BTV NEWS

អនុប្រធានទី២រដ្ឋសភា ចែករំលែកបទពិសោធនៃការរៀបចំគោនយោបាយគាំពាសង្គម ដល់និវត្តជននៃអគ្គលេខាធិការដ្ឋានដ្ឋានរដ្ឋសភា

ក្រុមប្រឹក្សាធម្មនុញ្ញប្រារព្ធពិធីសូត្រមន្តចម្រើនសិរីមង្គល ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ

ខែមីនា ឆ្នាំ២០២៦នេះ កម្ពុជាទទួលបានការចុះបញ្ជីតាមប្រព័ន្ធ CamDX មានទុនវិនិយោគ ២៩៤ លានដុល្លារ

ក្រុមការងារអន្តរក្រសួងចុះពិនិត្យផ្ទៀងផ្ទាត់ទីតាំងត្រៀមរៀបចំពិធីបើកការដ្ឋានសាងសង់គម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ នៅថ្ងៃទី១១ ខែមេសានេះ ក្រោមអធិបតីភាពសម្ដេចធិបតី

ព័ត៌មានជាតិ

នគរបាលជាតិកម្ពុជា និងនគរបាលភូមិន្ទថៃ ជួបពិភាក្សាលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន ជាពិសេសបទល្មើសឆបោកតាមប្រព័ន្ធបច្ចេកវិទ្យា

នាថ្ងៃទី១០ ខែកញ្ញា ឆ្នាំ២០២៥ នគរបាលជាតិកម្ពុជា និងនគរបាលភូមិន្ទថៃ បានជួបគ្នាដោយឡែកនៅក្នុងកិច្ចប្រជុំពិសេសនៃគណៈកម្មាធិការព្រំដែនទូទៅ (GBC) លើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន ជាពិសេសបទល្មើសឆបោកតាមប្រព័ន្ធបច្ចេកវិទ្យា ព្រមទាំងឯកភាពគ្នាបន្តជួបក្រោយពេលកិច្ចប្រជុំ ដែលតាមគ្រោងទុក គឺនៅថ្ងៃទី១៦ ខែកញ្ញា ឆ្នាំ២០២៥ ក្នុងនោះដែរ នគរបាលភូមិន្ទថៃនឹងរៀបចំកិច្ចប្រជុំនៅខេត្តស្រះកែវ ដោយភាគីថៃនឹងរៀបចំការអញ្ជើញនគរបាលកម្ពុជា រួមទាំងកំណត់របៀបវារៈជាក់លាក់ តាមរយៈអនុព័ន្ធនគរបាលអមស្ថានទូតថៃ។

ក្រុមហ៊ុនអចលនទ្រព្យហុងកុង សន្យាពិនិត្យលទ្ធភាពរៀបចំឱ្យមានមន្ទីរពេទ្យចល័ត នៅកម្ពុជា

ប្រធានក្រុមហ៊ុន Sino Group គឺជាក្រុមហ៊ុនអភិវឌ្ឍអចលនទ្រព្យ និងវិនិយោគឈានមុខគេមួយរបស់ទីក្រុងហុងកុង បានសន្យានឹងពិនិត្យលទ្ធភាពរៀបចំឱ្យមានមន្ទីរពេទ្យចល័ត នៅកម្ពុជា។ការសន្យានេះ ធ្វើឡើងនាថ្ងៃទី១១ ខែកញ្ញា ឆ្នាំ២០២៥ នេះ ក្នុងឱកាស ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញដឹកនាំគណៈប្រតិភូកម្ពុជា ទៅទីក្រុងហុងកុង សាធារណរដ្ឋប្រជាមានិតចិន ជួបពិភាក្សាការងារជាមួយលោក Robert Ng ប្រធានក្រុមប្រឹក្សាភិបាលក្រុមហ៊ុន Sino Group។ខណៈបច្ចុប្បន្ន ក្រុមហ៊ុន Sino Group ក៏កំពុងវិនិយោគនៅក្នុងប្រទេសកម្ពុជាផងដែរនោះ ឯកឧត្តមឧបនាយករដ្ឋមន្រ្តី បានស្នើសុំឱ្យក្រុមហ៊ុនពិនិត្យលទ្ធភាពពង្រីកការវិនិយោគរបស់ខ្លួនបន្ថែមទៀតនៅកម្ពុជា។ ពិសេសជាងនេះ ឯកឧត្តមឧបនាយករដ្ឋមន្រ្តី លើកទឹកចិត្តឱ្យក្រុមហ៊ុនចូមរួមឱ្យបានកាន់តែច្រើនក្នុងសកម្មភាពទំនួលខុសត្រូវសង្គម (CSR) ពិសេសលើវិស័យសុខាភិបាល មានជាអាទិ ការរៀបចំមន្ទីរពេទ្យចល័ត (Mobile Hospital) គាំទ្រការផ្ដល់សេវាសុខាភិបាលជូនប្រជាជនក្នុងតំបន់ដាច់ស្រយាល និងតំបន់ងាយរងគ្រោះនានា។ ជាការឆ្លើយតប លោក Robert Ng បានសន្យានឹងពិនិត្យលទ្ធភាពរៀបចំឱ្យមានមន្ទីរពេទ្យចល័ត ដូចដែលឯកឧត្តមឧបនាយករដ្ឋមន្រ្តីបានស្នើសុំ ដើម្បីជាចំណែកចូលរួមបន្ថែមទៀតគាំទ្រដល់ការការពារសុខុមាលភាពសង្គមកម្ពុជា។គួររម្លឹកថា កូនប្រុសរបស់លោក Robert Ng គឺលោក Daryl Ng បច្ចុប្បន្នជាប្រធានក្រុមហ៊ុន Sino Group ក៏ធ្លាប់ចូលជួបសម្ដែងការគួរសម និងពិភាក្សាអំពីកិច្ចការងារវិនិយោគរបស់ក្រុមហ៊ុន ជាមួយឯកឧត្តមឧបនាយករដ្ឋមន្ត្រីផងដែរ ពោលគឺអំឡុងពេលលោកអញ្ជើញអមដំណើរឯកឧត្តម John KC Lee ប្រធានប្រតិបត្តិនៃតំបន់រដ្ឋបាលពិសេសហុងកុង(HKSAR) ធ្វើទស្សនកិច្ចនៅកម្ពុជាកាលពីថ្ងៃទី៣១ ខែកក្កដា ឆ្នាំ២០២៤កន្លងទៅ។គួរបញ្ជាក់ថា ក្រុមហ៊ុន Sino Group គឺជាក្រុមហ៊ុនអភិវឌ្ឍអចលនទ្រព្យ និងវិនិយោគឈានមុខគេមួយរបស់ទីក្រុងហុងកុង ហើយបច្ចុប្បន្នក៏កំពុងវិនិយោគនៅក្នុងប្រទេសកម្ពុជាផងដែរ។ ក្រុមហ៊ុននេះក៏មានភាគហ៊ុននៅក្នុងក្រុមហ៊ុនផលិតទឹកផ្លែឈើ Yeo's ដែលកំពុងវិនិយោគនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ បានផ្ដល់ការងារប្រមាណ ៥០០កន្លែង ជូនប្រជាពលរដ្ឋកម្ពុជា។ ក្រុមហ៊ុន Sino Group បានចូលរួមចំណែកយ៉ាងសកម្មក្នុងសកម្មភាពទំនួលខុសត្រូវសង្គម (Corporate Social Responsibility - CSR) ដើម្បីជំរុញឱ្យសុខុមាលភាពប្រជាជនកាន់តែល្អប្រសើរ ដោយអនុវត្តយុទ្ធសាស្ត្រចំនួនបីគឺ ការរស់នៅបៃតង ស្មារតីសហគមន៍ និងការរចនាប្រកបដោយភាពច្នៃប្រឌិត៕

