BTV NEWS

រដ្ឋបាលខេត្តបន្ទាយមានជ័យ៖ ក្រុមការងារកំពុងដំណើរការសាងសង់ផ្ទះបណ្តោះអាសន្នលើផ្ទៃដីទំហំ ៤០០ហិកតាជូនពលរដ្ឋភៀសសឹកដែលត្រូវទាហានចូលឈ្លានពានមិនទាន់អាចទៅផ្ទះវិញបាន

ប្រធានាធិបតីបារាំង៖ រវាងកម្ពុជា និងបារាំងមានប្រវត្តិសាស្ត្ររួមគ្នាដ៏ជ្រាលជ្រៅដែលកំពុងតែរីកចម្រើនកាន់តែរឹងមាំថែមទៀត ក្នុងវិស័យថាមពល សុខាភិបាល ក៏ដូចជាវិស័យបេតិកភណ្ឌ

មន្រ្តីជំនាញក្រសួងអភិវឌ្ឍន៍ជនបទ ចុះពិនិត្យវឌ្ឍនភាពការងារសាងសង់ផ្លូវជនបទ ចំនួន ៤ស្រុកក្នុងខេត្តបន្ទាយមានជ័យ

សម្តេចមហារដ្ឋសភាធិការធិបតី អញ្ជើញចូលគោរពជូនពរសម្តេចអគ្គមហាពញាចក្រី និងសម្តេចធម្មវិសុទ្ធវង្សា ក្នុងឱកាសបុណ្យចូលឆ្នាំថ្មី ប្រពៃណីជាតិ

ព័ត៌មានជាតិ

ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបជាមួយ លោក អេនរីកូ ហ្គាវេលីយ៉ា កូស្តា (Enrico Gaveglia Costa) តំណាងថ្មីនៃកម្មវិធីអភិវឌ្ឍន៍សហប្រជាជាតិ(UNDP) ប្រចាំនៅកម្ពុជា និងសហការី ក្នុងជំនួបសម្តែងការគួរសម និងពិភាក្សាការងារ នៅទីស្តីការ។ នៅក្នុងជំនួបការងារ កាលពីរសៀលថ្ងៃទី១១ ខែកញ្ញា ឆ្នាំ២០២៥កន្លងទៅនេះ ឯកឧត្តមរដ្ឋមន្ត្រី បានសម្តែងការស្វាគមន៍តំណាងថ្មី ហើយបានពិភាក្សារការវិវត្តន៍ក្នុងវិស័យកសិកម្មកម្ពុជា និងឱកាសពង្រឹងកិច្ចសហប្រតិបត្តិការបន្ថែមទៀត ជាពិសេសលើការអភិវឌ្ឍន៍ និងពង្រឹងខ្សែច្រវាក់តម្លៃកសិផល។ឯកឧត្តមរដ្ឋមន្ត្រី ឌិត ទីណា បានលើកឡើងអំពីគោលនយោបាយចងក្រងសហគមន៍កសិកម្មទំនើប និងកន្លែងដែល UNDP អាចចូលរួមអភិវឌ្ឍន៍ ដូចជាការផ្ដល់ទុនកម្ចីការប្រាក់ទាប ធនធានបច្ចេកទេស និងការកាត់បន្ថយហានិភ័យនានារបស់ប្រជាកសិករ៕

លោកជំទាវបណ្ឌិត ពេជ ចន្ទមុន្នី ព្រមទាំងពុទ្ធបរិស័ទ អញ្ជើញចូលរួមពិធីបុណ្យកាន់បិណ្ឌវេនទី៧ នៅវត្តឧណ្ណាលោម

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការនៃសមាគមកាយឫទ្ធិនារីកម្ពុជា រួមជាមួយឯកឧត្តម លោកជំទាវ ប្រជាពុទ្ធបរិស័ទនៅរសៀលថ្ងៃទី១៣ខែកញ្ញានេះ បានអញ្ជើញចូលរួមក្នុងពិធីបុណ្យចូលកាន់បិណ្ឌ៧ នៃពិធីបុណ្យភ្ជុំបិណ្ឌ ស្ថិតនៅវត្តឧណ្ណាលោម ខណ្ឌដូនពេញ រាជធានីភ្នំពេញ។ ពិធីនេះ មាននមស្ការព្រះរតនត្រ័យ សមាទានសីល និងនិមន្តព្រះសង្ឃចម្រើនព្រះបរិត្ត និងមានការសំដែងព្រះធម៌ទេសនា។

អភិបាលស្រុកមុខកំពូល និងភរិយា នាំយកទេយ្យវត្ថុប្រគេនព្រះសង្ឃគង់នៅវត្តព្រះធម៌កំពូលត្រ័យភព (ហៅវត្តអំពិលទឹក) ក្នុងឱកាសបុណ្យកាន់បិណ្ឌវេនទី៦

