នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គ.ប.ឆ.ប. ប្រជុំផ្សព្វផ្សាយច្បាប់ស្តីពី «ការប្រឆាំងការឆបោកតាមប្រព័ន្ធបច្ចេកវិទ្យា» ដល់ក្រសួងស្ថាប័ន និងរដ្ឋបាលរាជធានី ខេត្ត
ផ្ទះថ្មី ១២៦ខ្នង រៀបចំពិធីចាប់ឆ្នោតរួចរាល់ត្រៀមប្រគល់ជូនគណៈយុទ្ធមិត្តបម្រើកងទ័ពឆ្នាំ១៩៧៨ នាថ្ងៃស្អែកនេះ
សម្ដេចព្រះមហាសង្ឃរាជ បួរ គ្រី យាងក្នុងពិធីប្រឡងជ្រើសរើសសមណនិស្សិត-និស្សិតចូលរៀនថ្នាក់ឆ្នាំសិក្សាមូលដ្ឋាន
គោលការណ៍រួម ៤ចំណុច ត្រូវបានកំណត់ក្នុងការតែងតាំងឡើងវិញមន្ត្រីរាជការ និងការរៀបចំ​មន្ត្រី​ក្នុងរចនាសម្ព័ន្ធថ្មីរបស់ទីស្តីការគណៈរដ្ឋមន្ត្រីក្រសួង ស្ថាប័នរដ្ឋ

ព័ត៌មានជាតិ

សម្តេចកិត្តិសង្គហបណ្ឌិត ម៉ែន សំអន អញ្ជើញសួរសុខទុក្ខ ព្រះសង្ឃ ប្រជាពលរដ្ឋ និងកងកម្លាំងមិនប្រដាប់អាវុធ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ

2025/09/24 12:32:26 pm        150
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា បានអញ្ជើញសួរសុខទុក្ខ ព្រះសង្ឃ ប្រជាពលរដ្ឋ និងកងកម្លាំងមិនប្រដាប់អាវុធ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នាព្រឹកថ្ងៃទី២៤ ខែកញ្ញា ឆ្នាំ២០២៥។ សូមបញ្ជាក់ថា ស្ថានភាពនៅតំបន់ភូមិព្រៃចាន់ ឃុំអូរបីជាន់ គិតត្រឹមថ្ងៃទី២៤ ខែកញ្ញា ឆ្នាំ២០២៥ បន្តមានភាពស្ងប់ស្ងាត់។ ប្រជាពលរដ្ឋក្មេងចាស់ប្រុសស្រី និងព្រះសង្ឃ បន្តមកមើលទីតាំង និងនាំយកនូវអំណោយ នំនែក ភេសជ្ជៈ អាហារសម្រន់ផ្សេងៗ ចេញពីទឹកចិត្តរៀងៗខ្លួន យកមកដល់ជូនកងទ័ព និងពលរដ្ឋនៅភូមិព្រៃចាន់។រូបថត៖ ទទក

កម្ពុជា-ថៃប្រកាសថា រាល់សកម្មភាពដោះមីនមនុស្សធម៌មិនត្រូវធ្វើឱ្យប៉ះពាល់ដល់ការវាស់វែង និងខ័ណ្ឌសីមាព្រំដែនគោករវាងប្រទេសទាំងពីរឡើយ

2025/09/24 11:59:44 am        360
Facebook Telegram Linkin
កិច្ចប្រជុំលើកទី១ របស់ក្រុមការងារសម្របសម្រួលចម្រុះ (Joint Coordinating Task Force - JCTF) កម្ពុជា-ថៃ លើកិច្ចការងារដោះមីនមនុស្សធម៌តាមបណ្តោយព្រំដែនកម្ពុជា-ថៃ បានប្រព្រឹត្តទៅតាមប្រព័ន្ធ VTC នៅព្រឹកថ្ងៃទី២៤ ខែកញ្ញា ឆ្នាំ២០២៥ និងបានបញ្ចប់នៅម៉ោង ១០ និង៤០ នាទី។ នេះបើតាមលោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា។ក្នុងកិច្ចប្រជុំនេះ ភាគីទាំងពីរបានធ្វើការប្រកាសសមាសភាពក្រុមការងារ និងបានធ្វើការផ្លាស់ប្តូរឯកសារនិយាមនីតិវិធីប្រតិបត្តិ (SOP) សម្រាប់ដំណើរការការងាររបស់ក្រុមការងារសម្របសម្រួលចម្រុះ (JCTF) កម្ពុជា-ថៃ។ ក្នុងកិច្ចប្រជុំនេះ សហប្រធានភាគីកម្ពុជានៃក្រុមការងារសម្របសម្រួលចម្រុះ (JCTF) ក៏បានបញ្ជាក់ផងដែរថា រាល់សកម្មភាពដោះមីនមនុស្សធម៌មិនត្រូវធ្វើឱ្យប៉ះពាល់ដល់ការវាស់វែង និងខ័ណ្ឌសីមាព្រំដែនគោករវាងប្រទេសទាំងពីរឡើយ ដែលកិច្ចការងារព្រំដែននេះស្ថិតក្រោមសមត្ថកិច្ចរបស់គណៈកម្មការចំរុះព្រំដែន (JBC) កម្ពុជា-ថៃ ។គួររំលឹកផងដែរថា កិច្ចប្រជុំនេះត្រូវបានធ្វើឡើងស្របតាមស្មារតីនៃលទ្ធផលកិច្ចប្រជុំពិសេសលើកទី១ របស់គណៈកម្មាធិការព្រំដែនទូទៅ (GBC) កាលពីថ្ងៃទី១០ ខែកញ្ញា ឆ្នាំ២០២៥ នៅខេត្តកោះកុង ព្រះរាជាណាចក្រកម្ពុជា។

UN សាទរដល់កម្ពុជាក្លាយជាប្រទេសស្ថាបនិក ក្នុងចំណោមប្រទេសចំនួន៦០លើការផ្តល់សច្ចាប័នជាផ្លូវការលើកិច្ចព្រមព្រៀងស្តីពីការអភិរក្ស និងការប្រើប្រាស់ជីវៈចម្រុះសមុទ្រ (BBNJ)