កម្ពុជា ទាក់ទាញក្រុមហ៊ុនធំនៅទីក្រុងហុងកុង មកវិនិយោគការផ្គត់ផ្គង់អគ្គិសនី និងថាមពល

ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានទាក់ទាញ ក្រុមហ៊ុនថាមពល CLP Holdings Limited ជាក្រុមហ៊ុនធំ នៅទីក្រុងហុងកុង សាធារណរដ្ឋប្រជាមានិតចិន មកវិនិយោគការផ្គត់ផ្គង់អគ្គិសនី និងថាមពល នៅកម្ពុជា។ការទាក់ទាញនេះ ធ្វើឡើងនារសៀលថ្ងៃព្រហស្បតិ៍ ទី១១ ខែកញ្ញា ឆ្នាំ២០២៥ នេះ ក្នុងឱកាស ឯកឧត្តម ស៊ុន ចាន់ថុល បានអញ្ជើញដឹកនាំគណៈប្រតិភូកម្ពុជា ទៅទីក្រុងហុងកុង ជួបពិភាក្សាការងារជាមួយ លោក David Simmonds ប្រធានផ្នែកយុទ្ធសាស្រ្ត នៃក្រុមហ៊ុន CLP Holdings Limited។ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានជម្រាបអំពីគោលដៅរបស់រាជរដ្ឋាភិបាលកម្ពុជា លើការវិនិយោគក្នុងវិស័យថាមពលកកើតឡើងវិញ និងជំរុញឱ្យការប្រើប្រាស់ថាមពលកកើតឡើងវិញរបស់កម្ពុជាឈានដល់ប្រមាណ ៧០% នៃថាមពលសរុប ត្រឹមឆ្នាំ២០៣០។ ឯកឧត្តមឧបនាយករដ្ឋមន្ត្រី ក្នុងនាមរាជរដ្ឋាភិបាលកម្ពុជា នឹងជួយសម្របសម្រួលយ៉ាងពេញទំហឹងក្នុងករណីក្រុមហ៊ុន CLP Holdings Limited ចង់ពិនិត្យលទ្ធភាពបណ្ដាក់ទុនវិនិយោគនៅប្រទេសកម្ពុជា ពិសេសលើថាមពលកកើតឡើងវិញ។បើតាម លោក David Simmonds បានជម្រាបជូនអំពីសាវតារបស់ក្រុមហ៊ុន China Light and Power Holdings Limited (CLP) ថា ក្រុមហ៊ុនត្រូវបានបង្កើតឡើងនៅ ទីក្រុងហុងកុង តាំងពីឆ្នាំ១៩០១ ពោលគឺមានអាយុកាលប្រមាណជាង ១២៥ឆ្នាំ និងកំពុងវិនិយោគលើការផ្គត់ផ្គង់អគ្គិសនី និងថាមពល ក្នុងតំបន់អាស៊ីប៉ាស៊ីហ្វិក។ ក្រុមហ៊ុន CLP កំពុងខិតខំចាប់យកឱកាសថ្មីៗដើម្បីពង្រីកខ្លួនស្របតាមតម្រូវការរបស់អ្នកប្រើប្រាស់ និងការវិវត្តរបស់ពិភពលោកដែលកំពុងអនុវត្តគោលដៅកាត់បន្ថយការបំភាយឧស្ម័នកាបូន និងឌីជីថលូបនីយកម្ម៕

កម្ពុជា ជំរុញពង្រឹង និងធ្វើពិពិធកម្មកិច្ចសហប្រតិបត្តិការសេដ្ឋកិច្ច ជាមួយ វៀតណាម

នៅថ្ងៃទី១១ ខែកញ្ញា ឆ្នាំ២០២៥ នេះ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានជំរុញឱ្យពង្រឹង និងធ្វើពិពិធកម្មកិច្ចសហប្រតិបត្តិការសេដ្ឋកិច្ចបន្ថែមទៀត ជាមួយសាធារណរដ្ឋសង្គមនិយមវៀតណាម។ការជំរុញនេះ ធ្វើឡើងក្នុងឱកាស ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានផ្លាស់ប្តូរទស្សនៈជាមួយ ឯកឧត្តម ឡេ ហើយជុង រដ្ឋមន្ត្រីការបរទេសស្តីទី នៃសាធារណរដ្ឋសង្គមនិយមវៀតណាម ក្នុងអំឡុងពេលជួបសម្តែងការគួរសមតាមប្រព័ន្ធវីដេអូ។ឯកឧត្តមឧបនាយករដ្ឋមន្ត្រី ប្រាក់ សុខុន បានលើកឡើងអំពីការផ្លាស់ប្តូរពាណិជ្ជកម្មទ្វេភាគី ដែលកំពុងកើនឡើង និងមានតុល្យភាព ព្រមទាំងបានជំរុញឱ្យពង្រឹង និងធ្វើពិពិធកម្មកិច្ចសហប្រតិបត្តិការសេដ្ឋកិច្ចបន្ថែមទៀត។ រដ្ឋមន្ត្រីការបរទេសទាំងពីរ បានបញ្ជាក់ឡើងវិញពីមិត្តភាពជាប្រពៃណីដ៏រឹងមាំ និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសជិតខាងទាំងពីរ ដោយបង្ហាញនូវការប្តេជ្ញាចិត្ត ក្នុងការជំរុញទំនាក់ទំនងទ្វេភាគីលើគ្រប់វិស័យ និងក្នុងការរក្សាការសម្របសម្រួលជិតស្និទ្ធនៅក្នុងក្របខ័ណ្ឌអាស៊ាន និងវេទិកាអន្តរជាតិផ្សេងៗទៀត។ ឯកឧត្តមឧបនាយករដ្ឋមន្ត្រី និងឯកឧត្តម ឡេ ហើយជុង ក៏បានទន្ទឹងរង់ចាំនូវការចូលរួមបន្ថែមទៀត រួមទាំងការរៀបចំកិច្ចប្រជុំលើកទី២១ របស់គណៈកម្មាធិការចម្រុះកម្ពុជា-វៀតណាម នៅពេល ខាងមុខនេះ ផងដែរ។រដ្ឋមន្ត្រីទាំងពីរបានផ្លាស់ប្តូរទស្សនៈអំពី បញ្ហាសន្តិសុខក្នុងតំបន់។ ឯកឧត្តមឧបនាយករដ្ឋមន្ត្រី ប្រាក់ សុខុន បានជម្រាបជូនសមភាគីវៀតណាម អំពីការវិវត្តជាវិជ្ជមានថ្មីៗទាក់ទិននឹងការកាត់បន្ថយភាពតានតឹង នៃជម្លោះព្រំដែនកម្ពុជា-ថៃ ជាពិសេសលទ្ធផលវិជ្ជមាន នៃកិច្ចប្រជុំពិសេសរបស់គណៈកម្មាធិការព្រំដែន ទូទៅកម្ពុជា-ថៃ នៅខេត្តកោះកុង ប្រទេសកម្ពុជា កាលពីថ្ងៃទី១០ ខែកញ្ញា ឆ្នាំ២០២៥។ ឯកឧត្តម ឧបនាយករដ្ឋមន្ត្រី បានសម្តែងនូវអំណរគុណចំពោះការគាំទ្ររបស់វៀតណាម ដល់កិច្ចព្រមព្រៀងឈប់បាញ់ រវាងកម្ពុជា-ថៃ នឹងការរួមចំណែករបស់វៀតណាម ក្នុងក្រុមអ្នកសង្កេតការណ៍អន្តរកាលផងដែរ៕

ឯកឧត្ដម ហេង សួរ៖ ការប្រកួតជំនាញបច្ចេកទេស និងវិជ្ជាជីវៈជាច្រកមួយដ៏សំខាន់សម្រាប់ការលើកកម្ពស់គុណភាពការអប់រំបណ្ដុះបណ្ដាលវិជ្ជាជីវៈ