នៅព្រឹកថ្ងៃទី១៣ ខែកញ្ញា ឆ្នាំ២០២៥ លោក យី យ៉េន អភិបាល នៃគណៈអភិបាលស្រុកមុខកំពូល និងលោកស្រី មាស ណារ៉ា ព្រមទាំងលោក លោកស្រីអភិបាលរងស្រុក កងកម្លាំងទាំងបី និងមន្ត្រីរាជការ នៃរដ្ឋបាលស្រុកមុខកំពូល អញ្ជើញបូជាទៀន ធូប ផ្កាភ្ញី ថ្វាយព្រះរតនត្រ័យ និងនាំយក ចង្ហាន់ និងទេយ្យវត្ថុ គ្រឿងអត្ថបរិក្ខា ព្រមទាំងបច្ច័យមួយចំនួន ទៅវេរប្រគេនព្រះមហាព្រហ្មមុនី ទូច សាទរ ព្រះរាជាគណៈថ្នាក់ទោ ព្រះមេគណគណៈធម្មយុត្តិកនិកាយរាជធានីភ្នំពេញ និងជាព្រះចៅអធិការវត្តព្រះធម៌កំពូលត្រ័យភព ហៅវត្តអំពិលទឹក ដែលស្ថិតនៅភូមិអំពិលទឹក ឃុំសំបួរមាស ស្រុកមុខកំពូល ខេត្តកណ្ដាល។ ក្នុងពិធីនោះ លោកអភិបាលស្រុក ក៏សូមឧទ្ទិសបុណ្យកុសលជូនដល់ញាតិការទាំងប្រាំពីរសន្តាន និងវីរកងទ័ពខ្មែរ ដែលបានពលីជីវិតក្នុងបុព្វហេតុការពារបូរណភាពទឹកដីទាំងអស់មកអនុមោទនាទទួលយកចំណែកនៃបុណ្យដែលយើងខ្ញុំទាំងអស់គ្នាបានបំពេញ ហើយសូមបានចាប់បដិសន្ធិក្នុងទីឋានបរមសុខ កុំបីអាក់ខានឡើយ។សូមបញ្ជាក់ថា ទេយ្យវត្ថុជាសទ្ធាជ្រះថ្លារបស់ លោកអភិបាលស្រុក ព្រមទាំងមន្ត្រីរាជការ ប្រគេនវត្តអំពិលទឹក រួមមាន៖ អង្ករ ១០០គីឡូក្រាម, មី ៥កេស, ទឹកផ្លែឈើ ៥កេស, ទឹកបរិសុទ្ធអារុណា ៦កេស, នំអន្សម ១កន្ត្រក, ផ្លែឈើស្រស់ ១កន្ត្រក, ស្លាដក ១ប្រដាប់ ចង្ហាន់ និងបច្ច័យបួន ៨៧១,០០០រៀល បច្ច័យកសាងព្រះវិហារ ចំនួន ១,០០០,០០០រៀល និងថវិកាជូនយាយជីតាជី ព្រមទាំងពុទ្ធបរិស័ទចំនួន ៥,០០០,០០០រៀល។

ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេចចក្ខុវិស័យឆ្នាំ២០៥០

តំណាងធនាគារអភិវឌ្ឍន៍អាស៊ី (ADB) បង្ហាញនូវការប្តេជ្ញាចិត្តខ្ពស់ ក្នុងការបន្តកិច្ចសហប្រតិបត្តិការជាមួយកម្ពុជា លើ ការអភិវឌ្ឍវិស័យអាទិភាពសំខាន់ៗរបស់រាជរដ្ឋាភិបាល ដើម្បីធ្វើពិពិធកម្មសេដ្ឋកិច្ចកម្ពុជា សំដៅឈានឆ្ពោះទៅសម្រេចនូវចក្ខុ វិស័យឆ្នាំ២០៥០។លោក បាហ្គាវ ដាសគ្គូបតា (Bhargav Dasgupta) អនុប្រធានធនាគារអភិវឌ្ឍន៍អាស៊ី (ADB) លើកឡើងក្នុងជំនួប សម្តែងការគួរសមជាមួយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តីរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១១ ខែកញ្ញា ឆ្នាំ២០២៥ ថា ដើម្បីចូលរួមនៃការឆ្ពោះទៅសម្រេចនូវចក្ខុវិស័យឆ្នាំ២០៥០របស់កម្ពុជា, ADB បានផ្តល់ ការគាំទ្រវិស័យឯកជនកម្ពុជាដោយផ្ទាល់ ទាំងជំនួយបច្ចេកទេស ការកសាងសមត្ថភាព និងការផ្តល់ហិរញ្ញប្បទានសម្រាប់ SMEs កម្ពុជាដោយផ្ទាល់ ក្រោមកញ្ចប់កម្មវិធី ADB Frontier ដែលជាកម្មវិធីផ្តល់ហិរញ្ញប្បទានជាដើមទុនដំបូងសម្រាប់គាំទ្រ SMEs ហើយកម្ពុជាជាប្រទេសដែល ADB ជ្រើសរើសក្នុងការផ្តល់ទុនសាកល្បងដំបូងគេក្នុងចំណោមប្រទេសក្នុងតំបន់។ក្នុងនោះការជំរុញប្រសិទ្ធភាពពាណិជ្ជកម្ម និងការប្រកួតប្រជែងនៅកម្ពុជា បានផ្ដោតលើកំណែទម្រង់៣គឺ៖ (១) ការ បង្កើនបរិយាកាសអំណោយផលសម្រាប់វិនិយោគទុន និងអាជីវកម្ម, (២) ការលើកកម្ពស់ពាណិជ្ជកម្មមីក្រូ ខា្នតតូច និងខ្នាត មធ្យម, និង(៣) ការកែលម្អគោលនយោបាយពាណិជ្ជកម្ម និងការបង្កើនប្រសិទ្ធភាពនៃកិច្ចសម្របសម្រួលពាណិជ្ជកម្ម។ ការ ផ្តល់ហិរញ្ញប្បទានសម្រាប់ការគាំទ្រដល់ការវិនិយោគរបស់វិស័យឯកជន តាមរយៈការផ្តល់ប្រាក់កម្ចីដែលមានការប្រាក់ទាប និងក្នុងលក្ខខណ្ឌអំណោយផលសម្រាប់សកម្មភាពការងារផ្សេងៗរបស់ SMEs សំដៅចូលរួមចំណែកដល់ការគ្រប់គ្រងការប្រើប្រាស់ថាមពលប្រកបដោយប្រសិទ្ធភាពខ្ពស់។ ការជំរុញការអភិវឌ្ឍវិស័យហេដ្ឋារចនាសម្ព័ន្ធ និងការអភិវឌ្ឍភាពជាដៃគូរវាងរដ្ឋ និង ឯកជនផងដែរ។ក្នុងជំនួបនេះ, ឯកឧត្តមអគ្គបណ្ឌិតសភាចារ្យ បានស្នើឲ្យ ADB បន្តផ្តល់ការគាំទ្រទាំងផ្នែកបច្ចេកទេស និងហិរញ្ញវត្ថុក្នុងការពង្រឹងយន្តការ PPP ឱ្យកាន់តែមានភាពទាក់ទាញថែមទៀត។ ជាក់ស្តែង, ឯកឧត្តមអគ្គបណ្ឌិតសភាចារ្យ បានស្នើ ADB បន្តគាំទ្រការពង្រឹងវិស័យឯកជនកម្ពុជា តាមរយៈការផ្តល់ហិរញ្ញប្បទានក្រោមក្របខ័ណ្ឌហិរញ្ញប្បទានសម្រាប់វិស័យឯកជន (Non-Sovereign Loan) និងគិតគូរបន្ថែមរួមមាន៖ គោលនយោបាយ និងយុទ្ធសាស្រ្តសម្រាប់ការពង្រឹងនគរូបនីយកម្ម, ការវិនិយោគលើហេដ្ឋារចនាសម្ព័ន្ធរូបវន្ត ដែលជាវិស័យគន្លឹះលើការជំរុញការអភិវឌ្ឍវិស័យឯកជន ការកាត់បន្ថយភាពក្រីក្រ និងការ អភិវឌ្ឍសង្គមជារួម, កំណែទម្រង់គោលនយោបាយគាំទ្រការអភិវឌ្ឍ និងបង្កើនបរិយាកាសអំណោយ ផលដល់វិស័យឯកជននិងពាណិជ្ជកម្ម, និងការគាំទ្រផ្នែកជំនាញ បច្ចេកវិទ្យា និងការកៀរគរធនធានបន្ថែម សម្រាប់ជំរុញការអភិវឌ្ឍវិស័យសេដ្ឋកិច្ចក្រៅប្រព័ន្ធ និង SMEs កម្ពុជា ដើម្បីអាចរួមចំណែកក្នុងការជំរុញកំណើនសេដ្ឋកិច្ចឱ្យកាន់តែមានប្រសិទ្ធភាពខ្ពស់៕ អត្ថបទ៖ សុន រ៉ាឌី

ក្រសួងការងារ និងCDRI ចុះហត្ថលេខាលើអនុស្សរណៈស្តីពីកិច្ចសហប្រតិបត្តិការលើការស្រាវជ្រាវ និងការអភិវឌ្ឍសមត្ថភាព

