BTV NEWS

លោក គីម រិទ្ធី ៖«ការសម្រេចចិត្តចូលរួមរស់ជាមួយគណបក្សប្រជាជនកម្ពុជា គឺជាការចូលរួមចំណែកក្នុងការថែរក្សាសុខសន្តិភាព និងបន្តកសាងការអភិវឌ្ឍប្រទេសជាតិឱ្យកាន់តែរីកចម្រើន»

ក្រុមអ្នកជំនាញការអាដហុក ចុះពិនិត្យគម្រោងការងារនៅប្រាសាទមេបុណ្យខាងលិច

វិទ្យាស្ថានជាតិវិជ្ជាជីវៈបាត់ដំបងធ្វើតេស្តRPLដល់អតីតពលករមកពីថៃ ដើម្បីបំប្លែងបទពិសោធន៍ការងារទៅជាវិញ្ញាបនបត្រទទួលស្គាល់ជំនាញផ្លូវការ

ក្រុមគ្រូពេទ្យភ្នែកស្ម័គ្រចិត្តចុះពិនិត្យព្យាបាលភ្នែក និងផ្ដល់វ៉ែនតាជូនពលរដ្ឋស្រុកស្ទោងខេត្ដកំពង់ធំ

ព័ត៌មានជាតិ

ថ្ងៃនេះក្រសួងមុខងារសាធារណៈ និងលេខាធិការដ្ឋានអាស៊ានសហការរៀបចំសិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០»

នៅថ្ងៃទី១១ ខែវិច្ឆិកានេះ ក្រសួងមុខងារសាធារណៈ និងលេខាធិការដ្ឋានអាស៊ាន នឹងសហការរៀបចំសិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០»។ សិក្ខាសាលាពិគ្រោះយោបល់លើកទី២នេះ នឹងប្រព្រឹត្តទៅរយៈពេល២ថ្ងៃ ចាប់ពីថ្ងៃទី១១ ដល់ថ្ងៃទី១២ ខែវិច្ឆិកា ឆ្នាំ២០២៥ នៅសណ្ឋាគារហៃយ៉ាត រីជិនស៊ី រាជធានីភ្នំពេញ (Hyatt Regency Phnom Penh)។សិក្ខាសាលាពិគ្រោះយោបល់លើកទី២នេះ រៀបចំឡើងក្នុងគោលបំណងកំណត់វិស័យអាទិភាព និងគំនិតផ្តួចផ្តើមដែលបានពិភាក្សាគ្នាកាលពីសិក្ខាសាលាលើកទី១ ដើម្បីដាក់បញ្ចូលទៅក្នុងសេចក្តីព្រាងផែនការថ្មី និងធ្វើការពិភាក្សាអំពីឯកសារក្របខ័ណ្ឌត្រួតពិនិត្យនិងវាយតម្លៃ។ សិក្ខាសាលារយៈពេល២ថ្ងៃនេះ នឹងផ្តោតសំខាន់លើកិច្ចការចំនួន២ ដោយ ថ្ងៃទី១ ផ្តោតលើ «ACCSM Priority Areas», និងថ្ងៃទី២ផ្តោតលើ «ACCSM+3 Thematic Areas»។ទន្ទឹមនោះ សិក្ខាសាលាក៏មានការអញ្ជើញចូលរួមពីគណៈកម្មការមុខងារសាធារណៈអូស្រ្តាលី ដើម្បីចូលរួមបង្កើតគំនិតផ្តួចផ្តើមសំណើគម្រោង និងសកម្មភាពនានាដែលគាំទ្រដល់ការងារ ACCSM និង ACCSM+3 ឆ្នាំ២០២៦-២០៣០ ផងដែរ។

ស្នងការដ្ឋាននគរបាលខេត្តពោធិ៍សាត់បន្តចុះផ្សព្វផ្សាយច្បាប់ចរាចរណ៍ផ្លូវគោក ដល់សិស្សានុសិស្ស

លោកឧត្តមសេនីយ៍ត្រី នូវ តាល់ ស្នងការរងទទួលផែនការងារ នគរបាលសណ្តាប់ធ្នាប់ និងចរាចរណ៍ នៃស្នងការដ្ឋាននគរបាលខេត្តពោធិ៍សាត់ បានដឹកនាំក្រុមការងារជំនាញ ចុះធ្វើការផ្សព្វផ្សាយអប់រំអំពីច្បាប់ចរាចរណ៍ផ្លូវគោក និងការប្រើប្រាស់ផ្លូវ យ៉ាងទូលំទូលាយ ជូនដល់លោកគ្រូ អ្នកគ្រូ និងជាពិសេសគឺ សិស្សានុសិស្ស នៃវិទ្យាល័យពោធិ៍សាត់។យុទ្ធនាការអប់រំដ៏មានសារៈសំខាន់នេះ ត្រូវបានធ្វើឡើងក្នុងគោលបំណង ជំរុញការយល់ដឹង និងពញ្ញាក់ស្មារតីដល់ក្មួយៗសិស្សានុសិស្សទាំងអស់ ឲ្យបានជ្រួតជ្រាបកាន់តែច្បាស់អំពីបទប្បញ្ញត្តិ និងកាតព្វកិច្ចក្នុងការចូលរួម គោរពច្បាប់ចរាចរណ៍ ឲ្យបានត្រឹមត្រូវ មុនពេល និងអំឡុងពេលធ្វើដំណើរ។ខ្លឹមសារសំខាន់ៗនៃការផ្សព្វផ្សាយ រួមមានការណែនាំអំពី ការពាក់មួកសុវត្ថិភាព ឱ្យបានត្រឹមត្រូវទាំងអ្នកបើកបរ និងអ្នករួមដំណើរ សម្រាប់យានយន្តគ្រប់ប្រភេទ ជាពិសេសម៉ូតូ។ ការពន្យល់អំពី សញ្ញាចរាចរណ៍ ផ្សេងៗ និងសារៈសំខាន់នៃការគោរពតាមសញ្ញាទាំងនោះ។ ការណែនាំឲ្យចេះ ប្រើប្រាស់ផ្លូវ ប្រកបដោយការប្រុងប្រយ័ត្ន និងការយោគយល់អធ្យាស្រ័យគ្នាទៅវិញទៅមក។ ការលើកឡើងពីហានិភ័យនៃគ្រោះថ្នាក់ចរាចរណ៍ និងផលប៉ះពាល់ដល់ខ្លួនឯង គ្រួសារ និងសង្គមជាតិ។ ការណែនាំឲ្យចៀសវាង ពីការបើកបរក្នុងល្បឿនលឿន និងការបើកបរពេលមាន ជាតិអាល់កុល នៅក្នុងខ្លួន និងផ្សព្វផ្សាយអំពី គ្រោះថ្នាក់ និងគុណវិបត្តិ ដែលបណ្តាលមកពី សារធាតុញៀន។លោកឧត្តមសេនីយ៍ត្រី នូវ តាល់ បានសង្កត់ធ្ងន់ថា សិស្សានុសិស្សគឺជា ទំពាំងស្នងឫស្សី ហើយការយល់ដឹង និងការចូលរួមគោរពច្បាប់ចរាចរណ៍ចាប់តាំងពីពេលឥឡូវនេះ គឺជាមូលដ្ឋានគ្រឹះដ៏សំខាន់ក្នុងការកាត់បន្ថយអត្រាគ្រោះថ្នាក់ចរាចរណ៍ នៅតាមដងផ្លូវ ដែលបណ្ដាលមកពីការធ្វេសប្រហែស និងកង្វះការយល់ដឹង៕

កម្ពុជាព្រួយបារម្ភចំពោះថៃ ប្រកាសផ្អាកការអនុវត្តសេចក្តីថ្លែងការណ៍រួម ស្តីពីសន្តិភាព និងលុបចោលគម្រោងដោះលែងយោធិនខ្មែរ១៨រូប នៅថ្ងៃទី១២

រាជរដ្ឋាភិបាលកម្ពុជា តាមរយៈក្រសួងការបរទេស និងសហប្រតិបត្តិការអន្តរជាតិ បានបង្ហាញការព្រួយបារម្ភយ៉ាងខ្លាំងបន្ទាប់រដ្ឋាភិបាលថៃ ប្រកាសផ្អាកការអនុវត្តសេចក្តីថ្លែងការណ៍រួមស្តីពីសន្តិភាពកូឡាឡាំពួ រវាងកម្ពុជា និងថៃ និងលុបចោលគម្រោងដោះលែងយោធិនខ្មែរ១៨រូបមកកម្ពុជាវិញនៅថ្ងៃទី១២ ខែវិច្ឆិកា ខាងមុខនេះ ក្រោមឡេសចោទប្រកាន់កម្ពុជាថា បានដាក់គ្រាប់មីនថ្មី បន្ទាប់ពីទាហានថៃបីនាក់ ត្រូវរបួសដោយសារជាន់មីន នៅត្រង់តំបន់ភ្នំទ្រព្យកម្ពុជាកាលពីថ្ងៃទី១០ ខែវិច្ឆិកានោះ។យោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិនៅយប់ថ្ងៃទី ១០ ខែវិច្ឆិកា ឆ្នាំ២០២៥នេះ បានលើកឡើងថា រាជរដ្ឋាភិបាលកម្ពុជាមានការព្រួយបារម្ភយ៉ាងខ្លាំងចំពោះសេចក្ដីរាយការណ៍តាមប្រព័ន្ធផ្សព្វផ្សាយជាច្រើន ដកស្រង់សំដីរបស់ថ្នាក់ដឹកនាំ ដែលបង្ហាញថាប្រទេសថៃបានផ្អាកការអនុវត្តនូវសេចក្តីថ្លែងការណ៍រួមរវាងនាយករដ្ឋមន្ត្រីកម្ពុជា និងថៃ ដែលត្រូវបានចុះហត្ថលេខា ដោយមានវត្តមានរបស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ដ្រីម៉ាឡេស៊ី និងជាប្រធានអាស៊ាន ធ្វើជាសាក្សី នៅទីក្រុងគូឡាឡាំពួ ប្រទេសម៉ាឡេស៊ី នាថ្ងៃទី២៦ ខែតុលា ឆ្នាំ២០២៥កន្លងទៅថ្មីៗនេះ។ក្រសួងការបរទេសកម្ពុជា បានលើកឡើងទៀតថា សេចក្ដីរាយការណ៍ព័ត៌មានទាំងនេះក៏បានឱ្យដឹងដែរថា «ព្រឹត្តិការណ៍ផ្ទុះមីននៅថ្ងៃទី១០ ខែវិច្ឆិកា ឆ្នាំ២០២៥ ដែលបានធ្វើឱ្យទាហានថៃបីនាក់រងរបួសនៅព្រំដែនកម្ពុជា-ថៃ ត្រង់តំបន់ភ្នំទ្រព្យ ស្ថិតជិតប្រាសាទព្រះវិហាររបស់កម្ពុជា ត្រូវបានលើកឡើងថាជាមូលហេតុនៃការផ្អាកអនុវត្តសេចក្ដីថ្លែងការណ៍រួមខាងលើនេះ រួមទាំងការលុបចោលគម្រោងដោះលែងយោធិនខ្មែរ ១៨រូប ពីការឃុំឃាំងនៅប្រទេសថៃ ដែលភាគីថៃបានប្រកាសថានឹងអនុវត្តនៅថ្ងៃទី១២ ខែវិច្ឆិកា ឆ្នាំ២០២៥។ យ៉ាងណាក៏ដោយរាជរដ្ឋាភិបាលកម្ពុជា សូមបដិសេធយ៉ាងដាច់អហង្ការចំពោះរាល់ការចោទប្រកាន់របស់ប្រទេសថៃថាកម្ពុជាបានដាក់មីនថ្មីនៅតាមព្រំដែនជាមួយប្រទេសថៃ។ វាជាការសំខាន់ដែលត្រូវកត់សម្គាល់ពីការដឹងឮ យ៉ាងសុះសាយនូវការពិតថា ចម្ការមីនភាគច្រើនតាមបណ្តោយព្រំដែនកម្ពុជា-ថៃ ដែលបន្សល់ទុកពីជំនាន់ សង្គ្រាមស៊ីវិលកម្ពុជារយៈជិត៣០ឆ្នាំ ក្នុងទសវត្សរ៍ ១៩៧០ និង១៩៨០ មិនទាន់ត្រូវបានបោសសម្អាតនៅឡើយទេ ដោយសារតែភូមិសាស្ត្រលំបាក និងស្ថានភាពមិនទាន់មានការកំណត់ខណ្ឌសីមាព្រំដែន។តាមរយៈសេចក្តីថ្លែងការណ៍ខាងលើនេះដែរ រាជរដ្ឋាភិបាលកម្ពុជាសូមបញ្ជាក់ជាថ្មីថា កម្ពុជានៅតែប្តេជ្ញាអនុវត្តសេចក្តីថ្លែងការណ៍រួម ដែលត្រូវបានចុះហត្ថលេខាជាមួយនិងការសាទរយ៉ាងខ្លាំងក្លាពីសហគមន៍អន្តរជាតិ។ ក្នុងនាមជាប្រទេសដែលបានគាំទ្រយ៉ាងមុតមាំ និងជារដ្ឋភាគីនៃអនុសញ្ញាហាមឃាត់មីនប្រឆាំងមនុស្ស កម្ពុជាមិនដែលបានប្រើប្រាស់ ហើយក៏នឹងមិនប្រើប្រាស់មីនថ្មីនោះឡើយ៕អត្ថបទបាន ចក់

គណៈកម្មាធិការសិទ្ធិមនុស្សកម្ពុជា ស្នើ OHCHR ធ្វើរបាយការណ៍សិទ្ធិមនុស្សអំពីប្រទេសកម្ពុជា ឆ្លុះបញ្ចាំងពីការពិតជាក់ស្ដែង

នារសៀលថ្ងៃទី១០ ខែវិច្ឆិកា ឆ្នាំ២០២៥ ឯកឧត្ដម កែវ រ៉េមី ទេសរដ្ឋមន្ត្រី និងជាប្រធានគណៈ កម្មាធិការសិទ្ធិមនុស្សកម្ពុជា បានអនុញ្ញាតឱ្យលោក Rory Mungoven ប្រធានការិយាល័យអង្គការសហ ប្រជាជាតិទទួលបន្ទុកសិទ្ធិមនុស្សប្រចាំតំបន់អាស៊ីប៉ាស៊ីហ្វិក នៅទីក្រុងហ្សឺណែវ (OHCHR) ចូលជួប ពិភាក្សាការងារ នៅសាលប្រជុំរបស់គណៈកម្មាធិការសិទ្ធិមនុស្សកម្ពុជា (គ.ស.ម.ក.)។ ឯកឧត្តម កែវ រ៉េមី បានលើកឡើងពីការ ជំរុញការដោះលែងកងទ័ពកម្ពុជាទាំង ១៨រូប ដែលកំពុងស្ថិតក្នុងការឃុំឃាំងរបស់កងទ័ពថៃ ការជំរុញការ ហាមឃាត់ការប្រើប្រាស់សព្វាវុធខុសច្បាប់អន្តរជាតិក្នុងពេលមានជម្លោះ និងការប៉ះទង្គិចគ្នារវាងប្រទេស កម្ពុជានិងប្រទេសថៃ។ ទន្ទឹមនេះ ឯកឧត្តមទេសរដ្ឋមន្ត្រី បានសម្ដែងការខកចិត្តចំពោះប្រទេសស៊ុយអែត ដែលជាប្រទេសគម្រូក្នុងការការពារសិទ្ធិមនុស្ស ដោយបានលក់យន្តហោះចម្បាំងប្រភេទ Gripen ឱ្យប្រទេសថៃ អំឡុងពេលមានជម្លោះជាមួយនឹងប្រទេសកម្ពុជា។ ជាមួយគ្នានេះ ឯកឧត្តមទេសរដ្ឋមន្ត្រី បានគូសបញ្ជាក់ ពីតួនាទីយ៉ាងសំខាន់របស់សិទិ្ធមនុស្ស ក្នុងការពារសណ្ដាប់ធ្នាប់អន្តរជាតិ និងបានស្នើ លោក Rory Mungoven ចំពោះការធ្វើរបាយការណ៍សិទ្ធិមនុស្សអំពីប្រទេសកម្ពុជា សូមឱ្យឆ្លុះបញ្ចាំងពីការពិតជាក់ស្ដែង។ក្នុងកិច្ចជំនួបនេះ លោក Rory - Mungoven បានថ្លែងអំណរគុណចំពោះឯកឧត្តមទេសរដ្ឋមន្តី ដែលបានចំណាយពេលដ៏មមាញឹក អនុញ្ញាតឱ្យរូបលោកនិងសហការី បានចូលជួបពិភាក្សាការងារ។ លោក Rory Mungoven បានកោតសរសើរពីកិច្ចខិតខំរបស់ គ.ស.ម.ក. ក្នុងការបង្ហាញពីសារៈសំខាន់ន សិទ្ធិមនុស្សក្នុងការការពារសណ្តាប់ធ្នាប់អន្តរជាតិ និងការលើកកម្ពស់សិទ្ធិអ្នកស្រឡាញ់ភេទដូចគ្នា។ លោក Rory Mungoven ក៏បានអរគុណចំពោះគ្រប់ញត្តិដ៏មានសារៈសំខាន់របស់ គ.ស.ម.ក. ដែលបានដាក់ ទៅ ឯកឧត្តមឧត្តមស្នងការទទួលបន្ទុកសិទ្ធិមនុស្ស ផងដែរ។ លោកបានបញ្ជាក់ថា ឯកឧត្តមឧត្តមស្នងការ សិទ្ធិមនុស្ស បានយកចិត្តទុកដាក់ខ្ពស់ចំពោះញត្តិទាំងនោះ និងបានតាមដានលើការអនុវត្តសេចក្ដីថ្លែង ការណ៍រួមរវាង ប្រទេសកម្ពុជា និងប្រទេសថៃ ដើម្បីសម្រេចបានដំណោះស្រាយសន្តិភាព។ ចំពោះសំណើ ទាំងពីររបស់ឯកឧត្ដមទេសរដ្ឋមន្ត្រី លោកនឹងជំរុញកិច្ចការនេះបន្ថែម និងពាំនាំជូន ឯកឧត្តមឧត្តមស្នងការ ទទួលបន្ទុកសិទ្ធិមនុស្ស។ ទន្ទឹមនេះ លោក Rory Mungoven បានសាកសួរពីវឌ្ឍនភាពនៃសេចក្តីព្រាង ច្បាប់ស្តីពីការបង្កើតស្ថាប័នជាតិសិទ្ធិមនុស្ស ផងដែរ។ឯកឧត្តមទេសរដ្ឋមន្ត្រី បានជម្រាបពីវឌ្ឍនភាពនៃសេចក្តីព្រាងច្បាប់ ស្តីពី ការបង្កើតស្ថាប័នជាតិ សិទ្ធិមនុស្ស និងបានគូសបញ្ជាក់ថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បាន និងកំពុងជំរុញការអនុវត្តប្រព័ន្ធគាំពារសង្គម និងកិច្ចការអាទិភាពមួយចំនួនទៀត៕

កម្ពុជាទាក់ទាញភ្ញៀវទេសចរពីប្រទេសអីរ៉ុង ខណៈអ៊ីរ៉ុងមានប្រជាជន ៩២លាននាក់ លំដាប់ទី២ ក្នុងតំបន់មជ្ឈិមបូព៌ា

ព្រះរាជាណាចក្រកម្ពុជា និងសាធារណរដ្ឋឥស្លាមអ៊ីរ៉ង់ បានចុះអនុស្សរណៈនៃការយោគយល់គ្នា ស្តីពី កិច្ចសហប្រតិបត្តិការទេសចរណ៍ ដើម្បីទាក់ទាញភ្ញៀវទេសចរពីប្រទេសអីរ៉ុងដែលមានប្រជាជន ប្រមាណ៩២លាននាក់ ជាប់លំដាប់ទី២ ក្នុងតំបន់មជ្ឈិមបូព៌ា និងទី១៧ ក្នុងពិភពលោក។ដោយទទួលបានគោលការណ៍អនុញ្ញាតដ៏ខ្ពង់ខ្ពស់អំពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងក្នុងឱកាសដឹកនាំគណៈប្រតិភូជាន់ខ្ពស់ក្រសួងទេសចរណ៍ ចូលរួមកិច្ចប្រជុំមហាសន្និបាតអង្គការទេសចរណ៍សហប្រជាជាតិ លើកទី២៦ (UN Tourism- 26th General Assembly) នៅរាជធានីរីយ៉ាដ នាព្រឹកថ្ងៃទី១០ ខែវិច្ឆិកា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នៃព្រះរាជាណាចក្រកម្ពុជា និងឯកឧត្តម Seyed Reza Salehi Amiri រដ្ឋមន្រ្តីក្រសួងបេតិកភណ្ឌវប្បធម៌ ទេសចរណ៍ និងសិប្បកម្មនៃសាធារណរដ្ឋឥស្លាមអ៊ីរ៉ង់ ដែលជាប្រទេសដ៏ធំ និងមានសេដ្ឋកិច្ចនំាមុខដ៏សំខាន់មួយក្នុងតំបន់មជ្ឈិមបូព៌ា បានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍កម្ពុជា-អ៊ីរ៉ង់ ដើម្បីរឹតចំណងមិត្តភាព និងកិច្ចសហប្រតិបត្តិការរវាងរាជរដ្ឋាភិបាល និងប្រជាជននៃប្រទេសទាំងពីរ ឱ្យកាន់តែត្រូវបានពង្រឹង និងពង្រីកជាលំដាប់។ តាមរយៈការចុះអនុស្សរណៈនៃការយោគយល់គ្នានេះ ប្រទេសកម្ពុជា អាចធ្វើពិពិធកម្មទីផ្សារទៅកាន់តំបន់មជ្ឈិមបូព៌ា ពង្រីកទេសចរណ៍ម៉ូស្លីម (Muslim Friendly) និងការបង្កើតផលិតផលទេសចរណ៍ដែលមានតម្លៃបន្ថែម និងទេសចរណ៍បែបបេតិកភណ្ឌសំដៅទាក់ទងភ្ញៀវទេសចរអីរ៉ុងដែលមានចំនួនច្រើនជាង ៥ដង មកទស្សនាប្រទេសកម្ពុជា និងកាលានុវត្តភាពវិនិយោគ ជាពិសេសក្នុងវិស័យទេសចរណ៍ ជាមួយនឹងភាពងាយស្រួលក្នុងការធ្វើដំណើរផ្លូវអាកាស តាមរយៈជើងហោះហើរត្រង់របស់ក្រុមហ៊ុនអាកាសចរណ៍អន្តរជាតិ Etihad រវាងទីក្រុងអាប៊ូដាប៊ីនៃប្រទេសអេមីរ៉ាតអារ៉ាប់រួម ដែលបានដំណើរការកាលពីដើមខែតុលាកន្លងទៅនេះ៕

រដ្ឋសភារៀបចំសិក្ខាសាលា ដើម្បីរៀបចំសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦

នៅវិមានរដ្ឋសភា នៅថ្ងៃទី១០ ខែវិច្ឆិកា ឆ្នាំ២០២៥ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភានៃព្រះរាជាណាចក្រកម្ពុជា បានអញ្ជើញចូលរួមជាអធិបតីក្នុងពិធីបិទសិក្ខាសាលាសភា ស្តីពី “ការកសាងក្របខ័ណ្ឌគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈ ក្នុងការរៀបចំសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦។ ឯកឧត្តមអនុប្រធានទី១ បានសង្កត់ធ្ងន់ថា សិក្ខាសាលានេះគឺជាវេទិកាមួយដ៏មានសារៈសំខាន់បំផុតសម្រាប់តួអង្គពាក់ព័ន្ធទាំងអស់ក្នុងការទទួលបាននូវព័ត៌មានសម្រាប់ធ្វើជាមូលដ្ឋានក្នុងការសិក្សា វិភាគ និងវាយតម្លៃបន្ថែមលើសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រង ឆ្នាំ២០២៦។ ឆ្លៀតក្នុងឱកាសនោះ ឯកឧត្តម បានគូសបញ្ជាក់ថា កម្ពុជាបានធ្វើដំណើរលើមាគ៌ាដ៏វែងឆ្ងាយពីជម្លោះ និងការបែកបាក់ មកកាន់សន្តិភាព ស្ថិរភាព និងការអភិវឌ្ឍ។ ការផ្លាស់ប្ដូរប្រទេសជាតិដ៏ស៊ីជម្រៅនេះអាចសម្រេចទៅបានតាមរយៈនយោបាយ ឈ្នះ-ឈ្នះ ជាប្រវត្តិសាស្ត្រ និងប្រកបដោយចក្ខុវិស័យវែងឆ្ងាយ ក្រោមការដឹកនាំប្រកបដោយគតិបណ្ឌិត និងអង់អាចរបស់ សម្ដេចតេជោ ហ៊ុន សែន ដែលជាឯកស្ថាបនិកនៃការបង្រួបបង្រួមជាតិ និងសុខសន្តិភាពយូរអង្វែង សម្រាប់មាតុភូមិកម្ពុជា។ ក្នុងរយៈពេលជាងពីរទសវត្សរ៍កន្លងមកនេះ កម្ពុជាសម្រេចបាននូវវឌ្ឍនភាពសង្គម-សេដ្ឋកិច្ចដ៏គួរឱ្យចាប់អារម្មណ៍រួមមាន កំណើនសេដ្ឋកិច្ចរឹងមាំ, ការកាត់បន្ថយភាពក្រីក្របានយ៉ាងច្រើនសន្ធឹកសន្ធាប់, សមាហរណកម្មសេដ្ឋកិច្ចក្នុងតំបន់ និងសកលកាន់តែស៊ីជម្រៅ។ វឌ្ឍនភាពនេះ មិនត្រឹមតែបានធ្វើឱ្យប្រសើរឡើងនូវកម្រិតជីវភាពរស់នៅ និងធានាបាននូវស្ថិរភាពសង្គមប៉ុណ្ណោះទេ ប៉ុន្តែថែមទាំងបានលើកកម្ពស់មុខមាត់របស់កម្ពុជានៅលើឆាកអន្តរជាតិផងដែរ។ឯកឧត្តមអនុប្រធានទី១ មានប្រសាសន៍បន្តថា ខណៈដែលកម្ពុជាកំពុងឈានទៅមុខក្នុងការអនុវត្តយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល ក្រោមការដឹកនាំប្រកបដោយបញ្ញាញាណ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ការរៀបចំសេចក្តីព្រាង ច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦ នឹងបម្រើជាឧបករណ៍យុទ្ធសាស្ត្រ ដើម្បីធានាថា ស្ថាបត្យកម្មសារពើពន្ធរបស់យើងនឹងគាំទ្រដល់អាទិភាពជាតិសំខាន់ៗ រួមមាន៖ ការការពារអធិបតេយ្យភាពជាតិ និងសន្តិភាព ការធានាស្ថិរភាពសង្គម-សេដ្ឋកិច្ច និងម៉ាក្រូសេដ្ឋកិច្ច ការអភិវឌ្ឍធនធានមនុស្ស និងស្ថាប័ន និងការបង្កើនសមត្ថភាពប្រកួតប្រជែងជាតិ។ ឯកឧត្តម បានរំលេចបន្ថែមថា ទោះបីជារយៈពេល ៣ ឆ្នាំ កន្លងមកនេះ ប្រទេសកម្ពុជាសម្រេចបាននូវវឌ្ឍនភាព និងសមិទ្ធផលសំខាន់ៗគួរជាទីមោទនៈយ៉ាងណាក្តី តែយើងក៏នៅមានបញ្ហាប្រឈមនានាជាច្រើន ដែលតម្រូវឱ្យយើងទាំងអស់គ្នា ត្រូវតែខិតខំ ប្រឹងប្រែង សហការគ្នាឱ្យកាន់តែជិតស្និទ្ធ និងរឹងមាំបន្ថែមទៀត ដោយផ្អែកលើស្មារតីសាមគ្គីភាព ឯកភាពជាតិជាធ្លុងមួយ ដើម្បីឈានទៅដោះស្រាយបញ្ហាប្រឈមទាំងអស់នោះបាន។ នៅក្នុងន័យនេះ ក្នុងនាមស្ថាប័ននីតិប្បញ្ញត្តិ ឯកឧត្តមអនុប្រធានទី១ បានចូលរួមផ្ដល់ជាអនុសាសន៍បន្ថែមមួយចំនួនដល់អង្គសិក្ខាសាលា ក្នុងនោះរួមមាន៖ (១) ស្ថិរភាពម៉ាក្រូសេដ្ឋកិច្ចនៅតែជាមូលដ្ឋានគ្រឹះនៃទំនុកចិត្តរបស់វិនិយោគិន និងវឌ្ឍនភាពសង្គម (២) សារៈសំខាន់នៃការពង្រឹងភាពធន់នៃសារពើពន្ធ ជាពិសេសត្រូវផ្តោតទៅលើការបន្តកំណែទម្រង់ក្នុងការគ្រប់គ្រងពន្ធ និងគយ (៣) គុណភាព និងតម្លាភាពក្នុងការវិនិយោគសាធារណៈគឺមិនអាចខ្វះបាន (៤) បរិវត្តកម្មឌីជីថលនៅតែជាផ្នែកសំខាន់មួយនៃអភិបាលកិច្ចប្រកបដោយប្រសិទ្ធភាព (៥) ធនធានមនុស្សគឺជាចំណុចស្នូលនៃកំណើនរយៈពេលវែងរបស់កម្ពុជា (៦) ក្របខ័ណ្ឌគ្រប់គ្រងហិរញ្ញវត្ថុនាពេលអនាគតរបស់យើងត្រូវតែរួមបញ្ចូលវិធានការដែលអនុញ្ញាតឱ្យប្រទេសកម្ពុជាទប់ទល់នឹងផលប៉ះពាល់ពីខាងក្រៅ រួមទាំងបញ្ហាប្រឈមអាកាសធាតុ ភាពចលាចលភូមិសាស្ត្រនយោបាយ និងការរំខានដល់បច្ចេកវិទ្យា និងចុងក្រោយ (៧) ត្រូវយកចិត្តទុកដាក់លើថាមវន្តក្នុងតំបន់ ដែលពេលខ្លះអាចមានឥទ្ធិពលលើបរិយាកាសផ្ទៃក្នុងរបស់កម្ពុជា។ លើសពីនេះទៀត ឯកឧត្តមអនុប្រធានទី១ មានអនុសាសន៍បន្ថែមថា ការរៀបចំច្បាប់គ្រប់គ្រងហិរញ្ញវត្ថុឆ្នាំ ២០២៦ គួរតែឆ្លុះបញ្ចាំងពីការប្តេជ្ញាចិត្តរបស់កម្ពុជាចំពោះរបៀបវារៈឆ្នាំ ២០៣០ សម្រាប់ការអភិវឌ្ឍប្រកបដោយចីរភាព (SDGs) និងភាពបន្ទាន់នៃការជំរុញសកម្មភាពអាកាសធាតុ ព្រមទាំងសេចក្តីប្រាថ្នារយៈពេលវែងរបស់កម្ពុជា រួមទាំងចក្ខុវិស័យរបស់យើងក្នុងការចេញផុតពីក្រុមប្រទេសអភិវឌ្ឍន៍តិចតួចបំផុត ដើម្បីសម្រេចបានឋានៈជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសដែលមានចំណូលខ្ពស់នៅត្រឹមឆ្នាំ២០៥០។នៅចុងបញ្ចប់ ឯកឧត្តមអនុប្រធានទី១ បានថ្លែងអំណរគុណចំពោះគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងព្រឹទ្ធសភា ព្រមទាំងក្រសួងសេដ្ឋកិច្ច និងហិរញ្ញវត្ថុ ដែលបានសហការរៀបចំសិក្ខាសាលាដ៏មានសារៈសំខាន់នេះឡើង ព្រមទាំងថ្លែងអំណរគុណដល់ឯកឧត្តម លោកជំទាវ លោក លោកស្រី និងមន្ត្រីនៃអគ្គលេខាធិការដ្ឋានសភាទាំងពីរ––ព្រឹទ្ធសភា និងរដ្ឋសភា និងភាគីពាក់ព័ន្ធ ដែលបានចំណាយពេលវេលាដ៏មានតម្លៃអញ្ជើញចូលរួមក្នុងសិក្ខាសាលាសភានៅព្រឹកនេះ៕

ឯកឧត្តមបណ្ឌិត ធន់ វឌ្ឍនា ៖ ការពន្យារពេលដោះលែងវីរកងទ័ពកម្ពុជា ១៨រូប គឺខ្វះការគោរពចំពោះកិច្ចព្រមព្រៀងសន្តិភាពកម្ពុជា-ថៃ ប្រធានអាស៊ាន និងប្រធានាធិបតី ដូណាល់ ត្រាំ

នារសៀលថ្ងៃទី១០ ខែវិច្ឆិកា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានដឹកនាំកិច្ចប្រជុំប្រចាំខែជាមួយប្រធានគណៈកម្មការទាំង១០ នៃព្រឹទ្ធសភា, ប្រធានក្រុមសមាជិកព្រឹទ្ធសភាប្រចាំភូមិភាគទាំង៨, ប្រធានក្រុមសមាជិកា និងប្រធានគណៈកម្មការក្រមសីលធម៌សភារបស់សមាជិកព្រឹទ្ធសភា ដោយពិភាក្សាអំពី កិច្ចការជាអាទិភាពតាមគណៈកម្មការនានា និងក្រុមសមាជិកព្រឹទ្ធសភានានា ដើម្បីរៀបចំផែនការ ២០២៦ នៅសាលប្រជុំពិសេស៣ ព្រឹទ្ធសភា។ អង្គប្រជុំបានពិភាក្សា និងចែករំលែកពត៌មានអំពីស្ថានភាពនៅតាមមូលដ្ឋាន រួមមានវឌ្ឍនភាព និងបញ្ហាប្រឈមដែលត្រូវបានលើកឡើង ដោយអង្គបោះឆ្នោតនៅតាមមូលដ្ឋាននានា ដូចជាបញ្ហាពាក់ព័ន្ធការកែតម្រូវឯកសារអត្រានុកូលដ្ឋាន និងបញ្ហាប្រាក់ឧបត្ថមជូនក្រុមប្រឹក្សាជាដើម។ ឯកឧត្តមបណ្ឌិត បានលើកឡើងថា សមាជិកព្រឹទ្ធសភាត្រូវបន្តពង្រឹងមុខងារតាមដានការអនុវត្តច្បាប់ ដោយត្រូវស្វែងយល់អំពីវឌ្ឍនភាព និងបញ្ហាប្រឈមក្នុងការអនុវត្តច្បាប់ ដែលបានអនុម័តហើយ ព្រមទាំងត្រូវ បំពេញការងារ ប្រកបដោយភាតរភាព ជាមួយស្ថាប័នពាក់ព័ន្ធតាមវិស័យនីមួយៗ ហើយត្រូវប្រមូលធាតុចូលពីប្រភពផ្សេងៗ ដើម្បីរៀបចំដាក់ចូលទៅក្នុងផែនការសកម្មភាពឆ្នាំ២០២៦។ ពាក់ព័ន្ធកិច្ចព្រមព្រៀងសន្តិភាពកម្ពុជា-ថៃ អង្គប្រជុំយល់ឃើញថា ការពន្យារពេលដោះលែងវីរៈកងទ័ពកម្ពុជា ១៨រូប គឺខ្វះការគោរពចំពោះកិច្ចព្រមព្រៀង ប្រធានអាស៊ាន និងប្រធានាធិបតី ដូណាល់ ត្រាំ និងសង្ឃឹមថា សហគមន៍អន្តរជាតិនឹងបន្តឃ្លាំមើលការគោរពអនុវត្តតាមស្មារតីនៃកិច្ចព្រមព្រៀងនេះ តទៅទៀត។

ក្រុមការងារ អ.ន.ក ចុះពិនិត្យការជីកស្រះទឹក និងស្ថាបនាប្រឡាយទឹក ជូនអតីតយុទ្ធជន នៅភូមិព្រៃសិន ខេត្តបាត់ដំបង

នាថ្ងៃទី១០ ខែវិច្ឆិកា ឆ្នាំ២០២៥ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា (អ.ន.ក) បានចាត់តាំង ឯកឧត្តម គង់ កន្នារតន៍ នាយកឧុទ្ទកាល័យ និងជាសមាជិកគណៈអចិន្រ្តៃយ៍ (អ.ន.ក) ចុះពិនិត្យការជីកស្រះទឹក និងស្ថាបនាប្រឡាយទឹក នៅភូមិព្រៃសិន ឃុំឆ្មាល់មាន់ ស្រុកគាស់ក្រឡ ខេត្តបាត់ដំបង ដែលកំពុងបន្តសាងសង់ផ្ទះ និងរៀបចំដីសម្បទានសង្គមកិច្ច ជូនអតីតយុទ្ធជន និងនិវត្តជន ដែលជួបការលំបាក។ ការចុះពិនិត្យនេះមានការចូលរួមពី ឯកឧត្តម ផេង សិទ្ធី អភិបាលរងខេត្ត, ប្រធានលេខាធិការដ្ឋានខេត្ត, អភិបាលស្រុក, ប្រធានមន្ទីរអង្គភាពពាក់ព័ន្ធ និងអាជ្ញាធរមូលដ្ឋាន។ឯកឧត្តម គង់ កន្នារតន៍ បានឱ្យដឹងថា យោងតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានសមាគម និងយោងតាមការចង្អុលបង្ហាញដោយផ្ទាល់ពី ឯកឧត្តមកិត្តិសង្គហបណ្ឌិត គន់ គីម បានដំណើរការអនុវត្តផែនការសាងសង់ផ្ទះ និងរៀបចំសម្បទានសង្គមកិច្ច សម្រេចសមិទ្ធផលបានយ៉ាងល្អប្រសើរ និងលេចចេញជារូបរាង ជាពិសេសផ្ទះ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន ប្រធានសមាគម។ ឯកឧត្តម គង់ កន្នារតន៍ បានឱ្យដឹងទៀតថា សម្តេចតេជោ ហ៊ុន សែន បានណែនាំដល់ថ្នាក់ដឹកនាំសមាគម សហការជាមួយសមាគមខេត្ត និងមន្ទីរជំនាញ ត្រូវមានការយកចិត្តទុកដាក់ខ្ពស់ចំពោះការកសាងហេដ្ឋារចនាសម្ព័ន្ធ ដូចជា ការស្ថាបនាផ្លូវ, ការជីកស្រះទឹក, ការស្ថាបនាប្រឡាយទឹក, ការជីកអណ្តូងទឹក, ការតបណ្តាញទឹកស្អាត និងការតភ្ជាប់បណ្តាញអគ្គិសនី សម្រាប់ជាប្រយោជន៍ជូនអតីតយុទ្ធជនប្រើប្រាស់។ឯកឧត្តម គង់ កន្នារតន៍ បញ្ជាក់ថា ទន្ទឹមនឹងសមិទ្ធផលផ្ទះ ដី និងហេដ្ឋារចនាសម្ព័ន្ធបានកំពុងបន្តអនុវត្ត, សម្តេចតេជោ ហ៊ុន សែន ប្រធានសមាគម ក៏បានណែនាំឱ្យពិនិត្យរៀបចំដីសម្បទានសង្គមកិច្ចនៅមូលដ្ឋានខាងលើ ដើម្បីសហការបែងចែកដីសម្រាប់ធ្វើជាសហគមន៍កសិកម្មដាំដុះ ដែលជួយលើកកម្ពស់ដល់ជីវភាពរស់នៅរបស់បងប្អូនអតីតយុទ្ធជន និងបម្រើដល់ជីវភាពប្រចាំផងដែរ។ លើសពីនេះ ក្រោមចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានសមាគម មានគោលបំណងធ្វើយ៉ាងណារៀបចំការកសាងផ្ទះ ដី និងហេដ្ឋារចនាសម្ព័ន្ធរបស់បងប្អូនអតីតយុទ្ធជននៅភូមិព្រៃសិន ឃុំស្មាល់មាន់ ក្លាយជាភូមិគំរូ ហើយថែមទាំងធានាថា មូលដ្ឋានរស់នៅរបស់អតីតយុទ្ធជនទទួលបានអត្ថប្រយោជន៍នានា។សូមជម្រាបថា ដើម្បីតបស្នងចំពោះគុណបំណាច់របស់អតីតយុទ្ធជន, ពីមួយឆ្នាំទៅមួយឆ្នាំរាជរដ្ឋាភិបាលបានដំឡើងប្រាក់សោធននិវត្តជាបន្តបន្ទាប់ ពិសេសក្រោមការដឹកនាំបន្តវេនរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាអនុប្រធានទី១ សមាគម បានកំណត់ការគ្របដណ្តប់សុខភាពជាសកលជាអាទិភាព បូករួមទាំងអតីតយុទ្ធជននោះ បន្តផ្តល់ជូនប័ណ្ណថែទាំសុខភាព (ប.ស.ស.) ជូនជនពិការ និវត្តជន និងជនបាត់បង់សមត្ថភាពការងារ ព្រមទាំងប័ណ្ណមូលនិធិសមធម៌សុខាភិបាលជូនអ្នកកាន់សៀវភៅរបស់គ្រួសារជនពលី និងគ្រួសារជនមរណៈជាអតីតយុទ្ធជន ដើម្បីទៅពិនិត្យ និងព្យាបាលជំងឺនៅតាមមន្ទីរពេទ្យដែលបានចុះកិច្ចសន្យាជាមួយ ប.ស.ស. ដោយមិនបាច់បង់ប្រាក់៕

រដ្ឋបាលក្រុងកែបបំភ្លឺជុំវិញស្ត្រីអាជីវករលក់ដូរនៅឆ្នេរកែបទារលុយភ្ញៀវថ្លៃចតឡាន៥០ដុល្លារ នាឱកាសបុណ្យអុំទូក

រដ្ឋបាលក្រុងកែប ចេញសេចក្តីបំភ្លឺ ជុំវិញការចុះផ្សាយជាបន្តបន្ទាប់អំពីការមិនពេញចិត្តរបស់ភ្ញៀវទេសចរ ដែលបានមកលេងកម្សាន្តនៅក្រុងកែប ខេត្តកែប ពាក់ព័ន្ធស្ត្រីអាជីវករលក់ដូរនៅឆ្នេរកែប ទារលុយភ្ញៀវថ្លៃចតឡាន ៥០ដុល្លារ នាឱកាសបុណ្យអុំទូកកន្លងមក។រដ្ឋបាលក្រុងកែប បានបញ្ជាក់ថា បន្ទាប់ពីមានការចុះផ្សាយជាបន្តបន្ទាប់អំពីការមិនពេញចិត្តរបស់ភ្ញៀវទេសចរ ដែលបានមកលេងកម្សាន្តនៅក្រុងកែប ខេត្តកែប បានថតវីដេអូរបង្ហោះលើបណ្តាញសង្គមហ្វេសប៊ុកដោយបាន លើកឡើងថា ខេត្តកែបចំណតសាធារណៈមុខតូបមិនឲ្យចតទេ លុះត្រាតែជួលតូបទើបអនុញ្ញាតឲ្យចត តូបមួយ តំលៃ៥០ដុល្លារ អ្នកចង់មកលេងកែប មិនបាច់មកទេ កោរមិនដាក់ទឹកទេ ។អាជ្ញាធរក្រុង បានសហការជាមួយនឹងមន្ទីរទេសចរណ៍ខេត្តកែប កាលពីថ្ងៃទី០៧ ខែវិច្ឆិកា ឆ្នាំ២០២៥ បានអញ្ជើញលោកស្រី ឆោម គឹមធើយ មុខរបរជាអាជីវករលក់ដូរនៅឆ្នេរកែប មកសាកសួរដោយលោកស្រីបាន បញ្ជាក់ថា គាត់បាននិយាយប្រាប់ភ្ញៀវឲ្យទៅចតនៅចំណតផ្សេង ចំពោះតម្លៃតូបជួលមួយ ៥០ដុល្លារ គាត់ក៏បានទទួលស្គាល់ថាបានជម្រាបដល់ភ្ញៀវក្នុងតម្លៃនេះពិតប្រាកដមែន ក្នុងតម្លៃចចារ ប៉ុន្តែបើគាត់ទិញម្ហូបចាប់ពី៤មុខ ឡើងទៅ គឺមិនគិតថ្លៃតូបឡើយ។ចំពោះករណីនេះលោកស្រី ឆោម គឹមធេីយ បានឯកភាពតាមការណែនាំរបស់អាជ្ញាធរក្រុង និងមន្ទីរ ទេសចរណ៍ខេត្តកែប យល់ព្រមធ្វើកិច្ចសន្យាបញ្ឈប់រាល់សកម្មភាពទាំងឡាយណាដែលធ្វើឲ្យប៉ះពាល់ដល់ភ្ញៀវ ទេសចរណ៍ និងសូមសន្យាដូចខាងក្រោម៖១៖ មិនឆ្លៀតឱកាសតំឡើងថ្លៃឡើយ ពិសេសថ្ងៃបុណ្យជាតិ និងអន្តរជាតិផ្សេងៗ២៖ រក្សាចំណតរថយន្តជាចំណតសាធារណៈ៣៖ មានបញ្ជីរាយមុខម្ហូប វិក្កយបត្រ ឈ្មោះទីតាំង និងលេខទូរសព្ទទំទាក់ទំនងឲ្យបានត្រឹមត្រូវ៤៖ ចូលរួមសហការជាមួយអាជ្ញាធរ និងសមត្ថកិច្ចដើម្បីរៀបចំសណ្តាប់ធ្នាប់សាធារណៈ អនាម័យបរិស្ថាន ឲ្យបានស្អាតជាប្រចាំ។ជាមួយគ្នានេះរដ្ឋបាលក្រុងកែប សូមជម្រាបជូនថា ក្នុងករណីដែលបងប្អូនជួបប្រទះនូវភាពមិនប្រក្រតីណាមួយលើការផ្តល់សេវាកម្មនានា ពិសេសពាក់ព័ន្ធនឹងតម្លៃសេវាកម្មទេសចរណ៍ សូមទំនាក់ទំនងទៅកាន់លេខ ទូរសព្ទដូចជា៖ 015 250 768 011 413 737 097 964 68 98 096 6666 727៕

អាជ្ញាធរជាតិដោះស្រាយវិវាទក្រៅប្រព័ន្ធតុលាការ ពិភាក្សាលើយន្តការពង្រឹងកិច្ចសហប្រតិបត្តិការជាមួយ រដ្ឋបាលខេត្តកំពង់ស្ពឺ

នៅថ្ងៃទី១០ ខែវិច្ឆិកា ឆ្នាំ២០២៥ ដោយបានទទួលការអនុញ្ញាតពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. និង ឯកឧត្តម តូច ប៉ូលីវ៉ា អភិបាលរងខេត្ត តំណាង ឯកឧត្តមបណ្ឌិតអភិបាលខេត្តកំពង់ស្ពឺ បានអញ្ជើញជួបប្រជុំ ដើម្បីពិនិត្យ និងពិភាក្សាលើយន្តការពង្រឹងកិច្ចសហប្រតិបត្តិការ ដោយអនុវត្តតាមស្មារតី នៃអនុស្សរណៈ នៃការយោគយល់គ្នា (MOU) រវាង អ.ដ.ក. និងរដ្ឋបាលខេត្តកំពង់ស្ពឺ។ កិច្ចប្រជុំនេះ ក៏មានការអញ្ជើញចូលរួមពី ថ្នាក់ដឹកនាំ និងមន្ត្រីនៃអគ្គលេខាធិការដ្ឋាននៃ អ.ដ.ក., នាយករងរដ្ឋបាលខេត្ត, ប្រធានមន្ទីរអធិការកិច្ច, អនុប្រធានមន្ទីររៀបចំដែនដី នគររូបនីយកម្ម សំណង និងសុរិយោដី, នាយកទីចាត់ការអន្តរវិស័យ និងប្រធានក្រុមប្រឹក្សា និងអភិបាលក្រុង ស្រុក ទាំង៩ ក្នុងខេត្តកំពង់ស្ពឺ។កិច្ចប្រជុំនេះត្រូវបានរៀបចំឡើងក្នុងគោលបំណងសំខាន់ៗ ចំនួន ៣ គឺ ៖១. ពិនិត្យ និងពិភាក្សាអំពីវិធីសាស្ត្រសមស្របដើម្បីពង្រឹង និងលើកកម្ពស់កិច្ចសហការ រវាង អ.ដ.ក. និងរដ្ឋបាលខេត្តកំពង់ស្ពឺ លើការងារសម្រុះសម្រួលផ្សះផ្សាវិវាទ ជូនប្រជាពលរដ្ឋក្នុងមូលដ្ឋាន២. ស្វែងយល់អំពីតម្រូវការជាក់ស្តែងក្នុងការរៀបចំឲ្យមានវគ្គបណ្ដុះបណ្ដាល ដើម្បីពង្រឹងសមត្ថភាពលើជំនាញសម្រុះសម្រួលដោះស្រាយវិវាទ ជូនដល់មន្ត្រីពាក់ព័ន្ធនៃមន្ទីរ-អង្គភាពនានាជុំវិញរដ្ឋបាលខេត្តកំពង់ស្ពឺ៣. សិក្សាអំពីវិធីសាស្រ្តក្នុងការបញ្រ្ជាបការយល់ដឹងពាក់ព័ន្ធនឹងយន្តការនៃការដោះស្រាយវិវាទក្នុងក្របខ័ណ្ឌនៃ អ.ដ.ក. ឱ្យបានកាន់តែទូលំទូលាយ ជូនដល់អាជ្ញាធរមូលដ្ឋាន ជាពិសេសប្រជាពលរដ្ឋនៅក្នុងមូលដ្ឋានខេត្តកំពង់ស្ពឺ។សូមរំលឹកផងដែរថា អ.ដ.ក. និងរដ្ឋបាលខេត្តកំពង់ស្ពឺ បានចុះអនុស្សរណៈនៃការយោគយល់គ្នា (MOU) ស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ កាលពីថ្ងៃទី២៥ ខែមីនា ឆ្នាំ២០២៥ កន្លងទៅនេះ៕

បណ្ដាញសង្គម

ព័ត៌មានថ្មីៗ

អ្នកតំណាងរាស្ត្រខេត្តពោធិ៍សាត់ ជួបសំណេះសំណាល និងផ្សព្វផ្សាយច្បាប់សំខាន់ៗជូនពលរដ្ឋឃុំកំពង់ពោធិ៍

ឯកឧត្តម គន់ គីម អញ្ជើញបញ្ចុះបឋមសិលាសាងសង់អគារទីស្នាក់ការ អ.ន.ក.ខេត្តតាកែវ

ឆ្មាំល្បាតឆ្នេរកោះតៃវ៉ាន់និយាយថា ខ្លួនបានដាក់ពង្រាយនាវាដើម្បីឆ្លើយតបទៅនឹងប្រតិបត្តិការរបស់ចិន

សម្ដេចតេជោ និងសម្ដេចកិត្តិព្រឹទ្ធបណ្ឌិត ប្រគេនចង្ហាន់សមណសិស្សជាង១ពាន់អង្គ/នាក់ ក្នុងឱកាសប្រឡងធម្មវិន័យ

បារាំង និងសម្ព័ន្ធមិត្តសម្លឹងរកការចាត់វិធានការថ្នាក់ជាតិ ដើម្បីដាក់សម្ពាធលើអ៊ីស្រាអែលលើបញ្ហាតំបន់ West Bank

ករណីឆ្លងជំងឺអេបូឡាហក់ឡើងជាង ៤០០នាក់ ខណៈក្ដីបារម្ភកើនឡើងពីការផ្ទុះឡើងនៃជំងឺនេះនៅអាហ្វ្រិកកណ្តាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ស្នងការដ្ឋាននគរបាលខេត្តពោធិ៍សាត់បន្តចុះផ្សព្វផ្សាយច្បាប់ចរាចរណ៍ផ្លូវគោក ដល់សិស្សានុសិស្ស

កម្ពុជាទាក់ទាញភ្ញៀវទេសចរពីប្រទេសអីរ៉ុង ខណៈអ៊ីរ៉ុងមានប្រជាជន ៩២លាននាក់ លំដាប់ទី២ ក្នុងតំបន់មជ្ឈិមបូព៌ា

រដ្ឋសភារៀបចំសិក្ខាសាលា ដើម្បីរៀបចំសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦

ក្រុមការងារ អ.ន.ក ចុះពិនិត្យការជីកស្រះទឹក និងស្ថាបនាប្រឡាយទឹក ជូនអតីតយុទ្ធជន នៅភូមិព្រៃសិន ខេត្តបាត់ដំបង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ស្នងការដ្ឋាននគរបាលខេត្តពោធិ៍សាត់បន្តចុះផ្សព្វផ្សាយច្បាប់ចរាចរណ៍ផ្លូវគោក ដល់​សិស្សានុសិស្ស

កម្ពុជាទាក់ទាញភ្ញៀវទេសចរពីប្រទេសអីរ៉ុង ខណៈអ៊ីរ៉ុងមានប្រជាជន ៩២លាននាក់ លំដាប់ទី២ ក្នុងតំបន់មជ្ឈិមបូព៌ា

រដ្ឋសភារៀបចំសិក្ខាសាលា ដើម្បីរៀបចំសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦

ក្រុមការងារ អ.ន.ក ចុះពិនិត្យការជីកស្រះទឹក និងស្ថាបនាប្រឡាយទឹក ជូនអតីតយុទ្ធជន នៅភូមិព្រៃសិន ខេត្តបាត់ដំបង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្នងការដ្ឋាននគរបាលខេត្តពោធិ៍សាត់បន្តចុះផ្សព្វផ្សាយច្បាប់ចរាចរណ៍ផ្លូវគោក ដល់សិស្សានុសិស្ស