(ភ្នំពេញ)៖ ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី១១ ខែកញ្ញា ឆ្នាំ២០២៥នេះ បានអញ្ជើញចូលរួមក្នុងពិធីបិទការប្រកួតប្រជែងជំនាញបច្ចេកទេស និងវិជ្ជាជីវៈពិភពលោក ឆ្នាំ២០២៥ ប្រចាំតំបន់អាស៊ីអាគ្នេយ៍ ដែលធ្វើឡើងនៅសាកលវិទ្យាល័យបច្ចេកវិទ្យា និងវិទ្យាសាស្រ្ដកម្ពុជា-ចិន ក្រោមអធិបតីភាពឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្ដម វ៉ាង វីនពីន (Wang Wenbin) ឯកអគ្គរដ្ឋទូតចិនប្រចាំនៅកម្ពុជា។ថ្លែងទៅកាន់អង្គពិធី ឯកឧត្ដមរដ្ឋមន្ត្រី បានគូសបញ្ជាក់ពីភាពចាំបាច់នៃការប្រកួតជំនាញកម្រិតពិភពលោកនេះដែលមិនត្រឹមតែផ្ដល់វេទិកាជូនសិស្ស-និស្សិត ដើម្បីបង្ហាញពីសមត្ថភាពជំនាញប៉ុណ្ណោះទេ ប៉ុន្តែក៏ជាច្រកមួយដ៏សំខាន់សម្រាប់លើកកម្ពស់គុណភាពការអប់រំបណ្ដុះ បណ្ដាលវិជ្ជាជីវៈ ជំរុញការសិក្សាស្រាវជ្រាវ, ការច្នៃប្រឌិត, ឱកាសពង្រឹងចំណេះដឹង និងជំនាញ, និងការអនុវត្តជាក់ស្ដែងផងដែរ។បន្ថែមពីនេះ ឯកឧត្ដមរដ្ឋមន្ត្រីជឿជាក់ថា ការប្រកួតប្រជែងនេះ នឹងទាក់ទាញយុវជនឱ្យស្រលាញ់នូវជំនាញបច្ចេកទេស និងការច្នៃប្រឌិតផ្សេងៗ ដោយនឹងអាចជួយបង្កើនស្ដុកធនធានជំនាញវ័យក្មេង, ជំរុញការរួមបញ្ចូលគ្នានៃឧស្សាហកម្ម និងការអប់រំបណ្ដុះបណ្ដាលវិជ្ជាជីវៈ ក៏ដូចជាបង្កើតឱ្យមានវេទិកាសម្រាប់កិច្ចសហប្រតិបត្តិការជំនាញ ព្រមទាំងការផ្លាស់ប្ដូរវប្បធម៌។ឯកឧត្ដមបានសំដែងនូវការសាទរ និងវាយតម្លៃខ្ពស់ចំពោះ ការប្រកួតប្រជែងដ៏សំខាន់ទាំង ៣ ដែលរួមមាន ១.ការធ្វើពាណិជ្ជកម្មតាមប្រព័ន្ធអនឡាញ ២.បច្ចេកវិទ្យាព័ត៌មានជំនាញថ្មី និង៣.ការផលិតឧបករណ៍វៃឆ្លាត គឺសុទ្ធតែជំនាញមានតម្រូវការខ្ពស់ និងមានភាពចាំបាច់ក្នុងការអភិវឌ្ឍឧស្សាហកម្ម ដែលជួយជំរុញដល់ការអភិវឌ្ឍេសេដ្ឋកិច្ចជាតិ។សូមរំលឹកថា កម្មវិធីប្រកួតប្រជែងជំនាញបច្ចេកទេស និងវិជ្ជាជីវៈពិភពលោក ត្រូវបានរៀបចំឡើង ចាប់តាំងពីឆ្នាំ២០០៨ ក្នុងគោលបំណងផ្ដល់ឱកាសដល់យុវជនបានបង្ហាញសមត្ថភាពក្នុងការបង្កើតថ្មី, បង្ហាញពីមិត្តភាពរឹងមាំជាសកលក្នុងកិច្ចសហប្រតិបត្តិការ និងអនាគតឈ្នះ-ឈ្នះរួមគ្នា, បង្ហាញឱ្យឃើញនូវការខិតខំជំរុញ និងបង្កើនសមត្ថភាពនិស្សិតឱ្យក្លាយជាយុវជនឆ្នើម, ដឹកនាំឱ្យមានការអភិវឌ្ឍកាន់តែល្អប្រសើរ លើវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ និងជំរុញកិច្ចសហប្រតិបត្តិការ និងការផ្លាស់ប្ដូរជាលក្ខណៈអន្តរជាតិ។សម្រាប់កម្មវិធីប្រកួតប្រជែងជំនាញបច្ចេកទេស និងវិជ្ជាជីវៈពិភពលោក ឆ្នាំ២០២៥ ប្រចាំតំបន់អាស៊ីអាគ្នេយ៍នេះ មានបេក្ខជនចូលរួមសរុបចំនួន ៦០ក្រុម ក្នុងនោះប្រទេសកម្ពុជាចំនួន ៤០ក្រុមដែលរួមមានវិទ្យាស្ថានជាតិពហុបច្ចេកទេសកម្ពុជា, វិទ្យាស្ថានជាតិបណ្ដុះបណ្ដាលបច្ចេកទេស និងវិទ្យាស្ថានជាតិពហុបច្ចេកទេសតេជោសែន នៃក្រសួងការងារ និងបណ្តុះបណ្តាលវិជ្ជាជីវៈ, ប្រទេសឥណ្ឌូនេស៊ីចំនួន ១០ក្រុម, ប្រទេសហ្វីលីពីនចំនួន ៣ក្រុម, ប្រទេសម៉ាឡេស៊ីចំនួន ៣ក្រុម និងប្រទេសថៃចំនួន ៤ក្រុម៕

មន្ត្រីជាន់ខ្ពស់ក្រសួងមហាផ្ទៃណែនាំដល់គណៈអភិបាលខេត្តត្រូវសាមគ្គីឯកភាពផ្ទៃក្នុងដើម្បីប្រសិទ្ធភាពការងារ

ស្វាយរៀង ៖ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ បានណែនាំដល់មន្ត្រីថ្នាក់ដឹកនាំ នៅក្នុងគណៈអភិបាលខេត្ត ក្រុមប្រឹក្សាខេត្ត ពិសេសមន្ទីរជំនាញ ត្រូវសាមគ្គីឯកភាពផ្ទៃក្នុងឱ្យបានល្អ ឆ្ពោះទៅសម្រេចការងារប្រកបដោយតម្លាភាព តាមគោលនយោបាយរាជរដ្ឋាភិបាល។ ការណែនាំនេះ ធ្វើឡើងក្នុងក្នុងពិធីប្រកាសចូលកាន់មុខតំណែងអភិបាលរងខេត្តស្វាយរៀង របស់ លោក ឌុច គន្ធា ថ្ងៃទី១១ ខែកញ្ញា ឆ្នាំ២០២៥ នេះ។ ឯកឧត្តម ប៊ុន ហុន បានបញ្ជាក់ថា ការផ្លាស់ប្តូរមន្ត្រីថ្នាក់ដឹកនាំ គឺជាគោលការរបស់ក្រសួងសាម៉ី ហើយការចូលកាន់តំណែងរបស់ លោក ឌុច គន្ធា នៅថ្ងៃនេះ គឺជាការបំពេញកៅអី របស់ លោក ហែម ពិសិដ្ឋ អភិបាលរងខេត្តស្វាយរៀង ដែលដល់អាណត្តិត្រូវក្រសួងមហាផ្ទៃផ្ទេរឱ្យទៅកាន់ខេត្តផ្សេង។ ទន្ទឹមនឹងការសាមគ្គីផ្ធៃក្នុង ឯកឧត្តម ប៊ុន ហុន បានជំរុញដល់រដ្ឋបាលខេត្ត ស្រុក ក្រុង ឃុំ សង្កាត់ បន្តចុះផ្សព្វផ្សាយគោលនយោបាយភូមិឃុំមានសុវត្តិភាព រក្សាភាពស្ងប់ស្ងាត់ ជូនពលរដ្ឋ និងក្រុមអ្នកវិនិយោគ ពិសេសលៃលករកជំនួយឧបត្ថម្ភគ្រួសារយុទ្ធជន សមរភូមិក្រោម សម្របសម្រួល រកការងារជូនពលករមកពីប្រទេសថៃ។ជាមួយគ្នានោះដែរ ឯកឧត្តមរដ្ឋលេខាធិការក្រសួង នូវបានជំរុញដល់រដ្ឋបាលខេត្ត មន្ទីរ អង្គភាព ចុះអប់រំ ពលរដ្ឋឱ្យមានភាពជឿជាក់លើការដឹកនាំរបស់រាជរដ្ឋាភិបាល ដើម្បីរក្សាភាពស្ងប់ស្ងាត់ ទុកឱកាសជូនរាជរដ្ឋាភិបាលធ្វើការដោះស្រាយទៅតាមផ្លូវច្បាប់អន្តរជាតិ ខណៈប្រទេសនៅក្នុងតំបន់ ក៏ដូចជានៅលើសកលលោក បានយល់ជ្រាបពីការទន្ទ្រានរបស់ប្រទេសថៃមកលើប្រទេសកម្ពុជា បង្កអន្តរាយដល់អាយុជីវិតយុទ្ធជន ទ្រព្យសម្បត្តិ ប្រាង្គប្រាសាទ វត្តអារាម ពលរដ្ឋជម្លៀសចេញពីភូមិករគ្មានទីបញ្ចប់។ ដោយ ៖ ភា សារិទ្ធ

ចក្រភពអង់គ្លេស និងរាជរដ្ឋាភិបាលកម្ពុជា ចុះអនុស្សរណៈជាមួយគ្នាបង្កើតភាពជាដៃគូរយៈពេល៣ឆ្នាំដើម្បីពង្រឹងក្របខណ្ឌបទដ្ឋានគតិយុត្តនៅកម្ពុជា

ភ្នំពេញ ៖ នៅថ្ងៃទី១១ ខែកញ្ញា ឆ្នាំ២០២៥នេះ ចក្រភពអង់គ្លេស និងរាជរដ្ឋាភិបាលកម្ពុជា បានចុះហត្ថលេខាលើអនុស្សរណៈនៃការយោគយល់គ្នា (MoU) ដើម្បីបង្កើតភាពជាដៃគូផ្លូវការរយៈពេល៣ឆ្នាំក្នុងគោលបំណងពង្រឹងក្របខណ្ឌបទដ្ឋានគតិយុត្តនៅកម្ពុជា តាមរយៈការគាំទ្រកំណែទម្រង់ការវាយតម្លៃលើផលប៉ះពាល់នៃលិខិតបទដ្ឋានគតិយុត្តនៅកម្ពុជា (RIA)។កិច្ចសហការនេះគឺជាផ្នែកមួយនៃកម្មវិធីសមាហរណកម្មសេដ្ឋកិច្ចអាស៊ាន-ចក្រភពអង់គ្លេស ដែលផ្តល់ដោយ Foreign, Commonwealth & Development Office ក្នុងភាពជាដៃគូជាមួយការិយាល័យសុវត្ថិភាព និងស្តង់ដារ ផលិតផល(OPSS)។ កម្មវិធីនេះគាំទ្រដល់បណ្តាលប្រទេសសមាជិកអាស៊ានក្នុងការជំរុញកំណើនសេដ្ឋកិច្ចប្រកបដោយ និរន្តរភាព តាមរយៈការបង្កើតក្របខ័ណ្ឌបទដ្ឋានគតិយុត្តដែលមានលក្ខណៈប្រសើរឡើង តម្លាភាព និងផ្អែកលើភស្តុតាង។ចក្រភពអង់គ្លេសឥឡូវនេះកំពុងពង្រីកការគាំទ្រដល់កម្ពុជាក្នុងគោលបំណងរៀបចំក RIA ក្នុងដំណើរការអភិវឌ្ឍន៍របស់រដ្ឋាភិ បាល។ ការគាំទ្ររបស់ចក្រភពអង់គ្លេសត្រូវបានរៀបចំឡើងដើម្បីពង្រឹងសក្តានុពលសេដ្ឋកិច្ចរបស់កម្ពុជា ទាក់ទាញការវិ និយោគ និងលើកកម្ពស់ភាពងាយស្រួលនៃការធ្វើអាជីវកម្ម។ កិច្ចខិតខំប្រឹងប្រែងទាំងនេះរួមចំណែកដល់ការបង្កើតទ បរិយាកាសអំណោយផលបន្ថែមទៀតសម្រាប់ពាណិជ្ជកម្ម និងការវិនិយោគ។កម្មវិធីដែលទើបដាក់ឱ្យដំណើរការថ្មី មានឈ្មោះថា "គាំទ្រកំណែទម្រង់ការវាយតម្លៃលើផលប៉ះពាល់នៃលិខិតបទដ្ឋានគតិ យុត្តនៅកម្ពុជា” នឹងផ្តោតលើការលើកកម្ពស់សមត្ថភាព និងការចែករំលែកចំណេះដឹងដល់របស់ប្រទេសកម្ពុជា ដើម្បីវាយ តម្លៃផលប៉ះពាល់សេដ្ឋកិច្ច សង្គម និងបរិស្ថាននៃច្បាប់ និងបទដ្ឋានគតិយុត្តដែលបានស្នើឡើង។ នេះនឹងធ្វើឱ្យអ្នកបង្កើត គោលនយោបាយធ្វើការសម្រេចចិត្តដែលមានព័ត៌មានកាន់តែប្រសើរឡើង ដែលគាំទ្រដល់ការអភិវឌ្ឍន៍ប្រកបដោយបរិយាប ន្ន និងនិរន្តរភាព។ប្រទេសកម្ពុជាបានអះអាងសារជាថ្មីនូវការប្តេជ្ញាចិត្តរបស់ខ្លួនចំពោះកំណែទម្រង់បទប្បញ្ញត្តិ ដោយទទួលស្គាល់សារៈសំខាន់ នៃកំណែទម្រង់ការវាយតម្លៃផលប៉ះពាល់និយតកម្ម ជាឧបករណ៍សំខាន់សម្រាប់ការកែលម្អអភិបាលកិច្ច កាត់បន្ថយបន្ទុកបទ គតិយុត្ត និងធានាថាបទគតិយុត្តថ្មីផ្តល់អត្ថប្រយោជន៍ច្បាស់លាស់ដល់សង្គម និងសេដ្ឋកិច្ច។លោក Dominic Williams MBE ឯកអគ្គរាជទូតអង់គ្លេសប្រចាំកម្ពុជា មានប្រសាសន៍ថា៖«ភាពជាដៃគូរបស់ចក្រភពអង់គ្លេសជាមួយកម្ពុជាលើកំណែទម្រង់បទប្បញ្ញត្តិគឺជាផ្នែកមួយនៃការគាំទ្ររបស់យើង សម្រាប់កម្ពុជាត្រៀមខ្លួនចាកចេញពីប្រទេសអភិវឌ្ឍតិចតួច ព្រោះបទដ្ឋានគតិយុត្តគឺជាមូលដ្ឋានគ្រឹះសម្រាប់ ដំណើរការប្រកបដោយប្រសិទ្ធភាព និងប្រសិទ្ធភាពនៃរដ្ឋាភិបាល សេដ្ឋកិច្ច និងបរិយាកាសធុរកិច្ច។ បទដ្ឋានគតិយុត្តមិនទទួលបានការផ្សព្វផ្សាយច្រើនទេ។ ប៉ុន្តែនៅពេលដែលបទដ្ឋានគតិយុត្តមិនប្រក្រតី វាច្រើនតែ បង្កើតចំណងជើង ព្រោះវាអាចមានផលវិបាកធ្ងន់ធ្ងរ ពីការខាតបង់ផ្នែកហិរញ្ញវត្ថុ រហូតដល់ផលប៉ះពាល់បរិស្ថាន និងប៉ះពាល់អាយុជីវិត។ នេះពង្រឹងសារៈសំខាន់ដ៏សំខាន់នៃការងារនេះ និងមោទនភាពរបស់ចក្រភពអង់គ្លេសក្នុង ការចាប់ផ្តើមកិច្ចសហប្រតិបត្តិការថ្មីដ៏គួរឱ្យរំភើបនេះជាមួយប្រទេសកម្ពុជា»។ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី មានប្រសាសន៍ថា៖«កម្ពុជាប្តេជ្ញាជំរុញកំណែទម្រង់បទគតិយុត្ត ដើម្បីបង្កើតបរិយាកាសធុរកិច្ចកាន់តែមានតម្លាភាព និងអាចព្យាករណ៍ បាន។ អនុស្សរណៈនៃការយោគយល់គ្នានេះបញ្ជាក់ប្រត្យក្សអំពីការបោះជំហានឆ្ពោះទៅរកការសម្រេចបាននូវ បង្គោលចរយ៉ាងសំខាន់មួយក្នុងរបៀបវារៈកែទម្រង់របស់រាជរដ្ឋាភិបាលកម្ពុជាចំពោះការលើកកម្ពស់ការតាក់តែង សេចក្តីព្រៀងច្បាប់ដ៏ឆ្លាតវៃ លិខិតបទដ្ឋានគតិយុត្ត និង ឯកសារគតិយុត្តផ្សេងទៀតប្រកបដោយភាពឆ្លាតវៃ ការ កសាងស្ថាប័ន និងចវិធានឱ្យកាន់តែរឹងមាំ»។ភាពជាដៃគូនេះឆ្លុះបញ្ចាំងពីការប្តេជ្ញាចិត្តជាបន្តរបស់ចក្រភពអង់គ្លេសក្នុងការគាំទ្រសមាហរណកម្មក្នុងតំបន់ និងភាពធន់នៃ សេដ្ឋកិច្ចរបស់អាស៊ាន ខណៈពេលដែលពង្រឹងការធ្វើដំណើររបស់កម្ពុជាឆ្ពោះទៅរកបរិយាកាសបទដ្ឋានគតិយុត្ត ប្រកបដោយតម្លាភាព ប្រសិទ្ធភាព និងងាយស្រួលវិនិយោគ។ នេះបើតាមការបញ្ជាក់ក្នុងសេចក្ដីប្រកាសព័ត៌មាន៕

ឯកឧត្តម ហេង រតនា ជួបពិភាក្សាការងារជាមួយគណៈគ្រប់គ្រងប្រតិបត្តិការអង្គការជំនួយប្រជាជនន័រវេស (NPA) ប្រចាំនៅអូស្លូរ

នៅថ្ងៃទី១១ ខែកញ្ញា ឆ្នាំ២០២៥ ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា បានជួបពិភាក្សាការងារជាមួយគណៈគ្រប់គ្រងប្រតិបត្តិការអង្គការជំនួយប្រជាជនន័រវេស (NPA) ប្រចាំនៅអូស្លូរ។ ក្រុមពួកគាត់បានដឹកនាំរៀបចំសិក្ខាសាលាប្រចាំឆ្នាំរបស់ខ្លួនជាមួយអង្គភាព CMAC នៅកម្ពុជាដោយមាននាយកគ្រប់គ្រង និងបុគ្គលិកជាន់ខ្ពស់ប្រតិបត្តិការ NPA សរុបប្រមាណ២៥នាក់ មកពីប្រទេសនានាក្នុងសកលលោកនេះ រួមមានមកប្រទេស អង់ហ្គោឡា បូស្នៀ និងហឺហ្សេហ្គោវីណា អ៊ីរ៉ាក់ កូសូវ៉ូ ឡាវ លីបង់ ន័រវេស ប៉ាឡៅ ប៉ាឡេស្ទីន ស៊ីរី តាជីគីស្ថាន អ៊ុយក្រែន យេម៉ែន ហ្ស៊ីមបាវ៉េ និងពិសេសមន្ត្រីជំនាញ NPAម្ចាស់ផ្ទះនៅកម្ពុជា។ សិក្ខាសាលានេះក៏មានដំណើរទស្សនកិច្ចទៅវិទ្យាស្ថានបច្ចេកទេសសកម្មភាពកម្ចាត់មីននៅខេត្តកំពង់ឆ្នាំង ដែលគោលបំណងនៃដំណើរទស្សនកិច្ចនៅថ្ងៃនេះ គឺដើម្បីឱ្យអ្នកចូលរួមបានស្វែងយល់បន្ថែមទៀតពីការ បង្ហាញពីបច្ចេកវិទ្យាសកម្មភាពកំចាត់មីនក្នុងន័យដើម្បីចែករំលែកចំណេះដឹង និងបទពិសោធន៍នៃឧបករណ៍ និងវិធីសាស្រ្តថ្មីៗនៃសកម្មភាពកំចាត់មីន ប្រកបដោយភាពច្នៃប្រឌិត ជាមួយបុគ្គលិកប្រតិបត្តិជាន់ខ្ពស់របស់ អ៊ិនភីអេ (NPA) ក៏ដូចជាការស្វែងយល់ពីវិធីសាស្រ្តថ្មីៗដែលអង្គភាពស៊ីម៉ាក់កំពុងអនុវត្ត និងទទួលបានចំណេះដឹងបន្ថែមសម្រាប់ការងារនៅក្នុងប្រទេសដែលពួកគេកំពុងបំពេញភារកិច្ច៕

ប្រមុខការទូតកម្ពុជា និងវៀតណាម ឯកភាពពង្រឹងកិច្ចសហប្រតិបត្តិការលើវិស័យនានា និងជំរុញបន្ថែមលើវិស័យមានសក្តានុពលថ្មីៗ

នៅព្រឹកថ្ងៃទី១១ ខែកញ្ញា ឆ្នាំ២០២៥ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានជួបពិភាក្សាតាមប្រព័ន្ធវីដេអូ ជាមួយ ឯកឧត្តម ឡេ ហ័រជុង រដ្ឋមន្រ្តីការបរទេសស្តីទី នៃសាធារណរដ្ឋសង្គមនិយមវៀតណាម។ ក្នុងជំនួប រដ្ឋមន្ត្រីការបរទេសទាំងពីរបានបង្ហាញការពេញចិត្តយ៉ាងខ្លាំងចំពោះវឌ្ឍនភាពនៃទំនាក់ទំនងទ្វេភាគី និងកិច្ចសហប្រតិបត្តិការប្រកបដោយផ្លែផ្ការវាងកម្ពុជា និងវៀតណាម និងបានឯកភាពពង្រឹងកិច្ចសហប្រតិបត្តិការលើវិស័យនានាដែលមានស្រាប់ និងរិះរកវិស័យដែលមានសក្តានុពលថ្មីៗ ផ្សេងទៀត៕

ក្រុមហ៊ុនឥណ្ឌាជាច្រើនចាប់អារម្មណ៍វិនិយោគលើការកែច្នៃផលិតផលកសិកម្មនៅកម្ពុជា និងចង់នាំចេញគ្រាប់ស្វាយចន្ទីទៅឥណ្ឌាដែលកំពុងមានតម្រូវការខ្ពស់

ភ្នំពេញ៖ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងកម្មវិធីផ្គូរផ្គងកសិពាណិជ្ជកម្ម រវាងក្រុមហ៊ុននៅក្នុងវិស័យកសិកម្មជាង២០មកពីប្រទេសឥណ្ឌា ជាមួយក្រុមហ៊ុននៅក្នុងស្រុករបស់កម្ពុជា បណ្ដាក្រុមហ៊ុនឥណ្ឌាជាច្រើនចាប់អារម្មណ៍វិនិយោគលើការកែច្នៃផលិតផលកសិកម្មនៅកម្ពុជា និងចង់នាំចេញគ្រាប់ស្វាយចន្ទីដែលឥណ្ឌាកំពុងមានតម្រូវការខ្ពស់។ ឯកឧត្តម ឃឹម ហ្វីណង់ បានថ្លែងបែបនេះ ក្នុងឱកាស តំណាងឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ចូលរួមជាអធិបតីក្នុងកម្មវិធីផ្គូរផ្គងកសិពាណិជ្ជកម្ម រវាងក្រុមហ៊ុននៅក្នុងវិស័យកសិកម្មជាង២០មកពីប្រទេសឥណ្ឌាជាមួយក្រុមហ៊ុននៅក្នុងស្រុក កាលពីថ្ងៃទី៨ ខែកញ្ញា ឆ្នាំ២០២៥នេះ។ឯកឧត្តមបានថ្លែងថា ក្នុងឱកាសនោះ ក្រុមហ៊ុនឥណ្ឌាទាំងនេះចាប់អារម្មណ៍ចង់សិក្សាឈ្វេងយល់ពីសក្តានុពលសម្រាប់ការនាំចេញនាំចូលកសិផលពីប្រទេសទាំងសងខាង និងពិនិត្យលទ្ធភាពក្នុងការវិនិយោគលើការកែច្នៃនៅក្នុងស្រុក ជាពិសេសការនាំចេញគ្រាប់ស្វាយចន្ទីពីប្រទេសកម្ពុជាទៅកាន់ប្រទេសឥណ្ឌា ស្របពេលដែលឥណ្ឌាមានតម្រូវការនាំចូលគ្រាប់ស្វាយចន្ទីក្នុងបរិមាណធំ និងភាគច្រើននាំចូលពីបណ្តាប្រទេសអាហ្វ្រិកក្នុងពេលកន្លងមក៕

បណ្ដាញសង្គម

ព័ត៌មានថ្មីៗ

អនុរដ្ឋមន្រ្តីការបរទេសអ៊ីរ៉ង់៖ អាមេរិកគួរជំរុញអ៊ីស្រាអែលឲ្យគោរពបទឈប់បាញ់

មនុស្ស ៤នាក់ស្លាប់ ពេលជនអន្តោប្រវេសន៍ព្យាយាមឡើងជិះទូកនៅជិតតំបន់ឆ្នេរភាគខាងជើងបារាំង

មន្ត្រីអ៊ីរ៉ង់ព្រមានថា ការវាយប្រហាររបស់អ៊ីស្រាអែលលើលីបង់ បង្កហានិភ័យដល់កិច្ចព្រមព្រៀងបទឈប់បាញ់

ការផ្អាកសង្គ្រាម នៅអ៊ីរ៉ង់ មានន័យថា ការកាត់ក្ដីពុករលួយរបស់លោក Netanyahu នឹងបន្តឡើងវិញនៅថ្ងៃអាទិត្យ

របាយការណ៍៖ លោក Trump ចេញ «ឱសានវាទ» ដល់សម្ព័ន្ធមិត្តអឺរ៉ុប ជុំវិញការធានាសុវត្ថិភាពច្រកសមុទ្រ Hormuz

ស្ថាប័នឃ្លាំមើលការដឹកជញ្ជូនសកល៖ ការយកថ្លៃរបស់អ៊ីរ៉ង់ នៅច្រកសមុទ្រ Hormuz និងបង្កើតគំរូគ្រោះថ្នាក់

ឯកអគ្គរដ្ឋទូតអ៊ីស្រាអែលប្រចាំនៅឥណ្ឌានិយាយថា ប៉ាគីស្ថានមិនមែនជាតួអង្គគួរឲ្យទុកចិត្តនោះទេ

អេក្វាទ័រកោះហៅឲ្យមកវិញឯកអគ្គរដ្ឋទូតរបស់ខ្លួនប្រចាំនៅកូឡុំប៊ី នៅក្នុងជម្លោះការទូតចុងក្រោយ

ចក្រភពអង់គ្លេសបានដាក់ពង្រាយយោធា ដើម្បីរារាំងនាវាមុជទឹករុស្ស៊ីកុំឲ្យចូលដែនទឹករបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877