នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ហ៊ុន ចាន់ បញ្ញាបុត្រ ចៅសម្តេចតេជោ ហ៊ុន សែន និស្សិតខ្មែរទី២ បញ្ចប់ការសិក្សាពីរាជបណ្ឌិតសភាយោធាសាន់ហឺស ក្នុងប្រទេសអង់គ្លេស
នាវាទេសចរណ៍ខ្នាតយក្ស VIKING VENUS នាំភ្ញៀវបរទេសជិត ៩០០ នាក់ ចូលចតនៅកំពង់ផែស្វយ័តក្រុងព្រះសីហនុ
ភ្ញៀវបរទេស ចាប់អារម្មណ៍ខ្លាំងចំពោះដំណើរកម្សាន្តនៅកម្ពុជា អំឡុងពិធីបុណ្យចូលឆ្នាំថ្មី
ក្រុមហ៊ុន CCCC បង្ហាញបំណងពង្រីកការវិនិយោគបន្ថែមនៅកម្ពុជា

ព័ត៌មានជាតិ

មនុស្សចំនួន០៦នាក់ត្រូវបានឃាត់ខ្លួន ក្នុងយុទ្ធនាការចុះត្រួតពិនិត្យឆែកអាវុធជាតិផ្ទុះ និងទប់ស្កាត់រាល់បទល្មើស

2025/09/07 01:31:19 pm        145
Facebook Telegram Linkin
ភ្នំពេញ៖កម្លាំងគណៈបញ្ជាការឯកភាពខណ្ឌ៧មករា សហការជាមួយកម្លាំងនាយកដ្ឋានសណ្តាប់ធ្នាប់សាធារណៈ នៃអគ្គស្នងការនគរបាលជាតិ ចុះពង្រឹងសន្តិសុខក្នុងមូលដ្ឋានខណ្ឌ៧មករា ដោយឃាត់ខ្លួនមនុស្សប្រុសស្រីចំនួន០៦នាក់ និងសម្ភារៈមួយចំនួន។យុទ្ធនាការនេះបានធ្វើឡើងកាលពី វេលាម៉ោង ០៩យប់ថ្ងៃទី ០៦ខែកញ្ញា ដល់ម៉ោង ១យប់រំលង​អាធាត្រ​ចូលថ្ងៃទី ៧ ខែកញ្ញាឆ្នាំ២០២៥កម្លាំងចម្រុះ បានសហការ ដឹកនាំដោយ​ឯកឧត្តម ឧត្តមសេនីយ៍ឯក ប៊ុន ដា ប្រធាននាយកដ្ឋានសណ្តាប់ធ្នាប់សាធារណៈនិងលោក ឌី រត្ន័ខេមរុណ អភិបាលរងខណ្ឌ៧មករា តំណាងឲ្យ លោក ថេង សុថុល អភិបាលខណ្ឌ៧មករា ចុះដឹកនាំ​កម្លាំងចម្រុះ ត្រួតពិនិត្យឆែកអាវុធជាតិផ្ទុះ និងទប់ស្កាត់បទល្មើសគ្រឿងញៀនតាមមូលដ្ឋាន ក្នុង​គោលដៅចំណុចមុខវិទ្យាល័យបាក់ទូក ផ្លូវលេខ ១៦៩ ស្ថិតក្នុងសង្កាត់ វាលវង់ ខណ្ឌ៧មករា ។ក្នុងរង្វង់ប្រតិបត្តិការកម្លាំងចម្រុះបានធ្វើការត្រួតពិនិត្យរថយន្តចំនួន១៨០គ្រឿង ជាលទ្ធផល បានឃាត់​មនុស្សចំនួន៦នាក់ ក្នុងនោះមានស្រី១នាក់ បានរកឃើញអ្នករក្សាទុកម្សៅពណ៌សថ្លា ចំនួន២កញ្ចប់តូច ​និងថ្នាំ២ បន្ទះពណ៌ខៀវ ចំនួន៨គ្រាប់ព្រមទាំងសម្ភារៈជក់សំរាប់បឺតចំនួន ១៥ដើម និងឃាត់បានរថយន្តចំនួន ២គ្រឿង ។ក្រោយធ្វើការឃាត់ខ្លួន និងសួរនាំរួចបានធ្វើកំណត់ហេតុដកហូតវត្ថុតាងរួចមក កម្លាំងចម្រុះនៃអគ្គស្នងការនគរបាលជាតិ ​បាន​បញ្ជូនមនុស្សប្រុសស្រី ទាំង០៦នាក់​ទៅមន្ទីប្រឆាំងគ្រឿងញៀន ដើម្បីបន្តតាមនីតិវិធី៕អត្ថបទ៖ កុម្ភៈ

គ្រិស្ដបរិស័ទជួបជុំគ្នាអធិដ្ឋាន និងអំពាវនាវអន្តរជាតិ ជួយអន្តរាគមន៍ ឲ្យមានសន្តិភាពរវាងកម្ពុជា-ថៃជានិរន្ត