2025/09/24 11:55:56 am        420
Facebook Telegram Linkin
ប្រទេសកម្ពុជាក្លាយជាសមាជិករដ្ឋភាគីដំបូងគេមួយ ដែលបានផ្តល់សច្ចាប័នជាផ្លូវការលើកិច្ចព្រមព្រៀង ស្តីពីការអភិរក្ស និងការប្រើប្រាស់ជីវៈចម្រុះសមុទ្រ ប្រកបដោយចីរភាពនៅក្រៅដែនយុត្តាធិការជាតិ (BBNJ) ក្រោមអនុសញ្ញាសហប្រជាជាតិ ស្តីពីច្បាប់សមុទ្រ នៅថ្ងៃទី៦ ខែកញ្ញា ឆ្នាំ២០២៥ និងបានក្លាយជាប្រទេសទី ៥៦ ក្នុងចំណោមប្រទេស៦០ ដំបូងគេ ដែលបានផ្តល់សច្ចាប័នទទួលស្គាល់កិច្ចព្រមព្រៀងនេះ។ នៅថ្ងៃទី២៣ ខែកញ្ញា ឆ្នាំ២០២៥ ម៉ោងនៅទីក្រុងញូវយ៉ក សហរដ្ឋអាមេរិក ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាតំណាងដ៏ខ្ពង់ខ្ពស់ សម្តេមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំប្រតិភូជាន់ខ្ពស់របស់រាជរដ្ឋាភិបាលកម្ពុជា ចូលរួមក្នុងពិធីអបអរសាទរ និងការចូលរួមរបស់កម្ពុជា ជាមួយប្រទេសប្រទេសឈានមុខគេ របស់អង្គការសហប្រជាតិ ក្នុងកិចច្ចព្រមព្រៀងដ៏សំខាន់នេះ។ ព្រឹត្តិការណ៍ដ៏សំខាន់នេះ បានប្រព្រឹត្តទៅស្របជាមួយសប្តាហ៍ពិសេសជាន់ខ្ពស់ នៃមហាសន្និបាតអង្គការសហប្រជាជាតិលើកទី៨០ នៅទីក្រុងញូវយ៉ក សហរដ្ឋអាមេរិក ដោយមានវត្តមានមេដឹកនាំនៃបណ្តាប្រទេសរដ្ឋភាគី នៃអង្គការសហប្រជាជាតិ ប្រមុខរាជរដ្ឋាភិបាល រដ្ឋាភិបាល ដៃគូអភិវឌ្ឍន៍ និងអ្នកពាក់ព័ន្ធជាច្រើនមកពីជុំវិញពិភពលោក។ ឯកឧត្តមបណ្ឌិត អ៊ាង សុផល្លែត មានប្រសាសន៍ពីមោទកភាពរបស់កម្ពុជា នៅលើឆាកអន្តរជាតិក្នុងកិច្ចខិតខំប្រឹងប្រែងចូលរួមជាមួយសហគមន៍អន្តរជាតិ ដោះស្រាយបញ្ហាបរិស្ថានសកល ជាពិសេសការប្តេជ្ញាចិត្តរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានាពេលបច្ចុប្បន្ន ដែលនាំសុខសន្តិភាព និងការបង្រួមបង្រួមជាតិ និងបានដឹកនាំកម្ពុជាឆ្ពោះទៅការអភិវឌ្ឍន៍ប្រកបដៅយចីរភាព និងការដឹកនាំរាជរដ្ឋាភិបាលកម្ពុជា នីតិកាលទី៧ នៃរដ្ឋសភា ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានបន្តដឹកនាំប្រទេសឆ្ពោះទៅសម្រេចទស្សនវិស័យឆ្នាំ២០៥០ កម្ពុជាមានការអភិវឌ្ឍជឿនលឿន និងជាប្រទេសអព្យាក្រឹតកាបូន។ ជាមួយគ្នានេះ សម្តេចមហាបវរធិបតី ហ៊ុន ម៉ាណែត បានដឹកនាំឱ្យប្រទេសកម្ពុជា ក្លាយជាសមាជិករដ្ឋភាគីដំបូងគេមួយ ដែលបានផ្តល់សច្ចាប័នជាផ្លូវការលើកិច្ចព្រមព្រៀង ស្តីពីការអភិរក្ស និងការប្រើប្រាស់ជីវៈចម្រុះសមុទ្រ ប្រកបដោយចីរភាពនៅក្រៅដែនយុត្តាធិការជាតិ (BBNJ) ដែលឆ្លុះបញ្ចាំងពីការគាំទ្ររបស់កម្ពុជាលើការការពារជីវៈចម្រុះសមុទ្រ និងការធានាការប្រើប្រាស់ដោយសមភាព និងនិរន្តរភាពនៃធនធានសមុទ្រនៅក្នុងតំបន់ក្រៅដែនយុត្តាធិការជាតិ។សូមបញ្ជាក់ កម្ពុជាបានចុះហត្ថលេខាលើកិច្ចព្រមព្រៀង BBNJ នៅក្នុងសន្និសីទអង្គការសហប្រជាជាតិស្តីពីមហាសមុទ្រលើកទី៣ នៅទីក្រុងនីស ប្រទេសបារាំង នៅថ្ងៃទី៩ ខែមិថុនា ឆ្នាំ២០២៥។ ជាលទ្ធផល កម្ពុជាបានផ្តល់សច្ចាប័ននៅថ្ងៃទី ៦ ខែកញ្ញា ឆ្នាំ២០២៥ ក្លាយជាសមាជិកស្ថាបនិកមួយនៃកិច្ចព្រមព្រៀងនេះ។ កិច្ចព្រមព្រៀងស្តីពីការអភិរក្ស និងការប្រើប្រាស់ប្រកបដោយនិរន្តរភាពនៃជីវចម្រុះនៅក្នុងតំបន់លើសពីយុត្តាធិការជាតិ (BBNJ) ដែលត្រូវបានគេស្គាល់ថាជាកិច្ចព្រមព្រៀងសមុទ្រខ្ពស់ គឺជាឯកសារផ្លូវច្បាប់ដ៏លំបាកបំផុតមួយ ក្នុងការចរចានៅអង្គការសហប្រជាជាតិ (UN) នាពេលកន្លងមក។ តាមរយៈកិច្ចព្រមព្រៀងនេះ កម្ពុជានឹងទទួលបានអត្ថប្រយោជន៍ជាច្រើនរួមមាន ការលើកកម្ពស់កិត្តិយសជាតិលើឆាកអន្តរជាតិតាមរយៈការពង្រីកកិច្ចសហប្រតិបត្តិការស្មើមុខស្មើមាត់ក្នុងការចូលរួមគ្រប់គ្រង អភិរក្សធនធាន សមុទ្រនិងការប្រើប្រាស់ជីវៈចម្រុះសមុទ្រប្រកបដោយចីរភាពនៅក្រៅផែនយុត្តាធិការជាតិ សម្រាប់បច្ចុប្បន្ននិងអនាគត។ ការការពារ និងការអភិរក្សបរិស្ថានសមុទ្រក្នុងក្របខ័ណ្ឌនៃអនុសញ្ញាសហប្រជាជាតិស្តីពីច្បាប់សមុទ្រ ព្រមទាំងកិច្ចសហប្រតិបត្តិការនិងការសម្របសម្រួលក្នុងការគ្រប់គ្រងតំបន់ក្រៅដែនយុត្តាធិការជាតិ រួមទាំងតំបន់ការពារធម្មជាតិសមុទ្រដោយមានភាគីពាក់ព័ន្ធនានាចូលរួមរួមទាំងក្រុមអន្តរវិស័យថ្នាក់ជាតិ ថ្នាក់តំបន់ និងសកល៕