ក្រសួងការងារ និងបណ្ដុះបណ្ដាលវិជ្ជាជីវៈ និងវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការលើការស្រាវជ្រាវ និងការអភិវឌ្ឍសមត្ថភាព ក្រោមអធិបតីភាពដ៏ខ្ពង់ខ្ពស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ និងលោកស្រីបណ្ឌិត អេង នេត្រា នាយកប្រតិបត្តិ នៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា នារសៀលថ្ងៃទី១២ ខែកញ្ញា ឆ្នាំ២០២៥នេះ នៅទីស្តីការក្រសួង។អនុស្សរណៈនៃការយោគយល់គ្នានេះ នឹងបង្កើតនូវក្របខ័ណ្ឌនៃកិច្ចសហប្រតិបត្តិការរវាងភាគីទាំងពីរ ដែលផ្តោតសំខាន់ទៅលើការសិក្សាស្រាវជ្រាវពាក់ព័ន្ធនឹងទីផ្សារការងារនិងការបណ្តុះបណ្តាលបច្ចេកទេស និងវិជ្ជាជីវៈ និងការអភិវឌ្ឍសមត្ថភាពស្ថាប័ននិងសមត្ថភាពមន្ត្រីរបស់ភាគីទាំងពីរដើម្បីចូលរួមកសាង លើកកម្ពស់ និងការអភិវឌ្ឍវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈប្រកបដោយចីរភាព។ ក្នុងជំនួបពិភាក្សានៅមុនពិធីចុះហត្ថលេខា ឯកឧត្តមរដ្ឋមន្ត្រី បានគូសបញ្ជាក់ពីសារៈសំខាន់នៃការចុះអនុស្សរណៈនាពេលនេះ ដែលនឹងបង្កើតបានជាសមិទ្ធផលមួយសម្រាប់សាធារណជន អ្នកធ្វើគោលនយោបាយ និងភាគីពាក់ព័ន្ធផ្សេងទៀតឱ្យស្វែងយល់កាន់តែច្បាស់ពីវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ។បន្ថែមពីនេះ ឯកឧត្តមរដ្ឋមន្ត្រី ក៏បានសង្កត់ធ្ងន់ចំពោះការចូលរួមចំណែកយ៉ាងសំខាន់ពីស្ថាប័នស្រាវជ្រាវដែលមានវិជ្ជាជីវៈច្បាស់លាស់ក្នុងការចូលរួមអភិវឌ្ឍសង្គមជាតិ ក៏ដូចជាវិស័យការងារ សន្តិសុខសង្គម និងការបណ្តុះបណ្តាលវិជ្ជាជីវៈផងដែរ។ ដោយឡែក លោកស្រីបណ្ឌិត អេង នេត្រា ដែលជានាយកប្រតិបត្តិរបស់ CDRI វិញ បានថ្លែងអំណរគុណ ឯកឧត្តមរដ្ឋមន្ត្រី ចំពោះកិច្ចសហប្រតិបត្តិការនាពេលនេះ ដែលជាការបង្ហាញពីការយកចិត្តទុកដាក់ និងភាពស្អិតល្មួតនៃស្ថាប័នទាំងពីរលើការអភិវឌ្ឍវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅកម្ពុជា។ជាមួយគ្នានេះ វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) តាមរយៈលោកស្រីបណ្ឌិត បានប្តេជ្ញាប្រឹងប្រែងធ្វើឱ្យកិច្ចសហប្រតិបត្តិការរបស់ភាគីទាំងពីរទទួលបានជោគជ័យ ដែលនឹងក្លាយជាសមិទ្ធផលដើម្បីជួយដល់ការអភិឌ្ឍសង្គម៕

ឯកឧត្តម ឧបនាយករដ្ឋមន្ត្រី សាយ សំអាល់ និងលោកជំទាវបណ្ឌិតសភាចារ្យ ភឿង សកុណា អញ្ជើញចូលរួមពិធីបុណ្យភ្ជុំបិណ្ឌ នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង(ស-២១)