2025/09/07 11:46:56 am        494
Facebook Telegram Linkin
គ្រិស្តបរិស័ទនៅក្នុងប្រទេសកម្ពុជា បានជួបជុំគ្នា ដើម្បីធ្វើការអធិដ្ឋានសូមឲ្យប្រទេសកម្ពុជាមានតែសុខសន្តិភាព ជាមួយនឹងការអំពាវនាវដល់សហគន៍អន្តរជាតិ ជួយអន្តរាគមន៍បន្ថែម ដើម្បីឲ្យប្រទេសថៃ បញ្ឈប់សកម្មភាពរំលោភបទឈប់បាញ់ ហើយធ្វើឲ្យព្រំដែនកម្ពុជា-ថៃ មានសន្តិភាពជានិរន្ត។នៅក្នុងពិធីនេះ គ្រិស្តបរិស័ទនៅកម្ពុជា រួមគ្នាអធិដ្ឋានដើម្បីសន្តិភាព កាលពីថ្ងៃទី៦ ខែកញ្ញា ឆ្នាំ២០២៥ ព្រឹទ្ធបូជាចារ្យ ម៉ម បាណាបាស បានអាននូវសេចក្តីថ្លែងការណ៍របស់គ្រិស្តបរិស័ទកម្ពុជា ដោយគាំទ្រចំពោះរាជរដ្ឋាភិបាល ដែលបានស្វះស្វែងរកសន្តិភាព និងទទួលយកការសម្រុះ សម្រួលរបស់ប្រធានាធិបតីអាមេរិក លោក ដូណាល់ត្រាំ ដើម្បីឲ្យមានបទឈប់បាញ់ជាបន្ទាន់ រវាងកងទ័ពកម្ពុជា និងកងទ័ពថៃ ។សេចក្តីថ្លែងការណ៍នេះ គ្រិស្ដបរិស័ទក៏បានទទូច ដល់សហគមន៍អន្តរជាតិឲ្យជួយអន្តរាគមន៍ ដើម្បីបញ្ឈប់នូវរាល់សកម្មភាពបង្ករឿង និងការឈ្លានពានលើអធិបតេយ្យភាពកម្ពុជា ពីសំណាក់ភាគីថៃ ព្រមទាំងអនុវត្តបទឈប់បាញ់ ឲ្យបានខ្ជាប់ខ្ជួន ។ព្រឹទ្ធបូជាចារ្យ ហេង ចេង និងឯកឧត្តមបណ្ឌិត សៀ សុភ័ក្រ្ត រដ្ឋលេខាធិការក្រសួងធម្មការ និងសាសនា មានប្រសាសន៍ថា ក្នុងនាមជាប្រទេសជាប់ភូមិផងរបងជាមួយ កម្ពុជា-ថៃ ត្រូវតែមានសន្តិភាពជាមួយគ្នាជានិរន្ត ហើយរួមគ្នាអភិវឌ្ឍប្រជាជាតិអាស៊ាន ឲ្យកាន់តែរីកចម្រើន ដោយមិនគួរមានជម្លោះជាមួយគ្នានោះទេ ។ក្នុងពិធីនេះ គ្រិស្តបរិស័ទនៅកម្ពុជារួមគ្នាអធិដ្ឋានដើម្បីសន្តិភាពនេះ គ្រិស្តបរិស័ទ ក៏បានប្រមូលថវិកា និងសម្ភារផ្សេងៗ ដើម្បីទុកចែកជូនដល់វីរកងទ័ពកម្ពុជា កំពុងឈរជើងការពារទឹកដី នៅសមរភូមិមុខ ជាមួយនឹងការអធិដ្ឋានដល់កងទ័ពទាំងអស់ សូមមានសេចក្តីសុខ សេចក្តីចម្រើន ។គួរបញ្ជាក់ថា កិច្ចព្រមព្រៀងបទឈប់បាញ់នៃកងទ័ពកម្ពុជា-ថៃ មានរយៈពេលជាង១ខែមកហើយ ដោយភាគីកម្ពុជា បានអនុវត្តយ៉ាងខ្ជាប់ខ្ជួន មិនបានចល័តទ័ព ឬធ្វើឲ្យមានការតានតឹងនៅព្រំដែនកម្ពុជា-ថៃ ប៉ុន្តែបានជ្រើសយកការទូតបរទេស និងច្បាប់អន្តរជាតិ ទោះបីជាភាគីថៃ បានរំលោភបទឈប់បាញ់ម្ដងជាពីរដងក្ដី ប៉ុន្ដែកម្ពុជានៅបន្តរក្សាបាននូវការអត់ធ្មត់ខ្ពស់បំផុត៕ អត្ថបទ បាន សុខរិទ្ធិ

ស្អែកបិណ្ឌ១ ពលរដ្ឋត្រៀមធ្វើចង្ហាន់ទៅវត្តប្រគេនព្រះសង្ឃឧទ្ទិសកុសលដល់បុព្វការីជន

2025/09/07 11:27:36 am        280
Facebook Telegram Linkin
ប្រជាពលរដ្ឋ នៅថ្ងៃទី ៧ ខែកញ្ញា ឆ្នាំ ២០២៥នេះ បានអញ្ជើញទៅតាមផ្សារ ក្នុងគោលដៅទិញបន្លែ ត្រី សាច់ និងរបស់របរចាំបាច់នានា សម្រាប់ការធ្វើចង្ហាន់ទៅកាន់ទីវត្តអារាម សម្រាប់ថ្ងៃកាន់បិណ្ឌទី ១ ដើម្បីប្រគេនព្រះសង្ឃ និងឧទ្ទិសកុសលដល់បុព្វការីជន។តាមផ្សារនានានៅរាជធានីភ្នំពេញចាប់ផ្ដើមមានភាពមមាញឹកកាន់តែខ្លាំង ដោយសាររដូវកាល កាន់បិណ្ឌ និងបុណ្យភ្ជុំបិណ្ឌបានចូលមកដល់ ក្នុងនោះជាទិដ្ឋភាពនៅផ្សារច្បារអំពៅនាព្រឹកនេះ ពលរដ្ឋខ្លះទិញសាច់ជ្រូក អ្នកខ្លះទិញសាច់មាន់ បូករួមនឹងបន្លែ និងនំផ្សេងៗ ដើម្បីធ្វើជាចង្ហាន់ទៅតាមវត្តអារាម វេរប្រគេន ព្រះសង្ឃ ឧទ្ទិសកុសលជូននសាច់ញាតិដែលបានចែកឋានទៅ។ ពិធីបុណ្យកាន់បិណ្ឌនិងភ្ជុំបិណ្ឌ តែងរៀបចំឡើងនៅថ្ងៃ១រោច ដល់ថ្ងៃ១៥រោចខែភទ្របទ។ ពិធីបុណ្យកាន់បិណ្ឌ និងភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យផ្សេងទៀត សម្រាប់អ្នកកាន់ព្រះពុទ្ធសាសនានៅកម្ពុជា។កំឡុងពេលពីថ្ងៃកាន់បិណ្ឌទី ១ រហូតដល់ថ្ងៃភ្ជុំបិណ្ឌ ប្រជាពលរដ្ឋ តែងនាំយកម្ហូបអាហារ វេរប្រគេនជូនព្រះសង្ឃតាមទីវត្តអារាមនានា។ ឈានចូលថ្ងៃឈប់សម្រាក សម្រាប់រយៈពេល ៣ថ្ងៃសម្រាប់ពិធីបុណ្យភ្ជុំបិណ្ឌ ប្រជាពលរដ្ឋនឹងចាប់ផ្ដើមធ្វើដំណើរកាន់តែច្រើន ពិសេសធ្វើដំណើរចេញពីរាជធានីភ្នំពេញ ទៅកាន់ទីបណ្ដាខេត្ត ដែលជាស្រុកកំណើតរបស់ខ្លួន៕អត្ថបទ៖គឹមហុក  

មន្ត្រីគណបក្សប្រជាជនកម្ពុជាខេត្តពោធិ៍សាត់ ទទួលបានការបំពាក់បំប៉នការងារព័ត៌មានវិទ្យា

2025/09/07 11:03:05 am        279
Facebook Telegram Linkin
ឯកឧត្តម សោម សឿន សមាជិកគណៈអចិន្ត្រៃយ៍ និងជាប្រធានគណៈចាត់តាំងនៃគណៈកម្មាធិការកណ្តាលគណបក្សប្រជាជនកម្ពុជា និងឯកឧត្តម ខូយ រីដា សមាជិកគណៈកម្មាធិការកណ្តាល ប្រធានគណៈកម្មាធិការគណបក្សខេត្តពោធិ៍សាត់ នាថ្ងៃទី៦ ខែកញ្ញា ឆ្នាំ២០២៥ បានអញ្ជើញជាអធិបតីក្នុងពិធីបើកវគ្គបំពាក់បំប៉នជំនាញការងារចាត់តាំងកសាងបក្ស និងព័ត៌មានវិទ្យា ( IT ) ជូនដល់មន្ត្រីគណបក្សថ្នាក់ខេត្ត មន្ទីរ អង្គភាព ស្រុក ក្រុងនិងមន្ត្រីទទួលបន្ទុកព័ត៌មានវិទ្យា (IT)ចំនួន២០០នាក់ នៅទីស្នាក់ការរគណបក្សប្រជាជនកម្ពុជាខេត្តពោធិ៍សាត់ ។ឯកឧត្តម ខូយ រីដា បានបញ្ជាក់ថា ឯកឧត្តម កែវ រតនៈ សមាជិកគណកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះជួយមូលដ្ឋានខេត្តពោធិ៍សាត់ តែងតែយកចិត្តទុកដាក់និងជម្រុញគណបក្សខេត្ត ក្នុងការរៀបចំចាត់តាំងក្រុមការងារចុះជួយមូលដ្ឋានស្រុក ក្រុងទាំង៧ និង៤៩ឃុំ សង្កាត់ ប្រជាពលរដ្ឋមានឈ្មោះក្នុងបញ្ជីបោះឆ្នោតឆ្នាំ២០២៥ ចំនួន៣០៩.៣០៧នាក់ ក្នុងនោះមានសមាជិកបក្សចំនួន២៦១.៤២២នាក់ ស្មើនឹង៨៤.៥២ %។ ក្នុងនាមប្រធានគណកម្មាធិការគណបក្សខេត្ត បានថ្លែងអំណរគុណយ៉ាងជ្រាលជ្រៅចំពោះឯកឧត្តម សោម សឿន និងសហការី បានអញ្ជើញជាអធិបតីនិងវាគ្មិនឧទ្ទេសនាមឯកសារវគ្គបំពាក់បំប៉នជំនាញការងារចាត់តាំង កសាងបក្ស និងព័ត៌មាន វិទ្យា IT លើការងារគ្រប់គ្រងទិន្នន័យសមាជិកបក្សនិងមន្ត្រីបក្សក្នុងប្រព័ន្ធ(SERVER) ដល់មន្ត្រីគណបក្សថ្នាក់ខេត្ត មន្ទីរ អង្គភាព ស្រុក ក្រុងនិងមន្ត្រីទទួលបន្ទុកព័ត៌មានវិទ្យា(IT) ដើម្បីបង្កើនចំណេះដឹងបន្ថែម។ក្នុងឱកាសនោះ ឯកឧត្តម សោម សឿន បានលើកឡើងថាគោលបំណងសំខាន់គឺលើកកម្ពស់ការយល់ដឹងអំពីតួនាទី ភារកិច្ចនិងរបៀបរបបធ្វើការងាររបស់គណៈចាត់តាំងនៃគណបក្សរាជធានី ខេត្ត ក្រុង ស្រុក ខណ្ឌ អំពីគោលការណ៍ការងាររៀបចំរចនាសម្ព័ន្ធនិង អង្គការ ចាត់តាំង ។ លើមូលដ្ឋាននេះពង្រឹងលើកកម្ពស់សមត្ថភាព និងស្មារតីទទួលខុសត្រូវក្នុងការអនុវត្តតួនាទីភារកិច្ចរបស់ខ្លួនឱ្យបានត្រឹមត្រូវតាមកោលការណ៍កំណត់របស់បក្ស ធ្វើជាសេនាធិការជូនគណៈកម្មាធិការគណបក្ស ដើម្បីពង្រឹងប្រសិទ្ធិភាពនៃការដឹក នាំរបស់អង្គការចាត់តាំងគណបក្សគ្រប់ថ្នាក់ ព្រមទាំងពង្រឹងសាមគ្គីភាព ឯកភាពផ្ទៃក្នុងនិងជំនឿគាំទ្រចំពោះគណបក្ស។ ឯកឧត្តម បានលើកឡើងទៀតថា ឯកសារនៃវគ្គបំពាក់បំប៉ននេះមាន៤ផ្នែកគឺ ផ្នែកទី១-គោលការណ៍ការងារចាត់តាំងកសាងបក្ស និងតួនាទី ភារកិច្ចរបស់គណៈចាត់តាំង។ ផ្នែកទី២- គោលការណ៍ការងាររៀបចំរចនាសម្ព័ន្ធ អង្គការចាត់តាំងនិងមន្ត្រីគណៈកម្មាធិការគណបក្សរាជធានី ខេត្ត ក្រុង ស្រុក ខណ្ឌ ឃុំ សង្កាត់និងអង្កការចាត់តាំងមូលដ្ឋានចំណុះ។ ផ្នែកទី៣-គោលការណ៍ការងារគ្រប់គ្រង កសាង និងពង្រឹង ពង្រីកសមាជិកគណបក្ស។ផ្នែកទី៤-គោលការណ៍ការងារគ្រប់គ្រងទិន្នន័យបញ្ជីឈ្មោះសមាជិកគណបក្សនិង មន្ត្រីបក្សតាមប្រព័ន្ធព័ត៌មានវិទ្យា (IT)។ ដូច្នេះសូមឱ្យសិក្ខាកាមទាំងអស់ខិតខំត្រង់ត្រាប់ស្តាប់ការពន្យល់ណែនាំ បង្ហាត់បង្ហាញពីសំណាក់គ្រូឧទ្ទេសដោយសង្ឃឹមថា ទទួលបានចំណេះដឹងថ្មីៗដើម្បីពង្រឹងពង្រីកសមត្ថភាពពិតប្រាកដឈានទៅដល់ការឯកភាពគ្នាជាធ្លុងមួយក្នុងការរៀបចំធ្វើបច្ចុប្បន្នភាពរចនាសម្ព័ន្ធអង្គការចាត់តាំងគណបក្សឱ្យកាន់តែរឹងមាំនិងបន្តទៅរៀបចំគ្រប់គ្រងតាមប្រ ព័ន្ធបច្ចេកទេសព័ត៌មានវិទ្យា នៃប្រព័ន្ធSER VERRរបស់គណៈចាត់តាំងគណៈកម្មាធិការកណ្តាល៕

