BTV NEWS

គណៈកម្មការគ្រប់គ្រងល្បែងពាណិជ្ជកម្មកម្ពុជាដកហូតអាជ្ញាបណ្ណកាស៊ីណូពីក្រុមហ៊ុន ខេ ប៊ី អាយ (ខេមបូឌា) ភីអិលស៊ី

ថ្នាក់ដឹកនាំអាកាសចរណ៍ស៊ីវិល ចុះសួរសុខទុក្ខ និងនាំយកអំណោយសម្តេចធិបតីចែកជូនពលទាហានការពារនៅព្រំដែន ៥០៤ ក្នុងឱកាសចូលឆ្នាំថ្មី

ក្រសួងមុខងារសាធារណៈ និងក្រសួងការបរទេសនឹងរៀបចំការប្រឡងប្រជែងជ្រើសរើសមន្ត្រីក្របខ័ណ្ឌប្រភេទ “ក” ចំនួន ៥២កន្លែង

ក្រសួងកសិកម្ម កំពុងរៀបចំផែនការជាជំហានៗ ដើម្បីស្តារជីវភាពពលរដ្ឋភៀសសឹកតាមរយៈការធ្វើកសិកម្មប្រមូលផ្ដុំនៅជម្រកបណ្ដោះអាសន្ន

ព័ត៌មានជាតិ

ស្ថានទូតបារាំងបើកឲ្យពលរដ្ឋខ្មែរចូលទស្សនាក្នុងបរិវេនស្ថានទូតរបស់ខ្លួនប្រចាំនៅភ្នំពេញ ក្នុងឱកាសទិវាបេតិកភណ្ឌ

ដូចជារៀងរាល់ឆ្នាំយ៉ាងដូច្នេះដែរ នៅថ្ងៃទី៤ ខែតុលា ឆ្នាំ២០២៥នេះ ស្ថានទូតបារាំងប្រចាំនៅភ្នំពេញ បានបើកទ្វាស្វាគមន៍ពលរដ្ឋខ្មែរឲ្យចូលទស្សនាដោយសេរី ចាប់ពីម៉ោង៨ព្រឹករហូតដល់ម៉ោង៤រសៀល ក្នុងឱកាសអបអរសាទរទិវាបេតិកភណ្ឌ។តាមរយៈសេចក្តីប្រកាសព័ត៌មានរបស់ស្ថានទូតបារាំងប្រចាំនៅកម្ពុជា បានបញ្ជាក់ថា ព្រឹត្តិការណ៍ ខាងលើនេះ អនុញ្ញាតឲ្យអ្នកទស្សនាស្វែងយល់ពីសំណង់អគារនានា ដែលពោរពេញដោយប្រវត្តិសាស្រ្ត ជាពិសេសចូលកម្សាន្តនៅក្នុងឧទ្យានស្ថានទូតទំហំជិត៥ហិកតា ដែលជាលំហនៃបៃតងធំជាងគេមួយនៅភ្នំពេញ ហើយក៏ជាកន្លែងមនោរម្យមួយសម្រាប់ស្រូបខ្យល់អាកាសបរិសុទ្ធនៅកណ្តាលរាជធានីផងដែរ។ សេចក្តីប្រកាសបានបន្ថែមទៀតថា ឧទ្យាននេះមានប្រព័ន្ធអេកូឡូស៊ីជីវៈចម្រុះ ជាមួយដើមឈើប្រមាណ២០០ដើម ស្ថិតក្នុង៥០ប្រភេទខុសៗគ្នា និងពពួកសត្វចម្រុះជាង២៥០ប្រភេទ ក្នុងនោះមានថនិកសត្វ សត្វស្លាប ល្មួន ថលជលិកសត្វ និងសត្វល្អិតៗផ្សេងៗ ដែលត្រូវបានចុះក្នុងបញ្ជីសារពើភណ្ឌ លម្អិតកាលពីពេលថ្មីៗនេះ។ សកម្មភាពភាពនានាដែលត្រូវបានធ្វើឡើងអភិរក្សព្រៃឈើ និងសត្វក្នុងឧទ្យានបានបញ្ជាក់ពីការប្តេជ្ញាចិត្តរបស់ប្រទេសបារាំងក្នុងការការពារបរិស្ថាន និងជីវៈចម្រុះ។បើតាមសេចក្តីប្រកាសព័ត៌មានរបស់ស្ថានទូតដដែល បានបញ្ជាក់ទៀតថា សាធារណជនក៏អាចទស្សនាកន្លែងចងចាំប្រវត្តិសាស្រ្តមួយ នោះគឺអតីតទ្វារបងស្ថានទូតដែលជាសាក្សីនៃការដួលរំលំទីក្រុងភ្នំពេញនៅខែមេសា ឆ្នាំ១៩៧៥ ហើយដែលត្រូវបានរក្សាទុករហូតដល់សព្វថ្ងៃនេះ។សេចក្តីប្រកាសព័ត៌មានក៏បានលើកឡើងផងដែរថា ការចូលទស្សនាស្ថានទូតបារាំងគឺធ្វើឡើងដោយមិនគិតថ្លៃនោះទេ ហើយក៏ពុំចាំបាច់ចុះឈ្មោះជាមុនផងដែរ ប៉ុន្តែចំនួនអ្នកទស្សនាអាចនឹងមានច្រើន ជាពិសេសនៅពេលព្រឹក។ យ៉ាងណាក្តី ដោយហេតុផលនៃសន្តិសុខ កាបូបធំៗ និងសម្ភារៈដែលអាចបង្កគ្រោះថ្នាក់មិនអនុញ្ញាតឲ្យយកចូលស្ថានទូតនោះឡើយ។ សូមបញ្ជាក់ថា កាលពីឆ្នាំទៅមានបងប្អូនប្រជាពលរដ្ឋខ្មែរ ជាង៧៥០០នាក់បានចូលទៅទស្សនា និងកម្សាន្តនៅក្នុងបរិវេនស្ថានទូត៕ អត្ថបទបាន ចក់