នាព្រឹកថ្ងៃទី១៣ ខែកញ្ញា ឆ្នាំ២០២៥នេះ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ព្រមទាំងថ្នាក់ដឹកនាំ បានអញ្ជើញចូលរួមក្នុងពិធីបុណ្យភ្ជុំបិណ្ឌ នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង(ស-២១) ដើម្បីឧទ្ទិសកុសលផលបុណ្យជូនដល់វិញ្ញាណក្ខន្ធជនរងគ្រោះ ដែលត្រូវបានសម្លាប់ក្នុងរបបប៉ុលពត។ក្នុងពិធីនេះ លោកជំទាវបណ្ឌិតសភាចារ្យ ភឿង សកុណា បានថ្លែងថា ព្រឹតិ្តការណ៍នេះ ថ្នាក់ដឹកនាំក្រសួងវប្បធម៌ និងវិចិត្រសិល្បៈ ក៏ដូចជាសារមនី្ទរទួលស្លែង តែងតែប្រារព្ធឡើងជារៀងរាល់ឆ្នាំ ដោយសារទទួលបានការយកចិត្តទុកដាក់ដ៏ខ្ពង់ខ្ពស់បំផុតពីសម្តេចអគ្គមហាសេនាបតីតេជោ ហ៊ុន សែន ព្រមទាំងសម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា លោកតែងតែណែនាំ។ ដោយឡែកក្នុងឆ្នាំនេះ សម្តេចមហាបវរធិបតី ហ៊ុន ម៉ាណែត បានចាត់តាំងឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដើម្បីចូលរួម។ គោលបំណងធំរបស់យើង គឺរាជរដ្ឋាភិបាល មិនដែលភ្លេចនោះទេជនរងគ្រោះ ប្រជាជនយើងទាំងមូល និងកម្ពុជាទាំងមូល ក៏មិនភ្លេចដែរ នៅជនរងគ្រោះរាប់លាននាក់ ដែលបានស្លាប់បាត់បង់ជីវិត និងទទួលរងទារុណកម្មគ្រប់រូបភាពទាំងអស់ ក្នុងរបបប្រល័យពូជសាសន៍ប៉ុល ពត។លោកជំទាវ រដ្ឋមន្ត្រី បន្តថា ជារៀងរាល់ឆ្នាំយើងតែងតែឧទិ្ទសកុសលផលបុណ្យទាំងអស់ ជូនចំពោះអ្នកដែលបានបាត់បង់ជីវិតទៅដោយការឈឺចាប់ ដោយការអត់ឃ្លាន ដោយទារុណកម្មផ្សេងៗ ជាពិសេសនៅទីតាំងសារមន្ទីរឧក្រិដ្ឋកម្មប្រល័យពូជសាសន៍ទួលស្លែង តែម្តង។ ពិសេសទៅទៀតដោយហេតុថាទីតាំងនេះ ត្រូវបានដាក់ទៅជាសម្បតិ្តបេតិកភណ្ឌពិភពលោក វាមានន័យខ្លាំងណាស់ សម្រាប់ប្រជាជនខ្មែរ សម្រាប់មនុស្សជាតិថែមទៀត។ ហើយឆ្នាំនេះ ពិសេសទៅទៀតនោះ មិនត្រឹមតែឧទិ្ទសឡើងសម្រាប់តែចំពោះអ្នកដែលបានបាត់បង់ជីវិតដោយខ្លោចផ្សារក្នុងជំនាន់ប៉ុល ពត នោះទេ គឺបានឧទ្ទិសទៅដល់វីរយុទ្ធជនកម្ពុជាក្លាហានរបស់យើង ដែលបានពលីជីវិតនៅក្នុងបុព្វហេតុការពារទឹកដី ក្នុងរយៈពេលនៃការប៉ៈទង្គិចដោយប្រដាប់អាវុធ អស់រយៈពេល០៥ថ្ងៃកន្លងទៅនេះ។ ក៏សូមបញ្ជូននៅកុសលផលបុណ្យឲ្យពួកគាត់បានទៅកាន់សោយសុខនៅឋាននាយ ហើយក៏សូមឲ្យជួយថែរក្សាគាំទ្រឲ្យប្រទេស និងប្រជាជន ប្រជាជាតិយើងឲ្យបានសុខចម្រើន ឲ្យបានវិលត្រឡប់មកនៅសុខសន្តិភាព សម្រាប់ប្រជាជនកម្ពុជាទាំងមូល។ បើតាមលោក ហង្ស និស្ស័យ ប្រធានសារមនី្ទរទួលស្លែង នៃក្រសួងវប្បធម៌ និងវិចិត្រសិល្បៈ បានឲ្យដឹងថា ថ្ងៃនេះសារមន្ទីរទួលស្លែង បានរៀបចំពិធីបុណ្យភ្ជុំបិណ្ឌ ដើម្បីឧទិ្ទសកុសលជូនដល់ជនរងគ្រោះ ដែលបានបាត់បង់ជីវិតក្នុងសម័យខ្មែរក្រហម និយាយជារួម និយាយដោយឡែកជនរងគ្រោះដែលបានបាត់បង់ជីវិត អតីតមនី្ទរឃុំឃាំង ស-២១ ក្នុងសម័យខ្មែរក្រហម ដែលមានជនរងគ្រោះស្លូតត្រង់ ជាង១៨,០០០នាក់ ត្រូវបានចាប់មកធ្វើទារុណកម្មសួរចម្លើយ និងសម្លាប់នៅទីនេះ ក្នុងរបបកម្ពុជាប្រជាធិបតេយ្យ៕ អត្ថបទ រដ្ឋា

ឧបនាយករដ្ឋមន្រ្តី ប្រាក់ សុខុន៖ សាមគ្គីភាព និងការកសាងទំនុកចិត្តជាស្នូលសម្រាប់អាស៊ានទាំងមូល

