BTV NEWS

ក្រុមអ្នកសង្កេតការណ៍អាស៊ាន បន្តចុះសង្កេតការណ៍ស្ថានភាពព្រំដែននៅតំបន់អូរភ្លុកដំរី ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ ទីតាំងរងការវាយប្រហារ និងកំពុងកាន់កាប់ដោយខុសច្បាប់ដោយយោធាថៃ

ឃាតកម្មចាក់សម្លាប់មនុស្សរួចយកសពប្លុងចោលក្នុងរថយន្តនៅខណ្ឌដង្កោ កម្លាំងសមត្ថកិច្ចឃាត់ខ្លួនក្រុមឃាតកបាន០៤នាក់

ឱកាសការងារជាង ៩ពាន់កន្លែង អត្ថប្រយោជន៍ ប.ស.ស. និងកម្មវិធី TVET ត្រូវបានផ្សព្វផ្សាយដល់មូលដ្ឋានក្នុងខេត្តបាត់ដំបង ក្នុងស្មារតី «ខ្មែរជួយរកការងារ និងផ្ដល់ការងារឱ្យខ្មែរ»

ក្រុមអ្នកសង្កេតការណ៍អាស៊ាន បន្តចុះសង្កេតការណ៍ផ្ទាល់អំពីស្ថានភាពព្រំដែននៅតំបន់ច១ ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ ដើម្បីពិនិត្យការអនុវត្តបទឈប់បាញ់

ព័ត៌មានជាតិ

រដ្ឋបាលខេត្តសៀមរាបរៀបចំតុបតែងកែលម្អ សោភ័ណភាពក្រុង ដើម្បីលើកម្ពស់សោភ័ណភាពក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ

ខេត្តសៀមរាបបាននឹងកំពុងរៀបចំតុបតែងកែលម្អ សោភ័ណភាពក្រុងបន្ថែមទៀត ដើម្បីលើកម្ពស់សោភ័ណភាពក្រុងសៀមរាប នាឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០២៥ ។ ក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៥ រដ្ឋបាលខេត្តសៀមរាប ដោយមានការសហការពីសហភាពសហព័ន្ធយុវជនកម្ពុជាខេត្តបានរៀបចំតុបតែង កែលម្អសោភ័ណក្រុង ដើម្បីត្រៀមរៀបចំកម្មវិធីសាសនា កម្មវិធីផ្សារទឹក ជិះទូកលេងកម្សាន្ត និងកម្សាន្តជាច្រើន ចាប់ពីថ្ងៃទី៤-៦ ខែវិច្ឆិកា ឆ្នាំ២០២៥ នៅសួនច្បារព្រះរាជដំណាក់ និងតាមបណ្ដោយដងស្ទឹងសៀមរាប។សូមអញ្ជើញបងប្អូនប្រជាពលរដ្ឋ និងភ្ញៀវទេសចរជាតិ អន្តរជាតិចូលរួមឱ្យបានច្រើនកុះករចាប់ពីថ្ងៃទី៤-៦ ខែវិច្ឆិកា ឆ្នាំ២០២៥ នៅសួនច្បារព្រះរាជដំណាក់ និងតាមបណ្ដោយដងស្ទឹងសៀមរាប៕

ពលរដ្ឋខ្មែរនៅតំបន់ច្រកអូរស្មាច់ធូរចិត្តឡើងវិញក្រោយកងទ័ពកម្ពុជា និងថៃដកអាវុធធុនធ្ងន់ឆ្ងាយពីតំបន់ព្រំដែន

បងប្អូនប្រជាពលរដ្ឋខ្មែរ ដែលកំពុងរស់នៅតំបន់ច្រកព្រំដែនអន្តរជាតិអូរស្មាច់ មានអារម្មណ៍ធូរស្រាលចិត្តជាងមុន បន្ទាប់ពីកងទ័ពកម្ពុជា និងថៃ បានសម្រេចដកអាវុធធុនធ្ងន់ទៅមូលដ្ឋាន ដើមវិញ ហើយពួកគាត់ជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែនដោយសន្តិវិធី ហើយរំពឹងថានឹងគ្មានការផ្ទុះអាវុធទៀតនោះឡើយ។តាមរយៈកិច្ចសម្ភាសន៍ជាមួយទូរទស្សន៍ BTV នាថ្ងៃទី៣ ខែវិច្ឆិកា ឆ្នាំ២០២៥នេះ បងប្អូនប្រជាពលរដ្ឋខ្មែរ ដែលកំពុងរស់នៅ និងប្រកបមុខរបរចិញ្ចឹមជីវិត នៅតំបន់ច្រកព្រំដែន អូរ ស្មាច់ បានលើកឡើងថា នាពេលបច្ចុប្បន្នមានមនុស្សម្នាធ្វើដំណើរចេញចូលច្រើនឡើងវិញ និងបានប្រកបមុខរបរជាបណ្តើរៗឡើងវិញ ក្រោយមានកិច្ចព្រមព្រៀងសន្តិភាពទីក្រុងកូឡាឡំាពួ កម្ពុជា និងថៃ ហើយមួយវិញទៀតពួកគាត់កាន់តែធូរស្បើយចិត្តបន្ថែមទៀត បន្ទាប់ពីកងទ័ពកម្ពុជា និងថៃដកអាវុធធុនធ្ងន់ និងយុទ្ធោបករណ៍ចេញឆ្ងាយពីតំបន់ជម្លោះ។ជាមួយគ្នានោះដែរ បងប្អូនប្រជាពលរដ្ឋតំបន់ច្រកព្រំដែនអូរស្មាច់ ក៏បានរំលឹកអំពីទុក្ខលំបាកខណៈដែលកងទ័ពកម្ពុជា និងថៃ បានប៉ះទង្គិចគ្នាប្រដាប់ដោយអាវុធ ដោយបានធ្វើឲ្យ ពួកគាត់រត់ចោលផ្ទះសម្បែង មានការភិតភ័យទាំងយប់ទាំងថ្ងៃ បារម្ភពីសុវត្ថិភាពគ្រប់បែបយ៉ាង តែយ៉ាងណាពេលក្តីពេលនេះពួកគាត់សប្បាយចិត្ត និងធូរចិត្តឡើងវិញក្រោយការខិតខំរបស់ប្រមុខរាជរដ្ឋាភិបាលដោះស្រាយជម្លោះពីប្រដាប់ដោយអាវុធ មកជាតុចរចាដោយសន្តិវិធី។សូមរំលឹកថា ដើម្បីជាការបង្ហាញពីការប្តេជ្ញាចិត្តរបស់ភាគីកម្ពុជា និងភាគីថៃក្នុងការគោរព និងអនុវត្តនូវអ្វីដែលបានឯកភាពគ្នានៅក្នុងសេចក្តីថ្លែងការណ៍រួមទីក្រុងកូឡាឡាំពួរ ស្តីពីកិច្ចព្រមព្រៀងសន្តិភាពរវាងកម្ពុជានិងថៃ ដែលបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ព្រមទាំងស្មារតីនៃកិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ កម្ពុជា-ថៃ (GBC) ដែលប្រព្រឹត្តទៅនៅប្រទេសម៉ាឡេស៊ី កាលពីថ្ងៃទី២៣ ខែតុលា ឆ្នាំ២០២៥ ទើបនៅថ្ងៃទី៣១ ខែតុលា ឆ្នាំ២០២៥ យោធភូមិភាគទី៤ កម្ពុជា និងកងទ័ពភូមិភាគទី២ ថៃ បានរៀបចំកិច្ចប្រជុំពិសេស នៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) ដោយបានឯកភាពគ្នាលើផែនការជាដំណាក់កាល នៃការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់។ ។តាមរយៈផែនការដែលបានឯកភាពគ្នានេះ ភាគីទាំងពីរបានកំណត់យកថ្ងៃទី១ ខែវិច្ឆិកា ឆ្នាំ២០២៥ បានចាប់ផ្តើមនៃការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់សម្រាប់ដំណាក់កាលទី១ ដែលភាគីទាំងពីរត្រូវអនុវត្តដូចគ្នា នៅក្រោមការត្រួតពិនិត្យ និងអ្នកសង្កេតការណ៍ និងការផ្ទៀងផ្ទាត់របស់ក្រុមអ្នកសង្កេតការណ៍អាស៊ាន(AOT)ផងដែរ៕ អត្ថបទ៖ បាន ចក់

ប្រជាជនចិន ចាប់អារម្មណ៍មកលេងកម្ពុជា បន្ទាប់ពីបានរីករាយនឹង "ពិធីបុណ្យកម្ពុជា" នៅសាលពិព័រណ៍អន្តរជាតិ ទីក្រុងស៊ូចូវ

កាលពីរសៀលថ្ងៃទី៣១ ខែតុលា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញជាអធិបតី និងថ្លែងសុន្ទរកថាបើកសម្ពោធព្រឹត្តិការណ៍ជំរុញទេសចរណ៍កម្ពុជា តាមរយៈការសម្តែងសិល្បៈ "ពិធីបុណ្យកម្ពុជា" ដែលរៀបចំនៅសាលពិព័រណ៍អន្តរជាតិ ទីក្រុងស៊ូចូវ ខេត្តជាំងស៊ូ ដោយមានការចូលរួមពីឯកឧត្តម Li Chuan អគ្គនាយករងមន្ទីរវប្បធម៌ និងទេសចរណ៍ខេត្តជាំងស៊ូ, លោកស្រី Ji Jing អភិបាលរងក្រុងស៊ូចូវ និងតំណាងក្រុមហ៊ុនទេសចរណ៍ធំៗ នៅក្នុងខេត្តជាំងស៊ូ និងខេត្តផ្សេងៗទៀតមកពីប្រទេសចិន អ្នកវិនិយោគិនចិន និងអន្តរជាតិ ព្រមទាំងភ្ញៀវកិត្តិយសប្រមាណ ៣០០នាក់។ថ្លែងក្នុងសុន្ទរកថាបើកព្រឹត្តិការណ៍ផ្សព្វផ្សាយសក្តានុពលទេសចរណ៍កម្ពុជាតាមរយៈការសម្តែងសិល្បៈ ឯកឧត្តមរដ្ឋមន្រ្តី បានគូសបញ្ជាក់ជូនភ្ញៀវកិត្តិយស និងប្រជាជនចិនដែលអញ្ជើញចូលរួមទស្សនាពីសក្តានុពលទេសចរណ៍ និងសម្បត្តិវប្បធម៌ដ៏សម្បូរបែបរបស់កម្ពុជា ព្រមទាំងកាលានុវត្តភាពវិនិយោគដែលជាទីផ្សារទើបនឹងរះឡើង រួមទាំងកត្តាសុខសន្តិភាព ស្ថិរភាពនយោបាយ សុវត្ថិភាព យន្តការលើកទឹកចិត្តដ៏ទាក់ទាញរបស់រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។ ជាងនេះទៅទៀត ឯកឧត្តមរដ្ឋមន្រ្តី បានសង្កត់ធ្ងន់ពីការធានាសុខសុវត្ថិភាពដល់ភ្ញៀវទេសចរអន្តរជាតិពីសំណាក់រាជរដ្ឋាភិបាលកម្ពុជា និងស្នើឱ្យប្រជាជនចិន និងអន្តរជាតិមកទស្សនាកម្ពុជាឱ្យបានច្រើនឡើង៕

ផ្លូវជាតិលេខ៩២ ដែលជាផ្លូវក្រវាត់ព្រំដែនដ៏សំខាន់ត្រូវបានជួសជុលរួចរាល់ ១០០%

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានឱ្យដឹងនៅថ្ងៃទី២ ខែវិច្ឆិកា ឆ្នាំ២០២៥ថា បន្ទាប់ពីអាកាសធាតុអំណោយផលគ្មានភ្លៀងអស់រយៈពេល ៧ថ្ងៃកន្លងមកនេះ ក្រុមការងារថែទាំផ្លូវនៃមន្ទីរសាធារណការ និងដឹកជញ្ជូនខេត្តព្រះវិហារ បានបញ្ចប់ទាំងស្រុង ១០០% នូវការងារជួសជុល និងកែលម្អកំណាត់ផ្លូវជាតិលេខ៩២ ដែលជាផ្លូវក្រវាត់ព្រំដែនដ៏សំខាន់។លោក សំ លាងទ្រី បន្ថែមថា កំណាត់ផ្លូវនេះមានប្រវែង ៩២,២ គីឡូម៉ែត្រ តភ្ជាប់ពីព្រំប្រទល់ខេត្តព្រះវិហារ ខេត្តស្ទឹងត្រែង ឆ្លងកាត់ឃុំកំពង់ស្រឡៅ១ ឃុំកំពង់ស្រឡៅ២ ស្រុកឆែប ក្បែរព្រំដែនខ្មែរ-ឡាវ ទៅកាន់តំបន់បន្ទាយស្រមោច ឃុំទឹកក្រហម ស្រុកជាំក្សាន្ត ខេត្តព្រះវិហារ។លោក សំ លាងទ្រី បន្តថា សកម្មភាពជួសជុលរួមមាន ការថែមដីល្បាយថ្ម ការកៀរសម្រួល ការស្រោចទឹក ការកិនបង្ហាប់ ដែលការងារនេះមានគោលបំណងធានានូវភាពរលូន និងសុវត្ថិភាពសម្រាប់ការធ្វើចរាចរណ៍របស់បងប្អូនប្រជាពលរដ្ឋឡើងវិញ បន្ទាប់ពីផ្លូវនេះបានទទួលរងការខូចខាតយ៉ាងធ្ងន់ធ្ងរដោយសារជំនន់ទឹកភ្លៀងកន្លងទៅ ដែលបានធ្វើឱ្យការធ្វើដំណើរមានការលំបាកខ្លាំងនៅតាមកន្លែងមួយចំនួន។លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានអំពាវនាវដ៏ទទូចដល់បងប្អូនប្រជាពលរដ្ឋ និងអ្នកប្រើប្រាស់ផ្លូវជាតិលេខ៩២ ទាំងអស់ សូមមេត្តាចូលរួមថែរក្សាផ្លូវសាធារណៈនេះឱ្យបានគង់វង្សយូរអង្វែង ព្រោះផ្លូវជាសម្បត្តិរួម និងសូមគោរពច្បាប់ចរាចរណ៍ ពេលធ្វើដំណើរលើផ្លូវថ្មីដែលល្អស្អាតនេះ។ សូមកុំចាក់ដីខ្ពស់ជាងផ្លូវ សម្រាប់ផលប្រយោជន៍ផ្ទាល់ខ្លួន។ សូមកុំចាក់ដីលុបលូ ឬលុបប្រឡាយបង្ហូរទឹក ដែលជាហេតុបង្កឱ្យមានការស្ទះ និងជន់លិចធ្វើឱ្យផ្លូវឆាប់ខូចខាតឡើងវិញ។ សូមកុំដឹកជញ្ជូនទំនិញលើសទម្ងន់កម្រិតកំណត់ ដើម្បីរក្សាគុណភាព និងអាយុជីវិតរបស់ផ្លូវជាតិ។ ការចូលរួមរបស់អ្នកទាំងអស់គ្នា គឺជាកត្តាកំណត់ក្នុងការធានាថា ផ្លូវជាតិលេខ៩២ នឹងបម្រើប្រយោជន៍ដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋបានយូរអង្វែង៕ អត្ថបទ៖ ប្រាក់ វ៉ាន់ដា

ឯកឧត្តមឧបនាយករដ្ឋមន្ត្រី ហ៊ុន ម៉ានី ដង្ហែអង្គកឋិនទានទៅកាន់ វត្តម្រុំខាងជើង ខេត្តកំពង់ស្ពឺ

ខេត្តកំពង់ស្ពឺ៖ នាព្រឹកថ្ងៃអាទិត្យ ទី០២ ខែវិច្ឆិកា ឆ្នាំ២០២៥ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះជួយមូលដ្ឋានខេត្តកំពង់ស្ពឺ បានអញ្ជើញចូលរួមពិធីដង្ហែអង្គកឋិនទានទៅកាន់វត្តម្រុំខាងជើង ស្ថិតក្នុងក្រុងច្បារមន ខេត្តកំពង់ស្ពឺ។ ពិធីបុណ្យកឋិនទានេះ ក៏មានការអញ្ជេីញចូលរួមពីឯកឧត្ដមប្រធានក្រុមប្រឹក្សាខេត្ត សមាជិក សមាជិកានៃក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ឯកឧត្ដមអភិបាលខេត្ត អភិបាលរងខេត្ត មន្ទីរអង្គភាពជុំវិញខេត្ត និងពុទ្ធបរិស័ទចំណុះជើងវត្តជិតឆ្ងាយ៕បុណ្យកឋិន គឺជាបុណ្យ១របស់ព្រះពុទ្ធសាសនា ដែលមានរយៈពេល២៩ថ្ងៃ គឺចាប់ពីថ្ងៃ១រោច ខែអស្សុជ ដល់ថ្ងៃ១៥កើត ខែកក្តិក។ អាចនិយាយបានថា ពុទ្ធបរិស័ទ ចាប់ផ្តើមធ្វើបុណ្យកឋិន នៅក្រោយថ្ងៃចេញព្រះវស្សា។ ការចូលព្រះវស្សារបស់ព្រះសង្ឃ មានរយៈពេល៣ខែ។ កឋិនកាល គឺជារដូវដែលប្រជាពុទ្ធបរិស័ទ នាំយកសំពត់ជាគ្រឿងស្លៀកដណ្តប់របស់ព្រះសង្ឃ មានចីពរជាដើម ទៅប្រគេនព្រះសង្ឃ។ បច្ចុប្បន្ន គេ ឃើញពុទ្ធបរិស័ទ មិនត្រឹមតែប្រគេនចីវរទេ នៅប្រគេនទេយ្យទានផ្សេងៗទៀត ដូចជា គ្រឿងបរិភោគ និង ថ្នាំសង្កូវ ជាដើម រួមទាំងបច្ច័យផងដែរ (ថវិកា)។ ក្នុងនាមជាយុវជន និងជាពុទ្ធបរិសទ យើងត្រូវបន្តថែរក្សាកេរ្តិ៍មរតករបស់ដូនតា ជាពិសេសគឺបុណ្យកឋិនទាន ដែលជាពិធីបុណ្យក្នុងព្រះពុទ្ធសាសនា ដែលជាប្រពៃណីជាតិខ្មែរយើងផងដែរ៕

ពលរដ្ឋនៅព្រំដែនកម្ពុជា-ថៃ ខេត្ដព្រះវិហារ ទទូចដល់សហគមន៍អន្តរជាតិជំរុញថៃឱ្យដោះលែងកងទ័ពកម្ពុជា ១៨រូប

ប្រជាពលរដ្ឋខ្មែរ នៅស្រុកជាំក្សាន្ដ ខេត្ដព្រះវិហារ បានបន្ដអំពាវនាវដល់សហគមន៍អន្តរជាតិ ឱ្យជំរុញថៃឱ្យដោះលែងកងទ័ពកម្ពុជា១៨រូបមកកម្ពុជាវិញ ដើម្បីបានជួបក្រុមគ្រួសារពួកគាត់ ខណៈដែលប្រទេសទាំងពីរ បានចុះហត្ថលេខាកិច្ចព្រមព្រៀងសន្ដិភាព ដែលមានសាក្សីច្បាស់លាស់ពីសហគមន៍អន្ដរជាតិ ជាពិសេសសហរដ្ឋអាមេរិក។ប្រជាពលរដ្ឋដែលទើបត្រឡបម់មកពីមណ្ឌលភៀសសឹក ដែលកំពុងរស់នៅភូមិត្រពាំងសង្កែលិច ឃុំជាំក្សាន្ដ បានលើកឡើងថា វីរកងទ័ពរបស់កម្ពុជា បានសាទរនឹងកិច្ចព្រមព្រៀងសន្ដិភាព ដែលផ្ដល់សុខសន្ដិភាពដល់ប្រជាពលរដ្ឋ នៃប្រទេសទាំងពីរ។ ប្រជាពលរដ្ឋបានលើកឡើងថា ការពន្យាពេលដោះលែងកងទ័ពកម្ពុជានេះ ធ្វើឱ្យគ្រួសារពួកគាត់មានការព្រួយបារម្ភខ្លាចពីសុខភាពកងទ័ព ខណៈដែលកម្ពុជាចង់បានតែសន្ដិភាព។ ពួកគាត់ទទូចឱ្យសហគមន៍អន្ដរជាតិ ជំរុញទៅភាគីថៃ ដោះលែងដល់វីរកងទ័ពទាំង១៨រូបប្រគល់ឱ្យកម្ពុជា និងធានាបាននូវសុខសុវត្ថិភាពដល់កងទ័ពទាំង១៨រូបនោះ។ ពលរដ្ឋបានលើកឡើងថា ជម្លោះនេះ នាំឱ្យបាត់បង់ទ្រព្យសម្បត្ដិ និងប៉ះពាល់ដល់ការសិក្សារបស់កូនៗផងដែរ។ ជាក់ស្ដែងពួកគាត់ភៀសខ្លួនទៅកាន់ទីតាំងសុវត្ថិភាពជាច្រើនខែមកហើយទើបវិលត្រឡប់មកវិញនេះទេ។សូមបញ្ជាក់ថា កម្ពុជា ថៃ បានសម្រេចកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ចេញពីព្រំដែនកម្ពុជា-ថៃជាផ្លូវការ បន្ទាប់ពីកិច្ចប្រជុំពិសេសនៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) ដែលប្រព្រឹត្តនៅថ្ងៃទី៣១ ខែតុលា ឆ្នាំ២០២៥ នៅច្រកអន្តរជាតិអូរស្មាច់ ខេត្តឧត្តរមានជ័យ។ការចាប់ផ្តើមដក និងកែសម្រួលអាវុធធុនធ្ងន់ ចេញពីតំបន់ព្រំដែននេះ មានការត្រួតពិនិត្យ និងផ្ទៀងផ្ទាត់ដោយក្រុមអ្នកសង្កេតការណ៍អាស៊ាន (AOT) ដែលត្រូវបានចាត់ទុកថា ជាជំហានវិវត្តន៍ដ៏សំខាន់មួយសម្រាប់កម្ពុជា និងថៃ ដែលបានបញ្ជាក់ឡើងវិញនូវការជឿជាក់រួមគ្នានៃប្រទេសទាំងពីរថា សន្តិភាពនៅតែអាចមានដរាបណាប្រជាជាតិនានាមានសេចក្តីក្លាហាន និងសុភវិនិច្ឆ័យក្នុងការបន្តស្វែងរកសន្តិភាពជាមួយគ្នា៕