វត្ដអារាមក្នុងខេត្ដសៀមរាបរៀបចំរួចរាល់ សម្រាប់ពិធីកាន់បិណ្ឌ និងអំនាវនាវឱ្យរក្សាបរិស្ថានស្អាតអនាម័យល្អ

2025/09/07 10:46:11 am        242
Facebook Telegram Linkin
ព្រះសង្ឃក្នុងខេត្ដសៀមរាប បានឱ្យដឹងថា នៅតាមវត្ដអារាម បានរៀបចំរួចរាល់ហើយ សម្រាប់ពិធីកាន់បិណ្ឌនិងភ្នំបិណ្ឌក្នុរយៈពេល១៥ថ្ងៃ និងអំនាវនាវឱ្យពុទ្ធសាសនិកជន រក្សាបរិស្ថានស្អាត អនាម័យល្អ ក្នុងវត្ដអារាមឱ្យបានស្អាតជានិច្ច ស្របតាមទីក្រុងស្អាត ទេសចរប្រសើរ។ព្រះតេជគុណ ស រ៉ា ព្រះគ្រូចៅអធិការវត្តត្រាំនាគ ក្រុងសៀមរាប ព្រះអង្គបានផ្តំាផ្ញើ​ដល់​ពុទ្ធ​បរិស័ទ និងយុវជនក្មេងៗឱ្យស្រឡាញ់បរិស្ថាន និងរក្សាបាននូវគុណតម្លៃប្រពៃណីទំនៀមទម្លាប់របស់ខ្មែរ ដើម្បីឱ្យពិធីបុណ្យកាន់បិណ្ឌ និងភ្ជុំបិណ្ឌ​នៅតាមទី​អារាមប្រកបដោយភាព​សុខដុមរមនា​និងសាមគ្គីធម៌ ទៅតាមជំនឿប្រពៃណីព្រះពុទ្ធសាសនាជាសាសនារបស់រដ្ឋ។ព្រះអង្គមានសង្ឃដីកាបន្ដថា ពិធីបុណ្យកាន់បិណ្ឌនិងភ្ជុំបិណ្ឌនេះ ជាពិធីបុណ្យជាតិដ៏សំខាន់ និងមិនអាចខ្វះបាន ដែលប្រជាពុទ្ធបរិស័ទ្ធ តែប្រារព្ធតាំងពីដូនតាមក ជាពិសេសពីបោះបាយបិណ្ឌ​មិនត្រឹមតែជាជំនឿដែលបានចាក់ឫសយ៉ាងជ្រៅ ទៅក្នុងផ្នត់គំនិតជនជាតិខ្មែរប៉ុណ្ណោះទេ តែពិធីនេះ បានក្លាយទៅជាប្រពៃណី និងបង្កប់ន័យអប់រំ ផងដែរ។ព្រះវិភត្តិមុនីញ្ញាណ ហ៊ាក់ គឹមហ៊ត់ ព្រះចៅអធិការវត្តអារញ្ញសាគរ ព្រះអង្គមានសង្ឃដីកាថា ក្នុងឱកាសកាន់បិណ្ឌ១៥ថ្ងៃ ក៏មានពិធីបោះបាយបិណ្ឌនិងពិធីសាសនាផ្សេងៗទៀត ព្រមទាំងបានរៀបចំពិធីបាំងស្កូលដល់ព្រលឹងវីរៈកងទ័ពដែលបានពលីជីវិតក្នុងការពារបូរណៈទឹកផងដែរ។ព្រះអង្គបន្ដថា ពិធីបុណ្យកាន់បិណ្ឌ ភ្ជំបិណ្ឌ ព្រះអង្គបានរៀបចំរួចរាល់ហើយ សម្រាប់ប្រជាពលរដ្ឋខែ្មរ ដែលតែងតែនាំគ្នាទៅប្រារព្ធពិធី និងបោះបាយបិណ្ឌនៅតាមវត្តអារាម នាពេលទៀបភ្លឺជារៀងរាល់ថ្ងៃ ។ ជាមួយគ្នានេះ ក្នុងពិធីនេះ ក៏មានការផ្សព្វផ្សាយ​ពី​សារៈសំខាន់ផ្សេងទៀត​តាមរយៈព្រះធម៌ទេសនា ដូច​ ពីផលប៉ះពាល់នៃការប្រើប្រាស់គ្រឿងញាន គ្រោះថ្នាក់​ចរាចរណ៍ ​ជាពិសេសការបញ្ជ្រាបនូវព្រះធម៌។សូមរំលឹកថា ពិធីកាន់បិណ្ឌ និងភ្នំបិណ្ឌ បានប្រារព្ធឡើង នៅថ្ងៃ១៣រោជខែភទ្របទ ឆ្នាំម្សាញ់សប្ដស័ក ពុទ្ធសករាជ២៥២៩ ត្រូវនឹងពីថ្ងៃទី៨ខែកញ្ញាឆ្នាំ២០២៥នេះ។បើតាមតម្រាចារតាមប្រវត្តិសាស្ត្រនៃប្រទេសកម្ពុជា បានបង្ហាញថា ពិធីបុណ្យភ្ជុំបិណ្ឌ គឺកើតមានតាំងពីបុរាណកាលមកម្ល៉េះ។ កាលពីសម័យបុរាណកាល គេធ្វើពិធីបុណ្យនេះ គឺដើម្បីរៀបចំធ្វើសង្ឃភត្ត ទំនុកបម្រុងព្រះសង្ឃ ដែលគង់ចាំវស្សាក្នុងវត្តរយៈពេល ៣ ខែ ចាប់តាំងពីថ្ងៃចូលវស្សារហូតដល់ថ្ងៃចេញវស្សា៕

ក្រសួងធម្មការ៖ក្នុងពិធីកាន់បិណ្ឌ និងភ្ជុំបិណ្ឌគ្រប់វត្តអារាមបើទទួលបានទេយ្យទានលើសពីសេចក្តីត្រូវការគួរចាត់ចែងរៀបចំជូនដល់ជនភៀសសឹក កុមារកំព្រា និងជនរងគ្រោះដោយហេតុផ្សេងៗទៀត

2025/09/07 10:33:39 am        444
Facebook Telegram Linkin
ភ្នំពេញ៖ ក្នុងឱកាសពិធីកាន់បិណ្ឌ និងភ្ជុំបិណ្ឌចាប់ពីថ្ងៃ១រោច ដល់ថ្ងៃ១៥រោច ខែភទ្របទ ជារៀងរាល់ឆ្នាំ ត្រូវនឹងថ្ងៃទី៨ រហូតដល់ថ្ងៃទី២២ ខែកញ្ញា ឆ្នាំ២០២៥នេះ ក្រសួងធម្មការ និងសាសនាបានចេញសេចក្ដីណែនាំដល់គ្រប់វត្តអារាម បើទទួលបានទេយ្យទាន (មានភោជនាហារ នំ ចំណីជាដើម) លើសពីសេចក្តីត្រូវការ គួរចាត់ចែងរៀបចំជូនដល់ជនភៀសសឹក ចាស់ព្រឹទ្ធាចារ្យ ជនពិការ កុមារកំព្រា និងជនរងគ្រោះដោយហេតុផ្សេងៗទៀត។យោងតាមសេចក្តីណែនាំស្តីពីការរៀបចំពិធីបុណ្យកាន់បិណ្ឌ និងភ្ជុំបិណ្ឌ របស់ក្រសួងធម្មការ និងសាសនា បានបញ្ជាក់ថា ពិធីបុណ្យកាន់បិណ្ឌនិងភ្ជុំបិណ្ឌ ជាបុណ្យប្រពៃណី ព្រះពុទ្ធសាសនាខ្មែរដ៏សំខាន់។ អ្នកប្រាជ្ញខ្មែរយើង លោកបានផ្សារភ្ជាប់ខ្លឹមសារនៃការប្រារព្ធពិធីបុណ្យភ្ជុំបិណ្ឌនេះ ទៅតាមគម្ពីរដីកាមួយចំនួនដូចជា គម្ពីរបេតវត្ថុ គម្ពីរវិមានវត្ថុ គម្ពីរវិជ្ជាធរ ជាដើម ដើម្បីទុកជាទិដ្ឋានុគតិសម្រាប់ ដំណើរជីវិតរបស់មនុស្សគ្រប់រូប។ គម្ពីរទាំងនេះមានខ្លឹមសារស្របទៅនឹងបុណ្យភ្ជុំបិណ្ឌនេះ ដែលបង្កប់ទៅដោយ ផ្នត់គំនិតសម្រាប់អប់រំ កុំឱ្យមនុស្សគ្រប់រូបប្រមាទធ្វើអំពើអាក្រក់ ជាហេតុធ្វើឱ្យខ្លួនភ្លាំងភ្លាត់កំណើតទៅកើតក្នុង អបាយភូមិមាននរក ប្រេត តិរច្ឆាន ជាដើម។ក្រសួងធម្មការបានឱ្យដឹងថា បុណ្យកាន់បិណ្ឌនិងភ្ជុំបិណ្ឌប្រារព្ធឡើងចាប់ពីថ្ងៃ១រោច ដល់ថ្ងៃ១៥រោច ខែភទ្របទ ជារៀងរាល់ឆ្នាំ ក្នុងគោលបំណងសំខាន់ៗដូចជា បង្កើនសាមគ្គីភាពរវាងបុគ្គល គ្រួសារ និងសង្គម, បញ្ជាក់ឱ្យឃើញពីការសម្បូរហូរហៀរនៃភោគផល ធញ្ញាហារផ្សេងៗ របស់ប្រជាជនខ្មែរ, ផ្គត់ផ្គង់ព្រះសង្ឃក្នុងព្រះវស្សា, សម្តែងនូវភាពកតញ្ញូកតវេទី, ដាស់តឿនស្មារតីដល់មនុស្សគ្រប់រូបកុំឱ្យមានសេចក្តីប្រមាទក្នុងការធ្វើអំពើបាបនានា, ឧទ្ទិសមហាកុសលជូនដល់វិញ្ញាណក្ខន្ធនៃបុព្វការីជននិងពពួកញាតិ, សន្សំនូវមហាកុសលទុកជាទីពឹងរបស់ខ្លួន, បន្តថែរក្សាបុណ្យប្រពៃណីព្រះពុទ្ធសាសនាខ្មែរយើង ឱ្យតាំងនៅស្ថិតស្ថេរអស់កាលជាយូរអង្វែង។យោងតាមសេចក្តីណែនាំរបស់គណៈកម្មាធិការជាតិរៀបចំបុណ្យជាតិ-អន្តរជាតិ លេខ១០/២០២៥ គជបអ ចុះថ្ងៃទី៣១ ខែកក្កដា ឆ្នាំ២០២៥ ពិធីបុណ្យកាន់បិណ្ឌនិងភ្ជុំបិណ្ឌនឹងប្រព្រឹត្តទៅចាប់ពីថ្ងៃចន្ទ ១រោច ដល់ថ្ងៃចន្ទ ១៥រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ រហូតដល់ថ្ងៃទី២២ ខែកញ្ញា ឆ្នាំ២០២៥។ ដើម្បីឱ្យការរៀបចំពិធីបុណ្យកាន់បិណ្ឌ និងភ្ជុំបិណ្ឌដំណើរការ និងប្រព្រឹត្តទៅស្របតាមទំនៀមទម្លាប់ ប្រពៃណីព្រះពុទ្ធសាសនាខ្មែរ ក្រសួងធម្មការ និងសាសនា សូមទូលថ្វាយ ប្រគេន និងធ្វើការណែនាំដល់គ្រប់មន្ទីរធម្មការ និងសាសនារាជធានី ខេត្ត សហការជាមួយព្រះមេគណ ព្រះអនុគណ ព្រះចៅអធិការ យកចិត្តទុកដាក់បង្កលក្ខណៈឱ្យបានល្អ ប្រសើរជូនពុទ្ធបរិស័ទប្រារព្ធពិធីកាន់បិណ្ឌនិងភ្ជុំបិណ្ឌ ព្រមទាំងរៀបចំបង្សុកូលឧទ្ទិសមហាកុសលជូន ដល់វិញ្ញាណក្ខន្ធវីរៈកងទ័ព បុព្វបុរស ជនរួមជាតិ ដែលបានពលីជីវិតក្នុងបុព្វហេតុជាតិមាតុភូមិ ស្របតាម ប្រពៃណីព្រះពុទ្ធសាសនាក្រសួងធម្មការបញ្ជាក់ថា៖«ក្នុងពិធីកាន់បិណ្ឌ និងភ្ជុំបិណ្ឌគ្រប់វត្តអារាម បើទទួលបានទេយ្យទាន (មានភោជនាហារ នំ ចំណីជាដើម) លើសពីសេចក្តីត្រូវការ គួរចាត់ចែងរៀបចំជូនដល់ជនភៀសសឹក ចាស់ព្រឹទ្ធាចារ្យ ជនពិការ កុមារកំព្រា និងជនរងគ្រោះដោយហេតុផ្សេងៗទៀត»៕

ឯកឧត្តមទេសរដ្ឋមន្ត្រី លី ធុជ ថ្លែងអំណរគុណយ៉ាងជ្រាលជ្រៅ​ចំពោះប្រទេសចិនសម្រាប់​ការគាំទ្រមនុស្សធម៌

2025/09/07 09:56:29 am        305
Facebook Telegram Linkin
ក្នុងអំឡុងពេលនៃកិច្ចប្រ​ជុំកំពូលអង្គការ​​សហ​ប្រតិ​បត្តិការសៀងហៃ (SCO) នៅទីក្រុងធានជីន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និង​ជា​ប្រធានអាជ្ញាធរមីន បានទទួលការធានាយ៉ាងមុតមាំអំពីការគាំទ្រពីឯកឧត្តម ស៊ី ជីនពីង ប្រធានាធិបតី​នៃសាធារណរដ្ឋ​ប្រជា​មានិត​ចិន​ ដែលបានបញ្ជាក់ពីការប្តេជ្ញាចិត្តរបស់ចិន​ចំពោះការអភិវឌ្ឍ ភាពរឹងមាំ និងអធិបតេយ្យភាពជាតិ របស់កម្ពុជា។ ក្នុងឱកាសដ៏សំខាន់នេះ ឯកឧត្តមប្រធានាធិបតី ស៊ី ជីនពីង បានប្រកាសផ្តល់ជំនួយ​មនុស្សធម៌​ចំនួន ២០ លានយ៉ន់ចិន (ប្រហែល ២,៨ លានដុល្លារអាមេរិក) ដើម្បីជួយស្តារការខូចខាត និងកាត់បន្ថយទុក្ខលំបាក​របស់​ប្រជាជនរបស់យើង ​ដែលរងផលប៉ះពាល់ដោយ​ជម្លោះប្រដាប់អាវុធ នាពេលថ្មីៗនេះ។ឯកឧត្តមទេសរដ្ឋមន្ត្រី លី ធុជ អនុប្រធានទី១អាជ្ញាធរមីន បានលើកឡើងថា សម្តេចធិបតី តែងចាត់ទុកសេចក្តីថ្លៃថ្នូរ និងក្តីសង្ឃឹមរបស់ប្រជាជនកម្ពុជា ជា​បេះដូងនៃភាពជាអ្នក​ដឹកនាំ​របស់សម្តេច ហើយ សម្តេច ផ្តល់តម្លៃដល់គ្រប់ជីវិតមនុស្ស ដោយធានាថា​មនុស្សគ្រប់រូប​មាន​សិទ្ធិរស់នៅ និងរស់នៅប្រកប​ដោយ​សុវត្ថិភាព និងសេចក្តីថ្លៃថ្នូរ។ ឯកឧត្តមលើកឡើងថា “ការរួមចំណែកដ៏សប្បុរសរបស់ចិន មិនត្រឹម​តែ​ឆ្លុះ​បញ្ចាំង​​ពី​មិត្តភាព​ដែកថែបដ៏រឹងមាំរវាងកម្ពុជា និងចិនប៉ុណ្ណោះទេ ប៉ុន្តែ​ថែមទាំ​ង​ជាការទទួលស្គាល់ ភាពជា​អ្នកដឹកនាំប្រកបដោយមេត្តាធម៌ របស់សម្តេចធិបតី និង និងការយកចិត្តទុកដាក់យ៉ាងជ្រាលជ្រៅ​របស់សម្តេច ចំពោះប្រជាជនកម្ពុជាផងដែរ។”ឯកឧត្តម ក៏បានថ្លែងអំណរគុណ ចំពោះជំនួយមនុស្សធម៌ទាន់ពេលវេលា របស់ចិនដល់កម្ពុជា ក្នុង​អំឡុង​ពេល​ដ៏លំបាកនេះ និងបានសង្កត់ធ្ងន់ថា ទង្វើសប្បុរសធម៌នេះ មិនត្រឹមតែជួយបន្ធូរបន្ថយ​ទុក្ខលំបាក​ របស់ប្រជាជន​កម្ពុជា​ប៉ុណ្ណោះទេ ប៉ុន្តែជាគំរូនៃតួនាទីដ៏គួរឱ្យកោតសរសើររបស់ចិន ក្នុងការជំរុញសន្តិភាព ស្ថិរភាព និង​ភាពរុងរឿងរួមគ្នា នៅទូទាំងពិភពលោក។ឆ្ពោះបន្តទៅមុខ ឯកឧត្តមទេសរដ្ឋមន្ត្រី បានគូសបញ្ជាក់ថា ការកសាងសហគមន៍របស់ឡើងវិញ ត្រូវ​ចាប់​ផ្តើម​​ជាមួយ​នឹង​ការបោសសម្អាតយុទ្ធភណ្ឌមិនទាន់ផ្ទុះ ដើម្បីធានាថាដំណើរការ​នៃការ​កសាង​ឡើងវិញ មានសុវត្ថិភាព និង​និរន្តរភាព​ ហើយជាមួយគ្នានេះ ចាំបាច់ត្រូវគាំទ្រដល់ជនរងគ្រោះ ជាពិសេស​អ្នកដែល​រងផលប៉ះពាល់ ដោយសារសង្គ្រាមថ្មីៗនេះ ដើម្បីឱ្យពួកគេអាច​ស្តារសេចក្តី​ថ្លៃថ្នូរ​របស់ពួកគេ និងកសាង​ជីវិត​របស់ពួកគេ​ឡើងវិញ​ប្រកប​ដោយក្តីសង្ឃឹម។ឯកឧត្តមទេសរដ្ឋមន្ត្រី​ បានលើកឡើងផងដែរថា​ អាជ្ញាធរមីន ត្រៀមខ្លួនជាស្រេច ក្នុងការសហការ​ជាមួយគ្រប់ដៃគូពាក់ព័ន្ធ ដើម្បីធានាសុវត្ថិភាពដល់កិច្ចការស្តារ និងកសាងឡើងវិញនេះ។

កូនឈើចម្រុះជាង៨ពាន់ដើម ត្រូវបានអាជ្ញាធរជាតិអប្សរា ចែកជូនដោយឥតគិតថ្លៃដល់ព្រះសង្ឃ និងពលរដ្ឋយកទៅដាំដុះកាលពីចុងខែសីហា

2025/09/07 09:30:21 am        315
Facebook Telegram Linkin
សៀមរាប៖ កូនឈើចម្រុះចំនួន៨,២៧០ដើម ត្រូវបានអាជ្ញាធរជាតិអប្សរាចែកជូនដោយឥតគិតថ្លៃពីថ្ងៃទី២១ ដល់ថ្ងៃទី៣១ ខែសីហា ឆ្នាំ២០២៥ ដល់ព្រះសង្ឃ និងប្រជាពលរដ្ឋទូទៅដើម្បីយកទៅដាំដុះបង្កើតភាពបៃតនៅតាមវត្តអារាម សាលារៀន និងផ្ទះសម្បែង។ ក្នុងនោះបានប្រគេនកូនឈើចម្រុះជូនព្រះអង្គ ឈឿន ឆិត គង់នៅវត្តគោកប៉ាទ្រី ក្រុងសៀមរាប ចំនួន៦០០ដើម ដើម្បីយកទៅដាំនៅតាមបរិវេណវត្តអារាម ក្នុងឃុំព្រៃជ្រូក ស្រុកពួក ខេត្តសៀមរាប។ កូនឈើទាំងនោះរួមមាន គគីរ៣០០ដើម និងឈើទាល៣០០ដើម។ផ្តល់កូនឈើចម្រុះជូនតំណាងរដ្ឋបាលក្រុងសៀមរាប និងតំណាងរដ្ឋបាលស្រុកប្រាសាទបាគង ចំនួន២,១៩០ដើម ដើម្បីយកទៅដាំលំអតាមដងផ្លូវក្នុងឃុំ សង្កាត់ នៅក្រុងសៀមរាប និងស្រុកប្រាសាទបាគង ខេត្តសៀមរាប។ កូនឈើទាំងនោះរួមមាន ធ្នង់៦៩០ដើម គគីរ៦០០ដើម ឈើទាល៤០០ដើម និងក្ងោក៥០០ដើម។ផ្តល់កូនឈើចម្រុះជូនតំណាងលោក ឧត្តមសេនីយ៍ទោ ហាក់ ឆេងហួត មេបញ្ជាការរងយោធភូមិភាគទី៤នៃកងទ័ពជើងគោក ចំនួន៨០០ដើម ដើម្បីយកទៅដាំនៅបរិវេណទីបញ្ជាការមុខយោធភូមិភាគទី៤ ប្រចាំទិសទី១ (ខេត្តព្រះវិហារ)។ កូនឈើទាំងនោះរួមមាន ក្ងោក៣០០ដើម និងលឿងរាជ៥០០ដើម។ផ្តល់កូនឈើចម្រុះជូនលោក លី ម៉ឹង តំណាងក្លឹបធនធានមនុស្សខេត្តសៀមរាប ចំនួន៥០០ដើម ដើម្បីយកទៅដាំលំអតាមផ្លូវក្នុងក្រុងសៀមរាប ខេត្តសៀមរាប។ កូនឈើទាំងនោះរួមមាន ក្ងោក៣០០ដើម និងឥន្ទនេល២០០ដើម។ផ្តល់កូនឈើចម្រុះ ចំនួន៣,២០០ដើម ដើម្បីយកទៅចែកជូនប្រជាពលរដ្ឋរស់នៅក្រុងរុនតាឯកតេជោសែន និងដាំនៅបរិវេណស្នាក់ការមបព ក្នុងភូមិមណ្ឌល៣ សង្កាត់ស្លរក្រាម ក្រុងសៀមរាប នៅស្រុកបន្ទាយស្រី និងនៅតាមផ្លូវពីខ្លោងទ្វារដីឆ្នាំងដល់ខាងជើងប្រាសាទព្រះខ័ននៃរមណីយដ្ឋានអង្គរ។ កូនឈើទាំងនោះរួមមាន ធ្នង់១,០០០ដើម គ្រញូង២០០ដើម បេង២០០ដើម ចាមរី៦០០ដើម ក្ងោក១,១០០ដើម និងក្ងោកតូច១០០ដើម ។ផ្តល់កូនឈើចម្រុះជូនលោក ឡុច តុញ លោកស្រី ព្រំ សុវណ្ណរ័ត្នន៍ លោក ហ៊ុល ហឹស និងលោក ឆាន គាន ប្រជាពលរដ្ឋរស់នៅខេត្តសៀមរាប ចំនួន ៦៨០ដើម ដើម្បីយកទៅដាំលើដីផ្ទាល់ខ្លួន នៅបរិវេណសាលារៀន និងវត្តអារាម ក្នុងក្រុងសៀមរាប ខេត្តសៀមរាប។ កូនឈើទាំងនោះរួមមាន ធ្នង់៦៥ដើម បេង១៥ដើម ពពេល២៥០ដើម ក្ងោក៥០ដើម ព្កុល៥០ដើម ត្របែកព្រៃ៥០ដើម និងរាំងទឹក២០០ដើម។ ។ផ្តល់កូនឈើចម្រុះជូនលោក ស៊ុន គង់ ប្រធានមន្ទីរបរិស្ថានខេត្តសៀមរាប ចំនួន៣០០ដើម ដើម្បីយកទៅដាំនៅលើឧទ្យានជាតិព្រះជ័យវរ្ម័ន-នរោត្តម ភ្នំគូលែន។ កូនឈើទាំងនោះរួមមាន ធ្នង់៥០ដើម បេង៥០ដើម គគីរ៥០ដើម ឈើទាល៥០ដើម កកោះ៥០ដើម និងរំដួល៥០ដើម៕

ឧត្តមសេនីយ៍ឯក ជួន ណារិន្ទ បញ្ជាឲ្យស្រាវជ្រាវ តាមចាប់ជនក្លែងបន្លំ ជានគរបាលដើរទារលុយពលរដ្ឋនៅខណ្ឌច្បាអំពៅ

2025/09/07 09:22:53 am        421
Facebook Telegram Linkin
ភ្នំពេញ៖ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ លោកឧត្តមសេនីយ៍ឯក ជួន ណារិន្ទ បានបញ្ជាឲ្យសមត្ថកិច្ចខណ្ឌច្បារអំពៅ ធ្វើការស្រាវជ្រាវ តាមចាប់ជនក្លែងបន្លំជានគរបាលដើរទារលុយពលរដ្ឋ នៅខណ្ឌច្បាអំពៅ ។ តាមរយះការផ្តល់ព័ត៌មានពីពលរដ្ឋ ​មកកាន់សមត្ថកិច្ចរាជធានីភ្នំពេញ តាមរយះប្រអប់​សារនៅ​លើបណ្តាញសង្គម បានបង្ហាញឲ្យឃើញថា៖ ថ្មីៗនេះ មាន​បុរសម្នាក់បានពាក់​ឯកសណ្ឋាន​នគរបាល បានដើរទារលុយប្រជាពលរដ្ឋលក់អីវ៉ាន់តាមផ្ទះ និងសុំស្រាបៀរទឹកក្រូច នាឱកាស​បុណ្យភ្ជុំបិណ្ឌ ក្នុងខណ្ឌច្បារអំពៅ ។ ក្រោយទទួលបានបទបញ្ជាពីសំណាក់លោកឧត្តមសេនីយ៍ឯកស្នងការ កម្លាំងអធិការដ្ឋាន​នគរបាល​ខណ្ឌច្បារអំពៅ ក៏បានស្រាវជ្រាវ និងរកឃើញថា ជនខាងលើនេះ គឺជាជនស៊ីវិលក្លែងបន្លំ ពុំមែន​ជា​សមត្ថកិច្ចចំណុះអធិការខណ្ឌច្បារអំពៅនោះឡើយ ។ បច្ចុប្បន្ននេះ កម្លាំងនគរបាល កំពុងស្រាវជ្រាវបន្តតាមជំនាញតាមចាប់ខ្លួន ​ជនក្លែងបន្លំជានគរបាល ទៅធ្វើសកម្មភាពខុសច្បាប់ បង្កប៉ះពាល់កិត្តិយសនគរបាលជាតិ ដើម្បីយកមកផ្តន្ទាទោសទៅ​តាមផ្លូវច្បាប់ ៕ តារាវុទ្ធី

អាជ្ញាធរខណ្ឌចំការមន ឃាត់ខ្លួនយុវជន៦៧នាក់ និងម៉ូតូជាង ៣០គ្រឿង អប់រំណែនាំ កុំឱ្យមានការប្រមូលផ្តុំ

2025/09/07 08:36:25 am        217
Facebook Telegram Linkin
ភ្នំពេញ៖ កម្លាំងគណះបញ្ជាការឯកភាពខណ្ឌចំការមនបានឃាត់អប់រំណែនាំ យុវជនមានចំនួន ៦៧នាក់ នឹង ម៉ូតូ៣៤គ្រឿង ដែលបានមកប្រមូលផ្តុំគ្នា ក្នុងតំបន់កោះពេជ្រ ។ ប្រតិបត្តិការនេះដែរ បានធ្វើឡើងកាលពីវេលាម៉ោង ១០ និង ២០នាទីយប់ថ្ងៃទី០៦ ខែកញ្ញា ឆ្នាំ២០២៥ នៅចំណុចក្នុងតំបន់កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ប្រភពពីមន្រ្តីជំនាញ បានឱ្យដឹងថា ការចុះមកឃាត់អប់រំនេះដែរ កម្លាំងគណៈបញ្ជាការឯកភាព ខណ្ឌចំការមន ចុះល្បាត ក្នុងមូលដ្ឋាន ដើម្បីថែរក្សាសន្តិសុខ សុវត្ថិភាពជូនបងប្អូនប្រជាពលរដ្ឋ ដែលមកដើរលេងកម្សាន្តចុងសប្តាហ៍ ។ ខណៈកម្លាំងកំពុងល្បាត ក៏បានប្រទះឃើញ​មានយុវជនចំនួន ៦៧នាក់ នឹងម៉ូតូ ៣៤គ្រឿង បានមកអង្គុយប្រមូលផ្តុំគ្នា ធ្វើអោយបាត់បង់សណ្តាប់ធ្នាប់សាធារណៈ ។ ភ្លាមៗ សមត្ថកិច្ច បានស្ទាក់ឃាត់ក្រុមទាំងនោះ សួរនាំ ធានាការពារក្រែងមានហេតុការណ៍ណាមួយកើតឡើង ជាយថាហេតុ ។ក្រោយពេលធ្វើការណែនាំអប់រំរួចរាល់ ​សមត្ថកិច្ចបានអោយត្រឡប់ទៅផ្ទះវិញ មិនអោយប្រមូល​ផ្តុំបន្តនោះឡើយ ប្រសិនជាមានលើកក្រោយមិនរាងចាល សមត្ថកិច្ចអនុវត្តន៍តាមនីតិវិធី ៕ អត្ថបទ ៖ កុម្ភៈ

បណ្ដាញសង្គម

ព័ត៌មានថ្មីៗ

មេដឹកនាំអូស្រ្តាលី និងសិង្ហបុរី សន្យាជំរុញទំនាក់ទំនងថាមពល ដើម្បីធានាការផ្គត់ផ្គង់សកល
04/10/2026 09:04 PM
Facebook Telegram Linkin
EU អំពាវនាវឲ្យបញ្ឈប់ការវាយប្រហារជាបន្ទាន់ នៅលីបង់ និងជំរុញឲ្យការការពារជនស៊ីវិល
04/10/2026 08:04 PM
Facebook Telegram Linkin
វិមានក្រឹមឡាំង៖ ទស្សនកិច្ចដោយប្រេសិត នៅអាមេរិក មិនមានន័យថា ការចរចាអ៊ុយក្រែន ចាប់ផ្តើមវិញឡើយ
04/10/2026 08:04 PM
Facebook Telegram Linkin
អ៊ីស្រាអែលគំរាមវាយប្រហាររថយន្តសង្គ្រោះបន្ទាន់ នៅលីបង់ ដោយចោទថា ត្រូវបានក្រុមហេសបូឡាប្រើប្រាស់
04/10/2026 08:04 PM
Facebook Telegram Linkin
អនុប្រធានាធិបតីសហរដ្ឋអាមេរិកនិយាយថា លោករំពឹងថាជំនួបអ៊ីរ៉ង់នឹងវិជ្ជមាន
04/10/2026 08:04 PM
Facebook Telegram Linkin
ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់
04/10/2026 07:04 PM
Facebook Telegram Linkin
អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ
04/10/2026 07:04 PM
Facebook Telegram Linkin
សាធារណជនកោះតៃវ៉ាន់មានការបែងចែកចំពោះដំណើរទស្សនកិច្ចរបស់មេដឹកនាំប្រឆាំងទៅកាន់ចិនដីគោក
04/10/2026 07:04 PM
Facebook Telegram Linkin
លោក Macron ចង់បញ្ចុះបញ្ចូលលោក Trump នៅ G7 ដោយការអញ្ជើញក្រោយកិច្ចប្រជុំកំពូលឲ្យទៅវិមាន Versailles
04/10/2026 07:04 PM
Facebook Telegram Linkin
ការវាយប្រហារយានដ្រូនរុស្ស៊ីបណ្តាលឲ្យកើតមានអគ្គិភ័យនៅតំបន់ Odesa របស់អ៊ុយក្រែន
04/10/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.