ឯកឧត្តម ឧបនាយករដ្ឋមន្រ្តី ប្រាក់ សុខុន ថ្លែងថា សាមគ្គីភាព និងការកសាងទំនុកចិត្តជាស្នូលដ៏សំខាន់សម្រាប់កិច្ចសហប្រតិបត្តិការ និងនិរន្តរភាពអាអាស៊ានទាំងមូល។នៅថ្ងៃទី១៣ ខែកញ្ញា ឆ្នាំ២០២៥ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអញ្ជើញជាអធិបតីភាពក្នុងកម្មវិធី ASEAN BAZZAR 2025 ដែលត្រូវបានរៀបចំឡើងដោយស្ថានទូតម៉ាឡេស៊ីប្រចាំកម្ពុជា ក្នុងឋានៈប្រទេសម៉ាឡេស៊ីជាប្រធានអាស៊ាន ឆ្នាំ២០២៥ ក្នុងគោលបំណង រួបរួម សាមគ្គីភាព និងកិច្ចសហប្រតិបត្តិការរវាងបណ្តាសមាជិកអាអាស៊ានទាំងអស់។កម្មវិធីនេះមានការចូលរួមពីបណ្តារដ្ឋមន្រ្តីក្រសួង-ស្ថាប័នរបស់កម្ពុជា, សមាជិករាជរដ្ឋាភិបាល, ឯកអគ្គរាជទូត/ឯកអគ្គរដ្ឋទូតជាសមាជិកអាស៊ាន, បណ្តាអង្គទូតបរទេសនានាប្រចាំកម្ពុជា និងមន្រ្តីការទូតជាច្រើននាក់។ថ្លែងក្នុងឱកាសនោះ ឯកឧត្តម ឧបនាយករដ្ឋមន្រ្តី ប្រាក់ សុខុន បានសម្តែងការស្វាគមន៍យ៉ាងកក់ក្តៅចំពោះវត្តមានបណ្តាអង្គទូតជាសមាជិកអាស៊ានទងអស់ ដែលបណចូលរួមក្នុងកម្មវិធីASEAN BAZZAR ដែលរៀបចំឡើងនាពេលនេះ ដោយស្ថានទូតម៉ាឡេស៊ីប្រចាំកម្ពុជា។ ឯកឧត្តម ឧបនាយករដ្ឋមន្រ្តី មានប្រសាសន៍ថា កម្មវិធីនៅថ្ងៃនេះពិតជាមានសារៈសំខាន់ដល់ទំនាក់ទំនង និងកិច្ចសហប្រតិបត្តិការរបស់គ្រួសារអាស៊ាន ដើម្បីរក្សាបានចំណងមិត្តភាព និងការផ្លាស់ប្តូរនូវអត្តសញ្ញាណតាមរយៈការតាំងពិព័រណ៍បង្ហាញពីផលិតផលរបស់ប្រទេសនីមួយៗនៅស្ថានទូតម៉ាឡេស៊ី។ ឯកឧត្តម ឧបនាយករដ្ឋមន្រ្តី មានប្រសាសន៍ទៀតថា អាស៊ានគឺជាគ្រួសារមួយដ៏មានសក្កានុពលក្នុងតំបន់ ដែលក្នុងន័យនេះ ចំណងមិត្តភាព សាមគ្គីភាព និងកិច្ចសហប្រតិបត្តិការគឺជាចំណុចស្នូលសំខាន់ដល់ការបន្តធានាបាននូវការអភិវឌ្ឍប្រកបដោយចីរភាពសម្រាប់រដ្ឋជាសមាជិកអាស៊ាន និងប្រជាជាតិអាស៊ានផងដែរ។ជាមួយគ្នានេះ ឯកឧត្តម សាហារ៉ូឌីន អន ឯកអគ្គរាជទូតម៉ាឡេស៊ីប្រចាំកម្ពុជា ជឿជាក់ថា ការរួបរួម សាមគ្គីភាព និងកិច្ចសហប្រតិបត្តិការរបស់អាស៊ាន គឺជាធាតុផ្សំដ៏សំខាន់បំផុត ជាពិសេសចំពោះបញ្ហាប្រឈមដែលជួបប្រទះ ទាំងក្នុងតំបន់ និងក្រៅតំបន់។ឯកអគ្គរាជទូតម៉ាឡេស៊ីប្រចាំកម្ពុជា លើកឡើងថា អាស៊ានដែលបានកសាងនៅលើមូលដ្ឋានដ៏រឹងមាំជាមួយការប្តេជ្ញាចិត្តរបស់ប្រទេសសមាជិកអាស៊ាននីមួយៗ នឹងអាចប្រឈមមុខរាល់បញ្ហាទាំងអស់រួមជាមួយគ្នាគ្រប់កាលៈទេសៈ។ក្នុងនាមប្រទេសម៉ាឡេស៊ីជាប្រធានអាស៊ានឆ្នាំ២០២៥ ឯកអគ្គរាជទូតម៉ាឡេស៊ីប្រចាំកម្ពុជា បន្ថែមថា ម៉ាឡេស៊ីកំពុងខិតខំធ្វើការឆ្ពោះទៅរកការកសាងសហគមន៍ក្នុងតំបន់ដោយផ្អែកលើសសរស្តម្ភគាំទ្រគ្នាទៅវិញទៅ ដូចជា នយោបាយ-សន្តិសុខ, សេដ្ឋកិច្ច, និងសង្គម-វប្បធម៌៕

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីក្នុងពិធីបើកពិព័រណ៍ជំនាញសិក្សា និងការងារឆ្នាំ២០២៥