សម្ដេចធិបតីថ្លែងអំណរគុណអាជ្ញាធរ និងពលរដ្ឋប្រារព្ធពិធីភ្ជុំបិណ្ឌដោយភាពអធិកអធម សប្បាយ​រីករាយ

2025/09/24 11:49:15 am        201
Facebook Telegram Linkin
សម្ដេចមហាបវរធីបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅព្រឹកថ្ងៃទី២៤ ខែកញ្ញា ឆ្នាំ​២០២៥​នេះ បានផ្ញើសារថ្លែងអំណរគុណដល់អាជ្ញាធរគ្រប់លំដាប់ថ្នាក់ និងបង​ប្អូន​ប្រជា​ពលរដ្ឋ​ទូទាំង​ប្រទេស​ប្រទេសដែលបានប្រារព្ធពិធីបុណ្យកាន់បិណ្ឌ និងភ្ជុំបិណ្ឌ ប្រកបដោយ​ភាព​អធិក​អធម សប្បាយរីករាយ និងសុខសុវត្ថិភាព។សម្ដេចធិបតី នាយករដ្ឋមន្រ្ដី បានវាយតម្លៃខ្ពស់ចំពោះមន្រ្ដីរាជការគ្រប់លំដាក់ថ្នាក់ កម្លាំង​សមត្ថកិច្ច និងអ្នកពាក់ព័ន្ធទាំអស់ដែល​នៅ​ប្រចាំ​ការ​បម្រើ​ការពារ​សុខ​សុវត្ថិភាព​ជូន​បង​ប្អូន​ប្រជា​ពលរដ្ឋ​នៅក្នុងអំឡុងនៃការប្រារព្ធពិធីបុណ្យភ្ជុំបិណ្ឌនេះ។ សម្ដេចធិបតី បានថ្លែងអំណរគុណចំពោះ មន្រ្តីរាជការ អាជ្ញាធរដែនដីគ្រប់លំដាប់ថ្នាក់ កង​កម្លាំង​គ្រប់​ប្រភេទ និងកម្លាំងស្ម័គ្រចិត្តគ្រប់ស្ថាប័ន-អង្គភាពពាក់ព័ន្ធ ព្រមទាំងលោកតាលោកយាយ អ៊ំពូមីង បងប្អូនទូទាំងប្រទេស ដែលបានចូលរួមប្រារព្ធពិធីបុណ្យកាន់បិណ្ឌ ភ្ជុំបិណ្ឌ ឱ្យប្រ​ព្រឹត្ត​ទៅ​ប្រកប​ដោយ​ភាពអធិកអធម សប្បាយរីករាយ សុខសុវត្ថិភាព និងសណ្ដាប់​ធ្នាប់​សាធារណៈ​ល្អ​ប្រសើរ​ ព្រមទាំងជាការលើកតម្កើង និងថែរក្សាវប្បធម៌ ប្រពៃណី ទំនៀមទម្លាប់​ជាតិ​ខ្មែរ​យើង​ឱ្យ​បាន​ឋិត​ថេរ​គង់វង្សតរៀងទៅ។ ក្រៅពីការថ្លែង​អំណរគុណដល់បងប្អូនប្រជាពលរដ្ឋ និងអាជ្ញាធរគម្រប់លំដាប់ថ្នាក់ តាមរយៈ​សារ​ពិសេស​ផ្ញើ​ជូន​ជនរួមជាតិកម្ពុជា «ក្នុងឱកាសនៃពិធីបុណ្យភ្ជុំបិណ្ឌប្រពៃណីជាតិខ្មែរ» កាលពី​នៅថ្ងៃ​ទី​២១ កញ្ញា ២០២៥នេះ សម្តេចមហាបវរធិបតី នាយករដ្ឋមន្ត្រីក៏​បាន​អំពា​វ​នាវ​យ៉ាង​ទទូច​ដល់​បង​ប្អូន​ប្រជា​ពលរដ្ឋ​ទាំង​អស់​ប្រកាន់​ខ្ជាប់​នូវ​ការ​គោរព​ច្បាប់​ចរាចរណ៍​ផ្លូវ​គោក​ដើ​ម្បី​រក្សា​សុវត្ថិភាព​ក្នុង​ពេលធ្វើដំណើរនៅតាមដងផ្លូវទាំងអស់គ្នា។ជាការយកចិត្តទុក​ដាក់ចំពោះសុខទុក្ខរបស់បងប្អូនប្រជាពលរដ្ឋ ដូចរៀងរាល់ឆ្នាំដែរ ក្នុងឱកាស​ពិធី​បុណ្យ​ភ្ជុំ​បិណ្ឌសម្ដេចធិបតី នាយករដ្ឋមន្រ្ដីបា​ន​ផ្ដល់​សេវា​ដឹក​ជញ្ជូន​សាធារណៈ​រថយន្ត​ក្រុង​ជិត​៦០០​គ្រឿង ដោយមិនបង់ប្រាក់រយៈពេល៦ថ្ងៃ ចាប់ពីថ្ងៃទី២០ដល់ថ្ងៃទី២៥ ខែកញ្ញា ឆ្នាំ​២០២៥ សម្រាប់បងប្អូនប្រជាពលរដ្ឋធ្វើដំណើរទៅស្រុកកំណើត និងត្រលប់មកភ្នំពេញវិញ។ នេះ​គឺ​ជា​ការ​យក​ចិត្ត​ទុក​ដាក់​ខ្ពស់​ពី​សំណាក់​រាជ​រដ្ឋាភិបាល​តាំង​ពី​អាណត្តិ​មុ​​ន​ក្រោម​ការ​ដឹក​នាំ​ដោយ​សម្ដេច​តេជោ ហ៊ុន សែន រហូតដល់អាណត្តិទី៧​នេះ​ក្រោម​ការ​ដឹកនាំ​ដោយ​សម្ដេច​ធិបតី​ដើម្បី​ជួយ​សម្រួល​ដល់​ការ​ចំណាយរបស់បងប្អូនប្រជាពលរដ្ឋ៕