ក្រសួងវប្បធម៌ នឹងរៀបចំពិព័រណ៍សិល្បៈសិប្បកម្មអបអរខួប១០ឆ្នាំ ល្បែងទាញព្រ័ត្រចុះបញ្ជី UNESCO

នាយកដ្ឋានអភិវឌ្ឍន៍វប្បធម៌ សហការជាមួយអគ្គនាយកដ្ឋានបច្ចេកទេសវប្បធម៌ ក្រសួងវប្បធម៌ និងវិចិត្រសិល្បៈ នឹងរៀបចំពិព័រណ៍សិល្បៈសិប្បកម្ម នាចុងខែវិចិ្ឆកា ឆ្នាំ២០២៥ខាងមុខនេះ នៅផ្លូវថ្មើជើងចតុម្មុខ (Walk Street) ទល់មុខវត្តឧណ្ណាលោម រាជធានីភ្នំពេញ ដើម្បីអបអរសាទរខួប១០ឆ្នាំ ល្បែងទាញព្រ័ត្រ ដែលបានចុះក្នុងបញ្ជីសម្បតិ្តបេតិកភណ្ឌវប្បធម៌អរូបី នៃមនុស្សជាតិ កាលពីថ្ងៃទី២ ខែធ្នូ ឆ្នាំ២០១៥កន្លងទៅ។លោក រឿង សារ៉េត ប្រធានស្តីទីនាយកដ្ឋានអភិវឌ្ឍន៍វប្បធម៌ បានថ្លែងប្រាប់ BTV News នាថ្ងៃនេះថា ក្នុងពិព័រណ៍នោះ នាយកដ្ឋាន បានរៀបចំបើកព្រឹតិ្តការណ៍ថ្មីមួយបន្ថែមទៀត គឺសិល្បៈនៃការ«ចាក់ចេក» តំណខ្មែរតាំងពីជំនាន់ដើម និងជាសិល្បៈដ៏កម្រ និងកាន់តែឈានទៅរកការបាត់បង់។ ដូច្នេះនាយកដ្ឋាន និងលើកឡើងនូវកម្មវិធីនេះ ដើម្បីឲ្យសាធារណជន ក៏ដូចជាក្មួយៗយុវជន បានទស្សនាផ្ទាល់នៅទីតាំងនោះ អំពីសិល្បៈនៃការ «ចាក់ចេក» ក៏ដូចជា៖ ក្រងនូវស្លឹក និងសម្ភារៈផ្សេងៗទៀត ដែលជាវត្ថុអនុស្សាវរីយ៍។សូមរំលឹកឡើងវិញថា ក្នុងឆ្នាំ២០២៥នេះ នាយកដ្ឋានអភិវឌ្ឍន៍វប្បធម៌ បានរៀបចំព្រឹតិ្តការណ៍ធំៗ ចំនួន០២ នាចុងឆ្នាំ២០២៥នេះ គឺពិព័រណ៍ស្នាដៃមរតកមនុស្សរស់ មានរយៈពេល០៣ថ្ងៃ កាលពីថ្ងៃទី៦ រហូតដល់ថ្ងៃទី៨ ខែតុលា ឆ្នាំ២០២៥កន្លងទៅនេះ និងពិព័រណ៍រូបថត ក្រោមប្រធានបទ«រួមគ្នាលើកតម្កើងមរតកវប្បធម៌អរូបី»រយៈពេល០៧ថ្ងៃ កាលពីថ្ងៃទី២៤ ដល់ថ្ងៃទី៣០ ខែតុលា ឆ្នាំ២០២៥ ក្នុងសារមនី្ទរខ្លែងខ្មែរ រាជធានីភ្នំពេញ ដោយទទួលបានការគាំទ្រគួរជាទីមោទនសម្រាប់នាយកដ្ឋាន ក៏ដូចជាក្រសួងវប្បធម៌ និងវិចិត្រសិល្បៈ ជាពិសេសយុវជន សិស្ស និសិ្សត សាធារណជន ព្រមទាំងមានអ្នកចូលរួមតាមបណ្តាញសង្គមជាច្រើន បានបញ្ចេញនូវចំណាប់អារម្មណ៍សប្បាយរីករាយ៕ អត្ថបទ រដ្ឋា

FASMEC នឹងរៀបចំពិព័រណ៍ជំរុញការប្រើប្រាស់ផលិតផលខ្មែរលើកទី២ នៅថ្ងៃទី ៥-៦-៧ ខែវិចិ្ឆកានេះ

សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) នឹងរៀបចំពិព័រណ៍ជំរុញការប្រើប្រាស់ផលិតផលខ្មែរលើកទី២ ចាប់ពីថ្ងៃទី ៥-៦-៧ ខែវិចិ្ឆកា ឆ្នាំ២០២៥ នៅមជ្ឍមណ្ឌលពិព័រណ៍កោះពេជ្រ នឹងមានសហគ្រាសក្នុងស្រុកចូលរួមតាំងបង្ហាញជាង ២៧០ សហគ្រាស និងមានផលិតផលខ្មែរប្រមាណជិត ៣០០ មុខ។ឧកញ៉ា តែ តាំងប៉ ប្រធានសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យម និងជាប្រធាន សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) លើកឡើងក្នុងសន្និសីទ នៃគម្រោងរៀបចំពិព័រណ៍ «រួមគ្នាផលិតរួម គ្នាប្រើប្រាស់ផលិតផលជាតិ» នៅថ្ងៃទី៣១ ខែតុលា ឆ្នាំ២០២៥ នេះថា ជុំវិញការរៀបចំព្រឹត្តិការណ៍ពិព័រណ៍ផលិតផលខ្មែរនេះ ឃើញថា នៅក្នុងអំឡុងពិព័រណ៍លើកទី១ កាលពីខែកញ្ញាកន្លងទៅ ប្រជាពលរដ្ឋជាច្រើនកុះករបានគាំទ្រផលិតផលក្នុងស្រុក ដោយនឹកស្មានមិនដល់ និងបានលក់ដាច់ខ្លាំង ដោយមានបងប្អូនប្រជាពលរដ្ឋចូលរួមជាង ១០ ម៉ឺននាក់ នេះសបញ្ជាក់ឲ្យពីស្មារតីជាតិនិយម ងាកមកគាំទ្រផលិតជាតិយើងយ៉ាងច្រើនផុសផុល។ជុំវិញពលរដ្ឋខ្មែរងាកមកគាំទ្រផលិតផលជាតិបែបនេះ, ឧកញ៉ា តែ តាំងប៉ បានអំពាវនាវដល់ផលិករត្រូវផលិតនូវផលិតផលរបស់ខ្លួនឱ្យបានស្របតាមស្ដង់ដា គុណភាព សុវត្ថិភាព និងអនាម័យ និងមិនត្រូវឆ្លៀតឱកាសដំឡើងថ្លៃយកផលចំណេញក្នុងពេល ដែលប្រជាពលរដ្ឋងាកមកគាំទ្រផលិតផលក្នុងស្រុកនេះឡើយ។ចំណែកក្រុមអាជីវករ ដែលបានចូលរួមនៅក្នុងវេទិកាសារព័ត៌មាននៅថ្ងៃនេះដែរ ក៏បានសម្តែងការគាំទ្រចំពោះ FASMEC ដែលបានខិតខំរៀបចំពិព័រណ៍លើកទី១ កាលពីខែកញ្ញាកន្លងទៅ ដោយទទួលបានការគាំទ្រយ៉ាងខ្លាំង ពីសំណាក់ពលរដ្ឋខ្មែរ និង សង្ឈឹមថា ការរៀបចំពិព័រណ៍លើកទី២ នៅខែវិច្ឆិកា ឆ្នាំ២០២៥ ខាងមុខនេះ រឹតតែទទួលការគាំទ្រខ្លាំងជាងលើកទី១ផងដែរ។សូមបញ្ជាក់ថា ការរៀបចំពិព័រណ៍ផលិតផលខ្មែរឆ្នាំ២០២៥ លើកទី២ នៅមជ្ឈមណ្ឌលសាលសន្និបាត និងពិព័រណ៍កោះពេជ្រ គឺមានរយៈពេល៣ថ្ងៃ ចាប់ពីថ្ងៃទី ៥-៦-៧ ខែវិចិ្ឆកា ឆ្នាំ២០២៥ គឺមានផលិតផលខ្មែរសុទ្ធតែម្តង ប្រជាពលរដ្ឋខ្មែរអាចចូលរួមគាំទ្រ និងទស្សនាដោយសេរី ខណៈដែលការជំរុញការផលិតផលិតផលក្នុងស្រុក ទាំងបរិមាណ និងគុណភាព សុវត្ថិភាព ធ្វើយ៉ាងណា បំពេញតម្រូវការប្រើប្រាស់ ក្នុងអំឡុងពេលប្រជាពលរដ្ឋកម្ពុជាធ្វើពហិការមិនប្រើប្រាស់ផលិតផលប្រទេសថៃ ដោយងាកមកគាំទ្រ និងផ្តល់តម្លៃចំពោះផលិតផលក្នុងស្រុក៕ អត្ថបទ៖ សុន រ៉ាឌី

មន្រ្តីជាន់ខ្ពស់ជំរុញឱ្យសិស្សានុសិស្សប្រឹងប្រែងរៀនសូត្រឱ្យក្លាយជាធនធានមនុស្សល្អសម្រាប់សង្គមជាតិ

មន្រ្តីជាន់ខ្ពស់របស់រាជរដ្ឋាភិបាល បានជំរុញឱ្យសិស្សានុសិស្សត្រូវបន្តប្រឹងប្រែងរៀនសូត្រឱ្យបានច្បាស់ លាស់ ដើម្បីក្លាយជាធនធានមនុស្សដ៏ល្អសម្រាប់សង្គម ជាតិ ដោយសារកម្ពុជា កំពុងត្រូវការកម្លាំងពលកម្មបែបចំណេះដឹងយ៉ាងច្រើនសន្ធឹកសន្ធាប់ ។ឯកឧត្តម ហេង រតនា ប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកលើកដែកពេលថ្លែងបើកបវេសន កាលឆ្នាំសិក្សា២០២៥-២០២៦នៅក្នុងវិទ្យាល័យហ៊ុន សែន កំពង់ភ្នំនិងប្រគល់រង្វាន់ដល់សិស្សានុសិស្សប្រឡងសញ្ញាបត្រមធ្យមសិក្សាទុតិយភូមិសម័យប្រលងថ្ងៃទី២៨ ខែសីហាឆ្នាំ២០២៥ និង លោកគ្រូអ្នកគ្រូបង្រៀនថ្នាក់ទី១២ ទូទាំងស្រុកលើកដែកបានជំរុញឱ្យសិស្សានុ សិស្សត្រូវបន្តប្រឹងប្រែងរៀនសូត្រឱ្យបានច្បាស់លាស់ដើម្បីក្លាយជាធនធានមនុស្សដ៏ល្អសម្រាប់សង្គមជាតិ ដោយសារកម្ពុជាកំពុងត្រូវការកម្លាំងពលកម្មបែបចំណេះដឹងយ៉ាងច្រើនសន្ធឹកសន្ធាប់។ ឯកឧត្តមបានបញ្ជាក់ថា រាជរដ្ឋាភិបាលកម្ពុជា នីតិកាលទី៧នៃរដ្ឋសភានៅតែបន្តយកចិត្តទុកដាក់ខ្ពស់លើវិស័យអប់រំតាមរយៈការបន្តរិះរកវិធានការ និងយុទ្ធសាស្រ្តបន្ថែមទៀត ដើម្បីធ្វើយ៉ាងណាឱ្យសាលារៀនក្លាយជាអង្គភាពផ្តល់សេវាសាធារណៈប្រកប ដោយប្រសិទ្ធភាពខ្ពស់អភិបាលកិច្ចល្អនិងមានគណនេយ្យភាពចំពោះប្រជា ជន និងសហគមន៍ដោយពង្រឹងអភិបាលកិច្ចសាលារៀន និង ការលើកកម្ពស់សកម្មភាពបង្រៀននិងរៀន តម្រង់ឆ្ពោះទៅរកការកែលម្អលទ្ធផលនៃការសិក្សារបស់សិស្សកាន់តែប្រសើរឡើងប្រកបដោយវិន័យ សីលធម៌ គុណធម៌ និង ឥរិយាបថថ្លៃថ្នូរ សក្តិសមជាកុលបុត្រកុលធីតាខ្មែរ និងជាទំពាំងស្នងឬស្សីរបស់ជាតិ ។ សូមជម្រាបថា នៅទូទាំងស្រុកលើកដែកមានសិស្សថ្នាក់ទី១២ ចំនួន ៥៣០ នាក់ (ស្រី ២៩៣នាក់) មកពីវិទ្យាល័យចំនួន ៣ បានដាក់ពាក្យប្រឡងសញ្ញាបត្រមធ្យមសិក្សាទុតិយភូមិសម័យប្រលងថ្ងៃទី២៨ ខែសីហា ឆ្នាំ២០២៥ កន្លងទៅនេះជាលទ្ធផល វិទ្យាល័យ ហ៊ុន សែន កំពង់ភ្នំ សិស្សជាប់និទ្ទេសAចំនួន៧នាក់, វិទ្យាល័យ ប៊ុនរ៉ានី ហ៊ុនសែនពាមរាំងជាប់ និទ្ទេស A ចំនួន ៤នាក់ (ស្រី ២ នាក់), វិទ្យាល័យ សម្តេចអគ្គ មហាសេនាបតីតេជោហ៊ុនសែនក្អមសំណរសិស្សប្រឡងជាប់និទ្ទេស A ចំនួន១នាក់ (ស្រី ១នាក់)៕ អត្ថបទ.ភារម្យ

កម្ពុជានឹងទទួលរងឥទ្ធិពលព្យុះទី២៥ «កាលម៉េហ្គី» កម្រិត៣០% នៅចន្លោះរវាងចាប់ពីថ្ងៃទី៦ ដល់ទី៨ ខែវិច្ឆិកា

សម្ពាធទាបដែលកើតនៅមហាសមុទ្រប៉ាស៊ីហ្វិកខាងលិច បានវិវត្តទៅជាព្យុះទី២៥ ឈ្មោះ កាលម៉េហ្គី (Kalmaegi)T2525 ហើយមានឥទ្ធិពលលើរបបខ្យល់មូសុងឦសាន ដែលបក់លើសមុទ្រចិនខាងត្បូង សមុទ្រអានដាមម៉ែន អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាដែលស្ថិតនៅក្បែរគន្លងផ្លូវដើររបស់ព្យុះ កាលម៉េហ្គី នេះ ទទួលរងឥទ្ធិពលកម្រិត ៣០% នៅចន្លោះរវាងចាប់ពីថ្ងៃទី៦ ដល់ទី៨ ខែវិច្ឆិកា។ នេះបើយោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម។ក្រសួងធនធានទឹកបានបញ្ជាក់ថា ស្ថានភាពបែបនេះនឹងធ្វើឱ្យធាតុអាកាស ចាប់ពីថ្ងៃទី០២ ដល់ថ្ងៃទី១០ ខែវិច្ឆិកា ឆ្នាំ២០២៥៖១.តំបន់វាលទំនាប៖ ខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រៃវែង កណ្ដាល តាកែវ ស្វាយរៀង និងរាជធានីភ្នំពេញ អាចមានភ្លៀងធ្លាក់ និងខ្យល់បោកបក់ខ្លាំងជាមួយបាតុភូត ខ្យល់កន្ត្រាក់គ្របដណ្ដប់លើផ្ទៃដី ២៥%។២.តំបន់ខ្ពង់រាប៖ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ជួរភ្នំដងរែក និង តំបន់ជួរភ្នំក្រវាញ អាចមានភ្លៀងធ្លាក់ និងខ្យល់បោកបក់ខ្លាំងជាមួយបាតុភូតខ្យល់កន្ត្រាក់គ្របដណ្ដប់លើផ្ទៃដី ៦៥%។ ៣.តំបន់មាត់សមុទ្រ៖ ខេត្តកោះកុង ព្រះសីហនុ កំពត កែប និងជួរភ្នំបូកគោ បរិមាណទឹកភ្លៀងនឹងអាចកើនឡើងក្នុង កម្រិតមធ្យម និងមានខ្យល់បោកបក់ខ្លាំងជាមួយបាតុភូតខ្យល់កន្ត្រាក់គ្របដណ្ដប់លើផ្ទៃដី ៥០%។ រលកសមុទ្របោក បក់ខ្លាំង ដែលមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ២,៥០ម៉ែត្រ។យោងលើការព្យាករខាងលើ ក្រសួងអំពាវនាវដល់សាធារណជនមេត្តាប្រុងប្រយ័ត្នខ្ពស់ ជាពិសេសបងប្អូនដែលធ្វើដំណើរតាមផ្លូវគោក និងផ្លូវទឹក។ ក្រសួងធនធានទឹក និងឧតុនិយម នឹងបន្តធ្វើការតាមដាន និងវិភាគអំពី ស្ថានភាពធាតុអាកាសដើម្បីជម្រាបជូនជាបន្តបន្ទាប់ ក្នុងករណីមានការប្រែប្រួល៕

បណ្ដាញសង្គម

ព័ត៌មានថ្មីៗ

ឯកអគ្គរដ្ឋទូត៖ ប៉ាគីស្ថាននៅតែរក្សាទំនាក់ទំនងជាមួយរុស្ស៊ីជុំវិញបញ្ហាអ៊ីរ៉ង់

CENTCOM៖ សហរដ្ឋអាមេរិកបានបាញ់ទម្លាក់មីស៊ីលអ៊ីរ៉ង់ដែលបាញ់ឆ្ពោះទៅប្រទេសកូវ៉ែត និងបារ៉ែន

លោក PUTIN៖ រុស្ស៊ីនឹងបន្តសាងសង់រោងចក្រនុយក្លេអ៊ែរនៅក្នុងប្រទេសអ៊ីរ៉ង់ នៅពេលស្ថានការណ៍ស្ងប់ស្ងាត់

សារព័ត៌មាន Politico ៖ ប្រទេសណាតូកំពុងពិភាក្សាអំពីកញ្ចប់ជំនួយហិរញ្ញវត្ថុចំនួន ៧០ ពាន់លានអឺរ៉ូសម្រាប់អ៊ុយក្រែន

អៀរឡង់ដាក់បម្រាមធ្វើដំណើរលើរដ្ឋមន្ត្រីអ៊ីស្រាអែលពីររូបមិនឲ្យចូលប្រទេសនេះ

ទីប្រឹក្សាមេដឹកនាំកំពូលអ៊ីរ៉ង់អំពាវនាវឲ្យលោក TRUMP បញ្ឈប់ការបិទច្រកសមុទ្រហ័រមូស និងដោះលែងទ្រព្យសកម្មរបស់ក្រុងតអេរ៉ង់

ប្រព័ន្ធផ្សព្វផ្សាយ៖ អ៊ីរ៉ង់ច្រានចោលការអះអាងដែលថា ខ្លួនយល់ព្រមប្រគល់សារធាតុអ៊ុយរ៉ានីញ៉ូមឲ្យទៅប្រទេសទី៣

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ផ្លូវជាតិលេខ៩២ ដែលជាផ្លូវក្រវាត់ព្រំដែនដ៏សំខាន់ត្រូវបានជួសជុលរួចរាល់ ១០០%

ឯកឧត្តមឧបនាយករដ្ឋមន្ត្រី ហ៊ុន ម៉ានី ដង្ហែអង្គកឋិនទានទៅកាន់ វត្តម្រុំខាងជើង ខេត្តកំពង់ស្ពឺ

ពលរដ្ឋនៅព្រំដែនកម្ពុជា-ថៃ ខេត្ដព្រះវិហារ ទទូចដល់សហគមន៍អន្តរជាតិជំរុញថៃឱ្យដោះលែងកងទ័ពកម្ពុជា ១៨រូប

ក្រសួងវប្បធម៌ នឹងរៀបចំពិព័រណ៍សិល្បៈសិប្បកម្មអបអរខួប១០ឆ្នាំ ល្បែងទាញព្រ័ត្រចុះបញ្ជី UNESCO

FASMEC នឹងរៀបចំពិព័រណ៍ជំរុញការប្រើប្រាស់ផលិតផលខ្មែរលើកទី២ នៅថ្ងៃទី ៥-៦-៧ ខែវិចិ្ឆកានេះ

មន្រ្តីជាន់ខ្ពស់ជំរុញឱ្យសិស្សានុសិស្សប្រឹងប្រែងរៀនសូត្រឱ្យក្លាយជាធនធានមនុស្សល្អសម្រាប់សង្គមជាតិ

កម្ពុជានឹងទទួលរងឥទ្ធិពលព្យុះទី២៥ «កាលម៉េហ្គី» កម្រិត៣០% នៅចន្លោះរវាងចាប់ពីថ្ងៃទី៦ ដល់ទី៨ ខែវិច្ឆិកា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ផ្លូវជាតិលេខ៩២ ដែលជាផ្លូវក្រវាត់ព្រំដែនដ៏សំខាន់ត្រូវបានជួសជុលរួចរាល់ ១០០%

ឯកឧត្តមឧបនាយករដ្ឋមន្ត្រី ហ៊ុន ម៉ានី ដង្ហែអង្គកឋិនទានទៅកាន់ វត្តម្រុំខាងជើង ខេត្តកំពង់ស្ពឺ

ក្រសួងវប្បធម៌ នឹងរៀបចំពិព័រណ៍សិល្បៈសិប្បកម្មអបអរខួប១០ឆ្នាំ ល្បែងទាញព្រ័ត្រចុះបញ្ជី UNESCO

FASMEC នឹងរៀបចំពិព័រណ៍ជំរុញការប្រើប្រាស់ផលិតផលខ្មែរលើកទី២ នៅថ្ងៃទី ៥-៦-៧ ខែវិចិ្ឆកានេះ

មន្រ្តីជាន់ខ្ពស់ជំរុញឱ្យសិស្សានុសិស្សប្រឹងប្រែងរៀនសូត្រឱ្យក្លាយជាធនធានមនុស្សល្អសម្រាប់សង្គមជាតិ

កម្ពុជានឹងទទួលរងឥទ្ធិពលព្យុះទី២៥ «កាលម៉េហ្គី» កម្រិត៣០% នៅចន្លោះរវាងចាប់ពីថ្ងៃទី៦ ដល់​ទី៨ ខែវិច្ឆិកា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានឹងទទួលរងឥទ្ធិពលព្យុះទី២៥ «កាលម៉េហ្គី» កម្រិត៣០% នៅចន្លោះរវាងចាប់ពីថ្ងៃទី៦ ដល់ទី៨ ខែវិច្ឆិកា