ក្រសួងការពារជាតិ សម្របសម្រួលជូនក្រុមអ្នកសង្កេតការណ៍ IOT ចុះពិនិត្យទីតាំងជាក់ស្តែង ដែលរងផលប៉ះពាល់ដោយគ្រាប់MK84 នៅតំបន់ភូមិថ្មដូន ខេត្តឧត្តរមានជ័យ ដើម្បីធ្វើការសង្កេត ផ្ទៀងផ្ទាត់ និងរាយការណ៍

នៅព្រឹកថ្ងៃសៅរ៍ ទី០៤ ខែតុលា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដឹកនាំដោយប្រទេសម៉ាឡេស៊ី រួមនិងសមាជិក បានអញ្ជើញចុះពិនិត្យទីតាំងជាក់ស្តែង ដែលរងផលប៉ះពាល់តាមរយៈការប្រើប្រាស់យន្តហោះចម្បាំងទំលាក់គ្រាប់MK84 នៅតំបន់ភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យ ដើម្បីធ្វើការសង្កេត ផ្ទៀងផ្ទាត់ និងរាយការណ៍ ក្រោយបទឈប់បាញ់បានចូលជាធរមាន។ នេះបើតាមការបញ្ជាក់របស់លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា។

កម្មករនិយោជិតនៃក្រុមហ៊ុនតារាលបានចូលធ្វើការជាធម្មតាវិញនៅថ្ងៃទី៤ ខែតុលា ឆ្នាំ២០២៥នេះ

នៅទីបំផុតកម្មករកម្មការិនី នៃរោងចក្រតារាលដែលមានអាសយដ្ឋាននៅឃុំស្នំក្រពើ ស្រុកគងពិសី ខេត្តកំពង់ស្ពឺបានចូលធ្វើការជាធម្មតាវិញនៅថ្ងៃទី៤ ខែតុលា ឆ្នាំ២០២៥ នេះបន្ទាប់ពីភាគីទាំងពីរបានឈានដល់ការព្រមព្រៀងគ្នា។ នេះជាការបញ្ជាក់ពីលោក ស៊ុន មេសា អ្នកនាំពាក្យនៃក្រសួងការងារ និងបណ្ដុះបណ្ដាលវិជ្ជាជីវៈ។ ការវិលត្រឡប់ចូលធ្វើការជាធម្មតាវិញរបស់កម្មករកម្មការិនីនៃរោងចក្រតារាលគឺបន្ទាប់ពីការសម្របសម្រួលយ៉ាងយកចិត្តទុកដាក់របស់មន្ត្រីក្រសួងការងារ និងបណ្តុះបណ្តាលវិជ្ជាជីវៈ និងអាជ្ញាធរមូលដ្ឋានដោយមានការចូលរួមពីតំណាងកម្មករនិយោជិត និងនិយោជកក្រោយការតវ៉ារបស់កម្មករ-កម្មការិនីកាលពីថ្ងៃព្រហស្បតិ៍ ទី២ ខែតុលា ឆ្នាំ២០២៥។ នេះបើតាមការបញ្ជាក់ពីលោក ស៊ុន មេសា ដដែល។ ចំណុចដែលឯកភាពនោះរួមមាន ការបន្តរក្សាប្រាក់ឈ្នួល និងអត្ថប្រយោជន៍ ក្នុងថ្ងៃតវ៉ាការពារ ថ្ងៃទី២ និងថ្ងៃទី ៣ ខែតុលា ការស្នើសុំដំឡើងប្រាក់រង្វាន់ និងការអនុញ្ញាតឱ្យស្ត្រីដែលមានផ្ទៃពោះពីរខែអាចចេញមុនបាន ១៥ នាទីជាដើម។ ជាមួយគ្នានេះខាងភាគីនិយោជក និងក្រសួងនឹងបន្តពិភាក្សា និងពិនិត្យលើសំណើរបស់បងប្អូនកម្មករដែលស្នើសុំថវិកាថ្លៃបាយថ្ងៃត្រង់២000 រៀលយ៉ាងយកចិត្តទុកដាក់បំផុត។ជាមួយគ្នានេះអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានថ្លែងអំណរគុណទៅដល់បងប្អូនកម្មករ-កម្មការិនី តំណាងសហជីព និងខាងភាគីនិយោជកដែលបានសម្របសម្រួលគ្នាឈានទៅដល់ការសម្រេចបាននូវការព្រមព្រៀងដែលអាចឱ្យបងប្អូនកម្មករកម្មការិនីបានចូលធ្វើការវិញទៅថ្ងៃទី៤ ខែតុលានេះ។ បន្ថែមពីនេះ ក្រសួងការងារក្នុងនាមអាណាព្យាបាលស្នើសុំឱ្យបងប្អូនកម្មករកម្មការិនីក៏ដូចជារោងចក្រសហគ្រាសសូមបន្តជឿជាក់មកលើរាជរដ្ឋាភិបាលកម្ពុជាដែលមានក្រសួងការងារជាសេនាធិការដែលបាននិងកំពុងយកចិត្តទុកដាក់ដោះស្រាយចំពោះសំណូមពររបស់បងប្អូនដោយមិនព្រងើយកន្តើយឡើយ៕

ក្រុមហ៊ុនអាកាសចរណ៍លំដាប់ពិភពលោក Etihad Airways បានចុះចតដោយជោគជ័យនៅអាកាសយានដ្ឋានអន្តរជាតិតេជោ

ភ្នំពេញ៖ ក្រោមកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្រុមហ៊ុនអាកាសចរណ៍ Etihad Airways ដែលជាក្រុមហ៊ុនអាកាសចរណ៍ដ៏ធំលំដាប់ទី២ នៃប្រទេសអេមីរ៉ាតអារ៉ាប់រួម (UAE) នៅព្រឹកថ្ងៃទី៤ ខែតុលា ឆ្នាំ២០២៥នេះ បានចុះចតនៅអាកាសយានដ្ឋានអន្តរជាតិតេជោ របស់ប្រទេសកម្ពុជា បានដោយជោគជ័យ។ ការមកដល់នៃក្រុមហ៊ុនអាកាសចរណ៍លំដាប់ពិភពលោកនេះ មានការចុះទៅទទួលដោយផ្ទាល់ពី ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ថ្នាក់ដឹកនាំរដ្ឋលេខាធិការអាកាសចរស៊ីវិល អ្នកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) និងស្ថាប័នពាក់ព័ន្ធមួយចំនួនផ្សេងទៀតជាច្រើនរូប។គួរបញ្ជាក់ថា ក្រុមហ៊ុនអាកាសចរណ៍ Etihad Airways ជាក្រុមហ៊ុនអាកាសចរណ៍ដ៏ធំលំដាប់ទី២ នៃប្រទេសអេមីរ៉ាតអារ៉ាប់រួម (UAE) មានទីស្នាក់ការកណ្តាលរបស់ខ្លួននៅរដ្ឋធានីអាប៊ុយដាប៊ី «Abu Dhabi» មានយន្តហោះជាង១១០ គ្រឿង និង ហោះហើរទៅកាន់គោលដៅជាង១២០កន្លែង ក្នុងពិភពលោក ដោយបានដឹកអ្នកដំណើរជាង២០លាននាក់ ក្នុងរយៈ ពេល១២ខែចុងក្រោយនេះ។

មោទនភាពជាតិខ្មែរ! កម្ពុជាកំពុងសាទរចំពោះជើងហោះហើរត្រង់លើកដំបូងជាប្រវត្តិសាស្ត្ររបស់ក្រុមហ៊ុនអាកាសចរណ៍ Etihad Airways លំដាប់ពិភពលោក មកពីទីក្រុងអាប៊ូដាប៊ី ប្រទេសអារ៉ាប់រួម

ព្រឹកថ្ងៃទី៤ ខែតុលា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានដឹកនាំប្រតិភូក្រសួងទេសចរណ៍ និងវិស័យឯកជន រួមជាមួយថ្នាក់ដឹកនាំអាកាសចរណ៍ស៊ីវិល អញ្ជើញទទួលបដិសណ្ឋារកិច្ចស្វាគមន៍យ៉ាងកក់ក្តៅដល់ក្រុមហ៊ុនអាកាសចរណ៍កម្រិតពិភពលោក Etihad Airways ដែលបានសម្រេចបើកជើងហោះហើរត្រង់ជាលើកដំបូង មកពីទីក្រុងអាប៊ូដាប៊ី ប្រទេសអារ៉ាប់រួម មកកាន់ព្រះរាជាណាចក្រកម្ពុជា ចុះចតដោយជោគជ័យ នៅអាកាសយានដ្ឋានអន្តរជាតិតេជោ នេះសបញ្ជាក់ឱ្យឃើញពីការចាប់ផ្តើមប្រតិបត្តិការហោះហើរភ្ជាប់កម្ពុជាទៅកាន់ពិភពលោក និងភ្ជាប់ពិភពលោកមកកាន់កម្ពុជា។ក្នុងឱកាសពោរពេញដោយអត្ថន័យនេះ ឯកឧត្តមរដ្ឋមន្ត្រី បានគូសបញ្ជាក់ថា ការតភ្ជាប់ជើងហោះកម្រិតពិភពលោកនេះ ពិតជាបានឆ្លើយតបទៅនឹងតម្រូវការចាំបាច់នូវកំណើនភ្ញៀវទេសចរមកកាន់កម្ពុជា ជាពិសេសពិជាឆ្លើយតបទៅនឹងការជឿនលឿនយ៉ាងឆាប់រហ័សក្នុងវិស័យអាកាសចរណ៍របស់កម្ពុជានាប៉ុន្មានឆ្នាំចុងក្រោយនេះ។ ឯកឧត្តមរដ្ឋមន្ត្រី មានប្រសាសន៍បន្តថា ក្នុងន័យនេះបញ្ជាក់ឱ្យឃើញពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា នីតិកាលទី៧នៃរដ្ឋសភា ក្រោមការដឹកនាំប្រកបដោយភាពប្រាកដនិយមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។បើតាមការបញ្ជាក់របស់ក្រុមហ៊ុន Etihad Airways (Cambodia) ចាប់ពីថ្ងៃទី៣ ខែតុលា ឆ្នាំ២០២៥ ក្រុមហ៊ុនអាកាសចរណ៍កម្រិតពិភពលោក Etihad Airways បានតភ្ជាប់ជើងហោះហើរត្រង់ជាលើកដំបូង ពីទីក្រុងអាប៊ូដាប៊ី មកកាន់រាជធានីភ្នំពេញ ដោយទទួលបានអ្នកដំណើរសរុបចំនួន ១៥៤នាក់ និងអ្នកដំណើរដែលអញ្ជើញត្រឡប់ទៅវិញចំនួន ៩០នាក់ ដែលចំណាយពេលជាង ៧ម៉ោងមិនឈប់ ហើយជើងហោះហើរនេះមាន ៤ជើង ក្នុងមួយសប្តាហ៍៕

ការសាងសង់ផ្ទះ និងរៀបចំស្ថាបនាប្រឡាយទឹក ជាកិច្ចការសំខាន់សម្រាប់ការរស់នៅរបស់អតីតយុទ្ធជន និងនិវត្តជន

ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា នៅថ្ងៃទី៤ ខែតុលា ឆ្នាំ២០២៤ បានអញ្ជើញចុះពិនិត្យការសាងសង់ផ្ទះ, ការស្ថាបនាស្រះទឹក និងការស្តារប្រឡាយទឹកសម្រាប់ជាប្រភពប្រើប្រាស់ជាប្រយោជន៍ជូនអតីតយុទ្ធជន និងនិវត្តជន ក្នុងឃុំឆ្មាល់មាន់ ស្រុកគាស់ក្រឡ ខេត្តបាត់ដំបង។ការចុះពិនិត្យនេះ មានការចូលរួមពី ប្រធានលេខាធិការដ្ឋាន សមាគមអតីតយុទ្ធជន និងនិវត្តជនខេត្ត, លោកអភិបាលស្រុក, អធិការស្រុក, និងអាជ្ញាធរមូលដ្ឋាន។ក្នុងពេលចុះពិនិត្យ ឯកឧត្តម ទេសរដ្ឋមន្ត្រី បានមានប្រសាសន៍ថា យោងតាមអនុសាសន៍របស់សម្តេចតេជោ ហ៊ុន សែន ប្រធានសមាគម បានណែនាំឱ្យបន្តការពិនិត្យលើតម្រូវការជាក់ស្តែង និងដោះស្រាយជូនអតីតយុទ្ធជន និងនិវត្តជនគ្រប់រូបដែលជួបការលំបាក ដើម្បីផ្តល់ដី និងផ្ទះសម្រាប់កសាងជីវភាពរស់នៅប្រចាំថ្ងៃ។ឯកឧត្តម ទេសរដ្ឋមន្ត្រី បានមានប្រសាសន៍បន្តថា ការរៀបចំហេដ្ឋារចនាសម្ព័ន្ធរូបវន្តបំពេញបន្ថែមដែលមានដូចជា ការស្ថាបនាស្រះទឹក និងការស្តារប្រឡាយទឹកនាពេលនេះ ពិតជាមានសារៈសំខាន់សម្រាប់បម្រើដល់ជីវភាពរស់នៅប្រចាំថ្ងៃជូនអតីតយុទ្ធជន និងនិវត្តជន ក៏ដូចជាក្រុមគ្រួសារ។ អំឡុងចុះពិនិត្យ ឯកឧត្តម ទេសរដ្ឋមន្ត្រី បានណែនាំដល់ប្រធានលេខាធិការដ្ឋានខេត្ត មន្ទីរពាក់ព័ន្ធ និងអាជ្ញាធរមូលដ្ឋាន ត្រូវសហការគ្នាអនុវត្តកិច្ចការឱ្យមានប្រសិទ្ធភាព ដើម្បីធានាថា ការសាងសង់ផ្ទះ ការស្ថាបនាស្រះទឹក និងការស្តារប្រឡាយទឹក នឹងប្រើប្រាស់ប្រកបដោយគុណភាព។ ឯកឧត្តម ទេសរដ្ឋមន្ត្រី ថ្លែងថា អស់រយៈពេលជាង១៨ឆ្នាំមកហើយ ដែលសមាគមអតីតយុទ្ធជន និងនិវត្តជនកម្ពុជា ត្រូវបានបង្កើតឡើងដោយគំនិតផ្តួចផ្តើម ក្រោមការដឹកនាំរបស់សម្តេចតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ជាអតីតនាយករដ្ឋមន្រ្តីដ៏ឈ្លាសវៃប្រកបដោយគតិបណ្ឌិត ធ្វើឲ្យប្រទេសជាតិមានសុខសន្តិភាព មានស្ថិរភាពនយោបាយ មានការអភិវឌ្ឍន៍ឥតឈប់ឈរលើគ្រប់វិស័យ។ឯកឧត្តម ទេសរដ្ឋមន្រ្តី បន្ថែមថា ក្នុងន័យនេះ រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្រ្តី និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា ជានិច្ចកាលបានបន្តអនុវត្ត និងដោះស្រាយជូនអតីតយុទ្ធជន ដោយការចុះជួបផ្ទាល់ជាមួយបងប្អូនអតីតយុទ្ធជន និងនិវត្តជនតាមមូលដ្ឋាន ដើម្បីឈ្វែងយល់ពីសុខទុក្ខ និងការលំបាក, ហើយបានរិះរកគ្រប់មធ្យោបាយ ដើម្បីជួយលើកស្ទួយជីវភាពអតីតយុទ្ធជន និងនិវត្តជនឱ្យទទួលបាននូវអត្ថប្រយោជន៍ជាច្រើន ដោយបានកែប្រែជីវភាពរស់នៅកាន់តែល្អប្រសើរឡើងស្របតាមការវិវឌ្ឍនៃសេដ្ឋកិច្ចជាតិ៕

ស្ថាប័នរដ្ឋ និងអង្គការដៃគូពាក់ព័ន្ធ ប្រកាសដាក់ឱ្យប្រើប្រាស់បរិក្ខារសុវត្ថិភាពចរាចរណ៍នៅតំបន់ជុំវិញវិទ្យាល័យគោលដៅ

អង្គការមូលនិធិបង្ការរបួសអាស៊ី (AIP) និងស្ថាប័នរដ្ឋាភិបាលពាក់ព័ន្ធ រួមគ្នាប្រកាសដាក់ឱ្យប្រើប្រាស់បរិក្ខារសុវត្ថិភាពចរាចរណ៍នៅតំបន់ជុំវិញ វិទ្យាល័យ ហ៊ុន សែន ប្រាសាទបាគង និងសម្ភារៈផ្សព្វផ្សាយអប់រំនានាក្នុងបរិវេណ វិទ្យាល័យគោលដៅ ខណៈពេលដែលយានយន្តបើកបរនៅលើដងផ្លូវកាត់តំបន់សាលារៀន ប្រើប្រាស់ល្បឿនខ្ពស់ខ្លាំងគួរឱ្យព្រួយបារម្ភ។លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក នៅក្នុងពិធីបិទសិក្ខាសាលាផ្សព្វផ្សាយលទ្ធផលនៃដំណើរទស្សនកិច្ច ឈ្វេងយល់ស្តីពី “ការអនុវត្តវាធានការសុវត្ថិភាពចរាចរណ៍នៅតំបន់សាលារៀនដែល មានប្រសិទ្ធភាព” កាលពីរសៀលថ្ងៃទី៣ខែតុលា ឆ្នាំ២០២៥ បានមានប្រសាសន៍ឱ្យដឹងថា នៅទូទាំងសកលលោក ការអប់រំ គឺជាតំរូវការជាមូលដ្ឋាន។ ទោះជាយ៉ាងនេះក្តី មិនមែនសិស្សានុសិស្សគ្រប់គ្នាសុទ្ធតែទទួលបាននូវការធ្វើដំណើរទៅ សាលារៀនប្រកបដោយសុវត្ថិភាពដូចៗគ្នានោះ ទេ។ លោកជំទាវ បានលើកឡើងបន្តថា ការផ្លាស់ទីដោយសុវត្ថិភាព និងការធ្វើដំណើរទៅមកសាលារៀនប្រកបដោយភាពងាយស្រួល គឺជាចំណុចគោលដ៏សំខាន់សម្រាប់មនុស្សគ្រប់គ្នាក្នុងការទទួលបាននូវការអប់រំ។ ក្នុងសង្គមនីមួយៗ ដែលតែងតែមានការប្រែប្រួល អភិវឌ្ឍន៍ រួមទាំងនៅក្នុងប្រទេសកម្ពុជាផង យុវជននៅតែប្រឈមនឹងគ្រោះថ្នាក់នៅលើដងផ្លូវជារៀងរាល់ថ្ងៃ។ ការបាត់បង់នូវយុវជនវ័យក្មេង ឬសិស្ស-និស្សិតម្នាក់ មិនត្រឹមបង្កជាការទុក្ខលំបាកក្នុងរង្វង់ក្រុមគ្រួសារ សាច់ញាតិប៉ុណ្ណោះទេ តែក៏បានបង្កជាបញ្ហាលំបាក និងការបាត់បង់ដល់សង្គមជាតិទាំងមូលទៀតផង។ លោកជំទាវ ឱ្យដឹងទៀតថាប្រមាណជិតពាក់កណ្តាល (៤៨%) នៃអ្នកស្លាប់បាត់បង់ជីវិតនៅលើដងផ្លូវនៅកម្ពុជា មានអាយុចន្លោះពី៥ឆ្នាំ ទៅ២៩ឆ្នាំ។ ពាក់ព័ន្ធការរៀបចំសិក្ខាសាលាផ្សព្វផ្សាយលទ្ធផលនៃដំណើរទស្សនកិច្ចឈ្វេងយល់ស្តីពី “ការអនុវត្តវិធានការសុវត្ថិភាពចរាចរណ៍នៅតំបន់សាលារៀនដែលមានប្រសិទ្ធភាព” លោក គឹម បញ្ញា នាយកអង្គការមូលនិធិបង្ការរបួសអាស៊ី បានឱ្យដឹងថា ក្នុងគោលបំណង ១.ដើម្បីចែករំលែកលទ្ធផលដែលបានរៀនសូត្រ និងបទពិសោធន៍ពីដំណើរទស្សនកិច្ច ឈ្វេងយល់នៅប្រទេសវៀតណាម អំពីការអនុវត្តវិធានការសុវត្ថិភាពចរាចរណ៍នៅតំបន់សាលារៀន ដែលមានប្រសិទ្ធភាពនៅប្រទេសវៀតណាម ២.ធ្វើការបង្ហាញ និងប្រមូលនូវធាតុចូលសំខាន់ៗ សម្រាប់ការកសាងផែនការសកម្មភាព និងពិភាក្សាអំពីយុទ្ធសាស្ត្រល្អៗដែលជំរុញដល់ការអនុវត្ត កម្មវិធីសុវត្ថិភាពចរាចរណ៍នៅតំបន់សាលារៀន និង៣. ស្វែងរកការគាំទ្រ និងកិច្ចសហការពីភាគី ពាក់ព័ន្ធសម្រាប់ការអនុវត្តកម្មវិធីសុវត្ថិភាពចរាចរណ៍នៅតំបន់សាលារៀននៅកម្ពុជា។ សូមបញ្ជាក់ថា សិក្ខាសាលានេះ មានអ្នកចូលរួមប្រមាណជាង៤០នាក់ (ចូលរួមដោយផ្ទាល់) និង១០០នាក់ផ្សេងទៀតចូលរួមតាមប្រព័ន្ធអនឡាញ៕ អត្ថបទ៖ ឈិត បូរ៉ាវី

វីរកងទ័ព ផ្លុង សំណាង ទទួលបានការយកចិត្តទុកដាក់ពីសម្តេចធិបតី និងលោកជំទាវបណ្ឌិត តាមរយៈក្រុមគ្រូពេទ្យ TYDA ក្នុងការព្យាបាលជំងឺស្ទះសរសៃឈាមបេះដូង

វីរកងទ័ពឈ្មោះ "ផ្លុង សំណាង" ទទួលបានក្តីមេត្តា និងការយកចិត្តទុកដាក់ដ៏ខ្ពង់ខ្ពស់បំផុតពី «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» តាមរយៈក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក្នុងការព្យាបាលជំងឺស្ទះសរសៃឈាមបេះដូង។ សូមបញ្ជាក់ផងដែរថា វីរកងទ័ពឈ្មោះ "ផ្លុង សំណាង" អាយុ ៤៣ឆ្នាំ ជាកងទ័ពជួរមុខប្រចាំការនៅទិសប្រាសាទតាក្របី រស់នៅឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ បានមានជំងឺមានស្ទះសរសៃឈាមបេះដូង រហូតបណ្តាលឱ្យថប់ទ្រូងយ៉ាងខ្លាំង និងធ្វើទុក្ខលំបាកដល់ការរស់នៅប្រចាំថ្ងៃផងដែរ។ ដោយក្តីមេត្តា និងការយកចិត្តទុកដាក់ដ៏ខ្ពង់ខ្ពស់បំផុត «សម្តេចធិបតី» និង «លោកជំទាវបណ្ឌិត» បានណែនាំឱ្យក្រុមគ្រូពេទ្យ TYDA នាំវីរកងទ័ពមកព្យាបាលដោយការវះកាត់នៅមន្ទីរពេទ្យកាល់ម៉ែត រាជធានីភ្នំពេញ ប្រកបដោយភាពជោគជ័យ។ក្នុងទឹកចិត្តមហាសប្បុរសដ៏ខ្ពង់ខ្ពស់គឺ រាល់ការចំណាយទាំងអស់ក្នុងការព្យាបាល និងថ្លៃធ្វើដំណើរ ត្រូវបានទំនុកបម្រុងដ៏ខ្ពង់ខ្ពស់បំផុតដោយ «សម្តេចធិបតី» និង «លោកជំទាវបណ្ឌិត» ។ស្ដាប់ការលើកឡើងរបស់វីរកងទ័ព ផ្លុង សំណាង៖ https://t.me/btvnewscambodia/267475

រដ្ឋបាលខេត្តកំពង់ចាមរៀបំព្រឹត្តិការណ៍ ទិវាដើរពិភពលោក «ដើរដើម្បីសន្តិភាព» នៅថ្ងៃស្អែក

កំពង់ចាម៖ នៅថ្ងៃទី៥ ខែតុលា ឆ្នាំ២០២៥ នឹងមានព្រឹត្តិការណ៍ ទិវាដើរពិភពលោក (World Walking Day) ក្រោមប្រធានបទ៖ ដើរដើម្បីសន្តិភាព (Walk for Peace) ដែលរៀបចំធ្វើឡើងដោយរដ្ឋបាលខេត្ត កំពង់ចាម ។លោក ស្រី សុភ័ក្រ្ត អភិបាលរងខេត្ត និងជាអ្នកនាំពាក្យរដ្ឋបាលខេត្តកំពង់ចាម បានបញ្ជាក់ថា ការរៀបចំទិវាដើរពិភពលោកនេះឡើង គឺចង់បង្ហាញពីចលនារួមគ្នាក្នុងស្មារតីតែមួយ រួមគ្នាស្មារតីកីឡា សម្រាប់យើងទាំងអស់ ដើម្បីពិភពលោកមានសន្តិភាព។ លោកអភិបាលរងខេត្តកំពង់ចាមបន្តទៀតថា ព្រឹត្តិការណ៍ដើរដើម្បីសន្តិភាពនេះដែរ ធ្វើឡើងនៅម៉ោង៥ព្រឹក ចាប់ផ្តើមពីវិមានឯករាជ្យ ឆ្ពោះទៅវេទិកា អុំទូក រួចត្រឡប់មកបញ្ចប់នៅវិមានឯករាជ្យវិញ ចម្ងាយ៥គីឡូម៉ែត្រ ហើយរដ្ឋបាលខេត្តក៏រៀបចំពោតស្ងោរ ៥០០០ពោត និងចេក៥តោនផងដែរ ដើម្បីទទួលអ្នកចូលរួម។

សម្តចតេជោ៖ ទំនាក់ទំនងកម្ពុជា-អាល្លឺម៉ង់នឹងកាន់តែស៊ីជម្រៅបន្ថែមទៀតដើម្បីផលប្រយោជន៍រួមនៃប្រទេសទាំងពីរ

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី បានបង្ហាញសុទិដ្ឋិនិយមថា ទំនាក់ទំនងរវាងប្រទេសកម្ពុជា និងអាលីម៉ង នឹងកាន់តែស៊ីជម្រៅបន្ថែមទៀត ដើម្បីគុណប្រយោជន៍រួមសម្រាប់ប្រជាជន និងប្រទេសទាំងពីរ ខណៈសម្តេចមើលឃើញថាទំនាក់ទំនងទ្វេភាគីកម្ពុជា និងអាល្លឺម៉ង់រយៈពេល៣២ឆ្នាំមកនេះបានរីកចម្រើនជាច្រើនវិស័យគួរឲ្យកត់សម្គាល់។តាមរយៈសារលិខិត ផ្ញើរជូនប្រធានាធិបតីសហព័ន្ធអាល្លឺម៉ង់ ឯកឧត្តម ហ្វង វ៉កខឺ ស្តេនម៉ីអឺ និងលោកជំទាវអេនគេ រ៉េលីងហ្គឺ ប្រធានក្រុមប្រឹក្សាសហព័ន្ធសាធារណរដ្ឋសហព័ន្ធអាល្លឺម៉ង់ នៃខួបអនុស្សាវរីយ៍លើកទី៣៥ នៃទិវាឯកភាព ជាតិអាល្លឺម៉ង់ កាលពីថ្ងៃទី៣ ខែតុលា ឆ្នាំ២០២៥នេះ សម្តេចតេជោ ហ៊ុន សែន បានលើកឡើងថា ក្នុងនាមប្រជាជន ស្ថាប័ននីតិប្បញ្ញត្តិ និងនីតិប្រតិបត្តិ នៃព្រះរាជាណាចក្រកម្ពុជាព្រមទាំងក្នុងនាម សម្តេចផ្ទាល់ សម្តេចសូមសម្ដែងការអបអរសាទរយ៉ាងកក់ក្តៅបំផុតចំពោះ ឯកឧត្តមនិងប្រជាជនជាទីរាប់អាន នៃសាធារណរដ្ឋសហព័ន្ធអាល្លឺម៉ង់ ក្នុងឱកាសដ៏នក្ខត្តឫក្ស នៃខួបអនុស្សាវរីយ៍លើកទី៣៥ នៃទិវាឯកភាព ជាតិអាល្លឺម៉ង់។សម្តេចតេជោ ហ៊ុន សែន បានគូសបញ្ជាក់ថាថ្ងៃទី៣ ខែតុលា គឺជាខណៈពេលដ៏អស្ចារ្យមួយក្នុងប្រវត្តិសាស្ត្រអាល្លឺម៉ង់ ដើម្បីរំលឹកនូវស្មារតី ឯកភាពជាតិឋិតថេរ និងសមិទ្ធផលគួរកត់សំគាល់ក្នុងការអភិវឌ្ឍសេដ្ឋកិច្ច-សង្គម ស្របពេលដែលកំពុងដើរតួនាទីយ៉ាងសំខាន់នៅក្នុងតំបន់ និងពិភពលោក។ ខ្ញុំមានទំនុកចិត្តថា សាធារណរដ្ឋសហព័ន្ធអាល្លឺម៉ង់ នឹងបន្តនាំមុខក្នុងផ្នែកវិទ្យាសាស្ត្រ ឧស្សាហកម្មធុនធ្ងន់ បច្ចេកវិទ្យា និងនវានុវត្តន៍ ដែលជាការរួមចំណែក យ៉ាងធំធេងក្នុងការរៀបចំរបៀបវារៈអន្តរជាតិសម្រាប់សន្តិភាព និងការអភិវឌ្ឍប្រកបដោយចីរភាព»។សម្តេចតេជោ ហ៊ុន សែន ប្រមុខរដ្ឋស្តីទី បានបង្ហាញនូវសេចក្តីសោមនស្សរីករាយដោយកត់សម្គាល់ឃើញថា ព្រះរាជាណាចក្រកម្ពុជា និងសាធារណរដ្ឋសហព័ន្ធអាល្លឺម៉ង់ មានការរីកចម្រើនគួរឱ្យកត់សម្គាល់នៅក្នុងវិស័យជាច្រើន ចាប់តាំងពីការបង្កើតទំនាក់ទំនងការទូតរបស់យើងឡើងវិញក្នុងឆ្នាំ១៩៩៣មក។សម្តេចតេជោ ហ៊ុន សែន មានការជឿជាក់យ៉ាងមុតមាំថា តាមរយៈ កិច្ចខិតខំប្រឹងប្រែងរួមគ្នា ទំនាក់ទំនងរវាងប្រទេសរបស់យើងទាំងពីរ(កម្ពុជា-អាលីម៉ង) នឹងកាន់តែស៊ីជម្រៅថែមទៀត ដើម្បីផលប្រយោជន៍ទៅវិញទៅមកសម្រាប់ប្រជាជនយើងទាំងពីរ និងដើម្បីសន្តិភាព ស្ថិរភាព និងវិបុលភាពក្នុងតំបន់ និងពិភពលោក។តាមរយៈសារលិខិតខាងលើនេះដែរ សម្តេចតេជោ ហ៊ុន សែន ក៏បានជូនពរ ឯកឧត្តម ប្រធានាធិបតី និងលោកជំទាវប្រធានក្រុមប្រឹក្សាសហព័ន្ធ សាធារណរដ្ឋសហព័ន្ធអាល្លឺម៉ង់ ទទួលបានសុខភាពល្អបរិបូរណ៍ សុភមង្គល និងជោគជ័យក្នុងភារកិច្ចដ៏ឧត្ដុង្គឧត្តម និងសូមជូនពរ ប្រជាជនអាល្លឺម៉ង់ ទទួលបាននូវសុខុមាលភាព និងវិបុលភាពផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ប្រភព៖ លោក Lam គ្រោងទស្សនកិច្ច នៅចិន សប្តាហ៍ក្រោយ ក្រោយឡើងកាន់តំណែងមេដឹកនាំកំពូលវៀតណាម

លោក ហ្សេឡិនស្គី៖ អាស៊ីបង្ហាញចំណាប់អារម្មណ៍លើជំនាញការពារដែនសមុទ្ររបស់អ៊ុយក្រែន

បេសកជនប្រធានាធិបតីរុស្ស៊ី៖ វិបត្តិអ៊ីរ៉ង់បង្ហាញពីភាពទន់ខ្សោយរបស់ NATO និង EU

លោក ហ្សេឡិនស្គី៖ អ៊ុយក្រែនកំពុងជួយប្រទេសចំនួន ៥ ក្នុងការទប់ទល់នឹងយានដ្រូនរបស់អ៊ីរ៉ង់

មេដឹកនាំប្រឆាំងតៃវ៉ាន់ សន្យាផ្សះផ្សា នៅឯវិមានរំលឹកវិញ្ញាណក្ខន្ធបិតាស្ថាបនិក នៅចិន

អ្នកការទូត៖ មេដឹកនាំអ៊ុយក្រែន កំពុងឆ្លងកាត់ «ខ្សែបន្ទាត់ក្រហម» ដោយវាយប្រហារសាលារៀនរុស្ស៊ី

រុស្ស៊ីនិយាយថា ការរំខានពីសង្គ្រាមនៅមជ្ឈិមបូព៌ា បានបើកឱកាសពាណិជ្ជកម្មថ្មីៗសម្រាប់ប្រទេសនេះ

ក្រសួងសុខាភិបាល៖ ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់ កើនឡើងជាង១.៥០០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

កម្មករនិយោជិតនៃក្រុមហ៊ុនតារាលបានចូលធ្វើការជាធម្មតាវិញនៅថ្ងៃទី៤ ខែតុលា ឆ្នាំ២០២៥នេះ

ក្រុមហ៊ុនអាកាសចរណ៍លំដាប់ពិភពលោក Etihad Airways បានចុះចតដោយជោគជ័យនៅអាកាសយានដ្ឋានអន្តរជាតិតេជោ

ការសាងសង់ផ្ទះ និងរៀបចំស្ថាបនាប្រឡាយទឹក ជាកិច្ចការសំខាន់សម្រាប់ការរស់នៅរបស់អតីតយុទ្ធជន និងនិវត្តជន

រដ្ឋបាលខេត្តកំពង់ចាមរៀបំព្រឹត្តិការណ៍ ទិវាដើរពិភពលោក «ដើរដើម្បីសន្តិភាព» នៅថ្ងៃស្អែក

សម្តចតេជោ៖ ទំនាក់ទំនងកម្ពុជា-អាល្លឺម៉ង់នឹងកាន់តែស៊ីជម្រៅបន្ថែមទៀតដើម្បីផលប្រយោជន៍រួមនៃប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កម្មករនិយោជិតនៃក្រុមហ៊ុនតារាលបានចូលធ្វើការជាធម្មតាវិញនៅថ្ងៃទី៤ ខែតុលា ឆ្នាំ២០២៥នេះ

ក្រុមហ៊ុនអាកាសចរណ៍លំដាប់ពិភពលោក Etihad Airways បានចុះចតដោយជោគជ័យ​នៅអាកាស​យានដ្ឋាន​អន្តរជាតិតេជោ

រដ្ឋបាលខេត្តកំពង់ចាមរៀបំព្រឹត្តិការណ៍ ទិវាដើរពិភពលោក «ដើរដើម្បីសន្តិភាព» នៅថ្ងៃស្អែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមហ៊ុនអាកាសចរណ៍លំដាប់ពិភពលោក Etihad Airways បានចុះចតដោយជោគជ័យនៅអាកាសយានដ្ឋានអន្តរជាតិតេជោ