BTV NEWS

តំណាងរដ្ឋមន្រ្តីការពារជាតិ ចុះសួរសុខទុក្ខ និងជូនពរជ័យ សិរីសួស្តីដល់យោធិនដែលកំពុងបំពេញបេសកកម្មការពារបូរណភាពទឹកដី នៅសមរភូមិមុខ នៅទិសទី២ យោធភូមិភាគទី៤

ប្រមុខការពារជាតិកម្ពុជាចុះសួរសុខទុក្ខ និងជូនពរជ័យសិរីសួស្តីដល់យោធិនដែលកំពុងបំពេញបេសកកម្មដ៏ឧត្តុង្គឧត្តមការពារបូរណភាពទឹកដីនៅសមរភូមិ

រដ្ឋសភាកម្ពុជា សហការជាមួយអ្នកជំនាញវេជ្ជសាស្ត្រឥណ្ឌា ជំរុញការទប់ស្កាត់ជំងឺមិនឆ្លងឱ្យកាន់តែមានប្រសិទ្ធភាព

ក្រសួងសុខាភិបាល រៀបចំពិធីសូត្រមន្តប្រោះព្រំ ប្រសិទ្ធពរជ័យ សិរីមង្គល ក្នុងឱកាសពិធីបុណ្យចូលឆ្នាំថ្មី

ព័ត៌មានជាតិ

រាជរដ្ឋាភិបាល យកចិត្តទុកដាក់លើការបោសសម្អាតមីនមនុស្សធម៌គាំទ្រសុខសុវត្ថិភាពនិងការកសាងហេដ្ឋារចនាសម្ពន័្ធរូបវន្តតាំងពីឆ្នាំ១៩៩២-១៩៩៣ មកម៉្លេះ

ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកនៃមជ្ឈមណ្ឌលសកម្មភាពកម្ចាត់មីនកម្ពុជា ឬស៊ីម៉ាក់(CMAC)បានបញ្ជាក់ថាការបោសម្អាតមីនមនុស្សធម៌គាំទ្រសុខសុវត្ថិភាព និងការកសាងហេដ្ឋារចនាសម្ពន័្ធរូបវន្ត ព្រមទាំងសេដ្ឋកិច្ចសង្គម ដល់ប្រជា ពលរដ្ឋខ្មែររស់នៅភូមិជោគជ័យ ភូមិអូរបីជាន់ និងភូមិព្រៃចាន់ ក៏ដូច ជាភូមិករនានាតាមបណ្តោយព្រំដែនខ្មែរ-សៀម ត្រូវបានរាជរដ្ឋាភិ បាលកម្ពុជា យកចិត្តទុកដាក់បំផុតចាប់តាំងពីឆ្នាំ១៩៩២-៩៣មកម៉្លេះ ព្រមទាំងបានចាប់ផ្តើមនិងបានចែកចេញជាដំណាក់កាលសំខាន់។នៅលើបណ្ដាញសង្គមហ្វេសប៊ុកផ្លូវការនៅព្រឹកថ្ងៃទី២៣ ខែកញ្ញា ឆ្នាំ២០២៥ ឯកឧត្តម ហេង រតនា បានបញ្ជាក់អំពីដំណាក់កាលសំខាន់ៗយ៉ាងដូចជាទី1៖. ឆ្នាំ១៩៩២-១៩៩៨៖ ដំណាក់កាលធ្វើការបោសសម្អាតមីនដើម្បីបើកផ្លូវសុវត្ថិភាពក្នុងការធ្វើមាតុភូមិនិវត្តន៍ និងគាំទ្រការតាំងទីលំនៅ និងកសាងជីវភាពថ្មីទាំងក្នុងឆ្នាំ១៩៩២-៩៣ និងក្រោយការបោះឆ្នោតឆ្នាំ១៩៩៣។ទី2. ឆ្នាំ១៩៩៨-២០០៣៖ ដំណាក់កាលនៃការបោសសម្អាតមីនដើម្បីគាំទ្រសុវត្ថិភាពនិងការអភិវឌ្ឍសេដ្ឋកិច្ចសង្គម។ការដំណើរការបោសសម្អាតមីនមនុស្សធម៌នៅទីតាំងទាំងនេះមានសហគមន៍អន្តរជាតិច្រើនណាស់បានដឹងឮនិងចងចាំការពិតនេះព្រោះថាសហគមន៍អន្តរជាតិទាំងនោះបានចូលរួមអនុវត្តដោយផ្ទាល់ផងដែរ។ឯកឧត្តម ហេង រតនា អគ្គនាយកស៊ីម៉ាក់បានបន្តថា រឿងជម្លោះខ្សែបន្ទាត់ព្រំដែននៅតំបន់ទាំងនេះ ក្រុមការងារព្រំដែនទាំងខ្មែរនិងសៀមបានជួប ពិភាក្សាគ្នាច្រើនលើកច្រើនសារហើយ ប៉ុន្តែមិនទាន់បានដោះស្រាយនៅឡើយ (ដូចខ្លឹមសារនៃសេចក្តីប្រកាសបដិសេធព័ត៌មាន)របស់រដ្ឋលេខាធិការកិច្ចការព្រំដែនបានបញ្ជាក់យ៉ាងច្បាស់លាស់។ប្រសិនពិតជាអ្នកជិតខាងគ្នាល្អមែននោះ យន្តការដោះស្រាយទំនាស់ដោយ សន្តិវិធីមានគ្រប់ឋានានុក្រម មិនត្រូវប្រើប្រាស់កម្លាំងនិងច្បាប់សឹកស្អីនោះទេ ព្រោះទង្វើបែបនេះបង្កើនអរិភាពនឹងគ្នាកាន់តែខ្លាំងក្លាថែមទៀត ៕

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

អ្នកជំនាញទេសចរណ៍ នៃអាជ្ញាធរជាតិអប្សរាបានឲ្យដឹងថា ភ្ញៀវទេសចរជាតិ និងអន្ដរជាតិ ទៅទស្សនាព្រឹត្តិការណ៍ព្រះអាទិត្យចំកំពូលប្រាសាទអង្គរវត្ត ចាប់ពីថ្ងៃទី២១ដល់ថ្ងៃទី២៣ខែកញ្ញា ឆ្នាំ២០២៥នេះ មានជាង៣ម៉ឺន៦ពាន់នាក់ ខណៈដែលព្រឹត្ដិការណ៍នេះ មិនឃើញពន្លឺព្រះអាទិត្យច្បាស់ដោយសារអាកាសធាតុមិនល្អ។ភ្ញៀវទេសចរជាតិ បានលើកឡើងថា ក្នុងរយៈពេលបីថ្ងៃ នៃព្រឹត្ដិការណ៍សមរាត្រី មិនឃើញថ្ងៃរះចំកំពូលប្រាសាទអង្គរ កំពូលប្រាសាទច្បាស់ក្ដី ប៉ុន្ដែពួកគាត់ពេញចិត្ដ និងសប្បាយយរីករាយ ដោយសារជាព្រឹត្ដិការណ៍មួយអស្ចារ្យដែលនៅលើពិភពលោកមិនអាចប្រៀបផ្ទឹមបានជាមួយវប្បធម៌របស់ខ្មែរ។ ពួកគាត់បន្ដថា ការទៅទស្សនាប្រាសាទអង្គរវត្តនាថ្ងៃរះចាប់ពីម៉ោង៤ព្រឹក ប៉ុន្ដែមិនខកបំណងឡើយដែលខ្លួនចំណាយពេលដើម្បីមករង់ចាំទស្សនាថ្ងៃរះនៅប្រាសាទអង្គរវត្ត។ ពួកគាត់មានមោទនភាព ដែលភ្ញៀវទេសចរជាច្រើនទៅទស្សនាព្រឹត្ដិការណ៍សមរាត្រីខ្លះបានអង្គុយរង់ចាំនៅបរិវេណច្រាំងកសិន្ធុខាងមុខប្រាសាទ ខ្លះចូលមកអង្គុយត្រៀបត្រានៅបណ្តាល័យ និងខ្លះទៀតឈរង់ចាំនៅលើរានហាល ក្បែរស្រះទឹកខាងជើង និងខាងត្បូងនៃប្រាសាទ ដើម្បីទស្សនាទិដ្ឋភាព និងផ្តិតយករូបភាព ដ៏អស្ចារ្យថ្ងៃរះនៅប្រាសាទអង្គរវត្ត។លោក សេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌អង្គរ នៃអាជ្ញាធរជាតិអប្សរាបានឱ្យដឹងថា ព្រឹត្ដិការណ៍ថ្ងៃរៈចំកណ្ដាលកំពូលប្រាសាទអង្គរ ក្នុងរយៈពេល៣ថ្ងៃ ចាប់ពីថ្ងៃទី២១ដល់ថ្ងៃទី២៣ខែកញ្ញាឆ្នាំ២០២៥នេះ មានភ្ញៀវទេសចរជាតិនិងអន្ដរជាតិ ជាង៣ម៉ឺន៦ពាន់នាក់។ ក្នុងចំណោមភ្ញៀវទេសចរជាង៣ម៉ឺន៦ពាន់នាក់នោះ មានភ្ញៀវទេសចរអន្ដរជាតិ ២៥៧៦នាក់ និងភ្ញៀវទេសចរជាតិ ៣៣,៧៤៦នាក់។ លោកបន្ដថា អ្នកទេសចរបានទៅទស្សនានៅពីម៉ោង៥:០០នាទី-៧:០០នាទី។សូមរំលឹកថា កាលពីឆ្នាំ២០២៤ ចាប់ពីថ្ងៃទី២១ដល់ថ្ងៃទី២៣ ខែកញ្ញា ភ្ញៀវទេសចរជាតិ និងអន្ដរជាតិ ទៅទស្សនាព្រឹត្តិការណ៍ព្រះអាទិត្យរះចំកំពូលប្រាសាទអង្គរវត្ត ឬហៅថា សមរាត្រីមានជាង៣ម៉ឺន៧ពាន់នាក់ ក្នុងនោះមានភ្ញៀវទេសចរអន្ដរជាតិ ១៨៣៤នាក់ ៕

ប្រមុខការទូតកម្ពុជា នឹងដឹកនាំគណៈប្រតិភូអញ្ជើញចូលរួមកិច្ចពិភាក្សាទូទៅនាសម័យប្រជុំលើកទី៨០ នៃមហាសន្និបាតអង្គការសហប្រជាជាតិ នាទីក្រុងញូវយ៉ក

ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការ អន្តរជាតិ នៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់កម្ពុជា ទៅចូលរួមកិច្ចពិភាក្សាទូទៅ នាសម័យប្រជុំលើកទី៨០ នៃមហាសន្និបាតអង្គការសហប្រជាជាតិ (UNGA) ដែលនឹងប្រព្រឹត្តទៅពីថ្ងៃទី២៣ ដល់ថ្ងៃទី២៧ និង២៩ ខែកញ្ញា ឆ្នាំ២០២៥ នៅទីស្នាក់ការអង្គការសហប្រជាជាតិ នាទីក្រុងញូវយ៉ក។ នេះបើយោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា។សម័យប្រជុំនៅឆ្នាំនេះ នឹងប្រព្រឹត្តទៅក្រោមប្រធានបទ "រួមគ្នា ដើម្បីភាពប្រសើរឡើង៖ ៨០ឆ្នាំ និងច្រើនឆ្នាំទៀត ដើម្បីសន្តិភាព ការអភិវឌ្ឍ និងសិទ្ធិមនុស្ស”។ អំឡុងពេលនៃកិច្ចពិភាក្សាទូទៅ ឯកឧត្តម ឧបនាយករដ្ឋមន្ដ្រី នឹងអញ្ជើញធ្វើសេចក្តី ថ្លែងការណ៍ជាតិរបស់កម្ពុជា ដោយបង្ហាញពីការប្ដេជ្ញាចិត្តយូរអង្វែងរបស់ព្រះរាជាណាចក្រកម្ពុជា ចំពោះសន្តិភាព ការអភិវឌ្ឍប្រកបដោយចីរភាព កិច្ចសហប្រតិបត្តិការពហុភាគី ការលើកកម្ពស់ និង ការការពារសេចក្ដីថ្លៃថ្នូររបស់មនុស្សជាតិ សន្តិសុខសប៊័រ និងភាពធន់នឹងអាកាសធាតុ។ដោយឡែក ឯកឧត្តមឧបនាយករដ្ឋមន្ត្រី គ្រោងនឹងមានជួបទ្វេភាគីជាមួយអគ្គលេខាធិការ អង្គការសហប្រជាជាតិ សមភាគីបរទេស និងអង្គការអន្តរជាតិ នាអំឡុងសប្តាហ៍ជាន់ខ្ពស់នេះ ដើម្បី ពង្រឹងទំនាក់ទំនងការទូត ភាពជាដៃគូទ្វេភាគី និងពហុភាគី និងការរួមចំណែករបស់កម្ពុជាចំពោះ សន្តិភាព និងវិបុលភាពពិភពលោក។ខណៈដែលអង្គការសហប្រជាជាតិប្រារព្ធខួបលើកទី៨០ របស់ខ្លួន កម្ពុជារួមជាមួយសហគមន៍ អន្ដរជាតិក្នុងស្មារតីសាមគ្គីភាព បញ្ជាក់ជាថ្មីនូវការប្ដេជ្ញាចិត្តម៉ឺងម៉ាតចំពោះសន្តិភាព ការអភិវឌ្ឍ ប្រកបដោយបរិយាប័ន្ន និងការការពារសិទិ្ធមនុស្ស៕

ភ្ញៀវទេសចរជាង ៧ម៉ឺននាក់ ចូលលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌនៅខេត្តព្រះសីហនុ

ប្រធានមន្ទីរទេសចរណ៍ ខេត្តព្រះសីហនុ ប្រាប់ឱ្យដឹងថា ខេត្តព្រះសីហនុ ទទួលបានភ្ញៀវទេសចរចូលមកលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌ នាថ្ងៃទី២២ ខែកញ្ញា ឆ្នាំ២០២៥ មានភ្ញៀវសរុប ៧៧.៤៧៤នាក់ កើនឡើង ៣៣% ក្នុងនោះ ភ្ញៀវជាតិ ៧៥.៦២៩នាក់ កើនឡើង ៣៣% និងភ្ញៀវបរទេសសរុប ១.៨៤៥នាក់ កើនឡើង ៧% ។ លោក តាំង សុចិត្តគ្រឹស្នា បន្តថា ភ្ញៀវតាមបណ្តាឆ្នេរ និងរមណីយដ្ឋាននានាសរុប ៧៦.៥១៥នាក់ កើនឡើង ៣៣% ក្នុងនោះ ភ្ញៀវជាតិ ៧៥.១៦០នាក់ កើនឡើង ៣៣% និងភ្ញៀវបរទេស ១.៣៥៥នាក់ កើនឡើង ១៦% ។ ចំណែកឯ ភ្ញៀវចូលតាមអាកាសយានដ្ឋានអន្តរជាតិខេត្តព្រះសីហនុចំនួន ០៣ជើង ស្មើនឹង ចំនួនសរុប ១៥៩នាក់ ថយចុះជិត ៣០% ក្នុងនោះ ភ្ញៀវជាតិ ០២នាក់ ថយចុះ ៥០% និងភ្ញៀវអន្តរជាតិ ១៥៧នាក់ ថយចុះ ២៧% ។ រីឯ ភ្ញៀវទេសចរទៅកម្សាន្តតាមបណ្តាកោះនានាសរុប ៨០០នាក់ កើនឡើង ៤០% ក្នុងនោះ ភ្ញៀវជាតិ ៤៦៧នាក់ កើនឡើង ៩៦% និងភ្ញៀវបរទេស ៣៣៣នាក់ កើនឡើង ១% ។ សូមបញ្ជាក់ថា ខេត្តព្រះសីហនុ មានកោះតូច-ធំ ៣២ ថ្មដុះ ១ និងថ្មប៉ប្រះទឹក ៥ ឆ្នេរសមុទ្រប្រវែងជាង ១៧៥គីទ្បូម៉ែត្រ សម្បូរទៅដោយធនធានធម្មជាតិ មានសមុទ្រ កោះ ឆ្នេរ ព្រែក ព្រៃកោងកាង វាលទំនាប ខ្ពង់រាប ភ្នំ ទឹកជ្រោះ ឧទ្យានជាតិ(លើកគោក) ឧទ្យានជាតិបាតសមុទ្រ (ដែលសំបូរទៅដោយ សត្វសមុទ្រ ស្មៅសមុទ្រ មច្ឆសមុទ្រ និងផ្កាថ្ម) រួមទាំងជីវៈចម្រុះគ្រប់ប្រភេទ ដែលជាសក្តានុពលសម្បូរបែប និងជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចសង្គម (ពាណិជ្ជកម្ម ឧស្សាហកម្ម កសិកម្ម) និងជាគោលដៅទេសចរណ៍ប្រកបដោយប្រជាប្រិយភាព ដែលមានភ្ញៀវទេសចរជាតិ និងអន្តរជាតិមកទស្សនាមកសម្រាកលម្ហែយ៉ាងច្រើន ហើយត្រូវបានប្រសិទ្ធនាមថាជា «តារារះនាទិសនិរតី»៕

សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញរាប់បាត្រថ្ងៃភ្ជុំបិណ្ឌ វត្តហរិរក្សរាជិនី ហៅវត្តវាំងចាស់

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ព្រមទាំងឥស្សរជនជាន់ខ្ពស់ជាច្រើនរូបទៀត នៅព្រឹកថ្ងៃទី២២ ខែកញ្ញា ឆ្នាំ២០២៥នេះ បានអញ្ជើញរាប់បាត្រថ្ងៃភ្ជុំបិណ្ឌ នៅវត្តហរិរក្សរាជិនី ហៅវត្តវាំងចាស់ ស្ថិតក្នុងក្រុងឧដុង្គម៉ែជ័យ ខេត្តកំពង់ស្ពឺ។បន្ទាប់ពីពិធីថ្វាយនូវគន្ធពិដោដល់ព្រះ បារមីព្រះពុទ្ធរូបគ្រប់អង្គរួចមក សម្តេចមហាបវរធិបតី និងលោកជំទាវបណ្ឌិត និងពុទ្ធបរិស័ទទាំងអស់ អញ្ជើញថ្វាយបង្គុំព្រះពុទ្ធរូប និងថ្វាយបង្គុំព្រះសង្ឃ ព្រមទាំងសមាទានសិល៍ ជាកិច្ចរំលឹកគុណ បុណ្យព្រះរតនត្រ័យដ៏ខ្ពង់ខ្ពស់ តាមប្រពៃណីព្រះពុទ្ធសាសនាដ៏រុងរឿងនៃយើង ក្រោមកិច្ចដឹកនាំរបស់លោកអាចារ្យ និងព្រះគ្រូចៅអធិការវត្តវាំងចាស់។សម្តេចមហាបវរធិបតី និងលោកជំទាវបណ្ឌិត ព្រមទាំងឥស្សរជនជាន់ខ្ពស់ទាំងអស់ និងពុទ្ធបរិស័ទទីជិតឆ្ងាយ បានធ្វើបទនមសិកាព្រះរតនត្រ័យ សមាទានសិល៍ រំលឹកដល់ព្រះសម្មា សម្ពុទ្ធព្រះបរមគ្រួនៃយើង ដែលព្រះអង្គត្រាសដឹង នូវអនុត្តរះសម្មាសម្ពុទ្ធធិញាណ និងព្រះធម៌វិន័យដ៏វិសេសវិសាល បន្សល់ទុកឲ្យពុទ្ធបរិស័ទគ្រប់ជំនាន់ គោរពប្រតិបត្តិជារៀងដរាប រហូតមកដល់បច្ចុប្បន្ន និងទៅអនាគត។លំដាប់អំពីបទនមសិកាព្រះរតនត្រ័យ ព្រះសង្ឃសូត្រធម៌ប្រោសព្រំប្រសិទ្ធពរជ័យ បវរមហាប្រសើរដល់ពុទ្ធបរិស័ទទាំងអស់ ក្នុងបុណ្យឆ្លងនៃពិធីបុណ្យភ្ជុំបិណ្ឌរួចមក សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ព្រមទាំងឥស្សរជន និងប្រជាពុទ្ធបរិស័ទទាំងអស់ អញ្ជើញរាប់បាត្រព្រះសង្ឃ ដើម្បីព្រះសង្ឃគ្រប់អង្គសូត្រ នូវធម៌សកប្បករុណាភិធម្ម បង្សុកុល ជាកិច្ចឧទ្ទិសបញ្ជូននូវកុសលផលបុណ្យ ដែលកើតមានឡើងក្នុងថ្ងៃបុណ្យឆ្លង នៃពិធីបុណ្យភ្ជុំបិណ្ឌនេះ ជូន ដល់បុព្វការីជន មានមាតាបិតាញាតិការទាំងប្រាំពីរសណ្តានទាំងអស់។ក្នុងនោះ សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ក៏បានប្រគេនទេយ្យទាន គ្រឿងឧបភោគ បរិភោគ ជូនព្រះសង្ឃគង់នៅវត្តហរិរក្សរាជិនី ហៅវត្តវាំងចាស់ រួមមាន៖ ទឹកក្រូច ចំនួន២០កេស, ទឹកសុទ្ធអារ៉ូណាតូច ចំនួន៣០កេស, ទឹកសណ្ដែក ចំនួន៥កេស, ទឹកផ្លែឈើគូលែន ចំនួន៥កេស, ទឹកត្រឡាច ចំនួន៥កេស, ទឹកដោះគោខាប់ ចំនួន២កេស, ស្ករស ចំនួន២០គីឡូក្រាម, កាហ្វេ ចំនួន៣កេស, ផ្លែគូលែន ចំនួន៥កេស, តែ ចំនួន៥គីឡូក្រាម, នំចិន ចំនួន២កន្ដ្រក់, ផ្លែឈើ ចំនួន២កន្ដ្រក់, ត្រីខ ចំនួន៥កេស, ត្រីងៀត ចំនួន១៥គីឡូក្រាម, សាច់ក្រក ចំនួន១០គីឡូក្រាម, មីជាតិ ចំនួន៣កេសធំ, អង្ករ ចំនួន៥០០គីឡូក្រាម និងបច្ច័យចំនួន១០លានរៀល៕

គោរពច្បាប់ចរាចរណ៍ស្មើនឹងគោរពជីវិតខ្លួនឯង! គ្រោះថ្នាក់ចរាចរណ៍ទូទាំង ប្រទេសនៅថ្ងៃទី២១ កញ្ញា កើតឡើងចំនួន ៩លើក បណ្តាលឲ្យមនុស្សស្លាប់៧នាក់ និងរបួសធ្ងន់ស្រាល ១១នាក់

រាជធានីភ្នំពេញ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា៖ គ្រោះថ្នាក់ចរាចរណ៍ផ្លូវគោកទូទាំងប្រទេស នៅថ្ងៃទី២១ ខែកញ្ញា ឆ្នាំ២០២៥ (គិតត្រឹមពីម៉ោង ១៤៖០០ ថ្ងៃទី២០ ខែកញ្ញា ឆ្នាំ ២០២៥ ដល់ម៉ោង ១៤៖០០ ថ្ងៃទី២១ ខែកញ្ញា ឆ្នាំ២០២៥) បានកើតឡើងចំនួន ៩លើក បណ្តាលឲ្យមនុស្សស្លាប់ ៧នាក់, រងរបួសសរុប ១១នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន៖ ល្មើសល្បឿន ៤លើក (ស្លាប់ ៤នាក់, របួសធ្ងន់ ១នាក់, របួសស្រាល ៥នាក់), មិនគោរពសិទ្ធិ ១លើក (ស្លាប់ ១នាក់, របួសធ្ងន់ ០នាក់, របួសស្រាល ០នាក់), មិនប្រកាន់ស្តាំ ១លើក (ស្លាប់ ១នាក់, របួសធ្ងន់ ៣នាក់, របួសស្រាល ១នាក់) កត្តាយយាន ១លើក (ស្លាប់ ១នាក់)៕

គណៈប្រតិភូជាន់ខ្ពស់សភាកម្ពុជាអញ្ជើញនិវត្តន៍ដល់មាតុប្រទេស ក្រោយពីបានចូលរួមមហាសន្និបាតអាយប៉ាលើកទី៤៦ នៅប្រទេសម៉ាឡេស៊ី ទទួលបានជោគជ័យ ប្រកបដោយមោទនភាព

គណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ដឹកនាំដោយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅរសៀលថ្ងៃទី២១ ខែកញ្ញា ឆ្នាំ២០២៥ បានអញ្ជើញនិវត្តន៍ពីការចូលរួមមហាសន្និបាតអន្តរសភាអាស៊ាន (អាយប៉ា/AIPA) លើកទី៤៦ នៅប្រទេសម៉ាឡេស៊ី ប្រកបដោយលទ្ធផលជោគជ័យ ជាទីមោទនៈ ក្នុងបេសកកម្មការទូតសភាដើម្បីស្វែងរកផលប្រយោជន៍ជូនប្រជាពលរដ្ឋទាំងក្របខ័ណ្ឌទ្វេភាគី និងពហុភាគី។ ក្រោមប្រធានបទ “សភានាំមុខសម្រាប់កំណើនប្រកបដោយបរិយាបន្ន និងអាស៊ានប្រកបដោយចីរភាព” មហាសន្និបាតអន្តរសភាអាស៊ានលើកទី៤៦ ប្រារព្ធធ្វើឡើងចាប់ពីថ្ងៃទី១៧ដល់ថ្ងៃទី២០ខែកញ្ញា បានអនុម័តសេចក្តីព្រាងសេចក្តីសម្រេចចំនួន៤២។ ក្នុងចំណោមសេចក្តីសម្រេចទាំង៤២នោះ មានសេចក្តីសម្រេចចំនួនបី ផ្តួចផ្តើមឡើងដោយសភាកម្ពុជា មានសេចក្តីព្រាងសេចក្ដីសម្រេចស្តីពីការជំរុញគំនិត ផ្ដួចផ្ដើមសន្តិភាព ដើម្បីមនុស្សជាតិ និងភពផែនដី សេចក្តីព្រាងសេចក្ដីសម្រេចស្តីពីការបង្កើតវេទិកាថ្នាក់ដឹកនាំអាយប៉ា និងសេចក្តីព្រាងសេចក្ដីសម្រេចស្តីពីការបង្កើតភាពជាដៃគូអាយប៉ាដើម្បីលើកកម្ពស់ការចូលរួមរបស់អាយប៉ាជាមួយដៃគូពាក់ព័ន្ធ សម្រាប់អាស៊ានប្រកបដោយបរិយាបន្ន និងចីរភាព។អ្វីដែលគួរឱ្យកត់សម្គាល់នៅក្នុងមហាសន្និបាត សម្តេចប្រធានរដ្ឋសភា បានថ្លែងការណ៍ក្នុងកិច្ចប្រជុំពេញអង្គលើកទី១ ដោយបានអំពាវនាវកុំប្រើ “ច្បាប់ព្រៃ និងអនុវត្តច្បាប់អាជ្ញាសឹក“ នៅក្រៅដែនដីរបស់ខ្លួន ដែលជាការរំលោភបំពានលើអធិបតេយ្យ និងបូរណភាពទឹកដីរបស់ប្រទេសដទៃ។ សម្តេចប្រធានរដ្ឋសភា បានលើកឡើងថា ទោះបីបទឈប់បាញ់បានចូលជាធរមាន តាំងពីថ្ងៃទី២៨ ខែកក្កដា ឆ្នាំ២០២៥ មានភាពផុយស្រួយ ដោយសារភាគីថៃរំលោភបំពាន ជាបន្តបន្ទាប់។ កម្ពុជាជំរុញឱ្យបង្កើតអ្នកសង្កេតការណ៍អាស៊ាន (AOT) និងពង្រាយទៅទីតាំងកើតហេតុឱ្យបានឆាប់រហ័ស និងសូមអំពាវនាវដល់អន្តរជាតិចូលរួមតាមដានបទឈប់បាញ់ឱ្យមានការអនុវត្តបានពេញលេញ សំដៅធានាការពារសុខសន្តិភាព ស្ថិរភាព និងសុវត្ថិភាព ដែលមិនត្រឹមតែបម្រើផលប្រយោជន៍ពលរដ្ឋប្រទេសទំាងពីរប៉ុណ្ណោះទេ តែធានាការពារសុខសន្តិភាព ក្នុងតំបន់ និងសកលលោកថែមទៀតផង។ នៅក្នុងដំណើរការមហាសន្និបាតអាយប៉ាលើកទី៤៦ សមាជិកសភាអាយប៉ា បានជួបសន្ទនាជាមួយសភាសង្កេតការណ៍ចំនួន ១៤ ប្រទេស ក្រោមប្រធានបទស្ដីពី “មជ្ឈភាពអាស៊ាន៖ ការកសាងនិម្មាបនកម្មតំបន់ប្រកបដោយបរិយាបន្នដើម្បីអនាគតមានចីរភាព។សម្រាប់កម្ពុជាជោគជ័យមួយទៀតគឺ មហាសន្និបាតអាយប៉ាលើកទី៤៦ បានជ្រើសតាំង ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន ព្រឹទ្ធសភា នៃព្រះរាជាណាចក្រកម្ពុជា ជាអគ្គលេខាធិការអាយប៉ា ក្នុងអាណត្តិរយៈពេល៣ឆ្នាំ ចាប់ពីថ្ងៃទី១ ខែមករា ឆ្នាំ២០២៦តទៅ។អាយប៉ា ជាវេទិកាស្ថាប័ននីតិប្បញ្ញត្តិនៃសហគមន៍ប្រជាជាតិអាស៊ីអាគ្នេយ៍។ មហាសន្និបាតអាយប៉ាបានប្រារព្ធឡើងជារៀងរាល់ឆ្នាំ ជាវេទិកាអន្តរសភាសំខាន់មួយដែលផ្តល់ឱកាសដល់តំណាងរាស្រ្តនៅក្នុងតំបន់អាស៊ីអាគ្នេយ៍ ជួបជុំគ្នាដើម្បីពិភាក្សា ផ្លាស់ប្តូរមតិ យោបល់ ទស្សនៈ ដើម្បីសម្រេចនូវសេចក្តីសម្រច ក្នុងវិស័យនយោបាយ សេដ្ឋកិច្ច សង្គមកិច្ចជាដើម សម្រាប់ដាក់ជូន ស្ថាប័ននីតិប្រតិបត្តិ ពិចារណាបញ្ចូលក្នុងគោលនយោបាយក្នុងការដឹកនាំប្រទេស សម្រាប់ជំរុញការអភិវឌ្ឍ និងកិច្ចការពារសុខសន្តិភាពជូនប្រជាពលរដ្ឋតាមប្រទេសនីមួយៗ ក៏ដូចជាតំបន់ និងសកលលោក៕

ទេយ្យទានសម្តេចធិបតី និងលោកជំទាវបណ្ឌិត បានប្រគេនព្រះសង្ឃចំនួន ៣៦វត្ត ក្នុងខេត្តកំពង់ឆ្នាំង

កំពង់ឆ្នាំ ៖ ទេយ្យទានរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ពេជ ចន្ទមុនី ហ៊ុន ម៉ាណែត ផ្តល់តាមរយះក្រសួងធម្មការ និងសាសនា សម្រាប់វេប្រគេនដល់ព្រះសង្ឃសម្រាប់៣៦វត្ត ក្នុងខេត្តកំពង់ឆ្នាំង ក្នុងឱកាសបុណ្យភ្ជុំបិណ្ឌនេះ ត្រូវបានឯកឧត្តមបណ្ឌិត សេង សុមុនី រដ្ធលេខាធិការក្រសួងធម្មការ និងសាសនាតំណាងឯកឧត្តម រដ្ធមន្រ្តី បាននាំយកទៅប្រគេនព្រះសង្ឃចំនួន៣៦វត្តនៅក្នុងខេត្តកំពង់ឆ្នាំង កាលពី ព្រឹកថ្ងៃទី២០ ខែកញ្ញា ឆ្នាំ២០២៥។លោក យិន សាវ៉េន អភិបាលរងខេត្តកំពង់ឆ្នាំង បានមានសម្តែងនូវអំណគុណយ៉ាងជ្រាលជ្រៅបំផុត ចំពោះសម្តេចមហាបវរ ធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដែលមានសទ្ធាជ្រះថ្លាប្រគេន នូវអង្ករ ដល់ព្រះសង្ឃនៅខេត្តកំពង់ឆ្នាំង ដើម្បីផ្គត់ផ្គង់ព្រះសង្ឃនៅតាមវត្តនានាទាំង៣៦ នាក្នុងឱកាសនៃពិធីបុណ្យភ្ជុំបិណ្ឌនាពេលនេះ ។ ដែលសទ្ធាជ្រះថ្លាទាំងនេះបានផ្តល់នូវភាពប្រសើរឡើងដល់វត្តក្នុងការផ្តត់ផ្គង់ព្រះសង្ឃ ទាំងពេលភ្ជុំ និងក្រោយភ្ជុំរួចរាល់ផងដែរ ។ ឯកឧត្តមបណ្ឌិត សេង សុមុនី រដ្ធលេខាធិការក្រសួងធម្មការ និងសាសនាតំណាងឯកឧត្តម រដ្ឋមន្រ្តីបានបញ្ជាក់ឱ្យដឹងថា ការពិតស្ថានភាពសង្គម សេដ្ឋកិច្ច តំបន់ និងពិភពលោក បាននិងកំពុងទទួលរងនូវបាតុភាពជាច្រើន ដែលបណ្តាលឱ្យប៉ះពាល់ដល់ សេដ្ឋកិច្ច សន្តិសុខ សណ្តាប់ធ្នាប់ពិភពលោក និងបរិស្ថានជាដើម។ ឯកឧត្តមបន្តថា ដោយសភាពការណ៍នេះក៏បានជះឥទ្ធិពលមួយចំនួនមកលើប្រទេសកំពុងអភិវឌ្ឍដូចជាប្រទេសកម្ពុជា ដូច្នេះហើយបានជារាជរដ្ឋាភិបាលអាណត្តិទី៧ ក្រោមការដឹកនាំ របស់សម្តេចធិបតី ហ៊ុន ម៉ាណែត បានដាក់ចេញនៅយុទ្ធសាស្រ្តបញ្ចកោណដើម្បីកំណើន ការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះទៅសម្រេចចក្ខុវិស័យកម្ពុជា ឆ្នាំ២០៥០ ក្នុងនោះផងដែរ វិស័យពុទ្ធចក្រក៏ត្រូវបានរាជរដ្ឋាភិបាលយកចិត្តទុកដាក់គិតគូរគ្រប់កាលៈទេសៈ៕ កាំង ហុងវាស្នា

ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង

ស្វាយរៀង ៖ អង្ករចំនួន៤តោន ២០០គីឡូក្រាម ដែលជាអំណោយដ៏ថ្លៃថ្លារបស់ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ្រ ចន្ទ័មុន្នី ត្រូវបានឯកឧត្តម ហង់ ចាន់ព្រីដា រដ្ឋលេខាធិការក្រសួងធម្មការនិងសាសនា នាំមកយកទៅប្រគេនដល់ព្រះសង្ឃចំនួន១៤វត្ត ក្នុងឪកាសបុណ្យកាន់បិណ្ឌ និងបុណ្យភ្ជុំបិណ្ឌ នៅខេត្តស្វាយរៀង រសៀលថ្ងៃទី២០ ខែកញ្ញា ឆ្នាំ២០២៥នេះ។ ពិធីនេះមានការអញ្ជើញចូលរួមពីលោក ញ៉ែម សារី អភិបាលរងខេត្ត និងព្រះវិសុទ្ធិញ្ញាណ មុំ យយ ព្រះមេគណខេត្តស្វាយរៀងផងដែរ។ក្នុងឱកាសនោះ ឯកឧត្តមហង់ ចាន់ព្រីដា រដ្ឋលេខាធិការក្រសួងធម្មការ និងសាសនាបាននាំមកនូវបណ្ដាំផ្ញើសាកសួរ ពីសំណាស់ សម្ដេចនាយករដ្ឋមន្ត្រី និងលោកជំទាវ បណ្ឌិតប្រគេនព្រះសង្ឃ និងជូនចំពោះលោកតា គណៈកម្មការអាចារ្យទាំងអស់ដែលនិមន្តនិងអញ្ជើញមកទទួលអង្កនៅពេលនេះដោយក្តីនឹករលឹក។ឯកឧត្តមបាន បញ្ជាក់ថា ការប្រគេនអង្កររបស់សម្ដេចនាយករដ្ឋមន្ត្រី និងលោកជំទាវបណ្ឌិត នៅពេលនេះ គឺជាទម្លាប់តែងតែប្រគេនជារៀងរាល់ឆ្នាំ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌនៅទូទាំងប្រទេសតាមរយៈក្រសួង មន្ទីរ និងក្រុមការងារដើម្បីផ្សារភ្ជាប់ក៏ដូចជារួមចំណែកសន្សំកុស ពិសេសរួមសម្រាលដល់វត្តក្នុងការរៀបចង្ហាន់ប្រគេនដល់ព្រះសង្ឃ។ក្នុងឱកាសប្រគេនអង្ករដល់វត្តទាំង១៤ ព្រះវិសុទិ្ទញ្ញាណមុំ សយ ព្រះមេគណខេត្តស្វាយរៀង តំណាងព្រះសង្ឃ និងគណៈកម្មការវត្ត មានសង្ឃដីកា ថ្លែងអំណរគុណយ៉ាងជ្រាលជ្រៅជូនចំពោះសម្ដេចនាយករដ្ឋមន្ត្រី និងលោកជំទាវបណ្ឌិត ដែលតែងតែគិតគូរ និងនាំយកទេយ្យទាន អង្ករ ប្រគេនព្រះសង្ឃចំនួន ១៤វត្ត នៅក្នុងខេត្តស្វាយរៀង សូមបញ្ជាក់ថាអំណោយរបស់សម្ដេចធិបតី នាយករដ្ឋមន្ត្រី និងលោកជំទាវបណ្ឌិត ពេជ្រ ចន្ទ័មុន្នី ប្រគេនព្រះសង្ឃទាំង ១៤ វត្តក្នុងមួយវត្តទទួលបានអង្ករចំនួន ៣០០ គីឡូក្រាម៕

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

អគ្គលេខាធិការអង្គការសហប្រជាជាតិបានអំពាវនាវឱ្យមានបទឈប់បាញ់ជាបន្ទាន់នៅក្នុងតំបន់ Darfur របស់ប្រទេសស៊ូដង់ បន្ទាប់ពីការវាយប្រហារដោយយានដ្រូនកាលពីថ្ងៃសុក្របានសម្លាប់អ្នកបួងសួងជាង៧០ នាក់នៅក្នុងទីក្រុង el-Fasher ដោយបង្ហាញក្ដីបារម្ភធ្ងន់ធ្ងរអំពីស្ថានភាពកាន់តែយ៉ាប់យ៉ឺនយ៉ាងឆាប់រហ័ស ។លោក Antonio Guterres បាននិយាយនៅក្នុងសេចក្តីថ្លែងការណ៍មួយចេញដោយអ្នកនាំពាក្យរបស់លោកកាលពីថ្ងៃសៅរ៍ថា ការប្រយុទ្ធត្រូវតែបញ្ឈប់ឥឡូវនេះ ដោយបានជំរុញឱ្យភាគីសង្រ្គាមចូលរួមក្នុងការសន្ទនា និងផ្តល់ច្រករបៀងមនុស្សធម៌ ទន្ទឹមនឹងសង្រ្គាមស៊ីវិលដ៏ឃោរឃៅបានបំផ្លាញប្រទេសនេះ ក្នុងឆ្នាំទីបីនៃសង្គ្រាម។កងកម្លាំងប្រដាប់អាវុធស៊ូដង់ (SAF) និងមូលដ្ឋានរឹងមាំចុងក្រោយរបស់សម្ព័ន្ធមិត្តរបស់ខ្លួន នៅទូទាំងតំបន់ Darfur។តំបន់នេះ ត្រូវបានស្ថិតនៅក្រោមការឡោមព័ទ្ធអស់រយៈពេលជាងមួយឆ្នាំដោយកងកម្លាំងគាំទ្ររហ័សប៉ារ៉ា (RSF) ដែលបានបើកការវាយលុកជាថ្មីដើម្បីដណ្តើមយកទីក្រុងនេះ ក្នុងប៉ុន្មានសប្តាហ៍ថ្មីៗនេះ។បណ្ដាអង្គការមនុស្សធម៌បានបង្កើនក្ដីបារម្ភអំពីការកើនឡើងនៃភាពអត់ឃ្លាននៅក្នុងទីក្រុង ខណៈមនុស្សរាប់សែននាក់នៅតែជាប់ខ្លួនក្នុងជម្លោះ ដោយមិនមានលទ្ធភាពទទួលបានអាហារ ថ្នាំពេទ្យ និងសម្ភារៈចាំបាច់ផ្សេងទៀត៕

បណ្ដាញសង្គម

ព័ត៌មានថ្មីៗ

ការវាយប្រហារនៅពេលថ្ងៃថ្មីរបស់រុស្ស៊ី បានសម្លាប់មនុស្សច្រើននាក់នៅអ៊ុយក្រែន

សេតវិមានស្វែងរកថវិកាការពារជាតិ១,៥សែនកោដ៍ដុល្លារអាមេរិក ខណៈសង្គ្រាមនៅអ៊ីរ៉ង់ជំរុញការចំណាយ

យន្តហោះដែលត្រូវបានបាញ់ទម្លាក់ បង្កើនហានិភ័យថ្មីសម្រាប់លោកTrump ខណៈទីក្រុងតេអេរ៉ង់ ស្វែងរកអាកាសយានិកអាមេរិកដែលបាត់ខ្លួន

ក្រសួងវប្បធម៌ និងវិចិត្រសិល្បៈ សម្ពោធពិព័រណ៍ទេពកោសល្យ និងស្នាដៃនិស្សិត លើកទី៩

ថ្លៃលក់រាយប្រេងឥន្ធនៈនៅតាមស្ថានីយចាប់ពី ថ្ងៃទី៤ ខែមេសានេះតទៅបន្តហក់ឡើង ខណៈរដ្ឋបន្តបន្ថយអត្រាពន្ធដល់សូន្យ

ឯកឧត្តម ហ៊ុន ម៉ានី៖ សហគ្រិន និងវិស័យឯកជន គឺជាកាតាលីករជំរុញដ៏សំខាន់ និងជាដៃគូមិនអាចខ្វះបានរបស់រាជរដ្ឋាភិបាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

ភ្ញៀវទេសចរជាង ៧ម៉ឺននាក់ ចូលលេងកម្សាន្ត និងស្នាក់នៅលម្ហែក្នុងអំឡុងឱកាសបុណ្យភ្ជុំបិណ្ឌនៅខេត្តព្រះសីហនុ

ទេយ្យទានសម្តេចធិបតី និងលោកជំទាវបណ្ឌិត បានប្រគេនព្រះសង្ឃចំនួន ៣៦វត្ត ក្នុងខេត្តកំពង់ឆ្នាំង

ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ភ្ញៀវទេសចរជាង ៣ម៉ឺន៦ពាន់នាក់ ទស្សនាព្រឹត្ដិការណ៍ថ្ងៃរះចំកំពូលប្រាសាទអង្គរ

ទេយ្យទានសម្តេចធិបតី និងលោកជំទាវបណ្ឌិត បានប្រគេនព្រះសង្ឃចំនួន ៣៦វត្ត ក្នុងខេត្តកំពង់ឆ្នាំង

​​ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង