នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ហ៊ុន ចាន់ បញ្ញាបុត្រ ចៅសម្តេចតេជោ ហ៊ុន សែន និស្សិតខ្មែរទី២ បញ្ចប់ការសិក្សាពីរាជបណ្ឌិតសភាយោធាសាន់ហឺស ក្នុងប្រទេសអង់គ្លេស
នាវាទេសចរណ៍ខ្នាតយក្ស VIKING VENUS នាំភ្ញៀវបរទេសជិត ៩០០ នាក់ ចូលចតនៅកំពង់ផែស្វយ័តក្រុងព្រះសីហនុ
ភ្ញៀវបរទេស ចាប់អារម្មណ៍ខ្លាំងចំពោះដំណើរកម្សាន្តនៅកម្ពុជា អំឡុងពិធីបុណ្យចូលឆ្នាំថ្មី
ក្រុមហ៊ុន CCCC បង្ហាញបំណងពង្រីកការវិនិយោគបន្ថែមនៅកម្ពុជា

ព័ត៌មានជាតិ

ឯកឧត្តមអភិសន្តិបណ្ឌិត ស សុខា ដឹកនាំប្រតិភូចុះសួរសុខទុក្ខ និងនាំអំណោយជូនជនភៀសសឹក នៅខេត្តព្រះវិហារ

2025/09/08 04:39:25 pm        355
Facebook Telegram Linkin
ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រួមជាមួយគណៈប្រតិភូអមដំណើរ នាព្រឹកថ្ងៃទី០៨ ខែកញ្ញា ឆ្នាំ២០២៥ បានចុះសាកសួរសុខទុក្ខ និងនាំយកអំណោយមានជា អង្ករ ទឹកសុទ្ធ តង់ គ្រឿងឧបភោគ បរិភោគ សម្ភារប្រើប្រាស់ចាំបាច់ផ្សេងៗ និងថវិកាមួយចំនួន មកចែកជូនបងប្អូនប្រជាពលរដ្ឋជនភៀស សឹក ដែលកំពុងស្នាក់នៅមណ្ឌលសុវត្ថិភាពវត្តពោធិ៍ ៥០០០ដើម ក្នុងស្រុកគូលែន ខេត្តព្រះវិហារ ។ថ្លែងក្នុងឱកាសនោះឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី បានពាំនាំនូវប្រសាសន៍ផ្តាំផ្ញើរសាកសួរសុខទុក្ខពីសំណាក់ សម្តេចទាំងទ្វេ ជូនដល់បងប្អូនប្រជាពលរដ្ឋដែលកំពុងស្នាក់នៅបណ្តោះអាសន្ននៅក្នុងមណ្ឌលសុវត្ថិភាពវត្តពោធិ៍ ៥០០០ដើម ដែលសម្តេចតែងតែគិតគូរ យកចិត្តទុកដាក់ចំពោះសុខទុក្ខបងប្អូនប្រជាពលរដ្ឋដែលជាជនភៀសសឹក ក៏ដូចជាគ្រួសារកងទ័ព និងវីរយុទ្ធជនគ្រប់រូប ដែលបានបំពេញភារកិច្ច ដើម្បីការពារបូរណភាពទឹកដី។ ហើយគ្រប់ការលះបង់សាច់ស្រស់ ឈាមស្រស់ទាំងអស់របស់វីរយុទ្ធជនត្រូវបានថ្នាក់ដឹកនាំជាតិ ចងចាំ និងដឹងគុណជានិច្ច ហើយក្រុមគ្រួសាររបស់វីរយុទ្ធជននឹងមិនត្រូវបានបំភ្លេចចោលឡើយ។នាឱកាសនោះ ឯកឧត្តម គីម រិទ្ធី អភិបាលខេត្តព្រះវិហារ បានគូសបញ្ជាក់ថា ឯកឧត្តម ឧបនាយករដ្ឋមន្ត្រី នាពេលនេះ គឺពិតជាបានឆ្លុះបញ្ចាំងឱ្យឃើញនូវការយកចិត្តទុកដាក់ ក្តីស្រឡាញ់ ក្តីអាណិតអាសូរ គិតគូរអំពី សុខទុក្ខ របស់បងប្អូនប្រជាពលរដ្ឋក្នុងគ្រាលំបាក ជាពិសេស គឺស្ថិតក្នុងកាលៈទេសៈដែលកំពុង ប្រឈមនឹងការឈ្លានពានដោយកម្លាំងប្រដាប់អាវុធសៀម រំលោភបំពានយ៉ាងធ្ងន់ធ្ងរមកលើបូរណភាពទឹកដី និងអធិបតេយ្យភាពរបស់កម្ពុជា៕ 

មេដឹកនាំកម្ពុជា-ហ្វីលីពីន ប្តេជ្ញាចិត្តយ៉ាងមុតមាំលើកកម្ពស់ទំនាក់ទំនង និងកិច្ចសហប្រតិប្រត្តិការជាមួយគ្នាលើវិស័យជាច្រើន

2025/09/08 04:39:03 pm        162
Facebook Telegram Linkin
ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបង្ហាញការជឿជាក់ថា ដំណើរទស្សនកិច្ចផ្លូវរដ្ឋ របស់ប្រធានាធិបតីហ្វីលីពីន នាឱកាសនេះ ព្រមទាំងទស្សនកិច្ចផ្លូវការរបស់សម្ដេចនៅប្រទេសហ្វីលីពីនកាលពីដើមឆ្នាំ២០២៥កន្លងមក បានឆ្លុះបញ្ចាំងពីមិត្តភាពរឹងមាំ និងការប្តេជ្ញាចិត្តមុតមាំរបស់រដ្ឋាភិបាលនៃប្រទេសទាំងពីរក្នុងការលើកកម្ពស់ទំនាក់ទំនងកម្ពុជា-ហ្វីលីពីនឱ្យកាន់តែខ្ពស់ថែមទៀត។ សម្ដេចធិបតី នាយករដ្ឋមន្រ្ដី មានប្រសាសន៍នញ្ជាក់បែបនេះ ក្នុងឱកាសចូលរួមធ្វើសន្និសីទសារព័ត៌មានរួម ជាមួយ ឯកឧត្តម ហ្វឺឌីណាន់ រ៉ូម៉ូលដេស ម៉ាកូស ជូញៀ (Ferdinand Romualdez Marcos Jr.) ប្រធានាធិបតី នៃសាធារណរដ្ឋហ្វីលីពីន នៅព្រឹកថ្ងៃទី៨ ខែកញ្ញា ឆ្នាំ២០២៥នេះ នៅវិមានសន្តិភាព។ក្នុងឱកាសនោះ សម្ដេចធិបតីបានថ្លែងថា កម្ពុជាផ្ដល់សារៈសំខាន់ ចំពោះទំនាក់ទំនងយូរអង្វែងជាមួយហ្វីលីពីន ដោយឈរលើមូលដ្ឋាននៃគោលការណ៍គោរពគ្នាទៅវិញទៅមក និងផលប្រយោជន៍រួម។ រយៈពេលជាច្រើនឆ្នាំកន្លងមក ភាពជាដៃគូនៃប្រទេសយើងទាំងពីរ បានរីកចម្រើនលើគ្រប់វិស័យ រួមមាន៖ វិស័យការពារជាតិ និងសន្តិសុខ, ពាណិជ្ជកម្ម និងវិនិយោគ, កិច្ចសហប្រតិបត្តិការសេដ្ឋកិច្ច និងការតភ្ជាប់រវាងប្រជាជន និងប្រជាជន។សម្ដេចនាយករដ្ឋមន្រ្ដីបានថ្លែងថា តាមរយៈជំនួបពិភាក្សារវាងសម្ដេច និងឯកឧត្តមប្រធានាធិបតីហ្វីលីពីន បានប្រព្រឹត្តិទៅប្រកបដោយលទ្ធផលជាផ្លែផ្កា ដោយមានការចុះហត្ថលេខាលើអនុស្សរណៈនៃការយោគយល់គ្នាចំនួនពីរ ស្តីពី «សេវាអាកាសចរណ៍ និងកិច្ចសហប្រតិបត្តិការលើវិស័យអប់រំ» រួមទាំងលិខិតប្តូរសារស្ដីពី «កិច្ចសហប្រតិបត្តិការប្រយុទ្ធប្រឆាំងនឹងឧក្រិដ្ឋកម្មឆ្លងដែន»។សម្ដេចនាយករដ្ឋមន្រ្ដីបានថ្លែងថា វិស័យពាណិជ្ជកម្ម, វិនិយោគ និងកិច្ចសហប្រតិបត្តិការសេដ្ឋកិច្ច, កម្ពុជា-ហ្វីលីពីនបានពិភាក្សាអំពីគំនិតផ្តួចផ្តើម និងយន្តការជាក់ស្តែង ទាំងក្នុងក្របខ័ណ្ឌរដ្ឋាភិបាល និងវិស័យឯកជន។ កម្ពុជាត្រៀមខ្លួនធ្វើជាដៃគូគួរឱ្យទុកចិត្ត ក្នុងការចូលរួមចំណែកដល់សន្តិសុខស្បៀងរបស់ហ្វីលីពីន។ កម្ពុជាសូមអរគុណសហគមន៍ហ្វីលីពីននៅកម្ពុជា ដែលបានរួមចំណែកក្នុងការអភិវឌ្ឍសង្គម-សេដ្ឋកិច្ច នៃប្រទេស ទាំងពីរ។ កម្ពុជាសូមស្វាគមន៍ប្រជាជនហ្វីលីពីនកាន់តែច្រើន អញ្ជើញចូលមកកម្ពុជា ក្នុងនាមជាភ្ញៀវទេសចរជាវិនិយោគិន និងដៃគូអាជីវកម្ម និងរីករាយចំពោះកំណើន នៃទំនាក់ទំនងរវាងប្រជាជន និងប្រជាជន។ដោយឡែកការអភិវឌ្ឍសង្គម និងមូលធនមនុស្ស កម្ពុជា-ហ្វីលីពីន បានកំណត់អំពីកាលានុវត្តភាពនានា ដើម្បីបង្កើនកិច្ចសហប្រតិបត្តិការលើ វិស័យអប់រំ, ការបណ្តុះបណ្តាលបច្ចេកទេសនិងវិជ្ជាជីវៈ សុខុមាលភាពរបស់ពលករ និងការថែទាំសុខភាព។ វិស័យទាំងនេះជួយធ្វើឱ្យប្រសើរឡើងដោយផ្ទាល់នូវគុណភាព នៃជីវិតរបស់ប្រជាពលរដ្ឋនៃប្រទេសយើងទាំងពីរ។សម្ដេចនាយករដ្ឋមន្រ្តីនៃកម្ពុជា បានបញ្ជាក់ថាពាក់ព័ន្ធនឹងវិស័យការពារជាតិ និងសន្តិសុខ យើងនឹងបន្តពង្រឹងកិច្ចសហការបន្ថែមទៀត តាមរយៈការកសាងសមត្ថភាពការហ្វឹកហ្វឺនរួមគ្នា និងការផ្លាស់ប្ដូរនាយទាហាន។ យើងបានបញ្ជាក់ជាថ្មីនូវការប្តេជ្ញាចិត្តរួមគ្នា ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ជាពិសេសការឆបោកតាមប្រព័ន្ធបច្ចេកវិទ្យាតាមរយៈការចែករំលែកព័ត៌មាន និងការអនុវត្តច្បាប់។ ចំពោះកិច្ចសហប្រតិបត្តិការនយោបាយ កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំគណៈកម្មការចម្រុះសម្រាប់កិច្ចសហ-ប្រតិបត្តិការទ្វេភាគី (JCBC) លើកទី៥ នៅឆ្នាំ២០២៦។ JCBC ជាយន្តការទ្វេភាគីសម្រាប់ការត្រួតពិនិត្យអំពីវឌ្ឍនភាព និងដាក់ចេញនូវទិសដៅបន្ត នៃភាពជាដៃគូរបស់យើង»។ក្នុងក្របខ័ណ្ឌតំបន់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ជាថ្មីនូវការគាំទ្រពេញទំហឹងរបស់កម្ពុជា ចំពោះហ្វីលីពីន ដែលនឹងទទួលតួនាទីជាប្រធានអាស៊ានប្តូរវេននៅឆ្នាំក្រោយ។ ហើយកម្ពុជាត្រៀមខ្លួនជាស្រេចក្នុងការចូលរួមពង្រឹងឯកភាព និងមជ្ឈភាពអាស៊ាន។សម្រាប់ទិសដៅបន្ត លោកប្រធានាធិបតីហ្វីលីពីន ម៉ាកូស ជូនៀ និងសម្ដេចធិបតី ហ៊ុន ម៉ាណែត បានឯកភាពក្នុងការបន្តពង្រីកកិច្ចសហប្រតិបត្តិការលើគ្រប់វិស័យ ដើម្បីនាំមកនូវកំណើន, សុខុមាលភាព និង វិបុលភាពរួម ជូនប្រជាជនកម្ពុជា និងហ្វីលីពីន។ ហើយសម្ដេច បានអរគុណ លោកប្រធានាធិបតី ម៉ាកូស ជូនៀ ដែលបានដឹកនាំគណៈប្រតិភូធុរជនហ្វីលីពីន មកចូលរួមវេទិកាធុរកិច្ចនៅកម្ពុជា ដែលអនុញ្ញាតឱ្យវិស័យឯកជននៃប្រទេសទាំងពីរ តភ្ជាប់គ្នា និងកសាងភាពជាដៃគូសម្រាប់កំណើន និងនវានុវត្តន៍៕

បុណ្យកាន់បិណ្ឌវេនទី១ អភិបាលខេត្តព្រះវិហារ និងលោកជំទាវ នាំយកទេយ្យទានប្រគេន​ព្រះសង្ឃ នៅវត្តប្រសាទគោបេង

2025/09/08 04:27:49 pm        408
Facebook Telegram Linkin
នៅថ្ងៃទី៨ ខែកញ្ញា ឆ្នាំ២០២៥នេះ ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ និងលោកជំទាវ សុខា គងពិសី ព្រមជាមួយគណ:អភិបាល ថ្នាក់ដឹកនាំ មន្ដ្រីរាជការគ្រប់ជាន់ថ្នាក់ បាននាំយកនូវទេយ្យទាន និងបច្ច័យមួយចំនួនប្រគេនដល់ព្រះសង្ឃគង់នៅវត្តប្រាសាទគោកបេង ស្ថិតភូមិគោកបេង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ក្នុងថ្ងៃនៃពិធីបុណ្យកាន់បិណ្ឌ វេនទី១។ពិធីបុណ្យកាន់បិណ្ឌ និងភ្ជុំបិណ្ឌឆ្នាំ២០២៥នេះ ប្រព្រឹត្តទៅចាប់ពីថ្ងៃ១រោច ដល់ថ្ងៃ ១៥រោច ខែភទ្របទ ត្រូវនឹងថ្ងៃទី៨ ដល់ថ្ងៃទី២៣ ខែកញ្ញា ឆ្នាំ២០២៥។នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទ មានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា៕

ក្រុមប្រឹក្សាខេត្តប៉ៃលិន ប្រជុំសាមញ្ញលើកទី១៦ អាណត្តិទី៤

2025/09/08 03:44:25 pm        470
Facebook Telegram Linkin
ប៉ៃលិន៖ នាព្រឹកថ្ងៃទី០៨ ខែកញ្ញា ឆ្នាំ២០២៥ ក្រុមប្រឹក្សាខេត្តប៉ៃលិន បាន​បើក​កិច្ច​ប្រជុំ​សាមញ្ញ​លើក​ទី១៦ អាណត្តិទី៤ របស់ខ្លួន ស្ថិតក្រោមអធិបតីភាព ឯកឧត្តម ជា ចាន់ឌិន ប្រធាន​ក្រុម​ប្រឹក្សា​ខេត្ត និងលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ព្រម​ទាំង​មាន​ការ​ចូលរួមពីសំណាក់ឯកឧត្តម លោកជំទាវ សមាជិកក្រុម ប្រឹក្សាខេត្ត, គណៈអភិបាលខេត្ត នាយក នាយករងរដ្ឋបាលខេត្ត នាយកទីចាត់ការ លោក-លោកស្រី ប្រធាន​មន្ទីរ​អង្គ​ភាព​ស្ថាប័ន​ជុំវិញ​ខេត្ត និងអាជ្ញាធរក្រុង-ស្រុក ជាច្រើននាក់ផងដែរ ។កិច្ចប្រជុំនេះមានរបៀបវារៈដូចជា ៖ ១.ពិនិត្យ និងអនុម័តសេចក្តីព្រាងកំណត់ហេតុ នៃកិច្ច​ប្រជុំ​សាមញ្ញ​លើក​ទី១៥ របស់ក្រុមប្រឹក្សាខេត្តប៉ៃលិន អាណត្តិទី៤ ២.ពិនិត្យ និងអនុម័តសេចក្តី​ព្រាង​របាយ​ការណ៍ ស្តីពីការអនុវត្តការងារប្រចាំខែសីហា ឆ្នាំ២០២៥ និងទិសដៅការងារបន្ត របស់​រដ្ឋបាល​​ខេត្តប៉ៃលិន ៣. បញ្ហាផ្សេងៗ។ក្រោយពី​បានស្តាប់ការលើកឡើងពីរបៀបវារៈ និងបញ្ហាសំខាន់ៗក្នុងកិច្ចប្រជុំរួចមក លោកជំទាវ​បណ្ឌិត​ បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាសន៍​ក្រើន​រំលឹក​មន្ទីរ​ជំនាញ​ស្ថាប័ន​ជុំវិញខេត្ត និងអាជ្ញាធរក្រុង/ស្រុក ត្រូវមើលឡើងវិញនូវរាល់បញ្ហា នាពេលកន្លងមក មិន​ត្រូវទុកចោលនោះទេ គឺត្រូវដោះស្រាយជូនពលរដ្ឋឱ្យបានទាន់ពេលវេលា ដោយ​មិន​ត្រូវ​រើស​អើង​ ប្រកាន់បក្សពួកនិយម និងគ្រួសារនិយម ជាពិសេសត្រូវខិតខំដុសខាត់ទាំងចំណេះដឹង និង​សមត្ថ​ភាព ក្នុងនាមជាតំណាងសាធារណៈ ស្វ័យភាពរបស់មូលដ្ឋាន ដើម្បីអនុវត្តតួនាទី និង​ភារកិច្ច​របស់ខ្លួន ឆ្លើយតបទៅនឹងតម្រូវការចាំបាច់របស់ប្រជាពលរដ្ឋ ប្រកបដោយសមធម៌ បរិយាប័ន្ន និងមានចីរភាព ឈានឆ្ពោះទៅរួមចំណែក​ជាមួយ​រាជ​រដ្ឋាភិបាល​ក្នុង​ការ​កាត់​បន្ថយ​ភាព​ក្រីក្រ​។ឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន បានមានប្រសាសន៍កោតសរសើរ និង​វាយ​តម្លៃ​ខ្ពស់ ចំពោះរដ្ឋបាលខេត្តប៉ៃលិន ដែលមានលោកជំទាវបណ្ឌិត បាន ស្រីមុំ ជាអភិបាលខេត្ត បាន​ខិត​ខំប្រឹងប្រែងធ្វើការដោះស្រាយនូវរាល់បញ្ហានានាជូនដល់ប្រជាពលរដ្ឋ និងការ​អនុវត្ត​នូវ​គោល​នយោបាយភូមិ/ឃុំមានសុវត្តិភាព នៅតាមមូលដ្ឋានប្រកបដោយប្រសិទ្ធិភាពខ្ពស់ និង​បាន​ធ្វើ​ការ​អភិវឌ្ឍខេត្ត ឱ្យមានការរីកចំរើនជាបន្តបន្ទាប់គួរជាទីមោទន ដែលធ្វើអោយភ្ញៀវជាតិ និង​អន្តរជាតិ​មក​កម្សាន្ត មានការស្ងើចសសើរមិនដាច់ពីមាត់ ចំពោះការកែប្រែមុខ​មាត់​ថ្មី​របស់​ខេត្ត​ប៉ៃលិន ជាពិសេស បានជួយសម្របសម្រួល ដោះស្រាយបញ្ហាជូនប្រជាពលករ ដែល​វិញ​ត្រឡប់​មក​ពី​ប្រទេសថៃ តាមច្រកទ្វារព្រំដែនអន្តរជាតិព្រំ និង បានស្វះស្វែង​ទំនាក់​ទំនង​ជាមួយ​ក្រុម​ហ៊ុន​រក​ការងារជូនបងប្អូនពលករទាំងនោះផងដែរ៕

អ្នកនាំពាក្យក្រសួងការពារជាតិកម្ពុជា៖ ថ្ងៃទីពីរកិច្ចប្រជុំក្រុមលេខា GBC កម្ពុជា និងថៃ បន្តពិភាក្សាគ្នាជំរុញប្រសិទ្ធភាព ភាពជឿជាក់អំពីការអនុវត្តបទឈប់បាញ់ និងកសាង​ទំនុកចិត្ត​ជាមួយគ្នា

2025/09/08 02:39:32 pm        240
Facebook Telegram Linkin
អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បញ្ជាក់ថា នៅថ្ងៃទី៨ ខែកញ្ញា ឆ្នាំ២០២៥ នេះ គឺជាថ្ងៃទីពីរ នៃកិច្ចប្រជុំក្រុមលេខាធិកាគណៈកម្មាធិការព្រំដែនទូទៅកម្ពុជា-ថៃ (GBC) បានបន្តពិភាក្សាបន្ថែមទៀតក្នុងការជំរុញប្រសិទ្ធភាព ភាពជឿជាក់អំពីការអនុវត្តកិច្ចព្រមព្រៀងបទឈប់បាញ់ និងការកសាងទំនុកចិត្តជាមួយគ្នា។អ្នកនាំពាក្យក្រសួងការពារជាតិបញ្ជាក់ថាថ្ងៃនេះ គឺជាថ្ងៃទីពីរ នៃកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) ដែលបានចាប់ផ្តើមហើយនៅវេលាម៉ោង ១:៥០នាទីរសៀលនេះ ក្នុងខេត្តកោះកុង ព្រះរាជាណាចក្រកម្ពុជា។ អ្នកនាំពាក្យក្រសួងការពារជាតិ បានបន្តថា ក្រុមលេខាធិការរបស់កម្ពុជា ដឹកនាំដោយ ឧត្តមសេនីយ៍ទោ ញ៉ែម បូរ៉ាដែន និងក្រុមលេខាធិការរបស់ថៃ ដឹកនាំដោយ ឧត្តមសេនីយ៍ឯក ណាត់ថាផុង ប្រាវកែវ ។កិច្ចប្រជុំបានបន្តពិភាក្សាបន្ថែមទៀតក្នុងការជំរុញប្រសិទ្ធភាព ភាពជឿជាក់អំពីការអនុវត្តកិច្ចព្រមព្រៀង បទឈប់បាញ់ និងការកសាងទំនុកចិត្តជាមួយគ្នា។ បើតាមអ្នកនាំពាក្យក្រសួងការពារជាតិ កិច្ចប្រជុំនេះធ្វើឡើង ដើម្បីត្រៀមរៀបចំសម្រាប់កិច្ច ប្រជុំពិសេស គណៈកម្មាធិការព្រំដែនទូទៅកម្ពុជា-ថៃ (GBC) ដែលនឹងប្រព្រឹត្តនៅថ្ងៃទី១០ ខែកញ្ញា ឆ្នាំ២០២៥ ខាងមុខនេះ៕

កិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) បានបន្តជួបពិភាក្សាគ្នា

2025/09/08 02:16:43 pm        653
Facebook Telegram Linkin
នារសៀលថ្ងៃទី៨ ខែកញ្ញា ឆ្នាំ២០២៥ កិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) បានបន្តជួបពិភាក្សាគ្នានៅខេត្តកោះកុង ដើម្បីពិភាក្សាបន្ថែមទៀតក្នុងការជំរុញ ប្រសិទ្ធភាព និងភាពជឿជាក់អំពីការអនុវត្តកិច្ចព្រមព្រៀងបទឈប់បាញ់ និងការកសាងទំនុកចិត្តជាមួយគ្នា។ គណៈប្រតិភូក្រុមលេខាធិការរបស់កម្ពុជា ដឹកនាំដោយ ឧត្តមសេនីយ៍ទោ ញ៉ែម បូរ៉ាដែន ប្រធានក្រុមលេខាធិការ (GBC) និងគណៈប្រតិភូក្រុមលេខាធិការរបស់ថៃ ដឹកនាំដោយ ឧត្តមសេនីយ៍ ឯក ណាត់ថាផុង ប្រាវកែវ ប្រធានក្រុមលេខាធិការ GBC។ក្រុមលេខាធិការដ្ឋាននៃភាគីទាំងពីរបានផ្លាស់ប្តូរឯកសារជាមុន ដើម្បីត្រៀម ពិភាក្សាក្នុងកិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) ដែលនឹងដំណើរការកិច្ចប្រជុំរបស់ខ្លួន ចាប់ពីថ្ងៃទី៧ ដល់ថ្ងៃទី៩ ខែកញ្ញា ឆ្នាំ២០២៥ នេះតទៅ ដើម្បីត្រៀមរៀបចំ កិច្ចប្រជុំគណៈកម្មាធិការព្រំដែនទូទៅកម្ពុជា-ថៃ (GBC) លើកទី១៨ ដែលនឹងប្រព្រឹត្តនៅថ្ងៃទី១០ ខែកញ្ញា ឆ្នាំ២០២៥ ខាងមុខនេះ ហើយកម្ពុជាគឺជាម្ចាស់ផ្ទះនៃកិច្ចប្រជុំ។

ប្រធានសមាគមស្បែកជើងនៅកម្ពុជា៖ រោងចក្រស្បែកជើងជាច្រើន បន្តប្រកាសជ្រើសរើសកម្លាំងពលកម្ម

2025/09/08 02:04:39 pm        225
Facebook Telegram Linkin
ភ្នំពេញ៖ ប្រធានសមាគមស្បែកជើងនៅកម្ពុជា បានឱ្យដឹងថា គិតមកដល់ពេលនេះ រោងចក្រ សហគ្រាសដែលជាសមាជិកក្នុងសមាគមរបស់លោក កំពុងតែមានតម្រូវការកម្លាំងពលកម្មបន្ថែមទៀត សម្រាប់បងប្អូនពលករខ្មែរត្រឡប់មកពីថៃ ក៏ដូចជាបងប្អូនដែលមិនទាន់មានការងារធ្វើ។នេះបើតាមការបញ្ជាក់របស់ អ្នកឧកញ៉ា លី ឃុនថៃ ប្រធានសមាគមស្បែកជើងកម្ពុជា និងជាទីប្រឹក្សាសម្តេចធិបតី ហ៊ុន ម៉ាណែត នាយករដ្ឋមន្រ្តី ក្នុងឱកាសចុះសួរសុខទុក្ខប្រជាពលរដ្ឋទើបត្រឡប់មកពីថៃចំនួនជាង ៥០០នាក់បន្ថែមទៀត ដែលទើបទទួលបានការងារក្នុងរោងចក្រស្បែកជើង កាលពីថ្ងៃទី៦ ខែកញ្ញា ឆ្នាំ២០២៥ កន្លងទៅ។ អ្នកឧកញ៉ា បានឱ្យដឹងថា បើទោះបីជាមានការជួយសម្របសម្រួល ស្វែងរកកម្លាំងពលកម្ម និងជួយផ្គូរផ្គងការងារជាច្រើន តាមរយៈរាជរដ្ឋាភិបាលកម្ពុជា ក៏ដូចជាសមាគម និងដៃគូពាក់ព័ន្ធនានាក៏ដោយ ប៉ុន្តែសព្វថ្ងៃនេះក្រៅពីរោងចក្រក្នុងវិស័យស្បែកជើង ក៏មានក្រុមហ៊ុនជាច្រើនផ្សេងទៀត បន្តប្រកាសតម្រូវការកម្លាំងពលកម្មជាច្រើននាក់ថែមទៀត ដោយសារោងចក្រមានការពង្រីកអគារបន្ថែម ក្នុងនោះត្រូវការជំនាញផ្នែកដេរ ផ្នែកវេចខ្ចប់ និងផ្នែកពិនិត្យគុណភាពជាដើម។ អតីតពលករមកពីថៃ បច្ចុប្បន្នជាកម្មការិនីរោងចក្រស្បែកជើង ស្ថិតនៅស្រុកកណ្តាលស្ទឹង ខេត្តកណ្តាល បាននិយាយឱ្យដឹងថា ឆ្លងកាត់បទពិសោធន៍ជាច្រើនឆ្នាំនៅថៃ អ្នកស្រីបានមើលឃើញថា ការរស់នៅនិងធ្វើការនៅស្រុកគេ ពិតជាលំបាកច្រើន ទាំងការទំនាក់ទំនង ការហូបចុក ជាពិសេសការរស់នៅឆ្ងាយពីក្រុមគ្រួសារកូនចៅ ហើយប្រាក់ឈ្នួលក៏មិនលើសគ្នាជាដើម។ យោងតាមក្រសួងការងារ និងបណ្តុះបណ្តាលវិជ្ជាជីវៈ គិតក្នុងរយៈពេល ២ខែកន្លងមកនេះ បានស្វែងរកឱកាសការងារជូនអតីតពលករខ្មែរ ដែលទើបត្រឡប់មកពីប្រទេសថៃវិញរាប់សែនកន្លែង។ ក្នុងនោះ មានអតីតពលករប្រមាណ ២១ម៉ឺននាក់ បានទទួលការងារធ្វើនៅតាមរោងចក្រ សហគ្រាស និងគ្រឹះស្ថាននានា ដែលស្ថិតនៅក្នុងប្រព័ន្ធ។ ដោយឡែក អតីតពលកររាប់ម៉ឺន រាប់សែននាក់ផ្សេងទៀត បានធ្វើការងារនៅតាមការដ្ឋានសំណង់, សិប្បកម្ម, អាជីវកម្ម និងកសិដ្ឋានផ្សេងៗទៀត ដែលមិនស្ថិតនៅក្នុងប្រព័ន្ធ។ ក្រសួងការងារ បានណែនាំអ្នកចង់ស្វែងរកការងារ ជាពិសេសពលករមកពីថៃ ចង់សួរព័ត៌មានអំពីឱកាសការងារ សូមទាក់ទងទៅកាន់ ១២៩៧៕អត្ថបទ៖ ឈិត បូរ៉ាវី 

សម្តេចប្រមុខរដ្ឋស្ដីទី ចាត់ទុកដំណើរទស្សនកិច្ចប្រធានាធិបតីហ្វីលីពីននឹងរុញច្រានទំនាក់ទំនង និងពាណិជ្ជកម្ម ប្រទេសទាំងពីរឱ្យកាន់តែល្អប្រសើរថែមទៀត

2025/09/08 12:52:37 pm        186
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញជួបប្រជុំកំពូលជាមួយ ឯកឧត្តម Ferdinand Romualdez Marcos Jr. ប្រធានាធិបតីនៃសាធារណរដ្ឋហ្វីលីពីន នៅវិមានសន្តិភាព នាព្រឹកថ្ងៃទី៨ ខែកញ្ញា ឆ្នាំ២០២៥ ក្នុងឱកាសដែលឯកឧត្តមប្រធានាធិបតី ដឹកនាំគណៈប្រតិភូជាន់ខ្ពស់ អញ្ជើញមកបំពេញទស្សនកិច្ចផ្លូវរដ្ឋ រយៈពេល០៣ថ្ងៃ នៅព្រះរាជាណាចក្រកម្ពុជា។ឯកឧត្តម ជា ធីរិទ្ធ អ្នកនាំពាក្យ ព្រឹទ្ធសភា បានឱ្យដឹងនៅក្រោយជំនួបនេះថា ជាកិច្ចចាប់ផ្ដើមនៃជំនួបនេះ សម្ដេចតេជោ ក្នុងព្រះបរមនាមព្រះមហាក្សត្ររបស់កម្ពុជា បានសម្ដែងនូវការស្វាគមន៍ និងនាំនូវការសួរសុខទុក្ខពីព្រះមហាក្សត្រនៃព្រះរាជាណាចក្រកម្ពុជា ចំពោះឯកឧត្តមប្រធានាធិបតីដែលបានអញ្ជើញមកបំពេញទស្សនកិច្ចនៅកម្ពុជា ហើយក្នុងនាមសម្ដេចផ្ទាល់បានបង្ហាញនូវក្ដីរីរាយ និងស្វាគមន៍ចំពោះឯកឧត្តមប្រធានាធិបតីហ្វីលីពីនផងដែរ, សម្ដេចតេជោ បានចាត់ទុកដំណើរទស្សនកិច្ចរបស់ឯកឧត្តមប្រធានាធិបតីនាពេលនេះ គឺជាផ្នែកដ៏សំខាន់ក្នុងការរុញច្រាននូវទំនាក់ទំនងរវាងកម្ពុជា និងហ្វីលីពីនឱ្យកាន់តែរីកចម្រើន។ នៅក្នុងឱកាសនោះឯកឧត្តមប្រធានាធិបតីហ្វីលីពីន បានសម្ដែងនូវការអរគុណ និងបានផ្ដាំតាមរយៈសម្ដេចប្រមុខរដ្ឋស្ដីទី ថ្វាយចំពោះព្រះមហាក្សត្រនៃព្រះរាជានាចក្រកម្ពុជា នូវការសួរសុខទុក្ខ ហើយឯកឧត្តមក៏បានបង្ហាញនូវក្ដីរីករាយដែលឯកឧត្តមបានអញ្ជើញមកដល់ព្រះរាជាណាចក្រកម្ពុជា។ ឯកឧត្តមក៏បានឃើញនូវយុវជន ប្រជាពលរដ្ឋខ្មែរនៅអបតាមដងផ្លូវដោយបានស្វាគមន៍ឯកឧត្តមយ៉ាងកក់ក្ដៅដែលធ្វើឱ្យឯកឧត្តម និងគណៈប្រតិភូមានការរំភើបចិត្តយ៉ាងខ្លាំងចំពោះបដិសណ្ឋារកិច្ចដ៏ល្អប្រសើររបស់ប្រជាជនកម្ពុជា និងរាជរដ្ឋាភិបាលកម្ពុជាចំពោះឯកឧត្តម។ ក្នុងឱកាសនោះសម្ដេចតេជោ បានលើកឡើងអំពីការរពង្រីកទំនាក់ទំនងរវាងកម្ពុជា និងហ្វីលីពីនបន្ថែមទៀតដោយសម្ដេចបានបញ្ជាក់អំពីទំនាក់ទំនងផ្នែកពាណិជ្ជកម្មដោយសម្ដេចតេជោបានផ្ដល់យោបល់ដល់រដ្ឋាភិបាលហ្វីលីពីន និងរដ្ឋាភិបាលកម្ពុជាធ្វើយ៉ាងណាបង្កើននូវការធ្វើពាណិជ្ជកម្មជាមួយគ្នាឱ្យបានច្រើនបន្ថែមទៀតដែលពេលបច្ចុប្បន្នទំហំពាណិជ្ជកម្មប្រទេសទាំងពីរគឺនៅមានកម្រិតនៅឡើយ។ បន្ថែមពីនេះ សម្ដេចតេជោក៏បានរំលេចំអំពីវិស័យទេសចរណ៍ ដែលប្រទេសទាំងពីរត្រូវពង្រឹងជាមួយគ្នាក្នុងការផ្លាស់ប្ដូរប្រជាជន និងប្រជាជន, សម្ដេចតេជោក៏បានអរគុណដល់ឯកឧត្តមប្រធានាធិបតីហ្វីលីពីន និងរំលេចថាដំណើរទស្សនកិច្ចរបស់ឯកឧត្តមប្រៀបបីដូចជាអញ្ជើញបិទនូវអាកាសយានដ្ឋានអន្តរជាតិភ្នំពេញ ហើយឯកឧត្តមអញ្ជើញទៅវិញនៅថ្ងៃស្អែកនឹងធ្វើដំណើរតាមអាកាសយានដ្ឋានអន្តរជាតិតេជោថ្មីរបស់កម្ពុជាដែលចាប់ផ្ដើមជើងហោះហើរជាផ្លូវាការនៅថ្ងៃទី៩ ខែកញ្ញាស្អែកនេះហើយឯកឧត្តមជាប្រធានាធិបតីដំបូងគេដែលបានហោះហើរចេញពីអាកាសយដ្ឋានថ្មីរបស់កម្ពុជាដែលនេះបង្ហាញពីទំនាក់ទំនងមួយយ៉ាងល្អប្រសើរ។ ក្នុងឱកាសនោះឯកឧត្តមប្រធានាធិបតីហ្វីលីពីន បានបង្ហាញនូវការអរគុណចំពោះសម្ដេចតេជោ និងការផ្ដល់តម្លៃពីភាគីកម្ពុជា ជាពិសេសឯកឧត្តមលើកឡើងពីការមកដល់អាកាសយានដ្ឋានអន្តរជាតិភ្នំពេញ ដែលជាការបិទ ហើយឯកឧត្តមអញ្ជើញទៅវិញនៅថ្ងៃស្អែកនឹងធ្វើដំណើរតាមអាកាសយានដ្ឋានអន្តរជាតិតេជោថ្មីរបស់កម្ពុជាដែលចាប់ផ្ដើមជើងហោះហើរជាផ្លូវាការ។ ឯកឧត្តមប្រធានាធិបតីហ្វីលីពីន បានឯកឧត្តមចំពោះប្រសាសន៍សម្ដេចតេជោដែលបានលើកឡើងចំពោះការបង្កើននូវទំនាក់ទំនងទ្វេភាគីរវាងប្រទេសទាំងពីរ ដោយត្រូវបង្កើននូវការធ្វើពាណិជ្ជកម្មជាមួយគ្នាឱ្យកាន់តែរីកចម្រើនបន្ថែមទៀត ជាពិសេសកិច្ចសហប្រតិបត្តិការជាមួយគ្នាក្នុងវិស័យទេសចរណ៍។ ឯកឧត្តមប្រធានាធិបតីចាត់ទុកអាកាសយានដ្ឋានអន្តរជាតិតេជោថ្មីរបស់កម្ពុជា ដែលឯកឧត្តមជាប្រធានាធិបតីដំបូងដែលបានធ្វើការហោះហើរ ក៏ជាផ្នែកមួយបង្កើននូវវិស័យទេសចរណ៍រវាងកម្ពុជា និងហ្វីលីពីនផងដែរ ដោយឯកឧត្តមសង្ឃឹមថាវិស័យទេសចរណ៍រវាងប្រទេសទាំងពីរនឹងមានភាពរីកចម្រើនតាមរយៈការពង្រីកទំនាក់ទំនងរវាងប្រទេសទាំងពីរផង និងតាមរយៈអាកាសយានដ្ឋានអន្តរជាតិថ្មីរបស់កម្ពុជាផងដែរ។ ឯកឧត្តមបញ្ជាក់ថា អាកាសយានដ្ឋានអន្តរជាតិថ្មីរបស់កម្ពុជា ក៏ជាផ្នែកមួយបង្កើតនូវទំនាក់ទំនងរវាងប្រជាជន និងប្រជាជនរបស់ប្រទេសទាំងពីរផងដែរ។ ជាចុងក្រោយ​ភាគីទាំងពីរបានលើកឡើងអំពីបញ្ហាព្រំដែន ដោយសម្ដេចតេជោបានពន្យល់ទៅកាន់ឯកឧត្តមប្រធានាធិបតីហ្វីលីពីន អំពីស្ថានភាពព្រំដែននៃព្រះរាជាណាចក្រកម្ពុជា ហើយសម្ដេចតេជោក៏បានសម្ដែងការអរគុណចំពោះហ្វីលីពីនដែលតែងតែគាំទ្រចំពោះការដោះស្រាយដោយសន្ដិវិធីរវាងកម្ពុជា និងថៃនាពេលកន្លងមក ជាពិសេសការគាំទ្ររបស់ហ្វីលីពីនចំពោះការជំរុញបទឈប់បាញ់រវាងប្រទេសទាំងពីរ។ ចំណែក ឯកឧត្តមប្រធានាធិបតីហ្វីលីពីនបានលើកឡើងថា ឯកឧត្តមនឹងព្យាយាមឱ្យអស់លទ្ធភាពក្នុងនាមជាប្រទេសមាជិកអាស៊ានដើម្បីធ្វើយ៉ាងណាឱ្យភាគីកម្ពុជា និងថៃអាចដោះស្រាយបញ្ហាដោយសន្ដិវិធី និងវិលមករកប្រក្រតីភាពឡើងវិញនៃស្ថានភាពព្រំដែនរវាងកម្ពុជា និងថៃ ដោយឯកឧត្តមចង់ឃើញសន្ដិភាពកើតមានសម្រាប់ប្រទេសទាំងពីរ៕

សម្តេចរដ្ឋសភាធិបតី ឃួន សុដារី អញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

2025/09/08 12:51:32 pm        206
Facebook Telegram Linkin
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅព្រឹកថ្ងៃចន្ទ ទី៨ ខែកញ្ញា ឆ្នាំ២០២៥ បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ដើម្បីពិនិត្យ អនុម័តរបៀបវារៈមួយចំនួន។ជាលទ្ធផល គណៈកម្មាធិការអចិន្រ្តៃយ៍រដ្ឋសភាបានអនុម័តកោះប្រជុំរដ្ឋសភាជាវិសាមញ្ញនីតិកាល ទី៧ នៅព្រឹកថ្ងៃចន្ទ ទី១៥ ខែកញ្ញាឆ្នាំ២០២៥ ខាងមុខដើម្បី ពិភាក្សានិងអនុម័តសេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងបន្ថែមទៅលើសន្ធិសញ្ញាស្តីពីតំបន់អាស៊ី-អាគ្នេយ៍គ្មានអាវុធនុយក្លេអ៊ែរ តាមសំណើរបស់រាជរដ្ឋាភិបាល។នៅក្នុងកិច្ចប្រជុំគណៈកម្មាធិការអចិន្រ្តៃយ៍រដ្ឋសភានេះ អង្គប្រជុំក៏បានអនុម័តគម្រោងចំណាយថវិការបស់រដ្ឋសភាឆ្នាំ២០២៦ ដើម្បីបញ្ជូនទៅក្រសួងសេដ្ឋកិច្ចនិងហិរញ្ញវត្ថុ ដាក់បញ្ចូលទៅក្នុងគម្រោងថវិកាជាតិ ស្របតាមច្បាប់ស្តីពីប្រព័ន្ធហិរញ្ញវត្ថុធាសាធារណៈ៕

សម្ដេចធិបតី៖ កម្ពុជា និងហ្វីលីពីនបញ្ជាក់អំពីមិត្តិភាពរឹងមាំ និងការប្តេជ្ញាចិត្តមុតមាំលើកកម្ពស់ទំនាក់ទំនងប្រទេសទាំងពីរ

2025/09/08 12:40:35 pm        157
Facebook Telegram Linkin
ភ្នំពេញ៖ នៅព្រឹកថ្ងៃទី៨ ខែកញ្ញា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា និងឯកឧត្តម ហ្វឺឌីណាន់ រ៉ូម៉ូលដេស ម៉ាកូស ជូញៀ (Ferdinand Romualdez Marcos Jr.) ប្រធានាធិបតី នៃសាធារណរដ្ឋហ្វីលីពីន បានអញ្ជើញធ្វើសន្និសីទសារព័ត៌មានរួមនៅវិមានសន្តិភាព រាជធានីភ្នំពេញ។ក្នុងឱកាសនោះសម្ដេចធិបតីនាយករដ្ឋមន្រ្ដីបានថ្លែងថា កម្ពុជា និងហ្វីលីពីន គឺបានបញ្ជាក់អំពីមិត្តិភាពរឹងមាំ និងការប្តេជ្ញាចិត្តមុតមាំរបស់រាជរដ្ឋាភិបាលប្រទេសទាំងពីរ ក្នុងការលើកកម្ពស់ទំនាក់ទំនងកម្ពុជា-ហ្វីលីពីនឱ្យកាន់តែខ្ពស់ថែមទៀត។

បណ្ដាញសង្គម

ព័ត៌មានថ្មីៗ

ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់
04/10/2026 07:04 PM
Facebook Telegram Linkin
អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ
04/10/2026 07:04 PM
Facebook Telegram Linkin
សាធារណជនកោះតៃវ៉ាន់មានការបែងចែកចំពោះដំណើរទស្សនកិច្ចរបស់មេដឹកនាំប្រឆាំងទៅកាន់ចិនដីគោក
04/10/2026 07:04 PM
Facebook Telegram Linkin
លោក Macron ចង់បញ្ចុះបញ្ចូលលោក Trump នៅ G7 ដោយការអញ្ជើញក្រោយកិច្ចប្រជុំកំពូលឲ្យទៅវិមាន Versailles
04/10/2026 07:04 PM
Facebook Telegram Linkin
ការវាយប្រហារយានដ្រូនរុស្ស៊ីបណ្តាលឲ្យកើតមានអគ្គិភ័យនៅតំបន់ Odesa របស់អ៊ុយក្រែន
04/10/2026 07:04 PM
Facebook Telegram Linkin
គ្រួសារទាមទារយុត្តិធម៌ ខណៈបាតុកម្មកើនឡើងចំពោះការវាយប្រហារគ្រាប់បែកនៅទីក្រុង Manipur ប្រទេសឥណ្ឌា
04/10/2026 07:04 PM
Facebook Telegram Linkin
ប្រមុខសម្ព័ន្ធអារ៉ាប់ គាំទ្រលីបង់ និងថ្កោលទោសការវាយប្រហារគ្មានមេត្តារបស់អ៊ីស្រាអែល
04/10/2026 07:04 PM
Facebook Telegram Linkin
មនុស្សរាប់ម៉ឺននាក់ជួបជុំគ្នានៅទីក្រុងតេអេរ៉ង់ ពេលអ៊ីរ៉ង់ប្រារព្ធខួប ៤០ថ្ងៃនៃការសម្លាប់មេដឹកនាំកំពូល Ali Khamenei
04/10/2026 07:04 PM
Facebook Telegram Linkin
រដ្ឋមន្រ្តីហិរញ្ញវត្ថុបារាំង៖ តម្លៃប្រេងត្រូវតែធ្លាក់ថ្លៃលឿន ពេលអត្រាប្រេងធ្លាក់ចុះ
04/10/2026 06:04 PM
Facebook Telegram Linkin
នាវាដឹកឧស្ម័នឥណ្ឌាធ្វើដំណើរមកដល់កំពង់ទីក្រុងម៉ុមបៃ ក្រោយធ្វើដំណើរឆ្លងកាត់ច្រកសមុទ្រ Hormuz
04/10/2026 06:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.