BTV NEWS

កិច្ចប្រជុំផ្សព្វផ្សាយសេចក្ដីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកគូលែន

សម្តេច ម៉ែន សំអន អញ្ជើញដឹកនាំកិច្ចប្រជុំផ្សព្វផ្សាយសេចក្តីសម្រេច ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ និងបូកសរុបលទ្ធផលការងារឆមាសទី១ របស់ក្រុមការងារគណបក្សចុះមូលដ្ឋានខេត្តស្វាយរៀង

ជនជាតិចិន ៤៧៩នាក់ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ត្រូវបានបណ្ដេញចេញពីកម្ពុជា

គណៈបញ្ចាការឯកភាពរាជធានី បន្តចុះអនុវត្តត្រួតពិនិត្យនៅទីតាំងស្នាក់នៅប្រមូលផ្តុំ ៤កន្លែងសង្ស័យពាក់ព័ន្ធបទល្មើសអនឡាញឃាត់មនុស្ស ៦៨នាក់

ព័ត៌មានជាតិ

ក្រុមអ្នកផលិត អំពាវនាវអ្នកប្រើប្រាស់ជឿជាក់ និងបន្តគាំទ្រផលិតផលក្នុងស្រុកឱ្យកាន់តែច្រើន

ក្រុមសហគ្រាសខ្នាតតូច និងមធ្យមនៅកម្ពុជា បានអំពាវនាវដល់អ្នកប្រើប្រាស់ទាំងអស់ មានការជឿទុកចិត្ត និងបន្តគាំទ្រផលិតផលក្នុងស្រុកឱ្យកាន់តែច្រើនឡើងបន្ថែមទៀត ដើម្បីផ្តល់ជាកម្លាំងចិត្ត ក៏ដូចជាជួយកាត់បន្ថយថ្លៃដើមផលិតឱ្យមកនៅទាប ដើម្បីធ្វើឱ្យតម្លៃទំនិញដែលដាក់លក់លើទីផ្សារកាន់តែធូរថ្លៃជាងមុនផងដែរ។នៅក្នុងបទសម្ភាសន៍ជាមួយ លោក តែ តាំងប៉ ប្រធានសម្ព័ន្ធសមាគមសហគ្រាសខ្នាតតូច និងមធ្យម កាលពីព្រឹកថ្ងៃទី៧ វិច្ឆិកា ឆ្នាំ២០២៥នេះ លោកបានឱ្យព័ត៌មាន ប៊ីធីវី ដឹងថា ការគាំទ្រផលិតផលក្នុងស្រុក គឺជាកម្លាំងចិត្តដ៏ធំធេង និងមិនអាចកាត់ថ្លៃបានជូនទៅដល់ម្ចាស់សហគ្រាស សិប្បកម្ម និងផលិតករក្នុងស្រុក ពីព្រោះដើម្បីបង្កើននូវការផ្គត់ផ្គង់ផលិតផល ដែលមានគុណភាព ក៏ដូចជាបរិមាណ ដើម្បីឆ្លើយតបនឹងតម្រូវការទីផ្សារ។ ជាពិសេស គឺបង្កើនការប្រើប្រាស់វត្ថុធាតុដើម ធាតុផ្សំ និងសម្ភារក្នុងស្រុក សម្រាប់ខ្សែច្រវាក់ផលិតកម្ម ដើម្បីគាំទ្រជាចរន្តផ្សេងៗទៀតនៃការផលិតក្នុងស្រុក។លោក ឈុន វីរៈ ម្ចាស់សហគ្រាសផលិតផលជ្រុញប្រណិតខ្មែរម៉ៃសាក់ បានលើកឡើងថា រហូតមកដល់ពេលនេះ ផលិតផលខ្មែរច្រើនណាស់បានកំពុងផលិត និងដាក់លក់លើទីផ្សារ ជាពិសេសតម្លៃដែលដាក់លក់គឺមានការថយចុះជាងមុន ដោយសារមានការចូលរួមគាំទ្រពីអ្នកប្រើប្រាស់។ លោកបានពន្យល់ថា ជាធម្មតា កាលណាមានអ្នកគាំទ្រច្រើន ការផលិតច្រើន ថ្លៃដើមផលិតក៏ទាបទៅតាមនឹងដូចគ្នា ដែលធ្វើការផលិតដាក់តាំងលក់ ក៏មានតម្លៃធូរជាងមុនផងដែរ។ក្រុមអាជីករផ្សេងទៀត បាននិយាយស្រដៀងគ្នាថា ពិតជាមានការសប្បាយចិត្តណាស់ ពេលដែលផលិតផលជាតិ មានការគាំទ្រជាហូហែរបែបនេះ។ ពួកគាត់ បានសំណូមពរបន្ថែមថា សូមឲ្យប្រជាពលរដ្ឋខ្មែរទាំងអស់ បន្តជួយគាំទ្រផលិតផលក្នុងស្រុកឲ្យបានច្រើនជាងផលិតផលដែលនាំចូល ដើម្បីផ្តល់ជាកម្លាំងចិត្តដល់ផលិតករ និងជួយលើកស្ទួយកុំឲ្យប្រជាជនចំណាកស្រុកជាដើម។ក្នុងរយៈពេលប៉ុន្មានឆ្នាំចុងក្រោយនេះ ត្រូវបានមើលឃើញថា ប្រមុខរាជរដ្ឋាភិបាលកម្ពុជា បានខិតខំជំរុញចលនាភូមិមួយផលិតផលមួយ សម្រេចបានលទ្ធផលយ៉ាងល្អប្រសើរ ដែលនាំទៅដល់ការប្រែប្រួលជាវិជ្ជមាននៃផលិតផលខ្មែរ ដូចជា គុណភាព ស្តង់ដា អនាម័យ ការវេចខ្ចប់ ជាពិសេសការដាក់ស្លាកសញ្ញាសម្គាល់ លើផលិតផលជាផលិតផលភូមិមួយផលិតផលមួយ និងឈានទៅដាក់ចំណាត់ថ្នាក់ផលិតផល ដើម្បីជួយជំរុញ និងលើកទឹកចិត្តផលិតករឆ្នើម ដែលបានខិតខំកែច្នៃ ផលិតផលប្រកបដោយគុណភាពខ្ពស់ សម្រាប់ទីផ្សារក្នុងស្រុក និងក្រៅប្រទេស៕ អត្ថបទ៖ ឈិត បូរ៉ាវី

ក្រុមការងារ JCTF កម្ពុជា-ថៃ ប្រគល់ភារឱ្យ CMAC កម្ពុជា និង TMAC ថៃ ពិភាក្សាការងារបច្ចេកទេស ពិនិត្យតំបន់សាកល្បងក្នុងតំបន់អាទិភាពនៅព្រំដែន ស្ថិតនៅឃុំអូរបីជាន់ ដើម្បីដោះមីនមនុស្សធម៌

នៅថ្ងៃទី៧ ខែវិច្ឆិកា ឆ្នាំ២០២៥ នៅវេលាម៉ោង ១២:០៥នាទីថ្ងៃត្រង់នេះ ក្រុមការងារសម្របសម្រួលចម្រុះ (JCTF) កម្ពុជា-ថៃ លើការងារដោះមីនមនុស្សធម៌បានប្រគល់ភារកិច្ចជូនក្រុមការងារនៃមជ្ឈមណ្ឌលសកម្មភាពកំចាត់មីនកម្ពុជា (CMAC) និងក្រុមការងារនៃមជ្ឈមណ្ឌលសកម្មភាពកំចាត់មីនថៃ (TMAC) ឱ្យជួបប្រជុំពិភាក្សាការងារបច្ចេកទេស ដើម្បីពិនិត្យតំបន់សាកល្បងក្នុងតំបន់អាទិភាពនៅព្រំដែន ដែលស្ថិតនៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ព្រះរាជាណាចក្រកម្ពុជា ទល់មុខ ឃុំណូនម៉ាកម៉ូន ស្រុកគោកស៊ូង ខេត្តស្រះកែវ ព្រះរាជាណាចក្រថៃ។ នេះបើតាមលោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា។លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានឱ្យដឹងថា កិច្ចប្រជុំពិភាក្សានៅថ្ងៃនេះរៀបចំឡើង ស្របតាមការសម្រេចរបស់ក្រុមការងារសម្របសម្រួលចម្រុះ (JCTF) នៅក្នុងកិច្ចប្រជុំកាលពីថ្ងៃទី៣១ ខែតុលា ឆ្នាំ២០២៥កន្លងទៅនេះ។ កិច្ចប្រជុំនេះប្រព្រឹត្តទៅក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន (AOT) ដើម្បីតាមដាន និងផ្ទៀងផ្ទាត់។សូមគូសបញ្ជាក់ផងដែរថា ការជួបប្រជុំពិភាក្សា និងការអនុវត្តការងារត្រូវតែគោរពតាមគោលការណ៍ និងនិយាមនីតិវិធីប្រតិបត្តិ (SOP) ដែលក្រុមការងារសម្របសម្រួលចម្រុះ (JCTF) នៃប្រទេសទាំងពីរបានឯកភាពគ្នា។ ជាមួយគ្នានេះ ការងារដោះមីនមនុស្សធម៌នេះត្រូវគោរពតាមគោលការណ៍ការពារអធិបតេយ្យ និងបូរណភាពទឹកដីដោយម៉ឺងម៉ាត់ ព្រមទាំងឈរលើស្មារតីគោរពគ្នាទៅវិញទៅមក៕

កម្ពុជា ស្នើក្រុមហ៊ុនអាកាសចរណ៍ Emirates Airline ពិចារណាលើការហោះហើរត្រង់មកកម្ពុជា

នាឱកាសដឹកនាំគណៈប្រតិភូជាន់ខ្ពស់ក្រសួងទេសចរណ៍ និងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) នៅថ្ងៃទី៥ ខែវិច្ឆិកា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបពិភាក្សាការងារជាមួយលោកស្រី Helen Breen នាយិកាផ្នែកលក់របស់ក្រុមហ៊ុន Emirates Airline អំពីកិច្ចសហប្រតិបត្តិការជម្រុញការតភ្ជាប់តាមផ្លូវអាកាស និងការផ្សព្វផ្សាយសក្តានុពលទេសចរណ៍។ ក្នុងជំនួបពិភាក្សាប្រកបដោយផ្លែផ្កានេះ ឯកឧត្តមរដ្ឋមន្រ្តី ស្នើក្រុមហ៊ុនពិនិត្យលទ្ធភាពបង្កើតជើងហោះហើរត្រង់មកកម្ពុជាផ្ទាល់ ដោយសារបច្ចុប្បន្ននេះ កម្ពុជា មានអាកាសយានដ្ឋានកម្រិត 4F គឺអាកាសយានដ្ឋានអន្តរជាតិតេជោ ហើយក៏មានក្រុមហ៊ុនអាកាសចរណ៍ធំៗ អន្តរជាតិជាច្រើនដូចជា Turkish Airlines និង Etihad បានចាប់ផ្តើមជើងហោះហើរត្រង់មកកម្ពុជាផងដែរ។ជាចុងក្រោយ ឯកឧត្តមរដ្ឋមន្ត្រី ក៏បានអញ្ជើញលោកស្រី និងសហការី មកទស្សនកិច្ចនៅព្រះរាជាណាចក្រកម្ពុជា ជាពិសេសនៅអាកាសយានដ្ឋានអន្តរជាតិតេជោ ដើម្បីពិនិត្យមើលស្ថានភាពចំនួនភ្ញៀវទេសចរជាក់ស្តែង និងសក្តានុពលទេសចរណ៍ដ៏សំបូរបែបរបស់កម្ពុជា។

ក្រោយបុណ្យអុំទូក ក្រសួងការងារបន្តអំពាវនាវឱ្យបងប្អូនពលករមកពីថៃទាក់ទង ១២៩៧ ហើយបើគ្មានជំនាញក៏គ្មានបញ្ហាដែរ

ខណៈដែលព្រះរាជពិធីបុណ្យអុំទូក បានបញ្ចប់ហើយនោះ, អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានបន្តអំពាវនាវដល់បងប្អូនពលករខ្មែរត្រឡប់មកពីថៃ និងបងប្អូនប្រជាពលរដ្ឋដែលមិនទាន់មានការងារធ្វើសូមទាក់ទងមកលេខ ១២៩៧ ដើម្បីទទួលបានឱកាសការងារធ្វើ។ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍នៅថ្ងៃទី៧ ខែវិច្ឆិកានេះថា ព្រះរាជពិធីបុណ្យអុំទូក បានបញ្ចប់ហើយ, សម្រាប់បងប្អូនពលករខ្មែរត្រឡប់មកពីថៃ និងបងប្អូនប្រជាពលរដ្ឋដែលកំពុងស្វែងរកការងារធ្វើ សូមទាក់ទងមកលេខ ១២៩៧ ដើម្បីទទួលបានឱកាសការងារធ្វើ ព្រោះនៅទូទាំងប្រទេសកម្ពុជា នៅសល់ឱកាសការងារចំនួន ៧៥ ៣០២កន្លែងថែមទៀត កំពុងរង់ចាំបងប្អូន។ លោកថា សម្រាប់បងប្អូនពលករ និងប្រជាពលរដ្ឋ ដែលមិនមានជំនាញក៏អាចទាក់ទងមកលេខ ១២៩៧ បានដែរ ហើយក៏អាចទទួលបានឱកាសការងារធ្វើដូចគ្នា។ បើតាមអ្នកនាំពាក្យក្រសួងការងារ លោក ស៊ុន មេសា ដដែល ក្នុងរយៈពេល ៣ខែកន្លងមកនេះ ក្រសួងការងារ និងបណ្ដុះបណ្ដាលវិជ្ជាជីវៈ សហការជាមួយវិស័យឯកជន សហជីព និងអ្នកពាក់ព័ន្ធផ្សេងទៀត បានជួយស្វែងរកការងារឱ្យបងប្អូនពលករខ្មែរត្រឡប់មកពីថៃវិញ បានជាង ៣៤ម៉ឺននាក់ ដោយក្នុងនោះប្រមាណ ២៧ម៉ឺននាក់ បានចូលធ្វើការនៅក្នុងក្រមហ៊ុន សហគ្រាស និងរោងចក្រផ្លូវការ ហើយប្រមាណ ៧ម៉ឺននាក់ផ្សេងទៀត បានទទួលការងារនៅតាមសហគ្រាសខ្នាតតូច និងមធ្យម សិប្បកម្ម ភោជនីយដ្ឋាន និងនៅតាមការដ្ឋានសំណង់ ជាដើម៕

អ្នកជំនាញអន្តរជាតិ៖ ការអនុវត្តគោលនយោបាយបើកចំហរបានធ្វើឱ្យកម្ពុជាកំពុងស្រូបយកឱកាសវិនិយោគ

អ្នកជំនាញអន្តរជាតិ មើលឃើញប្រទេសកម្ពុជា និងមានឱកាសច្រើនក្នុងការទាក់ទាញវិនិយោគិនបរទេសមកបណ្តាក់ទុន ខណៈកម្ពុជាមានកម្លាំងពលកម្មវ័យក្មេងច្រើន មានគោលនយោបាយបើកចំហរ និងមានកិច្ចសហប្រតិបត្តិការល្អ ជាមួយបណ្តាប្រទេសដៃគូ ដោយបាននិងកំពុងជំរុញដល់ការធ្វើពាណិជ្ជកម្ម។លោកបណ្ឌិត Jonathon Chua នាយកប្រតិបត្តិនៃការតភ្ជាប់អាជីវកម្មអាស៊ី ប្រទេសសឹង្ហបុរី លើកឡើងក្នុងកិច្ចសម្ភាសន៍ ជាមួយ BTV ស្តីពីបរិយាកាសវិនិយោគ និងការធ្វើពាណិជ្ជកម្មរបស់កម្ពុជានេះថា ជុំវិញការខិតខំប្រឹងប្រែងរបស់រាជរដ្ឋាភិបាលកម្ពុជា ឃើញថា បច្ចុប្បន្នសេដ្ឋកិច្ចកម្ពុជាបានងើបឡើងវិញជាបណ្តើរៗ គាំទ្រដោយការនាំចេញទំនិញ តាមរយៈទីផ្សារនៃកិច្ចព្រមព្រៀង ពាណិជ្ជកម្ម និងកិច្ចសហប្រតិបត្តិការល្អជាមួយបណ្តាប្រទេសដៃគូផ្សេងៗ។លោកបណ្ឌិត បន្តថា ចំណែកជុំវិញការវិនិយោគ កម្ពុជាបាននិងកំពុងជំរុញប្រតិបត្តិការកាន់តែទូលាយ និងងាយស្រួល បាន លើកកម្ពស់ដល់ធុរកិច្ច និងវិនិយោគិន សម្រាប់ឱកាសវិនិយោគ និងការធ្វើពាណិជ្ជកម្មផ្សេងៗ ពោលគឺទីផ្សាររបស់កម្ពុជា គឺជាទីផ្សារ ថ្មីមួយ មានឱកាសច្រើន ជាពិសេសកម្ពុជាបាននិងកំពុងជំរុញបណ្តុះបណ្តាលជំនាញដល់យុវជន និងមានកម្លាំងពលកម្មវ័យក្មេងច្រើន ព្រមទាំងមានកិច្ចសហប្រតិបត្តិការល្អជាមួយបណ្តាប្រទេសផ្សេងៗ សម្រាប់ជំរុញដល់ទីផ្សារនាំចេញ។ឯកឧត្តម ណុប នរិន្ទ ប្រធានកិត្តិយសសមាគមសហគ្រិនវីម៉ូកម្ពុជា លើកឡើងថា រាជរដ្ឋាភិបាលបានយកចិត្តទុកដាក់យ៉ាង ខ្លាំង ក្នុងការគៀងគរ ការទាក់ទាញវិនិយោគិនផ្ទាល់ពីបរទេស ការសម្រួលគោលនយោបាយគាំទ្រនានា និងការចូលរួមពីវិស័យឯកជន ជាដើម បានធ្វើឱ្យកម្ពុជាកំពុងក្លាយជាគោលដៅវិនិយោគដ៏សំខាន់ ជាក់ស្តែងសកម្មភាពដែលសហគមបាននិងកំពុងធ្វើនាពេលនេះ គឺមានសារៈសំខាន់ណាស់ ក្នុងការជួយជ្រោមជ្រែងដល់ការពង្រឹង និងពង្រីកខ្លួនរបស់សហគ្រិន ដែលម្ចាស់សហគ្រាស និងអាជីវកម្ម ឱ្យកាន់តែរីកចម្រើន ដើម្បីចូលរួមលើកកម្ពស់សេដ្ឋកិច្ចជាតិយើង។ សូមបញ្ជាក់ថា ទាក់ទិននិងសេដ្ឋកិច្ចនេះ, រាជរដ្ឋាភិបាលបានកំពុងជំរុញធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែងដោយ ផ្តោតលើការអភិវឌ្ឍវិស័យគន្លឹះ និងប្រភពថ្មីនៃកំណើនសេដ្ឋកិច្ច ការកែលម្អបរិយាកាស ធុរកិច្ច និងការវិនិយោគ ការពង្រឹងប្រសិទ្ធភាព និងភាពទាក់ទាញនៃតំបន់សេដ្ឋកិច្ច ពិសេសរួមបញ្ចូលទាំងសួនឧស្សាហកម្ម សួនកសិឧស្សាហកម្ម និងតំបន់ពាណិជ្ជកម្មសេរីក្នុងស្រុក និងការធ្វើនវានុវត្តន៍យន្តការហិរញ្ញប្បទាន និងផលិតហិរញ្ញវត្ថុសម្រាប់គាំទ្រដល់ការវិនិយោគជាដើម ដែលប្រការទាំងនេះ គឺជាមូល ដ្ឋានគ្រឹះគាំទ្រដល់ដំណើរសេដ្ឋកិច្ច និងភាពរីកលូតលាស់នៃវិស័យឯកជន៕ អត្ថបទ៖ សុន រ៉ាឌី

McDonald's ចាប់អារម្មណ៍ពង្រីកទីផ្សារនៅកម្ពុជា ខណៈកម្ពុជាស្វាគមន៍ និងជួយសម្របសម្រួលគ្រប់បែបយ៉ាង

កាលពីថ្ងៃទី៣ ខែវិច្ឆិកា ឆ្នាំ២០២៥ បន្ទាប់ពីបញ្ចប់ជំនួបពិភាក្សាការងារជាមួយក្រុមហ៊ុន Medline ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបន្តដឹកនាំគណៈប្រតិភូកម្ពុជា ចូលជួបសម្តែងការគួរសម និងពិភាក្សាការងារជាមួយ លោក Andrew Gregory នាយកប្រតិបត្តិជាន់ខ្ពស់ ទទួលបន្ទុកសិទ្ធិអាជីវកម្ម និងការអភិវឌ្ឍន៍សកល នៃក្រុមហ៊ុនសាជីវកម្ម McDonald's Corporation ដោយបានប្រព្រឹត្តទៅនៅទីស្នាក់ការកណ្តាលរបស់ក្រុមហ៊ុន មានទីតាំងនៅក្នុងទីក្រុងឈីកាហ្គោ រដ្ឋអ៊ីលីណយ នៃសហរដ្ឋអាម៉េរិក។ក្នុងជំនួបនាឱកាសនេះឯកឧត្តមឧបនាយករដ្ឋមន្ត្រី បានបង្ហាញពីភាពទាក់ទាញនៃទីផ្សារកម្ពុជា ដោយបានគូសបញ្ជាក់យ៉ាងស៊ីជម្រៅអំពី កត្តាដែលធ្វើឱ្យកម្ពុជាក្លាយជាគោលដៅវិនិយោគសក្តានុពល សម្រាប់អាជីវកម្ម សិទ្ធិអាជីវកម្មម្ហូបអាហារសកល តាមរយៈកំណើនយ៉ាងលឿននៃប្រជាជនក្នុងទីក្រុង និងចំនួនយុវជនដ៏ច្រើនដែលមានចំណូលមធ្យមកើនឡើង និងទទួលយកវប្បធម៌ហូបចុកជាសកល និងបរិយាកាសធុរកិច្ចអំណោយផល ដោយមានការគាំទ្រពីរដ្ឋាភិបាលសម្រាប់ការនាំចូលម៉ាកយីហោល្បីៗ។ជាការឆ្លើយតប លោក Andrew Gregory បានសម្តែងការកោតសរសើរចំពោះកិច្ចខិតខំប្រឹងប្រែង របស់រាជរដ្ឋាភិបាលកម្ពុជា ព្រមទាំងជម្រាបដែរថា McDonald’s បានផ្តោតការយកចិត្តទុកដាក់លើធាតុសំខាន់ៗនៃយុទ្ធសាស្ត្រ "កៅអីបីជើង" (The Three-Legged Stool Strategy) ដែលជាកត្តាសម្រេចចិត្តក្នុងការចូលទៅកាន់ទីផ្សារថ្មី ដែលក្នុងនោះមាន៖ (១)ការស្វែងរកដៃគូសិទ្ធិអាជីវកម្ម តាមរយៈការប្រមើមើលថាកម្ពុជាអាចផ្តល់នូវភាពជាដៃគូក្នុងស្រុក ដែលមានបទពិសោធន៍ប្រតិបត្តិការ និងការប្តេជ្ញាចិត្តរយៈពេលវែងដើម្បីរក្សាស្តង់ដារគុណភាព និងបទពិសោធន៍សម្រាប់អតិថិជន, (២)ការធានាអំពីខ្សែច្រវ៉ាក់ផ្គត់ផ្គង់ (Supply Chain Rigor) ដោយបានសង្កត់ធ្ងន់លើសារៈសំខាន់នៃការបង្កើតប្រភពផ្គត់ផ្គង់ប្រកបដោយស្ថិរភាព តម្លាភាព និងសុវត្ថិភាពម្ហូបអាហារខ្ពស់សម្រាប់គ្រឿងផ្សំសំខាន់ៗ ស្របតាមស្តង់ដារពិភពលោក,និង (៣)ការចូលរួមលើកកម្ពស់បរិយាកាសធុរកិច្ចពីផ្នែករដ្ឋ ពាក់ព័ន្ធនឹងស្ថិរភាពនៃគោលនយោបាយ និងលក្ខខណ្ឌវិនិយោគរយៈពេលវែងសម្រាប់ការបណ្តាក់ទុននេះ។ជំនួបដែលបានប្រព្រឹត្តទៅក្នុងបរិយាកាសមិត្តភាព និងស្ថាបនានេះ បានបង្កើតមូលដ្ឋានដ៏រឹងមាំសម្រាប់កិច្ចសហប្រតិបត្តិការបន្តបន្ទាប់។ លោក Andrew Gregory បានបញ្ជាក់អំពី គោលការណ៍របស់ក្រុមហ៊ុននាពេលបច្ចុប្បន្ន និងផែនការផ្សេងៗទាក់ទងនឹងការពង្រីកអាជីវកម្មរបស់ខ្លួន និងបានធ្វើការកត់សម្គាល់នូវសក្តានុពលរបស់ប្រទេសកម្ពុជាសម្រាប់ការពង្រីកទីផ្សាររបស់ខ្លួននាពេលអនាគត។ជាមួយគ្នានេះ ឯកឧត្តមឧបនាយករដ្ឋមន្ត្រី ក៏បានសម្តែងនូវការស្វាគមន៍យ៉ាងកក់ក្តៅ និងបានផ្តល់ការធានាថា រាជរដ្ឋាភិបាល នឹងសម្របសម្រួលជ្រោមជ្រែងគ្រប់បែបយ៉ាង សម្រាប់រាល់ការវិនិយោគរបស់ក្រុមហ៊ុន McDonald's នៅកម្ពុជា ដែលនឹងនាំមកនូវប្រយោជន៍ផ្នែកការងារ បទពិសោធន៍ធុរកិច្ច និងការអភិវឌ្ឍស្តង់ដារម្ហូបអាហារនៅកម្ពុជា៕

ភ្ញៀវទេសចរមកពីតាមបណ្ដារាជធានី-ខេត្ត និងនៅមូលដ្ឋានសៀមរាបជាង ៣៦ ម៉ឺននាក់ដើរលេងកម្សាន្ដ ក្នុងឱកាសព្រះរាជពិធីបុណ្យអុំទូកបីថ្ងៃនៅសៀមរាប

ភ្ញៀវទេសចរជាតិ និងអន្ដរជាតិ ព្រមទាំងអ្នកទេសចរនៅមូលដ្ឋានខេត្ដសៀមរាប ប្រមាណជាង៣៦ម៉ឺននាក់ បានដើរទស្សនាកម្សាន្ដ ក្នុងឱកាសព្រះរាជពិធីបុណ្យអុំទូក នៅខេត្ដសៀបរាប រយៈពេលបីថ្ងៃ។ពួកគាត់បានកោតសរសើរថា ការរៀបចំពិធីនេះ មានភាពល្អប្រសើរ ទាំងការរៀបចំពិធីកម្សាន្ដ ទាំងសន្ដិសុខសុវត្ថិភាព និងបរិស្ថាន។យោងតាមរបាយការណ៍របស់មន្ទីរទេសចរណ៍ ខេត្ដសៀមរាប បានបង្ហាញថា ព្រះរាជពិធីបុណ្យអុំទូកបណ្តែតប្រទីប និងសំពះព្រះខែ អកអំបុក រយៈពេល០៣ថ្ងៃ ចាប់ពីថ្ងៃទី០៤-០៦ខែវិច្ឆិកាឆ្នាំ២០២៥ ខេត្ដទេសចរណ៍នេះ ទទួលបានអ្នកទេសចរគ្រប់ពីទិសទីប្រមាណ៣៦៨,២៤៦នាក់ កើនឡើង៥.៧៥% បើធៀបរយៈពេលដូចគ្នាឆ្នាំ២០២៤ ចំនួន ៣៤៨,២២៩នាក់ ក្នុងនោះ មានអ្នកទេសចរបរទេសមានចំនួន៩,៦៤៦ នាក់ ថយចុះ២៧.០៨% ធៀបនឹងរយៈពេលដូចគ្នាឆ្នាំ២០២៤ ចំនួន១៣,២២៩នាក់ ខណៈដែលអ្នកទេសចរជាតិ មកពីតាមបណ្ដាខេត្ដរាជធានី និងប្រជាពលរដ្ឋក្នុងខេត្តសៀមរាបមានចំនួន៣៥៨,៦០០នាក់ កើន៧.០៤%ធៀបនឹងរយៈពេលដូចគ្នាឆ្នាំ២០២៤ ចំនួន ៣៣៥,០០០ នាក់ ។ភ្ញៀវទេសចរទាំងជាតិ និងអន្ដរជាតិ ដែលមកពីតាមបណ្ដាខេត្ដ បានបង្ហាញអារម្មណ៍សប្បាយរីករាយ ដែលបានមកទស្សនាទិដ្ឋភាពដ៏ស្រស់ស្អាត នៃប្រាសាទអង្គរវត្ត ព្រមទាំងក្រុងសៀមរាប ដោយពួកគាត់សម្ដែងមោទនភាព ចំពោះតំបន់រមណីយដ្ឋានប្រវត្ដិសាស្ដ្រមួយនេះ នៅតែទាក់ទាញអ្នកទេសចររគ្រប់ជាតិសាសន៍ទៅទស្សនាកម្សាន្ដជារៀរាល់ឆ្នាំ។ភ្ញៀវអន្ដរជាតិ ក៏លើកឡើងដែរថា ប្រាសាទអង្គរវត្ដពិតជាមានភាពអស្ចារ្យនិងល្បីល្បាញនៅលើពិភពលោក ខណៈដែលអ្នកទេសចរខ្មែរ មិនខកបំណងដែលខ្លួនចំណាយពេលវេលា ដើរទស្សនានៅតាមរមណីយដ្ឋានផ្សេងៗទៀតប្រកបដោយសុខសន្ដិភាព។ពួកគាត់បានកោតសរសើរដល់អាជ្ញាធរពាក់ព័ន្ធ ដែលបានអភិឌ្ឍន៍រមណីយដ្ឋានអង្គរ និងព្រមទាំងក្រុងសៀមរាប ឱ្យមានការរីកចម្រើនពីមួយឆ្នាំទៅមួយឆ្នាំ ព្រមទាំងមានសន្ដិសុខសុវត្ថិភាពល្អដល់អ្នកទេសចរ។បើតាមរបាយការណ៍នាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា បានបង្ហាញថា ចាប់ពីថ្ងៃទី៤ដល់ថ្ងៃទី៦ខែវិច្ឆិកាឆ្នាំ២០២៥ អ្នកទេសចរដើរកម្សាន្ដនៅប្រាសាទអង្គរវត្ដ ក្នុងឱកាសព្រះរាជពិធីបុណ្យអុំទូក មានចំនួនជាង២១ម៉ឺននាក់ ក្នុងនោះភ្ញៀវទេសចរអន្ដរជាតិមានចំនួន ៩ ៦៤៦នាក់។ដោយឡែក របាយការណ៍របស់មន្ទីរទេសចរណ៍ខេត្ដសៀមរាប បានបង្ហាញថា ខេត្ដទេសចរណ៍មួយនេះ ទទួលបានអ្នកទេសចរគ្រប់ពីទិសទីទាំងនៅមូលដ្ឋាន និងមកពីតាមណ្ដារាជធានីខេត្ដមានប្រមាណ ៣៦៨,២៤៦នាក់ ដែលពួកគាត់បានដើរកម្សាន្ដក្នុងព្រះរាជពិធីបុណ្យអុំទូកបណ្តែតប្រទីប និងសំពះព្រះខែ អកអំបុក រយៈពេល០៣ថ្ងៃ ចាប់ពីថ្ងៃទី០៤-០៦ខែវិច្ឆិកាឆ្នាំ២០២៥នេះ៕

រយៈពេល១០ខែឆ្នាំនេះ CDC ចុះបញ្ជីគម្រោងវិនិយោគ៥៧៥គម្រោងមានទំហំទុនប្រមាណ ៩,២ ប៊ីលានដុល្លារកើនឡើង ៦៦%

ភ្នំពេញ៖ គម្រោងវិនិយោគចំនួន២៩ ក្នុងទំហំទុនវិនិយោគសរុបប្រមាណ ១,៤ប៊ីលានដុល្លារអាមេរិក ត្រូវបានចុះបញ្ជីដោយគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) ក្នុងខែតុលា ឆ្នាំ២០២៥ ខណៈរយៈពេល១០ខែ ឆ្នាំ២០២៥នេះ CDCបានសម្រេចុះបញ្ជីគម្រោងវិនិយោគចំនួន ៥៧៥ គម្រោង ក្នុងទំហំទុនវិនិយោគសរុប ប្រមាណ ៩,២ ប៊ីលានដុល្លារអាមេរិក គឺគម្រោងវិនិយោគមានការកើនឡើងចំនួន ២២៩ គម្រោង ស្មើនឹងប្រមាណ ៦៦% ។ នេះបើតាមសេចក្តីប្រកាសព័ត៌មានរបស់ ក្រុមប្រឹក្សាអភិវឌ្ឍន៍កម្ពុជា (CDC)។បើតាមសេចក្តីប្រកាសព័ត៌មានរបស់ ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា ក្នុងខែតុលា ឆ្នាំ២០២៥ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេច ចុះបញ្ជីគម្រោងវិនិយោគសរុបចំនួន២៩គម្រោង ក្នុងទំហំទុនវិនិយោគសរុបប្រមាណ ១,៤ ប៊ីលានដុល្លារ អាម៉េរិក និងអាចបង្កើតការងារបានប្រមាណ២៥ពាន់កន្លែង។ ក្រុមប្រឹក្សាអភិវឌ្ឍន៍កម្ពុជា បានឱ្យដឹងទៀតថា ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ១៨ គម្រោង និងគម្រោង វិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមានចំនួន ១១គម្រោង។យោងតាមរបាយការណ៍របស់ ក្រុមប្រឹក្សាអភិវឌ្ឍន៍កម្ពុជាដដែលបានឱ្យដឹងថា ក្នុងរយៈពេល១០ខែ ឆ្នាំ២០២៥នេះ CDC បានសម្រេចុះបញ្ជីគម្រោងវិនិយោគចំនួន ៥៧៥ គម្រោង ក្នុងទំហំទុនវិនិយោគសរុប ប្រមាណ ៩,២ ប៊ីលានដុល្លារអាមេរិក គឺគម្រោងវិនិយោគមានការកើនឡើងចំនួន ២២៩ គម្រោង ស្មើនឹងប្រមាណ ៦៦% ខណៈទុនវិនិយោគមានការកើនឡើងប្រមាណជិត ៣,៧ ប៊ីលានដុល្លារអាមេរិកស្មើ នឹងប្រមាណ ៦៧% បើប្រៀបធៀបនឹងរយៈពេលដូចគ្នាក្នុងឆ្នាំ២០២៤ ដែលមានគម្រោងវិនិយោគត្រឹមតែ ៣៤៦ គម្រោង ក្នុងទំហំទុនវិនិយោគប្រមាណ ៥,៥ប៊ីលានដុល្លារអាមេរិក។ ជាការកត់សម្គាល់ត្រឹមតែរយៈ ពេល១០ខែ CDC បានចុះបញ្ជីគម្រោងវិនិយោគលើសការចុះបញ្ជីគម្រោងវិនិយោគពេញមួយឆ្នាំ២០២៤ រហូតដល់ទៅ ១៦១គម្រោង។ CDC បានឱ្យដឹងដែរថា តាមរយៈគម្រោងវិនិយោគទាំងនេះ មានប្រភពទុនវិនិយោគឈានមុខគេ ទី១ ប្រទេសចិន ទី២កម្ពុជា ទី៣ សហរដ្ឋអាមេរិក ទី៤ សិង្ហបុរី ទី៥ ម៉ាឡេស៊ី និងទី៦ អូស្រ្ដាលី៕

រដ្ឋមន្រ្តីសុខាភិបាល៖ « សេវាសុខាភិបាលប្រកបដោយគុណភាព ទោះនៅលើកោះឆ្ងាយដាច់ស្រយ៉ាលយ៉ាងណាក៏ដោយ »

រសៀលថ្ងៃទីបីនាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវនឹងថ្ងៃទី៦ ខែវិច្ឆកា ឆ្នាំ២០២៥ ឯកឧត្តមរដ្ឋមន្ត្រីក្រសួងសុខាភិបាល បានឆ្លៀតចុះពិនិត្យដោយមិនជូនដំណឹងមុន នៅមណ្ឌលសុខភាពកោះរ៉ុង ស្ថិតនៅលើដែនកោះកណ្តាលសមុទ្រ ក្នុងខេត្តព្រះសីហនុ បានសង្កេតឃើញថា៖+ បុគ្គលិកនៅប្រចាំការ ២៤ម៉ោងក្នុងមួយថ្ងៃ+ មណ្ឌលសុខភាពមានបរិស្ថានអនាម័យស្អាត+ អ្នកជំងឺត្រូវបាន ទទួលពិនិត្យព្យាបាល ដោយយកចិត្តទុកដាក់ មិនមានការរង់ចាំ+ គុណភាពសេវា ត្រូវបានវាយតម្លៃថា គ្រប់គ្រាន់ និងមានការរីកចម្រើន បង្ហាញពីការប្តេជ្ញាចិត្តរបស់បុគ្គលិកក្នុងការផ្តល់សេវាដល់ប្រជាពលរដ្ឋលើកោះនេះ។+ ចំណុចមួយចំនួនដែលត្រូវធ្វើបន្ថែមអោយបានល្អ ដូចជា ការទំនាក់ទំនង ត្រូវប្រកបដោយទំនុកចិត្ត និងភាពជិតស្និទ្ធ។ គួរត្រូវរំលឹកថាគុណភាពសេវា មិនមែនស្ថិតតែលើចំណេះដឹង ប៉ុន្តែស្ថិតលើទឹកចិត្ត និងស្មារតីផងដែរ។ ឯសណ្ដាប់ធ្នាប់ និងការរៀបចំឧបករណ៍បរិក្ខាពេទ្យមានភាពល្អ ទន្ទឹមនឹងនោះ ការលះបង់ និងឆន្ទៈរបស់ប្រធានមណ្ឌល និងបុគ្គលិក ត្រូវបានស្នើឱ្យពង្រឹងបន្ថែម ទាំងការបំពេញភារកិច្ច វិន័យខ្ជាប់ខ្ជួន និងការផ្តោតអារម្មណ៍យកចិត្តទុកដាក់ការងារ ដើម្បីឈានទៅរកភាពប្រសើរឡើង។ជារួម មណ្ឌលសុខភាពកោះរ៉ុង ទទួលបាន ការវាយតម្លៃជាមូលដ្ឋានសុខាភិបាលល្អសមរម្យមួយ និងត្រូវបានលើកទឹកចិត្តឱ្យក្រុមការងារបន្តអនុវត្តកិច្ចការស្របគោលនយោបាយរបស់ក្រសួងសុខាភិបាល ដើម្បីអភិវឌ្ឍសមត្ថភាពអោយប្រសើរឡើង។សារពីឯកឧត្តមរដ្ឋមន្ត្រីសុខាភិបាល៖ «ទោះនៅដែនកោះឆ្ងាយក្តី ក៏ប្រជាជនយើងគ្រប់រូបទទួលបានសេវាសុខាភិបាលមានគុណភាព និងស្មារតីមនុស្សធម៌។ ខ្ញុំសូមលើកទឹកចិត្តឱ្យបងប្អូនទាំងអស់បន្តប្រឹងប្រែងក្នុងភារកិច្ចបម្រើសេវាឱ្យកាន់តែល្អប្រសើរ ដើម្បីកសាងស្នាមញញឹមជូនប្រជាពលរដ្ឋ អោយក្លាយជាការតបស្នងចំពោះភារកិច្ចដ៏ថ្លៃថ្លា និងការលះបង់ខ្ពស់របស់សហភាតរៈសុខាភិបាលយើង។»

ភ្ញៀវទេសចរជិត៥ម៉ឺននាក់ បានមកកម្សាន្តនៅខេត្តតាកែវ ក្នុងឱកាសបុណ្យអុំទូក រយៈពេល៣ថ្ងៃ

តាកែវ៖ ខេត្តតាកែវបានទទួលស្វាគមន៍ភ្ញៀវទេសចរយ៉ាងច្រើនកុះកររហូតដល់ ៤៧,៤៤៦ នាក់ ក្នុងរយៈពេលបីថ្ងៃ នៃព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ ដែលប្រារព្ធឡើងចាប់ពីថ្ងៃទី៤ ដល់ថ្ងៃទី៦ ខែវិច្ឆិកា ឆ្នាំ២០២៥។ តួលេខដ៏គួរឱ្យកត់សម្គាល់នេះ បានបង្ហាញពីភាពទាក់ទាញ និងការរៀបចំដ៏ល្អប្រសើររបស់អាជ្ញាធរខេត្ត ក្រោមការដឹកនាំពីសំណាក់ឯកឧត្តម វ៉ី សំណាង អភិបាលខេត្ត ។បើតាមការបញ្ជាក់របស់ លោក ឈូក ប៊ុនថន ប្រធានមន្ទីរទេសចរណ៍ខេត្តតាកែវ បានឱ្យដឹងថា ក្នុងចំណោមភ្ញៀវទេសចរសរុបជិត ៥ម៉ឺននាក់នោះ រួមមានភ្ញៀវទេសចរជាតិ ចំនួន ៤៧,១៤៤ នាក់ និងភ្ញៀវទេសចរបរទេស: ចំនួន ៣០២ នាក់ បានមកលេងកម្សាន្តសប្បាយនៅតាមតំបន់រមណីយដ្ឋាន និងទស្សនាតាមប្រាសាទនានារបស់ខេត្ត ពិសេសមកចូលរួមសប្បាយរីករាយក្នុងកម្មវិធី ដាល់អំបុកសាមគ្គី នៅសួនច្បារមាត់បឹងតាកែវ ព្រមទាំងទស្សនាការបាញ់កាំជ្រួច ក៏ដូចជាដើរទិញផលិតផលខ្មែរ ពីផ្សារចុងសប្តាហ៍ដែលបានដំណើរក្នុងពិធីបុណ្យអុំទូក ។ខេត្តតាកែវ ក្រោមការដឹកនាំ និងយកចិត្តទុកដាក់ និងចក្ខុវិស័យវែងឆ្ងាយពីសំណាក់ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ ខេត្តមួយនេះបាននឹងកំពុងបោះជំហានទៅមុខយ៉ាងលឿនក្នុងការអភិវឌ្ឍ និងរីកចម្រើនជាលំដាប់។ ឯកឧត្តមបានផ្តោតការយកចិត្តទុកដាក់ខ្ពស់លើការជំរុញកំណើនសេដ្ឋកិច្ច និងការទាក់ទាញវិនិយោគិនជាតិ-អន្តរជាតិឱ្យមកបណ្តាក់ទុនកាន់តែច្រើនឡើង។ តាមរយៈការខិតខំប្រឹងប្រែងទាក់ទាញលំហូរវិនិយោគិនមកកាន់ខេត្តតាកែវ គោលដៅចុងក្រោយរបស់ឯកឧត្តម គឺការ លើកស្ទួយជីវភាពរស់នៅ របស់បងប្អូនប្រជាពលរដ្ឋខេត្តតាកែវទាំងមូល ឱ្យកាន់តែមានភាពធូរធារ និងរីកចម្រើនជាលំដាប់ផងដែរ ៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះបញ្ឈប់ការស្វែងរកបុរសពីរនាក់ចុងក្រោយដែលបាត់ខ្លួនក្នុងរូងភ្នំនៅឡាវ

មនុស្ស៧នាក់ស្លាប់ក្នុងការវាយប្រហាររបស់អ៊ីស្រាអែលលើជំរំតង់នៅទីក្រុងហ្កាហ្សា

សម្តេចធិបតី នឹងអញ្ជើញបំពេញទស្សនកិច្ចផ្លូវការ និងចូលរួមវេទិកាអនាគតអាស៊ាន នៅទីក្រុងហាណូយស្អែកនេះ

អ៊ីស្រាអែល បន្តបាញ់ស្រោចលើលីបង់សម្លាប់មនុស្ស ១២ នាក់ រួមទាំងមន្ត្រីជាន់ខ្ពស់ដោយមិនខ្វល់ពីបទឈប់បាញ់

គណៈប្រតិភូ អ.ម.ត ជួបជុំដៃគូគ្រឹះស្ថានសិក្សាកំពូលៗ១០ និងនិស្សិតកម្ពុជាជាង១០០នាក់ ក្នុងបេសកកម្មនៅប្រទេសចិន

អាមេរិក និងអ៊ីរ៉ង់ វាយប្រហារដាក់គ្នាជាថ្មី ក្នុងការដុតបញ្ឆេះភាពតានតឹងចុងក្រោយនៅតំបន់ឈូងសមុទ្រ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រុមអ្នកផលិត អំពាវនាវអ្នកប្រើប្រាស់ជឿជាក់ និងបន្តគាំទ្រផលិតផលក្នុងស្រុកឱ្យកាន់តែច្រើន

កម្ពុជា ស្នើក្រុមហ៊ុនអាកាសចរណ៍ Emirates Airline ពិចារណាលើការហោះហើរត្រង់មកកម្ពុជា

អ្នកជំនាញអន្តរជាតិ៖ ការអនុវត្តគោលនយោបាយបើកចំហរបានធ្វើឱ្យកម្ពុជាកំពុងស្រូបយកឱកាសវិនិយោគ

McDonald's ចាប់អារម្មណ៍ពង្រីកទីផ្សារនៅកម្ពុជា ខណៈកម្ពុជាស្វាគមន៍ និងជួយសម្របសម្រួលគ្រប់បែបយ៉ាង

រយៈពេល១០ខែឆ្នាំនេះ CDC ចុះបញ្ជីគម្រោងវិនិយោគ៥៧៥គម្រោងមានទំហំទុនប្រមាណ ៩,២ ប៊ីលានដុល្លារកើនឡើង ៦៦%

រដ្ឋមន្រ្តីសុខាភិបាល៖ « សេវាសុខាភិបាលប្រកបដោយគុណភាព ទោះនៅលើកោះឆ្ងាយដាច់ស្រយ៉ាលយ៉ាងណាក៏ដោយ »

ភ្ញៀវទេសចរជិត៥ម៉ឺននាក់ បានមកកម្សាន្តនៅខេត្តតាកែវ ក្នុងឱកាសបុណ្យអុំទូក រយៈពេល៣ថ្ងៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រុមអ្នកផលិត អំពាវនាវអ្នកប្រើប្រាស់ជឿជាក់ និងបន្តគាំទ្រផលិតផលក្នុងស្រុកឱ្យកាន់តែច្រើន

កម្ពុជា ស្នើក្រុមហ៊ុនអាកាសចរណ៍ Emirates Airline ពិចារណាលើការហោះហើរត្រង់មកកម្ពុជា

អ្នកជំនាញអន្តរជាតិ៖ ការអនុវត្តគោលនយោបាយបើកចំហរបានធ្វើឱ្យ​កម្ពុជាកំពុង​ស្រូបយក​ឱកាស​វិនិយោគ

McDonald's ចាប់អារម្មណ៍ពង្រីកទីផ្សារនៅកម្ពុជា ខណៈកម្ពុជាស្វាគមន៍ និងជួយសម្រប​សម្រួលគ្រប់បែបយ៉ាង

រយៈពេល១០ខែឆ្នាំនេះ CDC ចុះបញ្ជីគម្រោងវិនិយោគ៥៧៥គម្រោងមានទំហំទុនប្រមាណ ៩,២ ប៊ីលានដុល្លារកើនឡើង ៦៦%

រដ្ឋមន្រ្តីសុខាភិបាល៖ « សេវាសុខាភិបាលប្រកបដោយគុណភាព ទោះនៅ​លើ​កោះឆ្ងាយ​ដាច់​ស្រ​យ៉ាល​យ៉ាងណាក៏ដោយ »

ភ្ញៀវទេសចរជិត៥ម៉ឺននាក់ បានមកកម្សាន្តនៅខេត្តតាកែវ ក្នុងឱកាសបុណ្យអុំទូក រយៈពេល៣ថ្ងៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកជំនាញអន្តរជាតិ៖ ការអនុវត្តគោលនយោបាយបើកចំហរបានធ្វើឱ្យកម្ពុជាកំពុងស្រូបយកឱកាសវិនិយោគ

McDonald's ចាប់អារម្មណ៍ពង្រីកទីផ្សារនៅកម្ពុជា ខណៈកម្ពុជាស្វាគមន៍ និងជួយសម្របសម្រួលគ្រប់បែបយ៉ាង

រដ្ឋមន្រ្តីសុខាភិបាល៖ « សេវាសុខាភិបាលប្រកបដោយគុណភាព ទោះនៅលើកោះឆ្ងាយដាច់ស្រយ៉ាលយ៉ាងណាក៏ដោយ »