនាពាណិជ្ជកម្ម ក្រោយកិច្ចព្រមព្រៀងរវាងសហរដ្ឋអាមេរិក និងជប៉ុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រសួងទេសចរណ៍បង្ហាញផែនការយុទ្ធសាស្ត្រ៥ ទាក់ទាញទេសចរមូស្លីមអន្តរជាតិមកទស្សនាកម្ពុជា

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម

រដ្ឋាភិបាលនឹងអនុវត្តកម្មវិធីថ្មីផ្ដល់ទាំងសាច់ប្រាក់ និងបង្កើតមុខរបរជូនគ្រួសារក្រីក្រនៅឆ្នាំក្រោយ

ឧបនាយករដ្ឋមន្ត្រី វង្សី វិស្សុត៖ ការអនុវត្តច្បាប់ គឺជាសូចនាករវាស់វែងសមិទ្ធកម្ម នៃការតាក់តែងច្បាប់

ឆ្នាំ២០២៤ កម្ពុជាលក់ជ័រកៅស៊ូបានជាង៦៤០លានដុល្លារ កើនជាង៣០ភាគរយ

ផ្លូវកៅស៊ូ និងផ្លូវក្រាលគ្រួសក្រហម ៤ខ្សែ ផ្តល់អត្ថប្រយោជន៍ដល់ប្រជាពលរដ្ឋក្នុងការដឹកកសិផល និងធ្វើដំណើរ

NEA ប្រកាសឱកាសការងារជាង៥ម៉ឺនកន្លែង ដល់ពលរដ្ឋ និងសិស្សនិស្សិត ដែលកំពុង មានតម្រូវការ

ប្រតិភូវិនិយោគិនចិនចំនួន ៣ក្រុម ចាប់អាម្មណ៍យ៉ាងខ្លាំងលើការវិនិយោគនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រសួងទេសចរណ៍បង្ហាញផែនការយុទ្ធសាស្ត្រ៥ ទាក់ទាញទេសចរមូស្លីមអន្តរជាតិមក​ទស្សនាកម្ពុជា

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយម​ជាក្រុមភេរវកម្ម

រដ្ឋាភិបាលនឹងអនុវត្តកម្មវិធីថ្មីផ្ដល់ទាំងសាច់ប្រាក់ និងបង្កើតមុខរបរជូនគ្រួសារក្រីក្រនៅឆ្នាំក្រោយ

ឧបនាយករដ្ឋមន្ត្រី វង្សី វិស្សុត៖ ការអនុវត្តច្បាប់ គឺជាសូចនាករវាស់វែងសមិទ្ធកម្ម នៃការតាក់តែងច្បាប់

ឆ្នាំ២០២៤ កម្ពុជាលក់ជ័រកៅស៊ូបានជាង៦៤០លានដុល្លារ កើនជាង៣០ភាគរយ

NEA ប្រកាសឱកាសការងារជាង៥ម៉ឺនកន្លែង ដល់ពលរដ្ឋ និងសិស្សនិស្សិត ដែលកំពុង មានតម្រូវការ

ប្រតិភូវិនិយោគិនចិនចំនួន ៣ក្រុម ចាប់អាម្មណ៍យ៉ាងខ្លាំងលើការវិនិយោគនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រសួងទេសចរណ៍បង្ហាញផែនការយុទ្ធសាស្ត្រ៥ ទាក់ទាញទេសចរមូស្លីមអន្តរជាតិមកទស្សនាកម្ពុជា

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម