BTV NEWS

«ព្រឹត្តិការណ៍សុខភាពតែមួយនៅកម្ពុជា»រយៈពេលពីរថ្ងៃពិភាក្សាគ្នាលើប្រធានបទសំខាន់ចំនួន៥

JCA បន្តចូលរួមបណ្តុះបណ្តាលធនធានមនុស្សក្នុងវិស័យសុខាភិបាលផ្នែកវិស័យមន្ទីរពេទ្យ និងឱសថ

SDF កំពុងជួយដល់សហគ្រិន និងម្ចាស់អាជីវកម្ម ដើម្បីសម្រេចបានជោគជ័យក្នុងការធ្វើអាជីវកម្ម

ក្រសួងបរិស្ថានជំរុញសកម្មភាពដើម្បីភាពស្អាតលើកោះស្រឡៅឆ្ពោះទៅសម្រេចបានជាកោះអព្យាក្រឹតកាបូនដំបូងគេនៅកម្ពុជា និងនៅក្នុងតំបន់

ព័ត៌មានជាតិ

វិស័យចំនួន៥ កំពុងពេញនិយមក្នុងកម្មវិធី TVET 1.5M មានយុវជនស្នើសុំចុះឈ្មោះចូលរៀនច្រើនជាងគេ

វិស័យចំនួន៥ កំពុងពេញនិយម ដោយមានយុវជន និងបុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ បានស្នើសុំចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) ច្រើនជាងគេ ក្នុងចំណោមវិស័យទាំង១០។ គិតត្រឹមខែសីហា ឆ្នាំ២០២៥នេះ សិស្សដែលស្នើសុំចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) មានចំនួន១៤០ ៩៨១នាក់ ក្នុងនោះសិស្សកំពុងរៀនមានចំនួន៣១ ៤៨៥នាក់ និងសិស្សបានបញ្ចប់ការសិក្សាចំនួន៥៦ ៦៨២នាក់ ហើយសិស្សដែលទទួលបានការងារធ្វើមានចំនួន២៩ ១៩០នាក់។ ក្នុងចំណោមអ្នកស្នើសុំចុះឈ្មោះចូលរៀនទាំងនោះ គឺមាន ៦០ ១៨៥នាក់ បានប្រើប្រាស់បណ្ណសមធម៌។ វិស័យទាំង៥ ដែលកំពុងពេញនិយមនោះ រួមមាន៖ វិស័យធុរកិច្ច និងព័ត៌មានវិទ្យា មានអ្នកចុះឈ្មោះចំនួន២៧ ៩១៥នាក់, វិស័យទេសចរណ៍ មានអ្នកចុះឈ្មោះ២១ ៦៦១នាក់, វិស័យសំណង់ មានអ្នកចុះឈ្មោះចំនួន២១ ២៨៦នាក់, វិស័យកសិកម្ម និងកសិ-ឧស្សាហកម្ម មានអ្នកចុះឈ្មោះចំនួន១៧ ៣៤៧នាក់ និងវិស័យសេវាកម្ម មានអ្នកចុះឈ្មោះចំនួន១៧ ០៧៩នាក់។ សម្រាប់វិស័យទាំង១០ ដែលបានដាក់ឱ្យបណ្ដុះបណ្ដាល ក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) រួមមាន៖ វិស័យសំណង់, អគ្គិសនី និងថាមពល, អេឡិចត្រូនិក, កម្មន្ដសាល, មេកានិចទូទៅ/មេកានិចរថយន្ដ, ធុរកិច្ច និងព័ត៌មានវិទ្យា, សេវាកម្ម, បរិក្ខារត្រជាក់ និងកម្ដៅ, ទេសចរណ៍ និងវិស័យកសិកម្ម និងកសិ-ឧស្សាហកម្ម។ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍នៅថ្ងៃទី២៦ ខែកញ្ញានេះថា ការចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) នេះ នឹងទទួលបានអត្ថប្រយោជន៍ដូចជា៖ សិក្សាដោយមិនបង់ថ្លៃ, ទទួលបានប្រាក់ឧបត្ថម្ភប្រចាំខែចំនួន២៨ម៉ឺនរៀល សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ, ផ្ដល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ, កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន, សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដ ដែលទីផ្សារការងារកំពុងត្រូវការ និងឱកាសការងារធ្វើសមរម្យ និងចំណូលទៀងទាត់។ ចំពោះបុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ អាចចូលរៀនបានដោយមិនបង់ថ្លៃ គ្រាន់តែមិនទទួលបានប្រាក់ឧបត្ថម្ភ។ អ្នកនាំពាក្យក្រសួងការងារដដែល បានអំពាវនាវជាថ្មីដល់យុវជន ព្រមទាំងបុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ ចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M) ដើម្បីមានជំនាញមួយពិតប្រាកដ អាចយកទៅបង្កើតមុខរបរផ្ទាល់ខ្លួន ឬចូលបម្រើការងារនៅតាមសហគ្រាស គ្រឹះស្ថាននានា ដែលធ្វើឱ្យពួកគាត់មានជីវភាពល្អប្រសើរឡើង និងរក្សាបាននូវស្ថិរភាពការងារ, កំណើនផលិតភាព និងប្រាក់ចំណូលសមរម្យ។ ការចុះឈ្មោះចូលរៀន អាចធ្វើឡើងតាមប្រព័ន្ធឌីជីថលតាមរយៈ Website: www.tvet.gov.kh, Mobile App: TVET 1.5M សម្រាប់ IOS Store: https://apps.apple.com/kh/app/tvet-1-5m/id6468649193 និងសម្រាប់ Play Store: https://play.google.com/store/apps/details។ ក្នុងនោះ ក៏អាចទៅចុះឈ្មោះផ្ទាល់នៅតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈទូទាំងប្រទេស ផងដែរ៕

អ្នកជំនាញ៖ តម្លៃមាសនឹងធ្លាក់ចុះរយៈពេលខ្លី ហើយងើបឡើងវិញ បន្ទាប់ពីអាម៉េរិកកាត់អត្រាការប្រាក់ដុល្លារ

អ្នកជំនាញប្រឹក្សាយោបល់ផ្នែកហិរញ្ញវត្ថុ មើលឃើញថា តម្លៃហាងឆេងមាសនៅលើទីផ្សារសកល នៅក្នុងរយៈពេលខាងមុខ នឹង អាចស្រុតចុះក្នុងរយៈពេលខ្លី ក្នុងការអន្តរកាលនៃការកាត់អត្រាការប្រាក់ដុល្លារ ហើយនឹងអាចងើបឡើងវិញ ខណៈដែលវិស័យនេះ កំពុងមានការវិនិយោគទាំងរដ្ឋ និងឯកជននៅលើពិភពលោក។លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុ PP Link Securities ថ្លែងប្រាប់ BTV អំពីតម្លៃទីផ្សារហាងឆេង មាសលើទីផ្សារបច្ចុប្បន្ន នេះថា ជុំវិញទីផ្សារហាងឆេងមាស គិតមកដល់ពេលនេះបានកំពុងបន្តហក់ឡើង ខណៈដែលអ្នកវិនិយោគ នៅលើវិស័យនេះកំពុងមានការព្រួយបារម្មណ៍ នៃការប្រួលប្រែតម្លៃមាសលើទីផ្សារលកល បន្ទាប់ពីធនាគារកណ្តាលសហរដ្ឋអាម៉េរិក កាត់អត្រាការប្រាក់ដុល្លារ ដែលគម្រោងពីប្រមាណ ៤.៥ ភាគរយ មកនៅត្រឹម ៤.២៥ ភាគរយ ក្នុងនោះធនាគារកណ្តាលសហរដ្ឋ-អាមេរិក ក៏មានគោលបំណងកាត់អត្រាការប្រាក់ជាបន្តបន្ទាប់ទៀតផងដែរ។លោក បន្តថា នៅក្នុងអន្តរកាលកណ្តាលសហរដ្ឋអាម៉េរិក មិនទាន់ប្រកាសកាត់អត្រាការប្រាក់ដុល្លារនេះ តម្លៃមាសលើទីផ្សារ សកលនឹងអាចស្រុតចុះក្នុងរយៈពេលខ្លី ក្នុងរង្វង់ប្រមាណ ៣ ៧០០ ដុល្លារអាម៉េរិក ក្នុងមួយអោន ឬក្រោមនេះបន្តិចបន្តួច ហើយ បន្ទាប់មកនឹងអាចងើបឡើងវិញ ខណៈដែលសេដ្ឋកិច្ចសកលមិនទាន់មានភាពមិនប្រាកដប្រជា ដោយសារការជះផលប៉ះពាល់នៃការ អូសបន្លាយនៃសង្គ្រាម ជាពិសេសគម្រោងកាត់អត្រាការប្រាក់ដុល្លាររបស់ធនាគារកណ្តាលសហរដ្ឋអាមេរិក ដែលនឹងធ្វើឱ្យលុយ ដុល្លារអាចធ្លាក់ថ្លៃ។ លោក បន្ថែមថា ខណៈដែលប្រាក់ដុល្លារធ្លាក់ចុះ តម្លៃហាងឆេងមាសនៅលើទីផ្សារសកលនឹងបន្តហក់ឡើង ស្រប ពេលបច្ចុប្បន្នការវិនិយោគលើវិស័យនេះ បាននិងកំពុងកើតឡើងយ៉ាងផុលផុសនៅលើពិភពលោក ទំាងវិស័យរដ្ឋ និងវិស័យឯកជន (មានទាំងក្រុមហ៊ុន និងធនាគារជាដើម)។សូមបញ្ជាក់ថា តម្លៃហាងឆេងមាសលើទីផ្សារសកល បាននិងកំពុងហក់ឡើងជាបន្តបន្ទាប់ ក្នុងនោះបើគិតត្រឹមថ្ងៃទី ២៦ ខែ កញ្ញា ឆ្នាំ ២០២៥នេះ តម្លៃមាសក្នុងមួយជី មានចំនួន ៤៥២ ដុល្លារ, មួយអោន ៣ ៧៥៥ ដុល្លារ, មួយតម្លឹង ៤ ៥២៤ ដុល្លារ និងមួយគីឡូ មានតម្លៃជាង ១២ ពាន់ដុល្លារអាម៉េរិក៕អត្ថបទ៖ សុន រ៉ាឌី,

អភិបាលខណ្ឌឬស្សីកែវ បញ្ជាឲ្យឃាត់រាល់រថយន្តទាំងឡាយណា ដែលចាក់កាកសំណល់តាមដងផ្លូវសាធារណៈ

ភ្នំពេញ ៖ លោក ជិន ប៊ុនធឿន អភិបាលខណ្ឌឬស្សីកែវ បានបញ្ជាឲ្យចាប់ឃាត់រាល់រថយន្តទាំងឡាយណា ដែលដឹកសំណល់សំណង់ ឬកាកសំណល់ផ្សេងៗ ដែលតែងយកមកចាក់តាមផ្លូវពាសវាលពាសកាលធ្វើឲ្យប៉ះពាល់បរិស្ថាន សណ្ដាប់ធ្នាប់តាមដងផ្លូវសាធារណៈ ។ការបញ្ជារបស់លោកអភិបាល ធ្វើឡើង បន្ទាប់ពីកាលពីទី២៥ ខែកញ្ញា ឆ្នាំ២០២៥ លោក និងក្រុមមន្ត្រីបានចុះរៀបចំសណ្ដាប់ធ្នាប់ និង យកគ្រឿងចក្រឈូសសម្អាតចិញ្ជើមផ្លូវសាធារណៈ ក្នុងមូលដ្ឋានសង្កាត់ គីឡូម៉ែត្រលេខ៦ ។ លោកអភិបាលខណ្ឌ ក៏បានឱ្យដឹងបន្ថែមថា កន្លងមករដ្ឋបាលខណ្ឌឫស្សីកែវ ក៏បានធ្វើការឃាត់ និងចុះកិច្ចសន្យាជាច្រើនលើកជាមួយម្ចាស់យានយន្តដែលរំលោភបំពាន។ ទោះជាយ៉ាងណា នៅតែមានការបំពានឡើងវិញ ជាកត្តាដែលប៉ះពាល់ដល់អនាម័យ និងសុខភាពប្រជាពលរដ្ឋក្នុងតំបន់។ពលរដ្ឋរស់នៅសង្កាត់គីឡូម៉ែត្រលេខ៦ បានសម្ដែងក្ដីរីករាយ និងថ្លែងអំណរអរគុណដល់អាជ្ញាធរខណ្ឌឬស្សីកែវ ជាពិសេសលោកអភិបាលខណ្ឌ តែងតែយកចិត្តទុកដាក់ពីទុកលំបាករបស់ប្រជាពលរដ្ឋ ក្នុងការទប់ស្កាត់ការចាក់កាកសំណល់ពាសផ្លូវ។ ពលរដ្ឋ បានបន្តថា នេះជាការ បំពុលដោយកាកសំណង់ និងសំណល់ផ្សេងៗ មិនត្រឹមប៉ុណ្ណឹងទេ វាអាចបង្កគ្រោះថ្នាក់ចរាចរណ៍ផងដែរ។ ជាចុងក្រោយ សូមអោយអាជ្ញាធរត្រូវអនុវត្តតាមវិធានការតឹងរឹងបន្តទៀត ដើម្បីកុំអោយមានការបំពានឡើងវិញ ៕ កុម្ភៈ

ប្រមុខការបរទេសកម្ពុជា និងហុងគ្រី ចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យអប់រំកម្ពុជា-ហុងគ្រី

ភ្នំពេញ៖ នៅព្រឹកថ្ងៃដដែល ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបប្រជុំការងារទ្វេភាគីជាមួយ ឯកឧត្តម Péter Szijjártó រដ្ឋមន្ត្រីការបរទេស និងពាណិជ្ជកម្មហុងគ្រី ក្នុងឱកាសនៃការចូលរួមកិច្ចពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ ក្នុងទីក្រុងញូវយ៉ក សហរដ្ឋអាម៉េរិក។ចុងបញ្ចប់នៃជំនួបនេះ រដ្ឋមន្ត្រីការបរទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យអប់រំកម្ពុជា-ហុងគ្រីក្នុងក្របខ័ណ្ឌ The Stipendium Hungaricum Programme សម្រាប់ឆ្នាំ២០២៦-២០២៨៕

ប្រតិភូសភាពាណិជ្ជកម្ម និងឧស្សាហកម្មអ៊ីនឈុន ICCI នៃសាធារណរដ្ឋកូរ៉េចាប់អារម្មណ៍ចំពោះកាលានុវត្តភាពវិនិយោគនៅកម្ពុជា

នៅថ្ងៃទី២៥ ខែកញ្ញា ឆ្នាំ២០២៥ លោកជំទាវ ជ្រឹង បុទុមរង្សី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានទទួលជួបប្រតិភូសភាពាណិជ្ជកម្ម និងឧស្សាហកម្មអ៊ីនឈុន (ICCI) នៃសាធារណរដ្ឋកូរ៉េ ដែលដឹកនាំដោយលោក Park Joo-bong ប្រធាន ICCI នៅទីស្តីការក្រសួង។លោកប្រធាន ICCI បានបង្ហាញចំណាប់អារម្មណ៍យ៉ាងជ្រាលជ្រៅចំពោះកាលានុវត្តភាពវិនិយោគនៅកម្ពុជា ហើយបានប្តេជ្ញាខិតខំជំរុញការបណ្តុះបណ្តាល និងការអភិវឌ្ឍធនធានមនុស្ស ជាពិសេសលើផ្នែកបច្ចេកវិទ្យា និងនវានុវត្តន៍។ លោកជំទាវរដ្ឋលេខាធិការបានសម្តែងការស្វាគមន៍កក់ក្តៅចំពោះប្រតិភូ ICCI ក៏ដូចជាក្រុមហ៊ុនកូរ៉េផ្សេងទៀត ដែលមានបំណងស្វែងយល់ពីសក្តានុពលសំខាន់ៗនៅកម្ពុជា។ លោកជំទាវក៏បានបញ្ជាក់បន្ថែមថា ប្រទេសកម្ពុជាមិនត្រឹមតែជាគោលដៅដ៏ទាក់ទាញសម្រាប់ការវិនិយោគប៉ុណ្ណោះទេ ប៉ុន្តែក៏ជាដៃគូដ៏មានសក្តានុពលសម្រាប់ក្រុមហ៊ុន និងអ្នកផ្គត់ផ្គង់មកពីកូរ៉េ ជាពិសេសក្នុងបរិបទបច្ចុប្បន្ននេះ៕

ឯកឧត្តម ប្រាក់ សុខុន អញ្ជើញជួបទ្វេភាគីជាមួយប្រធានគណៈកម្មាធិការអន្តរជាតិនៃកាកបាទក្រហម (ICRC) អំឡុងពេលមហាសន្និបាតអង្គការសហប្រជាជាតិ

នៅថ្ងៃទី២៥ ខែកញ្ញា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបទ្វេភាគីជាមួយ លោកជំទាវ Mirjana Spoljaric ប្រធានគណៈកម្មាធិការអន្តរជាតិនៃកាកបាទក្រហម (ICRC) អំឡុងពេលនៃកិច្ចពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ ក្នុងទីក្រុងញូវយ៉ក សហរដ្ឋអាម៉េរិក។

រដ្ឋមន្រ្ដីក្រសួងទេសចរណ៍ដឹកនាំគណៈប្រតិភូកម្ពុជា ចូលរួមក្នុងពិធីបើកពិព័រណ៍ទេសចរណ៍អន្តរជាតិជប៉ុន និងផ្សព្វផ្សាយសក្តានុពលទេសចរណ៍កម្ពុជា

ដោយទទួលបានការអនុញ្ញាតដ៏ខ្ពង់ខ្ពស់អំពីរាជរដ្ឋាភិបាលកម្ពុជា ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជន ចូលរួមក្នុងពិធីបើកពិព័រណ៍ទេសចរណ៍អន្តរជាតិជប៉ុន (Tourism EXPO Japan) នៅខេត្តអៃឈិ (Aichi Prefecture) ប្រទេសជប៉ុនចាប់ពីថ្ងៃទី២៤ ដល់ថ្ងៃទី២៦ ខែកញ្ញា ឆ្នាំ២០២៥នេះ។នៅក្នុងពិធីបើកពិព័រណ៍ទេសចរណ៍អន្តរជាតិជប៉ុន (Tourism EXPO Japan) នៅខេត្តអៃឈិ (Aichi Prefecture) ប្រទេសជប៉ុននេះ មានការចូលរួមពីប្រទេសជាង៨២ ជុំវិញពិភពលោក ខេត្តជប៉ុនចំនួន ៤៥ ស្តង់ពិព័រណ៍ចំនួនជាង ១.៤០០ ស្តង់ ក្រុមហ៊ុនចូលរួមជាង ១.៣០០ អ្នកលក់ចំនួន ៧០០ ក្រុមហ៊ុន និងអ្នកទិញចំនួនជាង ៨០០ ក្រុមហ៊ុនជាមួយនឹងការផ្គូរផ្គងជាង ៦.០០០ និងមានអ្នកចូលរួមទស្សនាលើសពី ១៥.០០០ នាក់។នៅក្នុងពិធីបើកពិព័រណ៍ទេសចរណ៍អន្តរជាតិជប៉ុននេះ ក្រសួងទេសចរណ៍កម្ពុជា ក៏បានរៀបចំពន្លាទេសចរណ៍ដើម្បបង្ហាញពីសក្តានុពលទេសចរណ៍កម្ពុជាដ៏សម្បូរបែប និងមានគម្រោងជំនួបទ្វេភាគីជាមួយក្រុមហ៊ុនទេសចរណ៍ល្បីៗ របស់ជប៉ុនជាច្រើននៅស្តង់ផងដែរ។សូមជម្រាបថា ក្នុងឱកាសចូលរួមពិធីបើកពិព័រណ៍ទេសចរណ៍អន្តរជាតិជប៉ុននេះ ឯកឧត្តម ហួត ហាក់ រដ្ឋមន្រ្ដីក្រសួងទេសចរណ៍ ក៏មានជំនួបជាមួយឯកឧត្តម Hideaki Omura អភិបាលខេត្ត Aichi និងឯកឧត្តម Hirosawa Ichiro អភិបាលក្រុងណាហ្គូយ៉ា ព្រមទាំងចូលរួមពិព័រណ៍ទេសចរណ៍ជប៉ុន និងកិច្ចប្រជុំតុមូលថ្នាក់រដ្ឋមន្រ្តីនៃពិព័រណ៍ទេសចរណ៍ជប៉ុន ដើម្បីជំរុញទំនាក់ទំនងវិស័យទេសចរណ៍កម្ពុជា និងប្រទេសជប៉ុនបន្ថែមទៀតផងដែរ៕

រដ្ឋមន្ត្រីការបរទេសជប៉ុន៖ «ប្រទេសជប៉ុននឹងបន្តខិតខំប្រឹងប្រែងដើម្បីកាត់បន្ថយភាពតានតឹងចំពោះវិវាទព្រំដែនកម្ពុជា-ថៃ»

ភ្នំពេញ៖ នៅថ្ងៃទី២៥ ខែកញ្ញា ឆ្នាំ២០២៥ម្សិលមិញ ឯកឧត្តម អ៊ីវ៉ាយ៉ា តាកេស៊ី រដ្ឋមន្ត្រីការបរទេសជប៉ុន បានជួបពិភាក្សាការងារទ្វេភាគីជាមួយ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ក្នុងឱកាសនៃ មហាសន្និបាតអង្គការសហប្រជាជាតិ នៅទីក្រុងញូវយ៉ក សហរដ្ឋអាម៉េរិក។ ឯកឧត្តម អ៊ីវ៉ាយ៉ា បានសម្តែងនូវការចូលរួមរំលែកទុក្ខយ៉ាងក្រៀមក្រំចំពោះការបាត់បង់ជីវិតរបស់ប្រជាជនកម្ពុជា ដោយសារការប៉ះទង្គិចរវាងយោធាកម្ពុជា និងថៃ។ ឯកឧត្តម អ៊ីវ៉ាយ៉ា បានសម្តែងនូវក្តីសង្ឃឹមថាប្រទេសទាំងពីរនឹងបន្តគោរពតាមកិច្ចព្រមព្រៀងបទឈប់បាញ់ ហើយភាពតានតឹងនឹងត្រូវបានបន្ធូរបន្ថយដោយសន្តិវិធីតាមរយៈការសន្ទនា។ ឯកឧត្តម អ៊ីវ៉ាយ៉ា ក៏បានបញ្ជាក់ថា ប្រទេសជប៉ុននឹងបន្តខិតខំប្រឹងប្រែង ដើម្បីកាត់បន្ថយភាពតានតឹង។រដ្ឋមន្ត្រីទាំងពីរក៏បានផ្លាស់ប្តូរទស្សនៈលើកិច្ចសហប្រតិបត្តិការក្នុងវិស័យសេដ្ឋកិច្ចរវាងជប៉ុន និងកម្ពុជា និងបញ្ជាក់នូវការប្តេជ្ញាចិត្តក្នុងការបន្តជំរុញកិច្ចសហប្រតិបត្តិការ ដែលរួមចំណែកដល់ការលើកកម្ពស់ការវិនិយោគឯកជន និងការអភិវឌ្ឍឧស្សាហកម្ម ដូចជា “កញ្ចប់សហបង្កើតសេដ្ឋកិច្ច”, ការអភិវឌ្ឍកំពង់ផែព្រះសីហនុ, កិច្ចសហប្រតិបត្តិការក្នុងវិស័យឌីជីថល និងការអភិវឌ្ឍបណ្តាញទូរគមនាគមន៍ស្នូលរួមមានប្រព័ន្ធ 5G ជាដើម។រដ្ឋមន្ត្រីទាំងពីរក៏បានឯកភាពគ្នាបន្តសហការលើបញ្ហាក្នុងតំបន់ រួមមានសមុទ្រចិនខាងកើត សមុទ្រចិនខាងត្បូង និងគោលនយោបាយចំពោះកូរ៉េខាងជើង ក៏ដូចជាបញ្ហានុយក្លេអ៊ែរ និងមីស៊ីល និងបញ្ហាចាប់ពង្រត់ផងដែរ៕

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងលើរបៀបវារៈចំនួន៧

នៅព្រឹកថ្ងៃសុក្រ ទី២៦ ខែកញ្ញា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំពេញអង្គគណៈរដ្ឋមន្រ្តីនៅវិមានសន្តិភាព ដើម្បីពិភាក្សា និងឆ្លងលើរបៀបវារៈចំនួន៧។របៀបវារៈទាំង៧នោះរួមមាន៖១-សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។២-សេចក្តីព្រាងច្បាប់ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានស្តីពីបម្លាស់ទីរូបវន្តបុគ្គល។៣-សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីមួយធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-ហុងកុង នៃសាធារណរដ្ឋប្រជាមានិតចិន។៤-សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីពីរធ្វើវិសោធនកម្មកិច្ចព្រមព្រៀងបង្កើតតំបន់ពាណិជ្ជកម្មសេរី អាស៊ាន-អូស្ត្រាលី-នូវែលសេឡង់។៥-សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម។៦-សេចក្តីព្រាងរបាយការណ៍ដំបូងស្តីពីការអនុវត្តអនុសញ្ញាស្តីពីសិទ្ធិជនពិការនៅកម្ពុជា។៧-បញ្ហាផ្សេងៗ

វិទ្យាស្ថានពហុបច្ចេកទេសភូមិភាគតេជោសែនតាកែវ ផ្តល់អាហារូបករណ៍ ១០០០កន្លែង លើ ១៤មុខជំនាញ និងប្រាក់ឧបត្ថម្ភដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

វិទ្យាស្ថានពហុបច្ចេកទេសភូមិភាគតេជោសែនតាកែវ នៃក្រសួងការងារ និងបណ្តុះបណ្តលវិជ្ជាជីវៈ ផ្តល់អាហារូបករណ៍ចំនួន ១ ០០០កន្លែង លើ ១៤មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។ មុខជំនាញទាំង១៤ នោះ រួមមាន ការងារកំបោរ, ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលអគ្គិសនីរថយន្ត, សេវាកម្មបរិក្ខារត្រជាក់ក្នុងគេហដ្ឋាន, សេវាកម្មសម្អាងកាយ, ការរចនាក្រាហ្វិកដោយកុំព្យូទ័រ, ការផ្សារអគ្គិសនី, ការថែទាំ និងជួសជុលបរិក្ខារអេឡិចត្រូនិក, ការដំឡើង និងថែទាំកាមេរ៉ាសុវត្ថិភាព, សេវាកម្មរដ្ឋបាល, ការថែទាំ និងជួសជុលម៉ាស៊ីនធុនតូច, និងសេវាកម្មម្ហូបអាហារ និងភេសជ្ជៈ។ ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ ០៩៨ ៥២២ ៦៤៥/០១០ ៨៧៨ ៨៣៨/០៩៨ ៦៣៥ ៦៦៥ ឬ អញ្ជើញមកវិទ្យាស្ថានពហុបច្ចេកទេសភូមិភាគតេជោសែនតាកែវ ដោយផ្ទាល់ដែលមានអាសយដ្ឋាននៅភូមិ៣ សង្កាត់រកាក្នុង ក្រុងដូនកែវ ខេត្តតាកែវ៕

បណ្ដាញសង្គម

ព័ត៌មានថ្មីៗ

គំនិតផ្តួចផ្តើមរបស់វិចិត្រករ បានគាំទ្រក្មេងៗជម្លៀសខ្លួននៅលីបង់ឲ្យគូរគំនូរតាមអារម្មណ៍របស់ខ្លួន

អ៊ីរ៉ង់អះអាងពីការបាញ់ទម្លាក់យន្តហោះចម្បាំង F-35 ទី២ របស់អាមេរិក ក្នុងរយៈពេល ២សប្តាហ៍

សហភាពអាហ្វ្រិក គាំទ្រការជំរុញសន្តិភាពចិន-ប៉ាគីស្ថាន ជុំវិញបញ្ហាមជ្ឈិមបូព៌ា និងជំរុញឲ្យបន្ថយភាពតានតឹង

មេបញ្ជាការយោធាប៊ូគីណា ហ្វាសូ និយាយថា បំភ្លេចចោលទៅលទ្ធិប្រជាធិបតេយ្យ

WTO ព្រមានអំពី «ការវាយប្រហារជាច្រើនដងលើទីតាំងសេវាសុខភាព» នៅអ៊ីរ៉ង់

មនុស្សម្នាក់ស្លាប់នៅជិតទីក្រុងគីវ ខណៈរុស្ស៊ីប្តូរមកវាយប្រហារទ្រង់ទ្រាយធំនៅពេលថ្ងៃ

របាយការណ៍៖ អាមេរិកបណ្តេញបេសកជនរងរបស់អ៊ីរ៉ង់ ប្រចាំនៅ UN ដោយសារក្តីបារម្ភពីសន្តិសុខជាតិ

ការបញ្ជាទិញមីស៊ីល Tomahawk របស់ជប៉ុន ត្រូវបានពន្យារ ដោយសារអាមេរិកប្រើប្រាស់ នៅអ៊ីរ៉ង់

វិមានក្រឹមឡាំងនិយាយថា អ៊ុយក្រែនត្រូវតែដកទាហានរបស់ខ្លួនចេញពីតំបន់ Donbas

បង់ក្លាដែសកាត់បន្ថយម៉ោងធ្វើការ ផ្សារទំនើប បិទភ្លើងកម្មវិធីអាពាហ៍ពិពាហ៍ ដើម្បីសន្សំសំចៃថាមពល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

វិស័យចំនួន៥ កំពុងពេញនិយមក្នុងកម្មវិធី TVET 1.5M មានយុវជនស្នើសុំចុះឈ្មោះចូលរៀនច្រើនជាងគេ

អ្នកជំនាញ៖ តម្លៃមាសនឹងធ្លាក់ចុះរយៈពេលខ្លី ហើយងើបឡើងវិញ បន្ទាប់ពីអាម៉េរិកកាត់អត្រាការប្រាក់ដុល្លារ

អភិបាលខណ្ឌឬស្សីកែវ បញ្ជាឲ្យឃាត់រាល់រថយន្តទាំងឡាយណា ដែលចាក់កាកសំណល់តាមដងផ្លូវសាធារណៈ

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងលើរបៀបវារៈចំនួន៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

វិស័យចំនួន៥ កំពុងពេញនិយមក្នុងកម្មវិធី TVET 1.5M ​មាន​យុវជន​ស្នើ​សុំ​ចុះ​ឈ្មោះ​ចូល​រៀន​ច្រើន​ជាង​គេ

អ្នកជំនាញ៖ តម្លៃមាសនឹងធ្លាក់ចុះរយៈពេលខ្លី ហើយងើបឡើងវិញ បន្ទាប់ពីអាម៉េរិកកាត់អត្រាការប្រាក់ដុល្លារ

អភិបាលខណ្ឌឬស្សីកែវ បញ្ជាឲ្យឃាត់រាល់រថយន្តទាំងឡាយណា ដែលចាក់កាកសំណល់តាមដងផ្លូវសាធារណៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិស័យចំនួន៥ កំពុងពេញនិយមក្នុងកម្មវិធី TVET 1.5M មានយុវជនស្នើសុំចុះឈ្មោះចូលរៀនច្រើនជាងគេ