រយៈពេលបីថ្ងៃនៃពិធីបុណ្យភ្ជុំបិណ្ឌ ប្រជាពលរដ្ឋ​ជាច្រើន​នាក់​បាន​ទាក់​ទង​ក្រសួង​ការងារ​ដើម្បី​ស្វែង​រក​ការងារ

2025/09/24 11:39:25 am        196
Facebook Telegram Linkin
អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ក្នុង​អំឡុង​ថ្ងៃ​ឈប់​សម្រាក​នៃ​ពិធី​បុណ្យ​ភ្ជុំបិណ្ឌរយៈពេល៣ថ្ងៃកន្លងទៅនេះ ឃើញមានប្រជាពលរដ្ឋ​ជា​ច្រើន​នាក់​បាន​ទាក់​ទង​មក​កាន់​ក្រសួងតាមរយៈប្រព័ន្ធ Hotline លេខ ១២៩៧ ដើម្បីស្វែងរកការងារធ្វើ ខណៈ​ដែល​ឱកាស​ការងារ​ក្នុងស្រុកនៅសល់រាប់ម៉ឺនកន្លែងបន្ថែមទៀតកំពុងរង់ចាំ។ លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី២៤ ខែ​កញ្ញា​នេះ​បានមានប្រសាសន៍ប្រាប់ព័ត៌មានប៊ីធីវីឱ្យដឹងថា គិតត្រឹមចុងសប្តាហ៍កន្លងទៅ ឱកាស​ការ​ងារ​នៅ​កម្ពុជា​ប្រមាណជាង ៨ម៉ឺនកន្លែងផ្សេងទៀត តាមរយៈរោងចក្រ សហគ្រាស ក្រុមហ៊ុន ដែល​មាន​ចុះបញ្ជីជាមួយក្រសួងការងារ ប៉ុន្តែឱកាសការងារ​ទាំង​នេះ​មិន​ទាន់​រាប់​បញ្ចូល​ឱកាស​ការងារ​តាម​វិស័យ​ផ្សេងៗ​ដែល​មិន​ទាន់​បាន​ចុះ​បញ្ជី​រៀប​រយ​ជាមួយ​ស្ថាប័ន​រាជ​រដ្ឋាភិបាល​នៅ​ឡើយ​ទេ ​ក៏ដូចជាសហគ្រាសធុនតូច និងមធ្យម និងអាជីវកម្មគ្រួសារផ្សេងៗទៀតផងដែរ។ លោកបានបន្តថា បច្ចុប្បន្ននេះឱកាសការងារនៅកម្ពុជាបន្តមានច្រើន ហើយ​ទន្ទឹម​នេះ​ក្រសួង​ក៏​សូម​អំពាវ​នាវ​ដល់​ប្រជាពលរដ្ឋ ជាពិសេសពលរដ្ឋត្រឡប់មកពីប្រទេសថៃ បន្ទាប់​ពី​ភ្ជុំបិ​ណ្ឌ​រួច​ហើយ​ សូមអញ្ជើញទាក់ទងទៅកាន់លេខ ១២៩៧ របស់ក្រសួងការងារ ដែលរង់ចាំក្នុ​ង​ការ​ផ្តល់​ការ​ងារ និងស្វែងរកការងារថ្មីជូន ខណៈទាំងលេខ១២៩៧ ក៏ដូចជាតាមរយៈបណ្តាញសង្គម និង​ផេក​ផ្លូវ​ការ​នានា​របស់​ក្រសួង​ការងារទាំងអស់ គឺរង់ចាំឆ្លើយតប៧ថ្ងៃ ក្នុងមួយសប្តាហ៍ ដើម្បី​ធ្វើ​យ៉ាង​ណាស្វែ​ង​រកការងារ ដើម្បីដោះស្រាយបញ្ហាជីវភាព។អ្នកនាំពាក្យរូបនេះ ក៏បានបន្តអំពាវនាវជាថ្មីដល់ប្រជាពលរដ្ឋមួយចំនួន សូម​កុំ​ធ្វើ​ចំណាក​ស្រុក​ដោយ​​ខុស​ច្បាប់ទៅប្រទេសថៃបន្តទៀត ដោយគួរស្វែងរកការងារក្នុងស្រុកវិញល្អជាង ខណៈ​នៅ​សល់​ការងារជាច្រើនម៉ឺនកន្លែងទៀតកំពុងរង់ចាំ។គិតត្រឹមថ្ងៃទី១៩ ខែកញ្ញា ឆ្នាំ២០២៥ ឱកាសការងារនៅសល់ចំនួនជាង ៨ម៉ឺន ៤​ពាន់​កន្លែង​ទៀត ​នូវរង់ចាំប្រជាពលរដ្ឋខ្មែរត្រឡប់មកពីប្រទេសថៃ និងប្រជា​ពលរដ្ឋ​ដែល​កំពុង​ស្វែង​រក​ការ​ងារ​ធ្វើ​។ ​ឱកាសការងារទាំងនោះ ស្ថិតនៅក្នុងវិស័យកសិកម្ម, ឧស្សាហកម្ម និងសេវាកម្ម។ ក្នុងនោះ សម្រាប់​នៅ​រាជធានីភ្នំពេញ មានឱកាសការងារច្រើនជាងគេរហូតដល់ជិត ៣ម៉ឺនកន្លែង បន្ទាប់​មក​ខេត្ត​កំព​ង់​ស្ពឺជាង ២ម៉ឺនកន្លែង, ខេត្តកណ្ដាលចំនួនជាង ៩ពាន់កន្លែង, ខេត្តតាកែវជាង ៦ពាន់​កន្លែង​, ខេត្តស្វាយរៀងជាង ៥ពាន់កន្លែង និងព្រះសីហនុចំនួនជាង ៣ ២០០កន្លែង៕ អត្ថបទ៖ ឈិត បូរ៉ាវី 

ឯកឧត្តម ហេង សួរ ដឹកនាំគណៈប្រតិភូក្រសួងក្រសួងការងារ ចូលរួមដាក់​ក្រពុំបិណ្ឌផ្កា​ឈូក​គោរព​​រដ្ឋធម្មនុញ្ញកម្ពុជា (លើកទី១) ក្នុងឱកាសរំលឹកខួប៣២ឆ្នាំ “ទិវាប្រកាសរដ្ឋធម្មនុញ្ញ”

2025/09/24 11:26:06 am        240
Facebook Telegram Linkin
នាព្រឹកថ្ងៃទី២៤ ខែកញ្ញា ឆ្នាំ២០២៥នេះ ឯកឧត្តម ហេង សួរ រដ្ឋមន្ត្រីក្រសួងការងារ និង​បណ្តុះ​បណ្តាល​វិជ្ជាជីវ: បានអញ្ជើញដឹកនាំគណៈប្រតិភូ​ក្រសួងចូលរួមដាក់​ក្រពុំបិណ្ឌ​ផ្កាឈូ​ក​គោរព​រដ្ឋ​ធម្ម​នុញ្ញ​កម្ពុជាជាលើកទី១ ក្នុងឱកាសរំលឹកខួប៣២ឆ្នាំ “ទិវាប្រកាសរដ្ឋធម្មនុញ្ញ” នៅនីតិ​បូជនីយ​ដ្ឋាន​ វិមានរដ្ឋធម្មនុញ្ញ នាសួនច្បារខាងលិចវិមានឯករាជ្យ។ ពិធីប្រវត្តិសាស្ត្រដ៏មានអត្ថន័យនេះ អញ្ជើញចូលរួមដោយគណៈប្រតិភូក្រសួង រដ្ឋលេខាធិការដ្ឋាន ស្ថាប័ន​និង​រដ្ឋបាលរា​ជធានី​ភ្នំពេញ​ទាំង​៦៤​ស្ថាប័​ន​ដោយ​មាន​ថ្នាក់ដឹកនាំគ្រប់លំដាប់​ថ្នាក់​បាន​បង្ហាញ​ពី​ក្តីគោរព និងការចងចាំចំពោះ “ទិវាប្រកាសរដ្ឋធម្មនុញ្ញ” ដែលកម្ពុជាតែងតែប្រកាន់ខ្ជាប់ និងថែរក្សានូវតម្លៃនៃសន្តិភាព សិទ្ធិ និងប្រជាធិបតេយ្យសម្រាប់ប្រទេស និងប្រជាជនកម្ពុជា៕

ភ្ញៀវទេសចរជាតិជាង ១៣ម៉ឺននាក់ បានមកលេងខេត្តកំពង់ឆ្នាំងក្នុងឱកាសបុណ្យភ្ជុំបិណ្ឌ៣ថ្ងៃ ឆ្នាំ២០២៥នេះ

2025/09/24 11:21:08 am        508
Facebook Telegram Linkin
កំពង់ឆ្នាំង៖ លោក នូ ផល្គុណ អនុប្រធានមន្ទីរទេសចរណ៍ខេត្តកំពង់ឆ្នាំងនៅរសៀលថ្ងៃទី២៤ ខែ​កញ្ញា ឆ្នាំ២០២៥នេះបានបញ្ជាក់អោយដឹងថា ក្នុងបុណ្យភ្ជុំបិណ្ឌឆ្នាំ២០២៥នេះ ខេត្តកំពង់ឆ្នាំង ទទួល​បាន​ភ្ញៀវទេសចរជាតិមកកម្សាន្ត​ប្រមាណជាង ​១៣ម៉ឺននាក់ ក្នុងនោះមានទេសចរណ៍​អន្តរជាតិ​មាន​ចំនួន ១៩៤នាក់ផងដែរ ។លោកបានបន្តថា ក្នុងរយៈពេល៣ថ្ងៃនៃពីធីបុណ្យភ្ជុំបិណ្ឌប្រពៃណីខ្មែរឆ្នាំ២០២៥នេះ មាន​ប្រជា​ពលរដ្ឋ​មក​ពីតាមបណ្តាខេត្ត និងរាជធានីភ្នំពេញ បានមកលេងតាមវត្តអារាម និងទី​រមណីយ​ដ្ឋាន​នានា​ក្នុង​ខេត្តកំពង់ឆ្នាំងសរុបប្រមាណជាង ១៣ម៉ឺននាក់ ក្នុងនោះមានភ្ញៀវទេសចរ​បរទេស​ចំនួន​ ១៩៤​នាក់​ផង​ដែរ។ កត្តាមានកំណើនភ្ញៀវកើនឡើងវិញបែបនេះ ដោយសារខេត្តកំពង់​ឆ្នាំង​រក្សា​បាន​នូវ​សន្តិសុខសណ្តាប់ធ្នាប់បានល្អប្រសើរ ជាពិសេសប្រទេស​កម្ពុ​ជាមាន​សុខ​សន្តិភាព​ពេញ​លេញ ​មិនមានជម្លោះផ្ទៃក្នុងផងនោះ បាននាំអោយទេសចរជាតិ អន្តរជាតិ បានកើនឡើង​វិញ​គួរ​អោយ​កត់​សម្គាល់។ទោះជាភ្ញៀវទេសចរបានកើនឡើងក៏ពិតមែន ក៏ប៉ុន្តែមន្ទីរទេសចរណ៍ខេត្តកំពង់ឆ្នាំង នៅបាន​ជំរុញ​អោយ​តាម​សហគមន៍ និងរមណីដ្ឋាននានា ត្រូវយកចិត្តទុកដាក់លើសេវាកម្មទាំងម្ហូបអារហារ ការ​ស្នាក់​នៅ ផ្លូវធ្វើដំណើរ និងអនាម័យបរិស្ថានអោយបានល្អស្អាត ដោយត្រូវគិតគូរពីសុខសុវត្ថិភាព និង​សុខុមាលភាពភ្ញៀវទេសចរជាដាច់ខាត ។ ចំណែកចំណតរថយន្ត ម៉ូតូ ក៏ត្រូវមានតម្លៃសមរម្យ មិន​ត្រូវយកថ្លៃលើសការកំណត់របស់មន្ទីរឡើយ៕ កាំង ហុងវាស្នា

ឯកឧត្តម កើត រិទ្ធ អញ្ជើញដឹកនាំសមាជិកនៃឧត្តមក្រុមប្រឹក្សានៃអង្គចៅក្រម ចូលរួមដាក់ក្រពុំបិណ្ឌផ្កាឈូកគោរពរដ្ឋធម្មនុញ្ញ

2025/09/24 11:15:40 am        133
Facebook Telegram Linkin
ភ្នំពេញ៖ នៅព្រឹកថ្ងៃពុធ ២កើត ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែកញ្ញា ឆ្នាំ២០២៥, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាសមាជិកទី១ នៃសមាជិកឧត្តមក្រុមប្រឹក្សានៃអង្គចៅក្រម បានអញ្ជើញដឹកនាំគណៈប្រតិភូ នៃឧត្តមក្រុមប្រឹក្សានៃអង្គចៅក្រម ចូលរួមដាក់ក្រពុំបិណ្ឌផ្កាឈូកគោរពរដ្ឋធម្មនុញ្ញ នៃព្រះរាជាណាចក្រកម្ពុជា (លើកទី១) រំលឹកខួប ៣២ឆ្នាំ នៃទិវាប្រកាសរដ្ឋធម្មនុញ្ញ នៅនីតិបូជនីយដ្ឋាន វិមានរដ្ឋធម្មនុញ្ញ នាសួនច្បារខាងលិចវិមានឯករាជ្យ។

ទឹកជំនន់នៅស្រុកកោះញែកចាប់ផ្តើមស្រកទៅវិញ ខណៈ​អាជ្ញាធរ​ចុះ​ជួយ​ប្រជាពលរដ្ឋ​បាន​ទាន់​ពេល​វេលា

2025/09/24 11:12:20 am        355
Facebook Telegram Linkin
មណ្ឌលគិរី៖ ទឹកជំនន់ដែល​បាន​ជន់​លិច​ស្រុក​កោះញែ​ក​ក្នុង​រយៈ​ពេល​ប៉ុន្មាន​ថ្ងៃ​ចុង​ក្រោយ​នេះ​បាន​ចាប់​ផ្តើម​ស្រក​ទៅវិញបណ្តើរៗហើយនៅព្រឹកថ្ងៃទី២៤ ខែកញ្ញានេះ ខណៈប្រជាពលរដ្ឋ​មួយ​ចំនួន​ក៏​អាច​វិលត្រឡប់ទៅផ្ទះសម្បែងវិញបាន ។ លោក សី ទូច អភិបាលស្រុកកោះញែកបានបញ្ជាក់ថា ទឹកជំនន់នេះ​កើត​ឡើង​ដោយ​សារ​ភ្លៀង​ធ្លាក់​ជាប់​ៗ​គ្នាជាច្រើនថ្ងៃក្នុងខេត្តមណ្ឌលគិរី ដែលធ្វើឱ្យកម្ពស់ទឹកទន្លេស្រែពកឡើងខ្ពស់ ហើយ​ស្រុក​កោះ​ញែក​ដែលនៅជាប់នឹងទន្លេក៏រងផលប៉ះពាល់យ៉ាងខ្លាំង ។ យ៉ាងណាក៏ដោយ លោក​បាន​បញ្ជាក់​ថា មិនមានប្រជាពលរដ្ឋណាម្នាក់រងគ្រោះថ្នាក់ដល់អាយុជីវិតនោះទេ ដោយសារ​អាជ្ញាធរ​បាន​ជម្លៀសពួកគាត់ទៅកាន់ទីទួលសុវត្ថិភាពបានទាន់ពេលវេលា ។ មកទល់ពេលនេះ គេ​នៅ​មិនទាន់អាចវាយតម្លៃពីទំហំនៃការខូចខាតសរុបបាននៅឡើយទេ ព្រោះ​ទឹក​មិន​ទាន់​ស្រក​អស់​ទាំង​ស្រុង ដែលធ្វើឱ្យការពិនិត្យមិនទាន់អាចធ្វើទៅបានគ្រប់ជ្រុងជ្រោយ។លោក សី ទូច បានប្រាប់ពីផលប៉ះពាល់បឋមដោយសារជំនន់ទឹកភ្លៀងគិតត្រឹមថ្ងៃទី២០ ដល់​ថ្ងៃ​ទី​២៣ ​ខែកញ្ញា ឆ្នាំ២០២៥ មានចំនួន ៦ឃុំ ដែលរងផលប៉ះពាល់ ។ ក្នុងនោះ ឃុំណង​ឃី​លិក​មាន​ផ្លូវ​ចំនួន ៤កន្លែងត្រូវបានលិចទឹក ដែលមានប្រវែងប្រហែល ១,០៨០ម៉ែត្រ ។ ឃុំអរបួន​លើ​មា​នផ្លូវទូទាំងឃុំត្រូវបានលិចទឹក និងប៉ះពាល់ផ្ទះប្រជាពលរដ្ឋចំនួន ១៥៥ខ្នង ស្មើនឹង ១៨០​គ្រួសារ ។ ឃុំរយ៉មានផ្លូវចំនួន ២ខ្សែ ប្រវែង ៨០០ម៉ែត្រ និងប៉ះពាល់ផ្ទះចំនួន ១០០ខ្នង ។ឃុំសុខសាន្តមានផ្លូវសរុបទូទាំងឃុំប្រវែង ៣,៥០០ម៉ែត្រត្រូវបានលិច សាលា​បឋម​សិក្សា​សុខ​សាន្ត​ក៏​រងផលប៉ះពាល់ ។ ទំនប់អូរវល់ក្នុងភូមិស្រែធំត្រូវបានខូចខាតទាំងស្រុង រីឯទំនប់អូរណំ​ក្នុង​ភូមិ​ក្តង់​ឡែវិញ ទឹកបានហូរច្រោះលើខ្នងទំនប់ទាំងស្រុង ១,៤០០ម៉ែត្រ ។ ឃុំស្រែហ៊ុយ​មាន​ផ្លូវ​សរុប​ប្រវែង ៥,៥០០ម៉ែត្រត្រូវបានលិចទឹក ។ ចំណែកឯឃុំស្រែសង្គមវិញ វត្តចំនួន ២ គឺវត្តគិរីរម្យ និង​វត្តរតនមណ្ឌលរង្សី រងផលប៉ះពាល់ ។ សាលាបឋមសិក្សាហ៊ុន សែនកោះញែ​ក​ក៏​ត្រូវ​បាន​លិច​ទឹក​ផងដែរ។ ផ្លូវលំឃុំជាប់មាត់ច្បារ និងផ្លូវគម្រោងមន្ទីរអភិវឌ្ឍន៍ក៏ត្រូវបានជន់លិច និងផ្ទះប្រជា​ពលរដ្ឋ​ចំនួន ១៥ខ្នងត្រូវបានជម្លៀសទៅកាន់ទីទួលសុវត្ថិភាព ។កម្លាំងនគរបាលខេត្តមណ្ឌលគិរីដឹកនាំដោយលោកឧត្តមសេនីយ៍ទោ ឡោ សុខា ស្នង​ការ​នគរបាល​ខេត្ត កាលពីម្សិលមិញ​ក៏​បាន​ចុះទៅ​ពិនិត្យ​ស្ថានភាព​ទឹកជំនន់​ និង​ជួយ​សង្គ្រោះ​ប្រជា​ពលរដ្ឋ​ដែល​រងផលប៉ះពាល់នៅភូមិចំនួន ៤ ក្នុងស្រុកកោះញែក រួមមាន៖ ភូមិអន្ទ្រេះ ភូមិ​អរ​បួន​លើ ភូមិឈូល ភូមិស្រែសង្គម និងឃុំស្រែហ៊ុយ ។ លោក​ឧត្តម​សេនីយ៍​ស្នង​ការបាន​ជំរុញ​ឱ្យ​អធិការ​ស្រុក​ និងប៉ុស្តិ៍នគរបាលរដ្ឋបាល បន្តយកចិត្តទុកដាក់លើសុវត្ថិភាពប្រជាពលរដ្ឋ និង​ត្រៀម​ជួយ​សង្គ្រោះពួ​កគាត់ទៅកាន់ទីទួលសុវត្ថិភាព ព្រមទាំងដោះស្រាយបញ្ហា​ចាំបាច់​មួយ​ចំនួន​ឱ្យ​បាន​ទាន់​ពេល​វេលា​៕ អត្ថបទ៖ អ៊ិត ភីរុណ

អ្នកជំនាញ៖ ខេត្តព្រះសីហនុនឹងស្រូបទាញសំណង់ថ្មីៗបន្ថែម ខណៈ​បច្ចុប្បន្ន​អគារ​ជា​ច្រើន​បាន​ដាក់​ឱ្យ​ដំណើរការ

2025/09/24 11:00:44 am        419
Facebook Telegram Linkin
អ្នកជំនាញអចលនទ្រព្យ មើលឃើញអចលនវត្ថុខេត្តព្រះសីហនុ និងស្រូបទាញសំណង់ថ្មីៗបន្ថែម ខណៈ​បច្ចុប្បន្នអគារជាច្រើន បានដាក់ឱ្យដំណើរការជាបន្តបន្ទាប់ ជាពិសេស​អគារ​ជាប់​គាំង​ពី​មុ​ន​ៗ​បាន​និងកំពុងអភិវឌ្ឍន៍យ៉ាងផុលផុស ស្របពេលខេត្ត មួយនេះមាន​ហេដ្ឋា​រចនា​សម្ព័ន្ធ​គ្រប់​បែប​យ៉ាង​។ឧកញ៉ា សន សៀប ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លើក​ឡើង​ក្នុង​កិច្ច​សម្ភាសន៍​ជាមួយភ្នាក់ងារ អ្នកយកព័ត៌មាន ស្តីពីបច្ចុប្បន្នភាព​នៃ​វិស័យ​អចលន​វត្ថុ​នៅ​ខេត្ត​ព្រះសីហនុ​នេះថា ខេត្តព្រះសីហនុគឺជាខេត្តមួយដែលមានការអភិវឌ្ឍ យ៉ាងលឿន ក្រោម​គម្រោង​របស់​រាជ​រដ្ឋាភិបាល ជំរុញអភិវឌ្ឍទៅជាតំបន់សេដ្ឋកិច្ចពិសេសពហុបំណង ខណៈបច្ចុប្បន្ន​បាន​និង​កំពុង​ ជំរុញអភិវឌ្ឍហេដ្ឋារចនាសម្ព័ន្ធបន្ថែម ធ្វើឱ្យតំបន់មួយ​នេះ​ក្លាយ​ជា​ទី​ក្រុង​កាន់​តែ​មាន​ភាព​ស្រស់​ស្អាត ប្រកបដោយភាពរីកចម្រើន។ឧកញ៉ា បន្តថា ជាក់ស្តែងការអភិវឌ្ឍអចលនទ្រព្យឃើញថា កំពុងមានភាពយ៉ាងផុលផុស ជាក់ស្តែង​គិតមក​ដល់ពេលនេះ អគារជាប់គាំងជាច្រើន រាជរដ្ឋាភិបាល​បាន​ដោះ​ស្រាយ​នៅ​សល់​បន្តិច​បន្ទួច​តែប៉ុណ្ណោះ ដែលនេះបានបង្ហាញឱ្យឃើញនូវការអភិវឌ្ឍ យ៉ាងលឿន ជាពិសេស​ក្រៅ​ពី​អគារ​ជាប់​គាំង ក៏មានការដាក់ឱ្យដំណើរការនូវអគារថ្មីៗជាបន្តបន្ទប់ ដែលនេះគឺ​ជា​ព័ត៌មាន​វិជ្ជមាន​មួយ ​ហើយបាន​និង​កំពុង​បន្ត​ស្រូប​យក​សក្តា​នុពល​វិនិយោគ​លើ​វិស័យ​អចលន​ទ្រព្យ​ថ្មី​ៗ​បន្ថែម​ទៀត​ ទោះបីបច្ចុប្បន្នការអភិវឌ្ឍវិស័យ អចលនវត្ថុនៅមានកម្រិត តែនៅក្នុង​រយៈ​ពេល​មធ្យម​ខាង​មុខ​ វិនិយោគិននឹងងាកទៅវិនិយោគលើខេត្តមួយនេះជាបន្តបន្ទាប់ទៀត។សូមបញ្ជាក់ថា នាពេលកន្លងមកនេះ ឯកឧត្តមបណ្ឌិតសភាចារ្យ ហ៊ាន សាហ៊ីប ប្រធាន​ក្រុម​ការ​ងារ​ជំរុញ​ការវិនិយោគក្នុងខេត្ត ព្រះសីហនុ បានបង្ហាញក្នុងកិច្ចប្រជុំក្រុមការងារ ពិនិត្យលើការ​ស្នើ​ការ​លើក​ទឹកចិត្ត ការអនុគ្រោះការសម្រួលនីតិវិធី និងការសម្រប សម្រួលដោះស្រាយ​វិវាទ​របស់​គម្រោង​វិនិយោគ និងធុរកិច្ចក្នុងខេត្តព្រះសីហនុ ក្នុងនោះចាប់ពីឆ្នាំ២០២៤ រហូតដល់ខែសីហា ឆ្នាំ​២០២៥, ក្រុមការងារបានសម្រេចជាគោលការណ៍ ផ្តល់ការលើកទឹកចិត្តដល់គម្រោងចំនួន ៣៧៥ គម្រោង ដែលមានទុនវិនិយោគ ប៉ាន់ស្មានសរុប ៧.៨៩១ លានដុល្លារអាមេរិក និងប៉ាន់​ស្មាន​អាច​បង្កើតការងារជាង ៥ម៉ឺនកន្លែង ក្នុងនោះគម្រោងវិនិយោគពាក់ព័ន្ធ អគារជាប់គាំងចំនួន ១៧៦​ គម្រោង, គម្រោងវិនិយោគថ្មី ១៦១ គម្រោង, គម្រោងពង្រីក ២៥ គម្រោង និងគម្រោង​វិនិយោគ​មាន ស្រាប់ ១៣ គម្រោង៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

សភាវៀតណាមកោះប្រជុំ ដើម្បីបញ្ជាក់អះអាងពីមេដឹកនាំរដ្ឋថ្មីជាផ្លូវការ
04/06/2026 04:04 PM
Facebook Telegram Linkin
Leeds ជួប Chelsea ខណៈ Manchester City ជួប Southampton វគ្គពាក់កណ្តាលផ្តាច់ព្រ័ត្រ FA Cup
04/06/2026 04:04 PM
Facebook Telegram Linkin
មេដឹកនាំប្រឆាំងតៃវ៉ាន់ នឹងធ្វើទស្សនកិច្ច នៅចិន ខណៈទីក្រុងប៉េកាំងបង្កើនកិច្ចប្រឹងប្រែងបង្រួបបង្រួម
04/06/2026 04:04 PM
Facebook Telegram Linkin
អ៊ីរ៉ង់អះអាងថា បានបាញ់ទម្លាក់យន្តហោះអាមេរិក ១២គ្រឿង ខណៈលោក Trump ពន្យារកាលកំណត់
04/06/2026 04:04 PM
Facebook Telegram Linkin
គេហទំព័រព័ត៌មាន៖ អាមេរិកចំណាយប្រាក់ជាង ៤២ ពាន់លានដុល្លាររួចហើយលើប្រតិបត្តិការយោធានៅអ៊ីរ៉ង់
04/06/2026 04:04 PM
Facebook Telegram Linkin
របាយការណ៍៖ អ៊ីស្រាអែលចំណាយប្រហែល ១៥ពាន់លានដុល្លារ ក្នុងសង្គ្រាម ទាំងនៅអ៊ីរ៉ង់ និងលីបង់
04/06/2026 04:04 PM
Facebook Telegram Linkin
អតីតខ្សែបម្រើ Chelsea, Oscar សម្រេចចូលនិវត្តន៍ក្នុងវ័យ ៣៤ ឆ្នាំ
04/06/2026 04:04 PM
Facebook Telegram Linkin
អ៊ីស្រាអែលបន្តការវាយប្រហារនៅលីបង់ និងបង្ខំឲ្យបិទច្រកព្រំដែនជាមួយស៊ីរី
04/06/2026 04:04 PM
Facebook Telegram Linkin
ទស្សនាវដ្តី The Economist បានគូសបញ្ជាក់ពីកង្វល់របស់អឺរ៉ុបទាក់ទងនឹងអនាគតរបស់ NATO
04/06/2026 04:04 PM
Facebook Telegram Linkin
ការវិភាគ៖ តើលោក Trump គឺជាប្រធានាធិបតីធ្វើឲ្យចិនកាន់តែមានឥទ្ធិពល នៅអាស៊ីមែនទេ?
04/06/2026 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.