សមាគមអតីតនិស្សិតអាហារូបករណ៍ហ៊ុ្វលប្រាយ និងអាហារូបករណ៍សហរដ្ឋអាម៉េរិក( FUSAAC ) សហការជាមួយស្ថានទូតប្រចាំប្រទេសកម្ពុជា ក្រសួងការងារបណ្តុះបណ្តាល និងវិជ្ជាជីវៈ និងស្ថាប័នពាក់ព័ន្ធមួយចំនួនទៀត នៅព្រឹកថ្ងៃទី១៣ខែកញ្ញានេះ បានរៀបចំពិធីបើកពិព័រណ៍ជំនាញសិក្សា និងការងារឆ្នាំ២០២៥ ក្រោមអធិបតីភាពលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។ ពិធីនេះរៀបចំនៅវិទ្យាស្ថានបច្ចេកវិទ្យាកម្ពុជា រាជធានីភ្នំពេញ ដែលមានការអញ្ជើញចូលរួមពីលោកស្រី ខាតថារិន ឌិប (Katharine Diop) អនុប្រធានស្តីទីស្ថានទូតសហរដ្ឋអាម៉េរិក ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពល ថ្នាក់ដឹកនាំស្ថាប័នរដ្ឋ និងឯកជន ព្រមទាំងយុវជន សរុបជាង២ពាន់នាក់។នៅអង្គពិធីលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានថ្លែងថា ពិព័រណ៍ជំនាញសិក្សា និងការងារនៅពេលនេះ មានសារៈសំខាន់ណាស់សម្រាប់ឱ្យយុវជនកម្ពុជាទទួលបានបទពិសោធន៍ពីការសិក្សានៅក្នុងប្រទេស និងបរទេស និងអាចស្វែងរកការងារបាននៅទីនេះ។ លើសពីនេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអំពាវនាវដល់យុវជន នៅពេលមាន ចំណេះ ជំនាញហើយ ត្រូវមានសីលធម៌ និងត្រូវចេះស្រលាញ់ប្រទេសជាតិ។ សម្រាប់យុវជនវិញ បានលើកឡើងដែរថា ពេលបានចូលរួមក្នុងពិព័រណ៍នៅថ្ងៃនេះមានអារម្មណ៍រីករាយ និងទទួលព័ត៌មានផ្សេងៗពីការសិក្សា និងឱកាសការងារ។ យុវជនទាំងនោះបានប្តេជ្ញាថា នឹងខិតខំប្រឹងប្រែងរៀនសូត្រ និងធ្វើជាយុវជនល្អនៅក្នុងសង្គម។គួរបញ្ជាក់ដែរថា ពិព័រណ៍ជំនាញសិក្សា និងការងារឆ្នាំ២០២៥ រៀបចំឡើង ក្រោមប្រធានបទ «ឆ្ពោះទៅកាន់ឧស្សាហកម្ម ៥.០»។ ពិព័រណ៍នេះ បានទទួលការគាំទ្រយ៉ាងមុតមាំពី សំណាក់ស្ថានទូតសហរដ្ឋអាមេរិកនៅកម្ពុជា ក្រសួងការងារ និងបណ្តុះបណ្តាលវិជ្ជាជីវៈ ព្រមទាំងក្រសួងប្រៃសណីយ៍ និងទូរគមនាគមន៍ ក្នុងការដើរតួរជាវេទិកាដ៏សំខាន់មួយ ដែលសិស្សានុសិស្សមកពីបណ្តាវិទ្យាល័យ និងនិស្សិតសាកលវិទ្យាល័យទាំងអស់ អាចភ្ជាប់ទំនាក់ទំនងជាមួយស្ថាប័នសិក្សា អ្នកដឹកនាំក្នុងវិស័យឧស្សាហកម្ម អភិវឌ្ឍន៍ ដើម្បីជាផែនទីសម្រាប់ចង្អុលបង្ហាញផ្លូវទៅកាន់អនាគតដ៏រុងរឿង។ នៅក្នុងពិព័រណ៍មានស្តង់ប្រមាណ៤០ របស់គ្រឹះស្ថានសិក្សា គ្រឹះស្ថានបណ្តុះបណ្តាលបច្ចេកទេស និងក្រុមហ៊ុនឯកជន។

ឯកឧត្តម ឌិត ទីណា ជំរុញរៀបចំផែនការសកម្មភាព វិស័យកសិកម្ម ដេីម្បីជួយឱ្យការងារបង្រ្កាបផលិតផលក្លែងក្លាយមានប្រសិទ្ធភាពខ្ពស់

ភ្នំពេញ៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីរសៀលថ្ងៃទី១២ ខែកញ្ញា ឆ្នាំ២០២៥ បានអញ្ជើញទទួលជួបជាមួយ ឯកឧត្តមរដ្ឋលេខាធិការ នៅ លក្ខណា ប្រធានគណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាពនិងសុវត្ថិភាពសង្គម (គ.ប.ផ.ក) និងសហការី ក្នុងជំនួបសម្តែងការគួរសម និងពិភាក្សាការងារ ។ យោងតាមក្រសួងកសិកម្ម រុក្ខាប្រមាញ់ និងនេសាទ នៅក្នុងកិច្ចប្រជុំនេះ ឯកឧត្តម រដ្ឋមន្រ្តី បានផ្តល់អនុសាសន៍ក្នុងការរៀបចំផែនការសកម្មភាព និងកិច្ចសហការក្នុងវិស័យកសិកម្ម ដើម្បីជួយឱ្យការងារបង្រ្កាបមានប្រសិទ្ធភាព និងប្រសិទ្ធផលខ្ពស់។ជាទីបញ្ចប់ ឯកឧត្តម រដ្ឋមន្រ្តី បានកោតសរសើរ និងវាយតម្លៃខ្ពស់ក្នុងកិច្ចសហការកន្លងមក និងលើកទឹកចិត្តបន្តកិច្ចសហការនេះឱ្យកាន់តែប្រសើរឡើងថែមទៀត និងទទួលបានជោគជ័យក្នុងការងារនេះ ជូនរាជរដ្ឋាភិបាល សំដៅការពារសុខភាពសាធារណៈ និងសង្គមជាតិ៕ អត្ថបទ៖ ឈិត បូរ៉ាវី

កម្ពុជាបន្តអំពាវនាវឲ្យថៃដោះលែងទាហាន១៨នាក់ដែលថៃចាប់ទៅឲ្យបានឆាប់ ខណៈរហូតដល់ពេលនេះ គឺមានរយៈពេល៤៦ថ្ងៃហើយ

រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់ដើម្បីឱ្យភាគីថៃ ដោះលែងកងកម្លាំងកម្ពុជា១៨នាក់វិលត្រឡប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព ខណៈរហូតដល់ពេលនេះគឺមានរយៈពេល៤៦ថ្ងៃហើយក្រោយថៃចាប់ពួកគេទៅដោយខុសច្បាប់នោះ។យោងតាមឆាណែលតេលេក្រាមរបស់ក្រសួងការពារជាតិកម្ពុជា នាថ្ងៃទី១៣ ខែកញ្ញា ឆ្នាំ២០២៥ នេះបានឲ្យដឹងថា ថ្ងៃនេះជា ថ្ងៃទី៤៦ហើយ ដែលវីរកងទ័ពកម្ពុជាចំនួន១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។ ដូច្នេះកម្ពុជាសូមអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។ក្រសួងការពារជាតិកម្ពុជា បានបញ្ជាក់អះអាងទៀតថា«រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃ ដោះលែងកងកម្លាំងរបស់យើងទាំង១៨នាក់នោះ វិលត្រឡប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព»។ ជាមួយគ្នានោះដែរ ក្រសួងការពារជាតិកម្ពុជា បានបញ្ជាក់ជាថ្មីម្តងទៀតថា រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយនោះ។ទាក់ទងនឹងទាហានកម្ពុជា១៨នាក់ខាងលើនេះដែរ ប្រធានគណៈប្រតិភូថ្នាក់តំបន់នៃគណៈកម្មាធិការកាកបាទក្រហមអន្តរជាតិលោក Jurg Montani បានប្រាប់កម្ពុជាកាលពីដើមសប្តាហ៍កន្លងទៅថា កងទ័ពកម្ពុជាទាំង១៨នាក់ ដែលថៃចាប់ទៅដោយខុសច្បាប់នោះ ពួកគេមានសុវត្ថិភាពល្អ និងសុខភាពល្អធម្មតាទាំងអស់គ្នា។ យ៉ាងណាក៏ដោយកម្ពុជានៅតែបន្តអំពាវនាវយ៉ាងទទួចឲ្យភាគីថៃធ្វើការដោះលែងពួក គេ មកកម្ពុជាវិញឲ្យបានឆាប់ស្របទៅតាមច្បាប់មនុស្សធម៌អន្តរជាតិ៕ អត្ថបទ បាន ចក់

បណ្ដាញសង្គម

ព័ត៌មានថ្មីៗ

សេតវិមានលើកឡើងថា បន្ទាត់ក្រហមរបស់លោកTrump ប្រឆាំងអ៊ីរ៉ង់ គឺការចម្រាញ់សារធាតុអ៊ុយរ៉ានីញ៉ូមនុយក្លេអ៊ែរ

សមាជិកសភាអ៊ីរ៉ង់ សង្កត់ធ្ងន់លើលក្ខខណ្ឌ១០ចំណុច សម្រាប់កិច្ចព្រមព្រៀងអចិន្ត្រៃយ៍ជាមួយអាមេរិក

ក្រុមហ៊ុនជប៉ុនសហការជាមួយអ៊ុយក្រែន ដើម្បីផលិតយានដ្រូនស្ទាក់ចាប់ ខណៈតម្រូវការនៅឈូងសមុទ្រកើនឡើង

អ៊ីរ៉ង់ វាយប្រហាររដ្ឋឈូងសមុទ្រ បន្ទាប់ពីព្រមព្រៀងលើបទឈប់បាញ់ដ៏ផុយស្រួយ ជាមួយអាមេរិក

អនុប្រធានាធិបតីអាមេរិកនិយាយថា អ៊ីរ៉ង់នឹងឆោតល្ងង់ ប្រសិនបើបណ្ដោយឱ្យការចរចាដួលរលំដោយសារប្រទេសលីបង់

វ័យត្រឹម ១៥ ឆ្នាំ Szubarczyk ក្លាយជាកីឡាករស្នូកឃ័រវ័យក្មេងបំផុត ឈ្នះការប្រកួតនៅពានរង្វាន់ពិភពលោក

ប្រធានសិទ្ធិមនុស្សអង្គការសហប្រជាជាតិ និយាយថា ទំហំនៃការសម្លាប់មនុស្សនៅលីបង់ «គួរឱ្យរន្ធត់»

គ្រូ Manila ថាជួបគ្នាយប់នេះ គ្មានអ្វីខុសប្លែក តែគ្រូព្រះខ័នរាជ ថាមិនដូចគ្នាឡើយ

អនុប្រធានាធិបតីអាមេរិក នឹងដឹកនាំគណៈប្រតិភូទៅប៉ាគីស្ថាន ដើម្បីចរចាជាមួយអ៊ីរ៉ង់ នៅថ្ងៃសៅរ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម

ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេច​ចក្ខុវិស័យ​ឆ្នាំ​២០៥០

ឧបនាយករដ្ឋមន្រ្តី ប្រាក់ សុខុន៖ សាមគ្គីភាព និងការកសាង​ទំនុក​ចិត្ត​ជា​ស្នូល​សម្រាប់​អាស៊ាន​ទាំង​មូល