BTV NEWS

ឯកឧត្តម គន់ គីម អញ្ជើញបញ្ចុះបឋមសិលាសាងសង់អគារទីស្នាក់ការ អ.ន.ក.ខេត្តតាកែវ

សម្ដេចតេជោ និងសម្ដេចកិត្តិព្រឹទ្ធបណ្ឌិត ប្រគេនចង្ហាន់សមណសិស្សជាង១ពាន់អង្គ/នាក់ ក្នុងឱកាសប្រឡងធម្មវិន័យ

អតីតសកម្មជនគណបក្សប្រឆាំងចំនួន៥១នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា

សមត្ថកិច្ចខេត្តមណ្ឌលគិរី បញ្ជូនជនជាតិចិន និងមីយ៉ាន់ម៉ា៨០នាក់ ទៅនាយកដ្ឋានអន្តោប្រវេសន៍ ពាក់ព័ន្ធនឹងបទល្មើសឆបោកតាមប្រព័ន្ធអនឡាញ

ព័ត៌មានជាតិ

ពិធីប្រគល់ពានរង្វាន់ សម្តេចមហាបវរធិបតី ហ៊ុន ម៉ាណែត សម្រាប់ជ័យលាភីសិស្សឆ្នើមថ្នាក់ទី១០ ប្រចាំស្រុកព្រៃឈរ ខេត្តកំពង់ចាម

កំពង់ចាម៖ នាព្រឹកថ្ងៃទី៨ ខែវិច្ឆិកា ឆ្នាំ២០២៥ ឯកឧត្ដមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញជាសហធិបតី ក្នុងពិធី “ប្រគល់ពានរង្វាន់ សម្តេចមហាបវរធិបតី ហ៊ុន ម៉ាណែត សម្រាប់ជ័យលាភីសិស្សឆ្នើមថ្នាក់ទី១០ ប្រចាំស្រុកព្រៃឈរ ខេត្តកំពង់ចាម” ដែលរៀបចំដោយ ក្រសួងយុត្តិធម៌ នៅបរិវេណវិទ្យាល័យហ៊ុន សែន ព្រៃទទឹង ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំនៃក្រសួងទាំងពីរ ឯកឧត្តមអភិបាលនៃគណៈអភិបាលខេត្តកំពង់ចាម តំណាងអាជ្ញាធរ មន្ទីរអប់រំខេត្ត លោក លោកស្រី គណៈគ្រប់គ្រងសាលា លោកគ្រូ អ្នកគ្រូ មាតាបិតា អ្នកអាណាព្យាបាល និងសិស្សជ័យលាភីទាំងអស់។បន្ទាប់ពីស្តាប់របាយការណ៍របស់ប្រធានមន្ទីរអប់រំ យុវជន និងកីឡា ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអបអរសាទរ និងកោតសរសើរចំពោះក្មួយៗសិស្សឆ្នើមទាំង ២៥រូប ក៏ដូចជាសិស្សានុសិស្សទាំងអស់នៃស្រុកព្រៃឈរ ដែលបានខិតខំប្រឡងប្រជែងក្នុងកម្មវិធីពានរង្វាន់នេះ។ លទ្ធផលដ៏ល្អប្រសើរនេះ គឺជាផ្លែផ្កានៃការតស៊ូ ខិតខំប្រឹងប្រែងរៀនសូត្រ និងការយកចិត្តទុកដាក់ខ្ពស់ពីសំណាក់ក្មួយៗផ្ទាល់ លោកគ្រូ អ្នកគ្រូ និងមាតាបិតាគ្រប់រូប ដោយបានលើកឡើងថា ពានរង្វាន់ដែលក្មួយៗទទួលបាននៅពេលនេះ មិនមែនត្រឹមតែជាការទទួលស្គាល់សមត្ថភាពប៉ុណ្ណោះទេ ប៉ុន្តែក៏ជាការលើកទឹកចិត្តដ៏ធំធេង ដើម្បីបន្តការខិតខំប្រឹងប្រែងរៀនសូត្រទៅមុខទៀត ក្លាយជាពលរដ្ឋល្អ ចូលរួមចំណែកកសាងសង្គមជាតិឱ្យកាន់តែរីកចម្រើន ស្របតាមចក្ខុវិស័យរបស់រាជរដ្ឋាភិបាល។ ការប្រឡងនេះមានគោលដៅសំខាន់ពីរ ទី១ គឺលើកទឹកចិត្តដល់ប្អូនៗ ដែលមានសមត្ថភាពខ្ពស់ ដើម្បីទទួលបាននូវរង្វាន់តបស្នងចំពោះការខិតខំរៀនសូត្រកន្លងមក ទី២ គឺដើម្បីជំរុញលើកទឹកចិត្តឱ្យបន្តខិតខំប្រឹងប្រែងរៀនសូត្រចាប់ពីឥលូវ មិនចាំបាច់ទាល់តែជិតដល់ប្រឡងសញ្ញាបត្រមធ្យមសិក្សាទុតិយភូមិនោះទេ។ នាឱកាសនេះដែរ ឯកឧត្ដមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានថ្លែងអំណរគុណយ៉ាងជ្រាលជ្រៅដល់គំនិតផ្តួចផ្តើមរបស់ ឯកឧត្តម កើត រិទ្ធ ក្នុងការរៀបចំការប្រកួតពានរង្វាន់សម្រាប់ថ្នាក់ទី១០ នេះឡើង ព្រមទាំងសប្បុរសជន និងភាគីពាក់ព័ន្ធទាំងអស់ ដែលបានចូលរួមចំណែកយ៉ាងសកម្មក្នុងការលើកកម្ពស់វិស័យអប់រំ និងការអភិវឌ្ឍធនធានមនុស្សនៅកម្ពុជា។ បន្ថែមលើនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានកោតសរសើរ និងវាយតម្លៃខ្ពស់ដល់ការខិតខំប្រឹងប្រែងរបស់ក្មួយៗសិស្សានុសិស្សផ្ទាល់ ព្រមលោកគ្រូអ្នកគ្រូគ្រប់រូប ដែលបានខ្នះខ្នែងបណ្ដុះបណ្ដាលចំណេះដឹង និងបង្រៀនឱ្យចេះគិតពិចារណា ព្រមទាំងមាតាបិតា អ្នកអាណាព្យាបាលគ្រប់រូបដែលបានគាំទ្រ និងឱ្យតម្លៃលើការអប់រំ ជាពិសេសជំរុញកូនចៅឱ្យមានឱកាសសិក្សារៀនសូត្របានពេញលេញ។កត្តាសំខាន់ៗចំនួន៥ ដើម្បីឈានទៅរកភាពជោគជ័យក្នុងការអប់រំ ដោយក្នុងនោះរួមមាន៖- កត្តារាជរដ្ឋាភិបាល៖ ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី នាយករដ្ឋមន្ត្រី រាជរដ្ឋាភិបាលបានចាត់ទុកការអប់រំ និងការអភិវឌ្ឍធនធានមនុស្ស ជាអាទិភាពចម្បងបំផុតមួយ ក្នុងយុទ្ធសាស្ត្របញ្ចកោណ ដោយប្រទេសជាតិខ្លដោយសារធនធានមនុស្សមានគុណភាព។- កត្តាសាលារៀន រួមទាំងនាយកសាលារៀន៖ ត្រូវតែមានអគារហេដ្ឋារចនាសម្ព័ន្ធសមស្រប រៀបចំបរិស្ថានសាលារៀនស្អាត ដើម្បីទាក់ទាញសិស្សឱ្យចង់ទៅរៀន និងជាពិសេសការដឹកនាំគ្រប់គ្រងបានល្អពីសំណាក់នាយក នាយិកាសាលារៀន ដែលជំរុញបាននូវអភិបាលកិច្ចសាលារៀនប្រកបដោយប្រសិទ្ធភាពខ្ពស់ នាំឱ្យមានការគាំទ្រពីសហគមន៍។- កត្តាសិស្ស៖ សិស្សត្រូវមានសុខភាពរឹងមាំល្អ ខួរក្បាលឆ្លាតវៃទើបរៀនបានពូកែ ដែលទាមទារការយកចិត្តទុកដាក់អំពីការលូតលាស់របស់កូនពីសំណាក់ក្រុមគ្រួសារ ឪពុកម្តាយ និងអ្នកអាណាព្យាបាល តាំងពីវ័យកុមារ ក៏ដូចជាការបញ្ជូនកូនឱ្យចូលរៀនថ្នាក់មត្តេយ្យ ដើម្បីរៀបចំពួកគេសម្រាប់ ការចូលរៀនថ្នាក់បឋមសិក្សា មធ្យមសិក្សា និងកម្រិតសិក្សាបន្តបន្ទាប់ទៀត។- កត្តាគ្រូបង្រៀន៖ គ្រូបង្រៀន ត្រូវមានសមត្ថភាពវិជ្ជាជីវៈខ្ពស់ មានសីលធម៌ល្អ ត្រូវបន្តអភិវឌ្ឍខ្លួនឯងជាប្រចាំ ពង្រឹងវិធីសាស្ត្របង្រៀនឱ្យកាន់តែសម្បូរបែប ស្របតាមបរិបទថ្មីៗនៃបច្ចេកវិទ្យា និងការផ្លាស់ប្តូរនៃកម្មវិធីសិក្សា។ ក្រសួងបាននិងកំពុងយកចិត្តទុកដាក់យ៉ាងខ្លាំងលើការបណ្ដុះបណ្តាលគ្រូបង្រៀនឱ្យមានគុណភាព ដោយផ្តោតលើស្តង់ដាវិជ្ជាជីវៈគ្រូ បន្តពង្រឹងគុណវុឌ្ឍិគ្រូបង្រៀន ដោយពង្រឹងការប្រឡងជ្រើសរើសគ្រូ និងបន្តលើកកម្ពស់តួនាទី កិត្តិយស និងជីវភាពគ្រូបង្រៀន ឱ្យកាន់តែមានតម្លៃក្នុងសង្គម។- កត្តាឪពុកម្តាយ អ្នកអាណាព្យាបាល៖ ត្រូវចូលរួមជំរុញកូនឱ្យទៅរៀន និងប្រឹងប្រែងសិក្សា។ ការអប់រំពិតជាអាចផ្លាស់ប្តូរវាសនារបស់មនុស្សបាន ទន្ទឹមនឹងការខិតខំប្រឹងប្រែងរបស់សិស្សផ្ទាល់ ក៏ត្រូវមានការគាំទ្រទាំងផ្នែកស្មារតី និងធនធានពីសំណាក់ក្រុមគ្រួសារ ឪពុកម្តាយ អ្នកអាណាព្យាបាល និងសហគមន៍ផងដែរ។តាងនាមក្រសួងអប់រំ យុវជន និងកីឡា សូមអបអរសាទរដល់ក្មួយៗជ័យលាភីសិស្សឆ្នើមទាំង ២៥រូប ដែលបានបង្ហាញនូវឆន្ទៈរឹងមាំក្នុងការសិក្សា និងសម្រេចបាននូវលទ្ធផលគួរជាទីមោទនៈនេះ។ ទន្ទឹមនឹងនេះ ចំពោះក្មួយៗសិស្សានុសិស្សទាំងអស់ ដែលបានចូលរួមប្រកួតប្រជែង ប៉ុន្តែមិនបានជាប់ក្នុងចំណោម ២៥រូបនោះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានលើកទឹកចិត្តដល់ក្មួយៗកុំអស់សង្ឃឹម ដោយគ្រាន់តែក្មួយៗមានភាពក្លាហានចូលរួមប្រឡងនេះគឺក្មួយៗបានទទួលជ័យជម្នះមួយជំហានរួចទៅហើយ។ ការប្រឡងនេះ គឺជាមេរៀនដ៏សំខាន់មួយ ដែលបង្ហាញពីចំណុចខ្លាំង និងចំណុចដែលត្រូវពង្រឹង ដូច្នេះសូមយកបទពិសោធនេះ ទៅជាកម្លាំងជំរុញឱ្យខិតខំប្រឹងប្រែងរៀនសូត្របន្ថែមទៀតនៅឆ្នាំក្រោយៗទៀត ដើម្បីឈានទៅរកភាពជោគជ័យក្នុងការប្រឡងសញ្ញាបត្រមធ្យមសិក្សាទុតិយភូមិ និងការប្រឡងផ្សេងៗទៀតនាពេលខាងមុខ។សូមជម្រាបថា រង្វាន់ជ័យលាភី គឺមានចំនួន ២៥ រង្វាន់។ ជ័យលាភីទាំង ២៥ រូប នឹងទទួលបាននូវប័ណ្ណសរសើរ និងសៀវភៅសិក្សាថ្នាក់ទី១១ ម្នាក់ ១ឈុត ព្រមទាំងរង្វាន់ដោយឡែកៗ តាមចំណាត់ថ្នាក់ដូចតទៅ ៖- ជ័យលាភីលេខ ១ នឹងទទួលបានរង្វាន់ម៉ូតូ Honda Dream 125 មួយគ្រឿង និងថវិកា ១ លានរៀល - ជ័យលាភីលេខ ២ និងលេខ ៣ នឹងទទួលបានរង្វាន់ម៉ូតូ Honda Wave ម្នាក់ ១ គ្រឿង និងថវិកា ១ លានរៀល - ជ័យលាភីលេខ ៤ និងលេខ ៥ នឹងទទួលបានកុំព្យូរទ័រយួរដៃមួយគ្រឿង និងថវិកា ១លានរៀល- ជ័យលាភីពីលេខ ៦ ដល់លេខ ១០ នឹងទទួលបានថវិកាម្នាក់ ២ លានរៀល - ជ័យលាភីពីលេខ ១១ ដល់លេខ ២០ នឹងទទួលបានថវិកាម្នាក់ ១លានរៀល និង- ជ័យលាភីទី២០ ដល់ទី២៥ នឹងទទួលបានថវិកាម្នាក់ ៥០ម៉ឺនរៀល។ទន្ទឹមនឹងនេះ ក្រៅពីប័ណ្ណសរសើរ ជ័យលាភីលេខ ១ ក្នុងមុខវិជ្ជានីមួយៗ នឹងទទួលបានកុំព្យូរទ័រយួរដៃមួយគ្រឿង ប្រសិនមិនបានទទួលក្នុងចំណាត់ថ្នាក់ខាងលើ៕

រដ្ឋមន្រ្តីក្រសួងកសិកម្មចុះចែកពូជស្រូវដល់ប្រជាកសិកររងគ្រោះដោយទឹកជំនន់ជិត ៣០០គ្រួសារនៅខេត្តតាកែវ

តាកែវ ៖ រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា នៅថ្ងៃទី០៨ ខែវិច្ឆិកា ឆ្នាំ២០២៥ នេះ បានចុះចែកពូជស្រូវជូនបងប្អូនប្រជាកសិករ ដែលរងផលប៉ះពាល់ដោយសារគ្រោះទឹកជំនន់ ចំនួន ២៩៩ គ្រួសារនៅក្នុងស្រុក ៥ របស់ខេត្តតាកែវដែលពិធីនេះរៀបចំធ្វើឡើងនៅក្នុងឃុំសំបួរស្រុកទ្រាំងខេត្តតាកែវនិងដោយមានការចូលរួមពីឯកឧត្តម វ៉ី សំណាង អភិបាលខេត្តតាកែវ។ឯកឧត្តម វ៉ី សំណាង អភិបាលខេត្តតាកែវ បានថ្លៃងឲ្យដឹងថាសម្រាប់ខេត្តតាកែវកាលបង្កបង្កើនផលស្រូវរដូវវស្សានិងរដូវប្រាំងរបស់បងប្អូនប្រជាកសិករនៅក្នុងខេត្តតាកែវមានការកើនឡើងទៅតាមផែនការដែលបានគ្រោងទុក្ខ ហើយនៅរដូវវស្សាកន្លងទៅនេះស្រូវរបស់បងប្អូនប្រជាកសិករមួយចំនួនត្រូវបានរងគ្រោះដោយសារទឹកជំនួនភ្លៀងក៏ប៉ុន្តែអាជ្ញាធខេត្តជាពិសេសរាជរដ្ឋាភិបាលនិងក្រសួងកសិកម្មបានយកចិត្តទុកដាក់ចុះជួយបងប្អូនបានទាន់ពេលវេលា។នៅក្នុងពិធីនេះ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម ក៍បានពាំនាំនូវការសួរសុខទុក្ខ និងការយកចិត្តទុកដាក់ពីសំណាក់ សម្តេចអគ្គមហាសេនាបតីតេជោ ហ៊ុន សែន និងសម្ដេចមហាបវរធិបតីនាយករដ្ឋមន្ដ្រី ជូនដល់បងប្អូនប្រជាកសិករដែលរងផលប៉ះពាល់ដោយសារគ្រោះទឹកជំនន់។ឯកឧត្តម ឌិត ទីណា ក៏បានលើកឡើងពីការយកចិត្តទុកដាក់របស់រាជរដ្ឋាភិបាលកម្ពុជានិងក្រសួងកសិកម្មក្នុងការជួយកសិករដែលរងគ្រោះឲ្យទឹកជំនន់និងបានស្វះស្វែងរកទីផ្សារកសិផលជូនបងប្អូនប្រជាកសិករផងដែរ។ ហើយបើទោះបីជាតម្លៃស្រូវមានការធ្លាក់ចុះក៏ដោយ ក៏រាជរដ្ឋាភិបាលបានយកចិត្តទុកដាក់ក្នុងការជួយកសិករក្នុងការបញ្ចុះថ្លៃដើមក្នុងការផលិតឱ្យមានតម្លៃទាបដូចជាជីកសិកម្មនិងថ្នាំបាញ់សម្លាប់សត្វអត់ជាដើម ដោយធ្វើយ៉ាងណានាំឲ្យការលក់ស្រូវរបស់កសិករនៅតែមានការចំណេញ។ ឯកឧត្តមរដ្ឋមន្រ្តីក៍បានលើកឡើងពី កម្មវិធីគោលនយោបាយអាទិភាព របស់រាជរដ្ឋាភិបាលក្នុងការរក្សាលំនឹងថ្លៃ កាត់បន្ថយថ្លៃដើមផលិត ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ និងការរៀបចំសហគមន៍កសិកម្មទំនើប ដើម្បីជួយគាំទ្រលើផ្នែកបច្ចេកទេស និងជួយដោះស្រាយបញ្ហាពាក់ព័ន្ធនឹងការងារកសិកម្មដល់កសិករផងដែរ។ សូមបញ្ជាក់ជូនថា ពូជស្រូវចំនួនប្រមាណ ៣០ តោនត្រូវបានលោករដ្ឋមន្ត្រីក្រសួងកសិកម្មចុះចែកដល់បងប្អូនប្រជាកសិករទៅរោងការប៉ះពាល់ដោយសារទឹកជំនន់នៅក្នុងស្រុកចំនួន ៥របស់ខេត្តតាកែវចំនួន ២៩៩គ្រួសារ៕

ប្រមុខការពារជាតិកម្ពុជា៖កងទ័ពបានក្លាយជាឆ្អឹងខ្នង និងខឿនការពារជាតិដ៏រឹងមាំក្នុងកិច្ចការពារអធិបតេយ្យ និងបូរណភាពទឹកដី

នាយឧត្តមសេនីយ៍ ទៀ សីហា ឧបនាយករដ្ឋមន្រ្តីរដ្ឋមន្រ្តីក្រសួងការពារជាតិកម្ពុជា បានលើក ឡើងថា កងយោធពលខេមរភូមិន្ទ បានក្លាយជាឆ្អឹងខ្នង និងខឿនការពារជាតិដ៏រឹងមាំក្នុងកិច្ចការពារនូវអធិបតេយ្យ និងបូរណភាពទឹកដី សុខសន្តិភាព ស្ថិរភាពនយោបាយ និងសេចក្តីសុខក្សេមក្សាន្តរបស់ប្រជាជនកម្ពុជាទាំងមូល។ ក្នុងឱកាសខួបអនុស្សាវរីយ៍លើកទី៧២ ទិវាកំណើតកងយោធពលខេមរភូមិន្ទ និងទិវាបុណ្យឯករាជ្យជាតិ ថ្ងៃទី០៩ ខែវិច្ឆិកា ឆ្នាំ១៩៥៣-ថ្ងៃទី០៩ ខែវិច្ឆិកា ឆ្នាំ២០២៥នេះ នាយ ឧត្តមសេនីយ៍ ទៀ សីហា បានបញ្ជាក់ថា« ខ្ញុំសូមកោតសរសើរ និងវាយតម្លៃខ្ពស់ចំពោះសមិទ្ធផលដ៏ធំធេង របស់កងយោធពលខេមរភូមិន្ទ ដែលសម្រេចបានកន្លងមក ជាពិសេសក្នុងកិច្ចការពារជាតិមាតុភូមិ ការអនុវត្តបានយ៉ាងខ្ជាប់ខ្ជួននូវបទបញ្ជារបស់ថ្នាក់ដឹកនាំប្រកបដោយភាពអង់អាចក្លាហាន់ តស៊ូ ប្តូរផ្តាច់ ហ៊ានធ្វើពលិកម្មគ្រប់បែបយ៉ាង និងការប្ដេជ្ញាចិត្តខ្ពស់ត្រៀមខ្លួនរួចជាស្រេច ដើម្បីប្រយុទ្ធការពារឯករាជ្យភាព និងបូរណភាពទឹកដីរបស់យើងរហូត ដល់ដង្ហើមចុងក្រោយ ។ ក្រោមស្មារតីដ៏អង់អាចក្លាហាន ការប្តេជ្ញាចិត្តដ៏មុតស្រួចនេះ កងយោធពលខេមរភូមិន្ទ បានក្លាយជាឆ្អឹងខ្នង និងជាខឿនការពារជាតិដ៏រឹងមាំក្នុងកិច្ចការពារអធិបតេយ្យភាព បូរណភាពទឹកដី សុខសន្តិភាព ស្ថិរភាពនយោបាយ និងសេចក្តីសុខក្សេមក្សាន្តរបស់ប្រជាជន»។ ឯកឧត្តមនាយឧត្តមសេនីយ៍ បានបន្ថែមទៀតថា កងយោធពលខេមរភូមិន្ទបានចូលរួម អនុវត្តប្រកបដោយប្រសិទ្ធភាពនូវភារកិច្ចអន្តរជាតិ លើវិស័យមនុស្សធម៌ បំពេញបេសកកម្មជាកងកម្លាំងរក្សាសន្តិភាព ក្រោមឆត្ររបស់អង្គការសហប្រជាជាតិ ដើម្បីបុព្វហេតុសន្តិភាព និងកិច្ចសហប្រតិបត្តិការអន្តរជាតិល្អ ដែលជាមោទនភាព និងជាកិត្តិយសដ៏ឧត្តុង្គឧត្តមរបស់កងយោធពលខេមរភូមិន្ទ ក៏ដូចជាប្រជាជាតិកម្ពុជាយើងទាំងមូលដែលមិនធ្លាប់មាននៅក្នុងប្រវត្តិសាស្ត្រពីមុនមក និងបានធ្វើឱ្យកិត្យានុភាពរបស់ព្រះរាជាណាចក្រកម្ពុជា កាន់តែល្បីរន្ទឺនៅលើឆាកអន្តរជាតិជាដើម។ក្នុងឱកាសនេះដែរ ប្រមុខការពារជាតិកម្ពុជា ក៏បានសម្តែងនូវការគោរពដល់ដួងវិញ្ញាណក្ខន្ធវីរកងទ័ពដែលបានពលីជីវិតក្នុងបុព្វហេតុ ការពារអធិបតេយ្យជាតិ និងបូរណភាពទឹកដី នៃព្រះរាជាណាចក្រកម្ពុជាតាំងពីអតីតកាលរហូតដល់បច្ចុប្បន្ន ជាពិសេសក្នុងជម្លោះព្រំដែនកម្ពុជា-ថៃផងដែរ។ក្នុងឱកាសដ៏ឧត្ដុង្គឧត្តម នៃពិធីរំលឹកខួបអនុស្សាវរីយ៍លើកទី៧២ ទិវាកំណើតកងយោធពលខេមរភូមិន្ទ និងព្រមជាមួយទិវាបុណ្យឯករាជ្យជាតិនេះដែរ នាយឧត្តមសេនីយ៍ទៀ សីហា ក៏បានផ្ញើជូននូវការសាកសួរសុខទុក្ខពោរពេញដោយមនោសញ្ចេតនានឹករលឹកយ៉ាងជ្រាលជ្រៅបំផុតចំពោះនាយទាហាន នាយទាហានរង និងពលទាហានទាំងអស់ ក្នុងកងយោធពលខេមរភូមិន្ទ ដែលកំពុងបំពេញភារកិច្ចនៅតាមស្ថាប័ន កងឯកភាពនានា ក៏ដូចជាសិក្ខាកាមកំពុងសិក្សាជំនាញផ្សេងៗនៅបណ្តាប្រទេសជាមិត្តមួយចំនួន ព្រមទាំងកងកម្លាំងបំពេញបេសកកម្មរក្សាសន្តិភាពរបស់អង្គការសហប្រជាជាតិ កងកម្លាំងជួរមុខដែលកំពុងឈរជើងការពារនៅតាមបណ្ដោយខ្សែរបន្ទាត់ ព្រំដែន ជាពិសេសនៅតំបន់ដែលកំពុងតែមានជម្លោះព្រំដែនកម្ពុជា-ថៃ៕អត្ថបទ បាន ចក់

ព្រះរាជពិធីបុណ្យអុំទូកបីថ្ងៃ ទូទាំងប្រទេសមានទេសចរជាតិ អន្តរជាតិទស្សនាជាង២លាននាក់

ភ្នំពេញ ៖ រដ្ឋមន្ត្រីក្រសួងទេសចរណ៍ ឯកឧត្តម ហួត ហាក់ បានឲ្យដឹងថា ឆ្នាំនេះ បើទោះ មិនមានការរៀបចំកម្មវិធីប្រណាំងទូកថ្នាក់ជាតិ ក៏នៅក្នុងរយៈពេលឈប់សម្រាកបីថ្ងៃ នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី៤ ដល់ថ្ងៃទី៦ ខែវិច្ឆិកានេះ គឺមានភ្ញៀវទេសចរជាតិ អន្តរជាតិ អញ្ជើញដើរទស្សនាមានប្រមាណជាង២លាន៣៦ម៉ឺននាក់ ក្នុងនោះទេសចរអន្តរជាតិ មានជាង៤៤ម៉ឺននាក់ ។ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានបញ្ជាក់ថា នៅក្នុងព្រះរាជពិធីបុណ្យអុំទូក ថ្ងៃទី១ ទូទាំងប្រទេសមានទេសចរជាតិអន្តរជាតិដើរកម្សាន្តប្រមាណជាង៤៦ម៉ឺននាក់ ក្នុងនោះ ទេសចរអន្តរជាតិ មានជិត១៣ម៉ឺននាក់ ថ្ងៃទី២ មានទេសចរជាតិអន្តរជាតិជាង ៩៨ម៉ឺននាក់ ក្នុងនោះទេសចរអន្តរជាតិជាង១៥ម៉ឺននាក់ ថ្ងៃទី3 មានទេសចរជាតិអន្តរជាតិដើរកម្សាន្តប្រមាណជិត៩២ម៉ឺននាក់ ក្នុងនោះទេសចរអន្តរជាតិមានជិត១៦ម៉ឺននាក់។បើតាមភ្ញៀវទេសចរអន្តរជាតិ បានថ្លែងប្រាប់BTV នៅថ្ងៃទី៧ ខែវិច្ឆិកានេះថា ជាក់ស្តែង នៅខែមុននេះ គឺភ្ញៀវទេសចរអន្តរជាតិនានា បាននាំគ្នាកក់ទិញកញ្ចប់ទេសចរមកទស្សនាកម្ពុជា ឲ្យចំថ្ងៃ កម្ពុជា រៀបចំព្រះរាជពិធីបុណ្យអុំទូក ហើយនៅក្នុងឆ្នាំនេះ បើទោះកម្ពុជា មិនមានការរៀបចំកម្មវិធីប្រណាំងទូកនៅមុខព្រះរាជវាំង ក៏គេបានឱកាសទៅទស្សនានៅខេត្តសៀមរាប និងដើរទស្សនាកម្សាន្តតំបន់ទេសចរណ៍ល្អប្លែកៗជាច្រើនកន្លែងទៀត ដែលធ្វើឲ្យគេមិនមានការនឹកផ្ទះ និងចង់មកទស្សនាកម្ពុជាម្តងទៀត។នៅក្នុងរបាយការណ៍ក្រសួងទេសចរណ៍ បានឲ្យដឹងថារយៈពេលឈប់សម្រាកបីថ្ងៃ នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី៤ ដល់ថ្ងៃទី៦ ខែវិច្ឆិកាឆ្នាំ២០២៥ រាជធានីខេត្តដែលទាក់ទាញទេសចរជាតិអន្តរជាតិច្រើនជាងគេលំដាប់ទី១ ខេត្តសៀមរាប មានភ្ញៀវទៅទស្សនាជិត៣៧ម៉ឺននាក់ ភ្ញៀវអន្តរជាតិមានជិត១ម៉ឺននាក់ ទី២ ខេត្តព្រះសីហនុ មានភ្ញៀវជាង៣២ម៉ឺនាក់ ភ្ញៀវអន្តរជាតិមានជិត៩ម៉ឺននាក់ ទី៣ រាជធានីភ្នំពេញ មានភ្ញៀវទស្សនាជាង៣០ម៉ឺននាក់ ភ្ញៀវអន្តរជាតិជិត២ម៉ឺននាក់ បទី៤ខេត្តកំពត មានភ្ញៀវទៅទស្សនាជិត២០ម៉ឺននាក ទី៥ខេត្ត ប៉ៃលិនមានភ្ញៀវទៅទស្សនាជិត១៩ម៉ឺននាក បន្ទាប់មកខេត្ត កែប ខេត្តបាត់ដំបង និងខេត្តកំពង់ចាម។ អត្ថបទ ស៊ុម សុខជា

ឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង

ស្វាយរៀង ៖ នៅរសៀលថ្ងៃទី៧ ខែវិច្ឆិកា ឆ្នាំ២០២៥ ឯកឧត្ដម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង និងជាប្រធានគណៈបញ្ជាការឯកភាពរដ្ឋបាលខេត្តបានអញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង។កិច្ចប្រជុំនេះមានការអញ្ជើញចូលរួមពីលោក លោកស្រី អភិបាលរងខេត្ត លោកនាយករងរដ្ឋបាលសាលាខេត្ត លោកស្នងការរងនគរបាលខេត្ត លោកមេបញ្ជាការរងតំបន់ប្រតិបត្តិការសឹករងស្វាយរៀងលោកមេបញ្ជាការកងរាជអាវុធហត្ថខេត្ត លោកអនុប្រធានមន្ទីរសាធារណការ និងដឹកជញ្ជូនខេត្តលោកអនុប្រធានអគ្គិសនីស្វាយរៀង លោកអភិបាលក្រុងស្វាយរៀង លោកអភិបាលក្រុងបាវិត លោកអភិបាលស្រុកស្វាយទាប លោកអភិបាលស្រុកស្វាយជ្រំ លោកប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិបាវិត លោកនាយរងប៉ុស្តិ៍នគរបាលអន្តោប្រវេសច្រកទ្វារព្រំដែនអន្តរជាតិបាវិត លោកនាយកទីចាត់ការហិរញ្ញវត្ថុសាលាខេត្ត លោកនាយកទីចាត់ការអន្តរវិស័យសាលាខេត្ត លោកនាយករងទីចាត់ការរដ្ឋបាលសាលាខេត្ត លោកប្រធានការិយាល័យសាលាខេត្ត លោកអធិការនគរបាលក្រុង ស្រុកទាំង៨ និងលោកមេបញ្ជាការមូលដ្ឋានកងរាជអាវុធហត្ថក្រុង ស្រុកទាំង៨៕

គ្រឿងទេស អាហារកែច្នៃ បន្លែ ផ្លែឈើ ត្រីសាច់ ជាច្រើនមុខ ដែលសុទ្ធតែផលិតនៅក្នុងស្រុក បានកំពុងដាក់លក់ក្នុងស្តង់ ផ្សារផលិតផលខ្មែរខេត្តតាកែវ

(ខេត្តតាកែវ)៖ ផ្សារផលិតផលខ្មែរខេត្តតាកែវ បាននិងកំពុងដំណើរលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករ ផលិតករ និងសិប្បករខ្មែរ នៅក្នុងខេត្តតាកែវ នៅរៀងរាល់ថ្ងៃសៅរ៍-អាទិត្យចាប់ពីម៉ោង ៦៖៣០ព្រឹក ដល់ម៉ោង១៨៖០០ល្ងាច ដែលមានទីតាំងនៅបរិវេនសួនច្បារមាត់បឹងតាកែវ ទល់មុខមហោស្រពខេត្តតាកែវ។ ស្វែងរកទីតាំងផ្សារផលិតផលខ្មែរខេត្តតាកែវ៖https://maps.app.goo.gl/G8E4td1cw2gWxPTZ6?g_st=ipcសូមបញ្ជាក់ថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងការសម្របសម្រួលផ្តល់ទីតាំងរបស់រដ្ឋបាលខេត្ត មន្ទីរពាណិជ្ជកម្មខេត្តតាកែវ ក្រោមគម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ន។ ផ្សារផលិតផលខ្មែរនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករអាជីវករខ្នាតតូច ជាតំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរ ដល់ក្រុមផលិតដែលអាចរកប្រាក់ចំណូល និងលើកកម្ពស់ជីវភាពរស់នៅពួកគេ។ ការចូលរួមលើកកម្ពស់ និងប្រើប្រាស់ផលិតផលខ្មែរ ជាការរួមចំណែកបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គមឲ្យកាន់តែប្រសើរឡើង។

ម្រមុខការទូតកម្ពុជាបញ្ជាក់ប្រាប់អង្គទូតបរទេសនានាថាការដោះមីនមនុស្សធម៌មិនត្រូវធ្វើឱ្យប៉ះពាល់ដល់ការងារវាស់វែង និងខណ្ឌសីមាព្រំដែនគោករវាងកម្ពុជា និងថៃឡើយ

នៅព្រឹកថ្ងៃទី ៨ ខែ វិច្ឆិកា ឆ្នាំ២០២៥ នៅទីស្តីការក្រសួង ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានដឹកនាំការធ្វើបទបង្ហាញស្តីពីការ វិវត្តថ្មីៗនៃបញ្ហាជម្លោះព្រំដែនកម្ពុជា-ថៃ ដោយផ្តោត ជាពិសេសលើការបន្តគោរពបទឈប់បាញ់របស់កម្ពុជា ការប្រកាន់ខ្ជាប់នូវការដោះស្រាយបញ្ហាព្រំដែនដោយសន្តិវិធី និងផ្អែកលើច្បាប់ និងការបោសសំអាតមីនមនុស្សធម៌នៅតំបន់ព្រំដែន។ បទបង្ហាញនេះមានការចូលរួមពីសមាជិកអង្គទូតបរទេសចំនួន ៣៩ រូប ដែលមាននិវេសនដ្ឋាននៅរាជធានីភ្នំពេញ។ឯកឧត្តមឧបនាយករដ្ឋមន្ត្រី បានគូសបញ្ជាក់សាជាថ្មី អំពីការប្តេជ្ញាចិត្តដ៏ម៉ឺងម៉ាត់របស់កម្ពុជា ក្នុងការគោរពបទឈប់បាញ់រវាងកម្ពុជា-ថៃ ដែលបានព្រមព្រៀងគ្នា កាលពីថ្ងៃទី២៨ ខែកក្កដា ឆ្នាំ ២០២៥ និងគោរព (១) សេចក្តីថ្លែងការណ៍រួម របស់នាយករដ្ឋមន្ត្រីនៃព្រះរាជាណាចក្រកម្ពុជា និងនាយករដ្ឋមន្ត្រីនៃព្រះរាជាណាចក្រថៃ ដោយមានប្រធានាធិបតីសហរដ្ឋអាម៉េរិក និងនាយករដ្ឋមន្ត្រីម៉ាឡេស៊ី ធ្វើជាសាក្សី នៅទីក្រុងកូឡាឡំាពួ ប្រទេសម៉ាឡេស៊ី កាលពីថ្ងៃទី២៦ ខែតុលា ឆ្នាំ២០២៥ និង(២) លទ្ធផលនៃកិច្ចប្រជុំនានារបស់គណៈកម្មាធិការព្រំដែនទូទៅ (GBC) និងកិច្ចប្រជុំនានារបស់គណៈកម្មាធិការព្រំដែនថ្នាក់ភូមិភាគ (RBC) ក្នុងឆ្នាំ២០២៥។ ឯកឧត្តមឧបនាយករដ្ឋមន្ត្រីក៏បានបញ្ជាក់សាជាថ្មីផងដែរថា ការដោះមីនមនុស្សធម៌ មិនត្រូវធ្វើឱ្យប៉ះពាល់ដល់ការងារវាស់វែង និងខណ្ឌសីមាព្រំដែនគោករវាងប្រទេសទាំងពីរ និងត្រូវធ្វើឡើងនៅតំបន់ព្រំដែនអាទិភាពដែលមានការឯកភាពដោយភាគីទាំងពីរ ស្របតាមនិយាមប្រតិបត្តិ (SOP) ដែលបានចុះហត្ថលេខានៅទីក្រុងគូឡាឡាំពួ ប្រទេសម៉ាឡេស៊ី កាលពីថ្ងៃទី២៣ ខែ តុលា ឆ្នាំ២០២៥ ។

រាជរដ្ឋាភិបាលសម្រេចបញ្ចេញមូលនិធិ ៤០ លានដុល្លារបន្ថែមសម្រាប់អន្តរាគមន៍រក្សាលំនឹងថ្លៃស្រូវក្នុងរដូវប្រមូលផលចុងឆ្នាំ ២០២៥ និងដើមឆ្នាំ២០២៦

ធនាគារអភិវឌ្ឍន៍ជនបទ និងកសិកម្ម (ARDB) បានឱ្យដឹងថា ក្នុងរដូវកាលប្រមូលផលស្រូវជាបន្តបន្ទាប់មកនេះ, តម្លៃស្រូវ មានការធ្លាក់ចុះ ខណៈពេលដែលតម្លៃអង្គរលើទីផ្សារអន្តរជាតិកំពុងមាននិន្នាការធ្លាក់ចុះ ដោយសារតែស្តុក អង្ករសម្រាប់សុវត្ថិភាពស្បៀងឆ្នាំ២០២៤ របស់ប្រទេសមួយចំនួន បន្តប្រើប្រាស់ក្នុងឆ្នាំ២០២៥ ដែលធ្វើឱ្យ តម្រូវការអង្ករនៅទីផ្សារអន្តរជាតិធ្លាក់ចុះ ជាមួយនឹងផលិតកម្មស្រូវនៅកម្ពុជា និងលើសកលលោកបន្ត កើនឡើង។ ឆ្លើយតបនឹងបញ្ហាធ្លាក់ថ្លៃនេះ, រាជរដ្ឋាភិបាលកម្ពុជា បាន និងកំពុងយកចិត្តទុកដាក់ខ្ពស់លើ ការរក្សាលំនឹងថ្លៃស្រូវ និងលំនឹងជីវភាពបងប្អូនប្រជាកសិករ ដោយចាត់វិធានការអន្តរាគមន៍ជាបន្តបន្ទាប់ រួមទាំងការបញ្ចេញមូលនិធិ ក្រោមកម្មវិធីហិរញ្ញប្បទានពិសេសរបស់រាជរដ្ឋាភិបាល សម្រាប់ផ្តល់ឥណទាន ជាទុនបង្វិលដល់រោងម៉ាស៊ីនកិនស្រូវដែលជាដៃគូជាមួយនឹងធនាគារ ARDB និងក្រសួងកសិកម្ម រុក្ខាប្រមាញ់ និងនេសាទ ដើម្បីប្រមូលទិញស្រូវតាមតម្លៃសមរម្យពីបងប្អូនប្រជាកសិករ។ដើម្បីអន្តរាគមន៍រក្សាលំនឹងថ្លៃស្រូវក្នុងប្រមូលផលក្នុងខែវិច្ឆិកាដល់ខែធ្នូ ឆ្នាំ២០២៥ និងដើមឆ្នាំ ២០២៦ ខាងមុខនេះ, រាជរដ្ឋាភិបាលបានសម្រេចបញ្ចេញមូលនិធិចំនួន ៤០ លានដុល្លារអាមេរិក បន្ថែមទៀត ក្រោមកម្មវិធីហិរញ្ញប្បទានរបស់រាជរដ្ឋាភិបាល ដើម្បីលើកស្ទួយផលិតផលកសិកម្ម រកទីផ្សារ និងរក្សាលំនឹង ថ្លៃកសិផល តាមរយៈធនាគារ ARDB សម្រាប់ផ្តល់ឥណទានជាទុនបង្វិលដល់រោងម៉ាស៊ីនកិនស្រូវដៃគូ ប្រមូលទិញស្រូវឱ្យអស់លទ្ធភាព និងតាមតម្លៃសមរម្យពីបងប្អូនប្រជាកសិករ។

ដំណាប់ស្វាយស្ងួតកម្ពុជាមានវត្តមានលើទីផ្សារអូស្ត្រាលី

ស្ថានទូតអូស្ត្រាលី និងក្រុមហ៊ុន គីរីរម្យ ហ្វ៊ូដ ប្រដាក់សិន (ខេ.អេហ្វ.ភី) បានសម្រេចនូវជោគជ័យនៃភាពជាដៃគូពាណិជ្ជកម្មថ្មីមួយ ជាមួយនឹងការនាំចេញដំណាប់ស្វាយស្ងួតកម្ពុជាទៅកាន់ប្រទេសអូស្ត្រាលី។នេះ គឺជាការនាំចេញលើកដំបូងក្រោមកិច្ចព្រមព្រៀងពាណិជ្ជកម្មរយៈពេលវែង (២០២៤-២០៣០) រវាងក្រុមហ៊ុន ខេ.អេហ្វ.ភី និងតំណាងចែកចាយលក់ដុំដ៏ធំមួយដែលមានទីតាំងនៅក្នុងប្រទេសអូស្ត្រាលី ដែលកិច្ចព្រមព្រៀងនេះជួយត្រួសត្រាយផ្លូវសម្រាប់ការផ្គត់ផ្គង់ស្វាយស្ងួតកម្ពុជា ទៅកាន់ហាងទំនិញល្បីៗនៅទូទាំងប្រទេសអូស្ត្រាលី។លោក ដេរិក យីប ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា បានមានប្រសាសន៍ថា៖ «ភាពជាដៃគូនៃការនាំចេញនេះ គឺជាភស្តុតាងដែលបង្ហាញពីការរីកចម្រើននៃកិច្ចសហប្រតិបត្តិការរវាងកម្ពុជា និង អូស្ត្រាលី។ ភាពជាដៃគូនេះ ក៏បានបង្ហាញពីរបៀបនៃការគាំទ្រដែលផ្តោតសំខាន់លើគោលដៅ និងភាពជាដៃគូក្នុងវិស័យឯកជន ក្នុងការបង្កើតទីផ្សារថ្មីៗ និងធ្វើឲ្យប្រសើរឡើងនូវភាពប្រកួតប្រជែងក្នុងវិស័យកសិ-ចំណីអាហាររបស់កម្ពុជា។ ការនាំចេញដំណាប់ស្វាយស្ងួតនេះ គឺស្របទៅនឹងយុទ្ធសាស្ត្រសេដ្ឋកិច្ចអាស៊ីអាគ្នេយ៍របស់អូស្រ្តាលីដល់ត្រឹមឆ្នាំ ២០៤០ ដែលមានគោលបំណងពង្រឹងកិច្ចសហប្រតិបត្តិការសេដ្ឋកិច្ចរវាងអូស្ត្រាលី និងបណ្តាប្រទេសនានានៅអាស៊ីអាគ្នេយ៍»។ លោកស្រី ឈន ដាលីស នាយកគ្រប់គ្រងនៃក្រុមហ៊ុន ខេ.អេហ្វ.ភី បានមានប្រសាសន៍ថា៖ «យើងមានសេចក្តីសោមនស្សក្នុងការនាំយកស្វាយស្ងួតរបស់កម្ពុជាទៅកាន់អតិថិជនអូស្ត្រាលី។ ភាពជាដៃគូរបស់យើងជាមួយអូស្ត្រាលី មិនត្រឹមតែផ្តល់អត្ថប្រយោជន៍ដល់បុគ្គលិករបស់យើងជាង ១៧០០ នាក់ ដែលក្នុងចំណោមនោះមានបុគ្គលិកជាស្ត្រីចំនួន ៦០ ភាគរយ ប៉ុណ្ណោះទេ ប៉ុន្តែវាថែមទាំងជួយបង្កើនប្រាក់ចំនូលដល់កសិករខ្នាតតូច និងធ្វើឲ្យប្រសើរឡើងនូវកេរ្តិ៍ឈ្មោះរបស់កម្ពុជាសម្រាប់ផលិតផលដែលមានគុណភាពផងដែរ»។កិច្ចព្រមព្រៀងពាណិជ្ជកម្មមួយនេះ អាចកើតឡើងដោយមានការគាំទ្រពីរដ្ឋាភិបាលអូស្តា្រលី តាមរយៈកម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) ដែលបានជួយក្រុមហ៊ុន ខេ.អេហ្វ.ភី ដើម្បីជម្រុញការត្រៀមខ្លួនរួចរាល់ក្នុងការនាំចេញ ក៏ដូចជាបង្កើនបណ្តាញទំនាក់ទំនងធុរកិច្ចជាមួយអូស្ត្រាលីផងដែរ។ ភាពជោគជ័យនេះ កើតឡើងស្របគ្នាទៅនឹងការតម្លើងខ្សែច្រវាក់ផលិតកម្មទឹកស្វាយកែច្នៃលើកដំបូងរបស់កម្ពុជា នៅក្នុងក្រុមហ៊ុន ខេ.អេហ្វ.ភី តាមរយៈការគាំទ្របច្ចេកទេសពីអូស្ត្រាលី។ ម៉ាស៊ីនខ្សែច្រវាក់ផលិតកម្មថ្មីនេះ អនុញ្ញាតឲ្យមានភាពច្នៃប្រឌិតក្នុងការកែប្រែកាកសំណល់ផ្លែស្វាយទាំងនោះទៅជាផលិតផលដែលមានតម្លៃ។ វាក៏នឹងអនុញ្ញាតឱ្យក្រុមហ៊ុន ខេ.អេហ្វ.ភី អាចទិញផ្លែស្វាយពីកសិករដោយមិនគិតពីទំហំ ដើម្បីកែច្នៃទៅជាទឹកស្វាយកែច្នៃ និងភេសជ្ជៈស្វាយទុំ ដែលអាចផ្គត់ផ្គង់ទាំងទីផ្សារក្នុងស្រុក និងអន្តរជាតិ។អូស្ត្រាលី បន្តជួយសហគ្រាសកម្ពុជាក្នុងការពង្រីកសក្តានុពលនាំចេញរបស់ពួកគេ។ ក្នុងឆ្នាំ ២០២៤ ពាណិជ្ជកម្មទ្វេភាគីរវាងកម្ពុជា និងអូស្ត្រាលីបានឈានដល់ ១,១ ពាន់លានដុល្លារអាមេរិក ដោយជាង ៧០ ភាគរយនៃពាណិជ្ជកម្មនេះ គឺជាផលិតផលរបស់កម្ពុជាដែលនាំចេញទៅប្រទេសអូស្ត្រាលី។ការនាំចេញដំណាប់ស្វាយស្ងួតចំនួន ២០ តោននេះ ធ្វើឡើងបន្ទាប់ពីការនាំចេញនាពេលថ្មីៗនេះនូវផ្លែឈើស្ងួត និងគ្រាប់ស្វាយចន្ទីកែច្នៃរួច ដោយក្រុមហ៊ុន Royal Trust Trading និងការនាំចេញអង្ករដោយក្រុមហ៊ុន Amru Rice។ ប្រទេសអូស្ត្រាលីនៅតែប្តេជ្ញាចិត្តគាំទ្រដល់កំណើនសេដ្ឋកិច្ចប្រកបដោយបរិយាបន្ន និរន្តភាព និងភាពធន់របស់ប្រទេសកម្ពុជា និងជួយដល់អ្នកផលិតក្នុងវិស័យកសិកម្មដើម្បីកែច្នៃកសិ-ចំណីអាហារក្នុងស្រុកឲ្យបានកាន់តែច្រើន សម្រាប់នាំចេញទៅកាន់ទីផ្សារសកលលោកដែលមានតម្លៃខ្ពស់។

សារមន្ទីរតេជោសន្តិភាព បានចាប់ផ្តេីមដាក់តំឡេីងរូបចម្លាក់តោថ្មចំនួន៣គូ ដែលមានកម្ពស់ជាងជាង៣ម៉ែត្រ

ព្រឹកថ្ងៃសៅរ៍ ទី០៧ ខែវិច្ឆិកា ឆ្នាំ២០២៥ នៅសារមន្ទីរតេជោសន្តិភាព បានចាប់ផ្តេីមដាក់តំឡេីងរូបចម្លាក់តោថ្មចំនួន៣គូ ដែលមានកម្ពស់ជាងជាង៣ម៉ែត្រ ក្លាយចម្លាក់សត្វតោថ្មឈបង្ហាញខ្លួនយ៉ាងសង្ហារ តែអាចរាងកំសត់បន្តិចដែរព្រោះថា សុទ្ធរូបចម្លាក់សត្វតោឈ្មោលទាំងអស់ និងដាក់តំឡេីងតោថ្មក្រោមតំណក់ទឹកភ្លៀង។ នេះបើតាមឯកឧត្តម ហេង រតនា អគ្គនាយកអង្គភាពស៊ីម៉ាក់។ឯកឧត្តម ហេង រតនា បានឱ្យដឹងថា ក្នុងពេលជាមួយនេះ ក៏បានចុះពិនិត្យការដ្ឋានសាងសង់អគាររាងគ្រាប់មីនPMN-2 ធំជាងគេលេីលោកយេីងនេះ! ខាងក្រៅរាងគ្រាប់មីនក៏ពិតមែន ប៉ុន្តែខាងក្នុងអគារមានការបំពាក់ ការតាំងបង្ហាញឯកសារ រូបភាព និងតឹកតាងភស្តុតាងប្រវត្តិសាស្ត្រសង្គ្រាមនៅកម្ពុជាជាច្រេីន។ សំណង់នេះបាននិងកំពុងកសាងត្រួតពិនិត្យយ៉ាងយកចិត្តទុកពីវិស្វករនិងក្រុមសាងសង់ជប៉ុន។ សំណង់អគារនេះនឹងក្លាយជានិមិត្តរូបនៃការអនុវត្តអនុសញ្ញាមីនអន្តរជាតិអូតាដាដោយជោគជ័យរបស់រាជរដ្ឋាភិបាលនិងប្រជាជនកម្ពុជា។

បណ្ដាញសង្គម

ព័ត៌មានថ្មីៗ

ឆ្មាំល្បាតឆ្នេរកោះតៃវ៉ាន់និយាយថា ខ្លួនបានដាក់ពង្រាយនាវាដើម្បីឆ្លើយតបទៅនឹងប្រតិបត្តិការរបស់ចិន

បារាំង និងសម្ព័ន្ធមិត្តសម្លឹងរកការចាត់វិធានការថ្នាក់ជាតិ ដើម្បីដាក់សម្ពាធលើអ៊ីស្រាអែលលើបញ្ហាតំបន់ West Bank

ករណីឆ្លងជំងឺអេបូឡាហក់ឡើងជាង ៤០០នាក់ ខណៈក្ដីបារម្ភកើនឡើងពីការផ្ទុះឡើងនៃជំងឺនេះនៅអាហ្វ្រិកកណ្តាល

ការបាញ់ប្រហារបណ្ដាលឱ្យនគរបាលរបួស ខណៈកងកម្លាំងបូលីវីសម្អាតផ្លូវហាយវេក្រោយបិទរយៈពេលជាច្រើនសប្តាហ៍

អ៊ុយក្រែនវាយប្រហារដោយយានដ្រូនជាច្រើនលើរុស្ស៊ីនៅថ្ងៃចុងក្រោយនៃវេទិកាសេដ្ឋកិច្ចដ៏សំខាន់

កិច្ចប្រជុំផ្សព្វផ្សាយសេចក្ដីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកគូលែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

រដ្ឋមន្រ្តីក្រសួងកសិកម្មចុះចែកពូជស្រូវដល់ប្រជាកសិកររងគ្រោះដោយទឹកជំនន់ជិត ៣០០គ្រួសារនៅខេត្តតាកែវ

ព្រះរាជពិធីបុណ្យអុំទូកបីថ្ងៃ ទូទាំងប្រទេសមានទេសចរជាតិ អន្តរជាតិទស្សនាជាង២លាននាក់

ដំណាប់ស្វាយស្ងួតកម្ពុជាមានវត្តមានលើទីផ្សារអូស្ត្រាលី

សារមន្ទីរតេជោសន្តិភាព បានចាប់ផ្តេីមដាក់តំឡេីងរូបចម្លាក់តោថ្មចំនួន៣គូ ដែលមានកម្ពស់ជាងជាង៣ម៉ែត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

រដ្ឋមន្រ្តីក្រសួងកសិកម្មចុះចែកពូជស្រូវដល់ប្រជាកសិកររងគ្រោះដោយទឹកជំនន់ជិត ៣០០គ្រួសារនៅខេត្តតាកែវ

ព្រះរាជពិធីបុណ្យអុំទូកបីថ្ងៃ ទូទាំងប្រទេសមានទេសចរជាតិ អន្តរជាតិទស្សនាជាង២លាននាក់

ដំណាប់ស្វាយស្ងួតកម្ពុជាមានវត្តមានលើទីផ្សារអូស្ត្រាលី

សារមន្ទីរតេជោសន្តិភាព​ បានចាប់ផ្តេីមដាក់តំឡេីងរូបចម្លាក់តោថ្មចំនួន៣គូ​ ដែលមានកម្ពស់ជាងជាង៣ម៉ែត្រ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សារមន្ទីរតេជោសន្តិភាព បានចាប់ផ្តេីមដាក់តំឡេីងរូបចម្លាក់តោថ្មចំនួន៣គូ ដែលមានកម្ពស់ជាងជាង៣ម៉ែត្រ