នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានាធិបតីបារាំង៖ រវាងកម្ពុជា និងបារាំងមានប្រវត្តិសាស្ត្ររួមគ្នាដ៏ជ្រាលជ្រៅដែលកំពុងតែរីកចម្រើនកាន់តែរឹងមាំថែមទៀត ក្នុងវិស័យថាមពល សុខាភិបាល ក៏ដូចជាវិស័យបេតិកភណ្ឌ
មន្រ្តីជំនាញក្រសួងអភិវឌ្ឍន៍ជនបទ ចុះពិនិត្យវឌ្ឍនភាពការងារសាងសង់ផ្លូវជនបទ ចំនួន ៤ស្រុកក្នុងខេត្តបន្ទាយមានជ័យ
សម្តេចមហារដ្ឋសភាធិការធិបតី អញ្ជើញចូលគោរពជូនពរសម្តេចអគ្គមហាពញាចក្រី និងសម្តេចធម្មវិសុទ្ធវង្សា ក្នុងឱកាសបុណ្យចូលឆ្នាំថ្មី ប្រពៃណីជាតិ
រដ្ឋមន្រ្តីក្រសួងបរិស្ថានគាំទ្រវិស័យឯកជន អនុវត្តការវិនិយោគស្អាត ដើម្បីទទួលបានការរីកចម្រើន និងធានាការការពារសុខភាពសាធារណៈ និងបរិស្ថានជាតិដោយចីរភាព

ព័ត៌មានជាតិ

ក្រុមការងាររាជរដ្ឋាភិបាលចុះមូលដ្ឋានខេត្តកោះកុងផ្សព្វផ្សាយឱកាសជំនាញវិជ្ជាជីវៈ (TVET) ដល់យុវជន

2025/09/14 12:38:16 pm        131
Facebook Telegram Linkin
ក្រុមការងាររាជរដ្ឋាភិបាលចុះចុះមូលដ្ឋានខេត្តកោះកុង បន្តផ្សព្វផ្សាយឱកាសជំនាញវិជ្ជាជីវៈ(TVET) ជូនយុវជនរាប់រយនាក់ក្នុងស្រុកចំនួន៤ ដើម្បីឆ្លើយតបតម្រូវការទីផ្សារការងារនៅកម្ពុជា។ក្នុងឱកាសរៀបចំពិធីផ្សព្វផ្សាយឱកាសការងារជូនប្រជាពលក្រីក្រ និងជនងាយរងហានីភ័យ ព្រមទាំងប្រជាពលរដ្ឋទូទៅតាមបណ្តាស្រុកចំនួន៤ រួមមាន ស្រុកបុទុមសាគរ, ស្រុកថ្មបាំង, ស្រុកស្រែអំបិល និងស្រុកមណ្ឌលសីមា។ នាថ្ងៃទី១៤ ខែកញ្ញា ឆ្នាំ២០២៥ បណ្ឌិត ហាន បូរិន ក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល និងជាប្រធានសាខាសមាគមសិស្ស និស្សិត បញ្ញវន្តក្មេងវត្តខណ្ឌព្រែកព្នៅ បានឱ្យដឹងថា ដើម្បីសម្រេចបាននូវចក្ខុវិស័យរបស់រាជរដ្ឋាភិបាលកម្ពុជា ក្លាយជាប្រទេសដែលមានចំណូលមធ្យមកំរិតខ្ពស់នៅឆ្នាំ ២០៣០ និងជាប្រទេសដែលមានចំណូលកំរិតខ្ពស់នៅឆ្នាំ២០៥០ កម្ពុជាបានជំជំរុញការបណ្ដុះបណ្ដាល មូលធនមនុស្ស តាមរយៈការអប់រំ និងការបណ្ដុះបណ្ដាលជំនាញវិជ្ជាជីវៈបច្ចេកទេស និងការផ្សព្វផ្សាយឱកាសការងារជូនប្រជាពលក្រីក្រ និងជនងាយរងហានីភ័យ ព្រមទាំងប្រជាពលរដ្ឋទូទៅអោយបានទូលលំទូលាយ។លោកបណ្ឌិត ថ្លែងថា កត្តាទាំងអស់នេះជាគន្លឹះដ៏សំខាន់ ក្នុងការបង្កើត និងផលិតកម្លាំងពលកម្មជំនាញដែលមានគុណភាពប្រកបដោយផ្លែផ្កា និង ដើម្បីគាំទ្រការវិនិយោគក្នុងស្រុក និងទាក់ទាញការវិនិយោគពីបរទេស ព្រមទាំងធ្វើឱ្យសេដ្ឋកិច្ចជាតិទាំងមូលមានការប្រែប្រួលទៅរកភាពរីកចម្រើនយ៉ាងឆាប់រហ័ស នៅក្នុងតំបន់អាស៊ីអាគ្នេយ៍។នាឱកាសនោះ លោកបណ្ឌិត ថ្លែងទៀតថា ផ្អែកតាមកំណើនវិនិយោគនោះ គឺការបង្កើនការផលិត កម្លាំងពលកម្មជំនាញបានកាន់តែច្រើន ទើបអាចឆ្លើយតបទៅនឹងការកើនឡើងនៃការវិយោគនាពេលបច្ចុប្បន្ន និងពេលអនាគត។លើសពីនេះ លោកបណ្ឌិត លើកឡើងថា រាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នឹងឆ្ពោះទៅដោយភាពជឿជាក់ និងប្រសិទ្ឋភាពខ្ពស់សម្រាប់ប្រជាជន និងសេដ្ឋកិច្ចជាតិ តាមរយៈយុទ្ធសាស្ត្រ បញ្ចកោណដំណាក់កាលទី១។សូមជម្រាបថា ក្នុងនាមប្រធានសាខាសមាគមសិស្ស និស្សិត បញ្ញវន្តក្មេងវត្តខណ្ឌព្រែកព្នៅ លោកបណ្ឌិត ហាន បូរិន បានសហការជាមួយវិទ្យាស្ថានចំនួន ៨ នៅរាជធានីភ្នំពេញ ដើម្បីផ្សព្វផ្សាយព័ត៌មានទៅកាន់ប្រជាពលរដ្ឋជាង ២,០០០ គ្រួសារ និងបានផ្តាំផ្ញើទៅកាន់យុវជន និងប្រជាពលរដ្ឋទាំងអស់ដែលបានចូលរួមក្នុងកម្មវិធីនេះកាលពីពេលថ្មីៗនេះថា ធ្វើយ៉ាងណាត្រូវអនុវត្តន៍អោយបាននូវអភិក្រមដ៏មានតម្លៃប្រកបដោយគតិបណ្ឌិតរបស់សម្តេចធិបតី ហ៊ុន ម៉ាណែត គឺ រៀនអោយចប់ រៀនអោយចេះ រៀនអោយមានការងារធ្វើ៕

ឯកឧត្ដម ឃួង ស្រេង តម្រូវឱ្យបិទទ្វារទឹកប្រឡាយស្របផ្លូវរថភ្លើងជាបណ្ដោះអាសន្នសិន ដើម្បីឱ្យទឹកនៅលើផ្លូវលេខជាតិ៤ ស្រកចុះ ងាយស្រួលធ្វើចរាចរ

2025/09/14 12:24:22 pm        127
Facebook Telegram Linkin
ភ្នំពេញ៖នៅព្រឹកថ្ងៃទី១៤ ខែកញ្ញា ឆ្នាំ២០២៥ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំមន្ត្រីរាជការ ព្រមទាំងមន្ត្រីជំនាញរដ្ឋបាលរាជធានីភ្នំពេញ បានអញ្ជើញចុះពិនិត្យស្ថានភាពទឹកលិចលើផ្លូវជាតិលេខ៤ ចំនុចជិតស្ពានអាកាសចោមចៅ និងបានបន្តពិនិត្យស្ថានភាពប្រឡាយទឹកស្របផ្លូវរថភ្លើង ក្នុងភូមិសាស្ត្រខណ្ឌពោធិ៍សែនជ័យ និងខណ្ឌកំបូល រាជធានីភ្នំពេញ។ ក្នុងឱកាសនោះឯកឧត្តមអភិបាល បានតម្រូវឱ្យមន្ទីរសាធារណការ និងដឹកជញ្ជូន រាជធានីភ្នំពេញ សហការជាមួយរដ្ឋបាលខណ្ឌពោធិ៍សែនជ័យ និងរដ្ឋបាលខណ្ឌកំបូល បិទទ្វារទឹកប្រឡាយស្របផ្លូវរថភ្លើងជាបណ្ដោះអាសន្នសិន ដើម្បីឱ្យទឹកនៅលើផ្លូវលេខ៤ស្រក ងាយស្រួលធ្វើចរាចរ៕

ឯកឧត្ដម ហេង សួរ៖ ទំនួលខុសត្រូវសង្គម (CSR) គឺជាសរសៃឈាមមួយ នៃអាជីវកម្មមានចីរភាព និងជាការចងភ្ជាប់រវាងផលប្រយោជន៍ឯកជន និងផលប្រយោជន៍សាធារណៈ

2025/09/14 12:01:49 pm        116
Facebook Telegram Linkin
ភ្នំពេញ៖ ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានអញ្ជើញចូលរួមជាគណៈអធិបតី ក្នុងកម្មវិធីប្រគល់ពានរង្វាន់អាស៊ានសម្រាប់អាជីវកម្ម និងធុរកិច្ចឆ្នើម ដែលបានជួយដល់កិច្ចការងារសង្គម ប្រចាំឆ្នាំ២០២៥ (Great ASEAN CSR Business Award 2025) នាល្ងាចថ្ងៃទី១៣ ខែកញ្ញា ឆ្នាំ២០២៥នេះ នៅសណ្ឋាគារ Shangri-La ភ្នំពេញ។ថ្លែងក្នុងឱកាសនោះ ឯកឧត្ដមរដ្ឋមន្ត្រី បានគូសបញ្ជាក់ថា ទំនួលខុសត្រូវសង្គម (CSR) ជាវិធីនៃការធ្វើអាជីវកម្ម ដែលត្រូវបានបង្ហាញឱ្យឃើញតាមរយៈក្រុមហ៊ុនដែលទទួលខុសត្រូវចំពោះកម្មករ មានផលជាវិជ្ជមានលើសហគមន៍ បរិស្ថាន និងឱកាសសម្រាប់អ្នកជំនាន់ក្រោយ។ (CSR) គឺជាឌីអិនអេ (DNA) នៃអាជីវកម្មមានចីរភាព និងជាការចងភ្ជាប់រវាងផលប្រយោជន៍ឯកជន និងផលប្រយោជន៍សាធារណៈ។ឯកឧត្ដមរដ្ឋមន្ត្រីជឿជាក់ថា ពានរង្វាន់នៃកម្មវិធីនេះ ជាការទទួលស្គាល់ចំពោះក្រុមហ៊ុន និងសហគ្រិន ដែលបានបង្ហាញពីភាពជាអ្នកដឹកនាំ កម្លាំងចិត្ត និងចក្ខុវិស័យក្នុងការភ្ជាប់ភាពជោគជ័យអាជីវកម្មជាមួយសុខុមាលភាពសង្គម។ លើសពីនេះ កម្មវិធីនេះ ក៏ជាការជំរុញឱ្យម្ចាស់អាជីវកម្ម និងសហគ្រិនដទៃទៀតចូលរួមក្នុងកិច្ចការងារសង្គម ព្រោះម្ចាស់ជ័យលាភីពានរង្វាន់ទាំងអស់ក្នុងកម្មវិធីនេះ ជាគំរូល្អសម្រាប់អាស៊ាន និងសកលលោកទាំងមូល។ជាមួយគ្នានោះ ឯកឧត្ដមរដ្ឋមន្ត្រី បានបង្ហាញអំពីការប្តេជ្ញាចិត្តដ៏រឹងមាំរបស់ក្រសួងការងារ និងបណ្តុះបណ្តាលវិជ្ជាជីវៈ ក្នុងការធ្វើការជិតស្និទ្ធជាមួយដៃគូអាស៊ាន ភ្នាក់ងារអភិវឌ្ឍន៍ និងវិស័យឯកជន ដើម្បីឆ្ពោះទៅរកភាពទទួលខុសត្រូវ ការរួមបញ្ចូលគ្នា និងចីរភាព។សូមបញ្ជាក់ថា កម្មវិធីពានរង្វាន់អាស៊ានសម្រាប់អាជីវកម្ម និងធុរកិច្ចឆ្នើម ដែលបានជួយដល់កិច្ចការងារសង្គម ប្រចាំឆ្នាំ២០២៥ នេះ ប្រើរយៈពេល១២០ថ្ងៃ ក្នុងការជ្រើសរើសជ័យលាភី ដែលមានបេក្ខជនដាក់ពាក្យចូលរួមសរុបចំនួន ៣ ៧៦០នាក់ មកពី៣៩ប្រទេស។ ក្នុងនោះបេក្ខជនដែលមានសក្តានុពលចំនួន ៤៨០នាក់ត្រូវបានជ្រើសរើស និងត្រូវបានវាយតម្លៃជាផ្លូវការចំនួន ២៨០នាក់មកពី៣០ប្រទេស។ ជាលទ្ធផល បេក្ខជន ៦០នាក់មកពី១៩ប្រទេសត្រូវបានជ្រើសរើសជាម្ចាស់ជ័យលាភី នៃកម្មវិធីនេះ៕

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញកាន់បិណ្ឌទី៧ នៅវត្តឧណ្ណាលោម

2025/09/14 11:56:39 am        167
Facebook Telegram Linkin
ភ្នំពេញ ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការនៃសមាគមកាយឫទ្ធិនារីកម្ពុជា និងឯកឧត្តម ពេជ សោភ័ណ ទេសរដ្ឋមន្ត្រីទទួលបន្ទុកបេសកកម្មពិសេស នៅថ្ងៃទី១៤ ខែកញ្ញានេះ បានអញ្ជើញ ចូលរួមកាន់បិណ្ឌទី៧ នៃពិធីបុណ្យភ្ជុំបិណ្ឌ នៅវត្តឧណ្ណាលោម ស្ថិតនៅខណ្ឌដូនពេញ រាជធានីភ្នំពេញ។ ​ពិធីនេះ មានការអញ្ជើញចូលរួមពីសំណាក់ ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា និងលោកជំទាវ សូ ភត្ត្រា ចាយបូរិន , ឯកឧត្តម លោកជំទាវ សមាជិកកាយឫទ្ធិនារីកម្ពុជា និងប្រជាពុទ្ធបរិស័ទយ៉ាងច្រើនកុះករ ។ ក្នុងឱកាសអញ្ជើញទៅដល់ឧបដ្ឋានសាលា លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និងឯកឧត្តម ពេជ សោភ័ណ ដែលត្រូវជាបិតារបស់លោកជំទាវ បានអញ្ជើញអុជទៀនធូប ប្រគេនគន្ធពិដោរ ថ្វាយបង្គំព្រះពុទ្ធបដិមា និងព្រះសង្ឃ ព្រមទាំងសមាទានសីល រម្លឹកដល់គុណបុណ្យព្រះរតនៈត្រៃយ៍តាមគន្លងប្រពៃណី ព្រះពុទ្ធសាសនា ពិសេសរម្លឹកដល់ព្រះសម្មាសម្ពុទ្ធព្រះបរមគ្រូនៃយើង ដែលព្រះអង្គបានត្រាស់ដឹង និងព្រះធម៌វិន័យដ៏វិសេសវិសាល បន្សល់ទុកឱ្យពុទ្ធបរិស័ទគ្រប់ជំនាន់គោរពប្រតិបត្តិ ទំនៀមទំលាប់ ប្រកាន់ភ្ជាប់ ប្រពៃណី ព្រះពុទ្ធសាសនា។ បន្ទាប់មកលោកជំទាវបណ្ឌិត ពេជ ចន្ទមុន្នី ព្រមទាំងឯកឧត្តម លោកជំទាវ ប្រជាពុទ្ធបរិស័ទ បានរាប់បាត្រ បង្សុកូល និងពូនភ្នំខ្សាច់ ព្រមទាំងបានប្រគេនថវិការ និងទេយ្យទានផ្សេងៗទៀតដល់ព្រះសង្ឃគង់នៅវត្តឧណ្ណាលោម។ជាអំណាចនៃផល្លានិសង្ឃកើតចេញពីទឹកចិត្តជ្រះថ្លា ក្នុងថ្ងៃកាន់បិណ្ឌនេះ សម្តេចព្រះមហាអរិយវង្សបណ្ឌិត យ៉ន សេងយៀត ព្រះចៅអធិការវត្តឧណ្ណាលោម បានឧទ្ទិសថ្វាយដល់វត្ថុសក្តិសិទ្ធក្នុងលោក មហាកុសលជូនចំពោះវិញ្ញាណក្ខន្ឋ ញ្ញាតិកាទាំង៧សណ្តាន ដែលបានចែកឋានទៅកាន់ឋានបរមសុខ និងសូមទក្ខិណា នុប្បទាន ដើម្បីជូនបុណ្យចំពោះវីរៈជនកងទ័ពខ្មែរគ្រប់លំដាប់ថ្នាក់ ដែលកំពុងបំពេញបេសកកម្មនៅសមរភូមិ និងឧទ្ទិសកុសលជូនចំពោះវិញ្ញាណក្ខន្ធវីរៈកងទ័ពដ៏អង់អាចក្លាហាន ដែលបានពលីជីវិតក្នុងបុព្វហេតុជាតិ ការពារបូរណភាពទឹកដី ក្នុងអំឡុងពេលនៃជម្លោះព្រំដែន កម្ពុជា-ថៃ ដោយក្តីអនុមោទនាកុសលផលបុណ្យ។សូមជម្រាបថា នៅឆ្នាំ២០២៥ ពិធីបុណ្យកាន់បិណ្ឌ និងភ្ជុំបិណ្ឌ ចាប់ផ្តើមពីថ្ងៃទី០៨ខែកញ្ញានេះ រហូតដល់ថ្ងៃទី២២ខែកញ្ញា ដែលត្រូវនឹងថ្ងៃ១រោច ដល់ថ្ងៃ១៥រោច ខែភទ្របទ ព.ស ២៥៦៩។  តាមទម្លាប់ ជារៀងរាល់ឆ្នាំ នៅពេលដល់ថ្ងៃខែដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយ ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃដែលគង់នៅវត្តអារាម៕អត្ថបទ៖ទូច សោភ័ណ

អាកាសយានដ្ឋានអន្តរជាតិតេជោផ្តល់សេវាកម្មជូនអ្នកដំណើរយ៉ាងរលូនរយៈពេល៥ថ្ងៃមកនេះ

2025/09/14 10:41:05 am        218
Facebook Telegram Linkin
ភ្នំពេញ ៖អាកាសយានដ្ឋានអន្តរជាតិតេជោ បានបើកដំណើរការផ្តល់សេវាកម្មជូនអ្នកដំណើរជាតិអន្តរជាតិយ៉ាងរលូន មិនមានបញ្ហារអាក់រអួល ក្នុងរយៈពេល៥ថ្ងៃមកនេះ ហើយអ្នកដំណើរជាតិអន្តរជាតិ និងពលរដ្ឋដែលបានអញ្ជើញទៅទស្សនា បានបង្ហាញភាពភ្ញាក់ផ្អើលលើរចនាបថ ភាពប្រណិតរបស់អាកាសយានដ្ឋាន និងធ្វើឲ្យគេមកទស្សនាម្តងហើយ ចង់មកទស្សនាម្តងទៀត។ ​អ្នកដំណើរជាតិ អន្តរជាតិ បានថ្លែងប្រាប់ BTV នៅថ្ងៃទី១៤ ខែកញ្ញានេះថា បន្ទាប់ពីអាកាសយានដ្ឋានអន្តរជាតិតេជោ បើកដំណើរ ក្នុងរយៈពេលប៉ុន្មានថ្ងៃមកនេះ សំគាល់ឃើញថា គ្រប់ការធ្វើដំណើរចេញចូលកម្ពុជា គឺមិនមានការពន្យាពេលជើងហោះហើរ ដូចបណ្តាឆ្នាំកន្លងមកនោះទេ ពិសេសជាងនេះពេលដល់ព្រលានថ្មីនេះ គឺធ្វើឲ្យគេហាក់មានភាពកក់ក្តៅ ប្រព័ន្ធត្រួតពិនិត្យឯកសារចេញចូលរបស់មន្ត្រីនគរបាលអន្តោប្រវេសន៍ និងគយ មានដំណើរការល្អមិនរងចាំយូរ និងប្រព័ន្ធបញ្ជាស្វ័យប្រវត្តិទំនើបៗនានាទៀតនៅក្នុងព្រលានហោះថ្មីមិនមានការរអាក់រអួល ហើយគេរំពឹងថា នៅថ្ងៃអនាគត នឹងមានជើងហោះត្រង់ច្រើនទៅមកជាមួយបណ្តាប្រទេសឆ្ងាយៗ។ បណ្តាពលរដ្ឋដែលអញ្ជើញចូលទស្សនាព្រលានក៏បានថ្លែងថា នៅពេលនេះពលរដ្ឋទាំងអស់គ្នាពិតជាមានមោទនភាពខ្លាំងចំពោះប្រទេសជាតិ ដែលមានព្រលានយន្តធំៗលំដាប់ពិភពលោក មានភាពទំនើប និងមានកន្លែងដើរកម្សាន្តច្រើន ដែលបញ្ហានេះគឺធ្វើឲ្យគេមានការចាប់អារម្មណ៍ចង់មកទស្សនាម្តងហើយ ចង់មកទស្សនាម្តងទៀត។ឯកឧត្តម ស៊ីន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ថ្លែងថា អាកាសយានដ្ឋានអន្តរជាតិភ្នំពេញតេជោ គឺមានប្រើប្រាស់ប្រព័ន្ធបញ្ជាដោយស្វ័យប្រវត្តិច្រើននិងមានភាពទំនើប ហើយចាប់ពីពេលនេះតទៅកម្ពុជា គឺមានសមត្ថភាពគ្រប់គ្រាន់ក្នុងការទទួលជើងហោះគ្រប់ប្រភេទទាំងអស់របស់ពិភពលោកមកចុះចត នៅអាកាសយានដ្ឋានអន្តរជាតិភ្នំពេញតេជោ៕អត្ថបទ ស៊ុមសុខជា 

AHF លើកទឹកចិត្តក្រុមយុវជនប្រឈមមកទទួលសេវាព្យាបាលជំងឺកាមរោគ ខណៈចំនួនឆ្លងកើនឡើង

2025/09/14 10:32:34 am        149
Facebook Telegram Linkin
ភ្នំពេញ ៖ អង្គការមូលនិធិថែទាំសុខភាពអ្នកជំងឺអេដស៍កម្ពុជា (ដែលហៅកាត់ថាAHF) បានលើកទឹកចិត្តដល់ក្រុមយុវជនប្រឈមដែលរួមមានស្ត្រីបម្រើការកំសាន្តសប្បាយ អ្នកស្រលាញ់ភេទដូចគ្នា និងក្រុមបំលែងភេទ មកទទួលសេវាពិនិត្យនិងព្យាបាលជំងឺកាមរោគ ខណៈបច្ចុប្បជំងឺនេះកំពុងមានការកើនឡើងខ្ពស់ពិសេសទៅលើយុវជន។​ថ្លែងប្រាប់អ្នកសារព័ត៌មាន នៅព្រឹកថ្ងៃទី១៣ ខែកញ្ញា ឆ្នាំ២០២៥ នៅមណ្ឌលថែរក្សាសុខភាព ទួលគោករបស់ AHF លោកវេជ្ជបណ្ឌិត ចន ផាន់ណា ប្រធានអង្គការមូលនិធិថែទាំសុខភាពអ្នកជំងឺអេដស៍ប្រចាំប្រទេសកម្ពុជាមានប្រសាសន៍ថា ជាមួយនឹងការថយចុះនៃជំនួយអន្តរជាតិ ការទ្រទ្រង់ ការឆ្លើយតប នឹងមេរោគអេដស៍របស់កម្ពុជារហូតដល់ឆ្នាំ២០៣០ នៅតែជាបញ្ហាប្រឈមដ៏សំខាន់។ ឥឡូវនេះគឺជាពេលវេលាដើម្បីជំរុញការផ្តល់មូលនិធិក្នុងស្រុកដើម្បីបំពេញតាមការប្តេជ្ញាចិត្តរបស់រាជរដ្ឋាភិបាល។ AHF Cambodia កំពុងពង្រឹងកិច្ចខិតខំប្រឹងប្រែងរបស់ខ្លួនដោយធានាបាននូវការទទួលបានការព្យាបាល ១០០% សម្រាប់អតិថិជនដែលទើបធ្វើរោគវិនិច្ឆ័យថាមានផ្ទុកមេរោគអេដស៍ និងការពង្រីកសេវាកម្ម រួមទាំងមណ្ឌលពិនិត្យ និងព្យាបាលជំងឺកាមរោគផងដែរ។លោកវេជ្ជបណ្ឌិតបន្ថែមទៀតថា បច្ចុប្បន្នអង្គការ បានសហការជាមួយក្រសួងសុខាភិបាល ផ្តល់ការថែទាំ និងព្យាបាលមេរោគអេដស៍ដល់អតិថិជន ដែលកម្មវិធីនេះបានចាប់ផ្តើមនៅឆ្នាំ២០០៥ នៅពេលដែល AHF Cambodia បានចាប់ផ្តើមកម្មវិធីដំបូងរបស់ខ្លួនជាមួយក្រសួងសុខាភិបាល ហើយបានពង្រីកសេវាកម្មបន្តិចម្តងៗជាមួយភ្នាក់ងារថែទាំសុខភាពផ្សេងទៀត។ លោកវេជ្ជបណ្ឌិតលើកទឹកចិត្តឱ្យប្រជាពលរដ្ឋ ពិសេសក្រុមប្រឈមស្ត្រីបម្រើការកម្សាន្តសប្បាយ អ្នកស្រលាញ់ភេទដូចគ្នា និងក្រុមបំលែងភេទ មកទទួលសេវាឱ្យបានទាន់ពេល ដើម្បីរក្សាសុខភាពបានល្អប្រសើរ ឈានទៅបញ្ចប់ជំងឺអេដស៍នៅឆ្នាំ២០៣០។   លោកវេជ្ជបណ្ឌិត ម៉ា សួនសុភ័ក្ត ប្រធានគ្រប់គ្រងមណ្ឌលរក្សាសុខភាពលើកឡើងថា ក្រុមយុវវ័យដែលប្រឈមអាចអញ្ជើញមកទទួលសេវា នៅមណ្ឌលរក្សាសុខភាពដែលបង្កើតឡើងដោយ AHF គាំទ្រដោយមជ្ឈមណ្ឌលជាតិប្រយុទ្ធ នឹងជំងឺអេដស៍សើរស្បែក និងកាមរោគ បម្រើសេវាចាប់ពីម៉ោង៨ព្រឹក ដល់ម៉ោង៦ល្ងាច ៧ថ្ងៃ ក្នុង១សប្តាហ៍ មិនមានសម្រាកទេ ដោយមានបុគ្គលិកប្តូរគ្នាបានអតិថិជនអាចអញ្ជើញមកម៉ោងណាក៏បានដែរ។ ការព្យាបាលនៅទីនេះមិនមានគិតថ្លៃទេ និងលាក់ការណ៍សំងាត់ជូនអតិថិជនផងដែរ។ចាប់តាំងពីបង្កើតឡើងក្នុងកំឡុងខែមករា ឆ្នាំ២០២៥ ក្នុង១ខែមានអតិថិជនមកទទួលសេវាប្រមាណពី៣៥០នាក់ ទៅ៤០០នាក់ ក្នុងនោះ៩០% ជាក្រុមបុរសស្រលាញ់បុរស៕ អត្ថបទ រដ្ឋា

​សិស្សទើបប្រឡងបាក់ឌុបចាប់ផ្តើមនាំគ្នាស្វែងរកឱកាសសិក្សាបន្តលើវិស័យម្ហូបអាហារ

2025/09/14 10:25:18 am        192
Facebook Telegram Linkin
ភ្នំពេញ ៖បណ្តាសិស្ស និងអាណាព្យាបាលជាច្រើន បាននាំកូនចៅទើបប្រឡងសញ្ញាបត្រមធ្យមសិក្សាទុតិយភូមិ (បាក់ឌុប ) ឆ្នាំសិក្សា២០២៥ ចូលទស្សនាថ្ងៃបើកជាសាធារណៈឲ្យមហាជនចូលទស្សនាការរៀនជំនាញផ្នែកម្ហូបអាហារ នៅវិទ្យាស្ថានម្ហូបអាហារកម្ពុជា ហៅកាត់ ACAC នៅរាជធានីភ្នំពេញ ។​សិស្ស និងអាណាព្យាបាលមានកូនទើបប្រឡងបាក់ឌុបរួច បានថ្លែងប្រាប់BTVនៅថ្ងៃទី១៤ ខែកញ្ញានេះថា នៅក្នុងដំណើរដើរទស្សនាសិក្សាស្វែងយល់ការរៀន ការបង្រៀនចំអិនម្ហូបអាហារ ធ្វើនំបង្អែម ភេសជ្ជៈនានា និងស្តាប់បទបង្ហាញរបស់អ្នកតំណាងវិទ្យាស្ថានម្ហូបអាហារកម្ពុជា បានធ្វើឲ្យសិស្សផ្តោតការចាប់អារម្មណ៍ចង់រៀនជំនាញចុងភៅ នៅក្នុងវិស័យម្ហូបអាហារ និងបដិសណ្ឋារកិច្ច ខណៈនៅក្នុងវិស័យនេះ បច្ចុប្បន្ន កំពុងមានតម្រូវការច្រើនកម្លាំងពលកម្មច្រើន ចូលបម្រើការងារទាំងនៅក្នុងប្រទេស និងក្រៅប្រទេស។តំណាងវិទ្យាស្ថានម្ហូបអាហារកម្ពុជា បានថ្លែងថា នៅក្នុងថ្ងៃបើកចូលទស្សនាវិទ្យាស្ថានម្ហូបអាហារកម្ពុជានេះដែរ វិទ្យាស្ថានក៏បានចាប់ផ្តើមបើកការទទួលពាក្យសិស្សស្នើសុំចូលរៀនជំនាញចុងភៅចំនួន៧០រូប សម្រាប់ឆ្នាំសិក្សាថ្មី ឆ្នាំ២០២៥នេះ រយៈពេល២ឆ្នាំ ហើយនឹងត្រូវបិទការទទួលពាក្យនៅថ្ងៃទី២០ ខែតុលា ហើយសិស្សជាប់ និងធ្លាក់បាក់ឌុប គឺអាចដាក់ពាក្យស្នើសុំចូលរៀនបានដូចគ្នា។សូមបញ្ជាក់ថា ការរៀនជំនាញវិជ្ជាជីវៈក្នុងវិស័យម្ហូបអាហារ នៅវិទ្យាស្ថានម្ហូបអាហារកម្ពុជា របស់ប្រទេសស្វីសនេះ គឺសញ្ញាបត្រទទួលស្គាល់ដោយក្រសួងអប់រំយុវជន និងកីឡា និងរដ្ឋាភិបាលប្រទេសស្វីល ហើយសិស្សដែលរៀនជំនាញនេះ គឺអាចចុះហាត់ការ និងអាចធ្វើបំផ្លាស់ទី ទៅធ្វើការងារនៅក្នុងតំបន់អាស៊ាន និងបណ្តាប្រទេសនានានៅប៉ែកខាងអឺរ៉ុប៕អត្ថបទ ស៊ុម សុខជា

ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេចចក្ខុវិស័យឆ្នាំ២០៥០

2025/09/14 10:03:07 am        150
Facebook Telegram Linkin
ភ្នំពេញ : តំណាងធនាគារអភិវឌ្ឍន៍អាស៊ី (ADB) បង្ហាញនូវការប្តេជ្ញាចិត្តខ្ពស់ ក្នុងការបន្តកិច្ចសហប្រតិបត្តិការជាមួយកម្ពុជា លើ ការអភិវឌ្ឍវិស័យអាទិភាពសំខាន់ៗរបស់រាជរដ្ឋាភិបាល ដើម្បីធ្វើពិពិធកម្មសេដ្ឋកិច្ចកម្ពុជា សំដៅឈានឆ្ពោះទៅសម្រេចនូវចក្ខុ វិស័យឆ្នាំ២០៥០។ លោក បាហ្គាវ ដាសគ្គូបតា (Bhargav Dasgupta) អនុប្រធានធនាគារអភិវឌ្ឍន៍អាស៊ី (ADB) លើកឡើងក្នុងជំនួប សម្តែងការគួរសមជាមួយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តីរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១១ ខែកញ្ញា ឆ្នាំ២០២៥ ថា ដើម្បីចូលរួមនៃការឆ្ពោះទៅសម្រេចនូវចក្ខុវិស័យឆ្នាំ២០៥០របស់កម្ពុជា, ADB បានផ្តល់ ការគាំទ្រវិស័យឯកជនកម្ពុជាដោយផ្ទាល់ ទាំងជំនួយបច្ចេកទេស ការកសាងសមត្ថភាព និងការផ្តល់ហិរញ្ញប្បទានសម្រាប់ SMEs កម្ពុជាដោយផ្ទាល់ ក្រោមកញ្ចប់កម្មវិធី ADB Frontier ដែលជាកម្មវិធីផ្តល់ហិរញ្ញប្បទានជាដើមទុនដំបូងសម្រាប់គាំទ្រ SMEs ហើយកម្ពុជាជាប្រទេសដែល ADB ជ្រើសរើសក្នុងការផ្តល់ទុនសាកល្បងដំបូងគេក្នុងចំណោមប្រទេសក្នុងតំបន់។ក្នុងនោះការជំរុញប្រសិទ្ធភាពពាណិជ្ជកម្ម និងការប្រកួតប្រជែងនៅកម្ពុជា បានផ្ដោតលើកំណែទម្រង់៣គឺ៖ (១) ការ បង្កើនបរិយាកាសអំណោយផលសម្រាប់វិនិយោគទុន និងអាជីវកម្ម, (២) ការលើកកម្ពស់ពាណិជ្ជកម្មមីក្រូ ខា្នតតូច និងខ្នាត មធ្យម, និង(៣) ការកែលម្អគោលនយោបាយពាណិជ្ជកម្ម និងការបង្កើនប្រសិទ្ធភាពនៃកិច្ចសម្របសម្រួលពាណិជ្ជកម្ម។ ការ ផ្តល់ហិរញ្ញប្បទានសម្រាប់ការគាំទ្រដល់ការវិនិយោគរបស់វិស័យឯកជន តាមរយៈការផ្តល់ប្រាក់កម្ចីដែលមានការប្រាក់ទាប និង ក្នុងលក្ខខណ្ឌអំណោយផលសម្រាប់សកម្មភាពការងារផ្សេងៗរបស់ SMEs សំដៅចូលរួមចំណែកដល់ការគ្រប់គ្រងការប្រើប្រាស់ថាមពលប្រកបដោយប្រសិទ្ធភាពខ្ពស់។ ការជំរុញការអភិវឌ្ឍវិស័យហេដ្ឋារចនាសម្ព័ន្ធ និងការអភិវឌ្ឍភាពជាដៃគូរវាងរដ្ឋ និង ឯកជនផងដែរ។ក្នុងជំនួបនេះ, ឯកឧត្តមអគ្គបណ្ឌិតសភាចារ្យ បានស្នើឲ្យ ADB បន្តផ្តល់ការគាំទ្រទាំងផ្នែកបច្ចេកទេស និងហិរញ្ញវត្ថុក្នុងការពង្រឹងយន្តការ PPP ឱ្យកាន់តែមានភាពទាក់ទាញថែមទៀត។ ជាក់ស្តែង, ឯកឧត្តមអគ្គបណ្ឌិតសភាចារ្យ បានស្នើ ADB បន្តគាំទ្រការពង្រឹងវិស័យឯកជនកម្ពុជា តាមរយៈការផ្តល់ហិរញ្ញប្បទានក្រោមក្របខ័ណ្ឌហិរញ្ញប្បទានសម្រាប់វិស័យឯកជន (Non-Sovereign Loan) និងគិតគូរបន្ថែមរួមមាន៖ គោលនយោបាយ និងយុទ្ធសាស្រ្តសម្រាប់ការពង្រឹងនគរូបនីយកម្ម, ការវិនិយោគលើហេដ្ឋារចនាសម្ព័ន្ធរូបវន្ត ដែលជាវិស័យគន្លឹះលើការជំរុញការអភិវឌ្ឍវិស័យឯកជន ការកាត់បន្ថយភាពក្រីក្រ និងការ អភិវឌ្ឍសង្គមជារួម, កំណែទម្រង់គោលនយោបាយគាំទ្រការអភិវឌ្ឍ និងបង្កើនបរិយាកាសអំណោយ ផលដល់វិស័យឯកជននិងពាណិជ្ជកម្ម, និងការគាំទ្រផ្នែកជំនាញ បច្ចេកវិទ្យា និងការកៀរគរធនធានបន្ថែម សម្រាប់ជំរុញការអភិវឌ្ឍវិស័យសេដ្ឋកិច្ចក្រៅប្រព័ន្ធ និង SMEs កម្ពុជា ដើម្បីអាចរួមចំណែកក្នុងការជំរុញកំណើនសេដ្ឋកិច្ចឱ្យកាន់តែមានប្រសិទ្ធភាពខ្ពស់៕អត្ថបទ៖ សុន រ៉ាឌី

នាយឧត្តមសេនីយ៍ សៅ សុខា បានចលនាមូលនិធិគាំទ្រកម្លាំងជួរមុខនូវថវិកាសរុបចំនួន ១,៨២០,០០០,០០០៛

2025/09/14 09:13:47 am        582
Facebook Telegram Linkin
ភ្នំពេញ៖ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃប្រទេស បានថ្លែងនូវការកោតសរសើរ ស្មារតីអង់អាចក្លាហាន ការពារបូរណអធិបតេយ្យជាតិ ដែលកំពុងប្រយុទ្ធប្រកបដោយវីរៈភាពក្នុងការអនុវត្តម៉ឺងម៉ាត់បទបញ្ជាដែកថែប សម្តេចតេជោ ហ៊ុន សែន និង សម្តេចបវរធិបតី ហ៊ុន ម៉ាណែត ។ ដើម្បីសម្រួលជីវភាព និងលើកទឹកចិត្តនាយទាហាន នាយទាហានរង និងពលទាហានកម្លាំងជួរមុខ តាមរយៈការចលនារបស់ ឯកឧត្តម នាយឧត្តមសេនីយ៍ សៅ សុខា ដោយមានសប្បុរសជនបានចូលរួមបរិច្ចាគថវិកាមូលនិធិគាំទ្រកម្លាំងជួរមុខ ប្រមូលថវិកាសរុបចំនួន ១,៨២០,០០០,០០០៛ (មួយពាន់ប្រាំបីរយម្ភៃលានរៀល) ។

ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម

2025/09/13 07:17:12 pm        503
Facebook Telegram Linkin
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបជាមួយ លោក អេនរីកូ ហ្គាវេលីយ៉ា កូស្តា (Enrico Gaveglia Costa) តំណាងថ្មីនៃកម្មវិធីអភិវឌ្ឍន៍សហប្រជាជាតិ(UNDP) ប្រចាំនៅកម្ពុជា និងសហការី ក្នុងជំនួបសម្តែងការគួរសម និងពិភាក្សាការងារ នៅទីស្តីការ។ នៅក្នុងជំនួបការងារ កាលពីរសៀលថ្ងៃទី១១ ខែកញ្ញា ឆ្នាំ២០២៥កន្លងទៅនេះ ឯកឧត្តមរដ្ឋមន្ត្រី បានសម្តែងការស្វាគមន៍តំណាងថ្មី ហើយបានពិភាក្សារការវិវត្តន៍ក្នុងវិស័យកសិកម្មកម្ពុជា និងឱកាសពង្រឹងកិច្ចសហប្រតិបត្តិការបន្ថែមទៀត ជាពិសេសលើការអភិវឌ្ឍន៍ និងពង្រឹងខ្សែច្រវាក់តម្លៃកសិផល។ឯកឧត្តមរដ្ឋមន្ត្រី ឌិត ទីណា បានលើកឡើងអំពីគោលនយោបាយចងក្រងសហគមន៍កសិកម្មទំនើប និងកន្លែងដែល UNDP អាចចូលរួមអភិវឌ្ឍន៍ ដូចជាការផ្ដល់ទុនកម្ចីការប្រាក់ទាប ធនធានបច្ចេកទេស និងការកាត់បន្ថយហានិភ័យនានារបស់ប្រជាកសិករ៕

បណ្ដាញសង្គម

ព័ត៌មានថ្មីៗ

អនុប្រធានាធិបតីអាមេរិក នឹងដឹកនាំគណៈប្រតិភូទៅប៉ាគីស្ថាន ដើម្បីចរចាជាមួយអ៊ីរ៉ង់ នៅថ្ងៃសៅរ៍
04/09/2026 10:04 AM
Facebook Telegram Linkin
មេដឹកនាំបក្សប្រឆាំងកោះតៃវ៉ាន់៖ដំណើរទស្សនកិច្ចនៅចិនដីគោកដើម្បីសាបព្រោះ«គ្រាប់ពូជនៃសន្តិភាព»
04/09/2026 10:04 AM
Facebook Telegram Linkin
ព្រះខ័នរាជ រៀបចំរចនាសម្ព័ន្ធ និងនាំចូលកីឡាការិនីខ្មែរ-បរទេសជាច្រើន ត្រៀមលីគរដូវកាល
04/09/2026 10:04 AM
Facebook Telegram Linkin
ប្រទេសបារាំង ប្រកាសពីការជំរុញថវិកាចំនួន ៣៦ ពាន់លានអឺរ៉ូ ដើម្បីធ្វើឲ្យប្រសើរឡើងវិញផ្នែកសព្វាវុធ
04/09/2026 10:04 AM
Facebook Telegram Linkin
ប្រេងឡើងថ្លៃ ខណៈក្រុមវិនិយោគិននៅតែមានការប្រុងប្រយ័ត្នចំពោះបទឈប់បាញ់រអាមេរិក-អ៊ីរ៉ង់
04/09/2026 10:04 AM
Facebook Telegram Linkin
អ៊ីស្រាអែលវាយប្រហារទូទាំងលីបង់សម្លាប់មនុស្សជាង២៥០នាក់ក្រោយបទឈប់បាញ់រវាងអ៊ីរ៉ង់-អាមេរិក
04/09/2026 10:04 AM
Facebook Telegram Linkin
មនុស្សជិត២០០នាក់ត្រូវបានចាប់ខ្លួន បន្ទាប់ពីការវាយប្រហារ លើស្ថានកុងស៊ុលអ៊ីស្រាអែល
04/09/2026 09:04 AM
Facebook Telegram Linkin
លោក Trump ជួបពិភាក្សាអំពីការចាកចេញពីសម្ព័ន្ធយោធា NATO ជាមួយលោក Rutte ក្រោយរិះគន់ខ្លាំងៗលើសម្ព័ន្ធនេះ
04/09/2026 09:04 AM
Facebook Telegram Linkin
មេដឹកនាំអ៊ីស្រាអែលត្រៀមខ្លួនរួចរាល់វិលត្រឡប់ទៅសមរភូមិវិញនៅពេលណាក៏បាន ប្រឆាំងនឹងអ៊ីរ៉ង់
04/09/2026 08:04 AM
Facebook Telegram Linkin
ប្រធានាធិបតីបារាំង៖ រវាងកម្ពុជា និងបារាំងមានប្រវត្តិសាស្ត្ររួមគ្នាដ៏ជ្រាលជ្រៅដែលកំពុងតែរីកចម្រើនកាន់តែរឹងមាំថែមទៀត ក្នុងវិស័យថាមពល សុខាភិបាល ក៏ដូចជាវិស័យបេតិកភណ្ឌ
04/09/2026 08:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.